4 minute read
Qarjuit Youth Council
ᐃᓅᓱᑦᑐᑦ ᐃᓱᒪᒋᔭᖏᑦ ᒐᕙᒪᓕᕆᓂᕐᒧᑦ
ᐃᓕᓴᐱ ᓚᒧᐊᕆᔪ ᑎᑎᕋᖅᑕᖓ ᓄᓇᕕᒻᒥ, 32 ᐳᓴᓐᑎ ᐃᓄᐃᑦ ᐃᓄᒋᐊᕐᓂᖏᑦ ᐅᑭᐅᖃᖅᑐᑦ ᐊᑯᓐᓂᖏᓐᓂᒃ 15 ᐊᒻᒪᓗ 34 ᐊᕐᕌᒍᓕᓐᓂᒃ. ᐊᑯᓐᓂᖅᓱᖅᑐᒥᑦ ᐊᕐᕌᒍᖃᖅᑐᑦ 21-ᓂᒃ ᑕᑯᖃᓯᐅᑎᓗᒍ 39.7 ᐊᕐᕌᒍᓖᑦ ᓄᓇᖃᖅᑳᖅᓯᒪᙱᑦᑐᑦ ᑯᐊᐸᒃᒥᑦ, ᑎᑎᕋᖅᓯᒪᔪᖅ 2016 ᑲᓇᑕᒥ ᐃᓄᓕᒫᓄᑦ ᑲᑎᖅᓱᖅᓯᒪᔪᓄᑦ ᖃᐅᔨᓴᖅᑕᐅᓂᑰᔪᓄᑦ. ᖃᕐᔪᐃᑦ ᐃᓅᓱᑦᑐᓄᑦ ᑲᑎᒪᔨᖏᑦ (QYC) ᑲᑐᔾᔨᖃᑎᒌᖑᔪᑦ ᐃᓅᓱᑦᑐᓄᑦ ᐊᒻᒪᓗ ᐃᓅᓱᑦᑐᓄᑦ ᐊᐅᓚᑕᐅᔪᖅ ᓴᖅᑭᑕᐅᙵᓚᐅᖅᑐᖅ ᓯᑎᐱᕆ 2015−ᒥᑦ. ᓄᓇᖃᖅᑳᖅᓯᒪᔪᓅᖓᓪᓗᓂ ᑮᓇᐅᔾᔭᕋᓱᐊᙱᑦᑑᓪᓗᑎᒃ ᑲᑐᔾᔨᖃᑎᒌᖑᔪᑦ ᑭᒡᒐᖅᑐᐃᓪᓗᑎᒃ 5,000 ᐅᖓᑖᓂ ᐃᓄᓐᓂᒃ ᐃᓅᓱᑦᑐᓂᒃ 14-ᓂᒃ ᓄᓇᓕᐅᔪᓂᒃ ᓄᓇᕕᒻᒥᑦ ᐊᒻᒪᓗ ᓯᓴᓯᐱᒥᑦ. ᐃᓅᓱᑦᑐᑦ ᐊᕐᕌᒍᖃᖅᑐᑦ ᐊᑯᓐᓂᖏᓐᓂᒃ 15 ᐊᒻᒪᓗ 35 ᑐᕌᒐᓪᓗᐊᑕᕆᓪᓗᓂᐅᒃ ᖃᓄᐃᓕᐅᕋᑦᓴᖃᖅᑎᒋᐊᕐᓗᒋᑦ ᐊᒻᒪᓗ ᐃᓕᓐᓂᐊᖁᓪᓗᒋᑦ ᐃᓅᓯᑦᓯᐊᕆᓂᖅᓴᐅᓂᐊᕐᒪᑕ. ᑭᖑᓂᐊᒍᑦ ᑐᕌᒐᕆᔭᖓᑦ ᐃᑲᔪᕐᓗᑎᒃ ᐃᓅᓱᑦᑐᓂᒃ ᐱᒍᓐᓇᖅᓯᖁᓪᓗᒋᑦ ᐱᓕᕆᑦᓯᐊᕈᓐᓇᖅᓯᖁᓪᓗᒋᑦ ᐃᓄᑦᓯᐊᕙᐅᓗᑎᒃ ᐊᒻᒪᓗ ᓯᕗᓕᖅᑎᑦᓯᐊᕙᐅᓗᑎᒃ.
Advertisement
ᑲᓇᑕᒥ ᑲᑎᒪᕕᐅᑉ ᓵᖓᓂ. ᓴᐅᒥᐊᓂ ᑕᓕᖅᐱᐊᓄᑦ: ᓲᓯᐋᓐ ᑲᓪᓗᒃ, ᑭᐊᕈᓚᐃᓐ ᒫᑎᐊᓪ ᐊᒻᒪᓗ ᐃᓕᓴᐱ ᓚᒧᐊᕆᔪ. In front of the National Assembly. L to R: Susieanne Kudluk, Caroline Martel and Elisapie Lamoureux. © Force Jeunesse
ᓂᐱᖁᑎᒋᔭᐅᖁᔭᕗᑦ ᐅᓪᓗᒥᐅᔪᖅ ᐃᓅᓯᕆᓕᖅᑕᑦᑎᓐᓂᒃ ᐃᓕᖅᑯᓯᕐᓅᖓᔪᓪᓗ ᐱᒻᒪᕆᐅᒋᔭᕗᑦ ᒪᑭᑕᓐᓂᖅᓴᐅᓕᖁᓪᓗᒋᑦ ᐊᓯᐅᔨᔭᐅᓯᒪᑲᓴᓕᕐᒪᑕ. ᐃᓅᓱᑦᑑᓪᓗᑕ ᐊᐅᓚᔾᔭᕈᓐᓇᖅᑐᒍᑦ ᓴᙱᔪᒥᑦ ᐃᓕᖅᑯᓯᖃᕋᑦᑕ ᒪᑭᒪᑦᓯᐊᕈᓐᓇᕐᓂᕐᒥᑦ ᐊᒻᒪᓗ ᖃᐅᔨᒪᓂᖃᓕᖅᓱᑕ ᒪᕐᕉᓐᓂᒃ ᐃᓕᖅᑯᓰᓐᓂᒃ: ᐅᓪᓗᒥᐅᓕᖅᑐᖅ ᐊᒻᒪᓗ ᐃᓅᓪᓗᑕ ᑭᓇᐅᒻᒪᖔᑦᑕ. ᐃᓅᓱᑦᑑᕗᒍᑦ! ᓯᕗᓂᑦᓴᒥᑦ ᐃᓅᔪᒫᖅᑐᒍᑦ! ᖃᕐᔪᐃᑦ ᐃᓅᓱᑦᑐᓄᑦ ᑲᑎᒪᔨᖏᑦ ᑭᒡᒐᖅᑐᓲᑦ ᐃᓄᓐᓂᒃ ᐃᓅᓱᑦᑐᓂᒃ ᐱᒋᐊᖃᖅᑕᕗᓪᓗ ᑐᓴᖅᑕᐅᖁᔭᕗᑦ. ᓄᕕᐱᕆ 2021-ᒥᑦ, ᐱᖓᓱᑦ ᑲᑎᒪᔨᕗᑦ ᑯᐊᐸᒃ ᓯᑎᓕᐅᓚᐅᖅᑐᑦ ᐱᖃᑕᐅᓚᐅᖅᑐᑦ RAJ (Rencontres Action Jeunesse)ᐅᕝᕙᓘᓐᓃᑦ ᐃᓅᓱᑦᑐᓄᑦ ᖃᓄᐃᓕᐅᕆᐊᕐᓂᕐᒧᑦ ᑲᑎᒪᓂᖏᓐᓄᑦ. ᑲᑎᖃᑎᖃᓚᐅᖅᑐᒍᑦ ᐊᓯᖏᓐᓂᒃ ᑲᑎᒪᔨᐅᖃᑕᐅᔪᓂᒃ ᐊᓯᖏᓐᓂᒃ ᐃᓅᓱᑦᑐᓄᑦ ᑲᑐᔾᔨᖃᑎᒌᖑᔪᓄᑦ ᐱᓇᓱᐊᖃᑎᒋᒍᓐᓇᖅᑕᑦᑎᓐᓂᒃ ᓯᕗᓂᑦᓴᒥᑦ. ᐊᐅᓚᑦᓯᔪᑦ RAJ-ᒧᑦ ᐋᖅᑭᑦᓱᐃᓚᐅᕐᒥᔪᑦ ᐊᒥᓱᓂᑦ ᑲᑎᒪᓂᐅᔪᓂᒃ ᒐᕙᒪᓕᕆᔨᐅᔪᓄᑦ ᐅᕙᑦᑎᓐᓄᑦ.
ᑲᑎᒪᓂᖃᖅᑎᓪᓗᑕ ᑯᐊᐸᒃ ᒐᕙᒪᓕᕆᔨᖏᓐᓂᒃ, ᐅᖃᐅᓯᖃᓪᓗᐊᑕᓚᐅᖅᑐᒍᑦ ᐃᓱᒫᓗᒋᔭᐅᔪᓂᒃ ᐃᓅᓱᑦᑐᑦ ᐅᖃᐅᓯᕆᔭᖏᓐᓂᒃ ᓄᓇᓕᓐᓅᖃᑦᑕᖅᑎᓪᓗᑕ ᐊᒻᒪᓗ ᐊᕐᕌᒍᑕᒫᑦ ᑲᑎᒪᓂᖃᖅᑎᓪᓗᑕ ᐃᓅᓱᑦᑐᓂᒃ ᖃᐃᖁᔨᓲᖑᒐᑦᑕ ᓄᓇᕕᓕᒫᒥᑦ ᑭᒡᒐᖅᑐᐃᓪᓗᑎᒃ ᓄᓇᓕᖓᓂ. ᐃᓱᒫᓘᑕᐅᓂᖅᐹᖑᔪᖅ ᐃᓕᓐᓂᐊᕐᓂᖅ, ᐃᓄᒋᐊᓗᐊᙱᑦᑐᑦ ᐱᔭᕇᖅᓯᖃᑦᑕᕐᒪᑕ ᐊᒻᒪᓗ ᐃᓕᓴᐃᔨᑦᓴᑕᖃᙱᓗᐊᕐᓂᖓ ᐊᒻᒪᓗ ᐃᖅᑲᓇᐃᔭᖅᑎᖃᙱᓗᐊᕐᓂᖓ ᓄᓇᕕᒻᒥ. ᑭᖑᓂᐊᒍᑦ ᐃᓱᒫᓘᑕᐅᔪᖅ ᐃᓱᒪᓕᕆᓂᖅ: ᓄᓇᕕᒻᒥᑦ ᐊᒥᓱᕐᔪᐊᕌᓗᐃᑦ ᐃᒻᒥᓃᖃᑦᑕᕐᒪᑕ ᐱᓕᕆᔨᒻᒪᕆᓐᓂᓪᓗ ᐃᑲᔪᖅᑎᖃᙱᓗᐊᕐᒪᑕ. ᐃᓄᐃᑦ ᐊᐅᓚᑕᐅᕙᓪᓕᐊᓂᖏᑦ ᒫᓐᓇᕈᓘᓚᐅᖅᓯᒪᔪᖅ; ᓱᖏᐅᑎᒐᓱᐊᖅᑕᕗᑦ ᓱᓕ ᐅᓪᓗᒥᐅᔪᖅ ᐃᓅᓯᕆᓕᖅᑕᕗᑦ ᒪᒥᒐᓱᐊᖅᓱᑕᓗ ᓯᕗᓕᑦᑕ ᐊᑦᓱᕉᑎᒋᓚᐅᖅᑕᖏᓐᓄᑦ ᐅᕙᑦᑎᓐᓂᒃ ᐊᑦᑐᐃᓯᒪᔪᓂᒃ. ᓄᓇᓕᑦᑎᓐᓂᒃ, ᐃᒻᒥᓂ ᐃᑲᔪᕋᓱᐊᖅᑐᒍᑦ ᖁᔭᓕᕗᖑᓪᓗ ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐃᖅᑲᓇᐃᔭᖅᑎᑕᖃᕐᖓᑦ ᑭᓯᐊᓂ ᐊᒥᓱᒃᑲᓐᓂᓂ ᐱᒋᐊᖃᖅᑐᒍᑦ ᐊᒥᓱᐊᓗᓐᓂᒃ ᐊᑲᐅᙱᓕᐅᕈᑎᖃᕋᑦᑕ. ᒐᕙᒪᓕᕆᔩᑦ ᐊᐱᕆᓚᐅᖅᑕᕗᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᐱᑎᑕᐅᒃᑲᓐᓂᕈᒪᓪᓗᑕ ᓴᖅᑭᔮᖅᑐᓂᒃ ᑯᐊᐸᒃᒥᑦ ᑭᓯᐊᓂ ᑕᒫᓂ ᓄᓇᕕᒻᒥ ᐱᑕᖃᙱᒻᒪᑦ. ᐅᑉᐱᕈᓱᑦᑐᒻᒪᕆᐅᕗᒍᑦ ᐊᓂᒍᐃᓴᕋᐃᒍᓐᓇᓚᖓᔪᒍᑦ ᐃᑲᔪᖅᑕᐅᑦᓯᐊᕈᑦᑕ. ᑭᖑᓪᓕᖅᐹᒥᑦ ᐃᓱᒫᓗᓐᓇᖅᑐᖅ ᐅᖃᐅᓯᕆᓚᐅᖅᑕᕗᑦ ᐃᓪᓗᓕᕆᓂᐅᔪᖅ. ᐊᒥᓱᓗᐊᕌᓗᐃᑦ ᐃᓪᓗᐃᑦ ᐃᓄᒋᐊᓗᐊᕐᒪᑕ ᓄᓇᓖᓪᓗ ᐃᓚᖏᑦ ᐃᒥᑦᓯᐊᕙᒻᒥᑦ ᐊᑐᐃᓐᓇᖃᕐᕕᐅᖏᓐᓇᑦᑕ. ᐃᓪᓗᓕᕆᓂᖅ ᓄᓇᕕᒻᒥᑦ ᐃᓱᒫᓘᓐᓇᓪᓚᕆᑦᑐᖅ ᐊᑏᑑᖅ ᐋᖅᑭᒋᐊᖅᑕᐅᓛᓕᖅᑯᖅ ᐊᕐᕌᒎᓂᐊᖅᑐᓂᒃ. ᓇᑯᕐᒦᕈᒪᔪᖓ ᐃᓕᑦᓯᓐᓄᓕᒫᖅ ᐃᑲᔪᑦᓯᐊᓚᐅᕋᑦᓯ. ᐱᔪᓐᓇᐅᑎᑦᑎᓐᓄᑦ ᐊᑦᓱᕈᐃᓐᓇᕆᐊᖃᖅᑐᒍᑦ, ᐃᑲᔪᖅᑎᒌᓪᓗᑕ ᓴᙱᔫᓗᑕᓗ! ᐃᓄᐃᑦ ᒪᑭᒪᑦᓯᐊᖅᑐᑦ ᑕᐃᒪᐃᖏᓐᓇᕆᐊᖃᖅᓱᑕᓗ. ᑕᒪᒃᑯᐊᓕᒫᑦ ᐅᐱᒋᑦᓯᐊᖅᑕᒃᑲ.
A B O V E + B E Y O N D
A B O V E B E Y O N D
ᐃᓕᓴᐱ ᓚᒧᐊᕆᔪ ᑕᓯᕐᔪᐊᖓᓂ ᑲᑎᒪᔨᐅᔪᑦ ᖃᕐᔪᐃᑦ ᐃᓅᓱᑦᑐᓄᑦ ᑲᑎᒪᔨᖏᓐᓂᒃ.
Youth perspective in politics
By Elisapie Lamoureux In Nunavik, 32 per cent of the Inuit population is between 15 and 34 years old. The median age is 21 years old compared to 39.7 years old for the non Indigenous in Quebec, according to 2016 Canadian Census statistics. Qarjuit Youth Council (QYC) is an organization for youth and by youth that was launched in September 2015. It is an ethnic and non-for-profit organization which represents over 5,000 Inuit youth all over the 14 communities in Nunavik and Chisasibi. Youth are between 15 and 35 years old and one of our main goals is to provide them with opportunities and knowledge to improve their quality of life. The second goal is to help youth empower themselves and to reach their full potential as responsible citizens and leaders.
We strive to give the voice we deserve in this modern society we live in and to also improve our cultural values that have almost been lost. We youth are able to mobilize ourselves through our strong cultural resiliency and knowledge in two different cultural settings: modern society and rooted Inuit identities. We are youth! We will be living in the future! Qarjuit Youth Council advocates for Inuit youth and we want to have our needs heard.
In November 2021, three of our team members had the opportunity to go to Quebec City to participate in the RAJ (Rencontres Action Jeunesse) or Youth Action Meetings. We met with other interesting members of other youth organizations with whom we can collaborate with in the future. The organizators of RAJ also organized several meetings with politicians for us.
During our meetings with the Quebec deputies, we mostly talked about the issues that youth brought up the most during our tours and Annual General Meetings where we invite youth from the whole region to represent their community. One of the main issues is education, with low rates of graduation and the lack of teachers and staff in Nunavik.
The second issue is mental health: Nunavik has an unbelievably high rate of suicide with a big lack of professional support. Colonization happened not too long ago; we are still adapting to this modern society and we are still trying to heal from intergenerational traumas that were inflicted on us.
Within our communities, we are doing what we can to help ourselves and are thankful to have the health workers we have but it is not enough for the multiitude of problems. We asked the politicians to give us more of the health services that already exist in the province but that we don’t have in Nunavik. We strongly believe it can help us get through all of this faster.
The last issue we talked about was housing. So many houses are overpopulated and in certain communities we do not have access to fresh drinkable water. Housing in Nunavik is a big issue we strongly hope will be solved in the coming years.
I want to say a big thank you to everyone for their collaboration. We need to keep fighting for our rights, to help each other and to stay strong! Inuit are resilient and we have to continue to be so. I’m so proud of all of us.
A B O V E + B E Y O N D A B O V E B E Y O N D
Elisapie Lamoureux is the Hudson Strait Director at the QYC.
