Verena Blum-Bruni: ‹Huufyse mit Gomfi›

Kennen Sie den Duft der früheren ‹Chocolat Tobler› in der Länggyge? Als gebürtiger Länggassler war ich auf die Erzählungen von Verena Blum-Bruni besonders gespannt. Ich wurde nicht enttäuscht! Hat man einmal mit Lesen begonnen, kann man kaum noch aufhören.

Alec von Graffenried, Stadtpräsident von Bern

Huufyse mit Gomfi Verena Blum-Bruni

Foto: Tamara Ulrich

Verena Blum-Bruni Geb. 1948 in der Länggasse, aufgewachsen in Bern und Köniz. Sie war ursprünglich Primarlehrerin, studierte später Geschichte an der Universität Bern und wurde ­Sekundarlehrerin. Lehrtätigkeit im Berner Oberland und Arbeit am Staatsarchiv Bern bis zur Pensionierung.

Bisherige Publika­tion u. a.: ‹Das gestrandete Schiff› (2013). ‹Huufyse mit Gomfi› ist ihr Debüt bei Zyt­glogge. Die Autorin lebt in Liebefeld, Köniz.

In ungekünsteltem, träfem Stadtberndeutsch nimmt uns Verena Blum-Bruni mit an die Länggassstrasse 74, wo ihre Grosseltern Frieda und Walter vor vielen Jahren genügsam, aber zufrieden lebten. ‹Huufyse mit Gomfi› ist aber mehr als ein Buch mit liebevoll geschilderten unterhaltsamen Familiengeschichten. Es ist auch ein sorgfältig recherchiertes Stadtberner Zeitdokument: Ein Geschichten- und Geschichtsbuch, das Jüngere zum Staunen bringen und Älteren manch schmunzelndes «Weisch no?» entlocken dürfte.

Walter Däpp, Autor

Verena Blum-Bruni

Huufyse mit Gomfi

Das stattliche Mehrfamilienhaus an der Länggassstrasse 74 in Bern ist ein Zeitzeuge seiner Epoche. 1930 finden Frieda und Walter hier ihr eigenes Daheim. Von ihrer Wohnung im vierten Stock aus schauen sie 50 Jahre lang auf das Quartier. Sie erleben mit, wie sich die Arbeitersiedlung nach dem Zweiten Weltkrieg grund­legend wandelt.

Die berndeutschen Erzählungen Verena Blums geben erstaunliche Einblicke in die Lebenswelt ihrer Grosseltern und in die Stadt­ geschichte. Unterhaltsam erzählt die Autorin von einer Zeit, als durch die Länggasse noch der Duft der ‹Chocolat Tobler› strömte, Herren auf der offenen Plattform im Tram rauchten und man auf dem Balkon Hasen für den Sonntagsbraten hielt.

Gschichte us der Länggass

UG_Blum_Huufyse mit Gonfi.indd 1,3-5

06.09.19 18:35

VERENA BLUM-BRUNI HUUFYSE MIT GOMFI

IH_Blum_Huufyse mit Gonfi.indd 1

09.09.19 14:58

Die Autorin und der Verlag danken herzlich für die Unterstützung:

Der Zytglogge Verlag wird vom Bundesamt für Kultur mit einem Strukturbeitrag für die Jahre 2016–2020 unterstützt.

®

MIX Papier aus verantwortungsvollen Quellen

www.fsc.org

FSC® C083411

© 2019 Zytglogge Verlag Alle Rechte vorbehalten Lektorat: Angelia Schwaller Korrektorat: Jakob Salzmann Coverbild: Burgerbibliothek Bern, Sammlung Hans-Ulrich Suter 1141 Layout/Satz: Melanie Beugger Druck: CPI books GmbH, Leck ISBN: 978-3-7296-5030-5 www.zytglogge.ch

IH_Blum_Huufyse mit Gonfi.indd 2

09.09.19 14:58

Verena Blum-Bruni

Huufyse mit Gomfi Gschichte us der Länggass

IH_Blum_Huufyse mit Gonfi.indd 3

09.09.19 14:58

IH_Blum_Huufyse mit Gonfi.indd 4

09.09.19 14:58

Für Gertrud

IH_Blum_Huufyse mit Gonfi.indd 5

09.09.19 14:58

IH_Blum_Huufyse mit Gonfi.indd 6

09.09.19 14:58

Inhalt

Vorwort . . . . . . . . . . . . . . . . . . . . . . . . . . . . . . . . . . . . . . . . . . . . . . . . 9 Toblerone u Tram . . . . . . . . . . . . . . . . . . . . . . . . . . . . . . . . . . . . 13 Sunne u Schiggane . . . . . . . . . . . . . . . . . . . . . . . . . . . . . . . . . . . 21 Wohlesee u Wurmbüchse . . . . . . . . . . . . . . . . . . . . . . . . . . . 27 Schaggettchleider u Schabe . . . . . . . . . . . . . . . . . . . . . . . . . 37 Krach u Kicker . . . . . . . . . . . . . . . . . . . . . . . . . . . . . . . . . . . . . . . . 51 Radio u Rückzug . . . . . . . . . . . . . . . . . . . . . . . . . . . . . . . . . . . . . 63 Pladi u Predigt . . . . . . . . . . . . . . . . . . . . . . . . . . . . . . . . . . . . . . . . 75 Caracho u Caracciola . . . . . . . . . . . . . . . . . . . . . . . . . . . . . . . . 89 Granium u Gsüchti

. . . . . . . . . . . . . . . . . . . . . . . . . . . . . . . . . .

101

Drachefueter u Dreigestirn . . . . . . . . . . . . . . . . . . . . . . . . . 119 Bletterteig u Bärner Platte . . . . . . . . . . . . . . . . . . . . . . . . . . 127 Änderige u Ändstation . . . . . . . . . . . . . . . . . . . . . . . . . . . . . . 135 Familierezäpt für ne bravi Bärner Züpfe

. . . . . . . . .

147

Bildnachweise . . . . . . . . . . . . . . . . . . . . . . . . . . . . . . . . . . . . . . . . . 149

IH_Blum_Huufyse mit Gonfi.indd 7

09.09.19 14:58

IH_Blum_Huufyse mit Gonfi.indd 8

09.09.19 14:58

Vorwort

Das stattleche, graue Mehrfamiliehuus mit em mäch­ tige Walmdach a der Länggassstrass 74, am Egge zur Hochfäudstrass, treit es wichtigs Stück Gschicht i sich.

Es het der Ufbruch i nes nöis Zytauter u d Verstedterig hutnaach mitübercho u gseh, wi sech d Läbeswäute vo üsne Vorfahre gründlech veränderet hei.

Das graue Huus spieglet di nöiji Wohnform mit Mehrfamiliehüser am Aafang vom 20. Jahrhundert i der Stadt u isch drum e wichtige Zytzüge. Glych­ zytig zeigts o ydrücklech d Gschicht vo der Migration us Italie. D Länggassstrass 74 isch nämlech 1930–32 bboue worde vo dreine Brüeder, em Zaverio, Egidio u Enrico de Maddalena. Di drei sy wi tuusigi angeri Boulüt us Italie i d Schwyz cho, wo me se dringend bruucht het. I üsne rasch wachsende Stedt hets e Huuffe Arbeit ggä für gschickti Handwärker us em Süde.

Wüu ds Huus säuber nid cha rede u verzeue, was äs erläbt het, häbe mir üs a myner Lüt, wo füfzg Jahr dert inne gläbt hei: d Grosseutere vo Mueters Syte, d Frieda, der Walter u ihri Familie. Im vierte Stock rächts obe, we me dervor steit, isch ihri Wohnig gläge. Jedes Mau, wenn i hüt ds Vieresibezgi gseh, chöme mir di zwöi i Sinn.

9

IH_Blum_Huufyse mit Gonfi.indd 9

09.09.19 14:58

Wi söu i myner Grosseutere beschrybe? Dass d Frieda blaui Ouge het u Huuffe fyni Runzele u dass der Walter e dunkle Schnouz treit u kruslets Haar? E serigi Auer­ wäutsbeschrybig tougt gar nüüt, das ergit kes Biud, ke Heuge, wi si würde säge. Drum brichten i lieber Er­ läbnis u Gschichte, so dass me en Ydruck überchunnt vor vergangene Zyt, wo d Bewohner i däm Huus erläbt hei.

No ei Vorbemerkig: Ds Vieresibezgi dünkt mi bis hüt eis vo de wichtigschte Hüser ir Länggass wäge dene zwöine, wüu si sy di beschte Grosseutere gsy zwüsche Hingerchappele u Heiteried. Das Huus isch ds Funda­ mänt vor Frieda u vom Walter, wo ihri Änkle uf ihrem Läbeswäg es Stück wyt hei begleitet u ne mit Verständ­ nis u Humor Yblicke ggä i ihri Wäut, wo hüt scho fasch vergässe isch.

Verena Blum-Bruni

10

IH_Blum_Huufyse mit Gonfi.indd 10

09.09.19 14:58

IH_Blum_Huufyse mit Gonfi.indd 11

09.09.19 14:58

IH_Blum_Huufyse mit Gonfi.indd 12

09.09.19 14:58

Toblerone u Tram

Für ds Läbe vo myne Grosseutere ir Länggass am Aa­ fang vom 20. Jahrhundert z verstah, mues me zrügg luege i d Gschicht vor Stadt ir Aareschleife. Jahrhun­ derti lang hei vor Undertorbrügg bis zum Christoffel­ turm linggs u rächts Hüser mit Loube der Bsuecher begleitet, di meischte Geböid mit graugäubem StockereSandstei us Ostermundige verchleidet. Bärn, di bhäbigi Stadt mit Rathuus u Münschter, het sit em Mittuauter geng fasch glych usgseh.

Aber am Änd vom 19. Jahrhundert u aafangs vom 20. geit d Poscht ab: Di gmüetlechi Mutzestadt ver­ wandlet sech i churzer Zyt i ne rouchnende Hotspot.

Fertig mit em gmüetleche ‹Trämträm trärädidi›, itz wird gjuflet. Wiso das nöie unbärnische Tempo?

Im 19. Jahrhundert setzt in Europa e Bevöukerigs­ explosion y, wi me se no nie het erläbt. D Mönsche sy dank em Härdöpfu besser ernährt u widerstandsfähi­ ger, d Hygiene macht Fortschritte, dank em Profässer Semmelweis geit ds berüchtigte Chindbettfieber zrügg u es git Impfige, öppe gäge d Pocke. Itz überläbe hüüf­ fig sächs oder meh Ching pro Familie, viu hungerigi Müüler bruuche Lohn u Brot zum Überläbe.

D Mönsche finge Arbeit i de nöie Induschtrie, wo sech usbreite wi aasteckendi Chrankheite. Ungwohneti 13

IH_Blum_Huufyse mit Gonfi.indd 13

09.09.19 14:58

Maschine tschädere u quietsche plötzlech, für d Bevöu­ kerig mit de nötige Güeter z versorge. Fabrigge entstöh ir Neechi vo der Stadt, wos Arbeitschreft git. U wes dert z wenig Händ het, reise nöierdings d Lüt mit der Centralbahn häre, wo vo Thun bis z Bärn i Chopf­ bahnhof yne ratteret. Di schnoubende Dampfungetüm überwinde Ruum u Zyt u transportiere d Mönsche rasch zu ihrer Arbeit. E Strom, wo nid abrysst. Adel­ bodner chöme desahi, Erizer hinger füre u Guggisbär­ ger nidsi. Überau lääre sech armi Gägende, wos wenig oder nüüt z verdiene git: Dä Sog heisst Landflucht oder Verstedterig.

Ungwohneti Geböid entstöh, längi roti Hochkamin stöh wi ufgstängleti Rüebli näbe riisige Fabrigghaue, unzähligi Redli bewege u drääje sech dert inne. Wäb­ maschine fabriziere meterwys gwautigi Mängine Bouele u Lyne. Di nöie Unghüür produziere i wenige Stunde so viu Gwäb u Garn wi früecher zäh Wäber oder Spinner a eim einzige Tag, ds Porzellan ersetzt ds handdrääjte Chacheligschiir us em Heimbärg u d Hobu­maschine u d Freese schaffe tifiger aus der Schry­ ner. Churz gseit, aues wird schnäuer, exakter u biuiger.

Lüt, wo kes Handwärk glehrt hei, chöi i der Fabrigg ihre Läbesungerhaut verdiene u sy nümm nume Tau­ ner, wo glägetlech bi de Puure dörfe ushäufe. D Fab­ rigg, o we d Arbeit monoton u lärmig isch, wird zum guudige Chaub vom Fortschritt. Unzähligi Manne u Froue finge z Bärn ihres Uskomme, öppe ir Tuechfab­ 14

IH_Blum_Huufyse mit Gonfi.indd 14

09.09.19 14:58

rigg ‹Schild› ir Matte bir Aare, ir Spinnerei u Wäberei ‹Felsenou› u ir Gurtebrauerei. Es git nöiji Branche wi d Schoggi-Induschtrie, wo ir Länggass feini Toblerone produziert. Chläberig süessi Melasse fliesst ir ‹Con­ serves Véron› i Büchse yne, ir Täfelifabrigg ‹Klameth› gits Schläckereie u ir vordere Länggass stöh Druckereie.

Es isch auso um nünzähundert wi we me e riisige Sack vou Lüt vom Land würd über der Stadt uslääre. Di Us­ gläärte plumpse i d Stadt, wo scho übervou isch, u es chöme geng no meh u dränge zu de nöie Arbeitsplätz.

Ds mittuauterliche Corset vor Stadt wird z äng, drum schlyft me d Befeschtigungsmuure im Bollwärk u macht drus e breiti Strass, u sogar der bhäbig Christof­ felturm mues wyche. Für d Umgäbig neecher a d Stadt z binde u der Aaregrabe z überquere, entstöh Brügge: Gly spanne sech Nydegg-, Chiuchefäud-, Chorn­huusu Ysebahnbrügg küehn über d Aare – wi Arme, wo sech gäg di nöie Quartier usstrecke, wo ir Umgäbig vor aute Stadt entstöh.

Di Zuechezogne bruuche es Dach über em Chopf, drum wachse d Überbouige unghüür schnäu. Zylewys Hüser wärde us em Bode usezoge wi ds Gjätt nach eme toue Räge: im Breiterain, um d Kasärne, gäge ds Mon­ bijou, ir Länggass, u chly fürnähmer, im Villequartier vom Chiuchefäud.

Es wird gschuflet u glochet, wi längi Grageeu strecke Houzgrüscht ihri Stachle i d Luft. Der Bode isch tüür, 15

IH_Blum_Huufyse mit Gonfi.indd 15

09.09.19 14:58

drum wachse di nöie Mehrfamiliehüser i d Höchi u lege sech wi ne Chranz um di auti Stadt. I dene Nöi­ boute hets Platz für Familie, wo meischtens e ganzi Tschuppele Ching mitbringe. Drum bruuchts o no nöiji Schuelhüser, sogenannti Biudigskasärne: Brunn­ matt, Viktoria, Munzinger, Laubegg u Spittelacher entstöh für d Jugend z schuele.

D Wasserchraft längt nümm für di vile nöie Grät u Maschine aaztribe, es bruucht zuesätzlechi Energie.

Es entsteit es Gaswärk im Marzili unger, wo riisigi Hüüffe mit schwarz-glänziger Steichole us ganz Europa i de chuguförmige Chessle zu Gas wärde. Das liferet der nötig Pfupf zum Heize u Choche u bringt di nöie Latärne ir Nacht zum Lüüchte, so dass d Strasse häuer u sicherer wärde.

Wüus geng meh Fabrigge u Betriibe git u ds Gas­ wärk ir Matte nümm längt, stouet me z Mühlibärg d Aare mit ere gwautige Muur: Der Wohlesee entsteit.

Turbine u Generatore verwandle d Wasserchraft i elektrischi Energie. Der Strom erlüüchtet di häue Lampe i de Wohnige. Die ersetze d Petrolpfunzle, wo trüeb flämmle. U di erschte Telefon fö aa z tschädere.

Di nöiji Wäut wird für jede sichtbar: Ds Dampftram ratteret dür d Stadtmitti u gly druuf gyxet ds elektrische Tram, ei Linie fahrt i d Länggass ufe. Di Tramwäge gseh uus wi bruuni Houztrucke uf Yseredli u vor u 16

IH_Blum_Huufyse mit Gonfi.indd 16

09.09.19 14:58

hinger am Wage hets je e Plattform, dert stöh di mue­ tige Passagiere u paffe.

D Fuehrwärch mit Ross u Wage überchöme Kon­ kurränz: Näb em Tram gits Velozipeds, o für mue­ tigi Dame mit elegante Hüet uf em Chopf, wo gschickt über ds Chopfsteipflaschter balanciere mit ihrne schwarze Drahtesle ohni Übersetzig u wo zum Brämse nume der Rücktritt hei. Natürlech gits nöi o Outo, z Bärn bout me sogar e eigeti Margge, nämlech ‹Berna-Automobile›. Die Gfährt sy nid z töde, mit ihrne Houzreder, ere Blattfäderig u mene lute Motor.

Es isch ungwanet, di Bänzingutsche ghöre z knattere u z schmöcke, wi si blaue Rouch hinger uselöö u fürchter­ lech stinke, we si der Aargauerstaude uuf schnopse.

Zu de Nöierige für di Erwachsene ghört ds Stadt­ theater am Chornhuusplatz, ds imposante Casino mit em Konzärtsaau u di erschte Cinémascopes. I dene cha me zur Live-Musig vom ne Klavierspiler bewegti Biuder bestuune, waggelegi schwarz-wyssi Stumm­ filme, wo d Schouspiler wi ufzogni Hampumanne dür d Biuder stogle.

Innerhaub vo knapp füfzg Jahr het auso der Bäremani syner Ermu hingere glitzt u Vougas ggä. Itz ghöre zum Stadtbiud Ysebahne, Velo, Houperitram, Outo u geng wider Bougrüscht.

Zmitts i dere Ufbruchstimmig nach nünzähundert touche myner Grosseutere vo Mueters Syte uf. Si sy zwee 17

IH_Blum_Huufyse mit Gonfi.indd 17

09.09.19 14:58

vo dene abertuusig Mönsche, wo vom Land här chöme.

Beidi sy ir letschte Dekade vom 19. Jahrhundert ge­ bore u stamme us der Umgäbig vor Stadt, d Gross­ mueter Frieda vo Illiswil u der Grossvatter Walter us em Gurtebüehl. Mit eim Fuess stöh di zwöi no uf em Land, mit em angere scho ir Stadt.

18

IH_Blum_Huufyse mit Gonfi.indd 18

09.09.19 14:58

IH_Blum_Huufyse mit Gonfi.indd 19

09.09.19 14:58