Pagbansay alang sa mga Pre-Marriage Counselors sa LGUs gihimo Gipahigayon sa probinsyal nga panggamhanan sa Agusan del Norte ubos sa administrasyon ni Gob Dale. B. Covera niadtong Septyembre 14, ang tulo ka adlaw nga Roll-Out Training kalabot sa “Pre-Marriage Counseling (PMC) Manual for Pre-Marriage Counselors of the Local Government Units.” Ang kalihukan gihimo sa Watergate Hotel sa Butuan City og gipasiugdahan sa buhatan sa Provincial Social and Welfare and Development Office (PSWD) kaabag ang buhatan sa Department of Social Welfare and Development (DSWD) Caraga. Ang pagbansay nga giapilan sa mga Pre-Marriage Counselors sa nagkadaiyang Local Government Units sa Agusan del Norte ug mga personahe sa matag Municipal/City Social Welfare and Development Office, Municipal Population Officer, Local Civil Registrar ug Rural Health Units gitambungan usab ni Provincial Administrator Gerry Joey Laurito, mga personahe sa PSWD, DSWD-Caraga. Gipaningkamotan sa probinsyal nga panggamhanan nga mahimo ang maong seminar alang sa mga counselors aron ma-enhance pa ilang kaalam ilabina sa pagpadayag sa hustong impormasyon ug mapasabot ngadto sa mga future couples sa
Caraga INFOCUS
matag lungsod kung unsa ka mahinungdanon ang preparasyon ayha musulod sa kaminyoon. “That’s why the province naghimo dayun ta og activity for this kind of training para ma capacitate ang atong mga PMOC team members sa lgu level,” sumala ni Alfie Semonette Pabillore, focal person sa Population and Nutrition Division sa PSWD. “Isa gyud na nga rason nga ang foundation sa isa ka marriage nga i-prepare gyod nato ang would-be-couples pinaagi sa pag conduct sa Pre-Marriage Orientation and Counseling [PMOC]. Daku gyud kaayo siya nga makatabang,” padayon ni Pabillore. Gihisgotan sa unang session sa pagbansay ang kabahin sa Responsible Parenthood and Reproductive Health Act of 2012 (RPRH Act) o ang Republic
Act No. 10354. Sa ika duhang session, mao na ang Pre-Marriage Counseling nga mandatory alang sa naay pangidaron nga 18-25 anyos years old nga magminyo. “Mao ng gihimo nga duha ka session para mas mahatagan pa og importansya, mas mapasabot pa gyod, specially kadtong mga young couple, nga palawoman ang ilang (pagsabot) sudlan (nila) nga kaminyoon,” matud ni Emelyn L. Mintal sa DSWD-Caraga, ang isip speaker sa maong hisgutanan. “(Ang) atong overall goal is for a successful marriage or ma lessen nato ang broken family in the future kay ensakto ang impormasyon about sa kaminyoon nga nga ilang pagasudlan,” padayon ni Mintal. (Shena Mae Pabia, LGU Agusan del Norte/PIA Agusan del Norte)
September 11-17, 2021 |
17
