1 minute read

RELIEF GOODS SA DSWD CARAGA, PLASTAR NGA GINAPANGHATAG SA MGA APEKTADONG RESIDENTE SA BAGYONG ODETTE

Tungod sa kakulangon sa mga family food packs (FFPs) boxes nga gigamit sa Department of Social Welfare and Development (DSWD) Field Office Caraga sa mga relief goods, adunay gi-augment nga mga FFPs ngadto sa mga requesting nga mga lokal nga panggamhanan nga naka-cellophane ug nakaeco bag.

Ang buhatan anaa pa sa proseso sa pag-procure sa mga boxes/cartons apan dili pwede nga mohunong sa pag repack sa mga FFPs kay kini gikinahanglan sa mga apektadong pamilya ni Bagyong Odette, mao nga gigamit usa ang mga cellophanes/ eco bags aron padayon nga mahatag sa mga apektadong pamilya.

Advertisement

Ang maong mga FFPs aduna gihapon 6 kilos nga bugas, 10 ka mga de lata (corned beef/beef loaf, canned tuna/sardines), 5 ka kape/malt drink, ug 5 ka energy drink - susama sa sulod sa mga naka box/ carton nga FFPs.

Susama sa mga naka-box nga mga FFPs, bawal ang pagbahin-bahin sa mga sulod niini.

Sumala sa DSWD, kung adunay madawat nga FFPs nga dunay kulang sa mga sulod niini, mamahimo nga i-dokumento kini nga maong insidente ug i-report sa DSWD Caraga pinaagi sa pag-mensahe sa DSWD Caraga messenger o i-duol sa pinaka-duol nga DSWD Office sa ilang mga lugar. nga ipahibalo sa ahensya nga dili lang ang DSWD ang gahatag ug mga FFPs. Ang LGU aduna pud mga pagpangandam, ug duna usab mga donors/organizations nga nitunol ug mga FFPs ug mga hinabang sa mga apektadong pamilya. Dili i-kumpara ang mga sulod niini nga mga FFPs kay lahi usab ang contents o sulod sa ilang mga FFPs.

Busa sa dili pa kita moreklamo, kinahanglan nga susihon usa ug sa DSWD ba gayud nga FFPs ang inyong nadawat. (DSWD-Caraga/PIACaraga)

PROVINCIAL NEWS

This article is from: