Awe diabierna 12 di juli 2024 lo cay dos sentencia cu nos ta yama "high profile cases". E prome lo ta pa 9or di mainta unda corte di casacion lo dicta sentencia riba matrimonio di mes sexo.
E dos dos ta den hora di merdia den careda di 1'30 merdia, unda corte di beroep lo dicta sentencia contra Benny y su gang. Pues ta un dia cu yen di noticia.
DESPUES DI 32 AÑA A INAUGURA E CANCHA DI BASKETBALL DI CENTRO
Minister Endy Croes: E PROME GRUPO DI ABO 2 DI E.P.B. ORANJESTAD A RICIBI NAN DIPLOMA
: Diadomingo ultimo, Minister di Enseñansa y Deporte Endy Croes tabata presente na Ceremonia di Graduacion di E.P.B Oranjestad. A inicia e anochi cu Himno Nacional di Aruba, interpreta pa e alumnonan di klas E4D1, juffrouw Tromp y Jufrrouw Trimon. E mandatario di Enseñansa a hiba palabra y a enfoca riba e importancia pa aplica e cuater (4) C-nan di e habilidadnan di Siglo 21, cual ta comunicacion, colaboracion, capacitad di pensamento critico y creatividad. Ademas di esaki, ex-studiante Justin Franca, kende ta un hoben entrepreneur a conta su storia inspirativo e anochi aki y a motiva e graduadonan pa kere den nan mes y sigui nan
soñonan. E aña aki un total di 55 alumno a gradua di e Sector Techniek. Durante e ocasion special aki, Sr. Erwin Lopez a duna un discurso emocional. Un momento hopi special tabata ora cu tur alumno a lanta para pa brasa y duna danki na esnan cu contribui den e trancurso di nan estudio.
Minister Endy Croes tabatin e honor di haci entrega di diploma na e prome graduadonan di ABO 2 di Sector Techniek. Fuera di esaki, e graduadonan di Electro, Onderhoud, Timmeren y Bouw tambe a ricibi nan diploma e anochi aki. Durante ocasion special aki, a reconoce e miho graduadonan, esta Xeron
Vrolijk, Jesseline Trenidad, Xsyran van Trigt, Luis Jimenez, Nelshon Giel, Angel Bolivar y Kenzo Luidens. Despues di esaki a anuncia e “overall best geslaagde” di cada nivel, esta Xeron Vrolijk di ABO 2, Jesseline Trenidad di Arbeidsmarkt, Nelshon Giel di Uitstroom y Kenzo Luidens di Doorstroom. Minister Endy Croes ta gradici director Sr. Erwin Lopez, unitmanager Sra. Albertina Albertsz, staf, docentenan di E.P.B. Oranjestad pa aporta den e desaroyo di e alumnonan. Pa conclui, Minister Endy Croes ta felicita tur studiante cu a haal nan diploma y ta desea nan hopi exito den nan siguiente etapa.
Prome Minister Evelyn Wever-Croes: PROME MINISTER A RICIBI PROPUESTA DI E
MANEHO NOBO DI E K9 UNIT DI GOBIERNO
“Un ehempel di ora traha hunto y atende retonan mesora, ta yega na solucionnan na bienestar di nos tur”
Diahuebs 11 di juli, Prome
Minister Evelyn WeverCroes a reuni cu DRH y representantenan di Aduana, KIA y Cuerpo Policial referente e K9 Unit di Gobierno di Aruba.
Prome Minister a splica cu ya pa hopi aña Aruba tin un K9 Unit. Actualmente Gobierno di Aruba tin 23 cacho cu ta duna servicio na e comunidad. Nan ta traha cu Aduana, KIA y Cuerpo Policial. Cada departamento tin su propio maneho cu su propio reglanan y algun mas beneficioso cu otro.
Prome Minister a duna di conoce cu algun siman pasa el a wordo notifica
di reto- y problemanan cu tin bou ehecucion di maneho actual y di biaha a reuni pa trata esaki. DRH (Departamento di Recurso Humano) a lidera e trabounan pa un maneho nobo hunto cu sindicatonan di Polis, Aduana y KIA.
Prome Minister ta indica riba e dia di awe e tawatin e honor di a ricibi e proposicion di e maneho nobo y a keda hopi satisfecho cu ne. Un motibo principal pa e maneho nobo ta pa pone e bienestar di e cacho na prome luga. Aruba tin un Ley di Cacho y tur animal na Aruba mester wordo trata na un
forma digno y esey tambe ta conta pa e cachonan cu ta den servicio di Gobierno di Aruba, y cu e maneho nobo aki lo garantisa esey tambe.
“Mi ta gradici KPA, Aduana, KIA, e sindicatonan SADA, SPA, SEPPA, y DRH cu a traha hunto riba e maneho nobo aki y awe a presenta e proposicion. Awor nos ta buscando e consehonan huridico y financiero pa asina finalisa esaki. Esaki ta un ehempel di cu ora traha hunto, cera cabes y atende cu retonan mesora, nos ta yega na solucionnan cu ta na bienestar di nos tur”, Prome Minister a remarca.
Minister Geoffrey Wever: RElATO ANUAl DI SETAR N.V. CU RESUlTADO
Recientemente Minister di Asuntonan Economico, Comunicacion y Desaroyo Sostenibel, mr. Geoffrey Wever, a reuni cu gerencia y hunta di supervision di Setar N.V. na unda a aproba e jaarrekening pa 2023.
E relato anual 2023 di Setar N.V. ta mustra un resultado positivo. 'Aprobacion di jaarrekening di un compania ta algo esencial pa funcionamento di e compania. Setar N.V. ta un actor importante den desaroyo di Aruba su economia diversifica y moderno brindando e servicio y desaroyo tecnologico
POSITIVO APROBA
di comunicacion', segun Minister Geoffrey Wever a comenta.
Den 2024 Setar N.V. lo sigui inverti den conectividad cu inversionnan den Fiber Optic pa conecta tur cas na Aruba, kabel subteraneo y implementacion di 5G. Mirando e importancia di sostenibilidad, riba peticion di minister Geoffrey Wever, Setar N.V. lo inverti tambe den sostenibilidad y a agrega un di 6 pilar strategico na Setar N.V. esta “Responsable Connectivity”, haciendo Setar N.V. asina un empresa cu ta contribui na un miho medio ambiente na Aruba.
Como minister di Comunicacion, Minister Geoffrey Wever ta aplaudi cu Setar N.V. como compania estatal a entrega na tempo e
relato anual 2023, y ta gradici e gerencia, personal y miembronan di e hunta di supervision cu a haci esaki posibel.
Noticia di Corte
Hues a confirma exigencia di fiscal di 2 aña di prison-1
Acto di jaloersi a caba den tiramento y menaza
Corte di Husticia, recien a trata e caso penal cu Ministerio Publico a cuminsa contra e hombernan C.R. y S.K., kendenan ta wordo haya culpabel di posecion di arma di candela. SOLO DI PUEBLO por a compronde cu henter e problema a cuminsa door di jaloersi, caminda e e amiga di C.R. cu su amiga, a bay kibra auto di C.R. E ora ey C.R. a bay cu S.K. na e cas di e ex y a tira y menaza.
E acusacionnan cu Fiscal a presenta contra C.R. ta cu riba 21 November 2023 e tabata complice di posecion di arma y bala cayente. Riba e mesun dia lo a menaza hende cu arma di candela. Tambe ta acusa C.R. di a horta un cellular. S.K. ta wordo acusa di posecion di arma riba 23 November 2023 y 11 Februari 2024. Den sala di Corte tabata presente e damanan G. y K., kendenan tabata victima pero nan no kier a haci demanda.
TIRAMENTO
Hues a puntra C.R. y S.K. riba e caso. S.K. a bisa cu e tabata stuur auto y a busca C.R. Nan a bay core rond pa C.R. trankiliza. C.R. a bisa Hues cu un rato promer e damanan K. y G. a kibra su auto pa jaloersi. C.R. y S.K. a para e auto den cercania di cas di K. y G. C.R. y S.K. a cana bay na e cas na Savaneta. Segun C.R., su intension
tabata pa bay kibra nan auto. Segun C.R., den auto el a bisa S.K. cu e ta bay kibra K. y G. nan auto. Segun S.K., nan a bay pa dal hende pasobra nan no sa kico lo spera nan. C.R. a bisa Hues cu e no ta corda kico el a bisa. Hues a remarca cu e declaracionnan ta diferente. Hues a bisa cu tin camera di seguridad caminda ta mira C.R. y S.K. ta core bay na nan auto. Segun S.K., nan a cuminsa tira riba nan y el a bisa C.R. pa nan move. Hues a bisa cu C.R. a bisa na Polis cu e no sa nada di tiramento. C.R. a bisa Hues cu e no ta bay papia riba ningun hende. E no a bisa tampoco cu su auto a wordo kibra. Ta riba camera Polis a mira con C.R. su auto ta wordo kibra.
Hues a bisa cu tin 3 persona cu a declara cu ta C.R. a tira. C.R. a desmenti cu e tabatin arma di candela. Pa loke ta e hortamento di cellular, segun C.R., el a coy e cellular for di su pareha pasobra e cellular ta di dje. Hues a bisa cu segun e dama G., C.R. a coy e cellular for riba cu scochi.
POSECION DI ARMA
Hues a bisa cu den cellular di S.K. a mira potret di un arma di candela riba 11 Februari 2024. Segun S.K. e arma no ta di dje y cu el a fia esaki. Segun S.K., tin hopi peliger riba caya y el
a keda 3 dia cu e arma. Dia cu nan a tira riba dje y C.R., el a pidi e arma atrobe. Hues a bisa cu Polis a bay na e lugar caminda tabatin tiramento y a haya 5 huls. Polis a papia cu e dama K. kende a bisa cu nan tabata 3 y a mira un auto color blauw ta core rond y na dado momento el a mira C.R. baha y los algun tiro den halto y expresa cosnan. G. a bisa mesun cos. E otro dama J. a bisa cu el a tende tironan y a scucha stem. Polis a bisa cu riba video di seguridad ta mira C.R. y S.K. ta core na pia. Hues a mustra cu e problema a cuminsa door di problema entre C.R. y su amiga G. Hues a mustra tambe cu S.K. y C.R. a yega di haya condena caba pa posecion di arma di candela. FISCAL A EXIGI 2 AÑA DI PRISON
Fiscal ta haya legalmente proba tur e acusacionnan contra C.R. y S.K. El a bisa cu e motibo di tur e asunto aki ta jaloersi, caminda C.R. a coy su cellular for di su amiga G., pasobra segun C.R., G. tin un otro amigo. Dia 21 November 2023, G. lo a bay kibra auto di C.R. pasobra e ta sospecha cu C.R. lo tin otro muher. Polis a haya 5 huls na e sitio cu ta cuadra cu loke testigonan a declara. Fiscal a exigi pa ambos 2 aña di prison, kitando e tempo cu nan ta sera den KIA.
dama Hoben agredi dos dia sigui
Tanki Leendert - Diahuebs den oranan di mainta, pasa di 10'or polis a bay un apartamento situa na Tanki Leendert. Ey nan un persona lo a wordo maltrata.
Agentenan a bin topa cu un dama hoben, cu lo a wordo agredi pa 1 of mas persona y nan por a mira cu e la haya toch basta sla na cara etc.
A pidi pa ambulance, unda cu na yegada e dama hoben a wordo controla y no tawata tin mester di wordo hiba Spoedeisende Hulp.
Segun polis a compronde, un dia prome o sea diaranson e mesun persona/nan aki a dal e caba, pero cos lo no a caba y bolbe unda cu e ta biba y bolbe dal e.
Polis a splik'e e caminda pa cana, esta pa entrega un denuncia na recherche pa maltrato.
Y ta keda na e dama si e lo bay haci esaki.
Pakiko nan a dal 2 dia tras di otro no ta mucho cla. Slachtofferhulp a wordo poni na altura.
Partido MEP:
PARLAMENTARIO HENDRIK TEVREDEN A SPLICA RIBA VARIOS TRABOU DI
PARLAMENTO DURANTE “BAN
TOPA” DEN DISTRICTO DI DAKOTA
Diadomingo 7 di juli, durante otro exitoso encuentro di Ban Topa, e biaha aki na e districto di Dakota, Parlamentario Hendrik Tevreden a duna un presentacion interesante indicando riba varios topico entre otro, e trabou di Parlamento di Aruba y con partido MEP ta LOGRANDO.
Señor Tevreden a cuminsa su discurso enfocando riba e logronan di Gobierno y con pais Aruba a “bons bek” asina lihe di e pandemia y e mega debe cu e Gobierno anterior a laga atras. Un ehempel cu e Gobierno actual ta logrando su metanan ta cu por a duna 11.7 % bek na e ambtenaar.
Durante su discurso e parlamentario a splica riba entre otro riba e importancia di e trabou di Parlamento cual uno ta pa traha of aproba un ley y tambe controla Gobierno. Tambe el a splica riba e tema hopi den actualidad cu ta e ley di Ombudsman, cu pa despues di mas di un decada, e parlamento actual ta bay logra pone un Ombudsman pa pais Aruba.
Parlamentario Tevreden a subraya riba e importancia pa un parlamentario mantene comunicacion cu e pueblo, duna oido na e voz di pueblo y entrega
mocionnan.
Parlamentario Tevreden
tambe a splica di e reunion tripartiet cu recientemente el a atende y e importancia di esaki pa Aruba y di e di App di control di prijs di productonan basico cu Gobierno a introduci, cu ta di bon uzo pa e consumidor.
Tambe el a indica riba trabounan cu Gobierno a haci den districto di Dakota, manera e renobacion di Stadion Guillermo Prospero Trinidad, e apertura di e cancha di basketball y otro futuro plannan cu tin pa e districto di Dakota. Ta importante tambe pa menciona riba e proyecto pa drecha Avenida Milio Croes, cu ya ta andando
y asina tin hopi proyecto mas pendiente.
“Ora bo tende nos ta bisa
cu nos ta LOGRANDO, esey kiermeen cu nos ta logrando pa bo, pa bo bisiña, y pa esnan cu no por logra pa nan mes”, Parlamentario Tevreden a termina bisando.
Hues a confirma exigencia di fiscal di 2 aña di prison-2
ABOGADONAN
Acto di jaloersi a caba den tiramento y menaza
Abogado mr. de Kort cu a representa C.R., a bisa Hues cu su cliente C.R. ta wordo acusa di complice di posecion di arma di candela y municion, menaza. Pa cu e acusacion di ladronicia, e abogado a bisa cu C.R. a coy su cellular bek for di e dama G. pasobra nan relacion a caba. No tabatin violencia. G. tabata sospecha C.R. di tin un otro muher y 21 November 2023, el a kibra su auto. Na opinion di mr. de Kort, no por acusa C.R. di posecion di arma y municion. No a haya arma na su cas. E ta haya cu e declaracion di e testigonan no ta consistente. El a mustra cu posiblemente ta S.K. a los tironan. E abogado a bisa cu ta riba conseho di S.K., C.R. a bay na cas di G. y no tabata sa cu S.K. tabatin arma.
Abogado mr. Mohamed a bisa cu ningun momento S.K. tabatin arma. Ta C.R. ta wordo
acusa pasobra testigonan ta menciona su nomber y a scucha su stem. E abogado ta haya cu mester declara S.K. liber di a tira y menaza. S.K. a admiti di tabatin un arma di cual a haya potret den su cellular.
SENTENCIA
Hues a sera tratamento di e caso y a dicta sentencia di biaha. Hues a bisa cu e ta haya legalmente proba e caso di tiramento y menaza y cu C.R. y S.K. ta culpable. Hues a mustra cu tin tres hende cu a declara cu nan a reconoce C.R. y a reconoce e auto cu ta di S.K. Na opinion di Hues, e declaracion di e tres testigonan ta completamente diferente cu declaracion di C.R. y S.K. Hues ta haya cu e declaracion di e testigonan ta cuadra cu loke por a mira riba imagennan di camera di segurida. Hues a bisa cu e no ta confia den declaracion di C.R. y S.K. E ta kere cu hunto C.R. y S.K. a bay na e cas y
Minister Geoffrey Wever:
C.R. a tira 5 biaha y despues nan a core bay bek na e auto. Hues ta haya cu S.K., despues di e tiramento, mester a distancia su mes pero no a haci asina. Pesey e ta haya cu nan ta complice di posecion di arma di candela. Pa loke ta menaza, Hues ta haya cu C.R. a menaza cu arma. El a grita palabranan y los tiro. Tambe Hues ta haya proba cu C.R. a horta e cellular di e dama G. El a remarca cu aunke cu e ta un regalo di C.R., no por coy esaki sin mas. E forma con a haci esaki, no ta husto. Hues ta haya S.K. culpable di posecion di arma riba 12 Februari 2024. Hues ta haya e casonan hopi serio. El a bisa cu cana rond cu arma di candela ta hopi serio. Pa cu e castigo, Hues a tene cuenta cu tur dos anterior ya caba a haya condena pa arma di candela. Hues a confirma e exigencia di Fiscal y a condena C.R. y S.K. na 2 aña di prison, kitando e tempo cu nan ta sera den KIA.
Ta insTalando bakinan nobo cu dobel capacidad rond di nos cenTro di ciudad
Como parti di esfuersonan di revitalisacion di Oranjestad, ta haciendo un serie di trabounan di mantencion y mehoracion den nos centro di ciudad. Awo a toca turno pa expande e capacidad di coleccion di desperdicio, pa asina yuda mantene nos centro di ciudad limpi, contribuyendo na eleva e higiena y estetica. Tur e esfuersonan aki na final ta pa sostene e factibilidad comercial di e area.
Mester nota cu limpiesa ta keda un factor cu mester keda atende cu'ne constantemente. Recientemente, den luna di juni, trabou di mantenecion y limpiesa general a wordo realisa na Caya G.F. Betico Croes, caminda e.o a trim matanan cu tabata "long overdue".
Un di e kehonan tambe tabata cu barinan di sushi tabata yena lihe y tin biaha bai over, cual ta un mahos bista pa tur cu ta bishita y frecuenta e area.
E barinan di sushi ta traha completamente di plastico recicla, y ta un colaboracion cu Plastic Beach Party, un instancia nonprofit cu ta recicla plastico na Aruba. Cu instalacion di e barinan nobo, e meta ta pa no solamente aumenta e capacidad di carga, pero tambe pa introduci e concepto di separacion di desecho, ofreciendo
un vak separa pa sushi di plastico. Esaki ta un inversion di mas di 70 mil florin di parti Ministerio di Asunto Economico, Comunicacion y Desaroyo Sostenibel.
'Den futuro lo tin mas opcionan di separacion, pero esaki ta un bon comienso', segun minister Geoffrey Wever. 'Nos a compromete pa haci Oranjestad un lugar mas limpi, accesibel, y vibrante pa
tanto residente como bishitante. E instalacion di e barinan nobo ta parti di un iniciativa mas amplio pa mehora e experiencia general den nos ciudad. Mantene limpiesa ta crucial pa e bienestar di nos comunidad', segun e mandatario. Nos ta aprecia e apoyo y cooperacion di nos comunidad mientras nos ta sigui paso-pa-paso cu e trabounan di mantencion y mehoracion importante aki.
Minister Endy Croes: RECAPITULACION DI PROGRESO- Y LOGRONAN DEN ENSEÑANSA DURANTE AÑA ESCOLAR 2023-2024
A stipula 3.2 miyon extra pa normbedrag
Recientemente, Minister di Enseñansa y Deporte Endy Croes a haci un recapitulacion di algun progreso y logronan den enseñansa durante aña escolar 2023 2024. Minister Endy Croes ta contento cu tur e trabounan cu a haci caba den enseñansa y ta gradici Gabinete Wever-Croes II y departamentonan di Enseñansa pa nan contribucion.
A stipula 3.2 miyon extra pa normbedrag Dia 4 di september 2023 den e tratamento di “voorjaarsnota”, Parlamento di Aruba a aproba 50%, esta 3.2 miyon florin. Den luna di december aña 2023, ora cu Parlamento di Aruba a trata Presupuesto di Pais Aruba a aproba e otro 50%, esta 3.2 miyon florin. Pues, un total di 6.4 miyon florin a haal in te cu aña 2023. Normbedrag” ta ancra den ley y ta e compensacion cu schoolbesturen ta ricibi a traves di “exploitatiesubsidie”. E “normbedrag” ta cubri costo di, entre otro, mantencion y seguro di e edificio di scol y lokaal, limpiesa di edificio y lokaal, coriente, awa y gas, mantencion di mueble di e scolnan, inversion den material di desaroyo “hulpmiddel” y necesidadnan di scol, lesmateriaal y admistracion.
Beca di Reino (Koninkrijksbeurs)
A firma un acuerdo cu Colegio EPI pa nuebe (9) studiante cu lo haci uzo di e prome Beca di Reino. Entrante 1 di september proximo e studiantenan lo cuminsa cu nan intercambio di estudio of pasantia na un di e paisnan den Reino Hulandes. Minister di Enseñansa saliente di Hulanda Sr. Robbert Dijkgraff tabata na Aruba, unda cu a anuncia e proyecto di Beca di Reino. “Hulanda a aproba 500 mil euro pa aña pa e Koninkrijk Mobiliteit Beurs. E intercambio aki ta brinda e studiantenan di EPI y Universidad di Aruba e oportunidad pa haci nan pasantia of intercambio di estudio di seis (6) luna na Hulanda.
Sistema di Data
Dienst Publieke Scholen (DPS) tabata e unico “schoolbestuur” cu no tabatin un sistema di data. Durante aña 2023, tur sistema lo ta conecta via cloud. Unabes cu DPS tin tur 20 scol conecta riba e sistema, por tuma decision a traves di data. Tambe, lo conecta tur 20 scol di DPS cu Departamento di Enseñansa via “interface”. Despues di esaki, ta prepara pa e siguiente stap, cu ta pa entrega e data di tur “schoolbestuur” na Departamento di Enseñansa pa asina tur 85 scol di Aruba ta riba un solo sistema. Esaki sigur lo yuda y facilita Gobierno di Aruba pa tuma decision
den futuro a traves di data.
Avancenan di proyecto di modernisacion di leynan
Tin avancenan grandi riba e proyecto di modernisacion di leynan di enseñansa. Esaki ta encera pa modernisa e leynan di scol preparatorio, scol basico y scol secundario. Pero tambe ta encera pa traha e leynan nobo pa enseñansa profesional (Beroeps Onderwijs), enseñansa superior (Hoger Onderwijs), enseñansa special (Speciaal Onderwijs) y Landsverordening Onderwijstoezicht (LOT). Aña pasa a cuminsa traha e Landsverordering pa Inspeccion di Enseñansa, cual ta e ley di LOT. A traha riba e maneho, artikel den ley y memorie van toelichting y a presenta e ley aki a tur stakeholder pa asina nan tambe duna nan input. A entrega e ley di LOT na Directie Wetgeving en Juridische Zaken (DWJZ) y den e luna di juni e ley aki lo ta na Parlamento di Aruba. Mientrastanto a inicia cu e e ley pa enseñansa profesional.
BSN Nummer
April ultimo, Minister Endy Croes tabata na Corsou hunto cu Minister di Enseñansa di Hulanda Robbert Dijkgraaf, kende a haci entrega di BSN nummer na e prome studiante di Caribe na Curaçao. Esaki sigur ta
otro logro grandi. Desde aña aki e studiantenan por ricibi nan BSN nummer prome cu nan biaha na Hulanda. Esaki lo facilita e proceso di e studiantenan na nan yegada na Hulanda. Cu BSN nummer e studiante por entre otro, inscribi pa un camber, por habri un cuenta di banco y aplica pa seguro.
Pa finalisa, Minister Endy Croes a indica cu e ta contento cu e cantidad di graduadonan. Resaltante tabata e alegria y emocion di cada schoolbestuur cu a celebra den un contexto unico. Esaki sigur ta refleha bek riba e aña
escolar exitoso cu ta tras di lomba. Tur e trabou cu a haci ta “pay off” ora mira e graduadonan ricibi nan diploma. Minister Endy Croes a felicita e docente, maestro y tur esnan cu ta traha den e veld di enseñansa pa e trabou grandi cu nan ta haci. Ta aprecia e trabou cu boso ta haci pa educa cu pasion y amor. Tur esaki ta contribui pa engrandece e educacion di nos comunidad. Den nomber di Gobierno di Aruba y Ministerio di Enseñansa ta desea tur cu ta traha den e tereno di enseñansa un dushi vakantie.
Minister Endy Croes: DESPUES DI 32 AÑA A INAUGURA E CANCHA DI BASKETBALL DI CENTRO
DI BARIO Y DEPORTE DAKOTA
Pabien Dakota cu Cancha di Basketball di Centro di Bario y Deporte Dakota completamente renoba.
Minister di Enseñansa y Deporte Endy Croes acompaña pa su kerida esposa Sra. Dilailah Croes y Parlamentario Hendrik Tevreden a acudi na apertura oficial di Cancha di Basketball di Centro di Bario y Deporte Dakota. Pa varios aña caba, e cancha di basketball no tabata den funcion. Diaranson ultimo, despues di 32 aña a inaugura
ta logra cosnan grandi. Minister Endy Croes a haci un peticion pa hunto nos cuid’e y mantene den bon condicion pa nos mucha- y hobennan di bario por sigui practica deporte. Durante e apertura, a reconoce tres (3) atleta di Dakota cu a desteca enormemente den nan tempo, esta Sra. Rishenella Richardson, Sra. Gwendoline Kock y Sr. Luis Tromp.
Cancha di Basketball di Centro di Bario y Deporte Dakota den un bachi completamente nobo.
Minister Endy Croes a hiba palabra den ocasion special aki. Locual ta bunita di e proyecto aki ta cu varios persona y compania a contribui gratuitamente den e renobacion di e cancha di basketball. Ora bo ta traha den ekipo bo
Minister Endy Croes ta gradici Gobierno di Aruba, Ministerio di Deporte, directiva di Centro di Bario y Dakota y nan presidente dinamico Sr. Carl Michael Bikker cu a contribui den e renobacion di e cancha di basketball. Ademas di esaki, e mandatario di Deporte ta gradici tur stakeholder cu a contribui boluntariamente den e renobacion di e cancha di basketball entre otro, Sr. Lito Abath. Sr. Gilmar Croes, Sr. Pancho Jansen di Jansen Construction y Sr. Alwin Boekhoudt di Quick Electrical Services N.V.
cu a percura pa e luznan di cancha. Pa finalisa, Minister di Deporte Endy Croes ta felicita e bario di Dakota cu nan cancha di basketball competamente renoba y ta motiva e mucha- hobennan di bario pa practica deporte y keda activo.
Prome Minister Evelyn Wever-Croes: KIWANIS CLUB OF ARUBA A ENTREGA E “CLINT
WHITFIELD OUTSTANDING STUDENT AWARD
2024”
“Laga e legado di sr. Whitfield inspira boso pa soña mas grandi, traha mas duro, y haci un impacto duradero riba e mundo rond di boso”.
Diaranson anochi, 10 di juli na Aruba Surfside Marina, Kiwanis Club of Aruba a haci entrega di e “Clint Whitfield Outstanding Student Award 2024”. E premio aki ta honra studiantenan di Colegio Arubano cu a sobresali durante e aña escolar 2023-2024. E reconocimento ta nombra na memoria di señor Clinton Whitfield, miembro di Kiwanis Club of Aruba den feliz memoria, cu a traha cu amor y dedicacion durante hopi aña pa sirbi e comunidad di Aruba.
Prome Minister Evelyn Wever-Croes presente pa e ocasion bunita aki a expresa su orguyo pa por celebra no solamente e studiantenan excelente, cu a sobresali cu nan esfuersonan academico, sino tambe e legado di señor Whitfield cu su vision y dedicacion a inspira generacionnan,
motivando e hubentud pa lucha pa excelencia y contribui positivamente na e sociedad.
Durante su discurso, Prome
Minister a dirigi su mes na e ganadonan di e “Clint Whitfield Outstanding Student Award 2024” mencionando cu esaki ta e resultado di nan trabou duro, dedicacion y perseverancia y e premio aki ta un testimonio cu nan esfuerso no ta pasa desapercibi.
Prome Minister:
“E mundo tin mester di boso talento, vision y impulso. Boso no ta solamente studiantenan prometedor,
sino tambe lidernan. Corda cu esaki ta djis e cuminsamento. Probecha e oportunidadnan cu tin boso dilanti, sigui amplia boso potencial, y sigui cu e spirito di excelencia y servicio di señor Whitfield. Laga su legado inspira boso pa soña mas grandi, traha mas duro, y haci un impacto duradero riba e mundo rond di boso. Mi ta expresa mi mas profundo gratitud na Kiwanis Club di Aruba pa nan sosten continuo y dedicacion na nos hobennan. Un biaha mas mi ta felicita tur e studiantenan sobresaliente. Laga boso luz sigui briya y inspira otro cu boso logronan.”
MARC ODUBER A CUMPLI 25 AÑA DEN SERVICIO
DI GOBIERNO DI ARUBA
Minister Maduro a ricibi'e den cuadro di e aniversario aki
E siman aki Minister Xiomara Maduro a ricibi sr. Marc Oduber kende a cumpli 25 aña den servicio di Gobierno. Marc a cuminsa traha como meteologo na Departamento di Meteologico di Aruba y awo ta trahando na e Secretariado di e Comision di UNESCO Aruba como specialista/liason encarga cu e programa di ciencia. Den cuadro di e trabounan di UNESCO,
Marc ta representa Aruba riba e tarima internacional como e Presidente di IOCARIBE su subcomision di 'Intergovernmental Oceanographic Committee' pa Caribe (incluyendo Merca y Brazil). Marc ta miembro tambe di e Comite Oceano Nacional di Reino. Nos ta felicita y gradici sr. Marc Oduber pa su 20 aniversario di trabou dedica na bienestar di comunidad.
En conexion cu Dia di Bandera di Corsou: MINISTER MADURO DI CULTURA TABATA DI BISHITA NA SNOA Y E MUSEO HUDIU
NA CORSOU
Siman pasa Minister Maduro di Cultura tabata na Corsou pa asina representa Conseho di Minister di Aruba na e celebracion di e 40 aniversario di Dia di Bandera di Corsou. E mandatario a haci uzo di e momento festivo pa asina por a pasa bishita algun museo na Corsou. Entre nan, Minister Maduro a pasa bishita e monumento historico Sinagogo Mikvé Israel-Emanuel miho conoci como SNOA y e Museo di Hudiu na Corsou.
Motibo di e bishita tabata pa e mandatario di Cultura por haya sa mas di e cultura Hudiu y tambe di e descendencia Spaño y Portugues di un grupo grandi di cuidadanonan na Corsou y Aruba. E SNOA y e Museo ta conta nos un parti special di e historia di hopi famia cu awe ainda ta forma parti di e comunidad na Corsou y Aruba.
SNOA
Minister Maduro a wordo ricibi y guia cariñosamente pa sra. Michèle RusselCapriles hunto cu otro miembro di e directiva sr. Sinuhe Oomen y Rabbi Martin Hirsh, kendenan a duna e mandatario un splicacion den e tempel. E SNOA na Corsou a wordo consegra na aña 1732 y ta e sinagogo mas bieu den uzo continuo na e continente Americano.
E monumento historico aki ta forma parti esencial di e historia di e Hudiunan cu a scapa fo'i Spaña y Portugal den e añanan 1500 y cu via Hulanda a bin establece nan mes na Corsou y den e region.
E edificio ta den arkitectura Hulandes y ta conta cu meubles di mahony, bunita candelaria y adorno di koper y plata, y un piso di santo cu ta haci e tempel uno masha special, ya cu masha poco sinagogo na mundo tin un piso di santo.
Museo di Hudiu
Despues di e bishita na e SNOA, Minister Maduro a haya un recorido den e Museo di Historia y Cultura Hudiu na unda sra. Michèle Russel-Capriles kende ta Presidente di e museo, a splica mas di e historia di e Hudiunan cu a bin via Hulanda na Corsou y Aruba. Den e patio di e museo a haya informacion di e cementerio Hudiu Bet Haim cu ta esun mas antiguo di Caribe y di e Hemisfera Oeste.
E mandatario por a admira e lapidanan riba cual tin obra di arte cu ta conta e storia di ken e defunto tabata na bida, di cual famia e ta bin y kico tabata su profecion of di kico ela fayece. Den e museo por aprecia e artefactonan di diferente
ritual di e religion Hudiu y por haya un bista di e bida cotidiano di e comunidad Hudiu na Corsou. Como cu ta un museo bibo, cada bes por haya sa mas di e bida y e logronan di diferente Hudiunan prominente di Corsou. Den e museo ta resalta un obra di sra. Michèle Russel-Capriles cu ta conta e storia di e Hudiunan Sefardita cu mester a scapa di e Peninsula Iberico debi na e Inquision Spaño cu tabata obliga nan conberti den Catolico. E obra ta inspira pa su querida Mama cu tabata tin e custumber Hudiu di warda e yabinan di tur e casnan cu nan a biba aden. Esaki basa riba e leyenda cu ora a scapa di Spaña, e Hudiunan a hiba e yabinan di nan cas y ainda ta conserva nan pa si un dia nan bolbe bek.
Acceso na historia comparti
Minister Maduro ta gradici sra. Michèle RusselCapriles y henter e ekipo di e SNOA y Museo Hudiu pa e bishita informativo aki. E mandatario na final di su bishita a expresa su deseo pa informacion riba
e herencia cultural Hudiu na Corsou tambe por forma parti un dia di e plataforma digital pa conserva nos herencia cultural, Coleccion
Aruba, pa asina e descendientenan Hudiu na Aruba tambe por tin acceso na forma digital na e historia comparti aki.
Fanatico di Colombia mal intoxica tawata bula dilanti auto na Ponton
Ponton - Diahuebs marduga den careda di 1'or polis a bay cu urgencia ariba e caminda di Ponton, unda e luga di bende cuminda ta situa.
E motibo tawata cu un fanatico di Colombia, bou influencia di un of otro substancia tawata asina "emo -
ciona" cu nan team a gana cu e la cuminsa bula dilanti autonan cu tawata pasa. Esaki treciendo peliger pa su mes y tambe e automobilistanan.
Polis cu a yega a bin topa cu e cabayero aki cu lo a mira cu e cabayero ta gravemente herida. Ambulance a wordo
cu ne, pero esaki no a bay y 3 agente a usa forsa bruto pa pone ariba suela y asina pone den boei. Por a mira cu e homber su lower arm drechi tawata den gips, posiblemente di un fractura.
A pidi transportwagen pa hib'e warda.
Na yegada di transport-
wagen dos agente a carga e homber y bent'e di cabes den e transportwagen, cu despues di algun minuut a sali direccion Playa cu ne.
Nos a capta momento cu famia a puntra otro dos agente hoben, cu si ora e yega warda nan ta control'e si e por a fractura algo.
Polis y ambulans a bay pa un accidente na Macuarima
manda tambe cu urgencia.
Pero, na e sitio a bisa cu ta auto a dal e. Paramediconan cu a yega tawata trata cu e homber, cu na final a lanta y tawata hopi exalta mes y tawata grita cu e kier hunga y pa nan lag'e hunga.
Polisnan a trata na papia
Dialuna madruga a drenta informe di un accidente cu hende herida na Macuarima, mesora a dirigi tanto polis como ambulans na e sitio. Na yegada di e patruya a bin compronde cu akibta trata di un accidente unda e chauffeur di un Nissan March blauw cla a baha
caminda y a dal un piedra. Debi na e impacto e chauffeur a resulta levemente herida. Na yegada di e ambulans nan a atende e victima na e sitio mes. Debi cu aki ta trata di un accidente singular polis despues di a tuma e informacion a bay for di e sitio.
Shete motibo pakico un muhe ta cumin Sa ta infiel
Conocemento di e motibonan cu ta hiba un muhe na ta infiel por yuda nos preveni infidelidad of traha despues cu e sosode. Nos ta conta bo cua ta esunnan principal.
E definicion di infidelidad no ta mescos pa tur hende i pa tur pareha. Tin hende cu ta limita esaki solamente na encuentronan sexual cu terceronan y cu ta amplia esaki hasta na mensahenan riba internet. Den tur caso, ta un echo cu e traicion na confiansa aki ta genera hopi daño emocional. Den e sentido aki, awe nos ta papia di e motibonan pakico un muhe ta cuminsa ta infiel.
Tin un creencia tradicional cu ta sostene cu infidelidad masculino ta hopi mas comun y frecuente cu infidelidad femenino. Un tempo pasa esaki tabata berdad, ya cu hende muhe (y no hende homber) tabata enfrenta consecuencianan grave y serio den caso di adulterio. Sinembargo, awe y den sociedadnan occidental, a mira cu ambos sexo ta envolvi den infidelidad na tasanan similar.
Ta calcula cu entre 25 pa 30% di e personanan den relacionnan comprometi a bira infiel na nan pareha na un momento. Y aunke hende homber y hende muhe ta den proporcionnan similar, e motibonan di un y otro por ta diferente. Kico ta move hende muhe pa ta infiel?
E motibonan pakico un muhe ta cuminsa ta infiel No ta posibel pa generalisa y den cada caso, e motibonan latente pa ta infiel por ta diferente. Sinembargo, esakinan ta esunnan mas comun.
critica y no ta ofrece tempo di calidad ni refuerso positivo.
Den tur e casonan aki, insatisfaccion y impotencia por hiba na mira infidelidad como un caminda pa tuma represalia contra otro. 5. Monotono y rutina
1. Falta di conexion emocional cu e pareha Si e infidelidadnan masculino ta generalmente causa pa un motivacion sexual, e infidelidadnan femenino ta causa pa un falta afectivo. Ora e conexion emocional cu e pareha ta pober, ora e muhe ta sinti su mes bandona, su so y poco balora den su relacion, e por busca pa yena e bashi cu otro.
Esaki por sosode despues di e prome dos of tres aña di relacion, ora e pasion y e intensidad emocional propio di namoramento ta kita pa duna luga na emocionnan mas maduro y trankil. Algun muhe ta interpreta e transformacion aki como un problema y ta busca pa haya e euforia cu un persona nobo atrobe.
Mas comun ta cu e sentimentonan di falta emocional aki ta wordo promove pa e sensacion cu e pareha ta tuma e relacion como algo normal, cu no ta cultiva intimidad ni complicidad y no ta nutri su compañera emocionalmente.
2. Autoestima abou
Hopi biaha, infidelidad tin mas di haber cu e persona infiel cu e vinculo mes. Ta
e caso di hende muhe cu ta sufri di insiguridad y autoestima abou, y cu tin un estilo di afecto ansioso.
Den nan, e necesidad di aprobacion ta grandi. Nan por recuri na infidelidad pa sinti nan mes balora, importante y desea.
3. Insatisfaccion sexual
Aunke ta pensa cu esaki ta un tereno exclusivo pa homber, hopi muhe ta infiel tambe pa motibo di insatisfaccion sexual cu nan ta experencia cu nan pareha. Si e encuentronan sexual ta schaars, di calidad abou of bira rutinario, nan por busca e chispa y placer den e figura di un amante.
4. Rabia y deseo di vengansa Otro motibo principal pa cual un muhe ta bira infiel ta e deseo pa tuma vengansa riba su pareha of castiga e muhe. Esaki por sosode pasobra e compañero mes a traiciona prome, pasobra e ta sinti cu e no ta comporta manera e mester of no ta cumpli cu su expectativanan.
Kisas e pareha ta mustra friu y desinteresa, ta bringa constantemente of ta controlado. Kisas e ta husga y
face e deseo aki.
Mal relacion di pareha ta hiba na infidelidad.
E hecho cu bo no ta sinti bo balora of ta yegando un edad cu bo kier reafirma bo autoestima, ta causa un infidelidad.
7. Problema den e pareha principal
Den mayoria caso, ta e problemanan den e relacion principal ta conduci na infidelidad femenino. Amor ta consisti di pasion, intimidad y compromiso; e ausencia di un di e componentenan aki (of e percepcion suhetivamente cu nan ta falta) por lanta e deseo pa busca nan na un luga diferente.
Tambe ta posibel cu e muhe ta infiel pasobra su bida como pareha a bira monotono, monotono y di rutina. No tin ilusion, pasion ni novedad mas.
Si e entusiasmo a disparce, un romance nobo por duna e dosis di emocion extra cu e persona ta sinti cu e mester.
6. Necesidad di autoafirmacion
Den cierto momentonan di su bida, e muhe por pasa den un crisis di identidad cu ta hiba e muhe na mester di reafirma su mes. Pa niun hende no ta un secreto cu sociedad ta eherce un gran presion estetico riba hende muhe; sinti bo desea pa otro hende por reafirma bo mesun balor.
Durante adolescencia, debi na e inmadurez y e complehonan propio di edad, e mucha muhe por sinti cu un cantidad mas grandi di pretendiente ta aumenta su balor personal. Pero algo similar por pasa ora e crisis di edad medio ta yegando; den e caso aki, e muhe por sinti cu e mester recupera e tempo perdi of reafirma cu e ta atractivo ainda. Un infidelidad ta sirbi pa satis -
Si e vinculo principal no ta trece siguridad, bienestar y satisfaccion, y al contrario, ta causa dolor, incertidumbre of sufrimento, ta mas probabel cu un infidelidad lo wordo comete.
E motibonan pakico un muhe ta cuminsa ta infiel no ta hustificacion, pero nan ta yuda nos avansa E motibonan principal ta pakico un muhe ta cuminsa ta infiel. Sinembargo, nan no ta un hustificacion.
Den tur caso, y den caso di cualke problema, e caminda lo ta pa papia cu e pareha, busca solucion (incluso cu yudansa profesional si ta necesario) y dicidi di termina e relacion si esaki no resulta.
Traicion na confiansa cu infidelidad ta trece ta laga secuelanan emocional profundo. Pues e no ta e solucion nunca.
Sinembargo, nos tur ta humano y niun hende no ta perfecto, di manera cu conoce e motibonan aki por yuda nos preveni un infidelidad y tuma medida na tempo. Aunke e infidelidad ya a tuma luga, compronde pakico e a sosode lo yuda nos haci e cambionan pertinente y evita cu e lo sosode atrobe.
FORTALEZA PA FAMIA
Scirbi pa Pastor Marcel Balootje
SIN
CONFESION Y AREPENTIMENTO NO TIN PORDON DI PICA
Si nos confesa nos picanan e ta fiel y husto di pordona nos, nos picanan y limpia nos di tur inhusticia.(1juan 1:9).
Tene cuidao! Si bo ruman peca, reprende, y si e repenti pordone. Y si e peca siete biaha pa dia contra bo,y bolbe serca bo siete biaha, bisando Mi ta repenti, pordone.( Lucas 17:3)
No tin salbacion apart di arepentimento, tur hende mester arepenti pa asina por ricibi salbacion di Hesus Cristo, pasobra solamente pa medio di Hesus Cristo hende por wordo salba.Salbacion nos ta ricibi pa medio di Fe. Pasobra pa medio di gracia boso a wordo salba door di Fe.( Efesionan 2:8-9).
No tin arepentimento sin
cambio di bida. No tin bida eterno,sin bira for di pica na Hesus pa salbacion. Y Pedro a contesta nan, repenti y laga cada un di boso wordo batisa den nomber di Hesus Cristo pa pordon di boso picanan, y boso lo ricibi e don di Spirito Santo.Pasobra e promesa ta pa boso y boso yuinan y pa tur cu ta leu, pa tur esnan cu Señor nos Dios ta yama serca dj’E.( Hechonan 2:38).
Repenti anto y comberti, pa boso picanan wordo kita, pa temponan di refrescamento por bin for di e presencia di Señor, y pa E por manda Jesus , e Cristo destina pa boso. (Hechonan 3:19).
Pa habri nan wowo pa nan bira for di scuridad na lus y for di e dominio di satanas na Dios, pa nan ricibi
pordon di pica, y un herencia entre esnan cu a wordo santifica pa medio di Fe den Mi .( Hechonan 26:18).
Pesey, si un hende ta den Cristo , ta un criatura nobo e ta: E cosnan bieu a pasa caba: ata , tur cos a bira nobo.( 2 Corintionan 5:17).
Dios no kier pa ningun hende bay perdi, pero pa tur bini na arepentimento. Esun cu rechasa e Yiu aki na tera lo wordo rechasa tambe pa e Tata cu ta den cielo.
Dios ta stima tur hende y ta duna na nos tur e oportunidad di salbacion door di kere den Su Yiu Cristo Hesus.
Esun cu kere den e Yiu tin bida eterno: ma esun cu no obedece e Yiu lo no mira bida, ma e furia di Dios lo keda riba dje.( Juan 3:36).
Pesey sali for di meymey di nan y separa boso mes, Señor ta bisa. Y no mishi cu loke ta impuro,y lo Mi ricibi boso.
Y lo Mi ta un Tata pa boso, y boso lo ta yiu homber y yiu muhe pa Mi e Señor Todopoderso ta bisa. Pesey como cu awor nos tin e promesanan aki, stimanan, laga nos purifica nos mes di tur impuresa di carni y spirito, y asina perfeciona nos santidad den e temor di Dios.( 2 Corintionan 6:17-18 y 7:1)
Hesus a contesta y a bisa nan: No ta esnan cu ta salu tin mester di dokter sino esnan cu ta malo. Mi no a bini pa yama hustonan, sino pecadornan na repentimento. ( Lucas 5:32).
Crea den mi un curaason limpi O Dios, y renoba un spirito recto den mi. No tirami for di Bo presencia, Y no kita Bo Spirito
Santo for di Mi. Dunami atrobe e goso di Bo salbacion y sostene mi cu un spirito boluntario. E ora ey lo mi siña transgresornan Bo caminda y pecadornan lo comberti na Bo.(Salmo 51:10-13) Nos tur tin un brug pa
crusa den nos bida, cual ta e momento cu nos mester repenti di pica, maldad, inmoralidad y abominacion y bini na e lus di Cristo Hesus.
Sinceramente, Pastor Marcel Balootje.
“Ultimo dianan pa mayornan por haci peticion pa cambia nan yiu(nan) di scol”
Oranjestad, Aruba: SKOA ta informa cu 12 di juli ta e ultimo fecha pa mayornan por haci peticion pa cambia nan yiu(nan) di scol. Despues di e fecha aki, solamente situacionan extraordinario lo wordo acepta como motibo pa cambio di scol.
Kico bo tin cu haci pa cambia di scol?
Pa cambia oficialmente di scol mester haci esaki oficial via e cabesante di scol. E peticion di cambio di scol lo wordo procesa digitalmente via nos systema central di SAS. Pa haci e peticion oficial di cambio di scol mayornan mester aserca e cabesante di scol entre 8 - 12 di Juli 2024. Tur peticion lo wordo procesa segun e secuencia di entrega, pues mas trempan haci e peticion mas trempan esaki lo wordo procesa.
Importante pa tene na cuenta cu peticion pa cam-
Encuesta di Entrada & Gastonan 2023-2024
Ganadornan di periodo 7 y 8!
Dia 15 di November 2023, Oficina Central di Estadistica (CBS) a cuminsa cu e Encuesta di Entrada y Gastonan. Manera nos a menciona e encuesta di Entrada y Gastonan ta encera 2 parti:
- Hogarnan participante lo wordo puntra pa contesta algun preguntanan tocante gastonan cu e hogar a haci durante e 12 lunanan cu a pasa prome cu e encuesta aki
- Hogarnan participante lo wordo pidi pa yena un Buki di Gastonan Diario. Den e buki aki tur
gasto di tur miembro di e hogar mester wordo yena pa un periodo di 2 siman. Teniendo na cuenta e esfuerzo cu un hogar mester hasi pa e encuesta aki, CBS a logra bin cu un incentivo pa hogarnan participa. Hogarnan cu a participa completo na e encuesta aki a duna nan number di telefoon pa asina nan por participa pa gana un incentivo cu ta un bon di supermercado na balor di Afl.100
CBS ta anuncia e ganadornan di e di shete y di ocho periodo y alabes ta mantene e anonimidad di
bio di scol no por wordo haci durante vacacion di scol.
Documentonan necesario pa cambio di scol:
● Uittreksel bevolkingsregister (papel di Censo)
● Copia di AZV-kaart
● Prueba di pago di aña escolar (schoolgeld)
Despues cu a cumpli cu e rekesitonan mayornan lo ricibi un respuesta pa cu e peticion di cambio di scol despues di 10 dia di trabou. Despues di esaki lo ricibi un carta di ubicacion y por continua na inscribi e yiu(nan) na e scol nobo.
Otro Schoolbestuur Mayornan cu tin yiu(nan) inscribi na scolnan cu ta resorta bou di otro schoolbestuur por haci inscripcion pa un scol di SKOA via nos website www.skoa.aw.
Dicon scoge pa SKOA? SKOA ta e organisacion di educacion mas grandi na Aruba cu ta ofrece educacion di calidad halto. SKOA tin un curiculo completo cu ta enfoca ariba e desaroyo y crecemento general di cada alumno y studiante. SKOA ta enfatisa su balornan Catolico, comunicacion na nivel multilingual, inclusion, innovacion y tambe actividadnan extracuricular. Como mayor bo por ta sigura cu bo yiu(nan) lo ricibi un educacion completo na SKOA. Si bo kier pa bo yiu experiencia un forma diferente pa siña y discubri su potencial aplica na SKOA.
Pa haya mas informacion di tur e scolnan cu ta resorta bou di SKOA por bishita nos website www.skoa.aw. Pa contact nos directo por yama nos na (+297) 523 1800 durante orario di oficina.
e hogarnan ganador. E 10 hogarnan ganador pa e di shete periodo cu a tuma lugar den luna di mei 2024 ta parti den e siguiente areanan di Aruba: 3 den Oranjestad, 3 den Santa Cruz, 2 den Savaneta y 2 den Brasil.
E 10 hogarnan ganador pa e di ocho periodo cu a tuma lugar den luna di juni 2024 ta parti den e siguiente areanan di Aruba: 1 den Noord, 2 den Oranjestad, 3 den Santa Cruz, 2 den Savaneta y 2 den San Nicolas. CBS a tuma contacto cu e hogarnan aki pa asina nan
por busca nan bon di supermercado. Na final di juli 2024 lo saca e ganadornan di periodo 9. Di e manera
aki CBS kier sigui incentiva hogarnan pa coopera cu e Encuesta di Entrada & Gastonan 2023-2024.
Minister Ursell Arends: Proyecto PASADIA lo tin 10 facilidad operacional pa fin di aña aki
Ayera durante rueda di prensa Minister Arends a duna di conoce cu e proyecto di dagverblijf, esta opvangst pa Adulto Mayor durante dia, lo tin 10 lugar operacional pa di 2024.
Lo tin 3 tipo di PASADIA;
1. Concepto completo unda cu ta habri un luga nobo y ta wordo opera for di un ekipo exclusivamente dedica na PASADIA. (preto ariba e mapa)
2. Concepto ehecuta cu un instancia existente haciendo uzo di operacion y facilidadnan di esakinan.
(blauw ariba e mapa)
3. Concepto satelite unda cu instancianan ta opera como concepto di PASADIA pero no ta ricibi fondo di Gobierno. (cora ariba e mapa)
Di e concepto completo lo habri 5 PASADIA na e siguiente localidadnan; Oranjestad, FCCA Cunucu Abou, FCCA Paradera,
Kibrahacha y Praktijk di Dokter na San Nicolas.
Di e concepto colaborativo lo habri 4 PASADIA den colaboracion cu Cas Marie San Nicolas, Cas Marie Santa Cruz, S.A.BA. Oranjestad y S.A.B.A. San Nicolas.
FInalmente na Rode Kruis San Nicolas lo habri e di tres concepto unda cu e instancia lo percura pa educa y prepara su ekipo pa opera como un PASADIA.
E imenso esfuerso aki pa duna nos grandinan e apoyo necesario for di un cuadro social lo hisa nan calidad di bida y a la bes alivia nos sistema di cuido ariba Aruba.
Ministerio di Asuntonan di Adulto Mayor ta gradeci tur partner di PASADIA pa comparti nan vision y traha ariba e Aruba cu nos grandinan merece.
Un dia fructifero carga cu gracia y bendicion di Dios.
E ora ey El a bisa su discipelnan: "Cosecha ta grandi, ma trahado ta poco". Mateo 9, 37.
Kico Hesus kier bisa cu esey? E cosecha ta e multitud di pueblonan rond mundo y poco trahadonan ta e escasez di maestronan pa siña nan e Palabra di Dios.
Anos lo ta dispuesto pa yuda un otro den nan sufrimento y debilidadnan? Ta e misericordia di Dios den nos curason lo impulsa nos pa dal e prome stap cu balentia pa yuda e ruman p'e por sana su heridanan.
Señor ta doño di e cosecha y nos tur cu ta lesa e Palabra di Dios, anos cu ta bay tur diadomingo pa scucha su Palabra, anos ta e prome yamanan pa sali y bay conta na cas, den nos famia, na nos trabou y na tur caminda cu nos tin un Dios bibo, cu ta cu nos pa medio di su Spirito Santo cu ta duna nos e balentia y curashi. Nos fe y confiansa den Dios cu lo resalta den nos testimonio di bida, cu si
El a lanta mi di mi enfermedad, di mi esclavitud y di mi depresion, E por haci'e pa bo tambe. Tuma e decision y busca e doño di cosecha pa E por yuda bo bira un bon trahado den su cunucu.
Oracion : Señor, haci mi un bon obrero den bo cunucu y semper refleha e amor di Cristo. Amen.
