Y n’t ferline

De Wytmarsumer merke is wer oansteande, mar hoe ferrûn dy yn 1923.

De Ljouwerter Krante skriuwt yn syn ferslach dat de jierlikse grutte keatspartij yn de Hertenkamp, dêr ‘t 9 partoeren oan meidiene, begeunstige waard troch in prachtich simmers waar en waard bywenne troch in talryk publyk. It grutste ferslach fan de partij stiet frjemdernôch net yn in Fryske krante mar yn de Telegraaf. Dy hat it benammen oer it partoer 2, besteande út de Wytmarsumers Sijtze Kooistra en Catrinus Werkhoven mei de Snitser hynsteslachter Andre Rienstra. Net dat de manlju gjin namme hiene yn it keatsen, mar hjir gie it benammen om de âldens. Benammen Sijtze Kooistra, dizze wie de 42 al passearre en Catrinus Werkhoven waard hast 39 jier. Andre Rienstra wie de jongste fan it stel en wie noch mar 27 jier. Allinnich tsjin de lettere priiswinners koene sy it net hâlde en ferlearen se mei 6 -2 en 6 -6. De partij om priis en preemje, wie in tige spannende striid. Hjir wurdt noch wol de opmerking makke dat Taede Zijlstra, dy ‘t as achterynse spile, wol de swakste skeakel wie. De earste priis wurdt dan ek wûn troch it partoer fan Ids Roukema, Harns, Klaas de Jager, Harns en Michiel Miedema fan Frjentsjer mei 3 -5 en 4 -6 doe ‘t de Jager de keats passearre. De twadde priis wie foar Taede Zijlstra, Jan Annes Reitsma en Ids Roukema fan Wommels en de tredde priis foar Werkhoven, Kooistra en Rienstra. Op moandei 6 augustus wurdt de grute jongeskeatspartij fan 13 oant en mei 16 jier ûnder lieding fan de permaninte kommisje hâlden. It binne 24 partoer, Holwert wûn de earste priis, Boalsert de twadde en Wommels waard tredde.

Op tiisdei 7 augustus wurdt de ledepartij ferkeatst, al de prizen binne húshâldlike foarwerpen. Wa ‘t hjir de útslaggen fan witte wol kin it neilêze yn “ Yn ‘e krânse “.

Minsken as jimme no ek mei sa wat sitte, lit it ús dan efkes witte.

Evert Zwier Verlengde Oostend 17 8748AP (532147), Geertje

Verhoeve (531392), Titia Banga (531572) of Wietske Sierkstra (532047) e-mail: evertzwier@outlook.com

Artiesten Matinee foarstelling