Cu 12 Parlamentario na fabor y 9 contra
2024 A WORDO APROBA
GOBIERNO LO SIGUI TRAHA NA BIENESTAR DI E
PENSIONADONAN
"Mi no por kita e daño haci na nos grandinan door di Mike Eman pero si mi lo bringa pa trece alivio pa cada un di nan"
Durante e reunion publico den Parlamento diamars ultimo, Parlamentario Raymond Kamperveen a haci un pregunta na Prome Minister Evelyn WeverCroes tocante Algemeen Pensioen Fonds Aruba (APFA), y e "gelijk bedrag" pa e pensionadonan. E mandatario a splica cu APFA ta un instituto cu a wordo separa di Gobierno pa evita influencia politico, y cu esaki Gobierno no tin nada mas di bisa den e organisacion. Esaki a wordo haci pa garantisa e continuidad y existencia di e fondo. Pa loke ta e suma di pensioen, APFA ta indexa esaki, si tin espacio financiero, a base di inflacion.
Gobierno di Mike Eman a kita "gelijk bedrag di pensionadonan
Prome Minister a indica cu desde cu el a drenta gobierno na 2017, el a papia cu hopi di e pensionadonan, y cada un di nan ta expresa e dolor cu nan tin di a perde nan "gelijk bedrag", a consecuencia di e mal decision tuma pa e gobierno di Mike Eman.
Na momento cu Gabinete Eman a tuma e decision di kita e "gelijk bedrag" di e pensionadonan, el a drenta Parlamento cu su votado y coordinadonan bisti cu un tshirt berde cu ta bisa "Danki Mike". Pues el a kita un entrada grandi
di e pensionadonan, y manipula nan pa bis'e danki.
Prome Minister a expresa cu loke ta mas sorprendente di e caso aki ta cu na momento cu esaki a pasa, ni e organisacion cu ta representa e pensionadonan, ni e pensionadonan mes, y tampoco Parlamentario
Marisol Lopez-Tromp y Parlamentario Mervin
Wyatt-Ras a protesta. Nan tur a sostene e decision aki, sin ningun remordimento di e dolor cu nan tabata causando esnan afecta.
Prioridad di Gabinete
Wever-Croes ta pa trece alivio pa e pensionadonan
Na momento cu Gabinete
Wever-Croes a drenta gobernacion, un di e prioridadnan tabata pa yuda e pensionadonan. Esaki a cambia na momento cu e pandemia a bin, na unda e prioridad a bira pa salba bida di hende y percura pa Aruba keda cabes riba awa, mirando cu e frontera a wordo cera.
Unabes cu e frontera a habri, Gobierno mester a enfoca riba iniciativanan pa pone Aruba bek riba pia, casuando asina cu e pensionadonan a wordo un biaha mas poni un banda. Debi na e situacion aki, e pensionadonan a tuma e decision di bay corte pa bringa pa nan derecho, pero mirando e situacion financiero devastador cu pais Aruba tabata aden, hues a dicta na fabor di Gobierno.
Iniciativanan di Gabinete
Wever-Croes pa yuda e pensionadonan
Prome Minister a expresa cu tanten cu e ta den Gobierno, y tin espacio financiero, e lo yuda e pensionadonan. Minister Dangui Oduber ya a hisa
pension di biehes 4 biaha caba, y a baha varios biaha e tarifa di AZV pa e pensionadonan, Minister Ursell Arends ta trahando duro riba ciudo di nos grandinan, alocando 2.4 miyon pa SABA, y 2.5 miyon pa ‘Inloophuis’ Pasadia Pa Nos Grandinan. Minister Xiomara Maduro ta haci su maximo esfuerso pa cumpli cu e pensionadonan, bahando e peso di impuesto. Pa loke ta e peticion di Minister Glenbert Croes, pa yuda e pensionadonan cu kier sigui traha pero e peso di impuesto ta hunga un rol, tambe Gobierno ta buscando un solucion, y Gobierno tambe ta trahando riba un otro reforma pa pensionadonan cu lo wordo anuncia prome cu fin di aña 2024. "Mi lo sigui traha na bienestar di tur e pensionadonan na Aruba. Mi no por kita e daño haci na nan door di Mike Eman, y tur esnan cu a sostene e decision di kita e "gelijk bedrag", pero si mi lo bringa pa trece alivio pa cada un di nan", Prome Minister a expresa
Prome Minister Evelyn Wever-Croes:
Cu 12 Parlamentario na fabor y 9 contra PRESUPUESTO SUPLETORIO 2024 A WORDO APROBA
“Gobierno di Aruba tin e mandato pa haci e pagonan pa loke ta indexering, aumento di pension, aumento di onderstand entre otro”
Diahuebs 27 di juni a continua e reunion publico pa trata
Presupuesto Supletorio 2024. Un presupuesto cu ta refleha un maneho financiero responsabel y transparencia maximo. Gabinite Wever-Croes ta poniendo finansas publico riba e caminda duradero y responsabel. Gobierno a ricibi hopi pregunta for di Parlamento y a tuma tempo pa contesta cada pregunta.
Parlamento diahuebs atardi a aproba
Presupuesto Supletorio 2024 cu 12 Parlamentario na fabor y 9 contra y cu esaki tambe Gobierno di Aruba tin e mandato pa haci e pagonan pa loke ta indexering, aumento di pension, aumento di onderstand entre otro.
Presupuesto Supletorio ta un ley cu ta wordo trata den Parlamento na unda cu Gobierno ta splica Parlamento motibo pa cua mester di e presupuesto aki, aunke cu ya nan a aproba e presupuesto pa e aña aki prome cu aña cuminsa, pero tin cosnan cu ta cambiando den e prome lunanan di aña pa cua motibo mester haya aprobacion di Parlamento pa un Presupuesto Supletorio.
Prome Minister Evelyn Wever-Croes a indica
cu anteriormente, den e gobernacion prome cu
Gabinete Wever-Croes, e gobierno di Mike Eman tawata trata presupuesto supletorio te cu fin di aña solamente pa informa
Parlamento kico tur tawata a cambionan cu ya nan a haci den nan maneho durante aña.
Gabinete Wever-Croes ya desde principio di su gobernacion a cambia esaki y den un maneho prudente y transparente ta bin Parlamento cu e cambionan aki mita di aña y no warda te fin di aña, esaki pa di dos biaha den historia di pais Aruba.
Ta di comprende, Prome Minister a expresa, cu ainda no ta tur hende ta
costumbra cu esaki, sigur oposicion no ta comprende esaki ni con pa deal cu ne, mirando cu esaki ta wordo haci asina pa transparencia y pa duna Parlamento e posibilidad pa haci pregunta y aproba e direccion cu Gobierno ta bayendo den e maneho financiero di nos pais.
Prome Minister a duna di conoce cu e cambionan aki ta bin debi cu economia a crece mas, mas entreda den caha di Gobierno y Gobierno a dicidi pa uza e placa aki pa mehora e forsa di compra di hopi sector den nos comunidad.
“Mi ta gradici Parlamento pa aproba Presupuesto Supletorio 2024. A conta
cu aprobacion door di coalicion MEP/RAIZ y door di Parlamentario Independiento Ryçond do Nacimento.
Danki pa sostene esaki y para na banda di empleado y pensionadonan cu
berdad a bay atras den nan forsa di compra. Awe nos ta bisa nan danki pa tur locual nan a haci pa Aruba.
Y awo Aruba ta cuminsa duna bek”, Prome Minister a expresa.
Noticia di Corte
Fiscal ta haya ex Parlamentaria di aVP
culPabel Pa Posecion di mas cu 500
gram di marihuana- 1
Hues a mustra cu N.H. tabata sera y despues a sali. Na Augustus 2023, el a bay biba cu L.W. L.W. a splica cu N.H. tabata yuda cu e compania di L.W. Tin ora e ta bay cu L.W. gym. El a splica cu e cas parti abao ta bou renovacion y no ta us’e. El a bisa cu e tabata sa cu su yiu D.K. y N.H. tabata usa marihuana pero no sa nada di cocaina.
FISCAL TA HAYA PAREHA CULPABEL DROGA
Fiscal a bisa cu 20 December 2023, Polis a haya 504,6 gram di marihuana y 84.2 gram di cocaina na cas di L.W. N.H. a bisa cu e droganan ta di dje. L.W. ta desmenti di sa di droga. Fiscal ta señala cu 20 December 2023, L.W. a declara na Polis cu e sa cu tin marihuana den frishidaire y cu e y su yiu ta usa marihuana. Fiscal ta haya
L.W. culpable di posecion di marihuana. El a bisa Hues cu e no ta kere e storia cu e no sa usa e frishidaire. El a mustra cu L.W. mes a bisa Polis cu e ta usa marihuana. E cocaina, N.H. mes a bisa cu e cocaina ta di dje. Fiscal a pidi Hues pa declara L.W. liber di posecion di cocaina.
BENDE DROGA
Pa loke ta bendemento di droga, Fiscal a mustra cu tin diferente tap di cellular cu ta papia di cumpramento di droga. Tin diferente persona a declara cu ta cumpra droga for di un pareha. Tin cu a reconoce L.W. y N.H. riba potret. Fiscal a lesa declaracion di diferente testigo cu a cumpra droga for di e pareha. Fiscal ta kere cu N.H. tabata bende pa mas o menos 3 luna cocaina. Fiscal ta haya cu L.W. tabata den auto cu N.H. ora di entrega e droga.
Minister
Ursell
Arends:
El a mustra cu L.W. ta desmenti. Fiscal a bisa cu e no ta kere L.W. Ta imposibel cu e ta biba cu N.H. y na momento di entrega di droga, e no sa. Sinembargo Fiscal ta haya cu legalmente, no tin prueba suficiente pa bisa cu L.W. tabata bende. El a pidi Hues pa declara L.W. liber di bendemento di droga.
CASTIGO
Fiscal a exigi pa L.W. 180 dia di prison, di cual 104 dia ta condicional, kitando e 76 dianan cu el a sinta caba y 2 anja di prueba. Esey ta nifica cu L.W. lo no mester bay sera atrobe. Den e caso di N.H., Fiscal a exigi 42 luna di prison di cual 6 luna ta condicional y 3 aña di prueba. Hues, despues di a scucha defensa di abogadonan a sera tratamento di e caso y a bisa cu dia 19 Juli 2024 tin sentencia.
gobierno ta aloca 2.4 miyon Florin adicional
Pa adulto mayor den e PresuPuesto suPletorio
Minister Ursell Arends ta orguyoso pa informa comunidad cu un suma di 4,9 miyon florin adicional a ser aloca pa asuntonan di Adulto Mayor. Na 2021 (prome cu COVID-19), e suma total di subsidio pa Adulto Mayor a wordo fiha na 23.2 miyon florin. Durante e periodo di COVID-19 a haci un recorte di di 12,6% den e subsidio pa Adulto Mayor. Cu e presupuesto supletorio a coregi esaki cu un suma di 2.5 miyon florin. Gobierno a aloca 2.4 miyon extra pa dagverblijf y inloophuizen pa Adulto Mayor. Pues pronto e proyecto di PASADIA lo inicia primitiendo di trece cambionan grandi den e bienestar di nos Adulto
Mayor.
E vision di Minsiter Arends ta pa e Adulto Mayor keda biba mas largo posibel na cas. E proyecto di PASADIA ta dirigi specificamente ariba e grupo di Adulto Mayor vulnerabel cu ta biba na cas ainda. E meta di e projecto ta pa envolvi diferente profesional cu ta traha den e sector di cuido pa nos Adultonan Mayor. Ta importante pa reforsa e cuido na cas pa finalmete trece un alivo den e problema di scarcedad di cama den casnan di cuido. E ta di suma importancia pa establece suficiente PASADIA den tur districto na Aruba. Den luna di juli e prome 2 PASADIA ta habri pa asina trece un alivio pa e situacion
di cuido pa e Adultonan Mayor cu ta bibando na cas. PASADIA no ta solamente dirigi ariba e Adulto Mayor pero tambe ta un ayudo pa e cuido informal (mantelzorg). E mantelzorger tin un rol importante pa e Adulto Mayor vulnerabel cu ta biba na cas. Pa es motibo Minister Arends pone atencion ariba e alivio di cuido na cas .
Un otro topico importante cu a ser adresa durante e tratamento di presupuesto ta e tema di abuso di nos Adultonan Mayor. Minister Arends a splica cu lo tuma e prome pasonan pa inicia un Meldpunt contra abuso di Adulto mayor. Esaki lo wordo
maneha pa Departamento pa Asuntonan pa Adulto Mayor (Directie Ouderenzaken). Alavez lo cuminsa cu e preparacion di e legislacion pa un Meldput pa Adulto Mayor. Pa esaki lo uza e modelo di meldpunt pa mucha. Pa inicia e proceso aki Minister Arends ta bay institui un Grupo di trabou cu ta consiti di profesional for di e sector
di cuido pa Adulto Mayor y husticia cu tin como tarea pa guia henter e trayecto aki. Na Departamento pa Asuntonan pa Adulto Mayor tin un Helpdesk pa duna guia na e Adulto Mayor. Ministerio di Asuntonan di Adulto Mayor ta satisfecho cu e pasonan cu ta wordo concretisa pa asina mehora e cuido y bienestar di nos grandinan.
Fiscal ta haya ex Parlamentaria di aVP culPabel Pa
Posecion di mas cu 500 gram di marihuana- 2
Awe mainta Corte di Husticia a trata e caso penal cu Ministerio Publico a cuminsa contra ex Parlamentaria di AVP, Lainda Westerhof (L.W.) y su ex pareha Niurick Hereira (N.H.). Tambe tin caso contra e yiu homber di Lainda, D.K. E yiu homber D.K.(17) hunto cu N.H. lo a maltrata severo un homber burachi den un auto. Den e articulo aki, lo concentra riba e caso di droga contra L.W. y N.H. Lo publica un otro articulo riba e caso di maltrato severo.
SOLO DI PUEBLO por a compronde cu aunke cu L.W. ta para riba cu e no tin nada di haci cu droga y cu su ex pareha N.H. ta bisa cu L.W. no sa di nada, Fiscal no ta kere e storia ey. Fiscal ta haya ambos culpabel.
DROGA HAYA DEN CAS
E acusacionnan cu Fiscal a presenta contra L.W. y N.H. ta cu hunto cu otro tabata den posecion di cocaina y marihuana riba 20 December 2023. Tambe cu L.W. y N.H. entre 1 Augustus 2023 y 20 December 2023 a bende cocaina y tabata den posecion cocaina.
Ta asina cu relaciona cu un caso di maltrato severo di un homber, den cual N.H. y e mucha D.K. ta envolvi, Polis a bay haci un investigacion na e cas di dos piso di L.W., caminda N.H. tambe ta biba. A haya 504,6 gram di marihuana den
un frishidaire den e promer piso y den un lachi di oficina a haya 82.4 gram di cocaina. Tambe a haya un pochi cu mas cu 1000 florin. A detene N.H. y despues a detene L.W. E auto KIA di L.W. y su cellular a wordo confisca pa investigacion. L.W. a bisa cu cu el a haya su cellular y auto bek. NENGA DI TABATA BENDE DROGA
Hues a haci preguntanan y N.H. a bisa Hues cu e droganan ta di dje. El a bisa cu e ta usa droga. Segun N.H. e ta usa cocaina, marihuana y piedra. E tabatin marihuana den frishidaire. El a bisa cu nan ta usa e frishidaire solamente pa bebe awa y ijs. Den e frishidaire no tin nada pasobra nan ta come tur dia for di cas. Ariba pregunta di Hues tocante bendemento di droga, N.H. a desmenti di ta bende droga. El a bisa cu e sa haci favor pa hende di bay busca droga. El a splica Hues cu e hende no por core auto pa bay banco lanta placa, e hende tabata transferi placa pa cuenta di N.H. y asina e ta bay busca droga. Segun N.H., su pareha L.W. no tabata sa cu e tabatin droga warda abao den un lessenaar. Tampoco cu L.W. tabata sa di e marihuana den frishidaire.
Hues a mustra cu Polis a bay scucha combersacionnan riba cellular caminda ta mustra cu N.H. tabata bende. Tambe tin
combersacion cu e dama L.W. caminda e homber T. a reclama cu el a cumpra 5 gram pero N.H. no a duna e cantidad cu a palabra. E ora ey N.H. a tuma e cellular y a bisa e homber T. cu e tin e resto p’e. Tin otro combersacion caminda e homber O. ta papia cu L.W. y L.W. ta bisa pa pasa pa e cos. Hues a mustra cu tin declaracion di testigonan kendenan ta bisa cu semper e pareha L.W. y N.H. ta hiba droga pa nan. Nan ta cumpra for di N.H. Hues a bisa cu tin testigo a declara cu a cumpra for di L.W. tambe. Segun L.W. e sa bay cu N.H. den su auto pero e ta keda den auto y N.H. ta baha pero e no sa cu ta droga N.H. ta bende.
Hues a puntra L.W. si e no tabata sa cu N.H. ta bende cocaina. L.W. a bisa cu e no sa nada di cocaina. El a splica Hues cu e frishidaire ta di dos porta y tabata usa awa y ijs cu ta saca for di e porta, sin cu tin cu habri e frishidaire. El a splica cu e ta docente na un school na San Nicolas y despues di merdia ora e caba na school, e ta bay cumpra caminda pa e come y sigui pa di dos trabao di construccion cu e ta supervisa. E tin un compania di construccion. L.W. a sigui bisa cu anochi, e ta bay gym y despues e ta bay cas drumi.
Prome Minister Evelyn Wever-Croes:
Como presidente di OCTA
di un manera Virtual, Prome minister a Presidi e reunion ministerial di octa
"Un biaha mas, Aruba su nomber ta wordo halsa riba nivel internacional"
- Diahuebs ultimo a tuma luga un reunion ministerial di OCTA, cu ta e Associacion di Paisnan Ultramar cu tin un laso cu Europa, pero cu no ta keda den Europa. Como Presidente di e asociacion, Prome Minister Evelyn Wever-Croes a presidi e reunion, di un manera virtual, cu e 13 paisnan cu ta miembro di OCTA, cu ta Aruba, Boneiro, Corsou, French Polynesia, French Southern and Antarctic Lands (TAAF), Greenland, New Caledonia, Saba, St Barths, Sint Maarten, Sint Eustatius, y Saint Pierre and Miquelon, y Wallis and
Futuna.
Durante e reunion a trata e aspectonan financiero, debi cu tur aña mester aproba e cuentanan di e aña anterior, y mester adapta e presupuesto cu a wordo aproba comienso di aña, y a papia riba e diferente retonan cu cada pais, como isla chikito ta enfrenta.
Prome Minister a expresa cu e reunion a bay den bon ambiente, na unda por a nota cu e islanan como miembro di OCTA, tin hopi confiansa den
Aruba. Esaki sigur ta di gran importancia, mirando cu e aña aki, Aruba ta hunga un rol hopi importante, como e isla encarga di e presidencia di e asociacion.
Otro aspecto importante ta e sosten cu Aruba ta hayando di e
islanan ruman, Corsou, Boneiro, Sint Maarten, Sint Eustatius y Saba, pasobra como 6 pais uni bo ta logra hopi mas. Un biaha mas, Aruba su nomber ta wordo halsa, riba nivel internacional.
Durante debate publico riba Presupuesto Supletorio 2024:
MARISOL KIER TROCE PALABRANAN DI VAN HUFFELEN PA
PURBA DESPRESTIGIA MINISTER DI FINANSA DI ARUBA
Minister Maduro a bolbe benta e mascarada di Marisol abou
Durante tratamento di Presupuesto Supletorio 2024, Parlamentario Marisol a busca tur manera pa por purba desprestigia Minister Maduro di Finansa. Den su afan Marisol a hinca hasta Secretario di Estado Hulandes Van Huffelen den wega. Marisol a recuri na troce e palabranan cu Van Huffelen a expresa den Tweede Kamer riba e raport 'Beleidsevaluatie Protocollen ArubaNederland,' bisando cu e maneho financiero di Minister Maduro ta deficiente.
Cu e mesun raport di
politica ta bolbe recuri na e politica di dinosaurio di manipula, gaña, mal informa y critica sin ningun contenido educativo of informativo pa Pueblo di Aruba. Esaki ta simplemente otro
experto aki den man, Minister Maduro un biaha mas a benta e mascarada di Marisol e Lider di MAS abou. Ningun caminda den e raport ta wordo bisa cu Minister Maduro di Finansa su maneho financiero ta deficiente. Secretario di Estado Van Huffelen tampoco a expresa esaki den su carta of splicacion di e raport na Tweede Kamer. Tur a documentonan aki ta publico y tur hende y mira pa nan mes con Marisol ta gaña.
Minister Maduro ta lamenta cu Marisol kende tin mas di 30 aña den
muestra di e politica di 'nul komma nul' di contenido di Marisol Tromp.
MINISTER ENDY CROES TA DESEA E CABAYISTANAN
CU LO REPRESENTA ARUBA NA XIV MUNDIAL DI
EQUITACION NA PUERTO RICO HOPI EXITO
E “fundraising event” a tuma luga na Centro di Bario Dakota.
Diasabra ultimo, Minister Endy Croes acompaña pa su kerida esposa Dilailah Croes – Odor y nieto Kay a bishita Centro di Bario Dakota pa desea e 6 atletanan cu ta saliendo pa Puerto Rico pa competi den XIV Mundial di Equitacion hopi exito. Tambe e mandatario di Deporte a presencia e bunita show di e cabayistanan Mia Rose Tromp y Zaria de Groot cu a duna un excelente presentacion demostrando
nan talento den cuadro di nan preparacion pa e mudial cu ta tuma luga di 18 pa 21 di juli proximo. E tabata un evento pa recauda fondo pa e cabayistanan cu lo representa Aruba na Puerto Rico. Esnan presente por a gosa di un atardi ameno. Pa conclui, Minister Endy Croes
ta gradici Oganisacion Caballista Arubano (OCA), mayor y tur cu ta sostene e hobennan den nan disciplina faborito. Alabes, e mandatario di Deporte ta desea e atletanan hopi exito na Humacao, Puerto Rico. Cu deseo, dedicacion, determinacion y disciplina ta logra!
Studiantenan di OGM di biShita cerca MiniSter PleniPOtenciariO na WaShinGtOn dc
Oranjestad -
Recientemente Minister Plenipotenciario na Merca, sra. Zulema Dabian-Erasmus, a ricibi bishita di un grupo di 17 studiante di Universidad di Aruba. Cuater docente di Universidad di Aruba a acompaña e studiantenan cu a pasa ful un atardi na Embahada di Reino na Washington DC y a haya un bon bista di e trabou di e representante di Aruba na Merca. Ademas di esaki, Minister Plenipotenciario a invita algun coleganan di embahada pa elabora riba otro topico relevante pa e studiantenan di Organization, Governance and Management. Asina un otro colega na Embahada procedente di Corsou, Sra. Julieta Reyes, a elabora con e ta dirigi un comision pa sigura cu diversidad y inclusion ta wordo considera dor di cada empleado na Embahada. Banda di esaki otro coleganan a elabora riba e temanan politico cu ta domina e trabounan n’e embahada y tambe riba diplomacia cultural, cu ta un manera cu un pais ta uza pa influencia e opinion publico mundial pa cu su pais.
Hunto cu sra. Maureen
Bunyan, un reportero conoci na Washington DC di descendencia
Arubiano, Minister Plenipotenciario tambe a organiza un sesion di the Netherlands-American Foundation pa brinda informacion riba diferente beca pa studiantenan di nacionalidad Hulandes pa studia y stage na Merca. Tiffanie Oduber, un profesional Arubiano na Washington DC, ta un recipiente di un di e becanan aki y a elabora e atardi aki riba su bida profesional na Washington DC.
E bishita di e studiantenan di Universidad di Aruba na Embahada di Reino ta forma parti di un programa mas extenso na Washington DC. E studiantenan cu ta den nan di dos y di tres aña na Organization, Governance and Management na Universidad di Aruba tabata tin un programa hopi pisa na Washington DC.
Den un calor intenso, e studiantenan a move den cada skina di Washington DC pa bishita institucionnan manera Worldbank, Organization of American States (na unda tin tambe un profesional Arubiano trahando), Inter-American Development Bank, American Enterprise Institute, Center for American Progress, Capitol Hill, US Supreme Court y Center for Strategic and International Studies pa asina compronde e institucionnan
democratico, e mundo diplomatico y organizacionnan internacional. Door di diferente bishita y presentacionnan e studiantenan a conoce den practica kico ta gobernansa y con e ta afecta e studiante hasta te na Aruba. Ademas cada presentacion a pone atencion riba oportunidadnan di stage
y trabou na Washington DC. Banda di e bishitanan na diferente institucion, tambe a inclui e componente di educacion y cultura pa asina haya un bista completo di e bunita ciudad di Washington DC. A realisa e bishita di e studiante di OGM door di un preparacion extenso di parti di Nurianne AriasHelder y Thais Franken
di Universidad di Aruba. Desde februari 2024 a reuni semanalmente cu Minister Plenipotenciario y Maureen Bunyan pa asina brinda e studiantenan un bishita exitoso. Sra. Zulema Dabian-Erasmus ta desea e studiantenan hopi exito cu nan estudio y ta look forward pa e siguiente bishita.
CRITICA MESTER EDUCA Y NO MALINFORMA PUEBLO
Parlamento di Aruba a trata e prome Presupuesto Supletorio pa aña 2024 y Minister Maduro di Finansa tabata presente pa asina por a contesta pregunta y duna splicacion amplio riba e Presupuesto di Pais
Aruba cu ta e ley mas importante cu ta wordo trata den un aña presupuestario. Manera por spera di Parlamentarionan di oposicion, nan a haci hopi pregunta y remarke. Sinembargo locual a resalta durante e debate publico ta e falta di conocemento di finansa publico cerca Parlamentarionan di oposicion, algo cu sigur ta hopi preocupante, ya cu hasta den nan critica, nan tin e deber di por educa y no mal informa Pueblo.
Dos mal ehempel
Minister Maduro den su disertacion durante e debate publico a amplia riba e preocupacion aki, dunando dos ehempel di critica cu a
wordo lansa pa Parlamentarionan Miguel Mansur y Gerlien Croes. Tur dos Parlamentario ta gusta lansa critica riba e maneho financiero di Minister di Finansa, pero tur dos a mustra un falta di conocemento grandi pa locual ta finansa publico cu ta e base necesario pa por compronde kico e ley di mas importante den un aña presupuestario ta trata cune.
Cuenta Anual no ta Cuenta Nacional
Parlamentario Miguel ta critica cu tin retraso den compila Cuenta Anual di Pais Aruba y ta recuri den su critica na un observacion haci pa IMF riba Cuentanan Nacional di Aruba di aña 2018. Den su critica e Parlamentario ta compara appel cu peer, ya cu un Cuenta
Anual no ta mescos cu un Cuenta Nacional. Ademas e fayo cu IMF a señala riba cifranan di Cuenta Nacio-
nal, a wordo soluciona caba cu yudansa tecnico di IMF via CARTAC na aña 2020 y 2021. Ta informacion cu ta conoci y cu Departamento Economico den nan ultimo raport di pronostico economico, ta splica riba dje. Pues ta lamentabel cu Miguel no sa cu tin un diferencia entre Cuenta Anual y Cuenta Nacional y cu e no ta haci esfuerso pa lesa raportnan pa por informa su mes bon prome cu lansa critica riba Minister Maduro den bashi y de paso malinforma Pueblo.
CAFT, IMF y compania di rating no ta haci mesun trabou
Parlamentario Gerlien Croes ta otro mas cu ta critica Minister Maduro den bashi. Segun Gerlien, Minister Maduro ta gasta placa di Pueblo buscando yen instancia pa mustra cu su trabou ta bon, siendo cu tin CAFT caba y esey ta haci mesun trabou cu IMF y compania di rating. Ta bisto cu Gerlien no sa cu CAFT, IMF y compania di rating no ta haci mesun trabou. CAFT ta haci supervision financiero basa riba Ley di LAFT, na unda ta controla si e Presupuesto di Aruba ta cumpli cu e normanan ancra den dicho ley. IMF ta haci evaluacion financiero y economico di Pais Aruba y ta mira hopi mas informacion cu solamente un presupuesto. Compania di rating ta evalua si Aruba lo por paga bek e fondonan cu in-
versionistanan ta inverti na nos Pais, nan ta midi Aruba su credibilidad financiero.
Pues cada instancia ta haci un trabou diferente cu ta necesario pa por haya un bon bista di e situacion financiero, economico y credibildad financiero di Aruba. Como parlamentario esaki ta informacion basico cu bo mester sa di finansa publico. Sigur si bo kier ta manera Gerlien cu ta gusta critica, haci chercha y lansa pregunta den tono grosero pa cuestiona e trabou di Minister Maduro di Finansa, bo mester percura pa ta bon informa y cu bo critica educa y no malinforma.
Critica mester educa y no malinforma E ta hopi importante pa nos Parlamentarionan cu kier critica e maneho financiero di Aruba, educa nan mes riba e materia di finansa publico. Sigur Parlamentarionan di oposicion cu ta haci nan trabou di cuestiona, mester percura pa nan critica yuda educa y no malinforma Pueblo riba e materia complica di finansa publico, cu ta e base pa compronde e contenido y e importancia di, entre otro, un Presupuesto di Pais Aruba.
Prome Minister Evelyn Wever-Croes:
Bou invitacion di Minister di Naturalesa Ursell Arends, MINISTERNAN
A ATENDE UN REUNION RIBA CAMBIO CLIMATICO
Aruba ya ta sintiendo efecto di e Cambio Climatico y mester ta prepara p’e
ORANJESTAD – Diabierna mainta 28 di juni, Prome Minister Evelyn WeverCroes hunto cu Conseho di Minister a bin hunto na La Cabana Beach Resort bou di invitacion di Minister di Naturalesa, Ursell Arends pa dialoga riba e Cambio Climatico y su efectonan pa Aruba. Presente tambe tawata algun director di Departamentonan di Gobierno.
Durante e reunion aki, Prome Minister a duna di conoce cu e Cambio Climatico ta algo cu ta afecta Aruba pa basta tempo caba. Mundo henter ta papia di e efectonan di Cambio Climatico pero na Aruba no ta solamente papia di dj’e pero ya ta mira y sinti e efectonan. Pa e motibo aki e ministernan a reuni bou invitacion di Minister di Naturalesa, Ursell Arends pa papia cu e comision nacional (NCRC) cu ta atende cu esaki pa Aruba.
E mainta aki Conseho Nacional di Resilencia Climatico of National Climate Resilience Council (NCRC), y e expertonan di exterior a debati riba cada punto di importancia di e Cambio Climatico pa Aruba. Ta un echo cu Aruba su clima ta cambiando. Por sinti cu
ta mas calor, ta keda largo sin yobe y ora awa yobe e ta yobe duro ocasionando dañonan na nos infrastructura y na propiedad di nos ciudadanonan.
Un echo pa pone bon atencion na dj’e tambe ta cu e nivel di lama ta subiendo. Tin algun staca den lama cerca di e beachnan cu ya ta hopi leu di e beach caba indicando e incremento den e nivel di lama. Asina tin diferente señal cu Aruba ta sintiendo e efecto di e Cambio Climatico.
Prome Minister ta indica cu e echo principal ta e manera pa atende cu e fenomeno aki. Mundialmente a dicidi cu mester adapta plannan di energia, transiciona na energia limpi, pa evita cu e impacto di e Cambio Climatico ta bira aun mas fuerte. Aruba ya ta trahando y lo cumpli cu esaki, pero ta depende tambe di paisnan grandi cu hustamente ta esunnan cu mas efecto tin riba e planeta. Como sea, Aruba mester ta prepara pa e impacto y esey ta cu e plannan di adaptacion di clima, (climate adaptation) y e mitigacion (climate mitigation).
“Mi ta gradici Minister Ursell Arends cu a tuma e ini-
ciativa aki. A lanta e comision aki den Conseho di Minister y tin dos aña trahando riba dj’e. Mi ta gradici tambe esnan di Simpson Institute cu ta trahando
riba un risk assessment cu yama CORVI (Climate and Ocean Risk Vulnerability Index) y asina yuda nos trece na lus di dia e riesgonan pa Aruba. E Cambio Climatico ta algo cu nos tur mester ta prepara p’e y tambe mester traha riba conscientisacion pa cada
ciudadano di nos pais compronde kico esaki ta, kico lo bira e efectonan di esaki na Aruba y rond mundo.
E importante ta pa Aruba ta bon prepara pa esaki y esey Gobierno ta trahando duro riba dj’e”, Prome Minister a remarca.
Leonardo Figaroa:
Presupuesto supletorio ta haya dikke onvoldoende y minister di finanza nul kom nul na solucion
E ta tristo pa wak un minister resulta na atakenan personal ora e no por defende su maneho.
Yamando otro Parlamentarionan pa halado di coca of cualkier otro insulto ta demonstra su arogancia y falta di competencia pa e function. Den mi opinion e minister di finansas di mas malo cu pais Aruba a yega di haya. No solamente ainda nos debe nacional ta riba 5 biyon florin, pero tampoco a demonstra madures politico pa implementa tur locual e la yena su boca cunele durante e contienda electoral di 2017, Mega debe toch? Wel awe no tin un GIGA-debe y ainda e ta demonstrando ningun solucion pa remedia e situacion. Su vision ta manera e mes a bisa, NUL komma NUL.
Mientras cu minister-presi-
dent a core firma un acuerdo pa introduci e Rijkswet Aruba financieel toezicht (Raft) ta mustra cu esaki lo no sucede mas den e kabinete aki, pero lo bira e dolor di cabes pa e siguiente gobierno bay deal cunele. Awe riba mesa tin algun proposicion pa cambia e presupuesto pero manera Raad van Advies a hinca den nan conseho di 25 april 2024, gobierno no por splica bon dicon nan ta tuma cierto decision, y den e nota cu nan ta presenta ta ‘schiet te kort’ na por brinda un splicacion cu ta bon sosteni door di argumento y hechosnan valido.
Mi a expresa mi posicion na varios ocasion riba e tema di indexering, mi no lo ta e politico mas popular, pero mi ta kere cu indexering aworakinan no tabata e momento. Gobierno y Partido MEP prome cu contienda electoral kier purba tira santo den wowo di e empleadonan publico pa asina nan lubida cu 12,6% a wordo reteni di nan durante pandemia y nunca mas lo nan mira e placa aki bin bek. Raad ta remarca lo siguiente Den e aspecto di gastonan
e prome aspecto critico ta e hecho cu gobierno no ta splica exactamente e reparatietoeslag riba ki periodo exactamente e ta relaciona y con a yega na e sumanan aki pa compensacion di e poder di compa. Tampoco no ta splica si pa e organonan mas halto di estado y DOW e calculacionan ta mesun cos. Pesey ta wordo conseha pa brinda un splicacion amplio riba e calculacionan aki. Minister di finanzas ta opta pa bay paga un di tres compania 850 000 afls pa evalua e maneho di credito, dicon un compania mas kico ta e motibo cu mester un compania adicional si ya tin 2 compania cu ta evalua esaki caba. Cas di cultura lo recibi 4 miyon florin adicional sin cu esaki a wordo hinca den e presupuesto di 2024, den e caso aki mi ta sostene e ponencia di Raad con gobierno ta prioritisa projectonan pa renovacion, mientras cu e plana di RWZI a wordo neglisha completamente pa awo pasa pa un compania independiente cu ainda no lo cuminsa recibi fondo, pues gobierno tampoco a opta pa presupuesta fondo pa DOW sigui cu mantencion te ora e compania cuminsa recibi placa pa por continua e maneho. No tin splicacion ademas riba e necesidad aworakinan pa renoba cas di cultura. Minister ursel arends a crea un directie nobo di maneho di adultonan mayor cu lo recibi 4,9 miyon florin segun e Deltaplan Ouderen Aruba (2023-2030) e plan aki ta describi algun meta pero no ta splica con lo haci uso di e fondo pa
realisa e vision aki. No ta clarifica cuanto gasto e roadmap aki lo costa total y con e 4,9 miyon lo contribui pa realisa tur e metanan aki. Ademas splicando cuanto gasto adicional lo mester haci pa asina pa realisa tur e metanan aki, sea structural of incidental. Lo bay huur hydrantenan di WEB pa departamento di brandweer cu lo conduci na un adicional 1,1 miyon florin, casi 40% adicional y durante 2023 gobierno a presupuesta no mas cu 1,9 miyon pa es motibo Raad ta puntra dicon un subida drastico den e fondo presupuesta pa huur di e hydrantenan, kico ta ocasiona e subida drastico aki? E subida aki ta incidental of structural? Y ki otro elemento ta hunga un rol den e redoblacion di e gastonan di brandweer compara cu 2023. Mi lo por sigui bay pero papel lo no yegami y ainda mi no ta den Parlamento, pero pronto cu bo voto mi lo por haci tur e
preguntanan aki y mas. Sperando tambe pa por contribui na un cambio berdadero di e rumbo di pais aki. Finalmente, mi por conclui cu e promesa grandi di bon gobernacion y transparencia cu sra evelyn wever croes a priminti cada momento den cada conseho ta wordo bari for di mesa, incimplimento, incluyendo e normanan nobo di e ordenansa nacional di control financiero (laft) y aplicacion di terminonan manera meevallers y schuldreductie a la intrepretacion di mep pero no ley. Sin lubida cu e pronosticonan di departamento di Economia tampoco no ta esunan mas recien usa. Manera semper gobierno nunca por brinda un aplicacion cla y bon sosteni cu cifra y otro hechosnan controlabel pa fungi como sosten pa nan maneho.
Aruba mester un otro direccion, mi ta spera e direccion correcto cu PDP den e siguiente kabinete
Nuebe frase di manipulacion mas uza den pareha
Control, subestimacion, devaluacion, culpabilidad. Esaki ta pa provoca e frase cu e pareha manipulado ta uza. Aki nos ta reuni esunnan mas frecuente.
E nuebe frasenan di manipulacion cu pareha ta uza mas
Relacionnan por ta complica y tin biaha manipula. Un manera pa sa si esaki ta pasando cu bo ta presta atencion y tene na cuenta cu cierto expresionnan cu ta wordo uza, y cu ta parce inocente, ta realmente un forma di control. E frase comun di pareha manipulado ta bandera cora pa nos por nota, cu tempo, cu nan no ta stima nos den un forma saludabel.
E frase aki por ser uza sutilmente y pasa sin cu ta ripara, pero ta importante pa reconoce nan. Asina bo ta pone limitacionnan saludabel den bo relacion. Wak e lista y corda cada un di nan!
E frase mas comun cu pareha manipulado ta uza Hende manipulado hopi biaha ta uza frase pa destabilisa e emocionnan di nan pareha. Asina nan ta sostene control riba nan tambe. Asina nan ta logra cu e persona cu ta ricibi nan ta genera un situacion indefenso siña pa wordo someti na nan.
E tipo di abuso emocional aki ta conoci como gaslighting. E meta cu e manipulado ta persigui ta pa e victima cuestiona su mes realidad y depende di e otro.
Nos ta presenta bo nuebe frase cu ta wordo uza pa pareha manipulado den bida diario. Nan a yega di bisa bo?
1. "Si bo stima mi, lo bo haci esaki pa mi
E frase aki ta busca pa e persona sinti su mes culpabel pa no cumpli cu e expectativanan di e manipulado. Culpabilidad ta un sentimento cu ta mina e autoestima y ta haci cada accion cuestiona como valido, segun si e ta cumpli of no cu e deseonan di e otro.
2. "Semper bo ta haci algo malo”
E palabranan aki ta ser uza pa e manipulado pa baha e confiansa di su pareha den nan habilidadnan i den nan mes. E ta hacie sinti su mes completamente incompetente y dependiente. E ta un frase di desbalorisacion cu hopi biaha ta sconde tras di un supuesto "ayudo".
3. "Ningun hende no ke bo mas cu mi"
Loke ta ser tende como un frase di halago, en realidad ta palabranan lansa pa isola e persona for di su red di sosten, dor di haci kere cu e no por haya amor na un otro luga. E frase di isolacion ta devastador, ya cu loke nan ta busca ta cu e persona manipula ta incapaz di comunica y comparti su sentimentonan, situacionnan y problemanan.
4. "Bo ta actua manera un loco
E frase aki ta mustra riba e desbalorisacion di e pareha, pa hacie sinti insigur y has-
ta hiba e persona na duda cu su mes actonan ta balansa. Di su mes, e etiketa di "loco" ta duna un bista di un stigmatisacion.
5. Esey nunca a sosode
E ta un tactica cu ta cuminsa cu e manipulado ta bisa algu abusivo, pa despues nenga. E actitud aki ta pone duda den e persona manipula, cu ta cuestiona kico e situacion tabata realmente. Manipuladonan ta uza e frase aki pa crea mas dependencia y tin mas control.
6. "Bo mester a sa con e lo reacciona
E frase aki ta pa aumenta bo culpabilidad, ya cu segun e manipulado, bo ta haciendo algo cu bo tabata sa cu lo causa un reaccion negativo. Asina nan ta transferi responsabilidad pa nan propio comportacion na e victima.
7. Mi ta lamenta cu bo ta kere cu mi a haci bo daño
Ta parce un disculpa, pero e no ta. cu e frase aki e manipulado ta desvia su responsabilidad pa a causa algun dolor y ta culpa bo pa no a compronde e situacion bon.
E ta provoca den e persona manipula un sensacion di confusion y desconfianza riba su propio criterio. Ta parce cu e version di e manipulado ta mas creibel, ora cu en realidad e no ta asina.
8. "Bo semper ta exagera tur cos"
Cu e palabranan aki, e manipulado ta minimalisa e sentimentonan y preocupacionnan legitimo di e persona afecta. Nan emocionnan ta bira invalido. E luga comun di e frase aki ta pa haci e victima kere cu e ta exagera den haci problema "pa nada" of cu e no tin sentido di humor pa compronde cierto situacionnan.
9. "Mi no por biba sin bo Tras di e palabranan aki, cu ta parce amoroso, ta sconde e intencion pa fomenta dependencia emocional y uza e miedo di perde e pareha como un forma di control. E obtencion di poder riba bida di otro ta parti di un comportacion hopi relaciona cu personalidadnan narcisista.
Esey ta e caso di love bombing, specialmente entre e generacionnan mas hoben.
Ta trata di ataca e otro cu frasenan constante di supuesto amor, via tur canal posibel (telefon, e-mail, chats, personalmente).
Diferente experto den salud mental ta di acuerdo cu narcisismo y love bombing ta bay man den man.
E frase manipulado ta haci bo daño
Frase cu pareha manipulado ta uza por ta dificil pa
detecta, pero ta importante pa ta alerta i reconoce nan. Bo mester tuma medida y evita di bira victima.
E dificultad pa interpreta e frase como un manipulacion di pasobra hopi biaha nan ta sconde tras di atencion cu ta parce encantador y amoroso. Si bo tin duda riba e intencionnan aki y bo ta kere cu bo ta den un situacion di abuso emocional, ta posibel cu bo por identifica tambe algun di e siguiente señalnan:
• Bo no ta confia mas den bo instinto.
• Duda continuamente di bo decisionnan.
• Bo ta perde contacto cu bo famia y amigonan.
• Bo ta detecta señalnan di negacion ripiti den bo pareha.
• Bo ta den un situacion permanente di malesa emocional.
Relacionnan saludabel ta basa riba balornan manera respet mutuo, comunicacion habri y apoyo emocional, no riba tacticanan manipulado. Si bo ta sinti cu bo ta ser manipula, considera busca yudansa di un terapista of consehero di relacion. Papia y comparti bo sentimentonan ta e miho forma pa cuminsa surpasa e situacion aki.
ARUBA A PERDE SIETE AÑA NA MAN DI
GABINETE WEVER-CROES
Aruba a perde shete aña na man di un gobierno cu a sinta privilegia famia y amigo, na luga di inverti den continuacion di e transicion pa energia renovabel. Esey ta un di e conclusionnan cu lider di Partido di Pueblo Arubano, AVP, mr. Mike Eman a yega na dje despues di a lesa e rapport, di e investigacion cu TNO a traha riba peticion di gobierno Hulandes: “De energietransitie in Aruba, Curaçao en Sint Maarten”
Eman a comparti su argumentonan cu prensa e siman aki pa informa comunidad di e daño cu e falta di vision a causa e futuro di nos pais. E rapport ta cuminsa na mustra cu e caminda cu Aruba mester cana ta di amplia su capacidad di energia renovabel basa riba biento y solo. Eman ta cita e rapport: "De belangrijkste projecten voor de energietransitie in Aruba,
Curaçao en Sint Maarten zijn windenergie en zonneenergieprojecten. Met uitbreiding van de wind- en zonne-energie capaciteit kan op de eilanden snel het aandeel fossiele brandstoffen voor de elektriciteitsproductie verlaagd worden.".
Cu esaki ta keda cla cu e vision green cu Aruba tabata canando tabata esun corecto, pero na 2017 Evelyne Wever Croes a para tur cos, pasobra supuestamente e direccion di Gabinete Mike Eman no tabata corecto. E rapport di TNO awor ta bin bisa cu ta hustamente e caminda green ey ta unda Aruba mester bai. Es decir Aruba a perde siete Aruba. Minister di Asunto Economico, Energia Renovabel y Desaroyo Sostenibel di Reino Hulandes, Rob Jetten, a pidi e instituto tecnico di research mas importante di Hulanda pa
grepen dat er take-or-pay afspraken gemaakt zijn voor een hoeveelheid LNG voor ongeveer 50% van de elektriciteitsproductie en dat de overeenkomst een duur heeft van 20 jaar. Dat betekent dat er tot 2046 of 2047 additionele kosten zijn voor het verhogen van het aandeel hernieuwbare elektriciteit boven de 50%, omdat de LNG bij lagere afname toch betaald moet worden."
haci un investigacion riba tema di energia na Aruba, Corsou y St. Maarten, islanan CAS. Specificamente, e minister ta interesa pa mira con e islanan aki por yega na 100% di nan energia basa riba capacidad renovabel.
Otro conclusion principal di e rapport cu TNO a entrega na Minister Jetten, ta menciona cu e deal cu Gabinete Wever-Croes a laga WEB cera pa subministro di LNG ta mara Aruba na man cu pia pa e siguiente 20 aña a base di e sistema 'Take or Pay'. Aruba a worde mara na 20 anja cu mester tuma 50% di nos nececidad pa capacidad electrico for di LNG. Esaki ta haci cu Aruba lo no por expande su capacidad di energia renovabel mas cu 50%. Si kier bai pa mas capacidad toch lo mester paga pa e LNG. Esaki ta locual e “take or pay” model ta demanda di Aruba. E rapport di TNO ta hopi preocupa cu esaki. Eman ta cita e rapport riba e tema aki tambe: "Verdere verduurzaming van de elektriciteitsproductie in Aruba wordt beperkt door een recent afgesloten contract voor LNG. Er is weinig publiekelijk bekend over de leveringsovereenkomst voor LNG. Uit interviews hebben we be -
Eman ta bisa cu esaki ta hustamente locual a cuestiona Gabinete WeverCroes a riba dje y awe “nos ta haya rason cu e deal aki ta un carga di biyones riba Aruba finacieramente y ta desastroso pa e direcion di transicion pa energia berde cu nos mester cana tambe según TNO”. E ta un maldad grandi cu a worde haci contra futuro di nos Pais, mr. Mike Eman ta envatisa.
EMAN TA GRADICI Y
FELICITA RUTTE
Awe Mr. Mike Eman, exMinister-President di Aruba y actual lider di partido di Pueblo Arubano (AVP), a manda un caluroso carta personal pa MinisterPresident Mark Rutte pa gradicié pa e colaboracion durante tur e añanan y pa felicit'é cu su nombracion como Secretario-General di NATO. Den su carta, Mr. Eman a enfatisá tanto e ciere importante di e término di servicio publico impreshonante di Rutte como Minister-President di Hulanda como su rol nobo y prestigioso den NATO.
Mr. Eman: “Ora mi a yega na final di mi término como Minister President di Aruba, mi a ricibí di bo un bunita carta di agradecimento pa loke nos a logra hunto den representacion di nos Reino. Mi tambe tin recuerdonan special di e estrategia cu nos a desaroyá pa pone Aruba hunto cu e Reino riba e plataforma internacional como un ehèmpel y lider den sostenibilidad.”
Mr. Eman tambe a expresá su agradecimento di curason y aprecio pa e colaboracion y e relacion personal cu nan a desaroyá durante nan término di oficio. E a recordá e colaboracion balioso entre Aruba y Hulanda, y e esfuezo hunto pa
pone Aruba y Hulanda riba e plataforma internacional como un lider den sostenibilidad. E tambe a recordá e esfuezo conhunto pa logra pa e asiento pa Reino den e Conseho di Seguridad di Nacionnan Uni y e tantisimo representacionnan intensivo internacional exitoso.
Un momento particular den e carta tabata e recuerdo di e momentonan informal despues di un dia largo di trabou, unda nan ta comparti un cerbez riba trapi di un residencia di un embahador evaluando e dia. E momentonan aki a profundisa nos relacion pa sirbi nos paisnan, Eman ta enfatisa.
Mr. Eman: “E portret di nos actuacion hunto na e Cumbre di las Américas, cu mi a regalá na bo durante mi
ultimo bishita, mi ta spera lo haña un bon lugar den Bo oficina di NATO, como un recordatorio cu e proteccion di e integridad teritorial di nos islanan tambe lo keda den bo atencion”.
Mr. Eman a expresa su confiansa ku Mark Rutte lo desplega su rol nobo como Secretario-General di NATO cu mesun dedicacion como su rol como MinisterPresident.
Na final di su carta personal, Mr. Eman a invitá Mark Rutte pa continua bishitá Aruba y ta spera cu nan caminda lo crusa otro di nobo den futuro.
E a exspresá su respet di curason y admiracion pa tur loke Mark Rutte a logra como Minister-President y pa e contribushon futuro cu e lo duna na comunidad internacional.
Señor ta mi wardador, mi’n tin falta di nada Den cunucu di yerba e ta ponemi sosega. E ta hibami na awa trankil. Pa mi bolbe haña forsa. Salmo: 23
Cu dolor na nos curason; pero conforme cu boluntad di Dios nos ta anuncia fayecimento di:
Virginia Criskla Maria Angela
mihor conoci como: ”Vilma” *27-10-1954 †18-6- 2024
Na nomber di su:
Mayornan: † Carlito y † Maria Angela- Kock
Rumannan: Lino Angela Velia Angela
Sra. vda Marie Angela-Bislip
Sra. vda Catharina Angela- Maduro
† Carlos Angela
† Augustina Angela
†Alberto Angela
†Thomas Angela
† Ciro Angela
† Jeannie Trimon- Angela
Sobrinonan: Danilo Angela
Marcel y Liliana Angela
Giannino Trimon
Janila Kock; Xeanderick Trimon; Xiandra Kock
Dayron Trimon
Cosma Kock y famiAmiganan di cas: Roosje Growell
Dalys Coello
Primo y Primanan, Amigo y Amiganan, Bisinjanan; ex coleganan di Staten di Aruba
Demas Famia: Angela, Kock, Trimon, Bislip, Maduro, Rasmijn, Thode, Wester y demas famia ta wordo invita pa condolencia y acto di entiero
Diasabra 29 di juni 2024 for di 2 pm pa 4 pm na Royal Funeral Home y despues lo Sali bai pa santana Catolico na Sta. Cruz.
TEAM DI ARUBA BANK A SOBRESALI NA TORNEO DI BOLAS NA PAPAYA RANCH TIRA MALO Y PASA BON
Oranjestad, Aruba –Oranjestad 28, 2024 –Aruba Bank ta comparti su participacion den Torneo di Bolas na Papaya Ranch Tira Malo y Pasa Bon Bolas cu a inicia di 27 di juni y lo continua durante fin di siman.
E evento bon anima, cu a uni e mihor talento local, a admira nos ekipo demostra nan habilidad excepcional y traha den ekipo.
E dedicacion y deportividad a berdaderamente representa e balornan di Aruba Bank. Aruba Bank ta sostene y participa activamente den varios evento deportivo y ta spera pa mas oportunidad.
E torneo, cu ta conoci pa su ambiente unico y competitivo, tabata un momento perfecto pa e empleadonan di banco topa otro y alabes forma parti di nos comunidad.
Aruba Bank ta felicita tur participante y ta gradici e organisadornan pa un evento exceptional.
Lagrima y flornan por seca pero Bo imagen, Recuerdonan y locual
Bo a significa pa nos lo keda Semper bibo den nos Memoria y pa Semper graba den nos Curazon.
Gradicimiento/Invitacion
Den nomber di famia nos kier a gradici cada un cu a tuma nan tempo of di un of otro manera a mustra atenshon y sosten durante dianan di fayecimiento y entiero di nos defunto stima;
Maria Henricus-Geerman
Danki pa tur mensahenan via tur medionan di comunicacion, tur esnan cu a manda carchi of krans y tambe bishitanan personal, nos ta masha agradeci.
Tur esakinan a sirbi di gran consuelo pa nos. Un danki special ta bay na: pastoor Jairo Maduro pa su bunita respons, Sra. Lola Geerman pa su atenshon, na personalnan di Huize Maristella, na Sr. Max Hasell pa su bunita cancionan, Sr. Nelson Tromp y su compañeronan di Mariachi Luna, y tur persona cu a yuda den cualkier otro forma, Masha danki di curazon.
Danki na Aurora Funeral Home, especialmente Zulaika Hodge pa e atencion y bon servicio.
Ta invita pa asisti na 3 Santo Sacrificio di misa cual lo tuma lugar riba; diahuebs 27 di Juni y diasabra 29 di juni pa 7’or anochi na misa Immaculada Concepcion na Santa Cruz, y despues di misa diasabra 29 di Juni lo bay tin un oracion na cas Macuarima 101-A.
Boso presencia ta keda altamente aprecia.
“Esnan cu nos a stima no ta laga nos, nan ta cana banda di nos tur dia”
