Hof a confirma cu Leoncita a soborna ex minister benny sevinger den caso desHaun
Hof a confirma recientemente cu Leoncita Arends a comete e delito di a soborna ex minister Benny Seviger den e caso di e compania Deshaun. E pruebanan ta abrumador y e testimonio di Sra. Roga ta un parti crucial den esaki.
E Testimonio di Roga
Testigo Roga a declara cu riba ordo di Leoncita Arends ela entrega un envelop di placa na casa di Benny, Castaño Henao. Esaki a tuma lugar despues di benta di e segundo tereno, cu tabata relaciona cu e compania Deshaun. Sra.Roga a describi e envelop como color maron, dobla, rondona cu lastiek y mas o menos siete centimeter gordo/diki. E envelol tabata hole na papel nobo di placa y Roga tabata sigur cu tabatin placa aden pasobra Leoncita tabata contando placa e mesun mainta ey.
Detaye di e Transaccion
Roga a yama Arends na telefon ora cu e no por a haña e cas di Sevinger. Arends a yama e señora di Sevinger, cu despues a sali pafor di cas pa ricibi e envelop.
E defensa di Leoncita no a cuestiona of nenga e contakto aki y cu e encuentro a tuma lugar, pero a declara cu Roga a bay busca ticket di “lotto mega miljons” cu e señora di Sevinger a trece pa Leoncira Arends for di Miami.
Confiabilidad di e Testimonio
Hof a haña cu e declaracionnan di Roga ta confiabel. E tabata traha pa hopi aña como asistente personal
di Leoncita Arends y tabata bon informa di su contactonan di negoshi. E declaracionnan di Roga tabata consistente y mas principal, nan tabata detaya, cu a contribui na su confiabilidad. Ademas, e testimonio di Roga tabata sosteni pa datonan di telefon cu ta confirma e contacto entre Roga, Arends y e señora di Sevinger.
Pruebanan di Sosten
E declaracionnan di Roga tabatin sosten di otro pruebanan, inclui datonan di telefon cu a mustra cu Roga a yama Arends y despues e señora di Sevinger riba 21 di januari 2016. Tambe e timeline di benta di e sharesnan/accionnan di Deshaun NV y e transaccionnan finansiero despues, tabata coincidi cu e descripcion di e soborno.
Dia 11 di november 2015 un ‘share purchase agreement’ a keda cera y firma pa e benta di shares di Deshaun na Porco Gallina. Dos dia despues un voorschot di $40,000,a wordu paga na e cuenta di banco na Merca di Leoncita Arends, di cual $24,000,- a wordo lanta den cash. Esaki hunto cu e entrega di e envelop cu placa den dje dos luna despues tabata coincidi cu e timeline di e evento.
Defensa di Leoncita a faya:
E defensa di Leoncita a declara cu Roga tabata bay buska ticket di loteria, pero es declaracion ey no tabata cuadra ku e timeline. Segun Arends, loteria por wordo cumpra solamente dos dia prome di un sorteo, y e señora di Sevinger tabata na Miami dos luna prome.
Hof a haña esaki no creible cu Roga lo a bay busca ticket di loteria di dos luna bieuw riba 21 di januari 2016. Ademas, Arends anterioramente a nenga na Landsrecherche cu el’a manda Roga na cas di Sevinger.
Conclucion:
Hof a conclui cu Arends a manda Roga na e cas di Sevinger pa entrega un envelop cu placa na su señora dia 21 januari 2016.
E montante di e placa tabata pa cumpra e minister, pa haña un derecho di optie y erfpacht di tereno pa Deshaun.
E veredicto ta confirma e acusacionnan serio di soborno y ta subraya e abuso di posicion y poder di parti di Leoncita Arends. Arends a wordo condena na 2 aña di prison y Benny sevinger pa 4 aña.
Mas candidatonan ta cla pa bandona aVp
Segun por compronde, tin problema grandi den AVP. Candidatonan actual a manda mensahe fuerte pa Mike Eman, cu nan ta bandona e partido. E partido ta brasando corupcion sin fin, y no kier desaproba e
actonan coruptivo di Benny y su gang.
Algun a bisa: mas keto Mike keda, mas e ta aproba e corupcion den su partido. No ta un sentencia di un hues, pero tres hues.
ReMplasando benny pa su yiu ta MustRa cu aVp no kieR desapRoba coRupcion
Den fin di siman, a bin sali na cla, cu AVP kier remplasa Benny pa su yiu muher. Esaki ta un acto clasico unda AVP no por ni kier accepta e sentencia di corupcion y menos ainda desaprobe.
Kita tata y pone yiu ? Esey lo limpia e pica di e corupcion cu tereno di pueblo ?
Ta mucho mihor pa Benny retira y laga un eleccion pasa pa despues bini bek.
Pone un yiu awor ta solamente un acto di desesperacion unda kier sigui forsa pa keda den politica, siendo tin mancha preto con Benny a enrikece su mes.
doW: pRoyecto ReVitalisacion MainstReet san nicolaas
E proyecto ta yegando su fase final. A caba di pone ful e caminda cu klinkers y awo ta bezig ta poniendo klinkers na e aceranan. Tambe ta bezig cu e kabelnan pa nos por pone palonan di luz.
Otro siman diaranson 31 di juli 2024, nos lo habri e caminda. Asina DOW a informa den un comunicado.
Prome Minister Evelyn Wever-Croes:
EMPLEADONAN PUBLICO TA RICIBI
E PROME PARTI DI INDEXERING
“Danki na e sindicatonan pa e forma profesional y al caso cu a hiba e negosacionnan”
Prome Minister Evelyn Wever-Croes ta duna di conoce cu e luna aki empleadonan publico lo ricibi e prome parti di e indexering cual ta 6%, y na januari 2025 nan lo ricibi e demas 5.7%.
Despues cu Parlamento algun siman pasa a aproba e Presupuesto Supletorio 2024 cu 12 Parlamentario na fabor y 9 contra, awor Gobierno di Aruba tin e mandato y lo cumpli cu e pagonan di indexering na empleadonan publico. E indexering ta di e periodo di aña 2018 te 2023. Desde 2018 empleadonan publico no a ricibi un aumento di entrada basa riba e inflacion (indexering), pero awor Gabinete WeverCroes a cumpli cu nan.
Prome Minister,
sumamente complaci cu echo aki, ta felicita e empleadonan publico pa e merecido aumento aki, pero mas ainda, ta gradici nan pa e pasenshi y pa e trabou importante cu nan ta eherce, sirbiendo e comunidad di pais Aruba. Tambe Prome Minister ta manda su palabranan di gradicimento na e sindicatonan cu na un forma profesional y al caso a hiba e negosacionnan. E proceso no tawata facil ya cu no semper tur hende tawata riba e mesun liña, pero semper tawatin un meta comun, e beneficio di e empleadonan publico.
Pa nan por ricibi e compensacion cu nan tin derecho riba dj’e debi na e perdida di forsa di compra den e ultimo añanan.
Prome Minister ta indica cu debi na un maneho financiero responsabel di Gobierno, e pago aki ta posibel. E prome pago ta di un aumento di 6%, y na januari 2025 lo paga e demas 5.7 %. Debi na e pandemia mester a stabilisa e pais prome, despues a bin e fase di e recuperacion y despues a crea espacio financiero pa por a paga e indexering aki sin cu e ta causa un peso adicional riba presupuesto di Gobierno.
“Mi ta gradici Parlamento pa aproba Presupuesto Supletorio 2024 pa por a cumpli cu e empleadonan publico. A conta cu aprobacion di coalicion MEP/RAIZ
y di Parlamentario
Independiento Ryçond do Nascimento. Danki pa para na banda di e empleado publico. Un biaha mas danki na e sindicatonan y na coleganan minister cu a duna nan aporte pa awe nos por ta asina leu. Pabien
y danki di curason na tur empleado publico y ohala esaki por ta un estimulo pa sigui sirbi comunidad di Aruba, mientras nos ta sigui traha pa mehora e servicio di Gobierno na e comunidad di Aruba”, Prome Minister a declara.
DVG ta reGistranDo aumento Den casonan Di coViD
22.07.2024. Apesar cu e virus di COVID ta wordo categorisa como un virus mas riba e lista largo di malesanan respiratorio infeccioso. Na momento cu tin aumento den caso den nos comunidad, instancianan manera dokternan di cas, SVB, hospital y demas instancianan di cuido ta sinti su efecto mesora bou di nos comunidad y pa medio di ‘opnames’ .
Den e ultimo 5 simanan cu a pasa, DVG a bin ta tuma nota cu tin aumento den casonan confirma di COVID pa medio di nos sistema di vigilancia. Un di cada tres persona cu test ta sali positivo pa COVID. For di luna di mei te cu juli 2024 hospital a resigistra un total di 27 persona cu a wordo interna debi na e virus di COVID, di cual 3 ta personanan riba 75 aña cu a keda interna den ICU.
COVID ta keda un virus di precupacion pa e grupo di personanan mas vulnerabel den nos comunidad cu ta:
• Ciudadano riba 60 aña
• Mucha bou 2 aña
• Hende muhe na estado
• Ciudadano cu ta sufri di malesanan cronico of cu tin un sistema inmunologico debil. Na e grupo di personanan aki DVG ta conseha pa nan evita contacto cu personanan malo y evita espacionan unda tin hopi persona. Laba man frecuentemente, evita mishi cu wowo, boca y nanishi cu bo man no laba y semper laba man prome cu come.
Sintomanan di COVID ta parecido na demas virusnan respiratorio cu ta encera:
• Dolor di garganta
• Keintura
• Verkoud of nanishi ta core
• Tos
• Curpa kibra of cansa
Esun cu tin sintoma di COVID ta wordo suplica pa tuma contacto cu nan dokter di cas trempan pa esaki por monitor y guia bo den e proceso di recuperacion. Preferiblemente keda paden y evita contacto cu demas persona.
No warda te ora cu bo ta sinti hopi malo pa bay pidi asistencia medico na EHBO. Cu asistencia di dokter di cas trempan por evita cu mester wordo interna den hospital. Pa mas informacion like nos Facebook page Directie
Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw
Dama a Dal abao Den supermercaDo y a keDa abao benta
Diabierna mainta a drenta informe di cu tin un dama cu a cay y a keda benta abao den un supermercado na Madiki, mesora a dirigi
tanto polis como ambulans na e sitio. Na yegada di e patruya a bin compronde cu e dama lo a bebe un poco dimas y tabata bisa cu su pia a lague na caya. Na yegada di e ambulans nan a atende y a laga e dama den man di polis pa
polis a Detene Dama corienDo
percura pa e dama yega su cas.
Diasabra anochi polisnan di distrito 4 ( Santa Cruz) a para un Mitsubishi Lancer blauw
coriendo malo na altura di rotonde Mahuma. Durante
control polis a test
dama chauffeur
ela supla surpasando e limite. Polis a detene e dama.
Prome Minister Evelyn Wever-Croes:
ULTIMO DIA !
PA ENTREGA UN PROPOSICION PA CONDECORACION REAL 2025 TA DIA
31 DI JULI
Ta un honor pa un pueblo ta parti di e decision kende lo ricibi un reconocimento prestigioso asina for di Su Mahestad Rey Willem Alexander
Reconoce ciudadanonan cu merece di wordo reconoci, no solamente ta refleha riba un comunidad cu ta duna balor na trabounan boluntario, pero tambe e ta reenforsa e curason di solidaridad, dedicacion, contribucion, compasion y cuido un pa otro di nos pueblo. Ta un honor pa un pueblo ta parti di e decision kende lo ricibi un reconocimento, un Condecoracion Real for di Su Mahestad Rey Willem
Alexander.
Apesar cu ta e comision encarga ta dicidi, pa medio di infomacionnan ricibi, ta nos pueblo ta propone e ciudadanonan cu merece e condecoracion prestigioso aki. Esakinan ta ciudadanonan cu a dedica nan tempo, nan energia y curason na servicio di comunidad sin egoismo y sin spera algo a cambio, sin pidi nada a cambio. E reconocimentu di e rey pa e
ciudadanonan remarcabel aki no solamente ta honra nan bon trabou, pero tambe ta alcansa e sentimento pa trabounan boluntario, encurashando tur ciudadano pa refleha riba con nos por contribu na e bienestar y progreso comun. Nan historia di dedicion, compasion y solidaridad ta inspira nos pueblo pa mira mas leu di nos mes, pa extende nos man, y construi un comunidad mas fuerte, determina y resiliente.
Prome Minister Evelyn Wever-Croes ta invita ciudadanonan di nos pais cu conoce un persona cu ta merece e Condecoracion Real, pa entrega un proposicion. Ta pa medio di proposicionnan di nos ciudadanonan, e personanan aki, cu ‘no ta laga e man drechi sa kico e man robes ta haci’, por ricibi e reconocimento mereci di Rey Willem Alexander como gratitud pa e trabounan cu nan ta haci pa nos comunidad.
Ultimo dia pa entrega e proposicion pa Condecoracion Real 2025 ta diaranson 31 di
Juli, 2024 pa 4 pm na Bestuurskantoor na Playa. Pa entrega un proposicion pa Condecoracion Real 2025, mester yena dos formulario cu ta disponibel na Bestuurskantoor na Playa y San Nicolas, tur MFA, y online riba e website di Gobierno. E formulario mester wordo yena detayadamente y firma door di e persona y/of instancia cu ta haci e proposicion.
Unabes e proposicion wordo entrega, e lo wordo repasa pa e comision di Aruba pa wak si a cumpli cu tur rekisito, pa despues wordo manda pa Hulanda na unda lo tuma e decision final.
Pa un ciudadano bin na remarke pa un
reconocemento asina, lo mester adheri na cierto rekisitonan. E persona mester ta eherce trabou boluntario pa un periodo minimo di 15 aña, y e persona mester a haci prestacionnan particular den nan funcion actual. E prestacionnan den tur dos categoria mester ta di un nivel hopi halto, surpasando loke normalmente ta wordo spera di su trabou y mester tin un balor excepcional pa e desaroyo di Aruba.
Pa download e formularionan: https://www.gobierno. aw/oportunidad-paentrega-proposicionnanpacondecoracionreal-2025
Minister Maduro di Finansa ta informa:
PresuPuesto 2024 ta e Prome
PresuPuesto cu lo wordo midi cu e normanan nobo ancra den e ley di laFt
Na december 2023
Parlamento di Aruba unanimamente a ancra e normanan presupuestario nobo pa Aruba den e ley di supervicion financiero LAFT. Ta trata di tres norma cu ta codifica den artikel 14 di e Ley di LAFT. Presupuesto 2024 ta bira e prome presupuesto cu lo wordo midi cu e normanan nobo aki pa CAFT.
Tres norma
E prome norma ta rekeri pa Aruba tin un surplus di por lo menos 1% di GDP tur aña. E di dos norma ta stipula cu e gastonan di personal no por sobrepasa e 10% di GDP anual, cual ta un meta cu mester keda logra pa aña 2027. E di tres norma ta encera cu e percentahe di debe di Pais Aruba relata na nos GDP, e quota di debe, mester yega na 50% na aña 2040.
Presupuesto 2024
E tres norma nobo lo wordo uza pa CAFT pa prome bes pa haya supervisa e ehecucion di Presupuesto 2024. Por menciona cu e Presupuesto di Pais Aruba pa aña 2024, ta conta cu un surplus di 2,2% conforme e ultimo Cambio di Presupesto 2024. E gastonan di personal ta na 484 miyon florin cual ta 8% di nos GDP. Pa locual ta trata e debe di Aruba, esaki
ta bahando rapidamente y ta na 73% di nos GDP den aña 2024, y esaki ta conforme e caminda cu
mester cana pa yega na 50% di nos GDP na aña 2040.
aruba bank ta anuncia ganadornan di su camPaña di cuenta di studiante
“Skyrocket Your Student Life”
Oranjestad – 22 di juli 2024 – Aruba Bank ta contento pa anuncia e ganadornan di su campaña di Cuenta di Studiante, “Skyrocket Your Student Life”.
Pabien na e siguiente studiantenan, cada un a gana AWG 1,000; Giovanca Roga, Juan Pablo Romero Castellanos y Dainalys Koolman.
Aruba Bank ta gradici tur e studiantenan cu a participa aplicando pa un Cuenta di Studiante. Cada studiante cu a habri nan cuenta a haci e campaña aki un exito.
Pa e studiantenan cu
ainda ta desea di habri un Cuenta di Studiante, por bishita nos website pa mas informacion: https:// www.arubabank.com/ en/Personal/Accounts/ current-accounts/ personal-student-account
Por bishita nos Digital Lounge na un di nos sucursalnan na HATO, Camacuri, of San Nicolas, y un di nos Digital Ambassadors lo asistibo si acaso bo tin mester di
asistencia personal.
Aruba Bank ta contento di por empodera nos hobennan pa siña nan for di un edad hoben haci nan asuntonan financiero.
En conexion cu e celebracion di Dia di Independencia di Colombia:
MINISTER MADURO DI CULTURA A PRESENCIA E 'SERENATA VALLENATA' CU A
SER TENI NA BIBLIOTECA NACIONAL ARUBA
Diahuebs Minister Maduro a presencia e 'Serenata Vallenata' na ocasion di e celebracion di Dia di Independencia di Colombia di dia 20 di juli, organisa pa Fundacion Petronio Alvarez Internacional hunto cu Departamento di Cultura y Biblioteca Nacional Aruba.
Na comienso di e evento Minister Maduro di Cultura a hiba palabra den cual ela mustra riba e lasonan fuerte di hermandad entre Aruba y Colombia. E mandatario a acentua cu ta lasonan familiar, ya cu un 10% di nos poblacion ta naci na Colombia. Pa locual ta trata musica, e mandatario a indica cu e musica Vallenato ta hopi gusta pa Arubianonan tambe y tin varios Arubiano cu ta scirbi y compone cantica Vallenato exitosamente.
E anochi a sigui cu un bunita baile bou
coreografia di John Freddy Montoya di Departamento di Cultura di Aruba. Sigui pa un momento den cual e Fundacion Petronio Alvarez Internacional hunto cu sra. Glenda Zavala Maduro, cu ta motor tras di e intercambio cultural musical aki entre Aruba y Colombia, a duna reconocemento na varios persona cu na Aruba ta percura pa e musica Vallenato rezona. Despues a sigui un intercambio cultural cu un bunita presentacion di e acordeonera di La Guajira sra. Indira
Fernández, kende hunto cu algun musico di Aruba y Colombia a sa di deleita esnan presente cu musica di e folklore Colombiano.
Minister Maduro ta gradici y felicita e organisacion cu un bunita evento. E mandatario ta gradici specialmente sra. Glenda Zavala Maduro cu tabata e motor tras di e bunita intercambio cultural aki entre Aruba y Colombia. Minister Maduro ta desea e comunidad Colombiano residencia na Aruba, un feliz Dia di Independencia di Colombia.
Auto malstaciona a blokia e pasada
di tram y tur trafi co
den Schelpstraat
mester a warda
Diahuebs atardi un chauffeur iresponsabel a haya ta bon di staciona su auto di tal forma cu e tram no por a pasa y tur trafico tras di
e tram tambe a keda pega den e trafico.
Ta te ora e chauffeur a bolbe e tram y e trafico por a sigui.
Chauffeur a bay dal tras di un auto riba
Sasakiweg
Diabierna madruga a drenta informe di un accidente riba Sasakiweg, mesora a dirigi un patruya na e sitio. Na yegada di e patruya a bin compronde cu un chauffeur lo no a regula su velocidad ni a mantene distancia a bay dal tras di e auto su dilanti. Afortunadamente ningun hende a resulta herida.
MINISTER ENDY CROES A BISHITA COMMUNITY POOL SAN NICOLAS, EN CONEXION CU 25 AÑA DI SERVICIO
DI 3 TRAHADO EHEMPLAR
A reconoce y gradici Sra. Caridad Vries Morel, Sra. Marla Thiel Dominguez y Sr. Michael Albus pa nan excelente trabou.
ORANJESTAD: Recientemente, Minister di Enseñansa y Deporte Endy Croes y directiva di Stichting Fundacion Arubano Maneho di Facilidad Deportivo (S.F.A.M.F.D.) a
bishita Community Pool
San Nicolas, unda a honra tres (3) empleado cu a cumpli 25 aña den servicio, esta Sra. Caridad Vries Morel, Sra. Marla Thiel Dominguez y Sr. Michael Albus. Den e ocasion special aki, Minister Endy Croes a haya un recorido y por mira e “pompkamer” cu mester haya atencion. E mandatar-
io di Enseñansa y Deporte a indica cu e lo aloca fondo pa inicia cu e plan di renobacion di e camber aki. Ademas di esaki, ta planifica pa construi un warm-up pool na Piscina Olimpico Roly Bisslik na Savaneta. Di e forma aki ta cumpli cu e standardnan internacional y por organisa competencia di natacion internacional. Minister Endy Croes
ta felicita Sra. Caridad Vries Morel, Sra. Marla Thiel Dominguez y Sr. Michael Albus cu nan reconocemento y ta gradici presidente
Sra. Jo-Anne Croes y directiva di S.F.A.M.F.D., director di Community Pool
San Nicolas y Piscina Olimpico Roly Bisslik Sr. Jacinto Werleman y empleadonan cu diariamente ta haci nan esfuerso pa maneha y man-
tene e piscinanan den bon condicion.
E BON NOTICIA
HENDE NO TA NACE DI E MESUN SEXO, PERO HENDE TA
Cada hende na mundo ta nace di un pareha, di homber cu muher. Un famia ta wordo lanta pa medio di tata y mama. Y bo mes, di unda bo ta kere cu ba bini? Den Bijbel Genesis 2: 4-24, na principio di creacion, Dios Tata a traha homber y muher, nan nomber ta Adam y Eva. Dios Tata a traha homber y muher, pa procreacion humano. Tambe nos por lesa den Bijbel Marco 10: 6 – 9, na unda Cristo Hesus ta bisa: “Na principio di creacion Dios a traha homber y muher, p’esey e homber lo laga su tata y su mama pa e uni cu su muher y nan dos lo bira un solo curpa.” Akinan Dios ta uni e homber y e muher den enlaso Matrimonial, pa nan haci nan relacion sexual y pa nan lanta famia. Den e union aki, di homber y muher, e yiunan ta sigi e ehempelnan di nan tata y di nan mama. Dia cu e yiunan bira grandi, nan tambe ta casa pa lanta famia, mescos cu nan tata y nan mama. Awor, ta di unda ta bini cu homber cu homber y muher cu muher, kier e union di e mesun sexo y casamento?
Den Bijbel Genesis 19: 1 – 23, pakiko Dios Tata a destrui y a caba cu tur e habitantenan den e ciudadnan grandi di Sodoma y Gomorra cu candela y azufre? Pasobra e ciudadnan di Sodoma y Gomorra tabata habita pa homosexualnan y lesbiananan.
Den Bijbel Romanonan 1: 24 – 32, na unda Dios Tata a destrui y a caba cu tur e habitantenan di Sodoma y Gomorra, pa motibo di nan mal pasionnan cu e diabel a hinka den nan curason, den deseonan impuro. Di manera cu nan a deshonra nan mes curpa, nan a cambia e berdad di Dios pa mentira y nan a
NACE ENTRE HOMBER Y MUHER
honra y adora idolonan, nan lugar di Dios Creador. Nan muhernan a cambia tradicion natural pa esun contra naturalesa. Mescos tambe, hombernan a kita tradicion natural cu muhernan y a inflama nan mes den pasion cu hombernan. Hombernan ta comete deshonestidad cu hombernan. Asina nan ta haya den nan mes, e castigo mereci pa nan errornan. Nan ta yen di tur sorto di inhusticia. Nan ta haya, cu no ta bale la pena pa reconoce Dios. Maske cu nan ta reconoce e sentencianan di Dios, nan ta obra den maldad y p’esey nan ta merece morto. Nan mes ta haciele concientemente y nan ta aplaudi na esnan cu ta hacie tambe. Nan ta stroba Dios Su procreacion humano door di nan inmoralidad y deshonesto, den oral y anal sex. Den Bijbel Genesis 19: 1 –23, na unda tur e hombernan (homosexualnan) di Sodoma a rondona e cas di Lot y nan a bisa Lot : “Na unda e dos hombernan ta, cu a yega bo cas anochi? Sacanan afo, pa nos tene relacion sexual cu nan.” Lot a bisanan : “Mi ta roga
boso mi rumannan, no comete tal maldad aki.” Aki nos por comprende, cu e dos hombernan cu a bin na cas di Lot, nan tabata Angelnan di Dios, cu a bin pa trece husticia y castigo y Dios a castiga e habitantenan inesperadamente. Akinan nos por mira, con grandi e ofensanan y e pikanan di inmoralidad y deshonesto tabata ta, cu Dios Tata a kita bida di tur e habitantenan. Bijbel Levitico 20: 13 : “E homber cu drumi cu un homber manera cu ta drumi cu un muher, nan dos ta comete actonan repugnante, nan dos lo muri y nan sanger lo cay riba nan.” Bijbel Levitico 18: 22 : “Lo bo no tin relacion sexual cu un homber manera cu sa haci cu un muher, esey ta algo abominabel.” P’esey, no bini cu e leynan di Sodomitanan pa e pueblo di Aruba, pasobra e leynan aki ta bini for di abismonan di fierno, pa desvia e pueblo den perdicion di condenacion mescos cu Sodoma y Gomorra.
Bin cu un Referendum mas pronto cu ta posibel, pa e pueblo di Aruba mes dicidi. Pasobra bos
di pueblo ta bos di Dios. E ora ey, bosonan lo mira cuantor tin.
Un feliz comienso di weekend bendiciona y cu Dios brasa nos cu su misericordia infinito.
Scritura ta bisa:”Misericordia Mi kier y no sacrificio.”Mateo 12,7
Misericordia di Dios ta mas grandi cu su obranan. Loke Hesus kier di nos ta, pa nos ta misericordioso manera Dios ta misericordioso cu su pueblo. Den e prome lectura nos por lesa con Ezekias tabata pa bay muri. Dios a manda Isaias duna e noticia cu e no tin hopi tempo pa biba. Ezekias a bira lomba y a resa na Dios y Dios a tene misericordia cu ne. Mescos cu Dios a haci, nos tambe tin di haci den nos bida diario, tene misericordia cu nos rumannan, pasobra nos no sa den ki situacion nan ta pasando. Den e Evangelio tambe nos por lesa cu riba un sabat ora Hesus tabata cana cu su discipelnan den cunucu y nan abata tin hamber. Nan a cuminsa come trigo di e tapushinan. E fariseonan a bisa Hesus cu su discipelnan ta haci cos cu no ta permiti riba sabat. Hesus a bisa e fariseonan kico David a haci ora nan tabatin hamber. No laga nos bira mescos cu e fariseonan. Nos tin di ta manera Dios y Hesus, semper bay misericordioso cu nos rumannan y Hesus a pidi misericordia y no sacrificio.
Oracion: Dios nos ta pidi Bo pa laga nos por ta misericordioso manera
Abo ta misericordioso tur dia di nos bida. Amen.
Chauffeur di auto staciona a subi caminda sin duna preferencia
Diasabra mainta a drenta informe di un accidente den Ooststraat, mesora a dirigi un patruya na e sitio. Na yegada di e patruya a bin
compronde cu e chauffeur di e Mazda cual tabata staciona a bay subi e caminda pero no a duna preferencia na e Toyota RAV cu tabata
pasando riba e caminda y nan a dal den otro. Afortunadamente ningun hende a resulta herida.
E MAFIA DI BENNY, LEONCITA Y AVP
Tres (3) hues den Hoger Beroep a desmantela e banda
criminal di Mike Eman y AVP
Diabierna 12 di juli 2024, Gemeenschappelijk Hof van Justitie, unda cu tres (3) Hues den Hoger Beroep a condena Benny Sevinger ex minister di AVP na 4 aña di prizon, mientras Leoncita Arends di Canal 90 a ricibi 2 aña. Esaki ta en conexion cu e caso Avestruz, unda Benny Sevinger tabatin e rol principal den e caponan di AVP. Como cu e caso ta asina grandi lo trata na splica cada pida separa pa pueblo cera conoci cu e berdadero lobonan di AVP den cuero di carne.
Pagina 23: Benny y Leoncita a bay vakantie hunto E huesnan a constata cu Benny Sevinger y Leoncita Arends ta hopi bon amigo. “Sevinger en Leoncita Arends kennen elkaar al heel lang. Sevinger is Lid van de AVP en Arends werd betaald om in haar radio programma de bevolking te overtuigen om voor de AVP te stemmen. Zij zijn in 2010 en 2013 ook samen met hun familie op vakantie gegaan en zijn Leoncita Arends en de vrouw van Sevinger een paar keer bij elkaar thuis geweest”. Pagina 23 di e sentencia di Benny Sevinger.
Kico Leoncita su rol tabata
den e caso Elenath N.V.?
Maria Leoncita Arends di Canal 90 su trabou tabata lanta N.V. na cantidad, di cual e N.V. lo ricibi un “optie” riba tereno, pero na mesun momento Leoncita tin un cumprado y ta bende e “shares” di e N.V. pa hopi placa, unda consecuentemente e “optie” riba dicho tereno ta pasa cu e “shares” pa e doño nobo. Den e veredicto di 12 di juli 2024, e tres (3) huesnan a bay hopi profundo riba e practica di Leoncita Arends cu e colaboracion total di Benny Sevinger di AVP kende tabata na altura di tur locual tabata pasando y tabata brinda tur cooperacion pa e corupcion grandi aki tuma luga.
Sentencia Maria Leoncita Arends pagina 12-15: 3 hues a repasa e investigacion completo y a relata con exactamente e corupcion di Benny Sevinger y Leoncita Arends tabata tuma luga den practica. Awe nos lo splica locual ta para den e sentencia. Dia 2 di mei 2013, Elenath N.V. a wordo lanta cu fam F. como unico “aandeelhouder” y 100% doño. Prome cu e N.V. aki a wordo lanta Leoncita Arends a acerca F. y a pidie pa firma e prome peticion pa un tereno na Sasaki percela
# 3867 “bestemming” pa “horeca activiteiten”. Dia 24 di januari 2014, Leoncita Arends a cumpra tur e “aandelen” di Elenath V.B.A. di F. y den e (SPA), esta e “Sales Purchase Agreement” ta para cu Leoncita lo a paga F. un suma di Afl.10.000 Florin.
Leoncita Arends como doño di Elenath: Dia 10 di maart 2014, e prome peticion di Elenath (awor Leoncita como doño) a yega den man di ex minister Benny Sevinger. Mesun dia Benny a firma “Dir DIP, akkoord cfm, gaarne uw medewerking”. Carta no tabatin stempel tampoco “volgnummer” y nunca a wordo manda DIP. E carta original aki a wordo haya den cas di Leoncita dia di e “huiszoeking” durante e investigacion. Hof ta splica esaki ta prueba cu nunca e carta aki no a bay DIP, pero di Benny su kantoor bek pa Leoncita. Dia 15 di maart 2014, algun dia despues a drenta un otro peticion di Elenath pa e mesun tereno, pero e biaha aki firma pa un director nobo, esta yiu di Leoncita, esta Richardson di apenas 19 aña. E peticion ta mescos traha cu esun prome, pero e biaha aki ta pidi riba mesun tereno pa
“commercieel terrein” en bes di “horeca activiteiten”, cual a wordo pidi anteriormente. Rond di e mesun periodo aki dia 8 di april 2014, a drenta un peticion pa mesun tereno di Stredegalik representa pa van Heusden y nan a declara cu nan tabata bezig pa cumpra un tereno comercial di Arends pa traha un winkelcentrum. Dia 7 di october 2014, Leoncita ta firma un “None Disclosure Agreement” (NDA) cu Stradegalik sin cu Leoncita tabatin e tereno. Akiden tin para cu Leoncita ta dispuesto pa bende e “aandelen” di Elenath cu e “optierecht” di dicho tereno cu Stredegalik. Esaki ta e muestra cu Leoncita tabata asina sigur cu e lo haya e “optie” riba e tereno aki. Dia 25 di september 2014, pues prome cu Leoncita a firma e (NDA) el a firma tambe un “Findersfee” Agreement (FFA) cu un compania, unda akiden ta splica cu e lo bende e “optierecht” di e tereno Sasaki asina esaki ta cla.
Di dos peticion di Elenath na Benny pa e mesun tereno:
Dia 11 di november 2014, e di dos peticion oficial di Elenath a yega cerca Benny Sevinger. Mesora Benny a bolbe firma “Dir DIP, akkoord cfm, graag uw medewerking”. Esaki mescos e prome peticion no a wordo “ingeboekt”, no tin stempel tampoco “volgnummer” y tampoco a wordo manda pa DIP. Pues Benny y Leoncita tabata sa bon bon e triki cu nan tabata armando pa logra e benta.
E di tres peticion di Elenath pa Benny pa e mesun tereno:
Algun dia despues riba 15 di november 2014, a drenta un carta cu peticion di Elenath firma pa yiu di 19 aña di Leoncita pa cu mesun tereno. Aki nan ta manda pidi pa e “bestemming” di dicho tereno wordo amplia pa “commerciële doeleinden” combina cu “luxe appartamenten”.
Sentencia ta splica cu aki a bin un cumprado real LR: E negociacionnan a inicia november y dia 29 di december 2014, un otro peticion oficial di Elenath a drenta cerca Benny. Mesun dia Benny ta firma “akkoord cfm graag uw medewerking” y e peticion aki si ta wordo “ingeboekt” y manda mesun dia pa DIP. Dia 14 di januari 2015, Every e Chief of Staff di Benny ta manda un carta cu “wijziging” pa trek in e carta anterior cu peticion pa percela #3867 y acorda esaki na su luga, esta percela # 3866. Dia 22 di januari 2015, Abath ta manda e cambionan cu Benny a pidi mas un MB di e “optie”. Den e MB aki ta accentua solamente “commerciële doeleinden” y NO “luxe apartamenten” mas. Duidelijk nan a mantene uno pa un “next deal”, esta “luxe apartamenten”. HOF ta stel vast den e sentencia aki cu e MB a wordo traha na “wensen di e koper”.
Leoncita ta bende “shares” y tereno den 3 dia: Dia 27 di januari 2014, Benny Sevinger ta firma e MB cu e condicionnan nobo y dia 30 di januari 2015, pues 3 dia despues Leoncita ta bende e “shares” di Elenath V.B.A. cu su doño nobo pa Afl. 555.000 florin. E pago aki a bay pa e “bemiddelaar” Cristal Advisory. Como parti di e “Sales Purchase Agreement” tabatin un bijlage cu e MB “correspondiente”, mientras Elenath no a haci e pago na DIP y no a ricibi e MB aki for di DIP. E declaracionnan di Chief of Staff Every y secretaria di Benny Sevinger, esta Sra. Hsing na corte ta cu Arends por a ricibi esaki solamente for di Benny Sevinger “himself”. Segun ambos no por tin otro splicacion. Awe nos a relata un parti chikito di e caso di mas grandi den historia di corupcion di Pais Aruba organisa pa e criminalnan di AVP. Bon pa pueblo mes compronde con e corupcion di Mike Eman, Benny Sevinger y Leoncita Arends tabata hinca den otro.
Pader Jan Bouman a B ay sosega: e ta masha conoci y stima na aruba
Dialuna mainta a drenta noticia cu pa 4.10 ora di Hulanda, Pader Jan Bouman a bay sosega den trankilidad. Dios duna pader Jan Bouman su alma sosiego eterno y lus eterno lusa pa pader Jan Bouman. Cu su alma sos-
ega na pas den brasa di su creador. Pader Bouwman a biba pa hopi aña na Aruba y tabatin un tono masha particular pa presenta su mes. Semper ta papia cu hopi trankilidad. E tambe ta stima Aruba y Aruba stime.
Intel I genc I a d I un mucha no ta deP ende d I su notanan
Aunke cu nos sa cu e inteligencia di un mucha no ta depende di su notanan, manera con nos ta laga nos mes como mayor, impresiona cu e cualificacionnan!
Un excelente ta yena nos di orguyo, un onvoldoende of suspension, ta decepciona nos, manera cu e nota aki lo defini kende nos yiu ta y cualnan ta su capacidadnan. E cualificacionnan escolar ta un forma di midi un conocimento. Sin embargo, no ta duna cuenta di e esfuerso y e dedicacion cu e mucha a inverti den e proceso di aprendisahe. Tampoco ta demostra si efectivamente e mucha a siña algo di forma consistente. Un mucha cu un bon memoria, kisas ta obtene bon punto.
Un mucha cu un inteligencia distinto den e materia den cual e ta wordo evalua, por haya onvoldoende. Sin embargo, den e materia vincula cu su tipo di inteligencia, seguramente e lo ta exitoso. Inteligencia di e mucha Si. Segun e psicologo y investigador Howard Gardner, den cda persona tin ocho tipo di inteligencia of habilidadnan cognoscitivo. E teroaia di inteligencianan mulitple aki, ta reconoci den hopi ambito educativo. Di acuerdo cu e planteamento di e profesor Mericano aki, no ta existi un unico inteligencia unico humano. Tin un diversidad di inteligencia, cu ta marca e potencialidad, fortalesa y debilidadnan cu cada individuo tin y cu lo marca su actuacion den distinto scenario. E teoria di inteligencianan multiple aki, ta permiti balora, compronde y stimula e potencialidadnan di cda
E tiponan di inteligencia
Inteligencia linguistico
E muchanan cu e tipo di inteligencia aki ta siña skirbi, lesa, conta cuenta of haci crucigrama cu suma facilidad. Su lenguahe orral ta asina bon como esun skirbi. E tin facilidad pa siña idioma.
Inteligencia logicomatematica
mucha, mas leu di loke por midi un indice di conciente intelectual.
Bo yiu tin tur e tipo di inteligencianan aki, solamente cu uno ta mas preponderante cu otro.
E inteligencia di e mucha pa matematica, por yud'e tin bon resultado. Sin embargo, no lo ta igual si e inteligencia pa linguistica of pa deporte ta mas debil. Tur esaki ta pone den evidencia e berdda cu e notanan no ta representa e inteligencia di e mucha.
Muchanan cu ta resolve cu facilidad problemanan aritmetico, problemanan di logica-matematica, weganan di strategia y experimento. Na esunnan cu e tipo di inteligencia aki ta resulta nan hopi facil resolve pruebanan di conciente intelectual. Inteligencia visual y espacial
Muchanan cu gusta dedica nan tempo liber pa pinta, gusta resolve puzzel of ta prefera weganan di construccion, tin e tipo di inteligencia aki. Nan ta pensa den imagen y dibuho.
“Señor ta mi wardador, mi’n tin falta di nada Den cunucu di yerba berde e ta ponemi sosega.
E ta hibami na awa trankil, Pa mi bolbe haña forsa”. Salmo: 23
Nos ta anuncia fayecimento di:
Khloë Alexandra Heronimo Cariñosamente yama: “Koko” *12-12-2007 - †19-07-2024
Acto di entiero lo wordo anuncia despues.