Ruške lii pivnohis äigi eelliđ Suáluičielgist
Eellim
Suáluičielgist Tuoddârist ij lah kuittâg nuorbâs, aainâskin pivnohumos pálgái ulguubeln. Mun liijká-uv tubdâstâm, ete lijkkuum toos, ko vyesi- já roovvâdmáánust sijdâ lii váhá ääigi masa ävđin.
Tekstâ já koveh: Nanna Rytkönen
Mun jiem oskom, ete mun makkuuččim Suáluičielgist. Liijkás ennuv turisteh, mun smiettim, ušom eellim tobbeen lii meendu rávhuttem munjin. “Na mut tobbeenhân láá šiev čuoigâmlätteeh”, eeđâi kiinii. “Mun kal čuoigâm kost mun halijdâm, jiem mun taarbâš lätteid”, mun västidim. Lijjim kuittâg uuccâm aassâmviäsu jo nuuvt kuhháá, ete must iä lamaš ennuv muulsâiävtuh. Tääl mun lam aassâm Suáluičielgist kyehti ive, ige eellim lah ollágin nuuvt rávhuttem ko mast mun poollim. Tiäđust-uv čohčuv ruške ääigi, juovlâi já kiđđâtäälvi ääigi jyehi saje lii tievâ ulmuin. Eromâšávt tääl koronaääigi meiddei keesi lâi hoppuu, ko syemmilâš mađhâšeijeeh pottii stuorrâ juávkkun Sáámán. Tuoddârist ij lah kuittâg nuorbâs, aainâskin pivnohumos pálgái ulguubeln. Mun liijká-uv tubdâstâm, ete lijkkuum toos, ko vyesi- já roovvâdmáánust sijdâ lii váhá ääigi masa ävđin.
14
Sareh šaddeh styeresin tuoddârist
