ARUBA SU OUTFIT PA CEREMONIA
E delegacion di nos pais a saca e potret oficial dilanti e renchi olimpico y despues sali rumbo pa unda lo embarca e boto nan pa e apertura oficial di Weganan Olimpico Paris 2024 cual a tuma lugar ayera. Aruba su abanderado ta den persona di Chloë Farro y Mikel Schreuders,
ambos atleta di natacion. Hefe di Mision, Kamilah Dammers, atleta di Vela, Just van Aanholt, coach di Vela, Yuri Hummel, coach di Natacion, Ismael Santiesteban y miembro di Direccion di Deporte, Monica Fajardo ta esnan cu lo ta compañando e abanderado awe riba e boto.
María Corina MaChado a reCibi sosten di varios presidente latinoaMeriCano
E dirigente María Corina Machado, den representacion di e mayoria di oposicion di e candidato Edmundo González Urrutia, a ricibi e diabierna r respaldo di presidentenan latinoamericano pa e eleccion presidencial di diadomingo 28 di juli 2024.
Machado a papia cu Javier Milei
Via red socialnan, Machado a indica cu el'a papia cu presidente di Argentina, Javier Milei, kende a manifesta su apoyo y compromiso cu e lucha pa democracia di e venezolanonan.
«Mi a gradiciele pa e apoyo y e
compromiso di su gobierno y di e ekipo político di e consulado durante e lunanan di dificultad pa e venezolanonan y pa nos hendenan den e campaña.
Mi a reforzá mi confiansa den e spirito di libertad inquebrantabel di e venezolanonan y nos conviccion cu dia 28J lo ta un gesta civico historico.
E presidente Milei a reafirmá su apoyo pa nos causa, pa e valor democrático y pa libertad. Masha danki, presidente. Den contesta na e publicacion di Machadl, Milei a bisa: «Nos semper lo ta den banda di e pueblo venezolano den e lucha pa libertad. ¡Viva e libertad, carajo!»
bon aMbiente CUltUral Y CrioYo
dUrante
Aruba – 25 di Juli 2023 –Fundacion Chico Harms ta lansa e temporada di Dia di Brazil 2024. E Dia di Brazil ta tur aña riba e prome diadomingo di september, e aña akiriba 1 di september 2024. Na Boneiro nan ta celebra nan Dia di Rincon, asina aki, na Aruba nos ta celebra nos Dia di Brazil. Un temporada pa celebra nos musica crioyo, nos trahe tradicional, nos cuminda local, nos cultura Arubano den bon ambiente den e bario di Brazil.
E temporada ta cuminsa cu Parada Acustico, sigui pa Festival Cantica di Caya y Coronacion di Reinan Cultural, finalizando cu Parada di Lanterno y Parada Folklore Cultural riba e
e teMporada di dia di braZil
di e
eventonan binidero:
● 27 di juli: Festival Cantica di Caya Adulto
● 28 di juli - Festival Cantica di Caya Infantil & Hubenil
● 17 di augustus - Batacaso Tipico
● 24 di augustus - Coronacion di Reinanan Cultural
● 30 di augustus - Parada di Lanterna
● 31 di augustus: Fiesta di Tambu
● 1 di september: Parada Folklore
Cultural y Dia di Brazil
E siguiente evento ta e Festival
Cantica di Caya, unda nos lo conoce e cantica cu ta bay domina caya durante e temporada aki. Durante e Festival, e bandanan local ta lansa y competi cu canticanan nobo. Nos kier e invita
henter Aruba pa join nos Festival!
E Festival ta na Centro di Bario Brazil. Nos ta bende ticket na porta: 10 Florin pa adulto y 5 Florin pa mucha.
Brasa Bo Cultura, Aruba! Ban celebra, goza y engrandece nos cultura. Fundacion Chico Harms kier a gradici tur su partonicadonan pa e sosten: Aruba Tourism Authority, N.V. ELMAR, Balashi, Departmento di Cultura,
UNOCA, RAYO, SETAR, Banco di Cariba y De Palm Tours. Bishita nan pagina di Facebook “Fundacion Chico Harms” pa ricibi tur informacion di e eventonan cultural
Dia di Brazil. Esaki t’e calendario
Minister Endy Croes: EMOCIONANTE Y BUNITA APERTURA DI WEGANAN OLIMPICO PARIS 2024
Diabierna ultimo, a tuma luga e gran Ceremonia di Apertura di e di 30 edicion di Weganan Olimpico Paris 2024. Pa prome biaha e apertura di Weganan Olimpico e delegacionnan tabata riba un boto cu a traspasa mas di 6 km riba e riu de Seine cu ta recore den e ciudad.
Ta premira cu mas di 300 mil persona a presencia e gran desfile di Weganan Olimpico Paris 2024. Mas di 1.5 biyon hende rond mundo por a admira e bunitesa di nos delegacion na television.
E delegacion di Aruba a briya cu nan trahe ceremonial confecciona pa e costurero Sr. Ramon di Staylay. Pais Aruba su abanderadonan tabata den persona di Chloë Farro y Mikel Schreuders, ambos atleta di landamento. Hefe di Mision, Kamilah Dammers, atleta di Vela, Just van Aanholt, coach di Vela, Yuri Hummel, coach di landamento, Ismael Santiesteban y miembro di Direccion di Deporte, Monica Fajardo tabata esnan cu a compaña e abanderadonan riba e boto.
E Weganan Olimpico Paris 2024 a inicia dia 26 di juli pa 11 di augustus proximo. Aruba ta competi cu seis (6) atleta na e Weganan Olimpico esta, Shanayah Howell Ciclismo/ BMX , Chloe Farro landamento, Ethan Westera Vela/Windsurfing Men, Just van Aanholt Vela/Single Handed Men, Mikel Schreuders Landamento y Philip Elhage Tiro.
Pa finalisa, Minister Endy Croes ta desea nos atletanan hopi exito. Cu disciplina, deseo, dedicacion y determinacion boso ta logra. Aruba ta orguyoso di boso!
Minister Endy Croes: PA PROME BES DEN HISTORIA
CONCACAF GIRLS U15 TA TUMA
LUGA NA ARUBA
Pueblo di Aruba ta cordialmente invita pa apoya nos Seleccion
Hubenil Femenino U15.
: Recientemente, Minister Endy Croes a elabora riba e torneo di futbol internacional cu ta tuma luga pa prome bes den historia na Aruba. Arubaanse Voetbal Bond (AVB) hunto cu CONCACAF ta preparando pa e torneo grandi aki, esta CONCACAF Girls U15. Un total di 13 pais a confirma y ta competi den e torneo aki.
E seleccionan lo bataya contra otro pa conkista e titulo maximo. E torneo ta tuma luga di 1 pa 11 di augustus proximo na Aruba. Minister Endy Croes a subraya cu a percura pa pone Stadion GPT na Dakota den condicion pa e campeonato por tuma luga eyden. Pa finalisa, Minister di Deporte ta felicita Arubaanse Voetbal Bond (AVB) pa agresivamente atrae torneo grandi pa Aruba. Tambe e mandatario di Deporte ta gradici tur esnan cu a duna nan aporte pa hunto logra cu COCACAF Girls U15 tuma luga na Aruba. Por ultimo, Minister Endy Croes ta desea e 13 paisnan hopi exito, specialmente na nos Seleccion Hubenil Femenino U15. Cu deseo, disciplina, dedicacion y determinacion boso ta logra.
Cu prueba den man Otmar Oduber a aCusa ministeriO publiCO di
metementO pOlitiCO y COrupCiOn
Durante conferencia di prensa, Otmar Oduber di Plataforma Pais a elabora riba metemento politico den Ministerio Publico y corupcion den e organo aki. El a enfoca specificamente riba caso Flamingo, cual den algun siman di tempo lo cumpli 5 aña cu e investigacion a cuminsa contra su persona.
Algun siman atras, Otmar a indica cu politica ta meti diki diki den Ministerio Publico y awe e ta mas convenci cu nunca cu Ministerio Publico ta wordo maneha politicamente. E ta bisa tambe cu Ministerio Publico ta presta su mes na corupcion. “Un officier van justitie trahando pa Ministerio Publico ta permiti pa procesverbalnan falso wordo traha, a traha 7 rapport di BCI falso”. E officier aki tabatin tur acceso di mundo na 2019 na tur documento na DIP. E tempo ey durante
investigacion di caso Avestruz, Otmar Oduber, cu tabata minister, a duna opdracht na director di DIP pa duna acceso na tur documento, incluyendo e documentonan procesa durante maneho di Oduber mes. Pero e meta no tabata esey, e meta tabata pa yega na Otmar Oduber na un of otro forma. A haci uso di e rapportnan falso aki pa drenta cas di Oduber na juni 2020.
“Awe e caso ta den corte y e 7 rapportnan aki a wordo tira den prullenbak door di Ministerio Publico pasobra nan no tin cara pa enfrenta e acusacionnan cu tabatin den e rapportnan aki”. Otmar a declara.
Mas aleu e ta bisa cu Landsrecherche ta haci uso di strategianan abusivo y falso. “Ora ta malinforma, ora ta malusa testigonan, usa strategianan pa nan bisa cosnan cu bo kier scucha pa acusa otro
hende, bo ta lubida cu ora e 31 testigonan declara (22 a declara caba), lo realisa cuanto porkeria, mentira y trocemento di berdad door di Landsrecherche a tuma lugar”.
Tambe Oduber a expresa cu Ministerio Publico ta permiti manipulacion di pruebanan, tambe cu nan ta conspira pa perhudica ciudadanonan cu e meta pa scapa nan cara, sin laga afo e aspecto discriminatorio di e entidad aki unda ta permiti Hulandesnan Europeo bin Aruba y ta malusa localnan den Landsrecherche. Di e 3 personanan di Landsrecherche cu a pidi pa wordo scucha, dos di nan ta Arubiano y un Hulandes, Landrecherche a bisa cu e dos Arubianonan, un di nan, e persona cu a traha e 7 rapportnan falso, a fayece y naturalmente no por wordo scucha, e otro no ta importa pa laga su identidad wordo conoci, pero esun Hulandes Europeo a pidi pa no laga su identidad wordo conoci. E persona aki ta esun cu a bisa cu e 7 rapportnan falso ta confiabel y di e forma aki a malogra bida di Otmar Oduber ya caba pa 5 aña. Logicamente Otmar ta puntra su mes cual ta e motibo cu kier proteha identidad di e persona aki y peor ainda, ta manda un otro carta bisando cu nan ta lamenta cu nan
peticion di proteccion pa e Hulandes Europeo a wordo publica y trata den prensa. “Esaki ta un par di e porkerianan cu ta tuma lugar den Ministerio Publico”.
Pero esaki no ta tur, Otmar a mustra prensa un carta di Procurador General dirigi na cabes di Gobierno di Aruba den cual e ta informa riba con e casonan ta andando. Ta parse cu gobierno ta pidi pa dune material pa persegui directornan y ministernan. “Si esaki no ta metemento politico, awe Ministerio Publico bin buscami awe tardi”.
Oduber a presenta otro carta caminda PG (anterior) lo a pidi pa no schors un persona debi cu e ta cooperando hopi bon den e caso Flamingo y su cooperacion ta necesario ainda. Es decir, hende no
a wordo geschors pasobra Ministerio Publico a bisa DRH, gobierno y ministernan pa no haci esaki ya cu e ta bashando abou riba Otmar y cu despues lo regel e situacion di e persona aki riba cual tabatin investigacion. Finalisando Otmar Oduber a enfatisa cu e no ta wordo acusa di a coy ni un Florin, el a wordo investiga, su fundacionnan a wordo investiga y den tur e añanan aki ni un solo acusacion contra dje di a horta ni sikiera un Florin. E intencion ta pa caba cune, pero “bo ta cay na rudia prome cu ami mester cay drumi riba e vloer aki. Pesey mi ta hiba e lucha aki y mi ta den e tunnel ta wak un lus na final y mi ta spera cu finalmente e aña aki cu poder di Dios, di mi tata cu a fayece 2 luna pasa y mi ruman homber, cu e porkeria aki ta caba e aña aki”.
DIA INTERNACIONAL PA CONSERVACION
DI ECOSISTEMA DI MANGEL-1
Dia Internacional pa Conservacion di Ecosistema di Mangel (International Day for Conservation of the Mangrove Ecosystem) a ser adopta na e Conferencia General di UNESCO na 2015 y ta ser observa cada aña riba 26 juli desde 2016.
E dia aki tin como obhetivo pa crea concientisacion pa e importancia di ecosistema di mangel como un “ecosistema, unico, especial y vulnerabel” y pa promove solucionan pa nan maneho, conservacion y utilisacion sostenibel.
Na 2017 Nacionan Uni a proclama e Decada di Nacionan Uni di Ciencia Oceanico pa Desaroyo Sostenibel pa e periodo 2021-2030, y a invoca e Intergovernmental Oceanographic Commission di UNESCO (IOC-UNESCO) pa prepara un plan di implementacion pa e Decada den consulta cu Estadonan Miembro di Nacionan Uni, organisacionan specialisa, fondo, programa y organismo di Nacionan Uni y demas otro entidad intergubernamental, NGOs y stakeholders.
IOC-UNESCO a crea un Plan di Implementacion, y a formula un Roadmap, Obhetivo, Desafio y Meta pa logra, tur den e cuadro di e Obhetivonan di Desaroyo Sostenibel (SDGs).
Na 2019 Nacionan Uni a adopta e Decada di Nacionan Uni pa Restoracion di Ecosistema (20212030), cu e meta principal pa restora ecosistema terrestre y marino y pone un paro na e perdida di diversidad biologico alarmante riba Planeta Tera. Na final di 2022 durante e 2022
UN Biodiversity Conference
COP15-CP/MOP10-NP/MOP4 teni den dos parti na Montreal, Canada y Kunming, China a adopta e Kunming-Montreal Global Biodiversity Framework
formulando 4 elemento clave pa logra pa 2050 y 23 meta pa logra pa 2030.
E aña aki a conoce e primicia di e promer evaluacion global (global assessment) di e IUCN Red List of Ecosystems cu a keda publica riba 22 mei 2024, Dia Mundial pa Diversidad Biologico.
E publicacion nobo aki di e IUCN Lista Cora di Ecosistema di Mangel riba 22 mei 2024 ta marca un logro importante. Como prome evaluacion global di un grupo funcional di ecosistema completo, e raport aki den e cuadro di e IUCN Lista Cora di Ecosistema ta destaca alarmante preocupacionan tocante el posibel colapso di ecosistemanan di mangel den henter mundo. Fuera di e posibel colapso a resalta tambe cu un tercer parti di tur ecosistema di mangel lo ser impacta severamente pa e subida di nivel di laman causa dor di cambio climatico.
TEXTO DERIVA DI E MENSAHE
DI AUDREY AZOULAY, DIRECTORA GENERAL
DI UNESCO NA OCASION
DI DIA INTERNACIONAL
PA CONSERVACION DI ECOSISTEMA DI MANGEL. Mangelnan ta forma ecostimenanan unico, espectacular y prolifico riba e frontera entre tera y laman. E ecosistemanan extraordinario aki ta contribui na e bienestar, siguridad alimentario y proteccion di comunidadnan costero mundialmente. Nan ta sostene un biodiversidad rico y ta provee un habitat di refugio y criadero pa especie di pisca y crustaceo. Y alabes ta actua como un defensa natural costal contra di mareanan ora di mal tempo, tsunami, erosion, y subida di nivel di laman. E suelo rondonando mangelnan ta constitui un depositorio pa retencion di carbon hopi efectivo, absorbando enorme cantidad di dioxido di carbon for di laman y atmosfera.
Collaborative Research - ICT for development - GovernanceTreaties Monitoring with focus on SIDS
Press inquiries: Email: press. rwicore@gmail.com Facebook: https:/www.facebook. com/rwicorefdn
Aruba Chamber of Commerce Register no. S.582.0
PO Box 1154, Oranjestad, Aruba, Dutch Caribbean
Pero mangelnan ta desapareciendo tres pa cinco biaha mas rapido cu e perdida cumulativo global di boskenan, cu impactonan serio ecologico y socio-economico. Calculacionan actual ta indica cu areanan cubri pa mangelnan a ser reduci na mitar den e ultimo 40 aña.
Mangelnan ta coriendo peliger: ta ser calcula cu mas cu tres cuarto di tur mangel na mundo ta bou menasa y cu nan tur organismo acuatico y terrestre cu ta depende di nan.
DIA INTERNACIONAL PA CONSERVACION DI ECOSISTEMA DI MANGEL-2
Pa e razon aki, UNESCO ta tumando accion pa proteha nan y otro valioso ecosistema di carbon blou (blue carbon ecosistems) mediante e rednan di reservanan di biosfera, geoparkenan global y sitionan di patrimonio mundial natural.
Pero enfrentando e emergencia climatico nos mester tuma mas paso ainda, pasobra mangelnan ta sirbi como depositorio di dioxido di carbon, cu nos no por permiti pa nan desaparece.
Pesey un proyecto di UNESCO ta enfocando riba e restoracion di boske di mangel den shete pais latinoamericano- Colombia, Cuba, Ecuador, El Salvador, Mexico, Panama y Peru. E proyecto lo trece oportunidad economico pa comunidadnan y yuda pa comparti conocimento entre poblacionan local, indigena y cientificonan.
UNESCO tambe ta sostene e cultivo di mangelnan flotante, mientras tanto tambe realisando investigacion riba nan capacidad di secuestra (absorba) dioxido di carbon na Lusail Marina, Qatar. Basa riba e mesun idea e Universidad di New South Wales na Australia a inicia un proyecto cientifico pa cinco aña hunto cu e Universidad di Pacifico Sur pa perfecciona e concepto na e isla di Fiji, cu sosten di Swire Shipping y UNESCO.
Ademas di proteccion y restoracion, nos tambe mester di concientisacion global. Esaki ta netamente e pensamento tras e prome International Conference on Mangrove Conservation and Restoration cu lo tuma lugar na Abu Dhabi di 10 pa 12 december e aña aki, den cual UNESCO ta colabora.
Aumentando e concientisacion pa e valornan natural di mangelnan, por logra pa proteha nan mihor. Esaki ta e meta di Dia Internacional
di pa Conservacion di Ecosistema di Mangel, pa un y tur tuma nota di e valor, beyesa y vulnerabilidad di mangel y haci un compromiso pa proteha nan.
SITUACION NA ARUBA
E situacion di mangelnan na Aruba ta alarmante. Den diferente area na costa sur for di Varadero Marina te na dump di Parkietenbos mangelnan ta sufri na man di hende sin escrupulo cu ta corta, kita y destrui area di mangel pa traha pier priva pa mara nan boto of yate.
E areanan di Spaans Lagoen, Mangel Halto, Santo Largo, Parkietenbos y Zeewijk ta impacta pa polucion, sobredesaroyo di turismo of mal maneho. Instancianan concerni ta sordo mudo y ciego pa personanan individual of companianan construyendo apartamento of lugar di hospedahe AIRBNB. E esfuerzonan di Aruba Conservation Foundation, oficialmente registra na Camara di
Comercio ainda como Fundacion
Parke Nacional Aruba ta pa puro consumo local y cosmetico ya cu pariba di brug den area di Grapefield, Boca Grandi y Seroe Colorado desaroyo di turismo a caba of ta cabando completamente cu vegetacion natural unico y tambe mangelnan.
Den e 4th International Conference on SIDS teni 27-30 mei 2024 na Antigua Rainbow Warriors Core Foundation a participa y a establece contactonan internacional en particular cu e Universidad di Pacifico Sur, International Science Council y varios otro NGO internacional pa inicia programa y proyecto di colaboracion riba e tereno di desaroyo sostenibel y resiliencia di comunidad costero, cambio climatico, conservacion di biodiversidad y restoracion di ecosistema en particular di ecosistema di carbon blou manera di mangel.
Fin di augustus 2024 Rainbow Warriors Core Foundation lo
publica su rapport tocante e siguimento (follow up) pa cu e Antigua and Barbuda Agenda for SIDS pa Aruba cu anuncio di proyecto concreto entre otro pa ecosistema di mangel.
PA MEDIONAN DI PRENSA EN
GENERAL
Pa mas informacion, tuma contacto via telefon na 7478280 of via email press.rwicore@gmail. com.
Gobierno di Aruba
NO TA CONTEMPLANDO PA HISA
EDAD DI PENSIOEN
Segun palabracion cu Hulanda, na aña 2025 lo haci un estudio pa sa con fuerte e fondo di pensioen ta
- E Compromiso di Gabinete Wever-Croes ta pa garantisa cu e fondo di pensioen di biehes di AOV ta solido. Pa esaki ya desde 2017 Gabinete WeverCroes a haci tur posibel pa drecha e situacion financiero grave cu nos pais tabata aden, pa asina crea posibilidadnan pa futuro y pa fortifica nos fondo di pensioen.
Na aña 2020 ora Aruba a wordo confronta cu e pandemia, Covid 19, y pa por sobrevivi, Aruba mester a presta placa di Hulanda. E placa aki tabata necesario pa yuda henter comunidad, entre otro pa e subsidio di salario pa tur trahado y FASE pa esnan cu a perde trabou y pakete di cuminda pa esnan den necesidad.
Manera tur hende por corda, e fiansa aki no a bin sin mas. Hulanda a bin cu exigencianan draconico
pa presta Aruba placa durante pandemia. Un di e condicionnan tawata ta cu e edad di pensioen mester subi pa 66 of 67 aña.
Gobierno a negocia hopi largo riba e punto aki. Di un banda, Gobierno tabata tin mester di e fiansa pa por yuda nos ciudadanonan sobrevivi. Pero di otro banda Gobierno no kier a acepta e condicion di hisa edad di pensioen sin mas.
E ORA GOBIERNO A YEGA NA E SIGUIENTE
PALABRACION:
Na aña 2025 lo haci un estudio pa mira (1) si e fondo di pensioen di AOV ta solido. Si e ta solido, no mester tuma ningun paso. (2) Si resulta cu e fondo NO ta solido, Aruba lo tuma e decisionnan necesario pa mantene e fondo solido. Pasobra sino, e fondo ta kibra y no por paga pensioen mas na pensionadonan cu a paga
premies pa hopi aña.
Tin varios decision cu Gobierno por tuma si en caso e fondo ta exigi esaki. Un di nan por ta aumento di e edad di pensioen. Un otro ta aumento di e premies, entre otro. Hecho ta cu na e momento aki Gobierno no ta contemplando pa
hisa e edad di pensioen, y lo haci e investigacion na 2025. Por lo tanto edad di pensioen no ta bay hisa awor manera algun hende ta sugeri. Lo haci investigacion prome y lo evalua tur alternativa prome cu hisa edad di pensioen.
Compromiso di Gabinete Wever-Croes ta pa garantisa cu e fondo di pensioen ta solido pa garantisa cu esnan cu awe ta traha y paga premie, tambe por goza di e pensioen aki den futuro.
Prome Minister Evelyn Wever-Croes: Danki na e trabou incansabel di
Minister Endy
Croes y AVB, 7 VELD DI FUTBOL NA ARUBA LO HAYA TURF CU FONDONAN DI FIFA
Prome Minister Evelyn Wever-Croes recientemente tawatin un reunion interesante cu ehecutivonan di FIFA pa dialoga tocante e proyecto di turf (yerba artificial) pa 7 veld di futbol na Aruba.
Durante e reunion FIFA y AVB a duna di conoce cu 7 veld na Aruba lo haya turf, y e bon noticia ta cu tur gasto lo wordo cubri pa FIFA. E 7 veldanan cu inicialmente lo haya turf ta veld di Nacional, Bubali, RCA, River Plate, Dakota, Estrella y La Fama.
Presente pa e reunion tawata Minister di Deporte, señor Endy Croes, Artificial Turf expert di FIFA, señor Alastair Cox hunto cu FIFA Regional Development Manager, señor Jordan Victoire y representantenan di AVB (Arubaanse Voetbal Bond), consistendo di e
Presidente señor Randolf Lacle, Secretario General, señora Dyane Wiersma y Project Manager, señor Pancho Croes.
Prome Minister ta indica cu Gobierno di Aruba na e momentonan aki ta dunando di su parti trahando riba e asuntonan legal di tereno y tur otro proceso necesario pa e proyecto por cana bon y FIFA por haci e inversion na e momento indica. E trabounan lo cuminsa na comienso di aña 2025 y inicialmente lo pone turf na 2 veld pareu y e trabou lo dura entre 3 pa 4 luna, y asina lo continua cu e demas veldnan. E proyecto aki sigur lo eleva e nivel di futbol y lo mehora e desaroyo di futbol en general na Aruba.
E meta y enfoke di FIFA cu proyectonan asina principalmente ta pa mira
mas desaroyo den futbol di categoria di mucha, hoben y futbol femenino. Clubnan cu tin ekiponan den e categorianan aki lo bin mas lihe na remarke.
Prome Minister ta remarca cu e 7 veldnan cu na e momento aki a wordo scogi ta cumpli cu exigencianan di FIFA cu ta necesario pa bin na remarke pa e proyecto. E otro clubnan
cu na e momento aki no ta cumpli cu e exigencianan di FIFA, lo haya e atencion necesario pa asina den futuro nan tambe lo bin na remarke pa e turf.
“Principalmente e meta di FIFA ta pa stimula clubnan di futbol pa traha riba e desaroyo di e deporte enfoca riba futbol di mucha, hoben y futbol femenino y esey ta algo cu mi ta
aplaudi y apoya. Pabien na e 7 clubnan cu awor a wordo scogi. Mi sincero gradicimento na FIFA, na AVB pa e intermediacion y tur stakeholder cu a traha hunto riba e bunita proyecto aki. Danki di curason na Minister di Deporte, Endy Croes pa su bon trabou incansabel y su dedicacion pa nos por a logra esaki”, Prome Minister a expresa.
SABIDURIA DEN NOS ALEGRIA
Skirbi pa Ruthy “Lady Ruth” Vrieswijk-Bergen
Aruba! Com bay ? Nos tey bek ! Nos tin laptop atrobe !Y nos ta den bon estado di salud, danki Dios, kemen, nos tin gasolin disel pa sigui cu nos relatonan semanal. Disel, pasobra, nos no kier corre duro di
mas dilanti nos bon Dios, cu ta esun cu ta guia y inspira nos pa skirbi di curason pa curason atrobe. Ta un crenchi mas cu un luna pasa cu nos a comunica cu otro atraves di e fantastico medio aki, sea
Diario, Solo, Extra Bonaire of E arubiano news on line. Claro cu nos tambe a hanja boso falta ! Tawata dushi pa a topa hende, lectornan fiel di nos relato cu a bisa nos cu nan ta hanja falta di e palabranan poetico bunita positivo di Lady Ruth. Mientrastanto ta hopi cos a sosode, tawatatin hopi bunita actividadnan social cultural aki aya. Ora cu nos no tawata tin laptop mas, nos a keda pega cu algun topico, cu, kizas, toch nos lo duna nan atencion pronto pa complace e dushi hendenan ey tambe. Nos lo bay bek den tempo cu nan y pone nan tambe den lus. Lady Ruth a sinja fei maestro Don Cayochi Kelkboom di Radio Kelkboom, hopi anja pasa, den anjanan setenta, awe conosi como e fantastico Heart Radio, cu, no ta tur noticia ta muri mes ora. Tin cu tin balor cu ta sigui inspira. Mientrastanto Lady Ruth a cumpli su di 67 anja di edad fisico, pasobra no tin un number exacto pa su edad spiritual cu ta tene su mente cla y raspa, y hopi jong. (Ora nos tawata bek na Aruba, nos a cumpra un pochi di un gel refrescante pa cutis, traha di productonan organico natural, e.o. di aloe y mint pa yuda kita e cansansio na cara tambe, serca nos bunita amiga Joan Ann, di tempo di grupo scout Santanero of Kimball O’Hara.) Joan Ann tin un bon surtido pa cuido di cutis . Bunita pa wak con nan ta progresa den bida. Pa bin bek riba nos 67, nos tawatatin e bendicion grandi y total di por a celebre hunto cu nos dos yui hombernan y nan pareha y nos 5 nietonan na Madre Patria Hulanda. E tempo tawata fresco, un crenchi friew dushi asina, manera bo ta den airco
henter dia. De ves en cuando awa a yobe un crenchi y un of dos ves tawatatin un storm chikito. Nos tawatatin hopi tempo di calidad cu nos famia ayanan, hungando weganan di mesa, manera Monopoly di Aruba, Rumnikub, Domino, Mens erger je niet, Caramba y hopi mas, gozando un mundo, pasa masha masha pret mes hunto cu hopi harimento. Nos por a wak, sinti e calor y gozo di e comienzo di e weganan di futbol pa e copa di Europa 2024 di cual su final nos a wak aki na Aruba mes. Nos a, ta y lo sigui apoya nos team di Hulanda cu hopi amor y alegria. Nos ta hopi orguyoso di nos Reina di Lama Sarah Quita Offringa cu a bolbe gana titulonan maximo den e deporte aquatico di surfing cu e ta gusta asina hopi. Y no pa lubida, cu, Aruba total ta orguyoso tambe di nos basebolistanan hoben cu a gana como Campeon di Caribe, si mi no tin hera, nan a gana di Sto. Domingo ofzo noh ? Of e
nomber ta Republica Dominicana ? Ayyyyy, nos ta hanja un onvoldoende pa Aardrijkskunde serca meneer Adonsito Croes !!! Uffff......By the way, pabien Adonsito pa bo participacion den un of otro pelicula den e exitoso Playa Film Festival. Nos tawata bastante ocupa den e dianan aki, no por a lesa Diario full. Corda shonnan, mi tin e bendicion di tin mi grandinan ainda meymey di nos cu mi ta duna atencion, amor, tempo y carino. Nos ta conclui nos relato cu e bon deseonan pa un bon y dushi dia yen di sabiduria den nos alegria ! Un dia bunita regala na nos atrobe, un dia colma di salud, bendicion, amor, pasenshi y hopi alegria ! Un “bearhug” grandi, diki gordo pa boso tur !!! Dios ta bon. Dios semper ta bon ! Danki pa lesa nos relato cu atencion atrobe . Te otro siman Dios mediante. Yeah, Lady Ruth is back in town and roaring !!!
Crisis di pareha despues di e prome yiu, kico pa haci?
E yegada di e prome yiu ta supone un transformacion di bida den pareha cu por resulta den un ruptura. Sinembargo, ta posibel pa enfrenta e crisis aki dor di aplica algun guia y conseho cu nos ta mustra bo aki bou.
No ta tur caso ta sosode, pero tin un porcentahe amplio di pareha cu ta experencia un crisis fuerte dor di bira mayor pa prome biaha. Tin biaha e ta biba den forma di discusion constante y den otro casonan ta resulta den un distancia emocional grandi. P’esey, si bo ta pasando den e situacion aki, nos ta conta bo mas tocante e crisis di pareha despues di e prome yiu.
Pa hopi di e pareha aki, recupera di e crisis ta complica, ta rekeri di hopi aña y ta trece hopi sufrimento. Otro simplemente no ta logra adapta na e cambio y ta caba na separa definitivamente. Sinembargo, esaki no mester ta asina. Ora bo compronde e etapa vital cu bo ta pasando aden y haci algun ahustacion, ta posibel hasta pa sali for di e tata pa fortalece como pareha.
causa di e crisis di pareha despues di e prome yiu Crisis di pareha despues di e prome yiu, kico pa haci?
Falta di soño u cambio emocional ta causa problema di pareha despues di nacemento di un yiu.
No ta un coincidencia cu asina hopi relacion ta tambaliando precisamente na e momento aki; en realidad, tin un yiu ta trece transformacionnan grandi y profundo cu no semper bo sa maneha.
For di momento di nacemento prioridadnan, orario y rutinanan ta cambia. No ta dos mas, sino tres, y e
baby ta bira e centro di bida diario. Asina mes, e tempo den pareha ta baha drasticamente; ya apenas tin momentonan so pa disfruta, gosa, comparti òf simplemente combersa di algo cu no ta e mucha homber of e mucha muhe. Intimidad tanto emocional como sexual ta baha y e pareha por disgusta.
Na otro banda, ambos ta experencia emocionnan intensivo na nivel individual cu si no ta comparti por resulta den mal comprondemento, conflicto y rencor.
E mama por sinti su mes so y agobia den su rol door di atende cu e gran responsabilidad di cuida su chikito mientras e ta pasando den cambio emocional y corporal fuerte.
E tata, na su banda, por sinti su mes apart y for di luga, y no por haya su mes den su rol nobo. Su esposa ta enfoca su atencion riba e baby, pasando e pareha den segundo plano; pero, ademas, e por sinti cu e relacion estrecho mama yiu ta strob’e di envolve cu e mucha tanto manera e lo kier.
Tur e factornan aki ta agrega na un falta importante di soño. Durante e prome lunanan di bida di un yiu, mayornan ta experencia insuficiente soño y fragmenta, (specialmente e mama), cu por afecta profundamente su estado di animo.
E cansancio fisico y mental, e iritabilidad y e sentimento abrumador por conduci na un deterioro di e vinculo romantico.
Con pa enfrenta e crisis di pareha despues di e prome yiu?
Aki bou nos ta mustra bo algun guia cu por yuda bo soporta e momento complica aki i evitá cu e relacion ta
deteriora. Crisis di pareha despues di e prome yiu, kico pa haci?
Empatia ta fundamental pa soluciona conflicto di pareha y crea un famia feliz.
Preveni
Na medida cu ta posibel, ta importante pa evita cu e crisis ta presenta y pa esaki ta hopi positivo pa papia algun punto basico prome cu e yegada di e yiu. No scucha bo mes den "nos lo no pasa" y mas bien papia cu bo pareha tocante loke por pasa, con boso por yega na sinti boso tur dos y con boso por maneha esaki si e caso yega.
Ta fundamental pa ta prepara pa cambio emocional. Asina nan lo no sorprende boso y boso por interpreta nan bon i tuma bon decision. Si bo no warda riba nan, bo por magnifico e situacionnan i no reacciona di e miho manera.
Expresa bo mes cla y habri bo mes emocionalmente comunicacion ta bira mas necesario cu nunca. E mester ta regular, flui y honesto. No ta importa con ocupa boso ta, ta esencial cu boso ta haya un momento cada dia pa comparti cu boso pareha con boso ta sintiendo.
Si tin stress, miedo, angustia, tristesa of rencor, pone riba mesa ta e miho opcion. Tin biaha ta un berguensa pa tin e sentimentonan aki den un momento aparentemente idilico manera e inicio di paternidad, pero mester haci un ehercicio di balor y vulnerabilidad y expresa esaki.
Asina e otro persona por compronde bo reaccionnan miho, ofrece su sosten y haci cambio. En realidad,
no mester tin miedo di haci peticion; si bo kier pa bo pareha coopera mas cu e baby of ta mas cariñoso cu bo, e ta expresa e necesidad aki prome cu e falta cu bo ta sinti ta bira resentimento.
Ta empatico y tolerante Manera bo ta enfrentando retonan grandi y sufriendo transformacionnan importante, bo pareha tambe y bo no mester perde esaki di bista. E ta trata di no enfoca bo so riba bo mes y ta trata di compronde e retonan cu e otro ta enfrentando, sea tolerante cu su actonan y reaccionnan, y no tuma esaki personalmente. Scucha, afirma y sostene bo pareha.
Trabou den team
Awor boso ta mayornan, pero boso ta keda pareha i ta forma e mesun ekipo. Stress por hiba na percepcion di e otro como un enemigo pasobra e no ta cumpli cu bo expectativanan, pero bo mester corda cu boso ta aliado. E ta Evita di drenta den lucha di poder y den reproche, y ta opta pa cooperacion y negociacion.
Lanta bo pareha ora e baha y pidi sosten ora bo mester. Papia abiertamente di e organisacion di e tareanan y yega na acuerdo cla. Esaki lo evita cu un persona ta sobrecarga di responsabilidad y cu un gleuf emocional lo habri entre nan dos.
Pidi yudansa
Cria un baby ta un tarea complica y hopi cansanciom y bo no tin cu por cu esaki bo so. Ta legal pa pidi yudansa, no solamente di e pareha, pero tambe di famia of amigonan cercano. Contando cu e sosten exter-
no aki lo permiti boso haya momentonan pa relaha boso den soledad y otronan pa cuida e conexion cu ta uni boso.
Algun mayor ta sinti nan mes egoista pa delega of laga e mucha den cuido di otro hende pa algun ora; sinembargo, esaki por ta un decision excelente. Loke un yiu mas mester ta cu su mayornan ta bon na nivel individual i di pareha, pasobra solamente asina nan por ofrece e miho cuido.
E crisis di pareha despues di e prome yiu no lo dura semper
Prome cu tur cos, ta fundamental pa corda cu esaki ta solamente un etapa di transicion y cu no lo dura pa semper. Den algun luna, e habitonan di soño di e baby lo regularisa y boso por descansa miho. Bo ta adapta na e rutinanan nobo y bo ta haya un manera pa funciona como famia.
Segun cu e chikito ta crece, bo por disfruta di momentonan den pareha atrobe y e conflictonan aki cu awor ta parce imposibel, lo pasa pa pasado. Tene na mente cu afronta asina tanto cambio fisico, emocional y social abruptamente no ta facil pa niun di nan; p’esey, sea pasenshi y empatico y corda e amor cu ta uni boso.
Si e situacion ta causa hopi malesa i no ta posibel pa yega na acuerdo y solucion, ta importante pa buska yudansa profesional. Terapia di pareha por ta di gran utilidad na e momentonan aki pa siña comunica, organisa y traha hunto. P’esey, no duda pa busca sosten.
Dia 31 D i juli proximo ta e ultimo
D ia pa entrega e D eclaracion D efinitivo
D i winstbelasting 2023 y haci e pago
ORANJESTAD – Departamento di Impuesto ta recorda cu dia 31 di juli proximo ta e ultimo dia cu por entrega e declaracion definitivo di winstbelasting 2023 y haci e pago corespondiente.
Debi cu a introduci e formulario di declaracion electronico, a duna e contribuyentenan y e conseheronan fiscal un luna mas di tempo. Awor e fecha final ta yegando y ta importante pa cumpli na tempo.
Entrega e declaracion y haci pago
Si acaso no ta alcansa pa entrega e declaracion definitivo pa dia 31 di juli, lo mester entrega e declaracion
provisional (voorlopige aangifte) y haci e pago co -
corespon D iente
respondiente no mas laat cu dia 31 di juli 2024.
Inspector lo evalua e peticion y si e contribuyente cumpli cu e condicionnan pa extension, e ultimo dia pa
entrega e declaracion definitivo y haci e pago corespondiente ta bira dia 2 di december 2024. Debi cu
Inspector tin cu evalua e peticion pa extension di termino, ta recomendabel pa entrega e declaracion provisional awor caba y no warda te dia 31 di juli. Si sosode cu Inspector no bay di acuerdo cu e peticion, e ora e contribuyente tin tempo ainda pa entrega e declaracion definitivo.
Account di BOi
Manera conoci, entrante aña fiscal 2023 mester en-
trega e declaracion di winstbelasting den forma electronico via e portal “BO impuesto”. Tur contribuyente di winstbelasting mester tin un account di BOi pa por log in den e portal y yena e formulario di declaracion. Ta importante pa remarca, cu cada contribuyente ta administrador principal di su account (belastingplichtige admin). E tin su propio nomber di usuario (username) y password. Pa preveni uzo indesea di su datonan di impuesto, ta importante pa nunca duna un tercera (un persona of consehero) e datonan pa log in den e portal. Si no tin un account di BOi E contribuyentenan cu no tin un account di BOi mester haci un peticion mesora via impuesto.aw: Home > Digitale formulieren > BOi account. Si mientrastanto un compania a wordo registra como opgeheven na Camara di Comercio, mester meld esaki tambe na Departamento di Impuesto. E companianan cu no tin actividad comercial pero ta registra na Camara di Comercio, tin e obligacion di entrega e declaracion di winstbelasting. Pa cu esaki e compania mester tin su account di BOi pa e por drenta den e portal. Keda sin cumpli lo bay causa un boet locual no ta necesario. Incumplimento Contribuyentenan cu no cumpli cu entregamento di e declaracion definitivo, lo
haya un cobransa adicional esta un ‘naheffingsaanslag’ inclui boet. Mescos ta conta si acaso e cliente a paga un suma menos cu locual el a declara na winstbelasting. E boet pa incumplimento di entregamento di e declaracion ta maximo Afl. 2.500. Si e contribuyente no haci e pago di winstbelasting of no haci e pago corectamente, e boet ta
maximo Afl. 10.000. Departamento di Impuesto ta conseha tur contribuyente di winstbelasting y/of nan conseheronan fiscal pa no
warda te na ultimo pa entrega e declaracion y haci e pago di winstbelasting corespondiente pa evita un cobransa adicional (naheffingsaanslag) y e boet pa incumplimento.
FORTALEZA PA FAMIA
Scirbi
pa Pastor Marcel Balootje. ESTABLECE UN BON COMUNICACION, POSITIVO Y
PLACENTERO DEN BO FAMIA
Un famia por tin tur placa di mundo, yen di propiedad, yen di hende bunita den cas, tur clase di luho, pero si no tin comunicacion cu otro, e famia ta parce un mata cu ta seca tur dia un tiki mas, te ora e dividi completamente.
Comunicacion ta bal mucho mas cu placa, e ta representa amor, cariño y respet, e ta balora otro , demostrando cu bo no ta bo so, nos ta stima bo y nos kier bo bon, si nos tey pabo, tanto den momento bon, y den momentonan menos bon, pesey nos ta famia.
Mayor mester sa na unda su yuinan ta, y kico nan ta haciendo, ningun mucha por ta asina grandi y independiente cu e no tin mester di su mayornan, ningun mayor por ta asina avansa den edad cu e no tin mester di su yuinan.
E plan di diabel ta: Y ta
tempo pa tur hende realisa esaki, e ta dividi famia y asina e por destrui famia. Mayoria biaha bo mira hobennan den problema , ora bo check e background, bo ta bin realisa cu tin division den famia, por ehempel divorcio, abandono di hogar, crece sin tata of sin mama banda di nan. Y hopi hende no ta balora e bon comunicacion den famia.
Mescos cu nos tin mester di otro pa festeha, hopi biaha ta resulta, cu nos tin mester di un schouder pa yora riba dje, pa deshoga nos mes , un persona pa scucha nos, y ki bunita ta ora esey por sosode den famia.Cuanto biaha e yiu di mas chikito no ta resulta e gran consehero familiar?
Laga boso karakter ta liber di amor pa placa,y sea contento cu loke boso tin,pasobra E mes a bisa: Nunca lo mi bandona bo, y nunca lo Mi laga bo desam-
para, asina nos por bisa cu tur confiansa: Señor ta mi yudado, lo mi no tin miedo, kico hende por haci mi. ( Hebreonan 13:5-6).
Y no laga di haci bon y di comparti cu otro: pasobra sorto di sacrificio asina ta agrada Dios.( Hebreonan 13:16).
Hende cu ta cuida di otro personalmente y no digitalmente, tur momento tin un pas den nan curason. Pasobra nan a papia cu otro y a mira otro den cara, y nan curason a regosiha, pasobra un a sinti balor pa otro.
Kico ta bal si nos yama otro den videocall, sabiendo cu nos presencia ta wordo rekeri, ora un mama trece un yiu na mundo, e a hacie cu dolor y no cu un video call.
Wowo cu ta briya ta alegra curason, bon noticia ta haci weso salu.( Proverbionan 15:30).
Lenga di e husto ta manera plata puro, curason di e malbado ta di poco balor,( Proverbionan 10:20).
Palabranan agradabel ta manera un panal di miel,dushi pa alma y curamento di weso. ( Proverbionan 16:24).
Sinceramente , Pastor Marcel Balootje.
Esey ta nifica cu video call no ta educacion, presencia di hende den bida di otro ta surpasa tur video call.
Nos mester stima otro den e amor di Cristo Hesus; Pasobra Dios no a destina nos pa furia, ma pa obtene salbacion pa medio di nos Señor Hesus Cristo, kende a muri pa nos, pa sea nos ta lanta of drumi, nos biba huntu cun’E. Pesey encurasha otro y edifica otro, mescos cu boso ta haciendo tambe.(1 Thesalonisensenan 5:11),
No laga ningun palabra dañino sali for di boso boca,sino solamente palabra cu ta bon pa edificacion, conforme e necesidad di e momento , pa esaki por duna gracia na esnan cu ta tende.( Efesionan 4:29).
Dia di International pa Conservacion di Ecosistema di Mangrove
ORANJESTAD - Mangrovenan ta den peligro: ta calcula cu mas cu 3/4 di mangrovenan den mundo ta den peligro y conhunto cu nan, henter e organismo aquatico y terestral cu ta depende di nan. Esaki ta motibo pa UNESCO a decidi pa actua pa proteha nan, hunto cu otro ecosistemanan valioso di carbonnan blauw. E proteccion ta bin via UNESCO su Geoparks, Lugarnan di Patrimonio di Mundial (WH) y reservanan di biosfera (MAB).
Mangrovenan ta un link entre tera y lama. Raizan den awa salo y tera espuesto na marea, e matanan ta forma un universo unico y fragil; un refugio di bida cu mester ta proteha.
For di nan raiz te cu punto di nan takinan mas halto, mangrovenan ta un habitat complica caminda hopi especie ta bini pa come y reproduci, y ta un di e ecosistemanan mas prospero cu tin. E sistemanan aki ta vital tambe pa ser humano, pasobra nan ta baha e erocion di e costa y ta un fuente di cuminda pa hopi hende.
Door di cambio climatico, nos mester bay mas leu pa proteha nan, pasobra e mangrovenan tambe ta
sirbi na un manera clave cu deposito di carbon. Esaki ta e motibo pa un proyecto di UNESCO cu ta trata e restauracion di e mangrovenan den siete pais latinoamericano. E proyecto aki no solamente lo trece oportunidadnan economico pa comunidatnan local, pero tambe lo permiti cu conocemento ta comparti entre populacion local y indigena cu e comunidad cientifico.
Ademas di proteccion y restauracion, mester tambe un consenshi mundial di e importancia di mangrov-
enan. Esaki ta nifika educa y alerta e publico, no solamente den scol, pero tur caminda cu ta posibel. Door di e conscientisacion riba e misterio di mangrovenan, nos lo por preserva nan sosteniblemente. Esaki ta e obhetivo di e Dia Internacional pa Conservacion di e Ecosistema di Mangrove: pa tur hende den nos sociedad tuma consenshi di e balor, e bunitesa, y e vulnerabilidad di e ecosistema di e mangrove y proteganan.
E Conferencia General di UNESCO a adopta e Dia Internacional di Mangrove na 2015 y ta celebra esaki tur 26 di juli.
Na Aruba tin diferente proyecto y organisacion cu ta activamente involvi den proteccion y restauracion di nos mangrovenan. Di parti UNESCO Aruba nos ta activamente bezig tambe cu nos partnernan pa bin cu un reserva biosferico (Man and Biosphere label (MAB). Nos ta activamente bezig tambe pa introduci mas literatura di lama na nos scolnan via e Ocean Literacy program.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
Khloë Alexandra Heronimo
Cariñosamente yama: “Koko” *12-12-2007 - †19-07-2024
Na nomber di su:
Mama: Kimberly Maduro
Tata: Joselito Heronimo
Padrasto: Elton Maduro
Rumannan:
Kyandra Maduro, Kimy-lienne Maduro, Joseanny Heronimo
Stiefzus: Zaynah Maduro,
Wela y Welo:
Ivelisse Sanchez y Jose R. Kock
Wela stima: Mama (Fea) Dirksz
Welo: †Jossy y Lourdes
Wela di cariño Trudy Hasel
Bisawela y Bisawelo: Catharina (Jeja) Tromp-Sanchez y Carlos (Jejo) Sanchez. †Catrien Dirksz
Tanta y omonan:
Stephanie Kock y Dalbert Pujols
Rose-Ann Kock y Aigel Brete
Jiandra Kock
Reynaldo Sanchez y Eric Arends
Alexander Solarte Tovar
Sharline Buckley
Jeanine Rodriquez
Marina Heronimo
Josmar Heronimo y famia
José Heronimo y famia
Jermaine Heronimo
Jaymir Heronimo
Tanchi mama, Jaja y Dess
Tanta grandi: Pechi y Mai, Chichi y famia
Omo grandi: Ruben y Sora, Ricky y Gina Croes
Mihor amiga: Jeande, Shardy
Prima y Primo: Kayla Solarte Tovar y Shayna Pujols, Aiden Brete y Alliyen Brete, Ivan Amaya y Alexandra, Maelyh Heronimo, Marajah Heronimo, Shandrik Wanga
Famia: Kock, Heronimo, Maduro, Dirksz, Tromp, Briesen, Briezen, Ruiz, Semeler, Sanchez, Solarte Tovar, Brito, Buckly, Henriquez, Brete, Martinez, Pujols, Loopstok, Croes, Maduro, Growell, Ras, Starke, Eckmeyer, Krozendijk, Lopez, Gonzalez, Geerman, Kelly, Villanueva, Vrolijk, Solognier, Wolff
Disculpa nos si den nos tristesa nos por a lubida algun famia, amigo of conocir.
Ta invita pa e acto di entiero cu lo tuma lugar diamars 30 di juli 2024 na misa Inmaculada Concepcion di 2:00 pa 4:00 pm, despues nos lo hiba “Koko” pa Santana de Vries na Sta Cruz.
Ta pidi pa bin bisti na colornan alegre y depues di entiero no ta ricibi Bishita na cas.