LOOSTŠ
ALMOTTÂSAH Čällee: Fabrizio Brecciaroli
AKS kirjetoimâ Seervist láá tääl almostum kyehti Timo Parvela kirje: Ella já skipáreh 1 já Ella já skipáreh 2. Sämikielân taid lii jurgâlâm Henna Tervaniemi. Taid puáhtá jo tiiláđ seervist já luuhâđ. Puátimin lii meid Márjá-Liisá Olthuis jieijâs sci-fi roomaan “Masa jo Mánudáást”, mon algâalgâlâš kielâ lii anarâškielâ. Kirje lii tääl tuáijimmuddoost, já AKS kiergâniš almostittiđ tom vala taan ive peln. Talle puáttee ive aalgâst almostuveh Jeff Kinney särjikoveromaneh Čuovâuáivi peivikirje 2 já Čuovâuáivi peivikirje 3, maid Fabrizio Brecciaroli lii jurgâlâm anarâškielân. AKS lii uástám vuoigâdvuođâid Abrams Booksist Ovtâstum Staatâin, já kirjeh láá jo moonnâm tuájimân. Puáttee ive aalgâst almostuvá meiddei Katarina von Bredow kirje Liijkás stuorrâ rähisvuotâ, mon lii jurgâlâm Sáárá Seipiharju. AKS lii eidu finnim love kuástidiđ kirje anarâškielân ruátálii kuástideijest, mii oomâst ton vuoigâdvuođâid. AKS viggá finniđ kirjij almostittem juátkojeijee toimân, nuuvt ete muáddi uđđâ kirje almostuuččii ain jyehi ive. Ličij pyeri kuullâđ tast, maid nuorah mielâstis luvâččii sämikielân. Jis tist láá iävtuttâsah, te väldiđ peri ohtâvuođâ AKS mediapargei čujottâsân fabrizio.brecciaroli@gmail.com. Kove: Anarâškielâ servi ry
Mii kulloo anarâškielâlii Wikipedian? Skammâmáánu aalgâst anarâškielâlii Wikipediast (smn.wikipedia.org) lijjii aldasáid 3 700 artikkâlid já meeri lassaan ubâ ääigi. Uđđâ artikkâleh čállojeh mánuppaajeest ucemustáá čyeđe verd. Artikkâlij meeri lâi 2 929 vyesimáánu loopâst, 3 055 kesimáánu loopâst, 3 161 syeinimáánu loopâst, 3 463 porgemáánu loopâst, 3 560 čohčâmáánu loopâst já 3 683 roovvâdmáánu loopâst. Anarâškielâlâš Wikipedia lii tääl maailmist 212. stuárráámus Wikipedia, veikkâ kielâi listo sárnoimere mield tot lii suulân saajeest 4 500. Maailm 212. stuárráámus kielâ vuod lii Pakistan brahuikielâ, mast láá suulân 1,7 miljovn sárnod. Taan vuáđuld lii kal čielgâs, et anarâškielâ kielâsiärvádâh lii äŋgiruššâm Wikipediain. Majemui aaigij láá šoddâm ennuv artikkâleh, moiguin Aanaar škovlâ máttáátteijeeh já uáppeeh puávtáččii ávhástâllâđ. Fáállun láá tääl ovdâmerkkân ennuv artikkâleh ellein, eromâšávt Suomâst já Säämist tiättojeijee ellein. Ton lasseen láá meid uáli informatiivliih artikkâleh kemiast (el. algâamnâsijn) já Kove: smn.wikipedia.org
fysikist sehe jieškote-uvlágáneh artikkâleh historjást.
5
