Sint salabim!
Dizze útjefte is ûnderdiel fan de rige nasjonale sinteklaasboeken, mooglik makke troch FrieslandCampina.
Tekst
Hans Klok
Yllustraasjes
Nicole van Dooren
Einredaksje
Gerard van Midden
Oersetting
Martsje de Jong
Grafyske fersoarging
Leoniek de Hoop
Drukwurkbegelieding
Eric Daams
Konsept en produksje
Blue in Green BV, Eric Holman – Amsterdam
Utjouwer
Blue in Green Publishing
ISBN 9789083387888
NUR 273
© 2024 Blue in Green BV. Tekst: Hans Klok. Yllustraasjes: Nicole van Dooren. All Rights Reserved. Ferkeap fan dit boek is net tastien.
Foar mear ynformaasje: www.sinterklaasprentenboeken.nl
‘Yes, dit woe ik!’ ropt lytse Klaas as er it kado fan Sinteklaas útpakt.
‘In gûcheldoaze!’
Entûsjast bestudearret Klaas de trúks dy’t yn it boekje stean: De pratende do, De riedseleftige ferdwyntrúk, It trochseage famke.
‘Wow, in ferdwyntrúk.
Dy probearje ik no drekst.
Hokus pokus, trimijter, triks.
Lit Sint ferdwine yn it niks...’
Ynienen is der panyk en geskreau:
‘Help, Sint is wei!’ raze de Piten.
‘Hee, do dêr,’ ropt de Haadpyt. ‘Hasto Sint ferdwine litten?’
Hy wiist nei lytse Klaas mei syn gûcheldoaze.
‘Ik... eh... ik...’ stammeret Klaas. ‘It wie in ûngelok.’
‘Gûchelje Sint fuortdaliks werom,’ byt Haadpyt him ta.
‘Leaver juster as hjoed!’
‘It Grutte Boek fan Sinteklaas is ek poater,’ gilt Panykpyt.
‘Hoe moat it no mei de ferlanglistkes en de kadootsjes?
In ramp! Komt noait wer goed.’
‘Nei it paleis fan Sint,’ kommandearret Haadpyt.
‘No fuortdaliks.’
Yn it paleis is it totale gaos. Rûnom slingerje kadootsjes en nammestikkers.
Mar sûnder de ferlanglistkes en nammen yn it Grutte Boek wit net ien foar wa’t wat kadootsje is.
‘Foar wa is dizze fuotbal? Foar wa dizze rollator? Foar wa dizze pop? Foar wa...’ freget Rosa, ien fan de Ynpakpiten.
‘Foar wa, foar wa...? Ik wurdt der stip-stapelgek fan,’ suchtet Haadpyt.
‘Doch mar wat. Bring de kadootsjes fuort fannacht, dan sjogge wy it wol.’