River bank, school building project giturn-over sa AgNor
Gipangunahan nila Gob. Dale B. Corvera, Kong. Angel Amante-Matba ug Bise Gob. Ramon AG. Bungabong ang pagturnover sa probinsya ngadto sa hingtungdang barangay niadtong Disyembre 2 ang nahuman na nga New Bohol Riverbank Slope Protection sa Sitio New Bohol, Sangay ug ang duha ka unit sa twoclassroom school buildings sa Sitio Calayagon, Malapong, tanan sa Buenavista, Agusan del Norte sa magkalahing seremonyas. Ang P17,989,951.01 nga riverbank slope protection gipundohan ubos sa 5% Calamity Fund samtang ang P6,413,172.82 proyektong eskwelahan gipundohan gikan sa Special Education Fund (SEF) sa probinsya.
20
|December 4-10, 2021
Sa iyang mensahe, gipadayag ni Gob. Corvera ang iyang kalipay sa nga nahuman na ang maong mga proyekto ug makabenepisyo na ang ang mga lumulupyo ning maong mga hilit nga lugar. “Ang probinsya, (bisan) sa kadaghan sa problema, dunay kasingkasing nga mohatag og dakung pagtagad kaninyo labi na kamo nga nia nagpuyo niining suok nga dapit,” sumala ni Gob. Corvera. Sa bahin sa mga lumulupyo, mapasalamaton si Roldan Dalagan, punong barangay sa Brgy. Sangay, nga sa kadaghang proyekto nga naka linya sa probinsya apan usa ang Riverbank Slope Protection ang gihatagan og prayoridad.
Ang slope protection usa sa mga prayoridad sa probinysa ubos sa envrionmental development program niini nga mao ang “Lunhanw’ng Agusan” ug ang pagimprove sa pasilidades sa pagtungha kabahin sa social development program nga mao ang “Amomang Agusanon” ubos sa AGUSAN UP!, ang kampanya sa pagpalambo sa administrasyon ni Gob. Corvera kaabag ang buhatan ni Kong. AmanteMatba. Kalabot usab kini sa hiniusang pagpadangat og nagka lain-laing serbisyo sa lokal man o nasudnong ahensya ubos sa “Wholeof-Nation approach” nga gimando ubos sa Executive Order No. 70. Mitambong usab sa maong okasyon sila si Board Members Francisco Chan ug Dick Victor Carmona, Col. Adonis Ariel Orio sa 402nd Brigade, PCol Martin Gamba nga gi representahan ni Lt. Col Ian Rosales sa ADN-PPO, Lt. Col Julius Cesar Paulo sa 23rd IB, mga barangay officials ug representate sa Reyrose Construction. (Shena Mae Pabia, Ydheil Zagado ug Reymar Reyes, LGU-Agusan del Norte/PIAAgusan del Norte)
Caraga INFOCUS
