ESTRATEXIAS PARA ESTIMULAR DENDE O FOGAR A LINGUAXE DOS NENOS E NENAS DURANTE A ETAPA DE INFANTIL
Procurar
falar cunha pronunciación correcta
(para que o voso fillo ou a vosa filla teña
un bo modelo de linguxe). Non é positivo imitar a súa linguaxe infantil nin
os seus erros
na pronunciación
dalgunhas palabras. Cando teñan erros de pronunciación nalgúns
sons, a maneira de correxir ao neno é
facilitarlle o modelo axeitado. Por exemplo: “quero un pátano”. O adulto debe decir. “Vale agora che dou un
plátano” ou “toma aquí tes o plátano”. En caso de correxilos/as os erros debe facerse unha vez soa en cada ocasión. É bo deixar que se expliquen, non se debe intentar falar por eles. Estruturar correctamente as frases. E esixirlle ao neno/a que tamén o faga. Se se observa algún problema físico na boca comentádello ao pediatra. É moi favorable facer xogos de discriminación auditiva como:
Adiviñar a que corresponden os sons (imitar animais, teléfono, deixar caer as chaves…)
Xogar a “cazar” sons de letras, por exemplo, cada vez que se oia o son “RR” en unha palabra, levantamos a man.
É moi positivo xogar con trabalinguas, xogar con rimas. Pódese xogar tamén a decirlle algunha frase de 3 ou 4 palabras desordenadas e que o neno ou nena a diga de maneira ordenada. * Recordade que o contorno familiar é o mellor modelo que teñen os alumnos/as de como se debe usar a linguaxe. Por tanto falar correctamente, sen gritar, despacio, con frases comprensibles e ben ordenadas van a ser estratexias moi favorables para a estimulación da linguaxe do voso fillo/a.