Diabierna 1 Februari 2013

URATACA CENTER

Special di awe: Sweet & Sour Grouper, Arroz, Salada, Banana

Afl. 10.00 (di 12 pa 3pm) Tel: 585-5212

Diabierna Februari 1 2013 - Edicion-7 Vol.192102 Sta.Cruz#110 Tel: 585-9500 Fax:585-0951 - E-mail: solodipueblo@gmail.com

1.50

REUNION DEN PARLAMENTO TA SIGUI AWE 9’OR DI MAINTA

HOPI COLOMBIANO SEGUN “FUNDACION DEN NOS COMUNIDAD” TA DEN POBREZA!!

Kico Oscar Hernandez ta pensa di esaki? Kico Mike ta pensa di esaki?

PAKICO PONE SALUD DI HENDE NA RIESGO?

AINDA NO TA SIGUR KICO LO PASA CU E MOLINANAN DI BIENTO

RIBA TRIBUNE UN COORDINADOR DI AVP A EXPRESA SU MES …

“Ami como mama hamas lo por tuma un decision si mi sa cu mi ta pone salud di mi yiunan na riesgo”

GOBIERNO SU COORDINADORNAN DEN TRIBUNE A CAUSA UN CAOS!!

“BON TA KICO MAS E NEGRONAN DI SAN NICOLAS KIER ANTO!!

DAYction TO rivate fun

Aunke NINGUN mandatario a bay ricibi nos heroënan na airport

Seleccion Femenino di Aruba merece at least un bon regalo di Gobierno

Carnaval Specials!

5.99

9.99 3.79

BV Freezer Pops

36ct

for a p

Nestle Water 8oz/ 24pk

RITZ Soda Drink 3lt

Weekend 47.99 51.99 SPECIAL ONLY

Presidente Bottle 7oz box 24pc

Balashi Chill Bott.22cl box 24pc

5

%

DESCUENTO riba TUR

bo compra!

Solamente pa nos Penshonadonan 60+

Promotion valid till 6 Feb /2013

Diabierna Februari 1 2013

Pagina 2

EDITORIAL Pa Edmond Croes

Arma Mortal pa Pueblo di Noord na caminda

AVP ta bende salud di pueblo di Noord pa 69 miyon cu multimiyonario *** Paul Croes: Ayera nos a keda babuca di tende Paul Croes hiba un discurso den parlamento, unda e ta mustra aprobacion pa e proyecto di Urirama. Na luna di Mei 2012 el’a firma CONTRA e proyecto y te cu awe nada no a cambia! Paul Croes a trece un hustificacion fofo, sin base, unda e kier tilda oposicion di ta haci wega politico pa ranca voto! Pues, Paul Croes a mustra su berdadero cara, unda e kier bira lomba pa pueblo di Noord pa asina e vota pro e proyecto, pasobra e no ta interesa den salud di e pueblo. Ora cu Paul ta papia di haci wega politico, na kico e ta referi?

Na Lisette Malmberg? Of na Juni Croes su primo? Ambos ta contra e proyecto y ningun di dos ta politico. Es mas nan a laga trece expertonan cu a mustra bon cla cu e proyecto ta peliger pa salud. Dje forma aki kier bende e pueblo di Noord? ‘Ta nan ta bira malo, no ta ami’ !! Asina ta pensa? *** Sconde tras di Mer! Mer - rapport no ta duna ningun garantia pa salud! Esey nan a contesta tur parlamentario. E parti aki, e parlamentarionan no kier a tende? *** Peliger pa Salud! E proyecto ta un arma mortal pa pueblo di Noord! Tin investigacion cu ta mustra cu e ta stroba un persona di coy un sonjo profundo, cual lo trece tur sorto di enfermedad cune! Ta esaki Avp kier pa pueblo di Noord? Nos ta condena e actitud, unda cu AVP no kier scucha pueblo! Nan ta bira lomba pa pueblo pa asina pusha e proyecto aki tur tur cu tin!

Comportando hastro contra pueblo, AVP mes ta cobando su graf! Dalbay AVP!! Sigui !! Bo dianan ta conta!

Guardia a stroba ladronnan di bay cu bicicleta STA. CRUZ -- Central ta manda polis diarazon anochi, 21.35 na un highrise hotel, pa n kiebro y intento di ladronisia. Na yegada polis t apapia cu e guardia, J.L y e ta bisa cu tabata controla y a mira seis persona desconoci riba e tereno.

Tambe e ta bisa cu el a mira un di e hombernan kibra e candal y tres di nan a coy tres baiskel.

El’a sigui declara cu dos colega a logra kita e

REUNION DEN PARLAMENTO TA SIGUI AWE 9’OR DI MAINTA AINDA NO TA SIGUR KICO LO PASA CU E MOLINANAN DI BIENTO

STA. CRUZ -- Parlamento a cuminsa trata e tema di e molinanan di biento.

Tribune di Parlamento tabata yen yen, un banda esnan contra e molinanan y e otro banda esnan na fabor, pero mas bien na fabor di gobierno. Eseynan tabata mas o menos 50 coordinador y werkster cu ta traha na Gobierno, cu a sinta henter dia den Parlamento. En vez di traha pa e placa cu nos pueblo ta paga pa nan. E coordinadornan tabata hopi arogante y insolente y tabata insulta esnan cu a bin pa scucha e debate. Esnan contra e proyecto tabata hopi emocional, pasobra ta nan destino ta wordo afecta. E debate mes

tabata interesante. MEP den forma cla y raspa a elabora riba tur e diferente aspectonan pakico e proyecto no ta bon. Fraccion di PDR tambe a trece varios asunto legal dilanti pakico e proyecto no por sigui. Mervin Wyat-Ras no a expresa su punto di bista claro, pero si a haci diferente pregunta cu ta mustra cu e lo no sostene e proyecto. Falta pa hiba palabra ainda Marisol Lopez-Tromp cu no por haci otro cu opone e proyecto cu ta viola e ley di’ruimtelijke ordening’ cu e mes a traha. Y Booshi Wever cu tambe a bisa cu e ta contra.

Di fraccion di AVP nan presentacion tabata masha zwak mes. Hopi

expectativa tabata tin pa e dos candidatonan di Noord, Juan David y Paul, pero nan a decepciona pueblo di Noord mesora ora nan a cuminsa. Asina mes Paul a bisa di no sa ainda kico e lo vota, debi cu awor e kier haci pregunta na gobierno.

Lainda Westerhof no tabata presente, aparentemente den exterior debi na cirugia estetica cu e ta haciendo riba su curpa. Ta laga AVP cu apenas 9 sigur na fabor. Ta solamente si Paul y Juan David traiciona nan pueblo di Noord, e molinanan lo bin. Pues awor ta den man di Paul y Juan David kico lo pasa. Reunion ta sigui 9’or awe mainta.

MR. EVELYN WEVER-CROES, LIDER DI MEP:

NO KITA NOS KAPEL DI ALTO VISTA FOR DI NOS! STA. CRUZ -- Parlamentario Evelyn Wever-Croes den Parlamento a haci un apelacion fuerte y emocional riba gobierno pa no kita e Kapel di Alto Vista for di nos. “Expertonan a informa Parlamento cu unavez e molinanan di biento bin, ningun hende lo sinti trankil mas den e kapel. Ora bo baha for di auto y sonido di biento ta pone cu bo no ta ripara cu e molinanan tey, bo no ta scucha nan. Pero una vez bo ta den e Kapel, bo ta sinti un presion den bo pecho, cu ta dunabo gana di core bay. E molinanan lo caba cu e paz y trankilidad na Kapel pa semper. E amor berdadero di Aruba pa Kapel di Alto Vista ta algo puro y cu un historia rico y largo. 60 aña pasa henter Aruba a UNI pa Re-Construi nos Kapel. Mi tanta grandi Shon Kita a haci esfuerzonan sobrehumano, hunto cu su ruman Mai Lacle di Mai Store, pa renoba e kapel. Hopi di nos tin e custumber ora nos haya

un yiu prome cos cu nos ta haci ta bishita e Kapel.

Otronan tin e custumber di hiba bouquet di flor na Kapel. Ora di maleza of situacionnan dificil den bida, hopi ta recuri na resa un rosario na Alto Vista. E rosario bibo ora tin luna yen ta algo hopi bunita tambe.

Dia 7 Oktober ultimo nos a uni atrobe pa celebra 60 aña di inauguracion di e kapel. Minister President tambe tabata presente e dia

aki y por a sinti e amor cu nos pueblo tin pa Virgen di Alto Vista. E mes por a sinti e importancia di e momento ey, den e celebracion solemne unico aki. E por a sinti e paz, harmonia y felicidad cu nos tur ta sinti na Kapel di Alto Vista. Pesey sra. Evelyn Wever- Croes a haci un apelacion na henter Parlamento pa ban uni awor atrobe pa mantene e pureza di e Kapel y nos naturaleza.

Diabierna Februari 1 2013

HOPI COLOMBIANO SEGUN “FUNDACION DEN NOS COMUNIDAD” TA DEN POBREZA!!

Kico Oscar Hernandez ta pensa di esaki? Kico Mike ta pensa di esaki?

STA. CRUZ -- Awor pueblo kier sa kico e famoso locutor Colombiano, Oscar Fernández ta pensa ariba e pobreza den e Colombianonan? E ta bay sigui defende Mike Eman? E locutor aki ta un di e poco Colombianonan cu si a progresa door di gobierno di AVP, pero e tantisimo otro Colombiano cu ta traha duro y tin dos/ tres trabao aki pa cria nan famia aki y na Colombia awor cifra nan ta mustra cu nan ta den pobreza grandi. Kico e Oscar Hernandez ta pensa ariba e locura cu Mike Eman ta paga un dineral pa Wubbo Ockels, traha caminda, viahamento y fiestamento etc.? Oscar Hernandez ta haya ocho mil florin djis papia na radio? Un dineral pa un homber cu no ta studia? Oscar Hernandez ta gana mas cu un polis? Un capital pa djis haci propagando na e latinonan pa stima Mike? Pa e Colombiano stima Mike siendo cu nan ta den pobreza? Un Mike cu ta prefera di

paga Wubbo Ockels pa un boottrip di mas di un miyon y e Colombianonan ta den pobreza. Of esaki no ta interesa e Oscar Hernandez y/of Mike Eman? E pueblo Colombiano mester tende di Oscar Hernandez (afl.

8000,00) ochi mil pa luna kico e ta pensa. Nos kier sa kico ta e defensa di Oscar Hernandez?

Kico ta e defensa di Mike Eman pa duna hustificación pa si paga Oscar Hernandez y yuda e otro Colombianonan?

Con Oscar Hernandez por hustifica actuacion di e gobierno aki? Oscar Hernandez ta usa palabra di Dios ki ora ta cu convini’e y awor nos kier sa kico e ta pensa ariba e pobreza den su paisanonan cu a crece bao di gobierno di Mike Eman. Of te ta pensa cu e mester sigui defende Mike pasobra sino ocho mil ta desaparece y e no por sigui biba dushi. E ta tristo pa mira ta cu “Fundacion den nos comunidad” a confirma ya locual hopi na Aruba ya tabata sa.

Pagina 3

URGENTE!! URGENTE!! URGENTE!!

Keuring di vehiculona​n di motor prome cu parada

Di parti di Vocero di Polis sr. Papito Comenencia kier manda un yamada urgente na tur hende cu kier core cu un vehiculo di motor (truck, trekker en oplegger, pickup, auto, generators, etc. etc.) den cualkier parada e weekend aki cu nan mester core bay mañan mes bay keur esaki den pura na DTI ya cu tur loke NO ta gekeur.... no ta drenta parada mas!! Nan no ta bay haci excepcion ya cu a manda un comunicado un biaha caba pa avisa tur hende via prensa. Pa cualkier informacion por tuma contacto cu sr. Papito Comenencia.

Aunke NINGUN mandatario a bay ricibi nos heroënan na airport

Seleccion Femenino di Aruba merece at least un bon regalo di Gobierno

Nos por a sigui un bunita programa na Canal 22 ayera nochi unda durante e programa di carnaval Sandra Croes a dedica un gran parti di su show na e heroënan di Aruba kendenan a gana medaya di ORO na Bahamas recientemente y a clasifica pa Mundial di Softball cual lo tuma lugar final di Juli na Cali Colombia. Pueblo por a goza un pa un di e muchanan y asina cera conoci cu nan. A repasa un storia bunita y a mustra tur e medayanan y tambe premionan individual. Hopi ta esnan cu a expresa cu lagrimas tabata sali for di nan wowo mirando e talentonan aki conviviendo e trabao cu e hobennan aki a realiza pa Aruba. Por a tuma nota cu riba facebook di varios

atleta aki a core un storia cu ningun mandatario no tabata presente na airport pa ricibi e atletanan aki. Mester bisa si cu Gobierno tey semper por ehempel pa ricibi Futbolistanan Hulandes miyonario y a regala nan tur cos por nada.

Tambe a nota cu gobierno tabata tin basta placa pa regala un club di futbol Americano Patriots vakantie na Aruba cu hotel y tur cos paga.

Otro hazaña y logro di gobierno ta cu a sponsor team Sparta un team miyonario na Hulanda.

Minister Visser den luna di Augustus a sali bay te London bay duna algun atleta cu no a ni clasifica pa bay Olympiada un sorpresa. Pues pa esey tambe tabata tin placa.

Asina tin un cantidad di

otro prueba con gobierno tin placa pa tur otro sorto di deporte NO - local mientras esnan cu ta carga e bandera di Aruba cu HONOR alzando e nomber di Aruba, mester keda roga pa haya algo.

Ni un bishita?

Awe tardi por a comprende cu Visser lo bishita e atletanan.

Spera cu Visser por duna e atletanan aki un regalo di balor cu nan por hiba resto di nan bida como un recuerdo unico. Alavez sigur nan merece nan fiesta y kizas un weekendstay cu tur cos paga. Ta “ORO” nan a gana y a marca historia.

Si tin pa tur otro, ban waak kico lo tin pa nos HEROENAN NACIONAL! Un Observador.

Diabierna Februari 1 2013

Pagina 4

MR. EVELYN WEVER-CROES RIBA URIRAMA:

PAKICO PONE SALUD DI HENDE NA RIESGO? “Ami como mama hamas lo por tuma un decision si mi sa cu mi ta pone salud di mi yiunan na riesgo” STA. CRUZ -- Durante tratamento di e reunion publico di e di dos parke di molina di biento di Urirama, lider di MEP a hiba un discurso elocuente, cu un voz sereno y serio, ilustrando e importancia di e tema.

Desaroyo internacional: Tur pais na mundo ta lucha pa baha nan gastonan di awa y coriente y na mes momento tin menos energia sushi y bay pa energia limpi. Pero naturalmente, e pais y su ciudadanonan mester por cargue. Y caminda cu e ta causa daño na salud di hende, nan ta wordo para of kita. Mas y mas pais na mundo ta poniendo un paro na molinanan di biento cu ta mucho cerca di areanan habita.

Na Merca, Inglatera, Hulanda, Belgica y na Australia nan ta parando cantidad di e proyectonan aki. Si nan ta haci esaki, mester tin motibo. E pregunta ta, dicon nos ta persisti pa sigui den e direccion aki, mientras mundo ta kitando di e direccion aki? Ademas, varios pais a pone metanan pa loke ta trata energia limpi. Union Europeo a pone pa su mes e meta di 14%, pero nos gobierno kier pa Aruba yega na 100% di energia limpi.

Aruba: E tema aki ta tin atencion di hopi ciudadano, aki na Aruba tambe. Ayera so mi a haya mas di 100 email y mensahe di hendenan cu mi no conoce mes, pero cu kier a pidimi pa trece nan preocupacionnan padilanti y pa expresa cu nan ta contra e proyecto. Esaki ta e prome tema cu mi ta

mira nos comunidad ta convivi asina intensivo.

Pa e gobierno actual e tema di energia limpi ta hopi importante, pero e impresion ta biba cu na caminda e gobierno aki a perde contacto cu realidad. Dicon?

Pasobra energia limpi mester ta sostenible, pero si na caminda bo ta destrui naturleza y bo ta dispuesto pa pone salud di miles di persona na riesgo, esaki no ta sostenible!

Gobierno anterior: Tempo di Gobierno di MEP WEB a cuminsa haci inversionnan miyonario pa riba un tempo realistico bira poco poco menos dependiente di fuel. A inverti den motornan Recip y salt water reverse osmosis. Y awor, danki na e inversion aki, nos por mira e efecto den e rebaho di prijs di awa. Pues, e inversion aki, e vision aki di WEB a funciona. Tambe WEB a inverti den e prome parke di molina di biento, na Vader Piet y maske cu e protecto di Vader Piet no ta duna e 20% di energia manera spera, toch e ta un aporte, na un averahe

di rond di 10 pa 12%.

Esaki no a resulta den prijsnan di coriente abao, es mas, ta subi e prijs di coriente a subi. Pero e ta un paso den e bon direccion, e direccion di energia limpi. E intencion di e parke di Molina na Vader Piet tabata pa e ta transitorio. Pasobra E solucion pa baha prijs di awa y coriente tabata y ta GAS. Pero cu e di dos parke di molina na Urirama nos ta mira cu e molinanan di biento no ta wordo mira mas como “transitorio” sino mas bien ta bira permanente. Pasobra ni su nos haya gas por nada, e no ta baha prijs di coriente, segun informacion di WEB. Lubida interes di pueblo: Y esaki ta di lamenta. Manera mi a bisa na principio, e lucha di cada pais ta basa riba 3 pia: 1. Pa yega na costonan mas abao y 2. energia mas limpi, y 3. sirbi mihor interes di e pueblo. E rumbo cu gobierno kier tuma awor cu e di dos parke di Molina ta sigui riba solamente un di e pianan aki, esta energia mas limpi, pero ta laga e

parti di reduci gasto cay y ta sacrifica bienestar di nos pueblo.

No ta reduci gasto: E parke di Molina di biento lo no reduci nos gastonan di coriente, pasobra segun nos a wordo informa pa WEB, nan lo ta mara na e contrato cu Vader Piet y no por baha e gastonan.

Pero di otro banda, e simpel idea so cu e molinanan por bin den un area sagrado, cu ta den vecindario di e kapel di Alto Vista, ta yena hopi hende cu ansha.

E simpel idea cu ta bay expone un cantidad grandi di habitantenan na riesgo pa nan salud, ta preocupa hopi hende.

Expertonan cu nos a consulta a declara cu tin un relacion directo entre e molinanan y problema cu salud. Mas aleu nos a scucha di esnan cu a wordo afecta pa molinanan na Merca.

Nan a conta nos cu na Merca, den e areanan di molina di biente, ora mamanan ta bisa nan yiu: bo a skeiro djente, bo a haci bo oracion, bo a bebe bo pilder pa drumi? Esaki ta loke nos kier pa nos muchanan na Aruba? Bo no mester

ta un mama of un tata pa sinti cu esaki hamas nos mester permiti pasa na Aruba. Pakico Urirama? Si e no ta baha nos gastonan di awa ni coriente, pakico nos mester drenta e aventura financiero aki?

Tin hende ta sigur cu aki tin cu paga favornan di amiguitonan, poco riba mesa y poco bao di mesa. Otronan ta insisti cu tur esaki ta pa nos prome minister haya creidto internacional, un reconocimento, un premio of algo asina. Ami no sa cual ta e motibo.

Pero ningun di nan, placa pa amiguitonan, ni reconocimento internacional, por hustifica cu ta pone salud di hende na peliger.

Ami como Mama hamas lo por tuma un decision si mi sa cu mi ta pone salud di mi yiunan na riesgo.

Hamas! Y mi no ta kere cu necesariamente bo mester ta mama of tata pa bo por sinti esaki. Bo mester ta simplemente un ser humano, cu curazon pa bo yiunan of pa bo pueblo. Un lider di un pais cu ta pone su reconocimento personal riba bienestar y salud di su hendenan, ta un burdugu. E no ta digno di wordo yama un lider! Y segun mi, aki e problema ta sinta. Cu e lider di nos pais, esun cu ta capitan di e barco aki cu yama Aruba, no tin curazon pa su pueblo. Naturalmente nos tambe ta sostene intentonan pa bai riba e rumbo di energia limpi.

Ta bao di e gobierno di MEP a cuminsa cu e vision aki! Pero hamas por ta asina cu interesnan economico of interesnan di ego personal, ta wordo poni riba interes general y bienestar di nos pueblo.

Diabierna Februari 1 2013

Pagina 5

Indira Solognier ta e cara nobo di KPMG Aruba riesgo y su experiencia como proveedor di servicio pa e clientenan exigente di e mercado di Aruba, Indira Solognier ta un adkisicion extraordinario pa nos oficina di KPMG na Aruba," asina Lindomar Scoop, Presidente

STA. CRUZ -- KPMG na Aruba ta contento di por anuncia cu nan ta yama bon bini na Indira Solognier (39) den e puesto di “Director Advisory” y “Office Leader”. Cu e adkisicion di Indira como e lider nobo di e oficina di KPMG na Aruba, nan ta anticipa di por brinda un servicio ainda miho na e clientela di Aruba.

Indira Solognier a laga KPMG na aña 2002, despues di a traha cu e compania pa 5 aña como “Senior tax consultant”.

El’a adkiri experiencia na un compania di seguro conoci na Aruba durante e siguiente dos añanan y na 2004, el’a cuminsa su propio compania.

Despues di desaroya un compania exitoso, cual tabata activo riba tereno di duna conseho financiero y di seguro, Solognier a tuma e paso consciente di bolbe na KPMG. "Pa mi esaki tabata un paso logico.

Despues di mas di nuebe aña di brinda servicio via di un oficina local, cu placer mi a tuma e oportunidad cu KPMG ta ofrece mi. E mercado y e tipo di trabao di conseho cu KPMG ta desplega y tambe pa forma parti di un red mundial profesional impresionante, manera esun di KPMG, ta pa mi e argumentonan mas importante pa mi a tuma e paso aki," asina Solognier a splica cu entusiasmo. "Cu su carera den maneho, finanzas y evaluacion di

di KPMG den Caribe Hulandes & Surinam, a expresa cu orguyo.

E yegada di Indira ta tuma lugar hustamente den e aña cu KPMG Aruba ta celebra su di 30 aniversario.

KPMG ta activo riba e mercado Arubiano for

di aña 1983 y desde su establecimento a realiza hopi proyecto den e sector publico como tambe den sector priva. KPMG a bira un parti indispensabel di e mercado Arubiano.

KPMG lo engrandece su presencia mas ainda

cu e yegada di Indira Solognier. E team di KPMG Aruba, di cual Audit Director Nicole Baptista ta miembro, hunto cu nan director y “Office Leader” Indira Solognier, ta trece un era nobo pa e oficina di KPMG Aruba.

Diabierna Februari 1 2013

Pagina 6

BENNY NISBET, LIDER DI PPA:

GOBIERNO SU COORDINADORNAN DEN TRIBUNE A CAUSA UN CAOS!!

PRESIDENTE DAMMERS NO POR A CONTROLA E SITUACION Y ’SCHORS ’ E REUNION TOT NADERE ORDE’!! ta kere…!! Ultimo orador prome cu STA. CRUZ -- Mainta ora pueblo di e ‘schorsing’ cu a grita hopi … papia Aruba cu tabata visiblemente contra riba hopi topico menos riba e topico e intencion di Gabinete Mike Eman di URIRAMA tabata parlamentario pa pone e proyecto di ‘windmolen’ Melvin Tromp cu a inicia su discurso cu na URIRAMA … contra masha hopi e ponencia ORA UN YEYE SINTA RIBA argumento serio di e ciudadanonan UN PALO E TA CUMINSA GRITA…… sin cu a haci nan propio ‘huiswerk’ y a mustra kico esaki tin di haber cu e a presenta masha hopi argumento topico. Na final di su discurso hopi serio pakico e intencion aki ta malo emocional por a conclui cu e mensahe y lo perhudica e pueblo di Urirama y vecindario ….. tabata protesta por a nivel di reunion a baha …. NO pa e di parlamentario Melvin Tromp (AVP) observa na cara di esnan cu ta sostene nivel mes di oradornan di parlamento tabata ……. AMI TA PRO….. PERO NO gobierno un preocupacion …… y cada pero …. pa motibo di e ambiente PUNTRAMI PAKICO??? E decision rato por a tende Presidente interino, sr. crea door di esnan cu Ministronan di ‘schorsing tot nader orde’ por Dammers dirigi su mes na e publico… a forza bay den Tribune……!! Cierto wordo considera como un Victoria pa nan keda keto. Ora reunion a sigui momento e pueblo presente tambe pa oposicion…. gobierno den e caso tabata visible cu Ministronan a manda a cuminsa lanta pa nan derecho riba aki … apesar cu supuestamente nan coordinadornan/ bodyguardnan nan opinion …. Si Coordinadornan nan tin un mayoria…. No por guia pa nan tambe sinta riba tribune. por grita … haci desorden y NO ta un reunion pa termina e topico aki For di inicio atardi por a tende con wordo para pa Presidente, anto … manera ta nan deseo. Bastante nan tabata grita y haci desorden … Pueblo tambe tin derecho toch..!! pregunta a wordo haci … cu gobierno contra miembronan di parlamento Esaki a crea un presion di otro mundo lo mester contesta y clarifica… varios di oposicion … pero tambe contra y Presidente Interino, sr. Dammers cu ta haci gobierno hopi dolor….. pero pueblo presente….. Esaki SIN cu a scoge esaki pa schors e reunion ainda e prome tanda no a termina… presidente interino, sr. Dammers casi aki ‘tot nadere orde”. Esaki pa baha visiblemente gobierno Mike Eman NO a interveni… y pakico???? Pa e presion, pero pa duna su propio tin hopi dolor cu e locual a wordo No haya su mes ta saca coordinador/ ministronan mas tempo pa prepara cualifica pa miembronan di oposicion bodyguard/defensor di su propio nan contestanan…… sin embargo como E DRAMA DI URIRAMA..!! ministronan!! Tur esaki a pone cu e esaki por causa Gobierno mas cu e

Diabierna Februari 1 2013

Polis ta hiba pacient fastioso su cas STA. CRUZ -- Asistenia di polis a wordo pidi diarazon 05.35 na Poli pa un homber fastioso cu ta causa molester.

Na yegada e guardia a bisa polis cu un homber a bin poli pa asistencia medico y ora cu el’a caba e mester a bay cas, pero a keda haci fastioso cu e trahadornan. Polisnan a papia cu e homber P.A. naci na Aruba di 64 aña, kende a bisa polis cu e ta biba na Jan Flemming y no tin auto pa e bay cas.

Polis a hibe su cas.

Choller Bull ta cana busca lugar pa drumi STA. CRUZ -- Polisnan di San Nicolas a bay diarazon 2.50 na un cas na Weg Fontein pa un asistencia na unda un choller ta drumi den cas di hende. Na e sitio e habitantenan ta mustra polisnan e conocido choller “Bull” cu ta drumi bao di afdak riba un sofa sin nan permit.

Polis a lante y a mande for i e sitio. Banda di 7.30 asistencia a bolbe wordo pidi pa Bull. E biaha aki, e tabata haci fastioso na haltura di Arubus. Polis a bolbe core cune for di e sitio.

Cas a keda sin gas, ladron a bay cu e botter STA. CRUZ -- Asistencia di polis wordo pidi na un cas den Tafelbergweg. Eynan nan tapaia cu e doño A.B. naci na Aruba di 52 aña, kende ta bisa polis cu ladronnan a bay cu un botter di gas. Polis a tuma e keho.

Pagina 7

Notificacion na Publico:

Oficina di IBiSA ta cera diabierna mainta STA. CRUZ -- Instituto Biba Saludabel y Activo, IBiSA ta informa na publico cu su oficina principal situa na e di dos piso di Certified Megamall y tambe IBiSA Sport Centrum San Nicolas, situa na

dr.

Schaepmanstraat 52 ta cera parti mainta riba diabierna dia 1 di Februari 2013. Tur empleado ta asisti na un workshop e mainta aki riba “Work Life Balance”, cu ta keda duna door di sr. Henry

Does.

Directora di IBiSA y empleadonan ta gradici pa e

comprension y na mes momento ta informa na publico cu ambos oficina ta habri bek diabierna merdia for di 1:00p.m. te 4:30p.m. pa duna e servicio di custumber na un y tur.

Diabierna Februari 1 2013

Pagina 8

SETAR su prome 10 añanan como NV STA. CRUZ -- SETAR NV a bira un realidad dia 1 di Februari 2003. E compania di gobierno a pasa di SETAR pa SETAR NV, den e formato di un compania NV. E retonan cu SETAR NV a enfrenta mesora tabata e cambio radical di un compania di gobierno cu empleadonan publico den uno den cual e empleadonan lo mester a traha enfoca riba prestacion. Internamente hopi cambionan mester a tuma lugar pero na mes momento cu SETAR a bira un NV, e competencia di otro compania na Aruba den telecomunicacion a haci su entrada. E dos retonan aki, tanto interno como externo a exigi hopi esfuerzo grandi pa trece e cambionan necesario pa tin exito. Sr. Roland Croes a bira e prome director di SETAR como NV y el’a tuma e responsabilidad aki hopi na serio. Apesar cu e tabata parce un tarea hopi dificil, e empleadonan cu a bay over den e NV tabata determina pa traha di SETAR un NV solido y nr.

1 den Telecomunicacion na Aruba. Den e proximo temporadanan cu a sigui, poco poco pero sigur tur hende por a cuminsa nota e cambionan.

Un re-organizacion total a tuma lugar internamente den cual a traha conhuntamente cu tur trahador y den cual e sindicato STT (Sindicatonan di Telecomunicacion di Aruba) a hunga un parti activo den esaki. E meta comun: UN SETAR NV fuerte y exitoso den cual prestacion di un trabao excelente pa e cliente y e halta calidad di tecnologia ta primordial

. Asina a firma e prome contracto colectivo dia 11 Juli 2003. Un cambio radical a tuma lugar na 2003, y e compania a cuminsa intensifica nan enfoque riba e cliente. E mesun aña, e compania SETAR NV a adopta e filosofia di “One-Stop Shopping”, den cual a aim pa e cliente por haya tur servicio of product na cualkier outlet of Teleshop di SETAR. Tur servicio bao di un solo dak. A rekeri pa cambia y automatiza varios sistemanan interno den e compania, mientras

ta engrandece e vision di e compania, mehorando e servicio pa haci e clientenan contento.

Actualmente e clientenan tin acceso di tur tipo di servicio na tur SETAR Teleshop pero tambe servicionan online cu SETAR ta brinda. A renoba tur Teleshop un pa un, pa nan refleha e dinamismo nobo y inovativo di e NV. E prome tabata esun di Irausquinplein na Playa cu a haya un renovacion completo. Despues cada un di e Teleshopnan a experencia e cambio.

Diabierna Februari 1 2013

Pagina 9

Diabierna Februari 1 2013

Pagina 10 MR. EVELYN WEVER-CROES, LIDER DI MEP:

URIRAMA TA MALO PA MEDIO AMBIENTE Y PA HABITANTENAN

SR. ROMEO ROMBLEY A DESPIDI DI E CUERPO DI ADUANA

Durante e reunion den Staten tocante e parke di molina di Urirama, lider di MEP a trece varios punto padilanti

STA. CRUZ -- Energia limpi: “Nos partido ta na fabor di energia limpi. Pero e proyecto aki ta trece cune cu mester inverti den un gran cantidad di bacteria pa backup. Henter un veld di futbol, segun expertonan a splica nos, pa asina por duna backup ora biento cay.

E baterianan aki ta contene material quimico cu ta nada bon pa nos medio ambiente.

Y e baterianan aki ta duna coriente solamente pa algun minuut, mientras WEB ta lanta su sistema bek. Pues na WEB semper mester tin motornan ta draai riba diesel pa por lanta na momento cu biento cay. Maquinaria cu ta paga ora tin biento y cu mester cende ora biento cay. Y ta parcemi cu si bo ta sende paga un machine, e no ta wanta hopi. Mescos cu si bo ta cende paga un auto cada rato, e no ta wanta hopi y lo costabo mucho mas.

MER-rapport y conseho di comision independiente: “E rapport cu fraccion di AVP a laga traha y cu a costa 30 mil florin, ta confirma nos preocupacion. Nan a bisa claramente riba e pregunta cu si e molinanan ta causa daño na salud di hende, “wij sluiten het niet uit”.

Pues, nan no ta exlcui e riesgo ey, nan no por duna garantia cu e molinanan ta completamente safe. Y pa colmo e solucionnan cu nan a propone ta pa nan pone airco den full e cas, pero ken ta paga e ora? Of nan a bisa pa cambia e kamber di drumi pone banda pazuid.

Aki na Aruba pazuid nos ta pone e cushina of otro cos, pasobra kambernan di drumi ta pariba of panort. Aruba ta un comunidad chikito. Un comunidad den cual nos tur kier lo mehor pa nos isla.

Ban haci’e hunto, ban ta un ehempel pa resto di mundo.

Laga nos demostra mundo henter cu e cambionan cu no kier mira riba nos pais ta bin di paden. Nos no mester laga

nos mes wordo influencia pa desaroyonan internacional of companianan grandi internacional cu unico cos cu nan kier ta gana mas placa, sacrificando sernan humano.

Companianan di afor cu no conoce e importancia di e lugar cu yama Alto Vista! No! Aruba ta un pueblo cu hopi amor pa su prohimo. Ban mustra respet pa nos prohimo y no ban pone salud di hende na riesgo. E dicho ta bisa tin otro camindanan cu ta yega na Roma y den e caso aki, tin otro camindanan pa yega na un Aruba cu energia limpi y na mes momento baha nos gastonan di awa y coriente.

Otro camindanan cu no ta pone salud di hende na riesgo. WEB tin un vision. Ban laga nos expertonan guia nos den esaki. Ban evalua e proyecto na Vader Piet. Ban atende cu habitantenan cu ta sufriendo consecuencianan di salud di e molinanan aki.

Ban experimenta cu energia solar. Y ban laga WEB haci e inversionnan realistico pa nos yega na un WEB sostenible y redusiendo gastonan di produccion. Tin suficiente otro alternativa, pero ta determinacion y disponibilidad politico mester tin. Ban mustra cu nos sa con pa pa pone bienestar di salud di nos famianan di nos muchanan inocente na prome lugar. Bo no mester ta un mama ni un tata pa tuma decisionnan responsabel. Bo mester simplemente di tin curazon pa bo pueblo.

STA. CRUZ -- Gerencia y demas coleganan di e Departamento di Aduana a tuma despedida di sr. Romeo Rombley, mirando cu sr. Rombley a bay disfruta di su vakantie pa despues e bay disfruta di su pensioen bon mereci entrante 14 di Februari proximo. Sr. Rombley a labora pa casi 37 aña na Douane, cu ta un tempo

basta largo. Sr. Rombley a inicia su carera como “hulpkommies der belastingen” 16 di Juni 1976. Despues cu ela sigui y a termina e curso di Kommies der belastingen 2de klasse exitosamente, ela wordo promovi pa e rango menciona prome di Mei 1981. Aki ta sigui un relato di e promocionnan cu sr.

Rombley a haya durante

su trayectorio laboral na e Departamento di Aduana: - 1 Mei 1984 Kommies der belastingen 1ste klasse; - 1 Juli 1990 Kommies der I&A 1ste klasse A; - 1 September 1993 Hoofdkommies der I&A; 1 September 1997 Hoofdkommies der I&A 1ste klasse; 1 Juli 2001 Hoofdkommies der I&A 1ste klasse A. Sr. Rombley a labora na diferente seccion di douane manera seccion di Aeropuerto, Playa, Waf y pa ultimo el’a labora den e funcion como “dienstleider” na seccion di douane na San Nicolas. Locual ta di remarca ta cu sr.

Rombley a mustra un dedicacion enorme pa cu su trabao mirando cu el’a traha e ultimo 10 añanan sin bira malo Un danki tambe ta bay na su distinguida esposa pa e sosten grandi cu el’a duna sr. Rombley durante tur e añanan di servicio den e Cuerpo di Aduana. Gerencia di e Departamento di Aduana y su coleganan, muy especial su coleganan di seccion San Nicolas a desea sr. Rombley hopi exito, salud y forza den su bida nobo como pensionado y cu Dios bendicion’e ricamento. E Directora Operationeel sra. mr.

Corinne Cabenda y e hefe di seccion San Nicolas, sra. Patricia FlandersIllis a gradici sr. Rombley den nomber di e Cuerpo di Aduana y Pais Aruba pa su dedicacion y contribucion grandi cu ela aporta durante su trayectorio laboral.

Riba e potret bo por mira e coleganan di seccion di douane na San Nicolas cu a despidi di sr. Rombley y nan a entregue un bunita plakkaat como regalo pa e keda recorda e Cuerpo di Aduana.

Diabierna Februari 1 2013

Pagina 11

Parlamentario di fraccion di MEP, Arondino Croes:

Ta importante pa pueblo ta presente den Parlamento awe mainta 9’or!

STA. CRUZ -Parlamentario Arondino Croes di fraccion di MEP ta haci un apelacion na tur ciudadanonan di vecindario di Noord, Alto Vista y Aruba henter pa presencia e Reunion Publico awe mainta den sala di Parlamento unda lo bay discuti si e proyecto di Urirama lo bira un realidad si of no.

Segun Parlamentario Arondino Croes e reunion aki ta di suma importancia pa motibo cu Gobierno ta papia hopi di sostenibilidad y esaki tin su componentenan importante ora bo ta desaroya un pais a base nacional. Y partido MEP a constata cu Gobierno no a traha un plan a base di desaroyo nacional.

“Den un plan di desaroyo nacional cu ta e fundeshi di e desaroyo di un pais, ta bin e parti cu mester tene cuente cu n’e pa cualkier proyecto, inclusivo di esun di Urirama, mester tin componentenan economico, balanza cu componentenan social y componentenan fisico.

Anto aki nan nos ta para keto cu e proyecto di Urirama,” Parlamentario Arondino Croes a bisa.

Segun Parlamentario Arondino Croes, ora partido MEP sinta analiza con e proyecto di Urirama ta contribui na e parti economico y di sostenibilidad na nos pais, Urirama no ta dunando niun trabao na nos pais, pa niun trahador.

“Den e sector di labor, economico e no ta bay tin su impacto, al contrario e ta un inversion di 250 miyon dollar, cu no lo

bay duna su rendimento por lo pronto,” según Parlamentario Arondino Croes. E Parlamentario Arondino Croes ta remarca ariba e parti fisico, unda e ta remarca cu e medio ambiente no ta bay tin sostenibilidad, mirando cu e molinanan aki tin practicamente, mesun haltura di Hooiberg, creando un bista y un estetica, no atractivo pa un area turistico. Parlamentario Arondino Croes kier recorda e ‘zonificacion’ di nos pais cu a wordo aproba, caminda un ley a wordo aproba cu ta segmenta y apunta areanan pa desaroyo pa nos pais y e area aki ta destina pa un zona berde.

“Esaki ta un area sagrado pa loke ta naturaleza. E no por ta posibel cu bo ta papia di sostenibilidad y bo ta contradeci bo mes den bo maneho como Gobierno na algo cu ya a wordo aproba pa Parlamento como un area pa naturaleza,” Parlamentario Arondino Croes ta bisa.

E Parlamentario Arondino Croes ta señala mas consecuencia economico.

Na momento cu e molina

di biento nan aki wordo instala e ta bay tin consecuencia pa e balor economico di e casnan den e zona di Urirama.

“E casnan aki nan balor lo baha cu por lo menos 50 porciento di nan balor.

Pesey ta importante pa esnan cu ta biba den e vecindario pa lanta un caso pa ‘vermindering op eigendom’ unda como ciudadano bo por lanta un caso contra Gobierno, pa cu impacto economico, financiero, social, cu bo ta afecta den e area aki,” asina e Parlamentario Arondino Croes a conclui.

Homber ta drenta cas sin permit y ta herida su ex amiga STA. CRUZ -- Asistencia di polis a woro pidi diaranson 11.00 na un cas den Caya Butishi, pa un hincamento.

Polisnan a bay cu urgencia y na e sitio, nan ta papia cu e muhe D.R. ,kende ta bisa polis cu su ex amigo tambe yama D.R. a drenta den su cas. E ta bisa cu ora cu el a drenta haye paden, e homber a kita su yabinan.Dor di esey a start un discusion y e homber a bin riba dje.

Un amiga cu tabata na e cas a logra tene e homber na un distancia, pero asina mes el a sway cu e cuchiu y a herida D.R. Despues di su acto, e homber a core bay.

Ambulance y Recherche a bin na e sitio . Polisnan a topa e homber na haltura di e cancha di baseball na Brasil y a deten’e.

Ladron atrapa, a core bay STA. CRUZ -- Presencia di polis a wordo pidi diaranson 18.,50 na un cas na Noord pa un homber sospechoso.Na e cas polis ta papia cu e muhe J.S.M, kende ta bisa polis cu banda di 17.30 el a tende e cacho patras di su cas blaf y ora el a bay controla, el a topa un homber desconoci, tur bisti na preto cu cara tapa. Dor di esey, e no por a reconoce e homber. E tabata scondi tras di e tuinhuisje den su cura.Ora cu e homber a mire el a core bay.Polis a bise pa ora e mira algo sospechoso e yamanan mesora.

Diabierna Februari 1 2013

Pagina 12

REMETIDO:

NOS ARUBIANONAN MESTER TA PROMER NA APA!

TA HUUR

Apartamento, 2 kamber, 1 baño, cushina, sala, comedor. Full muebla, airco!

Afl. 100.00 pa dia inclui awa y coriente.

Available pa December, Januari y Februari.

Situa na Noord, banda di Texaco Sasaki, 2 minuut di beach y hotelnan grandi.

Tel: 567-9696 PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Apreciable redactor di Solo di Pueblo, Nos kier a trece dilanti un inquietud cu ta reinando den APA NV. Cual lo ta siguiente: Desde ora cu a pone e Mr. Hoo como director nautico cosnan straño ta pasando den departamento nautico cual ta wordo derigi door di e meneer aki cu tin mas di 77 aña di edad.

Cual nan ta bisa cu e lo ta ariba un cotracto como consehero pero nada di ta consehero ta e ta decidi pasobra Mr. Boekhoudt cual ta e director general di e NV kier laba su man for di e departamento menciona anto laga un homber di un edad bastante halto y cu records cu no ta mucho bonita haci deshaci ey nan. Anto no ta educa pa tal posicion pero mester ta un amigo di un politico sea Mike de Meza of Eman of tambe Oduber.

Cual tolerancia a wordo pasa pa e meneer aki subi e toma di posicion.

E cabayero aki su preparacion tabata den tempo di Lago unda Lago tabata tin mester di Capitan pa su tugboat unda e diploma nan a wordo casi regala, esta di SKS. Unda varios di nos piloto di tempo di Lago cu tabata tin bon dominio di e trabao pa cual algun di nan a resulta trahando cu APA mes. Anto e meneer ey a purba su suerte den e departamento di Floating equipment di Lago, esta a r i b a tugs etc… y no a resulta como tal. Pior ainda como Pilot (loods) fatalisimo. El’a wordo baha for di den e departamento ey anto unda el’a wordo poni como Headagent. Y eynan el’a haci mal uso di LAGO su telecomunicacion usando esey como uso personal y pa su conhunto musical pa haci su comunicacion nan unda el’a wordo atrapa haciendo e abuso di telefoon yamando sin autorizacion el’a wordo manda pa highway out. Unda despues el’a haya un chance na St. Maarten.

Despues di esey aya tambe algun blunder a wordo cometi. Unda el’a wordo manda cera y pa despues cas unda el’a end up aki na e dushi baranca Aruba. Unda el’a traha na diferente establecimiento. Y despues pa medio di Politica sushi drenta APA pa haci algun dirty jobs. Anto awor e kier introduci un pilot (loods) pa bin traha aki na Aruba, segun tin entendi unda e ta pretende di bisa cu e ta un Senior

Pilot y tin entendi cu e homber no por ni dock un Barco di Auto es decir e no ta cualifica pa e trabao.

Anto unda gastonan extra lo bin cune esta pa provee cas auto tur loke ta concerni su estadia aki na Aruba. Y siendo den e seno di nos Aruban pilots nos tin hende capacita inclusivo uno cu a wordo manda cas cu vakantie y despues pa termina contract, siendo cu e ta un senior pilot cu el’a wordo manda inhustamente anto e lo por a wordo re - aloca den un contract cual lo a sali APA hopi mas barata cu trece un Amigo di sr. Hoo, cu ni na Corsou nan no kier mire, el’a wordo cori for di eynan unda el’a haya trabao na St. Maarten. Awor Hoo kier trece Aruba pa traha aki.

Cual lo ta inhusto unda nos tin Piloto nan full capacita cu tambe un di nan a wordo manda cas inhustamente pa ubica un Amigo di Hoo. Tambe nos tin Piloto nan full capacita den APA y esnan cu a haya retiro for di Valero, unda nos ta bay cu e sistema inaceptabel aki. Cual minister nan concerni hamas mester tolera y sorto di bochorno nan aki cometi door di Director Nautico interino y e hunta di directiva cu lo mester wordo manda cas pa asina haci un limpieza total den APANV. Pone hende capacita y no politica complaciente. Mi ta kere cu hamas esaki lo wordo acepta door di e empleadonan cu actualmente ta traha bao stress cu e hende aki. Gobierno maneha cada departamento sanamente especial departamento nan esencial di NV di pueblo. Pa un director nautico tin hende nan capacita den APA mes no tabata tin mester di busca un anciano incapacita pa bin haci e trabao.

Por fabor Gobierno tuma nota di kico ta pasando awor sino un lamento lo bin despues. NOS ARUBIANONAN PROME CU TUR HENDE CUAL TA CONCERNI CUALKIER TRABAO ARIBA NOS SUELO DI E DUSHI BARANCA AKI. YA TA BASTA CU MANEHO CORUPTONAN CU TA PASANDO UNDA HENDE NAN DI AFOR TA BIN OCUPA PUESTO NAN DI NOS ARUBIANONAN CAPACITA. TA BASTA SEÑORES. UN ARUBIANO HOPI PREOCUPA PA NOS HENDENAN.

Diabierna Februari 1 2013 Entrante Januari 2013:

Aumento di 100 florin mensual pa esan cu ta ricibi e asina yama “gehandicapten uitkering”

Pagina 13

BENNY NISBET DI PPA:

RIBA TRIBUNE UN COORDINADOR DI AVP A EXPRESA SU MES …

“BON TA KICO MAS E NEGRONAN DI SAN NICOLAS KIER ANTO!!

STA. CRUZ -- PPA ta para ariba cu ora e reunion publico di parlamento sigui mañan mainta cu representacion di Gobierno mester pidi disculpa pa e insulto y discriminacion expresa pa un coordinador den Tribune durante di e suspension cu a tuma lugar. Ora sr. Melvin Tromp (AVP) a caba di papia …. sr. presidente Dammers a schors e reunion pa algun minuut. E momento ey a surgi un clash di palabra entre e pueblo presente y coordinadornan di gobierno den Tribune. Cierto momento e pueblo presente a bisa e coordinadornan di gobierno…”boso gobierno a priminti San Nicolas masha hopi pero boso No a haci nada”. Cierto momento un coordinador cu voz duro a bisa…..” BON, TA KICO

MAS E NEGRONAN DI SAN NICOLAS KIER ??? Esaki a causa un reaccion di pueblo presente masha fuerte. Y net na e momento ey Presidente di Parlamento sr. Dammers ta ‘schors’ e reunion ‘tot nader orde’. PPA NO por larga e expresion aki expresa pa coordinadornan di AVP, esta sea contractant of ambtenaarnan den Tribune keda SIN wordo atendi

publicamente. PPA ta exigi di representacion di AVP pa nan pidi disculpa na pueblo di San Nicolas….. Discriminacion ta inaceptabel pa nos acepta atrobe. San Nicolas cu pueblo ta un pueblo mixto y a wordo priminti di ta PRIORIDAD NO. 1. di gobierno di AVP y te na e momento aki esey NO ta e caso. AVP su gobierno a inverti 1800 miyon florin den Oranjestad y NI un miserabel 30 miyon na San Nicolas. San Nicolas tin su derecho riba un inversion SUBSTANCIAL den dje y mester stop di discrimina y malusa nos pueblo. Nos NO por acepta e ponencia: BON TA KICO MAS E NEGRONAN DI SAN NICOLAS KIER !!!

Inaceptabel…….. un disculpa publico ta na su lugar.

Zero Tolerancia y Faya bo Haya

STA. CRUZ -- Entrante luna di Januari, esnan cu ta ricibi gehandecaptenuitkering via Sociale Zaken, a haya un aumento di 100 florin cual lo wordo ricibi tur luna entrante Januari 2013. Manera anuncia anteriormente caba, e decision pa aumenta e suma cu 100 florin pa luna a wordo aproba den Conseho di Minister unanimamente pa duna

e grupo special aki un tiki mas rosea financiero.

Minister Hooyboer a keda altamente sorpresa cu e noticia cu un persona cu a nota cu el’a cobra 100 florin di mas e luna aki a yama Sociale Zaken pa entrega esaki back!

Impresiona cu e actitud positivo aki Minister Michelle HooyboerWinklaar ta gradici e persona inmensamente pa su honestidad!

STA. CRUZ -- Ministerio Publico y Cuerpo Policial di Aruba (KPA) ta informa cu Polis lo listra preventivamente durante tur evento di Carnaval na San Nicolas y Oranjestad.

KPA lo actua strictamente durante e ultimo dos weekendnan aki pa garantiza seguridad riba caya. Manera a bira custumber tur Carnaval, Ministerio Publico ta sostene Zero Tolerancia di KPA cu su maneho Faya bo Haya. Den cuadro di e accion di listramento preventivo KPA ta autoriza pa para hende na manera arbitrario riba caya y listra nan pa arma na nan paña.

KPA ta tambe autoriza pa listra autonan y otro vehiculonan pa arma.

Ademas KPA ta autoriza pa pidi pa habri cahanan, tasnan y otro pakinan pa listra pa arma. Ministerio Publico a autoriza KPA pa por haci esaki y na su turno, Ministerio Publico a pidi e autorizacion aki na

Huez Comisario. Husticia lo actua severamente contra personanan cu wordo haya cu arma di candela. Pa posesion ilegal di arma un hende por wordo condena pa un castigo di prison di un aña of mas. Mescos cu den añanan anterior, Ministerio Publico y KPA lo usa e maneho Zero Tolerancia y Faya bo Haya pa trata cu hende cu ta comporta nan mes malo den Carnaval.

Tur dos a resulta te awor hopi efectivo durante temporada di Carnaval.

E maneho Faya bo Haya ta encera cu Ministerio Publico ta duna personanan cu wordo deteni relaciona cu delitonan relativamente simpel y infraccionnan (manera actonan di violencia leve, destruccionnan, buracheria y otro c o m p o r t a c i o n intolerable), un boet ey mes na Warda di Polis. Si

e persona dicidi pa paga mes ora, anto Ministerio Publico ta cla cu ne. Si e persone dicidi cu e no ta paga, anto e lo wordo sirbi inmediatamente cu un citacion pa presenta dilanti Huez. E exigencia pa castigo durante e tratamiento dilanti Huez ta cay den regla mas halto cu e boet cu wordo ofreci na Warda di Polis, asina ta cu ta conveni hende pa paga na Warda di Polis mes. Pa facilita e pagonan tin machine di swipe disponible na Warda.

Ministerio Publico ta haci un apelacion urgente riba publico pa paga tino y usa alcohol conscientemente.

Bebe cu moderacion y goza di Aruba su Carnaval 59.

Diabierna Februari 1 2013

Pagina 14

Exitoso dia di informacion pa studiantenan di promer aña di Colegio EPI cu tema:

‘Life Roulette: the gamble is yours!’

MADURO HEAVY EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa

Tereno, Coba Pos y Fundeshi.

ROOI BOSAL 49 TEL.: 585-1708 FAX .:585-6299

STA. CRUZ -Recientemente Colegio EPI, bou guia di departamento di Trabao Social, a organiza un dia di informacion pa studiantenan di promer aña. Meta principal di e dia aki ta pa concientiza studiantenan cu ta cuminsando cu nan estudio ariba temanan actual social y emocional.

Tema di e dia aki tabata ‘Life Roulette: the gamble is yours!’.

Studiantenan por a kies 3 di 11 diferente topico pa atende manera ‘Let’s talk about sex’ di Famia Planea y Wit Gele Kruis, ‘Gang Violence’ cu sr.

John Larmonie, ‘Bullying’ cu Telefon pa Hubentud, ‘Mi derechonan como hoben’ cu sra. Reina Hernandis di UNESCO, ‘Sexualidad, mi derecho y responsabilidad’ cu UNAIDS, ‘Abuso sexual’ di Fundacion Respetami, ‘Depresion y suicidio’ di PAAZ, ‘Stalking’ di Fundacion pa Hende Muher den Dificultad, ‘Uso di alcohol y droga’ di FMAA y un debate hopi interesante di ‘Legalize IT Yes or No’ cu moderador sra. Dilma Arends y studiante di Universidad di Aruba.

Tambe tabata tin un presentacion profesional di Corporate Imaging di Manrique Capriles Aruba.

E dia di informacion aki a wordo hinca den otro pa e team professional di e departamento di Trabao Social di Colegio EPI cu temanan cu a wordo escogi a base di un enquesta bao di studiantenan. Di e forma aki involucrando nan tambe den e proceso di escogencia pa temanan actual y al caso cu lo yudanan den nan formacion personal y professional. Un danki ta bay na tur e oradornan y tambe na sponsor Manrique Capriles Aruba cu e productonan Neutrogena y One.

Diabierna Februari 1 2013

Pagina 15

Entrega di plakkaat na KPA door di ex- Alto Comisario di Polis Esaki como un reconocimento na Cuerpo Policial Aruba

STA. CRUZ -- Riba diahuebs 31 di Januari 2013, pa mas o menos 10:30 di mainta, sr.

Roland Peterson, ex Alto Comisario di Polis, a entrega un plakkaat na Cuerpo Policial Aruba. E plakkaat aki el’a entregue pa asina duna reconocimento na Cuerpo Policial y na su

miembronan cu ta traha incansablemente pa contra- aresta crimen y cuida e comunidad.

Como ex - polis y tambe e prome Alto Comisario di Cuerpo Policial Aruba semper el’a tene e cuerpo den su curazon y ta sigui

apoya esaki di diferente manera. E plakkaat a ser tuma cu hopi aprecio pa Comisario di Polis, sra. Trudy Hassell, cu a acept’e den nomber di Alto Comisario, sr. Adolfo Richardson. Presente na e ocasion tabata miembro

di Aruba Hospitality & Security Foundation y algun miembro di Cuerpo Policial. Nan a presencia con e plakkaat aki a ser

pega riba edificio di Warda di San Nicolas, cu por cierto tambe ta e districto hopi yega na curazon di sr. Peterson.

Maria R. Boekhoudt van den Ham, Union Patriotico Progresista:

Trahadornan local cu tin dificultad pa haya trabao door di competencia inhusto cu cheap labor por pidi UPP pa percura pa gobierno cumpli cu su tarea pa proteha e mercado laboral STA. CRUZ -- Articulo 9, inciso 1 di e Landsverordening Toelating, Uitzetting en Verwijdering (LUTV) ta stipula cu un permiso temporal por wordo nenga door of den nomber di e Minister encarga cu Extranheria den conexion cu orden publico of interes general di cual e proteccion di mercado laboral ta forma parti. Esey kermen cu si tin un vacatura (un funcion habri pa cual ta busca trahador) cu e Minister encarga cu Extranheria of esun cu ta autoriza den su nomber lo por nenga pa duna un permiso na un doño di trabao pa un trahador stranhero si tin un trahador local capacita disponibel pa yena e vacatura ey.

Pues di e manera aki, gobierno, mas ke e NO por obliga e doño di trabou pa tuma e trahador local den servicio, e tin e instrumentonan necesario pa proteha e mercado laboral local.

Sinembargo UPP a base di informacion recibi ta haya e impresion fuerte cu e gobierno actual no ta cumpliendo cu e deber aki. Asina nos por a compronde fo’i un trahador local cu a bai solicita pa un funcion cu a wordo publica un diabierna door di jobcenter, cu ora el’a bay solicita e siguiente dialuna cu e doño di trabao a informe cu e funcion a wordo yena caba.

Tambe nos a wordo informa di varios caso na unda trahadornan local cu hopi experiencia y preparacion den e ramo hotelero, a solicita na un hotel na unda mester solicita y haci un assessment test online, con nan a solicita varios biaha sin resultado algun mientras cu segun informacion recibi di un otro fuente e

mesun hotel aki pa medio di uitzendbureaus ta tuma trahadornan stranhero (ilegal) sin cu esakinan a solicita online.

Den un otro caso na unda un trahador local a topa un doño di trabou y a pidie informacion di diferente vacaturanan cu a wordo publica door di Jobcenter , e doño di trabao a dune di conoce cu “e no tabatin mester di trahador, cu e tabatin hende trahando den e funcionnan caba y cu e tabata djis wardando ariba e permisonan pa nan bin cla”. Ta importante pa menciona tambe cu den e ultimo caso tabata trata di vacturanan ficticio. Esta cu funcionnan cu a wordo publica como vacatura, ya caba tabata tin trahadornan cu tabata traha den e funcionnan ey caba. Den e casonan aki, conforme e maneho di Departamento di Labor, awor DPL, e peticionnan pa e permiso pa trabao pa e funcionnan aki mester wordo rechaza.

Como cu UPP ta di opinion cu e protecion di e clase trahador tin cu bin na promer lugar ta mas cu logico cu UPP lo percura pa gobierno cumpli cu su deber conforme e ley vigente. Pa haci esaki UPP, pa medio di nos parlamentario y boso sirbidor Candelario Booshi Wever, lo manda un carta cu adhunto e informacionnan recibi di e solicitudanan di trahadornan local (arubiano nobo y esnan cu firma liber tambe), cu e peticion na e Minister di Extranheria pa avisa DIMAS pa conforme e ley vigente nenga e permisonan di trabou pa e funcionnan ey. Un otro carta lo bai pa e Minister di Husticia cu un

peticion pa laga Guarda Nos Costa controla cu no tin hende trahando den e funcionnan caba pa cual a trahadadornan local a solicita y pa cual no tin e permisonan necesario. E trahadornan local, dus tambe e Arubianonan nobo y e trahadornan cu firma liber, cu tin dificultad pa haya trabou door di competencia inhusto cu cheap labor y cu ta desea pa UPP percura pa gobierno cumpli cu su tarea por haci e peticion di un manera anonimo cerca nos, door di manda nos un mail na nos emailadres uppprogresopaaruba@gmail.com Y menciona den esaki: E fecha cu a solicita; E funcion (trabao) pa cual a solicita; E nomber di negoshi na unda a solicita; Of por yama nos number 5684522 tur dia fo’i 7or di anochi te cu 8’or di anochi. Esnan cu ta desea esaki por traha un cita tambe pa papia cu nos. SI UPP haya e mandato di e pueblo den e proximo eleccion e informacion cu nos recibi lo wordo usa tambe pa yuda stipula e maneho di extranheria nobo. UPP ta urgi cada trahador local cu ta buscando un trabao pero cu no a haya esaki ainda pa tuma un rol activo pa mehora e oportunidad pa un trabao pa nan mes y alavez duna un contribucion pa cambionan den e maneho di stranheria den futuro na favor di e siguiente generacionnan.

Corda cu manera cu Ghandi a bisa cu nos futuro ta depende di locual cu nos ta HACI Y NO PAPIA awe.

Diabierna Februari 1 2013

Pagina 16

REFLEXION RIBA “DIA DI BETICO”

Awor cu celebracion di Dia di Betico a pasa ta bon pa sinta keto un rato y reflexiona riba esaki.

En general por bisa cu den tur distrito y bario di Aruba organizacionnan depor tivo/cultural/ social a celebra esaki. Cada un na su manera. Partido MEP y Fundacion Betico Croes tambe a organiza nan festividadnan habitual cualnan a haya bishita di hopi publico. Por supone cu tambe e comision di gobierno (Instituto di Cultura), encarga cu fiestanan nacional, lo por ta satisfecho cu e parti cu ta toca nan. Proximo trabao di e comision mester ta cu ta evalua tur nan actividadnan detayadamente pa waak si tur cos a bay manera planea. Si por

tin indicacion cu interes por a disminui,lo mester haci mayor esfuerzo y pone mas medio disponible, pa proximo añanan e celebracion sigui crece.

E comision mester por percura tambe pa tur organizacion ta dispone di suficiente g r a b a c i o n n a n musical dedica na Betico pa alegra nan festividadnan.

Ta imprescindible cu na tur school lo mester duna tur alumno informenan detaya di e balor grandi di e figura di Betico pa nos pais.

Toch por a tuma nota ainda di dos aspecto un poco negativo. 1. Dia di Betico partido AVP a invita su militancia pa un celebracion di carnaval na su sede.

Na e evento ey no por

a tende ningun cantica cu ta dedica na Betico.

Esaki mester wordo considera como un falta di respet total pa nos Libertador. 2.For di algun skina, hasta den prensa, por a tende e comentario cu ta comun y natural cu tur hende despues cu nan fayece poco poco nan ta wordu lubida. Ta bon pa clarifica pa awor y semper cu Betico Croes no ta cay bao di e denominacion di “tur hende”. Betico ta un Arubiano UNICO y E XCEPCIONAL ,kende a logra pa henter pueblo Arubano su tan apreciado y valioso libertad.

Esnan cu ta desea pa lubida e celebracion aki, no merece pa ta biba riba Aruba libera.

Ta impensable cu na Merca por ehemplo un gran personahe manera Dr. Martin Luther King lo wordo lubida poco poco pasobra añanan ta pasa. Igual cu dia 21 Januari ta memoria “Dia di Dr. M.L. na Merca,di King” mesun forma na Aruba dia 25 Januari lo sigui recorda y festeha “Dia di Betico”.

Ayera, 31 di Januari Su Mahestad Reina Beatrix a cumpli su 75 aña

STA. CRUZ/Den Haag – Su Mahestad Reina Beatrix a celebra ayera su di 75 añiversario Gabinete di Minister Plenipotenciario di Aruba ta felicita Reina Beatrix ariba su dia, deseando VOX POPULI …............ E hopi mas añanan di bida den compania di .....................

su famia. Dialuna ultimo Reina Beatrix a anuncia cu dia 30 di April di e aña aki E lo abdica como Reina..Y asina pasa e trono pa su yiu mayor prins Willem Alexander, kende lo asumi su responsabilidad como Rey di Reino Hulandes.

Diabierna Febuari 1 2013

Pagina 17

Pagina 18

Diabierna Febuari 1 2013

SuCeso awe24.com Pa motibo di no a duna preferencia:

Chauffeur ta accidenta dilanti Marriott

Dama herida den un Despues a sigui bay accidente banda di R.C.A. lagando bumper y cartera atras

STA. CRUZ -- Diahuebs mainta a drenta informe di un accidente cu hende herida na e cruzada banda di R.C.A., mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di e Nissan Sentra shinishi A-41083 biniendo for di Hubadastraat y no a duna preferencia na e Daihatsu Terios blanco A-al49332 cu tabata bini di Tanki Leendert. E impacto tabata fuerte net na banda patras di e dama chauffeur. E dama tabata keha di dolor di nek, na yegada di ambulans nan a atende e dama y a transporte pa hospital.

De La Sallestraat:

Dama chauffeur a subi caminda sin duna preferencia

STA. CRUZ -- Diahuebs mainta a drenta informe di un accidente na De La Sallestraat, mesora a dirigi un patruya y na yegada di e patruya a bin compronde cu e dama chauffeur di e Chevrolet Spark preto A-34820 a bay subi caminda pa bay pabao sin a duna preferencia na e Toyota Yaris blanco A-15097 cu tabata bayendo pariba. Afortunadamente ningun hende a resulta herida.

STA. CRUZ -- Diahuebs mainta a drenta informe cu un auto lo a bolter y of accidenta dilanti di Marriott Surf Club y e chauffeur a sigui core bay pero a laga bumper y cartera atras na e sitio di accidente.

Na yegada di e patruya a bin compronde cu enberdad un auto a accidenta pero e chauffeur a bay laga bumper y un cartera atras.

Polis a tuma esakinan den beslag y e do単o por pasa busca esakinan na warda di polis na Shaba. E bumper tabata tin e number di auto riba dje.

Na Paramira:

Ladronnan a kibra drenta horta den un pick-up

STA. CRUZ -- Diahuebs mainta ora cu polis tabata atendiendo un caso di kiebro y ladronicia for di un auto na Paramira a bin descubri cu ladronnan a kibra drenta horta un carstereo for di un pick-up net otro banda di caminda. Polis a tuma e keho di esey tambe, caminda nan a kibra un bentana grandi na e porta otro banda di e chauffeur.

Diabierna Febuari 1 2013

SuCeso awe24.com Na Weststraat:

Ladronnan a kibra y drenta horta den 24 store

STA. CRUZ -- Diahuebs mainta a drenta informe cu ladronnan lo a kibra drenta horta na 24 Store na Weststraat. Mesora a dirigi un patruya na e sitio y na yegada di e patruya nan a bin compronde cu ladronnan a kibra drenta horta na e lugar pasando via un buraco, cu nan a traha den un glas grandi. Nan a drenta paden horta cantidad di placa y mercancia. Polis a tuma nan keho, mientras polis tabata tumando e keho hopi ta e hendenan cu a yega na e sitio pa recarga nan smartcard pero nan no tabata por pasobra e lugar tabata sera.

Na Paramira:

Ladronnan a kibra drenta horta for di un auto staciona dilanti di cas

STA. CRUZ -- Diahuebs mainta a drenta informe cu ladronnan a kibra drenta horta den un auto na Paramira, mesora a dirigi un patruya na e sitio. Na yegada di e patruya a bin compronde cu ladronnan a horta wielnan di un Toyota Tercel. Ademas nan a kibra e bentana di choller pa drenta paden horta un carstereo y placa cu tabata tin den e auto.

Pagina 19

Ladronnan a horta botter di gas pa di tercer biaha

STA. CRUZ -- Diahuebs mainta a drenta informe cu ladronnan lo a horta un botter di gas for di un cas na Companashi, mesora a dirigi un patruya na e sitio. Na yegada di e patruya a bin compronde cu pa e di tercer biaha ladronnan a horta botter di gas cu su regulator completo. Polis a tuma nota di e keho aki.

Den un snack:

Cliente ta mira un muher cu su celular cu a ser horta un luna promer

STA. CRUZ -- Diahuebs mainta a drenta informe cu na un snack un persona a bin logra waak un muher cu tabata haciendo trabao di limpieza y e tabata tin un celular mesun cos cu esun cu el’a perde.

Mesora ela start un conversacion cu e muher y a puntre su number di cel pa yame y tambe su pin, ora e muher a dune su pin ela bin nota cu esey ta su celular y a bise cu esey ta su celular y a kite for di e muher. E muher a bise cu el’a haya e cel den un bus. Pero despues e muher a desaparece pa ora polis a yega. Na e snack a logra haya e nomber di e muher, polis lo sigui cu e investigacion.

Pagina 20

Diabierna Febuari 1 2013

Boa di casi 2 meter largo a pone señora spanta STA. CRUZ -- Diahuebs merdia un señora a bati alarma na su cas na Cas Paloma. Aki na momento cu el’a yega e cas, el’a ripara algo move den e matanan y e pushi cu e tin, a sali core bay. Ora cu e señora a waak bon, tabata un boa di casi 2 meter largo.

Mesora el’a avisa un bisiña kende a yega liher y a mata e boa aki. Na prome instante a ser bisa cu Boa lo ta comiendo un persona na Cas Paloma.

Pero si bo pensa bon, esaki ta algo imposibel mirando e grandura di e cabez y boca di e Boa.

Esaki ta loke cu na Harvard University -nan no sa

TRIBUNE DI PARLAMENTO YENA CU BOCHINCHERONAN DI GOBIERNO DI MIKE EMAN STA. CRUZ -- Loke cu e gobierno di AVP ta haciendo cu Mike Eman como prome ministro na cabez contra pueblo di Aruba, door di intimida pueblo via tribune di Parlamento, ta nada otro cu sembra disturbio y lantamento.

Esaki ta loke cu na Harvard University nan no tabata sa dia cu nan a ricibi Mike Eman pa e bay hiba discurso encuanto con bunita y inovativo e lo ta gobernando na Aruba. Si Universidad di Harvard na Merca tabata sa di e modus operandi di e gobierno di Mike Eman pa intimida y persigui pueblo di Aruba anto hamas y nunca nan lo a ni permiti’e subi tereno di e Universidad y sigur no lo a lague tira speech. Loke a pasa ayera durante e reunion den Parlamento riba e proyecto di Urirama tabata un otro berguenza nacional y internacional relaciona cu e forma con coordinadornan di e gobierno di AVP tabata intimida y instiga contra parlamentarionan di oposicion. Un boshi di hende liga na gobierno di AVP tabata sinta riba tribuna di Parlamento pa haci bochincha, lastra y intimida oposicion.

Hulanda keto bay ta gaba e gobierno di Mike Eman kende ayera un biaha mas a demostra di no ta sconde pa intimida y mina democracia cu su gobernacion di teror

politico y di intimidacion publico.

Mientras Hulanda ta boga rond mundo pa pueblonan oprimi por haya un voz di democracia pa nan por sali na vanguardia di nan derechonan, nan mes ta sostene un gobierno dictatorial di AVP cu ta aplica intimidacion gubernamental contra cualkier persona den pueblo cu no ta bay ciegamente na nan amen.

Ministro di Husticia Dowers tambe a toca turno pa bay tira speech na Harvard mientras e sigur como un mandatario kende mester duna e ehempel di kico husticia ta encerca ta permiti su mesun coleganan intimida y persigui pueblo via tribuna di Parlamento.

Un gobierno cu no ta sconde su maneho di intimidacion te hasta te den Parlamento, ta un gobierno cu ta bayendo linea recta riba e rumbo di confrontacion cu pueblo. Falta algun luna mas pa eleccion y cualkier gobernante cu un tiki inteligencia no lo busca confrontacion cu pueblo net prome cu eleccion pero ta parce cu esnan di AVP cueste loke cueste kier lok uit un confrontacion. Ta kico tin tras di e modus operandi ey? Ta pa Hulanda grijp in ora cu cos bay for di man pa asina tira culpa riba oposicion en general pa di tal forma e gobierno di Mike Eman por laba man y get away cu un

gobernacion cu a zink Aruba? E berguensa internacional lo bay ta pa Hulanda mes si nan haya nan mes ta grijp in cu forsa ora cu cos bay for di man door di intimidacion y persecucion di e gobierno di Mike Eman cu tanto Hulanda mes ta gaba y sostene.

Ayera mas y mas hende a cuminsa vocifera cu e momento a yega pa enfrenta esnan di gobierno cu ta intimida pueblo. No mucho luna pasa un coordinador di gobierno su famia a menasa tur esnan di Noord y cu ta contra e proyecto di Urirama, cu nan lo baha di San Nicolas y regla cuenta cu tur hende, sea den bon of den malo y cu nan lo tabata tin suficiente hende y material etc etc y te hasta cachonan brabo pa ataca hende.

Kico Mnisterio Publico a haci? Nada! Despues e informacion lo a wordo kita di Face Book pero ya hopi hende a wak esaki caba. Mike Eman y tur esnan di su gobierno y partido ta lubida un cos hopi importante; Aruba ta mucho chiquito pa confrontacion violento y na momento cu esaki tuma lugar, ta unda cada ken ta bay sconde?

Esaki ta e señalnan di tension peligroso cu ta reinando den pueblo y esun cu ta kere cu ta coy loco, mester cuminsa pensa hopi bon y refleha encuanto e situacion hopi tenso riba nos isla.

Pagina 21

Diabierna Febuari 1 2013

SV Dakota y SV RCA ta lidera futbol Mayor y Junioren STA. CRUZ -Campeonato di futbol Liga Hubenil di AVB presenta pa Gatorade a conoce un otro ronda den e siman aki. Tanto dialuna como diaranzon e diferente weganan a tuma lugar. Riba dialuna e weganan den e division di Junioren a tuma lugar, unda sin duda e clash di futbol a bai entre RCA y Dakota. Mester bisa cu den ambos equipo ta milita basta hungador cu ta mira accion den hoofdklas, pues un wega sigur candela presencia pa un publico grandisimo, cu nan final a keda empata na dos gol, e golnan di Dakota a ser anota pa Jeandre James y Jamemar James.

Apesar di e empate RCA ta keda lidera e campeonato di junioren cu 25punto, sigui di serca pa Britannia, Dakota y Nacional/ Washington. Nos tin

e otro resultadonan di dialuna uiltimo. Nacional/ Washington ta derota Arsenal 2 - 1, Estrella ta gana di Brazil Jrs 3 - 2 y Britannia ta gana Caravel 5 - 3.

Pa loke ta e weganan di Division Mayor, nos tin cu bisa Dakota ta keto bai invicto mientras cu diaranzon un bez mas nan ta logra un victoria convincente contra di La Fama cu e score di 3 0, aki Ashton Charles(2) y Lezekiel Rojer(1) ta e

anotadornan di gol pa Dakota. E amariyonan ta lidera comodamente e tabla di posicion cu 26 punto sigui pa RCA, Britannia y Estrella.

E resultadonan di diaranzon ultimo ta como lo siguiente. Nacional/ Washington ta perde contra di Estrella cu e score minimo di 1 - 0, mientras cu e partido entre Riverplate y RCA a keda cancela debi na fayo na e poste di luz na e tereno di Riverplate.

Santo Sacrificio di misa pa recorda 2 aña di fayecimento di nos mama, ruman, suegra y wela stima

Helenita Alders Geerman Diabierna 1 Februari na Misa Imaculada Concepcion na Sta. Cruz pa 7 or di anochi Mai, ya ta dos aña caba cu bo a bay cerca nos Creador.

Bo a laga un bashi hopi grandi atras E cas a keda hopi keto di dia cu bo a bay laga nos Bo ternura, dulzura y sonrisa ta algo cu nos tur ta haya falta di dje.

Tur dia nos ta corda ariba bo y semper nos ta reza pa bo, Mai stima Ora nos soña cu bo nos ta lanta asina contento for di soño, pero tristo alabez cu ya bo no ta mas cerca nos Bo 2 yiu homber, 2 nietanan, nuera, rumannan, bisiñanan y amistadnan Nos tur ta haya bo falta Un dia nos lo topa atrobe cerca nos Creador Bo yiu stima Ronny R. Alders

Pagina 22

Diabierna Febuari 1 2013

Pagina 23

Diabierna Febuari 1 2013

Famia di Hyatt Regency Aruba ta yama bon bini na dos pareha di zwaan preto STA. CRUZ -- Hyatt Regency Aruba Resort, Spa & Casino (www. aruba.hyatt.com) ta sumamente contento di a recibi dos pareha di zwaan preto ayera cu a yega riba e vuelo di Delta Airlines for di Atlanta.

Tanto e huespednan y di tur e asociadonan di Hyatt Regency Aruba tabata den lobby ta spera e yegada tan anhela di e miembronan nobo di famia di Hyatt. Despues di un temporada largo Hyatt Regency Aruba a logra encontra un finca di parha exotico na Gainsville, Florida cu por a ofrece nos e dos pareha nan aki..

Nos zwaan nan ta conoci pa trece un atmosfera di trankilidad y elegancia pa nos tur, y esaki ta cuarda cu e signatura y ideanan di Hyatt Regency Aruba. Cu esaki Hyatt Regency Aruba ta sinti su mes orguyoso y lo sigui traha pa ofrece e mihor experiencia cerca

TA BUSCA “Buscando casnan entre Awg 200,000.00 – Awg 250,000.00 pa cumpra.

Yama na 733-3398”

TA HUUR APARTAMENTO -STUDIO MUEBLE NA CUMANA - DAKOTA PARIBA DI CONDEMSA PA 1 OF 2 PERSONA TA INCLUI CABLE , INTERNET + GAS TELEFON : 6620248.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

su huespednan. E zwaan nan aki ya a haci nan mes na cas den e laguna rond di e restaurant Ruinas del Mar y Mexicado cu recientemente a wordo renova y asina ta completa e ambiente inolvidabel pa tur e huespednan. Pa mas informacion yama libremente na: 586-1234 of bishita nos website na: www.aruba.hyatt.com

Pagina 24

Diabierna Febuari 1 2013

Aruba ta gana Medaya di ORO na Bahamas y ta clasifica pa Mundial di softball STA. CRUZ -- Aruba Softball Bond su trabaonan duro y voluntario ta duna fruta.

Seleccion Femenino di Aruba desde luna di Mei ta den pleno preparacion pa e campeonato clasificatorio di ECASC (Englisch Caribbean Amateur Softball Confederation). Mr. Don Porter di ISF a confirma cu e isla cu gana e medaya di ORO lo wordo honra cu un spot den mundial di softball cual lo tuma lugar final di Juli 2013 na Cali Colombia durante celebracion di World Games. ASB por medio di su directiva a traha un plan y manda yama un pre-seleccion y a informanan debidamente kico ta e meta.

Atletanan Femenino a responde na e yamada aki y a drenta campo di entrenamento.

Nan a traha hopi duro y manera semper ta bisa esun cu traha duro, lo mira fruta. Aruba a briya na Freeport Bahamas y a derota e fuerte seleccion di Bahamas den e wega final. ASB tambe a reforza cu Suliviendra Hooi, un pitcher di apenas 22 aña for di nos hermana isla di Corsou . Hecho cu Suliviendra tin paspoort Hulandes ta permiti esaki riba reglanan internacional.

Aruba durante henter e competencia tabata “talk of the town” na Bahamas Freeport. Riba diferente frontpage di corantnan na Bahamas Aruba a sa di domina su popularidad.

Un seleccion hopi alegre y determina pa cumpli cu trabao cu ASB a pidinan, a sa di saca cara di Aruba. Wega final Bahamas ta pika ariba 3-0 den promer inning. Homerun den deep center di Riangela

Flanegin cu dos na base ta empata e wega. Rudlyn Ras ta dispara un doblete riba cabez di short cu ta pika, extende te den muraya empuhando 2 careda mas. Bahamas tambe ta responde cu homerun pa otro dos careda.

Milvienne, Shakeena, Tianne y Yelitza a keda subi base pa asina Aruba keda pone Bahamas bao di presion. Ludmila “Michi” Geerman ta conecta den di 3 inning un doblete y den bom di 5 e ta piki un recta fuerte depositando esaki tras di muraya den leftfield pa amplia e score 13-5. Suliviendra Hooi kende ta wordo releva pa Rudlyn Ras den 5 inning ta resulta pitcher ganador. Aruba a bari mayoria premio individual.

Riangela Flanegin champion Homerun y MVP, Suliviendra Hooi best pitcher y most wins, Milvienne Henriquez, most stolen bases y best centerfielder, Franchesca Diaz, best first base, Quilen Dirksz, best second base y Ludmila Geerman, best leftfielder. Aruba den oranan di anochi a ricibi su Medayanan di ORO y tambe su trofeo di campeon. Endy Croes hunto cu Chipen Chirino a gradici e coachingstaff cu a traha duro cu e muchanan: Lucio Geerman, Minguel Tromp, Octavio Cajigal y Lionel Richardson.

Mandy Angela cu a fungi como capitan di e equipo a haci un tremendo trabao. Tur sponsor cu di un manera of otro a duna nan aporte manera Thrifty Carrental, Elmar, Subsidie Commissie y Radio Top FM 95, danki!

Aruba Pabien!

Pagina 25

Diabierna Febuari 1 2013

SETAR su prome 10 añanan como NV

Na 2004 SETAR a renova su edificio na Hendrikstraat cu tabatin mester di un face-lift cu a bira un facilidad moderno y contemporaneo den e centro commercial di Oranjestad. Na 2004 SETAR a logra cumpra Telearuba canal 13 cual tambe a haya un renovacion total y equiponan nobo full digitalisa cu a bolbe habri na mart 2005 cu un look y imagen completamente nobo. Telearuba a bai produci conhuntamente cu SETAR, e prome Sparkling Tour, cu a bira un exito nacional.

Na Februari 2005 SETAR a finaliza e compra di e compania di cable “ Cable TV Aruba” adkiriendo asina posibilidadnan nobo pa tecnologianan nobo pa voz, video, broadband y comunicacion mobil. Na 2005, cu e enfoque ainda riba un mihor servicio pa e cliente SETAR a habri su repair center pa telefonnan celular.

Pa esnan di mas edad, SETAR a introduce paketenan special “60 plus”. Na 2006 SETAR a introduce e BlackBerry y a cuminsa ofrece e servicio di video conferencing. Otro logronan den 2006 tabata e upgrade di e servicio di Wi-Fi service y a hisa e speed di DSL pa double.

Na 2007 SETAR a upgrade e red di cable tv pa Digital y a aumenta e cantidad di canalnan. E aña aki a inclui un red pa roaming nobo CDMA/EVDO y a introduci servicionan di 3G pa cellular, un di e promernan den nos region. Na 2008 SETAR a introduce Fiber to the Home pa projectonan di cas den cual ta brinda e posibilidad di brinda servicionan multiple manera telefoon, cable y Internet via un solo kabel.

Na 2010 SETAR a introduci e Android phones na Aruba, treciendo asina e pa prome vez e technologia nobo aki na e isla cu ta laga e clientenan por haci uso di un gran variedad di

plataforma y aplicacionnan. Eventonan cu SETAR a organisa exitosamente ta inclui: SETAR su “Gaming Event “ cu enfoque riba e hobennan, y introduccion di un plan special hopi inovativo y di prijs abou cu yama Hybrid Blackberry Phone Plan, dunando e clientenan mas control riba nan gastonan di yamada y uso di telefoon.

Na 2011, SETAR a bolbe upgrade e speed di internet, y a ofrece Video on Demand pa clientenan di SETAR Cable Services, y den luna di juli 2011 a introduci 4G (HSPA+), y un guia digital pa television full nobo cu ta duna e cliente acceso na mas informacion riba e programacion di e diferente canalnan. A expande e cantidad di canalnan y a traha riba paketenan atractivo pa tur cliente nan mesun gusto den programacion.

Den 2012 a renova e edificio na Caya Betico Croes na unda Cable TV Aruba tabata y a introduci un SETAR STORE nobo nobo. Un tienda cu un concepto full nobo y prome na Aruba den cual e cliente por bai, mira mishi y test e productonan prome cu cumpra of haci nan escogencia. Den luna di November 2012 SETAR a firma un protocol cu 4 compania grandi den cual Aruba ta forma parti di otro Cable Submarino: “Pacific Caribbean Cable System” cu ta bai brinda Aruba mas hopi posibilidadnan ainda den futuro. SETAR ta consciente cu servicio ta e aspecto primordial y cu e empleado ta masha importante pa realiza esaki. Cu esaki den mente e compania a organiza masha hopi training pa su empleadonan y ta sigui haci esaki continuamente pa keda al dia di lo ultimo den tecnologia. SETAR ta gradici su empleadonan pa nan cooperacion y motivacion y tambe un danki grandi pa tur SETAR su clientenan fiel cu ta haci e compania esun number 1 na Aruba.

Pagina 26

Diabierna Febuari 1 2013

TA BENDE Ta bende diferente lot di 390 m2 eigendomsgrond na Tanki Leendert. Vraagprijs Afl. 75.000,-.

Negociabel. Pa mas informacion yama tel: 739-0101.

CLASIFICADO solodipueblo@gmail.com

Ta bende cas di 2 piso na Tanki Leendert 3 kamber – 3 baño pluz 4 appartment pa Afl. 550.000,-. Pa mas informacion yama Tel. 739-0101.

Ta bende un tereno na Mahuma di +- 5.000 m2 pa 275.000 florin, bon pa warehouse of tayer. Pa mas informacion yama Tel. 739-0101.

Ta bende un cas hopi bunita na Piedra Plat banda di caminda, di 3 kamber, 2 baño pa Afl. 400.000,-.

Pa mas informacion yama tel. 739-0101.

Ta bende cas na Paradijswijk di 3 kamber, 3 baño, cu 4 appartment. Pa Afl. 390.000,-. Pa mas informacion yama tel. 739-0101.

TA BENDE

TA HUUR

1 FRIGIDAIRE 6 LUNA BIEU PA AFL 750

apartamento full mueblapa 1 persona na cumana(italo arubano)awg. 675.00 pa luna(incl. cable tv)+ un luna deposito excl. awa y coriente y gas 5926952

PA MAS INFO YAMA : 5837636 OF CELL: 7444633.

Boutique Keyla tin un coleccion grandi di paña pa diferente ocasion den size small te cu 3XL. Nos ta habri di dialuna pa diasabra, di 9.00 AM pa 6.30 PM Desde 4 Januari 2013 lo tin 50% di descuento Nos tin un parkeerplaats amplio.

Boutique Keyla Paradera 84 tel: 582-1164 cel: 593-1189 website:boutiquekeyla.com facebook:Boutique Keyla

Private Center Investigation Aruba

1. Nos ta un compania Arubiano 2. Nos ta investiga tur cos cu bo por duda aden?

1. caso di divorcio 2. caso di maltrato 3. caso di duda aden???

4. caso di corupcion 5. caso di ladronicia 6. caso di atraco 7. nos ta filma tambe videonan 8. nos ta graba tape di combersacionnan 9. nos ta rond mundo completo den e trabao aki 10. nos ta traha rapport tambe di tur clase 11. nos ta keda den nos sistema priva 12. nos ta saca potret tambe 13. abogadonan por contact nos tambe pa facilita nan trabao tambe

Yama nos na tel: 5684160 24 ora pa dia

TA HUUR Ta busca un interesado pa huur un espacio of un bunita lugar cu lo ta bon pa un kapsalon of un bon negoshi, segun e smaak di e comerciante. For di awor caba por yega na un acuerdo cu doño di e lugar. Si bo ta interesa, contact: email: mrnilocroes2@setarnet.aw

TA HUUR un kamber na macuarima pa 1 persona cu su banjo priva. Afl. 350.00 pa luna y un luna di deposito.

Kamber ta separa cu propio entrada. Awa cu coriente ta apart Telf: 7469309

TA BENDE

TA BENDE UN TOYOTA AVENSIS VERSO DIESELL 2002 STANDARD;“ AS IS WHERE IS” AFL: 4500.00

TA HUUR Apartamento, 2 kamber, 1 baño, cushina, sala, comedor. Full muebla, airco! Afl. 100.00 pa dia inclui awa y coriente.

Available pa December, Januari y Febuari.

Situa na Noord, banda di Texaco Sasaki, 2 minuut di beach y hotelnan grandi.

Tel: 567-9696

TEL: 5621127.

KAWASAKI 2X 1400 PERFORMANCE CUSTOMIZATION STYLE AIR RIDE ETC. TELL: 7488832 OF USA .

6175711244.

Un generator Denyo di 15 KVA riba su garoshi cu wiel. Ta start y traha den perfecto condicion.

Afl. 16.000.00 negociabel.

Haci bo oferta.

Call: 739-0101

TA FURA Orange Matras Fabric ta fura y traha matras y box spring den tur midi , ta fura set di sala, tv chair y pa auto pa mas info bishita nos olijfistraat 23d of por yama na 588-7468 / 569-8053.

Pagina 27

Diabierna Febuari 1 2013

Telefonnan importante:

FOR SALE PA BO MATANAN TA BERDE Y BUNITA GORDURA DI BON CALIDAD CU COMPRA DI 10 SACO NOS TA DELIVER GRATIS F7,- PA SACO 50 LB JAMA NOS NA TELL: 5926209.

Bijles Santa Cruz, Piedra Plat y vecindario ta conta cu un centro educativo nobo: Aruba Study Center.

Educacion di bo yui ta na promer lugar. Ta ofrece servicio di bijles pa muchanan di basis despues di school y weganan educativo di dialuna pa diabierna na un prijs na alcance di tur cartera. Cada mucha tin derecho di wordo yuda den su educacion.... Tambe ta duna les di Papiamento, Hulandes y Ingles basico.

Yama aworaki mes 6412944 y ricibi e prijs promocional!

condorito

4347

Januari 31

6327

2422 0331

1900 1900

3114

4464

3875 5823 4464 3875 06 - 23 - 21 - 05 - 26

3733

7647 Aries

POLIS: Oranjestad 100 San Nicolas 104 105 Sta. Cruz Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222 Fundacion: Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muherr 583-5400 Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Dokter y Botica na Warda pa bao di Brug:

9813 9178

0311 0311

BOTICANAN: Maria 585-8145 Di Servicio Noord 586-4606 Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupial 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253

1488 7961 9059

0568

Yama pa informacion na Horacio Oduber Hospital: 527-4000

Dokter y Botica na Warda pa riba di Brug:

Yama na Centro Medico

524-8833

Pagina 28

UN MUCHA CHIKITO TA TOCA GUITARA MANERA JIMI HENDRIX Amsterdam – Un mucha muhe di 10 aña procedente for di Skellingthorpe Britanico den dos aña di tempo a siña toca guitar asina bon cu e ta ser compara cu e guitarist legendario Jimi Hendrix.

Mini Hendrix, manera Ayla Gezmis ta wordo yama, a tuma un guitara for di su tata dor di ta sinti su mes aburi y tabata toca rapidamente piezanan dificil sin esfuerzo. Ayla a bay cu su talent na scol di Rock, un curso special unda streanan di musica rock ta ser guia pa futuro. Segun SWNS cursistanan normalmente ta dedica 8 aña pa termina e curso, mientras Ayla den dos aña di tempo a sa di completa e curso. Ayla tin gran ambicion, e kier bira mes famoso cu e banda di hardrock AC/DC. Su tata ta apoye, e tata a spar placa pa e curso na e scol di Rock pasobra Ayla tabata siña asina lihe, pero a pone e placa un banda y a cumpra un guitar nobo Gibson pa su yiu muhe.

ANNE VEGTER POETA LAUREADO NOBO Amsterdam – Anne Vegter ta e sucesor di Ramsy Nasr como poeta laureado. Vegter a naci na 1958 a keda oficialmente instala diahuebs anochi dor di su predesor. Nasr ta despedi den Paradiso cu un concierto hunto cu e orchestra Metropolis.

E poeta nobo laureado primeramente no a ser eligi, sino nombra riba proposicion di un comision ampliamente compila. Den e comision tabatin poeta Maria Barnas, programista y declamado di poesia Arie Boomsma, redactor literario di NRC Arjen Fortuin, poeta y periodista Piet Gerbrandy, escritor Kristien Hemmerechts y politico Mei Li Vos. Vegter ta e prome dam kende e siguiente cuater añanan lo ocupa e funcion di embahador pa poesia laureado. Ademas di Nasr poetanan Gerrit Komrij y Driek van Wissen tabata prome cune. Segun e comision Vegter ta un poeta extremadamente versatil y escritor kende su compromiso civico no ta nada nobo y den transcurso di e añanan parse di a bira mas fuerte. E lo combina durante su actividadnan como poeta laureado media modern cu flashmobs of recursonan di canto antiguo. E laureado poeta ta un iniciativa di e Biblioteca Real, revista commercial NRC, NTR, club di Poesia y Poesia Internacional. E anuncio di e poeta laureado nobo y dia di poesia ta forma parti di un siman di Poesia nobo. Esaki lo dura te cu 6 di februari 2013.

Diabierna Febuari 1 2013

BLACKBERRY Z10 LO CUMINSA CIRCULA RIBA MERCADO DI BENTA NA LUNA DEN LUNA DI MAART Amsterdam – E Blackberry Z10 lo ta disponibel na Hulanda desde luna di maart.

Un premio ainda no ta conoci. Blackberry, cu anteriormente tabata ser yama RIM (Research In Motion) a presenta dos dispositivonan nobo. E Blackberry Z10 y Q10. Ambos smartphones ta draai riba e sistema operativo nobo di Blackberry 10. Ki tempo e dispositivonan lo sali na Hulanda Blackberry Hulanda no kier a divulga ainda. Vodafone sin embargo a bisa cu nan ta spera cu e Z10 lo ta den tiendanan pa principio di maart. Un prijs no a ser menciona. Tocante e lanzamento di e Q10 tambe ainda mundialmente no ta conoci. E diferencia entre e dos dispositivonan ta cu Q10 tin un tecla fisico y pues un pantaya mas chikito. E specificacionnan por lo general ta mescos. Blackberry 10 ta un sistema operative totalmente nobo cu cual Blackberry kier compete cu iOs di Apple y Android di Google. Specialmente e pantaya ta bastante diferente y Blackberry ta ofrece un ambiente special unda e-mail, Blackberry Messenger, Twitter, Facebook y LinkedIn ta ser acopla. E plataforma ta dispone di 70 mil aplicacion durante e lanzamento.

DISCUSION DI ARMA ESTADOS UNIDOS TA BIRA MAS ESTRICTO DEBI NA MORTO DI ADOLESCENTE Washington – E morto di Hadiya Pendleton di 15 aña, un mucha muhe adolescente kende un siman y mei pasa ainda a presenta cu su fanfaria durante e inauguracion di president Barack Obama, a basha azeta riba e candela di discussion di arma na America. E indignacion tocante e asesinato di e mucha muhe, 1,5 kilometer for di vivienda di Obama na Chicago, a ser sinti te den Cas Blanco. E mucha muhe a ser asesian ora cu e hunto cu otro adolescentenan a bay sconde pa e awacero riba un tereno cu ta ser mira como un teritorio di gang. E aggressor lo ta pertenece na un gang, y no a mik specificamente riba Pendleton. Un otro adolescente a ser tira na su pia. Ta un tragedia horibel cada biaha cu un hoben ser mata mientras cu nan tin un bida largo ainda nan dilanti, y nos ta mira esaki demasiado cu frecuencia, segun e vocero Jay Carney di president.

Obama mes a referi na e morto di Pendleton durante un entrevista cu Telemundo. E incidente na Chicago cu su leynan anti arma estricto parse awa riba molina di e grupo di discusion di arma NRA y e ponencia cu mas leynan anti arma lo no conduci automaticamente na menos violencia di arma, e interogado a bisa. E problema ta cu un enorme proporcion di e armanan ta bin pafo di Chicago. Leynan mas estricto di arma den algun zona sin un sistema integral amplio pa controla a fondo e cumprado di arma, ta haciele mas dificil pa comunidadnan proteha nan mes contra violencia di arma, segun e president. Na Estados Unidos desde luna pasa un discussion inusual feroz tocante posesion di arma a cuminsa.

Razon pa esaki tabata e tiroteo riba un scol basico na Newton unda 20 mucha a perde nan bida. E gobierno Americano ta trahando riba un ley di arma mas estricto cu ainda mester pasa dor di Congreso.

Diabierna Febuari 1 2013

ASTEROID LO PASA HOPI CERCA DI TERA Dwingeloo – Riba diabierna 15 di februari un asteroid lo pasa hopi cerca di tera, observadornan di strea di Planetron Cinedome na Dwingeloo a anuncia diahuebs.

E pida piedra cu e nomber di Planetoide 2012 D14 lo pasa apenas 27 mil kilometer di distancia for di nos planeta. En comparacion: e luna ta situa mucho mas leu, riba 400 mil kilometer di distancia.

Cientificonan a calcula cu e piedra cu un diametro di algun 50 meter lo no mishi cu tera. E Stacion Espacial Internacional tambe, cu ta den un orbita di 400 kilometer di haltura y ta flota rond di tera, no ta core ningun peliger.

TEREMOTO FUERTE NA CHILE Amsterdam – E parti nord di Chile a ser afecta pa un teremoto di magnitud di 6,8 riba e Scala di Richter, segun diferente agencia di prensa a informa entre cual Reuters. Segun e instituto di investigacion Americano USGS e teremoto a sosode 56 mia suroeste di e capital Copiapo. Den e capital Santiago tambe edificionan a ser sacudi, habitantenan a informa. Servicionan di emergencia Chileño a declara cu te cu awor no a raporta ningun daño.

Pagina 29

SIRIA Y IRAN TA AMENAZA CU VENGANZA DESPUES DI E ATAKE DI ISRAEL Amsterdam – Siria y Iran a menaza di lo tuma venganza riba Israel pa otibo di e atake aereo cu e pais a realisa riba teritorio Sirio, segun e agencia di prensa AP a informa. Segun BBC Siria a entrega un keho official na Nacionan UNi. E atake di e forza aereo Israeli diaranzon madruga tabata segun ehercito Sirio dirigi riba un centro di investigacion military den e provincial di Damasco. E ehercito ta nenga cu e obhetivo di e atake tabata un convoy cu tabata transporta arma di Siria pa Libanon. Israel ta afirma cu e armanan tadestina pa e movimento militante Hezbollah. E embahador Sirio na Libanon, Ali Abdul-Karim Ali, a declara cu Damasco tin e oportunidad pa tuma venganza.

El a duna di conoce cu ta na e auroridadnan pa determina ki ora e accion di venganza lo ser ehecuta. Segun un agencia di prensa Irani e Secretario di Estado di Relacion Exterior, Hossein Amir Abdollaahian, a declara cu e atake di Israel loo tin implicacionan importante pa e ciudad Israeli Tel Aviv. Hezbollah a descrribi e atake como barabaro. Rusia, aliado di Siria a papia di un atake no provoca contra un pais soberano.

DIA DI LA REINA DESDE 2014 LO WORDO CELEBRA RIBA 27 APRIL Amsterdam – Dia di La Reina di awor en adelante lo ser yama Dia di Rey y lo wordo celebra riba 27 di april, e fecha natal di WillemAlexander.

E prome edicion si ta directamente un excepcion.

Debi cu e dia aki ta cay rioba un diadomingo, e prome celebracion di Dia di Rey lo wordo celebra riba diasabra 26 di april 2014. Esaki RVD a informa despues di e anuncio di abdicacion di Reina Beatrix. Dia di La Reina 2013 lo wordo celebra pa ultimo biaha riba 30 di april, pero lo haña un character diferente dor di e inauguracion. E prome edicion di Dia di Rey lo wordo celebra na Amstelveen y De Rijp. E famia Real lo efectua inicialmente un bishita den 2013.

Pagina 30

Diabierna Febuari 1 2013

Palo Marga preparando pa cuminza cu su calendario 2013 STA. CRUZ -- Mientras cu tur hende ta den ambiente di Carnaval y celebracion e trabaonan no ta para riba e pista di Palo Marga unda actualmente e crew di The Boss Racing Foundation a cuminsa caba cu e trabaonan pa asina pone e pista race ready pa e season di 2013. E prome actividad programa pa e calendar di 2013 lo bira Street Legal cual lo tuma lugar riba

Diasabra 16 di Februari proximo. Durante di e careda aki tur categoria di street legal lo wordo cori entre otro, Street Legal Auto, Brommer, Scooter, Quadracer, King of the Street y tambe specialmente pa e ladiesnan e categoria di Ladies Cup lo mira accion riba pista. Por a compronde cu despues cu nan a mira cu Jujika Tromp di Brazilian Flash a bira campeon

di e Mio Wireless Point Series 2012 tin un interes bastante grandi di parti di e damanan y juffrouwnan pa subi pista di Palo Marga y esaki lo bai bira posibel durante e prome actividad di Street Legal aki. Palo Marga tin henter un calendario di actividadnan programa pa 2013 pero un di e highlightnan mas grandi lo bira e celebracion di 30 aña di e pista, pa e celebracion aki The

Boss lo tin full un luna jena cu actividadnan relacion cu e celebracion di 30 aña di Palo Marga cu lo cuminsa e prome weekend di April cu un careda international "The Boss Drag War 2013" y lo sigui te fin di luna di April cu e careda di celebracion di 30 Aña di Palo Marga cual tambe lo bira un careda international cual actualmente ta halando bastante atencion

internationalmente di participantenan cu lo kier bin Aruba pa e evento aki. No por keda sin menciona cu tur e caredanan di drag e aña aki tambe lo ta valido pa e Mio Wireless Point Series local como tambe pa e IHRA Summit Super Series, pues por premira di awor aki un aña bastante activo den e mundo drag racing na Aruba.

Pagina 31

Diabierna Febuari 1 2013 ORACION DILANTI DI UN CRUCIFIHO SENJOR DIOS TODOPODEROSO, CU A SUFRI TE MORTO RIBA CRUZ PA NOS PICANAN, COMPAÑA MI .

Santa Faustina

SANTO CRUZ DI HESU - CRISTO, TENE PIEDAD DI MI. SANTO CRUZ DI HESU - CRISTO, KITA TUR MALO FOR DI MI. SANTO CRUZ DI HESU - CRISTO, COLMA MI CU TUR LOKE TA BON. SANTO CRUZ DI HESU - CRISTO, LIBRA MI DI TUR ACCIDENTE. SANTO CRUZ DI HESU - CRISTO, TENE PIEDAD DI MI Y HACI CU SPIRITO MALO HUY FOR DI MI. SANTO CRUZ DI HESU - CRISTO, HACI PA ALCANZA E CAMINDA DI SALUD . SANTO CRUZ DI HESU - CRISTO, ALEHA DI MI TUR PELIGER DI PICA MORTAL. CU SEMPER MI ADORA BO, RIBA BO SANTO CRUZ AMEN. HESU - CRISTO, NOS SEÑOR , BO A STIMA SIN MIDI E CRUZ SANTO. HENTER BO BIDA LARGO, DEN BO BIDA SCONDI, BO A CARGA E CRUZ DI HUMIYACION. DURANTE DI BO BIDA PUBLICO BO A CARGA E CRUZ DI CRUELDAD Y CONTRATEMPO. ULTIMO DIANAN DI BO MORTO BO A TUMA CU ALEGRIA A BALKI PISA RIBA BO SCHOUDER TUR NA HERIDA. Y POR ULTIMO CLABA NA UN CRUZ BO A DUNA NA TATA CELESTIAL BO SPIRITO PA SALBACION DI NOS TUR. AMABEL MAESTRO, MI KIER TA BO DISIPEL, MI KIER TUMA MI CRUZ Y SIGI BO RIBA E CAMINDA DOLOROSO, AFIN CU ESAKI POR SIRBI PA SALBACION DI NOS ALMA. CRUZ SANTO CU A CARGA CRUZ DI NOS SENJOR HESU CRISTO , SANTIFICA HUSTONAN Y COMBERTI PECADORNAN. TATA, TENE MISERICORDIA CU MI POBER PECADOR. AMEN.

Peregrinacion 2013 Di 7 pa 24 di Mei 2013 lo bay tin un peregrinacion pa kapel Vrouwe van alle Volkeren(Amsterdam), Fatima (Portugal), Santiago de Compostela (Spaña), Lourdes (Francia), Nevers - Bernadette (Francia) y Rue du Bac - La BirgenMilagrosa (Francia).

E peregrinacion aki ta bao di guia di Stichting Limburgse Bedevaarten (unfundacion Hulandes) y lo wordo dirigi spiritualmente pa Pater P. Canisius di KapelVrouwe van alleVolkeren y Pater J. Bouman. A bin algun lugar liber pa esnaninteresa.

Persona di contacto: Tessa Toré Cel 747-4700 y Ica Croes Tel 585-8546 y Cel 734-8585.

Ayúdame, oh Señor, a que mis ojos sean misericordiosos, para que yo jamás recele o juzgue según las apariencias, sino que busque lo bello en el’alma de mi prójimo y acuda a ayudarle.

Ayúdame, oh Señor, a que mis oídos sean misericordiosos, para que tome en cuenta las necesidades de mi prójimo y no sea indiferente a sus penas y gemidos.

Ayúdame, oh Señor, a que mi lengua sea misericordiosa, para que jamás hable negativamente de mi prójimo, sino que tenga una palabra de consuelo y de perdón para todos.

Ayúdame, oh Señor, a que mis manos sean misericordiosas y llenas de buenas obras, para que sepa hacer sólo el bien a mi prójimo y cargar sobre mí las tareas más difíciles y penosas.

Ayúdame, oh Señor, a que mis pies sean misericordiosos, para que siempre me apresure a socorrer a mi prójimo, dominando mi propia fatiga y mi cansancio. Mi reposo verdadero está en el servicio a mi prójimo.

Ayúdame, oh Señor, a que mi corazón sea misericordioso, para que yo sienta todos los sufrimientos de mi prójimo.

A nadie le rehusaré mi corazón. Seré sincera incluzo con aquellos de los cuales sé que abusarán de mi bondad. Y yo misma me encerraré en el misericordiosísimo Corazón de Jesús.

Soportaré mis propios sufrimientos en silencio.

Que tu misericordia, oh Señor, repose dentro de mí.

Oracion di San Francisco pa esnan cu no tin confianza pa cu otro.

Señor, haci mi un instrumento di Bo Paz. Laga mi trece amor caminda tin odio. Laga mi trece pordon caminda tin pleito. Laga mi trece union, caminda tin desunion.

Laga mi trece berdad, caminda tin eror.Laga mi trece speranza, caminda tin desesperacion. Laga mi trece claridad, caminda tin scuridad. Laga mi trece legria, caminda tin tristeza. Señor: haci mi busca mas tanto pa consola cu pa ser consola; mas tanto pa comprende, cu pa ser comprendi; mas tanto pa stima, cu pa ser stima……………….,pasobra ta dunando cu nos ta ricibi, ta pordonando cu nos ta haya pordon y ta muriendo cu nos lo nace pa bida eterno. AMEN

Mensahe di Dibini Niño na Reginaldo Danje Bendicion mi rumanan stima. Bendicion di awacero mi a basha ariba diferente pais di mundo pa ricibi un siglo nobo na tur mi rumanan stima. Ay cu amor y alegria y paz pa mundo. Cu dolor y tristeza mi a mira hopi sufrimento den casnan di famia di mi rumanan. Mi ta pidi boso biba den union cu otro y persevera cu loke Tata a pone den boso caminda stima boso prohimonan y boso criaturanan y cuidanan di tur maldad. Corda bon mi rumanan Ami ta boso sombra, Ami ta boso guia y boso refugio. Mi ta pidi boso drenta mi casnan cu ta iglesianan di Dios y haci hopi oracion y pidi pordon y renoba boso alma. No biba den rikesa y luho y lubida ariba Dios y haci menos caso di Dios y biba yen di descordia cu boso prohimonan, pero boso corda mi palabranan pidi pordon y reza e santo Rosario y canta mi cu alabanza y stima Dios Tata y su yiu, pasobra dia boso biba cu bondad y amor npa otro y sigui mi escohidonan y yudanan plama mi mensahe rond mundo y cumpli cu mi pidimentonan cu hopi oracion y pasa cas pa cas y hiba palabra di Dios Tata cu boso sombra.

No lubida Mi ta stima boso tur dia y pa semper. Amen

Oracion pa reza tur dia Pa Dios cuida nos dushi pais Aruba. Den nomber d Cristo Hesus, nos ta acerca bo Tata y nos ta pidi Bo, pa tene misericordia cu nos y cu nos Pais Aruba.

Awe nos ta pidi Bo Señor, pa pone un biaha mas bo bista amoroso riba Aruba. Purifica nos Pais Aruba di tur mancha di maldad. Libera Aruba di tur acto di scuridad y di tur acto diabolico. Laga bo Angelnan campa rond di Aruba. Cubri Aruba cu Bo sanger precioso. Spirito Santo, guia y proteha cu bo luz divino tur cu ta y cu tabata biba na Aruba, pa un dia nos por topa atrobe den Bo Reino Celestial. Amen

Pagina 32

Diabierna Febuari 1 2013

ARUBAS TOP 20 DIASABRA 2 DI FEBRUARIE 2013 1/1.. I WANT YOU BACK -- TITO NIEVES 2/3.. ONE MORE SHOT-THE ROLLING STONES 3/2.. MANIAS – THALIA 4/6.. PONGAN ATENCION - FARINA 5/8.. BUM BUM -- TIMAYA 6/10.. PORQUE LES MIENTES-TITO EL BAMBINO – MARC ANTHONY 7/12.. IMAGINAME—PAULINA RUBIA 8/14.. SWEETING - UPGRADE MUSIC 9/11.. FREEDOM – NICKI MINAY 10/16.. LOCK OUT OF HEAVEN-BRUNO MARS 11/17.. KOSEDO-BASIC ONE 12/7.. ALZO MI VOZ - TITO EL BAMBINO -CON TERCER CIELO 13/18..MI MUJER ME GOBIERNA - LA BANDA GORDA 14/19.. PEGARTE SUAVECITO- ELVIS CRESPO 15/20..SUPERSTAR-- MADONNA 16/15..GANGNAN STYLE - NBO 17/--COMO ME GUSTA-CARLOS VIVESMICHEL TELO 18/--UN ANOCHI MAS-AREA 51 19/--CHUCUCHA- ILEGALES 20-/--CRAZY BLUE -- AC BLACK