DIARAZON 12 JUNI 2024

ESTUDIO

TA ADVERTI DI E RIESGO PA SALUD DI SUBSTANCIA DI E VAPING

MALTRATO

DI BABY NA CRECHE PASA DUSHI PASA

PRET A CONDUCI

NA DETENCION

DOS LEIDSTER INCLUYENDO E DOÑO NEIFY KOCK

Diamars mainta a cuminza circula riba red social algun video unda por mira muchanan ta wordo maltrata. Un di e videonan tabata mustra un mucha cera den un kamber y e pober mucha tabata na grito di spanto, pasobra nan tine cera. Esey ta un abuso total di mucha cu a sosede na e creche di Sra. Neify Kock, cual algun tempo pasa caba a haye den problema.

E videonan tabata mustra con nan ta spart awa riba muchanan indefenso na manera inapropia. Un serie di maltrato. Solo di pueblo a compronde cu e caso aki ta conoci pa husticia desde dos siman pasa y a detene

e doño di creche hunto cu un otro leidster. Ayera a prolonga detencion di Sra Kock cu 30 dia mas pa investigacion sigui.

E videonan a causa iritacion den comunidad y pueblo a reaccion hopi raso na e videonan aki. No ta posibel pa ainda den 2024 un creche, un scol di mucha, ta trata e muchanan di e forma aki. Nan ta haya un maltrato formalmente, sin cu nan por papia of conta ningun hende. Gobierno di su banda a bini cu ley di creche pa netamente pone mas control na creche, pone mas control riba leidsternan y pa hisa e nivel. E ehecucion di ley a cuminza awor y

E CAPITULO NOBO DEN EXPLORACION

DI GAS NA ARUBA, TA PERMITI NOS SOÑA UN POCO

pues controlnan rutinario lo cuminza sosode na crechenan.

Cambio den prijs di produCtonan petrolero 12 juni 2024

Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 12 juni 2024:

Gasoline unleaded-premium : 257,6 cen p/ltr. (- 11,4 cen)

Diesel LS : 217,7 cen p/ltr. (- 10,5 cen)

Kerosin : 198,7 cen p/ltr. (- 12,9 cen)

E prijsnan ta inclui BBO/BAZV/BAVP

Prome Minister Evelyn Wever-Croes:

Den e publicacion ‘STATE OF THE ECONOMY 2023’

banCo Central di aruba ta duna ConClusionnan sumamente positiVo pa aruba

Aruba ta den desaroyo!

Gabinete Wever-Croes, desde inicio di su gobernacion na aña 2017, a bin ta hibando un maneho financiero responsabel pa asina sanea e situacion financiero cu Gobierno a hereda di e gobierno anterior. Sinembargo, e crisis mundial di e pandemia na aña 2020, a ocaciona mas daño financiero na nos pais. Gobierno aki no a para man cruza y cu detrminacion a traha pa trece bek finansas di Aruba riba e rumbo di progreso. Y awo Aruba

ta mirando resultado di e bon maneho financiero di Gabinete WeverCroes. Y tambe, esaki a wordo comproba pa varios instituto financiero internacional y recien tambe pa Banco Central di Aruba. Aruba a ricibi bon noticia tras di otro riba su maneho financiero. Aruba ta den desaroyo.

Recientemente, señor Paul Hilbers, Director di Fondo Monetario Internacional (IMF), a elogia Gobierno di Aruba pa e maneho

financiero di pais Aruba, indicando cu e economia ta draai bon y e finansas tambe ta bay bon y a declara cu Aruba tin un desaroyo financiero positivo.

Na luna di maart recien, e compania di rating Fitch Ratings a revisa nan mira riba Aruba, di stabiel pa positivo. Esaki ta un 'upgrade' cu sigur ta refleha e bon direccion di Aruba su economia y finansa publico. Fitch den su rapport cu ta obtenibel riba nan website, ta reconoce e trabounan y maneho serio y responsabel cu Gobierno di Aruba ta haci pa recobra tanto e credibilidad como e base fuerte financiero cu a tambalea durante e añanan di pandemia.

Tambe, den luna di mei, Aruba a ricibi e bon noticia di e instituto Economisch Bureau Amsterdam (EBA) cu a evalua e

leynan y protocolnan di supervision financiero di Aruba Corsou y Sint Maarten. E evaluacion a sali relativamente na fabor y positivo pa Aruba y tur ciudadano por lesa e rapport riba e pagina online di EBA, https:// www.economisch-bureau.

nl

Y den e prome siman di e luna aki, Banco Central di Aruba a publica e ‘STATE OF THE ECONOMY 2023’. Den e publicacion aki Banco Central ta evalua e desaroyonan di pais Aruba durante aña 2023 y a duna conclusionnan sumamente positivo pa Aruba. Entre otro, Banco Central ta incica cu den aña 2023 Aruba su economia a crece cu 5.2% mas cu aña 2022 y inflacion na Aruba a baha di 5.6% den 2022 pa 3.4% den 2023.

“Esakinan ta bon noticianan pa Aruba. 10

aña pasa Aruba tabata pasando den e peor momentonan financiero, cu a conduci na e KB riba ex premier Mike Eman. Awo, 10 aña despues, Banco Central a publica un rapport cu hopi elogio pa Aruba su maneho.

Ainda nos no ta unda nos mester ta despues di e maneho financiero devastador di e gobierno anterior di otro asignatura y e pandemia devastador cu tawata un di e retonan mas grandi. Pero nos Gobierno ta logrando un progreso pa Aruba. Locual cu nos Gobierno, Gabinete Wever-Croes ta haciendo ta muestra cu nos tin e curashi pa haci loke mester pa crea confiansa y stabilidad pa asina por crea oportunidadnan di progreso y prosperidad pa tur ciudadano di nos pais. Aruba ta den desaroyo”, Prome Minister a enfatisa.

A.T.A.: ArubA ConvenTion bureAu TA GAnA “bes T Cvb/

DMo inTernATionAl” nA sMArT sTArs AwArDs 2024

Aruba Convention Bureau (ACB), bou di encargo di Aruba Tourism Authority (A.T.A.) orguyosamente ta logra premiacion di ‘Best CVB/DMO International’, esta ‘Best Convention & Visitors Bureau y Destination Management Organization’ na Smart Stars Awards 2024, organiza pa Smart Meetings Magazine. E reconocemento prestigioso aki ta subraya e compromiso constante di Aruba Convention Bureau (ACB) pa promove Aruba como un destinacion atractivo pa reunion, biahe incentivo, conferencia, y exibicion (MICE).

Smart Meetings, un publicador lider di e industria di reunion, y

e boz di inspiracion pa profesionalnan den e industria, anualmente ta invita socionan den e industria pa nomina y cumpli cu voto riba experiencia propio cu un Convention Bureau. Ta un honor di por anuncia oficialmente cu ACB ta wordo selecciona como e ganador absoluto di ‘Smart Stars Awards 2024’. Un resultado cu sigur a trece cu’ne un gran orguyo pa e ekipo di ACB.

E reconocemento aki ta un testimonio di e dedicacion, pasion, y trabou duru estableci pa e team di ACB. E ta trece un gran satisfaccion pa mira cu e esfuerso pa promove Aruba, y e compromiso pa sigui mehora continuamente,

ta wordo reconoci internacionalmente.

Un logro cu ta refleha e espirito di e ekipo di ACB pa continua na expande e conocemento, comparti, y celebra tur logro.

Banda di e premiacion aki, Aruba ta logra conkista dos otro premio prestigioso di Smart Meetings:

- Aruba Marriott

Resort & Stellaris Casino a wordo nombra como e "Best Beach Hotel."

- Hilton Aruba Caribbean Resort & Casino a wordo premia como "Best Incentive Hotel."

A.T.A. ta sumamente orguyoso di su ekipo di ACB, y ta felicita Aruba Marriott Resort & Stellaris Casino y Hilton Aruba Caribbean Resort & Casino cu e premiacion. E logronan aki ta continua na posiciona Aruba como un destinacion atractivo pa biahe personal, como pa negoshi.

Tocante Aruba Convention Bureau

Aruba Convention Bureau

(ACB) como parti di A.T.A. ta dedica na promove Aruba como un destinacion atractivo pa organisa reunion, biahe incentivo, conferencia, y exibicion (MICE) na companianan internacional. Pa medio di socionan strategico y servicio di calidad mundial, ACB tin como meta pa atrae y sostene eventonan cu ta contribui na crecemento y desaroyo economico pa Aruba.

Tocante Aruba Tourism Authority (A.T.A.)

Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como

‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balanse entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuerzonan den linea segun e balanse menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.

infiniTy A bAy peGA ConTrA pAlo Di kwihi, Den

Lloyd G. Smith BlvdDiamars den oranan marduga pa ta mas exacto algo pasa di 3'or y mey, informacion a drenta di un accidente serio unda antes tawata Kong Hing Supermarket.

Na yegada di polis y ambulance nan ta mira cu ta trata di un auto Infinity, cu pa un of otro motibo a

kita y bay dal contra un palo di kwihi.

Un impacto hopi fuerte, cu si no ta pa e motor grandi di e auto e resultado final por tawata otro. Brandweer a wordo pidi pa yuda, debi cu e porta di auto a pega y esnan presente no por a logra habri esaki.Na yegada di

bomberonan, den algun minuut a habri e porta pa asina Paramediconan por a tuma e chauffeur over, cu a haya golpi di e airbag cu a bula sali y tambe golpi na rudia tambe.

Na e sitio por scucha algun hende papia cu e auto ey un rato prome lo tawata na un club nocturno na Plam Beach.

Presentation di SER:

Minister Geoffrey Wever a ricibi rapport di “eMpresariado responsabel y duradero na aruba”

Dialuna ultimo Minister di Asuntonan Economico, Comunicacion y Desaroyo Sostenibel, sr. Geoffrey Wever, a ricibi e rapport “Verantwoord en duurzaam ondernemen op Aruba” di SociaalEconomische Raad (SER)

SER a enfoca riba e importancia pa stimula empresariado responsabel y duradero na Aruba mirando e rol fundamental cu esaki ta trece pa sigui crece y diversifica economia di Aruba. Den 2023 un total di 1539 compania nobo a registra, un aumento di

12.8% compara cu 2022. (1364) Esaki ta duna un indicacion cu e clima empresarial na Aruba ta uno positivo.

E retonan cu SER a identifica ta e centralisacion di informacion y haci esaki mas accesibel pa empresarionan. Fortifica aun mas e posiblidad di ricibi financiamento como tambe un mecanismo financiero alternativo manera “Venture capital”, "Business angels” y “crowdfunding” pa start ups.

Minister Geoffrey Wever

ta gradici SER pa e conseho “Verantwoord en duurzaam ondernemen op Aruba”, un conseho cu Minister Wever lo uza pa amplia y mehora e maneho

cu lo contribui pa sigui traha riba mehoracion di e clima empresarial na Aruba.

"Importante ta pa nos

como gobierno no laga e consehonan importante manera esunnan di SER den lachi pero uza nan pa traha maneho", segun Minister Wever.

departaMento di MucHa y Hoben ta accentua cu e trayecto di ley di centro di cuido di MucHa ta data for di 1992

Departamento di Mucha y Hoben (DMH) ta e instancia gubermental asigna pa carga, ehecuta y supervisa e ley di Centro di Cuido di Mucha na Aruba. Despues di mas di 30 aña, cu a presenta pa prome biaha e Ley di Centro di Cuido di Mucha na Parlamento di Aruba, e ley ta drenta na vigor, dia 15 di augustus 2023. E ley aki a conoce alrededor di 16 adaptacion den transcurso di tur e añanan, pasando den hopi aña di discusion, colaboracion, planificacion, estudio y input di e veld mes den e

periodo di 2015-2017. Finalmente dia 15 di juni 2017, a bolbe presenta e ley adapta na Parlamento y a haya aprobacion un biaha mas. Na e momento ey e meta tabata ta, pa e ley drenta na vigor dia 1 di juli 2018. Sinembargo e ehecucion no tabata uno asina facil pa implementa y a pesar di tur e preparacion-, discusion, documentonan traha, e ley a encontra su retonan pa realmente drenta na vigor.

Punto di Salida

Na 2001 Aruba, como pais, tambe a firma e Tratado aki, haciendo asina e compromiso pa proteha di un forma mas completo posibel, e desaroyo di e mucha den su personalidad, talento, capacidad emocional, mental y fisico. P’esey e punto di salida di e ley di centro di cuido di mucha ta basa riba e Tratadonan Internacional di Derecho di Mucha, specificamente e articulonan 3, 6 y 12 y siguientemente Aruba a percura pa

e tin su mesun normanan y a traha e Ordenansa Nacional Centro di Cuido di Mucha (AB 2017 no.38).

Den Ordenansa Nacional di Centro di Cuido di Mucha tin 4 decreto nacional (Lbham) cu ta imperativo y mester ta cla, pa ehecucion di e ley;

1. articulo 8 inciso 2; regla adicional di registro di centro di cuido di mucha;

2. articulo 21, inciso 2; regla adicional di exigencianan pa un procedimento di keho;

3. articulo 23, inciso 6; regla adicional di contenido y transmision di supervision;

4. articulo 27, inciso dos; regla adicional di e.o. last onder dwangsom y boet administrativo (bestuurlijke boete).

Banda di e 4 decretonan nacional tambe mester tin 2 regulacion ministerial: manual di regulacion di exigencia di calidad di cuido di centro di cuido di mucha y regulacion di formulario di peticion pa haya permiso pa opera un centro di cuido di mucha.

DMH ta sigur cu nos niun por imagina e sociedad Arubano sin cuido di mucha mas y cuido di mucha ta importante pa tur hende; mayornan, dunado di trabou y gobierno. Cuido di mucha ta promove un crecemento di participacion laboral y ta duna e mayornan tambe e oportunidad pa combina otro actividad social cu educacion.

En conexion cu e CKV dag di Maria College INCULCA E BALOR Y IMPORTANCIA

DI ARTE DEN NOS

HOBENNAN DI TREMPAN TA DI GRAN BENEFICIO PA NAN FUTURO

aña aki ta "briya hunto" na unda e klasnan 1,2, y 3 ta pasa nan toets pa CKV, eherciendo un bunita baile.

Tambe, durante e mainta aki e Cabesante di Maria College MAVO, señora Rosenstand a tuma oportunidad pa duna homenahe na 2 docente cu a cumpli 25 y 30 aña den servicio, gradiciendo cada un di nan pa nan esfuerso y dedicacion na futuro di nos hobennan, durante tur e añanan.

Prome Minister a expresa cu e mainta aki tabata uno sumamente bunita pa wak e talento cu cada hoben ta eherce. E tipo di "toets" aki, no solamente ta yuda nan pa ta mas sigur di nan mes, sino ta duna nan e forsa pa por logra tur nan metanan den futuro. Prome Minister ta felicita cabesante di scol, señora Rosenstand, tur docente y alumno di Maria College cu un tremendo presentacion, y ta gradici e docentenan pa inculca e

balor y importancia di arte den nos hobennan desde trempan, mirando cu esaki lo ta di gran beneficio pa nan den futuro.

Prome Minister tambe ta gradici cada mayor cu tabata presente pa duna sosten na nan yiunan. "Boso apoyo incondicional ta di gran importancia pa e futuro di nos muchanan. Masha pabien cu e bunita mainta aki", Prome Minister a expresa.

Diamars mainta, Prome Minister Evelyn WeverCroes tawata presente na Cas di Cultura na unda cu Maria College MAVO a organisa

Minister Endy Croes:

DURANTE UN CONFERENCIA DI PRENSA A LANSA LAND ARUBA ACADEMY PA E DOCENTENAN

Dialuna ultimo, Minister Endy Croes a anuncia e lansamento di plataforma digital Land Aruba Academy pa e docentenan sigui profesionalisa nan mes. Manera ta conoci aña pasa, Departamento di Recurso Humano (DRH) a lansa Land Aruba Academy, unda cu e empleadonan publico tin acceso na e pagina portal cu ta brinda nan e hermentnan necesario pa mehora nan habilidadnan profesional y crecemento personal. Lamentablemente, e docentenan no tabatin acceso, door cu nan ta cay bou di un otro ley. Minister Endy Croes a indica cu el a ricibi varios peticion di diferente directiva di scol pa brinda e oportunidad aki na esnan cu ta traha den e veld di enseñansa.

Despues di a negocia cu DRH, kende ta regla e parti aki pa e empleadonan publico a drenta den contacto cu Studytube di Hulanda. Durante e negociacionnan cu Studytube a logra pa firma un acuerdo, unda cu tur docente y e veld di enseñansa den su totalidad ta haya acceso na Land Aruba Academy. E plataforma digital ta disponibel 24/7 y ta ofrece mas di 700 manera pa educa entre otro, curso, webinar, masterclass, video y articulo di conocemento. E materialnan ta den diferente idioma entre otro, Hulandes, Ingles y Papiamento. Land Aruba Academy ta brinda e cursistanan e flexibilidad di por studia riba nan propio tempo, estilo y interes pa por desaroya tanto den e area personal

y profesional. Actualmente, tin un disponibilidad basta amplio di e topiconan relata na enseñansa. Awor cu e veld di enseñansa tambe ta forma parti di Land Aruba Academy, Studytube lo amplia mas topico di enseñansa.

E implementacion aki ta ser sosteni door di lider di e proyecto di Departamento di Enseñansa (DEA) esta, Sra. Carol Swean, kende ta “digital designer” y tin un Master’s Degree.

Sra. Swaen lo ta e brug entre DEA y tur e directivanan di scol pa guia e proceso aki. Por ultimo, e mandatario di Enseñansa ta pidi cooperacion di tur directiva di scol pa dentro di poco comparti e nomber, fam y e-mail di nan empleadonan pa asina nan por ricibi un invitacion pa registra y tin acceso na nan licencia y por haci uzo di tur e posiblidadnan cu Land Aruba Academy ta brinda nan.

DAMA TURISTA A CAY kIBRA ENkEL CU ELECTRIC STEP

NA EAgLE

BEACh DILANTI

Diamars mainta a drenta informe di cu un dama lo a cay kibra su enkel dilanti

La Quinta na Eagle Beach, mesora a dirigi tanto polis como ambulans na e sitio.

Na yegada di e patruya a bin compronde cu aki ta trata di un dama turista coriendo un electric step drentando e parkinglot pa Eagle Beach dilanti La Quinta lo a trompica dal abao.

Na yegada di ambulans a bin resulta cu ela kibra su enkel, nan a atende y a transporte pa hospital.

LA QUINTA

Director di Compania Arubano di Petroleo Jeremy Croes;

NOBO DEN EXPLORACION DI GAS NA ARUBA, TA PERMITI NOS SOÑA UN POCO

"Nos ta sumamente contento cu e logro aki"

- Señor Jeremy Croes, director di Compania Arubano di Petroleo a expresa, despues di e ceremonia di firmamento, cu e ta sumamente contento cu Gobierno di Aruba a yega na un contrato entre Compania Arubano di Petroleo (CAP) cu Andicuri Oil & Gas Exploration VBA (AOGX), cu ta un subsidiario local di Armstrong International LLC (“AI”).

Señor Croes a expresa cu e momento aki ta uno hopi special, y cu CAP ta hopi entusiasma pa cuminsa e etapa nobo aki cu Andicuri Oil & Gas, pa loke ta exploracion, desaroyo y produccion di hidrocarburos den e area maritimo di Aruba. El a splica cu e team tras di Armstrong ta un team hopi conoci pa descubri y explora den areanan cu nan ta yama "frontiers areas", cu ta areanan no mucho conoci, y esaki ta permiti nos soña un poco, y duna nos e speransa di por logra haya algo.

Cu e acuerdo firma, e

trabounan por cuminsa. E compania lo cuminsa cu e exploracion, teniendo na cuenta cu e medio ambiente, y tur e normanan social, den colaboracion y bon comunicacion cu "stakeholders" local. Den e prome fase, Andicuri Oil & Gas lo cuminsa analisa mas data, cual lo por tin un duracion di maximo 2 aña. Unabes e analisis aki ta aden, lo por sigui pa e siguiente fase. Cu resultado positivo, Aruba lo drenta den e siguiente fase cu lo por dura un maximo di tres aña.

"E ta un momento hopi grandi, cu ta tuma hopi inversion. No ta asina facil bo ta haya un compania cu ta dispuesto pa bin inverti asina hopi di nan tempo y energia pa purba descubri gas y/of petroleo na Aruba.

Specialmente cu ya den pasado e compania Repsol a bin explora e areanan maritimo di Aruba, sin haya nada. P'esey nos ta sumamente contento cu e logro aki", Señor Croes a expresa.

MINISTER ENDY CROES TA FELICITA E GRADUADONAN

DI E GENERAL EDUCATION DEVELOPMENT PROGRAM

DI INTERNATIONAL SCHOOL OF ARUBA

Diahuebs anochi den un esfera festivo, a tuma luga entrega di diploma di e General Education Development (GED) program na e graduadonan di International School of Aruba. Minister Endy Croes tabata presente na e ocasion special aki. A inicia e ceremonia oficial cu e himno di Aruba canta pa Sra. Mirugia de Cuba, sigui pa discurso di director di International

School of Aruba dr. Kelly Kramer. Minister di Enseñansa Endy Croes a duna un discurso felicitando e graduadonan y a haci entrega di diploma na e graduadonan. E aña aki GED tin un total di 29 graduado, di cual 16 tabata presente pa ricibi nan diploma.

E miho graduado di e GED program ta Sr. Liram Tromp y e “Impact

Graduate” ta Sr. Vandel Warner. Manera ta conoci, mayoria estado di Merca y provincia di Canada ta ofrece programa GED, cual ta un alternativa pa e adultonan cu no por a finalisa scol secundario di e forma tradicional. Tambe e ta brinda oportunidad na hoben bou di 16 y 17 aña bou di cierto circunstancia. GED a desaroya originalmente na aña 1942 como un alternativa util y viabel pa e militarnan cu a wordo manda den exterior pa lucha den guera prome cu nan a finalisa scol secundario. Desde e tempo ey, mas di 20 miyon persona a pasa e test durante mas di 75 aña di existencia di e programa. Desde aña 2017, International School of Aruba hunto cu Ministerio di Enseñansa di Aruba a inicia e programa GED cu exito, unda cu ta ofrece esnan cu no a termina scol secundario e alternativa pa finalis’e y haya un diploma.

E diploma aki ta habri porta pa e studiantenan por sigui cu un estudio na un Junior College y/of College

na Merca of Canada pa sigui desaroya nan mes. E mandatario di Enseñansa ta gradici International School of Aruba y e team cu ta organisa e programa GED y e mayornan pa sostene nan yiu durante e

trayecto aki Por ultimo, e mandatario di Enseñansa ta felicita tur graduado cu nan logro. Alabes, ta desea nan hopi exito den futuro. “Mi ta orguyoso di boso nan”, Minister Endy Croes a finalisa.

Minister Endy Croes: DESPUES DI 12 AÑA, SELECCION MASCULINO DI ARUBA A HUNGA BEK NA

CAS DEN CAMPEONATO DI

FIFA WORLD CUP QUALIFIERS

: Diasabra, 8 di juni 2024, campeonato di FIFA World Cup Qualifiers a tuma luga den Compleho Deportivo Guillermo P. Trinidad na Dakota. Presente den e ocasion aki tabata Su Excelencia Gobernado di Aruba Alfonso Boekhoudt hunto cu Minister di Enseñansa y Deporte Endy Croes, colega Minister di Enseñansa, Ciencia, Cultura y Deporte di Corsou Sithree van Heydoorn, Minister Ruthmilda Larmonie di Corsou, Vice Prome Minister di Aruba Ursell Arends, Minister di Finansas y Cultura Xiomara Maduro, Minister di Turismo y Salubridad Dangui Oduber, Minister di Husticia y Asuntonan Social Rocco Tjon, Parlamentario Alvin Molina y Marco Berlis,

director di Arubaanse Voetbal Bond (AVB) y demas invitadonan special. Tabatin un gran fanaticada den Compleho Deportivo Guillermo P. Trinidad. Alrededor di 3 mil hende a bin pa presencia e wega clasificatorio entre Aruba y Corsou.

Despues di diesdos (12) aña, Seleccion Masculino di Aruba a hunga bek na cas. Manera ta conoci, Aruba no tabatin un stadion cualifica pa FIFA y CONCACAF. Pa e motibo aki, a renoba e stadion completamente pa cumpli cu e standardnan internacional. Despues di e wega di diasabra, e avancenan den stadion ta continua. Finalmente, e mandatario di Enseñansa y Deporte a indica cu

e tabata un tremendo hugada, unda Seleccion di Aruba a entrega cuerpo y alma riba veld.

Den e di dos tempo, yegando final di e partido, Seleccion di Corsou a logra score Aruba 2-0. Minister Endy Croes ta felicita nos Seleccion Nacional cu a haci un gran trabou riba veld. Alabes, ta felicita Seleccion di Corsou cu a hiba e victoria. Minister Endy Croes ta indica cu e echo cu Seleccion di Aruba por a hunga bek na cas den un wega clasificatorio despues di tanto aña, ta un logro grandi pa Aruba y ta gradici Gabinete WeverCroes II, Fundacion Lotto pa Deporte (FLpD) y tur cu a haci esaki posibel. Pabien Aruba cu e gran logro aki.

Iglesianan Cristian di Aruba Parlamento Mester Scucha Pueblo

E discusion relaciona cu matrimonio di mesun sexo a conoce un punto culminante luna pasa aki na Aruba ora Parlamento a keda sin aproba e proposicion di ley. Iglesianan Cristian di Aruba ta gradici tur e Parlamentarionan cu a vota pa mantene e definicion actaul di matrimonio den nos leynan. Pueblo por a tuma nota con den un frega di wowo esnan cu mester representa henter pueblo den Parlamento a defende algo cu mayoria di pueblo ta desaproba. Hasta Corte di Apelacion tabata mas sensitivo cu nos Parlamento mes pa no impone un decision riba nos pueblo sin tene cuenta cu e sentimento di pueblo. Esaki mester sirbi como ehempel pa nos

Parlamentarionan.

Ni maske cuanto hurista of cuanto Parlamentario ta na fabor di e ley aki, echo ta e huristanan di e corte mas halto pa derecho humano di Europa a determina cu no ta existi un derecho humano riba matrimonio di mesun sexo. E codigo civil di Aruba no ta viola e Tratado Europeo pa Derecho Humano den e asunto di matrimonio. Nos tur ta di acuerdo cu den casonan igual mester tin trato igual. Pero Corte Europeo pa Derecho Humano a determina caba cu matrimonio hetero y matrimonio homo no ta casonan igual.

Na juni 2024, despues di mas cu 20 aña cu e gay lobby

ta purba inflencia opinion publico, solamente tres pais a legalisa matrimonio di mesun sexo despues cu nan respectivo pueblo a aproba esaki via referendum. Den 34 otro pais sea Parlamento of Corte a impone esaki sin tene cuenta cu opinion di pueblo den e asunto aki. Un gran mayoria di e 195 paisnan na mundo ta desaproba matrimonio di mesun sexo. Parlamento di Aruba no mester impone e deseo di un minoria riba henter nos pueblo mientras cu nan sa cu mayoria no ta aproba

matrimonio di mesun sexo.

Ta un engaño cu ley di matrimonio di mesun sexo lo trece felicidad of igualdad pa e ciudadanionan aki. Den paisnan europeo caminda tin un tolerancia hopi halto pa homosexualidad problemanan mental y abuso di substancianan intoxicante ta keda halto bou di e poblacion homosexual. Pastornan ta comprende e lucha cu famianan tin ora un miembro di famia ta lucha cu homosexualidad.

Den e famia di iglesia tambe tin hende cu diariamente ta lucha cu exito contra sentimentonan no desea cu ta lanta den nan pasobra nan ta siña somete nan bida na Cristo tur dia di nobo.

E echo cu Parlamento no a haya e 11 votonan necesario pa pasa e ley dia 8 di mei ultimo combina cu e decision di Corte di Casacion pa aplasa su fecha pa duna un veredicto ta algo sobrehumano pa cual Dios merece tur honor y gratitud.

Minister Endy Croes: PUEBLO DI ARUBA TA CORDIALMENTE INVITA PA E CLAUSURA DI WEGANAN ESCOLAR 2024 DIASABRA, 15 DI JUNI

E clausura lo inicia 6 or di atardi na Joe Laveist Sport Park na San Nicolas.

ORANJESTAD: E gran evento deportivo escolar ta yegando na su fin. Diasabra, 15 di juni, e clausura di Weganan Escolar 2024 lo tuma luga den Joe Laveist Sport Park den e curason di San Nicolas. E gran clausura lo inicia 6 or di atardi cu show di baile di NTG & NLG dirigi pa Marisol Peña y lo termina cu un tremendo wega di futbol di scol preparatorio. E anochi aki, e ekiponan di scol preparatorio lo enfrenta otro pa conkista e titulo di campeon. Na final di anochi, lo tin entregamento di premio na e scolnan cu mas a destaca durante e dos si-

mannan di competencia di Weganan Escolar 2024. E aña aki 1300 alumno di 45 scol preperatorio, basico y secundario cu a cualifica ta competitiendo contra otro pa conkista e titulo maximo. E participantenan ta competiendo den diferente disciplina entre otro, beach tennis, volleyball, futbol, badminton, “kids athletics”, We Baile y We Mente. Minister Endy Croes y IBiSa ta invita e comunidad di Aruba pa bin presencia e final di futbol di scol preparatorio durante e gran clausura di Weganan Escolar 2024. Alabes, ta desea nos mucha- y hobennan hopi exito durante e competencianan deportivo di Weganan Escolar 2024.

Isleñonan na Timon cu charla “E CulT ura PolITIC o d I Sob E ran I a Car IbEn SE ” na M ana

Dia 19 di juni di 7’or pa 9’or di anochi ta tuma luga e lectura ‘The Political Culture of Caribbean Sovereignty’, den Auditorio di Museo Arqueologico Nacional Aruba – MANA. E lectura ta organisa pa e programa di investigacion ‘Island(er)s at the Helm’. E ta pa un y tur cu ta interesa den e tema menciona ariba.

Orador principal, Linden Lewis lo lidera e discusion riba asuntonan di soberania y su tendencianan (neo) colonial den Caribe. Lewis ta Profesor di Sociologia na Bucknell University y a scirbi extensivamente tocante asuntonan di sexo, rasa, trabou y globalisacion den Caribe. E ta e editor di ‘The Culture of Gender and Sexuality in the Caribbean’, co-editor di ‘Color, Hair and Bone: Race in the Twenty-first Century’, y editor di ‘Caribbean Sovereignty, Development and

Democracy in an Age of Globalization’.

Dr. Lewis lo ser acompaña pa panelistanan Alissa Trotz y Anton Allahar. Alissa Trotz ta Profesor di Estudionan Caribense y e Director di Estudionan di e Ser Femenino y Sexo na Universidad di Toronto. Su area di investigacion ta inclui

estudionan transnacional feminista, tradicion radical intelectual y violencia politico. Den añanan recien ela investiga tensionan geopolitico rond di extraccion di aceite crudo di Guyana. Anton Allahar ta Profesor di Sociologia na Universidad di Ontario West. Su trabou di investigacion ta enfoca riba sociologia, educacion, relacionnan di rasa, identidad Caribbense, politica y soberania. Su trabou mas recien ta investiga ideanan di democracia den e politica actual di Estados Unidos. Isleñonan na Timon ta un proyecto di 5 aña den cual investigador- y partnernan di sociedad civil ta busca pa compronde con residente di e seis isla Caribense den Reino Hulandes ta enfrenta cu y ta adapta na cambionan climatologico. Lecturanan publico, tayer,

les- y sesionnan na scol a ser organisa desde 2021 cu partner na entre otro Aruba, Cursow, Boneiro y St. Maarten. Conseho Hulandes di Investigacion /‘Dutch Research Council’ ta financia e proyecto concerni cu ta ser organisa pa e ‘ Royal Insitute of Caribbean and South East Asian Studies’ (KITLV). KILTV ta un instituto di Academia Real di Ciencia/ Dutch Royal Acad-

emy of Sciences’ (KNAW). E proyecto a ser haci posibel door di partner manera e Universidad di St. Maarten, e Insituto Pedagogico Aruba (IPA), Museo Nacional Arqueologico Aruba MANA, TU Delft, Universidad di Utrecht. Por fabor bishita e website of sigui e paginanan di ‘Ilanders at the Helm’ riba Facebook y Linkedin pa keda na altura di mas informacion

Ora e H O gar N O Ta (Si NT i) Sigur Ma S!

Un mama adulto mayor ta sinta trankilamente den su sofa, cu lomba un tiki dobla, tapando asina slanan blauw na su brasa causa pa maltrato door di su yiu muher, su dunado di cuido. Un pensionado ta sinta den scuridad, cu hamber pasobra ya ta varios siman cu a corta su coriente, pasobra e NO por paga su factura di coriente.

Su sobrino, su representante autorisa, ta pluma su cuenta di banco.

Un bishitante di un cas di cuido ta ripara cu un cuadro cu un Machi tabata stima asina tanto como recuerdo di su defunto casa, a disparce di su muraya. Ora a puntra e Machi kico a pasa cu e cuadro?, e

Machi a sacudi su cabes y cu tristesa den su bos a contesta:”Mi yiu homber ta exigi su parti di herencia awo cu mi ta na bida”. Mi tabatin miedo pa e no rabia si mi nenguele…… E a bay cu e cuadro y a bendele. Mescos tambe e a haci cu

un par di renchi di orea di balor emocional.

Abuso di un grandi ta algo mahos, dañino y ta sosode mas cu nos kier pensa cu esnan cu ta mas vulnerabel den comunidad.

Analisando e realidad di abuso di nos grandinan, abuso di adulto mayor ta un problema cu No ta haña e atencion cu e merece.

Bo tabata sa cu maltrato/ abuso di adulto mayor ta aumenta e riesgo di mortalidad cu un 40%? Segun diferente estudio a ser calcula cu 1 di cada 10 adulto mayor ta experiencia algun tipo di abuso y cu mayoria di e casonan aki ta tuma luga rondo y den e hogar mes. Desafortunadamente, mucho hopi caso NO ta wordo denuncia pa miedo, berguensa of pa falta di conocemento.

E estadistica aki ta enfatisa e necesidad urgente pa accion y intervencion. E prevalencia y e impacto di abuso contra adulto mayor ta algo cu nos tur mester ta preocupa p’e. Esaki pasobra e clase di abusonan aki por tin consecuencianan tanto físicamente como emocionalmente, lagando efectonan grave y duradero atras den bienestar y calidad di bida di un hende. Consecuentemente ta destrui su confiansa, disminui su auto-estima y aumenta aislamento social di e adulto mayor.

Fundacion Alzheimer Aruba ta para pa concientisacion y prevencion di Abuso contra Adulto Mayor. Comunidad ta cordialmente invita pa bishita e dos seminario día 15 y 22 di Juni próximo.

Topico: Consientisacion di Edadismo y Abuso di Adulto Mayor den comunidad. Fecha: Diasabra 15 di Juni.

Lugar: ATIA Building ; Gallegostraat 6, Dakota.

Horario: 13:00 – 17:00

Entrada: Gratis ; Un donación di AWG 15:00 (pa

cubri e gastonan ta aprecia. Lo tin un box disponibel. Pa inscribí por comunica cu 592 8416 / 592 1430 . E contenido di e seminario

di diasabra 22 di Juni, na Sanicolas, ta wordo anuncia durante dianan nos dilanti den medionan di comunicación.

Feliz y productivo diaranson di tur curason. Awe Solo di Pueblo ta presenta bo horoscop pa dia 12 di juni 2024.

Aries

Si bo caracter ta pusha bo pa coketeo, tene cuidao. No gasta demasiado placa, limita na loke ta necesario. Purba di berigua kico bo superiornan ta spera di bo. No retrasa bo bishita pa dentista. Number di suerte: 78, 52, 2.

Tauro

Bo pareha no ta cumpli loke a papia, mester tuma un decision. Atencion riba e gastonan extraordinario. Probecha e oportunidadnan laboral cu ta surgi. Aparta di tur loke ta provoca bo stress. Number di suerte: 56, 63, 5.

Geminis

Bo bida amoroso ta pasa door di un intenso momento. Bache economico supera. E malester ey den bo trabao lo ta algo pasahero. E actividad realisa den e dianan aki a resta bo forsa.

12 JUNI 2024

Number di suerte: 74, 76, 7.

Cancer

No laga bo altera pa nerviosismo di bo pareha. Un oferta tentador economico lo yega, analis'e bon. Den trabao, lo bo hayabo hinca den un discusion inespera. Flohera no ta un bon aliado pa bo salud. Number di suerte: 42, 12, 9.

Leo

Un relacion di pasado lo purba di inteveni den esun actual. Abstene di tuma riesgo financiero. E logronan alcansa den bo trabao lo satisface bo hopi. E astronan lo habri cu bo, no preocupa pa bo salud. Number di suerte: 58, 86, 8.

Virgo

Compenetracion cu bo pareha ta total. Lubida di bo indecision inversor. Lo bo cuminsa haya bon oferta laboral. Bo salud ta prome, sinti'e asina. Number di suerte: 15, 95, 9.

Libra

Bo curason ta friu, pero e calor lo yega. Si bo tin ne -

goshi propio, no lag'e den man di ningun hende. Profesionalmente lo bo bay tin un dia delicado. Rebaha e tension di e region cervical. Number di suerte: 55, 83, 7.

Scorpio

Awo bo tin gana di pleita, purba evita bo pareha. Percura pa gasta poco, aunke nan por acusa bo di ta pichiri. Huy di e tension y e batayanan entre e compañeronan. Alimenta bo mes miho compara cu awo. Number di suerte: 98, 34, 8.

Sagitario

Dia faboreci cu e flechanan di Cupido. Disfruta mas di bo placa den compania di bo seernan stima. Si bo ta sin trabao, awe ta un bon dia pa hay'e. Oxigena bo pulmonnan y claria bo garganta. Number di suerte: 16, 32, 2.

Capricornio

Dia di gran harmonia cu e famia y pareha. Un bien di placa y mehorando. Profesionalmente ta momento di logro. Vigila e djente ey cu

tanto ta molestia bo. Number di suerte: 22, 13, 7.

Acuario

Bo mester probecha bo atractivo pa "liga". No gasta bo placa gespaar. Dia algo druk y compleho riba tereno laboral. Awe lo bo tin bo wowonan hopi sensibel pa polvo. Number di suerte:

83, 72, 8.

Piscis

Lo bo topa cu un hende cu ta coincidi cu bo afectonan. Bo por ta feliz cu menos cos. Percura pa resolve bo problemanan laboral. Consulta e sintomanan cu bo ta sufri riba bo cuero. Number di suerte: 14, 62, 5.

Menasa y bringaM ento na pia di trabao a ter M ina cu retiro

in M ediato di e e M pleado

Diamars mainta a drenta informe di un caso di bringamento na un supermercado na Montaña, mesora a dirigi varios patruya na e sitio.

Na yegada di e unidad K9, polis di Noord y strand a bin compronde cu aki ta trata di un empleado cu a

bini furioso awe cu cabes duro masha agresivo cu a baha su furia riba un otro persona.

Mirando cu e menasa mes

a tuma lugar mas tempran polis a bisa e victima cu e por pasa na oficina di recherche.

Pa loke ta e empleado ela

ser kita "op staande voet" y pa e motibo ey a keda cana rond den e lugar pero polis presente te ora cu ela bay.

accidente pa falta di preferencia na e crusada

Hendrikstraat cu J. g . e manstraat

Diamars mainta a drenta informe di un accidente na e crusada di Hendrikstraat cu J.G. Emanstraat banda di Corte, mesora a dirigi un patruya na e sitio.

Na yegada di e patruya a bin compronde cu aki ta trata di un accidente unda un auto di huur biniendo for di Hendrikstraat no a para pa duna preferencia na e truck biniendo for di pabao den J.G. Emanstraat y e auto di huur a bay dal riba e truck.

Aunke e impacto tabata fuerte afortunadamente ningun hende a resulta herida.

Estudio ta adverti di e riesgo pa salud di substancia di e vaping

"Ta posibel cu nos ta na e cumbre di un ola nobo di malesa cronico cu lo surgi dentro di 15 pa 20 aña pa motibo di e exposicionnan aki", Donal O'Shea, coautor di e investigacion, a declara.

Un grupo di cientifico di Royal College of Surgeons Of Ireland (RCSI) a advertí cu substancianan di vaping aromatisa por ta un riesgo pa salud ora keinta nan pa “huma nan”, segun un articulo publica den e revista Scientific Reports.

E ekipo di investigacion di Departamento di Kimica di RCSI a uza inteligencia artificial pa simula e efecto

di e calentamento di 180 substancia kimico aromatisante di ilicito cu ta haya den e vapernan di nicotina pa pronostica e composicionnan nobo cu ta forma, ora nan ta wordo keinta den un aparato pa vaper mesora prome cu huma nan. Den analisis el a revela e formacion di hopi substancia kimico peligroso, incluyendo 127 clasifica como "toxico agudo", 153 como "peligroso pa salud" y 225 como "iritante", entre cual ta destaca un grupo yama carbonilo volatil, cu ta conoci como dañino pa salud.

"Ta posibel cu nos ta na e cumbre di un ola nobo di malesa cronico cu lo surgi dentro di 15 of 20 aña pa motibo di e exposicionnan aki", Donal O'Shea, director di e departamento menciona y co-autor di e estudio, a declara. "Nos ta spera cu e investigacion aki lo yuda hende tuma decisionnan mas informa y contribui na e combersacion riba posibel riesgonan pa salud a largo plaso y regulacion di vaping, cu e investigacion aki ta sugeri cu mester ta exhaustivo", el a agrega.

Na Primavera un muhe a menasa

di

pega e auto di e homber na candela

Den oranan di anochi a drenta informe di cu un muhe a menasa di kima e auto di e homber na Primavera, mesora a dirigi un patruya na e sitio. Na yegada di e patruya a bin compronde cu aki ta trata di un problema di pareha unda e muhe no a gusta locual e homber a haci y di rabia e muhe a menasa di kima e auto. Polis a intermedia den e asunto.