REGULAMENTO DE PARTICIPACIÓN CIDADÁ Preámbulo A institución municipal constitúe o órgano de administración máis próximo aos cidadáns e no que de xeito máis direito poden facerse efectivos os lexítimos dereitos destes a participar na toma de decisións sobre todos naqueles asuntos que afectan á comunidade municipal, así como a acceder en condicións de máxima transparencia ao coñecemento da xestión e das decisións que no seu nome adoptan os seus representantes. A Comunidade Autónoma de Galicia, nos artigos 251 e 257 do capítulo V, e artigos 69 a 72 do capítulo I da Lei 5/1997 de Administración Local de Galicia, e artigo 4.1.a. e capítulo 4º da Lei Reguladora de Bases de Réxime Local, establece que os concellos deben promover e desenvolver unha normativa que regule a participación cidadá co recoñecemento expreso dos dereitos dos cidadáns e das entidades que os aglutinan e nas que estas se organizan, sendo estas, nomeadamente, as asociacións veciñais, as entidades deportivas, culturais, xuvenís, sindicais, profesionais, empresariais, de sector, etc., as que representan, o elemento coordinador e vertebrador da colectividade. Conscientes de que ao través dos colectivos relacionados no parágrafo anterior se expresa de xeito inequívoco o sentir da comunidade, cómpre pois regulamentar e establecer as canles para que poidan facerse efectivos os seus lexítimos dereitos a intervir e participar na toma de decisións en todos aqueles asuntos que lles afectan, así como establecer os mecanismos que garantan o seu dereito á información, de xeito veraz, transparente e áxil, ás que as sociedades democráticas teñen dereito. O Concello de Ribadeo, sensíbel e consciente da importancia que a participación veciñal debe acadar para garantir as mellores condicións de transparencia, eficacia e de desenvolvemento da verdadeira democracia participativa, considera ineludible a súa obriga de favorecer as mellores condicións para que esto sexa posible e, en consecuencia, aproba o presente Regulamento de Participación Cidadá, como norma pola que se rexerán no futuro as relacións da institución municipal cos diversos colectivos veciñais do Concello de Ribadeo, aos que de xeito expreso recoñece como parte fundamental do entramado cidadá. TÍTULO PRELIMINAR.- Disposicións xerais Artigo 1º. O obxeto do presente regulamento é a ordenación das formas e procedementos de información e participación dos veciños e demais entidades cidadáns na xestión municipal, co fin de facer efectiva a participación cidadá e aproximar a administración local ós cidadáns. Todo elo dacordo co establecido nos artigos 1, 4.1.a), 18, 24, e do 69 ao 72 da Lei 7/1985, do 2 de abril, reguladora das bases de réxime local, e 251 a 257 da Lei de administración local de Galicia. Artigo 2º. Son principios básicos a acadar polo Concello a través deste regulamento os seguintes: a) Facilitar aos veciños a máis ampla información sobre as suas actividades, obras e servicios. b) Facilitar e promover a participación veciñal na xestión veciñal. c) Facer efectivos os dereitos dos veciños recollidos no artigo 18 da Lei reguladora das bases de réxime local. d) Fomentar a vida asociativa no Concello e) Achegar a xestión municipal aos vecinos
f) Informar aos veciños dos grandes temas municipais, como o orzamento anual, os planes urbanísticos, a creación ou modificación das ordenanzas municipais, os planes sectoriais ou de saude e outros que o concello considere oportunos ou que sexan solicitados polas asociacións. Artigo 2º. 1. O ámbito de aplicación da presente normativa esténdese a todos os veciños residentes neste concello, asi como ás asociacións e entidades veciñais inscritas no Rexistro Municipal de Asociacións e Entidades Cidadáns. 2. Será de aplicación, asimesmo, en materia de información, a aqueles cidadáns ou asociacións non incluidas no apartado anterior que razoadamente formulen as súas peticións. TÍTULO Iº.- Información municipal. Artigo 3º. O Concello garantea aos viciños o dereito a información sobre a xestión e servicios municipais a través dos medios habituais, de acordo coas disposicións legais vixentes, coas únicas limitacións previstas no artigo 105, b, da Constitución. Artigo 4º. As normas, acordos e demais actuacións municipais serán divulgadas de forma que poidan ser coñecidas de xeito doado e entendidas polos cidadans. Artigo 5º. Os particulares e asociacións ou entidades veciñais poderán utilizar o idioma galego ou castelán na súa relación coa corporación municipal. Artigo 6º. As asociacións e entidades veciñais terán dereito a seren informadas das convocatorias e orden do día dos plenos cunha antelación de cinco días, previa solicitude. Terán asemade, previa solicitude, dereito a seren informadas por escrito dos acordos do Pleno e da Comisión de Goberno, así como das resolucións da Alcaldía, nun plazo máximo de quince días hábiles. Artigo 7º. Todos os veciños do Concello teñen dereito a: a) Coñecer, en calquer momento da súa tramitación, o estado no que se atopa un procedemento no que teñan a condición de interesados e obter copias dos documentos contidos neles. b) Identificar ás persoas ao servicio da corporación local que teñan baixo a sua responsabilidade a tramitación dos procedementos que os afecten. c) Formular alegacións e proporcionar documentos en calquera fase do procedemento no que teñan a condición de interesados, anterior ao trámite de audiencia. Estas alegacións ou documentos deberán ser tidos en conta polo órgano competente ao redactar a proposta de resolución. E en caso de ser rexeitados, deberase fundamentar técnica ou xuridicamente este feito. d) Obter información e orientación no tocante aos requisitos xurídicos ou técnicos que as disposicións vixentes lles impoñan aos proxectos, actuacións ou solicitudes que se propoñan realizar. e) Acceder aos rexistros e arquivos das corporacións locais nos termos previstos na Constitución e na legislación vixente. f) Ser tratados con respeto e deferencia polas autoridades e funcionarios, que lles facilitarán o ejercicio dos seus dereitos e o cumprimento das suas obrigas.
g) Obter copias e certificados acreditativos dos acordos da Corporación local e os seus antecedentes. h) Exigir responsabilidades da Corporación local e presentar queixas ou suxerencias por escrito e obter resposta autorizada e fundamentada das mesmas. i) Presentar queixas ou suxestións por escrito e obter resposta autorizada e fundamentada das mesmas. TÍTULO IIº.- Colaboración cidadá. Artigo 8º. 1. As asociacións e entidades veciñais poderán establecer convenios de colaboración co Concello para a execución de determinadas actividades de interese público, para cuxo fin poderán aportar medios económicos, bens, dereitos e traballo persoal. 2. Asemade, calquera persoa ou grupo de personas físicas ou xurídicas poderán plantexar unha iniciativa de colaboración. 3. Recibida a iniciativa de de colaboración polo correspondente órgano municipal, será sometida a informe do departamento competente nun prazo non superior a 15 días. Artigo 9º. Para a decisión sobre as colaboracións propostas terase en conta: 1. Segudo o importe orzamental proposto, a resolución da iniciativa corresponderá aos seguintes órganos: . Ata 20.000 euros: Alcalde ou Concellal Delegado . De 20.001 a 50.000 euros: Comisión de Goberno . De 50.001 euros en adiante: Pleno do Concello. 2. A decisión atenderá, principalmente, ó interese público ó que se dirixe e ás aportacións das asociacións. TÍTULO IIIº.- Participación nos órganos municipais. Artigo 10º. As entidades veciñais, asociacións e colectivos cidadáns poderán realizar calquera tipo de proposta que estea relacionada con temas que afecten ao seu núcleo de poboación, á súa competencia sectorial ou sexan de interese xeral. Estas propostas terán que ser presentadas por escrito para que sexan tramitadas e resoltas polos órganos competentes. Artigo 12º. As entidades veciñais, asociacións e colectivos cidadáns que cumpran os requisitos fixados por este regulamento, poderán intervir nas Comisións Informativas a través dos seus representantes, nas mesmas condicións ca no Pleno da Corporación, cando na orde do día figuren asuntos que afecten a estes colectivos e co obxeto de poder expoñer o seu parecer nalgún tema concreto que afecte a defensa dos intereses xerais ou sectoriais dos veciños, solicitando previamente da alcaldía, e especificando a representación do colectivo a intervir. A tal extremo será de aplicación o previsto no artigo seguinte. Artigo 13º. 1. Cando algunha das asociacións ou entidades ás que se refire o artigo 8, desexe efectuar unha exposición perante o Pleno en relación con algún punto da orde do día no que interveña como interesado ou por delegación na tramitación administrativa, poderá expoñer o seu parecer, a través dun único representante, con anterioridade á lectura, debate e votación da proposta incluída na orde do día.
2. Para os efectos anteriores, a solicitude dirixida ao alcalde deberá presentarse no Rexistro municipal cando menos con dous días hábiles de antelación á celebración do Pleno, debendo constar nela unha sucinta motivación do pedimento así como os datos da persoa que, de ser autorizada, realizaría a exposición. 3. A Alcaldía, transmitindo o acordo da xunta dos voceiros municipais, autorizará ou denegará o solicitado. De ser concedida, a exposición realizarase nunha única intervención, ao inicio da sesión plenaria, nun tempo que, en función do asunto a tratar, fixará previamente o Alcalde e que, en ningún caso será inferior aos cinco minutos. En cada Pleno haberá un máximo de dúas intervencións. Artigo 14º. 1. As asociacións veciñais e demais entidades locais poderán dirixir preguntas o Pleno sobre temas concretos de interés municipal que serán contestadas polos concellais afectados unha vez finalizada a sesión do pleno. Se se trata dunha consulta de carácter informativo deberá ser contestada por escrito nun prazo de 15 días, sin perxuicio de que se poida dar unha desposta inmediata. 2. A este fin as preguntas deberán ser presentadas por escrito no rexistro municipal cunha antelación de 5 días. Artigo 15º. O Concello promoverá as condicións axeitadas para que os diversos colectivos cidadáns poidan participar activamente na elaboración dos ornamentos municipais en materias que sexan do seu especial interese ou obedezan a criterios de especial interese social. TÍTULO IVº.- A Mesa de asociacións Artígo 16º. Co fin de desenvolver os obxetivos de participación constituirase a Mesa de asociacións, que estará integrada polos seguintes membros: Presidente: o alcalde ou quen legalmente o sustitua Secretario: o vocal máis xoven Vocais: Un representante de cada unha das asociacións e colectivos cidadáns incluidos no Rexistro municipal que o soliciten. Artigo 17º. A Mesa de asociacións reunirase, ordinariamente, previa citación feita polo alcalde, unha vez por semestre, e, con carácter extraordinario, por convocatoria do seu presidente ou cando así o solicite unha cuarta parte dos seus membros. Artigo 18º. Son funcións da Mesa de asociacións: a) Recibir do alcalde información sobor da xestión municipal b) Propoñerlle o alcalde fórmulas encamiñadas a resolver problemas da xestión municipal, funcionamento dos servicios e organismos públicos municipais. c) Presentar iniciativas, propostas e suxestións ao Concello para ser discutivas nas comisións informativas municipais correspondentes. TÍTULO IVº.- Rexistro municipal de asociacións Artigo 19º. 1.-Os dereitos recoñecidos ás asociacións e colectivos cidadáns para a defensa dos intereses xerais ou sectoriais dos veciños/as, só serán exercitables por aquelas que se atopen inscritas no Rexistro Municipal de Asociacións.
2.-O rexistro ten por obxecto permitir ao Concello coñecer o número de entidades existentes no municipio, os seus fins e a súa representatividade, para posibilitar unha correcta política municipal de fomento do asociacionismo veciñal. 3.-Poderán solicitar e obter a inscrición no Rexistro Municipal de Asociacións todas aquelas entidades legalmente constituídas, de funcionamento democrático e sen ánimo de lucro, de carácter social, deportivo, veciñal, da muller, persoas maiores, xuventude, etc., con domicilio social dentro do municipio de Foz e que neste ámbito xeográfico desenvolvan as súas actividades, que consistirán fundamentalmente na defensa, fomento e mellora dos intereses xerais ou sectoriais dos veciños/as. Artigo 20º. 1.-A solicitude de inscrición presentarase nas oficinas do Concello. 2.-O Rexistro levarase na Secretaría Xeral da Corporación, a través da oficina de información e os seus datos serán públicos. As inscricións serán realizadas polas asociacións interesadas, que terán que presentar os seguintes datos. a) Acta da asemblea constituínte da asociación. b) Estatutos da asociación. c) Número de inscrición no Rexistro Xeral de Asociacións e noutros rexistros públicos. d) Nome e apelidos das persoas que ocupen os cargos directivos. e) Enderezo social. Artigo 21º. 1.-No prazo de quince días desde a solicitude de inscrición, e agás que se teña que interromper para presentar documentación non incluída inicialmente, o Concello notificará á asociación o seu número de inscrición e, a partir dese momento, considerarase de alta para todos os efectos. 2.-As asociacións e colectivos cidadáns inscritos están obrigados a manter os seus datos ao día, notificando cantas modificacións se produzan no prazo máximo dun mes.. TÍTULO Vº.- Utilización de medios públicos e subvencións municipais Artigo 22º. 1. O Concello facilitará ás asociacións, dentro das suas posibilidades, o acceso o uso dos locais municipais. As asociacións serán responsables do trato dado ás instalacións. 2. A cesión do uso de locais municipais ás asociacións atenderá a criterios de representatividade, interese ou utilidade pública e recursos propios. Se atenderán preferentemente as peticións de cesións de colectivos de asociacións. Artigo 23º. 1. O Concello, previa a súa solicitude, poderá subvencionar económicamente as actuacións das asociacións e entidades veciñais dirixidas a defensa dos intereses xerais ou sectoriais dos veciños, na medida que llo permitan os recursos municipais, atendendo a criterios de representatividade e interés público dos seus fins. 2. A tal fin deberán adxuntar a súa solicitude a seguinte documentación: a) Descripción das actividades para as que solicita as axudas, con indicación dos obxetivos e destinatiarios b) Presuposto anual de ingresos e gastos para a realización das súas actividades. c) Memoria das actividades do ano anterior
d) Justificación do emprego das subvencións concedidas polo Concello no ano anterior, si é o caso. e) Certificación das subvencións recibidas de outras administracións públicas ou entidades privadas. Artículo 24º. 1. As entidades cidadáns ás que se concedan subvencións deberán justificar a súa utilización. 2. A falta de xustificación implicará a devolución á Facenda Municipal das cantidades recibidas e non xustificadas. Disposicións transitorias 1.- Coa finalidade de actualizar os datos contidos no Rexistro Municipal de Asociacións, estas deberán remitir ao concello a información que lles será requirida, nun prazo máximo de dous meses a partir da entrada en vigor do presente Regulamento. 2.- Para obter o dereito a formar parte do Consello de Relacións Veciñais, será necesario ter actualizada a información á que se fai referencia no parágrafo anterior, e que consistirá na actualización dos datos básicos que permitan a súa identificación, a da súa actividade e, en xeral, a requirida para á súa inscrición no Rexistro Municipal de Asociacións. 3.- Poderán incorporarse ao Consello de Relacións Veciñais, con posterioridade á súa constitución, aquelas asociacións de nova inscrición que o soliciten por escrito, así como aquelas que tendo dereito no momento da súa constitución optaran por non facelo, sempre que cumpran as esixencias establecidas no presente Regulamento. 4.- O Consello de Relacións Veciñais constituirase no prazo máximo de tres meses a partir da entrada en vigor do presente Regulamento. Disposición final. Este regulamento entrará en vigor coa publicación completa no Boletín Oficial da Provincia, e tramitarase de acordo co procedemento establecido no artigo 49 da Lei 7/1985, do 2 de abril, reguladora das bases do réxime local. Ribadeo, a ........................ de ..................................... do ano 200 ...