The Gospel of Mark in Kunwinjku

Kunwok Kunmak bu Mark Bimbom

A review copy of The Gospel of Mark in Kunwinjku

Mark Cover-V2.indd 1

15/12/11 9:46:24 PM

KUN Mark Review Edition.indd 6

19/12/11 5:53:56 PM

Kunwok Kunmak bu Mark Bimbom

A review copy of The Gospel of Mark in Kunwinjku

KUN Mark Review Edition.indd 1

19/12/11 5:53:55 PM

Kunwok Kunmak bu Mark Bimbom The Gospel of Mark in Kunwinku, a language of Western Arhnem Land.

Text: copyright ©Bible Society Australia 2011 Cover & Title Page illustration copyright ©Global Recordings Network. Used by permission.

PUBLISHER Bible Society Australia www.biblesociety.org.au Remote & Indigenous Ministry Support GPO Box 9874, Adelaide, South Australia 5001 Quotation Rights Statement As this publication is for review only no part of this text is to be used outside of it’s intended purpose.

For more information please contact the publisher: Bible Society Australia Phone: (08) 8292 4808 Email: translation@biblesociety.org.au

Printed in Adelaide at OpenBook Howden 2011 ©Bible Society Australia (50 copies)

KUN Mark Review Edition.indd 2

19/12/11 5:53:56 PM

Bu Ngurribimnan Mark kore Kunwok Kunmak Bimbom Nahni djurra kabimbuyindi kore Mark bimbom. Minj nawern ngarrimarnbom dja nahni wanjh nakerrnge ba bu ngurribimngeybun dja ngurrirohrokme. Bu ngurringalke yikahwi kunwok dja mak yikahwi kunmayali kunrayek duninjh, dja minj ngurrimenmenbekkan, wanjh yimarneyimen Ngalngarridj ngalbu minister, dja warridj ngurrimarneyimen Nabulanj Steve. Kaluk ngarrimarnmarnbun ba bu ngurridjalmenbekkan bu ngurribimnan. Kaluk yerrikah, nakudji balanda kamre, nawu Bible Society consultant, dja ngarriyawoyhnan checkingkenh, ba Bible Society kamarnbu nawernkenh djurra kadberre.

Kore kunngey nuye Jesus Christ Steve Etherington

Introduction to Mark’s Gospel This book is Mark’s Gospel in the Kunwinjku language. It is a preliminary version with only a few copies so that people in the Kunwinjku speaking Church can give feedback to the translation team. The Kunwinjku translation team have prepared this translation and now we are checking to see if people in the Church can read it easily and hear the right meaning. Later in 2012 we will ask everyone what they think about this translation and make changes as needed. After that, a Bible Society translation consultant will work with the translators to do the final check to make sure the meaning is accurate and the language is clear and natural.

If anyone reading this finds parts that are not accurate or clear, please tell Rev. Lois Nadjamerrek or Steve Etherington so we can make appropriate changes.

KUN Mark Review Edition.indd 3

19/12/11 5:53:56 PM

Lectionary Readings for 2012 Date

Season

Gospel Reading

Sunday, 27 November 2011

1st Sunday in Advent

Mark 13:24–37

Sunday, 4 December 2011

2nd Sunday in Advent

Mark 1:1–8

Sunday, 11 December 2011

3rd Sunday in Advent

John 1:6–8, 19–28

Sunday, 18 December 2011

4th Sunday in Advent

Luke 1:26–38

Sunday, 25 December 2011

Christmas Day

Luke 2:1–14, (15–20)

Sunday, 1 January 2012

1st Sunday after Christmas

John 1:1–18

Thursday, 6 January 2011

Epiphany

Matthew 2:1–12

Sunday, 8 January 2012

1st Sunday after Epiphany

Mark 1:4–11

Sunday, 15 January 2012

2nd Sunday after Epiphany

John 1:43–51

Sunday, 22 January 2012

3rd Sunday after Epiphany

Mark 1:14–20

Sunday, 29 January 2012

4th Sunday after Epiphany

Mark 1:21–28

Sunday, 5 February 2012

5th Sunday after Epiphany

Mark 1:29–39

Sunday, 12 February 2012

6th Sunday after Epiphany

Mark 1:40–45

Sunday, 19 February 2012

Last Sunday after Epiphany

Mark 9:2–9

Wednesday, 22 February 2012

Ash Wednesday

Matthew 6:1–6, 16–21

Sunday, 26 February 2012

1st Sunday in Lent

Mark 1:9–15

Sunday, 4 March 2012

2nd Sunday in Lent

Mark 8:31–38

Sunday, 11 March 2012

3rd Sunday in Lent

John 2:13–22

Sunday, 18 March 2012

4th Sunday in Lent

John 3:14–21

Sunday, 25 March 2012

5th Sunday in Lent

John 12:20–33

Sunday, 1 April 2012

Palm Sunday

Mark 11:1–11

Friday, 6 April 2012

Good Friday

John 18:1—19:42

Sunday, 8 April 2012

Easter Sunday

John 20:1–18

Sunday, 15 April 2012

2nd Sunday of Easter

John 20:19–31

Sunday, 22 April 2012

3rd Sunday of Easter

Luke 24:36b–48

Sunday, 29 April 2012

4th Sunday of Easter

John 10:11–18

Sunday, 6 May 2012

5th Sunday of Easter

John 15:1–8

Sunday, 13 May 2012

6th Sunday of Easter

John 15:9–17

KUN Mark Review Edition.indd 4

19/12/11 5:53:56 PM

Date

Season

Gospel Reading

Sunday, 20 May 2012

7th Sunday of Easter

John 17:6–19

Sunday, 27 May 2012

Pentecost Day

John 15:26–27; 16:4b–15

Sunday, 3 June 2012

Trinity Sunday

John 3:1–17

Sunday, 10 June 2012

2nd Sunday after Pentecost

Mark 3:20–35

Sunday, 17 June 2012

3rd Sunday after Pentecost

Mark 4:26–34

Sunday, 24 June 2012

4th Sunday after Pentecost

Mark 4:35–41

Sunday, 1 July 2012

5th Sunday after Pentecost

Mark 5:21–43

Sunday, 8 July 2012

6th Sunday after Pentecost

Mark 6:1–13

Sunday, 15 July 2012

7th Sunday after Pentecost

Mark 6:14–29

Sunday, 22 July 2012

8th Sunday after Pentecost

Mark 6:30–34, 53–56

Sunday, 29 July 2012

9th Sunday after Pentecost

John 6:1–21

Sunday, 5 August 2012

10th Sunday after Pentecost

John 6:24–35

Sunday, 12 August 2012

11th Sunday after Pentecost

John 6:35, 41–51

Sunday, 19 August 2012

12th Sunday after Pentecost

John 6:51–58

Sunday, 26 August 2012

13th Sunday after Pentecost

John 6:56–69

Sunday, 2 September 2012

14th Sunday after Pentecost

Mark 7:1–8, 14–15, 21–23

Sunday, 9 September 2012

15th Sunday after Pentecost

Mark 7:24–37

Sunday, 16 September 2012

16th Sunday after Pentecost

Mark 8:27–38

Sunday, 23 September 2012

17th Sunday after Pentecost

Mark 9:30–37

Sunday, 30 September 2012

18th Sunday after Pentecost

Mark 9:38–50

Sunday, 7 October 2012

19th Sunday after Pentecost

Mark 10:2–16

Sunday, 14 October 2012

20th Sunday after Pentecost

Mark 10:17–31

Sunday, 21 October 2012

21st Sunday after Pentecost

Mark 10:35–45

Sunday, 28 October 2012

22nd Sunday after Pentecost

Mark 10:46–52

Sunday, 4 November 2012

23rd Sunday after Pentecost

Mark 12:28–34

Sunday, 11 November 2012

24th Sunday after Pentecost

Mark 12:38–44

Sunday, 18 November 2012

25th Sunday after Pentecost

Mark 13:1–8

KUN Mark Review Edition.indd 5

19/12/11 5:53:56 PM

KUN Mark Review Edition.indd 6

19/12/11 5:53:56 PM

Kunwok Kunmak bu Mark Bimbom

1

1:1-8 John Yingkihbolhmarnbom nuye Jesus.

Mahni manu kunwok kunmak manbu kabihyolyolme Jesus Christ, nawu beywurd nuye God. Kuhni dedjingmey 2 kore Isaiah, nawu God nuye prophetni bimbom, bu kabimbuyindi kayime, Yina! Ngaye ngamunkewe bininj nawu nganmarnewokdi, ba kayingkihbolhmarnbun ke.a 3 “Kore kubolkdarleh bininj kahkayhmire kahyime, ‘Manbolh ngurrimarnbu nuye nawu Kawohrnan!

Kaluk manmekbe manbolh mandjadnin bu ngurrimarnbu!’ ”c 4 Wanjh namekbe John nawu benhkukdjuhkeyi bininj, bebmeng kore kubolkdarleh dja weykani, benmarneyimeng bininj birriwern, “Ngurriborledmen nuye nawu Kawohrnan dja ngurribawo kunwarre ba God ngunmarnebengmidjdan kunwarre ngudberre, dja ngurrikukdjuhmen!” 5 Wanjh kore kunred bokenh Judea dja Jerusalem bininj birriwern birriyorrmeng birriyikang John.

Wanjh kumekbe birriwarnyakmulewarreni kunwarre bedberre, wanjh John benkukdjuhkeng kore mankabo Jordan. 6 Kaluk John nawu djongbuyindi kunmadj marnbom kunngabekwi mayh nawu camel nuye. Dja mak leather nawu ngardmodukkayindi, mak djalnguni djaddedde dja mankung. 7 John yolyolmeng bedberre bu yimeng mahni kunwok: “Bininj nakudji kamre nawu wernhdulkarrekimuk duninjh nawu nganyurrhke ngardduk. Dja ngaye minj ngamak bu ngaboddan bu ngarrengeyerrke nawu kahdengedjongbuyindi. 8 Mak ngaye kukdjuhke ngudberre kukkuwi, dja nungka ngunkukdjuhke ngudberre Namalngmakkaykenh dorrengh.”

1

1:9-11 Jesus bu Kukdjuhmeng

Wanjh kunmekbe rerrih Jesus bolkbawong Nazareth kore Galilee dja kumwam kore John ningihni, dja kumekbe John bikukdjuhkeng Jesus kore kakabongeyyo Jordan. 10 Kaluk bu Jesus kumhbidbuni kore karrkad, wanjh bolknang kaddum dja nang kunngol dangmarrhmiwam dja Namalngmakkaykenh yiman dorddorok yerre kumkolungi. 11 Wanjh kumwokdanj kore heavenbeh, yimeng, “Ngudda nawu ngardduk Beywurd. Ngaye wanjh ngawernhnjilngmak ke.”

9

1:12-13 Nawu Namarnde Duninjh Bidjurrkang Jesus.

Wanjh nawu Namalngmakkaykenh bikang Jesus dja bimunkeweng kore kubolkdarleh. 13 Kaluk kumekbe kore kubolkdarleh Jesus yerrkang bu kunkodjke forty, mak birridjarrkni nawu birribang mayh. Bu kumekbe kubolkdarleh ningihni, nawu Namarnde Duninjh bihdjurrkkani. Wanjh angels birribebmeng birrihnahnani Jesus.

1 12

KUN Mark Review Edition.indd 7

19/12/11 5:53:56 PM

Mark — 1 1:14-15 Jesus Benbengdayhkeng Kunwok Kunmak nuye God.

Kalukburrk bu bininj birribongkurrmeng John kore jail, wanjh Jesus wam kore Galilee weykahweykani manbu manmakkaykenh kunwok kore God bimyimunkeweng. 15 Wanjh yimeng, “Kuhni wanjh ngokko kumwam. God kamre darnkih ba kawohrnan rowk, wanjh ngokko darnkih kamhre. Dja wanjh ngurrikangeborledmen dja ngurrimarrkma kunwok manbu manmakkaykenh!”

14

1:16-20 Jesus Benkayhmeng Bininj bu Birrimunkekadjungi.

Kaluk bu Jesus rengehrey kore kukadjid ngarre Mankabowarlah Galilee, balwohnang benbenenang Simon dja Andrew, nawu Simon benedanginj.

Beneweyi nakimukkenh walabbi kore kurrula bu djenj benemangi. Kaluk bedda benedurrkmirri djenjkenh. 17 Kumekbe Jesus benbenemarneyimeng, “Ngunemray ngaye kandimunkekadju! Dja benbenemarnbun bu bininj ngurrbenmang yiman djenj ngunemang.” 18 Wanjh kundjalmekbe yerre Simon dja Andrew benebawong walabbi benewoneng, dja benemunkekadjuy Jesus.

19 Kaluk Jesus djahdjalley, dja yuwn bu djarreh, wanjh benbeneyawoyhnang benebadbuyika bininj, nawu kabenengeyyo James dja John nawu bebeywurd nuye Zebedee. Wanjh bedda benehbarndi kore kabbala dja benehmarnbuni walabbi benewoneng. 20 Mak kornkumo berrewoneng nawu Zebedee dja nawu birrihdurrkmirri nuye kumekbe birrihdjarrkbarndi kore kabbala nabebeywurd dorrengh. Wanjh kundjalmekbe rerrih Jesus benbenekayhmeng benemekbe nawu benedanginj, wanjh kunmekbe yerre bindibawong birribuyika dja nawu kornkumo dorrengh, dja benemunkekadjuy Jesus.

16

1:21-28 Jesus Burriweng nawu Nawarre Kunmalng.

Jesus dja nawu disciples nuye birriwam kore kunred kabolkngeyyo Capernaum. Wanjh kaluk bu kunbarnangarra Sabbath Jesus wam werrkwerrk kore kunrurrk manbu Synagogue, wanjh dedjingmey benbukkabukkani kumekbe. 22 Nawu bininj kumekbe birrihdi birrikangebarrhmeng bu birribekkani nungka yolyolmeng bu yiman kayime nungka wohrnawohrnani rowk, makka minj karrerohrokniwirrinj bininj nawu kabindibukkabukkan ngarre mankarre bedberre. 23 Bu kumekbe Jesus ningihni, nakudji bininj kumekbe dingihdi kore kunrurrk yiwarrudjkenh, kaluk nungka karrmi nawarre kunmalng.

Wanjh kumekbe kayhmeng yimeng, 24 “Jesus nawu Nazarethbeh! Njale yidjare ngadberre? Yiddok yimwam bu kanbun nganewoneng? Dja ngaye burrbun ngudda. Ngudda nawu God nuye Yikukdjamunkenh Duninjh!” 25 Wanjh Jesus yimeng bu mardabbabba, “Yingurdmen! Dja yibebmen yibawo nahni bininj!”

26 Wanjh nawu nawarre kunmalng bimarnbom namekbe bininj bu deldelmeng kunkimuk duninjh. Kunmekbe yerreh nawu nawarre kunmalng kayhmeng wernkih duninjh, dja wanjh bebmeng, wam bibawong namekbe bininj.

27 Kaluk birriwern bininj birrinang dja birrikangebarrhmeng. Wanjh 2 21

KUN Mark Review Edition.indd 8

19/12/11 5:53:56 PM

Mark — 1 dja birridangwerreni bu birriyimarneyimerreni, “Kaluk kuhni baleh kakurduyimerran? Nahni bininj kahyolyolme mankarrekerrnge, dja mak kahyolyolme yiman kayime nawu kawohrnan. Nungka kabenmarneyime nawu birriwarre kunmalng, dja kabirriwokmarrkmang!” 28 Wanjh manmekbe kunwok warlahminj kore kubolkwarlah Galilee bu Jesuskenh.

1:29-34 Jesus Benhmarnbuni Birriwern Bininj.

Wanjh Jesus dja disciples nuye birribolkbawong kore kunrurrk ngarre yiwarrudjkenh dja birribalwam, James dja John dorrengh, kore kunrurrk berrewoneng Simon dja Andrew. 30 Kaluk Simon nuye ngalbinjbalak yongohyoy, dowehdoweni dja karrmi kundjak. Wanjh bininj nawu kumekbe birrihni birrimarneyimeng Jesus bu ngalengkihkah. 31 Wanjh Jesus birrarnhyikang kore ngaleng kodjkehkodjkeyoy, dja bibidmey wanjh biwayhkeng. Kaluk kundjalmekbe yerreh manmekbe kundjak bibawong, wanjh ngaleng makminj.

Wanjh dolkkang wam kinjeng manme dja benwonowong birringuneng.

32 Kaluk kunmekbe bu balngokdanj bolkburlerranj, birriwern bininj bindimkani nawu birridulkyini kore Jesus, mak nawu namarnde benbonghkarrmi nakka mak bindimkani. 33 Wanjh kumekbe nawu kunred birrihni birrimirndemornnamerrinj rowk kore kurrangmaye ngarre kurrambalk.

34 Wanjh kumekbe Jesus benhmarnbuni birriwern nawu kunbubuyika kundjak birrihkarrmi. Dja benbebkeyi bedberre nawern namarnde nawu bindihbongkarrmi. Kaluk birrimekbe namarnde birrikukburrbom Jesus, wanjh kunmekbekenh Jesus minj benbawoyinj bu birrimulewayinj nuye.

29

1:35-39 Jesus wam danginj yiwarrudj kore kubolkmodmikenh.

Bu kunkodjkebuyika, dja bu djarreh kumhkabelni, Jesus kakdolkkang dja kakbolkbawong kore yongohyoy, bu djahdjalkakyoy yerreh. Wam bolkngalkeng kore minj bininj birriniwirrinj, wanjh kumekbe yiwarrudj danginj. 36 Wanjh yerre, Simon dja nawu birridabbolk birriwam birrihyawani Jesus. 37 Kaluk bu birringalkeng wanjh birrimarneyimeng, “Birriwern bininj ngundihyawan!”

38 Wanjh Jesus yimeng, “Ngad wanjh karriray kubolkbuyika darnkih, kore kururrkmirnderri. Ba ngayolyolme bedberre kumekbe warridj. Dja kunmekbekenh ngaye ngamwam.” 39 Wanjh rengehrey kubolkwarlahbubuyika ngarre kunred Galilee. Nungka yolyolmeng kore synagogues dja benbebkeyi bedberre nawu namarnde bindihbongkarrmi.

35

1:40-45 Jesus Bimarnbom Bininj nawu Kulahwarreni.

Nakudji bininj kundjak karrmi. Kaluk kulahmokmokni dja bimyikang Jesus wanjh mankang kurorre, barddurrukkurlhdanj dja bimarnekongiburrinj Jesus bu yimeng, “Ngaburrbun ngudda bu kanmarnbun. Dja bu yidjare wanjh kanmarnbu.”

40

3 KUN Mark Review Edition.indd 9

19/12/11 5:53:56 PM

Mark — 1, 2 Wanjh Jesus wernhmimkongiwernminj bu bikongibom namekbe bininj. Wanjh berlyirriyoy nuye, bikarrmeng dja yimeng, “Ngaye ngadjare marnbun. Dja wanjh yidjalmakmen!” 42 Kaluk kundjalmekbe yerreh manmekbe kundjak bibawong nawu bininj wanjh yawoyhkulahmakminj. 43 Wanjh Jesus bimarneyimeng namekbe bininj bu werrk kare, dja biwokrayekwong mardabbabba yimeng, 44 “Yuwn nangale yimarnemulewan bu kuhni ngakurduyimeng ke. Dja ngaleng yidjallay yikukbukkarrimen kore nawu yiwarrudj nuye, wanjh yiwon namakmak kore God, kunmekbekenh bu ngudda yimakminj. Yikurrmen namekbe namakmak kore Moses wokkurrmerrinj. Kuhni ba kabenbukkan bininj bu ngudda yimakminj.” 45 Dja bonj, namekbe bininj bolkbawong kumekbe dja wam, benmarneyolyolmeng birriwern bininj bu Jesus bimarnbom kore kundjak bimarneweng. Kaluk kunmekbekenh Jesus minj ngimeninj kore kururrkmirnderri rowk ba minj nangale binayi. Dja djahdjalley ni kore kunred minj nangale niwirrinj. Dja nakka bininj birriyorrmerreni nawu birrikang kubolkbubuyikabeh birrikadjungi Jesus kore baleh yarrka rey.

41

2

2:1-12 Jesus Bimarnbom Bininj nawu Birlni

Kaluk yerrekah Jesus kumdurndi kore Capernaum dja wanjh yerrkang kore kunred nuye. Wanjh birriwern bininj birriwobekkang bu kumdurndi kore nuye kunred. 2 Wanjh birribebmeng kore nungka, dja birrimirndewern duninjh bindidjokkohmeng darnkih kore kurrang. Wanjh Jesus yolyolmeng bedberre nuye kunwok kunmak.

3 Wanjh yikahwi bininj birribebmeng, birrimkang nakudji bininj nawu birlni, kunkarrngbakmeng birrikani kunmadj dorrengh nawu nungka yongohyoy.

4 Bedda minj baleh birribolkngalkemeninj birringimowoyi dja birrimirndewern duninjh bindidjokkohmeng. Wanjh kunu bedda birribidbom kaddum kore roof, wanjh birriyerrkkeng dja birriduhkeng kaddum kore Jesus ni kanjdji, wanjh kumekbe birrikoluyhweng namekbe nawu nabirl kunmadj dorrengh. 5 Bu Jesus nang bedberre bu birriwernhwoybukwong, wanjh bimarneyimeng nawu nabirl, “Korlonj, kunwarre ke wanjh bularrbuyindanj rowk.”

6 Wanjh yikahwi nawu Scribes birrihni kumekke, wanjh bedda yiman birrihdjawarreni rerrih bu birriburrbuhburrbuni, birriyimerreni, 7 “Adju! Kaluk njalekenh nahni bininj kayime kunwarre? Nungka wanjh kawokdi kunwarre manbu Godkenh. Minj nangale bininj kabimarnebengmidjdan kunwarre, dja djal God nadjalkudji kabularrbun kunwarre.”

8 Wanjh kundjalmekbe rerrih Jesus burrbom kore kunmalng nuye bu kunmekbe birriburrbuhburrbuni. Wanjh nungka benmarneyimeng, “Njalekenh ngudda kumekbe ngurrihdjawarren kukange ngudberre? 9 Baleh kakelk, bu ngamarneyime nahni nawu nabirl ‘Kunwarre ke bularrbuyindanj rowk’, dja nuk bu ngadjalmarneyimeninj, ‘Mah, yirrolkka, yimadjmang dja yiray’? 10 Dja wanjh ngadjare ngudda ngurriburrbun bu ngaye nawu Bininj Duninjh, dja God nganmarnbom ngawohrnan bu ngaye ngabularrbun bininj bedberre kunwarre kondah kore kurorre.” Wanjh kunmekbekenh kunu Jesus bimarneyimeng 4 1

KUN Mark Review Edition.indd 10

19/12/11 5:53:56 PM

Mark — 2 namekbe nawu nabirl, 11 “Ngaye marneyime, yirrolkka, yimadjma nawu yihyo, dja yirrokmen kured!” 12 Wanjh kundjalmekbe rerrih nungka dolkkang, madjmey, dja dokmeng kured. Wanjh bedda rowk birrinang, dja birrikangebarrhmeng duninjh, wanjh birriburlumi God. Birrihmarneyimerreni, “Ngad nawu karrinang kunbuyika duninjh bolkkime, bu minj karriburrbuyi.”

2:13-17 Jesus Bikayhmeng Matthew.

Kaluk bolkbawong kunmekbe dja yawoyhwam, rey kore kurrula kukadjid.

Dja birrimirndewern bininj birrimwam dja birrihni kore nungka. Wanjh Jesus dedjingmey benbukkabukkani. 14 Kaluk bu Jesus rengehrey wanjh binang Levi, nawu beywurd nuye Alphaeus. Nungka ningihni kore kururrk kore kunwardde mangihmangi ba kabirrikarremulewan taxes. Wanjh Jesus bimarneyimeng, “Ngaye kanmunkekadju, wanjh ngarre!” Wanjh Levi dolkkang dja bimunkemey Jesus.

15 Kaluk bu yerrekah, Jesus dja nuye disciples birringunihnguni manme kore Matthew nuye kurrambalk. Dja warridj birriwern bininj nawu tax kabirrimang dja mak nawu birriwarre bininj wanjh birrimwam dja birridjarrknguni manme.

Bedda birriwernmerrinj dja birrimunkekadjungi Jesus. 16 Kaluk nawu Scribes, nawu bindimarnedurrkmirri Pharisees, bu bindikurdunang Jesus birridjarrknguni manme birriwarre bininj warridj, dja nawu tax kabirrihmang warridj, wanjh, bindidjawani Jesus nuye disciples, bu birriyimeng, “Njalekenh Jesus kabirrihdjarrkngun dja kabirrihdjarrkbongun birrimekbe nawu tax kabirrimang dja mak nawu birridjalwarre bininj?”

17 Bu Jesus benbekkang, wanjh yimeng bedberre, “Bininj nawu kabirribekkarren bu kamak rowk, wanjh minj kabirridjare doctor. Dja bininj nawu birridulkyini, nakka wanjh kabirriyawan doctor. Mah, kunu ngaye minj ngamrawinj ba ngabenkayhme bininj nawu birrimak, dja ngaleng ngamwam ba ngabenkayhme bininj nawu birriwarre.”

13

2:18-22 Bininj birridjawani Jesus.

Kaluk bininj nawu John nuye disciples, dja mak bininj nawu Pharisees, wanjh yikahwi minj birringuyinj manme walakkih, ba birridjaldi yiwarrudj.

Wanjh yikahwi bininj birrimwam kore Jesus dja birridjawam, “Njalekenh bininj nawu John nuye disciples, dja mak disciples bedberre nawu Pharisees wanjh kabirribawon manme ba kabirridi yiwarrudj, dja bininj nawu ngudda ke disciples minj kabirribawon manme bu kunmekbekenh?” 19 Wanjh Jesus yimeng bedberre, “Bu yiman mulil kabirrimarnbun bu bininj daluk kabenemarren, wanjh nawu disciples nuye nawu nakaliyi, yiddok bedda wanjh kabirribawon manme bu nungka kabirrihdjarrkni? Burrkyak. 20 Dja kaluk yerrekah, bu namekbe nawu nakaliyi kabenbawon bedberre, wanjh kunu nawu disciples nuye kabirribawon manme.”

21 Wanjh benmarneyolyolmeng warridj, yimeng, “Minj nangale kawohdjalkmang manburrba kore kunmadjkerrngebeh kanamekenh kore 5 18

KUN Mark Review Edition.indd 11

19/12/11 5:53:56 PM

Mark — 2, 3 kunmadjkare. Wardi bu yimankek kunmekbe kayime bininj, wanjh nawu nakerrnge kadjalkmiyindi, dja warridj nawu yimankek kaname kore nakare, wanjh minj kabenemadjrohrok. Wanjh kamadjwarremen rowk. 22 Dja mak minj nangale kaborrahkendong manbu wine manbokerrnge kore nakare budjdjurlung nawu mayh kunkulah. Wardi bu yimankek kunmekbe kayime bininj, wanjh manbu manbokerrnge kadjalkmang namekbe kunkulah, dja mak kaboyakarrburren, dja warridj nawu kunkulah kadjalwarremen. Dja manbu wine manbokerrnge, bininj kabirridjalborrahkendong kore nakerrnge kunkulah budjdjurlung.”

2:23-28 Jesus Benbukkang bu Sabbath Ngarre

Kaluk bu kunbarnangarra manbu Sabbath, Jesus dja mak bininj nuye nawu benhbukkabukkani birrihdjarrkrey kore kabbal kore kundalk dudjindi manbu karrmi manmim. Wanjh Jesus nuye nawu benhbukkabukkani, bedda wanjh birrimimdurrkmangi. 24 Wanjh nawu Pharisees birriyimeng nuye, “Yina!

Njalekenh kuhni kabirrikurduyime bu kabirrihkarrebakke manbu mankarre manbu Sabbath ngarre?” 25 Jesus benwokmey yimeng, “Ngudda yimankek ngurribimnayi kore God nuye kunwok, kabimdi bu njale David kurduyimeng bu nungka dja bininj nuye birribekkarrinj birrimarrwedoweni? 26 Wanjh kunu nungka ngimeng kore God nuye kunrurrk, kore priest nakimuk ni, nawu Abiathar.

Dja David mey buriddi mandjamun manbu kumekbe yoy. Wanjh nungka nguneng manmekbe buriddi, warridj benwong bedberre nawu birrihdjarrkrey.

Dja mankarre kahyo manmekbe buriddi ngarre, bu minj nangale kangun, djal priestswi kabirringun.” 27 Dja mak benmarneyimeng, “God marnbom manbu Sabbath kunbarnangarra dja kanwong ngad bininj. Minj kanmarnbuyinj bininj ba karriworren kore Sabbath! 28 Wanjh kunmekbekenh kunu, ngurriburrbun bu ngaye nawu Bininj Duninjh ngamarnewohrnan kore Sabbath kunbarnangarra warridj.”

23

3

3:1-6 Bu Kunbarnangarra manbu Sabbath, Jesus bimarnbom nakudji bininj.

Kaluk Jesus yawoyhngimeng kore Synagogue. Nakudji bininj ni kumekke, nawu kunbidkun nuye bidwelemikenhni. 2 Wanjh yikahwi bininj birriwernhnani Jesus, birridjareni birrinayi bu yimankek nungka kabimarnbun nahni bininj bu kunbarnangarra manbu Sabbath, ba kunu birringalkemeninj kabirridjuhbunkenh. 3 Wanjh Jesus bimarneyimeng namekbe bininj nawu bidwarreni, yimeng, “Yirrolkka, yirrangimen kondah kubulkayh bedberre rowk.” 4 Wanjh Jesus bendjawam nawu birriwernhnani, yimeng, “Ngaye djawan ngudberre, baleh kakarreyime Sabbath ngarre bu kunbarnangarradjamun?

Yiddok kunmak bu karrimarneyime kunmak bolkkime, dja nuk ngurridjare karriyime kunwarre? Yiddok karrikanjmarnbun karridarrkidwon bininj, dja nuk kunmak bu karribun bininj?” Dja birrimekbe bininj, wanjh minj birriwokdiwirrinj. 5 Wanjh Jesus bennang rowk, dja benduy. Nungka 6 1

KUN Mark Review Edition.indd 12

19/12/11 5:53:56 PM

Mark — 3 wernnjilngwarreni dja benkangeburrbom bu bedda wanjh birridjalbangni.

Wanjh bimarneyimeng bininj nawu bidwarreni, “Yibidyirriyuwn.” Wanjh nungka bidyirriyonginj, wanjh bidyimerranj yiman kerrngehkenh duninjh bidyibidyimi. 6 Wanjh bininj nawu Pharisees birribawong, birribebmeng dja kundjalmekbe rerrih birrimayalibekkarreni Herod nuye bininj dorrengh, dja birridjarrkkarremarnburreni bu birribuyinj Jesus.

3:7-12 Birriwern Bininj Birridjareni bu Jesus Kabenmarnbun.

Kaluk Jesus dja nuye disciples birribolkbawong dja birriwam kore kurrula darnkih. Dja birrimirndewern duninjh nawu birrikang Galilee birrimirnderaworrinj bininj nawu Judeabeh, dja wanjh bindimunkekadjungi.

Birriwern bininj birribuyika mak birrimirnderaworrinj, nawu birrikang Jerusalem, dja mak nawu birrikang Idumea, dja birrimwam djarreh kore Jordan dja bewh, dja mak bininj nawu Tyre dja Sidonbeh birrimwam. Bedda wanjh birriwobekkang Jesus kore kurdukurduyimi, dja wanjh birriwam kore nungka. 9 Kunmekbekenh kunu Jesus benmarneyimeng nuye disciples bu kabirriyingkihkurrme nuye nakudji kabbala, dja kumirnde bu kawernhwernmerren wardi kabikukdjurrkkan.

10 Birriwern nawu birridulkyini, wanjh birridjareni bu birrikilekmeninj Jesus ba kabenmarnbun, dja kunmekbekenh birrikukdjurrkkani. Birriburrbuni bu nungka benmarnbuni birriwern. 11 Dja mak kunwarre kunmalng kunwern, bu birrikuknang Jesus, wanjh birrimarnemankang kore kumirrk nuye, dja birrikayhmi, bu birriyimi, “Ngudda nawu God nuye Beywurd nadjalkudji!” 12 Dja Jesus benbengdayhkeng mardabbabba duninjh bu minj birrimulewayinj.

7-8

3:13-19 Jesus Bendjarrngbom Twelve Bininj.

Kaluk Jesus wam bidbom kore mandulum, dja benkayhmeng yikahwi bininj nawu nungka djareni bu benmunkeweng. Dja birriwam kore nungka di. 14 Wanjh Jesus bendjarrngbom birrimekbe nawu twelve bininj, ba bu kabenmunkewe.

Nungka djareni bu kabirridjarrkre dja mak kabenmunkewe kore kabirriyolyolme yiwarrudj. 15 Kaluk djareni bu kabenwon kundulkarre ba bu kabindiburriwe nawu namarnde nawern. 16 Wanjh benkurrmeng birrimekbe nawu twelve nuye bininj.

Bedda wanjh birringeyyoy Simon nawu Jesus bingeykurrmeng Peter, 17 dja James nawu beywurd nuye Zebedee, dja John nawu James benedanginj. Nahni bokenh bininj Jesus benbenengeybom Boanerges. Nahni kunngey kamenyime Beywurd nuye Namarrkon. 18 Dja birribuyika birringeyyoy Andrew, Philip, Bartholomew, Matthew, Thomas dja James nawu Beywurd nuye Alphaeus, dja mak Thaddaeus, dja Simon nawu birriyimi Zealot, 19 dja warridj Judas nawu ngeyyoy Iscariot, nawu nungka kaluk bikukweykang Jesus.

13

7 KUN Mark Review Edition.indd 13

19/12/11 5:53:56 PM

Mark — 3 3:20-30 Jesus Yolyolmerrinj bu Benbengdayhkeng bu Nungka Wernhdulkarrekimuk.

Wanjh Jesus ngimeng kunrurrk. Dja birrimirndewern bininj birrimirndemornnamerrinj nuye kore kumekbe kunred, dja birribolkwarrewong.

Kaluk nungka dja bininj nuye minj birringuyinj manme bedberre. 21 Dja bininj nawu namud nuye Jesus, wanjh birriwobekkang dja birriwam bu birrimayinj, dja birriyimerreni, “Nungka wanjh bengwarrminj!”

22 Yikahwi bininj nawu Scribes birrimwam, birrimkoluy kore Jerusalembeh, wanjh bedda birriyimeng, “Jesus nakka kakarrme namarnde nawu kangeyyo Beelzebul nawu kawohrnan kore nawarrewarre kunmalng. Kunmekbekenh kunu nungka Jesus kawe nawu nawarre kunmalng rowk!” 23 Wanjh Jesus benkayhmeng bu birrimwam darnkih, dja dedjingmey bu yolyolmeng parables bedberre. Wanjh yimeng, “Adju, yiddok ngurriyime bu Namarnde Duninjh kaburriwerren? 24 Burrkyak. Ngurriburrbun bu bininj nawu kabirridjarrkyo kore kubolkwarlahkenh, bu kabirriburren wanjh kabirrikukyakworren, dja kabirribolkwarremen. 25 Dja nakudji namud bu birrimekbe bininj kabirridjalburren, wanjh kabirriyakworren, dja namud bedberre wanjh kayakmen. 26 Kunmekbekenh kunu marneyime, bu nawu Namarnde Duninjh kadjalburren, wanjh bonj, minj kahdi, dja yakminj. 27 Wanjh kunu kandibekka, dja ngurriburrbun kunbuyika. Bu nangale kadjare kangimen kore bininj nawu dulkarrewern nuye kurrambalk bu kadjirdmang nuye njalehnjale, wanjh nakka kabirrukarrukan werrk namekbe nawu dulkarrewern bininj. Wanjh kabaldjirdmang njale kore kurrambalk.”

28 “Dja wanjh marneyime kunwoybuk ngudberre, baleh kore kunwarre ngurrikurduyime dja mak kore ngurriyime kunwarre nuye God, nakka wanjh God kabengmidjdan ngudberre. 29 Dja nangale kabirrahme nawu Namalngmakkaykenh, wanjh nakka minj God kabimarnebengmidjdan nuye kunwarre munguyhmunguyh. Nahni bininj wanjh kadjalkurduyime kunwarre munguyhmunguyh.” 30 Jesus kunmekbe yimeng bu kuninjkunukenh, bedda birriyimi, “Nungka kakarrme kunmalng nawu kunwarre.”

20

3:31-35 Jesus nuye Namud Duninjh.

Kunmekbekenh kunu birrimarnebebmeng Jesus nuye ngalbadjan dja nawu birridangerrinj. Birridi kore kuberrkkah dja birrimarnewokmunkeweng dja bininj bikayhmeng nuye. 32 Birrimirndewern bininj birridjarrkyerrkang nungka, dja birrimarneyimeng, “Yina! Ngalbadjan dja nawu ngurridangerrinj kabirrihni kuberrk dja ngundiyawan.” 33 Jesus benwokmey, yimeng, “Nangalengale ngaye ngalbu nganyawmey, dja nawu ngarridangerrinj?” 34 Wanjh bendjalnani nawu birriwakbuyinguni bu birridjarrkyerrkang, dja yimeng, “Ngurrinarrimen! Ngudda yiman ngayekenh ngalbabadjan, dja nawu karridangerrinj! 35 Nangale nawu kabiwokmarrkmang God kore kadjare, wanjh ngarridanginj nahni bininj dja daluk, dja warridj ngayekenh ngalbabadjan.”

31

8 KUN Mark Review Edition.indd 14

19/12/11 5:53:56 PM

Mark — 4

4

4:1-9 Jesus Benbukkabukkani bu Yolyolmi Parables manbu kunwarlkkayken kunwok.

Kaluk Jesus wanjh wam kore kurrulakadjid dja kumekbe yawoyhdedjingmey bu benbukkabukkani. Wanjh birriwern bininj birriwakbuyinguneng, dja nungka dolkkang, bidbom, yerrkang kore kabbala dahkendanj, wanjh nawu bininj benbawong birrimhdi kore kukadjid. 2 Kumekbe wanjh Jesus yolyolmeng bedberre kunwern bu benhbukkani kore parables, manbu kunwarlkkayken kunwok. Bu benbukkani bedberre, wanjh yimeng, 3 “Kandibekka! Bininj nawu farmer wam kore kabbal dudjehdudjengi manmim. 4 Bu balhmimburriweyi kore kabbal, yikahwi manmim mankarrinj kore manbolh darnkih, wanjh mayhmayh kumwam, nguneng rowk, yakwong. 5 Mak yikahwi mimwarrhmerreni kore kuwarddehwardde, kore kunkulk minj manwern yuwirrinj. Wanjh manmekbe manmim werrkwerrk djordmerreni, dja kunkulk minj manwern yuwirrinj bu kanjdji wernhkurlkrawinj. 6 Kaluk bu dungbebmeng, manmekbe mankolhde rungi wanjh baldarlehmeni, kaluk kumekbekenh minj wernhdedjmadrawinj kanjdji bu bolkdulubuyi. 7 Mak yikahwi manmim warrwarrhmerreni kore mikardihkardird.

Kaluk benedjarrkdjordmerrinj, wanjh manbu mankardird mankonyikonyi kolhdedjokkohmeng, dja minj kunbarnem karrmeninj. 8 Kaluk yikahwi manbu manmim, wanjh mimwarrwarrhmi kore kukurlkmak. Wanjh djordmerreni dja marnburrinj manwern manme. Yikahwi wernmerrinj bu marnburrinj one hundred, dja mak yikahwi manbuyika wanjh marnburrinj sixty, dja mak yikahwi thirty.”

9 Wanjh Jesus yawoyhwokdi, yimeng, “Bu ngurrikarrme kunkanem kore ngurrihbekkankenh, wanjh kandiwokma.”

1

4:10-20 Jesus Benbengdayhkeng nuye Disciples bu Kabirriburrkburrkbekkan manbu Parables.

Wanjh birrimirndewern bininj bindibawong Jesus dja nuye disciples dja warridj nahni twelve bininj nawu nungka bendjarrngbom. Wanjh birridjawani manbu parableskenh. 11 Wanjh benmarneyimeng, “Ngudda wanjh ngokko God ngunbengdayhkeng ngudberre dja ngurriburrbun yehyeng nawu yiman warlkkayindi bu nungka nawu Kawohrnan rowkkenh. Dja nawu birribadbuyika, nawu minj birringimeninj, wanjh bedda kabirridjalbekkan rowk bu kunwarlkkayken kunwok, parable manbu, 12 ba kunu ‘Bu kabirrinan djal kurobbe, minj kabirriwernhburrkburrknan kanjdji baybaywi, dja bu kabirriwokbekkan, minj kabirriwernhburrkburrkbekkan.

Dja bu kabirriwernhburrbun, wanjh kabirrikangeborledmen ba bu God kabenmarnebengmidjdan kunwarre bedberre.’j” 13 Wanjh Jesus yawoyhyimeng, “Yiddok, minj ngudda ngurriburrkburrkbekkang maninjmanu parable? Adju. Dja bu burrkyak, yiddok ngurriwernhburrkburrkbekkan parables manbubuyika manwern?

10

9 KUN Mark Review Edition.indd 15

19/12/11 5:53:56 PM

Mark — 4 Mah, kandibekka. 14 Bininj nawu farmer bu manmim kaburriwe, wanjh yiman bininj kaburriwe kunwok kunmak. 15 Kaluk manmim manbu mankarrinj kore manbolh, wanjh kabenyolyolme bininj nawu kabirribekkan kunwok, wanjh Satan nawu Namarnde duninjh kamre werrkwerrk kamang, kakan kunmekbe kunwok kore kukange bedberre, kore yiman dudjindi. 16 Dja karohrok bu manmim manbu kawarrawarrhme kore kuwarddehwardde, makka wanjh yiman bininj nawu kabirribekkan kunwok, wanjh werrkwerrk kabirriwokmarrkmang bu kunnjilngmak dorrengh. 17 Kaluk bedda yiman rerrih manmim manbu mandedjmadyak, dja kabirridjalwoybukwon bu djal kundedjdjumbungkenh.

Bu kunyid kabenmarnebebme dja bu kabindidung bininj nawu kabirriwarnyak God nuye kunwok, wanjh kundjalmekbe rerrih kabirridjalwokbawon dja kabirriwarrawarrhme. 18 Mak manmim manbu warrwarrhmi kore mikardird manbu manmirrhyi, makka yiman bininj nawu kabirribekkan kunwok, 19 kaluk kambebmerren manbu kunmarrkwarrehni dja mak njalehnjale namakmak nawu kondah kurorrewaken, dja bu kabirridjarewern, wanjh kabenbalbengwarrewon dja kabirribalbengmidjdan. Bedda wanjh yiman minj kakarrme kunbarnem.

20 Dja manmim manbu mankarrinj kore kukurlkmak, wanjh kabenyolyolme bininj nawu kabirribekkan kunwok dja bulkkidj kabirrikarrme kukange bedberre, kabirrimarrkmang, dja bedda wanjh yiman mankolhde kahwernmerren yiman kayime manmim mandjalwern, bu kamarnburren one hundred, dja mak yikahwi manbuyika wanjh marnburrinj sixty, dja mak yikahwi thirty.” Kumekbe wanjh Jesus yolyolmeng.

4:21-34 Jesus Yolyolmeng Manbu Parables.

Jesus yawoyhyimeng bedberre, “Minj nangale nawu kawurlhke lamp bu kawolkkan kanjdji kore banikkin dja nuk kadjalbarrkbun kanjdji kore balabala. Burrkyak! Dja nawu kawurlhke lamp wanjh kabarnname kaddum ba kabolkwolkan. 22 Karohrok bu marneyime, yehyeng rowk nawu bolkkime kawarlkkayindi, wanjh kaluk bininj kabirrinan kurobbe. Dja nawu bolkkime minj kabirriburrbun kore kawarlkkayindi, wanjh kaluk bininj kabirriwobekkan dja kabirriburrbun. 23 Ngudda bininj nawu ngurrikarrme kunkanem, wanjh kandiwernhbekka!”

24 Dja mak Jesus yawoyhyimeng bedberre, “Ngurrinahnarrimen ba bu minj ngurriwokbekkan kunwarre kunwok. Bu ngurridjare kunwarre, wanjh ngurrimang. Dja bu ngurridjare kunmak, wanjh ngurrimak, dja kunwern kunmak ngurrimang. 25 Bininj nawu kakarrme kunmak, wanjh God kabiwon, dja bininj nawu minj kakarrme, wanjh namekbe nanu God kabiyimang rowk warridj nawu nungka yimeng yimankek karrmeninj.”

21

4:26-34 Jesus yolyolmeng kore God Kawohrnan Rowk.

Dja mak Jesus yawoyhyimeng bedberre, “Kore God kawohrnan rowk, wanjh yiman kayime bininj nawu kamimburriwe kore kunkulk. 27 Wanjh kukak 10 26

KUN Mark Review Edition.indd 16

19/12/11 5:53:56 PM

Mark — 4 kamre, dja bininj kakodjkeyo, dja bu kunkabel kamre, wanjh karrolkkan. Dja manbu manmim ngalengmanwi kamarnburren mankolhde dja kadjordmerren.

Dja nanihnjanu bininj nawu mimburriweng, minj kaburrbun bu njale kamarnbun kakurduyimerran. 28 Manbu kunkulk kamarnbun mankolhdewern bu djal ngalengmanwi, mankolhde manyahwurd werrk, kaluk kadjordmen kaddum, wanjh yerre manme kawernmerren kaddum. 29 Kaluk bu kawernhdjolengmen, wanjh nawu farmer kadadjke dja kamang manwern manme yimerranj kore kayiburnbunkenh.”

30 Wanjh Jesus yimeng bedberre, “Bu bukkabukkan ngudberre, ngadjare won ngudberre yiman bim ba ngurrimenmenbekkan kore God kawohrnan rowk. Mah, dja parable marneyime ba ngurriburrkburrkbekkan. 31 Wanjh kore God kawohrnan yiman kayime manmim manyahwurd duninjh, yiman mustard manmim. Kaluk bu bininj karrudjen kore kunkulk. Mahni manmim, wanjh kadjalyahwurd duninjh yiman manbubuyika manmim, 32 dja ngaleng bu kawernhdjordmen, wanjh kayimerran kundulk kawernhkimukmen duninjh kore manbubuyika mankolhde, dja kakarrme manyehyende mankihkimuk, dja nawu mayhmayh karedmarnbun kore kundjurle kunmak ngarre.”

33 Jesus munguyh yolyolmeng bininj kore kunwok kunwarlkkayindi manbu parables. Yolyolmeng kunwern manbu parables, dja walakkih walakkih benbukkani ba birrimenbekkayinj. 34 Minj yolyolmeninj bu kurobbe, dja yolyolmi manbu kunwarlkkayindi kunwok manbu parables. Dja ngaleng benwernhbukkabukkani nawu nuye disciples bu bedda birridjarrkdi, dja benbengdayhkeng rowk bu djal mandjad.

4:35-41 Jesus Ngurdkeng Kunmayorrk Kunkimuk.

Bu kunmekbe kunbarnangarra, bu balngokdanj, Jesus yimeng bedberre nawu disciples nuye, “Mah. Karridjowkke borledmikenh.” 36 Wanjh bindibawong bininj nawu mirndewernmerrinj, dja birrikang Jesus nawu benyingkihmadbom, dja birriballey kore kabbala. Dja mak birribuyika bininj birridjarrkrey kore kabbalabubuyika.

37 Wanjh kunmayorrk kunkimuk bebmeng bedberre, dja kurrula bobidbom dja djuhkeng bedberre. Kaluk manbu kabbala wanjh bobarlmeng, dja wardi yibmeninj. 38 Jesus wanjh djalkeyonginj pila dorrengh kore kabbala kurredj.

Wanjh nuye disciples birridjurlhmeng birriyimeng, “Nawu kanbukkabukkan!

Yiddok minj kanbidyikarrmen, dja wardi karringakme!” 39 Wanjh Jesus dolkkang, dja yidduy kunmayorrk dja mak yimeng kurrula, “Yidjalngurdmen dja yidjaldin!” Wanjh kunu ngurdmeng rowk, minj njale wohrokayi. 40 Dja nungka benmarneyimeng nawu disciples, “Njalekenh ngudda ngurrikeleni?

Dja njalekenh minj kandidjalwoybukwoyinj?” 41 Wanjh birribalwernhkeleminj duninjh, dja mak birrimayahmeng. Birrimarneyimerrinj, “Adju! Kaluk nangale bininj nawu kawokrayekwon kunmayorrk dja mak kurrula, dja wanjh kabenewokmarrkmang?”

35

11 KUN Mark Review Edition.indd 17

19/12/11 5:53:56 PM

Mark — 5

5

5:1-20 Jesus Benburriweng Kunmalng Nawarrewarre.

Wanjh birribolkmey kurrula borledmikenh, kore kunbolk bedberre nawu Gerasene bininj. 2 Bu nungka Jesus balkoluy kore kabbalabeh, wanjh kunmekbe rerrih birrabkeng nakudji bininj nawu djahdjalni kore kumidj midjmirnderri kaluk kuwardderuhrurrk. Dja kunmalng nawarrewarre bikarrmi namekbe bininj. 3 Nungka wanjh ni munguyh kore kunbolk manbu kunmidj midjmirnderri. Minj nangale bikukdukkayinj, dja wirlmurrng birrirohrokmeng.

4 Birrirohrokmeng kunwernhkah. Birridukkadukkang wirlmurrng nawu chain dja njalehnjale, wanjh nungka djalbakkabakkeng rowk, dja minj nangale bininj bingurdkemeninj, dja nungka wernhdulkarrekimukni. 5 Kaluk nungka rengehrey kunkakkuyeng dja kunbarnangarrakuyeng kore kumidjwern, dja mak kore mandudulum kaddum. Wanjh nungka munguyh djadjalkayhmeng, dja kanjyilkburreni kunwarddewi.

6 Wanjh nungka binang Jesus djarrehbeh, dja rlobmeng darnkih, bimarnebarddurrukkurlhdanj kore kumirrk nuye. 7 Dja wernkih wokdanj, yimeng, “Njale ngudda yimwam kanhwarrewon Jesus, ngudda Beywurd nuye God nawu Kawernhwohrnan duninjh? Yiwokkurrmerrimen kore God bu ngudda minj kanmarnbun bu ngawernhdjakbekkan.” 8 (Kunmekbekenh kunu yimeng dja Jesus korroko bimarneyimeng, “Ngudda nawu yiwarre kunmalng, wanjh yimbebmeng dja yibawo nahni bininj!”) 9 Wanjh Jesus bidjawam “Ngudda baleh yingeyyo?”

Dja biwokmey, yimeng, “Ngangeyyo ‘Nawu Ngarriwernkenh’, dja wanjh ngarridjalwern.” 10 Dja wanjh nahni kunmalng nawarre biwernhdjawam Jesus bu minj bimunkewemeninj djarreh kore kubolkbuyika.

11 Kaluk kumekbe bikkibikki mirndewernni duninjh birridalknguni kumekbe kore mandulum. 12 Dja nawu kunmalng birriwarre birriwernhdjawam, birriyimeng, “Kab kanbawo dja kanmunkewemen kore nanih nawu bikkibikki ba ngarringime.” 13 Wanjh Jesus bendjalbawong, wanjh birribebmeng birriwam dja bindimarnengimeng nawu bikkibikki. Wanjh birriwern rowk birrirlobmerrinj birrimankarrinj kore kungarlkwarre, birringakmeng kukukku. Kaluk bikkibikki wanjh mirndewernni, yiman 2,000.

14 Bu bininj nawu birrinahnani bikkibikki birrinang bu baleh kurduyimerranj, wanjh birrikelerlobmeng, birrimulewam rowk bedberre nawu kumekbe kubolkkimuk birrihni, dja mak nawu birrihni kore kabbal kore manme birrihdudjengi birrihyoy. Dja birridjalwern bininj birriwam bu kabirrinan kore kurduyimerranj. 15 Wanjh birrimarnebebmeng Jesus, birrinang bininj nawu namarnde nawern birribawong, dja nungka ni kore Jesus nuye kurrenge, kaluk djongbuyindi kunmadj dja warridj bengmakminj. Kaluk bininj nawu birrikurdunang, wanjh birrikeleminj. 16 Dja bininj nawu birridarrkidnang Jesus bimarnekurduyimeng namekbe bininj, dja mak baleh benmarnekurduyimerranj nawu bikkibikki, wanjh birrimulewam bedberre bu bindimarneyimeng bininj nawu birribebmeng. 17 Wanjh kunu birriwern birriwernhmarrkdjawani Jesus bu kabolkbawon bedberre kunred.

18 Wanjh kunu Jesus bidbom kore kabbala dja nahni bininj nawu 1

12 KUN Mark Review Edition.indd 18

19/12/11 5:53:56 PM

Mark — 5 namarnde birribawong bihdjaldjawani Jesus, dja djareni benedjarrkrawinj.

19 Kaluk Jesus birrabkeng, dja bimarneyimeng, “Yirrurnde kured ke, dja yibenmarneyimen birrimekbe bininj ke, bu baleh kunwernhmak Nawu Kawohrnan ngunmarnekurduyimeng bu nungka ngundjalwernhkongibom.”

20 Wanjh nawu bininj wam benmarneyolyolmi bininj rowk nawu birrihni kore kubolkwarlah Decapolis. Benmarneyolyolmi bu baleh kunwernhmak Jesus bimarnekurduyimeng. Wanjh birriwern bininj rowk birrimarnekangebarrhmeng.

5:21-43 Jesus Birrolkkayhweng Ngalbeywurd nuye Jairus, dja mak Bimarnbom Daluk ngalbu Kurlbahkurlbarey.

Jesus yawoyhdjowkkeng kurrula dja bu birribolkmey borledmikenh, wanjh birrimarnemirndemornnamerrinj nuye birriwern bininj. Wanjh nungka ni kore darnkih kukadjid. 22 Kaluk nakudji bininj bimarnebebmeng. Nungka ngeyyoy Jairus, dja wohrnani kore Synagogue. Bu nungka binang Jesus, wanjh bikukwarrhmeng kore kurrenge nuye. 23 Dja bidjalwernhmarrkdjawam Jesus, yimeng, “Ngaye ngardduk ngalbeywurd ngalyahwurd karrulkyini kunkimuk duninjh, dja darnkih karrowen! Yimray wanjh dja yibidkurrmerren ngalengngarre ba kamakmen dja karrarrkidmen!” 24 Wanjh Jesus benedjarrkwam.

Kaluk birrimirndewern birrimunkekadjungi dja mak birridjokkohmeng nuye.

25 Wanjh ngalkudji daluk di, ngalbu kurlbahkurlbarey munguyh bu mandjewk nawern twelve. 26 Ngaleng wanjh reyi kore doctors nawu birriwarrewong, dja benkukwong nawern money, dja kukyakminj rowk, dja bonj, djal bekkarrinj bu minj makmeninj, dja djalwarrewarreminj. 27 Kaluk biwobekkang Jesus, wanjh bimarnebebmeng kubodme nuye, dja djalwohkarrmeng nawu manburrba nakuyeng nuye nawu Jesus djongbuhdjongbuyindi. 28 Kunu burrbuburrbuni, “Wardi bu ngadjalkarrme nuye kunmadj, wanjh ngamakmen.” 29 Wanjh kunburrikudjiwi rerrih bimarneyakminj ngarre bu kurlbahkurlbarey. Dja kukbekkarrinj kore kunburrk bu djalwernhmakminj.

30 Kaluk Jesus warridj kundjalmekbe rerrih bekkarrinj bu kundulkarre nuye bebmeng, wanjh borledmeng, yimeng bedberre nawu birrimirnderri, “Adju. Nangale nanu nawu nganmadjkilekmeng?” 31 Wanjh nawu nuye disciples birriyimeng, “Aba, yibenmirndenan nawu ngundikukdjokkohme!

Dja njalekenh yiyimeng, ‘Nangale ngankarrmeng?’ ” 32 Dja Jesus bolknani bu biyawani nangale bimadjkarrmeng. 33 Wanjh ngalmekbe daluk, bu bekkarrinj bu bimarnekurduyimerranj, wam kukdeldelmi dja bimarnekeleni, mankang kore kurrenge nuye Jesus, dja wanjh mulewarrinj kore kunwoybuk duninjh.

34 Wanjh Jesus bimarneyimeng, “Korlonj, ngudda wanjh kanwoybukwong, dja kunmekbekenh kunu yimakminj. Mah, yiray kunmodmikenh dorrengh, dja yidjalmaknin kore yirrulkyini.”

35 Bu nungka balwokdi, wanjh bininj birrimbebmeng nawu birrihni kore nuye kunrurrk nawu Synagogue wohrnawohrnani, wanjh birrimarneyimeng Jairus, “Ngalbu ngalbeywurd ke, wanjh bonj, korroko doweng. Wanjh yidjalbawo Jesus, yuwn munguyh yidjurrkkan nawu kanbukkabukkan.” 36 Dja Jesus minj 13 21

KUN Mark Review Edition.indd 19

19/12/11 5:53:56 PM

Mark — 5, 6 bendjalwokbawong kore birriyimeng, dja bimarneyimeng Jairus, “Yuwn yikelemen. Kandjalwoybukwo.”

37 Wanjh benkang Peter dja James, dja John nawu James benedanginj.

Bendabkeng birribuyika, dja wanjh bindibawong birriwam. 38 Birribebmeng kururrk nuye Jairus, dja Jesus benbekkang nawu kore kunwarrekenh, bu bininj birridjalnjilngwarreni dja birrinalkbuni dja birridjalkayhmi wernkih duninjh. 39 Wanjh Jesus ngimeng, dja benmarneyimeng, “Njalekenh ngurrikangewarreworren, dja ngurrinalkbun? Ngalmekbe wurdyaw minj dowimeninj, dja ngaleng kadjalkodjkeyo.” 40 Wanjh kunu birribaldjekmiwong.

Dja Jesus benbebkeng kurobbe kunrurrk, dja benkang nawu kornkumo, ngalbadjan dja nawu disciples nuye, wanjh birringimeng kururrk kore wurdyaw yoy. 41 Wanjh bibidkarrmeng, dja bimarneyimeng, “Talitha kum!” Mahni kunwok kamenyime, “Ngudda ngalbu wurdyaw, ngaye marneyime yirrolkka!” 42 Wanjh ngaleng dolkkang kundjalmekbe rerrih, dja reyi kurrenge. Ngaleng wanjh twelve years bu danginj. Wanjh kundjalmekbe rerrih birridjalkangebarrhmeng. 43 Wanjh Jesus benbengdayhkeng mardabbabba bu minj kabirrimulewan ba birriwern kabirriwobekkan. Dja mak benmarneyimeng bu kabirriwon ngalmekbe wurdyaw manme ba kangun.

6

6:1-6 Bininj Birriwarnyakminj Jesus kore Kunbolk nuye Nazareth.

Wanjh Jesus bolkbawong kumekbe dja kumwam kore nuye kunred. Kaluk nawu disciples nuye birrimunkekadjungi. 2 Bu kunbarnangarra manbu Sabbath, wanjh dedjingmey benhbukkabukkani birriwern bininj kore Synagogue. Wanjh bedda birrikangebarrhmeng dja birriyimerreni, “Baleh nahni bininj kahmang manbu kunmayali? Nangale bimayaliwong ba kawernhburrbun rowk? Dja mak balehbeh kundulkarre nuye bu kahkurduyime kunwernhmak nuye kubid? 3 Nakka djal carpenter kadberre! Nungka wanjh ngalbadjan ngalka Mary mak nawu birridanginj James, Joses, Judas dja Simon. Dja mak nawu ngaldahdaluk nuye nakka nahni karrihni!” Wanjh birrimarnekodjdjohmeng nuye. 4 Wanjh Jesus benmarneyimeng, “Kandibekka. Nangale bininj nawu prophet, nakka wanjh bininj kabirrikimang kore kubolkwern. Dja kore nuye kunred, nakka kabirridung, minj kabirrikimang nawu nuye namud dja nawu kabirriyo.” 5 Wanjh nungka minj mak durrkmirriwirrinj manbu kundulkarre dorrengh. Benkarrmeng kubid nuye yikahwi nawu birridulkyini bu benmarnbom kumekbe. Djal bonj. 6 Kaluk Jesus kangebarrhmeng bu bedda minj birriwoybukwoyinj kumekke kore Nazareth.

Wanjh wam, rengehrey kubolkwern kore kubolkbubuyika benhbukkani.

1

6:7-13 Jesus Benmunkeweng Twelve Disciples Nuye.

Wanjh Jesus benkayhmeng nuye twelve disciples, dja benwong kundulkarre ba kabirriwe nawarre kunmalng bedberre nawu kabirrihkarrme. Benmunkeweng bu birriwam bokenhbokenh. 8 Kaluk Jesus benbengdayhkeng, yimeng, “Yuwn njale ngurrikan bu ngurrirekenh. Ngurrika kunkarndudj, dja minj njale 14 7

KUN Mark Review Edition.indd 20

19/12/11 5:53:56 PM

Mark — 6 mak ngurrikan. Yuwn ngurrilodkan buriddi, dja mak baladji, yuwn mak ngurrikukkan kunwardde kore kunmadj. 9 Mah, ngurridengedjongburrimen sandals, dja yuwn mak ngurribebbemadjkan bokenh nawu ngurridjongburren.”

10 Dja mak benmarneyimeng, “Bu ngurribebme kore kunred, wanjh bu ngurringalke nawu ngunyiyo, wanjh kunrurrk nuye ngurringimen, kumekbe kunrurrkkudji ngurridjalyuwn, kaluk ngurribolkbawon. 11 Dja bu ngurribebme kore kunred, dja bedda nawu kabirrihni kunmekbe minj nangale ngunkimang dja minj ngundibekkan, wanjh bu kunmekbe kunred ngurribolkbawon, wanjh ngurridengeborrhborrdjerlmen ba kundjulng ngarre kunmekbe kunred ngundengebawon. Kunmekbe ngurrikurduyime ba kunwoybuk ngurrbenmulewan.”

12 Wanjh nawu twelve disciples birriwam birriyolyolmi bu birriyimi, “Ngurriwarnyakmulewarrimen!” 13 Kaluk bindikukburriweng nawern nawu nawarrewarre kunmalng nawu bininj birrikarrmi, dja mak bindimarnbom birriwern nawu birridulkyini bu bindikodjdjuhkeng manbu oil dorrengh.

6:14-29 King Herod Bibom John nawu Benkukdjuhkeyi.

Kaluk bu Herod nawu kingni, nungka wobekkang rowk bu baleh Jesus kurduhkurduyimi, dja birriwern bininj birringeyburrbom Jesus. Yikahwi bininj birriyimi John yawoyhmimbiminj kumidjbeh, kumekbekenh kunu nungka kahkarrme kundulkarre kore kakurduyime kunwern. 15 Birribuyika mak birriyimi, “Nungka wanjh Elijah!” Dja mak birribadbuyika birriyimi bu nungka wanjh prophet yiman kayime nawu korroko birriwokmulewani God. 16 Dja wanjh Herod, nungan yimeng, “Nungka nawu John yawoyhmimbiminj nawu ngaye ngakomdjobkeng.”

17 Kaluk bu kerrngehkenhni Herod nungan wanjh benmunkeweng bininj bu birrimey John birridukarrukang wanjh birridangbalhmeng rurrkerurrkendi kore prison. Herod kunmekbe kurduyimeng bu ngalmekbekenh daluk Herodias, ngalbu ngalbininjkobeng nuyeni Philip, nawu Herod benedanginj. Dja Herod bimey Herodias wanjh benemarrinj. 18 Kaluk John bihmarneyimi Herod, “Kunukka minj kunmak bu yimey ngunemarrinj ngalbu ngalbininjkobeng nuye nawu ngunedanginj, dja yikarrebakkeng.” 19 Kunmekbekenh kunu Herodias birrungi John, dja djareni birribuyinj. Dja burrkyak, minj marnbuyinj bu bimarnekurduyimeninj. 20 Dja kunu Herod binahnani, dja bimarnekeleni John, dja yimi bu John nungka wanjh namak dja God nuye bininj. Kaluk Herod bibekkani John bu wokdanj, wanjh kodjmayahmi duninjh. Dja bonj, djaldjareni bibekkani munguyh.

21 Wanjh kumwam ngarre kunbarnangarra bu John karrowenkenh.

Kaluk kunmekbe kurduyimerranj bu Herod nuyeni birthday. Wanjh benmarnemarnbom mulil kunkimuk. Manme kurrmeng bedberre birrikihkimuk nawu kabirrihwohrnawohrnan government, dja nawu kabirrihwohrnan kore soldiers, dja nawu birringeykihkimuk bininj kore Galileebeh. 22 Mak ngalbu ngalyaw ngalengarre Herodias kumwam kumekbe borrkeng bedberre. Kaluk bu 15 14

KUN Mark Review Edition.indd 21

19/12/11 5:53:56 PM

Mark — 6 ngaleng borrkeng, Herod dja nawu manme birrihdjarrknguni, birrinjilngmakminj.

Wanjh King Herod bimarneyimeng ngalmekbe ngalyawk, “Ngaye won njalehnjale nawu yidjare. Wanjh kandjawa!” 23 Kaluk djalwokkurrmerrinj bu bimarneyimeng ngalbu ngalyawk, “Njalehnjale nawu kandjawan nakka wanjh won. Mak won ngardduk kunred bu ngarrlarlmirran!” 24 Wanjh ngalbu ngalyawk bebmeng, wam kore ngalbadjan bidjawam, “Kab njale ngadjawan nawu king nganwon?” Wanjh ngalbu ngalbadjan yimeng, “Yidjawa ngunwon kunkodj nuye John nawu kabenhkukdjuhke.” 25 Wanjh ngalmekbe ngalyawk werrkwerrk durndi kore king dja bimarneyimeng, “Ngadjare kanwon kunkodj nuye John nawu kabenhkukdjuhke. Bolkkime yimka ngardduk kore plate nakimuk.”

26 Wanjh nawu king njilngwarreminj. Dja nungka wokkurrmerrinj ngalengarre ngalbu ngalyawk bu kabiwon njale nawu kadjare. Mak nawu bininj kumekbe birrihdjarrknguni manme birribekkang bu nungka wokkurrmerrinj. Wanjh minj mak bibaldahmeninj ngalbu ngalyawk bu bidjawam. 27 Kaluk werrkwerrk bimunkeweng nakudji soldier nabang, bu kabimkodjkan nawu John. Wanjh nawu soldier wam bidjuddadjkeng John kore rurrkehrurrkendi. 28 Wanjh bimkodjkang dja bikodjdahkendoy kore plate nakimuk dja biwong ngalmekbe ngalyawk, wanjh ngaleng kang biwong ngalbadjan ngalengarre. 29 Kaluk nawu John nuyeni disciples birriwobekkang bu baleh kurduyimerranj nuye. Wanjh birrimwam birrimey kunburrk nuye dja birrikang birrikukkurrmeng kore kuwardderurrk.

6:30-44 Jesus Benmarnemarnbom Manme ba 5,000 Bininj Birriworrkminj.

Kaluk nawu Apostles birrimdurndi kore Jesus, dja wanjh birrihmarnemulewani kore birrihkurduyimi dja birrihbukkani kunwok nuye.

31 Wanjh birrimirndewern bininj birrimrey dja birriballey. Wanjh Jesus dja disciples nuye minj manme mak birringuyi. Kaluk benmarneyimeng, “Ngurrimray karrire kore minj nangale karri kumekbe ba karringehme.” 32 Wanjh birriwam birribidbom kabbala dja birriwam birribolkmey birrikudjikudji kore minj nangale diwirrinj. 33 Dja bonj, birriwern bininj bindinang bu birribolkbawong wanjh bindiburrknang. Kaluk birriwern bininj nawu kubolkbubuyikabeh birrirlobmerrinj kurrengewi kore Jesus rengehrey. Wanjh birribolkmey werrk, yerre Jesus dja nuye bininj wanjh birribalbebmeng. 34 Kaluk bu Jesus bidbom kore karrkad nungka benmirndenang bininj birriwern birriyingkihmadbuni kumekbe. Wanjh bu nungka bennang, wanjh benkongibom, kaluk bennani yiman mayh nawu sheep birrihdi dja nawu shepherd minj birrikarrmeninj. Wanjh kumekbe yolyolmeng bedberre kunwern.

35 Mak ngokko wanjh ngokdahngokdangeni, Jesus nuye disciples birrimyikang dja birrimarneyimeng, “Minj nangale mak kondah kayo. Dja ngokko wanjh kahngokdan. 36 Dja yibenmunkewemen birriray ba bu kabirrire kore farms dja kurehrered ba manme kabirribayahme kabirringun.” 37 Wanjh Jesus benwokmey, yimeng, “Ngudda ngurrbenwo manme kabirringun.” Wanjh bedda birrimarneyimeng, “Minj ngarribayahme manwern manme ba bu ngarrbenwon rowk nahni nawu bininj! Dja minj ngarrikukkarrme kundjalwern 16 30

KUN Mark Review Edition.indd 22

19/12/11 5:53:56 PM

Mark — 6 money, wanjh kunukka manwern manme ngarringorrmang bedberre!”

38 Wanjh Jesus bendjawam, “Kandimarneyimen baleh kayime manbu manlod kandidjdjawa ngurrihkarrme bu bolkkime? Wardi ngurriray ngurrinan.” Kaluk bu birrirohrokmeng, wanjh birrimarneyimeng, “Ngarrihkarrme kunbidkudji kandidjdjawa dja djenj bokenh.” 39 Wanjh Jesus benmarneyimeng nuye disciples bu bindibengdayhkeng bininj rowk bu kabirriyerrkan kore kundalkmak kore birribebbemokenni. 40 Wanjh birriyerrkarrinj rowk dja birrini bu birribebbemokenni mak bindirohrokmi 50 dja 100. 41 Wanjh Jesus mey nawu djenj dja manlod buriddi, wanjh bolknang kaddum dja bimanjbom God bu manmekbe manmekenh. Wanjh yerre lodbakkeng wanjh benwong nuye disciples ba kabindibalwon bininj nawu kumekbe birrihmirndeni. Mak kumekbe yerreh kurduyimeng ngarre nawu djenj. 42 Wanjh birrimekbe bininj birriwern wanjh birringuneng birriworrkminj rowk. 43 Kaluk nawu disciples birridahkendoy twelve nawu baskets kore yikahwi buriddi dja djenj manbu birriwarrhkeng bu birrihnguni. 44 Dja mak nawu birrimekbe bininj birrihmirnderri nakka bindirohrokmeng 5,000 binihbininj nawu manme birringuneng.

6:45-52 Jesus Rengehrey Kurrenge Kubokehkekeb kore Kurrula.

Wanjh kundjalmekbe rerrih Jesus benmarneyimeng disciples nuye bu kabirribidbun kore kabbala wanjh kabirrimarnedokme kore Bethsaida kaluk borledmikenh. Dja nungka kaluk yerre kare. Nungka wanjh bolkmaddi yerre dja kabenmunkewe nawu bininj kumekbe birrihmirnderri. 46 Kaluk bu benmunkeweng birridokmerrinj kured wanjh nungka wam kore kurruluhdulum karri yiwarrudj.

47 Kaluk kunmekbe kukak yerreh, kabbala manbu disciples nuye birrihdahkendi wanjh nakka kuburldjarn birrihdi kore kurrula. Dja nawu Jesus nakka wanjh nadjalkudji dingihdi kore karrkad. 48 Wanjh nungka bennang nawu disciples nuye bu birrihkarrikmi wernkih dja kunmayorrk manbu benhweyi. Kaluk djarreh bu kumhkabelni bu kundung yimi three dja six o’clock, Jesus benyikang rengehrey kubokehkekeb kore kurrula. Kaluk djahdjalwam benkuyinyurrhkeng nawu kore kabbala birrihbarndi. 49 Kaluk nawu disciples nuye birrinang rengehrey kore kubokehkekeb, wanjh bedda birriyimeng yimankek nungka mam dja kunwoyik, wanjh birrikelekayhmeng. 50 Kaluk bu birrinang rowk dja bedda birriwernhkeleminj. Wanjh kundjalburrikudji Jesus wokdanj, yimeng, “Ngaye wanjh! Ngurrikangerayeknin! Dja yuwn ngurrikele!” 51 Wanjh Jesus bidbom kore kabbala birrihdjarrkdi. Dja manbu kunmayorrk makka wanjh djalwohngurdmeng. Wanjh nawu disciples wanjh birrikangebarrhmeng bulkkidj duninjh.

52 Mak bedda birrinang Jesus kore kunbidkudji kandidjdjawa birriwong dja nungka wernwong bu birringuneng. Dja birrimayaliyakni, kaluk minj njale mak birriburrbuyi kore menmenyimi. Dja birrikodjkuludubberranj.

53 Bu kunmekbe birridjowkkeng borledmikenh, wanjh birribidbom kukadjid ngarre Gennesaret. Wanjh kabbala kumekbe birridukkang. 54 Kaluk bu 17 45

KUN Mark Review Edition.indd 23

19/12/11 5:53:56 PM

Mark — 6, 7 birrimkoluy kore kabbalabeh bininj nawu kumekkebeh birrinang Jesus wanjh werrkwerrk birriwohburrknang. 55 Wanjh birrirlobmerreni bu bindimangi bindimkani manbalabbalawi nawu birridulkyidulkyini bu birrikang kore Jesus kore baleh yarrka reyi. 56 Jesus nungka rey kore kubolkkihkimuk dja kubolkyahyahwurd dja mak rey kore farms kore kumekbe kubolkkudji. Dja kore baleh rey bindimdjalkani munguyh nawu birridulkyini kore kunbolk kore kabirribayahme njalehnjale. Kaluk kunmarrk dorrengh birrimarneyimeng bu kabirriwohkarrme nuye kunmadj kore kurrird. Wanjh nawu birrikarrmi, nakka birridjalmakmeni rowk.

7

7:1-23 Karrimarrkma God nuye Mankarre manbu minj Bininjkenh.

Yikahwi Pharisees dja nawu Scribes birrimdolkkang kore Jerusalem dja birrimornnamerrinj kore Jesus. 2 Kumekbe bindinang yikahwi disciples nawu Jesus nuye birringuni manme dja mak birribidburlerrini. (Bu kahyime minj birribidbele wanjh kunukka minj birribiddjirridjburrimeninj kore Pharisees birriyimeng bedberre bininj bu kabirrikurduyime. 3 Kaluk nawu Pharisees dja birriwern Jews minj manme kabirringun bu minj werrk kabirribiddjirridjburren bulkkidj duninjh. Dja kunmekbe bedda kabirrikurduyime bu kabirrikadjung mankarre bedberre kore korroko mawahmawah bedberre birrikurduyimi nawu birriyungki birrihni. 4 Mak nawu Jews bu kabirribayahme njalenjale kore market, wanjh minj kabirringun dja kabirridjirridjbun werrk kore bedman kabirriyimowon. Dja mak kabirrikadjung mankarre kore mawahmawah bedberre bu kunkare birrihkurduyimi. Mak kunmekbe yerreh kabirrikurduyime bu kabirringalngdjirridjbun banikkin nawu cups, jugs, djabirlana dja mak manbalabala kore kabirriyerrkan bu kabirringun.)

5 Wanjh kunmekbekenh kunu nawu Pharisees dja nawu mankarre kabirrihwohrnan ngarre birrimarneyimeng Jesus, “Nawu ngudda ke disciples minj mankarre kabirrikadjung kore mawahmawah kadberre ngandiwong. Bedda kabirringun manme werrk dja minj kabirribiddjirridjburren. Kaluk njalekenh kuhni kabirrihkurduyime?” 6 Wanjh Jesus benwokmey yimeng, “Ngudda nawu ngurridjalkurrehkurren! Isaiah mandjad yimeng bu ngunyolyolmeng ngudberre.

Bu Isaiah bimbom yimeng, ‘Nahni bininj ngandidjalmanjbun bu kunwokwi.

Dja kunkange bedberre nakka djarreh karri ngardduk.

7 Bu ngandiburlume, nakka bedda minj ngandiwernhkarrme.

Dja bininjkenh mankarre kabirridjalmarrkmang dja kabindibukkabukkan.’t 8 Ngudda nawu, ngurridjalbawong God nuye mankarre. Dja ngaleng ngurrimarrkmang manbu kore bininj kabirrihmarnbun mankarre.”

9 Wanjh Jesus benmarneyimeng, “Ngudda yimankek ngurriyime ngurrimak bu ngurriborrkwan God nuye kunwok mak ngurrikadjung manbu ngudberrekih kore ngurrihyolyolme! 10 Ngurriburrbun bu Moses yimeng, ‘Ngurrbenbenewokmarrkma ngalbadjan dja kornkumo.’ v Mak kuhni Moses yimeng, ‘Nangale nawu kayime kunwarre berrewoneng ngalbadjan dja kornkumo, nakka wanjh ngurribun 18 1

KUN Mark Review Edition.indd 24

19/12/11 5:53:56 PM

Mark — 7 karrowen.’w 11 Dja ngaleng ngurrbenbukkabukka bininj bu kayime berrewoneng ngalbadjan dja kornkumo, ‘Ngaye wanjh benbenebidyikarrmeninj ngurrewoneng.

Dja nakka benbenwoyinj, wanjh Corban.’ (Kamenyime ngaye ngawon God.) 12 Ngudda wanjh ngurridahme namekbe bininj bu kakurduyime berrewoneng ngalbadjan dja kornkumo. 13 Ngudda ngurrbenhbukkan bu minj kabirrimarrkmang kore God yimeng. Ngudda ngurriyolyolme manbu ngurrihmarnbun mankarre ngudman manu mawahmawah ngudberre ngundiwong. Mak ngudda kunmekbe ngurridjare bu kundjalwern ngurrikurduyime.”

14 Wanjh Jesus benyawoyhkayhmeng nawu bininj birrimirnderri kore nungka, dja yimeng, “Kandibekka ngaye dja ngurrimayalibayhmen kore ngahyime ngudberre. 15 Nawu bininj minj njale kangime kore kuburrk nuye ba kabimarnbun kakukburlerran kore mankarrekenh. Dja ngaleng kamarnburren kakukburlerran kore kambebme kore kukange nuye! 16 Mah. Nangale kakarrme kunkanem, wanjh kandiwernhbekkabekkan ngaye.”

17 Wanjh Jesus benmirndebawong dja ngimeng kore kururrk. Kaluk nawu disciples nuye wanjh birridjawam manbu manmekbekenh kore yolyolmeng.

18 Wanjh Jesus yimeng, “Yiddok ngudda ngurrihdjalmayaliyak munguyh?

Wanjh ngurriburrbun bu minj njale kangimen kore bininj bu kuberrkkah wanjh kabimarnbun kakukburlerran. 19 Mak manme minj kare kore bininj nuye kunkange, dja makka kare kore kunjam. Wanjh kabalbebme kore kuburrkbeh nuye.” (Kuhni bu Jesus yimeng wanjh kunukka yimeng bu manmekbe manme wanjh kamak bu bininj kabirringun.)

20 Mak Jesus yimeng, “Njalehnjale nawu kambebme kore bininjbeh, namekbe wanjh kabimarnbun bu kakukburlerran. 21 Kaluk namekbe nawu njalehnjale nawarrehwarre karredjingmang kore kukange nuye bininj, dja kukodjkurlu nuye kaburrbun nawarrehwarre, kayimerran nawu kadjare kunwarre kayime kore dedjorlkwernkenh, dja mak kayimerran namarndeyi, dja mak kadjare daluk dja bininj kabenemarnedjirdmarrenkenh, 22 Dja mak kabirridedjwarlahmen, dja mak kayidwernmen, dja mak kayemeyakmen, dja mak minj kabirriweykarren njalehnjale, dja mak kabimarnekowe bininj nabuyika, dja mak kawernhburlumerren, dja mak kadjalmayaliwarremen. 23 Naninjnanu nawarrehwarre rowk kamdolkkan kore bininj nuye kukange nawu kamarnburren bu kakangeburlerran.”

7:24-30 Jesus Kabibidyikarrme Daluk Ngalbu Minj Jewniwirrinj.

Wanjh Jesus kumekbe bolkbawong dja wam kore kunbolk darnkih Tyre dja Sidon. Wanjh wam ngimeng kore kurrambalkkudji, dja minj mak djareniwirrinj bu nangale burrbuyi bu nungka kumekbe ningihni. Kaluk werrkwerrk birringalkeng nawu birrihni. 25 Kaluk ngalkudji daluk biwobekkang bu Jesus nungka kumekbe ningihni. Kaluk ngalyaw ngalengarre karrmi nawarre nawu bihbongkarrmi. Wanjh kumwam ngalmekbe daluk kundjalmekbe rerrih kore Jesus dja mankang kurrenge nuye. 26 Kaluk ngalmekbe daluk minj ngalka Jewniwirrinj. Ngalka wanjh Greekni, danginj kore Phoenicia, kore kubolkkimuk 19 24

KUN Mark Review Edition.indd 25

19/12/11 5:53:56 PM

Mark — 7, 8 Syria. Wanjh bidjawahdjawani Jesus, bidjalmarnekongiburrinj duninjh nuye bu kawe namekbe nawarre kunmalng nawu kabihbongkarrme ngalyaw ngalengarre.

27 Wanjh Jesus bimarneyimeng ngalmekbe daluk, “Kuhni wanjh ngaye ngabenwon wurdwurd werrk ba kabirriworrkmen. Minj kunmak bu ngaye ngabenmang bedberre manme ba ngadjalburriwe kore duruk kabirringun!”

28 Wanjh ngalbu daluk biwokmey, yimeng, “Kunukka woybukkih nawu Yiwohrnan. Dja nawu duruk kabirrihdi kore kanjdji table wanjh nakka kabirringun mandjudjulng manme manbu wurdwurd kabirrikukwarrhke!”

29 Wanjh Jesus biwokmey, yimeng, “Manmekbe kore yiyimeng, makka wanjh manmak kunwok. Dja yiray. Nawu nawarre kunmalng bihbongkarrmi ngalbu ngudda ke ngalyaw, wanjh bibawong.”

30 Wanjh ngalbu daluk dokmeng kured dja bingalkeng ngalyaw ngalengarre kodjkeyoy kore kunmadj, dja nawu nawarre kunmalng bihbongkarrmi nakka wanjh bibawong wam.

7:31-37 Jesus Kurdumakni bu Benmarnbom Bininj.

Wanjh Jesus bolkbawong kumekbe kore kunbolk darnkih kore Tyre dja ngimeng kore Sidon balwam kanjdji kore kurrula manbu Galilee, wanjh balngimeng kore kubolkkimuk bolkngeyyoy Ten Towns. 32 Kaluk bu kumekbe ningihni, yikahwi bininj birrimkang nakudji bininj nawu bengwarrni dja mak minj wokdiwirrinj bulkkidj. Wanjh nawu birrimkang birrimarrkdjawam Jesus bu kabimarnebidkurrmerren nuye.

33 Wanjh Jesus bimey namekbe bininj dja benebalwam djarrehkah dja bindibawong nawu birribuyika kumekbe birrihdi. Wanjh Jesus bidkurrmerrinj kore namekbe bininj nuye kukanem, dja mak binunjhweng dja bikarrmeng kore kudjen nuye. 34 Kaluk Jesus bolknang kaddum kore heaven dja ngolekdurrkmarrinj, wanjh yimeng, “Ephphatha!” (Kunukka kamenyime, “Yirrangmarrhmiray.”) 35 Wanjh kundjalmekbe rerrih namekbe bininj benbekkang mak wokdanginj bu wokmakminj.

36 Wanjh Jesus benwokrayekwong birrimekbe bininj birrihdi bu minj nangale kabirrimarnemulewan kore baleh kurduyimerranj bu bimarnbom namekbe bininj.

Kaluk bu benmarneyimi, nakka munguyh birrimulewani kunwernhkenh. 37 Wanjh bedda birrikangebarrhmeng, dja birriyimeng, “Jesus nungka kakurduyime kore njalehnjale kamak rowk. Bu kabenmarnbun nawu birribengwarr bu kabirribekkan. Dja mak nawu birridangdubbe nungka kabenmarnbun bu kabirriwokdi.”

31

8

8:1-10 Jesus Benworrkmiwong 4000 Bininj.

Bu kunmekbe birrihni Jesus dorrengh, wanjh birrimirndewern bininj birrihdjarrkdi. Kaluk bedda mak minj njale birrikarrmeninj bu birringuyi.

Wanjh Jesus benkayhmeng nawu disciples nuye. Wanjh nungka yimeng, 2 “Ngabenkongibun nahni bininj nawu kabirrihmirnderri. Bedda birriyerrkani dja 20 1

KUN Mark Review Edition.indd 26

19/12/11 5:53:57 PM

Mark — 8 ngarrihdjarrkdi bu kunkodjkedanjbik, dja bolkkime minj njale mak kabirrikarrme bu kabirringun. 3 Minj ngabenmunkewe wardi kabirrimarrwedurndeng kured. Bu kabirrire manmeyak wanjh kunukka wardi kabirriwohkukwarrhme manbolh bu kabirribalhdurndeng kured. Dja yikahwi kabirrihyo djarreh.”

4 Wanjh Jesus nuye disciples birriwokmey birriyimeng, “Ngad karrihdi djarreh minj kurrambalk manwern karrarnhdingihdi. Dja mak baleh karrimang manme ba bu karrbenwon nahni bininj kabirringun?” 5 Wanjh Jesus djawayhmeng yimeng, “Baleh kayime kandidjdjawa manlod ngudda ngurrihkarrme?”

Wanjh bedda birriyimeng, “Ngarrihkarrme kunbidkudji dja bokenh manbu kandidjdjawa.”

6 Wanjh Jesus benmarneyimeng birrimekbe bininj birrimirnderri bu kabirriyerrkarren kore kurorre kabirrini. Wanjh nungka lodmey manbu seven kandidjdjawa dja biyimanjbom God. Yerre wanjh lodlarlmangi dja benwonowong disciples nuye. Mak yimeng bu kabindibalwonowon nawu birrimirndeyerrkkarrinj. Wanjh kunmekbe birrikurduyimeng. 7 Kaluk yikahwi djenj kukkilelhkilelk birrihkarrmi nawu disciples nuye. Wanjh Jesus kunmekbe yerreh kurduyimeng bu biyimanjbom God wanjh benmarneyimeng nawu disciples bu bindibalwong nawu birrihmirnderri.

8 Wanjh birringuneng rowk birriworrkminj. Wanjh disciples birrimoyhmangi, dja birribarlkeng twelve baskets kore birrihbawoni yikahwi manbu manme.

9 Kaluk nawu bininj kumekbe birrihmirnderri nakka bindirohrokmeng four thousand binihbininj nawu manme birringuneng. Kaluk bu birringuneng birriworrkminj Jesus wanjh benmunkeweng. 10 Wanjh kundjalburrikudji nungka bidbom kore kabbala mak disciples nuye birridjarrkwam kore darnkih kunred ngarre Dalmanutha.

8:11-21 Bu Karrikangerayekworrimen kore Manbuyika Kunwok.

Nawu Pharisees wanjh birrimyikang Jesus dja birridjareni birridangwerrinj.

Kaluk bedda birridjareni birrirohrokmeninj. Wanjh kunmekbekenh birridjawam Jesus bu kabenmarnekurduyime kundulkarre dorrengh ba bu birriwoybukwoyi bu nungka woybukkih kumdolkkang kore God. 12 Wanjh Jesus wernhngolekwerrinj, dja yimeng, “Njalekenh bininj nawu bolkkime kabirrihdi kabirridjare kabirriwernhnan bu ngakurdumak God nuye kundulkarre dorrengh?

Wanjh woybukkih duninjh ngaye marneyime ngudberre bu minj ngurrimang nawu ngurrihdjare ngurrinan.” 13 Wanjh dja wam bidbom kore kabbala wanjh baldjowkkeng borledmikken.

14 Nawu disciples nuye birrihkarrmi mandjallodkudji kandidjdjawa kore kabbala. Dja birribengmidjdanj bu minj birrimkayi manwern.

15 Wanjh Jesus benwokdjalwong bu yimeng bedberre, “Ngurrinahnarrimen!

Ngurrikangerayekworrimen bedberre Pharisees dja Herod. Yuwn ngundimayaliwernwon yiman manbu manlod mannguklurlmiken.” 16 Wanjh nawu disciples nuye birridjawarrinj bedmandeleng bu njalekenh nungka kuhni yimeng bedberre. Wanjh bedda birriyimerreni bu kuhni minj karrikarrmeninj 21 11

KUN Mark Review Edition.indd 27

19/12/11 5:53:57 PM

Mark — 8 manlod. 17 Jesus ngokko burrbuni bu birrihwokdi bedmandeleng kore birrihyolyolmi. Wanjh bendjawam, “Njalekenh ngudda ngurrihyolyolmi manmekenh bu manlod yak? Adju, yiddok ngudda minj ngurrinayinj dja ngurrimayalibayhmeninj? Dja yiddok ngurrikangerayek? 18 Ngudda ngurrimimdi dja njalekenh minj ngurriwernhbolknan? Ngudda ngurrikanemdi dja yiddok minj ngurriwernhbekkan? Yiddok ngurribengmidjdangimeninj? 19 Ngaye ngarlahlarlmey kunbidkudji kandidjdjawa nawu bedberreni five thousand bininj. Mak ngurriburrbun bu baleh kayime baskets ngurribarlkeng manbu mandjudjulng manme kore minj birringuyi?” Wanjh bedda birriyimeng, “Twelve baskets.” 20 Wanjh Jesus benyawoyhdjawam, yimeng, “Dja mak ngurriburrbun bu seven manlod kandidjdjawa bu ngarlahlarlmey bedberreni nawu four thousand bininj bu birringuneng. Dja kaluk ngurriburrbun bu baleh kayime nawu baskets ngurribarlkeng manbu mandjudjulng manme kore minj birringuyi?”

Wanjh bedda birriyimeng, “Seven.” 21 Wanjh Jesus benmarneyimeng, “Ngudda ngurriburrbun kore njalehnjale ngakurduyimi, dja njalekenh ngudda minj ngurrimayalibayhmeninj bu ngurrimayi?”

8:22-26 Jesus Kabimarnbun nawu Mimbunje Bininj.

Wanjh Jesus dja disciples nuye birrimwam Bethsaida. Yikahwi bininj birrimkang nakudji bininj nawu mimbunjeni kore Jesus dja birrimarrkdjawam bu kabikarrme kunbidwi namekbe bininj. 23 Wanjh Jesus bibidmey nawu mimbunjeni dja bikang kore kuberrkkah kore rurrkmirnderri. Wanjh bimimnunjhmeng dja bidkurrmerrinj kore namekbe bininj dja bidjawam, “Kamak yibolknan bolkkime?”

24 Wanjh nawu bininj bolknang dja yimeng, “Yoh, ngabenhnan bininj, dja nakka kakukyime yiman kundulk kabirrihre!” 25 Kaluk Jesus yawoyhbidkurrmerrinj kore kumim nuye bininj. Wanjh nungka wernhmimbayhmeng. Dja mimmakminj, wanjh bolknani bu kamak rowk. 26 Mak Jesus bimarneyimeng bu karrokme kured, dja yimeng, bu minj kare kore kubolkkimuk Bethsaida.

22

8:27-30 Peter Kamulewan bu Jesus Nungka Nawu Christ.

Jesus dja nawu disciples nuye birribalwam kore kubolkkilekilelh kaluk kubolkkimuk ngarre Caesarea Philippi. Kaluk bu manbolh birribalhrey Jesus bendjawam, “Nawu bininj kabirriyime yimankek ngaye nangale?”

28 Kaluk bedda birriyimeng, “Yikahwi kabirriyime ngudda John nawu kabenhkodjdjuhke. Birribuyika kabirriyime ngudda Elijah. Mak birribadbuyika kabirriyime ngudda nawu nabuyika prophet.” 29 Wanjh Jesus bendjawam, “Dja ngudda, ngurriyime yimankek ngaye nangale?” Wanjh Peter biwokmey, yimeng, “Ngudda wanjh nawu Christ!”

30 Jesus benwokwong nuye disciples, “Yuwn ngurrbenmarneyime birribuyika bu ngaye nangale.”

27

22 KUN Mark Review Edition.indd 28

19/12/11 5:53:57 PM

Mark — 8, 9 8:31-38 Jesus Mulewarrinj dja Benbengdayhkeng nawu Disciples.

Wanjh Jesus dedjingmey yolyolmeng bedberre bu nawu Beywurd nuye Bininj kunwern ngarre bu kadjakbekkankenh. Nungka yolyolmeng bedberre bu nawu Beywurd nuye Bininj minj kabirriburrknan nawu dabborrabbolk, dja nawu kabirrihwohrnan priests, dja nawu kabirrihwohrnan ngarre mankarre.

Nungka mak yolyolmeng bedberre nawu Beywurd nuye Bininj bu kabirribun karrowen, wanjh kayawoyhdolkkan kumidjbeh bu kunkodjkedanjbik. 32 Jesus benmarneyimeng bedberre mandjad bu kore kakurduyimerran. Wanjh Peter bimey Jesus bidjarrirnnameng dja bimarneyimeng, “Yuwn kunukka yihyime!”

33 Dja Jesus borledmeng, bennang nuye disciples, wanjh mandjad bimarneyimeng Peter, “Ngudda kanbawo, ngudda nawu yiman Namarnde! Ngudda yiburrbun njalehnjale yiman birriwarlahkenh bininj dja minj yiburrbun njalehnjale kore God.” 34 Wanjh Jesus benkayhmeng nuye disciples dja nawu kumekbe birrihmirnderri, dja yimeng, “Bu nangale kadjare nganmunkekadjung, wanjh nakka kawarnyakmulewarren dja kabawon kore njalehnjale nawu kahdjare.

Dja yiman kadjalngorrmang manbu cross, dja wanjh ngaye nganmunkekadjung.

35 Dja nangale nawu kadjare kakanjngehkerren nakka wanjh minj kamimbi.

Mak nangale nawu kakanjkurrmerren bu ngayekenh, dja ngalengarre manbu kunwok kunmak, wanjh nakka kadjalmimbi munguyhmunguyh. 36 Minj njale mak kakarremulewayindan nuye nawu bininj bu kabolkkarrme mahni kunred kore kamalngdowen. 37 Kaluk njale mak yikarremulewan bu yimalngdurndiwerren.

38 Nawu bininj bolkkime kabirrihni wanjh nakka kabirrihkurduyime bu kundjalwarre dja minj ngaye kandimarnedjare. Dja bolkkime bu nangale nawu nganyemikan ngayekenh nawu Bininj Duninjh, dja kayemikan kunwok ngardduk, wanjh kunukka mak ngaye ngayemikan bu ngamdurndeng kundulkarre dorrengh nuye nawu ngardduk kornkumo dja nawu birrikukdjamunkenh angels.”

1 Wanjh Jesus benmarneyimeng birrimekbe bininj, “Woybukkih duninjh ngaye marneyime ngudberre, ngudda yikahwi nawu ngurrihdingihdi kondah wanjh nakka ngurrinan God nuye kunmakmak bu kamre kundulkarre dorrengh bu yerrekah ngurridowen.”

31

9

9:2-13 Jesus Kukbuyikaminj dja Madjbelebameng.

Bu yimerranj six kunbarnangarra, Jesus benkang Peter, James dja John bu birriwam kore kaddum mandulumkimuk. Kaluk birridjalkudji birrihdi.

Wanjh kumekbe nawu disciples nuye birrinang Jesus bu kukborledkerrinj kore kumirrk bedberre. 3 Kaluk nawu kunmadj nuye djongbuhdjongbuyindi, nakka madjbelebami, mak wernhbelebami kore minj nangale mak marnbuyi bu medjrohrokniwirrinj. 4 Wanjh Elijah dja Moses benembebmeng, dja birrihwokdi Jesus.

5 Wanjh Peter bimarneyimeng Jesus, “Nawu kanhbukkabukkan! Kuhni kamak bu ngad karrihdi kondah. Mak ngarriname kundjurle kondah! Nakudji ngudda ke, nakudji nuye Moses dja nabuyika nuye Elijah.” 6 Wanjh Peter minj 2

23 KUN Mark Review Edition.indd 29

19/12/11 5:53:57 PM

Mark — 9 burrbuyi bu baleh yimeninj dja nungka mak benebuyika disciples bedda wanjh birriwernhkeleminj.

7 Wanjh kunmekbe rerrih kunngol kumkoluy benbarrkbom. Dja kumwokdanj kore kungolbeh. Kaluk yimeng, “Nahni ngardduk Beywurd nawu ngamarnedjare bulkkidj. Dja wanjh ngurriwokmarrkma!” 8 Wanjh kundjalmekbe rerrih Peter, James dja John birribolknabolknang, birrinang Jesus nadjalkudji birrihdi kumekbe.

9 Kaluk bu Jesus dja disciples nuye birrihdurndengi kore kuwarddebeh birrimhdi, nungka benwokwong yimeng, “Yuwn nangale ngurrimarneyime kore ngurrinang. Dja ngurridjalmadbu nawu Beywurd nuye Bininj bu kamyawoyhdolkkan kore kumidjbeh. Wanjh kunmekbe ngurrimulewan.” 10 Wanjh nawu disciples birriwokmarrkmey dja minj birrimulewayi kore birrinang.

Dja ngaleng birrihdjawarreni bu nungka njalekenh yimiyimi bu yimeng kamyawoyhdolkkan kore kumidjbeh.

11 Wanjh birridjawam Jesus “Njalekenh nawu kabindihbukkabukkan mankarre kabirrihyime bu Elijah kamdokme werrk?” 12 Dja Jesus benmarneyimeng, “Bedda wanjh birriyimeng mandjad bu Elijah kamdokme werrk. Kaluk nungka Elijah kamarnbun njalehnjale bu kore kayingkihdi. Mak njalekenh kore djurra kahyime nawu Beywurd nuye Bininj wanjh kadjakbekkan kunwern dja mak kabirriwirrihmerren nuye? 13 Dja ngaleng ngaye marneyime, Elijah wanjh woybukkih nungka korroko kumwam, dja bedda birriwarrewong kore birridjareni, karohrok bu kabimbuyindi kore kabimulewan.”

9:14-29 Jesus Bimarnbun Wurdyaw nawu kunmalng nawarre Bikarrmi.

Wanjh Jesus, Peter, James dja John birridurndi kore birribuyika disciples birrihdi. Wanjh bindinang birriwern bininj bindiwakbuyinguneng, mak nawu kabindihbukkabukkan mankarre wanjh birrihdangwerreni. 15 Kaluk nawu bininj birriwern birrinang Jesus, wanjh kundjalmekbe yerreh birrikangebarrhmeng, dja birrirlobmeng, birrikimey. 16 Wanjh Jesus djawayhmeng bedberre, “Njalekenh ngudda ngurrihdangwerren nawu kabindihbukkabukkan mankarre?” 17 Kaluk nakudji biwokmey kore kumirndebeh, “Nawu kanhbukkabukkan, ngaye ngamkang ngardduk beywurd kore ngudda. Dja nungka kakarrme nawarre kunmalng nawu kabihbongkarrme, dja kabimarnbun ba minj kawokdi.

18 Mak kabibun dja kabikukburriwe kore kurorre. Mak nungka kanunjdjabun kore kurrangbeh, dja kayidmebayerren, dja kakukrayekrayekmen. Kaluk ngabendjawam nawu disciples ke bu kabirribebke nawu nawarre kunmalng kabihbongkarrme, dja minj birringudjbang bu birrikurduyimeninj.”

19 Wanjh Jesus biwokmey dja benmarneyimeng, “Ngudda bininj bolkkimekenh minj kandiwoybukwon! Mak baleh kabolkyimerran bu karrihdjarrkni? Mak baleh wali bu djahdjalmadbun ngudberre? Mah, wanjh ngurrimka nawu wurdyaw kore ngaye.” 20 Wanjh nawu disciples nuye birrimkang namekbe wurdyaw kore Jesus. Kaluk bu namekbe kunmalng nawarre nawu bihbongkarrmi, binang Jesus, wanjh bimarnbom nawu wurdyaw deldelmeng, dja kukmankang, barlbarlmeng kore kurorre dja nunjdjabom. 21 Wanjh Jesus bidjawam nawu kornkumo nuye 24 14

KUN Mark Review Edition.indd 30

19/12/11 5:53:57 PM

Mark — 9 wurdyaw, “Baleh bolkyimi bu kuhni kurduyimi nuye?” Kaluk nawu kornkumo yimeng, “Bu nungka yahwurdni. 22 Mak munguyh biburriweyi kore kunak dja mak kore kukku ba bibuyi dowimeninj. Bu ngudda baleh yikurduyime nuye, djalmanjbun bu kanbenekongibu dja kanbenebidyikarrme ngarrewoneng.”

23 Wanjh Jesus bimarneyimeng nawu kornkumo, “Ngudda kankewkme bu kanmarneyimeng, ‘Yiddok ngudda yikarrme bu kanmarnekurduyime?’ dja ngaleng minj njale karayek nuye nawu bininj bu kanwoybukwon ngardduk.”

24 Kaluk kundjalmekbe yerreh nawu kornkumo kayhmeng, “Ngaye woybukwon!

Dja kanbidyikarrmen ba wernhwoybukwon!”

25 Mak Jesus benmirndenang nawu bininj kumekbe birrirlobmerrinj ba kabirrinan baleh kakurduyimerran, wanjh birruy namekbe nawu kunmalng nawarre, yimeng, “Ngudda nawu yibengwarr dja yiwokyak kunmalng! Ngaye wokdjalwon yimbebmen kore namekbe wurdyaw dja mak minj yiyawoyhngimen nuye munguyh!” 26 Wanjh nawu nawarre kunmalng kelekayhmeng, dja bimarnbom namekbe wurdyaw bu wernhdeldelmeng. Yerre wanjh kumbebmeng, bibawong wam. Kaluk nawu wurdyaw djahdjalyoy kurorre yiman doweng yerreh.

Dja birriwern bininj birriyimeng, “Nakka doweng!” 27 Kaluk Jesus bibidmey nawu wurdyaw dja biwayhkeng bu dolkkang danginj.

28 Wanjh Jesus wam ngimeng kore kurrambalk. Kumekbe disciples nuye birrihni birrikudji. Kaluk birriyimeng, “Njalekenh ngad minj karribebkemeninj nawu nawarre kunmalng bibongkarrmeng?” 29 Wanjh Jesus yimeng, “Kumekbe nawu nawarre kunmalng, nakka bininj kabebke bu djal yiwarrudj kakarrme.”

9:30-32 Jesus Kayawoyhyolyolmerren bu Karrowenkenh.

Wanjh Jesus dja disciples nuye birribolkbawong kumekbe dja birrirengehrey kore kubolkkimuk Galilee. Kaluk Jesus minj djareniwirrinj nangale bu burrbuyi kore baleh bedda birrihdi. 31 Dja kunu nungka djareni birrikudji birridiwirrinj nawu disciples nuye ba bu nungan yolyolmeninj bedberre. Wanjh yimeng bedberre, “Nawu Beywurd nuye Bininj wanjh kabirribidkenwon kore bininj nawu birriwarre bu kabirribun karrowenkenh. Kaluk bu kunkodjkedanjbik nungka wanjh kayawoyhdolkkan kore kumidjbeh.” 32 kaluk nawu disciples nuye minj birrikodjkulubayhmeninj bu birriburrbuyi kore Jesus menyimeng. Dja birrikeleni bu minj birridjawayhmeninj.

30

9:33-37 Nangale nawu Nawernhkimuk Duninjh?

Wanjh Jesus dja disciples nuye birriwam kore Capernaum, mak birriwam birringimeng kururrk kore kurrambalk. Wanjh Jesus benmarneyimeng, “Njale kaluk ngurrihyidangwerreni kore manbolh karrihrey?” 34 Kaluk minj birriwokmayi, dja manbu birrihyidangwerreni kore manbolh makka wanjh birrihyimi nangale nawu nawernhkimuk bedberre. 35 Wanjh Jesus yerrkang dja benkayhmeng twelve disciples nuye, dja yimeng, “Bu nangale kadjare kayimerran karrokme ngudberre, wanjh nakka kakurrmerren nayerre duninjh, dja 25 33

KUN Mark Review Edition.indd 31

19/12/11 5:53:57 PM

Mark — 9 kabenhmarnedurrkmirri bedberre birribuyika.”

36 Wanjh Jesus bimey wurdyaw dja binameng kore bedda birrimhdi. Wanjh biwanjbimey namekbe wurdyaw dja yimeng, 37 “Bu nangale kabenkimang wurdwurd yiman kayime nahni wurdyaw kore ngaye ngardduk kunngey, wanjh kunukka ngaye ngankimang. Mak bu bininj ngaye ngandikimang wanjh kunukka nungka kabikimang nawu nganmunkeweng.”

9:38-41 Jesus yimeng, “Nangale nawu minj kannjirrhmiwon, nakka wanjh karrikudjiwi.”

Kaluk John bimarneyimeng Jesus, yimeng, “Nawu Kanhbukkabukkan, ngad ngarrinang bininj nawu ngunhngeybuni bu benhbebkeyi nawu kunmalng nawarre nawu benhbongkarrmi bininj. Kaluk ngarrimarneyimeng bu kangurdme, dja mak nungka minj ngad karridjarrkre.” 39 Wanjh Jesus yimeng, “Yuwn namekbe ngurringurdke. Nangale nawu ngaye nganngeybun bu baleh kakurduyime kundulkarre dorrengh wanjh nakka minj kunwarre kayime kore ngayekenh.

40 Bininj nawu minj kannjirrhmiwon kadberre nakka wanjh ngad kanmarrkwan.

41 Dja nangale nawu ngunbidyikarrme ngudberre bu yiman ngunbowoyi kukku bu ngayekenh, wanjh woybukkih marneyime bu nungka kamang namakmak nuye kahdjehdjenyo. Kunmekbekenh kunu nungka kurduyimeng bu burrbuni ngaye nawu Christ, dja ngudda nawu ngardduk bininj.”

38

9:42-50 Jesus Benbengdayhkeng bu Kabirrirohrokmerren.

Jesus yimeng, “Bu nahni nakudji wurdyaw nganwoybukwon ngaye, dja nabuyika bininj kabimarnbun namekbe wurdyaw kabalkurduyime kunwarre, wanjh kunukka kadjalwarre duninjh nuye. Wanjh kadjalmak bu kabirrikomdukkan nahni bininj nawu biwarrewong wurdyaw, dja kabirrikukburriwe nungka kore kurrula wanjh kabalkebngakme.

43 “Bu kunbid ke ngunmarnbun kunwarre yikurduyime, wanjh yibiddadjkerrimen. Kunukka kadjalmak bu yiwe yikahwi kunbid ke ba bu yidjalmimbi munguyhmunguyh. Dja bu yidjalbiddi kunbid bokenh yikarrme wanjh kunukka yire kore hell, kore manbu kunak kahdjalrung munguyh dja minj kabirludowen. 44 Kumekbe wanjh woyung minj karrowen, dja kunak minj kabirludowen. [Isaiah 66v24].

45 “Mak bu kundenge ke ngunmarnbun kunwarre yiyime, dja yirrengedjobkerrimen. Wanjh kunukka kamak bu yibirlni, dja yidjalmimbi munguyh. Kunukka kadjalwarre bu kundenge bokenh yikarrme dja wardi ngunkukburriwe kore hell. 46 Kumekbe wanjh woyung minj karrowen, dja kunak minj kabirludowen. [Isaiah 66v24].

47 “Dja mak kunmim ke bu ngunmarnbun kunwarre yiyime, wanjh yiwernhmimbebkemen. Kunukka kamak bu yimimkudji yingimen kore God kawohrnan rowk. Mak kawarre bu bokenh yimimdi wardi kunukka ngunkukburriwe kore hell. 48 Kumekbe wanjh woyung minj karrowen, dja kunak 26 42

KUN Mark Review Edition.indd 32

19/12/11 5:53:57 PM

Mark — 9, 10 minj kabirludowen. [Isaiah 66v24].

49 “Kunak ngunrohrokme ngudberre bininj rowk ba ngurriyimerran ngurrimak, yiman kayime djirla kadjalmanjmak. 50 Kaluk nawu djirla nakka namak. Dja bu kamanjyakmen, wanjh kunukka minj nangale kayawoyhmarnbun bu kamanjdangen. Mah, ngurridjarrkyimerra yiman kayime djirla manbu minj kamanjyakmen, dja mak ngurridjarrkre kunmodmikenh dorrengh.”

10

10:1-12 Jesus Yolyolmeng bu Nabininjkobeng Ngalbininjkobeng Kabirribaworrenkenh.

Kaluk Jesus bolkbawong kumekbe dja wam kore kubolkyahwurd ngarre Judea dja mak kore borledmikenh kore Jordan mankabo. Kaluk kumekbe birriyawoyhmirndebebmerrinj nuye. Wanjh Jesus benmarneyolyolmeng kumekbe yiman kerrngehkenh kurduhkurduyimi munguyh.

2 Wanjh yikahwi Pharisees birrimwam kore Jesus dja bedda birridjareni birrikowemeninj. Wanjh birridjawayhmeng bu birriyimeng, “Yiddok kunukka kamak bu bininj kabibawon ngalbininjkobeng nuye?” 3 Jesus benwokmey yimeng, “Baleh kayime mankarre nuye Moses bu ngurrikurduyime?” 4 Wanjh bedda birriyimeng, “Moses benbawong bininj bu bindidjalbawong bindimunkeweng ngalbihbininjkobeng bu djurra bindiwoyi nawu kabenebaworrenkenh.”

5 Wanjh Jesus yimeng, “Moses ngunwong mahni mankarre ngudberre bu kunmekbekenh ngudda ngurrikangerayek. 6 Dja kunbuyika kunkareni bu God marnbom yehyeng rowk, wanjh nungka benbenemarnbom bininj dja daluk.j 7 Wanjh kunmekbekenh kunu nawu bininj kabenbenebawon ngalbadjan dja kornkumo nuye dja kabidjalmang kabibelbme ngalbininjkobeng nuye. 8 Wanjh benemekbe bininj dja daluk kabenemarnburren bu yiman beneburrkkudji.l Wanjh kunmekbe kayime nawu bininj dja daluk minj benebokenh dja nakka benedjalkudji bu kabenedjarrkdarrkid. 9 Bonj. God wanjh benbenemarnbom bu benekukbelbmerrinj. Minj nangale mak kabenbeneyarlarrke.”

10 Kalukburrk, Jesus dja disciples nuye birriyawoyhni kore kurrambalk.

Kumekbe birriyawoyhdjawam Jesus kunmekbekenh manbu bininj dja daluk kabenebaworrenkenh. 11 Jesus yimeng bedberre, “Nangale nawu kabibawon ngalbininjkobeng nuye dja kabibalmang ngalbuyika daluk wanjh kunukka kunwarre kakurduyime, dja kabiwarrewon ngalbininjkobeng. 12 Mak kunmekbe yerreh kayime bu daluk kabibawon nabininjkobeng ngalengarre dja kabibalmang nabuyika bininj wanjh kunukka kundjalwarre bu kabimarnekurduyime.”

1

10:13-16 Jesus Kabenkimang Wurdwurd.

Yikahwi bininj bindimkang wurdwurd kore Jesus ba bu nungka benkarrmeninj. Dja disciples nuye bindidenghkeyi nawu bininj minj birrimyikayi Jesus nawu wurdwurd. 14 Kaluk bu Jesus bennang nawu disciples birrikurduyimeng, wanjh nungka yidduy. Dja benmarneyimeng, “Ngurrbenbawo!

Birrimray kore ngaye nawu wurdwurd. Dja yuwn bu ngurriyime bu 27 13

KUN Mark Review Edition.indd 33

19/12/11 5:53:57 PM

Mark — 10 ngurrbendenghke. Kore God nuye kubolkmak nakka bedberre bininj nawu yiman kayime nahni wurdwurd. 15 Woybukkih duninjh marneyime ngudberre, bininj wanjh kamang namakmak kore God nuye kubolkmak yiman kayime wurdyaw nawu kamang njalehnjale namakmak. Dja bu burrkyak, wanjh kunukka minj kangimen kore God nuye kubolkmak.”

16 Wanjh Jesus benwanjbimey birrimekbe wurdwurd, benkodjkarrmeng dja bidjawam God bu kabenmarnekurduyime kunmak bedberre.

10:17-31 Nawu Nakuken Bininj.

Jesus mahmimahmi bu wanjh benbawoyi, dja nakudji bininj rlobmeng kore nungka dja barddurrukkurlhdanj kore kumirrk nuye Jesus. Wanjh bidjawam, “Nawu yimak kanhbukkabukkan, baleh ngakurduyime ba bu ngadjalmimbi munguyh munguyh?” 18 Wanjh Jesus yimeng, “Njalekenh yiyimeng bu ngaye ngamak? Minj nangale namak dja nadjalkudji God. 19 Ngudda yiburrbun manbu mankarre: ‘Minj nangale yibun. Minj yimarnedjirdmang nabuyika bininj nuye daluk. Mak minj yidjirdmang njalehnjale bedberre birribuyika. Dja mak minj yikurren bu yimulewan nawu nguneredbo kore court. Mak minj yikurren bu yiyime kurobbe. Dja yibenbenewokmarrkma ngalbadjan dja kornkumo!’m” 20 Wanjh nawu bininj yimeng, “Nawu kanhbukkabukkan, ngaye ngawokmarrkmey rowk mahni mankarre bu ngayawurrinjni.”

21 Kaluk bu Jesus binang mandjad, nungka wanjh bimarnedjareminj. Dja yimeng, “Manbadkudji bu yikurduyime. Yiray dja yiweyka njalehnjale nawu yihkarrme, dja mak nawu kunwardde money yibenwo nawu birrimarladj bininj.

Wanjh kaluk ngudda yikarrme namakmak kore heaven. Yerre wanjh yimray kanmunkekadjung ngaye.”

22 Wanjh namekbe bininj kebbumeng bu bekkang kunmekbe Jesus bimarneyimeng, wanjh nungka bibawong, wam. Nungka karrmi nawern namakmak dja mak nakukenni kaluk kunmekbekenh nungka njilngwarreminj.

23 Mak Jesus bennanganang bininj nawu birrihni, wanjh yimeng, “Kadjalkarrerayek bedberre nawu nawern namakmak kabirrihkarrme bu kabirringimen kore God nuye kubolkmak!”

24 Kaluk nawu disciples nuye birrikangebarrhmeng kumekbe bu birribekkang Jesus yimeng. Dja mak yawoyhyimeng, “Ngudda nawu wurdwurd ngardduk, karayek duninjh bu bininj kangimen kore God nuye kubolkmak! 25 Dja mak kadjalwernhrayek nuye bininj nawu kahkarrme nawern namakmak wanjh minj kangimen kore God nuye kubolkmak, yiman kayime camel bu kabarrarnmang gate manyahwurd.”

26 Kaluk nawu disciples nuye birriwernhkangebarrhmeng dja birrimarneyimerrinj, “Kaluk nangale nanu God kabingehke?” 27 Jesus bennang mandjad dja yimeng, “Nahni nawu njale yarrka bininj minj kabirrikurduyime. Dja God nadjalkudji kakurduyime. Mak nungka njalehnjale kakurduyime rowk.”

28 Kaluk Peter bimarneyimeng Jesus, “Ngad ngarribawong ngadberre rowk, ba bu ngudda ngundimunkekadjung!” 29 Jesus yimeng, “Woybukkih duninjh 28 17

KUN Mark Review Edition.indd 34

19/12/11 5:53:57 PM

Mark — 10 marneyime ngudberre. Birriwern bininj nawu birribawong yehyeng rowk bu ngayekenh, ngayime birribawong kunred bedberre, dja yiman kayime bindibawong narahrangem, ngaldahdaluk, ngalbadjan, kornkumo, wurdwurd dja kunbolk bedberre. Birridjalbawong rowk ngarddukkenh, mak ngarre manbu manmakkaykenh kunwok ngardduk. 30 Wanjh bedda kabirrimang one hundred nawu njalehnjale birribawong - ngayime kondanjkunu kunred nakka kakarrme manwern kunred, narahrangem, ngaldahdaluk, ngalbabadjan, wurdwurd, dja kunbolk. Wanjh bu kunmekbekenh, kabindinjirrhmiwon birriwarre bininj.

Dja mak kamre bedberre kore kabirriyidowen, wanjh bedda kabirridjalmimbi munguyhmunguyh. 31 Dja birriwern nawu kabirridokmiwerren bu bolkkime wanjh nakka kabirrikukdurndeng yerre bu kaluk kamre bedberre, dja mak birriwern nawu kabirrimre yerreh, wanjh kabirriyimerran bu kabirridokme.”

10:32-34 Jesus Yolyolmerrinj bu Karrowenkenh.

Wanjh Jesus dja birriwern bininj birrihdjarrkbolhkadjungi manbu bolhrebolhrey kore Jerusalem. Kaluk Jesus dokdokmi bedberre. Nawu disciples nuye birrikangebarrhmeng, dja nawu bindihmunkekadjungi yerre nakka wanjh birrihkeleni. Wanjh Jesus benkimey nawu twelve disciples nuye dja bendjarrirnnameng kore birriwokkihrey birrikudji. Dja nungka benyawoyhmarneyimeng bu baleh kabimarnekurduyimerran nuye kore Jerusalem. 33 Wanjh yimeng, “Ngad karribidbun kore Jerusalem. Kumekbe wanjh nawu Beywurd nuye Bininj, nakudji kabikukweykan bedberre nawu kabirrihdokme priests dja mak nawu kabindihbukkan mankarre. Kaluk bedda kabiwarrewe bu nungka karrowen. Wanjh kabirribalkukweykan kabindibalwon bininj nawu minj Jews. 34 Kaluk nawu minj Jews bedda wanjh kabirridjekmiwon dja kabirrikuknunjhme. Mak kabirriwidjbihke kunyarl dorrengh, dja wanjh kabirribun, karrowen. Kaluk bu kayimerran kunkodjkedanjbik bu kunmekbe karrowen, nungka kayawoyhdolkkan kore kumidjbeh.”

32

10:35-45 Benebokenh Disciples Benedjawam Jesus bu Kabenbenebidyikarrmekenh.

Nawu James dja John nabebeywurd nuye Zebedee, benemyikang Jesus dja benedjawam, benemarneyimeng, “Nawu kanhbukkabukkan, ngad nganedjare ngundidjawan nawu kore yikurduyime ngarrewoneng.” 36 Wanjh Jesus yimeng, “Njale kaluk ngunedjare ngakurduyime ngurrewoneng?” 37 Kaluk bedda beneyimeng, “Ngudda wanjh kaluk yikarrme namakmak kore kubolkmak ke.

Dja kanbenekurrmen ngarrewoneng bu nganeni kore kukun dja kudjakku ngudda ke.” 38 Wanjh Jesus yimeng, “Ngudda minj njale nguneburrbun nawu ngunehdjawayhme. Yiddok ngunebongun kore banikkin nawu ngaye ngabongun? Dja yiddok mak ngudda ngunekodjdjuhme kore karohrok manbu ngaye ngakodjdjuhme?” 39 Wanjh bedda beneyimeng, “Yoh, ngad kunmekbe nganekurduyime!” Kaluk Jesus yimeng berrewoneng, “Wanjh ngudda ngunebongun nadjalkudji banikkin kore nawu ngaye ngabongun. Dja mak 29 35

KUN Mark Review Edition.indd 35

19/12/11 5:53:57 PM

Mark — 10, 11 ngunekodjdjuhme mandjalkudji baptism kore ngaye ngadjuhme. 40 Dja ngaleng, ngaye minj ngadjarrngbun bu benengale kani ngardduk kore kukun dja kudjakku.

Minj ngayekenh. Bedda wanjh ngokko kabenengeydi kumekke.”

41 Wanjh bu kunmekbe birribekkang nawu birrimirndebuyika ten disciples, bedda wanjh bindidduy nawu James dja John. 42 Wanjh Jesus benkayhmeng nawu disciples nuye. Dja yimeng, “Ngurrina. Ngudda ngurriburrbun bu bininj nawu minj Jews kabindikarrme nawu kabirriwohrnawohrnan nawu kabirrikimukworren dja kabindimarnedokmiwerren birribuyika. Bedman wanjh. Dja mak kabirriburlumerren bu kabirrikarrme kundulkarre bedberre.

43 Wanjh yuwn ngurrikurduyime kore yiman bedda kabirrihkurduyime. Mak bu nakudji kadjare kakimukmen kore ngudberre, wanjh kurrmerrimen durrkmirrin ngudberre ngurribuyika. 44 Dja bu nangale kadjare kawernhdokmiwerren ngudberre, wanjh nakka werrk durrkmirrin ngudberre yiman kayime nawu slave. 45 Wanjh kunmekbe yerreh karohrok, nawu Beywurd nuye Bininj minj kumrawinj bu birriwern kabirridurrkmirrikenh nuye, dja nakka kumwam bu kabenmarnedurrkmirri, dja kakanjkurrmerren bedberre birriwern bininj ba kabirringehme.”

10:46-52 Jesus Bimarnbom Bininj nawu Mimbunjeni.

Wanjh birribebmeng kore kunred kabolkngeyyo Jericho. Kaluk Jesus dja disciples nuye mak birrimirndewern bininj nawu bindihmunkekadjungi, wanjh birribolkbawoyi Jericho. Wanjh bininj nawu mimbunjeni ningihni kore kurrird ngarre manbolh. Kaluk nungka ngeyyoy Bartimaeus nawu beywurd nuye Timaeus. 47 Wanjh nungka biwobekkang Jesus nawu Nazarethbeh rengehrey bihyurrhkeyi. Kaluk namekbe mimbunjeni kayhmeng, “Jesus, Beywurd nuye David, kankongibu ngaye!” 48 Mak birriwern bininj birringurdkeyi dja birrimarneyimi bu kangurdme. Dja nungka djalkayhmi wernkih duninjh, “Nawu Beywurd nuye David! Kandjalkongibu!” 49 Wanjh Jesus danginj dja yimeng, “Ngurrikayhmen nungka bu kamre.” Wanjh birrikayhmeng namekbe bininj nawu mimbunjeni, dja birrimarneyimeng, “Yinjilngmaknin! Dja yirrolkka.

Jesus ngunhkayhme.” 50 Wanjh nawu mimbunjeni bininj dolkkang werrkwerrk, burriweng nuye badjubadju, wanjh bimyikang Jesus. 51 Kaluk Jesus bidjawam, “Njale ngudda yidjare bu ngakurduyime ke?” Wanjh nawu mimbunjeni yimeng, “Nawu kanhbukkabukkan, ngaye ngadjare ngabolknan.” 52 Wanjh Jesus yimeng, “Yiray! Dja ngokko yimakminj bu kunmekbekenh ngudda kanwoybukwong.”

Wanjh kundjalmekbe yerreh namekbe bininj mimbayhmeng dja bolknang rowk.

Dja mak bimunkemey Jesus kore manbolh.

46

11:1-11 Birriwern Bininj Birriburlumeng Jesus bu Ngimeng kore Jerusalem.

11

Kaluk Jesus dja disciples nuye birrimhdarnhbebmi kore Jerusalem. Kaluk birrimwam kore kubolkwernkenh ngarre Bethphage dja Bethany, darnkih kore Kurrulum manbu Oliveskenh. Wanjh kumekbe Jesus benbenemunkeweng 30 1

KUN Mark Review Edition.indd 36

19/12/11 5:53:57 PM

Mark — 11 benebokenh disciples nuye. 2 Dja benbenemarneyimeng, “Nguneray kore kumekbe kubolkkimuk ngunebolknan. Kaluk bu ngunebalhngimen, kumekbe ngunengalke donkey yaw karrukkayindi, nawu minj nangale morneniwirrinj.

Wanjh nguneyerrkkemen dja ngunemka kondah kore ngaye. 3 Dja bu nangale ngunbenedjawan ngurrewoneng bu njalekenh ngunehyerrkke nawu donkey yaw, wanjh kuhni ngunemarneyimen, ‘Nawu Kawohrnan kadjare, dja werrkwerrk ngunmarnedurndiwe.’ ” 4 Wanjh nawu disciples benewam dja benengalkeng namekbe donkey yaw dukkayindi kuberrk kore manbolh, kaluk darnkih kurrangmaye kore kurrambalk, wanjh beneyerrkkeyi. 5 Wanjh yikahwi bininj nawu kumekbe birrihdi wanjh bindidjawam, “Baleh ngudda ngunehyime? Njalekenh ngunehyerrkke nawu yaw donkey?” 6 Wanjh nawu disciples bindiwokmey kore Jesus benbenemarneyimeng.

Wanjh nawu bininj bindiyimunkeweng, benekang nawu yaw donkey. 7 Wanjh benekang kore Jesus, dja benebodmebarrkbom nawu donkey kunmadj berrewonengwi. Wanjh Jesus bidbom morneni.

8 Birriwern bininj birrimarnekurrmeng kunmadj bedberre kore manbolh, dja birribuyika birriyendedadjkeng kundulk kore kabbal darnkih, dja birriyendekurrmeng kore manbolh. 9 Yikahwi bininj birridokmi nuye Jesus dja birribuyika wanjh birridjalkadjungi, wanjh birriwern rowk birrikayhmi, birriyimeng, “Hosanna! Nahni namakkaykenh bininj kamre kore kunngey nuye nawu Kawohrnan Rowk! 10 Bolkkime wanjh kamre bininj nawu kawohrnan rowk nuye nawu David, kadberre kornkumo! Hosanna kore kaddum heaven!”

11 Wanjh Jesus ngimeng Jerusalem, kaluk balngimeng kore kunrurrk temple, wanjh nungka bolknang rowk bu nang njalehnjale. Kaluk ngokko balhdungborledmi, wanjh nungka wam kore Bethany mak birridjarrkwam nawu twelve disciples nuye.

12 Kaluk bu kunkodjkebuyikani nungka balhbolkbawoni Bethany, wanjh nungka marrwedoweng. 13 Wohnang wanjh nang djarreh manbu fig kundulk dingihdi. Wanjh manmekbe dulkyikang ba kanan manme manbu figs bu kahkukbarndi. Dja burrkyak, minj karrmeninj manme manmekbe kundulk, dja kunmarlaworrwi djahdjaldi. Kaluk kunukka minj ngarreniwirrinj bu dungyimi bu manme kukdiwirrinj. 14 Wanjh Jesus marneyimeng manmekbe kundulk, “Minj nangale kangun manme kore ngudda munguyh.” Kaluk nawu Jesus nuye disciples birribekkang bu kunmekbe nungka yimeng.

11:15-19 Jesus Ngimeng kore Kunrurrk manbu Temple.

Wanjh Jesus yawoyhdurndi kore Jerusalem wanjh balwam kore Temple.

Kaluk kumekbe dedjingmey bu benhkukbebkeyi nawu birrihbayahmi dja nawu birrihweykani njalehnjale. Mak dedjdjoknameng tables bedberre nawu kore birrihworreni nabubuyika kunwardde money. Dja borleborledkeng bedberre seats kore birrihweykani dorddorok. 16 Mak Jesus minj benyibawoyi njalehnjale nawu birriyibebmeninj kuberrk kore kunrurrk Temple. 17 Wanjh kumekbe Jesus benbukkabukkani bedberre bu yimeng, “Kore djurra kahwokbimdi kahyime, 31 15

KUN Mark Review Edition.indd 37

19/12/11 5:53:57 PM

Mark — 11 ‘Ngardduk Kunrurrk makka ngarre kore bininj nawu birrikang kubolkbubuyika kabirridi yiwarrudj. Dja ngudda ngurribolkmarnbom kore bininj nawu kabirrihwarlkkayindi nawu kabirrihdjirdmang.’ ” 18 Wanjh nawu kabirrikihkimuk priests dja nawu mankarre kabindihbukkan birribekkang rowk maninjmanu.

Wanjh birrikarreyawani kore baleh kabirrikurduyime bu kabirribun. Dja bedda birrikengemeng, dja birriwern bininj birrikangebarrhmeng bu nungka birriwokbekkang yolyolmeng bu benbukkabukkang bedberre.

19 Wanjh bu baldungborledmi Jesus dja disciples nuye birribolkbawong kumekbe kubolkkimuk kunred.

11:20-26 Kundulkarre Birrinang bu Kabirrikangekurrmerren kore God.

Kaluk bu kukabelbuyikani, Jesus wanjh rengehrey mak birrihdjarrkrey nuye disciples. Wanjh birrinang maninjmanu fig kundulk, bu dulkdarlehminj dja dulkdoweng, mandedjmad dorrengh. 21 Kaluk Peter dulkburrbuni manmekbe wanjh bimarneyimeng Jesus, “Nawu Kanhbukkabukkan, yina! Bu wolewolehni ngudda yiyimeng kunwarre kore manmekbe kundulk. Wanjh bolkkime darlehminj dja doweng!” 22 Wanjh Jesus yimeng, “Ngurrikangekurrmerrimen kore God. 23 Woybukkih duninjh bu marneyime ngudberre, ngudda yimarneyime mahni kunwardde, ‘Yiray, dja yiwarddewarrhmen kore kurrula!’ Dja bu kunkewkmi minj yikarrme kore kukodjkurlu ke, dja mak yiwoybukwon kore nawu yiyime wanjh yidjalnan bu kadjalkurduyimerran, wanjh God kadjalkurduyime ke.

24 Wanjh marneyime ngudberre bu ngurridjawayhme ngarre njalehnjale kore ngurrikangekurrmerren, bu yiwarrudj ngurridi, wanjh nakka ngudberre ngudda.

25-26 Dja mak, bu bininj kahdi yiwarrudj, wanjh kahburrbun bu benedurrinj nabuyika bininj nawu njalehnjalekenh bu beneyidurrinj, wanjh bibengmidjda nuye. Wanjh bu kuhni kakurduyime, nawu kornkumo kahni heaven nunganwali kabimarnebengmidjdan kunwarre nuye.”

20

11:27-33 Nawu Kabirrihwohrnawohrnan Birrimarnekewkmeng Jesus.

Wanjh Jesus dja disciples nuye birriyawoyhwam kore Jerusalem. Kaluk bu Jesus rengehrey kore Temple, dja awu kabirrihwohrnan priests, nawu mankarre ngarre kabirrihwohrnan, dja nawu dabborrabbolk kabirrihwohrnan, wanjh birrimyikang Jesus. 28 Dja birrimarneyimeng, “Kanmarneyimen ngadberre! Njale yihkarrme kore nahni njalehnjale yihkurduyime? Dja kuhni nangale ngunwong?”

29 Wanjh Jesus yimeng, “Ngaye wanjh djawan ngudberre kunkudji. Wanjh ngudda kandiwokmang, yerre wanjh marneyime ngudberre kore nangale nawu nganwong bu nahni yarrka ngahkurduyime. 30 Wanjh kandidjalmarneyimen. Bu John benhkodjdjuhkeyi bininj, kaluk makka baleh kumdolkkang? Yiddok kore Godbeh dja nuk kunubewu kore bininjbeh? Wanjh kandiwokma!” 31 Wanjh bedda birridangwerrinj bu kumekbekenh Jesus bendjawam, dja birrimarneyimerrinj, “Bu ngad karriyime nawu John kabenhkodjdjuhke kumdolkkang kore God, wanjh Jesus wardi kayime, ‘Dja mak njalekenh minj John ngurriwoybukwoyi?’

32 27

KUN Mark Review Edition.indd 38

19/12/11 5:53:57 PM

Mark — 11, 12 Dja bu karriyime ‘Kore bininjbeh’ wanjh birriwern bininj wardi kandirrung.”

(Kaluk birrimekbe nawu kabindihmarnewohrnan bindikengemi birriwern bininj nawu birriyimi bu woybukkih John nakka prophetni.) 33 Wanjh nawu kabindihmarnewohrnan birrimarneyimeng Jesus, “Ngad ngarriwakwan.” Kaluk Jesus yimeng, “Wanjh minj mak marneyime ngudberre bu nangale nuye bu nahni njalehnjale ngahkurduyime.”

32

12

12:1-12 Jesus Yolyolmerrinj bu Nungka nawu God nuye Beywurd.

Jesus benmarneyolyolmi parable manbu kunwarlkkayken kunwok bu benbukkani bininj bedberre. Wanjh yimeng, “Nakudji bininj nawu kunbolk karrmi, wanjh dudji manrakel manwern kore vineyard. Warnahwarnamkang dja bolkkaruy manbu ngalengarrekih winepress. Mak marnbom kunrurrk ba birribidbom birribolknahnani warridj. Wanjh benyikurrmeng yikahwi nawu birrihmarnedurrkmirri bu kabirrinahnan nuye dja nungka wanjh wam kubolkbuyika. 2 Kaluk bu yerrekah manmekbe grapes wanjh djolengminj dja kumwam ngarre bu kabirrimoyhmangkenh. Wanjh nakudji bimunkeweng nawu kabihmarnedurrkmirri kore birrimekbe birribolknahnani, ba kabirrilarlmang manbu grapes. 3 Dja bedda birridarrkidmey dja birribom. Wanjh birridulkyimunkeweng bu minj njale mak birriwoyi.

4 “Wanjh bininj nawau karrmi kunbolk bimunkeweng nabadbuyika bininj nawu birmarnedurrkmirri. Kaluk nakka birridjumduhkeng dja kunwarrehwarre birrimarneyimeng. 5 Mak biyawoyhmunkeweng nabuyika wali, dja nakka wanjh birribom birrikukkurrmeng. Birriwern benmunkeweyi namekbe bininj dja nakka bindidjalbuni nawu birrihmarnedurrkmirri dja bindingorengmunkeweyi mak yikahwi nakka bindibuni bindikukkurrmi, birridoweni.

6 “Wanjh nawu bininj bibalhkarrmi nadjalkudji bu kabimunkewe. Kaluk nakka wanjh beywurd nuye nawu biwernhmarnedjareni duninjh. Wanjh bimunkeweng dja yimeng, ‘Birrimekbe bininj minj baleh kabirriyime nuye, dja nahni nawu beywurd ngardduk!’ Wanjh bimunkeweng. 7 Kaluk bedda nawu birridi kunbolk nuye, wanjh birrimarneyimerrinj ‘Nahni beywurd nuye! Dja mahni vineyard wardi nungka kamang dja bu karribun wanjh kunukka ngad kadberrekih karrimang.’ 8 Wanjh birrimey namekbe beywurd dja birribom birrikukkurrmeng, wanjh birribalkukburriweng kuberrkkah kore vineyard.

9 “Wanjh kaluk baleh kayime namekbe bininj nawu vineyard nuyekih? Wanjh kare kabenbun nawu kore benyikurrmeng birrimekbe bininj. Wanjh mahni kunbolk, kabenbalwon birribadbuyika bininj.

10 “Kunubewu minj ngudda ngurribimngeybuyi kore djurra kahbimbuyindi bu kayime, ‘Manbu kunwardde kore bininj kabirrihmarnbun wanjh birriwarddeburriweng dja marnbuyindanj manwardde mankimuk, manbu manwernhmakkaykenh.

11 Nawu Kawohrnan kuhni wanjh kurduyimeng, wanjh kundjalmakkaykenh bu kurduyimerranj kadberre.’ ” 12 Wanjh nawu kabirrihwohrnawohrnan Jews birriburrbuni kunmekbe kore 33 1

KUN Mark Review Edition.indd 39

19/12/11 5:53:57 PM

Mark — 12 yolyolmeng bu wanjh bedda benhyolyolmi, dja kunmekbekenh birridjareni birrimayi nawu Jesus. Kaluk bedda bindikengemi birriwern bininj nawu birrimarnemirnderri nuye. Wanjh bedda birribawong Jesus dja birriwam.

12:13-27 Nawu Birrihwohrnawohrnani Jews Yimankek Birrikoweyi Jesus.

Kaluk bu yerrekah, nawu kabirrihwohrnawohrnan Jews bindimunkeweng yikahwi Pharisees dja yikahwi bininj nawu kabirringeyyo Herodians kore Jesus. Dja bedda birridjareni Jesus birrimayi bu kawohyime kunbuyika kunwok. poub 14 Wanjh birrimyikang kore nungka dja birrimarneyimeng, “Nawu Kanhbukkabukkan, ngad ngarriburrbun bu ngudda yiwoybuk bininj. Ngudda mak minj yikele bu baleh nawu bininj nawu birribuyika kabirrihburrbun bu nguddahkah. Dja yidjalweykan kunwoybuk dorrengh manbu kunwok God nuye. Wanjh kanmarneyimen ngadberre, yiddok kunukka kunmak bu ngarrikarremulewan money nawu taxes nuye Caesar? 15 Yiddok ngarrikarremulewan dja kunubewu burrkyak?”

Dja nungka Jesus ngokko burrbuni bu kore birrikurduyimeninj bu birrikoweyi nuye. Wanjh yimeng, “Njalekenh bu yimankek ngudda kandikowe ba kandimayi ngaye? Dja ngurrimka ngardduk silver coin ba nganan.” 16 Wanjh birriwong Jesus namekbe coin. Dja djawayhmeng, “Nangale kahbimdi kore coin? Mak nangale kahngeydi?” Wanjh bedda birriyimeng, “Nawu Caesar nuye.” 17 Kumekbe Jesus benmarneyimeng, “Bonj. Wanjh ngurriwo Caesar njalehnjale nawu nuyekih. Dja kore God, wanjh ngurriwo njalehnjale nawu God nuye.” Kaluk kunmekbe bu birribekkang Jesus yimeng bedberre bedda wanjh birrikangebarrhmeng.

18 Wanjh yikahwi Sadducees birrimyikang Jesus. (Kaluk nawu Sadducees kabirriyime bu bininj karrowen, wanjh minj mak kayawoyhdolkkan kore kumidjbeh.) Wanjh birridjawayhmeng Jesus. 19 Wanjh birriyimeng, “Nawu Kanhbukkabukkan, kore Moses bimbom yimeng, nawu bininj nuye benedanginj bu karrowen, wanjh kabibawon ngalbininjkobeng kakamarrdjukundi dja wurdyawyak. Kaluk bu namekbe bininj karrowen wanjh ngalbu daluk kabimang nabuyika nawu doweng benedanginj wanjh wurdyaw kabenekarrme wanjh nakka wurdyaw yiman nuye nawu nayungkih doweng. 20 Kaluk yimankek kumekbe birridi seven bininj nawu birridanginj. Wanjh nayungki nawu bimey daluk dja nungka wanjh doweng mak manembeywurdyakni, minj karrmeninj wurdyaw. 21 Yerre wanjh nabuyikawali bikamarrdjukunmey ngalbu daluk. Wanjh nungka mak doweng yerreh dja manembeywurdyakni yerreh. Mak nabuyika kunmekbe yerreh yimerranj nuye. 22 Wanjh birriwern nawu birrimekbe seven birridanginj birrimey ngalmekbe daluk ngalkudjiwi dja bedda birridowerrinj rowk. Kaluk birrimekbe nawu birridanginj minj birribornayi wurdyaw.

Wanjh yerre ngalmekbe daluk doweng. 23 Dja ngaldjalkudji ngalmekbe daluk bedberreni birrimekbe nawu seven birridanginj. Wanjh kaluk yerrekah, bu bininj kabirridolkkarren kumidjbeh, kaluk baleh nawu bininj nuyekih duninjh ngalmekbe daluk?”

24 Wanjh Jesus yimeng, “Njalekenh ngudda ngurriwarrewong bu 34 13

KUN Mark Review Edition.indd 40

19/12/11 5:53:57 PM

Mark — 12 ngurridjalbawong kunwoybuk? Yiddok ngudda minj ngurriburrbun kore baleh kahyime nawu djurra? Mak ngudda minj ngurribun manbu God nuye kundulkarre? 25 Bu bininj kabirridolkkarren kore kumidjbeh, minj kabirriyawoyhmarren, dja bedda wanjh karohrok nawu angels kore heaven.

26 “Kaluk ngudda ngurrinang kore djurra kore baleh God yimeng bu bininj kabirridolkkarren kore kumidjbeh. Dja nawu djurra kore Moses bimbom kundalk manbu rungihrungi, wanjh makka kahyime bu God kuhni bimarneyimeng Moses ‘Ngaye nawu God nuye Abraham, nawu God nuye Isaac, dja nawu God nuye Jacob.’ 27 Wanjh nawu God nakka bininj bedberre nawu kabirrihdarrkiddi, minj nakka bedberre nawu birridowerrinj. Ngudda nawu Sadducees wanjh minj ngurriwernhburrbun kore kunwoybukkenh.”

12:28 - 34 Manbu Mankarrekimuk Duninjh.

Kaluk nakudji bininj nawu kabindihbukkabukkan mankarre kumwam kore Jesus. Kaluk nungka benbekkang bu Jesus birrihdangwerreni nawu Sadducees dja Pharisees. Dja mak binang Jesus bu benwokdurndiweyi kunmak kunwok benmarneyimi kore bedda birrimdjawani. Wanjh nungka kumwam dja bidjawam Jesus, “Baleh manbu manwernhkarrerayek duninjh?”

29 Kaluk nungka Jesus yimeng, “Manbu manwernhkarrerayek duninjh wanjh makka mahni: ‘Ngurribekka nawu Israel ngunkebmawahmeng!

God nawu Kawohrnan kadberre, wanjh nadjalkudji Kawohrnan Rowk. 30 Ngurrimarnedjarenin nawu Kawohrnan ngudberre God, mak ngurrimarnedjarenin kunkange dorrengh, dja kunmalng dorrengh, mak kunmayali dorrengh, dja mak kunngudj dorrengh.’ 31 Dja manbadbuyika mankarrerayek makka mahni, ‘Yimarnedjarenin nawu nguneredbo yiman kayime ngudda yimarnedjaremerren yingandeleng.’ Kaluk mahni mankarre bokenh wanjh makka manwernhrayek duninjh dja kabenedokme mankarrekilehkilelk rowk.”

32 Wanjh nawu bininj nawu bidjawam Jesus yimeng, “Nawu kanbukkabukkan, makka wanjh manmak bu yiyimeng. Ngudda mandjad bu yiyimeng kore yiyolyolmeng njalehnjale. God wanjh nadjalkudji nawu Kawohrnan dja minj nabuyika God mak kabenerohrok. 33 Kaluk ngad wanjh karrimarnedjare bulkkidj duninjh bu kunkange dorrengh, kunmayali dorrengh, dja kunngudj dorrengh.

Mak karrimarnedjare nawu ngarriredbo yiman kayime karrimarnedjaremerren.

Wanjh mahni mankarre makka manwernhkarrerayek duninjh minj karohrok kore karriwonohwon njalehnjale kore God dja bu karrimarnekinje mayh.”

34 Wanjh Jesus binang nawu bininj bu yimeng mandjad. Dja bimarneyimeng, “Ngudda wanjh darnkih bu yingimeninj kore God nuye kubolkmak.” Kaluk bu yerreyerre, minj nangale nawu kelebukniwirrinj bu bidjawayi Jesus.

28

12:35-40 Nangale Kornkumo nawu Christ nuye?

Wanjh Jesus yolyohyolyolmi bedberre kore Temple. Dja yimeng, “Njalekenh nawu kabindihbukkabukkan mankarre kabirrihyime bu Christ nakka beywurd 35 35

KUN Mark Review Edition.indd 41

19/12/11 5:53:57 PM

Mark — 12, 13 nuye David? 36 Nawu David naweleng, kore nawu Namalngmakkaykenh bimarnewokdi, wanjh yimeng, ‘Nawu Kawohrnan bimarneyimeng ngardduk nawu Kawohrnan. “Yinin kore kukun ngardduk, ba bidkenwon nawu ngundinjirrhmiwon kore ngudda bu yibenmelme bedberre.” ’ 37 Ngurribekkang?

David nungandeleng bingeybom Christ ‘Nawu Kawohrnan’ dja yiddok kunukka baleh bu Christ beywurd nuye David?”

Wanjh nawu bininj birriwern kunnjilngmak dorrengh birribekkani bu yolyolmi bedberre.

38 Wanjh Jesus munguyh yolyolmi bedberre. Bu yimeng, “Ngurrinahnarrimen bedberre nawu kabindihbukkabukkan mankarre. Bedda kabirridjare bu kabirriwohrewohre dja kabirridjongbuyindi kunmadj manbu kabenmarnbun bedda birrikihkimuk. Mak kabirridjare bu bininj kabindimakwan kore manbolh. 39 Mak kabirridjare kabirrini kore mankuken seats kore synagogues dja mak kore mulil bu manme kabirringun. 40 Bedda wanjh kabindiyimang dja kabindimarnedjirdmang nawu kamahkamarrdjukun kunrurrk bedberre.

Wanjh yerre bedda yimankek kabirribalmarnburren bu birrimak kore kabirrihdedjkuyenghme bu kabirrihdi yiwarrudj. Wanjh God kabendjadme, dja kabenbun birrimekbe bininj bu kundjalkimuk duninjh.”

12:41-44 Jesus Biburlumeng Ngalbu Kamarrdjukunni.

Jesus wanjh ningihni kore darnkih box nawu kunwardde money kore kabirrihkukdahkendong. Wanjh bennani bininj bu birrihkurrmi nawu kunwardde money. Kaluk birriwern bininj nawu birriwarddekimukni bu birridahkendongi nawern money kore temple ngalengngarre. 42 Wanjh kumekbe ngalkudji daluk ngalbu kamarrdjukkunni kumwam dja kurrmeng bokenh nawu kilehkilelk yiman cents. Kaluk namekbe minj mak bu nabalwernniwirrinj yiman bokenh cents.

43 Kaluk Jesus wanjh benkayhmeng disciples nuye. Dja yimeng, “Woybukkih duninjh marneyime ngudberre. Ngahli ngalbu ngalmarladj kamarrdjukun kurrmeng djal bokenh kilehkilelk. Mak ngaleng wernhkurrmeng rowk nawu karrmihkarrmi, dja benyurrhkeng birribuyika nawu birrikurrmi kore kunwarddekenh box. 44 Nawu birrikuken kabirrikarrme nawern namakmak, dja bedda birridjalkurrmeng nawu minj birridjareniwirrinj birrikarrmeninj.

Dja ngahli daluk ngalka ngalmarladj wanjh ngaleng kurrmeng rowk nawu karrmihkarrmi. Mak ngaleng karrmeninj namekbe kunwardde ba bibidyikarrmeninj bu manme mayinj, wanjh kurrmeng.”

41

13

13:1-13 Jesus Benbengdayhkeng bu Kayiburnbunkenh Rowk.

Bu Jesus balhrurrkbawoni manbu Temple, nakudji disciple nuye bimarneyimeng, “Yina, Nawu Kanhbukkabukkan! Mahni Temple manrurrkmakkaykenh dja kakarrme manwarddekihkimuk.” 2 Wanjh Jesus yimeng, “Mahni ngurrihnan mankimuk kunrurrk? Kaluk manwarddekudjihkudji kawarrawarrhmerren kurorre. Dja minj manwohwarddekudji kawohbarndi kore 36 1

KUN Mark Review Edition.indd 42

19/12/11 5:53:57 PM

Mark — 13 manwarddebuyika.”

3 Kalukburrk bu yerrekah, Jesus wanjh ningihni kore mandulum bolkngeyyoy Olives, kaluk borledmikenh kore Temple. Dja nungka birrihdjarrkni birridjalkudji Peter, James, John dja Andrew. Wanjh bedda birridjawam Jesus, 4 “Kanmarneyimen ngadberre, bu baleh kabolkyime nahni njalehnjale kakurduyimerran? Dja njale karrinan bu kamenmenyime bu darnkih kamre?”

5 Wanjh Jesus dedjingmey bu yolyolmi bedberre, “Ngurrinahnarrimen bu minj nangale ngunkowe ngudberre. 6 Birriwern bininj kabirrimre wanjh kunngey ngardduk bu ngandingeybun. Dja bedda kaluk kabirriyime, ‘Ngaye wanjh namekbe nakudjiwi.’ Wanjh kabindikowe birriwern bininj. 7 Mak ngurrbenwobekkan nawu kabirriburren dja ngurribekkan kabirriyolyolme kore kabirriburren bu ngokko kamhre. Dja ngaleng yuwn ngurrikele. Nahni nawu njalehnjale wanjh kakurduyimerran bu kayiburnbunkenh kamre dja med. 8 Wanjh bininj birriwern kabirriburren dja kunred kabirriyiburren bu kabirrimarnburren wars kabirriburren. Dja ngurribekkan bula kabolkrokayhwe kore kubolkbubuyika.

Dja warridj manme kayakayakmen bedberre bininj kore kubolkbubuyika. Kaluk kuhni bu bolk kayimerran nakka yiman kayime daluk ngalbu wurdyaw kabihbun bu kahmahmirri.

9 “Dja wanjh ngurrinahnarrimen. Wardi bininj ngundimang dja ngundikurrme kore court. Mak bedda ngundibun kore synagogue ngarre yiwarrudjkenh.

Dja ngundidjurrkkan bu ngurridangen kore kumirrk bedberre nawu kings dja governors, wanjh ngurrimulewan kunwoybuk dorrengh bedberre bu ngayekenh.

10 Kaluk bu yerrekah kuhni kakurduyimerran, manbu manmakkaykenh kunwok wanjh makka ngurrimulewan bedberre birriwarlahken bininj werrk. 11 Mah wanjh. Bu ngudda ngundimang dja ngundidjadme, yuwn bu ngurrinjilngwarremen kore baleh ngurriyime. Dja ngurridjalyimen kore God ngunwon bu ngurriyime. Kaluk minj nguddabeh bu ngurriwokdi, dja nakka wanjh Namalngmakkaykenh kahwokdi ngudberre.

12 “Mak bu kumekbe wanjh nawu birridanginj nakka wanjh kabirrinjirrhmiworren nawu birridanginj dja kabindiweykan kore kabindibunkenh. Mak kokornkumo kabindinjirrhmiwon nawu wurdwurd bedberre bu kabindibunkenh. Mak nawu wurdwurd bu kabindinjirrhmiwon nawu ngalbabadjan dja kokornkumo bedberre wanjh kabindidjalmunkewe kore kabirridowe. 13 Birriwern bininj ngundirrung kunmekbekenh bu ngaye kanmunkekadjung. Dja bininj bu kabirridjalmurrngrayek munguyh dja kabirrihdjaldi kore kabalyiburnbun rowk, nakka wanjh ngabenngehke.”

13:14-23 Jesus Benbengdayhkeng bu Kunwarre Duninjh Kamre.

Jesus yimeng, “Ngudda kaluk ngurrinan nawu nawarre bu kabun dja kabularrbun, mak ngurrinan namekbe nawarre kahdi kore minj bangmediwirrinj, (Ngudda nawu ngurrihbimnan nahni djurra wanjh ngurrimayalibayhmen kore baleh kahmenmenyime), kaluk bu kunmekbe kayimerran, bininj nawu kabirrihni kore Judea wanjh nakka kabirrikelerlobmerren kore kuwarddehwardde. 15 Mak 37 14

KUN Mark Review Edition.indd 43

19/12/11 5:53:57 PM

Mark — 13 bu bininj kahbarndi kaddum kore kurrambalk nuye, minj mak kakolung kanjdji dja kangimen kururrk wanjh kamang njalehnjale kore nuye kurrambalk. 16 Dja mak bu bininj kahdi kore kabbal, wanjh minj mak karrurndeng kamang nuye badjubadju. 17 Kaluk bu kunmekbe kayimerran, wanjh kakarrerayek duninjh bedberre nawu birrimerlemyi daluk dja mak nawu kabindihyawdjikkawon!

18 Dja ngurridin yiwarrudj ba kuhni minj kakurduyimerran bu yekke. 19 Wanjh bu kunmekbe kabolkyimerran, wanjh kunyid kawernmerren. Kaluk kundjalkimuk duninjh kunyid kawernmen kore minj korroko yimeninj bu kerrngehkenh duninjh, bu God marnbom mahni kurorre. Kaluk minj kayawoyhkurduyimerran bu yiman kunmekbe werrk kayimerran. 20 Mak God kahdedjumbunghmeng nawu nawarrewarre bu kabolkyime. Dja bu minj karredjumbunghmen, wanjh kunukka minj nangale mak kadjaldarrkid. Dja nungka God karredjumbunghme bedberre nawu bininj nuye kore nawu bendjarrngbom.

21 “Wanjh bu kunmekbe, nakudji bininj wardi kayime, ‘Yina, nakka nawu Christ!’ Mak nabuyika wardi kayime, ‘Nakka kahdi!’ Wanjh yuwn ngurrbenwoybukwon. 22 Wanjh yika bininj kabirrimbebme nawu kabirrikurrehkurren. Kabirriyime, Ngaye Christ! Dja mak nawu kabirrihkurrehkurren prophets kabirrimre, dja kabindibukkan miracles, dja kabirrikurduyime kunkimuk ba bedda kabirrirohrokme bu kabindikowe bininj nawu God bendjarrngbom bu kunubewu kabindiwoybukwon. 23 Dja wanjh ngurrinahnarrimen. Dja ngaye wanjh yingkihbengdayhkeng ngudberre bu kuninjkunukenh kabalkurduyimerran yerrekah.”

13:24-37 Jesus Yolyolmerrinj bu Nungka Kamdurndeng Yerrekah.

Wanjh Jesus yimeng, “Kaluk manbu kunbarnangarrawern bu kunyid dja njalehnjale nawu nawarrehwarre kamre, Wanjh manbu kundung makka kunkak kabirluyakmen.

Dja nawu dird nakka minj kabolkwolkan.

25 Mak nawu mankokkarrng nakka kawarrawarrhmerren kore kungolbeh.

Dja njalehnjale nawu kaddum kungol kakarrme kundulkarre, wanjh kabakabakme.j 26 “Wanjh kunmekbe kabolkyimerran, wanjh bininj rowk kabirrinan nawu Bininj Duninjh kamhre kore kungol bu kundulkarre kunkimuk dja kunmakmak duninjh dorrengh. 27 Dja nungka wanjh kabenmunkewe nuye angels kore kubolkbubuyika rowk kondah kunred dja mak kore kaddum heaven. Wanjh angels kabindimanamang bininj nawu Bininj Duninjh bendjarrngbom rowk.

28 “Wanjh manbu fig kundulk kanbukkan kadberre bolkkime, dja wanjh ngurriborlhmen. Bu manyende ngarre green kayimerran dja kakelkkelkmen, dja manmarlaworrkerrnge kadjordmerren, wanjh kunukka karriburrbun bu darnkih kamhre ngarre kurrung. 29 Wanjh kunmekbe kayime bu ngurrinan kuhni njalehnjale kahkurduyimerran, wanjh ngurriburrbun bu darnkih kamhre ngarre bu kayiburnbunkenh rowk. Darnkih kore kururrkdangmaye! 30 Woybukkih duninjh marneyime ngudberre. Kuhni bu njalehnjale nawu kakurduyimerran, 38 24

KUN Mark Review Edition.indd 44

19/12/11 5:53:57 PM

Mark — 13, 14 bu bininj nawu yiman bolkkime kabirrihni wanjh nakka kabirrinan bu kakurduyimerran. 31 Maninjmanu kunred, kunrorre, dja kunngol makka wanjh kadjalyakmen rowk, dja kunwok manbu kore ngaye ngayimeng, makka minj kayakmen.”

13:32-37 Minj nangale kaburrbun bu njale kundung kabolkyimerran.

Jesus yimeng, “Minj nangale mak kaburrbun manbu kunbarnangarra dja njale kundung bu kabolkyimerran. Angels nawu kabirrihni heaven minj kabirriburrbun, dja Ngaye nawu Beywurd, minj ngaburrbun. Dja nadjalkudji Kornkumo kaburrbun.

33 “Wanjh ngurrinahnarrimen! Dja ngurrihdjalmarnmarnburrimen munguyh.

Dja minj ngurriburrbun njale kundung bu kunmekbe kayimerran. 34 Nakka yiman kayime bininj nawu kare djarreh kubolkbuyika. Kabawon nuye kurrambalk dja kabenyibawon nawu kabirrihmarnedurrkmirri bu kabirrimarnerurrknahnan.

Mak kabenbebbewon bu kabirridurrkmirri. Mak kabimarneyime nakudji nawu karrangnahnan bu kabengyirri. Kuhni wanjh ngaye marnehmarneyime ngudberre bu bolkkime. 35 Ngudda wanjh ngurridjalyingkihmarnburrimen. Dja minj ngurriburrbun bu baleh kabolkyime kamdurndeng nawu kawohrnan nuye kurrambalk. Kunubewu kamre bu wolewoleh, dja kunubewu kumununburrk, mak kunubewu djarreh kamhkabel, mak kunubewu bu karrungbebme! 36 Mak wardi kamdurndeng bu werrkwerrk. Bu ngudda ngurrimarnmarnburren wanjh kunukka minj ngunngalke bu ngurrihkodjkeyo. 37 Wanjh ngaye kuhni marneyime ngudberre mak ngabenmarneyime birriwern bininj: ‘Ngurrimarnburrimen!’ ” 32

14

14:1-2 Bu Birrihwokmarnburrinj Bu Birridjareni Birribuyi Jesus.

Kaluk wanjh yimerranj kunkodjke bokenh bu kamre ngarre mulil manbu Passover dja Kandidjdjawa Manbu Mannguklurlmikenhyak.

Nawu kabirrihdokme priests dja nawu kabindihbukkan mankarre nakka wanjh birrihmarnmarnburreni bu birrikowemeninj Jesus wanjh birrimayi dja birribuyi. 2 Dja bedda birriyimerrinj, “Minj kunukka karribangmekurduyime bu manme kabirrihkarrme mulil. Dja wardi bininj kabirrimirndewernmerren bu kandiyiddung.”

1

14:3-9 Daluk Bikodjdelhkeng Jesus Namanjmakkaykenh Perfume Dorrengh.

Bu kunmekbe wanjh Jesus nungka ningihni kore Bethany. Kaluk manme ngunihnguni kore kurrambalk nuye Simon, nawu ngeyyoy Bininj nawu kurlahwarreni. Bu kumekbe Jesus ningihni, ngalkudji daluk kumwam kore nungka, dja karrmi budjdjurlung nawu dahkendi namanjmakkaykenh perfume manbu nakimuk cost. Mahni perfume marnbuyindanj nard duninjh. Wanjh ngalmekbe daluk bakkeng nawu budjdjurlung dja yakbom kore kukodj nuye Jesus.

3

39 KUN Mark Review Edition.indd 45

19/12/11 5:53:57 PM

Mark — 14 Yikahwi bininj nawu kumekbe birrihdi birrikurdunang, wanjh birriyidduy ngahli daluk. Wanjh birrimarneyimerrinj bu birriyimeng, “Njalekenh weng rowk namekbe namanjmak perfume? 5 Nakka nuk bu karridurrkmirriwirrinj mandjewk nakudji bu karrimayi. Wanjh karriweykayi, dja kunwardde kandiwoyi wanjh karrbenkukwoyi nawu birrimarladj bininj.” Wanjh birrimarnewokrayekni ngalengngarre.

6 Wanjh Jesus yimeng, “Yuwn kunyid ngurrimarnbun ngalengarre! Njalekenh ngurrihdung? Ngaleng kurduyimeng bu kundjalmak duninjh ngardduk. 7 Dja ngudda kaluk ngurrbenboyenkarrme nawu birrimarladj dja ngurrbenbidyikarrme bu ngurridjare. Dja ngaye minj berrebboyen kandikarrme. 8 Ngahli daluk kuhni djalkurduyimeng ngardduk kore karrmi. Bu yakbom nahni manjmak kunkalkkid kore kuburrk ngardduk, wanjh kuhni kurduyimeng nganyingkihkukbaruy bu yerrekah ngarrowen. Dja ngandimarnmarnbunkenh bu ngandikurrme kore kuwardderurrk. 9 Woybukkih duninjh marneyime ngudberre, manbu manmakkaykenh kunwok wanjh kawarlahmen kore bininj bedberre nawu kubolkbubuyika kunred kabirrihni. Mak kubolkwern kabirriweykan mahni kunwok, kore baleh ngahli daluk kurduyimeng. Wanjh birriwern bininj ngaleng kabirriburrbun.”

4

14:10-11 Judas Bimulewam Jesus Bu Birrimayi.

Nakudji disciple nuye Jesus, kaluk Judas Iscariot, wam birrihwokdi nawu kabirrihdokme priests. Wanjh Judas bikukweykang Jesus bu benwong. 11 Kaluk nawu kabirrihdokme priests birrinjilngmakminj bu kunmekbe birribekkang dja birriwokkurrmerrinj bu kabirrikarremulewan Judas. Wanjh kumekbe dingihdi madbuhmadbuni bu baleh kabolkyime kabikukweykan Jesus kabenwon.

10

14:12-21 Jesus Nguneng Manme manbu Passover Mulil.

Kuhni wanjh yimerranj kunbarnangarra yungkih ngarre Manme manbu Manlodbinjbinj Kandidjdjawa. Kaluk kuhni wanjh Jews bedberre bu kabirrikinje nawu mayh yaw lambs kore God benyingkihbengdayhkeng. Kaluk Jesus nuye disciples nungka birriyikang, dja birrimarneyimeng, “Yiddok ngarrire ngarriyingkihmarnbun njalehnjale nawu ngalengarre Passover Mulil. Dja baleh yidjare yingun manbu manme?”

13 Wanjh Jesus benbenemunkeweng benebokenh disciples nuye dja benbenemarneyimeng, “Nguneray kore kunred kubolkkimuk. Wanjh bininj nawu kahbongorrkan kukku djabbirlana dorrengh kumekbe ngurrinarren. Wanjh namekbe ngunemunkekadju. 14 Kaluk bu nungka kare kangimen kore kurrambalk, wanjh kuhni ngunemarneyimen nawu kawohrnan nuye kurrambalk, ‘Nawu Kanhbukkabukkan kadjawayhme bu kanbenebolkbukkan ngarrewoneng ba kabirringun manme manbu Passover mulil nawu disciples nuye.’ 15 Wanjh kaluk nawu kawohrnan ngunbenebolkwon kunrurrkkimuk kore kaddum. Kunmekbe wanjh nguneyingkihbolkmarnbu kadberre.” 16 Wanjh nawu benebokenh disciples 40 12

KUN Mark Review Edition.indd 46

19/12/11 5:53:57 PM

Mark — 14 bindibawong benewam kore kubolkkimuk. Kaluk bu kunmekbe Jesus yimeng wanjh djalkurduyimerranj. Dja bedda wanjh beneyingkihmarnbom manbu Passover mulil.

17 Kaluk bu wolewoleh yimerranj, Jesus dja nawu twelve disciples nuye birridjarrkwam birringimeng kore kurrambalk. 18 Wanjh bu kunmekbe birrihnguni manme, Jesus yimeng, “Woybukkih duninjh marneyime ngudberre. Nakudji ngankukweykan dja kabenbidkenwon nawu birriwarre bininj. Nahni bininj nawu nganedjarrkngun manme bu bolkkime.” 19 Kaluk nawu disciples nuye bu birribekkang kunmekbe yimeng wanjh bedda birrinjilngwarreminj. Dja birribebbemarneyimeng Jesus, “Yiddok ngaye ngawid?” 20 Wanjh Jesus yimeng, “Nadjalkudji namekbe nganhnjirrhmiwon kore ngudda nawu twelve bininj.

Nawu nganedjarrkdjuhke kandidjawa kore banikkin wanjh namekbe nanu.

21 Nawu Bininj Duninjh wanjh kare karrowen, kore djurra kahyime wanjh kadjalkurduyimerran. Mak kadjalkarrewarre nuye nawu bininj bu kabikukweykan nawu Bininj Duninjh. Dja kunukka makniwirrinj nuye namekbe bininj bu minj kumngalmeninj.”

14:22-25 Jesus Benwong Nuye Disciples Buriddi dja Manbu Wine.

Kaluk bu kunmekbe manme birrihnguni, Jesus lodmey manbu kandidjawa dja biyimanjbom Kornkumo wanjh lodbakkeng dja benwonowong disciples nuye mak yimeng bedberre, “Ngurrima. Mahni kandidjawa makka kunburrk ngardduk.” 23 Wanjh Jesus mey nawu banikkin, dja biyimanjbom God, wanjh benbowong nuye disciples. Kaluk birribonguneng rowk. 24 Wanjh Jesus yimeng, “Mahni kunkurlba ngardduk manbu kamarnbun mankarre kore God benmarnewokkurrmerrinj bedberre nawu bininj. Kaluk ngakurlbayakburren ngudberre dja birriwern bininj. 25 Woybukkih duninjh marneyime ngudberre, ngaye minj ngayawoyhbongun manbu grapes manrakel bu kamarnburren wine, dja ngaleng bu kunbarnangarra kamre kunmekbe wanjh ngayawoyhbongun maninjmanu wine kore God nuye kubolkmak.”

22

14:26-31 Jesus dja Disciples Birriwam Kore Mandulum Bolkngeyyoy Olives.

Wanjh bedda birriwayiniyerrkang hymn wanjh birriwam kore Mandulum Bolkngeyyoy Olives. 27 Kumekbe Jesus benmarneyimeng disciples nuye, “Ngudda minj ngurrikangewoybuk ngardduk. Dja kore djurra bimbuyindanj bu kahyime, ‘Ngaye ngabun nawu Shepherd, wanjh nawu mayh sheep kabirrikelerlobmerren.’ 28 Kaluk bu yerrekah ngaye ngayawoyhdolkkan kore kumidjbeh, ngaye ngarrokme ngudberre dja ngare kore Galilee.” 29 Wanjh Peter yimeng, “Nahni nawu birribuyika disciples wanjh nakka wardi minj kabirriwoybukwon. Dja ngaye burrkyak! Ngaye minj kunukka ngayime!”

30 Kaluk Jesus yimeng, “Woybukkih duninjh marneyime ngudda, bu bolkkime kukak ngudda wanjh kanwaralkukwakwan! Mak kumekbe yiyime danjbikkah wanjh yerre rooster kakayhme bu bokenhkah.” 31 Dja Peter biwokmey bu 41 26

KUN Mark Review Edition.indd 47

19/12/11 5:53:57 PM

Mark — 14 mardabbabba yimeng, “Ngaye minj kunukka ngayime bu waralkukwakwan!

Ngaye bu ngarrdjarrkdowen!” Mak nawu disciples nuye rowk kunmekbe yerreh birriyimeng.

14:32-42 Jesus Danginj Yiwarrudj Nakudjikudji kore Gethsemane.

Jesus dja disciples nuye birribebmeng kore kabolkngeyyo Gethsemane.

Wanjh Jesus benmarneyimeng, “Kondah ngurridin dja ngare yiwarrudj ngarri.” 33 Wanjh Jesus benkang Peter, James, dja John, dja birridjarrkwam.

Kaluk Jesus ngokko djalwernhnjilngwarremeni. 34 Dja benmarneyimeng, “Ngaye kunnjilngwarre kunkimuk bu ngahkarrme. Kunkange ngardduk nganhkangedjalkmang bu kunnjilngwarre dorrengh. Dja kondah ngurridin ngurribolknahna.”

35 Wanjh Jesus wam djarreh yungkihkah, kumekbe mankang kore kurorre dja danginj yiwarrudj. Danginj yiwarrudj bu kuhni minj yimerrangimeninj nuye. 36 Wanjh yimeng, “Abba! Ngabba! Ngudda njalehnjale yikurduyime. Dja yuwn kanbowon mahni cup nawu kore ngahdjakbekkankenh. Dja bonj. Ngudda yikurduyimen kore ngudda yidjare, dja yuwn kore ngaye ngadjare!” 37 Wanjh Jesus durndi kore disciples nuye benbawong dja benngalkeng birrikodjkeyonginj.

Mak bimarneyimeng Peter, “Simon, njalekenh ngudda yihkodjkeyo? Dja minj ngarrdjarrkwohrnayinj bu kundung nakudji? 38 Mah. Ngurriwohrna dja ngurridin yiwarrudj ba kunukka minj nawarre ngundjurrkkan. Manbu kunmalng ke makka kadjare kunmak kakurduyime, dja yidjalngudjwarre.”

39 Mak kunkudji Jesus yawoyhwam yiwarrudj yawoyhdanginj kunmekbe kunkudjiwi yimeng. 40 Kaluk yawoyhdurndi bennang nawu disciples nuye birrihdjalkeyoy mak bedda birrikodjkedulmukni. Wanjh minj birriburrbuyi bu baleh birrimarneyimeninj Jesus.

41 Kaluk bu Jesus danginj yiwarrudj danjbikkah, dja yawoyhdurndi kore disciples nuye benbawong. Wanjh benmarneyimeng, “Ngudda ngurrihdjalkeyo dja ngurridjalngehme? Wanjh bonj! Kundung kumwam ngarre bu ngaye nawu Bininj Duninjh nganwon kore birriwarre bininj. 42 Ngurridolkka! Karrire, dja nahni kamhre bininj nawu ngankukweykan.”

32

14:43-52 Jesus wanjh Birriberlmey.

Kaluk bu Jesus djahdjalwokdi, kumekbe Judas nawu birridjarrkreyi twelve disciples bimarnebebmeng, birriwern bininj dorrengh nawu birrimkani mandjawak dja kundulk bu birribuyinj Jesus. Kaluk bedda bindimunkeweng nawu kabirrihdokme priests dja nawu mankarre kabindihbukkan dja mak dabborrabbolk nawu Jews kabindihmarnewohrnan. 44 Kaluk nawu Judas ngokko karremarnbom bu kabenkokmalidjmang, bu yimeng, “Bininj nawu ngabunjhmang, namekbe wanjh nungka. Ngurrima dja ngurrinahna bu ngurrikan.” 45 Wanjh Judas wam werrkwerrk kore Jesus dja bimarneyimeng, “Nawu Kanhbukkabukkan!” dja wanjh bibunjhmey. 46 Kaluk bininj 42 43

KUN Mark Review Edition.indd 48

19/12/11 5:53:57 PM

Mark — 14 birrimdjarrkwam Judas birridarrkidmey Jesus.

47 Nakudji nawu disciples nuye kumekbe dingihdi darnkih wanjh durrkmeng nawu mandjawak dja bikanemdadjkeng nawu high priest nuyeni bihmarnedurrkmirri.

48 Wanjh Jesus benmarneyimeng nawu birriwern bininj, “Ngudda ngurrimwam mandjawak dja kundulk ngurrimkang bu kandidarrkidmang. Yiddok ngurriyime ngaye ngabenmarnewohrnan birriwarre bininj nawu kabindibun government?

49 Bu kunbarnangarra rowk ngaye karrihdjarrkdi bu ngahyolyolmi ngudberre kore Temple kuberrkkah, dja ngudda minj kumekbe kandimayi. Bonj. Wanjh kamak bu mahni njalehnjale nawu djalkurduyimerra ngaye bu kabimbuyindi kore djurra wanjh woybukkenhdan.” 50 Wanjh nawu disciples nuye Jesus birrikukbawong rowk, dja birrikelerlobmerrinj.

51 Nakudji nayawurrinj, nawu djongbuyindi linen manburrba, bihmunkekadjungi Jesus. Dja birribuyika birriwohdarrkidmayi, 52 dja manburrba nawu djongbuhdjongbuyindi nakka yerrkmeng nuye. Dja kelerlobmeng kuklahlarrk.

14:53-65 Jesus Danginj Kumirrk Bedberre nawu Jews Birrihwohrnani.

Kaluk bininj nawu Jesus birrimey birrikang kore kunred nuye nawu Priest Nakuken. Wanjh nawu kabirrihdokme priests, nawu dabborrabbolk Jews kabirrihdokme, dja mak nawu mankarre kabindihbukkan, wanjh kumekbe birrimornnamerrinj rowk. 54 Wanjh Peter yerre benmunkekadjungi wanjh ngimeng kore kuberrkkah manbu nuye nawu Priest Nakuken, dja kumekbe yerrkang birrihdjarrkni nawu birridurrkmirri, dja kukkuwani kore kunak.

55 Kaluk nawu kabirrihdokme priests dja nawu Jews bedberre council yimankek birriyawani njale nuye Jesus ba bu kabirribun karrowen. Dja bedda minj njale birringalkemeninj nuye ba bu birribuyi. 56 Kaluk birriwern bininj birrimwam birriyolyolmeng nungka dja bindibalhkoweyi. Dja minj birriwokmarnburrimeninj kore baleh bedda birriyimeng. 57 Wanjh yikahwi birribuyika bininj birridolkkang dja bindikoweng bu Jesuskenh.

Bedda birriyimeng, 58 “Ngad ngarribekkang nahni bininj yimeng, ‘Ngaye ngarurrkbakke mahni Temple manbu bininj birrimarnbom. Kaluk bu yerrekah bu kunkodjkedanjbik, ngayawoyhmarnbun manbuyika Temple manbu minj bininj kabirrimarnbun.’ 59 Njalehnjale nawu kore nahni bininj birriyimeng minj birriwokmarnburrimeninj.” 60 Wanjh nawu Priest Nakuken dolkkang, danginj kore kumirrk bedberre dja bimarneyimeng Jesus, “Yiddok ngudda minj yibenwokdurndiwe bu yikandenamerren kore nahni bininj kabirrihyime ke?”

61 Kaluk nungka Jesus minj wokdiwirrinj, minj benwokdurndiwemeninj. Wanjh nawu high priest biyawoyhdjawam kunkudji, bu bimarneyimeng, “Yiddok ngudda Messiah, nawu Beywurd nuye God nawu karriburlume?” 62 Wanjh Jesus yimeng, “Ngaye wanjh nungka. Kaluk bu yerrekah ngudda kandinan ngaye nawu Bininj Duninjh bu ngahni kore kukun nuye nawu Dulkarrekimuk duninjh, mak ngudda kandinan ngaye kamre kunngol dorrengh kore kaddumbeh.”

43 53

KUN Mark Review Edition.indd 49

19/12/11 5:53:57 PM

Mark — 14, 15 Kaluk bu kunmekbe bibekkang, nawu nakimuk priest wanjh yidduy, dja wanjh madjdjalkmarrinj dja yimeng, “Minj ngarridjare nabuyika nawu kabimulewan nuye! 64 Ngudda ngurribekkang rowk bu kuninjkunu yimeng binjirrhmiwong God. Dja baleh ngudda ngurriyime?” Wanjh bedda birriyimeng rowk bu Jesus wanjh kunwarre yimeng dja nungka wanjh dowimen.

65 Yikahwi bininj nawu kumekbe birrihdi birrikuknunjhmeng Jesus. Mak birrimimbalhmeng kunmadj dorrengh, dja birribuni biddjurddu bedberre. Dja birrimarneyimeng, “Mah. Mandjad yiyimen ngudda nawu prophet!” Wanjh bininj nawu guards birrikebwidjbihkeng.

63

14:66-72 Peter Biwaralkukwakwam Jesus.

Wanjh Peter nawu djahdjalni kanjdji kore kuberrkkah, kaluk ngalbu ngalkudji kore nawu birrimarnedurrkmirri yawkyawk nawu high priest, wanjh kumekbe kumwam. 67 Wanjh ngaleng binang Peter kuwahkuwani kore kunak.

Kaluk biwernhnang, wanjh yimeng, “Ngudda ngunehdjarrkrey nahni bininj nawu Nazarethbeh, nawu kangeyyo Jesus!” 68 Dja Peter yimeng bu nungka minj benedjarrkrawinj Jesus. Wanjh yimeng, “Ngaye ngawakwan! Minj ngaburrbun nawu njale yihyolyolme.” Wanjh Peter bolkbawong dja wam kore kurrangmaye ngarre courtyard.

69 Kaluk ngalmekbe ngalkudjiwi ngalyawk binang Peter kumekbe, wanjh benmarneyimeng birribuyika bininj nawu kumekbe birrihdi, “Nahni bininj nakka wanjh birrimekbe nawu birrihdjarrkrey Jesus.” 70 Wanjh Peter yawoyhyimeng makka minj woybukkih. Kaluk bu kunbaldedjumbungni bu yerrekah yikahwi nawu birrihdjarrkdi Peter, birriyimeng, “Yoh. Ngudda woybukkih ngurridjarrkrey Jesus. Dja ngudda wanjh yimdolkkang kore Galilee warridj.”

71 Kuhni wanjh Peter kunwarre kunwok wokdi bu yimeng djareni God bibuyinj, dja wokkurrmerrinj bu yimeng, “Ngaye ngamulewarren duninjh ngudberre bu minj ngakukburrbun nahni bininj nawu ngurrihyolyolme!”

72 Kaluk bu kunmekbe Peter yimeng, wanjh kundjalmekbe rerrih, nawu rooster yawoyhkayhmeng. Wanjh kumekbe Peter burrbom kore Jesus bimarneyimeng bu yimeng, “Yerre bu rooster kakayhme bokenhkah, ngudda kaluk kanwaralkukwakwan, dja kunmekbe yiyime danjbikkah.” Wanjh Peter djalwernhnjilngwarreminj dja wohnalkbom wernkih duninjh.

66

15

15:1-15 Jesus Birrikang kore Court Nuye Pilate.

Bu darnkih kumhkabelni, nawu kabirrihdokme priests, dja nawu dabborrabbolk Jews mak nawu mankarre kabindihbukkan, dja mak nawu Jews bedberre council rowk, wanjh birriwokmarnburrinj bu baleh kabirrikurduyime nuye Jesus. Wanjh bedda birridukkarrukkang Jesus dja birrikang kore birribidnakenwong Pilate. 2 Wanjh Pilate bidjawam Jesus, “Yiddok ngudda nawu king bedberre nawu Jews?” Dja Jesus yimeng, “Yoh. Ngudda kunwoybuk yiyimeng.” 3 Kaluk nawu kabirrihdokme priests birridjuhbuni Jesus 44 1

KUN Mark Review Edition.indd 50

19/12/11 5:53:57 PM

Mark — 15 bu kunwernkenh birriyolyolmi. 4 Wanjh Pilate biyawoyhdjawam Jesus kunbuyika, bu yimeng, “Ngudda yibenhnan nahni bininj bu ngundihdjuhbun kunwern kabirrihmang. Dja njalekenh ngudda minj yibenwokmang?” 5 Dja nungka Jesus minj mak benwokmayi. Mak Pilate nawu kangebarrhmeng bu kuhnikenh.

6 Bu kunwern mandjewk bu Passover mulil ngarre nawu governor bibebkeyi nakudji bininj kore dukkahdukkayindi prison. Wanjh bibebkeyi bedberre birriwern bininj nawu birrimarnedjareni nuye. 7 Kaluk bu kunmekbeni, birriwern bininj nawu birriwarreni birridjarrkdukkayindi kore prison. Bedda wanjh birribakkeng mankarre kunwern, dja mak bindibuni bindikukburriweyi bininj birribuyika. Nakudji bedberre birriwarre bininj nawu dukkahdukkayindi wanjh ngeyyoy Barabbas. 8 Wanjh nawu bininj birrimirndewern birrimyikang Pilate dja birridjawam bu kabibebke nawu kahrurrkkendi bu yiman kurduhkurduyimi kerrngehkenh. 9 Wanjh Pilate bendjawam, “Ngudda yiddok ngurridjare ngabebke nawu king ngudberre Jews?” 10 (Kaluk Pilate ngokko burrbuni bu nawu kabirrihdokme priests birriwong Jesus bu kunmekbe bedda birridjalkirnni nuye.)

11 Wanjh nawu kabirrihdokme priests bindidjurrkwoni nawu birriwern bininj ba kabirridjawan Pilate bu kabibebke Barabbas, dja Jesus nakka wanjh nawid.

12 Kaluk Pilate benyawoyhdjawam birrimekbe bininj, “Dja baleh ngayimewon nahni bininj nawu ngurrihyime king ngudberre nawu Jews?” 13 Wanjh bedda birrimkayhmerrinj, birrimyimeng, “Ngurrikukbarnnamen kore kundulk cross!”

14 Pilate yimeng, “Dja njalekenh? Nungka njale warrewong?” Dja bedda birrimhdjalkayhmi wernkih, “Ngurrikukbarnnamen kore kundulk cross!”

15 Nungka Pilate djareni bennjilngmarnbuyi birrimekbe bininj nawu birrimirnderri kumekbe. Wanjh nungka bibebkeng Barabbas bedberre. Dja mak benmarneyimeng bu kabirriwidjbihke Jesus kunyarl dorrengh. Wanjh nungka benbidnakenwong nawu Jesus kore soldiers bu kabirrikukbarnname kore kundulk cross.

15:16-20 Soldiers Birrikukborrkbuni Jesus.

Mak nawu Pilate nuye soldiers birrikang Jesus kore governor nuye kunrurrk (manbu bolkngeyyoy Praetorium). Mak bedda bindikayhmeng birribuyika soldiers bu birrimirnderri. 17 Wanjh birridjongbom kunmadj purple manburrba nawu Jesus. Wanjh birrimey kinj manbu manmirrhyi bu birrimarnbom crown, wanjh yerre birrikodjdjongbom nuye. 18 Wanjh birridedjingmey bu birrimarneyimi, “Ngudda yikimuk king bedberre nawu Jews!” 19 Wanjh birridjumduhkeng Jesus kunwernhkah kundulk dorrengh bu birrikodjbuni. Mak birrikuknunjhmi dja birrikukkborrkbuni, birrimalelwoni bu birriboddangeni dja birribardurrukkurlhdangeni nuye. 20 Kaluk bu birriburnbom kunmekbe birrihmarneyimeng kunwarre, wanjh nawu soldiers birriyerrkkeng nawu purple manburrba djongbuhdjongbuyindi dja birridjongbom nawu nuyekihni kunmadj.

Wanjh yerre birriyibebmeng kuberrk kore kabirribunkenh kore cross.

16

45 KUN Mark Review Edition.indd 51

19/12/11 5:53:57 PM

Mark — 15 15: 21-32 Jesus Birribom dja Birrikukbarnnameng kore Kundulk Cross.

Kaluk nakudji bininj nawu Cyrenebeh kumhrey kore kabbalbeh dja balhyimewoni kore kubolkkimuk. Dja namekbe bininj ngeyyoy Simon nawu kornkumo nuyeni Alexander dja Rufus. Wanjh nawu soldiers birridjurrkkang namekbe Simon bu kangorrkan manbu kundulk cross nuye Jesus.

22 Wanjh birrikang Jesus kore kabolkngeyyo Golgotha. (Dja Golgotha mak kahyime kunkodjngalng). 23 Kaluk kumekbe Golgotha nawu soldiers yimankek birribowoyi Jesus wine bonguyi. Dja manmekbe wine birrirawong myrrh. Kaluk Jesus minj bonguyi. 24 Wanjh birribiddundulubom Jesus kore kundulk cross.

Dja nawu kunmadj nuye nakka wanjh birridirri ba birrimadjyalarrkeng bu birriweykarrinj kunmadj nuye.

25 Bu birribom Jesus wanjh dungyimeng nine o’clock bu malahmalaywi.

26 Kaluk birribimbom kore djurra bu bimulewam Jesus nawu birridjuhbom. Wanjh bimbuyindanj yimeng, “Nahni king bedberre nawu Jews.”

27 Dja warridj bindibiddundulubom bininj bokenh nawu benededjdjorlkwern.

Nakudji kukbarndi kore Jesus nuye kukun, dja nabuyika kore kudjakku nuye.

28 Wanjh kunmekbe marnbom woybukkenhdanj kore kabimbuyindi kayime, “Birriyimi bu nungka mak nawarre bininj.”

29 Bininj birriwern nawu birrinang, wanjh birrimarnekodjburrebmi, birridjekmiwong dja birriyimi kunwarre nuye, birriyimeng, “Yoh! Ngudda yingan yidjareni yirurrkbakkeyi manbu temple dja yiyawoyhmarnbun bu kunkodjke danjbik! 30 Mah! Wanjh Yingehkerrimen dja yimkolu kore cross!”

31 Nawu birrikihkimuk priests dja nawu bindibukkani mankarre wanjh bedda mak birrimarnedjekmeng Jesus bu birriyimerreni, “Nungka benngehkeng birriwern bininj, dja bolkkime minj nungan kangehkerren! 32 Nahni nawu yimankek Messiah, dja nuk king kadberre nawu Israel kankebmawahmeng. Mah, wanjh karrinan bu kamkolung kore cross. Bu karrikurdunan wanjh karriwoybukwon!”

Dja bininj nawu birridjarrkkukbarndi warridj birridjekmeng nuye.

21

15:33-41 Bu Jesus Doweng.

Bu kunbarnangarraburrk yimerranj, wanjh kunbolk rowk bolkmununmeng yiman kunkak yerreh. Dja bolkmununni kaluk three o’clock bu wolewoleh. 34 Bu dungyimi three o’clock, Jesus kayhmeng wernkih, yimeng, “Eloi! Eloi! Lama sabachthani?” Mahni kunwok kamenyime “God ngardduk! God ngardduk!

Njalekenh ngudda kandjalkukbawong?” 35 Yikahwi bininj nawu birribekkang dja birriyimeng, “Ngurribekka! Nahni kabimarnekayhme Elijah!” 36 Wanjh nakudji bininj rlobmeng dja djuhkeng sponge kore wine manbu manbang, kurrmeng kore kundulk dja dangkenhwong Jesus ba bonguyi. Mak nahni bininj yimeng, “Karribawo dja karrina! Kunubewu Elijah kamre kabikukkoluyhwe!” 37 Wanjh Jesus wernhkayhmeng, dja ngolekyakminj doweng.

38 Kunmekbekenh yerre manburrba kore Temple kururrkdangmaye, wanjh djalkmiwam kaddumbeh kore kanjdji. 39 Nakudji soldier, nawu centurion, wanjh 33

46 KUN Mark Review Edition.indd 52

19/12/11 5:53:57 PM

Mark — 15, 16 dingihdi kumirrk nuye Jesus. Bu bikurdunang Jesus doweng, wanjh yimeng, “Nahni bininj wanjh woybukkih beywurd nuye God.” 40 Kaluk birriwern daluhdaluk birrihni warridj, birribolknani djarrehbeh.

Bedda Mary ngalbu Magdalabeh, ngalbuyika Mary ngalbu benbeneyawmey James nawu Nawalawalak dja Joses. Dja ngalbuyika daluk ngeyyoy Salome dingihdi.

41 Bedda birrimunkekadjungi Jesus kore Galilee dja birrinahnani. Kaluk birriwern daluk birribuyika nawu birrimdjarrkwam Jesus dorrengh kore Jerusalem.

15:42-47 Birrikukkurrmeng Jesus Kore Kumidj manbu Kuwardderurrk.

Kaluk balngokdangeni dja kunmekbe kunbarnangarra bu birriyingkihmarnburreni Sabbathkenh. 43 Kunmekbekenh kunu nakudji bininj ngeyyoy Joseph nawu Arimatheabeh, wanjh wam, dja minj keleniwirrinj, kore Pilate dja bidjawam bu kabikukkoluyhwe Jesus nuye kunburrk. (Joseph nakka djareni God bu kawohrnan rowk. Nungka yerrkang kore council, dja birribuyika bininj birrimakwani.) 44 Bu Pilate biwobekkang Jesus korroko doweng, wanjh nungka kangebarrhmeng, wanjh bikayhmeng bidjawam nabuyika centurion bu woybukkih nungka doweng. 45 Nawu centurion bimulewam, wanjh Pilate bawong Joseph bu bikukkang Jesus nuye kunburrk. 46 Wanjh Joseph bayahmeng manburrba sheet manbu linen, bikukkoluyhweng Jesus kore cross dja bikukdukkang kore sheet. Wanjh bikukkang bikukkurrmeng kukyoy kore kumidj birriwarddedadjkeng kore kurrulum. Kaluk wayhkeng manwarddekimuk ba dangbalhmeng kumidj rurrkdangmayekenh. 47 Ngalbu daluk bokenh benebolknang kore bikukkurrmeng Jesus, nakka wanjh Mary ngalbu Magdalabeh, dja mak ngalbuyika Mary ngalbu biyawmey Joses.

42

16

16:1-8 Jesus Dolkkang Kore Kumidjbeh

Bu yakminj kunbarnangarra manbu Sabbath, birridanjbik morlehmorlenj birriwam kore kumidj. Bedda Mary ngalbu Magdalabeh, ngalbuyika Mary ngalbu James biyawmey, dja Salome. Birrikang nawu namanjmak mankalkkid.

Birridjareni birrikukdelkkemeninj Jesus. 2 Kaluk bu Sunday kumhbarrkbuni djarreh, wanjh birriwam kore kumidj. 3 Bu bedda birriwam birridjawarreni bu nangale kabenmarnerurrkwayhke bedberre kore kururrkdangmaye.

4 Wanjh birribolknang dja birrinang manbu kunwarddekimuk ngokko yiman birriwarddedjirrkkang. 5 Wanjh birribalngimeng kore kuwardderurrk manbu kunmidj, dja birrinang nakudji nayawurrinj ningihni kore kubolkkukun. Kaluk nungka djongbuyindi robe nawu madjbeleni, wanjh birriwernhkangebarrhmeng.

6 Dja nungka yimeng bedberre, “Yuwn ngurrikele. Ngudda ngurriyawan Jesus nawu Nazarethbeh, nawu birribiddundulubom. Dja bonj, yawoyhdolkkang, minj kahdi kondah. Ngurribolkna kore birrikukkurrmeng. 7 Mah, ngurriray ngurrbenmarneyimen nawu disciples nuye, dja Peter dorrengh. Ngurriyimen, ‘Jesus karrokme ngudberre kore Galilee. Ngurrinan kunmekbe. Kaluk nungka ngokko mulewarrinj ngudberre.’ ” 8 Wanjh birribebmeng kore kumidjbeh dja 47 1

KUN Mark Review Edition.indd 53

19/12/11 5:53:57 PM

Mark — 16 birrikelerlobmeng. Birrikukdeldelmi dja birrikangebarrhmeni. Minj nangale bindimarneyimeninj, dja birridjalkeleni.

16:9-20 Jesus Benmarnekukbukkarrinj Bebbehbeh nawu Birrimunkekadjungi.

Kaluk bu Jesus dolkkang kore kundowikenh, bu djarreh kumhbarrhbuni manbu Sunday, wanjh bimarnekukbukkarrinj ngalyungkih Mary ngalbu Magdalabeh. (Jesus korroko bimarnbom bu benburriweng seven namarnde nawu birrikarrmi.) 10 Wanjh ngalbu Mary wam bimulewam bu benbengdayhkeng disciples nuye birriwern nawu birrimarnenalkbuni dja birrimarnenjilngwarreni bu Jesus doweng. 11 Bu benmarneyimeng Jesus kahdarrkid, dja ngaleng binang, wanjh minj birriwoybukwoyi.

12 Kaluk yerrekah, Jesus benbenemarnekukbukkarrinj benebokenh bu benedjalrey kore kurralk. 13 Dja benemekbe bininj birriwam bindimarneyimi birribuyika bininj, dja minj nangale mak bindiwoybukwoyi.

14 Wanjh yerrekah kaluk Jesus benmarnekukbukkarrinj nawu eleven disciples nuye, bu birridjarrknguni manme. Jesus benduy bu minj birriwoybukwoyi dja minj birriwernburrbuyi. Bu kunmekbekenh minj bindiwoybukwoyi nawu birrinang Jesus kahdarrkid bu God birrolkkayhweng kore kundowikenh.

15 Dja mak Jesus benmarneyimeng, “Mah. Ngurriray kubolkwarlah rowk, dja ngurrbenmarneyimen kunwok kunmak ba ngundibekkan nawu birridjalwern rowk nawu Ngabbard benmarnbom. 16 Bininj nawu ngaye ngandiwoybukwon, dja nawu kabirrikodjdjuhme baptism, wanjh God kanbenngehke. Nawu minj kabirriwoybukwon, wanjh God kabenwiddjung. 17 Bininj nawu ngandiwoybukwon, wanjh kabirrikurduyime kundulkarre dorrengh. Nawu ngandiwoybukwon kabindiburriwe namarnde kundulkarre dorrengh kore ngaye kunngeywi. Bedda mak kabirriwokdi kunwokbubuyika. 18 Bu kabirrikarrme nayin nabang kore kubid, dja nuk kabirribongun manbang duninjh, wanjh kabirridjalmak, minj kabirridowe. Kaluk bu kabindikarrme nawu birridulkkyiyini, wanjh kabindimarnbun dja kabirrimakmen rowk.”

19 Bu Jesus yakwong bu wokdanj bedberre, wanjh God birrolkkayhweng kore heaven, dja nungka yerrkang kore kukun nuye. 20 Wanjh nawu bininj nuye birriwam bindimarneyolyolmi kubolkbubuyika djarreh. Kaluk nawu Kawohrnan birridjarrkdurrkmirri, dja benwong ba birrikurduyimi kundulkarre dorrengh ba bu birriwern bininj birrinang bu kunwoybuk dorrengh.

9

48 KUN Mark Review Edition.indd 54

19/12/11 5:53:58 PM

KUN Mark Review Edition.indd 55

19/12/11 5:53:58 PM

Kunwok Kunmak bu Mark Bimbom

A review copy of The Gospel of Mark in Kunwinjku

Mark Cover-V2.indd 1

15/12/11 9:46:24 PM