Diabierna 1 Juli 2011

Diabierna Juli 01, 2011

Pagina 1

Diabierna Juli 01, 2011 - Edicion 5 Vol. 1611 - Sta. Cruz # 110 Tel: 585-9500

Fax:585-0951 - E-mail: solodipueblo@gmail.com

1.50

Den reunion di parlamento ayera relaciona cu prijs di awa y coriente y brandstof-clausule.......

Mike de Meza a critica AVP y ta cuestiona promesanan politico di Mike Eman

Booshi ta mucho MEP pa laga MEP Sra. Magaly Brito di SEPPA:

Reunion di indexering keto bay ta ser posponi

Evelyn Wever-Croes:

REUNION DI PARLAMENTO A CABA Y NINGUN ALIVIO PA NOS PUEBLO!!

MINISTER VISSER KIER CORE CU DR. BOESTEN Y E RAAD VAN TOEZICHT DI SZA PA E ACOMODA "SLOTERVAARTZIEKENHUIS"??

Reunion tras di reunion pa solucion riba ruta di carnaval Mike de Meza ta confirma noticia di Solo....

Tin discusion fuerte andando cu WEB

A pidi tempo pa asina busca solucion Fraccion di MEP:

AVP Y DOS INDEPENDIENTE TA RECHAZA MOCION PA NO AUMENTA PRIJS DI AWA Y CORIENTE PA UN AĂ‘A!

Dos ladron di auto deteni na Seroe Blanco

Diabierna Juli 01, 2011

Pagina 2

Dos ladron di auto deteni na Seroe Blanco

STA. CRUZ -- Diahuebs den oranan di madruga un automobilista a tuma nota di dos homber parecido na choller a cabi comete kiebro riba un auto den vecindario.

E automobilista a sigui movecion di e hombernan aki scondi y a avisa central di polis. Di biaha polis a dirigi su mes pa e sitio mientras e testigo a sigui e hombernan cu

material den nan man.

Ora nan a mira polis, nan a laga e materialnan cay y a purba core pero nan a freeze y ambos a keda deteni. A tuma e materialnan den beslag y yega na e cas concerni pues unda e kiebro a tuma lugar pa tuma datos mientras na warda bay lo interoga e dos detenidonan.

Diabierna Juli 01, 2011

Pagina 3

Booshi ta mucho MEP pa laga MEP STA. CRUZ -- Despues cu Booshi a hala aden su postulacion pa lider di MEP, tin basta rumor cu ta bisa cu Booshi lo a rabia y lo bay bandona MEP y te hasta ta ser bisa cu e lo declara su mes independiente.

SOLO ta remarca cu conociendo Booshi, e ta MUCHO MEP pa bay haci algo asina. Por wel di ta cu Booshi lo ta poco decepciona pasobra cu aparentemente lo a haci un promesa na dje cu no a cumpli, pero tampoco e ta un asunto pa bandona

partido. Mañan mainta pa 9:30 Booshi a yama un conferencia di prensa pa asina e duna su punto di bista relaciona cu su retiro pa candidato pa lider di MEP.

A haya dos homber ta horta auto .

STA. CRUZ -- Polisnan di San Nicolas, diarazon pa 11:30 di anochi a bay den Betonicastraat pa un auto sospechoso.

Na e sitio polis a mira un Toyota Yaris blauw A-48873. Polis a controla e number y a resulta cu ta un auto di ladronicia. Den e

Mas

auto polis a haya e dos hombernan R.R.L. y J.J.L. sinta. E homber R.R.L. a bisa polis cu e auto ta di un amigo y nan a haya un flat tire y e amigo a bay busca un tire di reserve. Tur dos a keda deteni y hiba warda pa investigacion

Medida AVP

AWA

aumento 11%

CORIENTE aumento 13.3%

Mike de Meza ta confirma noticia di Solo....

Tin discusion fuerte andando cu WEB A pidi tempo pa asina busca solucion

STA. CRUZ -- Den reunion di Parlamento di ayera, Mike de Meza a confirma cu tin discusion pisa andando entre Gobierno y WEB. De Meza a bisa cu e situacion ta dificil den sentido cu WEB no por aumenta prijs di awa, pasobra esaki lo tin consecuencia pa economia y pa pueblo.

Pero tambe mester realiza e importancia di WEB pa keda un compania estable. Awor mester waak si Gobierno

tin cu inyecta placa den WEB of si mester bay fia placa of si mester duna garantia na e banconan cu a fia placa na WEB. Tur esaki lo wordo studia y lo wordo treci den e dialogo social pa asina por bini cu conclusionnan con pa atende e problema. WEB a bisa cu nan lo coopera cu 1 siman so! Si den 1 siman De Meza no bini cu solucion concreto, nan lo aumenta e tarifa di awa.

Pues Gobierno di AVP mester cumpli awor cu

nan plan Aruba Ariba pa asina baha e prijs di awa y coriente pa trece alivio y juist no his’e.

Lo bay controla riba tiramento ilegal di sushi STA. CRUZ -- Prome di Augustus lo continua cu e control riba tiramento di sushi na un forma ilegal ariba terenonan priva. A introduci un cambio den e Algemene Politie Verordening (APV) y articulo 55 ta bisa cu ta prohibi pa tira sushi ariba tereno priva.

Ta conoci cu na Aruba tin diferente tereno cu e doñonan ta usa pa saca santo etc. y e buraco cu ta keda sa usa pa tira sushi y asina ta crea dumpnan ilegal. Fuera di ta un bista mahos pa e vecindario, tambe e dump por ta un peliger

pa salud di hende.

Bestianan manera djaca ta haya un lugar pa broei y si surgi un candela e huma ta afecta salud di e habitantenan den e vecindario. E dump na Parkietenbos ta e lugar unda tur hende mester laga deposita sushi y pa haci esaki na un manera responsabel.

Lo bay controla tur sitio unda hende sa tira sushi y tambe e sitionan unda sa coba santo etc.

Si e lugarnan menciona no ta cumpli cu e reglanan vigente, anto lo pone nan para tur actividad y cera e lugar.

Desde e cambio den e APV, e doño of esun cu ta maneha e lugar pa tira sushi mester tin den su poder un instruccion di ministro di medio ambiente segun articulo 55 di e APV. Tambe e persona concerni mester tin un permiso di molester ( h i n d e r v e r g u n n i n g) segun articulo 1 di e ley di Hinderverordening.

Durante luna di Juli lo duna informacion na pueblo tocante e maneho pa deshaci di tur desperdicio ariba nos isla.

Diabierna Juli 01, 2011

Pagina 4

PARLAMENTARIONAN DI MEP PRESENTE NA CONFERENCIA DI HENDE MUHER DEN LIDERAZGO

Den reunion di parlamento ayera relaciona cu prijs di awa y coriente y brandstof-clausule.......

"NOS MESTER CREA CONDICIONNAN Mike de Meza a critica OPTIMAL PA MAS HENDE MUHER AVP y ta cuestiona BIRA LIDER DEN NOS PAIS" STA. CRUZ -Parlamentarionan pa MEP, Evelyn WeverCroes y Xiomara RuizMaduro a atende a conferencia organiza pa ATIA, Women Leadership Conference 2011. E conferencia tabata un exito rotundo y pa esaki mester bay un palabra di pabien na e organizadornan.

Pa e parlamentarionan tabata un experiencia especial pa comparti e dia aki cu mas o menos 500 otro hende muher, den posicionnan clave den nos comunidad y pa intercambia di opinion con pa mehora e posicion di hende muher na Aruba. E discusionnan tabata dirigi den identifica kico ta e bareranan cu ta impedi mas hende muher ocupa funcionnan mas halto den nos comunidad, e asina yama "plafond di

glas".

Locual a keda identifica ta cu apesar cu un gran parti di nos hende muhernan ta studia y prepara pa un profesion, toch na final di cuenta nan no ta logra yega na posicionnan clave pa motibo cu ta un mundo di hende homber y un hende muher no facilmente ta drenta eyden.

Pero tambe pasobra den varios caso e hende muher ta scoge pa su yiunan.

Den caso cu e hende muher tin un bon sosten di su pareha, e por desaroya mas facilmente den posicionnan clave.

Un di e conclusionnan importante ta cu nos mester stimula nos mucha muhernan di chikito, pa nan desaroya y bira un profesional den futuro. Pero tambe a keda conclui cu nos

mester educa nos mucha hombernan di chikito caba, cu nan mester respeta e hende muher y cu ora nan ta grandi y nan tin un pareha cu responsabilidadnan di e hogar y di e yiunan mester wordo comparti y no necesariamente ta e hende muher so mester keda encarga cu nan.

Si e hende muher por haya mihor sosten di gobierno pa cu un caminda pa laga su yiu ora e bay traha y proteccion legal pa cu pago igual pa trabao igual, e chancenan ta aumenta pa mas hende muher por ocupa funcionnan importante den nos pais.

Parlamentarionan mr.

Evelyn Wever-Croes y mr.

Xiomara Ruiz-Maduro ta comprometi pa cuminsa traha riba e leynan aki den Parlamento.

promesanan politico di Mike Eman

Textualmente el'a bisa: 'No gewoon haci promesanan politico cu por haci tur sorto di cos, pasobra e consecuencianan ta hopi dramatico' STA. CRUZ -E diferencia di opinion den partido AVP ta birando dia pa dia mas grandi. Den un reunion di parlamento di ayera, Minister de Meza a haci dos expresion cu ta autocritica su propio partido AVP y den un forma mas bien di 'bao presion' e kier core leu pa promesanan cu e partido 'berde dimes' a haci durante di eleccion. Mike de Meza a bisa cu el'a scucha e disertacion di ex minister Eddie Briesen, kende tabata pa 5 a単a Minister di companianan di Utilidad y segun De Meza, Briesen di MEP tabata sincero y el'a papia cosnan sin hinca politica den e situacion pa cual Briesen a papia e berdad! Despues cu propio Mike De Meza a forma parti di e campa単a pa demonisa MEP, Nel y Eddie Briesen, awe, ta bin realiza cu tur loke nan a instiga contra MEP durante nan tabata den oposicion ta wordo poni un banda pa asina declara publicamente cu Eddie Briesen ta papia BERDAD !!

Sinembargo Mike de Mesa a sorpresa tur hende ora el'a menciona net despues di a elogia Eddie Briesen di MEP cu 'no gewoon haci promesanan politico cu por haci tur sorto

di cos, pasobra consequencianan hopi dramatico'.

e ta

Pues cu e statement aki, e ta bira hopi cla pa nos cu Mike de Mesa a manda un critica directamente ariba Mike Eman, kende dia 3 di April ultimo a declara cu e lo elimina 'brandstof clausule' den un anja.

Mike Eman a haci un promesa politico y aki ta unda Mike de Mesa a manda e signal pa Mike Eman: Stop di haci promesa poltico!!

Dia 28 di April 2011 tabata propio Mike de Mesa cu a haye ta RECTIFICA den programa di Tito Lacle, unda a usa un palabra bunita, esta 'wording' pa asina sali di e ganjamento cu Mike Eman a haci cu lo elimina brandstof clausule. Y pa esnan cu ainda no kier kere, por subi www.solodipueblo. com unda nos a pone e grabacion unda bo mes por saca bo propio conclucion!

Diabierna Juli 01, 2011

Pagina 5

PARLAMENTARIO DI MEP MR. EVELYN WEVER-CROES:

REUNION DI PARLAMENTO A CABA Y NINGUN ALIVIO PA NOS PUEBLO!!

STA. CRUZ -- Desde dia 5 di Mei e reunion den Parlamento a cuminsa pa trata e tema importante di aumento di tarifanan di awa y coriente. Pero mester a pospone e reunion varios biaha te cu porfin el’a termina dia 30 di Juni. Parlamentario Evelyn Wever – Croes tabata decepciona ya cu reunion no a trece ningun alivio pa e pueblo di Aruba. “Mi ta lamenta cu un tema asina importante, no ta haya e atencion debido di Parlamento. Pero mas mi ta lamenta cu e reunion a termina, sin cu ningun alivio a wordo duna na nos pueblo. Nos pueblo ta sufriendo cu e aumento di prijs di awa y coriente, pero esnan cu ta sostene gobierno ta keda papia y papia, sin haci nada. Dos mocion di MEP a wordo acepta, cual lo mester brinda alivio riba termino mas largo. Nos mocion pa no aumenta e prijs mas pa uso domestico y instancia nan caricativo, cual por lo menos por a duna alivio riba termino

cortico, a wordo rechaza pa argumentonan y detayes cu no ta importante, sigur no si mira e importancia pa freeze e prijsnan. Pues ni e siguranza ey nos no por duna nos pueblo. Ami ta sintimi defrauda den nos Parlamento. Nos pueblo a fiha su confianza riba nos Parlamento, pero nos a laga nos pueblo na caya, pasobra e fraccion mayoritario, no tin e curashi pa mustra nan gobierno cu gobierno mester stop di fiesta y malgasta placa, pero mester baha e costo di awa y coriente riba termino cortico.

Pesey mes na final di e reunion mi a bisa cu ta cada Parlamentario cu a rechaza e mocion mester bay refleha y mester responsabiliza nan mes cu nan simpatizantenan y bisa nan kico concretamente nan a haci pa baha e prijs di awa y coriente, of por lo menos evita cu e ta sigui aumenta”, segun mr. Evelyn Wever-Croes.

Informacion concreto di SOLO DI PUEBLO:

Invasion di Ecuatoriano na Aruba Nan ta drenta como 'turista' ariba barco Ocean Dreams pero ta keda aki STA. CRUZ -- Ya ta desde algun dia caba cu SOLO DI PUEBLO a tuma nota di un aumento di Ecuatoriano den nos comunidad. Mas y mas nos ta topa na varios restaurant, bar y otro lugarnan cu hendenan procedente di Ecuador.

Esaki no tabata algo cu nos conoce, ya cu e nacionalidadnan cu mas tabata bini nos isla tabata Colombiano y Venezolano.

Den un quick scan cu SOLO a haci, nos a bin comprende cu e porta di entrada den nos pais

di Ecuatorianonan ta via e barco crucero Ocean Dreams. Cada vez cu e barco crucero aki para na Aruba, ta keda por lo menos 10 Ecuatoriano atras.

Mesora nan ta haya patron pa firma pa nan y Gobierno ta bon na altura y ta cooperando tambe.

Pesey mes nos tin cu informa e pueblo cu nos ta bay cera conoci cu e invasion Ecuatoriano na Aruba, cu nos ta considera algo nobo na nos isla. Mey mey di tur esaki, Minister Dowers

ta morto na soño y no kier tuma ningun decision ariba e futuro di Guarda nos Costa.

Esaki ta un departamento cu Rudy Croes a crea pa asina yuda vigila e portanan di nos pais y hendenan cu ta keda aki ilegal. Sinembargo Gobierno di AVP a paga e luz di Guarda Nos Costa y ta lagando e departamento aki sangra pa asina AVP por cumpli cu su promesa haci, haci Aruba mas grandi.

OPEN VACANCY Are you the friendly, accurate, attentive person that can deal with stress and is looking for a job in a dynamic environment and complies with all these requirements? If your answer is yes, we are looking for someone like YOU! General Air Services, Ground Handlers and Airline Representatives, has vacancies for the position of: Passenger Handler Job requirements - Minimum EPI, HAVO degree - Fluent in speaking Papiamento, English, Dutch and Spanish - Ability to work flexible schedules during week, weekends and holidays - Communication, teamwork and responsibility skills - Customer service knowledge - Should be at least 21 years old Job activities - Check-in passengers - Control of tickets and travel documents - Tickets sales - Boarding of Aircraft What we offer - A friendly working team - Possibility to grow in the airline business - Possibility of obtaining discount tickets - On the job training and possibility to train abroad Are you interested?

Come to our office at International Queen Beatrix Airport between 09:00am-12:00pm or 14:00pm-16:00pm for an application form before Friday July 8, 2011.

Diabierna Juli 01, 2011

Pagina 6 Fraccion di MEP:

AVP Y DOS INDEPENDIENTE TA RECHAZA MOCION PA NO AUMENTA PRIJS DI AWA Y CORIENTE PA UN AÑA! STA. CRUZ -- Den Parlamento partido MEP a presenta un mocion, pa stipula cu e prijs di awa y coriente ta keda fiha riba e prijs maximo cu e tin awor na Juni 2011. E proposicion aki lo a conta pa uso domestico y pa instancianan caricativo.

Mirando cu Gobierno di AVP a priminti cu nan lo baha prijs di awa y coriente, pero cu desde cu nan a sinta, ta subi so awa y coriente a keda subi, ta necesario pa fiha e prijs maximo riba e suma cu e ta awor pa e no sigui subi. En todo caso pa un aña, mientras cu prome minister Mike

Eman ta mira ta con e lo cumpli cu su promesa di 3 April pa libera Aruba di brandstofclausule.

Fraccion di MEP a propone e mocion aki, pero lamentablemente AVP y e dos independientenan a rechaza e mocion pa motibonan fofo.

Pa fraccion di MEP Parlamentario mr. Evelyn Wever-Croes a haci un apelacion riba nan, pa sostene e mocion aki.

E mocion mester wordo mira den su totalidad, cu e intencion pa cualquier aumento di prijs NO afecta nos hogarnan ni instancianan

Pa medio di e anuncio aki Colegio Arubano ta informa cu su otorgamento di diploma 2011 ta: Lugar Center

: Renaissance Convention

Dia

: diabierna 1 juli, VWO : diasabra 2 juli, HAVO

Ora: or PM

: 7’or PM, porta ta habri 6:30

Entrada (incl. buffet y 2 softdrinks) Pa graduado Pa invitado/mayor 60,- p.p.

: gratis. : Afl.

Animacion na clausura di anochi:

1 juli: Dushi Band

2 juli: Youth Xtreme Graduadonan mester pasa busca nan carchi na administracion di SMOA na Colegio Arubano y cumpra carchi pa nan invitado.

Colegio Arubano ta felicita tur su graduadonan y nan famia.

caricativo mas. Tabata obvio cu AVP ni e dos independientenan tin nos pueblo na curazon, pasobra esaki tabata nan oportunidad pa duna un señal bon cla na gobierno cu e no por

sigui aumenta prijs y pasa esaki riba lomba di pueblo. Gobierno mester cuminsa absorba e aumentonan di prijs aki.

Lamentablemente AVP ni e dos independientenan no kier a duna nos

famianan e trankilidad aki. Di awor en adelante, pa cualquier aumento di prijs di awa y coriente, nos pueblo sa ken nan mester gradici: AVP y e 2 independientenan!

OPEN VACANCY HR Assistant You will assist the HR manager directly in the overall Human Resources tasks in the HR department.

Job requirements - Minimum MBO degree in HRM - Organizational, communication, teamwork, willing to undertake responsibility and an eye for detail - Knowledge of Microsoft Office - Highly proficient in verbal and written communications Job activities - Provide administrative and organizational support for the HR manager - Work on HR related projects - Support in the hiring process of new employees What we offer - A friendly working team - Possibility to grow in the airline business - Possibility of obtaining discount tickets Are you interested?

If you are interested in this position, please send your resume and motivation letter to s.marchena@genairaruba.com before Friday July 8, 2011.

Diabierna Juli 01, 2011

Pagina 7

Universidad di Aruba ta presenta:

Anochi di venta di boeki segunda mano y registracion pa e aña academico 2011-2012 STA. CRUZ -Universidad di Aruba ta invita tur studiante di Colegio Arubano y di EPI y tur esnan cu ta interesa pa inicia un estudio di enseñanza superior na Aruba, pa asisti na e anochi aki cu ta tuma lugar diarazon dia 6 di Juli 4:00 p.m. – 8:00 p.m. E evento aki lo tuma lugar na e edificio di Universidad di Aruba, L.G. Smith Boulevard banda di Superfood Supermarket. Durante e anochi aki e biblioteca di Universidad di Aruba un biaha mas ta organiza un evento na cual nan lo bende un cantidad grandi di boekinan “segunda mano” riba tereno di Ley, Business, Management, y Turismo (entre otro) na prijsnan hopi razonabel. Riba

e dia aki tambe lo tin studiantenan di Universidad di Aruba ta bende nan boekinan di añanan anterior na tur e studiantenan nobo cu lo kier haya boekinan na prijsnan mas razonabel. Tambe lo tin e oportunidad pa esnan interesa pa bira miembro, renoba miembrecia y entrega boeki (sin paga boet).

Durante anochi aki tambe lo tin diferente compania presente cu nan oferta riba boeki (literatura obligatorio) y Laptops. Ademas riba e anochi aki tin e oportunidad pa tur esnan cu ta interesa pa aplica pa e aña academico nobo. E anochi aki ta especialmente pa tur esnan cu no por pasa durante oranan

Serlimar auxilio pero auxilio urgente

di oficina pa asina por inscribi. Pa e proceso di admision cana manera debe ser, lo recomenda pa tur studiante subi riba nos website www. ua.aw i for di eynan haya tur instruccion di con pa aplica y tambe tur documento cu ta necesario ora di inscribi. Ultimo dia pa inscripcion lo ta dia 15 di Juli. Universidad di Aruba kier a invita tur esnan interesa pa pasa

e anochi aki y probecha di e oportunidad unico aki. Pa mas informacion tocante e dia aki por

yama number di telefoon 5889946 ext. 255 entre 8:00 am – 5:00pm.

Diabierna Juli 01, 2011

Pagina 8

Diasabra :

Aruba lo tembla cu e grandioso festival di cancionnan di nos inolvidable Bernadina Growell

STA. CRUZ -- Diasabra dia 2 di Juli pueblo di Aruba, especial di Brazil lo tembla cu e grandioso festival di cancionnan di nos inolvidable mama di cultura q.e.p.d. sra.

Bernadina Growell.

Despues di e festival lo sigui un fiesta bailable cu Robert Maduro y su Alma Folklorico. Ora: 8:00 pm pa 2:00 am den Centro di Bario Brazil. Kaarchie

pre-venta 10 florin cerca comision y na Centro di Bario Brazil. E anochi mes e entrada lo ta 15 florin. Lo tin un pasashi pa Bonaire como doorprize. Comision Bernadina Growell ta invita un tur di tur parti di Aruba pa bin presencia e festival aki cu lo pone henter Aruba tembla.

Ayera tabata tin training y e fotonan ta saca ora di e training.

Comision Hubentud Dakota - HUDA CAMP

Awe por inscribi pa e Huda Camp!

STA. CRUZ -- COHUDA a wordo funda dia 3 Juli 2008 cu e deseo pa mantene nos hubentud sanamente activo durante vakantie grandi.

Desde su inicio Cede Aruba ta co-financia nos proyecto y ta cu e motibo ey nos prijs ta special "fls. 35" y na alcance di tur mayor pa un siman.

Huda Camp ta start su prome siman di Camping dia 11 te cu 15 Juli y di 18 te cu 22 Juli. Orario: 9 am pa 1 pm (dialunadiarazon-diabierna) y 9 am pa 4 pm (diamars y diahuebs cu ta dia nan di salida). Lugar: Centro di Bario y Deporte Dakota.

Na final di nos HUDA CAMP, participante nan ta ricibi un Certificado y groepsfoto como recuerdo di nan participacion. Mayornan cu ta desea pa nan yiu participa na HUDA CAMP por pasa registra na yiu desde AWE 1 di Juli atardi di 5:30 pa 6:30pm y dialuna 4 Juli te cu 8 Juli for di 4:30 pm te cu 6:30 pm na CBDD. Nos tin limite di acepta te cu 60 mucha di 4 te cu 16 aĂąa. Pa mas informacion favor comunica telefonicamente via cellular 565-0811 sra.

Lisandra Bernabela – 560-7331 sra. Magaly Sneek y 7418506 sra. Editha LakeWolter

Diabierna Juli 01, 2011

Pagina 9

Reunion pa tur mentor, representante di e Plaatselijke Opvangcommissies y director di Arubahuis, sra. Desiree Croes Esaki relaciona cu studiantenan cu pronto lo yega Hulanda pa sigui nan estudio STA. CRUZ /Den Haag – Na Cas di Aruba a tuma lugar un reunion central ariba opvang studiante 2011. Presente na e reunion aki tabata director di Cas di Aruba sra. mr. Désirée Croes, sra. Ivonne Navas y sra. Rosalinda CroesKelly di departamento

di Enseñanza di Cas di Aruba, un grupo di mentor y representantenan di e Plaatselijke Opvangcommissies (POC). Esaki den bista di preparacionnan pa e yegada di e grupo di studiante nobo cu proximamente lo viaha pa Hulanda pa sigui un

estudia avanza.

E grupo grandi di studiante – cu ta consisti di doscien (200) studiante cu lo yega ariba vuelo 667 di MartinAir cu ta sali diadomingo 31 di Juli for di Aeropuerto Reina Beatrix y e avion lo baha e dia siguiente

dialuna prome (1) di Augustus na Aeropuerto di Amsterdam Schiphol.

Director di Cas di Aruba lo acompaña e studiantenan ariba e vuelo for di Aruba pa Hulanda. E mentornan conhuntamente cu e Plaatselijke Opvangcommissies (POC) ta druk bezig cu e preparacionnan pa e programa di opvang obligatorio di tres dia den e ciudad di estudio. E cantidad total di studiante cu lo bin Hulanda pa sigui studia no ta conoci ainda, debi cu mester warda resultadonan di herexamen HAVO y

VWO. Tur studiante cu ta bin Hulanda ta conseha pa tuma contact cu nan mentor. Ariba e website di Cas di Aruba www. arubahuis.nl tin un lista di e mentornan cu tur informacion con pa localiza nan sea telefonico of via email.

Na e studiantenan cu ya caba ta na Hulanda prome cu e grupo grandi yega, ta bay un apelacion pa tuma contacto cu su mentor of cu sra. Ivonne Navas di Departamento di Enseñanza di Cas di Aruba na number di telefoon 070 – 356 62 33.

Diabierna Juli 01, 2011

Pagina 10

Noelia Khalil nos Miss Teen Aruba 2011 17 aña di edad, studiante di VWO 6

STA. CRUZ -Diadomingo ultimo den ballroom di e mahestuoso Westin Hotel a tuma lugar e certamen mas grandi di nos isla di beyeza pa hubentud “ Miss Teen Aruba 2011”.

Siete candidata maraviyoso for di varios distrito di nos pais a competi cu otro, demostrando nan talento, beyeza y inteligencia.

Publico presente a disfruta cada momento di e gran evento aki. Na final di e anochi e cuerpo di hurado a entrega e resultado final cual ta lo siguiente: Segunda finalista: Dayreen Maduro, promer finalista: Mishelle Motta y ganadora maximo, Miss Teen Aruba 2011 a resulta e simpatica, srta.

Noelia Khalil. Noelia a recibi entre otro e premio tambe como Best Make Up, Bikini y Cocktail Dress. Noelia ta studiante di VWO 6 na Colegio Arubano pa e proximo aña escolar.

Noelia tabata un di e favoritonan pa e corona desde un principio di

Mas

e certamen. Den un forma extraordinario Noelia a contesta espontaneamente e pregunta cu el’a ricibi e anochi aki. Na momento cu Noelia a contesta su pregunta, publico a keda impresiona y hunto cu su espontaneidad y su beyeza Noelia a sa di converti su mes den e maximo ganadora di e corona.

Noelia ta viahando dia 22 di Juli pa San Salvador pa asina dignamente representa nos dushi Aruba den e certamen di Miss Teen Americas cu lo tuma lugar 29 Juli proximo. SDP di awor aki caba ta desea Noelia tur clase di exito y nos ta sigur cu Noelia lo promove nos isla den gran forma, lagando atras un bon impresion di nos dushi Aruba. Un pabien na e popular y incansabel Tio George y su comision cu a sa di dirigi e certamen aki na un manera profesional.

Tambe ta bay un pabien na querido mayornan di Noelia: Toni y July Khalil. Potretnan ta di cortesia 24ora.com

Medida AVP

AWA

aumento 11%

CORIENTE aumento 13.3%

Diabierna Juli 01, 2011

Pagina 11

Abogado mr. Duijneveld y Luis Mansur a laga scucha mas testigo ayera den Corte STA. CRUZ -- Ayera mainta mr. Duijneveld, Don Mansur y Magda Mansur a presenta na Corte mientras cu Luis Mansur a wordo treci for di KIA pa sigui cu e caso cu Ministerio Publico a cuminsa contra nan.

Nan ta wordo sospecha di ta envolvi den fraude di placa mientras cu Luis Mansur a wordo declara bancarota y lo a pasa placa tras di lomba di curator. Un Huez di Hof a bin for di Curaçao pa atende e caso. Esaki pasobra tin un abogado envolvi den e caso. E caso ayera tabata mas bien scuchamento di

cu a wordo interoga.

Cid mester a contesta preguntanan haci door di abogado mr. de Hoogd cu a representa mr. Duijneveld. Tambe Huez y Fiscal a haci’e preguntanan. Ta asina cu Cid tabata traha pa Luis Mansur na e tereno na Babijn caminda tabata coba pa saca tera. El’a splica con e tabata traha pa Luis Mansur y a menciona suma di mas di 400 mil florin cu el’a duna Luis cu ta produco di trabao. Fiscal a puntr’e si e conoce Duijneveld y el’a bisa cu no. E ora ey a puntr’e con bin cu den oficina di Duijneveld

testigonan. E testigonan cu a wordo scucha ayera tabata Cid, Curet y Lacle.

Cid tabata e prome

a haya recibonan di entrega di santo. Cid a bisa cu e tabatin tur su facturanan pero desde cu

el’a cay cera, Recherche a bay cu tur cos. E testigo Curet a bisa cu e conoce Luis Mansur pa hopi aña caba. El’a bisa cu Duijneveld a haya instruccion di Luis Mansur pa pidi’e pa traha na e lugar di santo. Segun Curet, tur siman e tabata hiba tur placa y administracion pa Duijneveld controla y ta Duijneveld tabata dun’e placa pa su salario y paga e otro trahadornan. Lacle no a bisa mucho cos ya cu e no a traha mucho tempo riba e tereno na Babijn. El’a bisa cu e tabatin palabra cu Luis Mansur cu lo bende santo y ora Luis Mansur bin Aruba, lo bay papia di negoshi. Despues di e interogacionnan aki, Huez a bisa cu e ta pospone e caso pa December caminda lo bay scucha e otro testigonan.

Tin dos testigo, esta un di Peru y un di Colombia cu lo wordo interoga na nan pais mientras cu falta un otro persona mas cu mester wordo scucha.

Posiblemente despues di tur e interogacionnan aki, otro aña lo por dicidi ki dia lo trata e caso penal.

Diabierna Juli 01, 2011

Pagina 12

MINISTER VISSER KIER CORE CU DR.BOESTEN Y E RAAD VAN TOEZICHT DI SZA PA E ACOMODA "SLOTERVAARTZIEKENHUIS"??

STA. CRUZ -Recientemente minister Visser cu un firmeza machista a bisa cu e funcionamento di dr.

Boesten y e directiva di S.Z.A. ta laga hopi di desea y cu e lo bay haci su maximo esfuerzo pa trece cambio den esaki. Ora cu mi a lesa esaki, mi a pensa cu porfin tin un hende cu tambe ta pensa mescos cumi! Berdad cu e funcionamento ta malisimo of mihor bisa e NO-funcionamento di tanto e director como e directiva, ta evidente! Nos tur sa cu e director, cu bendicion di e directiva, ta menosprecia nos

propio yiunan di tera y alavez cu compra di equiponan necesario ta laga hopi di desea, esaki solamente pa e director por trece su "vriendjes" for di Hulanda y paga nan 3 pa 4 biaha pa salario cu nos localnan! Algo cu mi a trata di bringa contra dje, pero e tempo ey mi tabata wordo tilda cu mi ta busca guera cu tur hende djis pa mi trece amigonan for di exterior!

Y e minister awor ta bisa mesun cos cu mi tabata bisa e tempo ey y ningun hende ta tild’e cu e lo ta favorece su amiguitonan! Mi persona si a haci mi investigacion y pa

mi sorpresa mi a bin topa cu un "donedeal" cu e minister tin cu "Slotervaart ziekenhuis", un hospital na Hulanda cu ta di un nivel basta cuestionabel!

Particularmente e directie di e hospital aki tin hopi problema!

Ta straĂąo cu ta net e hospital aki e minister a scoge! E ora ey mi ta puntra mi mes si e hospital aki no ta sirbi, dicon toch ta scoge esaki? Tin un probecho personal? Kico ta e vntaha pa Aruba y su pueblo? Pues mi ta kere cu minister Visser debe nos pueblo un contesta riba e preguntanan aki!

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299

Diabierna Juli 01, 2011

Pagina 13

Dia di Corsou 2011, dia 2 di Juli Manera ta e tradicion di tur aña,

Comision Celebracion Dia di Corsou ta celebra Dia di Corsou aki na Aruba tambe STA. CRUZ -- Dia di Himno y Bandera di Corsou e aña aki ta cay ariba diasabra 2 di Juli 2011 y nos di comision Celebracion Dia di Corsou, manera ta e costumber di tur aña, lo celebra e gran dia aki diadomingo awor 3 di Juli. Nos lo cuminsa e celebracion cu un Santo Sacrificio di Misa pa 8:30am na Iglesia Cristo Rey na Brazil. Despues di misa e celebracion lo continua 10:00am riba parkeerplaats di WEMA na San Nicolas te cu 8:00pm. Lo bay tin diferente stand di Artesania y Cuminda Crioyo manera Pan Cera, Boca Dushi y sin lubida e dushi Tutu di sra. Mirna. Logicamente bar lo ta bay ta bon surti y bon friu! E parti musical di e celebracion lo ta bay ta den man di nada mas y nada menos cu Mike's Disco y tambe gruponan di ‘Seu stret’ for di Corsou. E aña aki

nos a haya cooperacion di grupo Kristal, grupo Troncon, grupo Ofrenda y grupo Zewelo Zeula pa engrandece e celebracion aki na Aruba. Manera ta e costumber e gruponan aki lo sali hunto 3:00pm di e parkeerplaats di Sta. Teresita Center y "Wapa" bay abao te na parkeerplaats di WEMA San Nicolas. Pa corona e obra na nan yegada na e parkeerplaats di WEMA San Nicolas pa 4:00pm Aruba cu Corsou ta uni un biaha mas den musica pa trece e ambiente maximo.

Grupo Komper di Korsou y Zeta Band di Aruba lo tuma over y deleita e publico presente te den oranan di anochi.

Di e forma aki nos di Comision Celebracion Dia di Corsou kier a manda un invitacion na pueblo henter di Aruba, pero muy en particular na e Yiunan di Corsou aki na Aruba,

pa bin celebra hunto cu nos Dia di Himno y Bandera di Corsou ariba diadomingo 3 di Juli 2011.

Nos ta warda bo sin falta aya na San Nicolas riba parkeerplaats di WEMA. Pa esnan cu kier haya un "pre-view" di e gruponan di Seu di Korsou ta bay tin un presentacion Musical y Cultural ariba diasabra 2 di Juli 2011 na Seaport Marketplace cuminsando pa 7:00pm.

Un danki grandi ta bay na Gobierno di Aruba, CMB Bank, Prins Bernhard Cultuurfonds & Renaissance Marketplace pa nan apoyo y sosten. Sin nan ayudo e celebracion di e aña aki lo no tabata posibel. Muy en especial nos kier a yama un danki di curazon na WEMA San Nicolas pa nan apoyo y sosten di tur aña! Pa mas informacion por tuma contacto libremente cu sra. Mirna Gijsbertha na cel: 74446 92.

Polis a haya muher Mericano drumi riba strand STA. CRUZ -- Polisnan di Strand, diarazon pa 12:15, durante patruya a mira un persona drumi riba banki, banda di oficina di Strandpolitie.

Ora cu polis a acerk’e, a resulta cu ta trata di un turista Mericano B.D. naci na Estados Unidos di 43 aña. El’a bisa polis cu e no tin lugar di keda y ta for di 12 di Juni caba e ta drumi riba strand. Polis a hib’e warda di Noord y eynan nan a yama Guarda Nos Costa, pero a haya contesta cu nan no por

haci nada. Pa su mes siguridad polis a lague keda drumi na warda di Noord y den oranan di mainta, lo yama Rode Kruis pa duna asistencia.

Mas

Despues polisnan a tuma contacto cu su famianan na Merca y nan a bisa cu nan lo manda su ticket pa e bay bek su pais.

Medida AVP

AWA

aumento 11%

CORIENTE aumento 13.3%

Remitido

Listening to his master’s voice E siman aki mi a lesa un articulo unda e minister di financia di Italia, Giulio Tremonti a declara cu ‘Un pais cu tin un deficit financiero tambe ta un pais cu un deficit di honestidad’.

Un declaracion bastante interesante biniendo di un ministro di un pais cu hopi hende ta considera como un pais na unda e corupcion ta halto. Awor nos por specula kico a conduci na e declaracion aki of nos por asumi cu e minister aki a reconoce e realidad y e kier trata di trece un cambio den e forma di pensa na su pais.

Hopi biaha ta pasa cu un persona ta asina convenci di su mes, cu e no por mira of acepta kico ta pasando rond di dje, e realidad of e berdad. Hopi biaha e persona aki ta rondona su mes cu hendenan cu ta sostene su mesun forma di pensa of cu ta dependiente di dje pa e por scucha cada biaha cu e tin razon y asina haya ratificacion cu lo cual e ta pensa e ta bon. Mas largo un situacion asina di ‘alabanza’ dura, mas e persona ta kere cu e ta ‘intachabel’. Tambe ta conoci cu ningun hende no por tin semper razon.

Historia y experencia ta comproba esaki. Pero asina mes tin hopi hende ta kere cu ta nan so sa mihor y nan ta ciego pa e realidad. Den e literatura academico esaki ta wordo yama ‘tunnelvisie’, pero pa e persona comun, nos ta yama terkedad.

Un tempo e mundo academico tambe tabata wordo domina pa ‘tunnel visionisten’ y patronahe, te ora e mundo academico mes a ripara cu nan mes a cay den un realidad falso despues di a conoce un tempo di gloria. Nan a re-descubri cu e valor di un teoria of un ponencia mester por para riba su

mes en vez di depende di ken a postul’e. Pa limita e cantidad di teoria di ficticio cu tabata depende si e investigador tabata conta cu e sosten lidernan di e sociedad academico y crea un base mas amplio pa investigacion, nan a introduci e principio di falsificacion (‘tegen denken’). E principio aki ta basa riba e concepto cu e conocemento y sabiduria ta temporal y nunca un hende mester kere ciegamente den dje.

Semper e mester keda pensa y cuestiona locual e sa. E ta algo dificil pa haci, pero e ta necesario pa sigui progresa. Asina e mecanismo interno di auto-control den e mundo academico a kibra cu e tradicion di patronahe y ‘tunnelvisie’ cu tabata dañino pa e desaroyo di investigacionnan y e conocemento imparcial.

E sistema di falsificacion no ta algo pa solamente academiconan. Tampoco e ta algo dificil. En su esencia mas basico e ta encera cu bo ta haci bo mes e pregunta si locual bo ta pensa of wordo bisa ta e unico manera of si e ta e mihor opcion. Acepta pasobra algo semper a wordo haci asina of cu un persona a bisa esaki, no ta suficiente. Cuestiona algo no kier meen cu na final bo lo no por yega na e mesun conclusion of resultado. Pero acepta ciegamente pasobra bo no mag di pensa of cuestiona ta manera bo ta descualificando bo mes of acepta cu bo no ta capaz pa pensa. Of kizas esaki tambe por ta e meta? Hmm..e ta pone’mi pensa riba Noord-Korea of riba e motto di un compania internacional di disco: ‘Listening to his master’s voice’.

Ban ta honesto cu nos mes. Te un otro oportunidad.

Elton Lioe-A-Tjam.

Diabierna Juli 01, 2011

Pagina 14

Reunion tras di reunion pa solucion riba ruta di carnaval

STA. CRUZ -- Presidente di SAC, sra. Tecla Kelly den un entrevista a trece padilanti cu e por a scucha na un radio emisora local unda cu sr. Ivo Yanez ta anuncia cu el’a papia cu Tecla

Kelly y cu lo bay pasa e parada solamente na San Nicolas. Lo bay tin un parada so y esey ta na San Nicolas y no mas na Playa. Sra. Tecla Kelly no a keda mucho contento cu e informacion aki y

kier pa comunidad sa cu na ningun momento su persona no a papia cu Ivo Yanez. Si acaso mes tin un cambio, esaki lo wordo anuncia oficialmente via di SAC y su mesun persona. Pa

e ruta di San Nicolas no tin problema. Tur cos ta cla. Solamente pa e ruta di Playa mester bin un cambio. E cambio ya caba ta conoci pa tur hende. Debi cu tin construccion ta andando

riba e caminda di L.G. Smith Blvd ta imposibel pa e parada pasa eynan.

Pesey mes a dicidi di busca un otro ruta cu ta conveni e pueblo di Aruba tambe. Prome cu a tuma un decision, a sinta delibera diferente ruta y a tuma un decision final cu ainda no ta completamente cla.

Durante e reunionnan cu a tuma lugar ultimo, SAC a sinta cu e doñonan di cas cu e ruta ta pasa dilanti di nan cas. Varios hende a trece nan punto riba mesa. Un di e preocupacionnan ta e parti di e comportacion di e publico unda cu nan ta keda te laat, orina y susha nan cas. Segun sra. Kelly ainda no ta conoci kico ta bay ta e resultado final. Reunionnan lo sigui pa asina busca mas alternativa pa cu e ruta di carnaval pa aña 2012.

Polisnan ta sigui controla velocidad halto riba Sasaki STA. CRUZ -- Diarazon polisnan di Oranjestad a tene control di velocidad riba Sasaki. Nan a duna un cantidad basta grandi di boet, na personanan cu a viola e velocidad maximo. Mayoria di nan a surpasa cien kilometer y hasta un señora a core 130 km.

Diabierna Juli 01, 2011

Pagina 15

Artista Timothy Charles y un grupo di artista hoben lo crea un mural gigantesco Den parkinglot di Kong Hing Supermarket na Playa

STA. CRUZ -- Aruba su Museo Arqueologico a revela un proyecto artistico ambicioso cu lo wordo ehecuta den e parkeerplaats di Kong Hing Supermarket, situa net na otro banda di caminda di e museo. Mientras cu e supermercado a haci e muraya disponibel, e artista local Timothy Charles a wordo recluta door di e museo pa desaroya un pintura di muraya, of mural, y ehecuta esaki cu e ayudo di artistanan local

hoben di Oranjestad y San Nicolas. Glenrick Franken, 15, Roz Anne Clement, 15, Abisha Chai, 16, Ann Sophy Donk, 17, Rowald Tromp, 20 y Yuxemy Alba, 17, ya caba a traha riba un mural, cual por ser mira den e parkeerplaats di e stacion di bus di Oranjestad, creando 25 panel colorido. E biaha aki, bao di e direccion artistico di Timothy Charles, nan lo ta pintando riba un canvas amplio, cu escenanan inspira pa un

bida activo y saludabel, encurashando esnan canando banda di e mural pa haci ehercicio y come drechi. E mural ta parti di e programa di zomer di e Museo Arqueologico pa studiantenan y lo tuma mas o menos dos siman pa completa. Bishita e artistanan riba cualkier atardi na e sitio. Timothy Charles ta presenta un show di television bao di e nomber “Creatividad,” cual ta wordo transmiti tur diahuebs na Tele Aruba.

Sra. Magaly Brito di SEPPA:

Reunion di indexering keto bay ta ser posponi STA. CRUZ – Den un entrevista cu presidente di SEPPA, sra. Magali Brito, el’a duna di conoce cu ta un lastima cu e reunionnan di indexering no a tuma lugar ainda. Segun sra.

Magaly, Gobierno tin un paar di asuntonan pa regla prome cu e reunion por sigui. Un di nan ta e awa y coriente.

Gobierno ta prefera di duna prioridad na e bahamento di consumo di awa y coriente cu ta un dolor pa hopi ciudadano na Aruba.

Despues di logra baha awa y coriente, lo bay trata e indexering inmediatamente, segun sra. Magali Brito. E sindicatonan mester bini hunto pa asina discuti kico lo bay sosode cu

e ahustacion di salario pa e trahadornan di gobierno, sin lubida e acuerdo cu a yega na dje na 2008, cu ta parti di inhaalmanoeuvre cu a keda pendiente.

Despues mester discuti costo di bida di aña 2008, 2009, 2010 pa yega na un inhaalmanoeuvre nobo.

Asina tambe lo tin claridad pa e trahadornan di gobierno con nan salario lo bira.

Nos no mester lubida cu bao di e empleadonan publico tin cambionan riba e parti di pensioen cual a yuda gobierno bastante. Tambe esaki a yuda e sindicatonan den e negociacionnan cu ta bay tin pa asina cumpli cu e inhaalmanoeuvre cu a keda pendiente.

Diabierna Juli 01, 2011

Pagina 16

AIDS RIBBON INAGURA PA CONMEMORA 25 AÑA DI AIDS AWARENESS NA ARUBA

STA. CRUZ -- Diarazon dia 29 di Juni, Women’s Club of Aruba a haci e inauguracion di nan “AIDS Awareness ribbon” riba e tereno di Valero Boulevard na Oranjestad.

E cinta , traha cu materialnan recicla door di señor Jan van Duren, ta midi tres meter halto y ta bon visible pa tur automobilista cu ta biniendo riba L.G. Smith Blvd direccion Oranjestad. Bao di e cinta tin un texto “STOP AIDS, KEEP THE PROMISE, 25 years AIDS awareness in Aruba , June 4 1986June 4, 2011”. E design y printing di e borchi ta un donacion di ART & Design.

Durante e inauguracion a hiba palabra sra. Rubia Maduro, presidente di Women’s Club , kende a expresa cu semper tabata su deseo pa coloca e cinta corra como simbolo di concientizacion na un lugar publico. Awor su deseo a wordo cumpli.

Despues a hiba palabra sra.

Mily Henriquez, past -president, como lider di proyecto, kende a relata con Women’s Club a yega na e lugar pa e cinta y a gradici D.O.W. , M&F Holding y sr. Jan van Duren pa nan

cooperacion. Igualmente el’a trece dilanti cu tin hopi miembro di Women’s Club a traha den e AIDS committee durante su 25 añanan di existencia y a menciona nomber di e diferente chairmen di e AIDS committee. Señora Milagros Posner, como chairman actual di e AIDS Awareness committee, a papia di e historia di e committee y e invaluable trabao di sra. Marie Therese Croes, como e persona motor durante tur e 25 añanan di su existencia. El’a wordo honra door di UNAIDS secretaire generale, Dr. Peter Piot , como e “Mama di AIDS di Aruba”.

Sra. Marie Therese Croes a recibi un plakkaat di parti di Women’s Club y a hiba palabra, recordando y gradiciendo e tantisimo persona y instancia cu tabata parti y cu a duna nan cooperacion durante tur e 25 añanan na e committee. Sr. Jan van Duren, I srs. Edgar Croes y Lorenzo Arends di Valero Boulevard a recibi un certificado di aprecio Pa termina, a kita e paña cu tabata cubri e cinta, pa asina oficialmente inaugura e “AIDS Awareness Road sign”

Diabierna Juli 01, 2011

Pagina 17

“Women in Leadership” organiza pa ATIA tabata un exito rotundo y a kibra tur expectativa

MINISTER MICHELLE WINKLAAR A PRESENTA “STATUS OF WOMEN IN ARUBA” E sala completamente yen a keda sumamente impresiona cu e presentacion

STA. CRUZ -- Mayoria hende presente den e sala tabata hende muher y nan a keda impresiona cu e presentacion cu Minister Michelle Hooyboer-

Winklaar encarga cu Asuntonan Economico, Asuntonan Social y Cultura a presenta durante e conferencia “Women in Leadership” organiza door di e

organizacion comercial di Aruba, esta ATIA. Den su presentacion e mandatario a elabora riba e status di hende muher na Aruba, ki rol Gobierno tin cu hunga den optimaliza e situacion di hende muher y unda ainda ta existi e “gaps” pa alcansa igualdad entre e ser femenino y masculino. Diferente informacion valioso a wordo treci padilanti, pa asina duna un mihor bista di e situacion den areanan manera educacion, salubridad, participacion economico y participacion politico.

Minister Michelle Hooyboer-Winklaar a enfoca riba e hecho cu pa nos por stimula mas liderazgo di hende muher den nos comunidad, e condicionnan mester wordo regla den diferente area tanto den sector priva como e sector publico. E mandatario a enfatiza durante su presentacion cu no por keda warda te ora e situacionnan ta optimal pa participacion di hende muher den tur area, sino mester cuminsa traha riba dje. Como ehempel Minister Michelle Hooyboer-Winklaar a

menciona e area politico cu sin duda no ta un area “female-friendly” ainda.

E minister a mustra riba e rol cu Gobierno tin cu hunga den esaki y cu mester elimina e leynan cu te ainda ta discriminatorio. E titular di Asuntonan Economico, Asuntonan Social y Cultura di nos pais a participa den henter e conferencia y a keda sumamente contento y inspira di un evento unda asina hopi hende muher a demostra cu nan ta cla pa traha hunto pa mehora e posicion di hende muher na Aruba.

Diabierna Juli 01, 2011

Pagina 18

Gold Glove Championship Finals

Stars 7-8 Campeon Invicto!

Quick Electrical 5-6 ta Campeon 2011 STA. CRUZ -- Gold Glove championships, e torneo official pa muchanan di cinco pa ocho aña den Center League a tene playoffs y final siman pasa. Gold Glove por a conta cu nada menos cu 6 team den categoria di 5-6 pa e prome aña aki y despues di a hunga henter e temporada hunto nan a drenta play-offs cu e siguiente rankings: Usando grasshoppers rules, caminda tur muchanan ta haya oportunidad pa hunga den play-offs, e campeonato a sigui den weganan di eliminacion pa asina determina cual equiponan lo bay final.

E prome encuentro tabata entre Quality Chiropractic y Red Stars caminda calidad di baseball a resalta hasta na e edad chikito aki y Quality Chiropractic a resultado e ganado.

Den e siguiente partido, Covenca ta sa di vence e muchanan di Infinity pa asina sigui den e proximo vuelta.

Semi-final a

cuminsa siman pasa caminda Quick Electrical ta sa di gana Covenca den un tremendo partido y Quality Chirpractic ta sorpresa tur hende den un bataya contra La Estrella y ta logra gana e partido aki pa pasa pa final.

Porfin diasabra, June 18, e equiponan di Quick Electrical y Quality Chiropractic a topa otro na veld di Caribe (Stars Field) pa asina determina ken ta bira campeon. E partido tabata tenso pa tur mayor presente paso e muchanan a cuminsa ta hunga riba caliber masha halto y a sa di tene e wega preta preta te na final. Fanaticada a yega den gran forma pa asina apoya e future peloteronan di Aruba!

Despues di 6 inning intenso, Quick Electrical ta sa di vence e team di sorpresa di 2011, esta Quality Chiropractic, pa asina hiba e titulo maximo den nan categoria.

Tur organizacionan cu a participa den e categoria aki a keda

masha satisfecho cu e temporada aki especialmente mirando cu ta e campeonato su prome aña.

Gold Glove Championships a sigui e week-end cu a pasa na veld di Caribe (Stars Field) caminda e weganan final di categoria 7-8 a wordo hunga. E campeonato aki lo ta den formato di best out of three pa determina ken ta e campeon pa 2011.

Tropical a topa e equipo invicto den categoria di 7-8, Red Stars, pa e campeonato. E final tabata sumamente tenso presentando un calidad masha halto di baseball na Aruba. Ta weganan di pitcheo caminda muchanan di 7 y 8 aña a pitcha contra otro. Den e prome encuentro entre Stars y Tropical, Ethan De Cuba ta habri pitcheo pa Stars ponchando e prome tres bateadornan di Tropical. Wega a habri 4-0 pa Stars den e prome inning pero e muchanan fuerte di Tropical ta bin bek den e ceramento di 2 inning pa asina empata e wega 4-4. Tropical ta hasta logra bai ariba 6-4 den e di 3 inning pa asina crea un ambiente di calidad riba e veld. E

streyanan di Stars no ta basila si y ta logra bin bek den di 4 inning pa haci e wega 8-6. Dobletenan di Ethan De Cuba y Ethan Ridderstap ta logra prepara pa Brandley Rincones su home-run conecta na e momento oportuno! Esaki ta e di 2 home-run di Gold Glove 7-8 pa 2011! E prome un a wordo conecta door di Ericson Irausquin algun siman atras den forma di grand slam. Ambos pelotero ta hungadornan di Stars.

E wega diasabra ta termina 12-9 na fabor di Stars kende ta pika dilanto 1-0 den e best of 3.

Diadomingo e muchanan di Stars a bin pa gana y no a duna Tropical ningun chens! B.J. Rincones ta habri pitcheo pa Stars y ta tira cuatro inning sin permiti niun hit ni niun careda drenta! Na otro banda e muchanan di Stars ta start pa jena base cu doblete di Ethan De Cuba, Brandley Rincones, y Alexon Simmons. Pa final di dos inning, Red Stars ta dilanti 8-0. Apoyo pa ambos equipo tabata grandi riba e dia aki pa asina encurasha e

muchanan y stimulanan den nan deporte favorito.

Pero na final di dia e peloteronan di Stars tabata determina pa bira campeon un biaha mas y ta logra gana 12-0 y asina titular como campeon di Gold Glove 2011. Tabata un honor y placer mira calidad di baseball asina halto den muchanan di edadnan asina chikito.

Tur 2 equiponan a haya nan respectivo medayanan y tabata sumamente satisfecho cu e organizacion di e campeonato aki.

Gold Glove Championships ta masha agradecido na henter pueblo di Aruba pa e gran acohida den su prome aña y ta spera di sigi juda engrandece nos deporte favorito den e añanan venidero. Gold Glove tambe ta gradici Aruba Center League pa por a realiza e tremendo campeonato aki pa e futuro peloteronan di Aruba.

September venidero e campeonato lo cuminsa atrobe pa asina duna nos muchanan un tremendo vakantie bon mereci!

Diabierna Juli 01, 2011

Pagina 19

Diasabra siman pasa a tuma lugar “Mi ta Golos Party” den Olde Molen STA. CRUZ -- E DJ nan cu a presente e anochi aki tabata: DJ Vibez, DJ 101, DJ Ryan y DJ Beatz.

Den un bon ambiente tur presente a goza te den ora laat di anochi.

RIFA PA E CAS DI ARUBA LIONS YA TA OBTENIBEL Diasabra y diadomingo tin Open House na e cas entre 11’or di mainta pa 3’or di atardi

Champ of the Champs tabata candela ayera

Na Centro di Bario Noord Piratas ta gana Montaña Braves y ta clasifica STA. CRUZ -- Champ of the Champs a continua diarazon cu 5 wega di cual 2 wega riba Centro di barrio Noord y 3 wega na Kudawecha. Piratas ta gana Montaña Braves cu score grandi 17-16 y ta clasifica invicto cu 3 gana y 0 perdi. Piratas 17 careda, 14 hit, 3 eror. Montaña Braves 16 careda, 11 hit, 4 eror.

Juan Chirinos ta gana mientras Robby Tromp ta bay cas cu e derota.

Mihor bateadornan

Cumpra bo ticket, yuda comunidad y alavez gana un cas

pa Piratas Franasco Santana 3-2, Frany Oleo y Tatoos veras 4-2, Juan diaz di 2-1. Pa Montaña Braves Shaul Illidge 2-2, Alexander Leest 1-1, Urney Albertsz 3-2 y Shinton Arendsz 4-2.

Den di dos wega Bad Devils ta baha pisa riba Quisqueya ganando cu un score abulta a palo limpio 21-12. Bad Devils 21 careda, 19 hit, 2 error. Quisqueya 12 careda 9 hit 4 eror.

Johnny Rasmijn ta gana

mientras Fausto Mateo ta perde. Richard Heyliger 3-3, Brian Courtar , Nigel St Jago y Jason Mauricio 4-3, Jose Luis Gonzales 5-3.

Pa Quisqueya Gabriel Dijkhoff 2-2 y Ramon Garcia 3-2.

Cu e resultado aki tur cos ta mustra cu tanto Quisqueya y Bad Devils lo no pasa pa e segundo vuelta cual ta cuminsa diasabra.

Weganan ta continua diasabra desde 12’or di merdia. Corda YEGA!!!

STA. CRUZ -- Ta trata aki di e di 55 cas cu Aruba Lions Club ta rifa, como un di e formanan principal pa por recauda fondo pa financia su proyectonan anual. Pa prome vez a scoge e biaha aki e proyecto di cas Monte Verde situa na Sero Biento. E cas ta traha segun e modelo Flor di Jasmin, cu ta un cas di 101m2, cu 3 camber, 2 baño instala pa Banjolux, cushina Italiano estilo moderno completamente instala pa Berloni y un washok. E bentananan ta di dubbel-glas y e dak ta di panchi. Simplemente un cas moderno y ideal pa cualkier persona.

E siman aki venta di e ticketnan pa e rifa di cas a cuminsa oficialmente hunto cu e actividad di pone e prome piedra, pero for di diasabra 2 di Juli por pasa admira e cas modelo durante un “Open House” y alavez cumpra bo ticket. Tambe tin ticket disponibel cerca tur miembro di Aruba Lions y na algun lugar strategico, unda cu lo tin un poster poni pa indica esaki, manera ta custumber di e miembronan di Lions.

Pues probecha di e gran oportunidad aki pa cumpra bo ticket y gana un cas y contribui

cu Aruba Lions Club, cu ta yuda esnan den necesidad. Diasabra y diadomingo awor entre 11’or di mainta te cu 3’or di atardi lo tin oportunidad di admira con e cas lo bay ta y tambe lo por cumpra rifa di e cas. Claro lo tin miembronan presente pa por splica mas di e cas aki y duna mas informacion di e proyectonan cu Aruba Lions Club ta sostene anualmente, pa asina tur hende por tin un bista di unda e placa ta bay bek. Otro aña Aruba Lions Club ta celebra 64 aña y tin mas di 60 miembro awendia. Hunto e club ta traha den forma voluntario pa recauda mas tanto fondo posibel cu ta bay completamente bek den comunidad. Cu varios actividad, di cual e rifa di cas ta esun di mas grandi, e organizacion ta maneha riba 1 miyon florin anualmente.

Diabierna Juli 01, 2011

Pagina 20

“Caminata, Caribbean Sweat y Night Bike Tour GRATIS Diasabra awor 2 di Juli na Yara Complex”

Teo Rodriquez di Tiger Taekwondo Academy a entrega su lista pa Ultimate Taekwondo Cup

STA. CRUZ -- E dianan ta yegando pa e grandioso actividad di ArubActivo cu ta tuma lugar e biaha aki na Yara Complex. E grandioso actividad aki ta tuma lugar diasabra 2 di Juli y pa exactamente 5:00 pm ta start sali cu un caminata di 5 km cu ta completamente gratis. Despues di e caminata, Joe Woodley

di Joe Fitness ta cla pa pone tur hende move riba ritmo di Caribbean Sweat. Caribbean Sweat ta combinacion di musica Caribense manera soca, calypso y roadmarch.

Mientras cu tur hende ta move riba ritmonan musical di Caribbean Sweat , pa 6:30 ta sigui cu un grandioso Night Bike Tour. Tur esnan cu

ta desea di participa na e grandioso tour aki, ta pidi pa bin cu bicicleta cu luz (cualkier luz) pa asina ilumina e caminda durante oranan di anochi.

CON PA YEGA E COMPLEHO DEPORTIVO YARA Pa esnan cu no sa e caminda pa yega Yara Complex, e ruta ta lo siguiente, si bo ta bin di playa na La Granja na Savaneta bira na man robez, sigui core mas o menos 200 meter bolbe bira na man robez y asina ta yega Yara Complex.

Pa mas informacion por tuma contacto cu sr.

Junior Dake 5930427 of Sr. Nelson Held na telefoon 5930424 durante oranan di oficina.

STA. CRUZ -- Tiger Taekwondo Academy ta e di dos scol di Taekwondo cu a entrega su lista di atleta pa e Ultimate Taekwondo Cup cu ta dia 9 di Juli 2011 den Joe Laveist Sport Park.

Esaki ta duna di conoce cu Tiger Taekwondo Academy no kier keda afor, pasobra e deadline ta otro siman. Dia 6 di Juli tin e pisamento y registracion na Tropicana Aruba Resort, na unda cu cada atleta cu ta participando por paga su inscripcion pisa y ta cla pa dia 9 di Juli.

Brazil Taekwondo Stichting ta sumamente contento cu e segundo inscripcion.

Noord Taekwondo Center tabata e prome scol di Taekwondo y awor ta Tiger Taekwondo Academy. Otro siman Brazil Taekwondo Stichting lo saca su team di 7 atleta pa e best team pa e Ultimate Taekwondo Cup. Tiger Taekwondo Academy no ta haci wega cu e fecha y kier ta sigur di nan participacion pa clasifica cu su atletanan pa e Best of

The Best Malta Polar Taekwondo Cup cu ta dia 5 di November 2011.

E biaha aki e team di Tiger Taekwondo Academy ta consisti di e siguiente Atletanan; Yuxemy Alba, Pedro Gomez, Kenneth Kelkboom, Ryan Tromp, Rayelie Tromp, Sean Mardenborough, Wayline Donayre, Lionel Fransisco, Kenneth Nuñez y Lorkan Sanches.

Teo Rodriquez lo coach e team di Tiger Taekwondo Academy.

Nos no a wak e nomber nan di Shivaro Haselhoef, Fouwshia Hazelhoef y JohnJairo Maduro cualnan a participa den Gold Coast Taekwondo Cup cu tabata e prome clasificasion pa Best of the Best Malta Polar Cup. JohnJairo Maduro y Fouwshia Hazelhoef cu no ta ariba e lista di Tiger Taekwondo Academy ta pone cu Tiger Taekwondo Academy su team lo bay ta na peliger. Nos di Brazil Taekwondo Stichting ta desea Tiger Taekwondo Academy hopi pero hopi exito pa dia 9 di Juli.

Diabierna Juli 01, 2011

Diasabra anochi South Beach Lounge tabata bon anima y bishita STA. CRUZ -- Un lugar unda cu local y turista ta goza te den ora nan laat di anochi.

Pagina 21

RESULTADONAN DI WOMEN’S OLYMPIC QUALIFYING NA ARUBA

Nos ta invitabo pa pasa un rato agradabel na South Beach Lounge

STA. CRUZ -- Diarazon anochi tabatin e prome weganan valido pa e Women’s Olympic Qualifying di grupo A cu a wordo teni na Aruba. Den e prome encuentro Haiti a gana Surname cu score di 4-0. Golnan anota pa Haiti tabata di Nadia Valentin 2x, Yolande Merone y Wisline Dolce. E di dos encuentro tabata Aruba vs Cuba. Aki nos a ripara cu Aruba falta hopi agresividad, tecnica, condicion y velocidad.

Cuba ta bin gana di Aruba cu score di 6-0. Nos a ripara tambe cu tabatin mas Haitiano den tribune pa apoya nan ekipo cu e Arubianonan hunto pa apoya Aruba. Nos ta spera cu diabierna anochi lo tin mas paisanonan pa apoya nos ekipo di Aruba. E golnan di Cuba a wordo anota pa Yezenia Gallardo 4x, Yisel Rodrigues y Maria Perez. E siguiente weganan lo ta diabierna dia 1 di Juli cuminsando

pa 6’or pm cu e partido entre Cuba y Haiti. Esaki lo bira un wega interesante ya cu cada uno tin un wega gana. Esun cu gana practicamente lo pasa pa di dos vuelta.

Pa 8’or 30 pm Aruba tin di enfrenta e ekipo di Suriname. Diadomingo lo tin e weganan di clausura na unda nos lo spera e fanticada di Aruba bin apoya nos muchanan ya tambe ariba diabierna.

Diadomingo pa 5’or pm nos ta haya Cuba contra Surinam y pa 7.30 pm Aruba lo enfrenta e fuerte ekipo di Haiti.

Yega Stadion Guillermo Trinidad pa haya sa cuanto Haitiano tin na Aruba.

Diabierna Juli 01, 2011

Pagina 22

Graduacion di muchanan di school di hunga Chikitin Bin Bin STA. CRUZ -- Diadomingo ultimo den Las Palmas Ballroom di Holiday Inn e nuchanan di Chikitin Bin Bin a ricibi nan certificado di asistencia for di nan Tanchi y Coordinadora di school.

Un tremendo programa a wordo prepara pa e Tanchinan y nan muchanan.

Mayornan a wordo gratamente sorprendi di mira un show asina bunita y creativo.

Como MC a fungi sr. Eric Farro, cu a sa di anima e publico durante henter e actividad. Sigur un danki special ta bay na su persona.

E fiesta di graduacion a cuminsa cu nos Himno di Aruba canta pa algun futuro cantantenan y mester bisa cu nan a canta di curazon. E programa a sigui cu un bunita discurso di sra. Eta Ignacion cu ta e coordinadora di school.

Sigur e aña escolar 20102011 tabata uno hopi exitoso. Despues e Himno di Chikitin Bin Bin a wordo canta.

E prome show tabata di e Grupo Oranje di Tanta

Cam cu a presenta un show di baile: Simadan.

Muchanan a yanga e heupnan y zwaai e mannan.

Un viahe pa Hulanda tabata di dos show y a wordo presenta pa Grupo Biña di Tanta Roslin. E show tabata un baile combina cu actuacion.

Hopi creativo y bon hinca den otro caminda e muchanan a demostra baile di e boernan, Prins Willem Alexander y Maxima tambe tabata tey, pa no lubida e aubade cu su drummers, Piet y Sint no por a keda afor, e cargador di bandera, e bailado di cinta y por ultimo e famoso futbolistanan.

Grupo Berde di Tanta Silvia a presenta un baile cu e musica Danza Kuduro. E muchanan a sacudi y yanga e curpa y a gosa di nan show.

Mayornan tambe a goza un mundo y nan heupnan tambe a yanga.

Tanta Osiris di Grupo Blauw a bin cu un baile y un cantica: Amor di Señor. Mucha muhernan cu nan baletkostuum,

mucha hombernan bisti tur na blanco cu diferente bandera den man y na final nan a habri un bunita banner cu e nomber Chikitin Bin Bin ariba dje.

Hopi bunita mes!

E show a termina cu un tremendo show di Modelahe, cortesia di Giselle Boutique caminda e muchanan a presenta e colleccion nobo di Giselle.

Prome cu entrega di certificado e Coordinadora di school a duna reconocimiento na e algun mayornan cu a resalta den nan yudanza y aporte pa cu school.

E actividad a finaliza caminda tur mucha, bisti den toga a ricibi nan certificado y a presenta como grupo completo e cantica “ta kleuter nos ta bai” Un pabien na Chikitin Bin Bin pa nan tremendo programa!

Un danki di curason na tur e tanchinan y e coordinadora di Chikitin Bin Bin pa nan tremendo trabao durante aña escolar 2010-2011.

ARUBAS TOP 20 07/02/2011 1 / 3.. DISTANCIA – PRESTIGE 2 / 1… HOW ARE YOU – AGUA 3 /4.. C --- NAPSTAR SAINT 4 / 5.. YOU NEED TO KNOW – OLGA TANON 5 / 7.. TODA LA VIDA – D.U.R.U. 6 / 9.. PONE COI TRAHA – EASTSIDE RAPPERS 7 / 10.. FERNANDITO MEDLEY – CLAUDIUS Y OREO 8 / 6.. KEDA SO – ROBERT Y SOLO BANDA SHOW 9 / 11.. DANCING AND GROOVING - CUBAN LINK 10 / 13.. CHETTO LOVE – KARL WOLF – KARDINAL OFFISHAL 11 / 17.. FIND MY WAY – VANDA MAY 12 / 14.. CHALALA LI – CHOCOLATE – DJ UNICO 13 / 18.. I SWEAR – VOZ A VOZ 14 / 16.. BISAMI – DELICIOUS 15 / 8.. PRIMIMI – TSUNAMI 16 / -- AWOR BO SA – CACHE 17 / -- MAMA USED TO SAY – BEVERLY KNIGHT 18 / -- LUZ DE MI VIDA – SOL Y LUNA 19 / 15.. NO 2 – DREAMS 20 / 12.. WE OWN THE NIGHT == ROSARIO

TRANSMITI PA HIT 94 – MEGA 88 FM STEREO

ARUBA’S TOP 20 ON HIT 94 – MEGA 88 FM STEREO E-MAIL: hit94fm@gmail.com

Diabierna Juli 01, 2011

Pagina 23

“Siete Campeonato 2011 Federacion Liga Mayor di Softball Arubano”

STA. CRUZ -Diadomingo, 26 di Juni 2011 despues cu tur e tatanan a haya nan diadomingo liber y goza esaki hunto cu nan famia, tabatin bao di auspicio di “Federacion Liga Mayor di Softball Arubano” continuacion di e siete campeonato pa cu Liga Mayor Aña 2011 riba e tereno di Hose Maria Ballpark na Monserat Noord.

E prome partido a bai entre “Sbt Astros Balashi Chill” como equipo di cas enfrentando “Sbt Racketeers MNO Vervat” como visitante. Den e ultimo oportunidad pa Racketeers nan ta score 2 careda pa e partido termina cu un victoria di 9 pa 6 na favor di Astros Balashi riba Racketeers.

Astros Balashi cu 9 careda anota, a hiba un ofensiva batiendo 10 hit y no a comete eror, mientras cu Racketeers MNO ta anota 6 careda, batiendo 14 hit y a comete 5 error. Pa Astros Balashi e mihor bateadornan a resulta den nomber di Ferdinand Flanders cu 3 hit den 4 turno cu un HR y Desiderio Thode cu 2 hit den 4 turno y tambe cu un HR. Mihor bateador pa Racketeers MNO ta Robert Haynes, Windsor Janga, ambos cu 3 hit den 4 turno, mientras Robert Haynes a bati un HR den causa perdi.

Roberto Dirksz a bati 2 hit den 3 turno, mientras cu Wilfred Bomba y Mario

Bomba a bati 2 hit den 4 turno. Pitcher ganador a resulta Ivan Maduro pa Astros Balashi, mientras cu Marcelo Kock ta sufri e derota pa su ekipo di Racketeers MNO. E di dos encuentro riba e schedule a bai entre e ekiponan “Sbt Marine Dolphins” como e equipo di cas y enfrentando “Sbt Aruba Jrs LG/ General Store” como bishitantenan. Despues di no por a anota ningún careda den bom di inning no. 5 Aruba Jrs ta KO e ekipo di Marine Dolphins.

Score final 12 pa 0. Aruba Jrs LG tabatin 12 careda, a bati 12 hit cu 1 error cometi. Marine Dolphins no ta anota careda, a bati 2 hit y a comete 5 error.

Mihor bateadornan pa Aruba Jrs LG tabata den persona di Elias Nieves y Gilbert Maduro di mil punto batiendo 3 hit den 3 turno. Fabio Gei tambe di mil punto cu 1 hit den 1 turno. Robby Arambatzis cu 2 hit den 4 turno, mientras cu Nelson Kock ta bati 2 hit den 3 turno.

Pa Marine Dolphins e mihor bateador tabata Ruben Kock di mil punto cu 1 hit den 1 turno, mientras cu Esteban Schwengle cu 1 hit den 2 turno como e único dos hitnan bati pa Marine Dolphins.Pitcher ganador pa e equipo di Aruba Juniors LG ta Benito Guerrero, mientras cu e propio Ruben Kock tabata e pitcher perdedor pa e equipo di Marine

Dolphins.

E di tres encuentro di dia entre e dos ekiponan di “Sbt La Moderna Sluggers” como equipo di cas y “Sbt Kibaima A.I.S” como equipo visitante.

Kibaima ta gana cu 9 careda, caminda nan ta bati 12 hit y ta comete 2 error, mientras La Moderna Sluggers ta anota 7 careda, ta bati 11 hit y ta comete 1 eror.

Pitcher ganador tabata Juan Croes pa Kibaima cu a releva Haime Trimon, mientras cu Gabriel Geerman ta sufri e derota pa La Moderna Sluggers hayando relevo di Ronnie Donata. Mihor bateador pa Kibaima tabata den persona di Efrem Orman di mil punto cu 2 hit den 2 turno mientras Vidal Arends ta bati 2 hit den 3 turno.

Verio Emerenciana ta bati tambe 2 hit den 4 turno.

Pa La Moderna Sluggers e mihor bateadornan tabata Ronnie Donata di mil punto cu 2 hit den 2 turno mientras Richie Croes ta bati 3 hit den 4 turno di cual 1 homerun den tereno y Harold Rafini ta bati 2 hit den 3 turno.

E di cuater partido a bai entre e dos equiponan “Sbt Surprise HSHRE” como equipo di cas enfrentando “Sbt San Nicolas Movers” como bishitante. San Nicolas Movers a anota 8 careda, batiendo 10 hit y ta comete 4 error, mientras cu Surprise ta anota 4 careda, batiendo 6 hit y cu 4 error cometi.

Mihor bateador pa San Nicolas Movers ta den persona di Ismael Ras di mil punto cu 1 hit den 1 turno, mientras Bernardo Duinkerk ta bati 2 hit den 3 turno. Pa Surprise HSHRE a sobresali Mirto Kock y Ocundo Geerman cu 1 hit den 2 turno.

Pitcher ganador tabata

den persona di Oswaldo Cuba pa San Nicolas Movers, mientras cu Carlos Maduro a bay cas cu e derota pa su equipo di Surprise hayando relevo di Bartolomeo Wester.

E ultimo partido a bay entre “Sbt Old Parr Boomerang” como ekipo di cas enfrentando “Sbt Infinity Classics” e bishitantenan.

Sorpresivamente den bom di inning no. 7 e ultimo oportunidad pa Old Parr Boomerang ta anota 2 careda y dje forma aki ta laga Infinity Classics den tereno. Old Parr Boomerang ta anota 5 careda batiendo 9 hit y ta comete 3 error, mientras cu Infinity Classics ta

anota 4 careda, ta bati 8 hit y a comete no menos cu 4 eror den e partido aki. Mihor bateadornan pa Old Parr Boomerang tabata Winston Illidge di mil punto cu 3 hit den 3 turno. Mientras Francisco Albertsz ta bati 1 hit den 2 turno. Pa Infinity Classics Mariano Thiel cu 1 hit den 3 turno di cual e hit ta un homerun, mientras tin 5 otro hungador cu 1 hit den 3 turno. Pitcher ganador tabata den persona di Francisco Albertsz pa Old Parr Boomerang, mientras cu Ubaldo Werleman a carga e derota pa su equipo di Infinity Classics hajando relevo di Silvio Flanegin.

Diabierna Juli 01, 2011

Pagina 24

Resultadonan den e siguiente secuencia di Fedeveta

22.6.11 na San Luis: Barcelona vs Arusur/ Atletics 3 - 2. Pa Barcelona a score R. Flanegin 2 y Nun Flaneging cu 1 gol Mientras pa Arusur/ Atletics a score G. Rep y A. Lee. Rooi Afo vs San Luis 0 0.

25.6.11 na San Luis: Inter vs San Luis 3 - 1. Pa Inter a score E. Lopez, B. Martinus y R. Leyba

Nos no a haya ken a score pa San Luis.

Teachers y Caravel 1 - 1.

Pa Teachers a score M. Tromp y pa Caravel Roy Helder.

29.6.11 na Caiquetio: Roma vs Bubali 2 - 0 cu golnan di Luis Tromp.

SCA y Barcelona 1 - 1.

Pa SCA a score Franklin Fingal y pa Barcelona Jose Teixeira.

Men’s Basketball

Friday July 1, 2011 YMCA San Nicolas 7:30pm Game 1 Youth Ling vs Impact B

9:30pm Game 2 Dakota YMCA vs Impact A Be different! Support our games!

Un rumbo nobo pa baseball Arubano vislumbrando na horizonte

STA. CRUZ -Analistanan deportivo ta concluyendo cu un rumbo nobo y dinamico ta biniendo pa ABBA, ora cu sr. Frans Solognier, despues di a biba basta aña na Hulanda ta regresa su isla natal y na San Nicolas caminda cu el’a cuminsa cu baseball y futbol a coach tambe den little league equiponan manera Aruba Trading,Carmen Rice y Coca Cola den senior div. di south little league y den doble A Amstel Baseball pa después coach Rockets y tambe Richmond B.B.C. for di mucha Sr. Solognier semper tabata cla pa yuda Sr. Frans Maduro q.e.p.d. cu e muchanan den e deporte di baseball Arubano. Sr. Solognier sigur tin un amplio conocemento den baseball caminda for 1978 a cuminsa coach na Hulanda y unda a logra varios éxito y tambe a logra bira campeon Europeo den Senior div. Na aña 2004 a viaha pa Bangor Maine cu equipo Hulandes, tanto como entrenador, manager y hungador. E plan di desaroyo cu sr.

Solognier a trece dilanti a worde hinca den otro cu hopi dedicacion y cu hendenan cu pa aña’s ta

den e deporte di baseball, e.o a toca e puntonan di Capacitacion di Manager y Coachnan, Sports Marketing, Logistica, Finansas, Relacionnan Inter nacional, Incentivonan pa e peloteronan cu ta sobresali, yudanza na club nan miembro di ABBA, y mucho mas.

Aruba su baseball ta para dilanti un decada nobo di 2011-2020 na unda sigur un plan strategico mester ta “in place” pa duna garantia cu nos baseball lo subi bek na e nivel cu tabata den pasado, unda cu e stadionnan tabata wordo yena cu fanaticada, bandanan local tabata convirti deporte den un Happy Hour na unda e baseball tabata sali ganador. E factor di weganan internacional sigur lo yuda nos pa compara nos nivel di baseball den regio, y lo sirbi pa stimula e peloteronan pa train mas duro pa representa nos isla dignamente den exterior. Comercio local lo bolbe bek pa stimula y para tras di e deporte rey na Aruba cu ta baseball, y comerciantenan sigur lo kere bek den ABBA, cu un dirigencia nobo y dinamico. E reto ta grandi pero cu un persona

manera sr.

Frans Solognier na cabez sigur dentro di dos aña lo mira su frutonan di trabao duro pa pone baseball bek na top. Clubnan di baseball lo disfruta bek di campeonatonan largo, na unda lo cuminsa desde April di cada anja y lo core paralelo cu MLB su schedule, y lo termina na Oktober di cada aña, na unda ta garantiza hopi weganan local y internacional y hopi baseball na e pais aki. Pa e proximo eleccion di directiva di ABBA, sigur tur wowo lo ta riba e president cu a sinta mas di 15 aña caba como president, kico lo ta su plan pa e proximo 10 añanan. Rumbo nobo sigur ta necesario.Un di e ideanan cu hopi hende a puntra y pidi pe ta e.o. dianan familiar na un prijs di entrada special y asina trese tur famia na stadion pa apoya nan equiponan y tambe no por keda sin menciona plannan pa nos peloteronan pa futuro. Nos ta di idea cu nos peloteronan tambe mester ta altantente di e desaroyo di nos baseball y su directiva e plan nan pa futuro, pa no lubida nos umpire- y scorernan.

Ban pa un cambio.

Awor ta e ora.

Diabierna Juli 01, 2011

Champ of the Champs 2011 den full swing!l STA. CRUZ -- Champ of the Champs 2011 a start cu un ambiente hopi grandi cu un veld di Kydawecha yen yen pa un dialuna, cu tres tremendo partido.

Awe tin 5 wega na mas tereno. Tur ta na Kudawecha.

Pagina 25

Diabierna Juli 01, 2011

Pagina 26

cCLASIFICADO

Varadero ta invita un y tur pa bin pasa dushi Diabierna cu nos HAPPY HOUR 2X1 di 7’or pa 8’or disfruta despues cu ambiente di e banda”Tipico Jara(Banchi)”y nos special di nos dushi y variado menu.

Special Sanger Yena Fls 3.00 Calco stoba of Breaded Fls 22.00 Steak Fls 18.00 Mochi di Pisca Fls 20.00 Galiña Fls 18.00 Cabaron Breaded of Garlic Fls 20.00 Kerie Kerie Fls 18.00 Pinchos di Seafood and Chorizo Fls 22.00 Squit Breaded Fls 20.00

Tur cuminda ta bin cu un sopi di seafood free Nos ta habri : Diabierna 4:00 pm, Diasabra 2:00, Diadomingo 12:00

TA bende

TA BENDE

TA yuda

Terenonan den Noord hopi economico Pa mas informacion por yama 661-5516

Tereno na ganga den Sta. Cruz, eigendom pa fl. 35.000,- Pa mas informacion por yama 661-5516

Si bo tin propio tereno nos ta yuda bo yega na bo cas te na yabi. Pa mas informacion por yama 661-5516

TA HUUR

TA HUUR

TA HUUR

cas di balor 850.00,ta wordo bendi pa 550.000,- y si bo tin bownpaijmen e doño mes ta finansiabo pa mas informacion por yama 661-5516

app. na montaña 700,- pa mas informacion por yama 661-5516

Cas 3 camber, 2 baño na Westpunt pa 1 Juli

TA HUUR

TA HUUR

Pa mas informacion por yama 661-5516

TA YUDA

Cas hopi luhoso long term (2 aña na Sero Blanco 3.050.- pa mas informacion por yama 661-5516

App. T.L. executive studio 1.350,- Executive 1br 1.550,- Pa mas informacion por yama 661-5516

bo yega na bo cas hopi liher

servicio

TA OFRECE

TA BUSCA

Si bo ta interesa pa haci un hypotheek yama nos E interes mas abao di Aruba garantiza. Pa mas informacion ayama na 661-5516

Nos por yuda bo cu finanzas di tereno Pa mas informacion yama 661-5516

Pa cumpra terenonan cu ta bao Executie waarde por yama na 661-5516

coMmercial space For rent under one roof 50 m2/ 75 m2 of mas minimo prijs 1.000,- p/luna bo mester hopi placa pa produci ganashi. Bon pa gy, pastry, bijouteree, arts and much more 20 spots under one roof.

For more info call 661-5516

Si bo ta cay bao pensioenfonds nos ta yuda pa mas informacion por yama

661-5516

TA BENDE Un diversidad di casnan pa bende na bon prijs den tur distrito y nos por yuda bo cu financiamento Pa mas informacion por yama 661-5516

TA drecha Ta drecha y verf tur imagen. Pa mas info jama: 584-2489

Cushina di Nestor Diadomingo awor Cushina di Nestor tin LOMITO, FILET Y MOOCHI pisca pa 15,- y BBQ na 12,50.

Tambe lo tin BBQ mix na bo smaak.

Nos ta habri di 11’or di mainta na SEDE di MEP of por yama 5944659 pa pedido.

TA HUUR Apartamento na Sta. Cruz Un apto chikito pa un persona Tur cos inclui pa fl. 500,Si bo ta interesa: yama 5657259

Diabierna Juli 01, 2011

Pagina 27

NOTICIA INTERNACIONAL

Encuesta: Lo tabata mihor pa Jamaica, a keda como colonia Britanico

Kingston= Un encuesta di un corant Jamaikino ta sugeri cu mayoria di e pueblo di e isla ta kere cu e nacion lo tabata mihor para, si e la keda un colonia Britanico. E encuesta di opinion cu a ser comisiona door di “The Gleaner”, a registra cu 60%, tabata apoya e opinion ey, pero 17% no tabata di acuerdo. Mil persona a tuma parti den e encuesta, for di un populacion di 2.7miyon. E encuesta tin un margen di eror di masofmenos 4%. Jamaica lo mester celebra 50 aňa di independencia, otro aňa. No ta conoci e motibonan mas principal cu e hendenan tabata tin pa nan escogencianan. Pero e isla ta lucha cu nivelnan halto di pobreza y crimen. “Gleaner” a interpeta e resultadonan, como un sugerencia cu 6 den cada 10 Jamaikino ta desea,” e bon temponan bieu”

Duke y Dukesa di Cambridge a yega Canada

Ottawa= E Duke y Dukesa di Cambridge a jega Canada riba nan prome bishita internacional oficial. Prins William y su esposa Kate a sali for di e Aeropuerto Heathrow na London, Diahuebs mainta abordo di un jet di Forza Aereo Canades, rumbo pa Ottawa. E pareha lo bishita siete ciudad Canades , prome di sigui nan viahe pa Merca. Nan prome acto oficial lo ta ponemento di un krans na e Museo Nacional di Gera Canades, prome cu nan ser yama bonbini oficialmente y atende na un barbecue, di e gobernador general di Canada, David Johnston. Canada ta un miembro di Mancomunidad y Reina Elizabeth II ta nan hefe di estado. Awe, dia prome di Juli, e Duke y Dukesa lo celebra e dia nacional di Canada. Despues nan lo sigi nan biaha pa e estado Mericano di California pa dos dia di bishita for di dia 8 di Juli, atendiendo un recepcion oficial di Bafta y cena na Los Angeles , dia 9 di Juli. William ta presidente di Bafta.

Obama ta duna honor na Robert Gates kende a retira

Washington= Presidente Barack Obama a duna honor na Robert Gates, e Secretario di Defensa cu a retira. E Presidente a presentele cu e Medaya Presidencial di Libertad, cu ta e distincion di mas halto cu un presidente por otorga na un civil. Sr. Gates di 67 aňa, a bira secretario di defensa na 2006, bao di Presidente George W Bush. E lo ser reemplaza pa e hefe saliente di CIA, Leon Panetta, awe Diabierna. Presidente Obama a bisa Gates, cu “no solamente e tabata un di e secretarionan Americano di defensa cu mas tempo di servicio den historia di Merca, pero cu ta definitivo, cu e tabata un di e mihornan.

Presidente Colombiano ta condena atake mortal di Farc

B o g o t a = Presidente Juan Manuel Santos di Colombia a condena e emboscada cobarde door di rebeldenan di Farc, kendenan a mata un oficial halto di polis.

Major Felix Antonio Jaimes Villamil a ser mata pa un artefacto explosivo den e provincia nor-occidental di Antioquia.

Polisnan a bisa cu e explosivonan a ser detona, ora cu Major Jaimes a yega pa investiga un atake rebelde riba dos bus.

Autoridadnan a bisa cu Farc a aumenta nan atakenan riba civil y forzanan di seguridad. Polisnan a bisa cu tres persona a ser herida, Diarazon, ora cu miembronan di Farc a kima dos bus y un lorry, riba e caretera principal conectando e di dos ciudad di Colombia, Medellin.

Tres persona a ser herida. Dos otro agente policial kendenan tabata acompaňdo Major Jaimes a ser herida den e explosion. Presidente Santos a bisa cu esaki ta prueba cu Farc te hasta ta mas desespera y debil. Forzanan di seguridad Colombiano a mata un cantidad di lidernan di Farc, durante e ultimo aňa y a aresta hopi otro miembro.

Diabierna Juli 01, 2011

Pagina 28

NOTICIA INTERNACIONAL

Rusia a critica e entrega di arma di Francia pa rebeldenan di Libia

Moscu= Rusia a critica Francia fuertemente pa motibo di a benta armanan pa e rebeldenan Libio y a demanda un splicacion for di Paris. “Si esaki ta confirma, anto ta un violacion masha crudo di e resolucion di Conseho di Seguridad di Nacionnan di 1970, asina e minister di Exterior Sergei Lavrov a bisa. Union Africano tambe a critica Francia, cu esaki ta riska pa causa un “Somaliasicacion” di Libia. Militarnan Frances a bisa cu nan a “drop” armanan pa e rebeldenan tribeňo di Berber, den e seru-nan sur-oeste di e capital.

Awe Lavrov lo mester a reuni cu su contraparte Alain Juppe na Moscu.

China ta inaugura e brug di mas largo riba lama, banda di Qingdao

Beijing= China a habri e brug riba lama di mas largo di mundo pa trafico general. E brug ta 42.4km largo, y ta conecta e ciudad costeňo di Qingdao cu e suburbio di Huangdao den e Bahia di Jiaozhou.

Media di estado a bisa cu e brug a pasa pruebanan di construccion, Dialuna y a ser habri pa trafico, ayera Diahuebs, hunto cu un tunnel subteraneo. E brug facilmente lo por crusa e Canal Ingles, cu ta 32km hancho na su punto di mas smal. E ta 4km mas largo cu e brug cu tabata tin e record previo, e “Lake Pontchartrain Causeway “ na Merca den e estado di Louisiana. E tempo di construccion tabata cuater aňa y media di estado a bisa cu e projecto a costa mas di 1.55biyon dollar (10bijon yuan). E brug ta ser apoya riba mas di 5.200 pilar. Ta ser spera cu e lo carga mas di 30.000 auto pa dia y ta reduci e tempo entre Qingdao y Huangdao cu 30 minuut.

Sinembargo e brug aki lo no tin e record di mas largo na mundo.

Na 2009, China a cuminsa traha riba un brug cu lo conecta sur di e provincia di Guangdong, cu ta e hub comercial di mas grandi di e pais, cu Hongkong y Macau. Sinembargo, solamente 35km di e structura ei, cu lo mester habri na 2016, lo ta riba awa.

Huelganan di sector publico ta afecta servicionan y schoolnan, na G.Bretaňa

London= Centenares di miles di trahadornan den sector publico a bay den huelga , rond G.Bretaňa, pa motibo di e cambionan planea den pension. Maestronan for di tres sindicato a pone trabao abao, cu porlomenos 40% di scolnan di estado na Inglatera y Wales, cu a ser interumpi. Trahadornan di hopi departamentonan di gobierno, tampoco a presenta na trabao, y nan sindicato a bisa cu e resultado tabata fuerte den henter e pais. Sinembargo, gobierno no ta di acuerdo cu e version di sindicato, bisando cu menos cu 100.000 trahado publico ta den huelga. Gobierno a bisa cu e plan di pension pa e sector publico tabata “husto pa pagadornan di impuesto” y e otro sindicatonan di sector publico , cu no ta den huelga ta continua cu negociacionnan.

Venezuela ta suspende cumbre pa motibo di maleza di Chavez

Caracas= Venezuela a suspende e cumbre regional, cu tabata programa pa dia 5 di Juli, meimei di continuo speculacion, rond di e salud di e presidente Venezolano Hugo Chavez. Chavez a sali for di e pais, dia 8 di Juni pa Cuba, na unda e la haci un operacion aparentemente di un tumor pélvico. Diamars, TV di estado Cubano a mustra imagennan di e presidente , papiando animadamente cu Fidel Castro. Pero Diarazon, oficialnan Venezolano a bisa cu e cumbre, na unda Chavez lo tabata anfitrion a ser pospone. Analistanan ta bisa cu e suspension di e reunion di CELAC, Comunidad di Estadonan Latino Americano y di Caribe, lo ta un sla pa Presidente Chavez. E lo mester a presidi e prome reunion di e bloke regional nobo na Isla di Margarita, banda di e costa Venezolano. Oficialnan Venezolano a bisa prome cu e videonan for di Cuba a proba cu e presidente ta recuperando continuamente. Vicepresidente Elias Jaua a bisa cu Chavez tabata den contacto cu oficialnan den un esfuerzo pa “continua dirigiendo e plannan nacional.” E ausencia soprendentemente largo di Chavez, for di e pais a lanta debate, si e no mester delega poder ehecutivo na e vice-presidente. Tabata ser spera cu e lo a bolbe na tempo pa e cumbre di CELAC, cu tambe ta coincidi cu e celebracionnan bicentenario di Venezuela, dia 5 di Juli. Presidente Chavez ta ser considera, un di e forsanan tras di CELAC, cu ta ser considera un altlernativa pa OAS, na unda CELAC ta exclui Merca y Canada. Aparentemente Presidente Chavez kier mira mas cooperacion entre nacionnan Latino Americano y menos influencia Mericano den e region.

Diabierna Juli 01, 2011

Pagina 29

Gerencia y Personal di Topsy Boutique & Beauty Shop tin e tristo deber di anuncia fayecimento di Gradicimento / Invitacion Pa medio di esaki nos kier a gradici tur esnan cu di un of otro manera a mustra nos nan atencion durante enfermedad, fayecimento y entiero di nos mama stima:

Catharina Emilia Maldonado-Erasmus

Irma Teran

Na bida un trahador ehemplar di nos compania.

Nos ta desea tur famia y conocirnan hopi forza den e momentonan dificil aki y cu Dios tume den su reino.

“IRMA SU BUNITA RECUERDONAN LO KEDA SEMPER GRABA DEN NOS MEMORIA” Gradicimento / Invitacion

Gradicimento ta bay pa dokternan cu a dunele atencion y carino, na staf y personal di Dr. Horacio Oduber Hospitaal pa nan dedicacion duranta su estadia, na esnan cu a manda flor, krans, tele-gram, yamadanan y E-mail. Nos famia cu a duna nos nan sosten na momentonan dificil.

Boso atencion tabata y ta un gran consuelo pa nos.

Alavez nos ta invita pa tres santo sacrificio di misa pa descanso di alma di nos defunto stima, cual ta tuma lugar: diabierna 1, diasabra 2 y diadomingo 3 di Juli 2010 tur pa 7’or di anochi na misa San Francisco na Playa, despuies di misa diadomingdo lo tin un rosario na cas Emmastraat 27 Boso presencia ta altamente aprecia.

Na nomber di su yiunan, rumannan y demas famia

GRUPO DI ORACION Carismatico “SHALOM” Cu e Amor di Cristo Hesus, ta invita e Pueblo di Tanki Leendert y Aruba henter, cordialmente pa asisti. na un anochi di:

“ALABANZA Y ADORACION” Na: KAPEL MONTE CALVARIO (Tanki Leendert)

un manera of otro a mustra atencion na momento

Bin busca bo Sanacion, Bendicion y Gozo den“E Palabra di Dios”

di fayecimento y entiero di nos defunto stima

.Dios ta fiel,

JUAN SABINO BECKER

E cu a yama boso pa biba den comunion cu su yui,

Pa medio di esaki nos kier a gradici tur esnan cu di

Un palabra di gradicimento ta bai na tur esnan cu a manda flor, krans, carta, email, sms, ping

Nos Señor HesuCristo.

1 Kor 1; 9

y a haci jamadanan telefonico. Tambe na dokter Dassen, personal di Ambulance, Jolanda y Leo di Mementomori Funeral Home, Pastor Jairo Maduro y Parlamento di Aruba.

Alavez nos ta invita pa un Santo Sacrificio di Misa, cual lo tuma lugar diasabra 2 di Juli 2011 pa 7’or di anochi na Misa San Francisco na Oranjestad.

Boso atencion tabata y ta un gran consuelo pa nos.

Na number di su señora, yiunan, rumannan y demas famia.

Grupo di Oracion Bida Nobo den Cristo

ta sigui cu su ciclo di evangelisacion Grupo di Oracion “Bida Nobo den Cristo” dialuna 4 di Juli pa 7:30 di anochi lo sigui cu su ciclo di evangelizacion den Kapel na Tanki Leendert. E biaha aki lo medita riba e tema “E muhé cu a mishi cu Hesus su paña” (Mt. 9: 18-26). Despues tin oportunidad pa pregunta. Ministerio di musica manera custumber lo anima e anochi aki. Lo conclui e encuentro aki cu canto y alabanza. Un y tur ta bon bini. Corda bini cu bijbel catolico y rosario. Pa 7:15 or lo cuminsa cu e santo rosario. Na nomber di: Grupo di Oracion Bubali Bida Nobo den Cristo Thomas Quandus Tel. 582-2145 30 juni 2011

Diabierna Juli 01, 2011

Pagina 30

Gradicimento / Invitacion

Parokia Sta. Theresita di Niño Hesus di San Nicolas ta informa cu e Nobena na honor di La Birgen del Carmen lo inicia dia 7 di Juli pa 5:45 pm cu resamento di Santo Rosario sigui pa e Nobena.

E fiesta lo wordo celebra riba diasabra 16 di Juli pa 7’or di mainta cu un Santo Sacrificio di Misa na Blue Army Center na San Nicolas.

Tur parokiano, deboto di Mama Maria y La Virgen del Carmen y henter pueblo di Aruba ta wordo cordialmente invita pa asisti na e nobena aki y e Santo Sacrificio di Misa.

Santa Faustina Ayudame, oh Señor, a ser misericordioso

Ayúdame, oh Señor, a que mis ojos sean misericordiosos, para que yo jamás recele o juzgue según las apariencias, sino que busque lo bello en el alma de mi prójimo y acuda a ayudarle. Ayúdame, oh Señor, a que mis oídos sean misericordiosos, para que tome en cuenta las necesidades de mi prójimo y no sea indiferente a sus penas y gemidos.

Ayúdame, oh Señor, a que mi lengua sea misericordiosa, para que jamás hable negativamente de mi prójimo, sino que tenga una palabra de consuelo y de perdón para todos.

Ayúdame, oh Señor, a que mis manos sean misericordiosas y llenas de buenas obras, para que sepa hacer sólo el bien a mi prójimo y cargar sobre mí las tareas más difíciles y penosas.Ayúdame, oh Señor, a que mis pies sean misericordiosos, para que siempre me apresure a socorrer a mi prójimo, dominando mi propia fatiga y mi cansancio. Mi reposo verdadero está en el servicio a mi prójimo.Ayúdame, oh Señor, a que mi corazón sea misericordioso, para que yo sienta todos los sufrimientos de mi prójimo. A nadie le rehusaré mi corazón. Seré sincera incluso con aquellos de los cuales sé que abusarán de mi bondad. Y yo misma me encerraré en el misericordiosísimo Corazón de Jesús. Soportaré mis propios sufrimientos en silencio. Que tu misericordia, oh Señor, repose dentro de mí.

Invitacion

Pa e nobena na honor di e sagrado curazon di Hesus y na honor di Inmaculada Curazon di Maria.

Gina Miranda Tromp Kelly Rumannan, nos no kier laga boso den ignorancia tocante destino di esnan cu’a muri, pa boso no sea tristo manera e otronan, cu no tin speranza.

Si Hesus deprusi, segun nos ta kere, a muri i a resucitá mescos tambe Dios lo hiba cerca Dje mes esnan cu a muri den Hesus, hunto cu n’E. 1 Tess.: 13-14 Den momentonan mas duro nos a ripara nos amigonan den e mundo aki ora cu nos a ricibi di bosonan tanto Consuelo y Amor cu ta parce nos mescos cu e lenso di perfume di nos Señor Hesu Cristo, cu kier a seca nos lagrima abundante y incesante.

Un danki na prome lugar na Papa Dios cu a duna nos e forza y Consuelo pa acepta e noticia tristo aki, na tur nos famia cu manera semper sa di sostene otro den momento nan dificil asina. Na su amistadnan, coleganan di Compra N.V., ex-coleganan di Giselle Boutique, directiva y hungadornan di S.V. Jong Aruba, Corro Santa Anna cu a canta y toca asina bunita, na tur e cantonan y dedicacion presenta durante ceremonia. Na pastor Santiago pa su bunita predicashi y palabranan di Consuelo, na tur ayudantenan di Misa Santa Anna ta bay un danki special pa e bunita ceremonia y tambe tur cu a manda Flor, Krans, Telegram, eMail, Carchi, Message y tur e bunita palabranan y comentario riba Face-Book y tur hende cu a keda compaña nos te na ultimo. Tambe un danki na famia Garzon y Burgos-Garcia na Bogota, Colombia pa nan ayudo y sosten na su esposo y famia durante y despues di fayecimento.

Masha danki pa boso atencion, cual tabata un consuelo grandi pa nos, Dios bendiciona boso tur.

Alaves pa medio di esaki nos kier a invita boso pa e sigiente ceremonia di misa, pa nos querida defunto Gina Miranda, cual ta tuma lugar: Diabierna 1 Juli pa 6:00 pm y Diasabra 2 Juli pa 7:30 pm na Misa Santa Anna na Noord y despues di e ultimo lo sigui cu un rosario na su cas, Turibana # 50 X. Danki di Curazon den nomber di Famia.

E nobena ta den Misa Inmaculada Concepcion na Santa Cruz riba Tur dia di e nobena ta wordo sigui cu Eucarestia.

Diabierna dia 1 Juli 2011 ta ‘celebracion’,e fiesta grandi cu ta cuminsa 6.30 pm cu un procesion, cu ta sali pariba di e cura di Misa, drenta den e cura di Maria school y termina den Misa, sigui pa e Eucaristia canta pa 7’or pm y como ta tambe e prome diabierna di luna, despues di Misa ta sigui ‘adoracion y vigilia’ den e kapel y ta termina 12.30 am.

Cu Eucaristia, pues marduga, na honor di e Inmaculada Curazon di Maria.

Pastoor Rey Nares y Pastoor Hercules ta invita tur e gruponan di oracion, fielnan devoto di Hesus y Maria, tur parokiano, muchanan, hobennan, un y tur pa asisti na e nobena, pa e tridium y tambe na e ‘fiestanan di e ‘Dos curazonnan stima’ bendiciona sea pa semper e ‘Dos Curazonan di Hesus y Maria’.

Diabierna Juli 01, 2011

Pagina 31

TRASH BY RONCHI A RICIBI ESPECTACULAR COLECCION NOBO !

Moda pa hende homber y hende muher cu ta cuadra cu tendencianan actual

STA. CRUZ -- Color y estilo sigur ta palabranan usa na momento di describi e impactante coleccion nobo cu Trash By Ronchi a ricibi. Un coleccion cu ta sinonimo na e tendencianan mas remarcable na nivel global. Pa hende muher a yega estilonan “hippie chic” como tambe piezanan di moda cu ta pertenece na e tendencia “boho chic”.

Color y estampado sin duda algun ta manda ariba tereno di moda pa hende muher. Estilonan fresco, cu volumen y soltura, y e delicado aspecto femenino ta hunga un importante rol na momento di papia di corte y estilo pa hende muher.

E coleccion di Trash By Ronchi ta representa e mihor tendencianan di moda internacional y ta trece e piezanan aki pa asina ofrece na su clientela e looknan mas remarcable di pasarelanan rond mundo.

Pa locual

ta trata moda pa e hende homber mester menciona cu Trash By Ronchi a ricibi e ultimo estilonan di zomer 2011.

Un look mas relaxed pero si cu tremendo estilo. Camisanan den

colornan atractivo manera corra, turqouise, biña, tononan di tera, preto, shinishi, blanco, y blauw scur ta domina moda pa hende homber actualmente.

Trash

By Ronchi tambe ta

presenta un surtido impactante di bermuda, cargo shorts, fashion pants, y sweats pa asina haci tremendo combinacionan pa e hende homber cu estilo.

Trash By Ronchi

ta situa na Sibelius Straat # 8. Tambe por busca Trash By Ronchi ariba AruBook of yama 582-6632 pa mas informacion.

Diabierna Juli 01, 2011

Pagina 32

Hiep Hiep Hoeraa pa nos iha,

Emjaelka Kelly

kende awe 1er di Juli 2011, ta cumpli 21 aña! Hopi felicitacion y bendicion bo ta ricibi di bo madrina Tanchi Jessica Alders y bo padrino Mo Dennis Jacobs. Lang zal ze leven in de gloria, ‘cause she’s a jolly good godchild. Love you always Emjaelka, xoxoxoxo

Awe crew Solo di Pueblo ta desea pabien na e hobencito

Leandro Aguilera cu awor ta bay school grandi. Corda haci bo best!!!!

2 Juli 2011 den cura di misa Sta. Theresita na San Nicolas: Proyecto di UFF: duna man na bo ruman” di 8:30 am pa 4:30 pm Yuda e grupo aki pa asina nan por yuda e muchanan cu ta den necesidad

Museo Arqueologico Nacional Aruba ta desvela su programa di Zomer Vakantie STA. CRUZ -- Aruba su Museo Arqueologico a desvela su Programa di Zomervakantie recientemente, presentando e publico cu un surtido diverso di actividadnan orienta na nos hubentud. Cu esaki mayornan ta wordo encurasha pa inscribi nan yiunan pa asina amplia nan horizontenan durante e Zomer aki y haci bon uso di e temporada di vakantie, cu actividad fisico y enrikecimento cultural.

E museo ultra moderno, situa den curazon di Oranjestad, ta cas di e isla su artefactonan historico di nos pasado y tambe ta sirbi como un centro comunitario anima y centro pa cultura, arte y educacion. Inspira pa e Prome Dama Mericano, Michelle Obama, e actividad di “Let’s Move, Museums & Gardens” a wordo concebi pa e zomer di 2011 y ta programa pa cuminsa riba dia 8 di Juli. Conhuntamente cu e Museo Historico, Parke Nacional Arikok, UNOCA, MetaCorp y e Departamento di Cultura, Aruba su Museo Arqueologico lo presenta un dia divertido riba dia 8 di Juli, yena cu actividadnan fisico, diseña pa pone studiantenan move y keda activo durante nan vakantie. E Coordinador di Proyecto pa “Move Your Body”, un graduado di Sciencia di Ehercicio na Merca, Shardea Croes a elabora riba e actividad di Zomer Vakantie cu ta dirigi na tres diferente grupo di edad, den tres ciclo di actividad, compartiendo un solo tema, esta “Movement within Landscape”. E prome ciclo pa studiantenan di edad 14 pa 17 lo tuma lugar di 11 pa 15 di Juli y lo inclui un gira di flashlight di e museo y un speurtocht na parke Arikok, como tambe un tayer di drama cu Jhon Freddy Montoya. E di dos ciclo pa studiantenan entre edad di 10 pa 13 lo tuma lugar di 18 di Juli pa 22 di Juli y lo inclui e pintamento di un banner na UNOCA, buscamento di oro na Parke Arikok, y un competencia di “hunting” na e Museo Arqueologico, recreando e isla su habitantenan anciano, e estilo di bida Amer-Indjan. E di tres ciclo

pa studiantenan entre e edad di 6 pa 9 aña lo tuma lugar di 27 di Juli pa 1 di Augustus y lo inclui e contamento di storianan na Unoca, un bishita na exposicionnan y un presentacion di bailenan tradicional na e Museo Historico. Esnan interesa por yama 582 8879 y puntra pa Shardea Croes, of mande un email na shardeacroes@ yahoo.com Banda di “Move your Body” y “Movement within Landscape”, e museo ta planeando un exhibicion di arte titula “Transformation in Landscape”, un show interesante coordina pa Elvis Lopez di Atelier 89.

Lopez a scoge un cantidad di artista hoben local prometedor pa exhibi nan obranan contemporaneo na e museo, obranan dedica na naturaleza, reciclahe, y materialnan organico.

E artistanan talentoso, Priscilla Lacle, Johannes Donati, Angelina Henriquez y Wouter van Romondt, cada un lo mustra 3 obra.

E conferencia di prensa na e Museo Arqueologico a wordo presenta pa Marguerita Wever, kende a informa prensa cu aña pasa mas di 600 studiante a participa den e programa di zomer di e museo y pa 2011 studiantenan ta wordo invita pa participa pa prijsnan cuminsando na Awg 25 pa ciclo di actividad, cual ta inclui un pasapalo diario.

Aki por mira e conferencia di prensa na e Museo, cu Shardea Croes, Marguerita Wever, Priscilla Lacle y un grupo di hoben cu a haci un presentacion na nomber di “Move Your body”.