OS RETOS DO BERETIÑO (Dinamización

RETOS DO BERETIÑO

Este curso 2019-2020 dende o equipo de dinamización propuxéronse tres retos beretudos, pensados con moita ilusión e todos eles relacionados co noso proxecto Amar o mar. O primeiro reto consistiu en crear diferentes tipos de embarcacións e, des te xeito, investigar e coñecer datos sobre estas. O resultado foi espectacular, todos os traballos dende infantil a primaria foron expostos na entrada do colexio: Barcos piratas, veleiros, chalanas, buques, gamelas… e unha marabillosa lonxa cheiña de peixes e marisco moi apetecibles para celebrar O Día Internacional contra a Violencia de Xénero. Foi todo un éxito!

A nosa equitativa Lonxa Mariñeira

Gamela diseñada por Mateo (5º) Barcos piratas ,veleiros e batel (1º,5º curso )

Barco pesqueiro diseño de Infantil

O reto do segundo trimestre estaba relacionado coa poesía, tan necesaria nestes tempos. Varios poemas para todos os niveis foron seleccionados para que o alumnado puidese xogar cos versos nas aulas e foi entón cando empezou o confinamento… pero iso non nos detivo xa que a poesía continuou e publicáronse presentacións online con poemas musicados relacionados co mar. Incluso tivemos a sorte de que o poeta Antonio García Teijeiro dedicara o poema Unha serea poeta do seu libro Paseniño Paseniño dando ánimos a tod@s nos momentos iniciais da pandemia, xustamente coincidindo co Día Mundial da Poesía . O terceiro trimestre propuxemos a creación de historias relacionadas coa mar utilizando entre outras técnicas o teatro de sombras. E aquí remataron os nosos retos, pero xa estamos argallando ideas para seguir co noso futuro proxecto para o curso que vén, non esquezades: Sentidiño e moita saúde!! ��

Hugo3º amosa o seu teatro de sombras Noa( 6ºI) inspirada por un poema de Antonio