GORA!
HERRIA
ren ALDIZKARIA 002.ZKIA 2014KO MARTXOA
DOAKO ALEA
HEGO EUSKAL HERRIA KALERA ATERA ZEN OTANEKIKO ARBUIOA ADIERAZTEKO
EZEZKO BOROBILA OTANI HEGO EUSKAL HERRIAN
Espainiar Estatua 1982an sartu zen Aliantza Atlantikoan edo OTANen (Organizacion del Tratado del Atlantico Norte). Erabaki hark espainiar ea euskal eskuin indarrean onespena jaso bazuen ere, jakina zen euskal herritarren gehiengoa bat ez zetorrela. Etengabeko presio eta borrokak medio, 1986ko martxoaren 12a izan zen PSOEk aipatu erakundean mantentzearen inguruko erreferenduma egiteko aukeratu zuen data. Argi azaldu zuten ordea galdeketa hau ez zela loteslea izango.
EDITORIALA
ELKARRIZKETA
Euskal Herriari BAI
"Gu abertzaleak ginen, Euskal Herriaren aldekoak. Hau da, Euskal Herriak bere burujabetza lortzeko sortuak" ITZIAR AIZPURUA
MEMORIAREN TXOKOA
NELSON MANDELA 1918 2013
Hego Euskal Herriko lau herrialdeek ezezko borobila eman zioten OTANen mantentzearen inguruko galdeketari eta Kataluina eta Kanariarekin batera estepzioa izan zen Espainiar Estatuan. PSOEk jendartea baiezkora mugitzea lortu bazuen ere, oso adierazgarria izan zen ezezkoak jasotako bozka kopurua. Itziar Aizpuruak hurbiletik bizi izan zuen OTANen kontrako kanpaina guztia. Berarekin erreferendumeko giroaz hitz egin dugu. 3 or. LABUIRREAN
LABURREAN
GORA EUSKAL HERRIA ASKATUTA!
#BRIGADAK14 badatoz!
EUSKAL HERRIAREKIKO NAZIOARTEKO VIII. ELKARTASUN ASTEA
ASKAPENAREN ALDIZKARIA GORA!
2
E ditoriala
EUSKAL HERRIARI BAI! Orain 28 urte euskal herritarrok zita berezi bat izan genuen hautesontziekin. 1986ko martxoaren 12 hartan, papeletaz papeleta, kaleetan, lantegi, instituzio, mitin edo ikastetxeetan aldarrikatutako ideia titular bilakatu genuen; "Ezezeko borobila OTANi Hego Euskal Herrian". Iada hiru hamarkada iragan dira ordutik eta hilebete, urteetan gopuztu eta eraikitako aldarri hura ezezaguna dugu askorentzat. Zer da OTAN? Hitzetan geratzen bagara bakea eta munduko segurtasunasunaren izenean adostutako hitzarmen militarra izan zela irakurriko dugu, II. Gerra Mundialaren ondorenetan forma hartzen ari zen komunismo sobietarraren balizko mehatxuaren aurkako ituna. Lerroartean argi asko ikus daiteke ordea, benetako helburua euren burgesia eta oligarkia nazionalaren defentsa zela. Nola hitz egin bakeaz gerra negozio bilakatzen dutenean? Nola ausartu bizikidetzaz eta balore humanoez hitz egitera krimen geopolitikoak babestu izan dituenean? Armonia eta ordena aldarrikatzera, herri langileari bere lurrak lapurtu eta nazioarteko burgesiaren interesetara ustiatu dituenean? Nola hitz egin dezake garapenaz mundu mailako gastu militarraren %70 biltzen duen aliantza bada? Ez gaitzatela engaina, OTAN Aliantza militarra da, inperialismoaren esku armatua. Bere historiari begiratu besterik ez dugu urtez urte, herrialdez herrialde OTANen benetako aurpegia ikusteko: Yugoslabia-ohia (1999), Irak (1991 eta 2003), Afganistan (2001) eta Libia (2011). Desestabilizazio mehatxuez eta munduan ordena ezarri beharra dagoela diotenean argi izan dezagun, beraien ordenaz ari dira. Indarrez ezarriko den ordena, Kapitalismo gordinaren, Inperialismoa basatienarena. Hori da OTANen funts bakarra.
Bardeak ditugu hain zuzen ere Euskal Herriaren subiranotasunaren lapurreta argia. Herriari, herri langileari ostutako lurretan atzerriko indar armatuek beraien froga eta entrenamenduak egiten dituzte, ingurua txikituz eta kutsatuz. Askapen nazional zein soziala eskuratzeko borrokan ari diren herrietan indarrrez sartu eta berain agindua ezartzeko prestatzen dira Bardeetan, burkide ditugun herrietarako eskuhartze inperialistak sukaldatzen dira gure lurretan. Etxean bertan dugu etsaia, etxekoa eta bizilagunak kate motzean lotzeko. Orain 28 urte, euskal herritarrok Euskal Herriaren subiranotasun nazional eta sozialari bai esan genion eta papeletaz papeleta Euskal Herri antiinperialista aldarrikatu. Munduko herrien askatasun eta subiranotasunaren kontra doazen prozesu politiko, ekonomiko eta militarren aurka agertu zen herria izan zen gurea, izan ginen gu. Martxoaren 12 hartan hitza hartu genuen, ez dezala orain haizeak eraman. Heldu diezaiogun gogor aldarri hari eta aska ditzagun Kapitalismoaren menera lotze gaituzten kateak, kanpora ditzagun gerra inperialista babestu eta baketik negozioa egiten dituzten enpresak. Egin dezagun Euskal Herriaren burujabetzarazko bidean aurrera biharko egunez hitzak ekintza bilaka daitezen. Horregatik datorren martxoaren 12an kalera aterako gara. Orain 28 urte egin bezala OTANi ezetz esateko, inperialismoari uko egiteko. Baina guztiaren gainetik, Euskal Herriaren burujabetza aldarrikatzeko.
Atzo bezala gaur, eta gaur bezala bihar!
OTANi ez! Euskal Herriari BAI!
GORA! ASKAPENAREN ALDIZKARIA
3
E lkarrizketa
ITZIAR AIZPURUAK DEBAN JASO GINTUEN
Ezker Abertzalean ez zengoen zalantza izpirik, jarrera argia zen hasiera-hasieratik: OTANi EZ! Horregatik, Euskal Herrian OTANen egotea salatzeaz gain, bertatik bertara irteteko eskaria egin eta ipar-amerikarren baseak deuseztea eskatu zuen. Itziar Aizpurua Herri Batasunako mahai nazionalean zegoen garai horietan eta hurbiletik bizi izan zuen OTANen kontrako kanpaina guztia. Berarekin batu eta bereziki erreferendumaren inguruko giroaz hitz egin dugu. Erreferendumaren eguna gogoratuz hasiko gara. 1986ko martxoaren 12a. Nola oroitzen duzu? Urduri. Ez genekien zer geratuko zen. Bozkatzera joan beharra zegoen, jendea ea goiz ibiliko zen, berandu ibiliko zen, zenbat jende agertuko zen... Baina bestalde egun horretan ez zegoen kanpaina egiterik, egin beharrekoak eginda zeuden. Ezjakintasun horrekin gogoratzen dut, ordura arte horrelako referendum bakarra ezagutzen baikenuen, Konstituzioarena eta orduko hartan Euskal Herrian ezezkoa gailendu zen. Urduritasunez beteta beraz, baina pozez ere bai, aurreko hilabeteetan lan handia egin genuen eta.
ziren. Neurri batean diot, abstentzio handia egon zelako. Eskuinak hala ere ezin izan zuen abstentzio hori bere aldeko bezala hartu. Ezjakintasunaren fruitua zela esango nuke nik, eta batez ere, PSOEren mezuan egondako nahaspila ondorioz. Nik uste dut PSOEren militantzian askok ez zuela botorik eman ere. Honek guztiak zerikusia izan zuen, baina eskuinak ez zuen hainbeste indar Euskal Herrian eta gerora emaitzak begiratuz, bai, mindu egin ninduen. Uste nuen parte hartzea handiagoa izango zela. Baina bestela kanpainako parte-hartzea oso ederra izan zen. Espainian emaitza zein izango zen argi zenuten?
Eta emaitza jakin zenutenean? Pozik, oso pozik. Neurri batean gure asmoak bete
Bai bai, seguru geunden bi gauzengatik. Batetik, eskuinekoentzat OTAN Estatu arrazoia zen eta beraz,
referenduma ez egitearen aldekoak ziren, horrelako gauza bat ezin zela eztabaidan jarri eta ezin zela inondik inora ere herritarren eskuetan utzi. Orduan eskuinak abstentziora jo zuen, baina OTANen
“Jarrera horrekin bat egin zuen PNV-k, ezin baitugu ahaztu demo-kristauak direla, eta baietzik ez zuten emango beharbada, baina ezetzik ere ez�
ASKAPENAREN ALDIZKARIA GORA!
4
“De entrada no mezu horretatik, OTANn mantentzea zein beharrezkoa zen azaltzen hasi zen” mantentzearen aldeko arrazoiak emanez: arrazoi ekonomikoak, segurtasunezkoak.... Estatua bere horretan iraunazteko arrazoiak azken batean. Horrek, bere eragina izan zuen, eskuineko jende asko baitago Estatuan zoritxarrez, eta baita Euskal Herrian ere. Jarrera horrekin bat egin zuen PNV-k, ezin baitugu ahaztu demo-kristauak direla, eta baietzik ez zuten emango beharbada, baina ezetzik ere ez. Bestetik, PSOEK 1982an gobernura iristeko kanpainan bi oinarri izan zituen, bata 800.000 lanpostu sortzea eta bestea printzipioz OTAN-ri ezetza ematea. "De entrada no" erabiltzen zuten. Horrekin gobernuan egotea lortu zuen. Baina Gobernuan sartzerakoan, benetan
“OTANen aurkako postura publikoki defendatzen zuen militantea, automatikoki, alderditik kanpo geratuko zela” boterea dutenen esku geratu zen: ekonomikoa, militarra... bai estatu barrukoak eta baita kanpokoak ere, Estatu Batuak eta Europako hainbat herrialde, Aliantza Atlantikoarekin bat egin zutenak hain
zuzen. Egoera hori ezin zuen saihestu PSOEK, eta baietza eskatzen bukatu zuen. "De entrada no" mezu horretatik, OTANn mantentzea zein beharrezkoa zen azaltzen hasi zen. Poliki-poliki komunikabideak iritzi aldaketarako erabili zituen eta alderdi barruan ere etxerako lanak egin. Militantziaren zati handi bat nahiko gogor kontra jarri zitzaion, baina beste zati batek onartu egin zuen. Txiki Benegasek adibidez, garai hartan argi utzi zuen OTANen aurkako postura publikoki defendatzen zuen militantea, automatikoki, alderditik kanpo geratuko zela.
“Euskaltzaindia bera atera zen bozka euskaraz emateko eskubidea eskatu bai, baina oraindik horretarako baimenik ez zegoela esanez” Hilabeteetako kanpaina gogorra izan zen referendum egunera bitartekoa. Azter ditzagun alderdi bakoitzaren posizio eta mezuak. Abstentzioaren alde eskuinak egin zuela esan duzu. Baiezkoaren alde? Baiezkoaren alde garbien PSOEk egin zuen, boterean zegoena baitzen. Gero, beste maila batean alderdi ultra-eskuindarrak ere ibili ziren. PNVek esate baterako bozka askatasuna eman zion militantziari, baina ETBn eta telebista espainiarrean Ardanza, Arzallus eta beste hainbat buruzagi agertu ziren beraiek aldeko botoa emango zutela adieraziz. Zentral nuklearrekin erabiltzen zituzten txorakeriak erabili
zituzten: Europan sartu behar bagenuen nola ibiliko ginen Europaren kontra eginaz?. Horrekin nahikoa ez eta hiru egun lehenago Uzturre atera zen, Euskadi Buru Batzarreko kidea, euskaraz bozkatzeko esanaz. Baina debekatua zegoen bozka euskaraz ematea.
“Abertzale, euskaltzale, demokrata... goazen guztiok elkarturik martxoaren 12an burua ondo altxata. Bai Euskal Herriari, bai burujabetasunari, bai euskarari, baina OTANi NO esanaz!”. Euskaltzaindia bera atera zen bozka euskaraz emateko eskubidea eskatu bai, baina oraindik horretarako baimenik ez zegoela esanez. Hori jakin arren botoa euskaraz emateko eskatzen jarraitu zuten, gainera esanaz "si" jartzen zuen tokian marra bat egin eta "bai" jartzeko. Hala eginez gero bozkak nuloak kontsideratuko ziren ordea. Azpi-joko hori ez zela PNVrena bakarrik zioten batzuk, PSOErekin batera adostuta zegoela. Oso gogorra egiten zitzaigun gure jendeari, euskaldunei, euskaraz ez bozkatzeko eskatzea, baina horrela egin behar izan genuen. Irratiko kuna ere egin genuen: "Abertzale, euskaltzale, demokrata, goazen guztiok elkarturik martxoaren 12an burua ondo altxata. Bai Euskal Herriari, bai burujabetasunari, bai euskarari, baina OTANi NO esanaz!"
GORA! ASKAPENAREN ALDIZKARIA
Ezezko garbia aldarrikatu zuen Ezker Abertzaleak kanpaina indartsua eginez. Oso argi zenuten OTANn ez sartzearen garrantzia. Oso, oso argi. Hasieratik. 1978an Konstituzioaren referendumean argi utzi genuen zein zen gure postura. Gu abertzaleak ginen, Euskal Herriaren aldekoak. Hau da, Euskal Herriak bere burujabetza lortzeko sortuak. Eta bide horretan bere eskubideak izan behar zituela aldarrikatzen genuen. Lehena herri izaera izatearena, bere etorkizunaren jabe izatea baitakar horrek. Espainiar konstituzioak herri bezala ukatzen
“OTAN bide beretik zetorren, Konstituzio Española are indarkeria handiagoarekin berrestera, eremu handiago eta zapaltzaileago batetik” gintuen, eta OTAN bide beretik zetorren, Konstituzio Espainiarra are indarkeria handiagoarekin berrestera, eremu handiago eta zapaltzaileago batetik gainera. Gure menpekotasuna, ezina eta saminaren luzaera sakondu egingo ziren. Bestalde, OTAN-ek sistema kapitalista ordezkatzen zuen, eta horren barruan gainera inperialismoa. Horrek zekarren guztiarekin: aberastasuna esku gutxitan banatzea eta beste guztion txirotasuna. Eta ez dugu ahaztu behar OTANen beste helburu nagusietako bat nazio askapenerako mugimendu guztiak suntsitzea zela, herrialde guztietan injerentzia edo esku-hartze zuzena izanda.
5
“Inperialismoaren kate baten maila bat hautsi nahi genuen, herri bakoitzak berea hautsi eta elkarrekin bilduz inperialismoaren aurka joateko”
Beraz, herri honek munduko beste herriekiko duen konpromisoa erakutsi zuen beste behin ere. Bai. Guretzat Euskal Herriaren burujabetza aldarrikatzea beharrezkoa zen, baina horrekin batera, ezinbestekoa zen beste herriekiko elkartasuna adieraztea. Hori beti izan da horrela. Inperialismoaren kate baten maila bat hautsi nahi genuen, herri bakoitzak berea hautsi eta elkarrekin bilduz inperialismoaren aurka joateko. Bloke militarren garaian, guk ez lerrokatzearen alde egiten genuen. Gure zilborrari begira egoten garela esaten digute. Eta ez, hain zuzen ere askatzera doan edozein herrik behar du laguntza alde guztietatik. Gure antzerako borrokak dituzten herriei begira gaude. Gure xumetasunean ere, beti gara elkartasuna adieraztekoak.
“Gure xumetasunean ere, beti gara elkartasuna adieraztekoak”
OTANen kontrako borrokan data nagusi batzuk: >1949ko apirila; Aliantza Atlantikoa sinatzen da Washingtonen >1982ko maiatza; Espainiar Estatua OTANen sartu zen >1985ko apirila; PSOEk erreferendum 1986ko martxoan izango dela iragarri zuen >1985ko azaroa; "Euskal Herriaren Burujabetasunaren alde, NATOren aurka" Euskal Herriari Manifestua aurkeztu zen Bilbon >1986ko urtarrila; Bardenas Eguna. 3000 pertsona izan ziren Euskal Herriko txoko ezberdinetatik Tutera hurbildu zirenak OTAN eta Bardeetako Tiro Poligonoaren aurkako manifestazioan parte hartzera. >1986ko otsaila; manifestazioak burutu ziren Hego Euskal Herriko lau hiriburuetan eta herrietan. Milaka herritar atera ziren kalera. >1986ko martxoa; Bilbon Manifestazio Nazionala. OTANen aurkako kanpaina Hego Euskal Herrian burutu zen manifestaziorik handiena izan zen. >1986ko martxoa; gaueko 10:00etatik 10:10etara itzalaldia burrunbada burutu zuten Hego Euskal Herriko herrietan bonbardeaketa bat irudikatu eta aliantza militarrean parte hartzea salatzeko. >1986ko martxoaren12a; Erreferendum Eguna. Hego Euskal Herria, Kataluina eta Kanariarekin batera OTANi ezezkoa eman ziot lurraldea izan zen.
ASKAPENAREN ALDIZKARIA GORA!
6
M emoriaren txokoa
NELSON MANDELA 1918-2013 Joan den abenduan hil zen hegoafrikar borrokalari nekaezina izan zen Nelson Mandela. Gaurko honetan gure memoria txokora bere oroimena eta afrikar herri beltzaren borroka ekarri nahi dugu. Unibertsitatean garatzen hasi zen Mandela bere kontzientzia politikoa eta bere afrikar izaera aldarrikatzearekin batera era aktiboan politikan murgildu zen. Abokatu kontsulta ireki zuen eta bertan, prezio merkean edo dohainik, lege-ordezkaritza ematen zien administrazio zuriarekin arazo politikoak zituzten beltz txiroei. Garai horretan eman zituen Mandelak Apartheidaren politikaren aurka bere lehenengo pausuak. Gaztetik Afrikako Kongresu Nazional alderdiko kidea egin zen eta 1961etik aurrera Umkhonto we Sizwe alderdiaren beso armatua izango zenaren sortzaile eta buru izatera pasatu zen. Bere militantzia politikoagatik 27 urtez espetxeratu zuten Robben Uharteko kartzelan, eta 1990ean, Apartheid erregimenaren erorketarekin batera, askatasuna berreskuratu zuen. 1994an egin ziren Hegoafrikan baldintza demokratikoak betetzen zituzten lehen hauteskunde ez-arrazistak, ANCk irabazi zituen hauteskunde horiek, eta Mandela, 75 urteko preso ohia, borrokan eta kartzelan ia bizitza osoa eman zuena, Hegoafrikako lehen presidente beltza bilakatu zen. Hilabete hauetan irakurtzeko aukera izan ditugun datuetaz haratago joateko, Mandela eta bere borrokakideek hamarkadetan zehar aurrera eramandako borrokaren beste zenbait aspektutan murgilduko gara.
Apartheidaren aurkako borroka oso gogorra izan zen. Greba orokorrak etengabeak izan ziren, manifestazioak gogor zigortzen ziren eta poliziak eraildako kideak gero eta ugariagoak ziren. Borroka armatuaren bidea hartzea ez zen bide erraza izan, momento hartara harte ANCk indarkeriarik gabeko erresistentzian zentratzen bait zuen bere borroka. Armak hartzearen erabakiak errepresioaren aurkako erantzun eraginkorra aurkitzea zuen helburu eta Mandelaren eginkizun garrantzitsuenetariko bat nazioartean borrokan zeuden beste herrien elkartasun internazionalista bilatzea zen. Sozialismoren bidetik garatu zuten hegoafrikar iraultzaile beltzek haien bidea eta borroka honetan ezinbestekoa izan zen Kubako herriak emandako formakuntza. Internazionalismoaren izenean eman zion Kubak Hegoafrikari, eta Afrikako beste zenbait herriei, formakuntza politiko eta militarra. Gerrilla gudarako prestatu zituen afrikar iraultzaileak eta honela inperialismoari beste gerra fronte bat ireki zitzaion kontinente beltzean. Apartheidaren bidez gauzatu zuen Europar kolonialismoak hegoafrikar herriaren zapalkuntza baina Estatu Batuen eta Israelen laguntza inperialistak, besteak beste ahalmen nuklearra emanez, Hegoafrikako gobernu arrazista indartu zuen. Horrela ezarritako erregimen baten aurrean, barne erresistentziak gogor borrokatu dezake baina elkartasun internazionalistarik gabe oso zaila litzateke erregimena hondoratzea. Kubak eta Sobietar Batasunak emaniko laguntza ezinbestekoa izan bazen ere, munduan zehar zabaldutako boikot
kanpainak erregimena deusezteko azkenen kolpe hilgarriak izan ziren. Boikotaren aldeko lehenengo deialdiak 1958an Erresuma Batuan egin ziren eta antiapartheid mugimenduan oso harrera ona izan zuten. Apartheid erregimenaren salaketa honek indar handia batu zuen eta munduko beste zenbait gobernu Hegoafrikako erregimena gaitzesten hasi ziren. Hiru arlo nagusitan garatu zen boikota, ekonomia, kultura eta kirol eremutan hain zuzen ere. Boikot ekonomikoa inbertsioa eta merkataritzan jartzen zuen arreta, eta nahiz eta Estatu Batuen inperialismoa kanpaina hauek zapuzten saiatu, denboraren poderioz boikotaren aldeko mugimendua indarra hartzen joan zen, apartheid erregimenaren erorketan gako nagusienetariko bat bilakatu zen. Orain agurtzen dugun Nelson Mandela borroka luze honen gidari ezagunena izan zen, eta bere bizitza laburtzeko, bere lagun baten hitzak maileguz hatuko ditugu, Fidel Castroren hitzak hain zuzen ere: "Mandela gizon zintzoa izan zen, iraultzaile prestua eta erabat sozialista, estoizismo handiz 27 urteko kartzelaratze bakartia jasan zuena", Fidelek esan bezala, ez dugu ahaztuko eta ezin dugu "bere zintzotasuna, apaltasuna eta merezimendu aparta" miresteari utzi.
AGUR ETA OHORE MADIBA!!!
GORA! ASKAPENAREN ALDIZKARIA
7
L aburrrean GORA EUSKAL HERRIA ASKATUTA! Euskal Herriaren Lagunak sareak eta Askapenak elkarlanean antolatzen dugun Euskal Herriarekiko Nazioarteko Elkartasun astearen zortzigarren edizioa izango da aurtengoa eta "errepresioaren aurrean... gora Euskal Herria askatuta!" lelopean burutuko da apirilaren 4tik 13ra bitartean. Aurrez egin bezala hitzaldi, dokumental eta jardunaldi ezberdinen bitartez Frantziar zein Espainiar Estatuek burutzen duten estrategia errepresiboa lehen eskutik azalduko dugu, eta bereziki azpimarratu injustizia eta erasoen aurrean herri gisa aurrera jarraitzeko dugun grina. Urteetan zehar bizi izandago jazarpenaren aurrean euskal herritarrok oihu argiz adierazi dugu gure borrokarako konpromisoa: gora Euskal Herria askatuta! Hau da herri baten oihua, hau da Nazioarteko VIII. Elkartasun Astean Europa eta Latinoamerikara eraman nahi dugu herri determinazioa.
Argi azaldu nahi dugu Euskal Preso Politikoek beraien oinarrizko eskubideak urratzen dituen espetxe politika ankerra pairatzen jarraitzen dutela egunez egun. Dispertsio neurriak edo kartzelako bizi baldintak, preso zein senideak anulatu eta borroka eteteko estrategia baten parte dira. Politika hiltzaile honen azken biktima izan da Arkaitz Bellon elorrioko militante gaztea, hamairu urtetan zehar eraila. Ikus arazi oraindik ere ehunka direla munduko bazter ezberdinetan, beraien herrian libre bizitzeko eskubidea ukatua duten iheslaria eta errefuxiatu politikoak, atxilotu eta entregatuak izateko arriskuan. Jardun politikoa burutzeagatik ehunka euskal herritar eta beste hainbeste herriko tabernen kontrako epaiketa politikoak salatu nahi ditugu. Zoritxarrez, ez baitira lehenak ezta azkenak izango ere.
Iada 4 urte iragan dira Ezker Abertzaleak estrategia aldaketa eman eta atari berri bati ateak ireki zizkiola. Bi urte baina gehiago pasa dira ETAk borroka armatua behin betiko uztea erabaki zuenetik. Geroztik gatazka politikoaren konponbiderako urrats kuantitatibo eta kualitatibo handiak egin badira ere, Frantziar zein Espainiar Estatuak ez dira mugitzen eta errepresioaren bidetik soka tenkatzen jarraitzeko apustua egin dute.
Eta kalean, plazan, lantoki nahiz ikastetxean euskal preso eta iheslari politikoen eskubideak aldarrikatu eta etxeratzea exigitzea, edo eta konponbidearen aldeko urratsak emateko lanean jardutea debeku edo atxiloketa arrazoi dira gaur gaurko Euskal Herrian. Testuinguru politikoa aldatu bada ere, Estatuen jarrera ez dela aldatu erakutsi nahi dugu, eta argi adierazi euskal herritarrok gure askatasuna lortzeko borrokan ez dugu amorerik emango. Erasoak eraso aurrera jarraituko dugu euskal herri aske bat lortu arte. Gora Euskal Herria Askatuta!
PASA DEN URTEAN SAHARAN EGONDAKO BRIGADA
#Brigadak14 badatoz! Jarrera bat, ezagutza, esnatzea, konpromisoa, esperientzia, elkar trukea, elkartasuna, arnasa, aitortza.... Brigadak elkartasun internazionalista, elkartasun politikoa lantzeko tresna bat dira, herrion borrokak irutea. Urtero Euskal Herritik borrokan ari dire beste herrietara antolatzen ditugu, Venezuela, Bolivia, Palestina, Sahara, Argentina-Uruguay.... eta aurten estreinekoz Kapitala eta Estatuen Europaren aurka borrokan ari diren herriak izango ditugu jomuga; Gaztela, Aragoi eta Herrialde Katalank hain zuzen ere. Garrantzizkoa da guretzat esperientzia elkartrukea martxan jartzea. Are gehiago, gure herriaren antzera Espainiar edo eta Frantziar Estatuen zapalkuntza bizi badute. Brigaden bitartez Euskal Herrian aurrera daramagun borrokaren berri ematen dugu, gure herriaren burujabetza eskuratzeko egunez egun jorratzen ditugun bideoak erakutsi eta ildo beretik, goazen herrira goazela, bertako errealitatea ikusi eta bertan garatzen dituzten borrokak ezagutzeko
aukera izaten dugu. Modu honetan elkarrengatik ikasiz Euskal Herrian zein beste herrieta askapen borroketan ekarpena egin dezagun. Izen emateko epea martxoaren 30ean amaituko da eta brigadak@askapena.org helbidera emaila idatzi besterik ez duzu. Bitartean aurkezpen ugari antolatzen ari gara, bertatik bertara brigaden berri eman eta zuen zalantzak argitzeko. Laster deialdi gehigo izango ditugu baina hemen datozen egunetarako batzuk: - Martxoak 13; Laudion - Martxoak 13; Legorretan - Martxoak 13; Ibarran - Martxoak 14; Lekeition - Martxoak 20; Tolosan - Martxoak 26; Gasteizen - Martxoak 27; Billabona - Martxoak 29; Hazparnen Animatu eta eman izena Elkarrekin herrion borrokak iruten!
HERRIA
GORA!
KONTAKTUA: info@askapena.org www.askapena.org /askapenaren.lagunak @askapena