Prome Minister Evelyn Wever-Croes:
“Pabien
San Nicolas, pabien Aruba”
PROME MINISTER TA FELICITA SAN NICOLAS
CU E GROUNDBREAKING DI E PROYECTO DI EMBEYECEMENTO DI RODGER’S BEACH
E beach lo bira mas grandi y lo tin mas espacio pa pueblo por disfruta
Diaranson anochi, 11 di september a tuma luga na San Nicolas, e ceremonia di groundbreaking di e proyecto di embeyecemento di Rodger’s Beach. Prome Minister Evelyn WeverCroes tawata presente pa
e ocasion aki hunto cu Minister Dangui Oduber, Minister Endy Croes y Minister Xiomara Maduro.
Prome Minister ta indica cu ta trata di un bunita proyecto unda lo aplica e principio “Build with
Nature”, cu ta un principio cu DOW ta aplicando ya pa un tempo caba durante proyectonan. Esaki ta encera cu lo cuida e naturalesa y duna bek na naturalesa loke ta di dj’e. Durante e proyecto di embeyecemento di Rodger’s Beach lo kibra e asfalt unda actualmente autonan ta staciona y asina e beach lo bira hopi mas grandi y asina lo tin mas espacio pa e pueblo por bin disfruta di e bunita beach.
Ultimo temponan Gobierno ta wordo critica pa kita beach di e ciudadanonan pero cu e proyecto aki lo duna bek na e pueblo di Aruba. E principio di “Build with Nature” ta duna mas realce y proteccion na e naturalesa y cu esaki ta bin cu e area di e beach lo bira mas grandi y mas bunita.
“Mi ta felicita y gradici Minister Dangui Oduber pa su curashi y determinacion. Nos a encontra hopi reto na caminda pero cu su determinacion nos por a surpasa tur obstaculo y awe nos ta na e groundbreaking di e bunita y importante proyecto aki pa San Nicolas. Pabien tambe na ATA, DOW y tur
stakeholders cu a haci e proyecto aki posibel. Ora cu mi a yega Rodger’s Beach mi por a weita e bahada di solo. Tawata un bista impresionante y un bunita momento pa relaha
y recarga. Ora e proyecto aki ta cla aki 4 luna lo por disfruta miho ainda di momentonan asina. Pabien San Nicolas, pabien Aruba”, Prome Minister a expresa.
Partido MEP
INTEGRIDAD DI RAIZ: A CERA COMPLOT CU AVP SIN PENSA RIBA E CONSECUENCIANAN PA NOS PAIS
Pueblo di Aruba e siman aki a wordo sacudi cu un sorpresa ingrato ora cu a tuma nota di e complot cu RAIZ a cera cu AVP, pa ta specifico cu Benny Sevinger, pa hunto nan horta e presidencia di parlamento for di MEP y baha Edgar Vrolijk. Tur esaki pasobra Parlamentario Misha Raymond no a gusta e forma recto di proceder di Edgar Vrolijk.
E tristo ta cu hustamente
RAIZ cu tin e cartera di Economia, pa ego y capricho, a prefera kibra acuerdo di gobernacion, puñala su partner di gobernacion y cera complot cu AVP. Tur esaki sin pensa tur e consecuencianan cu e tin pa nos Pais.
Un gobierno di MEP cu a crea stabilidad politico y financiero. Un gobierno di MEP cu a crea prosperidad pa nos pais danki na un turismo floreciente, un maneho financiero responsabel, creando cuponan di trabou pa nos yiunan di tera. Comercio tabata premira cu gran entusiasmo e ‘high season’ cu lo a priminti di bira esun di mas floreciente den historia di pais Aruba. Awo pais Aruba mester bay enfrenta un eleccion causa pa e complot RAIZ/AVP puro pa capricho di mucha malcria cu no a haya su
kier.
SED PA PODER:
Pero kico RAIZ a prefera di haci djis pa e haya poder?
El a prefera traiciona su partner di gobierno. RAIZ a prefera cera complot cu AVP.
RAIZ a prefera brasa corupcion djis pasobra nan no ta gusta Edgar Vrolijk.
CON RAIZ A BRASA
CORUPCION:
RAIZ a uni cu AVP pa nan uni pa horta e presidencia di parlamento for di MEP. Pero pa por a haya e mayoria ey Benny Sevinger su voto tabata decisivo pasobra Ryçond do Nascimento a anuncia di lo no forma parti di e complot.
Benny Sevinger desde cu el a wordo condena pa corupto, pa un di dos bes, pa tres huez, hayando aumento di castigo, ya no tabata presenta mas den parlamento a pesar di ta ainda cobrando su salario di parlamentario.
Pero dialuna 9 di september, dia di e votacion pa presidente di Parlamento, diripiente Benny ta den sala di parlamento y su bos a resona PRO pa hunto cu RAIZ horta e presidencia for di MEP. Acuerdo di gobernacion entre RAIZ y MEP a wordo viola pa nos partner di gobernacion esta RAIZ.
Pero pa su diamars 10 di september, dia di apertura di aña parlamentario, ya Benny no a presenta mas den parlamento di Aruba. Un complot nunca antes visto. E “integridad” di RAIZ a brasa e corupcion di AVP pa kibra y viola e acuerdo di gobernacion MEP/RAIZ.
Awo ata Aruba den un incertidumbre atrobe causa pa e partido cu tin economia di Aruba como su cartera, causa hunto cu AVP cu a pone Aruba na borde di bancarota, Benny hunto cu Marisol Tromp a haci e obranan di corupcion di tereno di
mas grandi den historia di Aruba. Esey ta e partido cu RAIZ a forma complot cu ne.
MEP a demostra di tin interes di Aruba y nos
pueblo na prome lugar y asina nos lo sigui traha pasobra nos mester proteha Aruba di politiconan corupto y caprichoso cu solamente kier sacia nan sed di poder.
Noticia di Corte 24 luna di prison pa omo cu a abusa di mucha muher di 8 aña
ORANJESTAD – Awe mainta den Corte di Husticia, Hues a dicta sentencia den e caso penal contra e homber Venezolano J. (56). J. ta wordo sospecha di inmoralidad y abuso di un mucha muher menor di edad. Tambe e ta wordo acusa di pornografia di mucha den su cellular.
SOLO DI PUEBLO por a compronde cu aunke cu J. ta para riba cu e no a haci nada, Hues ta hay’e culpabel y a confirma e exigencia di Fiscal cu ta 24 luna di prison di cual 6 luna ta condicional.
SENTENCIA
Hues a bisa cu abogado di e acusado J., mr. Mohamed a bisa cu e ta haya cu no tin prueba y mester declara su cliente liber.
Hues a bisa cu den casonan di inmoralidad hopi biaha ta declaracion di e acusado contra e declaracion di e victima. Den casonan asina, segun e ley penal nobo, no por bay tras declaracion di un persona so. Mester tin prueba di sosten. Hues ta haya cu e declaracion di e mucha ta confiabel. Hues a bisa cu e mucha V., e mesun dia cu e abuso a tuma lugar, a conta su mama con un rato promer, J. a haci actonan inmoral cun’e. E mucha a bisa cu J. a sunchi na
su boca duro, pone man na su parti intimo. Hues a sigui bisa cu e mesun dia e mucha V. a conta e pareha di J. kico a pasa. Hues ta haya cu esaki ta declaracion consistente di e victima. Hues ta haya e declaracion di e victima confiabel.
Hues a mustra cu como prueba di sosten tin, cu tanto e mama como e agente di Polis a mira cu e lip di e mucha tabata hincha. Hues a bisa cu segun investigacion, e acusado J., e dia ey a hiba e mucha V. so den su auto y no a hiba su yiu muher di 8 aña. Hues ta haya cu e declaracion di J. ta cuadra cu declaracion di e mucha, pa cu e forma con J. a actua y core auto.
Pa loke ta e acusacion di pornografia di mucha, Hues ta haya cu no tin suficiente prueba di pornografia di mucha.
CASTIGO
Hues ta haya legalmente proba cu J. a penetra e mucha door di hinca dede na su parti intimo. Hues a mustra cu Fiscal a exigi castigo di 24 luna di prison, di cual 6 luna ta condicional cu un tempo di prueba di 3 aña.
Hues a bisa cu J., como omo di e mucha, a abusa di e mucha y tacha integridad di e mucha. Hues a sigui bisa cu ta conoci cu hechonan asina
Minister Endy Croes:
ta afecta un mucha.
Pa cu e castigo, Hues a bisa cu e ta tene cuenta cu J. a keda para riba cu e no a haci nada. Hues a mustra cu ningun momento J. a mustra duele di loke el a haci. Hues tambe a tene cuenta cu ta promer biaha cu J. ta cay den man di husticia.
DEMANDA DI DAÑO
Pa loke ta e demanda di daño material di parti di e mucha, a wordo exigi mas o menos 8 mil florin. E mucha a keda den trauma y mester haya tratamento. Esaki ta debi na loke J. a haci cun’e. Fiscal ta haya cu mester aproba e demanda. Hues ta haya cu J. ta responsabel pa esaki. El a bisa cu aunke cu e mucha ainda no a haya tratamento, Hues ta haya cu tratamento ta necesario. Hues a condena J. pa paga demanda di daño y a pone medida di pago. Esey ta nifica cu si J. no paga, e lo wordo deteni y cera. E cellular confisca lo wordo debolbe pasobra no por proba pornografia di mucha.
Hues a confirma exigencia di Fiscal y a condena J. na 24 luna di prison, di cual 6 luna ta condicional cu un tempo di prueba di 3 aña.
doW a ricibi presenTacion di e proYecTo museo beTico croes
: Recientemente, Minister Endy Croes a reuni cu director di DOW Sr. Marlon Croes y staf, en conexion cu e proyecto Museo Betico Croes na retonde di Santa Cruz. Manera ta conoci, e proyecto a inicia dos aña pasa y tin un comision cu ta trahando duro pa por logra cristalisa e museo. E comision ta consisti di diferente stakeholder, entre otro, arkitecto, expertonan di museo y miembronan di e comision. Minister Endy Croes ta trek e proyecto aki den nomber di Gobierno di Aruba.
Durante e encuentro, DOW a ricibi un presentacion di e proyecto cu ta diseña den 3D. Tambe DOW a duna nan “input”, conseho y guia riba e proyecto aki. Lo converti e cas di e mayornan di Betico Croes (den feliz memoria) den un museo ultramoderno cu e historia di Betico, e lider y estadista stima pa su pueblo, unda cu e alumnonan di scol y nos bishitantenan por conoce un poco mas di e bida y lucha di nos libertador pa nos Status Aparte. Minister Endy Croes a indica cu DOW ta hopi contento cu loke nan a mira te cu
awo y a comparti algun idea.
“Dentro di poco lo tin un coseho final pa asina por canalisa e bunita
proyecto aki. Nos por mira atras riba un bon reunion y un bunita proyecto pa e bario di Santa Cruz”, Minister Endy Croes a finalisa.
SOlO DI pUEBlO A CUmplI 19 AñA CIRCUlANDO
Redaccion di Solo di Pueblo a contempla awe, riba su di 19 aniversario.
Tabata na aña 2005 cu Sr. Edmond Croes, riba persistencia y conseho di Sr. Richard Lacle, a dicidi di tuma un paso pa start un corant.
Sigur tabata un reto masha grandi mes, pero cu rapidamente despues a gana simpatia cerca hunter pueblo di Aruba, cu e memento ey tabata anehla nan libertad. Libertdad, pasobra e prensanan cu tabatin, a secuestra e opinion publico y tabata terorisa pueblo cu nan
noticianan.
For di prime dia, Sr. Dochi Lee a para tras di e proyecto y algun comerciante manera Sr.
Tito Lopes a join mesora pa asina hinca e strategia di salida.
Tabata memento di gran alegria ora cu e promer edicion di e corant a sali, tabata un sentimento inexplicable cu pueblo a haya su pen bek.
Pa 19 aña, nos a siribi pueblo cu nos corant, hibando e lucha di dia pa dia, ya cu imprimi un
corant no ta facil ni barata.
Cu e gran sosten di pueblo y comercio, por a logra 19 aña, na caminda pa 20 aña.
Hopi di nos colaboradornan ya a bay promer, manera nos corectora di papiamento
Sra. Gloria Croes cu a yuda nos pa mas di 10 aña. Un cantidad di persona a traha como reportero, layout, distribuidor di corant, drukkerij.
Poco poco por mira e transicion tumando
lugar di corant imprimi pa noticia digital online, cual nos corant tambe a sigui e caminda nobo di digitalisacion.
Nos tin miras pa yega nos di 20 aña di tene e corant imprimi, y despues di esey lo nos inova cu ideanan nobo. E corant imprimi lo keda, pero kisas den menos edicion pa siman,
y di otro banda nos lo enfoca igual esfuerso riba mercado online.
SIn RBC, nunca e projecto aki por a bira posibel y pesey mes director di Solo di Pueblo ta manda su gratitud na tur esnan cu a contribui, yuda, colabora pa por a produci e corant pa 20 aña. Masha masha danki.
ANUNCIO CIERRE DI REGISTRO DI VOTADOR
RIBA 18 SEpTEmBER 2024
Ta participa cu conforme articulo 3 jo. 33 di nos Ordenansa Electoral e cierre di e Registro di Votadornan ta tuma luga 30 dia prome cu entrega di lista cu ta dia 18 october 2024.
Esaki ta significa cu solamente personanan cu dia 18 september 2024 ta inscribi den e Registro
di Populacion y di berdad ta biba na Aruba y tin nacionalidad Hulandes y dia di eleccion tin 18 aña bay ariba, por participa na e votacion dia 6 december 2024.
Si bo a cambia di adres, corda registra na bo adres nobo, pa asina bo Carchi di voto por yega
na e adres correcto.
Tambe nos kier a recorda tur esnan cu no tin un ID, rijbewijs of paspoort valido pa haci un peticion na tempo. Pa mas informacion: www. censo.aw.
mINISTER mADURO DI CUlTURA A RICIBI BISHITA
DI CONSUl DI COlOmBIA NA ARUBA
E siman aki Minister Maduro di Cultura tabata tin e grato honor di ricibi bishita di e Consul di Colombia na Aruba sr. Gustavo Serrano Amaya y Auxiliar de Mision Diplomatica sra. Pilar Rojas. E bishita tabata den cuadro di un intercambio cultural cu Embahada di Colombia na Hulanda tin deseo di tene cu Aruba y Corsou.
Pa Aruba e deseo ta pa yega na un intercambio cultural cu Tumaco cu ta keda na e region Pacifico di Colombia. E intercambio lo consisti di tres actividad, un intercambio di baile entre
hobennan di Tumaco y Aruba, un charla riba turismo sostenibel y un tayer di gastronomia pa hobennan por cera conoci cu e arte culinario di Tumaco. E intencion ta pa e intercambio cultural aki por tuma luga fin di oktober.
Minister Maduro di Cultura ta aprecia e idea aki di intercambio cultural entre Aruba y Colombia den cual por estrecha mas e lazonan di hermandad cu ta existi entre e dos Paisnan y tambe di Colombia cu Reino Hulandes. E mandatario a gradici e Consul pa e bishita
y e bunita iniciativa cultural y ta spera cu e intercambio cultural entre Aruba y Colombia por ta uno existoso.
OtrO aña DepartamentO Di impuestO ta OtOrga plach’i number nObO E plachinan ta
Departamento di Impuesto ta anuncia cu otro aña lo otorga plach’i number nobo na e doñonan di vehiculo di motor. E plachinan nobo ta bay ta valido pa un periodo di 5 aña, esta pa e añanan 2025 te cu 2029. Na e momentonan aki e plachinan ta wordo fabrica den exterior y ta premira cu lo ricibi e plachinan durante luna di december 2024. E momento exacto ora cu lo bay cuminsa parti e plachinan aki lo wordo anuncia despues. E colornan nobo E plach’i number nobo lo
valido pa un periodo di 5 aña
consiti di e colornan blauw y blanco. Fondo blauw cu letter y cifra blanco. E tint di e color blauw no a yega di wordo uza den pasado. E ta un color cu e comunidad di Aruba sigur lo bay haya diferente y bunita. E colornan nobo ta carga aprobacion di Cuerpo Policial ora ta trata visibilidad y control di trafico den dia y anochi. Algun otro detaye importante
Aki ta sigui algun otro detaye di e plach’i number nobo:
- E color blauw ta un verf cu
ta reflectivo pa garantisa un miho visibilidad anochi.
- E material di aluminium ta mas diki compara cu e produccion anterior y ta haci e plachinan mas fuerte y duradero.
- Riba e plachinan por wak e periodo di validez: 2025 – 2029.
- Di awor en adelante no ta otorga e plachinan chikito mas. Pues cada contribuyente automobilista lo ricibi unicamente e plachinan grandi. Departamento di Impuesto ta promove un ambiente sostenibel cu
menos desperdicio posibel y mas eficiencia den su procesonan. Tarifa di impuesto Pa aña 2025 e tarifa di impuesto di vehiculo di motor a keda igual cu e añanan anterior. Costo di e plachinan
Seccion Cuido Salud Hubenil ta informa
E costo di e plachinan ta Afl. 14 pa e dos plachinan grandi. E costo di e plachi chikito pa brommer ta Afl. 10. Mester paga e suma aki ora cu paga e impuesto pa por ricibi e plachinan nobo.
campaña anual Di vacunaciOn
escOlar ta bay cuminsa
ARUBA- 12.09.2024. Departamento di Salud Publico pa medio di su seccion Cuido Salud Hubenil (Jeugdgezondheidszorg) ta encarga cu vacunacion di nos muchanan na Aruba. E programa di vacunacion Nacional ta wordo maneha pa Seccion Cuido Salud Hubenil y ta cuminsa for di baby na consultorionan di Wit Gele Kruis unda dokternan di seccion Cuido Salud Hubenil ta controla desaroyo y ta vacuna nos muchanan te cu edad di 4 aña. Despues di 4 aña e mucha su desaroyo y skema di vacunacion ta sigui wordo monitor pa Seccion Cuido Salud Hubenil na scol preparatorio y basico. E vacunanan cu Seccion Cuido Salud Hubenil ta provee na nos muchanan ta e vacunanan regular DKTP, MMR y Hep B y desde algun aña a introduci e vacuna di HPV. E vacuna di DKTP ta proteha contra malesanan Difteria,Pertusis(Kinkhoes t),Tetanus y Polio. E vacuna di MMR ta proteha contra e malesanan Sarampi, Cacheton y Sarampi Aleman. E vacuna di Hep B ta proteha contra Hepatitis B y e vacuna di HPV ta proteha contra
Human Papillomavirus cu por ocaciona cancer na boca di matris cerca e hende muhe den su adultes. Cu exepcion di e vacuna di HPV tur demas vacuna, DTP, MMR y Hep B, e mucha den scol basico a ricibi su prome dosis(nan) di e vacuna aki caba ora e tawata baby y na scol cu edad di 4 y 10 ta nesesario pa e haña su refuerso. Esaki segun skema di vacunacion Nacional.
Den e dianan cu a transcuri Seccion Cuido Salud Hubenil a manda un carta pa mayornan cu tin yiu den scol preparatorio of basico cu falta vacuna of mester ricibi un refuerso. E carta ta informa mayor di e vacuna cu e mucha mester ricibi y alabes ta pidi permiso di mayor pa e dokternan di Cuido Salud Hubenil y enfermeronan, vacuna e mucha na scol. Ta pidi tur mayor cu a ricibi e carta aki pa firma esaki y entrega esaki mas pronto posibel na scol.
E programa di vacunacion escolar aki ta existi pa mas di 70 aña y ta danki na e grado halto di vacunacion bou di nos muchanan cu den e temponan aki nos no ta mira of presencia mas
e malesanan cruel cu antes tawata costa bida di mucha of tawata laganan handicap pa bida largo. Ta hopi importante pa informa atrobe cu seccion Cuido Salud Hubenil no ta duna vacuna di COVID. Cualkier mayor cu ta desea mas informacion por tuma contacto cu nos seccion na 5224294. Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw
Por cuminsa Paga imPuesto di vehiculo di motor di aña 2025 e
servicio di Pago Parcial tambe ta Posibel
Departamento di Impuesto ta anuncia cu na e momentonan aki tur contribuyente automobilista por cuminsa haci pago di impuesto di vehiculo di motor di aña 2025. Di e forma aki Departamento di Impuesto ta permiti e contribuyentenan pa haci e pago mas trempan, dunando asina mas espacio financiero pa por cumpli cu nan deber fiscal. Manera ta conoci, e automobilista por scoge pa paga su impuesto di vehiculo di motor den un solo biaha of den mas biaha haciendo uzo di e servicio di pago parcial.
Tarifa di impuesto
Pa aña 2025 e tarifa di impuesto di vehiculo di motor ta keda igual cu e añanan anterior. Plach’i number nobo
Pa aña 2025 lo tin plach’i number nobo cu ta valido pa 5 aña, pues te cu aña 2029. Pa cada vehiculo di motor cu no ta brommer, Departamento di Impuesto ta otorga 2 plachi di number grandi. No lo bay otorga e plachinan chikito mas manera den pasado. Pues cada vehiculo lo tin e dos plachinan grandi solamente. E costo di e plachinan ta Afl. 14. Pa brommer, e costo di e plachi chikito ta Afl. 10. Na momento di haci pago di impuesto, mester paga extra Afl. 14 of Afl. 10 pa por ricibi e plachinan nobo.
Servicio di pago parcial
Pa por facilita e contribuyentenan mas tanto posibel, Departamento di Impuesto ta brinda e servicio di pago parcial mescos cu durante añanan anterior. Cu e servicio aki e contribuyentenan por paga e impuesto di vehiculo di motor adelanta y den pida pida. Na e momentonan aki e contribuyentenan lo tin 5 luna di tempo prome cu e fecha final di 31 di januari 2025 yega. Haciendo uzo di e servicio
di pago parcial, e contribuyente por parti e peso financiero durante e lunanan venidero. Esaki ta beneficioso pa por ehempel e contribuyentenan cu ta den dificultad financiero of cu tin mas cu un auto. Pa e empresanan cu tin hopi auto, esaki ta un bon oportunidad tambe pa haci uzo di e servicio di pago parcial.
E condicionnan di servicio di pago parcial E condicionnan pa e servicio di pago parcial ta lo siguiente: Ta paga e impuesto delanta, esta prome cu dia 31 di januari 2025. Ta haci e pago pa luna. Ta paga e suma minimo rekeri sea Afl. 50 of Afl. 200 (depende e categoria di plachi). No por paga menos cu Afl. 50 a menos cu e debe (restante) ta menos. Ta haci e ultimo pago no mas laat cu dia 31 di januari 2025.
E servicio di pago parcial ta valido unicamente pa pago di impuesto di vehiculo di motor. Pago minimo ta depende e categoria di plachi E pago minimo pa luna ta depende den cua categoria di plachi e vehiculo ta registra. Aki ta sigui un skema.
Categoria di plachi Suma minimo pa luna
A, V, MFA, MFV, TR, V, B (bus chikito), AG, BR, GAR
Afl. 50
B (bus grandi), Plachi di nomber, DT, O, T Afl. 200
Online Banking Alabes Departamento di Impuesto ta recomenda su contribuyentenan pa paga via e sistema di Online Banking di Aruba Bank, Banco di Caribe of CMB, uzando e metodo di “Bill Payment”. Pa e pagonan online por wordo procesa debidamente, ta importante pa inclui e siguiente informacion: 1. Persoonsnummer na cual e vehiculo ta registra. 2. Number di auto. 3. E periodo di cuenta cu ta pagando (por ehempel: jan-jun 2025). Pa esnan cu ta haci uzo di e servicio di pago parcial y ta haci pago via banco: por pidi e recibo online
despues di completa e ultimo pago di e impuesto. Pa pidi e recibo online mester haci esaki via nos website www.impuesto.aw, selecta Digitale formulieren Kwitantie motorrijtuigbelasting y sigui e instruccionnan. Por acudi tambe na e oficina principal na Camacuri, e MFA-nan of edificio di Post Aruba na San Nicolas pa haci pago di impuesto di vehiculo di motor.
E fecha final
Dia 31 di januari 2025 ta ultimo dia cu por paga e impuesto di e prome mita di aña 2025. Pa e vehiculonan cu ta cay den e categorianan MFA, MFV y Plachi di nomber, mester paga e impuesto di aña 2025 completo pa dia 31 di januari 2025.
Despues di 31 di januari 2025 no ta posibel mas pa paga e impuesto di e prome mita di aña 2025 den pida pida.
Debe atrasa
E contribuyentenan cu tin debe di impuesto di vehiculo di motor atrasa, no por paga e impuesto di aña 2025 tanten cu no a caba di paga e debe atrasa. E contribuyentenan aki por paga e debe den un solo biaha of por haci un areglo di pago pa e debe te cu aña 2024. E areglo di pago ta encera un termino maximo di pago di 3 luna. Pues, mester paga e debe atrasa den 3 pago. Pa por wordo permiti pa paga e impuesto di aña 2025, e contribuyente mester paga por lo menos un termino di pago riba su debe atrasa.
Cumpli na tempo No ta necesario pa warda te ora e fecha final di 31 di januari 2025 ta cerca pa cumpli cu e pago di impuesto. Manera conoci, e contribuyente lo haya un boet di 50% pa incumplimento den caso cu no haci pago of haci e pago laat. Sea ta haci pago di impuesto den un solo biaha of den varios biaha, Departamento di Impuesto ta recomenda pa cumpli na tempo y evita asina gastonan innecesario.Gerencia di Departamento di Impuesto 11 di september 2024
Ministe Ursell Arends: Preservacion di naturalesa di aruba ta Prioridad; no beneficio di interesnan Personal di Politiconan
Minister di Naturalesa, Sr. Ursell Arends a enfatisa e necesidad critico pa un gobernacion responsabel y conservacion di e patrimonio natural di Aruba. Ultimo decadanan por a nota e impacto negativo di decisionnan populista, acuerdonan corupto y accion politico iresponsabel, cu awe a contribui na degradacion di Aruba su medio ambiente.
Ciudadanonan ta bon na altura cu e economia di Aruba ta depende di turismo, un sector directamente relaciona cu Aruba su paisahenan natural, entre otro su lama, santo blanco y temperatura caribense. Sinembargo, practicanan di desaroyo no sostenibel y falta di regulacion suficiente a hiba nos na un degradacion ambiental significativo, menasando no solamente e beyeza natural di nos isla, pero tambe e fundeshi di nos economia. “Nos a faya pa balansa desaroyo cu e proteccion di nos isla,” Minister Arends a remarca. “E falta di balans aki a resulta den consecuencia dañino pa nos medio ambiente, cu ta poniendo den peliger e industria di turismo cu ta directamente sostene nos economia.”
Involucrando Ministerio di Naturalesa den procesonan cu ta toca infrastructura y
cualkier desaroyo di Aruba su tera, tabata un paso vital pa duna naturalesa un boz. Sinembargo, e caminda pa desaroyo responsabel ta rekeri un compromiso continuo y atencion na conseho di e expertonan. Ministerio di Naturalesa, Directie Natuur en Milieu y varios organisacionnan ambiental, ta keda enfatisa e importancia di tende di expertonan ora ta tuma decisionan cu lo afecta Aruba su naturalesa.
“Apesar di tur retonan cu nos a bin ta enfrenta, entre otro tur e permisonan sin base cu a wordo otorga, nos ta keda comprometi pa restaura e balans,” Minister Arends ta agrega.“Nos ta traha activamente pa asina cada futuro proyecto di desaroyo riba Aruba ta alinea cu metanan di sostenibilidad y consciente
di e efecto ambiental. Esaki ta inclui revisa e permiso di por ehempel hotel, beach y otro desaroyonan pa asegura cu nan ta ricibi recomendacion positivo di departamento relevante prome cu nan wordo aproba.”
Lamentablemente esaki
no tabata caso den pasado unda awe nos por mira diferente inversionista encontra cu problema legal pavia di no cana e caminda corecto. Ministerio di Naturalesa ta haci un apelacion na tur stakehoder, incluyendo lidernan politico, inversionistanan y e pueblo,
pa pone e preservacion y proteccion di recurso natural di Aruba riba esun cu lo beneficia interesnan personal. E esfuersonan continuo di Ministerio di Naturalesa ta basa riba un vision caminda desaroyo economico ta den harmonia y balans cu preservacion di nos naturalesa.
MINISTER ENDY CROES TA FELICITA E EKIPONAN CU A TITULA CAMPEON DI
COPA SANTA CRUZ SOFTBALL
Minister di Enseñansa y Deporte Endy Croes a acudi na e final di Copa Santa Cruz Softball cu a tuma luga na Veld di Olimpic. Durante e ocasion special aki, Minister Endy Croes a duna un discurso y a entrega premio na e ganadonan. Un total di ocho (8) ekipo di cabayero y seis (6) ekipo di damas a participa den Copa Santa Cruz cu a inicia 29 di juli y a culmina 1 di september 2024. Minister Endy Croes a felicita campeon cabayero Roots y subcampeon Warriors y campeon damas Sweet Devils y subcampeon Warriors.
Alabes ta felicita tur cu a destaca y a gana un
premio individual den liga cabayero entre otro, ‘Best Batter’ Ruwin Tromp di Warriors, ‘Best Homerun’ Norangelo Jacobus di Happy Brothers y ‘Best Pitcher Andrew Loopstok di Flatstone. Pa loke ta trata liga di damas tambe tabatin varios premiacion individual entre otro, ‘Best Batter’ Wedoline Dirks di Splash, ‘Best Homerun’ Zjaika Kock di Sweet Devils y ‘Best Pitcher’ Irena Balijn di Beer Warmer Dolls.
Finalmente, e mandatario di Deporte ta felicita Crioyo Reds cu a
organisa e tremendo campeonato deportivo aki. Cu disciplina,
deseo, dedicacion y determinacion ta logra.
Un leader profesional cu vision y comprension
Em Pl EADO DI lUNA AUGUS t US NA HOH
Colega Saskia Ramharakh tabatin un supuesto reunion y na momento cu ela drenta sala di reunion ela topa cu ful un otro tipo di reunion. Pues, e no a sospecha nada y a keda masha sorprendi di wak tanto colega, famia y Hunta di Directiva wardando su yegada. Miembro di Hunta di Directiva sr. Gregory Croeze a conta Saskia di biaha cu ta su team di preanalyse di LABHOH ta tras di esaki y cu nan ta masha contento di tin Saskia como colega y nan teamleider. A nomina Saskia pa bira empleado di luna y Hunta di Directiva di biaha a bay di acuerdo cu esaki y ela bira
tA SAS k IA R Am HARA kH
HOH su empleado di luna di augustus 2024.
Saskia ta un colega professional cu ya tin 22 aña trahando riba tereno di laboratorio medico.
Su experiencia y conocemento riba tereno di laboratorio medico ta sumamente halto y esaki ta yud’e hopi den practica ora di colabora cu otro departamentonan.
Saskia ta un persona integro y dedica na su trabou locual coleganan y management ta aprecia hopi. E ta haci su maximo esfuerso pa tur colega di su departamento sinti nan mes balora. Saskia ta comunica hopi cla
ORACION PA NOS GRANDINAN 2023
Tata Todopoderoso, acepta e cruz di mi edad y e peso di e dianan aki.
Den bo misericordia, Bo a laga mi jega te na e bunita edad di 81 aña awe. Compaña mi awor ora mi curpa no ta obedece mi mas. Laga bo gracia sea mi garoti y bo bendicion forsa di mi pianan, bo palabra luz di mi wowonan. Señor, laga mi curazon bati pa Bo so, te na momento cu Bo ta determina, y haci mi alma sinti y disfruta di bo Bendishon Gracia Pordon y bo Amor.
Cu conformidad mi ta acepta e cruz di mi malesanan y di tur e sufrimentonan. Aki mi ta ofrese Bo como ofrenda, pa gradici Bo mi bida y pa pidi Bo bendicion, pa mi famia y mundo henter. Bendiciona Bo ta, Señor pa tur e dianan cu mi a mira e Solo sali mainta y baha tur atardi,
Bendiciona Bo ta, pa bo amor y misericordia cu a compaña mi henter mi bida; Bendiciona Bo ta, mi Dios tata Poderoso, pa tur locual cu Bo a permiti mi haci y keda sin haci. Awor duna mi, forsa y pasenshi den mi debelidad, di sigui Bo cu fieldad
Na tur mi fanaticada. Cu aña 2024 Dios sa di Bendiciona Boso RICAMENTE.
Hiacintha Thijsen Trimoñ
y asina ta aporta na un cultura di confiansa. E ta duna feedback constructivo, aunke e por ta poco duro tin biaha, esaki ta yuda na e crecemento y desaroyo di su team. Manera su team mes ta bisa: “Saskia makes things happen!”
Calidad semper ta na prome luga. Pa loke ta e protocolnan di siguridad, Saskia tin esaki hopi na pecho y ta monitor esaki continuamente. Alabes, Saskia tin wowo pa detaye y tur esaki tambe a wordo reconoci pa e Hunta di Acreditacion durante nan audit na LABHOH. No por keda sin menciona cu Saskia ta un teamplayer cu lo yuda unda cu e por y tambe elo yuda sin duda na otro departamento.
Su compromiso cu su trabou ta sublime y claramente esaki a wordo demostra y pues e merece e bunita reconocemento aki. Hunta di Directiva, management y coleganan ta bisa Saskia danki pa su tremendo trabou pa LABHOH
y su coleganan y pashent, y ta spera cu e keda hopi mas aña cu nos. Pabien Saskia
cu e bunita titulo aki di empleado di luna di augustus 2024!
Iniciativa di e Islanan pa Restaura e Rifnan di Coral
Tur e seis islanan- Aruba, Boneiro, Corsou, Saba, St. Eustatius y St. Maarten a tuma medidanan unico y proactivo pa atende cu e retonan cu nan rifnan ta enfrentando. E esfuersonan di restauracion door di e organisacionnan local di corservacion di naturalesa a keda presenta durante e Dutch Caribbean Nature Alliance (DCNA) Workshop di Restauracion di Rif recien y nan ta critico pa sigura salud y duracion di bida di e tesornan di bou awa aki pa hopi aña mas.
Aruba: Construyendo un Futuro pa e Rifnan di Coral E esfuersonan di restauracion di rif di Aruba ta wordo lidera pa Aruba Conservation Foundation (ACF), cu ta trahando activamente pa rebiba y sostene e ecosisteman di coral di e isla. Un di e iniciativanan principal ta e proyecto nobo “Turning the Tide”, financia pa RESEMBID den colaboracion cu Wageningen University & Research. E proyecto ta uzando rif artificial cu ta poni na 3 diferente luga den fondo di lama di Parke Marino Aruba.
E rifnan artificial ta recrea e structura dimensional cu e speransa cu esaki lo por yuda recupera e especienan herbivoro principal. ACF tambe ta haya sosten di e trabou di ScubbleBubbles y University of Aruba, cu ta mantene guarderia di coral y ta haci limpiesa regular di beach y rif. Tambe tin un trabou nobo excitante cu nan colaboracion cu Metabolic Foundation pa traha un mapa di e fondo di lama. Boneiro: Un Lider Global den Preservacion di Rif STINAPA Bonaire a implementa un di e sistemanan di area marino proteha (MPA) di mas excitoso di Caribe, cu tabata crucial den preserva su rifnan di coral. Ademas, Reef Renewal Foundation Bonaire (RBFB) ta na prome luga
den e esfuersonan di restauracion, estableciendo guarderia di coral cu ta entre e mas avansanan den e region. Ademas di planta miles di coral tur aña, RBFB ta mehora e diversidad genetico di e especienan vulnerabel via nan programa di cria coral. Partnershipnan adicional cu partnernan internacional ta mehora diversidad genetico di e especienan vulnerabel via nan programa di cria coral. Ademas di e partnershipnan cu partnernan manera STINAPA Bonaire, Wageningen University and Research, Florida State University y Rasster Lab, e organisacion local di conservacion di naturalesa a logra integra monitor basa riba ciencia den su esfuersonan di maneho, loke a haci e organisacion aki un lider den e area di conservacion di coral. Blijdorp (RoffaReefs)ta investigando formanan nobo inovativo pa mehora e poblacionnan di pisca local y e proyecto aki ta cofinancia pa WWF-NL.
Corcou: Acercamento Inovativ pa Restauracion di Rif E actividadnan di Corsou pa restauracion di rif ta wordo conduci pa un combinacion di investigacion cientifico y participacion di comunidad. Carmabi Foundation, den colaboracion cu Curaçao Marine Park, Reef Renewal Curaçao y Branch Coral Foundation ta pionero di diferente tecnica inovativo den restauracion di coral, incluyendo microfragmentacion y uzo di substrato diseña pa mehora crecemento di coral. E tecnicanan aki a ser desaroya den colaboracion cu expertonan internacional, incluyendo investigadonan di SECORE International y University of Miami. E esfuersonan di restauracion di Corsou tambe ta involucra dive-shops local manera Ocean Encounters y Dive Division, cu ta contribui na
e esfuersonan di planta y monitor e salud di e rifnan. Programanan di educacion publico y di divulgacion, cu sosten di organisacionnan local di conservacion di naturalesa y di University of Curaçao ta esencial pa promove un cultura di custodia marino entre residentenan y bishitantenan.
Saba: Proteha e "Reina Incontamina"
Saba Conservation Foundation ta maneha Saba Marine Park y Saba Bank, cu a yuda mantene e integridad di e ecosistema marino di e isla. Iniciativanan pa restauracion di coral na Saba ta wordo apoya pa partnership cu universidadnan manera Wageningen University & Research and Van Hall Larenstein University of Applied Science, y e proyecto di restauracion di coral di e gobierno Hulandes, Nature and Environmental Policy Plan (NEPP).
E esfuersonan aki ta enfoca riba establecimento di guarderia di coral pa multiplica especie di coral menasa, y tambe investigacion di vanguardia riba restauracion di herbivoronan, por ehempel e Diadema II project cu ta traha pa compronde recuperacion y restauracion di e poblacionnan di Diadema antillarum. SCF tambe ta colabora cu operadonan di dive shop local, manera SeaSaba, pa involucra e comunidad den actividadnan di monitor y restauracion di rif, asegurando cu e rifnan di Saba ta keda virgen y bibo.
St. Eustatius: Reviviendo Rif di Coral Mediante Participacion di Comunidad St. Eustatius a participa activamente den restauracion di rif door di e trabou di St. Eustatius National Parks Foundation (STENAPA). STENAPA su proyecto di restauracion di coral den pasado a enfoca riba cultiva y planta coral STENAPA awor ta enfoca riba restauracion di herbivoro cu su
proyecto NEPP Coral Reef
Restoration. Statia a experencia un bahada for di 25% di cobertura di coral duro na menos cu 2.5% den e ultimo 20 añanan. Awor aki, e rifnan ta domina pa macroalgas cu ta competi cu coral pa e espacio riba rif y ta preveni larva di coral keda. Traha poblacion di herbivoronan clave manera bushi di lama di spina largo Diadema antillarum be ACF ta tambe di sumo importancia pa duna e coral espacio pa y crese. E proyecto di restauracion aki ta wordo ehecuta den colaboracion cu profesionalnan di restauracion y investigadonan y den futuro lo inclui otro herbivoro complementario. Actualmente STENAPA a cambia su enfoke cu e Proyecto di Restaurashon di Rif di Coral di NEPP cu ta den curso pa e cultivacion y liberacion di herbivoro principal manera Diadema antillarium. E herbivornan aki ta pastorea riba e rifnan y consecuentemente ta baha e cobertura di alga riba e rifnan, liberando un espacio crusial pa e recrutanan di coral keda. E cobertura di coral mester mehora riba e rifnan despues di un caida drastico di 25% na 1% den e 20 añanan entre 1999 y 2001. Envolvimento di comunidad ta un pilar fundamental di e strategia di restauracion di Statia, cu scolnan local y boluntarionan cu ta siña di e actividadnan di conservacion di rif. E programa educativo organisa pa STENAPA tin como meta pa construi capacidad local pa maneho di coral a largo plaso y promove un conexion profundo entre e comunidad y nan medio ambiente marino.
St. Maarten: Esfuersonan Colaborativo pa Recuperacion di Rif
Na St. Maarten, Nature Foundation St. Maarten ta hunga un papel importante den restauracion di rif di coral, colaborando cu partnernan local y internacional pa mehora nan esfuersonan. E fundacion a establece guarderia di coral
rond di e isla, cu un enfoke particular riba restauracion di poblacion di coral di eekhorn y staghorn. E esfuersonan aki ta ser sosteni pa partnership cu St. Maarten Nature Reserve, EPIC (Environmental Protection in the Caribbean), institucion academico manera University of St. Martin y University of the Virgin Islands. Nature Foundation tambe ta traha estrechamente cu empresanan local, incluyendo centronan di centronan di dive manera Dive Sint Maarten, pa involucra nan den esfuerso pa planta y monitor coral. Campañanan di educacion y informacion publico, cu e partnershipnan aki ta sostene tin como meta aumenta conciencia di importancia di e rifnan di coral y anima e habitantenan y e turistanan pa practicanan sostenibel.
Frente Uni pa Restauracion di Rif
Coral reef ta enfrenta varios menasa serio, for di cambio di klima, especie invasivo, polucion te sobresalvamento. Proteccion di e rifnan aki mester bay mas leu cu solamente restauracion, ya cu trata e problemanan aki hunto cu esfuersonan continuo lo ta esencial pa proteha completamente e ecosisteman vital aki.
Durante e DCNA workshop aki a sali na cla cu tin necesidad pa mehora colaboracion y comparticion di conocemento entre e islanan. Trahando hunto nos por haci uso di e poder di nos expertonan local pa eleva proyectonan riba e islanan. DCNAta explorando e siguiente pasonan pa facilita esaki ainda mas, por ehempel, e establece e Programa di Conservacion y Restauracion di Habitat Clave cu lo abarca tur e seis islanan y lo inclui habitatnan di rif di coral.
E workshop aki a wordo financia pa Ministerio di Agricultura, Naturalesa y Calidad di Alimento (LNV) y cu sosten di Dutch Postcode Lottery.
HOH contento cu e di cuater edicion di Beach tennis presenta pa HVT
E comision di HVT (Hulpverlenersteam di Hospital) a cuminsa cu e competencia di beach tennis 4 aña pasa como un actividad unda e focus ta riba crea amistad y alabes stimula movecion bou di e miembronan di HVT. No a conta ni imagina cu e acogida lo tabata asina grandi y tan gusta y pues desde e tempo ey e la bira un torneo fiho cu ta tuma luga anualmente pa empleado di Hospital.
Diasabra 31 di augustus e competencia a tuma luga y a conta cu participacion di 70 colega parti den seis categoria. Y pa tur cu a presencia por bisa sigur cu e tabata un competencia fuerte. Tabatin premio pa e diferente categorianan y diferente nivel, esta teamnan mix y categoria fun y tambe team mas avansa.
E aña aki e grupo cu mas a sobresali ta e coleganan di Sala di operacion (OK) cu a logra bay cu hopi premio. Diferente colega a pasa pa apoya y hasta tabatin departamento cu a laga print shirt y asina crea mas ambiente ainda apoyando otro fuertemente!
Otro aña lo celebra e di 5 edicion di Beach tennis y e comision di HVT ya caba a cuminsa traha riba e plan pa haci e torneo un evento espectacular. Hunta di Directiva kier gradici e comision pa e tremendo trabou un biaha mas u alabes ta desea di stimula mas colega pa cuminsa train paso e competencia otro aña ta bay ta mas fuerte ainda.
Pabien na tur colega cu a participa y na e ganadonan den tur categoria keep it up!
Arub A su prome evento dedicA n A nos i ndustri AnA n c ultur A l y c re Ativo
Oranjestad, Aruba – Fundacion Go Cultura ta orguyoso di anuncia e Conferencia CreActivo 2024. Aruba su prome conferencia cultural y creativo di e indole aki, cu lo bay tuma luga dia 8 y 9 di oktober 2024 for di 9 am pa 4 pm na Renaissance Convention Center. CreActivo 2024 ta caminda abo artista, ser creativo, visionario y lider por conecta y wordo inspira door di personanan dinamico y briyante den nos Industrianan Cultural y Creativo.
Durante dos dia lo bay tin actividadnan, sesionnan y tambe presentacionnan di diferente oradornan internacional. Entre otro; John Howkins, cu ta wordo considera como e “tata di e economia creativo”, ta un lider strategico den e area di creatividad y innovacion. Reconoci pa su bukinan influencial: “The Creative Economy” (2001), “Creative Ecologies” (2006) y “Invisible Work” (2020). Su experticio ta enfoca ariba exploracion di nos futuro di trabounan laboral y AI of Inteligencia Artifical, caminda el a comparti su experticio y conocemento cu mas di 30 pais mundialmente, entre otro na Inglatera, Australia, Sur Korea, Brazil, China, Singapore, Merca y mas. Cu un carera cu ta inclui publicacionnan, TV, film, y media digital, Howkins tin un rol importante den medianan manera HBO, Time Warner y otro companianan di media entre otro CREATEC, Tornado y BOP Consulting. Felipe Buitrago Restrepo, un lider experto den e sector di Cultura y Economia Creativo y Information & Communications Technology, cu mas di 22 aña di experiencia. Como ex-Minister di Cultura di Colombia bao di ex-Presidente Iván Duque, e tin un rol crucial den maneho publico. Buitrago tambe ta e co-autor di “The Orange Economy: An Infinite Opportunity” y “Orange Economy: An Infinite Reality “ hunto cu exPresidente Iván Duque. Tambe el a colabora den “The No Collar Economy” hunto cu Sam George. Su trabounan extensivo den investigacionnan y maneho publico pa cu Cultura, Creatividad y Innovacion ta sumamente importante pa economia creativo den su totali-
dad.
John King, ta e Minister di Economia Creativo, Cultura y Deporte na Barbados desde aña 2018 bao di Prome Minister Mia Mottley. Su liderazgo y maneho a hunga un rol fundamental den e avance di e Industria Creativo di su pais, integrando arte, cultura y deporte den e economia nacional. King a realisa iniciativanan manera Crop Over y a demostra su sosten valioso na artistanan y sernam creativo local cu entre otro subsidio y a fortifica e identidad cultural di Barbados, posicionando e pais como un lider den economia cultural y creativo, pues e “Orange Economy”.
Clara Reyes, ta directora di e Departmento di Cultura di Ministerio di Educacion, Cultura, Hoben y Deporte na St. Maarten. Como un defensor prominente di cultura, artista, y educador, Reyes ta dedica na perserva cultura di Caribe cu su trabou den danza, teatro, y herencia cultural. Como co-fundador y Director di e National Institute of Arts (NIA), e tin un rol crucial den e formacion di e panorama cultural den nos region Caribe y ta aporta na e sosten di tur artista caribense.
Elton Villarreal, ta un trainer internacional nativo di Curaçao, conoci pa su experticio den “leadership development” y tambe educacion experiencial. Den su carera e ta train personanan individual y organisacionnan grandi globalmente na paisnan manera Bolivia te cu Japon. Villarreal ta reconoci mundialmente pa su trabounan den dialogo democratico y resolucion di conflicto. Villarreal ta un facilitador y mentor pa hobennan, artistanan, sernan creativo y lidernan den comunidad y su meta ta pa sigui engrandece cada persona su habilidadnan y confiansa den su mes a traves di workshops y coaching.
Durante CreActivo 2024 tambe ta bay tin presentacion di nos oradornan local cu lo contribui cu nan idea y motivacionan pa e desaroyo di nos Industrianan Cultural y Creativo. Esnan cu lo presenta lo ta entre otro, Arthur Loefstok y Edjean Semeleer di Fundacion Go Cultura cu lo pone enfasis riba e importancia y potencial di for -
malisa y desaroya e industrianan aki pa Aruba.
Tambe Ronella Croes y Derchlien Dijkhoff di Aruba Tourism Authority cu lo splica dicon e ta esencial pa e Industria di Turismo asisti y apoya den desaroyo di un industria nobo y cu hopi potencial pa nos isla. Otro bosnan local lo ta Mary-Ann Falconi Rasmijn di Impact Hub, cu lo enfoca riba e balor di data y evidencia pa crea strategia di desaroyo, empoderamento y transformacion danki na e industrianan aki.
Daniel Tecklenborg di CEDE Aruba lo enfoca riba e potencial di e industrianan aki pa transformacion social. Cherryldine Buckley di SMAC lo enfoca riba e impacto di nos carnaval. Tambe varios ser creativo exitoso lo ricibi un spotlight y hopi mas!
Ticket ta disponibel via nos website www.gocultura.org. Un daypass cu ta inclui tambe desayuno,
lunch y refreshments durante henter e conferencia, ta costa $100 pa persona, un two-day pass ta costa $175. Tambe nos ta ofrece digital-pass pa por tin acceso na e transmicion en bibo cu ta costa $65 pa cada dia.
Go Cultura ta gradici nos partnernan Aruba Tourism Authority, AHATA, Setar NV, Departamento di Cultura Aruba, Minister di Asuntonan Economico, Minister di Cultura y Minister di Asuntonan di Adulto Mayor pa sostene e gran evento aki y cu ta kere den engradece nos Industrianan Cultural y Creativo.
Pa mas informacion, contact Fundacion Go Cultura na +2975649525, via e-mail na info@gocultura.org of bishita gocultura. org.
Join nos na e Conferencia CreActivo 2024 pa un experiencia inolvidabel di creatividad y conexion global!
Ta na unda e RefeRendum a keda, TocanTe maTRimonio di mesun sexo?
Skirbi
pa
Seferino Tromp,
Bo ta papia di derechonan igual, pero bo sa masha bon cu no por tin igualdad di loke ta moral y inmoral, di loke ta honesto y deshonesto y no por tin igualdad entre Dios Su Gloria y e diabel cu su perdicion den fierno, ta un caminda tin pa escohe. E veredicto di Corte di casacion na Den Haag, ta un enterpretacion e ta, di e articulo 1 di constitucion di discriminacion pa Aruba cumpli. E conseho aki no ta un obligacion, pero si esnan responsabel di pueblo no por dicidi, anto ta e pueblo di Aruba mes tin cu dicidi den e derecho di exprecion den un referendum. Bo no tabata sa, cu esnan den sodomita ta busca e ley di discriminacion, pa nan tambe por casa? Awor, kiko e ley di discriminacion ta concerni? Entre anja 1900 – 1939 tabata tin e Race War na Merca. Akinan e African American Community tabata wordo discrimina, na trabao, na scol, den comunidad politico, nan no por vota den eleccion etc. Na anja 1933, president Franklin D. Roosevelt a bin cu e ley aki di discriminacion pa tur rasa y idioma. E ley di discriminacion aki ta papia di hendenan di tur rasa, pero e ley aki no ta papia di inmoralidad sexual di tur clase y ni ta papia di casamento di tur clase. Bo mester compronde, cu hendenan cu ta biba aki na Aruba of hendenan cu ta bin di otro pais pa biba aki na Aruba y nan ta biba den nan sexualidad den tur clase of nan ta casa den inmoralidad di tur clase, anto esey ta nan biba y nan asunto. Pero nan
un mensahero di Dios
tur mester respeta e bida
Cristian di e pueblo y nan mester respeta y cumpli cu e institucion di e ley di censo di casamento civil entre homber y muher. E pueblo Cristian y e hubentudnan ta cumpli y ta obedece loke Dios ta bisa, Bijbel Genesis 2: 4-24, na unda cu Dios Tata a traha homber y muher pa procreacion humano, Adam y Eva. Den Bijbel Marco 10: 6-9, akinan Dios ta uni homber y muher den e bida matrimonial, akinan homber y muher ta casa pa lanta famia. Esaki ta e educacion cu e pueblo y e hubentud ta ricibi, na cas, na scol y na Centro Pastoral. Bo ta bisa, nan ta mesun hende y stroba e mesun sexo di casa ta discriminacion. Den e prome ley di Dios ta bisa, di stima bo prohimo, pero akinan Dios no kier pa bo stima e pikanan cu e prohimonan ta biba aden. Por ehempel den Bijbel Genesis 19: 1-23, akinan Dios Tata mes a kita bidanan di tur e habitantenan di Sodoma y Gomorra, pa motibo di nan pikanan di homosexual y di
lesbiana. Anto mi ta puntra bo, esey ta discriminacion?
Den Bijbel Levitico 20: 13, akinan Dios ta prohibi e relacion sexualnan entre homber cu homber y entre muher cu muher, nan lo wordo condena na morto eterno. Awor, esey ta discriminacion? Compronde, si un hende cu kier bay den fierno despues di morto, esey ta su asunto, e mes a escohe pa bay. Pero bo no por bini cu e casamento civil di e mesun sexo den censo, pa trece ehempel di inmoralidad sexual di tur clase den pueblo y pa danja e mentalidadnan di nos hubentudnan, cu ta kitanan for di e caminda di Dios. Un ehempel, si bo pone un batata putri den un sako di batata bon y si bo no saka e batata putri na tempo, kiko bo ta kere ta bay pasa? Esey ta pa bo dicidi. Si esnan responsabel di pueblo mes no por dicidi, anto laga e pueblo Cristian di Aruba mes dicidi den un referendum. Pasobra bos di pueblo, ta bos di Dios.
Seferino Tromp
Mi alma ta yen di alegria, mi a biba un bida bunita y awor mi ta drumi trankil.
Cu inmenso tristesa pero agradecido pa tur locual el’a significa den nos bida, nos ta anuncia fayecimento di nos ser stima:
Sra. Ida Lumenier – de Mey
Viuda di Joaquin Lumenier *10 augustus 1928 - † 6 september 2024
Na nomber di su yiunan:
Elsa Pieters – Lumenier (Viuda di Donald Pieters)
Selvia Ellis – Lumenier (Viuda di Johnny Ellis)
Leticia Lumenier & Efrain Maduro
Albert & Emy Lumenier – Richardson
Nieto(a) nan:
Marlon & Randy Pieters – Guardiola
Marline & Endrique Gumbs – Pieters
Jo-anne & Luis Arango- Ellis
Marilyn Ellis
Nathaly & Curt Harms – Ellis
Guiomar & Lilly Maduro -Dirksz
Naigel & Bianca Maduro – van Vliet
Elbert Lumenier & Daynara Orman
Kenrick Lumenier & Thaina Maduro
Sarah & Denison Gutierrez Reyes – Lumenier
Bisa nieto(a) nan:
Kenneth, Shurguen, Jaythan, Jaydrique, Serilyn, Ethan, Sienna, Curty, Ariana, Adarah, Gillany, Lynnoush, Rilana, Xavi, Dayssen, Kayleigh, Adelynn, Isabella, Noah, Damian.
Subrino(a) nan:
Glenda Jansen – Kelly & famia
Swinda Croes – Kelly & famia
Yolanda Van de Ven – Kelly & famia
Stanley Kelly & famia
Primo & prima nan & ihanan.
Un danki special pa e cariño, cuido & atencion:
Gloria Croes, Adelina Kelly, Mario Kelly, Rafael Kelly
STA Stichting Thuiszorg Aruba, Dr Singh
Kerki Protestant Piedra Plat
Staff & personal di Aurora Funeral Home
Demas famia:
De Mey, Lumenier, Pieters, Ellis, Maduro, Dirksz, Richardson, Loefstop, Kelly, Croes, Franken, Thiel, Kock, Jansen, Solognier, Guardiola, Gumbs, Arango, Harms, van Vliet, Havertong, Gutierrez, Orman y demas famia na Aruba, Curaçao, Hulanda & Spaña.
Despensa nos si den nos tristesa nos por a lubida di menciona un of otro famia of amistad di nos difunto stima.
Ta aprecia enbes di flor of krans un donacion na Kerki Protestant, Piedra Plat lo ta altamente aprecia. (Lo tin un box disponibel)
Ta invita pa e despedida & entiero cu lo tuma lugar: Diabierna 13 September 2024 na Kerki Protestant Piedra Plat di 9 am – 11 am, sigi pa Santana Protestant na Piedra Plat.
Nos ta lamenta cu prome of despues di entiero no ta ricibi bishita di condolencia na cas.
FORTALEZA PA FAMIA
Scirbi pa Pastor Marcel Balootje. SENJOR DUNA NOS FE Y FORSA CONTRA
TUR PODER DI SCURIDAD
Hopi hende ta kere cu bo por hunga cu scuridad y keda bon, hopi no ta kere cu si bo no tin Cristo den bo bida, como Señor y Salbador, bo chens di cay y keda pega den trampa di diablo ta grandi.
Hopi hende no ta consiente ,cu si bo no kere den Cristo Hesus manera e palabra ta bisa, bo ta bibando bao di condenacion. ( Juan 3:1619).
Hende ta kere den religion enbes di busca un relacion berdadero cu Cristo, pasobra na mundo tin masha hopi religion, pero solamente ta un Salbador tin,su nomber ta Hesus Cristo di Nazaret.
E ta nos unico Salbador, asina ta cu no ta religion ta salba hende, pero si bo confesa cu bo boca Hesus como Señor y kere den bo curason cu Dios a lant’E for di mortonan, lo bo ta salba.
Cristo Hesus a muri na crus y a lanta e di tres dia for di morto.
E prueba grandi ta cu den tur otro religion e fundador ta morto y ta dera, pero solamente e graf di Cristo Hesus ta bashi, pasobra E a resusita y a subi na cielo y ta sinta na man drechi di e Tata.
Y E a duna nos autoridad pa para contra forsanan di scuridad den Su nomber, e palabra di Dios ta siña nos cu nos lucha no ta contra carni y sanger, sino contra e gobernantenan, contra e podernan , contra e forsanan mundial di e scuridad aki,contra e forsanan spiritual di maldad
Tur decisionnan robes cu hende tuma contra boluntad di Dios, y contra principionan di Dios su palabra ta influencia door di podernan di scuridad, cual ta podera di nan mente y asina pone nan rebeldia contra Dios.
E podernan di scuridad ta asina fuerte cu nan ta pone nacionnan y nan gobernantenan contra e palabra di Dios.
Hopi ta busca podernan di scuridad especialmente den bruheria pa yega y permanece na poder pa largo tempo, hopi ta kere cu pa nan ta fuerte nan mester tin dominio diabolico riba otro, pero un cos nos tur sa cu ora bo tin Cristo Hesus den bo curason y bo tin un bida di oracion, ningun bruheria por domina bo bida, pasobra e Sanger di Cristo Hesus cu ta cubri bo, tin mas poder cu tur bruheria y maldad.
E palabra di Dios ta bisa:
Esun cu ta bisa cu e ta den lus y sinembargo ta odia su ruman ta den scuridad te ainda.
Esaki ta nifica cu tur hende cu ta envidia,odia,hende cu orguyo, domina pa aro-
gancia, hende cu no kier pordona, hende cu ta tuma e berdad di Dios cambie pa mentira, hende cu ta ninga di acepta Cristo como Señor y Salbador , y tur hende cu ta haci bofon di Dios, ta biba den scuridad.
Esun cu ta odia su ruman ta den scuridad, y ta cana den scuridad, y e no sa unda e ta bay, pasobra e scuridad a ciega su wowonan.(1Juan 2:9-11).
Pasobra maske nos ta cana den carni, nos no ta bataya den segun carni, pasobra e armanan cu nos ta bataya,cune no ta carnal, ma poderoso, den Dios.
Pa basha e fortinan abao, y pa destrui speculacionnan y tur arogancia, cu ta wordo lanta contra e conocemento di Dios,hibando den cautiverio tur pensamento, pa haci nan obedecido na Cristo.Y nos ta cla pa castiga tur desobedencia, unabes cu boso obedencia ta completo.(2 Corintionan10:3-6).
Señor no ta keda sin duna loke ta bon, na esnan cu ta cana den rectitud.( Salmo 84:11).
Un dia fructifero y cu nos bon Dios tene misericordia cu cada un di nos
"Esun cu tin horea, tende!" ( Mateo 13,43) Hesus ta splica e parabola di e yerba shimaron. Hesus ta sembra e bon simia den e cunucu cu ta e mundo.
E bon simia ta e hendenan cu ta pertenece na e reino y e yerba shimaron ta esnan cu ta pertenece na e malvado. Anto e enemigo cu ta sembra nan ta diabel.
E cosecha ta e fi n di tempo y esnan cu cosecha ta e angelnan. Asina na momento di nos Bautismo Hesus ta sembra e simia di fe den nos curason. Esey a sosode cu mayoria di nos na baby y despues pocopoco nos a ricibi e Sacramentonan pa yuda nos crece den fe.
Y segun nos ta creciendo nos ta forma nos caracter y Dios a laga nos liber pa dicidi cual caminda nos ta scoge. Si nos scoge pa Hesus, E mes lo bin yuda y salba nos apesar cu e malvado ta busca pa gara nos den su trampa.
P’esey laga nos habri e horea di nos curason y tende y biba prepara y no laga niun oportunidad pa e malvado penetra den nos bida of bida di nos sernan keri y asina na fi n di tempo nos lo tin victoria y cosecha e bida eterno.
Oracion:
Tata celestial duna nos e gracia pa bisa si na bondad y no na tur maldad pa nos por pertenece na bo reino.
Amen
den e lugarnan celestial.