DATOS E CIFRAS SOBRE DEREITOS En 2015, Amnistía Internacional investigou a situación dos dereitos humanos en 160 países e territorios de todo o mundo. Aínda que continua a haber avances nalgunhas zonas, moitas persoas e comunidades sufriron graves abusos contra os dereitos humanos.
En polo menos 113 países a liberdade de expresión e de prensa foi arbitrariamente restrinxida.
En polo menos 30 países obrigaron ilegalmente a persoas refuxiadas a voltar a países onde estaban en perigo.
Había máis de 60 millóns de persoas desplazadas dos seus fogares en todo o mundo.1 Moitas delas xa viven varios anos nesta situación.
Grupos armados cometeron abusos contra os dereitos humanos polo menos en 36 países.
No mínimo 156 defensores e defensoras dos dereitos humanos morreron en detencións ou foron vítimas de homicidio.2
En polo menos 61 países presos e presas de conciencia foron encarcerados, persoas que non facían máis que exercer os seus dereitos e libertades.
En 122 países ou máis foi inflixida torutura ou outros malos tratos
En polo menos 19 países foron perpetrados crimes de guerra ou outros tipos de violacións das "leis da guerra"
Polo menos 20 países (no mínimo catro en 2015) xa teñen aprobadas leis ou proxectos de lei que recoñecen o matrimonio u outras formas de relación entre persoas do mesmo sexo.
Amnistía Internacional é un movemento global de máis de 7 millóns de persoas que traballan en favor do respecto e a protección dos dereitos humanos. A nosa visión é a dun mundo onde todas as persoas gozan de todos os dereitos humanos proclamados pola Declaración Universal de Dereitos Humanos e noutras normas internacionais de dereitos humanos. Somos independentes de todo goberno, ideoloxía política, interés económico e credo relixioso. O noso traballo finánciase en grande medida coas contribucións da nosa membresía e con donativos.
En polo menos 55% dos países houbo xuízos inxustos. Nun xuízo inxusto non se imparte xustiza nin á persoa acusada, nin á vítima do delito, nin á sociedade.
A documentación que se achega neste documento non é exhaustiva e -salvo sinalar unha fonte externarefírese a 160 países onde Amnistía Internacional documentou determinadas violacións de dereitos humanos durante 2015 ou recibiu tal información de fontes fidedignas. 1 Segundo ACNUR, Axencia da ONU para os Refuxiados. 2 Segundo Front Line Defenders.