དོལ་རྒྱལ་དང་འབྲེལ་བའི་བླང་དོར་ཤེས་བྱ་གནད་སྡུས།

༄༅། །དོལ་རྒྱལ་དང་འབྲེལ་བའི་བླང་དོར་ཤེས་བྱ་ གནད་བསྡུས།

བོད་མི་མང་སྤྱི་འཐུས་ལྷན་ཚོགས།

བོད་རྒྱལ་ལོ་ ༢༡༤༢ ཕྱི་ལོ་ ༢༠༡༥

༄༅། །དོལ་རྒྱལ་དང་འབྲེལ་བའི་བླང་དོར་བཀའ་སློབ་དང་། ཆོས་ཚོགས་དང་གྲོས་ ཚོགས་ཀྱི་གྲོས་ཆོད། བཀའ་ཤག་གི་གསལ་བསྒྲགས། གཞན་ཡང་མཛད་གཙོ་ལས་ ཟུར་རྣམ་པ་སོགས་ཀྱི་གསུང་བཤད་ཕྱོགས་བསྒྲིགས། སློབ་སྟོན་པ།

སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག སྤྱི་འཐུས་པདྨ་འབྱུང་གནས་མཆོག

སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས་མཆོག

ཕྱོགས་སྒྲིག་པ་དང་ཞུ་སྒྲིག་པ། ཤོལ་ཆུམས་ཚང་བློ་བཟང་ཉི་མ།

དེབ་གཟུགས་ཇུས་འགོད་པ། དགེ་འདུན་དོན་ཡོད།

དཔར་སྐྲུན་བདག་དབང་།

བོད་མི་མང་སྤྱི་འཐུས་ལྷན་ཚོགས།

དཔར་ལོ། ༢༠༡༥

དཔར་གྲངས། ༡༠༠༠

ཟ་ཧོར་རིགས་ལས་འཕྱོངས་རྒྱས་མཚན་དཔེ་བཞད། ། རྩ་གསུམ་ཞལ་གཟིགས་དག་སྣང་ཉེར་ལྔའི་བདག །

ལུགས་ཟུང་དཔལ་གྱིས་བོད་ཁམས་གཏན་བདེར་བཀོད། ། ངག་དབང་བློ་བཟང་རྒྱ་མཚོར་གསོལ་བ་འདེབས། །

སྔོན་གླེང་།

སྔོན་གླེང་། ༄༅། །དེ་ཡང་༸གོང་ས་ལྔ་པ་ཆེན་པོས། གད་ཁ་སའི་ལགས་ཨ་རྒྱལ་གྱི་འཕྲུལ་ལ་བརྟེན་ནས་སྤྲུལ་སྐུ་བསོད་ ནམས་དགེ་ལེགས་དཔལ་བཟང་གི་སྐུ་སྐྱེ་བརྫུས་མ་ལམ་དུ་སོང་སྟེ་སྨོན་ལམ་ལོག་པའི་དམ་སྲིར་གྱུར་ཏེ་འགྲོ་ བ་མང་པོར་གནོད་ཚབས་ཆེ་ཞེས་སོགས་དང་། དམ་མིན་དམ་རྫུ་གྲགས་པ་རྒྱལ་མཚན་ཞེས། །སྨོན་ལམ་ལོག་

པའི་དམ་སྲི་འབྱུང་པོ་འདིས། །བསྟན་དང་འགྲོ་བ་ཀུན་ལ་འཚེ་བྱེད་ན། །ཞེས་སོགས་གསུངས་པ་ལྟར། སྨོན་ལམ་ ལོག་པའི་དམ་སྲི་འབྱུང་པོ་དོལ་རྒྱལ་ནི། བསྟན་འགྲོ་སྤྱི་དང་ལྷག་པར་གཞུང་ས་དགའ་ལྡན་ཕོ་བྲང་གི་ཆོས་སྲིད་

མཛད་འཕྲིན་ལ་གནོད་ཅིང་འཚེ་བ་དང་། སྐྱེས་རབས་ཀྱི་ཕྲེང་བ་འཛིན་པའི་སྔོན་བྱོན་རིས་མེད་མཁས་གྲུབ་མང་ པོས་ཀྱང་། རྒྱལ་པོ་ཤུགས་ལྡན་ལ་མིང་ནས་འབོད་སྐབས་རྒྱལ་འགོང་དང་། འབྱུང་པོ། དམ་སྲི། འདྲེ་གདུག་པ་ ཅན་སོགས་སུ་ངོས་འཛིན་གཅིག་གྱུར་ཐོག་བསྟེན་གསོལ་དམ་བསྒྲགས་ཅི་ཆེ་རིམ་པར་མཛད་ཅིང་། དེ་ཡང་ལོ་

རྒྱུས་ཀྱི་ཆ་ནས་རྩོད་རྙོག་ཆེ་ཞིང་། ནང་ཆོས་ཀྱི་ཆ་ནས་འདྲེ་གདུག་པ་ཅན་སྐྱབས་ཡུལ་དུ་མི་འོས་པ། བསྟན་པ་ ཡོངས་སུ་རྫོགས་པ་ལ་ཐོས་བསམ་སྒོམ་སྒྲུབ་ཀྱིས་འཇུག་པར་བར་དུ་གཅོད་ཅིང་། མཐོང་ཆོས་ཀྱི་ཆ་ནས་རང་ གཞན་རོགས་གསུམ་ཚང་མ་ཕུང་ལ་སྦྱར་དང་སྦྱོར་བཞིན་པ་ཡོངས་གྲགས་ཀྱི་གནས་ཚུལ་ཆགས་ཀྱི་ཡོད་པ་ སོགས་གནས་ཚུལ་ཕྱོགས་ཡོངས་ལ་བརྟགས་པ་རིམ་བསྟུད་ནན་ཏན་གནང་མཐར། འཕགས་མཆོག་ཕྱག་ན་

པདྨོ་ཁམས་གསུམ་ཆོས་ཀྱི་རྒྱལ་པོ་༸རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་ནས་ཀྱང་། ཕྱི་ལོ་ ༡༩༧༨ ཙམ་ནས་ཡོངས་བསྒྲགས་ཐོག་དོལ་རྒྱལ་བསྟེན་གསོལ་ཐད་བླང་དོར་ལམ་སྟོན་གྱི་རྩ་ཆེའི་བཀའ་སློབ་རིམ་པར་ སྩལ་ཞིང་ཆོས་བརྒྱུད་དབུ་ཁྲིད་བླ་ཆེན་ཁག་དང་། ཡོངས་གྲགས་མཁས་ཤིང་གྲུབ་པའི་དབང་ཕྱུག་དམ་པ་མང་

པོས་རྒྱབ་སྐྱོར་དང་། གནད་ཡོད་མི་སྣ་མང་པོས་ཟབ་གསལ་ལམ་སྟོན་གནང་འབྲས་སུ། ད་ལྟའི་ཆར་བོད་ཕྱི་ནང་

དང་འཛམ་གླིང་ས་ཕྱོགས་གང་སར་གསུང་གི་བདུད་རྩི་ཉམས་སུ་མྱོང་མཁན་བརྒྱ་ཆའི་གོ་དགུ་ཙམ་གྱིས་རང་ I

སྔོན་གླེང་།

དོན་རང་གཅེས་ཀྱིས་ལམ་ནོར་ལྡོག་ཤེས་གནང་སྟེ། ཕྱི་གཙང་ནང་གཙང་ཆགས་ཟིན་པ་དང་། རང་མི་རིགས་

འཆི་གསོན་ཆགས་འཇིག་གི་སྐབས་མཚམས་འདིར། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ རྒྱལ་ཡུལ་གྲུ་ཁག་ཏུ་རླབས་ཆེན་མཛད་འཕྲིན་རིམ་པར་བསྐྱངས་དང་སྐྱོང་སྐབས། ལོ་ཤས་གོང་ནས་རྒྱ་གཞུང་ གི་སྐབས་འཚོལ་དངུལ་དངོས་ཀྱིས་བསླུ་བྲིད་འོག་དོན་མ་གོ་བ་དང་། ཤེས་བཞིན་ཁྱད་གསོད་བྱེད་མཁན་ཡུལ་

གྲུ་ཁ་ཤས་ཀྱི་གྲུ་དང་ཟུར་གྱི་གད་སྙིགས་སུ་གྱུར་ཅིང་རང་མི་རིགས་ཀྱི་དགྲ་ཟླར་ལངས་ཏེ་རུལ་སུངས་སུ་གྱུར་ པ་འགའ་ཤས་ཀྱིས། རྒྱ་གཞུང་གིས་ཀྱང་ཡོངས་གྲགས་ཐོག་མངོན་སུམ་དུ་སྨྲ་མི་འོས་པའི་བརྗོད་ཚིག་དག་ཁ་ ནས་ལུད་ཅིང་འཕྲེད་དར་དུ་བྲིས་ཏེ་མངོན་སུམ་འཛེམ་མེད་ཐོག་དོལ་རྒྱལ་ཁ་ལ་ཁྱེར་ནས་ངོ་རྒོལ་སྐད་འབོད་

འཛེར་བའི་སྐབས་མཚམས་འདིར་དུས་བབ་ཀྱི་དགོས་མཁོར་དམིགས་ཏེ། སྤྱི་ནོར་༸གོང་ས་༸སྐྱབས་མགོན་

ཆེན་པོ་མཆོག་གི་བཀའ་སློབ་རིམ་སྩལ་ཁོངས་ནས་གནད་ཆེའི་ལམ་སྟོན་ཁག་ཁ་ཤས་དང་། བོད་མི་མང་སྤྱི་ འཐུས་ལྷན་ཚོགས་ནས་དུས་ནས་དུས་སུ་གྲོས་ཆོད་རིམ་འཇོག་མཛད་པ་ཁག་དང་། དཔལ་ལྡན་བཀའ་ཤག་གི་

གསལ་བསྒྲགས་ཁག་ཅིག བསྟན་བདག་བླ་ཆེན་རྣམ་པས་དབུས་པའི་ཆོས་ཚོགས་ཀྱི་གྲོས་ཆོད། དཔལ་ལྡན་ བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོའི་ལམ་སྟོན་གསུང་བཤད། དཔལ་ལྡན་སྲིད་སྐྱོང་མཆོག་གི་

གསུང་བཤད། དཔལ་ལྡན་བཀའ་ཁྲི་ཟུར་པ་སློབ་དཔོན་ཟམ་གདོང་རིན་པོ་ཆེ་མཆོག་དང་། དཔལ་ལྡན་ཆོས་རིག་ བཀའ་བློན་མཆོག་གི་གསུང་བཤད། དཔལ་ལྡན་བདེ་སྲུང་བཀའ་བློན་མཆོག་དང་། དཔལ་ལྡན་དགའ་ལྡན་ཕོ་བྲང་

གི་དྲུང་ཆེ་བློ་བཟང་སྦྱིན་པ་མཆོག་གི་གསུང་བཤད་བཅས་རྩ་ཆེའི་ལམ་སྟོན་ལེགས་བཤད་ཁག་ཅིག་ཕྱོགས་

བསྒྲིགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་ལས་རིམ་གྱི་ཆ་ཤས་ སུ་༸སྐུའི་འཁྲུངས་སྐར་དང་སྟབས་བསྟུན་དཔར་བསྐྲུན་འགྲེམས་སྤེལ་ཞུས་པར་ཀུན་གྱིས་ཐུགས་སྣང་དགོས་ པའི་རེ་སྐུལ་ཞུ་རྒྱུ་བཅས། ཟླ་ ༧ ཚེས་ ༦ ཉིན།

བོད་མི་མང་སྤྱི་འཐུས་ལྷན་ཚོགས་ཀྱིས་བོད་རྒྱལ་ལོ་ ༢༡༤༢ ཕྱི་ལོ་ ༢༠༡༥

II

དཀར་ཆག

དཀར་ཆག སྔོན་གླེང་།.................................................................................................................................. I ༡

༸གོང་ས་མཆོག་གི་བཀའ་སློབ།

ཕྱི་ལོ་ ༡༩༧༨ ཟླ་ ༦ ཚེས་ ༡༣ ཉིན་རྣམ་གྲྭ་མཁན་པོ་བློ་བཟང་ཉི་མ་དང༌། དགེ་བཤེས་བློ་བཟང་བསྟན་འཛིན། རྣམ་གྲྭའི་ལས་སྣེ་དང༌། རྒན་གྲས་ཉི་ཤུ་རྩ་གཉིས། གནས་ཆུང་བ་རྒན་གྲས་ལྔ། རིགས་ལམ་སློབ་གྲྭའི་དགེ་རྒན་

གཉིས། བཞུགས་སྒར་དུ་གཏན་སྡོད་རྒྱུད་གྲྭ་སྟོད་སྨད་ཀྱི་འཐུས་མི་གཉིས། དམིགས་བསལ་བཅར་འཐུས་བཀའ་ འཁྲོལ་ཨ་རི་ཁུལ་བཅའ་སྡོད་རྭ་སྟོད་སྐྱོང་བླ་སྤྲུལ་སྐུ་དང༌། ཉག་རེ་སྐལ་བཟང་ཡེ་ཤེས་བཅས་པར་དོལ་རྒྱལ་སྐོར་ ༢ ༣

བཀའ་སློབ་སྩལ་པ།............................................................................................................1

ཕྱི་ལོ་ ༡༩༨༣ ཟླ་ ༣ ཚེས་ ༢༩ ཉིན་འབྲས་སྤུངས་ཚོགས་ཆེན་དབུ་རྩེའི་ཚོམས་ཆེན་དུ་གདན་ས་གསུམ་དང༌། རྒྱུད་གྲྭ་སྟོད་སྨད། བཀྲ་ཤིས་ལྷུན་པོ། མོན་གྷོ་རྙིང་དགོན། ས་སྐྱ་སོགས་ཀྱི་མཁན་ལས་ཟུར་རྣམས་ལ་དོལ་རྒྱལ་ སྐོར་བཀའ་སློབ་སྩལ་པ།................................................................................................... 32

ཕྱི་ལོ་ ༡༩༩༦ ཟླ་ ༥ ཚེས་ ༨ ཉིན་བཞུགས་སྒར་ཁུལ་དུ་ཡོད་པའི་བླ་སྤྲུལ་རྣམ་པ་དང༌། དགེ་བཤེས། ཉེ་འཁོར་ གྲྭ་ཚང་གི་འཐུས་མི། གྲྭ་བཙུན་གཙོ་བོར་གྱུར་པའི་ཐོག་བཀའ་སྤྱི་དང་སྲི་ཞུའི་ལས་བྱེད་ཁོངས་གཏོགས་དང༌།

ཚོགས་པ་ཁག་གི་རྒྱུན་ལས་འཐུས་མི། གཞན་ཡང་སེར་སྐྱ་མི་མང་ཁག་གཅིག་བཅས་ལ་དོལ་རྒྱལ་ལམ། རྒྱལ་ ཆེན་ཤུགས་ལྡན་གྱི་སྐོར་ལ་ལོ་རྒྱུས་ཀྱི་ཡིག་ཆའི་ཁུངས་སྐྱེལ་དང་བཅས་སྤང་བླང་བྱེད་སྒོའི་བཀའ་སློབ་སྩལ་

པ།.............................................................................................................................. 36

༤

ཕྱི་ལོ་ ༡༩༩༧ ཟླ་ ༡༠ ཚེས་ ༨ ཉིན་བཞུགས་སྒར་དུ་བལ་ཡུལ་ཁུལ་གྱི་མི་མང་སོགས་བརྟན་བཞུགས་འབུལ་

༥

ཕྱི་ལོ་ ༢༠༡༢ ཟླ་ ༡ ཚེས་ ༧ ཕྱེད་ཡོལ་གནས་མཆོག་རྡོ་རྗེ་གདན་བོད་དགོན་དགའ་ལྡན་འཕེལ་རྒྱས་གླིང་

མཁན་རྣམས་ལ་དོལ་རྒྱལ་སྐོར་བཀའ་སློབ་སྩལ་པ།................................................................... 67 རྣམ་རྒྱལ་གྲྭ་ཚང་གི་འདུ་ཁང་ནང་བོད་ཕྱི་ནང་གཉིས་ནས་ཕེབས་པའི་ཆོས་ལུགས་རིས་མེད་ཀྱི་མཁན་བླ་དགེ་

བཤེས་སོགས་ལ་དོལ་རྒྱལ་སྐོར་བཀའ་སློབ་སྩལ་པ།................................................................. 78 III

དཀར་ཆག

༡

ཆོས་ཚོགས་ཐེངས་བཅུ་པའི་གྲོས་ཆོད།

ཕྱི་ལོ་ ༢༠༠༩ ཟླ་ ༣ ཚེས་ ༦ ནས་ ༨ བར་ཉིན་གསུམ་རིང་བོད་ཀྱི་ཆོས་བརྒྱུད་ཆེན་པོ་བཞི་དང་། གཡུང་དྲུང་ བོན་བཅས་ཀྱི་དབུ་ཁྲིད་བླ་ཆེན་རྣམ་པ་དང་། མཁན་པོ། བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་ བཅུ་པ་ཐེག་ཆེན་ཆོས་གླིང་ཕོ་བྲང་ཚོམས་ཆེན་དུ་བསྐྱངས་པའི་གྲོས་གཞི་དང་གྲོས་ཆོད།.................... 105

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད།

༡

ཕྱི་ལོ་ ༡༩༩༦ ཟླ་ ༦ ཚེས་ ༦ ཉིན་གྱི་གཞུང་འབྲེལ་གྲོས་ཆོད།................................................. 108

༣

ཕྱི་ལོ་ ༢༠༠༨ ཟླ་ ༣ ཚེས་ ༡༥ ཉིན་གྱི་གཞུང་འབྲེལ་གྲོས་ཆོད།................................................. 117

༢

༤ ༡

༢

༡

༡

ཕྱི་ལོ་ ༡༩༩༧ ཟླ་ ༩ ཚེས་ ༡༧ ཉིན་གྱི་གཞུང་འབྲེལ་གྲོས་ཆོད།................................................ 113 ཕྱི་ལོ་ ༢༠༡༤ ཟླ་ ༣ ཚེས་ ༡༧ ཉིན་གྱི་གཞུང་འབྲེལ་གྲོས་ཆོད།............................................... 121

བཀའ་ཤག་གི་གསལ་བསྒྲགས།

ཕྱི་ལོ་ ༡༩༩༦ ཟླ་ ༥ ཚེས་ ༣༡ ཉིན་བཀའ་ཤག་གི་གསལ་བསྒྲགས།.......................................... 124 དཔལ་ལྡན་སྲིད་སྐྱོང་མཆོག་གི་དོལ་རྒྱལ་རྗེས་འབྲང་པའི་ཚུལ་མིན་བྱ་སྤྱོད་སྐོར་ལགསར་འགོད་གསལ་

བསྒྲགས།................................................................................................................... 132

དཔལ་ལྡན་ཚོགས་གཙོ་མཆོག་གི་གསུང་བཤད།

དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གི་དོལ་རྒྱལ་དང་འབྲེལ་བའི་སྐོར་ལ་

གསུང་བཤད།.............................................................................................................. 135

དཔལ་ལྡན་སྲིད་སྐྱོང་མཆོག་གི་གསུང་བཤད།

དཔལ་ལྡན་སྲིད་སྐྱོང་མཁས་དབང་བློ་བཟང་སེང་གེ་མཆོག་ནས་དོལ་རྒྱལ་དང་འབྲེལ་བའི་གསུང་བཤད་གནང་

ཁག་ཕྱོགས་བསྒྲིགས་ཞུས་པ།.......................................................................................... 179 IV

༸གོང་ས་མཆོག་གི་བཀའ་སློབ།

༡

བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གི་སུ་ཇཱ་བོད་ཁྱིམ་སློབ་གྲྭར་དོལ་རྒྱལ་སྐོར་གསུང་

བཤད།...................................................................................................................... 185

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

༡

དཔལ་ལྡན་ཆོས་རིག་བཀའ་བློན་པདྨ་ཆོས་འབྱོར་མཆོག་ནས་༸གོང་ས་མཆོག་གི་ལམ་རིམ་ཁྲིད་ཆེན་བརྒྱད་

༢

བོད་མི་མང་སྤྱི་འཐུས་སྐབས་ ༡༥ པའི་གྲོས་ཚོགས་ཚོགས་དུས་ ༧ པའི་ཐོག་གཞུང་འབྲེལ་གྲོས་ཆོད་གྲོས་

ཀྱི་བཀའ་ཆོས་སྐབས་དོལ་རྒྱལ་སྐོར་གསུང་བཤད།................................................................ 211 འཆར་ཡིག་ཆ་ཨང་ ༢༢ ཐོག་བཀའ་བསྡུར་བགྲོ་གླེང་སྐབས་དཔལ་ལྡན་ཆོས་རིག་བཀའ་བློན་པདྨ་ཆོས་འབྱོར་ མཆོག་གིས་གསུངས་པ་སྒྲ་འཛིན་འོད་སྡེར་ནས་ཡིག་ཐོག་ཕབ་པ།............................................... 222

༡

༡

༡

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པའི་ཐོག་དཔལ་ལྡན་

བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་གི་དོལ་རྒྱལ་དང་འབྲེལ་བའི་སྐོར་གསུང་བཤད།....... 227

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

ཕྱི་ལོ་ ༢༠༡༤ ཟླ་ ༧ ཚེས་ ༢༡ ཉིན་དཔལ་ལྡན་དགའ་ལྡན་ཕོ་བྲང་པ་ཆེན་པོའི་དྲུང་ཆེ་བློ་བཟང་སྦྱིན་པ་མཆོག་ གི་དོལ་རྒྱལ་སྐོར་གསུང་བཤད།........................................................................................ 247

དཔར་བྱང་སྨོན་ཚིག

དཔར་བྱང་སྨོན་ཚིག...................................................................................................... 260

V

༸གོང་ས་མཆོག་གི་བཀའ་སློབ།

ཕྱི་ལོ་ ༡༩༧༨ ཟླ་ ༦ ཚེས་ ༡༣ ཉིན་རྣམ་གྲྭ་མཁན་པོ་བློ་བཟང་ཉི་མ་དང༌། དགེ་བཤེས་བློ་ བཟང་བསྟན་འཛིན། རྣམ་གྲྭའི་ལས་སྣེ་དང༌། རྒན་གྲས་ཉི་ཤུ་རྩ་གཉིས། གནས་ཆུང་བ་ རྒན་གྲས་ལྔ། རིགས་ལམ་སློབ་གྲྭའི་དགེ་རྒན་གཉིས། བཞུགས་སྒར་དུ་གཏན་སྡོད་རྒྱུད་

གྲྭ་སྟོད་སྨད་ཀྱི་འཐུས་མི་གཉིས། དམིགས་བསལ་བཅར་འཐུས་བཀའ་འཁྲོལ་ཨ་རི་ཁུལ་ བཅའ་སྡོད་རྭ་སྟོད་སྐྱོང་བླ་སྤྲུལ་སྐུ་དང༌། ཉག་རེ་སྐལ་བཟང་ཡེ་ཤེས་བཅས་པར་དོལ་ རྒྱལ་སྐོར་བཀའ་སློབ་སྩལ་པ།

༄༅། །དེ་རིང་ངས་སྒྲུང་ཅིག་ཤོད་འདོད་བྱུང༌། དེང་སང་རྒྱལ་ཆེན་ཤུགས་ལྡན་གྱི་སྐོར་ལ་སྐད་ཆ་ཕྲན་བུ་ཕྲན་ བུ་ཡོང་གི་ཡོད་སྟབས། ངས་རྣམ་གྲྭ་དང༌། གནས་ཆུང་བ་ཁྱེད་རང་ཚོར་རྒྱལ་ཆེན་ཤུགས་ལྡན་གྱི་སྐོར་ལ་འགྲེལ་ བཤད་ཅིག་བརྒྱབ་ན་བསམ་བྱུང༌། ཁྱེད་རང་ཚོས་ཤེས་གསལ་རེད། བར་ལམ་རྒྱལ་ཆེན་ཤུགས་ལྡན་སྐོར་ལ་

འགྱུར་བ་ཕྱིན་ཡོད་པ་དང༌། འགྱུར་བ་འགྲོ་སྟངས་ཐོག་མཐའ་བར་གསུམ་གྱི་གནས་ཚུལ་དངོས་རྗེན་རྣམས་ 1

༸གོང་ས་མཆོག་གི་བཀའ་སློབ།

བཤད་ན་བསམ་པ་དྲན་བྱུང༌། སྐུ་ཞབས་མཁན་པོ་དང་སྐད་ཆ་བྱུང༌། གཞན་དག་སུས་ཀྱང་འདི་སྐོར་ད་ཕན་གང་ ཡང་ཤེས་ཀྱི་མེད། རྒྱལ་ཆེན་གྱི་ཐོག་མའི་འབྱུང་ཁུངས་ནི། ྋསྐྱབས་རྗེ་རིན་པོ་ཆེས་མཛད་པའི་བསྟོད་འགྲེལ་

ནང་གསུངས་པ་བཞིན། སྤྲུལ་སྐུ་གྲགས་པ་རྒྱལ་མཚན་ནས་བྱུང་བར་གསུངས། སྤྲུལ་སྐུ་གྲགས་པ་རྒྱལ་མཚན་ ཁོང་རང་གི་གཤིས་ཀ་དང༌། དགོངས་པ་བཞེས་སྟངས་དེ་ཚོ་ཡག་པོ་ཞིག་ཡོད་པ་རེད་བསམ་གྱི་འདུག གྲགས་

པ་རྒྱལ་མཚན་གྱི་གསུང་འབུམ་བྲིས་མ་ཞིག་ངས་མཐོང་བྱུང་བ་དེའི་ནང་ཁོང་གི་གསང་རྣམ་ཡང་འདུག ཁོང་ སློབ་སྦྱོང་ཡག་པོ་དང༌། ཐུགས་དུལ་པོ་ཡག་པོ་ཡོད་ཚོད་འདུག ཁོང་གི་གསུང་ནང་བླ་མའི་རྣལ་འབྱོར་ཁག་ཁ་ ཤས་འདུག གཅིག་གི་ནང་ལ་དབུས་སུ་སྟོན་པ་ཐུབ་པའི་དབང་པོ་དང༌། དེའི་མཐའ་སྐོར་ལ་སློབ་དཔོན་རིན་པོ་

ཆེ་དབུས་སུ་བཞུགས་པར་དེའི་མཐའ་རྙིང་མ་བརྒྱུད་པའི་བླ་མ་རྣམས་ཀྱིས་བསྐོར་བ། ས་ཆེན་ཀུན་དགའ་སྙིང་

པོ་གཙོ་བོར་བྱས། དེའི་མཐའ་ལ་ས་སྐྱའི་བླ་མ་རྣམས་ཀྱིས་བསྐོར་བ། མར་མི་དྭགས་གསུམ་གཙོ་བོར་གྱུར་པ་ལ་ བཀའ་བརྒྱུད་བླ་མ་རྣམས་ཀྱིས་བསྐོར་བ། རྗེ་རིན་པོ་ཆེ་ཡབ་སྲས་གཙོ་བོར་བྱས་པ་ལ་དགེ་ལུགས་བླ་མ་རྣམས་ ཀྱིས་བསྐོར་བ། མདུན་དུ་ཆོས་འབྲེལ་དངོས་ཐོབ་ཀྱི་རྩ་བའི་བླ་མ་པཎ་ཆེན་ཆོས་རྒྱན་དང༌། ྋརྒྱལ་དབང་ལྔ་པ་

གཉིས་ཡོད་པ། དེ་འདྲའི་ཚོགས་ཞིང་ཞིག་བསྒྲིགས་ནས་ཡོད་པ་དང༌། དེ་དང་རྗེས་འབྲེལ་གྱི་དངོས་གཞི་ཡན་ ལག་བདུན་པའི་ཕྱག་འཚལ་བའི་ཡན་ལག་དང༌།

རྗེས་སུ་ཡི་རངས་པའི་ཡན་ལག དེ་ཚོའི་སྐབས་ལ་ས་དགེ་བཀའ་རྙིང་གི་བླ་མ་གོང་མ་ཚོའི་མཛད་པའི་

སྙིང་པོ་རྣམས་བཀོད་ནས་དེ་འདྲའི་ཡོན་ཏན་དྲན་པའི་སྒོ་ནས་ཕྱག་འཚལ་བ་དང༌། བསྟོད་པ་བྱེད་རྒྱུ་ཡོད་པ།

མཇུག་བྱང་ལ་དེང་སང་ཆོས་ལུགས་ཀྱི་ཐོག་ནས་སྡིག་པ་ཚབས་པོ་ཆེ་ཞིག་བསགས་ཏེ་ངན་སོང་ལ་ལྟུང་བའི་ རྒྱུ་སྒྲུབ་མཁན་ཡོང་གི་འདུག དེ་འདྲའི་དགག་བྱ་སེལ་བའི་དོན་དུ་འདི་ཆེད་དུ་གཉེར་ནས་བསྒྲིགས་པ་ཡིན་ཞེས་ གསུངས་འདུག ངས་དེ་མཐོང་སྟེ་ཡག་པོ་རེད་བསམ་པ་དྲན་བྱུང༌། རྣམ་ཀུན་རྒྱལ་ཆེན་ཕྱོགས་ལྷུང་ཡོད་པ་ལྟ་ བུར་བརྩི་གི་ཡོད་ཀྱང༌། གྲགས་པ་རྒྱལ་མཚན་གྱི་གསུང་ནང་དེ་འདྲ་ཞིག་ཡོད་སྟབས་ཡག་པོ་རེད་བསམ་བྱུང༌།

ྋརྒྱལ་དབང་བསོད་ནམས་རྒྱ་མཚོའི་རྣམ་ཐར་ནང་སྐབས་ཤིག་ཡང་སྲིད་རིན་པོ་ཆེས་གཟིམ་ཆུང་ནང་ཆུ་རྩེད་ མཛད་པས་ཞབས་དྲུང་གསུང་རབ་པས་མ་མགུ་ནས་སྙན་སྒྲོན་ཕུལ་བ་མ་གསན་ན་ང་ནི་པཎ་ཆེན་བསོད་ནམས་

གྲགས་པས་བདག་པོ་བསྐྱོན་པ་ཡོད། གཟིམ་ཁང་གོང་ལ་འགྲོ་གི་ཡིན་ཞེས་དེ་འདྲ་བགྲངས་ཀྱི་ཡོད་པ་གསལ་ འདུག དེའི་བབས་ནས་བལྟས་ན་ཡང་གཟིམ་ཁང་འོག་ཅེས་པ་༸རྒྱལ་བ་རིན་པོ་ཆེའི་བླ་བྲང་དང༌། གཟིམ་ཁང་ 2

༸གོང་ས་མཆོག་གི་བཀའ་སློབ།

གོང་ཞེས་པ་སྤྲུལ་སྐུ་གྲགས་པ་རྒྱལ་མཚན་ན་རིམ་བཞུགས་སའི་བླ་བྲང་གཉིས་ཀ་དར་རྒྱས་ཆེན་པོ་ཡོད་པ་ དང༌། དེ་འདྲའི་རྐྱེན་གྱིས་གཤམ་འོག་ལས་ཀ་བྱེད་མཁན་ཚོའི་ནང་དུའང་ཕྲན་བུའི་མཐུན་མི་མཐུན་གྱི་གནས་

ཚུལ་ཞིག་ཏན་ཏན་ཡོད་ཚོད་འདུག ྋགོང་ས་ལྔ་པ་ཆེན་པོའི་རྣམ་ཐར་ནང་སྐབས་ཤིག་གཟའ་འཛིན་དང་བསྟུན་ མ་ཤའི་ལས་སྦྱོར་གནང་རྩིས་ཀྱིས་བདུན་ཕྲག་གཅིག་གི་མཚམས་བཞུགས་རྩིས་སྐབས་ལ། སྔ་དྲོ་སྐུ་ཉོབ་ མདངས་ཆེན་པོ་བྱུང་སྟེ་ཐུན་ལེགས་པོ་ཡེ་མ་བྱུང༌། དེ་ཉིན་གཟིམ་ཁང་གོང་གི་སྤྲུལ་སྐུ་བསྙུན་གྱི་འདུག་ཅེས་གློ་ བུར་དུ་ལན་ཞིག་འབྱོར། ྋགོང་ས་ལྔ་པ་ཆེན་པོ་ཕེབས་པའི་སྐབས་ལ་འབྱུང་པོ་ཞིག་གིས་བརླམས་པས་ཐུགས་

དྲན་མི་ཟིན་པར་ཡོད་པར་གཟིགས་ཤིང༌། ྋརྒྱལ་དབང་ཉིད་ཀྱི་སྐུའི་ཉོབ་མདངས་དེ་ཡང་གདོན་གྲིབ་ཡིན་པ་ འདྲ་འདུག་ཅེས་གསུངས་པ་གསལ་གྱི་འདུག དགེ་འདུན་རྒྱ་མཚོའི་རྣམ་ཐར་ལ་བལྟས་ན་ྋརྒྱལ་དབང་རིམ་པར་

གནས་སྙིང་རྒྱལ་པོའི་ཆོ་འཕྲུལ་ཞིག་ཡོད་པར་སྣང༌། ཡང༌། ྋརྒྱལ་དབང་རྣམ་ཐར་ནང་དུ་གསལ་གྱི་མེད་ཀྱང་། སྤྱིར་བཏང་བཤད་རྒྱུན་ཞིག་ལ་དར་བརྫོང་རྒྱབ་ནས་བཀྲོངས་པ་རེད་ཅེས་ཤོད་ཀྱི་ཡོད། ཡང༌། གྲགས་པ་རྒྱལ་

མཚན་གྱི་སྐུ་སྐྱེ་གོང་མ་ཞིག་ལ་གནས་ཆུང་གིས་བསྐུལ་བ་རེད་ཅེས་ཟེར་རྒྱུན་ཞིག་ཀྱང་ཡོད། དེ་ཚོ་སྤྱིར་བཏང་ ཡིག་ཆའི་ནང་ཡོད་པས་ན་ངས་ཞིབ་བཤད་མ་དགོས་པ་དང་། གང་ལྟར་ཡོངས་གྲགས་ཀྱི་གནས་ཚུལ་ལ་ྋགོང་

ས་ལྔ་པ་ཆེན་པོ་དང༌། གྲགས་པ་རྒྱལ་མཚན་གཉིས་དབར་འབྲེལ་བ་ཞིག་ཆགས། དེ་ནས་སྤྲུལ་སྐུ་གྲགས་པ་རྒྱལ་ མཚན་དྲེགས་པའི་སྐུར་བཞེངས་པ་རེད་ཅེས་སྐད་ཆ་ཞིག་ཡོང་གི་ཡོད།

ཡང༌། ྋགོང་ས་ལྔ་པའི་ཡོངས་གྲགས་ཀྱི་རྣམ་ཐར་ནང་ཡོད་པ་བཞིན་དོལ་རྒྱལ་ཆེན་གྱི་ཆོ་འཕྲུལ་རྣམ་

འགྱུར་གང་ལ་གང་འཚམས་ཤིག་བྱུང༌། དེ་མེད་པ་བཟོ་རྒྱུའི་ཐབས་ཤེས་ལ་ྋགོང་ས་ལྔ་པ་རང་ནས་ཀྱང་དྲག་ ལས་གནང་བའི་ལོ་རྒྱུས་ཡོད་པ་དང༌། དེ་བཞིན་སྨིན་གྲོལ་གླིང་གི་རིག་འཛིན་གཏེར་བདག་གླིང་པ་དང༌། རྡོ་རྗེ་ བྲག་གི་རིག་འཛིན་པདྨ་འཕྲིན་ལས་ཁོང་གཉིས་ནས་གཅིག་གིས་ཨེ་ཝཾ་དང༌། གཅིག་གིས་རྩེ་ལ་སྦྱིན་སྲེག་དུས་

གཅིག་ལ་གནང་བའི་ལོ་རྒྱུས་ཤིག་ཡོད་ཚོད་འདུག རིག་འཛིན་པད་འཕྲིན་གྱི་རྣམ་ཐར་ནང་སྐབས་དེར་དོལ་ རྒྱལ་ཆེན་གྱི་ཆེད་དུ་དམིགས་ནས་དྲག་པོའི་སྦྱིན་སྲེག་གནང་བའི་སྐབས་ལ་ཤ་རྗེན་མེར་བསྲེགས་བཏང་བའི་ དྲི་མ་དངོས་སུ་ཚོར་བ་ཞིག་བྱུང༌། དེ་ནས་བཟུང་སྟེ་ཤུལ་མེད་དུ་སོང་བའི་ལོ་རྒྱུས་གསུང་རྒྱུན་གཅིག་ཡོད།

ཡང༌། རིགས་གཅིག་ལ་བསེ་ཁྲབ་པས་རྒྱལ་ཆེན་ལ་གྲོགས་འཕྲིན་ལས་བྱས་ཏེ་སྲེག་མ་ཐུབ་པའི་ལོ་རྒྱུས་ཀྱང་ ཡོད་པ་རེད། ཡང༌། སྤྲུལ་སྐུ་གྲགས་པ་རྒྱལ་མཚན་དྲག་པོ་ལ་བཞེངས་ཚར་བའི་རྗེས་ལ་ཁོང་པཎ་ཆེན་བློ་བཟང་ 3

༸གོང་ས་མཆོག་གི་བཀའ་སློབ།

ཆོས་རྒྱན་གྱི་སློབ་མ་ཡིན་སྟབས་བཀྲ་ཤིས་ལྷུན་པོར་ཕེབས། བཀྲ་ཤིས་ལྷུན་པོར་རྣམ་སྲས་རྟ་བདག་བརྒྱད་ ཀྱིས་བཀྲ་ཤིས་ལྷུན་པོའི་དགོན་པ་བསྐོར་ནས་ནང་དུ་མ་ཐར་བའི་ལོ་རྒྱུས་ཡོངས་གྲགས་ཡོད་པ་དེ་རེད། འདི་ སྐོར་ལ་བསམ་བློ་གཏོང་དགོས་པ་ཞིག་ཆགས་ཀྱི་འདུག དེའི་སྐབས་བཀྲ་ཤིས་ལྷུན་པོར་བཞུགས་པའི་པཎ་ཆེན་

བློ་བཟང་ཆོས་རྒྱན་དགེ་ལུགས་པའི་བསྟན་པའི་བདག་པོར་ཡོད་པ་དང༌། ཁོང་ཉིད་ཀྱི་སློབ་མ་གྲགས་པ་རྒྱལ་ མཚན་དགེ་ལུགས་པའི་བསྟན་པའི་དོན་དུ་དྲག་པོའི་སྐུར་བཞེངས་པ་ཞིག་ཡིན་ན། རྗེ་བླ་མས་སྐྱེས་བུ་གསུམ་གྱི་

སྲུང་མར་བསྔགས་པའི་ནང་ཚན་རྣམ་ཐོས་སྲས་ཀྱིས་གྲོགས་འཕྲིན་དགའ་བསུ་ཞུ་དགོས་ཚོད་རེད། གང་ལྟར་བླ་

མའི་ཞལ་ལ་གཟིགས་ནས་ཕེབས་པའི་སྐབས་ལ་རྒྱུ་མཚན་ག་རེ་ཡིན་རུང་མིན་རུང་ཞལ་མཇལ་དམ་འདོགས་མ་ བྱུང་ནས་གནས་ཚུལ་གྲ་མ་འགྲིག་པ་ཞིག་ཐོན། དེ་ནས་སྐབས་དེའི་ས་སྐྱའི་བདག་ཁྲི་ནས་བདག་པོ་བསྐྱོན་རྒྱུའི་ དགོས་པ་ཞིག་གཟིགས་ཚོད་ནས་བདག་པོ་བསྐྱོན་ཏེ་ས་སྐྱ་དང་འབྲེལ་བ་ཡོང་སྟངས་འདི་འདྲ་རེད། དེ་འདྲ་བའི་ གནས་ཚུལ་ལོ་རྒྱུས་གཅིག་ཡོད།

དེ་མིན་ྋརྒྱལ་དབང་དྲུག་པ་ཚངས་དབྱངས་རྒྱ་མཚོས་རྙིང་མའང་ཤུགས་ཆེན་པོ་གནང་ཡོད་ཚོད་རེད།

ྋགོང་ས་ྋལྔ་པ་ཆེན་པོའི་མཛད་སྲོལ་དྲི་མ་མ་ཡལ་བར་བསྡད་ཡོད། དེ་རྗེས་ྋརྒྱལ་མཆོག་བདུན་པ་ཆེན་ པོའི་སྐབས་ལ་དགེ་ལུགས་གཙང་མ་གནང་བ་རེད། གཅིག་བྱས་ན་རྒྱལ་ཆེན་གྱི་འབྲེལ་བ་ཡོང་དགོས་ཚོད་ ཡིན་ནའང༌། ྋརྒྱལ་མཆོག་བསྐལ་བཟང་གི་གསུང་ནང་རྒྱལ་ཆེན་དང་འབྲེལ་བ་ཡོད་པའི་གླེང་སློང་རྩ་བ་ནས་

མི་འདུག དེ་ནས་ྋརྒྱལ་བ་རིམ་བྱོན་སྐུ་མདུན་སྐུ་གོང་མ་ལ་ཐུག་གི་བར་ྋརྒྱལ་བ་སྐུ་ཕྲེང་རིམ་བྱོན་གྱི་ནང་

ལ་རྒྱལ་ཆེན་དང་འབྲེལ་བ་ཡོད་པ་རྩ་བ་ནས་ཡོད་ས་མ་རེད། ྋརྒྱལ་མཆོག་ཚུལ་ཁྲིམས་སམ། ྋལུང་རྟོགས་

གཉིས་སུ་ཡིན་གཅིག་ཁམས་ནས་ཕེབས་ལམ་ཞིག་ལ་རྒྱལ་ཆེན་སྐུ་ཕེབས་ཞིག་གིས་མཇལ་ཁ་ཞུས་པའི་ལོ་ རྒྱུས་ཤིག་འདུག

དེ ་ནི ་ས་གནས་དེ་གའི་གནས་ཚུལ་ཞིག་ལས། དེ ་ལས་སྤྲོ ས ་པའི ་ ྋརྒྱལ་བ་སྐུ་ཕྲེང་རི མ ་བྱོ ན་དང་

དམིགས་སུ་བསལ་བའི་འབྲེལ་བ་གང་ཡང་བྱུང་མི་འདུག པཎ་ཆེན་བློ་བཟང་ཡེ་ཤེས་སྐབས་འབྲེལ་བ་བྱུང་ཚོད་

མི་འདུག དེའི་རྗེས་ཀྱི་པཎ་ཆེན་དཔལ་ལྡན་ཡེ་ཤེས་ཀྱི་སྐབས་ལའང་འབྲེལ་བ་ཨེ་ཡོད་བསམ་པ་འདུག བསྟན་

པའི་ཉི་མའི་སྐབས་ལ་གང་འདྲ་ཡིན་མིན་ངས་གསལ་པོ་མི་ཤེས། བསྟན་པའི་དབང་ཕྱུག་གི་སྐབས་ལ་འཁོན་

འགྲས་བྱུང་བའི་ལོ་རྒྱུས་ཤིག་ཤོད་ཀྱི་ཡོད། དེ་དང་པོ་བསྟེན། དེ་ནས་འཁོན་འགྲས་ཤོར་བ་ཡིན་ནམ། དང་པོ་ 4

༸གོང་ས་མཆོག་གི་བཀའ་སློབ།

ནས་འབྲེལ་བ་དམིགས་བསལ་མེད་པ་འཁོན་འགྲས་ཤོར་བ་ཇི་ཡིན་མི་ཤེས། དེ་ནས་ྋརྒྱལ་བ་སྐུ་གོང་མའི་

སྐབས་ལ་སྤྱིར་བཏང་ལྷ་ཕེབས་མཁན་མང་པོ་ཞིག་ལ་དམ་བསྒྲགས་གནང་བ་དང༌། ལྷག་པར་རྒྱལ་ཆེན་གྱི་ཐོག་ ལ་དམ་བསྒྲགས་ཤུགས་ཆེན་པོ་གནང་ཡོད་ཚོད། ལྷ་ས་སྤྲོ་བདེ་ཁང་གསར་ལ་རྒྱལ་ཆེན་སྐུ་ཕེབས་མི་ཆོག་

པའི་དམ་བསྒྲགས་བཀའ་འགོག་ནི་གནང་མེད། རྒྱ་ཁྱབ་ལ་དམ་བསྒྲགས་ཀྱི་བཀའ་རྒྱ་ཞིག་བཀྲམས་ཡོད་ཚོད་

འདུག སྐབས་དེར་འབྲས་སྤུངས་ལ་ཡང་དམ་བསྒྲགས་ཤུགས་ཆེན་པོ་བྱུང་སྟེ་འབྲས་སྤུངས་སྔགས་ཁང་ནང་

རྒྱལ་ཆེན་གྱི་སྐུ་གཅིག་ཡོད་ཚོད་དེ་ཡང་མར་འདོན་དགོས་པ་དང༌། སྤྲོ་བདེ་ཁང་གསར་ལ་དུང་རྒྱ་གཏོང་མཁན་

འབྲས་སྔགས་ནས་ཡོང་ལམ་ཞིག་ཡོད་པ་དེ་ཡང་མཚམས་བཞག་འདུག དེ་བཞིན་དགའ་ལྡན་ལའང་ཁང་ཚན་ འགའ་ཤས་ནང་རྒྱལ་ཆེན་བསྟེན་མཁན་ཚོར་སྐབས་དེར་དམ་བསྒྲགས་ཤུགས་ཆེན་པོ་བྱུང༌། སྐུ་གོང་མས་དམ་ བསྒྲགས་གནང་བའི་རྗེས་འབྲེལ་སྐབས་དེར་དགའ་ལྡན་ཁྲི་པ་མི་ཉག་ཨ་མྲིའམ། ཡེ་ཤེས་དབང་ལྡན་ཡིན་ཚོད་

འདུག ཁོང་གིས་ཀྱང་དེའི་ཐོག་ལ་མཇུག་གནོན་ཤུགས་ཆེན་པོ་གནང་ནས་གང་ལྟར་དགའ་ལྡན་གླིང་ནང་ལ་རྒྱལ་ ཆེན་བསྟེན་རྒྱུ་མངོན་གསལ་ཆུང་ཆུང་བྱེད་དགོས་པའི་གནས་ཚུལ་བྱུང་ཚོད་འདུག དེ་ཚོ་སྐུ་གོང་མའི་སྐབས་ལ་ བྱུང་བ་རེད།

དེ་ནས་ངོས་ནས་ནོར་འཁྲུལ་བྱས་པ་རེད། ངས་ནོར་འཁྲུལ་གང་འདྲ་བྱས་པ་རེད་ཟེར་ན། ྋརྒྱལ་བ་སྐུ་

ཕྲེང་གོང་མ་དེ་ཚོའི་རང་ལུགས་ཀྱི་འགྲོ་སྟངས་ཤིག་ཡོད་པ་དེའི་སྒང་ལ་འགྲོ་སྡོད་རང་ཚུགས་ཐུབ་པ་ཞིག་མ་

བྱུང་བ་རེད། དེ་ཡང་གྲོ་མོར་ཕྱིན་པའི་སྐབས་ལ་གྲོ་མོ་དུང་དཀར་དགོན་པར་སྡོད་རྒྱུ་འཁེལ། གྲོ་མོ་དུང་དཀར་ དགོན་པར་དྲག་པོ་རྒྱལ་ཆེན་སྐུ་ཕེབས་རྒྱུ་དང༌། འདུལ་འཛིན་ཞི་བའི་སྐུ་ཕེབས་རྒྱུ་ཡོད་པ་རེད། སྐུ་བསྟེན་ཁོང་ རང་མཁས་པ་ཤེས་བྱ་ཡོན་ཏན་ཡོད་མཁན་ཅིག་མ་ཡིན་ནའང༌། སྐུ་ཕེབས་པའི་སྐབས་ལ་ལུང་གསལ་པོ་དང་ངོ་

སོ་ཐོན་པོ་ཡག་པོ་ཡོད་ཚོད་འདུག དེ་འདྲའི་ཐོག་ནས་སྐབས་དེར་ང་ལྷ་ས་ནས་གྲོ་མོར་འགྲོ་དགོས་ཀྱི་གློ་བུར་གྱི་

གནས་ཚུལ་ཞིག་ཆགས། གནས་ཆུང་སྐུ་རྟེན་དང༌། དགའ་གདོང་སྐུ་རྟེན་གཉིས་ཀ་ཆིབས་ཞབས་ཁོངས་སུ་ཡོད་ པ་མ་རེད། དེ་དུས་གནས་དགའ་གཉིས་ལ་འཆར་ཅན་ལོ་གསོལ་དབྱར་གསོལ་དགུན་གསོལ་གྱི་སྤྱན་འདྲེན་ལས་

དམིགས་བསལ་གཟིམ་ཆུང་སྤྱན་འདྲེན་བཏང་ནས་ཉེ་པོ་བྱས་པ་སོགས་གང་ཡང་བྱུང་མེད། མ་གཞི་དེ་ཕན་ཆད་ ཀྱི་ངའི་གནས་སྟངས་ཕྲུ་གུ་ཆུང་ཆུང་ཞིག་འཚར་ལོངས་བྱེད་པའི་སྐབས་རེད། སོ་སོས་བསམ་བློ་བཏང་སྟེ་རང་ དབང་གི་ཐོག་ནས་ལྷའི་གནས་ཚུལ་ཕར་བཞག་སྟེ་སྤྱིར་བཏང་ཡང་ངས་དེ་ཙམ་བསམ་བློ་འཁོར་ཐུབ་ཀྱི་མེད། 5

༸གོང་ས་མཆོག་གི་བཀའ་སློབ།

གང་ལྟར་ཡང་སྙིང་སྐབས་དེར་གནས་དགའ་གཉིས་མེད་པ་དང༌། ཚུར་ཕྱོགས་འདིར་རྒྱ་བོད་གཉིས་གྲོས་མཐུན་

བྱེད་རྒྱུས་མཚོན་པའི་གནས་ཚུལ་རྙོག་དྲ་མང་པོ་བྱུང༌། ལས་བྱེད་ཚོའི་ཁོངས་ནས་ཕར་ལྷ་སར་ལོག་དགོས་ཟེར་ མཁན་གཅིག་དང༌། ཚུར་རྒྱ་གར་ལ་འགྲོ་དགོས་ཟེར་མཁན་ཁག་ཅིག་སོགས་ཀྱི་ཐག་གཅོད་ཧ་ཅང་བྱེད་ཁག་

པོའི་གནས་ཚུལ་མང་པོ་བྱུང༌། དེ་འདྲའི་སྐབས་ལ་འདུལ་འཛིན་སྐུ་ཕེབས་ཡག་པོ་གཅིག་འཁྲིས་དེར་ཡོད་པ་དང་། ཕྱོགས་གཅིག་ནས་ང་རང་གི་ངོས་ནས་རྗེ་ཕ་བོང་ཁ་ལ་དད་པ་ཆེན་པོ་ཡོད་པ་དེ་འདྲའི་རྐྱེན་ཞེན་ཁོག་དང་སེམས་ ཐག་ཉེ་པོ་ཞིག་ཆགས། ྋསྐྱབས་རྗེ་ཁྲི་བྱང་རིན་པོ་ཆེ་ནས་ཀྱང་ཐུགས་མཉེས་པོ་གནང་གི་ཡོད་པ་དེ་འདྲས་ཀྱང་

རྐྱེན་བྱས། གང་ལྟར་རྐྱེན་མང་པོ་ཞིག་འཕྲད་དེ་ཐ་མ་གྲོ་མོར་གཟིམ་ཆུང་དུ་འདུལ་འཛིན་སྤྱན་འདྲེན་ཞུས་པ་རེད། སྤྱན་འདྲེན་གཏོང་སྐབས་དགའ་ལྡན་ལྷ་བརྒྱ་མར་སྟག་ཕུའི་གསང་རྟ་བསྐྱོན་ནས་འདོན་གྱི་འདུག སྐུ་ཕེབས་པའི་

སྐབས་ལ་ཡང་ཆོས་གོས་སྣམ་སྦྱར་དང༌། པཎ་ཞྭ་བཞེས། ཡིན་མདོག་ཁ་པོ་འདུག ངོས་ལ་ཕྱོགས་ནས་སྡོང་པོ་ འགྱེལ་བ་ལྟ་བུའི་ཕྱག་འཚལ་གྱི་འདུག ལུང་འདྲ་དོགས་གཅོད་ཞུས་པའི་སྐབས་ལ་གསལ་པོ་གང་ལ་གང་འཚམ་ འདུག ཚར་གཅིག་གི་སྐབས་ལ་ད་ལྟ་དགའ་ལྡན་དུ་རྗེ་རིན་པོ་ཆེར་དགོངས་བསྐོར་ཞུས་ནས་ཡོང་བ་ཡིན་ཞེས་ ཐག་ཆོད་མདོག་ཁ་པོ་དང༌། ཡིན་མདོག་ཁ་པོ་གསུངས་བྱུང༌།

དེ་ནས་གྲོ་མོ་ནས་ལྷ་སར་ལོག་ཁར་རྒྱལ་ཆེན་བསྟེན་རྒྱུའི་བསམ་ཚུལ་ཤུགས་ཆེ་རུ་ཕྱིན་ནས་དུང་

དཀར་དགོན་པའི་ཚོམས་ཆེན་ནང་ཤུགས་ལྡན་དྲག་པོ་སྤྱན་འདྲེན་ཞུས། དེ་ལ་རྒྱལ་ཆས་གསར་པ་བཟོས་ནས་ ཕུལ། ཐོག་མ་རྒྱལ་ཆེན་དང་འབྲེལ་བ་ཡོང་སྟངས་དེ་འདྲ་བྱས་ནས་བྱུང་བ་རེད། ྋརྒྱལ་བ་སྐུ་ཕྲེང་བཅུ་བཞི་ པས་རང་ཚུགས་ཟིན་མ་ཐུབ་པར་ྋརྒྱལ་དབང་གོང་མའི་ལམ་ལ་ཏག་ཏག་འགྲོ་མ་ཐུབ་པའི་ནོར་འཁྲུལ་དང་པོ་ དེ་དུས་བྱས་པ་རེད། ྋསྐྱབས་རྗེ་སྟག་བྲག་རིན་པོ་ཆེ་རྒྱལ་ཐོག་གནང་བའི་སྐབས་དགེ་བཤེས་ཚེ་དབང་བསམ་

གྲུབ་ནས་ལྕགས་པོ་རི་དང༌། སྤྱན་བསལ་གླིང་ཁར་འཇིགས་བྱེད་ཀྱི་སྒོ་ནས་དྲག་པོའི་འཕྲུལ་འཁོར་སྒྲུབ་ཏུ་འཇུག་

གནང་སྐབས་དང༌། ང་གྲོ་མོར་འགྲོ་ཤུལ་དུ་དགེ་བཤེས་ཚེ་དབང་བསམ་གྲུབ་ནས་རྒྱས་པའི་འཕྲུལ་འཁོར་དང༌། དབང་གི་འཕྲུལ་འཁོར་སྒྲུབ་སྟེ་གྲོ་མོར་ཆེད་མངགས་བཏང་བྱུང་བ་བཅས་ཁོང་དང་འབྲེལ་བ་ཕྲན་བུ་བྱུང་བ་དང༌། དེ་ནས་གྲོ་མོ་ནས་ལྷ་སར་སླེབས་པའི་རྗེས་ལ་གཟིམ་དཔོན་མཁན་པོ་བྱམས་པ་ཆོས་བཟང་དང༌། དགེ་བཤེས་ཚེ་

དབང་བསམ་གྲུབ་གཉིས་ཧ་ཅང་ཉེ་པོ་རེད། དགེ་བཤེས་ཚེ་དབང་བསམ་གྲུབ་ལྕགས་ཟམ་ལ་བཞུགས་ཀྱི་ཡོད་ལ།

ཆོས་འཁོར་ཡང་རྩེའི་རྒྱལ་ཆེན་ཆོས་རྗེ་ད་ལྟ་མོན་གྷོ་ལ་ཡོད་པ་དེ་དང་དགེ་བཤེས་ཚེ་དབང་བསམ་གྲུབ་གཉིས་ 6

༸གོང་ས་མཆོག་གི་བཀའ་སློབ།

ཉེ་པོ་ཡོད་ཚོད་འདུག དེ་འདྲའི་ཐོག་ནས་སྐབས་ཤིག་ལ་ཆོས་འཁོར་ཡང་རྩེའི་རྒྱལ་ཆེན་གྱི་ལུང་བསྟན་གཅིག་ དགེ་བཤེས་ཚེ་དབང་བསམ་གྲུབ་ནས་གཟིམ་དཔོན་བྱམས་པ་ཆོས་བཟང་བརྒྱུད་ང་ལ་བསྐུར་བྱུང༌། དེ་རྗེས་གཞི་ ནས་གཟིམ་དཔོན་བྱམས་པ་ཆོས་བཟང་བརྒྱུད་དགེ་བཤེས་ཚེ་དབང་བསམ་གྲུབ་སར་ཡར་མར་ཆིབས་གཡོག་

བཏང༌། ཆིབས་གཡོག་གི་མདུན་ལ་ལུང་ཞུའི་ས་བོན་འདྲ་བསྐུར་ཏེ་དགེ་བཤེས་ཚེ་དབང་བསམ་གྲུབ་བརྒྱུད་ནས་ ཆོས་འཁོར་ཡང་རྩེའི་རྒྱལ་ཆེན་ལ་ལུང་ཞུ་ཐེངས་འགའ་ཤས་བྱས་པ་ཡིན། དེའི་སྐབས་ལ་ཆོས་འཁོར་ཡང་རྩེའི་

རྒྱལ་ཆེན་གྱི་ལུང་དོན་ལྟར་ལྷ་ས་ཞོལ་དཔར་ཁང་གི་འཇིགས་བྱེད་དང༌། རིག་བྱེད་མ། དུས་འཁོར་བཅས་པའི་ སྐུ་བཞེངས་པ་རེད། དེ་འདྲ་ཞིག་གི་སྐབས་ལ་འདུལ་འཛིན་གྱི་ལུང་ཞིག་ནང་འཆར་ལོའི་ལོ་གསར་ཚེས་གསུམ་

ལ་ངས་རྒྱལ་ཆེན་གྱི་བསྐང་གསོ་རྒྱས་པ་ཞིག་འདོན་དགོས་ཀྱི་ཡོད། དེ་བྱུང་ན་དེ་ལ་མཚན་མ་བརྟག་དཔྱད་བྱེད་ རྒྱུ་ཞིག་ཡོང་ཞེས་གསུངས་བྱུང༌། དེ་ནས་རྗེས་ལོའི་ལོ་གསར་ཟླ་བ་དང་པོའི་ཚེས་གསུམ་ཉིན་འཆར་ཅན་ལྷ་མོའི་

ཚེས་གསུམ་ཟན་བསྒྲིལ་བྱ་རྒྱུའི་ཚེས་གཏོར་འདོན་སྐབས་ལ་ཞོགས་པ་ལྷ་མོའི་འཕྲིན་བཅོལ་བཏོན་པའི་ཞོར་

ལ་རྒྱལ་ཆེན་གྱི་བསྐང་གསོ་རྒྱས་པ་དེ་བཏོན། དེ་དུས་གཟིམ་ཆུང་དུ་རྒྱལ་ཆེན་སྐུ་ཐང་དང༌། སྐུ་གང་ཡང་མེད་ སྟབས་ྋསྐྱབས་རྗེ་ཁྲི་བྱང་རིན་པོ་ཆེའི་སྐུ་མདུན་ནས་རྒྱལ་ཆེན་གྱི་སྐུ་ཐང་ཞིག་གཡར་པོ་ཞུས་ཏེ་བཤམས། དེ་ ནུབ་རྨི་ལམ་ནང་ལ་ནོར་བུ་གླིང་ཁའི་མགོན་པོ་ཁང་གི་རྒྱབ་ལོགས་སུ་སྤང་གཤོངས་ཡོད་ས་དེར་ཉི་འོད་དྭངས་

པོ་མེད་པ་ཞིག་མུས་དེར་མེ་ཏོག་སེར་ཆེན་གང་འཚམས་དང༌། སྤང་ཁའི་སྒང་ལ་གཡག་ཁ་ཤས་ཤིག་འདུག དེ་

ནས་མཁན་པོ་དམ་པ་བསྟན་བྱུང༌། མཁན་པོ་དམ་པའི་ཕྱག་ལ་གསེར་སྐྱོག་ནང་མར་ཁུ་བླུགས་པ་ཞིག་བསྟན་བྱུང་

དེ་ཚོ་ཡག་པོ་རེད། གཡག་ཁ་ཤས་ཡོད་པ་དེ་ཚོ་ཐེ་ཚོམ་སྐྱེ་གཞི་རེད། དེང་སང་བསམ་གཞིགས་བྱས་ན་གཡག་

དེ་ཚོས་དམ་སྲི་མཚོན་གྱི་ཡོད་པ་འདྲ། དེ་འདྲའི་རྨི་ལམ་ཞིག་བསྟན་བྱུང༌། དེ་ནས་བཟུང་སྟེ་ལོ་ལྟར་ཟླ་བ་དང་ པོའི་ཚེས་གསུམ་ལ་རྒྱལ་ཆེན་བསྐང་གསོ་རྒྱས་པ་རེ་གཞེས་ཉིན་ལོ་བར་བཏོན་པ་རེད།

དེ་མཇུག་ལ་ྋསྐྱབས་རྗེ་ཁྲི་བྱང་རིན་པོ་ཆེའི་སྐུ་ཐང་ལ་དཔེ་བལྟས་ནས་རྒྱལ་ཆེན་གྱི་སྐུ་ཐང་གསར་

པ་ཞིག་བཞེངས་པ་ཡིན། དེ་ྋསྐྱབས་རྗེ་ཁྲི་བྱང་རིན་པོ་ཆེའི་རྣམ་ཐར་ནང་དུའང་གསལ་འདུག དེ་འདྲ་ཞིག་གི་

སྐབས་ལ་ངས་ཆོས་འཁོར་ཡང་རྩེའི་རྒྱལ་ཆེན་ལ་བརྟག་དཔྱད་ཆེད་ཉིན་གཅིག་སྤྱིར་བཏང་ལུང་ཞུ་ནང་བཞིན་

ཡི་གེའི་ནང་དོན་དག་མ་བཀོད་པར་གསང་རྟགས་ཀྱི་ཨང་ཀི་བཀོད་དེ་བཏང་བ་ཡིན། དེའི་ལན་ལ་གོ་བ་བླངས་ ན་ལེན་རྒྱུ་ཡོད་པའི་བཟོ་འདྲ་པོ་གསལ་པོ་རང་མེད་པ། མར་ཨང་གྲངས་བཀོད་དེ་བཏང་བ་ལ་མི་འདོད་པའི་རྣམ་ 7

༸གོང་ས་མཆོག་གི་བཀའ་སློབ།

འགྱུར་ཕྲན་བུ་འདུག དེ་ནས་བཟུང་སྟེ་འབྲེལ་བ་མ་བྱས་པ་རེད། ཆོས་འཁོར་ཡང་རྩེའི་རྒྱལ་ཆེན་དེ་སྐུ་གསོལ་

ཞུས་པ་སོགས་གང་ཡང་ཡོད་པ་མ་རེད། ཁྲི་བྱང་རིན་པོ་ཆེ་བརྒྱུད་ནས་སྤང་ལུང་རྒྱལ་ཆེན་ལ་འཕྲིན་བཅོལ་འདྲ་

རེ་ཟུང་བྱུང་ཡོད་ན་མ་གཏོགས་གཞན་དག་གང་ཡང་མེད། ངས་ལོ་གསར་ཚེས་གསུམ་ལ་རྒྱལ་ཆེན་གྱི་བསྐང་

གསོ་རྒྱས་པ་རེ་དང༌། ནམ་རྒྱུན་ཉིན་རེའི་ཁ་འདོན་གྱི་འཕྲིན་བཅོལ་ཁོངས་མགོན་ཆོས་ལྷ་མོ་རྣམ་སྲས། ཞལ། ལྕམ་སྲིང༌། རྒྱལ་པོ་སྐུ་ལྔ་བཅས་ཀྱི་མཇུག་རང་ཉིད་ཡི་དམ་ཟེར་བའི་རྒྱལ་ཆེན་འཕྲིན་བཅོལ་དེ་ཆག་མེད་དུ་

བཏོན་པ་རེད། རྒྱལ་ཆེན་དང་འབྲེལ་བ་ཐོག་མར་ཡོང་སྟངས་དང༌། བར་གྱི་གནས་སྟངས་དེ་འདྲ་ཞིག་རེད། དེ་སྔ་

སྐུ་གོང་མའི་སྐབས་ལ་གནས་ཆུང་གི་ལུང་བསྟན་ཞིག་ནང༌། དགོས་པའི་མཆོད་རྟེན་ནག་པོར་བཞག །མི་དགོས་ བྲག་ལ་སྐུ་དཀར་གསོལ། །ཞེས་གསུངས་ཡོད་པ་བཞིན། ངས་ྋརྒྱལ་བ་སྐུ་ཕྲེང་རིམ་བྱོན་སྐབས་ནས་འབྲེལ་བ་

ཡོད་པ་དང༌། དེ་ལས་ཐག་རིང་ཙམ་བྱས་ན་བོད་རྗེ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐབས་ནས་འབྲེལ་བ་ཡོད་ པ། ད་དུང་དེ་ལས་ཐག་རིང་བ་བྱས་ན་རྒྱལ་པོ་དཀོན་མཆོག་འབངས་ནས་འབྲེལ་བ་ཡོད་མཁན་གྱི་རྒྱལ་པོ་སྐུ་ ལྔ་དང༌། ལྷག་པར་རྡོ་རྗེ་གྲགས་ལྡན་དང་དམིགས་བསལ་འབྲེལ་བ་ཟབ་པོ་ཞིག་མ་བྱུང་བའི་ཁར། གཞུང་གི་ཆབ་

སྲིད་ཀྱི་འགན་དང༌། ྋརྒྱལ་བ་སྐུ་ཕྲེང་རིམ་བྱོན་ལ་འབྲེལ་བ་གང་ཡང་མེད་པའི་ལྷ་གསར་པ་གཅིག་ལ་འབྲེལ་ བ་ཆགས་པ་ལྟ་བུ་དེ་འདྲ་ཞིག་བྱུང་བ་རེད། ཡིན་ནའང་། རྒྱ་ནག་ལ་མ་ཕྱིན་གོང་ཙམ་ནས་གནས་དགའ་གཉིས་ གཟིམ་ཆུང་དུ་སྤྱན་འདྲེན་གཏོང་རྒྱུ་འགོ་ཚུགས་ཤིང༌། དེ་ནས་བཟུང་སྟེ་གནས་དགའ་གཉིས་རིམ་པར་གཟིམ་

ཆུང་སྤྱན་འདྲེན་བཏང༌། བློ་ཐག་ཉེ་པོ་དང༌། ཕན་ཚུན་རྒྱུད་ཚོད་ལོན་པ་ལྟ་བུ་ཆགས་དུས། སྤྱིར་བཏང་ལྷ་མི་ཀུན་

སྤྱོད་གཅིག་ཟེར་བ་ལྟར་ལུང་ཡང་ཇེ་གསལ་དུ་ཕྱིན། སྐད་ཆ་ཡང་དྲི་བདེ་པོ་ཆགས་པ་རེད། དེ་ནས་བཟུང་སྟེ་

ཆོས་འཁོར་ཡང་རྩེའི་རྒྱལ་ཆེན་དང༌། གཞན་དག་ལ་འབྲེལ་བ་བྱེད་དགོས་པ་དངོས་ཡོད་གནས་ཚུལ་གྱི་ཐོག་ ནས་ཡོང་གི་མེད། གནས་དགའ་གཉིས་ཐད་ཀར་སྤྱན་འདྲེན་བཏང་གིན་བཏང་གིན་བྱས། གནས་དགའ་གཉིས་ཀྱི་

ཐོག་ནས་ཐག་མ་ཆོད་པའི་རིགས་ཟན་བརྟག་བསྒྲིལ་གྱིན་བསྒྲིལ་གྱིན་བྱས་པ་རེད། ཟན་བརྟག་གི་ཐོག་ནས་ཀྱང་ ངོ་མཚར་སྐྱེ་བའི་གནས་ཚུལ་མང་པོ་ཞིག་བྱུང་བ་དེ་ངས་ད་ལྟ་འབྲེལ་བ་མེད་སྟབས་བརྗོད་དགོས་དོན་མི་འདུག

དེ་ནས་ཕྱི་ལོ་ ༡༩༥༦ ལོར་རྒྱ་གར་ལ་ཡོང་རྒྱུར་རྒྱ་མིའི་བཀག་འགོག་འགལ་རྐྱེན་ཀ་ཀོར་གནས་ཚུལ་

མང་པོ་བྱུང་སྐབས། གནས་ཆུང་གིས་དཀའ་རྙོག་གང་ཡང་མེད་པས་བཞེད་དོན་ལྷུན་གྱིས་འགྲུབ་ཡོང་ཞེས་ལུང་ ཕེབས་པ་ལྟར་ཐ་མ་ལྷུན་གྱིས་གྲུབ་པའི་གནས་ཚུལ་བྱུང་བ་རེད། ཡང༌། དེ་དུས་རྒྱ་གར་ནས་ཕར་ལྷ་སར་ལོག་ 8

༸གོང་ས་མཆོག་གི་བཀའ་སློབ།

དང་མ་ལོག་སྐོར་ལའང་གནས་ཚུལ་དཀའ་རྙོག་མང་པོ་ཞིག་བྱུང་བར་གནས་དགའ་གཉིས་སྤྱན་འདྲེན་བཏང༌།

ལྷག་པར་གནས་ཆུང་ནས་རྒྱ་གར་ནང་བསྡད་ན་དགོས་པ་གང་ཡང་མེད་པས་བོད་ལ་ལོག་ན་ལེགས་ཞེས་ཐག་ གཅོད་གཙང་མའི་བཀའ་ལུང་གནང༌། དེ་ནས་ཕྱི་ལོ་ ༡༩༥༩ ལོར་ཟིང་འཁྲུག་ལངས་པའི་སྐབས་གནས་ཆུང་སྤྱན་

འདྲེན་ཐེངས་ཁ་ཤས་ཞུས། ཐ་མ་ནོར་བུ་གླིང་ཁ་ནས་བྲོས་རྒྱུའི་དུས་ཚོད་སྔ་རྗེས། ཚེས་གྲངས། ལམ་ཕྱོགས་ག་ ནས་འགྲོ་དགོས་སོགས་ཆ་ཚང་གནས་ཆུང་ནས་ཐག་གཅོད་གནང་ནས་ཡོང་བ་རེད། གང་ལྟར་ཉེ་ཞོ་མེད་པར་

གྲ་སྒྲིག་འཐུས་ཚང་བྱུང་བ་རེད། གནས་དགའ་གཉིས་དང༌། ལྷག་པར་གནས་ཆུང་འདི་དོན་དག་འགངས་ལ་ཐུག་ པའི་སྐབས་ལ་ཡིད་ཆེས་འཕེར་ངེས། བསླུ་བ་མེད་པའི་ཐག་ཆོད་པོ་ཞིག་རེད། དེ་ནས་རྒྱ་གར་ལ་སླེབས། ཐོག་ མར་མ་སུ་རི་དང༌། དེ་རྗེས་རྡ་རམ་ས་ལར་སླེབས་ཚར་ཙམ་ཞིག་ལ་ངས་ྋསྐྱབས་རྗེ་ཁྲི་བྱང་རིན་པོ་ཆེ་ནས་རྒྱལ་

ཆེན་གྱི་སྲོག་གཏད་ཞུ་འདོད་བྱུང་བས་ཁྲི་བྱང་རིན་པོ་ཆེར་སྙན་སེང་ཡང་ཞུས། སྐབས་དེར་ཁྲི་བྱང་རིན་པོ་ཆེར་ མི་འདི་ཡིན། ངོ་ཆ་གསལ་པོ་མི་འཕྲོད་པ་ཞིག་གིས་ལམ་རིམ་ཆེན་མོ་དགའ་ལྡན་དཔར་རྙིང་སྤུས་དག་པོ་ཞིག་ འབུལ་མཁན་བྱུང༌། ཁྲི་བྱང་རིན་པོ་ཆེ་ནས་ཀྱང་རྒྱལ་ཆེན་སྲོག་གཏད་ཞུ་སྐབས་ལམ་རིམ་ཕྱག་དཔེ་ཞིག་དགོས་

རྒྱུར་སྐབས་དེར་དཔེ་ཆ་དེ་གནང་གི་ཡིན་ཞེས་གྲ་སྒྲིག་གནང་ནས་བཞག དེ་ནས་སྡོད་ཁང་ས་ཝ་རག་ཨ་ཤ་རམ་

ནས་ཐེག་ཆེན་ཆོས་གླིང་ལ་སྤོས་ཚར་ཙམ་ཞིག་ལ་གནས་དགའི་སྤྱན་འདྲེན་ཞིག་གི་སྐབས་གནས་ཆུང་གིས་ཨ་ སྲས་འཁྱམས་པོ་བསྟེན་རྒྱུ་འདི་འགྲིགས་ཀྱི་མི་འདུག་ཅེས་གསུང་གི་འདུག ངའི་བསམ་པར་ཨ་སྲས་འཁྱམས་ པོ་ཟེར་བ་དེ་སྐུ་གོང་མའི་སྐབས་རྒྱལ་ཆེན་ཤུགས་ལྡན་ལ་ཟེར་རྒྱུའི་སྐད་ཆ་ཞིག་ཡིན་འདུག་པ་དེ་གསུང་གི་ཡོད་

དམ་སྙམ་པ་དེ་དོན་གནས་ཆུང་ལ་དྲིས་པས་དེ་ཡིན་གསུངས་བྱུང༌། དེ་ཡིན་ན་དེང་སང་རྒྱལ་ཆེན་བསྟེན་མཁན་

མང་པོ་རེད། གནས་ཆུང་ཆོས་སྐྱོང་གི་ཞལ་ནས་རྒྱལ་ཆེན་བསྟེན་ན་འགྲིགས་ཀྱི་མི་འདུག་གསུངས་ན་མི་མང་ པོའི་སེམས་ནང་ལ་དམ་ཚིག་བསྲེ་ལྷད་འགྲོ་གི་རེད། ཞལ་ཁ་བཞུགས་ན་ཡག་གི་རེད་ཅེས་ཞུས་པ་ཡིན། ལགས་ གསུངས་ཏེ་དུས་དེ་ནས་བཟུང་སྟེ་ཕ་རྒོད་བླ་མའི་ཞལ་ལུང་གི་དེབ་སེར་པོ་མ་ཐོན་བར་ཧ་ལམ་ལོ་བདུན་བརྒྱད་ ཙམ་སོང་རིང་གནས་ཆུང་གིས་ཚིག་གཅིག་ཀྱང་གསུངས་མ་བྱུང༌།

དེ་ལྟར་གནས་ཆུང་གིས་དེ་འདྲ་གསུངས་སྐབས་མི་མང་པོའི་སེམས་ཟང་ཟིང་བྱས་ནས་དཀྲོགས་རྐྱེན་

ལ་འགྲོ་ཡོང་བསམ་ནས་ངས་ཟོལ་མེད་ལྷག་བསམ་རྣམ་དག་གི་ཐོག་ནས་ཞལ་ཁ་བཞུགས་ཞུས་ཏེ། དུས་དེ་

ནས་བཟུང་ཚིག་གཅིག་སྒྲོས་གཅིག་གསུང་གི་མི་འདུག འོན་ཀྱང་ང་ལ་སྤྱང་གྲུང་ཞིག་སླེབས་པ་རེད། རྒྱལ་ 9

༸གོང་ས་མཆོག་གི་བཀའ་སློབ།

ཆེན་གྱི་སྲོག་གཏད་ཞུ་རྒྱུ་དེ་ཡག་པོ་མི་འདུག་བསམ་པ་དྲན་བྱུང༌། དེའི་སྐབས་དེར་ཆ་བཞག་ན་ང་རྒྱལ་ཆེན་ ལ་དགའ་མོས་ཡོད། ྋསྐྱབས་རྗེ་ཕ་བོང་ཁའི་ཆོས་བརྒྱུད་ཐོག་ནས་བྱས་ནའང་ཞེན་ཁོག་གཅིག་ཡོང་གི་ཡོད་ པ་རེད། གནམ་འདིའི་ཁ་འོག་ན་གནས་ཆུང་རྒྱུས་ཡོད་པའི་མི་སུ་ཡོད་ཟེར་ན་མངོན་ཤེས་ཡོད་པའི་མི་ཚོ་ཕར་

བཞག སྤྱིར་བཏང་མིའི་ནང་ལ་གནས་ཆུང་རྒྱུས་ཡོད་ཆེ་ཤོས་ཀྱི་མི་དེ་ང་ཆགས་ཡོད། དེ་བཞིན་ངའི་རྒྱུས་ ཡོད་ཆེ་ཤོས་དེ་ཡང་ཕལ་ཆེར་གནས་ཆུང་ཆགས་ཡོད་པ་རེད། ནམ་རྒྱུན་ཕྱི་ལ་གསུང་རྒྱུན་གཅིག་ལ་རྒྱལ་ ཆེན་གནས་ཆུང་གིས་བསྐུལ་བ་རེད། དེར་བརྟེན་གནས་ཆུང་དང་རྒྱལ་ཆེན་མི་འགྲིགས་པ་ཡོང་ཤེས་ཀྱི་མ་རེད་

ཅེས་བསྟོད་འགྲེལ་གྱི་ནང་ལའང་ཁྲི་བྱང་རིན་པོ་ཆེས་གསུངས་ཡོད་ལ། སྤྱིར་བཏང་གསུང་རྒྱུན་འདི་འདྲ་ཞིག་ ཡོད། ཕྱི་ནས་ག་རེ་བཤད་རུང་མ་བཤད་རུང་གང་ལྟར་གནས་ཆུང་དང་རྒྱལ་ཆེན་གཉིས་མ་མཐུན་པའི་གནས་

ཚུལ་ཞིག་ཆགས་ཡོད། ངའི་ངོས་ནས་གནས་ཆུང་ལྷ་རྙིང་མི་རྙིང་རེད། རྒྱལ་ཆེན་ལྷ་གསར་མི་གསར་རེད། འདི་ གཉིས་ནས་གཅིག་འདེམས་དགོས་ན་ངས་གནས་ཆུང་འདེམས་རྒྱུ་ལས་རྒྱལ་ཆེན་འདེམས་ཤེས་ཀྱི་མ་རེད། དེར་བརྟེན་རྒྱལ་ཆེན་གྱི་སྲོག་གཏད་ཞུ་རྒྱུ་མི་འདུག་བསམ་ནས་སྲོག་གཏད་ཞུས་མེད། འོན་ཀྱང་འཕྲལ་དུ་ཐག་

གཅོད་བྱེད་བདེ་པོ་ཞིག་མེད་སྟབས་གསེར་ཀོང་རིན་པོ་ཆེ་ང་གཉིས་གོ་བསྡུར་ཞིག་བྱུང༌། བར་ལམ་གནས་ཚུལ་ འདི་དང་འདི་འདྲ་ཞིག་ཡོང་གི་འདུག་ཅེས་གནས་ལུགས་ཆ་ཚང་ཞུས་པ་ཡིན། དེ་ཡང་ངས་གསེར་ཀོང་རིན་པོ་

ཆེའི་དྲུང་ནས་ལམ་སྒྲོན་བཤད་ལུང་ཞུ་བའི་སྐབས་སུ་ཡིན། གསེར་ཀོང་རིན་པོ་ཆེ་ང་གཉིས་གསུང་ཆོས་ཀྱི་ བར་ལ་གསོལ་ཇ་མཆོད། བཀའ་མོལ་ཞུ་སྐབས་ཐོག་ཁའི་སྒང་ལ་རྡོ་གཅིག་ཐག་སེ་གཞུས་ནས་ཐག་སྒྲ་ཆེན་པོ་

ཞིག་ཀྱང་བྱུང༌། དེ་རྗེས་ཡོངས་འཛིན་རིན་པོ་ཆེར་འདི་དང་འདིའི་གནས་ཚུལ་བྱུང་སོང༌། ད་ནི་གང་འདྲ་བྱས་ན་

ལེགས་ཞེས་དགོངས་སྐོར་ཞུས་པར་ཡོངས་འཛིན་རིན་པོ་ཆེ་ནས་གནས་ཚུལ་དེ་ཤིན་ཏུ་ནས་གལ་འགངས་ཆེན་ པོ་རེད། སྲོག་གཏད་མ་ཞུས་ན་ལེགས་ཞེས་གསུངས་བྱུང༌། ཁྲི་བྱང་རིན་པོ་ཆེར་སྔོན་དུ་སྲོག་གཏད་ཞུ་རྒྱུའི་སྙན་

སེང་ཞུས་ཟིན་སྟབས། ཁྲི་བྱང་རིན་པོ་ཆེ་རང་ལ་གནས་ལུགས་ཇི་བྱུང་གསལ་པོ་བྱས་ཏེ་ཞུས་ནས། ད་ཆ་སྲོག་ གཏད་ཞུ་གི་མིན་ཞེས་མཚམས་འཇོག་བྱས་པ་ཡིན། དེ་སྐབས་ནང་དོན་ངས་སྲོག་གཏད་ཞུ་དང་མི་ཞུའི་སྐོར་ གྱི་གནས་ཚུལ་ཐག་གཅོད་བྱས་པ་ལས། ལོ་གསོལ་འདོན་རྒྱུ་དང༌། ནམ་རྒྱུན་འཕྲིན་བཅོལ་འདོན་རྒྱུ་གཉིས་ལ་

འགྱུར་བ་གང་ཡང་མ་བཏང་བར་འཆར་ཅན་རང་བྱས་པ་ཡིན། དེ་ནས་སྐབས་ཤིག་གནས་ཆུང་གིས་ལུང་ཞིག་ ནང༌། གཙུག་ལག་ཁང་དུ་གུ་རུའི་འབུམ་ཚོགས་ཞིག་འབུལ་དགོས། དེ་ཕུལ་ན་བོད་དོན་སྤྱིར་རྟགས་མཚན་ཡོང་ 10

༸གོང་ས་མཆོག་གི་བཀའ་སློབ།

ཞེས་གསུངས་བྱུང༌། ཐོག་མར་གུ་རུའི་འབུམ་ཚོགས་འབུལ་བའི་སྐབས་དེར་ང་ཚོར་རྙིང་མའི་ཆོ་ག་རྒྱུས་ལེགས་ པོ་མེད་ཅིང༌། ངེད་རང་གི་ལག་པར་གསང་བ་རྒྱ་ཅན་གྱི་དཔེ་ཆ་ཡང་འབྱོར་རྒྱུ་ཡིན། དཔེ་ཆ་བརྩད་ཞིབ་སྐབས་

ཐུའུ་བཀྭན་གྱི་གསུང་རྟ་མགྲིན་གསང་སྒྲུབ་སྐོར་གྱི་རྟ་པོད་ནང་ཚེས་བཅུ་གཏོང་སྟངས་དང༌། ཚོགས་འབུལ་

སྟངས་སྐོར། སློབ་དཔོན་ལ་ཚོགས་འབུལ་དགོས་པའི་རྒྱུ་མཚན་བཅས་བཀོད་པ་ཡག་པོ་ཞིག་འདུག་པ་དེ་གཞིར་ བཞག་བྱས། དེའི་ཕྱོགས་བསྒྲིགས་ཁོང་རང་གིས་གནང་བ་མ་གཏོགས་གཙོ་བོ་ྋརྒྱལ་བ་དགེ་འདུན་རྒྱ་མཚོའི་ གསུང་དང༌། པཎ་ཆེན་བློ་བཟང་ཆོས་རྒྱན་གྱི་གསུང་གཉིས་ཕྱོགས་བསྡེབས་བྱས་པ་ཞིག་རེད། བར་སྐབས་ང་ ཚོས་གཙུག་ལག་ཁང་དུ་འདོན་པ་དེ་རེད།

དེ་ནས་ལོ་ཤས་རྗེས་ཕྱི་ལོ་ ༡༩༧༥ ཤིང་ཡོས་སྤྲེལ་ཟླ་ཚེས་བཅུའི་འབུམ་ཚོགས་ཚུགས་པའི་སྐབས་

ལ་དགེ་ལུགས་པའི་གྲྭ་པ་ཁ་ཤས་དང༌། ཨ་ནི་ཁ་ཤས་ཡོང་ལ་མི་ཡོང་བྱས་བྱུང༌། བོད་མི་ཚང་མ་རང་བཙན་

འདོད་ཀྱི་ཡོད་པའི་སྐད་ཆ་རེད། གཙུག་ལག་ཁང་དུ་སློབ་དཔོན་གྱི་སྐུ་བཞེངས་པ་དང༌། འབུམ་ཚོགས་འབུལ་

རྒྱུ་ང་བསྟན་འཛིན་རྒྱ་མཚོ་སྒེར་གྱི་དོན་ལ་མིན། བོད་སྤྱི་པའི་བླ་མ་དུས་ཚོད་སྙིགས་མ་ནག་པོའི་ཕྱོགས་ཀྱི་མི་

དང་མི་མིན་འབྱུང་པོའི་རིགས་ཁ་རྒྱས་ནས་ཡོང་བའི་སྐབས་ལ་ཐུགས་བསྐྱེད་དམ་བཅའ་དམིགས་བསལ་ཡོད་ པ་དང༌། བོད་འབངས་ཀྱི་ངོས་ནས་ཀྱང་ལས་དང་བསོད་ནམས་ཀྱི་འབྲེལ་བ་དམིགས་བསལ་ཡོད་པའི་དགོས་

པ་རྒྱུ་མཚན་འབྲེལ་བ་དེ་སློབ་དཔོན་རིན་པོ་ཆེ་རེད། དེས་ན་ང་ཚོས་སློབ་དཔོན་རིན་པོ་ཆེར་གསོལ་བ་འདེབས་ རྒྱུ་གལ་ཆེན་པོ་རེད། སྤྱི་པའི་དོན་དག་གལ་ཆེ་དོན་ཆེ་ཞིག་ལ་འདི་འདྲ་བྱེད་པ་ནི་མི་བདེ་ཙམ་བྱུང༌། དེ་རྗེས་ བརྟག་དཔྱད་བྱས་པའི་སྐབས་ལ་དེབ་ཞེད་སྣང་ཆེན་པོ་ཞིག་ཐོན་འདུག དེ་ལ་བརྟེན་ནས་ཨ་ནི་ཚོ་བླ་འདར་ནས་ ཡོང་མ་ནུས་པ་རེད་ཅེས་ཤོད་མཁན་འདུག དེའི་རྗེས་རྩད་གཅོད་བྱེད་སྐབས་ཕ་རྒོད་བླ་མའི་ཞལ་ལུང་ཟེར་བའི་

དེབ་སེར་པོ་དེ་མཐོང་བྱུང༌། ཛེ་སྨད་རིན་པོ་ཆེས་ང་ལ་གསང་བ་བྱས་པ་རེད། ངས་ཚོགས་ལ་ཡོང་ལ་མ་ཡོང་ཇི་ བྱས་རྩད་གཅོད་བྱེད་པའི་སྐབས་ལ། གཞི་ནས་གནས་ཚུལ་དེ་འདྲ་གོ་ཐོས་བྱུང་བ་མ་གཏོགས་ངས་ཤེས་མ་བྱུང༌།

ཕྱི་ལ་པར་ཐོན་ཚང་མ་ཚར་བ་རེད། དེ་ནས་ཉིན་མ་གཅིག་གཉིས་ཀྱི་རྗེས་ལ་གདོང་ཐོག་བསྟན་པའི་རྒྱལ་མཚན་ གྱིས་བྲིས་པའི་དགག་པའི་དེབ་དེ་ཁོ་རང་གི་ལག་བྲིས་ཀྱི་ཡི་གེ་དང་པར་ཕུད་ཡིན་ཞེས་འབྱོར་བྱུང༌། དེབ་སེར་ པོ་དང༌། གདོང་ཐོག་གི་དགག་པ་གཉིས་ཀ་མཐོང་བྱུང༌། དེའི་སྐབས་ལ་དངོས་གནས་བློ་གང་འཚམས་ཕམ་བྱུང༌།

ངས་རང་གི་ཤག་གི་ནང་ལ་སྡོད་པའི་སྐབས་ལ་ཁ་འདོན་ག་རེ་བྱེད་ཀྱི་ཡོད་རུང་མེད་རུང༌། ངས་ཡིག་ཚང་འདིའི་ 11

༸གོང་ས་མཆོག་གི་བཀའ་སློབ།

ནང་ལ་ཡོང་དུས་སྤྱི་པའི་སྤྱི་མི་ཞིག་བྱས་ནས་སྡོད་ཀྱི་ཡོད། དགེ་ལུགས་པ་ཡིན་ཞེས་ཕྱོགས་སུ་ལྷུང་གི་མེད་ལ། རྙིང་མ་ཡིན་ཞེས་ཕྱོགས་སུ་ལྷུང་གི་མེད། ས་སྐྱ་ཡིན་ཞེས་ཕྱོགས་སུ་ལྷུང་གི་མེད། བཀའ་བརྒྱུད་པ་ཡིན་ཞེས་

ཕྱོགས་སུ་ལྷུང་གི་མེད། ཨ་མདོ་དང་ཡས་མས་ཟེར་བ་སུ་གཅིག་གི་ཕྱོགས་སུ་མ་ལྷུང་བར་ངས་སྤྱི་པའི་སྤྱི་མི་ ཞིག་བྱས་ནས་སྡོད་ཀྱི་ཡོད། སྤྱི་མི་ཞིག་བྱས་ནས་བསྡད་པའི་ཉེར་ལེན་ལས་ཚང་མའི་སྣང་བར་འགྲོ་མི་འགྲོ་སྣ་

ཚོགས་རེད། གཅིག་གི་སྣང་བ་ལ་ཕྱིན་ན་གཅིག་གི་སྣང་བ་ལ་མ་འགྲོ་མཁན་ལྟ་བུ་ཕྲན་བུ་ཡོང་གི་འདུག དཔེར་ན། དགེ་ལུགས་པའི་གྲས་ནས་ངས་དགེ་ལུགས་པར་བདག་གཅེས་བྱེད་ཀྱི་མི་འདུག་མདོག་མདོག དེ་བཞིན་རྙིང་མ་

དང༌། བཀའ་བརྒྱུད་པའི་གྲས་ནས་ཀྱང་ཕྲན་བུ་བཤད་ཡོང་གི་འདུག འོན་ཀྱང་གནས་ཚུལ་འདི་ནི་སྤྱི་མི་ཡིན་པའི་ རྟགས་མཚན་རེད་བསམ་པ་མ་གཏོགས། དེ་ལས་ལྷག་པའི་ང་ལ་རྣམ་རྟོག་གང་ཡང་མེད། ངས་སྤྱི་པའི་དོན་དག་ ལ་དངོས་གནས་དྲང་གནས་གང་ཡོང་ཅི་ཡོང་གི་འཁུར་བླངས་ཏེ་སྡོད་པའི་སྐབས་འདིར། དེ་སྔ་བློ་མ་རངས་པའི་

མིའམ། ཡང་ན། གནས་ཚུལ་མ་ཤེས་མཁན་ཞིག་གིས་དཀྲོགས་རྐྱེན་བཟོས་ན་དེ་ཡོང་སྲིད་པ་རེད། དེ་ཆོས་ཉིད་ རེད། ངས་ངེས་པར་དུ་དག་པ་སྟེར་རྒྱུ་ཡིན། དེ་གཉིས་ཀ་མིན་པའི་སྐུ་ཞབས་ཛེ་སྨད་ལྟ་བུ་ལ་ཕྱོགས་གཅིག་ནས་ ཆོས་ལུགས་སྐོར་ལ་ྋརྒྱལ་བ་རིན་པོ་ཆེའི་སྔ་ཕྱིའི་སྲིད་བྱུས་སམ་ལྟ་སྟངས་ཅི་འདྲ་ཞིག་ཡོད་མེད་ཆ་ཚང་རྒྱུས་

མངའ་ཡོད་པ་རེད། དགེ་རྒན་འོས་སྦྱོང་ཐོག་མ་འགོ་འཛུགས་པའི་སྐབས་རྡ་རམ་ས་ལ་ཤོད་དུ་ཁང་པ་འགྲིགས་ མིན་བྱུང་སྟེ་ཀང་རར་ཚུགས་པའི་སྐབས་ངས་ཉིན་གཅིག་ཀང་རར་ཆེད་མངགས་ཕྱིན། ཁོང་ཚོའི་སྡོད་ཁང་ཉམས་ ཆེ་ས་དེར་གཞོགས་གཅིག་ལ་ཀུན་བདེ་གླིང་དང༌། གཞོགས་གཅིག་ལ་ཛེ་སྨད་བསྡད། ངས་དཀྱིལ་དུ་བསྡད་ནས་

དགེ་རྒན་འོས་སྦྱོང་པ་ཚོར་འགྲེལ་བཤད་རིང་པོ་ཞིག་བརྒྱབ་པ་ཡིན། དེའི་ནང་ཆོས་ལུགས་སྐོར་ལ་གལ་ཏེ་ལྟ་བ་ སྐྱོན་མེད་ནི་རི་བོ་དགེ་ལྡན་པའི་ལྟ་བ་འདི་རེད། དགེ་ལྡན་པའི་ལྟ་བ་མ་གཏོགས་གཞན་དག་གི་ལྟ་བ་རྣམས་སྐྱོན་

ཡོད་པར་ངོས་འཛིན་བྱས་ཏེ། གལ་ཏེ་དེ་ལྟར་བདེན་ན་བོད་གངས་ཅན་ལ་རྗེ་རིན་པོ་ཆེ་མ་བྱུང་སྔོན་ལ་སངས་ རྒྱས་ཀྱི་གོ་འཕང་ཕར་ཞོག ཚོགས་ལམ་ཆེ་འབྲིང་ཡན་ཆད་ཐོབ་པའི་གང་ཟག་གཅིག་ཀྱང་མ་བྱུང་ཞེས་བརྗོད་

དགོས་པ་བྱེད་ཀྱི་རེད། རྗེ་རིན་པོ་ཆེ་མ་བྱུང་གོང་ལ་བོད་ལ་ཟུང་འཇུག་གི་གོ་འཕང་ཐོབ་མཁན་མང་པོ་བྱུང་ཡོད། དེ་རྣམས་ལྟ་བ་ཕྱིན་ཅི་ལོག་པ་ངེས་པའི་སྟེང་ནས་འགྲོ་དགོས་པ་ལས་ལྟ་སྒོམ་སྤྱོད་པ་མ་ནོར་བ་ཞིག་རང་རྒྱུད་ལ་ མེད་པར་ཚོགས་ལམ་ཆེ་འབྲིང་ཡན་འགྲོ་ཐུབ་ཀྱི་མ་རེད་ཅེས་ངས་བཤད་པ་ཡིན།

རྒྱུ་མཚན་དེ་འདྲ་ཡིན་དུས་བཀའ་རྙིང་ས་དགེ་ཚང་མ་སངས་རྒྱས་བདེ་བླག་ཏུ་སྒྲུབ་པའི་མདོ་སྔགས་ 12

༸གོང་ས་མཆོག་གི་བཀའ་སློབ།

ཟུང་འབྲེལ་གྱི་ཟབ་ཆོས་ཤ་སྟག་ཡིན་པས། ང་ཚོས་ཆོས་ལུགས་ཀྱི་ཕྱོགས་རིས་དང་བཟང་ཞན་གྱི་སྐད་ཆ་ཤོད་

རྒྱུ་བསྡད་མི་འདུག་ཅེས་གསལ་པོ་བྱས་ནས་བཤད་པ་ཡིན། སྐབས་དེར་ཛེ་སྨད་རིན་པོ་ཆེ་ཡོད་སྟབས་མ་གོ་མ་ ཐོས་མེད་པར་ཆ་ཚང་ཐོས་ཡོད། མི་ཤེས་པ་ཡོང་ཤེས་ཀྱི་མ་རེད། གཉིས་ནས་ྋསྐྱབས་རྗེ་ཁྲི་བྱང་རིན་པོ་ཆེའི་

སྟབས་བྱས་ནས་ཛེ་སྨད་རིན་པོ་ཆེ་ངས་རྒྱ་ནག་ལ་འཁྲིད་པ་ཡིན། ༡༩༥༦ ལོར་སངས་རྒྱས་མྱང་འདས་ཀྱི་དུས་ ཆེན་སྐབས་རྒྱ་གར་ལ་འཁྲིད་པ་ཡིན། དེ་ནས་ ༡༩༥༩ ལོར་ཟིང་འཁྲུག་བྱུང་ནས་ཁོང་རྒྱ་གར་ལ་སླེབས་རྗེས་ འདྲ་འདྲའི་ནང་ནས་མི་འདྲ་ཙམ་བྱས་ནས་སློབ་གྲྭའི་དགེ་རྒན་འོས་སྦྱོང་ཆེད་འཛུགས་བྱས་པ་དེའི་འགོ་བྱེད་ལ་ བསྐོས་པ་ཡིན། དེ་འདྲ་བྱས་ཏེ་གནས་ཚུལ་ཆ་ཚང་ཤེས་མཁན་དང༌། བཟང་པོས་མཐའ་བསྐྱངས་ཏེ་བསྐྱངས་

པའི་མི་གཅིག་གིས་བྱེད་སྟངས་དང༌། ཁ་ཐབས་དེ་འདྲ་ཞིག་བྱས་པ་རེད། ངས་བོད་པའི་དོན་དག་ལ་བསམ་བློ་ བཏང་སྟེ་སྲིད་བྱུས་བཟུང་བ་དེར་ཕྱར་བ་གྲུ་འདེགས་ཀྱི་ཆར་པ་ཆུ་གྲོགས་སུ་འགྲོ་བའི་ཕན་ཐོགས་ཤིག་བྱེད་མ་

ཐུབ་ནའང༌། གནོད་སྐྱོན་འགྲོ་རྒྱུའི་ལས་ཀ་བྱེད་རྒྱུ་དེ་བབས་འོས་ཡོད་པ་ག་ནས་ཡིན། དེ་ལྟར་ཡིན་དུས་བྱེད་ སྤྱོད་འདི་ནི་གལ་སྲིད་ཤེས་བཞིན་ཁྱད་གསོད་མིན་ནའང༌། སྣང་ཆུང་ཁྱད་གསོད་བྱས་པ་ཞིག་ཡིན་པ་བརྒྱ་ཆའི་

བརྒྱ་ཐམ་པ་ཐག་བཅད་ཆོག་པ་ལོང་བས་བལྟས་ཀྱང་ཤེས་ཀྱི་རེད། དེར་བརྟེན་དངོས་གནས་བློ་ཕམ་ཆེན་པོ་ བྱུང༌། མི་གཞན་དག་ནས་ཀྱང་གནས་ཚུལ་གང་འདྲ་ཞིག་མཐོང་གི་རེད། ྋརྒྱལ་བ་རིན་པོ་ཆེ་ནས་འདྲ་འདྲའི་ནང་

ནས་མི་འདྲ་བར་ཆ་བཞག་ནས་ལས་ཀ་བསྐུལ་སའི་མི་ཞིག་གིས་དེབ་དེ་འདྲ་ཞིག་བྲིས། དེ་ྋསྐྱབས་རྗེ་ཁྲི་བྱང་

རིན་པོ་ཆེའི་ཞལ་གསུང་ཡིན་པ་རེད། ྋསྐྱབས་རྗེ་ཁྲི་བྱང་རིན་པོ་ཆེ་ངའི་བླ་མ་རེད། དེ་འདྲ་ཡིན་དུས་མི་བསམ་ བློ་གཏོང་མཁན་ཞིག་ཡིན་ན་ཨ། ཁ་གསང་ལོས་དང༌། ཁ་གཏིང་གི་ཁྱད་པར་ཙམ་མ་གཏོགས་དེ་ཚོ་འགྲོ་ཕྱོགས་ གཅིག་གྱུར་རེད། ྋརྒྱལ་བ་རིན་པོ་ཆེའི་བླ་མས་དེ་འདྲ་གསུང་གི་ཡོད། ྋརྒྱལ་བ་རིན་པོ་ཆེ་ནས་དམིགས་

བསལ་གཟིགས་བསྐྱངས་གནང་སའི་མི་ཞིག་ནས་དེ་འདྲ་བཤད་ཀྱི་ཡོད་པ་རེད། གང་ལྟར་ྋརྒྱལ་བ་རིན་པོ་ཆེ་

ནས་སྤྱི་པའི་སྲིད་བྱུས་ཕྱོགས་རིས་མེད་ཅེས་འདྲ་ཆགས་པོ་གསུང་གི་ཡོད་ཀྱང༌། རྡོ་དོན་ངོ་མའི་སྲིད་བྱུས་སམ།

སྙིང་ཕུགས་ཀྱི་བསམ་བློའི་འཁྱེར་སོ་དེ་འདྲ་ཞིག་ཡིན་པ་རེད་བསམ་པ་དྲན་གྱི་རེད། དེ་ལ་ྋསྐྱབས་རྗེ་ཁྲི་བྱང་ རིན་པོ་ཆེ་ཡིན་ནའང་དགོངས་བཞེས་གནང་དགོས་པ་ཞིག་དང༌། ཛེ་སྨད་རིན་པོ་ཆེ་ཡིན་ནའང་བསམ་བློ་གཏོང་ དགོས་པ་ཞིག་ཡིན་ནའང་དེ་ལྟར་མ་བྱུང་བ་རེད། ཕྱོགས་གཅིག་ནས་དེབ་ནང་གི་དོན་དག་དེ་ཚོ་སྒྲ་ཇི་བཞིན་པ་

ཁས་བླང་དུ་རུང་མི་རུང་ཡང་ཐེ་ཚོམ་གྱི་གཞི་ཆེན་པོ་རེད་ལ། མཐར་གཏུགས་ན་ཡིན་ནམ་བསམ་བྱུང་ཟེར་རྒྱུ་ 13

༸གོང་ས་མཆོག་གི་བཀའ་སློབ།

མ་གཏོགས་ཨེ་ཡོད་སྙམ། གལ་ཏེ་དེ་བདེན་པའི་དབང་དུ་བཏང་རུང་བསྟོད་རར་འགྲོ་དང་སྨད་རར་འགྲོ་ཆ་མ་

གཏོགས་པ་རེད། ལྷག་པར་རི་བོ་དགེ་ལུགས་པའི་ཆེ་བ་ཆོས་སྐྱོང་རྩོད་པ་ཅན་གཅིག་ལ་ཐུག་པ་འདྲ་པོ་བྱས་ན་ དགོས་པ་གང་འདྲ་འདུག ཅི་སྟེ་བསྟོད་རར་འགྲོ་གི་ཡོད་ནའང་དགོས་པ་ལས་དགག་བྱ་ཆེ་བས་ཤོད་མ་འོས་པའི་

སྐད་ཆ་ཚིག་རེད་མ་གཏོགས། ད་ལྟ་དེ་བཤད་ནས་ག་རེ་ཕན་ཐོགས་ཡོད་དམ། ལར་ནས་རྩ་བའི་གླེང་གཞི་དགེ་

ལྡན་བསྟན་ལ་བསྲེ་ལྷད་འཇུག་བྱེད་ཅེས་པའི་བསྲེ་ལྷད་ཀྱི་དོན་མི་གཅིག་གིས་ས་དགེ་བཀའ་རྙིང་རིས་མེད་ཀྱི་ ཆོས་བྱས་པ་ལ་ཟེར་བ་ཡིན་ན། ྋརྒྱལ་བ་གོང་མ་སྤྱི་དང༌། ལྷག་པར་གཉིས་པ་གསུམ་པ་ཁྱད་པར་དུ་ལྔ་པ་ལས་ བསྲེ་ལྷད་ཆེ་བ་སུ་ཡོད། དེ་ལྟར་ན་ཁོང་གིས།

བློ་བཟང་རྒྱལ་བ་གཉིས་པའི་བསྟན་པ་ལ། །

བསྲེ་ལྷད་མེད་པའི་རྣམ་ཐར་འཁྱོངས་པར་ཤོག །

ཅེས་གསུངས་པ་ཞལ་བརྫུན་ཆེན་པོ་རེད། ཁོང་དགེ་སློང་མཁས་པ་ཞིག་གིས་མངོན་སུམ་ལ་བསྙོན་པའི་

བརྫུན་གོག་དེ་འདྲ་ག་ནས་གསུངས། གལ་ཏེ་བསྲེ་ལྷད་ཀྱི་གོ་དོན་དེ་ལྟར་ཡིན་ན་མཁས་གྲུབ་ཐམས་ཅད་མཁྱེན་

པའི་གསུང་ལྟ་ཁྲིད་མུན་སེལ་སྒྲོན་མེའི་ནང་དཔལ་ས་སྐྱ་པའི་ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་ཀྱི་ལྟ་ བ་སྒོམ་ཚུལ་ཞོར་འཕྲོས་སུ་གསུངས་ནས་དེའི་ཆོས་སྐད་རྗེ་བླ་མའི་ལྟ་བ་སྐྱོང་ཚུལ་ལ་མི་བསྲེ་བར་གསུངས་ཏེ་ གདམས་ངག་ཐམས་ཅད་བརྡ་ཆད་ཕར་བསྲེ་ཚུར་བསྲེའི་བློ་བཟོ་སྣ་ཚོགས་ཀྱིས་གདམས་ངག་སོ་སོའི་ཐུན་མིན་

ཐ་སྙད་ཐམས་ཅད་ཆལ་ཆོལ་དུ་བཏང་མི་རུང་ཚུལ་དང༌། ཡང་མན་ངག་གཞན་གྱི་དོན་དང་ཐ་སྙད་འདིར་བསྲེ་

བར་མི་བྱ་ཞིང༌། འདི་ནས་ཀྱང་དེ་དག་ཏུ་བསྲེ་བར་མི་བྱ་སྟེ། དེ་ལྟར་བསྲེ་ན་མན་ངག་ཐམས་ཅད་རང་སྲོལ་འཕྱུག་ འགྲོ་བའི་རྐྱེན་དུ་གསུང་འདུག་པས། དགེ་ལུགས་པས་ས་རྙིང་གི་ཆོས་བྱས་ན་མི་འགྲིག་པ་དང༌། ས་རྙིང་སོགས་

ཀྱིས་དགེ་ལུགས་པའི་ཆོས་བྱས་ནའང་མི་འགྲིག་པར་འགྲོ་རྒྱུ་རེད། དེ་ལྟར་ན་རྒྱལ་ཚབ་མཁས་གྲུབ་ཁོང་རྣམ་པ་ ནས་བཟུང་བའི་དགེ་ལུགས་དགེ་བཤེས་མང་པོ་བསྲེ་ལྷད་གཏོང་མཁན་ཆགས་པ་རེད་ལ། ད་ལྟ་དགེ་ལུགས་པ་

འགའི་མཐོང་སྣང་ལ་དགེ་ལུགས་པ་ཞིག་གིས་རྙིང་ཆོས་སོགས་ཉན་ན་མི་འགྲིག་པའི་ཕྱོགས་དང༌། ཡང་རྙིང་མ་ པ་ཞིག་གིས་ལམ་རིམ་ཉན་ན་སྤྲོ་སྤྲོ་བྱེད་པ། དགེ་ལྡན་གྱི་ཆོས་རྙིང་མར་བསྲེ་བའི་བསྲེ་ལྷད་བྱས་ཏེ་མཁས་གྲུབ་ རྗེའི་དགོངས་པ་དང་འགལ་འགྲོ་གི་ཡོད་པ་རེད།

མདོར་ན་ཕྱི་ནང་ཐུག་པ་ལྟར་གཅིག་གིས་གཅིག་ལ་རྒྱབ་བསྟན་ནས་སྡོད་དགོས་ཚོད་རེད། དེས་ན་བསྲེ་ 14

༸གོང་ས་མཆོག་གི་བཀའ་སློབ།

ལྷད་ཀྱི་དོན་ནི་མི་གཅིག་གིས་རིས་མེད་བྱས་པར་གོ་རྒྱུ་མིན་པར། སོ་སོའི་ཐུན་མིན་གསུང་ལུགས་ཕར་བསྲེ་

ཚུར་བསྲེས་ཆལ་ཆོལ་དུ་བཏང་བར་གོ་རྒྱུ་ཡིན་པ་འདྲ། དེས་ན་ྋརྒྱལ་དབང་ལྔ་པའི་དགེ་ལུགས་ཀྱི་ལམ་ཁྲིད་

འཇམ་དཔལ་ཞལ་ལུང་ནང་ས་རྙིང་གི་ཐུན་མིན་བརྡ་ཆད་བསྲེ་ལྷད་མེད་ཅིང༌། རྫོགས་ཆེན་ལྟ་ཁྲིད་རིག་འཛིན་ ཞལ་ལུང་ནང་ས་དགེའི་ཐུན་མིན་བརྡ་ཆད་བསྲེ་ལྷད་མེད་པར་རང་རང་གི་ལུགས་སྲོལ་བརྡ་ཆད་གཙང་མར་ཡོད་

པ་འདི་མཁས་གྲུབ་ཐམས་ཅད་མཁྱེན་པའི་དགོངས་པ་ངོ་མ་རེད་སྙམ་པ་འདུག རྒྱན་ལས། འགྲོ་ལ་ཕན་པར་བྱེད་

རྣམས་ལམ་ཤེས་ཉིད་ཀྱིས་འཇིག་རྟེན་དོན་སྒྲུབ་མཛད་པ་གང༌། །ཞེས་གསུངས་པ་ལྟར་ཐེག་ཆེན་ལ་མོས་པའི་ གང་ཟག་གཅིག་གིས་གྲུབ་མཐའ་གོང་འོག་ཐེག་པ་ཆེ་ཆུང་ཐམས་ཅད་ལ་ཐོས་བསམ་སྒོམ་པ་དགོས་པ་བཞིན་དུ། ས་དགེ་བཀའ་རྙིང་ཐམས་ཅད་ལ་ཡང་རྒྱུད་ཚོད་དང་བསྟུན་པའི་ཐོས་བསམ་སྒོམ་པ་བྱེད་པ་བསྔགས་པའི་འོས་ ལས་སྐྱོན་ག་ལ་ཡིན། བར་སྐབས་དེབ་དེ་ཐོན་པའི་རྐྱེན་བྱས་ནས་གདོང་ཐོག་རིན་པོ་ཆེའི་དགག་པ་ཞིག་བྱུང༌། གདོང་ཐོག་གི་དགག་པ་བྱུང་བའི་མཚམས་ཝཱར་ཎཱ་ཁུལ་དགེ་ལུགས་པ་གང་འཚམས་ཤིག་ནས་ནད་མ་ཐེག་པར་

དེ་ལ་དགག་ལན་ཞིག་འབྲི་གི་ཡིན་ཞེས་གྲ་སྒྲིག་བྱས་ལུགས་ཤོད་མཁན་བྱུང༌། དགེ་ལུགས་པ་འགའ་ཤས་ནས་

གདོང་ཐོག་གི་དེབ་དེ་གདོང་ཐོག་གིས་བྲིས་པ་མ་རེད། བདུད་འཇོམས་རིན་པོ་ཆེ་ནས་བྲིས་ཏེ་མིང་གདོང་ཐོག་ གིས་ཁྱེར་བ་རེད་ཅེས་དེ་འདྲ་ཤོད་མཁན་ཡང་བྱུང་ཚོད་སྣང༌། དེ་ཅི་འདྲ་ཞིག་འདུག་གམ། ཛེ་སྨད་རིན་པོ་ཆེ་དང་ གདོང་ཐོག་ཁོ་རང་གཉིས་གདོང་ཐུག་རྩོད་པ་བྱུང་བར་ཁྱད་པར་གང་ཡང་མི་འདུག་སྟེ། ཛེ་སྨད་ཀྱི་དེབ་དེ་དགེ་ ལུགས་པའི་བླ་མ་གཙོ་བོ་ཁྲི་བྱང་རིན་པོ་ཆེ་ནས་གསུངས་པ་ཡིན་ཞེས་དངོས་སུ་བཀོད་ཡོད་པ་དང༌། གདོང་ཐོག་

གི་དགག་པ་དེ་བདུད་འཇོམས་རིན་པོ་ཆེ་ནས་བྲིས་པ་རེད་ཟེར་དུས། ཐུག་ས་དེ་ཁྲི་བྱང་རིན་པོ་ཆེ་དང༌། བདུད་ འཇོམས་རིན་པོ་ཆེ་རྣམ་གཉིས་ལ་ཐུག་ཡོང་གི་ཡོད། ད་ཆ་དངོས་གནས་དྲང་གནས་ཆོས་ལུགས་ནང་ཁུལ་

འཁྲུག་རྩོད་སྤེལ་རྒྱུའི་ཛ་དྲག་གི་གནས་ཚུལ་ཞིག་ཆགས་ཡོང་གི་ཡོད་དུས། ཆོས་དོན་ལས་ཁུངས་ཀྱི་མིང་ཐོག་

ནས་རྩ་བའི་དུག་རྩ་ཛེ་སྨད་ཀྱི་དེབ་འདིས་བྱས་ཤིང༌། དེང་སང་དུས་ཚོད་གཉན་འཕྲང་གི་སྐབས་འདིར་ཕན་ཚུན་ ཚང་མས་བསྟན་པ་སྤྱི་ལ་ཕན་པའི་བསམ་ཤེས་ཡག་པོ་ཞིག་བྱེད་དགོས་པ་ལས། དཀྲོགས་རྐྱེན་རིགས་བྱས་ན་

མི་འགྲིག་ཞེས་ཆོས་དོན་ལས་ཁུངས་ནས་ཆེད་གཉེར་གྱིས་གསལ་བསྒྲགས་བྱས་པའི་རྗེས་ལ་དགེ་ལུགས་ནང་

ནས་དགག་པ་བྱུང་ཡོད་པ་མ་རེད། རྙིང་མ་འགས་ཀྱང་དེ་དུས་གྲ་སྒྲིག་ཕྲན་བུ་བྱས་འདུག་ཀྱང༌། ཆོས་དོན་ལས་ ཁུངས་ཀྱི་གསལ་བསྒྲགས་དེ་ཐོན་པའི་རྗེས་ལ་ཆོས་དོན་གྱི་གསལ་བསྒྲགས་ལ་ཉན་ནས་ལྷིང་འཇགས་སུ་བསྡད་ 15

༸གོང་ས་མཆོག་གི་བཀའ་སློབ།

དེ་རྙིང་མ་རང་ཁུངས་ནས་དགག་པ་བྱུང་མེད། གདོང་ཐོག་ཁོང་རང་སྒེར་གྱི་ཆོས་ལུགས་ས་སྐྱའི་ཐོག གྲུབ་མཐའ་ རིས་མེད་ལ་དད་པ་དག་སྣང་བྱེད་མཁན་གཅིག་གི་ཐོག་ནས་དགག་པ་དེ་བྲིས་པ་རེད། གནས་ཚུལ་དེ་འདྲ་བྱུང་

ནས་གང་ལྟར་དཀྲོགས་རྐྱེན་ཆེན་པོ་ཡོང་གྲབས་བྱེད་པའི་སྐབས་རེད། ངའི་བསམ་བློའི་ནང་ལ་ད་ལྟ་བར་དུ་ཞེ་ས་ མ་ཞུས་ན་གནས་ཆུང་ཞལ་བཀག་སྟེ་བཞག་པ་ཡིན། ད་ཆ་གནས་ཆུང་ཞལ་བཀག་སྟེ་བཞག་ན་ང་མ་དྲང་པ་རེད་

བསམ་ནས་ཉིན་མ་གཅིག་གཟིམ་ཆུང་སྤྱན་འདྲེན་སྐབས་ལ་ངས་གསལ་པོ་བྱས་ཏེ་བཀའ་འདྲི་ཞུས་པ་ཡིན། སྔོན་

མ་ལོ་བརྒྱད་དགུའི་གོང་ལ་གནས་ཆུང་ནས་ཨ་སྲས་འཁྱམས་པོ་བསྟེན་ན་འགྲིགས་ཀྱི་མི་འདུག་ཅེས་གསུངས་ བྱུང༌། དེ་དུས་ངས་ཟོལ་མེད་ཀྱིས་ཁྱེད་རང་ཞལ་ཁ་བཞུགས་ན་ཞེས་ཞུས་པ་ཡིན། ཆོས་སྐྱོང་ནས་ཀྱང་ད་ལྟ་བར་

དུ་འཇམ་ཐིང་ངེར་བཞུགས་པ་ཐུགས་རྗེ་ཆེ་ཞུ་རྒྱུ་ཡིན། ད་ཆ་ཕར་ཕྱོགས་ནས་རྐང་བརྐྱངས་ལག་བརྐྱངས་གང་

བྱུང་མང་བྱུང་བཤད་ཆོག་གི་ཡོད་པ་རེད། ངས་ཚུར་ཕྱོགས་འདིར་གནས་ཆུང་ཞལ་བཀག་སྟེ་བཞག་ན་ང་མ་ དྲང་བ་རེད། ཁྲིམས་ལུགས་ལྟར་བྱས་ནའང་ཕར་ཕྱོགས་དེ་ནས་གང་ཡང་བཤད་ཆོག་པ་དང༌། ཚུར་ཕྱོགས་ནས་

བཤད་མི་ཆོག་པར་བཀག་ན་དྲང་པོ་མིན། ད་ཆ་གནས་ཆུང་གི་ངོས་ནས་ག་རེ་གསུང་རྒྱུ་ཡོད་ནའང་གསུང་ཤོག དེ་ལ་ངས་དྲང་བདེན་གྱི་རྒྱབ་སྐྱོར་བྱ་རྒྱུ་ཡིན་ཞུས་པ་ཡིན། གཞི་ནས་ཆོས་སྐྱོང་གིས་ལྷོད་ལྷོད་བྱས་ནས་རྒྱལ་ ཆེན་ཤུགས་ལྡན་གྱི་སྔ་ཕྱིའི་ལོ་རྒྱུས་མང་པོ་ཞིག་གསུངས་པའི་རྡོ་དོན། རྒྱལ་ཆེན་ཤུགས་ལྡན་འདི་བསྟེན་ན་ཕན་

ལས་གནོད་པ་ཆེ་བ་ཡིན། དེང་སང་རྒྱལ་ཆེན་བསྟེན་མཁན་ཚོར་མི་ཁ་དང༌། ནང་བཀྲ་མི་ཤིས་པ་གང་འདྲ་ཞིག་

ཡོང་གི་ཡོད་མེད། ཐ་མ་གྲ་མ་འགྲིགས་གང་འདྲ་ཞིག་ཐོན་གྱི་ཡོད་མེད་ཞིབ་བརྟག་གནང་ན་མཐོང་ཐོས་སུ་ཡོད་ པ་དེ་ཡིན།

ཡང་ན། རྒྱལ་ཆེན་བསྟེན་མཁན་དེ་རྣལ་འབྱོར་པ་དངོས་གནས་རྟོགས་པ་མཐོན་པོར་སླེབས་པ་ཞིག་ནས་

ཤིན་ཏུ་གསང་བའི་ཚུལ་གྱིས་བསྟེན་པ་ཡིན་ན་ལས་ད་ལྟའི་བྱེད་སྟངས་འདི་འདྲ་བྱས་ན་ཁེ་ལས་ཉེན་ཆེ་བ་དང༌། དགེ་ལས་སྐྱོན་ཆེ་བ་ཡིན་ཞེས་དང༌། ལྷག་པར་དུ་རྒྱལ་ཆེན་ཤུགས་ལྡན་བསྟེན་ན་འདོད་ཁམས་བདག་མོ་ལ་ཕོག་ ཐུག་འཁོན་དོགས་ཡོང་གི་ཡོད་ཅེས་གསུངས་བྱུང༌། གནས་ཚུལ་དེ་ལྟར་བྱུང་ནས་རྒྱལ་ཆེན་གྱི་གནས་ཚུལ་དེ་

རྣམས་ངས་ཤེས་པ་རེད། གནས་ཆུང་དང་རྒྱལ་ཆེན་མཐུན་དང་མི་མཐུན་གླེང་གཞི་ཡོད་ཀྱང༌། ལྷ་མོ་དང་འཁོན་ གྱི་ཡོད་པའི་སྐད་ཆ་འདི་ད་རེས་དང་པོ་རེད། ལྷ་མོ་འཁོན་གྱི་ཡོད་ན་གནས་ཚུལ་ཤིན་ཏུ་འགངས་ཆེན་པོ་དང་། གནད་འགག་ཆེན་པོ་ཞིག་ལ་ཐུག་གི་ཡོད་དུས། ངའི་ངོས་ནས་ཏན་ཏན་ཞིག་བྱས་ན་ཡག་པོ་འདུག་བསམ་བྱུང༌། 16

༸གོང་ས་མཆོག་གི་བཀའ་སློབ།

དེའི་སྐབས་ཡོས་ལོའི་ཟླ་བ་ ༦།༧ ཙམ་ཡིན། ངས་འཕྲིན་བཅོལ་འདོན་རྒྱུ་དེ་འཆར་ཅན་ལྟར་འདོན་གྱི་ཡོད། དེ་ རྗེས་དགུན་མཚམས་འབྲུག་གི་ལོ་གསར་དང་ཐག་ཉེ་པོར་སླེབས། ལོ་གསར་སྐབས་ལ་འཆར་ཅན་བསྐང་གསོ་

རྒྱས་པ་འདོན་གྱི་ཡོད་པ་ཡིན་དུས། ད་ཆ་བསྐང་གསོ་འདོན་དང་མི་འདོན་བརྟག་དཔྱད་ཏན་ཏན་ཞིག་བྱས་ན་

བསམ་བྱུང༌། སྐབས་དེར་ཉེ་ཆར་ཁྲི་བྱང་རིན་པོ་ཆེའི་དྲུང་ནས་སྤྱན་རས་གཟིགས་རྒྱལ་བ་རྒྱ་མཚོའི་བཀའ་དབང་ ཞུས་ནས་ཡོད་པས། སྤྱན་རས་གཟིགས་རྒྱལ་བ་རྒྱ་མཚོའི་སྒེར་སྔགས་དང༌། རྐང་ཡིག་དྲུག་བསགས་ནས་

མཚམས་ཤིག་ལ་བསྡད་ཡོད། སྐབས་དེར་གྲྭ་ཚང་མཁན་པོ་ཝཱ་ཎར་འཚེམ་བཟོ་རུ་ཕེབས་ནས་བཞུགས་མེད། ཁོང་ཡར་ཕེབས་པ་དང་ལྷ་མོའི་གཟབ་གསོལ་ཞིག་ཚོགས་ཏེ་ཟན་བརྟག་བསྒྲིལ་རྒྱུ་དང༌། ཟན་བརྟག་གི་ཐོག་ནས་

གང་ཕེབས་བྱུང་ནའང་དེ་དོན་སྤང་བླང་བྱེད་དགོས་བསམ་ནས་བློ་བསྒྲིལ་ས་དེ་ཟན་བརྟག་ཐོག་ལ་བསྒྲིལ་ནས་

ཐག་གཅོད་བྱེད་རྒྱུ་བྱས་པ་ཡིན། ཡོས་ལོའི་ཟླ་ ༡༢ ཚེས་ ༡༥།༡༦ ཙམ་ལ་སྐུ་ཞབས་མཁན་པོ་ཡར་ཕེབས་བྱུང༌། ཚེས་ ༡༨།༡༩ ཙམ་ལ་ང་དང༌། སྐུ་ཞབས་མཁན་པོ། གྲྭ་ཚང་གི་ཆོག་གྲྭ་བཅོ་ལྔ་ཙམ་བཅས་ནས་ལྷ་མོའི་བསྐང་

གསོ་ཞིག་བཏོན། དེའི་ཉིན་མོ་འབྲུག་སྐད་རྒྱག་པ་སོགས་གནམ་གཤིས་འཚུབ་པོ་ཞིག་བྱུང༌། དེ་ནས་ཟན་བརྟག་ མ་བསྒྲིལ་གོང་ལ་མངའ་གསོལ་ཞིག་བཏོན།

རྣལ་འབྱོར་སྲུང་མའི་གཙོ་བོར་མངའ་གསོལ་གྱི། །ཞེས་པའི་སྐབས་གློག་བཞུ་ཤི་སོང༌། རྡ་རམ་ས་ལར་

གློག་བརྟན་པོ་རང་མེད་པ་འཆར་ཅན་ཡིན་པས་དེ་ལ་གཅིག་བྱས་ན་རྣམ་རྟོག་བྱེད་རྒྱུ་གང་ཡང་ཡོད་ཀྱི་མ་རེད་ བསམ་བྱུང༌། གཅིག་བྱས་ན་གལ་སྲིད་མཚན་མ་འདྲ་ཡིན་པ་ཡིན་ན། དེ་ལོས་བདེན་བསམ་བྱུང༌། གང་གིས་

ཟེར་ན། དཔལ་ལྡན་ལྷ་མོ་ྋརྒྱལ་མཆོག་དགེ་འདུན་གྲུབ་པ་ནས་བཟུང་སྟེ་དངོས་གནས་གཅིག་ཆོག་ཀུན་འདུས་ ཀྱི་ཆོས་སྐྱོང་ཞིག་ཡོད་བཞིན་དུ་དེས་མ་ཆོག་པར་ངས་རྒྱལ་ཆེན་བསྟེན་གྱི་ཡོད་སྟབས། རྣལ་འབྱོར་སྲུང་མའི་

གཙོ་བོར་མངའ་གསོལ་གྱི། །ཞེས་པ་དེ་ཚིག་སྐམ་པོ་ཞིག་ཆགས་པ་རེད། དོན་དག་ངོ་མའི་ཐོག་ལ་དེ་ལྟར་མ་ ཡིན་པའི་བཟོ་འདྲ་པོ་ཞིག་ཆགས་ཡོང་དུས། དེའི་མཚན་མ་ཡིན་ན་ནི་ལོས་བདེན་བསམ་པ་རང་དྲན་བྱུང༌། དེ་ ནས་དངོས་གཞི་ཟན་བརྟག་བསྒྲིལ་སྐབས་དོན་གསུམ་བྱུང་ཡོད། དང་པོར། རྒྱལ་ཆེན་ད་མུས་བཞིན་བསྟེན་ན་ བཟང་ཟེར་བ་གཅིག་ཡོད། དེ་ཕེབས་ན་རྒྱལ་ཆེན་གྱི་ཉིན་རེ་ཉིན་རེའི་འཕྲིན་བཅོལ་དང༌། ལོ་རེའི་བསྐང་གསོ་ འདོན་རྒྱུ་དེ་ཚོ་བསྒྱུར་བཅོས་འགྲོ་མ་དགོས་པ་བྱ་རྩིས་ཡིན། གཉིས་པར། རྒྱལ་ཆེན་ཤིན་ཏུ་གསང་བའི་ཚུལ་ གྱིས་བསྟེན་ན་བཟང་ཟེར་བ་གཅིག་ཡོད། དེ་ཕེབས་ན་གྲྭ་ཚང་མཉམ་དུ་བསྐང་གསོ་འདོན་མ་དགོས་པར་ང་རང་ 17

༸གོང་ས་མཆོག་གི་བཀའ་སློབ།

གཅིག་པུས་བསྐང་གསོ་བཏོན་བསམ་པ་དྲན་བྱུང༌། འཕྲིན་བཅོལ་ང་རང་རྟག་པར་འདོན་མུས་ལྟར་བཏོན་ན་ བསམ་པ་བྱུང༌། གསུམ་པར། རྒྱལ་ཆེན་བསྟེན་རྒྱུ་མཚམས་འཇོག་བྱས་ན་བཟང་ཟེར་བ་གཅིག་ཡོད། དེ་ཕེབས་ ན་འཕྲིན་བཅོལ་དང༌། བསྐང་གསོ་འདོན་མ་དགོས་པར་ཅམ་འཇོག་བྱེད་རྒྱུ་འཆར་རྩིས་བཀོད་ནས། ང་ཚོ་ཚང་

མས་རེ་རེ་ནས་བྷྱོཿབདུན་མ་སྟོང་ཕྲག་གཅིག་རེ་བགྲངས། མངའ་གསོལ་ཞིག་བཏོན། གལ་ཆེན་པོར་རྩིས་ཏེ་སྨོན་ འདུན་ཤུགས་དྲག་དང་བཅས་ཏེ་ཟན་བརྟག་དོན་གསུམ་པོ་དེ་བསྒྲིལ་བ་ཡིན། བབས་ཐོན་ཡོང་བ་ལ་རྒྱལ་ཆེན་

བསྟེན་རྒྱུ་མཚམས་འཇོག་བྱེད་ཅེས་པ་བབས་ཐོན་བྱུང༌། དེ་ཉིན་གྲྭ་ཚང་གི་མཁན་པོ་གསར་པ་སུ་བསྐོ་ཡང་མིང་

དོན་འགའ་ཤས་ཟན་བརྟག་བསྒྲིལ་ཏེ་སྐུ་ཞབས་མཁན་པོ་ཐོན་པ་རེད། ཟན་བརྟག་བསྒྲིལ་ཚར་བའི་རྗེས་ལ་ང་རང་

གི་ངོས་ནས་སྤང་བླང་བྱེད་ཕྱོགས་སྐོར་ལ་ཐག་ཆོད་པ་བྱུང་སྟེ་ཞེ་བློ་བདེ་སོང༌། དེ་བཞིན་གནས་ཆུང་ཆོས་སྐྱོང་

གིས་དེ་གོང་ནས་གསུངས་པ་དེ་ཚོ་དངོས་གནས་དྲང་གནས་ཀྱི་བདེན་པ་ར་འཕྲོད་པའི་གནས་ཚུལ་ཞིག་བྱུང་ བས་ན། སེམས་ཀྱི་གཏིང་ནས་ངེས་ཤེས་འདྲོངས་པ་དང༌། ཡ་མཚན་སྐྱེ་བའི་གནས་ཚུལ་ཞིག་བྱུང༌། དེའི་ནུབ་

མོ་འཕྲིན་བཅོལ་དེ་ཅུང་ཟད་འཇོག་མ་ཤེས་པ་འདྲ་པོ་ཞིག་བྱུང༌། དེ་ནུབ་ཉལ་ཁར་འཕྲིན་བཅོལ་བཏོན་པ་ཡིན།

ཞོགས་པའི་ཐོ་རེངས་ཀྱི་རྨི་ལམ་ལ་རྣམ་ཀུན་ཡོངས་འཛིན་རྣམ་གཉིས་དང༌། གསེར་ཀོང་རིན་པོ་ཆེ་སོགས་ཀྱི་ དྲུང་ནས་གསུང་ཆོས་ཞུ་སའི་ཁང་མིག་ནང་སྒེའུ་ཁུང་མདུན་དེར་གདན་འབོལ་གདན་ཆ་གཅིག་བཏིང་འདུག་པ་

དེའི་སྟེང་དུ་ཁྲི་བྱང་རིན་པོ་ཆེ་བཞུགས་འདུག བཞུགས་ས་དེ་གྲལ་མཇུག་སྒོ་འགྲམ་གྱི་འབོལ་གདན་གཤམ་མ་ དེར་བཞུགས། དབུ་ས་གདན་སྒང་ལ་བཞག ཉམས་དམའ་པོ་བྱས་ནས་གཟིམ་བཞུགས་འདུག ངས་དེར་སླེབས་ པ་དང་ཁྲི་བྱང་རིན་པོ་ཆེར་འདི་འདྲ་གནང་ནས་མ་གཟིམ། གཟིམ་ན་དབུ་སྒོ་ལ་མ་གཟིགས་པར་དབུ་ཡར་ཕྱོགས་ ནས་འབོལ་གདན་གཉིས་ཀའི་སྒང་དེར་ཡག་པོ་བྱས་ནས་གཟིམ་ན་ཞུས་སོང༌། ཁྲི་བྱང་རིན་པོ་ཆེ་ནས་མ་རེད། ད་ང་འགྲོ་གི་ཡིན་གསུང་གི་འདུག ད་འོ་ན་གསོལ་ཇ་ཞིག་བཏེགས་ན་ཞུས་པར། མིན། འགྲོ་གི་ཡིན་གསུང་གི་

འདུག འོ་ན་ཆབ་བསྐོལ་ཞིག་བཏེགས་ན་ཞུས་པར་ཆབ་བསྐོལ་བཞེས་ཀྱི་ཡིན་གསུང་གི་འདུག ངའི་ལག་པར་ ཤེལ་ཕོར་དང༌། ཇ་དམ་ཞིག་འཁྱེར་ནས་ཆབ་བསྐོལ་ཕུལ་སོང༌། དེ་ནས་ཁྲི་བྱང་རིན་པོ་ཆེ་ནས་ཆབ་བསྐོལ་དེ་ བཞེས་སོང༌། ཆབ་བསྐོལ་དེ་དང་མཉམ་དུ་ཕྱི་རྒྱལ་གྱི་སྨན་སྔོ་སྐྱ་རིལ་བུ་ཆ་གཅིག་བཞེས་སོང༌། དེ་བཞེས་ཚར་

བ་དང༌། ད་འགྲོ་གི་ཡིན་གསུང་གི་འདུག དེ་ནས་ངས་མར་ཕེབས་བསྐྱེལ་ཞུས་སོང༌། སྒོ་ནས་ཐོན་ཚར་བའི་རྗེས་

ལ་ཁང་པ་འདི་མིན་པར་སྡོད་ཁང་རྙིང་པའི་ལྟག་སྒོ་ཐོན་ནས་རྡོ་སྐས་ཡོད་ས་དེ་ནས་ཡར་ཐབ་ཚང་གི་ངོས་ནས་ 18

༸གོང་ས་མཆོག་གི་བཀའ་སློབ།

ཕྱིར་ཕེབས་སོང༌། ཁྲི་བྱང་རིན་པོ་ཆེ་ཕེབས་ཚར་བའི་རྗེས་ལ་ཡིག་ཚང་གི་གཡས་གཡོན་ལ་མི་ཁམས་པ་འདྲ་པོ་

སྟོད་གོག་དམར་ཧྲེང་བྱས་པ་རེ་ཟུང་འདུག ངའི་བསམ་པར་ཁོང་ཚོ་དད་པ་བྱས་ནས་འདིར་མཇལ་ཁར་བཅར་བ་

རེད་བསམ་བྱུང༌། དེ་ནས་ང་ཡར་ལོག་ཡོང་བ་ཡིན། དེ་འདྲའི་རྨི་ལམ་ཞིག་བྱུང༌། གཉིད་སད་པ་དང་བསམ་བློར་

ཁྲི་བྱང་རིན་པོ་ཆེ་དང་རྒྱལ་ཆེན་ཐུན་མོང་མ་ཡིན་པ་རེད། ད་ལྟའི་རྨི་ལམ་འདི་རྒྱལ་ཆེན་གྱི་རྟགས་ཤིག་ཡིན་

པ་ཤིན་ཏུ་གསལ་པོ་འདུག དབུ་འཕང་དམའ་པོ་འདི་གནས་ཆུང་གིས་བཀའ་ལུང་དང༌། ལྷ་མོའི་ཟན་བརྟག་ནས་ ྋརྒྱལ་བ་རིན་པོ་ཆེས་རྒྱལ་ཆེན་བསྟེན་རྒྱུ་མཚམས་འཇོག་བྱེད་དགོས་ཞེས་བབས་པ་ཡིན་སྟབས། དབུ་འཕང་ དམས་པ་ལྟ་བུ་ཆགས་པ་རེད། ཡིན་ནའང་ངའི་ཐོག་ནས་མ་འགྲིག་པ་གང་ཡང་མེད་པ་དང་། ཁྲི་བྱང་རིན་པོ་ཆེས་

ཕེབས་ཀྱི་ཡིན་གསུངས། ངས་ཕེབས་བསྐྱེལ་ཞུས་ནས་དགའ་དབྱེ་འཛུམ་བྲལ་བྱས་པ་རེད། དེ་ཤིན་ཏུ་གསལ་ པོ་ཞིག་བྱུང་སྟེ་གོ་བ་དེ་འདྲ་ཞིག་ཆགས་པ་རེད། དེ་མིན་འདི་སྐོར་ཕྱོགས་གཅིག་ལ་རྒྱལ་ཆེན་དྲེགས་པ་ཞིག་ལ་ ཐུག ཡང་སྒོས་ལྷག་པར་ཅན་དུ་ཁྲི་བྱང་རིན་པོ་ཆེ་རང་གི་བླ་མ་ཐུག་པ་དང༌། ཕྱོགས་གཅིག་ལ་གནས་ཆུང་དང༌།

ལྷ་མོ་གཉིས་ལ་ཐུག་པ་བཅས་ང་དེ་རྣམས་ཀྱི་དཀྱིལ་དུ་བྱ་སྟངས་བྱེད་སྟངས་མི་ཤེས་པའི་དཀའ་ངལ་ཆེན་པོ་ འཕྲད་བྱུང༌། གང་ལྟར་ཐ་མ་ཟན་བརྟག་ནས་དེ་ལྟར་བབས་པ་དང༌། རྨི་ལམ་ལ་རྒྱལ་ཆེན་ངོས་ནས་ཕྲག་དོག་གང་ ཡང་མེད་པའི་གནས་ཚུལ་གསལ་པོ་ཞིག་ཆགས་དུས་བློ་བདེ་པོ་བྱུང༌།

དེ་ནས་ང་རང་སྒེར་ངོས་ནས་རྒྱལ་ཆེན་བསྟེན་གསོལ་བྱེད་ཕྱོགས་སྐོར་ལ་སྤང་བླང་མིག་ཁ་ཕྱེ་བ་ལྟ་བུ་

བྱུང་སོང་སྟེ། གྲྭ་ཚང་གྲྭ་པ་མཉམ་དུ་ལོ་གསོལ་འདོན་རྒྱུ་དེ་གྲྭ་ཚང་གི་གྲྭ་པའི་མིག་གི་མཐོང་སར་བསྒྱུར་བཅོས་ གཏོང་དགོས་པ་དང༌། དེ་བསྒྱུར་བཅོས་འགྲོ་དུས་འགྲེལ་བཤད་ཞིག་མ་རྒྱབ་ནའང་མི་འགྲིག་མཁན། འགྲེལ་

བཤད་རྒྱབ་པ་ལའང་ཕྲན་བུ་ལབ་མ་ནུས་མཁན་ལྟ་བུར་གང་འདྲ་ཞིག་དགའ་བ་ཡོད་དམ་བསམ་བྱུང༌། ང་རང་གི་

ངོས་ནས་སྤང་བླང་བྱེད་ཕྱོགས་དེ་ཆུ་ཐག་ཆོད་པོ་བྱུང་སོང་ཡང༌། མི་ལ་བཤད་དང་མ་བཤད་ཆུ་ཐག་མ་ཆོད་པ་ ཡིན་སྟབས། ཤོ་མོ་ཞིག་བརྒྱབ་པ་ཡིན། ཤོ་མོ་བརྒྱབ་པའི་སྐབས་ལ། རྒྱལ་ཆེན་བསྟེན་གསོལ་བྱེད་སྟངས་ཟན་

བརྟག་ནང་ཇི་ལྟར་ཕེབས་པ་བཞིན་མི་ལ་མ་ལབ་པར་གསང་བ་བྱས་ནས་ཁ་རོག་བསྡད་པ་ལེགས་དང༌། མི་ལ་ཇི་ ལྟར་རིགས་པའི་འགྲེལ་བཤད་རྒྱབ་ན་ལེགས་ཞེས་མོ་རྒྱབ་པར། མི་ལ་ལབ་ན་ལེགས་པ་བབས་སོང༌། དེ་བབས་

པས་ན་དེ་ཉིན་གྲྭ་ཚང་མཁན་པོ་འདི་གའི་ཡིག་ཚང་དུ་སྐད་བཏང་སྟེ་ཁ་སང་ང་ཚོས་ཟན་བརྟག་བསྒྲིལ་བ་དེ་དག་ གནད་སྨིན་ལོས་གང་འདྲ་བྱུང་སོང་ངམ་ཞེས་དྲིས་པར། མཁན་པོས་སྤྱིར་བཏང་ནི་ྋརྒྱལ་བ་རིན་པོ་ཆེས་ཟན་ 19

༸གོང་ས་མཆོག་གི་བཀའ་སློབ།

བརྟག་བསྒྲིལ་གནང་བ་དེ་ལ་གནད་སྨིན་དང་མ་སྨིན་ཞུ་རྒྱུ་གང་ནས་ཡོང༌། གནད་སྨིན་པ་ཞིག་མ་གཏོགས་ཡོང་ རྒྱུ་མེད་པ་རེད།

ལྷག་པར་ད་རེས་ཟན་བརྟག་གནང་བའི་སྐབས་ལ་བྷྱོཿབདུན་མ་སྟོང་ཕྲག་གཅིག་བགྲངས། ཐུགས་སྨོན་

མཚམས་སྦྱོར་ཤུགས་དྲག་གནང་ནས་ཟན་བརྟག་གནང་བ་དེ་ལ་བསླུ་བ་གཏན་ནས་ཡོད་པ་མ་རེད་ཟེར་གྱི་འདུག གལ་སྲིད་བསླུ་བ་མེད་ན། དེའི་དོན་དག་འདི་འདྲ་རེད་ཅེས་དོན་དག་སྔ་ཕྱིའི་ཡོང་རྐྱེན་རྣམས་ཆ་ཚང་གཅིག་

བཤད་པ་ཡིན། སྐུ་ཞབས་ང་གཉིས་རྒྱ་མིའི་བརྗོད་སྟངས་ལྟར་བྱས་ན་བློ་མཐུན་པ་རེད། ཁོང་སྤོབས་པ་མཐོ་པོ། ང་རྒྱལ་ཚ་སི་སི། མགོ་མཁྲེགས་པོ། དགེ་ལུགས་ལ་ཞེན་ཁོག་ཆེན་པོ་ཞིག་ཡིན་ནའང་དཔལ་ཆེན་ཕུར་པར་དད་

མོས་ཆེན་པོ་གནང་གི་ཡོད། རྡོ་དོན་ངའི་སྲིད་བྱུས་ག་རེ་ཡོད་པ་དེར་བརྒྱ་ཆའི་བརྒྱ་ཐམ་པ་རྒྱག་གཅིག་མཆོངས་ གཅིག་ངོ་ལྐོག་ཟོལ་བ་མེད་པ་བྱས་ནས་འགྲོ་མཁན་ཞིག་ཡིན། དེར་བརྟེན་ཁོང་གཤེགས་པའི་རྗེས་ལའང་ངའི་ སེམས་ནང་མི་དེ་སྙིང་རྗེ་བསམ་ནས་ཕངས་ཀྱི་ཡོད། རྒྱལ་ཆེན་ཤུགས་ལྡན་གྱི་སྐོར་ལ་ཐོག་མཐའ་བར་གསུམ་

གྱི་གནས་ཚུལ་ཁ་སང་བར་དུ་ག་རེ་བྱུང་བ་དེ་རྣམས་ངས་འགྲེལ་བཤད་རྒྱག་དུས་རྒྱག་གཅིག་མཆོངས་གཅིག་ རེད། དེ་ལ་རྣམ་རྟོག་ཐེ་ཚོམ་བྱེད་དོན་རྩ་བ་ཉིད་ནས་མེད་ལ། ཡིན་དང་ཡིན་ཞེས་ཟེར་བྱུང༌། དེ་ནས་ངས་ད་ཆ་ ལོ་གསོལ་གྱི་རྒྱལ་ཆེན་བསྐང་གསོ་འདོན་མ་དགོས་པ་ཡིན་ཞེས་མངགས། དེ་ནས་གྲྭ་ཚང་དུ་ནམ་རྒྱུན་འཕྲིན་

བཅོལ་འདོན་པའི་སྐབས་ལ་རྒྱལ་ཆེན་གྱི་འཕྲིན་བཅོལ་སྐབས་རེར་འདོན་གྱི་ཡོད་པ་དེ་དང༌། ལྷག་པར་གཟིམ་ ཆུང་དུ་དགོང་དྲོའི་སྲོད་གསོལ་ལ་བར་སྐབས་ནས་རྒྱལ་ཆེན་འཕྲིན་བཅོལ་ཡང་འཆར་ཅན་བྱས་ནས་འདོན་གྱི་ ཡོད་པ་དེ་རྐྱེན་ཞིག་མ་འཕྲད་བར་དུ་ལམ་སེང་རྒྱས་བསྡུས་བྱེད་སྟབས་མི་བདེ་བས་དུས་སྐབས་ཤིག་འཕྲད་

རྒྱུར་དེ་མཚམས་ལབ་ཞེས་སྐུ་ཞབས་མཁན་པོ་ང་གཉིས་གོ་བསྡུར་དེ་ལྟར་བྱས། ཁོང་རང་རྒྱལ་ཆེན་སྲོག་གཏད་ ཞུས་ཏེ་བསྟེན་མཁན་སོང་བ་དེ་ལ་བཀག་འགོག་བྱེད་ཀྱི་མ་རེད། བསྟེན་ཆོག་གི་རེད། ད་རེས་ཀྱི་གནས་ཚུལ་དེ་

ཚོ་གསང་བ་བསམ་གྱིས་མི་ཁྱབ་པའི་གནས་ཚུལ་ཞིག་རེད། སྔོན་ཆད་རྭ་ལོ་ཙཱ་བ་དང༌། དར་མ་མདོ་སྡེ། གཉན་

ལོ་ཙཱ་བ་སོགས་གཅིག་གིས་གཅིག་ལ་མཐུ་རྒྱབ་སྟེ་གསོད་རེས་བཏང་བ་རེད། མ་འཆམ་པའི་མཐར་ཐུག་པ་ གསོད་རེས་གཏོང་རྒྱུ་རེད། རྣལ་འབྱོར་པ་གཅིག་གིས་གཅིག་ལ་མཐུ་རྒྱབ་སྟེ་གསོད་ཀྱི་ཡོད་པ་རེད། རྣལ་

འབྱོར་པ་དེ་ཚོ་གསང་སྔགས་ལ་ནུས་པ་ཐོན་པའི་གདེང་ཚོད་རྙེད་པའི་རྣལ་འབྱོར་པ་ཡིན་དུས། བྱང་ཆུབ་ཀྱི་ སེམས་རྒྱུད་ལ་མེད་པ་ཞིག་ཡོང་ཤེས་ཀྱི་མ་རེད། བྱང་སེམས་རྒྱུད་ལ་ཡོད་པའི་རིག་པ་འཛིན་པ་མཚན་ཉིད་པ་ 20

༸གོང་ས་མཆོག་གི་བཀའ་སློབ།

གཅིག་གིས་སྤྱིར་བཏང་འབུ་སྲིན་གྱི་སྲོག་ལའང་རྒོལ་གྱི་མ་རེད། འོན་ཀྱང་རྣལ་འབྱོར་པ་གཅིག་གིས་གཅིག་ལ་

མཐུ་རྒྱག་རེས་བྱས་ནས་གསོད་པའི་ལོ་རྒྱུས་ཡོང་གི་ཡོད་པ་དེ་དངོས་གནས་སྤྱིར་བཏང་བྱས་ན་ཤིན་ཏུ་འགལ་ འཛོལ་རེད། འོན་ཀྱང་དེ་ང་རང་ཚོ་སོ་སོའི་སྐྱེ་བོའི་བློས་བསམ་དུ་མེད་པའི་གནས་ཚུལ་ཞིག་དང༌། དགོས་པ་རྒྱུ་

མཚན་གཞན་ཞིག་གི་ཐོག་ནས་ཡོང་གི་ཡོད། དེ་ལ་གསང་བ་བསམ་གྱིས་མི་ཁྱབ་པའི་གནས་ཚུལ་ཟེར་བ་རེད།

ཅེས་ངས་སྐུ་ཞབས་མཁན་པོ་ལ་འགྲེལ་བཤད་རྒྱབ་སྟེ་ཞུ་རྒྱུ་བྱུང༌། རྒྱལ་ཆེན་བསྟེན་ན་རྒྱལ་པོ་སྐུ་ལྔ་དང༌། ལྷ་ མོར་ཕོག་ཐུག་ཆེན་པོ་འགྲོ་གི་ཡོད་པའི་གནས་ཚུལ་ཞིག་གསལ་པོ་བྱུང་བ་རེད། ཡིན་ཀྱང་དེ་རྒྱུ་མཚན་དུ་བྱས་ ཏེ་གཅིག་ལ་བསྟོད། གཅིག་ལ་སྨད་དེ་སྐུར་བ་འདེབས་དགོས་དོན་གང་ཡང་མེད། ང་ཚོ་བཏང་སྙོམས་སུ་བསྡད་ ན་འགྲིགས། ཁྱེད་རང་རྒྱལ་ཆེན་བསྟེན་རྒྱུ་དེ་ཡང་མུ་མཐུད་བསྟེན་ན་མ་འགྲིག་པ་གང་ཡང་མེད། ཅེས་ལབ་པ་

ཡིན། དེའི་དགོང་དྲོ་ནས་བཟུང་རྒྱལ་ཆེན་གྱི་འཕྲིན་བཅོལ་འདོན་རྒྱུ་དེ་ཡང་ཅམ་བཞག་བྱས་ཏེ་བློའི་ཡུལ་དུ་མ་ འཁོར་བ་བྱས་པ་ཡིན། རྒྱལ་ཆེན་འཁོན་དོགས་ཀྱི་བཟོ་འདྲ་བོ་ཏིལ་འབྲུ་ཙམ་ཡང་མེད་པར་གཉིད་སྐྱིད་ཐག་ཆོད་ ཁུག་གི་འདུག མཚམས་མཚམས་ཁྲག་རྒྱས་ནས་གཉིད་མ་ཁུག་པ་བྱེད་ཀྱི་ཡོད་པ་ལས་ལྷ་འདྲེའི་ཆོ་འཕྲུལ་མིན་ ནམ་བསམ་པ་གང་ཡང་མ་བྱུང༌།

དེའི་རྗེས་ལ་རྒྱལ་ཆེན་མིན་ནམ་བསམ་པའི་རྨི་ལམ་ཐེངས་གཅིག་གཉིས་བྱུང༌། དེ་ནི་ཁང་ཆུང་ཞིག་ནང་

ཁྲི་བྱང་རིན་པོ་ཆེ་བཞུགས་པ་དང༌། ཁྲི་བྱང་རིན་པོ་ཆེ་ནས་ད་ང་འདིར་སྤོས་ཡོད་གསུང་གི་འདུག གྲྭ་རྐྱང་ལྟ་ བུ་བྱས་ནས་བཞུགས་འདུག ཞབས་ཕྱི་ཞུ་མཁན་གྲྭ་པ་ཆུང་ཆུང་ཞིག་འདུག ང་འདིར་སྐྱིད་པོ་འདུག་གསུང་གི་ འདུག ངས་དེར་མེ་ཏོག་གཅིག་ཕུལ་སོང༌། དེ་གཅིག་མིན་ནམ་བསམ་པ་བྱུང༌། དེ་ནས་ལོ་གསར་ཚེས་གསུམ་ ཉིན་ངས་མཆོད་གཡོག་ལ་ད་རེས་དེ་སྔ་བོད་ཀྱི་ལུགས་སྲོལ་ལྟར་ལྷ་མོ་རྐྱང་རྐྱང་བཏོན་ཏེ་འགྲིག་པ་བྱེད་ཀྱི་ཡིན་ ཞེས་མངགས། རྒྱལ་ཆེན་ཞེས་དམིགས་སུ་བསལ་བའི་སྐད་ཆ་གང་ཡང་མ་དགོས་པ་བྱས། སྐབས་རེར་ལྷ་མོའི་

ཐོག་ང་ཚོས་མགོན་ཆོས་བེཀ་ཙེ་སོགས་ཀྱང་བཏོན་པ་རེད། སྐབས་དེར་རྒྱུ་མཚན་མང་པོ་མ་བརྗོད་པར། བོད་ ལ་སྔོན་མ་གང་བཏོན་པ་བཞིན་འདོན་གྱི་ཡིན་ཞེས་བཤད་པ་ཡིན། དེ་དུས་རྣམ་གྲྭ་ཁྱེད་རང་ཚོས་གནད་དོན་གང་

ཡང་གོ་ཡོད་ཀྱི་མ་རེད། དེ་ནས་འབྲུག་ལོའི་ཟླ་བ་དང་པོའི་ཚེས་བཅུ་ཉིན་གནས་ཆུང་གི་ལུང་ལ། དམར་ནག་ གཉིས་ལ་ྋརྒྱལ་བ་སྐུ་ཕྲེང་རིམ་བྱོན་གྱིས་འཕྲིན་ལས་གཉེར་དུ་གཏད་པའི་དགྲ་ལྷར་མིང་བཏགས་ཏེ་ཡོད་པ་ལ། འདྲེ་ཤར་གྱི་ཕྱོགས་སུ་གནས་པ་ལ་གླུད་ནུབ་སྒོར་གཏོང་བའི་དཔེ་དོན་ལྟར་མ་སོང་བ་དགོས་པའི་ལུང་དེ་བསྐྱོན་ 21

༸གོང་ས་མཆོག་གི་བཀའ་སློབ།

སོང༌། ལུང་དེའི་དགོངས་དོན་དེ་མིང་རྒྱབ་འཁུར་གྱི་ལྷ་མོ་དང་རྒྱལ་པོ་སྐུ་ལྔ་ལ་རྩེ་གཅིག་ངོ་ཐོན་མེད་པ་དང༌། ལྷ་ གསར་མི་གསར་གསོལ་མཆོད་བྱས་པ་འགྲིགས་ཀྱི་མེད་པའི་དགོངས་པ་ཡིན་པ་དེ་ངས་གསལ་པོ་ཤེས་བྱུང༌།

དེར་བརྟེན་དེའི་ཉིན་མོ་བཀའ་ཤག་སྤྱན་འདྲེན་སར་འཆར་ཅན་ཡོད་པ་ནས་སྤྱན་འདྲེན་གྲུབ་པ་དང་ཡར་ཕེབས་ ཤོག་ཅེས་སྐད་བཏང་སྟེ། ད་གིན་ཆོས་སྐྱོང་གི་ལུང་བསྐྱོན་པའི་དགོངས་དོན་འདི་འདྲ་རེད་ཅེས་ཞིབ་གླེང་བྱས་ཏེ།

ཐོག་མར་རྒྱལ་ཆེན་དང་འབྲེལ་བ་ཡོང་སྟངས། བར་དུ་རྒྱལ་ཆེན་འཕྲིན་བཅོལ་བཏོན་སྟངས། གནས་ཆུང་གིས་

ཐོག་མར་ལུང་བསྐྱོན་པའི་སྐབས་ལ་ངས་ཞལ་རོག་བཞུགས་ཞེས་ཞུས་སྟངས། དེ་རྗེས་དེབ་སེར་པོ་ཐོན་པའི་ སྐབས་ལ་ཁྲིམས་ས་ལྟ་བུ་ཡིན་ན་དྲང་ཐིག་ལ་གནས་དགོས་པ་ཡིན་དུས། བློ་གཟུ་བོར་གནས་པའི་ཐོག་ནས་

གནས་ཆུང་ལ་བཀའ་འདྲི་ཞུ་སྟངས། གནས་ཆུང་གི་ལུང་བསྐྱོན་སྟངས། ད་དུང་གལ་ཆེ་ཡང་ནན་གྱིས་ཟན་བརྟག་ བསྒྲིལ་སྟངས་སོགས་ཆ་ཚང་བཀའ་བློན་ཚོར་ཞུས། ད་ཆ་བོད་གཞུང་གི་གཞུང་ཞབས་ཤིག་གིས་བོད་གཞུང་

དང༌། ངེད་དང་འབྲེལ་བའི་ཆ་ནས་རྒྱལ་པོ་སྐུ་ལྔ་དང༌། ལྷ་མོ་རེད། རྒྱལ་ཆེན་ལ་གསོལ་མཆོད་བྱེད་རྒྱུ་འགྲིགས་ ཀྱི་མ་རེད། ཡང༌། སོ་སོ་སྒེར་གྱི་ངོས་ནས་རྒྱལ་ཆེན་བསྟེན་གསོལ་བྱེད་པ་ནི་ཆོས་དད་རང་མོས་རེད། དེ་སོ་

སོའི་འདོད་མོས་ལྟར་བྱས་ན་འགྲིགས། བོད་གཞུང་གི་ཆབ་སྲིད་དང་འབྲེལ་བའི་སྒོ་ནས་རྒྱལ་ཆེན་ལ་འཕྲིན་ལས་ གཉེར་གཏོད་བྱས་ན་མི་འགྲིགས། དེ་གནས་ཚུལ་ཐ་དད་རེད་ཅེས་གནས་ཚུལ་གསལ་པོ་ཞུས་པ་ཡིན། དེ་ནས་

སྐུ་ཞབས་མཁན་པོར་གྲྭ་ཚང་དབུ་ཆོས་བརྒྱུད་ནས་དེ་རིང་ནས་བཟུང་སྟེ་གྲྭ་ཚང་ལ་རྒྱལ་ཆེན་གྱི་འཕྲིན་བཅོལ་

འདོན་མི་དགོས་པ་དང༌། ལོ་རེའི་བསྐང་གསོ་རྒྱས་པ་ཡང་འདོན་མི་དགོས་ཞེས་མངགས་ཏེ་དམ་བསྒྲགས་བྱས་ པ་ཡིན། ཟླ་བ་དང་པོའི་ཚེས་བཅུ་ལ་གནས་ཚུལ་དེ་བྱུང༌། ཟླ་བ་དང་པོའི་ཚེས་བཅུ་གཉིས་ཡིན་པ་ཡོད། ཡོངས་

འཛིན་རིན་པོ་ཆེ་རྡོ་རྗེ་གདན་ནས་ཡར་ཕེབས་ཏེ་མཇལ་བར་དེའི་སྐོར་གྱི་གནས་ཚུལ་ཆ་ཚང་ཞུས་པ་ཡིན། ཚེས་

༡༣ ཉིན་ཁྲི་བྱང་རིན་པོ་ཆེ་མའེ་སོར་ནས་ཡར་ཕེབས་ཏེ་མཇལ་བྱུང༌། གནས་ཚུལ་སྔ་རྗེས་ཐམས་ཅད་གཅིག་ དང་གཉིས་ཀྱིས་གསལ་པོ་ཞུས་པ་ཡིན། ཁྲི་བྱང་རིན་པོ་ཆེ་ནས་ཟན་བརྟག་དང༌། གནས་ཆུང་ནས་དེ་འདྲ་ཕེབས་ ཡོད་ན་དངོས་འབྲེལ་རེད། བསླུ་བ་ཡོད་པ་མ་རེད། གནས་ཆུང་ལ་ཆ་བཞག་ན་འགག་དོག་སར་སླེབས་དུས་བསླུ་

བ་མེད་པའི་ལུང་ཨང་ཀི་དང་པོ་གང་འདྲ་གནང་གི་ཡོད་མེད་ཤེས་གསལ་ཡིན། དེ་བཞིན་ཟན་བརྟག་ལ་ཆ་བཞག་

ནའང་ལྷ་མོ་གསུང་བྱོན་མའི་སྐུ་ཐང་ལ་ཟན་བརྟག་བསྒྲིལ་བ་རེད། དེ་ཡང་ྋགོང་ས་ལྔ་པ་ཆེན་པོ་ཐེངས་གཅིག་

གཤེགས་ཚར་རྗེས་སྡེ་སྲིད་ནས་གསང་སྒོ་ལོ་ག་ཚོད་དགོས་མིན་སོགས་སྡུག་སྐད་ཞུ་འབོད་ཤུགས་དྲག་བྱེད་ 22

༸གོང་ས་མཆོག་གི་བཀའ་སློབ།

པའི་སྐབས་ལ། ལྗགས་དབུགས་ཆད་ཚར་བ་དེ་ཡང་བསྐྱར་ཚུར་སོས་ནས། གལ་ཆུང་བ་དེ་ཚོ་ཁྱེད་རང་གིས་བློ་ ཐག་གཅོད། གལ་ཆེ་བ་དེ་ཚོ་ྋརྒྱལ་བ་དགེ་འདུན་རྒྱ་མཚོའི་ཐུགས་ཀྱི་རྟེན་ལྷ་མོ་གསུང་བྱོན་མའི་སྐུ་ཐང་མདུན་

དུ་ཟན་བརྟག་བསྒྲིལ་ནས་ཐག་གཅོད་བྱེད། དེ་ལ་བསླུ་བ་མི་ཡོང་ཞེས་གསུངས་པའི་སྐུ་ཐང་འདི་རེད། འདི་ལ་ཟན་

བརྟག་བསྒྲིལ་ནས་ད་ལྟ་ཕན་ལ་བསླུ་བ་གང་ཡང་བྱུང་ཡོད་པ་མ་རེད། བསླུ་བ་མེད་ཐག་ཆོད་རང་རེད། དངོས་ གནས་དྲང་གནས་དགོས་པ་རྒྱུ་མཚན་ཡོད་ཐག་ཆོད་ཡིན་པ་རེད་ཅེས་དང༌། འོན་ཀྱང་ད་ལྟ་ལྷ་མོ་དང་རྒྱལ་ཆེན་ ཤུགས་ལྡན་གཉིས་མ་འཆམ་པ་ལྟ་བུའི་གནས་ཚུལ་དེ་ཕལ་ཆེར་བོད་ཀྱི་བསྟན་སྲིད་དང་འབྲེལ་བའི་ཐོག་ནས་

ཡིན་པ་ལས། སྤྱིར་བཏང་ལྷ་མོ་དང་ཤུགས་ལྡན་གཉིས་མ་འགྲིག་པ་རྩ་བ་ནས་ཡོད་ཀྱི་མ་རེད་ཅེས་གསུངས་ བྱུང༌། ཁྲི་བྱང་རིན་པོ་ཆེ་ནས་ཡིད་ཆེས་གནང་གི་མི་འདུག གཞུང་གི་བསྟན་སྲིད་ཀྱི་ཐོག་ནས་ཏན་ཏན་ཡིན་གྱི་

རེད། ྋརྒྱལ་བ་ལྔ་པའི་སྐབས་ལ་ཐུན་མོང་དང་ཐུན་མོང་མ་ཡིན་པའི་གནས་ཚུལ་མང་པོ་ཞིག་ཡོང་གི་ཡོད་ཙང་།

དེ་འདྲའི་ཐོག་ནས་ཡིན་གྱི་རེད་ཅེས་ཁྲི་བྱང་རིན་པོ་ཆེ་ནས་གོ་བ་དེ་འདྲ་ཞིག་བསྐྱོན་གྱི་འདུག གང་ལྟར་ཁྲི་བྱང་ རིན་པོ་ཆེར་ཆ་ཚང་ཞུས་པ་ཡིན་ལ། ང་རང་ཡང་ཧ་ཅང་བློ་བདེ་པོ་བྱུང༌། དེ་ནས་ཁྲི་བྱང་རིན་པོ་ཆེ་ནས་འདི་གར་

སྐུ་ཐང་ཞིག་ཡོད་པ་དེ་རྒྱལ་ཆེན་བསྟེན་གསོལ་བྱེད་མཁན་ཞིག་ལ་གནང་ན་ཡག་པོ་མ་རེད་དམ་གསུང་གི་འདུག རྒྱལ་ཆེན་སྐུ་ཐང་ཡོད་པ་དེ་དྲན་ཡང་མ་བྱུང༌། ད་ལྟ་བར་དུ་བརྗེད་པ་རེད། དེ་ལམ་སེང་གཞན་དག་ལ་སྤྲོད་དགོས་ ཨེ་ཡོད། འདི་གར་སྐུ་ཐང་གཞན་དག་བྱིངས་ཆེ་དེ་ཚོ་མཉམ་དུ་བཞག་ན་འགྲིགས་ཀྱི་མིན་འགྲོ ངེས་མེད་ངས་ཉར་

མ་ཆོག་པ་དེ་འདྲ་ཡོད་ན། ཁྲི་བྱང་རིན་པོ་ཆེར་འབུལ་གྱི་ཡིན། དེ་ཡང་ཉར་ཆོག་དང་མི་ཆོག ཡང་ན་ཟན་བརྟག་ བསྒྲིལ་ནས་ཐག་གཅོད་ཀྱི་ཡིན། ཡང་ན། གནས་ཆུང་ལ་བཀའ་འདྲི་ཞུ་གི་ཡིན་ཞེས་ཞུས་པ་ཡིན། ཚེས་ ༡༤ ཉིན་ ལོ་གསར་པའི་གཟིམ་ཆུང་སྤྱན་འདྲེན་འཁེལ་བ་དེའི་སར་ངས་དོགས་གཅོད་ཞུས་པ་ཡིན། བར་ལམ་ཆོས་སྐྱོང་ གིས་གསུངས་པ་དང༌། ཟན་བརྟག་བསྒྲིལ་བ་དེ་གཉིས་རྩེ་མཐུན་བབས་ནས་བློ་བདེ་པོ་ཡག་པོ་བྱུང༌། ངའི་ངོས་

ནས་སྤང་བླང་འདི་ལྟར་བྱ་རྒྱུ་ཡིན། ད་ཆ་འདི་གར་རྒྱལ་ཆེན་གྱི་སྐུ་ཐང་ཞིག་ཡོད་པ་དེ་ངས་ཉར་ན་འགྲིགས་ཀྱི་

ཡོད་ན་ནི་ཉར་གྱི་ཡིན། དེ་མིན་ཁྲི་བྱང་རིན་པོ་ཆེར་འབུལ་གྱི་ཡིན་པས་གང་དགའ་ཞེས་ཞུས་པར། ཆོས་སྐྱོང་ གིས་དྲག་ཤུལ་དང་བཅས་སློབ་དཔོན་མཐོང་བ་དོན་ལྡན་གྱི་གནས་ནས་ད་ལྟ་རང་དོར་དགོས་གསུངས་བྱུང༌།

སྤྱན་འདྲེན་གྲུབ་མ་ཐག་ཏུ་ལམ་སེང་མཆོད་གཡོག་ལགས་སྐུ་ཐང་དེ་ཁྲི་བྱང་རིན་པོ་ཆེར་འབུལ་དུ་བཏང་བ་ཡིན། དེ་འདྲ་བྱས་ནས་གཙང་མ་བཟོས་པ་ཡིན། དེ་ལེའུ་གཅིག་ཡིན། 23

༸གོང་ས་མཆོག་གི་བཀའ་སློབ།

དེ་ནས་ངས་རྙིང་ཆོས་དག་སྣང་རྒྱ་ཅན་ཁོངས་ཀྱི་བཀའ་བརྒྱད་སྤྱི་དྲིལ་གྱི་བསྙེན་པ་གཏོང་སྐབས་རྨི་

ལྟས་བཟང་པོ་མང་དུ་བྱུང་ཡང་སྐབས་དོན་མིན་པས་ཤོད་རྒྱུ་མིན། འབྲུག་ལོའི་དབྱར་གཞུང་དུ་ལ་དྭགས་ལ་དུས་ འཁོར་དབང་ཆེན་བྱེད་པའི་ཆེད་འགྲོ་གོང་དེར་དགའ་ལྡན་བྱང་རྩེ་གྲྭ་ཚང་ནས་ཐུགས་དམ་ཞིག་འབྱོར་བྱུང༌། དེའི་ ནང་བར་ལམ་བྱང་རྩེ་གྲྭ་ཚང་ནང་བཀྲ་མི་ཤིས་པ་རྒྱུན་མཐུད་བྱུང་བ་དང༌། སློབ་གཉེར་བ་མང་པོར་གྲ་མ་འགྲིག་

པ་ཡོང་གི་འདུག སྤྱིར་བཏང་ཐུགས་དམ་ཁག་གི་ནང་ལ་སྲུང་མའི་འཁུ་དོགས་ཡོད་པའི་རྣམ་པ་ཡོང་གི་འདུག བར་ལམ་ཁྲི་བྱང་རིན་པོ་ཆེར་བཀའ་སློབ་ཞུས་ཏེ་ལྷ་མོའི་རྟེན་རྫས་གསར་བཙུགས་དང་འབྲེལ་ཟབ་གསོལ་གནད་ སྨིན་བསྒྲུབས་པ་ཡིན། ད་ཆ་ལྷ་མོའི་འཁོན་དོགས་འདྲ་ཡོད་མེད་མོ་ཞིག་རྒྱག་རོགས་ཞེས་གསལ་འདུག ཐུགས་

དམ་ས་བོན་དེ་གསེར་ཀོང་རིན་པོ་ཆེའི་བསྟན་པ་འཛིན་མཁན་གྱི་གྲྭ་ཚང༌། བསླབ་པ་སློབ་གཉེར་ཡོད་པ་ཞིག་ རེད། བྱང་རྩེ་གྲྭ་ཚང་ལ་བསླབ་པ་སློབ་གཉེར་ཡོད་པའི་ཐུགས་རྗེ་བཀའ་དྲིན་ལ་བརྟེན་ནས། དེང་སང་ངས་བེད་

སྤྱོད་བྱེད་རྒྱུ་ཡོད་པའི་གསེར་ཀོང་རིན་པོ་ཆེ་དང༌། སྐུ་ཞབས་མཁན་པོ་སོགས་བཏང་འགྲོ་བཞག་སྡོད་འཕེར་བ་ མང་པོ་ཡོང་གི་ཡོད། ད་ཆ་བསླབ་པ་སློབ་གཉེར་ཡོད་སའི་གྲྭ་ཚང་ལ་ཉམས་གུད་བྱུང་ན། རྗེའི་བསྟན་པ་ལ་གནོད་ རྐྱེན་ཞིག་ཆགས་ཡོང་དུས་གལ་ཆེན་པོ་རེད། ཁོང་རང་ཚོས་དོགས་པ་མ་ཆོད་པར་ང་ལ་དྲིས་པ་རེད། ངས་མོ་

ཤབ་རེ་ཤོབ་བེ་ཞིག་རྒྱབ་ནས་ཐག་བཅད་ན་འགྲིགས་ཐབས་མི་འདུག་བསམ་ནས་གལ་ཆེན་པོ་ཞིག་ལ་བརྩིས་ ཏེ་ཟན་བརྟག་བསྒྲིལ་བ་ཡིན། ཟན་བརྟག་ལ་བྱང་རྩེ་གྲྭ་ཚང་ནང་བཀྲ་མི་ཤིས་པ་རྒྱུན་མཐུད་ནས་ཡོང་བ་འདི་ལྷ་

མོ་འཁོན་པ་ཡིན་ནམ། མིན་ཞེས་བསྒྲིལ་བར། ལྷ་མོ་འཁོན་པ་ཡིན་ཞེས་བབས་སོང༌། ལྷ་མོ་འཁོན་པ་ཡིན་ན།

ལྷ་མོ་འཁོན་པའི་རྒྱུ་རྐྱེན་གཞན་དག་ཅིག་ཡིན་ནམ། རྒྱལ་ཆེན་བསྟེན་ཆེས་པའི་དབང་གིས་ལྷ་མོ་འཁོན་པ་ཡིན་ ཞེས་བསྒྲིལ་བར། རྒྱལ་ཆེན་བསྟེན་ཆེས་པའི་དབང་གིས་ལྷ་མོ་འཁོན་པ་ཡིན་ཞེས་བབས་སོང༌། དང་པོར་ལྷ་མོ་

འཁོན་པ་ཡིན་ཞེས་དང༌། གཉིས་པར་ལྷ་མོ་འཁོན་པའི་རྒྱུ་རྐྱེན་རྒྱལ་ཆེན་བསྟེན་ཆེས་པའི་དབང་གིས་ཡིན་ཞེས་ བབས་དུས། ང་ལ་ཡང་བསྐྱར་ངེས་པ་རྙེད་སོང་ཡང༌། དེ་ཐུགས་དམ་བཀའ་ལན་ནང་བྲིས་ན། མི་མང་པོའི་བསམ་

བློའི་ནང་མཐོང་ཕྱོགས་དང་བསམ་ཕྱོགས་གང་འདྲ་ཞིག་ཆགས་གྲབས་ཡོད་ཚོད་མ་ཐིག་པ་དང༌། མ་བྲིས་ནའང་ ཁོང་ཚོས་འགངས་ཆེན་པོ་ཞིག་ལ་ཐུག་སྟེ་ང་ལ་དྲིས། ངས་གནས་ཚུལ་ངོ་མ་དེ་མིན་པ་ཞིག་བཤད་ན་བཤད་

པས་འགྲིགས་ཀྱི་མི་འདུག དེ་ལྟར་བྱེད་ཁག་པོ་བྱུང༌། དེ་ནས་གསེར་ཀོང་རིན་པོ་ཆེ་དང༌། སྐུ་ཞབས་མཁན་པོ་ གཉིས་སྐད་བཏང་སྟེ། བྱང་རྩེ་གྲྭ་ཚང་གི་ཐུགས་དམ་སྐོར་ལ་ངས་གལ་ཆེ་དོན་ཆེ་བྱས་ནས་ཟན་བརྟག་བསྒྲིལ་ 24

༸གོང་ས་མཆོག་གི་བཀའ་སློབ།

བ་ཡིན། ཟན་བརྟག་དོན་ཚན་གཉིས་བསྒྲིལ་བར། བབས་སྟངས་འདི་ལྟར་བབས་སོང༌། ད་ཆ་དེ་གསལ་པོ་བྱས་

ནས་ལབ་ན་ལབ་པས་མི་འགྲིགས། མ་ལབ་ན་མ་ལབ་པས་ཀྱང་མི་འགྲིགས་པའི་ཁག་པོ་འདུག ཁྱེད་རང་གཉིས་ ཀྱི་རྒྱུས་ཡོད་བྱས་ན་གང་འདྲ་བྱས་ན་ལེགས་པ་འདུག་ཅེས་གོ་བསྡུར་བྱས་པ་ཡིན། དེ་ནས་མཐའ་མའི་མཇུག་

བསྡོམས་ལ་ཐུགས་དམ་བཀའ་ལན་ནང་གསལ་པོ་རང་བྲིས་མ་དགོས་པ་དང་། ལྷ་མོ་འཁོན་པའི་སྐྱོན་ཡིན་པས་

ལྷ་མོ་རང་ལ་གཙོ་བོར་འཕྲིན་བཅོལ་དགོས་པ་དང༌། ལྷག་པར་སྔོན་བསྟེན་སྲུང་མ་མིན་པའི་སྔར་མེད་གསར་སྤྲོས་

ཀྱི་རིགས་ལ་འཛེམས་ཆ་བྱེད་དགོས་ཞེས་གོ་རྒྱུ་ཡོད་པ་ཞིག་བྲིས། ངག་ཐོག་ནས་ཁྱེད་རང་གཉིས་ཀྱིས་བྱང་རྩེ་ གྲྭ་ཚང་གི་གྲྭ་པ་དོ་བརྟན་རིགས་ལ་སྐབས་སུ་བབས་པའི་འགྲེལ་བཤད་རྒྱག་འོས་རྒྱབ་ན་འགྲིགས་ཀྱི་རེད་ཅེས་ ཞུས་པ་ཡིན། སྐབས་དེར་བྱང་རྩེ་གྲྭ་ཚང་གི་ཐུགས་དམ་བཀའ་ལན་ཞུ་མཁན་གྲྭ་པ་ཞིག་ཡོད་འདུག་པ་དེ་ལ་སྐུ་

ཞབས་མཁན་པོ་དང༌། གསེར་ཀོང་རིན་པོ་ཆེ་གཉིས་ཀས་མངགས་ཚོད་མ་ཟད། གྲྭ་ཚང་ལ་ཡི་གེ་ཡང་བཏང་

ཡོད་ཚོད་འདུག བྱང་རྩེ་གྲྭ་ཚང་ནང་ལ་སྲོག་གཏད་ཞུས་པ་མང་པོ་དང་། ཁོང་ཚོས་བསྐང་གསོ་དང་འཕྲིན་བཅོལ་ ཚོགས་ཆེན་ནང་འདོན་གྱི་ཡོད་འདུག་ཀྱང༌། དེ་རྗེས་རྒྱས་བསྡུས་བསྒྱུར་བཅོས་ཕྲན་བུ་བྱས་འདུག

དེ་ནས་འབྲུག་མོའི་ལས་བསྡོམས་ཚོགས་ཆེན་སྐབས་ལ་བློ་གླིང་མཁན་པོ་ཡེ་ཤེས་ཐུབ་བསྟན་དང༌། བྱང་

རྩེ་མཁན་པོ་དགེ་འདུན་བཟང་པོ། སེར་བྱེས་མཁན་པོ་ལེགས་ལྡན་བཅས་འདིར་འབྱོར་ངོས་འཕྲད་སར། ཁོང་ ཚོར་ངས་དེ་སྐོར་འགྲེལ་བཤད་ཆ་ཚང་བརྒྱབ་པ་ཡིན། བྱང་རྩེ་མཁན་པོ་དགེ་འདུན་བཟང་པོར་བྱང་རྩེ་གྲྭ་ཚང་དུ་

ཇི་བྱས་དྲི་བརྩད་ཀྱང་བྱས་པར། ཚོགས་འདོན་སོགས་ལ་བསྒྱུར་བཅོས་བྱས་ལུགས་ཟེར་གྱི་འདུག ཁོང་ཚོར་ འགྲེལ་བཤད་ཆ་ཚང་བརྒྱབ་པའི་རྗེས་ལ་སྐུ་ཞབས་མཁན་པོས་ད་དུང་གྲྭ་ཚང་ནང་དམ་བསྒྲགས་གང་ལ་གང་

འཚམ་བྱས་པ་འདྲ། དེ་ནས་ན་ནིང་རྒྱ་གར་ལྷོ་ཕྱོགས་ལ་འགྲོ་ཁར་བྱང་རྩེ་གྲྭ་ཚང་ནས་ཐུགས་དམ་གཉིས་པ་ཞིག་

འབྱོར་བྱུང༌། དེའི་ནང་ན་ནིང་ཐུགས་དམ་ཞུས་པའི་དགོངས་དོན་ཞབས་བརྟན་རྣམས་བསྒྲུབས་ཚར་བ་ཡིན། ད་

ཆ་ལྷ་མོའི་འཁོན་དོགས་ཞི་ཡོད་དམ་མེད། གཙང་མ་ཆགས་ཡོད་དམ་མེད་མོ་རྒྱབ་རོགས་བྱེད་ཅེས་ཐུགས་

དམ་ཞིག་འབྱོར་བྱུང༌། དེ་ཡང་ངས་གལ་ཆེ་དོན་ཆེར་བརྩིས་ཏེ་སྤྱིར་ཕྱོགས་བསྐྱོད་གལ་ཆེའི་སྐབས་ལྷ་མོའི་ སྟོང་ཚོགས་རེ་འབུལ་གྱི་ཡོད་པས། སྐབས་དེར་ཟབ་གསོལ་དང་སྟབས་བསྟུན་ཟན་བརྟག་བསྒྲིལ་བ་ཡིན། བྱང་ རྩེ་གྲྭ་ཚང་ལ་ལྷ་མོའི་འཁོན་དོགས་ཡོད་པ་དེ་ཞི་ཡོད་དམ་མེད་ཅེས་བསྒྲིལ་བར་ད་དུང་ཞི་མེད་ཅེས་བབས་སོང༌། ཞི་མེད་ན། དེ་ཞི་ཐབས་སུ་ལྷ་མོའི་བསྐང་བཤགས་ཚོགས་བསྐོང་འགྲོ་གང་ཆེ་ཞིག་གསོག་དགོས་པ་ཡིན་ནམ། 25

༸གོང་ས་མཆོག་གི་བཀའ་སློབ།

རྒྱལ་ཆེན་བསྟེན་གསོལ་དམ་བསྒྲགས་ད་དུང་ཤུགས་ཆེ་རུ་གཏོང་དགོས་ཀྱི་ཡོད་དམ། ཞེས་བསྒྲིལ་བར། རྒྱལ་

ཆེན་བསྟེན་གསོལ་ད་དུང་དམ་བསྒྲགས་ཤུགས་ཆེ་རུ་གཏོང་དགོས་ཞེས་པ་བབས་སོང༌། ང་མའེ་སོར་ལ་འགྲོ་ རན་སྟབས་ཐུགས་དམ་བཀའ་ལན་ལམ་སེང་ཡིག་ཐོག་ཏུ་མ་བྲིས། དེ་ནས་ང་མའེ་སོར་ལ་འབྱོར་སྐབས་བྱང་རྩེ་

མཁན་པོར་གོ་བསྡུར་ཞིག་བྱས་པ་ཡིན། ཁ་སང་ཐུགས་དམ་གཉིས་པ་དེ་ཡང་ཟན་བརྟག་བསྒྲིལ་ནས་འདི་ལྟར་ བབས་སོང་བས། གང་འདྲ་ཞིག་དགའ་བ་འདུག་གམ་ཞེས་ལབ་པར། བྱང་རྩེ་གྲྭ་ཚང་གི་ལས་སྣེ་དགེ་བཤེས་

འགའ་ཤས་ཤིག་ཐོག་ལ་བསླབ་བྱ་འགྲེལ་བཤད་ཅིག་རྒྱག་རོགས་ཟེར་གྱི་འདུག དེ་ནས་དགའ་ལྡན་ལ་མཆོད་ མཇལ་ཞུ་བའི་ཉིན་མོ་དེར་བྱང་རྩེའི་གཟིམ་ཆུང་ཆུང་ཆུང་ཞིག་ཡོད་པ་དེའི་ནང་སྐུ་ཞབས་མཁན་པོ་དང༌། དབུ་

མཛད། བྱང་རྩེའི་དགེ་བཤེས་རྒན་པ་འགའ་ཤས་བཅས་ཁོང་ཚོ་མི་བཅུ་གྲངས་ཤིག་ལ་བྱང་རྩེའི་ཐུགས་དམ་སྔ་

རྗེས་གཉིས་ཀྱི་སྐོར་ལ་འགྲེལ་བཤད་མདོར་བསྡུས་ཤིག་རྒྱབ་པ་ཡིན། དེ་མ་གཏོགས་ངའི་སྐོར་གྱི་གནས་ཚུལ་ རྣམས་ཤོད་དགོས་དོན་མི་འདུག་ལ་བཤད་མེད།

ད་ཆ་རྡོ་དོན་གནས་ཚུལ་འདི་དག་ལ་ཁྱེད་རང་ཚོས་གོ་བ་བླངས་ནས་བསམ་བློ་བཏང་ན། ངའི་གནས་

ཚུལ་འདི་ཚོ་སྔ་རྗེས་མང་པོ་ཞིག་ནས་བྱུང་བ་དང༌། དོ་དོ་ཏན་ཏན། མ་ལན་མ་འགྱོད་པ་ཞིག་གི་སྒོ་ནས་བྱས་ ཡོད་པ་ལས་ངས་ཧ་རེ་ཧུ་རེ་བྱས་ནས་ཐག་བཅད་པ་རྩ་བ་ཉིད་ནས་མིན། བརྟག་དཔྱད་སྔ་རྗེས་རིམ་པར་བྱས་

པ་སྔ་རྗེས་གུང་མཐུན་པའི་ཐོག་ནས་གང་ལྟར་རྒྱལ་ཆེན་བསྟེན་ན་ལྷ་མོའི་འཁོན་དོགས་ཡོང་གི་ཡོད་པ་དེ་ལུང་ བརྟག་སྔ་རྗེས་དང༌། ཚད་ཐུབ་དཀའ་ཡང་ལུང་བརྟག་གི་བབས་དང་བསྟུན་སྔ་རྗེས་ཀྱི་རྨི་ལྟས་འགའི་གོ་རྒྱུ་བྱུང་ བ་བཅས་རྟགས་ཧ་ཅང་གསལ་པོ་བྱུང༌།

ངས་ད་གིན་བརྗེད་གྲབས་བྱས་པ་རེད། ངས་གནས་ཆུང་ལ་ཐོག་མར་རྒྱལ་ཆེན་སྐོར་ཕར་ཞུས་ནས་ཚུར་

འགྲེལ་བཤད་བསྐྱོན་པའི་སྐབས་ལ་རྒྱལ་ཆེན་བསྟེན་ན་ཕན་ལས་གནོད་ཆེ་བ་ཡིན། དེ་འདྲ་ཡིན་དུས་སྐུ་མདུན་

སྐུ་གོང་མ་གསེར་ཞལ་འཚོ་བཞུགས་སྐབས་ལའང་འདྲེ་ངས་སྙན་སེང་ཞུ་རྒྱུ་འཁེལ་བྱུང་ཞེས་གསལ་པོ་བྱས་ ནས་གསུང་གི་འདུག ཡང་ཤུགས་ལྡན་སྐོར་གནས་ཚུལ་གཞི་ནས་རྩད་གཅོད་ཉམས་ཞིབ་བྱེད་པའི་སྐབས་ལ།

དེ་སྔ་གོ་བོ་ཆོས་ཟུར་གྱི་སྐབས་སྤྱི་སྒེར་འགའ་ཤས་ལའང་རྒྱལ་ཆེན་བསྟེན་ན་གནས་ཆུང་འཁོན་གྱི་ཡོད་པའི་ རྟགས་ཤུགས་ཆེན་པོ་ཡོད་པ་ཞིག་རེད་འདུག དེ་འབྲས་སྤུངས་ཀྱི་དགེ་བཤེས་རྒན་པ་ཚོའི་ངག་རྒྱུན་ལ་གསལ་

པོ་ཡོད་པ་ཞིག་རེད། དེ་བཞིན་དེ་སྔ་འབྲས་སྤུངས་ལ་སྤྲུལ་སྐུ་གྲགས་པ་རྒྱལ་མཚན་འདྲེ་ལ་སྐྱེ་བ་ག་ལ་སྲིད་ཅེས་ 26

༸གོང་ས་མཆོག་གི་བཀའ་སློབ།

པའི་ལུང་ཞིག་ཀྱང་གསུངས་འདུག ངེད་རང་གི་རྨི་ལམ་ཞིག་ལའང་དེ་དོན་གསལ་པོ་ཞིག་བྱུང་སྟེ་ཆ་འཛིན་འོས་ མིན་བཤད་དཀའ། དེ་མཚུངས་འབྲས་སྤུངས་དགེ་བཤེས་རྒན་པ་ཁ་ཤས་ཀྱི་ངག་རྒྱུན་ལ་ྋསྐྱབས་རྗེ་ཕ་བོང་ཁ་ ལ་གནས་ཆུང་གི་འཁོན་དོགས་ཡོད་པ་རེད་ཅེས་པའི་བཤད་རྒྱུན་ཡང་འདུག དེ་བཞིན་རྗེ་ཕ་བོང་ཁའི་སློབ་མ་

བྲག་གཡབ་རྟོགས་ལྡན་ཁམས་ཁུལ་དགེ་ལུགས་པའི་དགོན་པ་མང་པོ་ཞིག་ལ་ཞབས་བཅགས་ནས་ཕེབས་པའི་ སྐབས། ཁོང་རང་ཤུགས་ལྡན་ཤུགས་ཆེན་པོ་བསྟེན་གྱི་ཡོད་སྟབས་རྒྱལ་ཆེན་དར་ཁྱབ་ཆེན་པོ་ཆགས་ཚོད་ འདུག དེ་ལྟར་གསར་དུ་རྒྱལ་ཆེན་ཤུགས་ཆེན་པོ་བསྟེན་མཁན་གྱི་དགོན་པ་དང༌། བླ་བྲང༌། མི་ཁྱིམ་ཁག་མང་

པོར་ལོ་ནས་ལོ་མུར་བརྟག་དཔྱད་ཡུན་རིང་བྱས་པའི་སྐབས་ལ། གང་ལྟར་ཐ་མ་དེར་གྲ་མ་འགྲིག་པ་མང་པོ་ཐོན་ པའི་གནས་ཚུལ་བྱུང་བ་འདྲ་པོ་འདུག

གང་ལྟར་ཟན་བརྟག་དང༌། གནས་ཆུང་གི་བཀའ་ལུང་ཐོག་ནས་གནས་ཚུལ་ཡོང་སྟངས་འདི་ཚོར་ངེས་

ཤེས་རྙེད་རྒྱུ་བྱུང་བ་རེད། དེ་དང་དེ་མཚུངས་ཀྱི་ལོ་རྒྱུས་གནས་ཚུལ་དང༌། ངེད་རང་གི་མཐོང་ཆོས་གནས་ཚུལ་

ཅི་རིགས་ནས་ཀྱང་ཉམས་ཞིབ་བྱེད་སྐབས་གནས་ཚུལ་ཁྱད་མཚར་ཞིག་ཏན་ཏན་ཡོང་གི་འདུག དེ་འདྲ་ཡིན་ དུས་གཞི་ནས་ཞར་ཞོར་ལ་གནས་ཆུང་ལ་བཀའ་འདྲི་དོགས་གཅོད་ཞུས་པའི་རྡོ་དོན་སྙིང་པོར། ལྷ་མོ་འཁོན་

པའི་རྒྱུ་རྐྱེན་ནི་གཙོ་བོ་གཅིག་རི་བོ་དགེ་ལུགས་པའི་བསྟན་པ་འདི་ལ་གཉེར་གཏད་སྲུང་མ་སྐྱེས་བུ་གསུམ་

གྱི་སྲུང་མ་ཡིན་པ་དང༌། སྐྱེས་བུ་གསུམ་གྱི་སྲུང་མས་མ་ཆོག་པར་ཆོས་སྐྱོང་གསར་པ་ཞིག་ཀུན་ལས་ལྷག་

པ་ལྟ་བུ་ཆགས་ཡོང་དུས། དཔལ་ལྡན་ལྷ་མོ་འཁོན་པའི་རྒྱུ་རྐྱེན་གཅིག་དེ་ཡིན་འདུག རྒྱུ་རྐྱེན་གཞན་ཞིག་ལ།

ྋརྒྱལ་དབང་གོང་མ་རིམ་བྱོན་གྱི་བཀའ་བསྒོས་གཉེར་གཏད་ཐུན་མོང་མ་ཡིན་པའི་སྲུང་མ་དེ་ལྷ་མོ་རེད། དེ་ལ་ འགྲན་ཟླ་ལྟ་བུའི་དྲེགས་པ་གསར་པ་ཞིག་བསྟེན་པ་དེས་ཀྱང་ལྷ་མོ་འཁོན་གཞི་གཅིག་བྱུང་འདུག ཡང༌། ད་ལྟའི་

རྒྱལ་ཆེན་ཁོག་བརླམས་འདི་པཎ་ཆེན་བསོད་ནམས་གྲགས་པའི་སྐྱེ་སྲིད་མིན་པ་དང༌། སྤྲུལ་སྐུ་གྲགས་པ་རྒྱལ་

མཚན་གྱི་སྐྱེ་སྲིད་ཀྱང་མིན་པ་འདྲ། འོ་ན། ག་རེ་རེད་ཟེར་ན། སྨོན་ལམ་ལོག་པ་ཞིག་ཡིན་ཚོད་འདུག དེ་འདྲའི་

རྐྱེན་གྱིས་རྒྱལ་ཆེན་བསྟེན་གསོལ་ཤུགས་ཆེན་པོ་བྱེད་མཁན་དེ་ལ་གང་བྱས་ཀྱང་མི་ཁ་འདྲ་ཡོང་མཁན་གཅིག་ དང༌། ྋརྒྱལ་བ་རིན་པོ་ཆེས་འགོ་འཁྲིད་པའི་བོད་སྤྱི་པའི་དོན་ལ་སྐབས་རེ་ཁྲག་གེ་འཁྲུག་གེ་ཡོང་བ་རྒྱུ་རྐྱེན་ གཅིག་ཆོས་སྐྱོང་དེའི་ཆོ་འཕྲུལ་ཡིན་ཚོད་འདུག

ཡང༌། ངས་གནས་ཆུང་ལ་དེ་འདྲ་ཡིན་ན། ྋསྐྱབས་རྗེ་ཕ་བོང་ཁ་དངོས་གནས་དྲང་གནས་རྣལ་འབྱོར་པ་ 27

༸གོང་ས་མཆོག་གི་བཀའ་སློབ།

རྟོགས་པ་ཐོབ་པའི་བླ་མ་ཚད་ལྡན་ཞིག་ཡིན་རྒྱུ་རེད། དེས་ཆོས་སྐྱོང་ཚད་ལྡན་ཞིག་ལ་ཞལ་གྱིས་བཞེས་ཀྱི་ཡོད་

པ་རེད། དེ་བཞིན་འདིའི་སྲོག་གཏད་ཀྱི་བརྒྱུད་པ་སྟག་ཕུ་རྡོ་རྗེ་འཆང་ལ་དག་སྣང་བྱུང་སྟེ་འདུལ་འཛིན་གྲགས་

པ་རྒྱལ་མཚན་ཞལ་གཟིགས། དེ་ནས་བྱུང་བ་ཡིན་པ་རེད། དེ་གང་འདྲ་ཡིན་ནམ་ཞེས་དོགས་གཅོད་ཞུས་པར།

ཆོས་སྐྱོང་གིས་ཐག་ཆོད་པོ་བྱས་ནས་གསུངས་པ་ལ། ྋསྐྱབས་རྗེ་ཕ་བོང་ཁ་ལ་རིག་འཛིན་ཆེན་པོ་ཞེས་མཚན་ བསྟོད་གསུང་གི་འདུག རིག་འཛིན་ཆེན་པོ་དེའི་སྐུ་ཚེའི་སྨད་ལ་ནོར་འཁྲུལ་ཆེན་པོ་བྱུང་ཡོད། ནོར་འཁྲུལ་ཆེན་

པོ་བྱུང་བའི་རྐྱེན་བྱས་ནས་ང་པེ་དཀར་རྒྱལ་པོ་འཁོན་པ་ཅི་ལ་ཡིན་ཏེ། རིག་འཛིན་ཆེན་པོ་དེའི་སྐུ་ཚེ་མཛད་པ་ཐ་ མའི་སྐབས་རྣམ་རྟོག་མི་ཤིས་པ་ཇི་བྱུང་རྩད་གཅོད་གནང་ན་མཁྱེན་པ་ཡོད། དེའི་ཡང་སྲིད་རྒྱ་གར་ལ་གཤེགས་ པ་དེ་གཤེགས་པའི་སྐབས་ལའང་མཚན་མ་ངན་པ་ག་འདྲ་བྱུང་རྩད་གཅོད་བྱས་ན་ཤེས་པ་ཡོད། དེ་ཙམ་དུ་མ་

ཟད། དེའི་ཡང་སྲིད་བརྒྱུད་མར་བཅས་པའི་སྐུ་ཚེ་མཛད་འཕྲིན་མཐའ་འཁྱོངས་ཡོང་གི་མ་རེད་ཅེས་གསུང་གི་ འདུག

ྋསྐྱབས་རྗེ་ཕ་བོང་ཁ་ལ་གྲ་མ་འགྲིག་པ་བྱུང་བ་དེ་མི་མང་པོས་ཤེས་ཀྱི་ཡོད་པ་རེད། མང་པོའི་བསམ་

ཚུལ་ལ། ྋསྐྱབས་རྗེ་ཕ་བོང་ཁ་དགེ་ལུགས་པའི་བསྟན་པའི་ཐོག་ལ་མཛད་རྗེས་ཆེན་པོ་བྱུང་བ་དེས་རྐྱེན་པས་

རྙིང་མ་སོགས་གྲུབ་མཐའ་གཞན་ཕྱོགས་ནས་གཏད་ཡོད་པ་རེད་ཅེས་ངན་ཁག་དེ་རྙིང་མ་བའི་ཐོག་ལ་གཡོག་གི་ ཡོད་ཀྱང༌། གནས་ལུགས་ངོ་མ་དེ་འདྲ་ཡིན་བཟོ་མི་འདུག དེ་དམར་ནག་གཉིས་ཀྱི་ཐོག་ནས་བཀའ་ཆད་ལྟ་བུ་ ཡོང་གི་ཡོད་པ་འདྲ།

དག་སྣང་སྐོར་ལ། དག་སྣང་ལ་གཉིས་ཡོད། རྩ་གསུམ་ལྷ་ཡི་བྱིན་རླབས་ཀྱི་ཐོག་ནས་བྱུང་བའི་དག་སྣང་

གཅིག་དང༌། བར་ཆད་ཀྱི་དབང་གིས་བྱུང་བའི་དག་སྣང་གཅིག་སྟེ་གཉིས་ཡོད། འདི་བར་ཆད་ཀྱི་དབང་གིས་བྱུང་ བའི་དག་སྣང་དེ་ཡིན་ཨེ་ཡིན། ཞེས་གསུང་གི་འདུག དེ་འདྲའི་གནས་ཚུལ་ཛ་དྲག་པོ་དང༌། ཁ་ནས་ཤོད་མི་ནུས་

པ་ལྟ་བུ་འདུག ལོ་འགའི་སྔོན་དུ་གནས་ཆུང་གིས་ཐོག་མའི་ལུང་བསྐྱོན་དང་མ་བསྐྱོན་མཚམས་དེ་འདྲ་ཞིག་གི་ སྐབས། ནུབ་གཅིག་རྨི་ལམ་ལ་ྋསྐྱབས་རྗེ་ཕ་བོང་ཁ་མཇལ་ཏེ་རྒྱལ་ཆེན་སྲོག་གཏད་ཞུ་དགོས་གསུངས་བྱུང༌།

དེ་མདུན་གླིང་རིན་པོ་ཆེའི་ཕྱག་མཛོད་ལགས་ཡོང་ནས་དེ་དོན་འགྲིགས་ཀྱི་རེད་ཟེར་བྱུང༌། འོན་ཀྱང་ཕ་བོང་ཁའི་ ཕྱག་ངར་ལ་རྨ་ཤུལ་ཁྲག་ཐོན་བསྡད་པས་ངེད་རང་གི་བློར་དངངས་སྐྲག་དང་མི་བདེ་བ་ཆེན་པོ་བྱེད་པ་ཞིག་བྱུང༌།

ད་ཆ་བསམས་སྐབས་བར་ཆད་ཀྱི་ཆོ་འཕྲུལ་ཡིན་པ་འདྲ་བསམ་པའི་ངེས་ཤེས་རྙེད་ཀྱི་འདུག འདི་ཞོར་འཕྲོས་ 28

༸གོང་ས་མཆོག་གི་བཀའ་སློབ།

ཡིན།

སྐབས་དོན་གོང་སྨྲོས་གནས་ཚུལ་འདི་ཛ་དྲག་ཧ་ཅང་རང་ཆེ་བས་ང་ཡང་འགན་མ་བཟོད་པར་ཐོག་མར་

ཡོངས་འཛིན་ཁྲི་བྱང་རིན་པོ་ཆེར་ཞིབ་ཕྲ་ཞུས་པ་ཡིན། དེ་ཙམ་བག་ཚ་གནང་གི་མི་འདུག དེ་ནས་ཁྲི་བྱང་རིན་པོ་ ཆེར་ཆ་ཚང་ཞུས་པ་ཡིན། ཁྲི་བྱང་རིན་པོ་ཆེར་མ་ཞུས་ན་བློས་མ་བཟོད་མཁན་ཞིག་འདུག ཞུ་སར་སླེབས་དུས་

ཞུ་མ་ནུས་མཁན་ལྟ་བུ་བྱུང༌། འོན་ཀྱང་ཁྲི་བྱང་རིན་པོ་ཆེ་ད་ལྟ་བར་དུ་སྐུ་ཚེ་མཛད་པ་འཕྲིན་ལས་བཟང་མཐའ་ འཁྱོངས་པ་རེད། ཡིན་ནའང་བོད་ལ་ཇི་སྲིད་སངས་རྒྱས་བསྟན་པ་མ་ནུབ་བར་དུ་ྋསྐྱབས་རྗེ་རིན་པོ་ཆེ་ནས་

ཐུགས་བསྐྱེད་དམ་བཅའ་བཙན་པོའི་སྒོ་ནས་སྐུའི་ཡང་སྲིད་ཕེབས་དགོས་པ་དང༌། ང་ཚོའི་ངོས་ནས་དེ་དོན་སྨོན་ ལམ་དང་རེ་བ་རྒྱག་དགོས་པ་ཞིག་རེད། དེ་ཚོའི་ཐོག་ལ་གྲ་མ་འགྲིག་པ་བྱུང་ན་ཡག་པོ་མ་རེད། ཁྲི་བྱང་རིན་པོ་ ཆེ་ནས་རྒྱལ་ཆེན་བསྟེན་གནང་བ་དེ་ད་ལྟ་སྐུ་ཚེ་འདི་ལ་གསར་པ་བཟོས་གནང་བ་མིན་པར་སྐུ་གོང་མའི་སྐབས་

ནས་བསྟེན་གནང་གི་ཡོད་པ་རེད། དེ་མཚམས་འཇོག་གནང་དགོས་པ་གང་ཡང་མེད། འོན་ཀྱང་ལྷ་མོ་ནི་དཀོན་ མཆོག་གོང་ཕུད་རེད། དེ་འོག་རྒྱལ་པོ་སྐུ་ལྔ་བཅས་མི་ཚང་གཅིག་ལ་ཆ་བཞག་ན། མི་ཚང་དེའི་འགན་འཁུར་

གཙོ་བོ་ཕྱག་མཛོད་ལྟ་བུར་ངོས་འཛིན་གནང་རྒྱུ་ཞིག་དང༌། ཤུགས་ལྡན་དེའི་འོག་གི་གཉེར་པ་ལས་བྱེད་ཕལ་ པ་ལྟ་བུར་ངོས་འཛིན་གནང་སྟེ། གང་ལྟར་སོ་སོའི་སྐྱེས་ལྷ་ཡུལ་ལྷ་ལྟ་བུ་ཞིག་ལ་ངོས་འཛིན་གནང་སྟེ་གསོལ་

མཆོད་དང༌། འཕྲིན་བཅོལ་གནང་ན་མ་འཐུས་པ་གང་ཡང་ཨེ་ཡོད་སྙམ། དེ་མིན་ཐུགས་ཀྱི་གཏད་སོ་རྒྱལ་པོ་སྐུ་ ལྔ་དང་འདྲ་མཉམ་མམ། ཡང་ན། རྒྱལ་པོ་སྐུ་ལྔ་ལས་ལྷག་པ་ལྟ་བུའི་དགོངས་པ་བཞེས་ན། ྋསྐྱབས་རྗེ་ཕ་བོང་ ཁ་བླ་མ་བསམ་གྱིས་མི་ཁྱབ་པ་ཡིན་ནའང་གནས་ཚུལ་དེ་འདྲ་བྱུང་བ་རེད། རྒྱལ་པོ་སྐུ་ལྔའི་འཁུ་དོགས་ཉེན་

ཁ་ཡོད་པ་རེད། དེ་དགོངས་པར་བཅངས་དགོས་ཀྱི་འདུག་ཅེས་ངས་ཁྲི་བྱང་རིན་པོ་ཆེར་གསལ་པོ་ཞུས་པ་ ཡིན། ཡོངས་འཛིན་ཁྲི་རིན་པོ་ཆེ་ལ་ནི་མཛད་དཀའ་གང་ཡང་མེད་ལ། སྔར་ནས་འབྲས་སྤུངས་དགེ་བཤེས་དབུ་

མཁྲེགས་ཐག་ཆོད་ཅིག་རེད། དེ་ལྟར་གནས་ཚུལ་འདི་རྣམས་གཙོ་བོ་ཡོངས་འཛིན་རྣམ་གཉིས་ཀྱིས་ཆ་ཚང་

མཁྱེན། དགོངས་པར་ཆུབ་པ་དེ་འདྲ་ཡིན། ཁྲི་བྱང་རིན་པོ་ཆེར་རྒྱལ་ཆེན་གྱི་སྐོར་ལ་གནས་ཚུལ་འགངས་ཆེན་ པོ་དེ་འདྲ་ཞིག་འདུག ད་ཆ་ངས་རྒྱལ་ཆེན་ལ་དམ་བསྒྲགས་བྱེད་སྐབས་ཤེས་པ་དང་མི་ཤེས་པ་སྣ་ཚོགས་ཀྱིས་ བཀའ་འདྲི་བཀའ་སློབ་ཞུ་མཁན་ཡོང་སྐབས། སྔ་ཕྱིའི་ཡོང་རྐྱེན་ཆ་ཚང་ཐུགས་ཆུབ་ཡོད་སྟབས། དེ་བསྟུན་གང་

ལ་དེ་འཚམས་ཡིན་གཅིག་མིན་གཅིག་བཀའ་སློབ་གསལ་བཤད་གནང་རོགས་གནང༌། ངས་བརྒྱ་ཐམ་པ་སྟོང་ 29

༸གོང་ས་མཆོག་གི་བཀའ་སློབ།

ཐམ་པ་བཤད་པ་ལས་ཁྲི་བྱང་རིན་པོ་ཆེས་བཀའ་སློབ་ཚིག་གཅིག་གནང་ན་རྒྱལ་ཆེན་བསྟེན་མཁན་ཚོར་དེས་

ཕན་ཐོགས་ཆེ་བ་ཡོང་གི་རེད། རྒྱལ་ཆེན་ཁྲི་བྱང་རིན་པོ་ཆེ་ནས་གཙོ་བོར་བསྟེན་གནང་གི་ཡོད་སྟབས་རྒྱལ་ཆེན་ བསྟེན་གནང་མཁན་ཁོང་རང་གིས་དགོས་པ་རྒྱུ་མཚན་གཟིགས་ནས་འགྲེལ་བཤད་བསྐྱོན་པ་ཡིན་ན་དེ་ལ་ཡིད་ ཆེས་ཞུ་གི་རེད། ངས་འགྲེལ་བཤད་རྒྱག་གི་ཡོད་ཀྱང་དེ་ལ་ཡིད་ཆེས་བྱེད་མི་བྱེད་སྣ་ཚོགས་རེད། དེར་བརྟེན་ ཁྲི་བྱང་རིན་པོ་ཆེ་ནས་བཀའ་སློབ་གནང་ན་ཡག་པོ་འདུག་ཅེས་ཞུས་པ་ཡིན། དེ་བཞིན་ཡོངས་འཛིན་གླིང་རིན་ པོ་ཆེར་ཡང་བཀའ་སློབ་གནང་རོགས་གནང་ཞུས་པ་ཡིན།

ད་ལྟ་བར་དུ་མཁན་པོ་ལས་ཟུར་དྲག་པ་འགའ་རེ་དང༌། དགེ་བཤེས་དྲག་པ་རེ་ཟུང་ལ་དངོས་སུ་ཐུག་ནས་

འགྲེལ་བཤད་ཕྲན་བུ་བརྒྱབ་པ་ལས་ཚོགས་པ་ལྟ་བུར་ཚིག་གཅིག་ཀྱང་བརྗོད་མེད། ད་ཆ་གཙོ་བོ་རྣམ་གྲྭ་དང༌། གནས་གྲྭ་ཐུན་མོང་ལ་བར་ལམ་གྱི་གནས་ཚུལ་རྣམས་འགྲེལ་བཤད་བྱས་ན་གང་འདྲ་ཡོང་བསམ་ནས་བརྟག་ དཔྱད་བྱེད་སྐབས་བཟང་པོ་འདུག བརྟག་དཔྱད་བྱས་པའི་ཐོག་ནས་དེ་རིང་འདིར་ཁྱེད་རང་ཚོ་འཛོམས་པའི་སར་

འགྲེལ་བཤད་བྱས་པ་ཡིན། ཤེས་སོང་ངམ། སྔ་ཕྱི་བར་གསུམ་གྱི་གནས་ཚུལ་རྣམས་ངེས་པ་བྱེད་དགོས། སྟངས་

འཛིན་བྱེད་དགོས་པ་འདི་ངས་འདོད་མི་འདོད་བྱས་པ་གང་ཡང་མིན། སྔ་ཕྱི་བར་གསུམ་གྱི་ཡོང་རྐྱེན་རྣམས་ལ་

ཁྱེད་རང་ཚོས་བལྟས་ན་ཤེས་ཀྱི་རེད། རྩ་བ་འགངས་ནི་ཆེན་པོ་ཆགས་པའི་གནས་ཚུལ་འདི་རེད། ཁྱེད་རང་ཚོ་ སོ་སོའི་ངོས་ནས་ཀྱང་ཏན་ཏན་བྱེད་དགོས་པ་གཅིག་དང༌། མིས་གནས་ཚུལ་འདྲ་མིན་ཤོད་མཁན་དེ་འདྲ་ཡོང་ མདོག་ཁ་པོ་རེད། སྐབས་སུ་བབས་པའི་འགྲེལ་བཤད་རྒྱག་དགོས་པ་བྱུང་ན། ད་ལྟ་ངས་ལབ་པ་འདི་རྣམས་

དངོས་དངོས་རྗེན་རྗེན་གྱི་གནས་ཚུལ་ཤ་སྟག་ཡིན། གནས་ཚུལ་འདི་རྣམས་ཀྱི་ཐོག་ནས་འགྲེལ་བཤད་རྒྱབ་ན་ བློ་གཟུ་བོར་གནས་པ་དང༌། རྒྱུ་མཚན་ལ་བརྟག་དཔྱད་བྱེད་མཁན་ཞིག་ཡིན་ན་གོ་རྟོགས་ཤིག་ཡོང་མདོག་ཁ་

པོ་རེད། དེར་བརྟེན་ཁྱེད་རང་ཚོས་སྐབས་སུ་བབས་པའི་འགྲེལ་བཤད་རྒྱག་དགོས་བྱུང་ན་འགྲེལ་བཤད་རྒྱབ་ན་ ཡག་པོ་རེད། འདིར་ཚོགས་པ་འདྲ་པོ་ཡོད་པ་གྲྭ་ཚང་དང༌། གནས་ཆུང༌། ཁྱེད་རང་ཚོ་རྒྱུད་གྲྭ་སྟོད་སྨད་གཉིས་ ནས་གྲོང་ཆོག་རྒྱུགས་མཁན་ཚོགས་ཁག་རེ་ཡོད་པ་རེད། མ་གཞི་རྒྱུད་གྲྭ་སྟོད་སྨད་ཀྱི་མཁན་བླ་གཉིས་ཀར་ ལབ་ཡོད། ཁོང་ཚོས་ཆ་ཚང་ཤེས་ཀྱི་ཡོད། ཁྱེད་རང་ཚོ་གྲོང་ཆོག་རྒྱུགས་མཁན་གྲས་ནས་གྲྭ་ཚང་སྐུ་ཞབས་ཚོ་ ལ་ན་ནིང་ངས་མ་འདོན་ཞེས་ལབ་ཚར་བ་ཡིན། ཕར་ཕྱོགས་ནས་རྒྱལ་ཆེན་འདོན་དགོས་ཟེར་མཁན་འདུག་ན་

གྲྭ་ཚང་ལ་ཕྱག་བཞེས་མེད་ཅེས་ལབ་རྐྱང་རེད། ཡིན་ནའང་རྒྱུད་གྲྭ་སྟོད་སྨད་གཉིས་ཀྱི་གྲོང་ཆོག་རྒྱུགས་མཁན་ 30

༸གོང་ས་མཆོག་གི་བཀའ་སློབ།

ཚོའི་ཐོག་ནས་འཕྲལ་དུ་སྡུམ་སྟེ་བཅད་སྟབས་མ་བདེ་བ་འདྲ་པོ་གལ་སྲིད་ཡོད་ནའང་། མི་དགོས་པ་གཙོ་བཟུང་

བྱས་ན་ཡག་པོ་རེད། ཁྱེད་རང་རྒྱུད་པ་རང་ལ་རྗེ་བཙུན་ཤེས་རབ་སེང་གེ་ཡབ་སྲས་ནས་བསླབ་པའི་ཆོས་སྐྱོང་ རྣམ་གཉིས་ཀྱིས་མི་ཆོག་པ་ཅི་ཡོད། དེས་ན་ཁྲོ་བཅུ་རྒྱས་པ་ཞིག་བཏང༌། དྲུག་ཅུ་མ་ཞིག་ཕུལ། དེས་མི་འགྲིག་

པ་ཡོང་མི་ཤེས་པ་ཞིག་རེད། སོ་སོས་སློབ་སྦྱོང་བྱས་པ་དང་བླ་མ་གོང་མ་ཚོས་མ་ཆད་མ་ལྷག་པ་ཞིག་རྩིས་

སྤྲད་ནས་བཞག་ཡོད་པ་དེ་གའི་གཞུང་བསྲངས་ནས་ཕྱིན་ན་ཡག་ཤོས་རེད། དེས་མ་ཆོག་པ་གང་ཡང་མེད། བསྐང་གསོ་ཁྲ་ཁྲ་ཟིང་ཟིང་མང་པོ་མི་དགོས་པ་བྱས་ན་ཡག་པོ་མིན་ནམ། ཡང་ཅི་སྟེ་ངེས་མེད་སྦྱིན་བདག་གི་ངོ་ ལ་བལྟས་ནས་མ་འདོན་ཐབས་མེད་ལྟ་བུ་བྱུང་ནའང༌། སྤྲོས་པ་ཆུང་བ་ཞིག་བྱས་ན་ཡག་པོ་མིན་ནམ་བསམ་གྱི་ འདུག རྒྱུད་པའི་བསྐང་གསོའི་ནང་མེད་པའི་འདོན་པ་གཞན་དག་འདོན་དགོས་བྱུང་ན་ལྷ་མོ་དང༌། སྐུ་ལྔ་གཙོ་བོ་

བྱས། རྒྱལ་ཆེན་འདོན་དགོས་པ་བྱུང་ན་འཕྲིན་བཅོལ་མདོར་བསྡུས་ཤིག་འདོན་པ་མ་གཏོགས། དགྲ་ལྷའི་རྒྱལ་ པོ་ལྟ་བུའི་མཐོང་དང་ཆ་འཇོག་མི་དགོས་པ་བྱས་ན་ལེགས། ད་ཚང་མས་ཤེས་སོང་ངམ།

རིགས་ལམ་སློབ་གྲྭའི་དགེ་རྒན་ལ་ན་ནིང་རོབ་ཙམ་ཞིག་ལབ་པ་ཡིན། དེ་རིང་གནས་ཚུལ་ཞིབ་ཕྲ་ཤེས་

རྟོགས་བྱུང་བ་རེད། ཁྱེད་རང་ཚོ་དགེ་བཤེས་ནང་ཚགས་དང༌། ངོ་ཤེས་པ་ཚོར་བཤད་བདེ་པོ་དང༌། དོ་སྣང་ ཡོད་པ་འདྲ་བྱུང་ན་འགྲེལ་བཤད་རྒྱོབས། ཤེས་སོང་ངམ། གནས་ཚུལ་གསལ་པོ་ཞིག་ཤེས་ཐུབ་པ་བྱུང་ན་ཡག་ པོ་རེད། གནས་ཚུལ་མ་ཤེས་པར་ཁྲོག་ཐེབས་ན་ཡག་པོ་མི་འདུག

དེ་ནས་སྐུ་ཞབས་ཛེ་སྨད་ཀྱི་གནས་ཚུལ་དེ་ཡང་དེབ་དེ་ཐོན་རྒྱུ་ཡིན་པའི་གནས་ཚུལ་གྱིས་རྐྱེན་པས་

ཡིན་ས་རེད། གང་ལྟར་ཐོག་མར་རྒྱུད་སྟོད་བླ་མ་དབུ་མཛད་འོས་འཆར་ལ་འབྱོར་དུས། དང་པོ་སྐུ་ཞབས་བླ་ཏི་

དང༌། དེ་ནས་ཛེ་སྨད། དེ་ནས་དགེ་བཤེས་མིང་རིམ་བཞིན་མོ་རྒྱབ་པ་ཡིན། རྩ་བ་ནས་བཟང་པོ་ཞིག་བབས་ མ་བྱུང༌། བྱེད་མ་ཤེས་པར་ཟླ་ཤས་ཤིག་བཞག་པ་ཡིན། དེ་འདྲ་ཞིག་གི་སྐབས་ལ་སྐུ་ཞབས་མཁན་ཟུར་རྣམ་

རྒྱལ་འདིར་མཇལ་ཁ་ཞིག་ལ་ཕེབས་བྱུང་བར། བླ་མ་དབུ་མཛད་ཀྱི་འོས་འཆར་རྣམས་ལ་མོ་རྒྱབ་པར་བཟང་པོ་ ཞིག་བབས་ཀྱི་མི་འདུག དྲག་པ་ཞིག་སུ་འདུག་གམ་ཞེས་དྲིས་པར། རྣམ་རྒྱལ་གྱིས་ཛེ་སྨད་རིན་པོ་ཆེ་ལ་རྒྱུད་ པ་ཚོས་རེ་འདུན་ཆེན་པོ་ཞུ་གི་འདུག་གསུངས་བྱུང༌། དེ་དངོས་གནས་རེད་ཡག་པོ་འདུག འོས་ངེས་ཐེག་ངེས་

རེད་ལབ་པ་ཡིན། དེ་ནས་སྐུ་ཞབས་ཐུག་ཚར་བ་དང༌། འཕྲལ་དུ་ཛེ་སྨད་རིན་པོ་ཆེ་རང་ལ་མོ་ཞིག་བརྒྱབ་པ་ ཡིན། མོ་བཟང་པོ་རྩ་བ་ནས་བབས་མ་བྱུང༌། ཁྱད་མཚར་བསམ་ནས་གཡུགས་བཞག་པ་ཡིན། ཡང༌། དེ་ནས་ 31

༸གོང་ས་མཆོག་གི་བཀའ་སློབ།

ཟླ་བ་གཅིག་གཉིས་ཕྱིན་པའི་རྗེས་ལ་རྒྱུད་པའི་བླ་མ་དབུ་མཛད་གཏན་མ་འཁེལ་ན་འགྲིགས་ཀྱི་མ་རེད་བསམ་

ནས་ཡང་བསྐྱར་མོ་ཞིག་བརྒྱབ་པ་ཡིན། ཁྱོན་ནས་བཟང་པོ་ཞིག་བབས་མ་བྱུང༌། གང་ལྟར་མོ་ཚར་གསུམ་ གྱི་ཐོག་ནས་ཛེ་སྨད་རིན་པོ་ཆེ་བཀག་སོང༌། དེ་བཀག་ཚར་ཙམ་ཞིག་ལ་དེབ་སེར་པོ་དེ་ཐོན་པ་རེད། དེ་ལྟར་

ཡིན་དུས་ཛེ་སྨད་རིན་པོ་ཆེའི་ཆད་པ་ལྟ་བུ་རིང་པོར་མི་ཐོགས་པར་ཡོང་རྒྱུའི་རྒྱུ་ནུས་པ་མཐུ་ཅན་དུ་གྲུབ་ཚར་

བ་ཡིན་སྟབས་མོ་ལ་མ་བབས་པ་འདྲ། མོ་ལ་བབས་ཏེ་རྒྱུད་སྟོད་བླ་མ་ཆགས་ཚར་ན་དེབ་ཐོན་ཏེ་རྙོག་དྲ་བྱུང་ ན་ཡང་གནས་སྟངས་རྩ་བ་བརྟན་དུ་འགྲོ་གི་ཡོད། ཁྱད་མཚར་ཞིག་འདུག གཞན་དེ་ག་ཡིན། བཀྲ་ཤིས་བདེ་ ལེགས་ཞེས་སྩལ།། །།

ཕྱི་ལོ་ ༡༩༨༣ ཟླ་ ༣ ཚེས་ ༢༩ ཉིན་འབྲས་སྤུངས་ཚོགས་ཆེན་དབུ་རྩེའི་ཚོམས་ཆེན་དུ་

གདན་ས་གསུམ་དང༌། རྒྱུད་གྲྭ་སྟོད་སྨད། བཀྲ་ཤིས་ལྷུན་པོ། མོན་གྷོ་རྙིང་དགོན། ས་སྐྱ་ སོགས་ཀྱི་མཁན་ལས་ཟུར་རྣམས་ལ་དོལ་རྒྱལ་སྐོར་བཀའ་སློབ་སྩལ་པ།

༄༅། །དེ་ནས་ཞུ་རྒྱུ་དོན་ཚན་གཅིག་ནི་དོལ་རྒྱལ་གྱི་སྐོར་ཡིན། ད་རེས་གནས་ཚུལ་གསར་པ་དམིགས་ བསལ་གཅིག་བྱུང་ཡོད། ཁྱེད་ཚོ་མཁན་པོ་ཚོར་མ་ཞུས་ན་རིམ་པས་གོ་ཐོས་ཡོང་རྒྱུ་ཡིན་སྟབས་དེ་སྐབས་གང་

འདྲ་བྱས་པ་ཡིན་ནམ་སྙམ་སྟེ་མ་རྟོགས་པ་དང༌། ལོག་པར་རྟོག་པ་ལྟ་བུ་ཡོང་སྲིད་པས། དེ་རིང་ང་ཆོས་སྒར་འདི་ ནས་མ་ཐོན་གོང་དངོས་ཡོད་གནས་ཚུལ་གང་བྱུང་བ་རྣམས་ཁྱེད་ཚོར་ཞུས་ན་སྙམ་བྱུང༌།

དགའ་ལྡན་ཚོགས་ཆེན་ཆོས་རྒྱལ་ཁང་དུ་ཡོད་པའི་རྒྱལ་ཆེན་གྱི་སྐུ་དེ་ངས་དམ་བསྒྲགས་བྱེད་རྒྱུ་མ་བྱུང་

གོང་ནས་བཞེངས་པ་ཡིན་ཚོད་ཡིན། བར་ལམ་རྒྱལ་ཆེན་གྱི་སྐོར་ལ་རྙོག་གླེང་བྱུང་བའི་རྗེས་སུའང་བཞེངས་ཟིན་ པའི་སྐུ་དེ་སྒྱུར་བཅོས་ཐོངས་ཞེས་བརྗོད་རྒྱུ་ངའི་ངོས་ནས་ཀྱང་བདེ་པོ་མི་འདུག ཁྱེད་ཚོ་དགའ་ལྡན་བླ་སྤྱིའི་ཐོག་ ནས་ཀྱང་དེ་བས་བདེ་པོ་རྩ་བ་ནས་མེད་སྟབས་ད་བར་ལོ་ཤས་རིང་འདི་མུར་གནས་པ་རེད། ཁ་སང་ང་འདིར་

སླེབས་པའི་རྗེས་སུའང་ཁ་ཤས་ནས་དགའ་ལྡན་ཆོས་རྒྱལ་ཁང་དུ་ཤུགས་ལྡན་ཞིག་འདུག་ཅེས་ཟེར་མཁན་བྱུང༌། དེ་སྔོན་མ་ནས་བཞེངས་ཟིན་པས་བྱ་ཐབས་མེད་ཅེས་བརྗོད་པ་ཡིན། ངའི་བསམ་བློར་འདི་སྐོར་རྙོག་དྲ་བཟོ་

སེམས་མེད་ལ། ངས་མ་མཐོང་མ་ཤེས་པའི་ཚུལ་བྱས། ཁྱེད་རང་ཚོས་ཀྱང་དེ་འདྲའི་མུར་འཇོག་རྒྱུ་མ་གཏོགས་ 32

༸གོང་ས་མཆོག་གི་བཀའ་སློབ།

བྱ་ཐབས་མེད་པར་ངོས་འཛིན་བྱེད་ཀྱི་ཡོད།

དེ་ནས་ཁ་སང་བྱང་རྩེ་གྲྭ་ཚང་ལ་དགོང་མོ་གཉིས་བསྡད་ཅིང༌། དེ་རྗེས་ཤར་རྩེ་གྲྭ་ཚང་ལ་དགོང་མོ་གཉིས་

བསྡད་པའི་དགོང་མོ་མཐའ་མ་དེར་ང་ལ་རྨི་ལམ་ཞིག་བཏང་བྱུང་བ་གཉིད་སད་སྐབས་ཆུ་ཚོད་ ༤ ཙམ་རེད། རྨི་ ལམ་ཟང་ཟིང་མང་པོ་ཞིག་བཏང་བའི་མཐར་ཚོགས་ཆེན་ཞལ་ངོའི་ལྕགས་རྒྱུགས་རེད་ཟེར་དབྱུག་པ་ཞིག་འདུག

དེ་ནི་འབྲས་སྤུངས་སྒོ་མང་ལ་ཡོད་པའི་བེར་རྒྱུགས་དེ་ལྟ་བུ་ཤིང་གིས་བཟོས་པའི་ལྕགས་རྒྱུགས་འདྲ་པོ་གཅིག་ འདུག དེ་ཤུགས་ལྡན་གྱི་རྟེན་གཞི་ཨ་མ་དེ་རེད། དེ་པཎ་ཆེན་གཅིག་གིས་གནང་བ་རེད། དེ་མེད་པ་བཟོ་དགོས་ ཟེར་གྱི་འདུག ངའི་བསམ་བློར་དེ་མེད་པ་བཟོ་དགོས་ན་ཐོ་བ་ལྟ་བུས་བཅགས་ན་མ་གཏོགས་མི་ཡོང༌།

ཡང་ན་སོག་ལེས་བཏུབ་ན་བསམ་བྱུང༌། སྐབས་དེར་སྐུ་སྲུང་བའི་ཁོངས་ནས་མིང་ལ་ཆོས་རྒྱལ་ཟེར་

མཁན་ཞིག་ཡོད་པ་དེས་ཐོ་བ་གཞུས་ཏེ་གཅོག་དགོས། ཞིབ་ཚགས་པོ་བྱས་ཏེ་མེད་པ་བཟོས་ན་མ་གཏོགས་ ཡོང་གི་མ་རེད་ཟེར་གྱི་འདུག དེ་འདྲ་ཡིན་ན་ཡག་པོ་འདུག་ཅེས་བརྗོད་དེ་ཉམས་ཞིབ་བྱེད་སྐབས་ཤིང་གི་ལྕགས་ རྒྱུགས་དེ་ལ་དངུལ་གྱི་ཤན་ལྟ་བུ་ཞིག་རྒྱབ་འདུག་པ་དེ་ཐོ་བས་གཅོག་ཐབས་མེད་སྟབས་ཟོང་བརྒྱབ་ནས་

བཀོག་སྟེ་ཧྲུག་ཧྲུག་བཟོ་དགོས་པ་ཡིན་དུས། སྐུ་སྲུང་བ་ཆོས་རྒྱལ་གྱིས་ཞིབ་ཚགས་པོ་བྱས་ཏེ་མེད་པ་བཟོ་གི་ ཡིན་ཟེར་བྱུང༌། མེད་པ་བཟོ་བཞིན་པའི་སྐབས་སུ་འཁྲིས་དེ་ན་མཚོ་ཞིག་འདུག ངས་དེ་ལྷུ་འཕྲལ་བ་རྣམས་མཚོའི་

ནང་དུ་འཕངས་པ་ཡིན། ལྕགས་རྒྱུགས་དེའི་མགོ་ལ་ཕུར་མདུད་ལྗང་ཁུ་གསུམ་བཞི་ཙམ་འདུག ཕུར་མདུད་དེ་

མིའི་ལག་པར་ཐེབས་ན་ཡག་པོ་ཡོང་གི་མ་རེད་སྙམ་བྱུང༌། དེ་ཡང་ཚུར་བཀོག་སྟེ་མཚོ་ནང་དུ་འཕངས་སོང༌།

རྨི་ལམ་དེ་འདྲ་ཞིག་བཏང་བྱུང༌། གཉིད་སད་སྐབས་དེ་གང་འདྲ་ཡིན་སྙམ་པའི་དོ་སྣང་སྐྱེ་དགོས་པ་ཞིག་བྱུང་བ་ ཡིན་སྟབས། དེ་ལ་ཆ་འཛིན་བྱ་འོས་སམ་མི་འོས་ཞེས་ཕྲེང་མོ་ཞིག་རྒྱབ་པར། གྲངས་བདུན་དང་བཅུ་གཅིག་

བབས་སོང༌། དེའི་ཉིན་མོ་དགའ་ལྡན་ཚོགས་ཆེན་ལ་མཆོད་མཇལ་དུ་འགྲོ་རྒྱུ་ཡིན་སྟབས། རྣམ་ཀུན་ཟན་བརྟག་ ལྷ་མོར་སྒྲིལ་གྱི་ཡོད་ཀྱང༌། ད་རེས་ཐུན་མོང་མ་ཡིན་པའི་སྐབས་བབས་འབྲེལ་བ་ཆོས་རྒྱལ་རང་ལ་ཆགས་

པ་ཡིན་སྟབས་ཆོས་རྒྱལ་ལ་དྲུག་ཅུ་མ་ཞིག་ཕུལ་ཏེ་ཟན་བརྟག་སྒྲིལ་ན་ཡག་གི་རེད་སྙམ་སྟེ། དོན་ཚན་གསུམ་ ང་རང་གིས་བྲིས་ནས་བསྒྲིལ་བ་ཡིན། དེ་རྟ་ར་བར་སྤྲད། དེ་ཟན་རིལ་གསུམ་བཟོ་དགོས་མངགས། དགའ་ལྡན་

ཚོགས་ཆེན་གཟིམ་ཆུང་དུ་དྲུག་ཅུ་མ་བཞེངས་ཞེས་ལན་བསྐུར། གཞན་སུས་ཀྱང་གནས་ཚུལ་ཤེས་ཀྱི་མེད། མི་

མ་ཡིན་དེ་འདྲས་གོ་ན་ཡག་པོ་མེད་སྙམ་པ་བྱུང༌། ཚོགས་ཆེན་ལ་སླེབས་པ་དང་དགའ་ལྡན་ལྷ་བརྒྱ་མ་ཞིག་བཏོན་ 33

༸གོང་ས་མཆོག་གི་བཀའ་སློབ།

དམིགས་བརྩེ་མ་ཕྲེང་སྐོར་གཅིག་བགྲངས། དེ་ནས་རྣམ་ཀུན་ཨ་ར་པ་ཙ་གསོག་བཞིན་ཡོད་པ་དེ་བསགས། བླ་ མའི་མཚན་སྔགས་བཏོན་པའི་མཇུག་ཏུ་སྐད་ཅིག་དཀྲོང་བསྐྱེད་བྱས་ཏེ་ཆོས་རྒྱལ་ནང་སྒྲུབ་དང༌། ཕྱི་སྒྲུབ་བཅས་

ཆོས་རྒྱལ་གྱི་བསྐང་བཤགས་དང༌། བཟླས་པ་གང་འཚམས་བསགས། དྲུག་ཅུ་མ་ཕུལ། ཟན་བརྟག་སྒྲིལ་ཁར་ དམིགས་བརྩེ་མ་དང༌། མགོན་པོ། ལྷ་མོ་བཅས་སོ་སོའི་སྔགས་གང་འཚམས་རེ་བགྲངས་ཏེ་དྲུག་ཅུ་མ་ཕྱིར་མ་ བཤམས་གོང་ཟན་བརྟག་བསྒྲིལ་བ་ཡིན།

དོན་ཚན་གསུམ་བྱས་པའི་དང་པོར། རང་བབས་བཞག་ན་བཟང་བ་ཡོད། དོན་གཉིས་པ་དེར། ངའི་བསམ་

བློའི་ནང་མ་འོངས་པར་དགའ་ལྡན་ཉམས་གསོ་བྱེད་པའི་དུས་སྐབས་ཤར་གྱི་རེད། དེ་མཚམས་མངོན་མེད་དུ་ སྐུ་དེ་གདན་འདྲེན་ཞུས་ན་སྙམ་པས། མ་འོངས་པར་སྐབས་ཤིག་དང་བསྟུན་ཏེ་བྱས་ན་བཟང་ཟེར་བ་གཅིག དེ་

ནས་དོན་ཚན་གཅིག་ལ། ད་ལམ་རང་སྒྱུར་བཅོས་བཏང་ན་བཟང་ཟེར་བ་གཅིག་བཅས་དོན་ཚན་གསུམ་བསྒྲིལ་ བ་ཡིན། དེ་བསྒྲིལ་བའི་སྐབས་སུ་ངའི་བསམ་བློར། ད་ལམ་སྒྱུར་བཅོས་བྱ་རྒྱུ་བབས་པ་ཡིན་ན་ལམ་སང་བརྗོད་

པ་དགའ་བ་འདུག་གམ། སྨོན་ལམ་གྱི་ལྷིང་འཇགས་པའི་མཚམས་སུ་ངང་གིས་བརྗོད་ན་དགའ་བ་གཉིས་ཀྱི་དོན་ ཚན་འདེམས་ཀ་ཡོད་པ་ཞིག་བློར་ཤར་སོང༌། དེའི་དོན་ལ་ཟན་བརྟག་ལམ་སེང་སྒྲིལ་ཐབས་མེད་སྟབས། སྐབས་

རེ་ཟན་བརྟག་ཀ་ཀོར་བྱས་ཏེ་བབས་ཡོང་མཁན་གཅིག་དང༌། སྐབས་རེར་ལམ་སེང་ཐོན་ཡོང་མཁན་ཞིག་ཡོང༌།

དེར་བརྟེན་བསམ་བློའི་ནང་ད་རེས་ངས་ལམ་སེང་བརྗོད་དགོས་ཀྱི་ཡོད་ན་ཟན་བརྟག་དེ་ལམ་སེང་ཐོན་ཤོག སྨོན་ ལམ་གྱི་ལྷིང་འཇགས་པའི་རྗེས་སུ་བརྗོད་ནས་འགྲིགས་ཀྱི་ཡོད་ན། ཟན་བརྟག་དེ་ཀ་ཀོར་བྱས་ཏེ་ཐོན་ཤོག་ཅེས་ འཕེན་པ་བཏང་སྟེ་ཟན་བརྟག་གསུམ་པོ་སྒྲིལ་བར་ལམ་སེང་གཅིག་ཐོན་སོང༌། དེ་ཁ་བསྔོགས་པར་ད་ལམ་སྒྱུར་ བཅོས་གཏོང་དགོས་ཟེར་བ་དེ་བབས་སོང༌།

དེ་ལྟར་བབས་པ་ཡིན་སྟབས་འཕྲལ་དུ་ཤར་བྱང་མཁན་པོ་ལས་ཟུར་ཚོ་དང༌། ལས་སྣེ་ཁ་ཤས། དཔེ་ཆ་

བ་དགེ་བཤེས་རྒན་པ་ཁ་ཤས་ཡར་ཕེབས་ཞེས་བརྗོད་དེ། ཁོང་ཚོར་ད་ལྟ་བརྗོད་པ་ལྟར་ཚོགས་ཆེན་ཐོག་ཁར་

འགྲེལ་བཤད་ཞུས། རྒྱལ་ཆེན་གྱིས་སྐུ་རྡོག་རྡོག་བྱས་ཏེ་གདན་འདྲེན་ཞུ་ཐབས་ཡོད་ན་རྒྱལ་ཆེན་གྱི་བཙན་ཁང་

འདྲ་ཡོད་སར་གདན་དྲོངས། དེ་མིན་རྒྱལ་ཆེན་བསྟེན་མཁན་ཞིག་གི་སར་སྐྱོལ་ཤོག དེ་མིན་གཤེགས་གསོལ་ བྱ་རྒྱུ་ལས་བྱ་ཐབས་མེད། འོན་ཀྱང༌།

34

༸གོང་ས་མཆོག་གི་བཀའ་སློབ།

རིགས་པ་ཡིས་ནི་མི་ནུས་ན། །

མི་ནུས་དེ་ལ་ཚིག་གིས་སྦྱངས། །

ཞེས་པ་ལྟར། ཁྱེད་རང་ཚོར་དགོངས་འཆར་འདྲ་ཡོད་དམ་ཞེས་རང་རེའི་གསོ་སྦྱོང་གི་མདོའི་ནང་ཡོད་

པ་བཞིན་ལན་གཅིག ལན་གཉིས། ལན་གསུམ་ཙམ་དྲིས་པར། ཁོང་རང་ཚོས་གང་ཡང་གསུང་གི་མི་འདུག ཅང་མི་གསུང་ན་དེ་དེ་བཞིན་འཛིན་ཏོ། །ཞེས་པ་ལྟར་དེ་ག་རང་ལ་ཐག་གཅོད་བྱས་པ་ཡིན།

ད་ལམ་གློ་བུར་བའི་རྐྱེན་དེ་འདྲ་ཞིག་བྱུང་སོང༌། དེའི་ལས་འགན་སྒྲུབ་རྒྱུ་ནི་དགའ་ལྡན་བླ་སྤྱིས་གནང་

འགྲོ་གི་རེད། དེའི་སྐོར་ལ་རིམ་པས་གདན་ས་གཞན་ལའང་གྲགས་འགྲོ་རྒྱུ་ཡིན་སྟབས། དགའ་ལྡན་ཚོགས་

ཆེན་ནང་ཡོད་པའི་རྒྱལ་ཆེན་གྱི་སྐུ་དེ་གཏོར་བ་རེད་ཟེར་མཁན་ཡོང་སྲིད། དེ་ལྟར་བྱུང་ན་ངས་མ་བརྟག་མ་ དཔྱད་གྱ་ཚོམ་གྱི་ཐོག་ནས་ཧོལ་རྒྱུག་བྱས་པ་མེད། དང་པོ་ཀུན་སློང་ལ་དེ་ལྟར་བྱ་བསམ་པ་ཡང་རྩ་བ་ནས་

མེད། མ་གིར་སླེབས་སྐབས་རྨི་ལམ་དེ་འདྲ་ཞིག་བཏང་བ་རེད། རྨི་ལམ་ལ་ཆ་བཞག་རྒྱུ་གང་ཡོད། སྤྱིར་ང་

རང་ཚོའི་རྒྱུད་ལ་མ་རིག་པ་ཡོད་ཕྱིན་ཆད་ལ་འཁྲུལ་པའི་སྣང་བ་རྒྱུན་མི་ཆད་དུ་ཡོང་གི་ཡོད། གཉིད་སད་པའི་ སྐབས་སུའང་འཁྲུལ་པ་ཡོང་དུས། རྨི་ལམ་ནི་འཁྲུལ་པའི་ནང་ནས་ཡང་འཁྲུལ་ཡིན་པས་ཆ་འཇོག་བྱ་རྒྱུ་མེད། འོན་ཀྱང་གང་ཡིན་ནམ་སྙམ་སྟེ་མོ་ཞིག་རྒྱབ་པ་ལ་དེ་ལྟར་བབས་པ་རེད། ད་དུང་ཡང་གལ་ཆེ་དོན་ཆེ་བྱས་ཏེ་

དགའ་ལྡན་ཚོགས་ཆེན་ཐོག་ཁར་དམ་ཅན་ཆོས་རྒྱལ་ལ་དྲུག་ཅུ་མ་ཕུལ་ཏེ་ནན་ཏན་གྱིས་གསོལ་བ་བཏབ་སྟེ་

ཟན་བརྟག་སྒྲིལ་སྟངས་དེ་ལྟར་བསྒྲིལ་བ་ཡིན། དེ་འདྲ་བབས་སོང༌། དེ་ལྟར་དོ་དོ་ཏན་ཏན་བྱས་པ་ལས་གང་ བྱུང་མང་བྱུང་བྱས་པ་མེད། རིམ་པས་འདི་སྐོར་སྐད་ཆ་ལྷག་རྒྱུ་ཡིན་སྟབས། དེའི་མཚམས་སུ་གྲྭ་ཚང་སོ་སོའི་ ནང་མཁན་པོ་ལས་ཐོག་ཚོས་ཡོང་རྐྱེན་འགྲེལ་བཤད་རེ་བྱུང་ན་ཡག་པོ་མིན་ནམ་སྙམ་པ་དྲན་བྱུང༌། རྒྱུད་གྲྭ་

དང༌། བཀྲ་ཤིས་ལྷུན་པོ། གྲྭ་ཚང་གཞན་ཚོ་བཅས་ནས་ཀྱང་གནས་ཚུལ་གོ་ཐོས་ཡོང་རྒྱུ་ཡིན་སྟབས་སྔ་ཕྱིའི་ ཡོང་རྐྱེན་དེ་འདྲ་བྱུང་འདུག ངས་དེ་ལྟར་བརྗོད་རྒྱུ་བྱུང༌། གནས་ལུགས་དེ་འདྲ་རེད་ཅེས་བརྗོད་ན་ཡིད་ཆེས་ འགྲོ་གི་རེད། དེ་ཞུས་ན་བསམ་པ་ཡིན་ཞེས་བཀའ་སྩལ།། །།

35

༸གོང་ས་མཆོག་གི་བཀའ་སློབ།

ཕྱི་ལོ་ ༡༩༩༦ ཟླ་ ༥ ཚེས་ ༨ ཉིན་བཞུགས་སྒར་ཁུལ་དུ་ཡོད་པའི་བླ་སྤྲུལ་རྣམ་པ་དང༌། དགེ་ བཤེས། ཉེ་འཁོར་གྲྭ་ཚང་གི་འཐུས་མི། གྲྭ་བཙུན་གཙོ་བོར་གྱུར་པའི་ཐོག་བཀའ་སྤྱི་དང་

སྲི་ཞུའི་ལས་བྱེད་ཁོངས་གཏོགས་དང༌། ཚོགས་པ་ཁག་གི་རྒྱུན་ལས་འཐུས་མི། གཞན་ཡང་

སེར་སྐྱ་མི་མང་ཁག་ཅིག་བཅས་ལ་དོལ་རྒྱལ་ལམ། རྒྱལ་ཆེན་ཤུགས་ལྡན་གྱི་སྐོར་ལ་ལོ་རྒྱུས་ ཀྱི་ཡིག་ཆའི་ཁུངས་སྐྱེལ་དང་བཅས་སྤང་བླང་བྱེད་སྒོའི་བཀའ་སློབ་སྩལ་པ།

༄༅། །དེ་རིང་འདིར་བླ་སྤྲུལ་དགེ་བཤེས་རྣམ་པ་དང༌། དགེ་འདུན་པ་དང་བཙུན་མ་ཚོ་བཅས་གཙོ་བོར་གྱུར་པ་

དང༌། དེ་བཞིན་གཞུང་གི་ལས་བྱེད་དང་མི་མང་ཚོ་བཅས་ཀྱི་ཐོག་ཞུ་རྒྱུ་གཙོ་བོ་དོལ་རྒྱལ་གྱི་སྐོར་ཡིན། འདི་ང་

རང་ཚོའི་བོད་རང་དབང་གི་འཐབ་རྩོད་བྱེད་པའི་ཆབ་སྲིད་ཀྱི་ཚོགས་འདུ་མིན་ལ། ཆོས་འཆད་ཉན་བྱེད་པའང་ མིན། དེ་རིང་གནད་དོན་འདི་དམིགས་བསལ་ཞིག་ཆགས་ཡོད། འདི་འདྲ་ཚོགས་མཁན་འཛམ་གླིང་ཐོག་ཧ་ལམ་

ང་ཚོ་མ་གཏོགས་ཡོད་པ་མ་རེད་བསམ་པ་དྲན་གྱི་འདུག ཡང་ལྷ་འདྲེའི་སྐོར་ཤོད་དུས་ང་ཚོས་མཐོང་བའི་ཡུལ་ དུ་མ་གྱུར་པའི་ལྐོག་གྱུར་གྱི་གནས་ཚུལ་ཞིག་ཡིན། དཔེར་ན། སྣང་ས་འདས་ལོག་གིས་བར་དོ་དང༌། དམྱལ་

ཁམས་ནང་ཉམས་མྱོང་ག་རེ་བྱུང་མིན་བཤད་ཡོད་པ་བཞིན་སྣང་ས་འདས་ལོག་གི་ལོ་རྒྱུས་བཤད་པ་ལྟ་བུ་ཧ་ ལམ་ཆགས་གྲབས་བྱེད་ཀྱི་ཡོད་པ་དང༌། གཉིས་ནས་ང་རང་ཚོ་བོད་སྤྱི་པའི་དོན་དག་དུས་ཚོད་ཤིན་ཏུ་ཛ་དྲག་པོ་ དང༌། ཧ་ཅང་གལ་ཆེ་བའི་དུས་ཚོད་ལ་སླེབས་ཡོད། གཞུང་གི་ལས་བྱེད་པར་ཆ་བཞག་ན་ཆུ་ཚོད་གཅིག་གཉིས་

ཀྱི་དུས་ཚོད་ཀྱང་རྩ་ཆེར་བརྩིས་ནས་དམ་འཛིན་བྱས་ཏེ་ལས་ཀ་བྱེད་དགོས་པའི་དུས་ཚོད་ལ་ང་ཚོས་དེ་རིང་

གི་དུས་ཚོད་འདི་བཏང་ནས་ཚོགས་པ་འདི་ཕྱོགས་གཅིག་ནས་བལྟས་ན་ཧ་ལམ་ལས་ཀའི་དུས་ཚོད་ཆུད་ཟོས་ གཏོང་བ་ལྟ་བུ་ཆགས་ཀྱི་འདུག ཡིན་ནའང་ང་རང་ཚོའི་བར་སྐབས་ཀྱི་གནས་ཚུལ་ཡོང་རྐྱེན་མང་པོའི་ཐོག་ནས་ གང་ལྟར་རྙོག་དྲ་འདི་གཅིག་ནས་རྒྱལ་བའི་བསྟན་པ་རིན་པོ་ཆེར་འབྲེལ་བ་ཡོད་པ་ཞིག་དང༌། གཉིས་ནས་བོད་

རང་དབང་གི་འཐབ་རྩོད་བྱེད་མཁན་བཙན་བྱོལ་གཞུང་ངམ། ྋརྒྱལ་བ་རིན་པོ་ཆེས་འགོ་ཁྲིད་པའི་བོད་གཞུང་

འདི་དང་འབྲེལ་བ་ཡོད་པ་ཞིག་ལ་བརྟེན། འདི་ཡང་གནད་འགག་བརྩི་དགོས་པ་ཞིག་འདུག དོལ་རྒྱལ་གྱི་གནས་ ཚུལ་སྐོར་ལ་ཐོག་མ་ངོས་ནས་ཀྱང་དོལ་རྒྱལ་བསྟེན་གྱི་ཡོད། ྋསྐྱབས་རྗེ་ཕ་བོང་ཁས་ཐུན་མོང་མ་ཡིན་པ་གནང་ 36

༸གོང་ས་མཆོག་གི་བཀའ་སློབ།

བ་དང༌། ྋསྐྱབས་རྗེ་ཁྲི་བྱང་རིན་པོ་ཆེས་ཀྱང་ཐུན་མོང་མ་ཡིན་པ་གནང་གི་ཡོད།

འཕྲལ་རྐྱེན་ནི་ངོས་རང་སྔོན་མ་ ༡༩༥༠ ནས་ ༡༩༥༡ ལོར་གྲོ་མོར་སོང་ནས་སྡོད་སྐབས་དུང་དཀར་

དགོན་པར་འདུལ་འཛིན་གྱི་སྐུ་ཕེབས་ཡག་པོ་ཞིག་ཡོད། དེ་འདྲའི་ཐོག་ནས་ངོས་དང་འབྲེལ་བ་བྱུང་བ་རེད།

དེའི་མཇུག་ཏུ་ཆོས་འཁོར་ཡང་རྩེའི་དོལ་རྒྱལ་གྱི་སྐུ་ཕེབས་འདི་དགེ་བཤེས་བསམ་གྲུབ་སྐུ་གཞོན་པ་ཚེ་དབང་ བསམ་གྲུབ་ཁོང་དང་ཐུན་མོང་མ་ཡིན་པའི་འབྲེལ་བ་ཡོད་པ་ཞིག་ཆགས་ནས་ཁོང་གིས་སྐབས་དེར་འཇིགས་

བྱེད་ཀྱི་འཕྲུལ་འཁོར་སྒྲུབ་པ་གནང་གི་ཡོད། དེ་སྔ་བསམ་གྲུབ་སྐུ་བགྲེས་པའི་སྐབས་སུའང་འཇིགས་བྱེད་ཀྱི་ འཕྲུལ་འཁོར་དེ་འདྲ་སྒྲུབ་པ་གནང་ཡོད། ཕྱིས་སུ་དུས་འགྱུར་མ་བྱུང་ཙམ་སྟེ་ ༡༩༤༩ ལོ་ཙམ་ལ་ཡིན་པ་ཡོད།

གཟིམ་དཔོན་མཁན་པོ་བྱམས་པ་ཆོས་བཟང་བརྒྱུད་ནས་དགེ་བཤེས་ཚེ་དབང་བསམ་གྲུབ་ཀྱིས་འཇིགས་བྱེད་

ཀྱི་འཕྲུལ་འཁོར་སྒྲུབ་པ་དེ་འདྲ་དང་འབྲེལ་བ་བྱུང༌། དེ་རྗེས་དེ་འདྲའི་འབྲེལ་བའི་ཐོག་ནས་ཆོས་འཁོར་ཡང་རྩེའི་ རྒྱལ་ཆེན་དང་འབྲེལ་བ་བྱུང་བ་རེད།

ཡང་སྙིང་ངོས་རང་རྒྱ་གར་དུ་འབྱོར་འཕྲལ་ལ་རྒྱལ་ཆེན་གྱི་སྲོག་གཏད་ཞུ་རྒྱུའི་འཆར་གཞི་བཏིང་ནས་

ྋསྐྱབས་རྗེ་རིན་པོ་ཆེར་སྙན་གསན་ཞུས་པ་ཡིན། ྋསྐྱབས་རྗེ་རིན་པོ་ཆེས་ཀྱང་དེ་དོན་གྲ་སྒྲིག་གནང་བ་བཅས་

སྐབས་དེ་དག་གི་ལོ་རྒྱུས་ཞིབ་ཕྲ་སྔོན་མ་བཤད་ཟིན་པ་ལྟར་དེབ་ཀྱི་ནང་འཁོད་ཡོད། དེ་རིང་འདིར་ངོས་ནས་ཁ་ ཚ་དགོས་གཏུགས་ཀྱི་གལ་ཆེ་བ་ཁག་བཤད་ན་སྙམ་པ་བྱུང༌། སྔོན་མ་དང་པོ་ངོས་ནས་ཀྱང་བསྟེན་རྒྱུའི་བསམ་

བློ་བཏང་བ་རེད། དེ་རྗེས་ཕྱི་ནང་གི་གནས་ཚུལ་མང་པོ་ཞིག་ནས་གནས་ཚུལ་འདི་སྐོར་ངོས་ནས་གསལ་པོ་ ཆགས་ཏེ་དོལ་རྒྱལ་བསྟེན་རྒྱུ་མཚམས་འཇོག་བྱེད་རྒྱུའི་བསམ་བློ་འཁོར། ཐག་གཅོད་བྱེད་རྒྱུ་དེ་ཡང་ལྐོག་གྱུར་

གྱི་གནས་ཚུལ་ཡིན་པར་བརྟེན་ལམ་སེང་མིས་ཐག་གཅོད་བྱེད་ཐུབ་ཐབས་མེད་ལ། ལྷ་ནང་ཁུལ་ནས་ཀྱང་དེ་ ཚོའི་ཐོག་ཐག་གཅོད་བྱ་རྒྱུ་ཁག་པོ་རེད། དེ་ནི་དོ་དོ་ཏན་ཏན་བྱས་ནས་ཐག་གཅོད་བྱེད་དགོས་པ་ཞིག་ཡིན་དུས། ངོས་ནས་དོ་དོ་ཏན་ཏན་གྱིས་བརྟག་དཔྱད་བྱས་པའི་མཐའ་མར་བརྒྱ་ཆའི་བརྒྱ་ངོས་རང་ཡིད་ཆེས་གདེངས་

འཁེལ་བའི་གནས་ཚུལ་ལ་རྒྱལ་ཆེན་བསྟེན་ན་འགྲིགས་ཀྱི་མེད་པའི་གནས་ཚུལ་ཧ་ཅང་གསལ་པོ་ཆགས་སོང༌། དེར་བརྟེན་ང་རང་གི་ངོས་ནས་ཅམ་འཇོག་བྱེད་པའི་མཐའ་མའི་ཐག་གཅོད་ཀྱང་ཟན་བརྟག་གི་ཐོག་ནས་ཐག་ གཅོད་བྱས་པ་ཡིན། དེ་སྐབས་མཚན་མ་ཡང་དམིགས་བསལ་ཁྱད་མཚར་དེ་འདྲ་བྱུང༌། དེ་ལྟར་བྱས་ཏེ་ཐག་

བཅད་པ་རེད། ངོས་རང་གི་སྤང་བླང་བྱེད་སྒོ་ང་རང་ལ་རང་དབང་ཡོད་པ་ཡིན་དུས་ངོས་ནས་ཐག་བཅད་པ་ཡིན་ 37

༸གོང་ས་མཆོག་གི་བཀའ་སློབ།

ཡང༌། སྤྱིར་བཏང་ཕྱི་ལ་སྐབས་དེར་གནས་ཆུང་གི་ལུང་ཞིག་ཐོན་པའི་དུས་སུ་ངོས་ནས་གནས་ཆུང་ལའང་རྒྱལ་ ཆེན་གྱི་སྐོར་དེ་གསུངས་ན་མདའ་དཀྲོག་ཕུ་དཀྲོག་བྱེད་ཀྱི་རེད། དམ་ཚིག་མ་གཙང་བ་མང་པོ་ཆགས་ན་ཡག་པོ་ མེད། ཞལ་ཁར་བཞུགས་ན་ཡག་གི་རེད་ཅེས་ངོས་ནས་གནས་ཆུང་གི་ཞལ་བཀག་པ་ཡིན།

འདི་ནས་བཟུང་གནས་ཆུང་གིས་ཚིག་གཅིག་གསུངས་མ་བྱུང༌། ཡིན་ནའང་ཛེ་སྨད་རིན་པོ་ཆེས་བྲིས་

པའི་ཕ་རྒོད་བླ་མའི་ཞལ་ལུང་ཟེར་བའི་དེབ་དེ་ཐོན་པ་རེད། སྐབས་དེར་ང་ཚོས་འདི་གར་བོད་བསྟན་སྲིད་ཀྱི་དོན་ དུ་གུ་རུའི་འབུམ་ཚོགས་འབུལ་བའི་སྐབས་ལ་བཙུན་མ་ཁ་ཤས་ཡོང་ནུས་མ་ནུས་བྱས་འདུག ག་རེ་བྱས་པ་

རེད་དམ་ཞེས་བརྗོད་སྐབས། ཛེ་སྨད་རིན་པོ་ཆེའི་དེབ་ཅིག་འདུག དགེ་ལུགས་པ་ཞིག་གིས་རྙིང་མའི་ཆོས་སྐོར་

དེ་འདྲ་བྱས་ན་ལམ་སེང་རྒྱལ་ཆེན་གྱིས་ཚར་གཅོད་ཀྱི་རེད་ཟེར་བ་ཞིག་གིས་ཞེད་སྣང་ཧ་ཅང་ཆེན་པོ་བྱེད་པ་ དེ་འདྲ་བྱུང་སོང༌། ངོས་རང་འདི་བདེ་པོ་ཞིག་རྩ་བ་ནས་མཐོང་མ་བྱུང༌། དེ་སྐབས་གུ་རུར་འབུམ་ཚོགས་འབུལ་

བ་འདི་ངོས་རང་སྒེར་གྱི་དོན་དག་མིན། བོད་སྤྱི་པའི་དོན་དག་ཡིན། ག་རེ་བརྗོད་རུང་མ་བརྗོད་རུང་མཁན་སློབ་ ཆོས་གསུམ་གདན་འཛོམས་པའི་གནས་ཚུལ་གྱི་འོག་ནས་སློབ་དཔོན་རིན་པོ་ཆེ་དང་ཐུན་མོང་མ་ཡིན་པའི་

འབྲེལ་བ་ཡོད་པ་ནི་ཧ་ཅང་གསལ་པོ་ཡིན། འདི་ལ་འབུམ་ཚོགས་འབུལ་རྒྱུ་དང་བོད་སྤྱི་པའི་དོན་དག་ལ་ངོས་ རང་མི་སྒེར་གྱིས་བསོད་ནམས་བསགས་ནས་བོད་སྤྱི་པའི་དོན་ལ་འཕོ་འགྱུར་འགྲོ་གི་ཡོད་ན་ཁྱད་པར་མི་འདུག

ངོས་རང་གཅིག་པུས་ཐབས་ཤེས་བྱེད་ཆོག་གི་རེད། ཡིན་ནའང་བོད་སྤྱི་པའི་བདེ་སྡུག་འདིར་བོད་སྤྱི་པ་རང་ གི་ཐོག་ནས་བསོད་ནམས་བསགས་དགོས་པ་ལས། ང་མི་གཅིག་གིས་བསོད་ནམས་བསགས་པ་གཅིག་པུས་

འགྲིག་གི་མེད། དེར་བརྟེན་འབུམ་ཚོགས་འབུལ་རྒྱུ་འདི་གལ་ཆེ་དོན་ཆེ་ལ་བརྩིས་ནས་འབུམ་ཚོགས་འབུལ་གྱི་ ཡོད། དེ་ལ་ཞེད་སྣང་བྱེད་པ་ཞིག་ཆགས་དུས་བདེ་པོ་ཞིག་རྩ་བ་ནས་མ་བྱུང༌།

ལར་ནས་ངོས་ཀྱིས་ཆོལ་ཁ་གསུམ་ཚང་མ་རྡོག་རྩ་ཆིག་བསྒྲིལ་དགོས་པ་དང་ཆབས་ཅིག་ང་ཚོས་ཆོས་

དང་གྲུབ་མཐའ་ཕན་ཚུན་ལ་བརྟེན་ནས་སྡིག་པ་གསོག་པ་འདི་ཤིན་ཏུ་ནས་ཐབས་སྐྱོ་པོ་ཡིན་པ་དེ་སྔ་ང་རང་བོད་ ལ་ཡོད་དུས་ནས་མཐོང་ཚུལ་འདི་ཡོད་ལ། ལྷག་པར་རྒྱ་གར་དུ་སླེབས་དུས་འདི་ཧ་ཅང་སྐྱོན་ཆེན་པོ་ཞིག་ཏུ་

མཐོང་བྱུང༌། རིས་སུ་མ་ཆད་པའི་ྋརྒྱལ་བའི་བསྟན་པ་ལ་དག་སྣང་དང༌། ཉམས་ལེན་བྱེད་པའི་ཧ་ཅང་གི་མིག་

དཔེ་བཟང་པོ་དང༌། ཕྱག་སྲོལ་བཟང་པོ་ཞིག་ལ་ཤེས་ནས་དད་པ་ཐོབ་པའི་ཐོག་ནས་ངོས་ནས་རིས་སུ་མ་ཆད་ པའི་རྒྱལ་བའི་བསྟན་པ་ལ་ཐོས་བསམ་སྒོམ་གསུམ་བྱེད་ཀྱི་ཡོད། འདིར་འགལ་རྐྱེན་གྱི་གནས་ཚུལ་ཆགས་ཡོང་ 38

༸གོང་ས་མཆོག་གི་བཀའ་སློབ།

དུས་འདི་ཡག་པོ་གང་ཡང་མི་འདུག དེར་བརྟེན་རྒྱལ་ཆེན་སྐོར་ཡོངས་གྲགས་ཀྱིས་དམ་བསྒྲགས་བྱེད་པའི་འགོ་ བཙུགས་པ་ཡིན། དེ་སྐོར་གོང་དུ་བཤད་མ་ཐག་པ་བཞིན་རྒྱུ་མཚན་མང་པོ་ཞིག་གི་ཐོག་ནས་དེ་དུས་ངོས་ཀྱི་

དམིགས་ཡུལ་བཟུང་སྟངས་ཧ་ཅང་གསལ་པོ་ཡིན། དོལ་རྒྱལ་འདི་སྤྲུལ་སྐུ་གྲགས་པ་རྒྱལ་མཚན་རྐྱེན་ངན་ཞིག་ གི་ཐོག་ནས་བཀྲོངས་པ་ཡིན་ནའང་འདྲ། གང་ལྟར་ག་རེ་ཡིན་རུང་མིན་རུང་དོལ་རྒྱལ་འདི་བྱུང་བ་ཡིན་པ་རེད། མི་ཐོག་ཀྱང་མང་པོ་ཞིག་ཕྱིན་ཡོད།

སྐུ་གོང་མའི་སྐབས་ལྷ་ཞིབ་གནང་སྟེ་ལྷ་འདྲེ་ཕེབས་མཁན་མང་པོ་ཞིག་ཕེབས་མ་ཆོག་པ་བཟོས་གནང་

ཡོད། ཡིན་ནའང་སྤྲོ་བདེ་ཁང་གསར་གྱི་ལྷ་ཕེབས་རྒྱུ་དེ་འདི་མུར་བཞག་ཡོད་པ་ལས་ཕེབས་མ་ཆོག་པ་བཟོས་

མེད། ཕེབས་མ་ཆོག་པའི་གྲས་དེ་རིགས་མ་རེད། ཡིན་ནའང་དེ་ལ་ཁོ་རང་གི་གནས་བབ་ཅིག་ཡོད་པ་ཡིན། བོད་ དུ་ལུང་པ་རེར་ཡུལ་ལྷ་རེ་དང༌། གཞི་བདག་རེ་བྱས་ཏེ་མང་པོ་ཡོད་པ་དེ་ཚོ་སྐྱེས་ལྷ་ཡུལ་ལྷར་བསྟེན་ཏེ་གསོལ་

བའི་ལུགས་སྲོལ་ཞིག་ཡོད། དེ་ནི་འགྲིག་པ་ཡིན། དོལ་རྒྱལ་ཡང་སྐྱེས་ལྷ་ཡུལ་ལྷ་ལྟ་བུར་བརྩིས་ཏེ་གསོལ་

མཁན་ཡོད་པ་ཡིན་ན་དེ་ལ་ཁྱད་གང་ཡང་མི་འདུག མི་ལ་ཡིན་ནའང་རང་བཞིན་གྱི་ཐོབ་དང་གོ་ས་ལ་གཞིགས་ པའི་གནས་སྟངས་ཐོག་སྡོད་དགོས་པ་ཇི་བཞིན། ལྷའི་སྤྱི་ཚོགས་ཀྱི་ནང་དུའང་དེ་དེ་བཞིན་བྱས་ཏེ་མིང་གནས་ཀྱི་ ཐོབ་ཐང་ཡོད་པ་དེ་རང་ཐོག་བཞག་ན་སྙོམས་པོ་ཡོད། སྐུ་གོང་མས་སྲིད་བྱུས་འདིའི་ཐོག་ཕྱིན་ཡོད་པ་རེད། གང་ མཚམས་ནས་འབྲས་སྤུངས་དང༌། གདན་སའི་ནང་ཕྲན་བུ་མངོན་གསལ་དོད་པོའམ། ཤུགས་ཆེན་པོ་ཆགས་ཡོང་

དུས་དམ་བསྒྲགས་གནང་ཡོད། རྩ་བ་ནས་ཕེབས་མ་ཆོག་པ་བཟོས་གནང་ཡོད་པ་མ་རེད། གནས་ཚུལ་དེ་ལྟར་ ཡིན།

ང་རང་ཡང་གནས་ཚུལ་དེ་ལྟར་ཡིན། རི་བོང་ཅལ་འདྲོགས་ཀྱི་གནས་ཚུལ་འདི་བཀག་འགོག་བྱེད་པའི་

ཆེད་དུ་འབད་རྩོལ་བྱས་པ་ཡིན། རྩ་བ་མི་སྒེར་སུ་དང་སུ་ཡིན་ནའང་མདོར་ན། ཆོས་བྱེད་དང་མི་བྱེད་སོ་སོའི་

རང་དབང་རེད། ལྷ་ག་རེ་བསྟེན་དང་མི་བསྟེན་ཡང་སོ་སོའི་རང་དབང་རེད་ཅེས་སྐབས་དེར་ངས་བརྗོད་ཡོད། སྤྱི་

པའི་མིང་ཐོག་ནས་མི་བཞི་གྲྭ་ཡན་ཆད་ཀྱིས་བསྐང་གསོ་བཏང་ན་འགྲིགས་ཀྱི་མི་འདུག་ཅེས་བརྗོད་ཡོད། དེ་རྗེས་ མང་པོ་ཞིག་གིས་ངོས་ནས་བརྗོད་པར་རྒྱུ་མཚན་མཐོང་ནས་མཚམས་འཇོག་བྱེད་མཁན་མང་པོ་བྱུང་ཡོད། ཡིན་

ནའང་བར་སྐབས་ནས་རིགས་ཁ་ཤས་ཀྱིས་མ་གོ་མ་ཐོས་པའི་ཚུལ་བྱེད་པ་དང༌། ཁ་ཤས་ནི་མ་ཤེས་པ་ཡིན་ནམ།

རིགས་གཅིག་གིས་རྫུས་རྫུས་བྱས་ཏེ་ཨའོ་ཙི་མིན་ནམ་ཟེར་བ་དེ་མཐར་གཏུགས་ནས་བཤད་ན་ང་ཚོ་བཙན་ 39

༸གོང་ས་མཆོག་གི་བཀའ་སློབ།

བྱོལ་བ་ཆགས་ནས་བསྡད་ཡོད་དུས། ྋརྒྱལ་བ་རིན་པོ་ཆེར་བྱེད་ཚད་གང་ཡོད་སྙམ་པའི་ཐོག་ནས་གང་ལྟར་རི་ བོང་རྡོ་བརྫུས་བྱེད་མཁན་ཡོང་གི་ཡོད། ཡིན་ནའང་དེ་དག་གནད་འགག་མི་འདུག ཕལ་ཆེར་ལོ་བཅུ་གྲངས་ཙམ་ ཕྱིན་མེད་དམ་འབྲས་སྤུངས་ལ་ལམ་རིམ་ཆེན་མོ་འཆད་པའི་སྐབས་ངོས་ནས་དམ་བསྒྲགས་བྱེད་དགོས་པའི་སྐོར་ ཐེངས་གཅིག་བཤད་མྱོང༌། སྐབས་དེར་ཆོས་ཞུར་སེ་འབྲས་དགའ་གསུམ་དང་རྒྱུད་པ་བཅས་པའི་མཁན་པོ་ལས་ ཐོག་བཅུ་གྲངས་ཤིག་ཡོད། ཁོང་ཚོ་ཚང་མས་ངོས་ཀྱི་མདུན་ལ་ཕེབས་ནས་བཤུམས་ཏེ་ཤུགས་ཆེའི་ཁས་ལེན་

གནང་བྱུང༌། གང་ལྟར་ངས་འབོད་བསྐུལ་བྱས་པར་ཐུགས་ཁུར་ཆེན་པོ་བསྐྱེད་བྱུང་ཡང༌། དོན་ངོ་མའི་ལག་ལེན་ གྱི་ཐོག་བལྟ་དུས་དེ་ཙམ་གྱི་ནུས་པ་ཐོན་པའི་གནས་ཚུལ་ཞིག་བྱུང་མེད།

དེ་ནས་རྐྱེན་རྩ་གཅིག་ནི་ངོས་རང་ཧོན་སུར་དུ་དཔལ་ལྡན་སྨད་རྒྱུད་གྲྭ་ཚང་ལ་འགྲེལ་པ་བཞི་སྦྲགས་

ཀྱི་གསུང་ཆོས་ཕུལ་བའི་སྐབས་ལ། གཞིས་སྒར་ནང་གི་མི་སྐྱོ་པོ་དེ་འདྲ་གནོད་པས་ན་གི་འདུག་པས་ཕུ་རྒྱག་ རོགས་ཟེར་མཁན་དེ་འདྲ་ཡང་ཡང་ཐུག་བྱུང༌། མི་སྐྱོ་པོ་གང་འཚམས་ཤིག་གིས་ལྷས་གནོད་ཀྱི་འདུག རྒྱལ་ཆེན་ གྱིས་གནོད་ཀྱི་འདུག་ཅེས་དེ་འདྲ་བརྗོད་ཀྱི་འདུག ངོས་རང་ཧ་ཅང་སེམས་སྐྱོ་པོ་བྱུང༌། བསྟན་པ་སྤྱི་ལ་ཐུག་པ་དེ་

འདྲ་མ་རེད། གཉོམ་ཆུང་དེ་དག་ལ་ཐུབ་ཚོད་བཤད་ནས་ཆོ་གང་ཡོང༌། ལྷ་དངོས་གནས་ཡེ་ཤེས་པ་གཞན་ཕན་ གྱི་བསམ་བློ་ཡོད་པ་ཞིག་ཡིན་ན་མི་གཉོམ་ཆུང་དེ་ཚོའི་རིགས་ལ་ཐུབ་ཚོད་གཏོང་དོན་མེད། མིའི་སྤྱི་ཚོགས་ ཀྱི་ནང་ལའང་མིས་མི་ལ་ཐུབ་ཚོད་བཏང་ན་སྡུག་ཆགས་ཡིན་ལ། ལྷའི་ནང་ནས་ཀྱང་ཐུབ་ཚོད་གཏོང་མཁན་བྱུང་

ན་ཡག་པོ་མ་རེད་བསམས་ཏེ། འདི་ངོས་ཀྱི་སྣང་བར་ཕྱིན་མ་སོང༌། འགྲེལ་པ་བཞི་སྦྲགས་ཀྱི་འཆད་ཉན་ཆོས་ ཐུན་གཅིག་གི་ཐོག་ལ་སྔར་རྒྱུད་པའི་དགེ་བསྐོས་དང༌། བླ་མ་ལས་སྣེ་ཚོས་གྲྭ་དམངས་ལ་ཚོགས་གཏམ་བསླབ་

བྱ་བསྐྱོན་སྐབས་ཆོས་སྲུང་ཚོ་ལའང་བཀའ་བཀྱོན་གཏོང་བའི་ལུགས་སྲོལ་ཞིག་ཡོད་པ་བཞིན། ངོས་ནས་ཀྱང་ དེ་ལྟར་བྱས་ཏེ་འགྲེལ་པ་བཞི་སྦྲགས་འཆད་པའི་ཁྲི་སྟེང་ནས་ལྷ་འདྲེ་དེ་ཚོའི་གྲས་ལ་ཕན་པ་བསྒྲུབ་དགོས་པ་

དང༌། གླགས་འཁེལ་བའི་ནུས་པ་འདོན་རྒྱུ་ཡོད་ན་རྒྱ་མིའི་སྒང་ལ་འདོན་དགོས། དེ་ལྟར་བཏོན་ན་རྗེས་སུ་ཡི་ རངས་ཡོད། དེ་མིན་ང་རང་ཚོ་ནང་ཁུལ་མི་གཉོམ་ཆུང་ཐོག་ཐུབ་ཚོད་བཏང་ན་ཡག་པོ་རྩ་བ་ནས་མ་རེད་ལ། དེ་

ནི་བསྟན་སྲུང་མ་རེད་ཅེས་ངོས་ནས་འགྲེལ་པ་བཞི་སྦྲགས་འཆད་སའི་ཁྲི་སྟེང་ནས་རྡོ་རྗེ་འཆང་གི་ང་རྒྱལ་བཟུང་

ནས་བཤད་པ་ཡིན། ཉན་མཁན་ཡོད་མེད་ནི་མི་ཤེས། ངོས་རང་དེར་མ་བདེ་བ་ཞིག་གིས་སྐྱིད་པོ་མ་བྱུང༌། དེ་ནས་ བར་སྐབས་རྒྱལ་ཆེན་སྐོར་དེ་ཕྱི་རྒྱལ་གྱི་མིའི་ནང་དུའང་གང་འཚམ་ཞིག་སྤེལ་གྱི་ཡོད་པའི་བཟོ་འདུག ཕྱི་རྒྱལ་ 40

༸གོང་ས་མཆོག་གི་བཀའ་སློབ།

གྱི་མིའི་གྲས་ནས་དེ་དག་བསྟེན། རྗེས་སུ་ཞེད་སྣང་གིས་འདྲ་མི་འདྲ་བྱེད་མཁན་དེ་འདྲ་ཕྲན་བུ་ཡོང་གི་འདུག

ཉེ་བའི་ཆར་འཇམ་མགོན་བླ་མ་ཙོང་ཁ་པ་ཆེན་པོའི་སྣང་བརྙན་དང༌། དེའི་གཞོགས་ཕར་ཕྱོགས་ལ་རྒྱལ་

ཆེན་གྱི་སྐུ་ཡོད་པའི་པར་དེ་འདྲ་ཞིག་ཐོན་འདུག དེ་ནི་རྫབ་ཆེན་རེད། འཇམ་མགོན་བླ་མ་ཙོང་ཁ་པ་ཆེན་པོ་འདི་

འདྲའི་སྐྱེས་བུ་ཆེན་པོ་འདིའི་སྐུ་པར་གྱི་རྒྱབ་ལ་རྒྱལ་ཆེན་སྦྱར་ནས་ཡོང་ན། དེ་ནི་ཧ་ཅང་ཚད་ལས་བརྒལ་བའི་

གནས་ཚུལ་རེད། གཞན་དག་ཕར་བཞག་ནས་འཇམ་མགོན་བླ་མ་ཙོང་ཁ་པ་ཆེན་པོའི་སྐུ་པར་གྱི་རྒྱབ་ལ་དམ་ ཅན་ཆོས་རྒྱལ་སྦྱར་བ་ཡིན་ནའང་ང་ནི་བདེ་པོ་ཡོང་བ་མི་འདུག ཡི་དམ་གྱི་ལྷ་དེ་འདྲ་བཞག་ན་གནས་ཚུལ་ཐ་ དད་རེད། དེ་དག་རྫུས་རྫུས་ཚ་རུ་ཚ་རུ་འགྲོ་གི་འདུག དེ་བཞིན་སེར་སྨད་སྤོམ་པོ་ར་བའི་ཁོངས་མིན་ནམ་སྤང་ ལུང་རྒྱལ་ཆེན་ཕེབས་མཁན་དེ་བར་སྐབས་ཐའེ་ཝན་ལ་ལོ་བསྟུད་ནས་འགྲོ་གི་ཡོད་པ་དང༌། ཐའེ་ཝན་ཐོག་ང་ཚོ་

བོད་གཞུང་གི་སྲིད་བྱུས་གང་འདྲ་ཞིག་ཡོད་པ་དང༌། བོད་གཞུང་གིས་བྱེད་སྟངས་གང་འདྲ་ཞིག་བྱེད་ཀྱི་ཡོད་ཅེ་ ན། དོན་དག་གི་ཐོག་ལ་ང་ཚོའི་མི་འགྲོ་གི་ཡོད་པ་མ་གཏོགས། བྱབ་སྐྱེལ་བར་ང་ཚོའི་མི་འགྲོ་གི་མེད། དེ་མིན་ལ་ དམ་བསྒྲགས་བྱེད་ཀྱི་ཡོད། འདི་འདྲ་ཞིག་བྱེད་པའི་སྐབས་ལ་དོལ་རྒྱལ་གྱི་སྐུ་རྟེན་དང་མཉམ་དུ་རོགས་པ་གཅིག་

གཉིས་ཕྱིན་ནས་དངུལ་མང་པོ་བཟོ་གི་ཡོད་འདུག ཧམ་པ་ཚ་རུ་ཚ་རུ་ཕྱིན་པའི་སྐབས་ལ། ངོས་ཀྱིས་སྔོན་མ་ ནས་གསལ་པོ་བྱས་ཏེ་བརྗོད་ཡོད་དུས། ྋརྒྱལ་བ་རིན་པོ་ཆེའི་ལྟ་བ་དང་སྤྱོད་པ་འདི་འདྲ་རེད། སོ་སོའི་གནས་

ཚུལ་དེ་དང་ཐ་དད་ཡིན་ཞེས། དཔེར་ན། དབྱིན་ལན་ལ་ཡོད་པའི་དགེ་བཤེས་སྐལ་བཟང་དངོས་གནས་ཆོས་པ་

རེད། ཡག་པོ་ཡོད་པ་རེད། ཁོ་རང་ལ་ཆ་བཞག་ན་ཁོ་རང་གི་ཆོས་ཚོགས་ལ་ྋརྒྱལ་བ་རིན་པོ་ཆེའི་པར་འཇོག་ མི་ཆོག་པ་དེ་འདྲའི་དམ་བསྒྲགས་བྱེད་ཀྱི་འདུག ང་ནི་དེ་ལ་རྗེས་སུ་ཡི་རངས་ཡོད། ཡག་པོ་རེད་སྙམ་པ་དྲན་གྱི་ འདུག སོ་སོར་ལྟ་བ་གཅིག་ཡོད་པ་དང༌། སོ་སོའི་ལྟ་བ་འདིའི་ཐོག་ནས་ྋརྒྱལ་བ་རིན་པོ་ཆེའི་ལྟ་བ་དང་འགལ་

བ་ཡོད་པའི་སོ་སོའི་འགལ་ཟླའི་ལྟ་བ་དེ་ཁྱེར། ལྟ་བ་དེ་གཞིར་བཟུང་ནས་ང་ྋརྒྱལ་བ་རིན་པོ་ཆེ་དང་འབྲེལ་བ་ བྱེད་ཀྱི་མིན་ཞེས་བཞག་ན་དེ་ནི་ཕྱི་གསལ་ནང་གསལ་རེད། དགོས་ས་ཞིག་ལ་ྋརྒྱལ་བ་རིན་པོ་ཆེའི་མིང་འདི་

ཡང་འཁྱེར་དགོས་མཁན་དང༌། ངོ་ཐོག་ལག་ལེན་སྐབས་ྋརྒྱལ་བ་རིན་པོ་ཆེས་ལམ་སྟོན་བྱས་པ་དེར་མི་བརྩི་ མཁན་དེ་ལ་མགོ་གཉིས་མ་ཟེར་བ་རེད། ཡག་པོ་མི་འདུག དེ་འདྲའི་གནས་ཚུལ་གྱིས་ད་ལྟ་རྒྱལ་ཆེན་གྱི་སྐུ་རྟེན་

ཐའེ་ཝན་ལ་ཕྱིན་ནས་དངུལ་གང་འཚམས་ཡོང་དུས། ངན་བྱས་ངོ་ལ་འཁྱེར་ནས་གང་འདྲ་བྱེད་ཀྱི་འདུག་གམ། དེ་ དག་ནི་མི་དགོས་པ་ཞིག་དང༌། བྱབ་ཆུབ་དང་གླེན་པའི་བྱེད་སྟངས་རེད། ཡིན་ནའང་དེ་འདྲ་ཡོང་གི་ཡོད། 41

༸གོང་ས་མཆོག་གི་བཀའ་སློབ།

དེ་ནས་ན་ནིང་འདིར་བསྟན་སྲིད་ཀྱི་ཞབས་རིམ་སྒྲུབ་པའི་སྐབས་ལ་དོལ་རྒྱལ་ཟློག་པ་བྱེད་སའི་ཡུལ་

ལ་བཞག་དགོས་པའི་གནས་ཚུལ་བྱུང་ཡོད། ཟློག་པ་བྱེད་སའི་ཡུལ་ལ་བཞག་པ་ཞིག་བསྟེན་མཁན་གྱི་མི་ཚོར་ ངོས་ནས་དབང་བསྐུར་བྱ་རྒྱུ་བདེ་པོ་མི་འདུག དེར་བརྟེན་ཁ་སང་རྟ་མགྲིན་གྱི་དབང་བསྐུར་བྱེད་སྐབས་གསལ་

པོ་བྱས་ཏེ་བཤད་ཡོད། དབང་བསྐུར་དུས་བླ་མ་དང་སློབ་མ་དམ་ཚིག་གཙང་མ་ཞིག་དགོས་པ་ཡིན། ལྷ་དམ་ ཚིག་མ་གཙང་བ་བསྟེན་མཁན་གྱི་སློབ་མ་ཞིག་ཡིན་ན། དེའི་ངོས་ནས་དམ་ཚིག་མི་གཙང་བ་ཆགས་ཀྱི་ཡོད།

དེར་བརྟེན་དེ་དག་དབང་བཀའི་བཀའ་ཆོས་ཞུ་བར་ཡོང་ན་འགྲིགས་ཀྱི་མི་འདུག་ཅེས་ཁ་སྔོན་བརྗོད་དགོས་པ་ ཆགས་ཏེ། དེ་ལྟར་བརྗོད་པ་ཡིན། དེ་ནི་ང་ལ་རྒྱུ་མཚན་ཡོད།

དེ་འདྲའི་གནས་ཚུལ་གྱི་འོག་ནས་ཐོག་མར་ངོས་ནས་གནས་སྟངས་འདི་འདྲ་ཞིག་ལ་བཞག་པ་ཡིན་ཡང༌།

བར་སྐབས་ནས་ཚོད་རྩིས་བྱས་ཏེ་གནས་ཚུལ་ཡོང་བའི་སྐབས་ལ། ཁ་སང་ངས་ཁ་ཁར་བསྡད་ན་སྐད་ཆ་ཉུང་ལ།

རྣ་ཅོག་འཇམ་པ་ཡག་པོ་འདུག་ཀྱང༌། ཡིན་ནའང་ཆོས་དང༌། ཆབ་སྲིད་གཉིས་ཀའི་ཐོག་གང་ལྟར་གནད་འགག་

ཅིག་ཆགས་ཀྱི་ཡོད་དུས། འདིའི་སྐོར་ལ་ཤོད་པའི་བབ་འོས་ངོས་ལ་ཡོད་པ་ལས་གཞན་སུ་གཅིག་གིས་ཤོད་ ཐུབ་མཁན་མེད། ཧ་ཅང་ཁག་པོ་ཡིན། དེའི་བབ་འོས་ངོས་ཀྱི་སྒང་ལ་སླེབས་ཡོད། ྋརྒྱལ་བ་རིན་པོ་ཆེ་ཆོས་ སྲིད་གཉིས་ཀྱི་འགོ་ཁྲིད་རེད་བརྗོད་ཀྱི་ཡོད་པ་རེད་ལ། ཆོས་སྲིད་གཉིས་ཀྱི་འགོ་ཁྲིད་ཡིན་ནམ་མིན་གང་ལྟར་ལྷ་

ཡི་འཇིག་རྟེན་གྱི་ཡུལ་ལའང་མགོ་ཏོག་ཙམ་བརྒྱུས། མི་ཡི་འཇིག་རྟེན་གྱི་ཡུལ་ལའང་མགོ་ཏོག་ཙམ་བརྒྱུས་ཏེ་ སྡོད་མཁན་འདི་ང་ཆགས་ཡོད། དེར་བརྟེན་ལྷ་ཡི་འཇིག་རྟེན་ནང་ཕན་གནོད་གང་འདྲ་ཡོང་གི་ཡོད་མེད་ངོས་ནས་

ཕྲན་བུ་ཤེས་པ་འདི་མཐོང་བ་མངོན་གྱུར་མ་ཡིན་ཀྱང་ཉམས་མྱོང་དང༌། གནས་ཚུལ་མང་པོ་ཞིག་རྩད་བཅད་ནས་

ཡོང་དུས་ཕྲན་བུ་ཚོད་དཔག་དང༌། རིགས་པས་རྗེས་དཔག་བྱེད་ཐུབ་ཀྱི་འདུག དེ་འདྲ་ཡིན་དུས་ངོས་ནས་མཐོང་ གིན་མཐོང་གིན་ལ་བློས་བཏང་ནས་བསྡད་པ་ཡིན་ན་དེ་ནི་ང་རང་གིས་ལན་པ་རེད་སྙམ་པ་དྲན་གྱི་འདུག ངས་

བརྗོད་ནས་མ་ཉན་ན་ངོས་ལ་ཁག་གང་ཡང་མེད། ངོས་ནས་ཆོས་དང་ཆབ་སྲིད་གཉིས་ཀའི་ཐོག་དགེ་དང་སྐྱོན་ ག་རེ་ཡོད་པ་དེ་ངོས་ནས་གསལ་པོ་བྱས་ཏེ་བཤད། བཤད་ནས་ཉན་དང་མི་ཉན་འདི་ཁ་ཆེ་ཕ་ལུའི་རྣམ་ཐར་ནང༌། ཁ་ཆེ་ཕ་ལུས་སྙིང་གཏམ་བཤད་ཡོད་དོ། ། ཉན་དང་མི་ཉན་སོ་སོའི་ལག་པ་རེད། །

ཅེས་བཤད་ཡོད་པ་ནང་བཞིན་ཉན་དང་མི་ཉན་སོ་སོའི་ལག་པ་རེད་མ་གཏོགས་ངས་དབང་ཤེད་དང༌། 42

༸གོང་ས་མཆོག་གི་བཀའ་སློབ།

བཙན་བཀའ་གཏོང་རྒྱུ་གང་ཡང་མེད། དེར་བརྟེན་ཁ་སྔོན་ངོས་ནས་ནན་པོ་བྱས་ཏེ་བརྗོད་པའི་གནས་ཚུལ་དེ་ ལྟར་ཡིན།

བར་སྐབས་བཀའ་ཤག་དང༌། འབྲེལ་ཡོད་ཚོས་དེར་དོ་གལ་ཆེན་པོ་བྱས་ཏེ་ཆེད་མངགས་ལས་འགུལ་

སྤེལ་བ་དང༌། མི་མང་ཚོའི་ནང་ནས་ཀྱང་བསྟེན་གསོལ་བྱེད་མཁན་སོ་སོ་སྒེར་གྱི་རྣམ་ཀུན་གོམས་གཤིས་ཀྱི་

ཐོག་ནས་དཀའ་ངལ་ཡོད་ཀྱང༌། ྋརྒྱལ་བ་རིན་པོ་ཆེས་བརྗོད་པ་དང༌། དོན་དག་ཆེ་ས་ལ་ཡིད་ཆེས་དང༌། དོ་ སྣང་བྱས་ནས་ཕྱིན་ཆད་སྤང་བླང་བྱེད་ཀྱི་ཡིན་ཞེས་བརྗོད་མཁན་ཚོགས་པ་སྐྱིད་སྡུག་ཁག་དང༌། མི་མང་མང་

ཚོགས། བླ་མ་དགེ་བཤེས་བཅས་དེ་དག་རྣམས་ལ་ངོས་རང་ཧ་ཅང་དགའ་པོ་བྱུང༌། ཐུགས་རྗེ་ཆེ་བརྗོད་ཀྱི་

ཡིན། སྒེར་སོ་སོ་དངོས་གནས་བྱེད་ཁག་པོ་ཏན་ཏན་ཡོད་ཀྱང་ཆེ་ས་ལ་བསམ་བློ་བཏང་སྟེ་དེ་ལྟར་བྱས་པར་ ངོས་ནས་ཐུགས་རྗེ་ཆེ་བརྗོད་ཀྱི་ཡིན། ཁ་ཤས་ནི་ཁག་ཀྱང་མི་འདུག ཞེད་ཀྱི་ཡོད་འདུག སྐྱབས་འཇུག་གནང་

རོགས་ཞེས་བརྗོད་ཀྱི་འདུག་ཀྱང་ངས་སྐྱབས་འཇུག་དང་སྲུང་སྐྱོབ་བྱེད་ཐུབ་མིན་མི་ཤེས། ཡིན་ནའང་འུད་ ཤོབ་བཤད་ནས་ཁ་མཆུ་ངོས་ནས་བརྒྱབ་ཆོག་ཅེས་བཤད་ཡོད་ལ། གནོད་ཀྱི་མ་རེད་སྙམ་པ་དྲན་གྱི་འདུག

རྒྱུ་མཚན་ག་རེ་ཡིན་ཞེ་ན། ཆོས་སྐྱོང་ཞིག་གིས་མི་གནོད་པའི་ཆེད་ཆོས་སྐྱོང་གཞན་ཞིག་གིས་སྲུང་སྐྱོང་ནི་ ཕུན་སུམ་ཚོགས་པའི་ཡན་ལག་ཡིན་ཀྱང༌། གཙོ་བོ་ནི་ང་རང་ཚོའི་ལམ་རིམ་ཆེན་མོའི་ནང་སྐྱབས་འགྲོ་རྣམ་

དག་ཡོད་ན་ནི་མི་དང་མི་མ་ཡིན་གྱི་གནོད་པས་མི་ཚུགས་ཞེས་པའི་བསླབ་བྱ་ཞིག་ཡོད་པ་འདི་ང་རང་ཚོའི་ཁ་

ནས་མ་ཎི་བགྲང་བ་ནང་བཞིན་བགྲང་གི་ཡོད། དེ་ནི་བདེན་པ་ཡིན་པ་ལས་རྫུན་མིན། ངོས་རང་ལ་ཆ་བཞག་ན་ གཞན་གྱི་རྟོགས་པའི་ཡོན་ཏན་གང་ཡང་མེད། སྟོན་པ་བཅོམ་ལྡན་འདས་མཉམ་མེད་ཤཱཀྱ་སེང་གེ་འདི་དངོས་ གནས་ཀྱི་སྐྱབས་གཅིག་ཡིན་པ་དྲན་དུས་ལུས་ཀྱི་བ་སྤུ་གཡོ་བ་དང༌། མིག་ནས་མཆི་མ་འཁྲུགས་པ་ཡང་ཡང་ ཡོང་བས་ངོས་རང་ལ་སྐྱབས་འགྲོ་རྣམ་དག་ཅིག་ཡོད་སྙམ་པ་དྲན་གྱི་འདུག

སྐྱབས་འགྲོ་འདི་ཡང་བཅོམ་ལྡན་འདས་ཀྱི་གསུང་ལ་བརྟག་དཔྱད་བྱས། རྒྱ་ཆེ་བའི་ལམ་དང་ཟབ་མོའི་

ལམ་ལ་བརྟག་དཔྱད་བྱས། ཉམས་མྱོང་ཕྲན་བུ་བསགས། དེ་འདྲའི་ཐོག་ནས་སྟོན་པ་འདི་ངོ་མཚར་ཅན་ཞིག་འདུག དངོས་གནས་འདི་ནི་བསླུ་བ་མེད་པའི་སྐྱབས་སམ། མགོན་དང་དཔུང་གཉེན་བློ་གཏད་ཐུབ་པའི་སྐྱབས་ཤིག་ཡིན་ སྙམ་པ་སྙིང་ཁོང་རུས་པའི་གཏིང་ལ་ཡོད། འདི་འདྲ་ཡོད་དུས་མི་དང་མི་མིན་གྱི་གནོད་པས་མི་ཚུགས་པ་ཞིག་

ཡོང་གི་རེད་སྙམ་པ་དྲན་གྱི་འདུག གཞན་དག་སྲུང་འཁོར་སྒོམས། དྲག་གཏོར་འཕེན་བྱེད་དགོས་པ་མེད། སྐྱབས་ 43

༸གོང་ས་མཆོག་གི་བཀའ་སློབ།

འགྲོ་རྣམ་དག་ཅིག་ཡོད་ན་མི་དང་མི་མ་ཡིན་གྱི་གནོད་པས་མི་ཚུགས་པ་ཞེས་པ་འདི་སྒྲ་ཇི་བཞིན་པ་རེད། དེར་ བརྟེན་རྒྱལ་ཆེན་མཚམས་འཇོག་བྱེད་མཁན་ཚོས་ཞེད་སྣང་དངོས་གནས་བྱེད་མི་དགོས། སངས་རྒྱས་ལ་སྐྱབས་

སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ།། ཞེས་པ་འདིའི་རྒྱུ་མཚན་ལ་བསམ་ པ་རྣམ་དག་གིས་བསམ་བློ་བཏང་ནས་སྐྱབས་འགྲོ་རྣམ་དག་ཅིག་ཡོད་ན་གང་ཡང་བྱེད་ཐུབ་ཀྱི་མ་རེད། དེ་ལྟར་ ངོས་ནས་འདི་དག་གླེང་དགོས་པའི་རྒྱུ་མཚན་དེ་འདྲ་ཞིག་གི་ཐོག་ནས་བྱུང་སྟེ་བར་སྐབས་དམ་བསྒྲགས་བྱས་པ་ དང༌། དམ་བསྒྲགས་བྱས་པའི་སྐབས་ལ་མང་པོ་ཞིག་གིས་ཕྱིན་ཆད་ཚུལ་མཐུན་བྱ་རྒྱུའི་བླང་དོར་མ་ནོར་བ་བྱེད་ ཀྱི་ཡིན་ཞེས་ཁས་ལེན་བྱེད་མཁན་བྱུང་བར་ཧ་ཅང་དགའ་པོ་བྱུང་ལ་རྗེས་སུ་ཡི་རངས་ཡོད།

བར་སྐབས་དེ་འདྲའི་སྐད་ཆ་མང་པོ་ཞིག་ལྷགས་ནས་དོ་སྣང་བྱེད་ཀྱི་ཡོད་དུས། འདིའི་གནད་འགག་

རྣམས་ངོས་ནས་གསལ་བཤད་ཅིག་བྱས་ན་ཁྱེད་རང་ཚོས་ཀྱང་གནད་འགག་དེ་རྣམས་རྟོགས་ཏེ་བསམ་བློ་

གཏོང་རྒྱུར་ཕན་ཐོགས་མི་ཡོང་ངམ་སྙམ་པ་དྲན་བྱུང༌། དེ་ཡང་ལྷ་སྲུང་བསྟེན་ཕྱོགས་འདི་ཆོས་དང་འབྲེལ་བ་

གང་འདྲ་བྱས་ཏེ་ཡོང་གི་ཡོད་དམ་ཞེ་ན། ང་རང་ཚོ་ནང་པ་སངས་རྒྱས་པའི་ཆོས་འདི་བདེན་པ་གཉིས་དང༌། བདེན་པ་བཞི་ལ་བརྟེན་ནས་ནང་པའི་ཆོས་ཀྱི་རྣམ་གཞག་ཐོན་ཡོང་གི་ཡོད། ལས་རྒྱུ་འབྲས་ཞེས་རྒྱུ་དང་འབྲས་ བུའི་རྣམ་གཞག་ལས་བདེ་སྡུག་ཡོང་བ་ཞིག་གསུང་གི་ཡོད་པ་ལས། འཇིག་རྟེན་བཀོད་པ་པོ་ཞིག་གིས་འཇིག་

རྟེན་བཀོད་དེ་བདེ་སྡུག་བྱུང་བ་ཞིག་རྩ་བ་ནས་མིན། འདི་ང་ཚོའི་ནང་ཆོས་ཀྱི་ལྟ་བའི་གཙོ་བོ་ཡིན། གཞུང་ནས་ འཇིག་རྟེན་པའི་ཡང་དག་པའི་ལྟ་བ་གསུངས་པ་འདི་ལས་འབྲས་ལ་ཡིད་ཆེས་བྱེད་པ་ལ་གསུང་གི་ཡོད། རྒྱུ་

དང་འབྲས་བུའི་རང་བཞིན་གྱི་ཁྲིམས་འདི་ཐོག་ནས་དགེ་སྡིག་སྤང་བླང་མ་འཆོལ་བ་བྱེད་པའི་ནང་པའི་ཆོས་ཀྱི་

ལྟ་བ་འདི་ཡོང་གི་ཡོད། དེང་སང་སྤྱིར་ལྷ་སྲུང་དང༌། ཡང་སྒོས་དྲེགས་པ་དེ་འདྲ་དང༌། དེའི་ནང་ཚན་ནས་གླེང་ གཞི་ཅན་གྱི་དྲེགས་པ་དེ་འདྲ་བསྟེན། བསྟེན་སྟངས་ཀྱང་ཧ་ལམ་གློ་སྙིང་བྲང་གསུམ་གཏད་ནས་བསྟེན་མཁན་

འདུག ང་རང་ཚོའི་ནང་འཇིག་རྟེན་པའི་དྲེགས་པ་ཧ་ཅང་ཤུགས་ཆེན་པོ་བསྟེན་མཁན་དེ་ཚོའི་གྲས་ཀྱི་སེམས་

ཀྱི་ གཏི ང་ནས་སྟོ ན ་པ་བཅོ མ་ལྡན་འདས་ལ་དད་གུས་ཆེ ་ བ་འདུག་གམ། ཡང་ན་ཡུལ་ལྷ་གཞི ་ བདག་ཨམ་ གཙིགས་བསྡམས་ནས་སྡོད་མཁན་དེ་འདྲར་དད་པ་ཆེ་བ་འདུག་གམ་ཞེ་ན། ཧ་ལམ་འགག་ལ་ཐུག་དུས་སྟོན་

པའི་མཚན་མི་དྲན་པར། སོ་སོའི་ལྷ་ཐེབས་ཆག་དེའི་མིང་ཕལ་ཆེར་དྲན་ཡོང་གི་ཡོད་པ་རེད། དེ་ལ་བསམ་བློ་ ཞིབ་ཚགས་བཏང་ན་ནང་པ་ཡིན་མིན་ཐེ་ཚོམ་རེད།

44

༸གོང་ས་མཆོག་གི་བཀའ་སློབ།

དཔེར་ན། གཞན་དག་ཕར་ཞོག་གནས་ཆུང་ལ་ཆ་བཞག་ནའང་དངོས་གནས་ཚད་ཐུབ་པའི་ལྷ་དང༌། སློབ་

དཔོན་རིན་པོ་ཆེས་དམ་ལ་བཏགས་པའི་ལྷ་རེད། དགེ་འདུན་གྲུབ་དང་དམིགས་བསལ་འབྲེལ་བ་ཆགས་མེད་

པ་ཕུད། ྋརྒྱལ་དབང་དགེ་འདུན་རྒྱ་མཚོ་མན་ཆད་ནས་སྐུ་ཕྲེང་རིམ་བྱོན་དང་ཧ་ཅང་འབྲེལ་བ་ཆེ་བའི་ལྷ་ཡིན། དགེ་འདུན་རྒྱ་མཚོའི་རྣམ་ཐར་གཡང་པ་ཆོས་རྗེས་མཛད་པ་དེའི་ནང་དགེ་འདུན་རྒྱ་མཚོའི་གསུང་ནས་རྒྱལ་པོ་

བེ་ཧར་གནས་ཆུང་དེ་ས་ཐོབ་པའི་ལྷ་རེད་ཅེས་རྒྱུ་མཚན་གསུངས་ཡོད་ཀྱང༌། གནས་ཆུང་ལྟ་བུ་ལའང་གློ་སྙིང་ བྲང་གསུམ་གཏད་ནས་སྐྱབས་གནས་གལ་ཆེ་ཞིག་ཡིན་སྙམ་པ་དྲན་ན་ནོར་བ་ཡིན། རྒྱལ་པོ་སྐུ་ལྔའི་གྲས་དེ་ཚོ་

ཡང་སྐྱབས་གནས་སུ་བརྩིས་ནས་བསྟེན་ཆོག་གི་མེད་དུས་རྩོད་པ་ཅན་དང༌། གླེང་གཞི་ཅན་གྱི་ལྷ་ལ་དེ་བས་དད་ པ་བྱེད་པའི་གཞི་རྩ་བསྡད་མེད། དེ་ལྟར་བྱེད་སྟངས་ལ་བསམ་བློ་བཏང་བ་ཡིན་ན་སྐྱབས་སུ་ངོས་འཛིན་བྱས་པ་ གསལ་པོ་ཡིན། དེ་ནི་ནང་པའི་གྲས་ལ་ཚུད་དང་མ་ཚུད་ཐེ་ཚོམ་ཡིན།

ང་ཚོས་འཇིག་རྟེན་བཀོད་པ་པོ་འདོད་ཀྱི་མེད། བདེ་སྡུག་ཚང་མ་རང་གི་ལས་ཀྱི་དབང་གིས་བྱུང་བ་ཡིན།

རྩ་བ་ལས་བཟང་ངན་གྱི་ཐོག་ནས་བདེ་སྡུག་ཡོང་བ་བཤད་ཀྱི་ཡོད། འོན་ཀྱང་འཇིག་རྟེན་བཀོད་པ་པོ་འདོད་ མཁན་ཚོ་ལས་ཧ་ལམ་ལོད་ཙམ་བྱས་ཏེ་ཕྲན་བུ་དཀའ་ངལ་བྱུང་བ་དང་ལྷས་གནོད་ཀྱི་འདུག ཀླུས་གནོད་ཀྱི་ འདུག རྒྱལ་བཙན་གྱིས་གནོད་འདུག་ཟེར་བ་དང༌། ཕྲན་བུ་གྲ་འགྲིག་པོ་ཞིག་བྱུང་ན་ལྷའི་གྲོགས་འཕྲིན་ལས་ལ་

ངོས་འཛིན་གྱིས་ཚོང་ཡག་པོ་བྱུང༌། ང་ལ་ལམ་འགྲོ་ཡག་པོ་བྱུང༌། ནད་ན་ཚ་དྲག་སོང་བརྗོད་པ་འདི་འཇིག་རྟེན་

བཀོད་པ་པོ་འདོད་མཁན་ཚོ་ལས་སྡུག་པ་ལྟ་བུ་འདུག མ་གཞི་བཀའ་ཆོས་ཀྱི་སྐབས་ངོས་ནས་ཡང་ཡང་བཤད་ ཀྱི་ཡོད། འཇིག་རྟེན་བཀོད་པ་པོ་འདོད་མཁན་གྱིས་བདེ་སྡུག་འཇིག་རྟེན་བཀོད་པ་པོས་བྱས་པ་རེད། སོ་སོའི་བྱ་

བ་ལམ་འགྲོ་དེ་ཡང་དཀོན་མཆོག་གི་ཐུགས་རྗེ་ཞེས་བརྗོད་པ་དང༌། དཀའ་ངལ་དེ་ཚོའི་གྲས་ཀྱང་དཀོན་མཆོག་ གིས་གནང་བ་རེད་ཅེས་དཀོན་མཆོག་ལ་བློ་ལིང་འགེལ་བྱེད་པ་འདི་རྩ་བ་འཇིག་རྟེན་བཀོད་པ་པོ་འདོད་པ་ཡིན་ སྟབས། དེའི་ལྟ་བའི་རྣམ་གཞག་གི་ཐོག་ནས་རྒྱུ་མཚན་བཤད་ཀྱི་ཡོད་ལ། འབྲེལ་ཆགས་པོ་ཡང་ཡོད།

ང་རང་ཚོ་ནང་པ་འཇིག་རྟེན་བཀོད་པ་པོ་མི་འདོད་མཁན་གྱིས་རྐྱེན་གསུམ་བཤད་པ་སྟེ། གཡོ་བ་མེད་

པའི་རྐྱེན་དང༌། མི་རྟག་པའི་རྐྱེན། ནུས་པའི་རྐྱེན་བཅས་རྐྱེན་གསུམ་གྱི་ཐོག་ནས་རྟེན་འབྲེལ་ཡན་ལག་བཅུ་ གཉིས་ཀྱི་རྣམ་གཞག་བཤད་ཀྱི་ཡོད། དེ་འདྲའི་ལྟ་བ་ཞིག་འཛིན་བཞིན་དུ་ཕྲན་བུ་འགྲིགས་མིན་བྱུང་བ་ཚང་མ་

ལྷ་དང༌། ཀླུ་དང༌། རྒྱལ་བཙན་གྱིས་བྱས་པ་རེད་ཅེས་བརྗོད་ན་འདི་ནི་ང་ཚོའི་ལྟ་བ་དང་རྩ་བ་ནས་རྒྱབ་འགལ་དུ་ 45

༸གོང་ས་མཆོག་གི་བཀའ་སློབ།

འགྲོ་གི་ཡོད། རིམ་པས་བོད་མི་མང་པོ་ཞིག་གིས་བྱེད་སྟངས་འདི་འདྲ་བྱས་ན། ཕྱི་ལ་ང་ཚོ་ནང་པའི་རྒྱལ་ཁབ་

ཡིན་ཞེས་བརྗོད་ཀྱི་ཡོད་ཀྱང༌། དངོས་གནས་དོན་ངོ་མའི་ཐོག་ནས་ནང་པ་ཡིན་མིན་ཐེ་ཚོམ་གྱི་ཐོག་ཏུ་སླེབས་ ཡོང་གི་ཡོད། བླ་མའི་རིང་ལུགས་ཟེར་བ་ལྟ་བུའི་མིང་འདྲ་མིན་དེ་འདྲ་ཕྱི་མི་འགས་བཏགས་ཡོད་པས། དངོས་ གནས་སོ་སོའི་རང་ས་ནས་ཞབས་འདྲེན་ཞུས་ན་རྩ་བ་ནས་ཡག་པོ་མིན།

གཉིས་ནས་ཇོ་བོ་བཀའ་གདམས་པའི་རྣམ་ཐར་ལ་བཀའ་གདམས་ལྷ་ཆོས་བདུན་ལྡན་ཞེས་ཆོས་སྐྱེས་

བུ་གསུམ་གྱི་ཆོས་དང༌། ལྷ་བཞི་ཞེས་བསྟན་པའི་བདག་པོ་ཡིན་པས་སྟོན་པ་བཅོམ་ལྡན་འདས་དང༌། འཕྲིན་ ལས་ཀྱི་ལྷ་ཡིན་པས་འཕགས་མ་སྒྲོལ་མ། སྙིང་རྗེའི་ལྷ་མཆོག་ཡིན་པས་འཕགས་མཆོག་སྤྱན་རས་གཟིགས། བར་ཆད་སེལ་བའི་ལྷ་ཡིན་པས་ཁྲོ་བོ་མི་གཡོ་བ་བཅས་ལྷ་བཞི་ལས་སྐད་ཆ་མང་པོ་མེད། དངོས་གནས་ཇོ་བོ་

བཀའ་གདམས་པའི་རྣམ་ཐར་འདི་ཕྱི་གཙང་བ་ནང་གཙང་བ། ཐོག་མཐའ་བར་གསུམ་དུ་དགེ་བ། བརྟག་ཐུབ་པ་ བཅས་ཤིན་ཏུ་རྩ་ཆེ་ཡིན། ཚུལ་འདི་ཉམས་ཆག་འགྲོ་བའི་ཉེན་ཁ་གཟིགས་ནས། ཇོ་བོ་བཀའ་གདམས་པའི་བླ་ མ་ཚོའི་གསུང་སྒྲོས་ལ་མ་འོངས་པར་ངའི་བཀའ་གདམས་གོང་མའི་སྐྱེས་བུ་གསུམ་གྱི་ལམ་རིམ་གྱིས་མ་ཆོག་

པར། དེའི་སྒང་སྔགས་རེ་སྣོན་མ་བརྒྱབ་སྟེ་འཆལ་ཏེ་འགྲོ་ཡོང་ཞེས་དེ་འདྲ་གསུངས་འདུག ད་ཆ་འདི་ལྟར་ཏན་ ཏན་ཆགས་ཡོད། རྗེ་རིན་པོ་ཆེས་ཀྱང་བཀའ་གདམས་རྙིང་མ་ཇོ་བོའི་སྐྱེས་བུ་གསུམ་གྱི་ལམ་རིམ་འདི་རྩ་བ་

ལ་བཞག་པའི་ཐོག་ནས་ཕྱི་གཙང་ནང་གཙང་འདུལ་བའི་བསྟན་པ་གཞིར་བཟུང་བའི་ཕྱག་སྲོལ་ཐོག ཡི་དམ་ གསང་བདེ་འཇིགས་གསུམ་གཙོ་བོར་གྱུར་པའི་དུས་འཁོར་སོགས་བསྣན་ནས་མདོ་སྔགས་ཟུང་འབྲེལ་ཁྱད་

དུ་འཕགས་པ་ཞིག་གི་ཕྱག་སྲོལ་བཏོད་ཅིང༌། དེ་ལྟར་འཇམ་མགོན་བླ་མ་ཙོང་ཁ་པ་ཆེན་པོར་ལྷ་གང་བྱུང་མང་

བྱུང་རྩ་བ་ནས་མེད། དངོས་གནས་སྲེག་གཏུབ་འཕེར་བའི་ཕྱི་གཙང་ནང་གཙང་གི་བཀའ་གདམས་གསར་མ་ ཧ་ཅང་སྤུས་དག་པོ་ཞིག་ཕྱག་སྲོལ་བཏོད་ཡོད། དེ་འདྲ་ཡིན་དུས་ད་ལྟ་རྗེ་རིན་པོ་ཆེའི་ལམ་རིམ་ཆེན་མོའི་ནང་ པོ་ཏོ་བའི་གསུང་གཅིག་ལུང་འདྲེན་གནང་ནས་སངས་རྒྱས་བཅོམ་ལྡན་འདས་ཀྱིས་ང་རང་ཚོར་ནད་ན་ཚ་ལ་

སོགས་པའི་ཁ་ཆག་སྣ་རལ་བྱུང་བ་ཚང་མ་མཁར་ལན་དང་ཕྱོགས་ལན་གཞན་པ་མི་མཛད་པར། ལས་འདི་དང་ འདི་ལྟ་བུ་བསགས་པའི་འབྲས་བུ་འདི་དང་འདི་འདྲ་བ་མྱོང་བ་ཡིན། ཞེས་ལས་འབྲས་ཁོ་ནའི་སྟེང་ནས་འགྲེལ་

བཤད་བསྐྱོན་གྱི་ཡོད་པ་ལས། ཁང་པ་རྒྱག་སྟངས་ཀྱི་རྟེན་འབྲེལ་ཉེས་པ་རེད་ཅེས་པ་དང༌། ཚེས་གྲངས་བཟང་ ངན་གྱིས་རྟེན་འབྲེལ་ཉེས་པ་རེད་གསུངས་མེད། ང་ཚོའི་བྱེད་སྟངས་འདི་དངོས་གནས་བསྟན་པ་སྤྱིའི་འགྲོ་ 46

༸གོང་ས་མཆོག་གི་བཀའ་སློབ།

སྟངས་ཉམས་འཆལ་འགྲོ་བའི་གནས་ཚུལ་ཞིག་ཆགས་ཡོང་གི་ཡོད།

བཀའ་གདམས་རྙིང་མའི་ཕྱག་སྲོལ་གྱི་ཐོག་ནས་བཤད་ཀྱང་ང་ཚོའི་བྱེད་སྟངས་འདིས་ཉམས་འཆལ་འགྲོ་

གི་འདུག་ལ། དགེ་ལུགས་པ་ཞིག་གི་ངོས་ནས་བཤད་ཀྱང་འཇམ་མགོན་བླ་མ་ཙོང་ཁ་པ་ཆེན་པོའི་ཕྱག་བཞེས་

ཉམས་འཆལ་ལ་འགྲོ་གི་ཡོད། རྗེ་རིན་པོ་ཆེ་ཁོང་ཉིད་ཀྱི་འཁྲུངས་ལྷ་རྨ་ཆེན་སྤོམ་ར་རྗེ་རིན་པོ་ཆེའི་རྗེས་སུ་

འབྲངས་ཏེ་ཡོང་བ་རྗེ་རིན་པོ་ཆེས་ཕྱིས་སུ་དགའ་ལྡན་མ་དགོན་ཕྱག་བཏབ་པའི་སྐབས་ལ་རྗེའི་རྗེས་སུ་འབྲངས་ ནས་ཕེབས་པའི་རྨ་ཆེན་སྤོམ་རའི་རྟེན་མཁར་དེ་ཡང་དགའ་ལྡན་དགོན་པའི་ཕྱི་ལོགས་སུ་བཞག་ཡོད་པ་ལས། རྨ་

ཆེན་སྤོམ་ར་ཧ་ཅང་ཡག་པོ་ཅིག་ཡིན་ཞེས་གསུངས་ནས་རྗེ་རིན་པོ་ཆེའི་གཟིམ་ཆུང་ནས་བསྒྲིགས་པའི་སྐད་ཆ་ རྩ་བ་ནས་མེད། དེ་ལྟར་ཡིན་པ་ནི་ལྕང་སྐྱ་རོལ་པའི་རྡོ་རྗེ་ྋརྒྱལ་མཆོག་བདུན་པ་བསྐལ་བཟང་རྒྱ་མཚོའི་སྲས་

ཀྱི་ཐུ་བོ་གང་ལྟར་སྤྱིར་བཏང་བཤད་སྲོལ་ལ་དགེ་ལུགས་པ་གཙང་མ་ཞེས་པ་དགེ་ལུགས་རྐྱང་རྐྱང་མ་གཏོགས། གཞན་དག་ས་སྐྱ་དང༌། བཀའ་བརྒྱུད་རྙིང་མ་དེ་འདྲའི་ཉམས་བཞེས་མི་གནང་བའི་ཕྱག་སྲོལ་ལྟར་གནང་མཁན་

ཞིག་རེད། ྋགོང་ས་ྋལྔ་པ་ཆེན་པོ་ནི་རིས་མེད་གནང་གི་ཡོད། ྋརྒྱལ་མཆོག་བདུན་པ་ཆེན་པོ་དགེ་ལུགས་པ་ རྐྱང་པ་ཆགས་ཡོད། དེའི་སྲས་ཀྱི་ཐུ་བོའི་གྲས་ལྕང་སྐྱ་རོལ་པའི་རྡོ་རྗེ་དགེ་ལུགས་པ་རྐྱང་པ་རེད། ཁོང་གི་རྣམ་

ཐར་བསྒྲིགས་ནས་མཛད་མཁན་ཐུའུ་བཀྭན་ཆོས་ཀྱི་ཉི་མ་ནི་ལྕང་སྐྱ་རོལ་པའི་རྡོ་རྗེའི་སློབ་མ་སྲས་ཀྱི་ཐུ་བོའི་ གྲས་ཡིན་ལ། བསམ་གྱིས་མི་ཁྱབ་པ་ཞིག་ཡོད། ཐུའུ་བཀྭན་ཆོས་ཀྱི་ཉི་མའི་གསུང་འབུམ་ནང་ཡོད་པའི་རྣམ་ཐར་

ལྷ་སའི་པར་མ་ཤོག་གྲངས་ ༢༢༡ མདུན་ཤོག་ཡིག་ཕྲེང་དང་པོའི་ནང༌། སྔོན་མ་ལྷ་ས་ནས་ལ་མོ་ཆོས་སྐྱོང་ཆེན་ པོས་གདན་ས་དགའ་ལྡན་དུ་བོས་པར་བཏང་ན་གསང་ལུང་འགའ་ཞིག་སྨྲ་རྒྱུ་ཡོད་ཅིང་བྱད་གྲོལ་ཞིག་ཀྱང་ཕུལ་

ན་དགོས་པ་ཆེ་ཞེས་ཕེབས་ཡོད་པ་བཞིན་འདིའི་སྐབས་གཟིམ་ཆུང་དུ་སྐུ་ཕེབས་གནང༌། ལྷ་མཆོག་སྲིད་གསུམ་ གྱི་བདག་པོ་ཚངས་པ་ཆེན་པོས་གསང་བའི་ལུང་མང་པོ་ཞིག་དང་ཆོས་སྐྱོང་རང་ནས་བྱད་གྲོལ་ཀྱང་འབུལ་བར་ མཛད། ཉིན་གཅིག་གླིང་སྐོར་དུ་(དགའ་ལྡན་གྱི་གླིང་སྐོར་ཡིན།) ཕེབས་ནས་རྒྱབ་རིའི་གཡས་ཟུར་གྱི་ལམ་སྣེ་ནས་ལུང་

པའི་མཐིལ་དུ་གྲོང་ཆུང་ཞིག་ན་བསངས་ཀྱི་དུད་པ་ཆེན་པོ་ཞིག་ཐོན་པ་སྙན་དུ་ཕུལ་བས། གྲོང་པ་དེའི་མིང་ལ་ཅི་ ཟེར་གསུངས། རྒྱུས་ཡོད་གཅིག་གིས་མཐའ་རྒྱས་ཟེར་ལགས་ཞུས་པས་རྟེན་འབྲེལ་བཟང་གསུངས་ཏེ་མཉེས་

མཉེས་མཛད། དེ་ནི་རྗེ་བླ་མ་ཉིད་ཀྱི་བཀའ་དྲིན་གྱི་མཐུ་ལས་(རྗེ་བླ་མ་ཞེས་པ་འདི་ལྕང་སྐྱ་རོལ་པའི་རྡོ་རྗེ་ཡིན།) དུས་ཀྱི་མཐའ་ དང་ས་ཡི་མཐའ་ཐམས་ཅད་དུ་ཞེས་སྨད་ཕྱོགས་ལ་སངས་རྒྱས་ཀྱི་བསྟན་པ་སྤྱི་དང༌། ཡང་སྒོས་འཇམ་མགོན་བླ་ 47

༸གོང་ས་མཆོག་གི་བཀའ་སློབ།

མ་ཙོང་ཁ་པ་ཆེན་པོའི་བསྟན་པ་ཧ་ཅང་གི་ཁྱབ་སྤེལ་བྱུང་ཞིང༌། མདོར་ན། སྐབས་དེའི་རྒྱ་ནག་མན་ཇུ་གོང་མ་

དང༌། གོང་མའི་སྲས་དེ་འདྲ་ཡང་སྤྱིར་ནང་པའི་ཆོས་དང༌། ཡང་སྒོས་བོད་ཀྱི་ནང་པའི་ཆོས་ལ་ཧ་ཅང་གི་ཐུགས་ སྣང་ཆེན་པོ་དང༌། ཁ་ཤས་ནི་བསམ་པ་རྣམ་དག་གི་དད་པ་ཡོད་པ་བྱུང་ཡོད། དེ་འདྲའི་ཐོག་ནས་གསུང་གི་ཡོད།

ྋརྒྱལ་བ་ཙོང་ཁ་པའི་བསྟན་པ་རིན་པོ་ཆེ་དར་ཞིང་རྒྱས་པའི་རྟེན་འབྲེལ་ཤིན་ཏུ་བཟང་ཞེས་དང༌། དེ་

ནས་རིམ་གྱིས་ཕེབས་པའི་སྐོར་ལམ་གྱི་སྟེང་འོག་ཀུན་ཏུ་རང་བྱོན་གྱི་སྐུ་བརྙན་ཡིག་འབྲུ་སྣ་ཚོགས་དང༌། རྡོ་ ལ་ཕྱག་ཞབས་ཀྱི་རྗེས་བྱུང་བ་མང་པོ་འདུག་པ་རྣམས་གསང་སྔགས་མཁར་པ་དགེ་བཤེས་ཤིག་གིས་སོ་སོའི་

ལོ་རྒྱུས་ཞིབ་ཏུ་གསོལ། ྋརྒྱལ་བ་བསྐལ་བཟང་རྒྱ་མཚོ་ཕེབས་དུས་གསར་དུ་བྱུང་བ་ཡིན་ཟེར་བའི་རྡོ་ཞིག་

ལ་འབུར་ཐོན་གྱི་རྗེ་བླ་མའི་སྐུ་ཡི་རྣམ་པ་གསལ་བར་ཐོན་པ་ཞིག་གཟིགས་རྟོག་ཕུལ། སུའི་ཡིན་མི་ཤེས་པའི་ ཞབས་རྗེས་ཤིག་མཇལ་སྐབས་རྗེ་བླ་མས་ལྕང་སྐྱ་རོལ་པའི་རྡོ་རྗེ། ཁོ་བོ་ཐུའུ་བཀྭན་ཆོས་ཀྱི་ཉི་མ་ལ་སྐུ་རྩེད་ ཀྱི་ཚུལ་གྱིས་ཞབས་རྗེས་འདི་རྙིང་མ་བ་ཞིག་གི་ཡིན་འདུག་པས་ཁྱེད་ཅག་ཕུར་ལྕོག་པའི་སློབ་མ་རྣམས་ཀྱིས་ འཛེམས་པར་ལེགས་ཞེས་གསུང་བྱུང་བར་ཕུར་བུ་ལྕོག་དང་སྒྲུབ་ཁང་དགེ་ལེགས་རྒྱ་མཚོ་དེ་ཚོ་དངོས་གནས་

ལམ་རི མ་གྱི ་བསྟན་པའི་བདག་པོ ་བསམ་གྱིས ་མི་ཁྱབ་པ་དང༌། དགེ ་ལུགས་རྐྱང་རྐྱང་གནང་མཁན་ཞི ག་ ཡིན། སྐབས་དེར་ཐུའུ་བཀྭན་ཆོས་ཀྱི་ཉི་མས་ཞལ་ཤོབ་ཀྱི་ཚུལ་དུ་ལན་ཕུལ་བར། རྗེ་བླ་མའི་གདན་སར་རྙིང་ མས་ཞབས་རྗེས་འཇོག་ཐུབ་ན། བདེ་བ་ཅན་གྱི་རིན་པོ་ཆེའི་ས་གཞི་ལ་ངོས་ནས་ཀྱང་རྐང་རྗེས་ཤིག་འབེབས་

ལགས་ཞུས་པས་ཐམས་ཅད་བཞད་གད་ཐག་གེ་བ་ཞིག་བྱུང༌། ཕྱིས་སུ་རྩད་བཅད་པས་ཞབས་རྗེས་དེ་སྔོན་

འཁོན་སྟོན་གྱི་ཡིན་པའི་གཏམ་རྒྱུད་ཡོད་ཟེར། འཁོན་སྟོན་དཔལ་འབྱོར་ལྷུན་གྲུབ་ནི་ྋགོང་ས་ྋལྔ་པ་ཆེན་ པོའི་དབུ་བླ་དང༌། རིས་མེད་གནང་མཁན་གྱི་བླ་མ་བསམ་གྱིས་མི་ཁྱབ་པ་ཞིག་ཡོད། རྗེ་བླ་མ་ལྕང་སྐྱ་རོལ་པའི་

རྡོ་རྗེ་འཁོན་གྱི་སྐུ་ཕྲེང་གྲས་ཡིན་པ་ཞིག་ཡོང་གི་ཡོད་པ་མིན་ནམ། དེ་ལྟར་ན་རྗེ་བླ་མས་སྔོན་གནས་རྗེས་དྲན་ གྱི་གསུང་བྱོན་པ་གོར་མ་ཆག་གོ དེ་ནས་རྨ་ཆེན་གྱི་ལྷ་ཐོའི་སར་ཕེབས་ནས་རྨ་ཆེན་སྤོམ་རའི་ལྷ་ཐོ་དེ་དགའ་ ལྡན་དགོན་པའི་འོག་གི་ས་ཆ་སྐྱིད་པོ་ནགས་ཚལ་ཡོད་ས་ཞིག་ལ་འདུག ཁོང་རང་རང་བཙན་བྱས་ནས་སྐྱིད་ པོ་ཡོད་ས་རེད། དགོན་པའི་ནང་བསྡད་ན་དགོན་པའི་ཁྲིམས་འཁྱེར་དགོས་པ་ཡིན། དེ་ལས་བླ་མའི་བྱིན་རླབས་ རྒྱང་ནས་ཆེ་ཟེར་བ་བཞིན་རྨ་ཆེན་སྤོམ་ར་དགོན་པའི་འོག་གི་ནགས་གསེབ་ནང་ཁོ་རང་གི་ལྷ་ཐོ་དེ་འདུག དེར་

སྐྱིད་པོ་ཡོད་ས་རེད། རྨ་ཆེན་གྱི་ལྷ་ཐོའི་ཐད་དུ་ཕེབས་ནས་རྗེ་བླ་མ་ཡབ་སྲས་ཀྱིས་ཞེས་པ་འདི་རྗེ་རིན་པོ་ཆེ་ 48

༸གོང་ས་མཆོག་གི་བཀའ་སློབ།

དང༌། རྒྱལ་ཚབ་མཁས་གྲུབ་སོགས་རི་བོ་དགེ་ལྡན་པའི་སྲོལ་བཏོད་མཁན་རྣམས་ལ་གསུང་གི་ཡོད།

འཇིག་རྟེན་པའི་ལྷ་སྲུང་བསྟེན་པར་མི་མཛད་པས་འཁྲུངས་ལྷ་རྨ་ཆེན་གྱི་ལྷ་ཐོ་ཡང་སྐོར་ལམ་གྱི་ནང་

དུ་མ་ཆུད་ཅིང༌། དེའི་མཇུག་ལ་སྔོན་མ་དགའ་ལྡན་ཁྲི་པ་འགའ་ཞིག་གིས་དོལ་རྒྱལ་བསྟེན་པས། དོལ་རྒྱལ་

ནི་ཤུགས་ལྡན་ལ་ཟེར་བ་ཡིན། བཀྲ་མི་ཤིས་པ་བྱུང་བ་ཁྲི་ཆེན་རྡོ་རྗེ་འཆང་གིས་ཞེས་པ་འདི། ྋརྒྱལ་མཆོག་ བསྐལ་བཟང་གི་ཡོ ངས་འཛི ན ་དབུ་བླ་དངོ ས ་གནས་བསམ་གྱིས ་མི ་ ཁྱབ་པའི ་ སྐྱེས ་བུ་ཆེ ན་པོ་ ཁྲི་ཆེ ན་ངག་ དབང་མཆོག་ལྡན་ལ་གསུང་གི་ཡོད་པ་རེད། ཁོང་ནི་ཨ་མདོ་ཡིན་ལ་ལྕང་སྐྱ་རོལ་པའི་རྡོ་རྗེའི་དབུ་བླ་ཡང་

གནང་ཡོད། གང་ལྟར་ཐུགས་ཞེ་ས་མ་ཞུས་ན་ྋརྒྱལ་མཆོག་བསྐལ་བཟང་གི་གློ་སྙིང་བྲང་གསུམ་གཏད་སའི་ བསམ་གྱིས་མི་ཁྱབ་པའི་བླ་མ་ཡིན་ཞིང༌། ཕན་ཚུན་ཐུགས་བརྩེ་ཤིན་ཏུ་ཆེན་པོ་ཧ་ལས་དགོས་པ་ཞིག་འདུག

ྋརྒྱལ་མཆོག་བསྐལ་བཟང་གི་རྣམ་ཐར་ནང་ཁྲི་ཆེན་ངག་དབང་མཆོག་ལྡན་རྩེ་ནས་རྭ་སྒྲེང་ལ་ཕེབས་ཐོན་གྱིས་

ལྟག་སྒོའི་རྒྱབ་ནས་ཕེབས་པའི་སྐབས་ྋརྒྱལ་མཆོག་བསྐལ་བཟང་ལྟག་སྒོའི་རྒྱབ་མཐོང་སའི་ནུབ་རྒྱུད་ཉི་འོད་ འཁྲིས་ཀྱི་གཟིམ་ཆུང་དབང་ཁང་ནང་ཕེབས་ནས་དབང་ཁང་གི་སྒེའུ་ཁུང་ནས་ཡོངས་འཛིན་ཁྲི་ཆེན་རྡོ་རྗེ་འཆང་ ཕེབས་ཚུལ་ལ་གཟིགས་ནས་ྋརྒྱལ་མཆོག་ཐུགས་ཧ་ཅང་སྐྱོ་པོ་བྱུང་བ་དང༌། ཁྲི་ཆེན་གྱིས་ཀྱང་ཡར་ཕྱི་བལྟས་ ཡང་ཡང་གཟིགས་པ་བཅས་ཧ་ཅང་ཐུགས་མཁྲེང་པོ་ཞིག་བྱུང་བའི་ལོ་རྒྱུས་རྣམ་ཐར་ནང་ཐོན་ཡོང་གི་འདུག སེམས་སྐྱོ་པོ་ཞིག་ཡོང་གི་འདུག གང་ལྟར་བླ་མ་བསམ་གྱིས་མི་ཁྱབ་པ་རེད།

ཡང་ཁྲི་ཆེན་རྡོ་རྗེ་འཆང་འདི་རྙིང་མ་དང༌། བཀའ་བརྒྱུད་གནང་མཁན་མ་ཡིན་པར་དགེ་ལུགས་རྐྱང་

རྐྱང་གནང་བཞུགས་མཁན་ཞིག་རེད། ཁོ་པའི་ལྷ་རྟེན་སོགས་བཤིག་ནས་དགོན་པ་ནས་བསྐྲད་པའི་ལོ་རྒྱུས་

སོགས་ཞིབ་ཏུ་གསུངས། ཁྲི་ཆེན་ངག་དབང་མཆོག་ལྡན་གོང་གི་དགའ་ལྡན་ཁྲི་པ་ཁ་ཤས་ཀྱིས་དོལ་རྒྱལ་ བསྟེན་ནས་དགའ་ལྡན་ནང་བཀྲ་མི་ཤིས་པ་མང་པོ་ཞིག་བྱུང༌། དེ་འདྲའི་ལོ་རྒྱུས་ཡོད་པའི་གླེང་གཞི་ཅན་གྱི་ལྷ་ དེའི་ལྷ་ཐོ་དགོན་པའི་ནང་ཡོད་པ་དེ་དག་བཤིག དགོན་པ་ནས་ཕུད་པ་ཡིན་ཞེས་ཞིབ་ཏུ་གསུངས། ལམ་བར་

དང་ལྷ་སར་ཕེབས་ནས་ཀྱང་། འདི་ལྕང་སྐྱ་རོལ་པའི་རྡོ་རྗེས་གསུང་གི་ཡོད། ད་རེས་དགའ་ལྡན་དུ་སྡོད་རིང་

གཞན་དང་མི་འདྲ་བ་ཞིག་བྱུང་ཞེས་ཡང་ཡང་གསུངས་པས་དེ་ལ་དཔག་ན་དགའ་ལྡན་དུ་དག་པའི་རྣམ་རོལ་ ཁྱད་པར་ཅན་མང་དུ་བྱུང་བ་འདྲ་ཡང་དངོས་སུ་གསུངས་པ་མ་ཐོས་སོ།། ཞེས་གསལ་བའི་རྣམ་ཐར་འདི་དག་ ལྕང་སྐྱ་རོལ་པའི་རྡོ་རྗེའི་རྣམ་ཐར་ཡིན་པ་དང༌། ལྕང་སྐྱ་རོལ་པའི་རྡོ་རྗེས་ལོ་རྒྱུས་གསུངས་པའི་བླ་མ་དེ་ཁྲི་ཆེན་ 49

༸གོང་ས་མཆོག་གི་བཀའ་སློབ།

ངག་དབང་མཆོག་ལྡན་ཡིན། ལོ་རྒྱུས་དེ་དག་འབྲི་མཁན་ནི་ཐུའུ་བཀྭན་ཆོས་ཀྱི་ཉི་མ་ཡིན།

གང་ལྟར་རི་བོ་དགེ་ལུགས་པའི་བསྟན་འཛིན་གྱི་སྐྱེས་བུའི་ནང་ནས་དངོས་གནས་བསྟན་པ་ལ་ཕྱག་

རྗེས་ཆེན་པོ་ཡོད་པའི་ཚད་ཐུབ་ཀྱི་སྐྱེས་བུ་རྩོད་མེད་ཡོངས་སུ་གྲགས་པའི་དགེ་ལུགས་རྐྱང་རྐྱང་གནང་མཁན་ གྱི་བླ་མ་ཡབ་སྲས་གསུམ་གྱི་ཐོག་ནས་དེའི་ཐད་དམ་ཕྲུག་བརྒྱབ་པ་ལྟ་བུ་ཆགས་ཡོད། ངོས་ནས་བསམ་བཏང་

དྲན་སྐྱེས་བྱས་ནས་བཤད་པ་མིན་ལ། ཡང་གནས་ཆུང་གིས་བཤད་པར་ངས་རྣ་ཅོག་སྲབ་པོ་བྱས་ནས་བཤད་

པའང་མིན། འདི་དག་ནི་མི་ཐོག་མང་པོའི་གོང་ནས་གནས་ཚུལ་ཡོད་པ་ཞིག་ཡིན། དེ་འདྲ་ཡིན་དུས་སྔར་ཡིན་

ན་རྒྱལ་ཆེན་དོལ་རྒྱལ་ཟེར་གྱི་ཡོད་པ་དང༌། དེ་ནས་རྒྱལ་ཆེན་དང་ཤུགས་ལྡན་ཡང་ཟེར་གྱི་ཡོད། འཇམ་མགོན་

རྒྱལ་བའི་བསྟན་སྲུང་ཟེར་བའི་མིང་འདི་ཕྱིས་སུ་གྲགས་པ་ཞིག་ཡིན་པ་ལས་དེ་སྔ་ཡོད་པའི་མིང་ཞིག་མ་རེད། དྲེགས་པ་བསྐྱེད་ཆོག་གི་གཞུང་ལ་རྒྱལ་པོ་སྐུ་ལྔ་ཡིན་ནའང་འདྲ། མང་པོ་ཞིག་བསྐྱེད་དུས་མངའ་གསོལ་དང༌། བསྐང་བ་དེ་འདྲའི་ནང༌། དཔེར་ན། རྒྱལ་པོ་སྐུ་ལྔར་ཆ་བཞག་ན་ངོ་བོ་བཀའ་བརྒྱད་ཡིན་པར་བརྟེན་དེ་འདྲའི་

ཐོག་ནས་ཡིད་ཆེས་གསོལ་འདེབས་ཀྱི་བསྐང་བའི་ཚིག་འདྲ་ཡོད་པ་ལས། བསྐྱེད་པའི་སྐབས་དྲེགས་པ་དྲེགས་ པ་རང་གི་གནས་ལ་བཞག་ནས་བསྐྱེད་ཀྱི་ཡོད་པ་རེད། དོལ་རྒྱལ་གྱི་བསྐྱེད་ཆོག་ནང་ཡ་ཧཱུཾ་གིས་མཚན་པ། ངོ་

བོ་འཇམ་དཔལ་གཤིན་རྗེའི་གཤེད། རྣམ་པ་འཇམ་མགོན་རྒྱལ་བའི་བསྟན་སྲུང་ཟེར་ནས་འགོའི་མངོན་རྟོགས་ རང་ལ་བསྐྱེད་ཆོག་དེ་འདྲ་འདུག དེ་ནི་ཧ་ཅང་ཐལ་དྲགས་པ་རེད། བླ་མ་བསམ་གྱིས་མི་ཁྱབ་པ་མ་རེད་དམ་

ཟེར་ན། བླ་མ་བསམ་གྱིས་མི་ཁྱབ་པ་རེད། ཡིན་ནའང་ཀློང་རྡོལ་བླ་མ་རིན་པོ་ཆེས་གསང་སྔགས་མིང་གི་རྣམ་ གྲངས་ནང༌། དབང་བསྐུར་བའི་དཀྱིལ་འཁོར་གྱི་རྣམ་གཞག་གསུང་དུས། བུམ་དབང་བསྐུར་སའི་དཀྱིལ་འཁོར་ གྱི་གྲས་ལ་བློས་བསླངས་ཀྱི་དཀྱིལ་འཁོར་བགྲངས་པ་བླ་མ་གོང་མ་འགས་གསུངས་པ་ཞིག་ལ་ཀློང་རྡོལ་བླ་མ་

རིན་པོ་ཆེས་དེ་ནི་རྟོགས་པ་མཐོན་པོའི་ཧང་རྒྱག་རེད། ཅེས་གསུངས་འདུག ྋསྐྱབས་རྗེ་ཕ་བོང་ཁ་བདེ་ཆེན་ སྙིང་པོ་བླ་མ་བསམ་གྱིས་མི་ཁྱབ་པ་རེད།

ཡིན་ནའང་དོལ་རྒྱལ་སྐོར་གསུང་སྟངས་དེ་ཚོ་ཞེ་ས་མ་ཞུས་ན་རྟོགས་པ་མཐོན་པོའི་ཧང་རྒྱག་རེད།

རིན་པོ་ཆེ་ཁོང་ཚད་ལོངས་པ་རེད། རིན་པོ་ཆེ་ཁོ་རང་རྟོགས་པ་མཐོན་པོ་རེད། རྟོགས་པ་མཐོན་པོ་ཁོང་རང་ གིས་དྲེགས་པ་བསྟེན་པ་དེ་གནས་ཚུལ་ཐ་དད་རེད། འོན་ཀྱང་འདི་ཙམ་གྱི་ཆེ་བསྟོད་གནང་བ་འདི་ཕྲན་བུ་ཧང་ རྒྱག་གནང་བ་ཞིག་ཡིན་པར་ཕལ་ཆེར་ངས་ཞུས་ཆོག་གི་རེད་སྙམ། ཕྱོགས་བསྡོམས་ནས་ཞུས་པ་ཡིན་ནའང་ 50

༸གོང་ས་མཆོག་གི་བཀའ་སློབ།

འདི་ལྟར་ཞུ་ཆོག དེ་ནས་ཁུངས་དྲངས་པའི་རྒྱུ་མཚན་གཅིག་སྲོག་གཏད་ཀྱི་རྒྱུན་གཙོ་བོ་དེ་སྟག་ཕུ་པདྨ་བཛྲ་ ཞེས་བསམ་གྱིས་མི་ཁྱབ་པའི་བླ་མ་དེ་ལ་དག་སྣང་བྱུང་བའི་གནས་ཚུལ་ཞིག་ཆགས་ཡོད། ཡིན་ནའང་དེའི་ལོ་

རྒྱུས་ལ་ཞིབ་ཏུ་བསམ་བློ་བཏང་ན། ཕལ་ཆེར་ྋསྐྱབས་རྗེ་ཕ་བོང་ཁ་རིན་པོ་ཆེ་ཆུང་ཆུང་སྐབས་ནས་དོལ་རྒྱལ་

དང་འབྲེལ་བ་ཡོད་པས། དེ་འདྲའི་ཐོག་ནས་སྟག་ཕུ་པདྨ་བཛྲ་ལ་ཡར་ཞུ་བསྐུལ་ནན་པོ་གནང་བ་ཞིག་མིན་ནམ་ སྙམ་པ་འདི་ལ་ང་ཚོས་ཞིབ་འཇུག་བྱེད་དགོས་པ་འདུག དེ་འདྲའི་ཞུ་བསྐུལ་ནན་པོ་གནང་ཡོང་དུས་སྟག་ཕུ་

རིན་པོ་ཆེའི་ཐུགས་གཤིས་དེ་ང་རང་ཚོའི་ལྷ་བཙུན་རྡོ་རྗེ་འཆང་ནང་བཞིན་ཧ་ཅང་གི་ཐུགས་གཤིས་བཟང་པོ་ ཞིག་ཡིན་ཚོད་འདུག དེ་འདྲའི་ཐོག་ནས་ཡོང་སྲིད་པ་རེད།

དེ་ལྟར་ཡིན་པའི་རྒྱུ་མཚན་གཅིག་ཡོངས་འཛིན་དམ་པ་བཀའ་དྲིན་ཅན་གླིང་རིན་པོ་ཆེས་ངོས་ལ་ལོ་

རྒྱུས་གསུངས་པ་ཞིག་ལ། སྟག་ཕུ་པདྨ་བཛྲ་བདག་ཉིད་ཆེན་པོ་འདིའི་གསུང་ནང་ལ་བོན་ཆོས་ཁ་ཤས་ཡོད་པ།

འདི་དག་བླ་མ་རྡོ་རྗེ་འཆང་ཕ་བོང་ཁ་རིན་པོ་ཆེ་ལ་སྐབས་ཤིག་སྟག་ཕུ་རྡོ་རྗེ་འཆང་གིས་ངའི་བརྩམས་བྲིས་

འདི་དག་ལ་ཞུ་དག་གཏོང་དགོས་ཞེས་བཀའ་གནང༌། བཀའ་གནང་བ་ལྟར་ྋསྐྱབས་རྗེ་ཕ་བོང་ཁས་ཞུ་དག་ གཏོང་བ་གནང་སྐབས་དེའི་ནང་ཡོད་པའི་བོན་ཆོས་དེ་དག་ཚང་མ་བཏོན་པ་ཡིན། སྟག་ཕུ་རྡོ་རྗེ་འཆང་ལ་སློབ་ མ་མང་པོ་ཡོད་པ་དེ་ཚོའི་ནང་ནས་བོན་པོ་ཁ་ཤས་ཀྱིས་སྟག་ཕུ་རྡོ་རྗེ་འཆང་ལ་འདི་སྐོར་ལ་གསུང་རྩོམ་ཞིག་ གནང་རོགས་ཞེས་ཞུ་མཁན་བྱུང་བ་དེ་ཚོའི་ཞུ་ངོ་མ་བཟློག་པར་མཛད་པ་ཞིག་རེད་འདུག དེ་དག་ྋསྐྱབས་

རྗེ་ཕ་བོང་ཁ་རིན་པོ་ཆེས་ཚང་མ་བཏོན་ཏེ་གཙང་མ་བཟོས་པ་ཡིན་ཞེས་ྋསྐྱབས་རྗེ་ཕ་བོང་ཁ་རིན་པོ་ཆེ་རང་

ནས་ཡོངས་འཛིན་རིན་པོ་ཆེར་གསུངས། ཡོངས་འཛིན་རིན་པོ་ཆེས་ངོས་ལ་གསུངས་བྱུང༌། འདིས་བླ་མའི་

ཐུགས་གཤིས་བསྟན་ཡོང་གི་ཡོད། དེའི་བབ་ནས་བལྟས་ན་ྋསྐྱབས་རྗེ་བདེ་བར་གཤེགས་པ་ཕ་བོང་ཁ་རིན་ པོ་ཆེར་དག་སྣང་གི་སྲོག་གཏད་འདི་བྱུང་བ་མིན་ནམ། དེ་འདྲ་ཡིན་དུས་སྔོན་མ་ངས་གནས་ཚུལ་དེ་སྐོར་གནས་ ཆུང་ལ་དོགས་གཅོད་བྱེད་མྱོང༌། དོགས་གཅོད་བྱེད་སྐབས་དེ་བར་ཆད་ཀྱི་དབང་གིས་ཡོང་མི་སྲིད་པ་མིན་

ཞེས་དེ་འདྲ་ཞིག་གསུངས་བྱུང༌། གང་ལྟར་ག་རེ་ཡིན་རུང་མིན་རུང་རྩ་བའི་དོལ་རྒྱལ་གྱི་འགྲོ་སྟངས་དེ་ལྟར་ ཆགས་ཡོང་དུས་བདེ་པོ་ཞིག་ཡོང་གི་མེད།

ལར་ནས་ང་རང་ཚོ་ནང་པའི་ཆོས་ཀྱི་ནང་ལྷ་བསྟེན་སྟངས་གང་འདྲ་ཞིག་རེད་དམ་ཞེ་ན། ཉན་ཐོས་ཀྱི་

གཞུང་ནས་བཤད་ན་ཕལ་ཆེར། རྒྱལ་ཆེན་རིགས་བཞི་ཞེས་པ་དེ་འདྲ་ཡོང་གི་མེད་དམ། ཚངས་པ་དང་བརྒྱ་ 51

༸གོང་ས་མཆོག་གི་བཀའ་སློབ།

བྱིན་ཞེས་པའི་དེ་ཚོའི་གྲས་ཡོང་གི་ཡོད་ཤས་ཆེ། ཡག་པོ་ཞིག་ངོས་ནས་མི་ཤེས། ཐེག་ཆེན་གྱི་མདོ་སྡེའི་ གཞུང་གི་ནང༌། ལྷ་ཡི་དབང་པོ་བརྒྱ་བྱིན་དང་ཚངས་པ་ལ་སོགས་པ་དེ་ཚོའི་གྲས་ཐོན་ཡོང་གི་ཡོད། དེ་བཞིན་ ས་ཐོབ་པའི་སེམས་དཔའི་ནང་ཉེ་བའི་སྲས་ཆེན་བརྒྱད་ལ་སོགས་པ་ཐོན་ཡོང་གི་ཡོད། དེ་ཚོའི་གྲས་ང་རང་ཚོ་

ཐེག་པ་ཆེན་པོའི་ཆོས་ཉམས་ལེན་བྱེད་མཁན་དང༌། མདོར་ན་ཤེས་རབ་ཀྱི་ཕ་རོལ་ཏུ་ཕྱིན་པའི་གཞུང་ཉམས་

ལེན་བྱེད་མཁན་ཚོས་ང་རང་ཚོའི་མངོན་རྟོགས་རྒྱན་ནང་མཐར་གྱི་སྦྱོར་བའི་རྗེས་དྲན་དྲུག་གི་ནང་ལྷ་རྗེས་སུ་ དྲན་པ་ཞེས་པ་ཞིག་ཡོད། ལྷ་རྗེས་སུ་དྲན་པ་ཞེས་པ་འདི་ལྷ་དཔང་པོའི་ཚུལ་དུ་བསྟེན་རྒྱུ་ཞིག་ཡོད། དེ་འདྲ་ཡིན་

དུས་ཕྱིས་སུ་རྒྱ་གར་གྱི་ནཱ་ལེཎྡྲ་ལ་སོགས་པའི་གཙུག་ལག་ཁང་བཤད་གྲྭ་ཆེན་པོ་དེ་ཚོའི་ནང་ནས། སྒྲོལ་མའི་ སྐུ་དང༌། སྤྱན་རས་གཟིགས་ཀྱི་སྐུ་དེ་འདྲ་ཐོན་ཡོང་གི་འདུག དེ་དག་ནི་ང་ཚོས་རྗེས་དྲན་དྲུག་གི་ནང་ལྷ་རྗེས་སུ་ དྲན་པའི་ནང་ལྷ་དཔང་པོའི་ཚུལ་དུ་བསྟེན་པ་ཞིག་ཡོང་གི་ཡོད་པའི་གནད་ཀྱིས་ཡིན་ནམ་སྙམ།

དེ་ནས་སྔགས་ཀྱི་ནང་གང་ཟག་རང་ཉིད་ལྷ་ཡི་ང་རྒྱལ་དང་གསལ་སྣང་ཐོག་ནས་བསོད་ནམས་དང་ཡེ་

ཤེས་ཀྱི་ཚོགས་བསྒྲུབ་རྒྱུ་ཞིག་གསུང་གི་ཡོད་དུས། དེ་དང་འབྲེལ་ནས་དཀྱིལ་འཁོར་གྱི་ནང་ལྷ་འདྲ་མིན་མང་

པོ་ཡོང་བ་དང༌། དྲེགས་པ་དེ་ཚོའི་གྲས་བཀའ་སྲུང་གི་ཚུལ་དུ་ཡོང་གི་ཡོད། ནང་པའི་ཆོས་སྤྱིའི་འགྲོ་སྟངས་ཀྱི་ ཐོག་ནས་ཡོང་སྟངས་དེ་ལྟར་རེད། སྔགས་དང་འབྲེལ་ནས་སྲུང་མ་དེ་དག་ཐོན་ཡོང་སྟངས་དེ་ལྟར་རེད། སྔགས་ དང་འབྲེལ་ནས་སྲུང་མ་དེ་དག་ཐོན་ཡོང་དུས། སྲུང་མ་དེ་དག་བསྟེན་སྟངས་གང་འདྲ་ཡིན་ནམ་ཞེ་ན། རྣལ་འབྱོར་ པ་རང་ཉིད་ལ་ཐབས་ཤེས་ཀྱི་ཉམས་ལེན་ཡོད་པའི་ཐོག་ནས་མདོར་ན་སྟོང་ཉིད་རྟོགས་པའི་གཟུང་རྣམ་ལྷར་ཤར་

བའི་རྣལ་འབྱོར་གྱི་གདེང་དང་ལྡན་པའི་ཐོག་ནས་དྲེགས་པ་དེ་ཚོའི་གྲས་བྲན་དུ་བཀོལ་བ་ཞིག་ཡོད། ནག་ཕྱོགས་ པ་དེ་ཚོའི་གྲས་ཀྱང་དཀྱིལ་འཁོར་གྱི་མཐར་བཀུག་ནས་བཀའ་བསྒོ་བ་དང༌། ཡང་ན་ཕུར་གདབ་བྱས་ཏེ་བསྒྲལ་

བ། ཡང་ན་ལན་ཆགས་ལ་གཏོར་མ་སྦྱིན་ཏེ་འཁོན་གྲིབ་སྦྱོང་བ་དེ་འདྲ་བྱ་རྒྱུ་ཡོང་གི་འདུག དེ་འདྲའི་ལྷ་བསྟེན་

མཁན་གྱི་མི་དེས་དང་པོ་རྣལ་འབྱོར་པ་ཁོ་རང་ལ་རྟོགས་པ་ཞིག་བསྒྲུབས། དེ་འདྲའི་ཚད་ལོངས་པའི་ཐོག་ནས་ ཆོས་སྲུང་མང་པོ་ཞིག་བསྟེན་གྱི་ཡོད། ལྷག་དོན་དྲེགས་པའི་ལྷ་དེ་ཚོའི་བསྟེན་སྟངས་འདི་འདྲ་རེད། དྲེགས་པའི་

སྲོག་གཏད་ཅེས་པའི་མིང་དེ་ག་རང་ནས་སྲོག་གཏད་ཅེས་པ་འདི་ཉམས་ལེན་བྱེད་མཁན་གྱི་གང་ཟག་རྟོགས་པ་

ཡོད་པའི་མི་དེ་ལ་དྲེགས་པའི་སྲོག་ཚུར་གཏད་པ་ཞིག་ཡིན། རྣལ་འབྱོར་པ་རང་ཉིད་ལྷ་ཡི་ང་རྒྱལ་དང་གསལ་

སྣང་བརྟན་པོ་ཡོད་པའི་ཐོག་ནས་དྲེགས་པ་དབང་དུ་བསྡུས་ཏེ། བྲན་དུ་བཀོལ་བ་ཞིག་ཡོང་གི་ཡོད། དེང་སང་ 52

༸གོང་ས་མཆོག་གི་བཀའ་སློབ།

རྒྱལ་ཆེན་བསྟེན་མཁན་ཚོས་སྲོག་ཕར་གཏད་ཀྱི་འདུག དེ་ལ་བྱབ་གང་འདུག བསྟན་པའི་བདག་པོ་སྟོན་པ་

བཅོམ་ལྡན་འདས་ལ། ང་རང་ཚོའི་ལུས་ངག་ཡིད་གསུམ་གྱི་སྲོག་གཏད་པ་ཡིན་ན། དེ་ནི་འགྲིག་པ་ཡིན། སྟོན་

པ་བཅོམ་ལྡན་འདས་ང་རང་ཚོའི་གཙུག་ལག་ཁང་གི་རྟེན་གྱི་གཙོ་བོར་བཞུགས་ཡོད་ཀྱང༌། འདིས་གསུང་འབྱོན་ གྱི་མི་འདུག འདིས་ཚོང་ལམ་འགྲོ་ཡོང་བ་ལ་བྱིན་རླབས་གནང་རྒྱུ་ནི་འདུག འཕྲིན་ལས་བསྒྲུབ་རྒྱུ་ནི་མི་འདུག ཡང་སྡུག་ས་ནས་སྟོན་པ་བཅོམ་ལྡན་འདས་གཙུག་ལག་ཁང་གི་རྟེན་གཙོར་ཡོད་པ་འདིས་གནོད་པ་བསྐྱལ་ཡོང་

བསམས་པའི་དོགས་པ་ཡང་བྱེད་དགོས་དོན་མི་འདུག དེ་འདྲ་ཡིན་དུས་སྟོན་པ་བཅོམ་ལྡན་འདས་ལ་དེ་ཙམ་གྱི་ བརྩི་མཐོང་ཡོད་པ་མ་རེད། ཁ་ནས་སྐྱབས་སུ་མཆིའོ་ཞེས་བརྗོད་པ་མ་གཏོགས། འགག་ལ་ཐུག་དུས་གློ་སྙིང་བྲང་ གསུམ་ཚུར་ཕྱོགས་ཀྱི་དྲེགས་པ་ཐེབས་ཆག་ཅིག་ལ་གཏད་ནས་དེ་གསོལ་བ་ལས། བཅོམ་ལྡན་འདས་ལ་དད་པ་

དེ་ཙམ་བྱེད་ཀྱི་མི་འདུག གཏོར་མ་ཞིག་ཆག་སོང་ན། ཨོ་འོ་གནོད་མི་ཡོང་ངམ། མདང་དགོང་རྨི་ལམ་ལ་གྲྭ་པ་ རྒྱའུ་ཞིག་གིས་ངའི་སྐེ་བཙིར་བར་ཡོང་གི་འདུག ཡས་ཡོང་གི་མས་ཡོང་གི་ཟེར། ཨ་ཙི་ཆག་སྒོ་སྐྱབས་འགྲོའི་

བསླབ་བྱ་དང་འགལ་འགྲོ་གི་འདུག བྱེད་སྟངས་དེ་འདྲ་མ་རེད། བོད་གངས་ཅན་ལྗོངས་ལ་སངས་རྒྱས་ཀྱི་བསྟན་

པ་རྒྱས་ཡོད་ཅེས་བརྗོད་ཀྱི་ཡོད་ཀྱང༌། གནས་ཚུལ་དེ་འདྲ་མཐོང་ཡོང་དུས་ཨ་ཙི་གང་འདྲ་ཡིན་ནམ་སྙམ་པ་ཞིག་ ཡོང་བ་དང༌། ནང་གསེས་རི་བོ་དགེ་ལུགས་པའི་ནང་ཆ་བཞག་ན་གུང་ཐང་ཚང་གིས་གསུངས་པར། ཀྱེ་ཧུད་དགེ་ལྡན་བསྟན་པ་འདི། །

དཔལ་དང་འབྱོར་པས་རབ་རྒྱས་ཀྱང༌། ། བཤད་དང་སྒྲུབ་པས་ཆེས་ཕྲ་བ། །

བསམ་གྱིན་སྙིང་ནས་ཤེས་པ་འཕྱོ། །ཞེས་དང༌། དེང་དུས་ཡབ་རྗེའི་སྲོལ་བཟང་ཡང༌། །

སྙིགས་མ་མུན་པའི་རྡུལ་གྱིས་ཁེབས། ། ལྟར་སྣང་བཤེས་གཉེན་དུ་མ་ཡིས། ། སྐྱེ་བོ་ཉམ་ངའི་གཡང་དུ་འཁྲིད། །

ཅེས་གསུངས་པ་འདི་ཡང་དེ་འདྲའི་ཐོག་གོ་ཆོག་པ་འདུག

ཡང་འགའ་རེས་དགེ་ལུགས་པའི་ཐུན་མོང་མ་ཡིན་པའི་ཡི་དམ་རྣལ་འབྱོར་མ་རེད་ཅེས་བརྗོད་མཁན་ 53

༸གོང་ས་མཆོག་གི་བཀའ་སློབ།

ཡོད། ངོས་རང་ལ་ཆ་བཞག་ན་ས་སྐྱའི་གསེར་ཆོས་བཅུ་གསུམ་ཆུང་ཆུང་སྐབས་སྟག་བྲག་རིན་པོ་ཆེའི་སྐུ་ མདུན་ནས་ཐོབ་པ་དང༌། ཕྱིས་སུ་རྣལ་འབྱོར་མའི་ཆོས་སྐོར་རྣམས་ྋསྐྱབས་རྗེ་ཁྲི་བྱང་རིན་པོ་ཆེའི་སྐུ་མདུན་ ནས་ཀྱང་ཐོབ། ྋསྐྱབས་རྗེ་ཁྲི་བྱང་རིན་པོ་ཆེ་ངེས་པ་དོན་ལ་གང་ཡིན་རུང༌། ཐུན་མོང་གདུལ་བྱའི་སྣང་ངོར་

ཡང་དཔལ་འཁོར་ལོ་སྡོམ་པའི་རྣལ་འབྱོར་པ་ཆེན་པོ་ཡིན་པ་རྩོད་མེད་ཡིན། བདེ་མཆོག་ཡབ་བཀའ་ཡུམ་ བཀའི་ཆོས་སྐོར་ཡོངས་རྫོགས་དང༌། ལྷག་དོན་དྲིལ་བུ་ལུས་དཀྱིལ་དང༌། རྣལ་འབྱོར་མའི་སྐོར་བཅས་ཀྱི་ དབང་ལུང་ཁྲིད་གསུམ་ཆ་ཚང་ཁྲི་བྱང་རིན་པོ་ཆེའི་སྐུ་མདུན་ནས་ཞུས་པ་དང༌། དང་དོད་ཆེན་པོས་བསྙེན་པ་

ཡང་བཏང༌། དད་པ་ཧ་ཅང་ཆེན་པོ་ཡོད། ཉམས་ལེན་བྱེད་ཀྱི་ཡོད། ཡིན་ནའང་རྣལ་འབྱོར་མ་དགེ་ལུགས་པའི་

ཐུན་མོང་མ་ཡིན་པ་རེད་ཅེས་བརྗོད་ན་འདི་ཡང་ངོས་རང་སྣང་བར་འགྲོ་གི་མི་འདུག དྲང་པོ་མ་རེད། རྗེ་རིན་

པོ་ཆེའི་གསུང་འབུམ་པོད་བཅོ་བརྒྱད་ནང་མཆོག་སྒྲུབ་པའི་གདམས་པ་ཞིག་མེད་པ་རེད་དམ་ཞེ་ན། མེད་པ་ ག་ནས་ཡིན། ཡང་རྗེ་རིན་པོ་ཆེ་གང་ཉིད་ཀྱིས་ཉམས་བཞེས་གནང་བའི་ཐུན་མོང་མ་ཡིན་པ་འདི་དག་གསུང་ འབུམ་ནང་མ་བཀོད་པ་ཅི་ལ་ཡིན། ཕྱིས་སུ་རྣལ་འབྱོར་མའི་སྐོར་དེ་དག་རྗེ་བླ་མའི་ཐུགས་ལ་གབ་པའི་ཟབ་ ཆོས་ཞེས་གསུང་གི་ཡོད། ཐུགས་ལ་གབ་པའི་གབ་ཆོས་གསུང་འབུམ་ནང་མ་བཀོད་བཞག་པ་ཞིག་རྩ་བ་ནས་

ཡོང་མི་ཤེས། གང་ཡིན་ཞེ་ན། རྗེ་རིན་པོ་ཆེ་ཁོང་གང་ཉིད་ཀྱིས་རིམ་ལྔ་གསལ་སྒྲོན་ནང༌། མན་ངག་བྱ་བ་ཡི་

གེར་བྲིས་པར་ཕངས་ནས་བླ་མས་སློབ་མ་གཅིག་ནས་གཅིག་གི་རྣ་ཁུང་བརྒྱུད་དེ་བཤད་པ་ལ་མན་ངག་མི་ ཟེར་ཞེས་གསུངས་འདུག རྗེ་རིན་པོ་ཆེ་ཁོང་ཉིད་ནས་དེ་ལྟར་གསུང་གིན་གསུང་གིན་ལ་གང་ཉིད་ཀྱི་ཐུན་མོང་ མ་ཡིན་པའི་ཉམས་བཞེས་གནང་བ་དེ་དཔེ་ཆའི་ནང་མ་བྲིས་པར་ཟུར་དུ་འཇོག་པ་གནང་གི་མ་རེད།

དེར་བརྟེན་རྗེ་རིན་པོ་ཆེའི་གསུང་འབུམ་པོད་བཅོ་བརྒྱད་ནང་མཁའ་སྤྱོད་མ་དམར་པོའི་སྒྲུབ་ཐབས་ཞེས་

པ་ཤོག་ལྷེ་གསུམ་ཙམ་ཞིག་ཡོད་པ་ལས་དེ་མིན་ཚིག་གཅིག་ཡོད་པ་མ་རེད། བདེ་མཆོག་གི་རྒྱུད་འགྲེལ་ཆེན་

པོ་སྦས་དོན་ཀུན་གསལ་ནང་ཨོཾ་གསུམ་མའི་སྔགས་བཀླགས་པ་ཙམ་གྱིས་གྲུབ་པ་ཡིན་གསུངས་པའི་བཤད་པ་ ཕྲན་བུ་ཐོན་ཡོང་བ་མ་གཏོགས་གཞན་གྱི་ཟུར་དུ་སྒྲུབ་ཐབས་གང་ཡང་མཛད་མེད། ངོས་ནས་དེ་དག་ཚར་མང་

པོ་ཞུས་མྱོང༌། འཇམ་མགོན་བླ་མ་ཙོང་ཁ་པ་ཆེན་པོས་ཁོང་རང་གི་གསུང་པོད་བཅོ་བརྒྱད་ནང་གལ་ཆེན་པོ་བྱས་

ཏེ་སྒྲུབ་ཐབས་དང༌། དབང་བསྐུར་གྱི་ཆོ་ག བསྐྱེད་རྫོགས་ཀྱི་ཁྲིད་ཡིག་དེ་ཚོ་མཛད་ཡོད། དེ་ཡང་གླེགས་བམ་

མཐུག་པོ་དང༌། མང་པོ་ཡོད་པ་ནི་གསང་བ་འདུས་པ་གཙོ་བོ་ཡིན། དེར་བརྟེན་རྗེ་བཙུན་ཤེས་རབ་སེང་གེ་ཡབ་ 54

༸གོང་ས་མཆོག་གི་བཀའ་སློབ།

སྲས་ཀྱིས་གསང་བ་འདུས་པའི་བཤད་གྲྭ་བཙུགས་ནས་རྒྱུད་སྟོད་སྨད་གཉིས་དང༌། གཙང་ཁུལ་སྲད་རྒྱུད་པ་ཡོད། གང་ལྟར་ཡང་སྙིང་རྗེ་བཙུན་ཤེས་རབ་སེང་གེ་ཡབ་སྲས་ཀྱི་བརྒྱུད་འཛིན་དེ་དག་གིས་གསང་བ་འདུས་པ་གཙོ་

བོ་གནང་ནས། ཁ་རྒྱུན་དུའང་འགྲོ་ན་གསང་བ་འདུས་པ་དང༌། བསྡད་ན་གསང་བ་འདུས་པ་ཞེས་བརྗོད་ཀྱི་ཡོད།

ངོས་ནས་རྩེད་མོའི་ཚུལ་དུ་བླ་མ་རྒྱུད་པ་དང༌། གྲྭ་ཚང་གི་གྲྭ་པ་སོགས་ལ་སོ་སོས་ཉེས་རྡུང་བཟེད་ཀྱིན་བཟེད་ ཀྱིན་ལ་བསླབ་པའི་གསང་བདེ་འཇིགས་གསུམ་གྱི་དཔེ་ཆ་འདི་ཚོ་ཚོགས་འདོན་གྱི་ཁྲལ་རྒྱུགས་བྱེད་པ་ལྟ་བུ་མ་

གཏོགས་བྱང་ཆུབ་སྒྲུབ་པར་ཕན་མ་ཐོགས། བྱང་ཆུབ་སྒྲུབ་པར་རྗེ་རིན་པོ་ཆེའི་གསུང་པོད་བཅོ་བརྒྱད་ནང་མེད་ པའི་རྣལ་འབྱོར་མ་ཡིན་ཞེས་འདོན་པ་འདི་ཁྱད་མཚར་རེད་ཅེས་བཤད་ཀྱི་ཡོད། དེ་ནི་ངོས་རང་གི་མཐོང་ཚུལ་

ཡིན། དེ་དག་ལ་གཟབ་གཟབ་མ་བྱས་ན་མིང་དགེ་ལུགས་པའི་མིང་འཁྱེར་ཏེ་ཞེན་ཁོག་བྱེད་ཀྱི་ཡོད་ཀྱང་ངོ་ཐོག་ གང་འདྲ་ཞིག་གི་ཐོག་ཏུ་འགྲོ་གི་ཡོད་མེད་ཡག་པོ་ཤེས་དགོས་པ་ཡིན།

ད་ལྟ་གོང་དུ་ཞུས་པ་བཞིན་འཇམ་མགོན་ྋརྒྱལ་བའི་བསྟན་སྲུང་ཞེས་པ་འདི་ཧ་ཅང་ཐལ་བའི་སྐད་ཆ་

རེད། གཉིས་ནས་བསམ་བློ་ཞིག་ཐོངས་དང༌། དངོས་ཡོད་གནས་ཚུལ་ལ་དགེ་ལུགས་པའི་དགོན་པ་གཙོ་བོ་ཆེ་

བ་དེ་དག་གིས་དྲེགས་པའི་ནང་ནས་ལྷ་གང་ཞིག་གཙོ་བོ་བྱེད་ཀྱི་ཡོད་ཅེ་ན། སྐུ་ལྔ་གཙོ་བོ་བྱེད་ཀྱི་ཡོད། འབྲས་

སྤུངས་བརྗོད་མི་དགོས་ཤིང༌། སེ་རར་ཡང་དཔེར་ན། བྱ་ཁྲིའམ་ཀརྨ་ཤར་དང༌། སེར་སྨད་ཀྱི་ཐ་འོག་རྒྱལ་པོ་

སྐུ་ལྔའི་གྲས་ཆགས་ཡོད། དགའ་ལྡན་ལ་དེ་རིགས་དམིགས་བསལ་མེད་པར་ཆོས་རྒྱལ་གཙོ་བོ་ཡིན་པ་འདི་ དཀོན་མཆོག་གོང་ཕུད་དང༌། ཧ་ཅང་ཡག་པོ་ཡིན། དེ་ནས་རྒྱུད་གྲྭ་གཉིས་ལ་མཚོན་ན་མགོན་ཆོས་གཉིས་

ཡིན། རྒྱུད་པར་གསོལ་ཇའི་བར་མཚམས་སུ་རྒྱུད་སྨད་ཡིན་ན་བརྐྱངས་བསྐུམས་མ་གསོག་པ་དང༌། རྒྱུད་སྟོད་ ཡིན་ན་མྱུར་མཛད་མ་གསོག་གི་ཡོད།

དེ་ནས་མར་བླ་བྲང་བཀྲ་ཤིས་འཁྱིལ་ལ་བལྟས་པ་ཡིན་ན་ཀུན་མཁྱེན་བླ་མ་ཡབ་སྲས་ཀྱི་གདན་ས་འཇམ་

མགོན་བླ་མ་ཙོང་ཁ་པ་ཆེན་པོའི་བསྟན་པ་བཤད་སྒྲུབ་གཉིས་ཀྱི་ཐོག་ནས་འཛིན་མཁན་ཆོས་སྡེ་ཆེན་པོ་དེར་ཡང་

གནས་ཆུང་གཙོ་བོ་ཡིན། སྐུ་འབུམ་ལ་ཆ་བཞག་ན། དེའི་སྲུང་མ་ཡང་གཙོ་བོ་གནས་ཆུང་རེད། དེ་ནས་མར་ སོག་ཡུལ་ལ་བརྩིས་ན་དྷཱ་ཁུ་རལ་གྱིས་མཚོན་པའི་ཆེན་པོ་ཧོར་གྱི་ཡུལ་གྲུ་མང་པོ་ཞིག་གནས་ཆུང་དང་འབྲེལ་

བ་ཤུགས་ཆེན་པོ་འདུག ཁམས་ཀྱི་དཀར་མཛེས་དགོན་པ་སོགས་དགེ་ལུགས་པའི་དགོན་པ་གཙོ་ཆེ་བ་མང་པོ་ ཞིག་གིས་གནས་ཆུང་དང༌། སྐུ་ལྔའི་རྣམ་སྤྲུལ་འདྲ་མིན་བསྟེན་མཁན་རེད། ཡིན་ནའང་འཇམ་མགོན་རྒྱལ་བའི་ 55

༸གོང་ས་མཆོག་གི་བཀའ་སློབ།

བསྟན་སྲུང་ཞེས་མིང་བཏགས་མེད་ལ། མིང་དགོས་ཀྱི་ཡང་མེད། དེས་བསྟན་པ་སྤྱིའི་ཞབས་འདེགས་སྒྲུབ་ཀྱི་ ཡོད། ཚུར་ཕྱོགས་ལ་དོལ་རྒྱལ་འབྲས་སྤུངས་ཀྱིས་བསྟེན་གྱི་མེད། ལོ་རྒྱུས་ཐོག་ནས་ཧ་ཅང་དམ་བསྒྲགས་ཡོད།

སེ་རའི་ནང་སྔ་མོ་མེད་ལ། དགའ་ལྡན་དུའང་སྔ་མོ་མེད། རེ་ཟུང་རེ་ཟུང་ནས་བསྟེན་མཁན་ཡོད་པ་དེ་ཡང་རྩོད་པ་

ཅན་དང༌། དོགས་པ་ཅན་ཞིག་གི་ཐོག་བསྡད་ཡོད། ད་ལྟ་གོང་དུ་ལུང་དྲངས་པ་དེ་འདྲ་ཞིག་ལ་འཇམ་མགོན་རྒྱལ་ བའི་བསྟན་སྲུང་ཞེས་མིང་འདི་དངོས་ཡོད་གནས་ཚུལ་ལ་གཞིགས་ཏེ་ཏན་ཏན་བསམ་བློ་བཏང་བ་ཡིན་ན་རན་པོ་

མེད། གོང་དུ་ཞུས་པ་བཞིན་སྲུང་མ་བསྟེན་ཕྱོགས་དེ་དག་འཇམ་མགོན་བླ་མ་ཙོང་ཁ་པ་ཆེན་པོས་ལམ་རིམ་སྨོན་ ལམ་ནང༌།

གང་ཚེ་ཐེག་པ་མཆོག་ལ་ཆོས་སྤྱོད་བཅུས། ། ཚུལ་བཞིན་སྒྲུབ་ལ་བརྩོན་པ་དེ་ཡི་ཚེ། །

མཐུ་ལྡན་རྣམས་ཀྱིས་རྟག་ཏུ་གྲོགས་བྱེད་ཅིང༌། །

བཀྲ་ཤིས་རྒྱ་མཚོས་ཕྱོགས་ཀུན་ཁྱབ་གྱུར་ཅིག །

ཅེས་གསུངས་པ་འདི་གང་ཟག་རང་ཉིད་ཀྱིས་ཐེག་པ་མཆོག་གི་ལམ་ལ་བསླབ། ཐེག་པ་མཆོག་གི་

བསྟན་པ་བཤད་སྒྲུབ་ཟུང་འབྲེལ་གྱི་ཐོག་ནས་འཛིན་སྐྱོང་སྤེལ་གསུམ་གྱི་ཉམས་ལེན་བྱས་པ་ཡིན་ན། ཚུལ་

བཞིན་སྒྲུབ་ལ་བརྩོན་པ་དེ་ཡི་ཚེ། །མཐུ་ལྡན་དཀར་ཕྱོགས་སྐྱོང་བའི་སྲུང་མ་དེ་དག་གིས་ངང་གིས་འཁོར་ནས་ གྲོགས་དང་འཕྲིན་ལས་བྱེད་དགོས་པ་ཞིག་ཆགས་ཡོད། སོ་སོའི་ངོས་ནས་ཆོས་དང་མཐུན་པའི་ཉམས་ལེན་

རང་གི་རྒྱུད་ལ་ཞུ་དག་འཕེར་བའི་ཡག་པོ་མེད་པར་ལྷ་གསོལ་ཀླུ་གསོལ་བྱས་ཏེ་ཕྱིན་ན། འགྲོ་སྟངས་དེ་རྩ་བ་ ནས་འགྲིགས་ཀྱི་མེད། ད་ལྟའི་ང་ཚོའི་བྱེད་སྟངས་འདི་ལྟར་བྱས་ཏེ་ཕྱིན་པ་ཡིན་ན། རིམ་པས་ང་ཚོ་བོད་ཀྱི་ནང་

པའི་ཆོས་དང༌། ལྷག་དོན་གདན་ས་ཆེ་ཁག་མང་པོ་ཞིག་གིས་ཧ་ལམ་བོན་གྱེར་བ་ལྟ་བུས་ལྷ་གསོལ་ཀླུ་གསོལ་ བྱེད་པའི་སྒང་ལ་ཕྱིན་ན། འདིས་བསྟན་པ་སླ་རུ་འགྲོ་བ་དང༌། ཅང་ཅང་ལ་འགྲོ་རྒྱུའི་ཉེན་ཁ་འདུག

ཆོས་དང་འབྲེལ་བའི་ཐོག་ནས་ཞུས་ན་ངོས་ཀྱིས་འདི་འདྲ་ཞིག་མཐོང་གི་འདུག དམ་པ་གོང་མ་སྤྱིའི་

ཕྱག་བཞེས་དང༌། གསུང་སྟངས་ལ་སྒོ་བསྟུན་དུས་དམ་པ་རེ་ཟུང་གིས་གསུངས་པ་དེ་མ་མཐུན་པ་ཡོང་གི་ཡོད་ ན། དེ་ནི་ལམ་རིམ་ཆེན་མོའི་ནང་རྗེ་རིན་པོ་ཆེས་གསུངས་པ་ལྟར། གཞུང་ཆེན་མོ་དང་རྣམ་པ་ཐམས་ཅད་དུ་

འགལ་ན་མི་འགྲིགས། གལ་སྲིད་གཞུང་ཆེན་པོ་དང་འགལ་གྱི་འདུག་ན། འདོར་འོས་མན་ངག་བྱ་བ་ལ་བབས་ 56

༸གོང་ས་མཆོག་གི་བཀའ་སློབ།

པ་ཡིན་ཞེས་གསུངས་ཡོད། དེ་བཞིན་བྱས་ནས་བསྟན་པ་སྤྱིའི་འགྲོ་སྟངས་དང༌། དགེ་ལུགས་པའི་བསྟན་འཛིན་ གྱི་སྐྱེས་བུ་སྤྱིའི་གཟིགས་ཕྱོགས་དང་མ་མཐུན་པ་ཞིག་ཡོང་གི་ཡོད་ན། རེ་ཟུང་རེ་ཟུང་གིས་གསུངས་པ་དེ་དོར་

རྒྱུ་རེད་མ་གཏོགས། རེ་ཟུང་གིས་གསུངས་པ་དེ་རྒྱུ་མཚན་དུ་བྱས་ཏེ་བླ་མ་གོང་མ་མང་པོ་ཞིག་གིས་གསུངས་ པ་དེ་དག་ནོར་འཁྲུལ་རེད་ཅེས་བརྗོད་རྒྱུ་ཧ་ཅང་ཁག་པོ་ཡིན།

གཉིས་ནས་ཕྱོགས་གཅིག་ལ་ཕ་རྒོད་བླ་མའི་ཞལ་ལུང་ནང་ཡོད་པ་བཞིན་དོལ་རྒྱལ་གནོད་པ་ཚ་པོ་ཡོད་

པའི་གནས་ཚུལ་བརྗོད་རྒྱུ་ཞིག་ཡོད་ཀྱང༌། ཕྱོགས་གཞན་ལ་དེ་ལས་རྒྱས་ཙམ་གྱི་གནས་ཚུལ་བརྗོད་རྒྱུ་ཡོད།

བར་སྐབས་ཁམས་ཁུལ་གྱིས་མཚོན་པའི་དབུས་གཙང་གི་ས་ཁུལ་མང་པོ་ཞིག་གི་དགོན་པ་སྤྱི་དང༌། བླ་མ་གྲྭ་པ་

སྒེར་སོ་སོས་ཕྱིས་སུ་རྒྱལ་ཆེན་གསར་སྤྲོས་ཀྱིས་བསྟེན་པའི་ཉེར་ལེན་གྱིས་གྲ་མ་འགྲིག་པ་བྱུང་བ་མང་པོ་ཤོད་ རྒྱུ་ཡོད། དེ་དག་ཀྱང་མིག་མཐོང་ལག་ཟིན་ཤ་སྟག་ཡིན། འདི་འདྲའི་རྩོད་པ་ཅན་ཞིག་ཡིན་དུས། ཕྱོགས་གཅིག་

གི་ལོ་རྒྱུས་གཅིག་པུར་བལྟས་ནས་གཡག་ཞར་གྱིས་རྩྭ་ཟ་བ་ནང་བཞིན་མ་བྱས་པར། ཕྱོགས་ཚང་མའི་གནས་ ཚུལ་ལ་བལྟས། བླ་མ་ཚད་ཐུབ་དེ་ཚོའི་གསུང་ལ་ཞིབ་འཇུག་བྱས་ཏེ་བསམ་བློ་ཞིག་བཏང་ན། གང་ལྟར་ངོས་ ཀྱིས་བཤད་པ་དེ་དག་ལ་རྒྱུ་མཚན་མཐོང་གི་རེད། གང་ལྟར་ང་ཚོའི་སྤྱིའི་བསྟན་པའི་འགྲོ་སྟངས་ནི། དགེ་སློང་དག་གམ་མཁས་རྣམས་ཀྱིས། །

བསྲེགས་བཅད་བརྡར་བའི་གསེར་བཞིན་དུ། ། ལེགས་པར་བརྟག་ལ་ང་ཡི་བཀའ། ། བླང་བར་བྱ་ཡིས་གུས་ཕྱིར་མིན། །

ཞེས་བཅོམ་ལྡན་འདས་ཁོང་རང་ཉིད་ཀྱིས་གསུངས་པ་ལྟར་བྱེད་དགོས། ངོས་ནས་བཤད་པ་འདི་ྋརྒྱལ་

བ་རིན་པོ་ཆེས་བཤད་པ་རེད་ཅེས་བརྩི་དགོས་དོན་མེད། དངོས་ཡོད་གནས་ཚུལ་གང་འདྲ་ཡིན་མིན་ཞིབ་འཇུག་ ཡག་པོ་བྱོས། ལོ་རྒྱུས་ཁག་ལ་ཡག་པོ་ལྟོས་དང༌། ངོས་ནས་བཤད་པ་འདི་དག་ལ་རྒྱུ་མཚན་ཡོད། གལ་སྲིད་ ངོས་ནས་བཤད་པ་འདི་དག་ལ་དོན་དངོས་ཀྱི་གནོད་བྱེད་ཡག་པོ་ཤོད་རྒྱུ་ཡོད་ན་འགྲིགས་ཀྱི་རེད། གནས་ཚུལ་ ཐ་དད་ཡིན། འཇམ་མགོན་ྋརྒྱལ་བའི་བསྟན་སྲུང་ངོ་མ་ཞིག་ཡིན་ན། དོལ་རྒྱལ་དང་པོ་དྲག་པོའི་སྐུར་ཤར་ཚར་

བའི་རྗེས་སུ་སྤྲུལ་སྐུ་གྲགས་པ་རྒྱལ་མཚན་པཎ་ཆེན་བློ་བཟང་ཆོས་རྒྱན་གྱི་སློབ་མ་རེད། པཎ་ཆེན་བློ་བཟང་ ཆོས་རྒྱན་ལ་ཧ་ཅང་ཐུགས་དད་གནང་གི་ཡོད། དང་པོ་བཀྲ་ཤིས་ལྷུན་པོར་ཞལ་ཕྱོགས་ནས་ཕེབས་པ་ཡིན་པ་ 57

༸གོང་ས་མཆོག་གི་བཀའ་སློབ།

རེད། དེའི་སྐབས་བཀྲ་ཤིས་ལྷུན་པོའི་དགོན་པ་རྣམ་སྲས་རྟ་བདག་བརྒྱད་ཀྱིས་བསྐོར་ནས་ནང་དུ་ཚུད་ཐུབ་མེད། འདི་ཕལ་ཆེར་ཕ་རྒོད་བླ་མའི་ཞལ་ལུང་ནང་ཡོང་བ་ཡོད། རྣམ་ཀུན་རྒྱལ་ཆེན་བསྟེན་གསོལ་གནང་མཁན་ཚོས་

ཀྱང་གསུང་གི་འདུག འདི་ག་རེ་བྱས་པ་ཡིན་ནམ་བསྟན་པ་སྤྱི་དང༌། ཡང་སྒོས་འཇམ་མགོན་བླ་མ་ཙོང་ཁ་པ་ཆེན་ པོའི་བསྟན་པ་སྲུང་མཁན་གྱི་ཆོས་སྲུང་ལ་ཆེད་དུ་གཉེར་ནས་དྲག་པོའི་སྐུར་བཞེངས་པ་ཞིག་ཡིན་ན། པཎ་ཆེན་

བློ་བཟང་ཆོས་རྒྱན་གྱིས་མཁྱེན་དགོས་པ་ཞིག་ཡིན་ལ། རྒྱལ་པོ་ཆེན་པོ་རྣམ་ཐོས་སྲས་ཀྱིས་ཀྱང་མཁྱེན་དགོས་ པ་ཡིན། མ་མཁྱེན་པ་འདི་ཁྱད་མཚར་ཞིག་ཆགས་མི་འདུག་གམ། བཀྲ་ཤིས་ལྷུན་པོར་རྣམ་སྲས་རྟ་བདག་བརྒྱད་

ཀྱིས་བསྐོར་ནས་མ་ཐར་སྟབས་ས་སྐྱ་ལ་ཕྱོགས་ཏེ་སྐབས་དེའི་ས་སྐྱའི་བདག་ཆེན་ཞིག་གིས་ཁྲག་གི་གསེར་ སྐྱེམས་མིན་ནམ་ཞིག་ཕུལ་བ་གནང་ནས་ས་སྐྱས་བསྟེན་སྟངས་དང་པོ་དེ་ལྟར་བྱས་ཏེ་བྱུང་འདུག རྒྱལ་ཆེན་རྟ་ བཞོན་མ་དེ་ས་སྐྱ་ནས་བསྟེན་གྱི་ཡོད། དེ་ཡང་ས་སྐྱ་ཡོངས་རྫོགས་མ་རེད། ལྷག་དོན་དེང་སྐབས་ས་སྐྱའི་ནང་

བསྟེན་མཁན་ཧ་ཅང་ཉུང་ཉུང་རེད། སྔ་མོ་ཡིན་ན་ས་སྐྱའི་རིགས་ཁ་ཤས་ཀྱིས་ཤུགས་ཆེན་པོ་བསྟེན་གྱི་ཡོད་ འདུག

སྔོན་མ་ཀ་ལུ་རིན་པོ་ཆེས་ཐེངས་གཅིག་ངོས་ལ་ལོ་རྒྱུས་ཤིག་གསུངས་མྱོང༌། ཀ་ལུ་རིན་པོ་ཆེ་གཙང་

སྟོད་ཕྱོགས་ལ་གནས་སྐོར་ལ་ཕེབས་ཏེ་ས་སྐྱ་ཁུལ་གྱི་དགོན་པ་ཞིག་ལ་ཕེབས་སྐབས་དེའི་དཀོན་གཉེར་གྱིས་

འདུ་ཁང་དང་ལྷ་ཁང་ནང་སྤྱིར་བཏང་གནས་བཤད་བརྒྱབ་ནས་ཕྱིན་པ་མ་གཏོགས་དམིགས་བསལ་བྱེད་ཀྱི་མི་ འདུག ལྷ་ཁང་ཞིག་གི་སྒོའི་འཁྲིས་ལ་སླེབས་སྐབས་དཀོན་གཉེར་དེས་ཕྱག་གསུམ་འཚལ། སྤོས་ཤིག་འཁྱེར།

ཤིན་ཏུ་གལ་ཆེན་པོ་བྱས་ནས་འཁྲིད་བྱུང༌། དེ་ནི་དོལ་རྒྱལ་གྱི་མགོན་ཁང་རེད་འདུག་གསུང་གི་འདུག དོལ་ རྒྱལ་གནོད་པ་ཚ་པོ་ཡོད་སྟབས་དཀོན་གཉེར་དེས་གལ་ཆེན་པོར་བརྩིས་པ་མིན་ནམ། ཕྱིས་སུ་ས་སྐྱའི་སྐྱེས་

བུ་དམ་པ་མང་པོས་བསྟེན་པ་གནང་གི་མེད། དཔེར་ན། རྫོང་སར་མཁྱེན་བརྩེ་རིན་པོ་ཆེ་ཆོས་ཀྱི་བློ་གྲོས་ལ་

ཆ་བཞག་ན་དོལ་རྒྱལ་ལ་སྡུག་ཐག་ཆོད་གནང་གི་འདུག དེ་ལྟར་དང་པོ་གནས་ཚུལ་ལྷགས་པའི་སྐབས་པཎ་ ཆེན་བློ་བཟང་ཆོས་རྒྱན་གྱི་སྐུ་མདུན་ལ་རྣམ་སྲས་རྟ་བདག་བརྒྱད་ཀྱིས་བསྐོར་ནས་གང་ལྟར་མ་བཏང་བ་རེད། གནས་ཚུལ་དེར་ཡང་བསམ་བློ་གཏོང་དགོས་པ་ཞིག་འདུག འདི་ཞུ་རྒྱུ་གཅིག་ཡིན།

དེ་ནས་ཆབ་སྲིད་ཐོག་འབྲེལ་བ་གང་ཞིག་འདུག་ཅེས་བརྗོད་ན། ཆབ་སྲིད་ཀྱི་འབྲེལ་བའི་སྐོར་ལ། དེ་ཡང་

ལྷ་ཕེབས་རྒྱུ་དེ་ཐོག་མར་སློབ་དཔོན་རིན་པོ་ཆེས་མཛད་གནང་བ་ཡིན་ཚོད། བཙན་པོ་ཁྲི་སྲོང་ལྡེའུ་བཙན་གྱིས་ 58

༸གོང་ས་མཆོག་གི་བཀའ་སློབ།

མཁན་ཆེན་ཞི་བ་འཚོ་བོད་ལ་གདན་ཞུ་གནང༌། མཁན་ཆེན་ཞི་བ་འཚོས་བཀའ་སློབ་དང་འབྲེལ་བའི་ཐོག་ནས་

བསམ་ཡས་གཙུག་ལག་ཁང་བཞེངས་རྒྱུའི་འཆར་གཞི་བཏིང་སྟེ་གང་ལྟར་ྋརྒྱལ་བསྟན་དར་རྒྱས་ཡག་པོ་ཞིག་ ཡོང་བའི་ཐུགས་ཁུར་བསྐྱེད་དེ་འབད་བརྩོན་གནང་བའི་སྐབས་ལ། ནག་པོའི་ཕྱོགས་ཀྱི་གཟུགས་ཅན་མི་དང༌། གཟུགས་མེད་མང་པོ་ཞིག་གི་འགལ་རྐྱེན་འཕྲད་པར་བརྟེན་མཐུ་སྟོབས་ཀྱི་མངའ་བདག་སློབ་དཔོན་རིན་པོ་ཆེ་

ཐུགས་བསྐྱེད་སྨོན་ལམ་དང་ཕྱི་ནང་གི་རྟེན་འབྲེལ་མང་པོ་ཞིག་གི་ཐོག་ནས་གདན་ཞུ་གནང༌། དེ་ལྟར་མཁན་སློབ་ ཆོས་གསུམ་གདན་འཛོམས་ཏེ་སློབ་དཔོན་རིན་པོ་ཆེས་མངོན་མཁྱེན་གྱི་ཐོག་ནས་ཇི་ལྟ་ཇི་སྙེད་པའི་ཆོས་ཐམས་ ཅད་ཅིག་ཅར་དུ་མཁྱེན་གྱི་ཡོད་ནའང་ཐུན་མོང་གི་སྣང་ངོར་གནས་གཙང་མའི་ལྷ་ཞིག་མིའི་ཁོག་ཏུ་ཞུགས་སུ་

བཅུག་ནས་གནོད་པ་སྐྱེལ་མཁན་དེ་དག་གང་དང་གང་ཡིན་ངོས་འཛིན་བྱེད་དུ་བཅུག དེ་ནས་སློབ་དཔོན་རིན་པོ་

ཆེས་དམ་འདོགས་གནང་བའི་ལོ་རྒྱུས་ཡོད། སྔོན་མ་འདི་སྐོར་ཁྲི་བྱང་རིན་པོ་ཆེས་བཀའ་གནང་མྱོང༌། ལོ་རྒྱུས་

ཀྱི་ཕྱག་བྲིས་ཤིག་ཡོད་རྒྱུ་རེད། ངོས་ནས་དྲན་གྱི་མི་འདུག ལྷ་ཕབ་རྒྱུ་འདི་རྩ་བའི་རྒྱུད་སྡེའི་ནང་བུ་དང་བུ་མོ་ གཞོན་ནུ་དེ་འདྲར་ལྷ་ཕབ་རྒྱུ་ཤིག་ཡོང་གི་འདུག རྒྱུད་སྡེའི་ནང་ཡེ་ཤེས་པ་དབབ་རྒྱུ་ཤིག་ཡོད་པ་དེ་འདྲ་དང་ འབྲེལ་བ་ཞིག་ཡོང་གི་ཡོད། གང་ལྟར་ལྷ་ཕབ་རྒྱུ་འདི་དེ་འདྲ་བྱས་ཏེ་ཡོང་གི་ཡོད།

ཆོ ས ་རྒྱལ་ཁྲི ་ སྲོ ང ་ལྡེའུ་བཙན་སྐབས་མཁན་སློ བ ་ཆོ ས ་གསུམ་གདན་འཛོ མ ས་ནས་བསམ་ཡས་

བཞེངས་པ་གནང༌། བསམ་ཡས་ནི་ཆོས་རྒྱལ་རང་གིས་ཧ་ཅང་ཐུགས་གཙིགས་ཆེན་པོ་གནང་བའི་རྩ་བའི་

གཙུག་ལག་ཁང་ཞིག་དང༌། བོད་ཀྱི་བསྟན་སྲིད་ཀྱི་ལྟེ་གནས་ཤིག་ཡིན། དེ་ལ་དཀོར་བདག་རྒྱལ་པོ་སྐུ་ལྔ་བྷན་ ཏ་ཧོར་གྱི་ཡུལ་གྲུ་ནས་གདན་དྲངས་རྒྱུའི་ཕྱི་ནང་གི་ཐབས་ཤེས་ཤིག་གནང་ཡོད། གང་ལྟར་ལྷ་མི་ཟུང་འབྲེལ་ བྱས་ནས་འགྲོ་རྒྱུ་དེ་དུས་ནས་ཆགས་འདུག

དེ་ནས་ཉེ་བའི་ཆར་ད་ལྟ་འདིར་བཙན་བྱོལ་གཞུང་ཞིག་ཡོད་པ་འདིའི་འགོ་ངོས་ནས་འཁྲིད་ཀྱི་ཡོད་པ་

རེད། ང་ཚོ་རྒྱ་གར་དུ་བྲོས་བྱོལ་དུ་ཡོང་སྐབས་བོད་ནང་བོད་གཞུང་དགའ་ལྡན་ཕོ་བྲང་ཞེས་ལོ་སུམ་བརྒྱ་ལྷག་ ཙམ་ཕྱིན་པའི་གཞུང་དེའི་རྒྱུན་ཡོད་པ་དེ་ག་རང་རྒྱ་གར་ལ་སླེབས་པ་དང༌། གཞུང་གི་ངོ་བོ་ཡང་མང་གཙོའི་ རང་བཞིན་ལྡན་པའི་གཞུང་ཞིག་ལ་འགྱུར་བ་བཏང་ནས་ད་ཕན་ལོ་དེའི་རིང་ལས་ཀ་མང་པོ་ཞིག་བྱས་ཡོད། དེ་

ཡང་ང་ཚོ་རྒྱ་གར་ལ་སླེབས་པའི་སྐབས་ང་ཚོས་འདིར་གཞུང་གསར་པ་བཙུགས་པ་ཡིན་ཞེས་རྒྱ་གར་གཞུང་ལ་ མཛད་དཀའ་བཟོ་བ་དེ་འདྲ་གང་ཡང་མ་དགོས་པར། ཏཱ་ལའི་བླ་མ་དང་བཀའ་བློན་གང་འཚམས་ཤིག་ཡོད་པ་འདི་ 59

༸གོང་ས་མཆོག་གི་བཀའ་སློབ།

ལོ་རྒྱུས་ཀྱི་ཐོག་ནས་བོད་གཞུང་ཞིག་ཆགས་ཡོད་དུས་དེ་ལྟར་བྱས་ཏེ་གནས་པ་ཡིན། ངོས་ནས་སྔོན་མ་བཅའ་

ཁྲིམས་བཟོ་བའི་སྐབས་ཨིན་ཇིའི་ཚིག་ནང་བྱས་ན་ Secular བྱས་ན་ཡག་པོ་འདུག་ཅེས་བཤད་ཡོད། ང་ཚོ་ མ་འོངས་པར་ཏན་ཏན་ཆོས་ཀྱི་རྣམ་དབྱེ་གང་ཡང་མེད་པ་དང༌། ཆོས་དང་འབྲེལ་བ་དམིགས་བསལ་མེད་པའི་ གཞུང་ཞིག་ཡོང་མདོག་ཁ་པོ་རེད། དེ་ནི་དེའི་ཚེ་དེའི་དུས་ཀྱི་གནས་ཚུལ་ཐ་དད་ཡིན།

ད་ལྟ་ྋརྒྱལ་བ་རིན་པོ་ཆེའི་མིང་ཡོད་མཁན་གྱི་མི་ཞིག་གིས་འགན་འཁྱེར་བའི་སྒྲིག་འཛུགས་ཤིག་

ཡོད་པ་འདིའི་རྩ་བའི་འགྲོ་སྟངས་ག་རེ་བྱས་ཀྱང་ངོས་ནས་ཆོས་སྲིད་གཉིས་ཀྱི་བླ་མ་ཞིག་དང་། དེ་འདྲའི་ཐོག་

ནས་གང་ལྟར་ཆོས་སྲིད་ཟུང་འབྲེལ་ཞིག་ཆགས་ཀྱི་འདུག དེ་ནི་གང་ཟག་བྱེ་བྲག་པ་ཞིག་ཆོས་ལ་དད་པ་ཡོད་ པ་གཅིག་པུ་མ་ཡིན་པར་སྒྲིག་འཛུགས་དེ་གའི་ཐོག་ནས་འབྲེལ་བ་ཤུགས་ཆེན་པོ་ཆགས་ཡོད། མ་འོངས་པར་ དེ་དག་གནས་ཀྱི་མ་རེད། ད་ལྟའི་གནས་སྐབས་འདིར་ངོས་ལ་འགན་ཞིག་ཡོད་པ་ཡིན་དུས། གང་ལྟར་ལྷ་མི་

ཟུང་འབྲེལ་གྱི་ཐོག་ནས་ལྟ་དགོས་པ་ཞིག་དང༌། འགན་འཁྱེར་དགོས་པ་ཞིག་ཆགས་ཀྱི་འདུག དེ་ཡང་ཕུན་སུམ་

ཚོགས་པའི་ཡན་ལག་ལས་གནོད་འགལ་གང་ཡང་མེད། ང་རང་ཚོའི་ལས་ཀ་ཚང་མ་ལྷ་ལ་འདྲི་གི་མེད། ང་རང་ ཚོ་མིས་བསམ་བློ་བཏང༌། གོ་བསྡུར་བྱས། འཆར་གཞི་བཀོད། ང་རང་ཚོ་མིས་བློའི་ར་བ་ལས་འདས་པའི་གནས་ ཚུལ་དེ་འདྲ་ཡོང་བའི་སྐབས་ལྷ་ལ་དྲིས། ཆོས་སྐྱོང་ཚོར་དྲིས་པ་གཅིག་པུ་ལ་ཆ་མ་བཞག་པར་ཟན་བརྟག་བསྒྲིལ།

དེ་ལྟར་བྱས་ཏེ་འགྲོ་གི་ཡོད། ངོས་རང་གིས་ལོ་བཅུ་དྲུག་ཙམ་ནས་བོད་ཀྱི་ཆབ་སྲིད་ཀྱི་འགན་འཁྱེར་བ་ཡིན། ད་ ལྟ་ལོ་དྲུག་ཅུ་རེ་གཅིག་ལ་སླེབས་ཡོད། དེའི་རིང་གཙོ་བོ་ང་རང་ཚོ་མིས་བསམ་བློ་བཏང༌། འཆར་གཞི་བཀོད།

དེ་ནས་སྐབས་རེར་དོགས་མ་ཆོད་པ་ལྷ་ལ་སྐད་ཆ་དྲིས། དེ་དག་ལའང་ཆ་མ་བཞག་པར་མཐར་ཐུག་ཟན་བརྟག་ བསྒྲིལ་བ་བཅས་ད་ལྟ་བར་དུ་དེ་ལྟར་བྱས་པ་ཡིན་ལ། དོན་དག་ཆེ་སའི་ཐོག་ནོར་སོང་བསམ་པ་ཞིག་རྩ་བ་ནས་ མེད། ད་ལྟ་བར་དུ་ང་རང་སྒེར་གྱི་ངོས་ནས་ཆ་བཞག་ན། དེ་ཕན་ཐོགས་ཆེན་པོ་འདུག་སྙམ་པ་དྲན་གྱི་ཡོད། དེ་ ལྟར་ལྷ་མི་ཟུང་འབྲེལ་བྱས་ཏེ་འགྲོ་རྒྱུ་འདི་ཕན་ཐོགས་ཡོད་པ་ཡག་པོ་ཞིག་རེད་འདུག ངོས་ནས་འགན་འཁྱེར་

བའི་རིང་ལྷ་མི་ཟུང་འབྲེལ་བྱས་ཏེ་འགྲོ་རྒྱུ་ཕན་ཐོགས་ཡོད་པ་ཞིག་ཡིན་པ་ལྟར། མུ་མཐུད་དེའི་ཐོག་འགྲོ་གི་ ཡོད། དེར་བརྟེན་ང་རང་ཚོ་མི་དམ་ཚིག་གཙང་མ་དགོས་པ་ནང་བཞིན་ལྷ་ཡང་དམ་ཚིག་གཙང་མ་དགོས་རྒྱུ་འདི་

ཤིན་ཏུ་ནས་གལ་ཆེན་པོ་ཆགས་ཡོད། ལྷ་མི་ཕྱར་བ་གྲུ་འདེགས་བྱེད་དགོས་བྱུང་ན་ཚང་མ་དམ་ཚིག་གཙང་མ་

དགོས་པ་ཡིན། དམ་ཚིག་མ་གཙང་བའི་གནས་ཚུལ་བྱུང་བ་དང༌། མཐུན་སྒྲིལ་རྡོག་རྩ་ཆིག་བསྒྲིལ་མེད་ན། ལས་ 60

༸གོང་ས་མཆོག་གི་བཀའ་སློབ།

ཀ་གང་ལའང་སྐྱོན་ཡོང་བ་འདི་ལྷའི་འཇིག་རྟེན་ནང་ཡིན་ནའང་འདྲ། མིའི་འཇིག་རྟེན་ནང་ཡིན་ནའང་འདྲ། གང་ སར་གཅིག་པ་ཡིན་པས། མཐུན་སྒྲིལ་གོང་བུ་གཅིག་གྱུར་དང༌། དམ་ཚིག་གཙང་མ་དགོས་རྒྱུ་འདི་གལ་ཆེན་པོ་ ཆགས་ཡོད།

དོལ་རྒྱལ་གྱི་སྐོར་གོང་དུ་བརྗོད་པ་བཞིན་སྐུ་གོང་མས་དམ་བསྒྲགས་གནང་ཡོད། སྐུ་གོང་མས་དམ་

བསྒྲགས་གནང་བ་དེ་ལ་དོལ་རྒྱལ་གྱི་ལྟ་སྟངས་གང་འདྲ་ཞིག་ཡོད་དམ་ཞེ་ན། དེ་སྐོར་ྋསྐྱབས་རྗེ་ཕ་བོང་ཁའི་ རྣམ་ཐར་ཟུར་འདེབས་རྒྱ་གར་པར་མ་ཁ་པའི་ཤོག་གྲངས་ ༧༢ དང་རྒྱ་གར་གྱི་ཨང་གྲངས་བརྩིས་ན་ ༡༤༣

པའི་ནང་གསལ་བར། ཧོར་ཟླ་བདུན་པའི་ནང་བཞི་སྡེ་ཏཱ་ཟུར་ལྷ་ལྡན་དུ་བཞུགས་སྐབས་ཤིག་ཏུ་ཐོ་རེངས་སྔ་ བར་དགེ་སྦྱོར་ལ་འབད་པའི་དུས་མདུན་དུ་རྒྱལ་ཆེན་ཤུགས་ལྡན་ཁོག་ཞུགས་ཀྱི་གྲྭ་པ་ཞིག་ཡིན་སྙམ་ཤར་བ་

ལྟ་བུས་སྐད་གསང་མཐོན་པོའི་སྒོ་ནས། དགུ་རྫོགས་གནམ་གང་ཡིན་དཱ། ཞེས་ལན་གཉིས་སུ་བཟླས་ཏེ་གསལ་ པོར་སྨྲས་པ་བྱུང༌། ཏཱ་ཟུར་ནས་བཞི་སྡེ་ཏཱ་ཟུར། དེ་མ་ཐག་དེ་རིང་རྡོ་རྗེ་འཆང་གི་ྋསྐྱབས་རྗེ་ཕ་བོང་ཁ་རིན་པོ་ཆེ། མདུན་དུ་ཆེད་བཅར་གྱིས་འདི་སྐོར་འཕྲལ་དུ་ཞུ་དགོས་སྙམ་དུ་དེ་ཉིན་སྔ་ཆར་ཆེད་བསྐྱོད་ཀྱིས་བཀྲ་ཤིས་ཆོས་ གླིང་དུ་ཕེབས་ནས་རྗེ་བླ་མ་མཆོག་ཕ་བོང་ཁ་རིན་པོ་ཆེར་དེའི་སྐོར་ཞིབ་ཏུ་ཞུས་པར་རྗེ་ཉིད་ནས་ད་ལྟ་འདི་ཡིན་

གྱི་ཁ་ཚོན་གཅོད་དཀའ་ཡང༌། སླད་བརྟག་དཔྱད་བྱ་དགོས་ཞེས་གོང་དུ་ཏཱ་ཟུར་ལ་ཇི་ལྟར་བྱུང་བའི་གནས་ཚུལ་ རྣམས་ཟླ་ཚེས་གསལ་པོ་འཁོད་ཀྱི་བསྙེལ་ཐོ་ཕྱག་བྲིས་སུ་འདེབས་པར་མཛད་ཅེས་འཁོད་འདུག ང་རང་ཚོ་ཚང་ མ་བོད་སྐད་ཤེས་མཁན་ཤ་སྟག་ཡིན་ཞིང༌། སྐད་གསང་མཐོན་པོས་སྒྲོགས་ཞེས་བརྗོད་ན། ཚིག་འདི་གང་འདྲ་

ཞིག་འདུག་གམ། སྐད་གསང་མཐོན་པོས་སྒྲོགས་ཞེས་བརྗོད་དུས་གཏམ་བཟང་ཡག་པོ་ཞིག་ཤོད་རྒྱུ་ཡོད་པའམ།

ཡང་ན་སྤོབས་པ་བྱས་ནས་ཤོད་རྒྱུ་ཡོད་པ་ཞིག་ཡིན་ན། དེ་ལ་སྐད་གསང་མཐོན་པོས་སྒྲོགས་ཞེས་པ་འདི་ཡོང་ གི་ཡོད། དགུ་རྫོགས་གནམ་གང་ཡིན་དཱ་ཞེས་སྐད་གསང་མཐོན་པོས་ལན་གཉིས་བསྒྲགས་པ་དེའི་དོན་དག་གང་

ཡིན། གོང་གསལ་རྣམ་ཐར་དེ་གའི་ཤོག་གྲངས་ ༧༦ གི་རྒྱབ་ཤོག་ནང་གསལ་བར། ཟླ་བ་དེ་གའི་གནམ་གང་ ཉིན་ྋགོང་ས་ྋརྒྱལ་བའི་དབང་པོ་མཆོག་དགོངས་པ་ཆོས་དབྱིངས་སུ་མནལ་ཚུལ་བཞེས་པས་སྔར་བཞི་སྡེ་ ཏཱ་ཟུར་ལ་ཆོས་སྐྱོང་ཤུགས་ལྡན་གྱིས་གསུངས་པའི་ཉམས་སྣང་ལྟ་བུས་དགུ་རྫོགས་གནམ་གང་ཡིན་ཟེར་བའང་ འདི་སྐབས་གསལ་པོར་ངོ་འཕྲོད་པའི་ཐུགས་ངེས་འདྲོངས་པ་བྱུང་སྟེ། ཟླ་བ་དགུ་པ་རྫོགས་ནས་བཅུ་པའི་གནམ་

གང་ཉིན་ྋགོང་ས་ྋཆེན་པོ་སྐུ་འདས་ཚུལ་བཞེས་པའི་དུས་ཡིན་བྱ་རྒྱུར་འདུག་གསུངས་ཞེས་འཁོད་འདུག 61

༸གོང་ས་མཆོག་གི་བཀའ་སློབ།

གཏམ་བཟང་པོའི་དོན་དག་ཅིག་རེད་མི་འདུག ྋརྒྱལ་བ་སྐུ་ཕྲེང་བཅུ་གསུམ་པ་ཆེན་པོ་སྐུ་གཤེགས་རྒྱུ་ཡིན་ པ་དེ་རྒྱལ་ཆེན་སྐུ་ཕེབས་ཀྱི་རྣམ་འགྱུར་ཐོག་ནས་སྐད་གསང་མཐོན་པོས་དགུ་རྫོགས་གནམ་གང་ཡིན་དཱ་ཞེས་

བརྗོད་དེ་གང་ལྟར་ཡང་སྙིང་སྐུ་མདུན་སྐུ་གོང་མས་རྒྱལ་ཆེན་ལ་ཕྲན་བུ་དམ་བསྒྲགས་གནང་བ་ཡིན་དུས། ྋརྒྱལ་ བ་སྐུ་གོང་མ་ཤི་ན་དགའ་བ་བྱེད་མཁན་དེ་རྒྱལ་ཆེན་ཆགས་འདུག གང་འདྲ་ཞིག་འདུག་གམ།

དཔེར་ན། དགེ་འདུན་གྲུབ་པའི་རྣམ་ཐར་ནང་སྐབས་ཤིག་གི་མཚན་ལམ་ལ་བུད་མེད་ཅིག་བྱུང་ནས་

བུད་མེད་དེས་ངུ་གིན་ངུ་གིན་ལ་ངའི་མིང་པོ་གྲོངས་སོང༌། ཞེས་ངུ་གིན་ངུ་གིན་ལ་ཞུས་ཡོད། དགེ་འདུན་གྲུབ་

པས་དེ་ག་རེ་ཡིན་ནམ་དགོངས་ནས་བརྟག་དཔྱད་གནང་དུས། དུས་ཚོད་གང་འཚམས་ཕྱིན་པའི་རྗེས་ལ་རྗེ་

བཙུན་ཤེས་རབ་སེང་གེ་དགོངས་པ་རྫོགས་པའི་ཚེས་གྲངས་དེ་འཁེལ་ཡོད་པ་རེད། རྗེ་བཙུན་ཤེས་རབ་སེང་ གེ་དགོངས་པ་རྫོགས་དུས་དགེ་འདུན་གྲུབ་པ་གཙང་ལ་ཡོད་ཅིང༌། དགེ་འདུན་གྲུབ་པའི་མཚན་ལམ་ལ་བུད་

མེད་དེས་སྨྲེ་སྔགས་ཀྱི་ཐོག་ནས་ཞུས་ཡོད། དངོས་གནས་བྱས་ན་སྐུ་མདུན་སྐུ་གོང་མ་བོད་ཟླ་བཅུ་པའི་གནམ་

གང་ལ་དགོངས་པ་རྫོགས་རྒྱུའི་ལན་བརྡ་ཞིག་ཡིན་ན། བློ་ཕམ་སེམས་ཕམ་གྱི་སྨྲེ་སྔགས་འདོན་པའི་སྒོ་ནས་

དགུ་རྫོགས་གནམ་གང་ཡིན་དཱ་ཞེས་བརྗོད་དགོས་ཚོད་ཀྱང༌། སྐད་གསང་མཐོན་པོས་དགུ་རྫོགས་གནམ་གང་

ཡིན་དཱ་ཞེས་བརྗོད་པ་འདི་ལ་བསམ་བློ་གཏོང་དགོས་པ་ཞིག་འདུག འདི་ངོས་ནས་བྲིས་པ་མིན་པར་བློ་བཟང་ རྡོ་རྗེ་ལགས་ཀྱིས་དོ་སྣང་མ་བྱུང་བ་ཡིན་ནམ། ཡང་ན་སྤོབས་པ་ཆེན་པོའི་ཐོག་ནས་དངོས་ཡོད་ལོ་རྒྱུས་སྨྲ་བ་ པོ་ཇི་བཞིན་བྱས་ཏེ་དངོས་ཡོད་གནས་ཚུལ་རང་བྲིས་འདུག འདིར་བསམ་བློ་གཏོང་དགོས་པ་ཞིག་འདུག

དགའ་ལྡན་ཕོ་བྲང་དང་ཐོག་མར་ལོ་རྒྱུས་ཡོང་སྟངས་དང༌། བར་སྐབས་སྐུ་གོང་མས་དམ་བསྒྲགས་

གནང་སྟངས། སྐུ་གོང་མ་མ་གཤེགས་གོང་གི་བོད་ཟླ་བདུན་པའི་ནང་དགུ་པ་རྫོགས་ནས་བཅུ་པའི་གནམ་

གང་ཉིན་སྐུ་མདུན་སྐུ་གོང་མ་དགོངས་པ་རྫོགས་རྒྱུའི་རྫོགས་ཚེས་དེ་སྐད་གསང་མཐོན་པོའི་ཐོག་ནས་བཤད་ མཁན་གྱི་ལྷ་དེ་ངོས་ཀྱི་མཐོང་ཚུལ་ལ་ལྷ་བྱབ་ཆུང་ཞིག་རེད་སྙམ་པ་བྱུང༌། དངོས་གནས་འཇིག་རྟེན་དྲེགས་པ་ དང༌། དྲེགས་པའི་ནང་ནས་ཀྱང་ཧ་ཅང་གི་བློ་ཆུང་ཞིག ྋརྒྱལ་བ་སྐུ་ཕྲེང་བཅུ་གསུམ་པ་ཆེན་པོས་རྒྱལ་ཆེན་ལ་

ཕྲན་བུ་དམ་བསྒྲགས་གནང་བ་དང༌། ྋསྐྱབས་རྗེ་ཕ་བོང་ཁའི་མཛད་པའི་རིགས་ཁ་ཤས་ལའང་ཕྲན་བུའི་དམ་

བསྒྲགས་དང་བཀའ་བརྩད་གནང་ཡོད། དེ་སྐོར་ཁ་ཤས་རྣམ་ཐར་ནང་ཐོན་ཡོང་གི་འདུག དེ་འདྲའི་གནས་ཚུལ་

ཞིག་བྱུང་བ་ཡིན་དུས། ལྷ་ཁོ་རང་གི་སོ་སོའི་ངོ་གདོང་ལ་ཕྲན་བུ་མ་བདེ་བ་ཞིག་བྱུང་བ་དེས་མ་བདེ་བ་བཟོ་ 62

༸གོང་ས་མཆོག་གི་བཀའ་སློབ།

མཁན་གྱི་མི་དེ་ཤི་ན་ཧ་ཅང་དགའ་པོ་བྱེད་མཁན་ཞིག་རེད་འདུག ྋརྒྱལ་བ་སྐུ་གོང་མས་བོད་ཀྱི་བསྟན་སྲིད་

སྤྱི་ལ་གང་འདྲ་ཞིག་གནང་དང་མ་གནང་དང༌། དགེ་ལུགས་པའི་བསྟན་པ་ལ་གང་འདྲ་གནང་དང་མ་གནང༌། དེ་ སྐོར་བསམ་ཤེས་རྩ་བ་ནས་མེད་པར། ཕྲན་བུ་དམ་བསྒྲགས་གནང་བ་དེ་ལ་མ་དགའ་བ་བྱས་ནས་གང་ལྟར་

སྐུ་གོང་མ་ཤི་སྒུག་རྒྱག་མཁན་ཞིག་ཆགས་ཡོད། སྐུ་གོང་མ་གཤེགས་པར་དགའ་པོ་བྱེད་མཁན་གྱི་ལྷ་དེར་

ང་ཚོ་བོད་པས་བརྩི་བཀུར་བྱེད་དགོས་པ་རེད་དམ་མ་རེད། སྐུ་མདུན་སྐུ་གོང་མ་དེ་བསྟན་དགྲ་རེད་དམ་མ་ རེད། དགེ་ལུགས་པའི་བསྟན་པར་གནོད་པ་བསྐྱལ་འདུག་གམ་མི་འདུག བོད་ཀྱི་བསྟན་སྲིད་སྤྱི་ལ་འགལ་རྐྱེན་ བཟོ་མཁན་ཞིག་རེད་འདུག་གམ། བཀའ་དྲིན་ཆེན་པོ་ཞིག་རེད་འདུག དེར་ང་ཚོས་གཞི་ནས་བསམ་བློ་གཏོང་ དགོས། དེ་ལྟར་ལོ་རྒྱུས་འབྲེལ་ཏེ་ཡོང་དུས་རྙོག་དྲ་ཚ་པོ་ཡིན།

ང་རང་སྒེར་གྱི་ངོས་ནས་གྲོ་མོར་འདུལ་འཛིན་ཕེབས་སྐབས་ཧ་ཅང་དགའ་པོ་དང་གུས་ཞབས་བྱས་ནས་

ཕྱག་སྡོང་པོ་འགྱེལ་བ་ནང་བཞིན་འཚལ་གྱི་འདུག ག་རེ་ཡིན་ནམ་མི་ཤེས། སྔ་ཕྱིའི་ལོ་རྒྱུས་ཡོང་རྐྱེན་མང་པོ་

ཞིག་གུང་བསྒྲིགས་ནས་ཡོང་དུས་རྙོག་དྲ་ཆེན་པོ་འདུག དེ་རིང་ཁ་སང་དམ་ཉམས་ཡིན་དང་མིན་ཞེས་པ་འདི་ ང་ཚོའི་སྤྱི་ཚོགས་ནང་རྙོག་དྲ་གང་འདྲ་ཆགས་ཡོང་གི་མི་འདུག་གམ། བླ་མ་དང་སློབ་མའི་བར་རྙོག་དྲ་གང་འདྲ་

ཡོང་གི་མི་འདུག་གམ། ཡང་ན་དེ་ལ་ཧོབ་སྟེ་བལྟས་ན་དེ་ནི་ྋརྒྱལ་བ་རིན་པོ་ཆེས་མི་བྱེད་དགུ་བྱེད་བྱེད་ཀྱིན་

བསྡད་སྟབས་དམ་ཚིག་ཉམས་ཆག་ཡོང་གི་འདུག་ཅེས་བརྗོད་མདོག་ཁ་པོ་རེད། དང་པོ་སུས་འགོ་བཙུགས་པ་ རེད་དམ། དང་པོ་ངས་རྙོག་དྲ་བཟོ་རྒྱུ་མ་བྱུང༌། གནས་ཆུང་ནས་གསུངས་པའི་སྐབས་ཞལ་ཁར་བཞུགས། འདི་ ཡག་པོ་རྩ་བ་ནས་མ་རེད། འདིས་རྙོག་དྲ་ཆེན་པོ་བཟོ་གི་རེད་ཅེས་གནས་ཆུང་གི་ཞལ་བཀག་ནས་བསྡད་པ་ཡིན།

དངོས་གནས་བྱས་ན་གནས་ཆུང་གིས་ང་ལ་གནོད་དགོས་ཚོད་ཡོད། ངོས་ནས་ཞལ་བཀག་པ་རེད། ཡིན་ནའང་ ཚོད་མེད་ཧ་ཅང་ཆེན་པོ་ཞིག་བྱས་ཡོང་དུས་གནས་ཚུལ་ལ་འགྱུར་བ་ཕྱིན་པ་རེད་ལ། བར་སྐབས་ཀྱི་གནས་ ཚུལ་ལ་ཆ་བཞག་ན་ངོས་ནས་སྔོན་མ་ཉེན་བརྡ་ཚར་མང་པོ་བཏང་བ་དེ་དག་ཐོག་ཏན་ཏན་ཉན་ཏེ་སྐུ་མདུན་སྐུ་

གོང་མ་གསེར་ཞལ་འཚོ་བཞུགས་སྐབས་ཀྱི་གནས་སྟངས་ནང་བཞིན་བྱས་ནས། དོལ་རྒྱལ་ཡང་ཡུལ་ལྷ་གཞི་ བདག་གམ་སྐྱེས་ལྷ་ཡུལ་ལྷ་ལྟ་བུར་བསྟེན་མཁན་ཚོས་བསྟེན། དེ་ལས་སྤྲོས་པའི་ཧ་ཅང་གི་འཆོར་ཆེན་པོ་དང༌།

ཧམ་པ་ཚ་པོ་མེད་པར་བསྡད་ན་ངོས་ནས་ཤོད་དགོས་དོན་གང་ཡང་མེད། སྤྱི་འགྲེ་སྤྱི་མཚུངས་སུ་འགྲོ་གི་རེད། ཡིན་ནའང་མི་བྱེད་དགུ་བྱེད་ཧ་ཅང་ཆེན་པོ་ཞིག་བྱེད་ཀྱི་ཡོད་དུས་མ་བརྗོད་ན་མ་འགྲིག་པ་དང༌། བརྗོད་ན་བརྗོད་ 63

༸གོང་ས་མཆོག་གི་བཀའ་སློབ།

པས་རྐྱེན་བྱས་ཏེ་རྙོག་དྲ་ཡོང་གི་ཡོད། ཡག་པོ་མེད། དེ་དག་དངོས་ཡོད་གནས་ཚུལ་ཡིན། ཁྱེད་རང་ཚོས་མུ་

མཐུད་དཔེ་ཆ་དེ་ཚོ་ལ་བལྟས་ལོ་རྒྱུས་འདྲ་ཉན། ཕྱོགས་ཚང་མའི་གནས་ཚུལ་ལ་ཉམས་ཞིབ་བྱས་ནས་ཕྱོགས་

བསྡོམས་བྱ་རྒྱུ་གལ་ཆེན་པོ་ཡིན། དེར་བརྟེན་ངོས་ནས་དམ་བསྒྲགས་བྱེད་པའི་རྒྱུ་མཚན་དེ་དག་ནི་ང་ལ་གློ་ བུར་ལྷ་ཕེབས་ནས་བཤད་པ་ཞིག་མིན་པར་ལོ་ནས་ལོ་བསྟུད་ཉམས་མྱོང་བསགས། དཔྱད་ཞིབ་བྱས། ལོ་རྒྱུས་

ལ་བལྟས། མང་པོ་ཞིག་གུང་བསྒྲིགས་ནས་ཡོང་དུས། དེ་ནི་གང་ལྟར་སྐྱོན་ཡོད་པ་ཞིག་མཐོང་སྟེ་བརྗོད་པ་ཡིན།

ཁྱེད་རང་ཚོ་ཚང་མས་གོ་སོང་ངམ། མ་ལབ་ན་ངོས་ཀྱི་ནོར་འཁྲུལ་རེད། ལབ་ནས་མ་ཉན་ན་ཁྱེད་རང་ཚོའི་ནོར་ འཁྲུལ་རེད་མ་གཏོགས་ངོས་ལ་ཁག་མེད། ད་ལྟ་ཚང་མས་དོ་སྣང་ཆེན་པོ་བྱེད་ཀྱི་འདུག་པ་དེ་ལ་ཐུགས་རྗེ་ཆེ་

ཞེས་བརྗོད་ཀྱི་ཡིན། ད་དུང་ཡང་ཚང་མས་འཕྲལ་ཕུགས་རྒྱ་ཆེ་ས་ལ་བསམ་བློ་ཡག་པོ་བཏང་ནས་མ་ནོར་བ་བྱ་ རྒྱུ་གལ་ཆེན་པོ་ཡིན། མཇུག་ལ་འགྱོད་པ་སྐྱེ་བའི་གནས་ཚུལ་བྱུང་ན་འཕྱིས་དྲགས་པ་རེད། དེ་དུས་བྱེད་ཐབས་ མེད།

ད་ལྟ་སྐུ་མདུན་སྐུ་གོང་མའི་སྐོར་ཤོད་འདོད་བྱུང༌། ངོས་རང་དམིགས་བསལ་སྐུ་མདུན་སྐུ་གོང་མར་

དད་གུས་དང༌། གུས་བརྩི་དེ་ཙམ་མི་འདུག འོན་ཀྱང་རྨི་ལམ་ནང་སྐུ་མདུན་སྐུ་གོང་མ་ཚར་གཉིས་གསུམ་ཞིག་

མཇལ་མྱོང༌། མཇལ་སྐབས་ཕར་བཀའ་འདྲི་འདྲ་ཞུ་བ་དང༌། སྐབས་རེར་ངོས་རང་སྐུ་མདུན་སྐུ་གོང་མར་ཤ་ ཚ་སྐྱེ་གི་འདུག་མ་གཏོགས། སྐུ་མདུན་སྐུ་གོང་མར་ངོས་ཀྱི་བླ་མ་ནང་བཞིན་གྱི་ཧ་ཅང་དད་གུས་ནི་ཡོང་གི་མི་ འདུག ཡིན་ནའང་ཧ་ཅང་གི་བཀའ་དྲིན་ཆེན་པོ་ཡིན་པ་དྲན་གྱི་འདུག སྐུ་མདུན་སྐུ་གོང་མའི་མཛད་པ་ལ་བལྟས་

ན་ཆོས་ཕྱོགས་ཐོག་ཧ་ཅང་གི་གསུང་ཆོས་རྒྱ་ཆེན་པོ་གནང་མེད། དེ་ཡང་རྒྱུ་མཚན་ཞིག་གི་ཐོག་ནས་མ་གནང་

བ་ཡིན་པ་སྐུ་མདུན་སྐུ་གོང་མ་རང་གིས་གསུངས་པ་ཞིག་ངོས་ནས་གསལ་པོ་ཤེས་ཀྱི་ཡོད། ཆབ་སྲིད་ཀྱི་ལས་ ཀ་བྱེད་དགོས་དུས་ཆོས་ཕྱོགས་ཀྱི་དམ་ཚིག་ཉམས་ཆག་འགྲོ་རྒྱུ་དེ་ནི་ཉེན་ཁ་ཆེན་པོ་ཡིན། དེར་བརྟེན་གསུང་

ཆོས་གནང་རྒྱུ་དེ་གང་ཉུང་ཉུང་གནང་གི་ཡོད་ཅེས་གསུངས་ཡོད། འོན་ཀྱང་ཆེན་པོ་ཧོར་གྱི་ཡུལ་སོགས་ལ་ དཔེ་ཁྲིད་དང༌། བཀའ་ཆོས་གནང་རྒྱུ་སོགས་མང་པོ་ཞིག་གནང་འདུག ཡང་སྐུ་གོང་མས་ལུང་རྟོགས་ཀྱི་བསྟན་

པ་བཤད་སྒྲུབ་གཉིས་ཀྱི་ཐོག་ནས་འཛིན་དགོས་པར་བརྟེན། རྟོགས་པའི་བསྟན་པ་བསླབ་པ་གསུམ་དང༌། དེའི་ ནང་ནས་རྩ་བ་ཚུལ་ཁྲིམས་ཀྱི་བསླབ་པ་ཡིན་དུས་བོད་ལ་ལོ་ལྟར་སྨོན་ལམ་གྱི་རྗེས་སུ་རབ་བྱུང་བསྙེན་རྫོགས་

ཀྱི་སྡོམ་པ་སྟོང་ཕྲག་དང་སྟོང་ཕྲག་བྱས་ནས་གནང་གི་ཡོད་པ་རེད། ད་ལྟའི་ང་ཚོའི་མི་ཐོག་འདིའི་སྐབས་ཀྱི་ 64

༸གོང་ས་མཆོག་གི་བཀའ་སློབ།

དགེ་བཤེས་བགྲེས་པ་མང་ཆེ་བའི་མཚན་གྱི་འགོར་ཐུབ་བསྟན་ཡོད། དཔེར་ན་མཁས་པའི་དབང་པོ་རྒན་ཉི་ མའི་མཚན་ལ་ཐུབ་བསྟན་ཕུལ་བྱུང་ཡིན་པ་ཡོད། གང་ལྟར་སྐུ་གོང་མའི་སྐུ་མདུན་ནས་རབ་བྱུང་སྒྲུབ་གནང་

བ་རེད། མི་ཐོག་དེའི་ནང་གི་གྲྭ་སའི་དགེ་བཤེས་ཕལ་ཆེ་བ་ཐུབ་བསྟན་གྱི་མཚན་ཡོད་པ་ཤ་སྟག་ཆགས་ཡོད།

རབ་བྱུང་དང་བསྙེན་རྫོགས་ཧ་ཅང་མང་པོ་གནང་སྟེ། བསྟན་པའི་རྩ་བ་ཚུལ་ཁྲིམས་ཡིན་དུས་རྟོགས་པའི་བསྟན་ པར་ཞབས་འདེགས་སྒྲུབ་པ་གནང་ཡོད།

ལུང་གི་བསྟན་པ་འཆད་ཉན་གྱི་ཐོག་ནས་འཛིན་དགོས་དུས་སྐུ་མདུན་སྐུ་གོང་མ་རང་གིས་འཆད་ཉན་

རྒྱ་ཆེ་བ་གནང་གི་མེད་ཀྱང༌། གྲྭ་ས་ཁག་གི་སློབ་གཉེར་ལ་དམ་བསྒྲགས་དང༌། དག་ཐེར་གནང་ནས་བསླབ་ པ་སློབ་གཉེར་ལེགས་པ་ཚོ་རྩོད་རྒྱུགས་ཨང་རིམ་ཐོག་ནས་རྒྱུད་པའི་བླ་མ་དབུ་མཛད་ནས་ཕེབས་རྒྱུའི་དམ་

བསྒྲགས་མཛད་དེ། སྐབས་དེར་རྒྱུད་པའི་མཁན་ཟུར་ལ་སླེབས་ཟིན་ཡོད་ཀྱང༌། དཔེ་ཆ་ཡག་པོ་མེད་པ་ཚོ་འདི་

ནས་ཡར་འགྲོ་མི་ཆོག་པའི་ཐག་གཅོད་གནང་འདུག སྐུ་མདུན་སྐུ་གོང་མས་རྩོད་རྒྱུགས་བཞེས་རྗེས་ཀྱི་དགའ་

ལྡན་ཁྲི་པ་ཨང་དང་པོ་ནི་འབྲས་བློ་གླིང་དགེ་བཤེས་ཡེ་ཤེས་དབང་ལྡན་རེད། སྤྱིར་བཏང་ཁོང་གི་མཚན་ལ་ དགེ་བཤེས་ཨ་མྲི་ཞུ་གི་ཡོད། བརྒྱུད་འདེབས་ནང་ཨ་མྲིས་ཞེས་འདུག་སྙམ། ཁྲི་པ་ཡེ་ཤེས་དབང་ལྡན་ཧ་ཅང་

མཁས་པ་རེད་འདུག དེ་སྐོར་སྔོན་མ་གསེར་ཀོང་མཚན་ཞབས་རིན་པོ་ཆེ་སོགས་ནས་ངོས་ལ་གསུངས་པར། དགའ་ལྡན་ཁྲི་པ་རྒྱུད་པའི་བླ་མ་མཁས་པ་རྐྱང་རྐྱང་ཕེབས་རྒྱུ་འདི་སྐུ་གོང་མས་དམ་བསྒྲགས་གསར་གཏོད་

གནང་བ་ཞིག་རེད། མཁས་པ་མིན་པའི་མཁན་ཟུར་ཚོ་ཕྱིན་ཆད་ཤར་བྱང་ཆོས་རྗེར་ཕེབས་མ་ཆོག་པ་བཟོ་ གནང་མཛད་སྐབས་མཁས་གྲལ་གྱི་དང་པོ་དེ་ཁྲི་པ་ཡེ་ཤེས་དབང་ལྡན་རེད་གསུངས་ཀྱི་ཡོད། དེ་ཚུན་ཆད་ཀྱི་ དགའ་ལྡན་ཁྲི་པ་དེ་དག་རྟོགས་པའི་ཡོན་ཏན་གང་ཡིན་རུང༌། གང་ལྟར་མཁས་པའི་ཡོན་ཏན་རྣམ་དཔྱོད་ཕུལ་ དུ་བྱུང་བ་ཤ་སྟག་བྱུང་བ་འདི་སྐུ་གོང་མས་བཟོས་ནས་བྱུང་བ་རེད། ངོས་ནས་དེ་ནི་རྩ་བ་ཆེན་པོ་རེད་བསམས་ པ་དྲན་གྱི་འདུག

སྐབས་དེར་སྡེ་པ་གཞུང་གི་གཞུང་ཞབས་ཚོའི་ནང་སྐུ་གོང་མས་ནན་པོ་དང༌། སྒམ་པོ་གནང་སྟངས་ཞེད་

སྣང་ཆེན་པོ་ཞིག་ཡོང་གི་ཡོད། ཡང་གདན་ས་ཚོའི་ནང་གི་དཔེ་ཆ་ཡག་པོ་དེ་ཚོའི་གྲས་སྐུ་གོང་མར་སེམས་

ཐག་ཧ་ཅང་ཉེ་པོ་ཡོད་འདུག འདི་སྐོར་རྒན་ཉི་མ་སོགས་མང་པོ་ཞིག་ལ་གསུང་རྒྱུ་འདུག གདན་སའི་ནང་གི་ སློབ་གཉེར་བ་གྲྭ་པ་གྲྭ་རྐྱང་དཔེ་ཆ་ཡག་པོ་ལྟ་མཁན་དེ་ཚོའི་གྲས་སྐུ་གོང་མར་སེམས་ཐག་ཉེ་པོས་ཐུགས་དམ་ 65

༸གོང་ས་མཆོག་གི་བཀའ་སློབ།

དང༌། བཀའ་འདྲི་ཞུ་རྒྱུས་མཚོན་པའི་ཧ་ཅང་གི་འབྲེལ་བ་ཉེ་པོ་ཡོད་པའི་གནས་ཚུལ་ཡོད། འདི་རྩ་ཆེན་པོ་རེད་ སྙམ་པ་དྲན་གྱི་འདུག

ཡང་སྐུ་གོང་མ་གཅིག་ནས་སོག་ཡུལ་དང༌། རྒྱ་དཀར་ནག་སོགས་ལ་ཕེབས་པའི་སྐབས་ཀྱིས་ཕྱི་ལོ་

༡༩༢༠ ལོ་སྐོར་ལ་བོད་པའི་སློབ་ཕྲུག་དབྱིན་ཡུལ་ནང་སློབ་སྦྱོང་དུ་གཏོང་རྒྱུའི་འགོ་བཙུགས་ནས་ཐབས་ཤེས་ མང་པོ་གནང་ཡོད། ཆུ་སྤྲེལ་ཞལ་གདམས་ཀྱི་བཀའ་སློབ་ནང་རྒྱལ་ཁབ་སྐྱོང་ལུགས་གང་འདྲ་བྱེད་དགོས་ཀྱི་ཡོད་

མེད་དང༌། སྤྱིར་བཏང་གི་དགོངས་པ་གང་འདྲ་བཞེས་པ། འབད་བརྩོན་གང་འདྲ་གནང་བ། ཐ་མ་དགོངས་གཞི་ མ་གྲུབ་པའི་ཐོག་ནས་ཐུགས་ཕམ་ཡོད་པའི་གནས་ཚུལ་ཞིག་གསལ་པོ་འདུག སོ་སོས་རང་ས་རང་སྲུང་བྱེད་ དགོས་པ་དང༌། སོ་སོའི་མི་རིགས་དང་རྒྱལ་ཁབ། རྒྱལ་ཁབ་འདི་བརྟན་པོ་གནས་ཐུབ་ཐབས་ལ་འབད་བརྩོན་ཧ་

ཅང་ཆེན་པོ་གནང་ཡོད། ཡོངས་གྲགས་ལོ་རྒྱུས་ནང་མེད་ཀྱང༌། ཕྱིས་སུ་དུས་ལོག་རྗེས་སྤོམ་མདའ་རབ་དགའ་ཀ་

སྦུག་ཏུ་ཡོད་དུས་ངོས་དང་ཐུག་འཕྲད་གྲོས་མོལ་བྱུང༌། སྔར་རྒྱུས་ད་རྒྱུས་ཀྱི་ལོ་རྒྱུས་མང་པོ་ཤོད་རྒྱུ་འདུག རབ་

དགས་ལོ་རྒྱུས་ཤོད་རྒྱུ་གཅིག་ལ་སྐུ་མདུན་སྐུ་གོང་མས་ཁམས་ཁུལ་གྱི་ས་ཁུལ་དེ་དག་ལ་དབུས་གཙང་ནས་རྒྱ་ སྦྱོང་ལ་སོགས་པའི་དམག་མི་གཏོང་མི་དགོས་པ་བྱས་ཏེ། ཁམས་ཁུལ་གྱི་ས་ཁུལ་དེ་དག་ཡོངས་རྫོགས་ཁམས་

པ་རང་ཉིད་ཀྱིས་རང་ས་རང་སྲུང་བྱ་རྒྱུའི་འགན་སྤྲད་དེ་ཁམས་པ་ཡུལ་དམག་བསྐོངས་ནས་དེ་དག་ལ་གོ་ལག་ སྤྲད་དེ་རང་ས་རང་སྲུང་བྱ་རྒྱུའི་དགོངས་པ་བཞེས་སོང༌། དགོངས་པ་དེ་ལྟར་བཞེས་པའི་སྐབས་ལ་དེའི་དུས་ཀྱི་

དམག་སྤྱི་ལུང་ཤར་ནས་སྐུ་གོང་མའི་དགོངས་འཆར་དེ་འགྲུབ་རྒྱུ་ཧ་ཅང་ཁག་པོ་རེད། མདོ་སྟོད་ས་ཁུལ་ལ་བར་ སྐབས་དབུས་ནས་གཞུང་དམག་ཕྱིན་པ་དེ་དག་གིས་བརྡབ་གསིག་མང་པོ་ཞིག་ཕྱིན་ཡོད་པ་དང༌། བློ་ཕམ་མང་

པོ་བྱུང་ཚར་བ་རེད། དེར་བརྟེན་ད་ཆ་བློ་ཕམ་ཕྱིན་ཚར་བའི་ས་ཁུལ་ལ་གོ་ལག་རྩིས་སྤྲད་ནས་རང་ས་རང་སྲུང་ བྱེད་བཅུག་ན་འགན་བཟོད་ཨེ་ཡོང་ཞེས་ཞུས་པ་རེད་ཅེས་རབ་དགའ་རང་ནས་ངོས་ལ་ཟེར་གྱི་འདུག སྐུ་གོང་ མས་ཐུགས་བསམ་ཆེན་པོ་བཞེས་འདུག ཁམས་ཀྱི་རྒྱ་སྡེ་བོད་སྡེའི་ས་མཚམས་ཀྱི་ས་སྲུང་དེ་དག་ཁམས་པ་རང་ ལ་ཆ་ཚང་འགན་བསྐུར། བློས་བཀལ། ཆ་བཞག ཡིད་ཆེས་བྱས་ནས་བཞག་པ་ཡིན་ན་ལོ་རྒྱུས་ཐ་དད་ཞིག་ཡོང་ སྲིད་པ་དེ་གཅིག་བྱུང་མེད།

དེ་ནས་གཉིས་པ་ཁམས་ཁུལ་གྱི་དཔོན་ཁག་ཚོའི་ཕྲུ་གུ་ཕུགས་རེ་ཡོད་པ་དེ་ཚོའི་གྲས་ལྷ་སར་བསྐོང་

ནས་སློབ་སྦྱོང་སྤྲོད་རྒྱུའི་དགོངས་པ་ཞིག་བཞེས་འདུག དེ་ཡང་ལག་ལེན་མ་འཁེལ་བ་རེད། དེ་ལྟར་ལག་ལེན་ 66

༸གོང་ས་མཆོག་གི་བཀའ་སློབ།

མ་འཁེལ་བའི་སྐབས་ལ་ཐབས་ཤེས་ཀྱི་མཐའ་མར་གང་གནང་ཡོད་དམ་ཞེ་ན། ཁམས་ཁུལ་གྱི་དགོན་ཁག་

ཚོར་ཕྱག་བྲིས་ཀྱི་ཐོག་ནས་འབྲེལ་བ་གནང་སྟེ་འབྲེལ་བ་ཤུགས་ཆེ་རུ་གཏོང་རྒྱུའི་དགོངས་པ་བཞེས་ཡོད། དེ་མ་གཏོགས་གཞན་དག་ཐབས་ཤེས་མ་བྱུང་བ་རེད། འདི་རབ་དགའ་རང་ནས་ངོས་ལ་བརྗོད་བྱུང༌། ཡོངས་

གྲགས་རྣམ་ཐར་ནང་འཁོད་ཡོད་མེད་མི་ཤེས། ཕལ་ཆེར་ཡོད་པ་མ་རེད། ངོས་ཀྱི་སེམས་ལའང་ངེས་པོ་ཞིག་ བྱུང༌། དེ་དག་ནི་སྐུ་མདུན་སྐུ་གོང་མས་ཧ་ཅང་ཐུགས་བསམ་བཞེས་འདུག་ལ། སྐུ་ངལ་ཧ་ཅང་ཆེན་པོ་བསྐྱོན་ འདུག འདི་འདྲའི་བྱས་པ་ཅན་གྱི་མི་དེ་གཤེགས་ན་དགའ་པོ་བྱེད་མཁན་དེ་ནི་རྩ་ཆེན་པོ་ཞིག་མ་རེད་སྙམ་པ་ དྲན་གྱི་འདུག དེ་དག་ཞོར་འཕྲོས་ཡིན། ཚང་མའི་དགོངས་པར་བཅངས། དེ་མིན་གཞན་མེད། བཀྲ་ཤིས་བདེ་ ལེགས། སྣང་སའི་འདས་ལོག་གི་ལོ་རྒྱུས་ལྟ་བུ་དེ་བཤད་ཚར་སོང་ཞེས་བཀའ་སྩལ།། །།

ཕྱི་ལོ་ ༡༩༩༧ ཟླ་ ༡༠ ཚེས་ ༨ ཉིན་བཞུགས་སྒར་དུ་བལ་ཡུལ་ཁུལ་གྱི་མི་མང་སོགས་ བརྟན་བཞུགས་འབུལ་མཁན་རྣམས་ལ་དོལ་རྒྱལ་སྐོར་བཀའ་སློབ་སྩལ་པ།

༄༅། །བར་སྐབས་དོལ་རྒྱལ་བསྟེན་ཕྱོགས་ཐད་རྙོག་དྲ་ཡོད། དེ་རིང་འདིར་ཡོད་པ་ཁྱེད་རང་ཚོ་ཚང་མ་དེ་ སྐོར་སྤང་བླང་འཛོལ་མེད་བྱེད་ཀྱི་ཡིན་ཞེས་ལྷག་བསམ་རྣམ་པར་དཀར་བའི་སྒོ་ནས་ཡོང་བ་རེད། ཁྱེད་རང་ཚོའི་ ནང་གི་མང་པོ་ཞིག་སྔར་ནས་འབྲེལ་བ་མེད་པ་དང༌། ཁག་གཅིག་དེ་སྔ་འབྲེལ་བ་ཡོད་ཀྱང་བར་སྐབས་ངོས་ནས་ གསལ་བཤད་འབོད་སྐུལ་བྱས་རྗེས་ཁྱེད་རང་ཚོས་སྤང་བླང་ཚུལ་དང་མཐུན་པ་བྱས་ཡོད། དེ་སྐོར་ཁྱེད་རང་ཚོ་

ཡིད་ཆེས་ངེས་པ་བརྟན་པོ་རྙེད་པའི་དོན་དུ་ངོས་ནས་འགྲེལ་བཤད་བྱས་ན་སྙམ་བྱུང༌། དོལ་རྒྱལ་གྱི་སྐོར་འདི་ སྐད་ཆ་གསར་པ་ཞིག་མིན་པར་ཕལ་ཆེར་འདས་པའི་ལོ་སུམ་བརྒྱ་བཞི་བརྒྱའི་གོང་ནས་བྱུང་བ་དང༌། དེའི་རིང་ རྩོད་པ་ཅན་དང༌། གླེང་གཞི་ཅན་དུ་གནས་ཡོད།

ས་སྐྱའི་ནང་བསྟེན་མཁན་གང་ཙམ་ཡོད་པ་དེ་དག་གིས་བསྟེན་པའི་ཤུགས་ལྡན་ནི་རྟ་བཞོན་མ་ཟེར་བ་དེ་

རེད། ས་སྐྱའི་ནང་མི་བསྟེན་མཁན་ཡང་ཁག་གཅིག་ཡོད། ལྷག་པར་ས་སྐྱའི་བླ་ཆེན་མང་པོ་ཞིག་གིས་དེར་དགག་

པ་བསྐྱོན་ཡོད། དགེ་ལུགས་པའི་ནང་ལ་ཆ་བཞག་ན་སྔ་དུས་བསྟེན་མཁན་ཉུང་ཉུང་ཡིན། མང་ཆེ་བས་བསྟེན་གྱི་ 67

༸གོང་ས་མཆོག་གི་བཀའ་སློབ།

མེད། དཔེར་ན། འབྲས་སྤུངས་ནང་བསྟེན་མཁན་གཏན་ནས་མེད། སེ་ར་དང་དགའ་ལྡན་གཉིས་ནང་བསྟེན་མཁན་

ཕལ་ཆེར་མེད། རི་ཁྲོད་ཁུག་ཀྱོག་དེ་འདྲའི་ནང་བསྟེན་མཁན་ཉུང་ཤས་ཡོད། དེ་རིགས་ཀྱང་དགེ་ལུགས་པའི་ནང་ དོལ་རྒྱལ་ཟེར་བ་དེ་རྩོད་པ་ཅན་དུ་གནས་པ་ལས། རྩོད་མེད་ཡོངས་གྲགས་ཚང་མས་གཅིག་གྱུར་གྱིས་ཚད་ཐུབ་

ཏུ་ངོས་འཛིན་གནང་བ་བྱུང་མེད། འདས་པའི་ལོ་དྲུག་ཅུ་ཙམ་རིང་ལ་དར་རྒྱས་ཆེན་པོ་ཕྱིན་ཡོད། དར་རྒྱས་ཆེན་

པོ་ཕྱིན་པ་དེས་སྤྱིར་སངས་རྒྱས་ཀྱི་བསྟན་པ་དང༌། ཡང་སྒོས་འཇམ་མགོན་བླ་མའི་བསྟན་པ་ལ་ཕན་ཐོགས་གང་ ཞིག་བྱུང་ཡོད་ལྟོས་དང༌། རྗེ་རིན་པོ་ཆེ་བྱོན་ནས་ཕྱིས་ཀྱི་ལོ་དྲུག་ཅུ་བརྒལ་བ་དེའི་རིང་ཕན་ཐོགས་འདི་བྱུང་ཡོད་

ཟེར་བ་ཞིག་དང༌། དགེ་ལུགས་པའི་བསྟན་པ་ལ་དམིགས་བསལ་དོལ་རྒྱལ་གྱི་རྐྱེན་པས་ཕན་ཐོགས་འདི་འདྲ་ ཞིག་བྱུང་ཡོད་ཟེར་བ་ཕལ་ཆེར་མེད།

ལྡོག་ཕྱོགས་ནས་བཤད་ན་དོལ་རྒྱལ་གྱི་རྐྱེན་པས་དགེ་ལུགས་པར་མི་དགའ་བ་བྱེད་མཁན་དང༌། དགེ་

ལུགས་པའི་ཆོས་ཡག་པོ་མ་རེད་ཅེས་བརྗོད་མཁན་བྱུང་སྟེ་ཆོས་ལུགས་ཕན་ཚུན་བར་དང༌། དགེ་ལུགས་པ་ནང་

ཁུལ་ལའང་བར་སྐབས་ཕན་ཚུན་ཆགས་སྡང་ཕྱོགས་རིས་བྱེད་མཁན་མང་པོ་བྱུང་ཡོད། དཔེར་ན། དོལ་རྒྱལ་ གྱི་རྐྱེན་པས་ཁམས་ཁུལ་དང༌། ངའི་མི་ཐོག་འདི་རང་ལ་ལྷོ་ཁ་ཁུལ་དུ་དོལ་རྒྱལ་གྱིས་རྐྱེན་བྱས་ཏེ་རྙིང་མའི་ལྷ་ ཁང་ནང་བཞུགས་པའི་གུ་རུ་མཚན་བརྒྱད་ཀྱི་སྐུ་གཡུགས་ནས། དེའི་ཚབ་ལ་རྒྱལ་ཆེན་རིགས་ལྔ་བཞེངས་པའི་

གནས་ཚུལ་བྱུང་བ་ད་ལྟ་མི་མ་ཤི་བར་གསོན་པོར་བསྡད་ཡོད། དེ་བཞིན་ཁམས་ཁུལ་ལ་བྱུང་བའི་གནས་ཚུལ་ ནས་བཤད་ན། ཨ་མདོའི་མཁས་དབང་ཚེ་ཏན་ཞབས་དྲུང་གིས་མཛད་པའི་ཁོང་གི་བླ་མ་ཨ་ལགས་འཇིགས་མེད་

དམ་ཆོས་ཀྱི་རྣམ་ཐར་ནང་གསལ་པོ་བཀོད་འདུག ཨ་ལགས་འཇིགས་མེད་དམ་ཆོས་ཀྱི་གསུང་འབུམ་པོད་མང་ པོ་ཞིག་འདུག ལྷག་དོན་དྲང་ངེས་ལེགས་བཤད་སྙིང་པོའི་འགྲེལ་ཆེན་པོད་གཉིས་ཡོད། དྲང་ངེས་ལེགས་བཤད་

སྙིང་པོའི་འགྲེལ་པ་འདི་ལས་རྒྱས་པ་མེད། ཧ་ཅང་སྤུས་དག་པོ་ཞིག་ཡོད། དེ་འདྲ་མཛད་མཁན་གྱི་མཁས་པའི་ དབང་པོ་ཞིག་ཡིན་ཞིང༌། ཁོང་མཚན་སྙན་གྲགས་ཆེན་པོ་ཡོད་དུས་མཁྱེན་བརྩེ་ཆོས་ཀྱི་བློ་གྲོས་ཀྱིས་ཁོང་ལ་ ཕྱག་བྲིས་ཤིག་ཕུལ་ཏེ་དེའི་ནང་ཁོང་ལ་བསྔགས་བརྗོད་ཆེན་པོ་གནང་ཡོད་པ་དེའི་མཇུག་ཏུ། སྐུ་ཞབས་ཕ་བོང་

ཁ་པ་རིན་པོ་ཆེའི་ཞལ་སློབ་ཁ་ཤས་ནས་གསར་རྙིང་གི་གྲུབ་མཐའ་ཆེན་པོ་རྩོད། པད་མ་འབྱུང་གནས་ཀྱི་སྐུ་དང་

ཞི་ཁྲོའི་ལྷ་བཤིག བཛྲ་གུ་རུ་བཏོན་ན་ཕན་ཡོན་མེད་ཚུལ། པད་མ་བཀའ་ཐང་མེ་ཆུར་སྦྱངས་པ་ལ་སོགས་པའི་ ལོག་སྤྱོད་མང་པོ་དང༌། གཞན་ཡང་མ་ཎི་སོགས་ཀྱི་འཁོར་ལོ་སྐོར་བ་དང༌། གཤིན་པོའི་བདུན་ཚིགས་འཛིན་ 68

༸གོང་ས་མཆོག་གི་བཀའ་སློབ།

རྒྱུ་སོགས་དགོས་པ་མེད་ཚུལ་མང་པོ་བཤད་ནས་སྐྱེ་བོ་དག་ལོག་ལྟའི་གནས་ལ་འགོད་པ་དང༌། མཆོག་གསུམ་ ཀུན་འདུས་རྒྱལ་པོ་ཤུགས་ལྡན་སྐྱབས་ཀྱི་མཆོག་ཏུ་འཛིན། ལྷོ་རྒྱུད་ཀྱི་དགོན་ཆུང་འགའ་ཞིག་གི་གྲྭ་པ་མང་པོ་ལ་ ཤུགས་ལྡན་བབས་པ་ཡིན་ཟེར་ཕྱོགས་མཐའ་དག་ཏུ་སྨྱོ་རྒྱུགས་བྱས་ནས་རྟེན་གསུམ་བཤིག་བཅོམ་རང་མཚང་ མང་ཞིང༌། རྗེ་ྋརྒྱལ་བ་གཉིས་པ་ཙོང་ཁ་པའི་བསྟན་པའི་རྨ་འབྱིན་ཆེན་པོར་འདུག་པས། སྤྱི་ལ་ཕན་པའི་སྤྲིངས་

ཡིག་ཅིག་མཛད་ནས་པར་དུ་བསྐྲུན་ཏེ་དབུས་གཙང་ཁམས་གསུམ་ལ་བཀྱེས་པ་མཛད་ན་བསྟན་པའི་འཁྲུག་སེལ་ ལ་བཀའ་དྲིན་ཆེ་ཞུ། ངེད་ལ་ཉིད་མཛད་རྟོག་བདུན་རྒྱུད་འགྲེལ་ཞིག་དགོངས་གཏད་དང་བཅས་གནང་གྲུབ་མཁྱེན་ མཁྱེན། ཅེས་པ་ལ་སོགས་པ་ཞུ་གནང་མཛད་འདུག་པའང་གསེར་མདོག་ཅོད་པན་འཆང་བའི་རང་བསྟན་གྱི་ཁུར་

བསྣམས་པ་ལ་མདོ་དབུས་སུ་ཟླ་མེད་པའི་གྲགས་པ་ཆེ་བ་དང༌། མཁས་བཙུན་བཟང་པོའི་རླབས་ཕྲེང་དཀར་པོ་

གྲུབ་མཐའ་རིས་མེད་ཀྱི་བསྟན་འཛིན་ཆེས་ཆེ་བ་དག་གི་ཐུགས་རང་དབང་མེད་པར་འཕྲོག་པའི་དན་རྟགས་སུ་ འཁུམས་སོ།། (དེབ་གཟུགས་ཤོག་གྲངས་ ༣༩༤ ཕྲེང་ ༡༥ ནས་གྲངས་ ༣༩༥ བར་གསལ།) དེ་ལྟར་ཨ་ལགས་འཇིགས་

མེད་དམ་ཆོས་ནི་མདོ་སྨད་ཁུལ་གྱི་བླ་མ་ཚད་ལྡན་ཞིག་ཆགས་ཡོད་ལ། ཁོང་གི་རྣམ་ཐར་མཛད་མཁན་ཚེ་ཏན་

ཞབས་དྲུང་ཡང་མཁས་པ་ཆེན་པོ་ཞིག་ཡིན་ཞིང༌། དེ་སྔ་ང་རང་རྒྱ་ནག་ཏུ་འགྲོ་སྐབས་ཁོང་དང་མཇལ་མྱོང༌། བར་

ལམ་འདས་པའི་ལོ་དྲུག་ཅུའི་རིང་ཤུགས་ལྡན་གྱིས་རྐྱེན་པས་དགེ་ལུགས་པར་མཐོང་ཕྱོགས་བྱུང་ཡོད་པ་དེ་ཚོའི་ ཐོག་ནས་དགེ་ལུགས་པར་ཕན་ཐོགས་ཆེ་བ་བྱུང་འདུག་གམ། ཡང་ན་མཚན་ཤས་དང་ཆོས་ལུགས་མི་མཐུན་ པའི་གནས་ཚུལ་མང་བ་བྱུང་འདུག དེ་གཉིས་ལྕི་ཡང་ཞིག་འདེགས་དང་ཤེས་ཀྱི་རེད།

འདས་པའི་ལོ་སུམ་བརྒྱ་བཞི་བཅུ་བརྒལ་བའི་རིང་རྩོད་པ་ཅན་དུ་གནས་པའི་དང་པོའི་རྐྱེན་རྩ་ྋགོང་ས་

ལྔ་པ་ཆེན་པོ་དང་མ་འགྲིག་པ་ཡོད་པ་འདི་ཡིན་པ་ཧ་ཅང་གསལ་པོ་ཡིན། ྋགོང་ས་ལྔ་པ་ཆེན་པོའི་རྣམ་ཐར་དུ་

ཀཱུ་ལའི་གོས་བཟང་ནང་དོལ་རྒྱལ་ལ་བསྲེགས་པ་མེའི་ལས་སྦྱོར་མཛད་པ་དང༌། དེའི་སྐབས་གཟུ་དཔང་ཞིག་

ཀྱང་མཛད་པ་ཡིན་ཞེས་འཁོད་འདུག གཟུ་དཔང་དེ་ྋགོང་ས་ལྔ་པ་ཆེན་པོའི་གསུང་འབུམ་ད་པའི་ནང་བསྲུང་ མའི་གསོལ་མཆོད་ཀྱི་སྡེ་ཚན་ཞིག་ཡོད་པ་དེའི་ནང་ཧ་ཅང་གསལ་པོ་འདུག དེའི་འགོ་བརྗོད་ནང་སྨོན་ལམ་

ལོག་པའི་དམ་སྲི་ཞེས་ཐག་བཅད་ནས་གསུངས་པ་དང༌། སྤྲུལ་སྐུ་གྲགས་པ་རྒྱལ་མཚན་དེ་ཡང་པཎ་ཆེན་བསོད་ ནམས་གྲགས་པའི་ཡང་སྲིད་སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ཡང་སྲིད་མིན་པ་ཐག་བཅད་ ནས་གསུངས་དོན། གད་ཁ་སའི་ལགས་ཨ་རྒྱལ་གྱི་འཕྲུལ་ལ་བརྟེན་ནས་སྤྲུལ་སྐུ་བསོད་ནམས་དགེ་ལེགས་ 69

༸གོང་ས་མཆོག་གི་བཀའ་སློབ།

དཔལ་བཟང་གི་སྐུ་སྐྱེ་བརྫུས་མ་ལམ་དུ་སོང་བ་སྨོན་ལམ་ལོག་པའི་དམ་སྲིར་གྱུར་ཏེ། འགྲོ་བ་མང་པོར་གནོད་

ཚབས་ཆེས་པར་བསྲེགས་པ་མེའི་ལས་སྦྱོར་མཛད་སྐབས་བརྩམས་པ་ཡིན་ཞེས་གསུངས་འདུག དེ་ལྟར་སྤྲུལ་ སྐུ་གྲགས་པ་རྒྱལ་མཚན་པཎ་ཆེན་བསོད་གྲགས་ཀྱི་ཡང་སྲིད་བསོད་ནམས་དགེ་ལེགས་དཔལ་བཟང་གི་ཡང་

སྲིད་མིན་པ་དང༌། རྗེས་སུ་སྨོན་ལམ་ལོག་པའི་དམ་སྲིར་སྐྱེས་པ་ྋརྒྱལ་བ་ལྔ་པ་ཆེན་པོས་ཐག་བཅད་གནང་ འདུག དེ་སྐོར་ྋརྒྱལ་བ་ལྔ་པ་ཆེན་པོའི་གསུང་ཕྱི་མ་གསུང་འབུམ་ད་པའི་ནང་གསལ་འཁོད་དང༌། གསུང་བཀའ་

རྒྱ་མའི་གྲས་གསང་བ་རྒྱ་ཅན་གྱི་གྲི་ཐོད་རྒྱ་ཅན་དང༌། བུམ་པའི་རྒྱ་ཅན་གཉིས་ཀྱི་ནང་ཟུར་ཙམ་གསལ་འདུག་པ་ འདི་ལྟར། ྋགོང་ས་ལྔ་པ་ཆེན་པོའི་གཟིགས་སྣང་ལ། ས་མོ་བྱ་ལོའི་གནམ་ལོ་གསར་ཚེས་ལ་འབྲས་སྤུངས་སུ་

བུད་མེད་ནག་མོ་རི་བོ་ཙམ་པ་ཞིག་གིས་ཞབས་གཡས་གཟིམ་ཁང་གོང་གི་སྟེང་དང༌། གཡོན་ཆོས་འཁོར་གླིང་གི་ སྟེང་དུ་བཞག་ནས་ནན་བྱས་པས་ཐལ་བ་བུན་བུན་སོང་བ་ཞིག་བྱུང་(གྲི་ཐོད་རྒྱ་ཅན་བྲིས་མ་ཤོག་གྲངས་ ༢ ན། ཕྲེང་ ༢ པར་གསལ།) བ་དང༌། ཡང༌། སློབ་དཔོན་གཙོ་འཁོར་གསུམ་གྱིས་འབྲས་སྤུངས་གཟིམ་ཁང་གོང་གི་ཤུལ་དུ་སྦྱིན་

བསྲེག་ལྡུགས་(བུམ་པའི་རྒྱ་ཅན་བྲིས་མ་ཤོག་གྲངས་ ༨ བ། ཕྲེང་ ༢ པར་གསལ།) ཞེས་ལུང་བསྟན་བྱུང་བ་ཧ་ཅང་གསལ་ པོ་འདུག ྋགོང་ས་ལྔ་པ་ཆེན་པོའི་གསུང་ཕྱི་མ་དང༌། གསང་བ་རྒྱ་ཅན་གཉིས་ཀའི་ནང་ནས་གཅིག་མིན་གཉིས་

མིན་ནན་པོ་བྱས་ཏེ་ཐོན་ཡོད་དུས། དེང་སྐབས་རིགས་གཅིག་གིསྋགོང་ས་ལྔ་པས་འཕྲིན་བཅོལ་ཡང་མཛད་ ཡོད་པས་དྲང་དོན་ལས་ངེས་དོན་མ་རེད་ཅེས་བརྗོད་ཀྱི་ཡོད་ཀྱང༌། དེ་དག་བདེན་པ་མིན་པ་ནི་ཞིབ་ཚགས་པོའི་ ཐོག་ནས་ཞིབ་འཇུག་བྱས་ན་གོང་དུ་བརྗོད་པ་ལྟར་རེད་འདུག

ྋགོང་ས་ྋལྔ་པ་ཆེན་པོ་དང་དོལ་རྒྱལ་བར་གནས་ཚུལ་བྱུང་བའི་རྗེས་སུ་བྱོན་པའི་དབུས་གཙང་ཁུལ་

གྱི་བསྟན་འཛིན་གྱི་སྐྱེས་ཆེན་སྙན་གྲགས་ཅན་སྒྲུབ་ཁང་དགེ་ལེགས་རྒྱ་མཚོའི་སློབ་མ་ལམ་རིམ་གྱི་བསྟན་པའི་ བདག་པོ་ཕུར་ལྕོག་ངག་དབང་བྱམས་པས་མཛད་པའི་གདན་ས་གསུམ་གྱི་དཀར་ཆག་ནང་དགའ་ལྡན་དཀར་

ཆག་གི་མཇུག་ཏུ། དེ་ལྟར་ན་རྗེ་རང་ཞལ་བཞུགས་སྐབས་རྒྱུད་ནས་བཤད་པའི་ཆོས་སྐྱོང་དམ་ཚིག་ཅན་རྣམས་ མ་གཏོགས་འཇིག་རྟེན་པའི་འདྲེ་གདུག་པ་ཅན་ཅུང་ཟད་རེ་ལའང་ཀོ་ལོང་བྱེད་པའི་རྟེན་དགོན་གནས་འདིར་ བཙུགས་པ་ཅུང་ཟད་ཀྱང་མེད་ལ། དེའི་མཐུས་སློབ་དཔོན་ཐམས་ཅད་ཐུགས་མཐུན་ཞིང་བཤད་སྒྲུབ་འཕེལ་བར་

བྱུང༌། འཁྲུངས་ལྷ་རྨ་ཆེན་ཡང་དགོན་པའི་ཕྱི་རོལ་དུ་འཇོག་པར་གནང་བ་ཡིན་ནའང༌། དེང་སང་རྗེས་འཇུག་ ཏུ་རློམ་ནས་ཆོས་གོས་རྣམ་གསུམ་གྱོན་ཏེ་སྐྱབས་གནས་འདྲེ་ལ་འཆོལ་བ་རྣམས་ལ་མི་འདོད་པ་ཐོག་ཏུ་འབབ་ 70

༸གོང་ས་མཆོག་གི་བཀའ་སློབ།

པ་མང་དུ་འབྱུང་བ་ཡིན་ནོ། །དེ་ལྟར་ན་རང་ཅག་རབ་ཏུ་བྱུང་བ་རྣམས་རང་གི་སྲུང་སྡོམ་དག་པ་བསྲུང་ན་སྔོན་ སངས་རྒྱས་མཐོང་བའི་བསྲུང་མ་དམ་ཚིག་ཅན་རྣམས་ཀྱིས་འཕྲིན་ལས་གྲུབ་པར་འདོན་མི་ཟའོ།། (དཀར་ཆག་

གི་ཤོག་གྲངས་ ༡༣ བ། གསལ།) ཞེས་གསུངས་འདུག ལུས་ལ་ཆོས་གོས་རྣམ་གསུམ་གྱོན་ཏེ་སྐྱབས་གནས་འདྲེ་

ལ་འཆོལ་བ་ཞེས་པའི་འདྲེ་འདི་ཕུར་ལྕོག་ངག་དབང་བྱམས་པའི་སློབ་མ་དང༌། ྋརྒྱལ་མཆོག་བསྐལ་བཟང་རྒྱ་

མཚོའི་ཡོངས་འཛིན་ཡིན་པ་ཁྲི་ཆེན་ངག་དབང་མཆོག་ལྡན་(རྭ་སྒྲེང་སྐུ་ཕྲེང་དང་པོ།) གྱི་རྣམ་ཐར་ནང་རྒྱལ་འགོང་ ཞེས་གསལ་གྱི་འདུག

ཁྲི་ཆེན་ངག་དབང་མཆོག་ལྡན་གྱི་རྣམ་ཐར་ལྕང་སྐྱ་རོལ་པའི་རྡོ་རྗེས་མཛད་པའི་ནང༌། དེ་སྔོན་ནས་རྒྱལ་

འགོང་གདུག་པ་ཅན་ཞིག་བྲག་སོབ་སྐོར་གྱི་མི་ཞིག་གི་ཁོག་ཏུ་བརླམས་ཏེ་བབས་པ་དང༌། བྱེད་པ་མང་བའི་བླ་ ཟུར་དང་ཁམས་ཚན་འགའ་ཞིག་ནས་གསོལ་མཆོད་བྱེད་ཁུལ་གྱིས་བསྟེན་པ་དང༌། བྱང་རྩེའི་རི་རྩེ་ལ་ལྷ་ཐོ་ཞིག་

ཀྱང་བརྒྱབ་འདུག་པ་རྣམས་མི་འཚམས་པ་ཆེན་པོ་གཟིགས་ནས། རྗེ་བདག་ཉིད་ཆེན་པོ་ཡབ་སྲས་ཀྱི་དུས་ནས་

བཟུང་དགོན་གནས་འདི་ནང་དུ་འཇིག་རྟེན་པའི་ལྷ་སྲུང་སྣ་ཚོགས་བསྟེན་པའི་ཕྱག་སྲོལ་མེད་པས་ཕྱིན་ཆད་དེ་ རིགས་གཏན་ནས་མི་ཆོག་ཅེས་ཚོགས་སུ་བསྒྲགས། ལྷ་ཐོ་དེ་ཡང་བཤིག་ནས་རྡོ་རྡོ་མལ་དང་ས་ས་མལ་དུ་

བསྐྱལ། སྐུ་རྟེན་དེ་ལ་ཡང་ཁོག་ཞུགས་བྱེད་བཅུག་ཐོག་ཕྱིན་ཆད་བབས་ས་མེད་པའི་བཀའ་བསྒྱུར་བས་ཁྲི་ཆེན་

རིན་པོ་ཆེས་དེ་ལྟར་གསུང་ཕྱིན་ད་འགྲོ་བ་ལས་འོས་མེད་ཟེར་ནས་བབས་ཕུལ་ཞིང་རྒྱལ་འགོང་དེ་སྟག་རྩེ་ཞོལ་ དུ་བྲོས། རྗེ་རང་ཉིད་སྐུ་མཚམས་ཐོག་ཞིག་བཞུགས་ནས་ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་ པའི་ཆོས་རྒྱལ་གྱི་གཏོར་རྫོང་དེ་ཡང་ཚོགས་ཆེན་དུ་འཛུགས་པ་གནང༌། ཆོས་རྒྱལ་གྱིས་བཀའ་ཆད་ཀྱིས་རྒྱལ་

འགོང་བསྟེན་མཁན་བླ་ཟུར་དེ་ཡང་འཕྲལ་དུ་བཀྲོངས་ཤིང་ཁམས་ཚན་དེ་ལ་ཡང་མི་ཤིས་པ་སྣ་ཚོགས་བྱུང་བས་ ཕྱིན་ཆད་དེ་རིགས་བྱེད་འཕྲོ་ཆད་པས་དགོན་གནས་རྣམ་པར་དག་པའི་རྐྱེན་བཟང་པོར་གྱུར་(རྣམ་ཐར་ཤོག་གྲངས་

༦༦ པའི་རྒྱབ་དང་ ༦༧ པར་གསལ།) ཞེས་གསུངས་འདུག གོང་དུ་རྒྱལ་འགོང་ཞེས་གསུངས་པ་དེ་དོལ་རྒྱལ་ཡིན་

པ་ལྕང་སྐྱ་རོལ་པའི་རྡོ་རྗེའི་རྣམ་ཐར་ནང་གསལ་པོ་འདུག ལྕང་སྐྱ་རོལ་པའི་རྡོ་རྗེའི་རྣམ་ཐར་ཐུའུ་བཀྭན་ཆོས་ཀྱི་

ཉི་མས་མཛད་པའི་ནང༌། ལྕང་སྐྱ་རིན་པོ་ཆེ་དང༌། ཐུའུ་བཀྭན་རིན་པོ་ཆེ་སོགས་གདན་ས་དགའ་ལྡན་ལ་ཕེབས་ ནས་ཉིན་ཞིག་གླིང་སྐོར་དུ་ཕེབས་པའི་སྐོར་གསལ་བར། རྨ་ཆེན་གྱི་ལྷ་ཐོའི་ཐད་དུ་ཕེབས་ནས་རྗེ་བླ་མ་ཡབ་སྲས་

ཀྱིས་འཇིག་རྟེན་པའི་ལྷ་སྲུང་བསྟེན་པ་མི་མཛད་པས། འཁྲུངས་ལྷ་རྨ་ཆེན་གྱི་ལྷ་ཐོ་ཡང་སྐོར་ལམ་ནང་དུ་མ་ཆུད་ 71

༸གོང་ས་མཆོག་གི་བཀའ་སློབ།

ཅིང༌། སྔ་མ་དགའ་ལྡན་ཁྲི་པ་འགའ་ཞིག་གིས་དོལ་རྒྱལ་བསྟེན་པས་བཀྲ་མི་ཤིས་པ་བྱུང་བ་ཁྲི་ཆེན་རྡོ་རྗེ་འཆང་

གིས་ཁོའི་ལྷ་རྟེན་སོགས་བཤིགས་ནས་དགོན་པ་ནས་བསྐྲད་པའི་ལོ་རྒྱུས་སོགས་ཞིབ་ཏུ་གསུངས་(ཐུའུ་བཀྭན་གྱི་ གསུང་འབུམ་ཀ་པའི་ཤོག་གྲངས་ ༢༢༡ རྒྱབ་ཕྲེང་ ༣ པར་གསལ།) ཞེས་དོལ་རྒྱལ་གྱི་མིང་གསལ་པོ་གསུངས་འདུག

དེ་དག་གོ་རིམ་བསྒྲིགས་ནས་ཕུར་ལྕོག་ངག་དབང་བྱམས་པས་ལུས་ལ་ཆོས་གོས་རྣམ་གསུམ་གྱོན་ནས་སྐྱབས་

གནས་འདྲེ་ལ་འཆོལ་བ་ཞེས་གསུངས་པའི་འདྲེ་འདི་ཁྲི་ཆེན་ངག་དབང་མཆོག་ལྡན་གྱི་རྣམ་ཐར་ནང་རྒྱལ་འགོང་ གདུག་པ་ཅན་ཞེས་གསུངས་ཡོད་པ་དང༌། རྒྱལ་འགོང་གདུག་པ་ཅན་དེ་ལྕང་སྐྱ་རོལ་པའི་རྡོ་རྗེའི་རྣམ་ཐར་ནང་

དོལ་རྒྱལ་བསྟེན་པས་བཀྲ་མི་ཤིས་པ་བྱུང་ཞེས་དོལ་རྒྱལ་ཡིན་པ་གསལ་པོ་གསུངས་འདུག ཁོང་རྣམ་པ་ནི་རྙིང་

མ་དང༌། བཀའ་བརྒྱུད། ས་སྐྱ་བཅས་དང་འབྲེལ་བ་མེད་པར་དགེ་ལུགས་པ་རྐྱང་པ་གནང་མཁན་གྱི་བླ་མ་ཡིན་ ཞིང༌། དེ་དག་གི་གསུང་ནས་གསལ་པོར་ཆགས་ཡོད།

གཞི་རྩ་འདི་འདྲའི་འོག་ཕྱོགས་གཅིག་ནས་ྋགོང་ས་ལྔ་པ་ཆེན་པོ་དང་ཡང་མ་འགྲིག་པ་ཡོད་པ་དང༌།

ཕྱོགས་གཉིས་ནས་དགེ་ལུགས་པ་མིང་དོན་མཚུངས་པ་ཞིག་བྱས་པ་ཡིན་ན། དག་དང་མ་དག་གི་ལྷ་ཡིན་ནའང་

འདྲ། སྲུང་མ་འདྲ་མིན་བསྟེན་གསོལ་བྱེད་པའི་ཕྱག་ལེན་དགེ་ལུགས་པར་མེད་པ་རེད། དེར་བརྟེན་སྐུ་མདུན་སྐུ་

གོང་མས་ྋསྐྱབས་རྗེ་ཕ་བོང་ཁ་རིན་པོ་ཆེར་བཀའ་ནན་པོ་གནང་བ་དེ་སྐོར་ྋསྐྱབས་རྗེ་ཕ་བོང་ཁའི་རྣམ་ཐར་

གང་གི་དྲུང་ཡིག་ལྡན་མ་བློ་བཟང་རྡོ་རྗེས་ཕྱོགས་སྒྲིགས་བྱས་པ་པོད་གཉིས་ཡོད་པ་བོད་ནང་གི་པར་པ་དཔལ་

ལྡན་ཟེར་བས་པར་བརྒྱབ་འདུག་པ་དེའི་ནང༌། ༸སྐུ་མདུན་སྐུ་གོང་མས་བཀའ་ལན་ཕེབས་པར་ཕ་བོང་ཁ་རིན་པོ་ ཆེས་བཀའ་ལན་ཕུལ་བ་འཁོད་གསལ།

གུས་འབངས་ཕ་བོང་ཁའི་སྐྱེ་མིང་པ་ནས་ཞུ་བ། རྩེ་མཁན་མགྲོན་ཆེན་མོ་བརྒྱུད་བཀའ་སྤྱི་ཕེབས་

དགོངས་དོན། སྔ་ལོ་ཟླ་ ༡༢ པའི་ཚེས་ ༢༢ ཉིན་ཞུ་ཤོག་ཕུལ་དོན་བཞིན། དེར་གསལ་རེ་རེ་བཞིན་ཚིག་གི་བརྡ་

སྤྲོད་བཀའ་དྲིན་ཆེ་བས་གུས་འབངས་རང་ནོངས་པ་ཁོ་ན་ལས། ཞུ་འོས་ཆ་ཙམ་མ་མཆིས་པ་ཕྱིན་ཆད་བཀའ་

དོན་ནམ་ཡང་ལྷོད་མེད་སྙིང་དབུས་སུ་བཅངས་ཆོག་པ། ད་ཕན་ཞུ་འཛོལ་ཅི་མཆིས་ལྷ་དགོངས་གསལ་དྭངས་ ཞེས་འཁོད་དོན། ད་ལམ་སྨོས་པའི་དོན་ཚན་གསུམ་སྐོར་ད་དུང་ལུང་རིགས་ཀྱི་རྩོད་པ་ཇི་སྙེད་ཅིག་མཆིས་ཀྱང༌།

རེ་ཞིག་དེ་ཙམ་དང༌། སྔོན་དུ་སྐྱབས་འགྲོར་བརྩོན་ཁུལ་ཞེས་པ་ཁྱེད་རང་ནས་གཙོ་བོ་སྲུང་མ་ཤུགས་ལྡན་བསྟེན་

གསོལ་དང༌། སྔ་ལོ་སོགས་སུ་ཆོས་སྡེ་འབྲས་སྤུངས་སུ་ལམ་རིམ་གྱི་འཁྲིད་བཤད་དང་འབྲེལ་བའི་སློབ་མ་རྣམས་ 72

༸གོང་ས་མཆོག་གི་བཀའ་སློབ།

ཤུགས་ལྡན་བསྟེན་གསོལ་ཤས་ཆེར་དར་བས་སྔར་ནས་ཐོག་མའི་ཕྱག་འདེབས་པ་པོ། འཇམ་དབྱངས་ཆོས་རྗེ་

ནས་དགོན་གནས་དེའི་སྲུང་སྐྱོབ་བཀའ་བསྒོས་གཉེར་དུ་གཏད་པ་གནས་ཆུང་ཆོས་རྒྱལ་ཆེན་པོ་ནས་འབྲས་ སྤུངས་བླ་སྤྱིར་བསྟན་པ་སྔ་བསྣུར་དུ་བཏང་ཚུལ་དགོངས་འགལ་སྔ་ཕྱིར་འབྱུང་རྩ་དེར་ཐུག་པ་དང༌། ལྷག་པར་

འཇིག་རྟེན་དྲེགས་པར་ཚེ་འདིའི་གྲོགས་སུ་བཅོལ་བ་སྐྱབས་འགྲོའི་བསླབ་བྱ་དང་འགལ་བར་མཐོང་བས་མ་རིག་

རྨོངས་པས་སྒྲིབ་ནོངས་ལས་ཤེས་བཞིན་དཀར་མིན་གྱི་ལམ་དུ་རང་ཉིད་ཞུགས་ཤིང༌། གཞན་སྦྱོར་བ་སྙིང་ཁོང་

ནས་མིན་ལུགས་འཁོད་པ་དང་ནང་འགལ་དུ་མངོན་པས་ཇི་ཡིན་ཞུ་ལན་འབུལ་དགོས་སྤྱི་ཕེབས་བྱུང་ལགས་ ན། གུས་འབངས་པའི་མ་རྒན་དེ་ཉིད་ནས་ཤུགས་ལྡན་སྐྱེས་མའི་བརྒྱུད་ཀྱི་ལྷ་ཡིན་ཚུལ་གྱིས་ད་བར་བསྟེན་

གསོལ་བྱ་དགོས་བྱུང་ཡང༌། ཕྱིན་ཆད་རང་ནོངས་ལ་འགྱོད་སྡོམ་དྲག་པོས་བསྟེན་གསོལ་བསྐང་འཕྲིན་ནམ་ཡང་ མི་ཞུ་བ་ཞེ་དམ་ཤུགས་དྲག་སྙིང་དབུས་སུ་གུས་བཅངས་ཞུས་ཆོག་པ། གནས་ཆུང་ཆོས་རྒྱལ་ཆེན་པོ་དགོངས་

འཁྲུག་གི་གཞི་རྩར་གྱུར་པ་དང༌། སྐྱབས་འགྲོའི་བསླབ་བྱ་དང་ནང་འགལ་བྱུང་བ་སོགས་དེང་ཕན་ཞུ་འཛོལ་ཅི་ མཆིས་དམན་ལ་ལྷག་པར་བརྩེ་བའི་མགོན་པོ་མཆོག་ནས་བརྩེ་ཆེན་བྱམས་གཟིགས་ཀྱིས་ལྷ་དགོངས་གསལ་

དྭངས་བརྩེ་བས་གཟིགས་པ་མཁྱེན། མཁྱེན། མཁྱེན། (རྣམ་ཐར་གྱི་ཤོག་གྲངས་ ༤༧༡ ཕྲེང་ ༢ པ་ནས་རྒྱབ་ཤོག་བཅས་

པར་གསལ།) ཞེས་ཤུགས་ལྡན་ཐོག་མར་མ་ཡུམ་གྱི་སྐྱེད་མའི་ངོས་ནས་འབྲེལ་བ་བྱུང་བ་དང༌། ད་ནས་ྋསྐྱབས་

མགོན་རིན་པོ་ཆེའི་བཀའ་བཞིན་བསྟེན་གསོལ་ནམ་ཡང་གནང་གི་མིན་ཞེས་ཞལ་བཞེས་གནང་བ་གསལ་པོ་ འཁོད་འདུག རྣམ་ཐར་ལྡི་ལི་པར་མའི་ནང་བསྐུམ་པ་གནང་འདུག

ང་རང་ནས་ཀྱང་ཐོག་མར་དོལ་རྒྱལ་བསྟེན་པ་ཡིན། དེ་རྗེས་གོང་གསལ་གནས་ཚུལ་དེ་ཚོ་རིམ་པས་

ཤེས་པ་དང༌། དཔྱད་པ་བྱེད་སྐབས་དེ་སྐོར་རྙོག་དྲ་ཧ་ཅང་ཆེན་པོ་ཡོད་པར་བརྟེན་ཐ་མ་ཟན་བརྟག་བསྒྲིལ་ནས་མུ་ མཐུད་བསྟེན་ན་བཟང་དང༌། ཤིན་ཏུ་གསང་བའི་ཚུལ་གྱིས་བསྟེན་ན་བཟང༌། གཙང་མ་མཚམས་འཇོག་བྱས་ན་

བཟང་བཅས་བརྟག་དཔྱད་བྱེད་སྐབས་ཟན་བརྟག་ནས་གཙང་མ་མཚམས་འཇོག་བྱ་རྒྱུ་བབས་པ་ལྟར་ང་རང་གི་ ངོས་ནས་གཙང་མ་ཐག་བཅད་པ་ཡིན། འོན་ཀྱང་གཞན་ལ་འབོད་སྐུལ་བྱས་པ་དང༌། ཕྱི་ལ་ཁྱབ་བསྒྲགས་བྱས་པ་

གང་ཡང་མེད། དེ་ནས་རིམ་པས་ཕ་རྒོད་བླ་མའི་ཞལ་ལུང་ཐོན་ཏེ་དགེ་ལུགས་པ་ཞིག་གིས་རྙིང་མའི་ཆོས་བྱས་ པ་ཡིན་ན་རྒྱལ་ཆེན་ཤུགས་ལྡན་གྱིས་ཚར་གཅོད་ཀྱི་ཡོད་པ་དང༌། དེའི་དཔེ་མཚོན་བགྲངས་པའི་ནང་པཎ་ཆེན་

སྐུ་ཕྲེང་བརྒྱད་པ་བསྟན་པའི་དབང་ཕྱུག་གིས་རྙིང་ཆོས་གནང་བར་བརྟེན་ཤུགས་ལྡན་གྱིས་ཚར་བཅད་པ་དང༌། 73

༸གོང་ས་མཆོག་གི་བཀའ་སློབ།

དེ་བཞིན་ངོས་རང་བདག་པོ་བསྐྱོན་ཏེ་ྋརྒྱལ་བ་རིན་པོ་ཆེའི་ཡང་སྲིད་རེད་ཅེས་ཐག་གཅོད་གནང་མཁན་རྭ་

སྒྲེང་རིན་པོ་ཆེས་རྙིང་ཆོས་གནང་བར་བརྟེན་རྒྱལ་ཆེན་གྱིས་ཚར་བཅད་པ། དེ་དང་དེ་འདྲ་བའི་དགེ་ལུགས་པའི་

བླ་ཆེན་གང་ཙམ་ཞིག་རྙིང་ཆོས་གནང་བའི་རྒྱུ་མཚན་ལ་བརྟེན་ནས་ཤུགས་ལྡན་གྱིས་ཚར་བཅད་པའི་ལོ་རྒྱུས་ འཁོད་ཡོད་པ་རེད། དེའི་སྐབས་འདི་གར་སློབ་དཔོན་རིན་པོ་ཆེར་འབུམ་ཚོགས་འབུལ་གྱི་ཡོད་ཀྱང་རྡ་རམ་ས་

ལར་ཡོད་པའི་བཙུན་མ་གང་འཚམས་ཤིག་འབུམ་ཚོགས་ལ་སླེབས་མ་བྱུང༌། རྒྱུ་མཚན་གང་ཡིན་སྐད་ཆ་འདྲི་

སྐབས་གོང་གསལ་དེབ་ཐོན་པ་འདིས་རྐྱེན་བྱས་འདུག དགེ་ལུགས་པ་ཞིག་གིས་རྙིང་མའི་ཆོས་བྱས་ནས་གུ་ རུ་རིན་པོ་ཆེར་གསོལ་བ་བཏབ་ན་ཤུགས་ལྡན་གྱིས་གནོད་ཀྱི་རེད་ཅེས་འཁོད་ཡོད་སྟབས་ཁོང་ཚོ་ཞེད་ཀྱི་ཡོད་ པ་རེད་ཅེས་བརྗོད་ཀྱི་འདུག ཉིན་གཅིག་ངོས་ནས་དེབ་དེ་རྩད་གཅོད་བྱེད་སྐབས་ཕ་རྒོད་བླ་མའི་ཞལ་ལུང་ཟེར་ བ་དེ་རེད། དེས་རྐྱེན་པས་གཞི་ནས་དེ་སྐོར་དམ་བསྒྲགས་བྱེད་འགོ་བཙུགས་པ་དང༌། སྐབས་དེ་འདྲ་ཞིག་ལ་

དགའ་ལྡན་བྱང་རྩེ་གྲྭ་ཚང་གི་ཐུགས་དམ་ས་བོན་ཞིག་འབྱོར་པ་བཞིན། དགའ་ལྡན་བྱང་རྩེར་བཀྲ་མི་ཤིས་པའི་

དཀའ་ངལ་ཡོང་བ་འདི་ལྷ་སྲུང་གི་རྐྱེན་གྱིས་བྱུང་བ་ཡིན་ནམ། ཡང་ན་སྤྱིར་བཏང་རྐྱེན་གཞན་གྱི་འོག་ནས་བྱུང་ བ་ཡིན་ཟན་བརྟག་བསྒྲིལ་བར་ལྷ་འཁོན་གྱི་རྐྱེན་ལས་བྱུང་བ་བབས། ཡང་ལྷ་འཁོན་དེ་རྐྱེན་གཞན་གྱི་འོག་ནས་

བྱུང་བ་ཡིན་དང༌། ཤུགས་ལྡན་བསྟེན་དྲགས་ནས་ལྷ་མོ་འཁོན་པ་ཡིན། ཟན་བརྟག་བསྒྲིལ་བས་ཤུགས་ལྡན་བསྟེན་ དྲགས་ནས་ལྷ་མོ་འཁོན་པ་བབས་བྱུང༌། དེ་ལྟར་ཟན་བརྟག་བསྒྲིལ་ནས་ཐག་བཅད་པ་ཡིན་མ་གཏོགས་ངས་ཨོ་

ཚོད་ཚོད་བྱས་ནས་ཐག་བཅད་པ་མིན། མི་ཕལ་པ་ཞིག་གི་མོ་བརྒྱབ་རྒྱུ་ཡིན་ནའང་ངས་མངོན་ཤེས་མེད་པར་ ཡོད་མདོག་མདོག་མ་བྱས་པར་མོ་རྒྱག་གི་ཡོད། གལ་ཆེའི་གནད་དོན་རྣམས་ཟན་བརྟག་བསྒྲིལ་ནས་ཐག་གཅོད་

བྱེད་ཀྱི་ཡོད། སྔོན་ལ་རྒྱ་ནག་ལ་འགྲོ་རྒྱུ་དེ་ཟན་བརྟག་བསྒྲིལ་ནས་ཐག་བཅད་པ་ཡིན། ཡང་ ༡༩༥༧ ལོར་རྒྱ་ གར་ནས་ཕར་ལོག་དང་མི་ལོག་ཀྱང་ཟན་བརྟག་བསྒྲིལ་ནས་ཐག་བཅད་པ་ཡིན། ༡༩༥༩ ལོར་ལྷ་ས་ནས་བྲོས་རྒྱུ་ ཡང་ཟན་བརྟག་བསྒྲིལ་ནས་ཐག་བཅད་པ་ཡིན། དེ་ཡང་ཐོག་མར་མིས་བསམ་བློ་བཏང༌། སོ་སོས་ཀྱང་བསམ་བློ་ བཏང༌། ཕན་ཚུན་གོ་བསྡུར་བྱས། མཐའ་མའི་ཐག་གཅོད་བྱེད་དུས་སྐབས་རེ་གནས་ཆུང་ལ་ཞུས། གནས་ཆུང་

གི་གསུངས་པ་དེར་ཡང་ཆ་མ་བཞག་པར་མཐའ་འདོམས་ཟན་བརྟག་བསྒྲིལ་ནས་ཐག་གཅོད་བྱས་པ་ཤ་སྟག་

ཡིན། ང་རང་རྒྱ་གར་ལ་སླེབས་རྗེས་ཀྱང་ས་དགེ་བཀའ་རྙིང་རིས་སུ་མ་ཆད་པའི་ཆོས་ཞུ་དང་མི་ཞུ་འདི་ཡང་ཟན་ བརྟག་བསྒྲིལ་སར་སྐྱབས་རྗེ་ཡོངས་འཛིན་གླིང་རིན་པོ་ཆེ་གདན་འདྲེན་ཞུས་ནས་ཐག་བཅད་པ་ཡིན། སྐབས་དེར་ 74

༸གོང་ས་མཆོག་གི་བཀའ་སློབ།

སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེ་ཝ་ར་ཎཱ་སཱིར་ཕེབས་པ་ཡིན་ནམ་རྡ་སར་བཞུགས་མེད། ང་རང་གི་མི་

ཚེའི་ནང་ཆོས་དང་སྲིད་ཀྱི་ལས་ཀ་གལ་གནད་ཆེ་བ་རྣམས་རང་གི་ངོས་ནས་བསམ་བློ་བཏང་སྟེ་འགྲོ་ས་འདི་མ་

གཏོགས་མི་འདུག་བསམ་པའི་དོན་ཚན་གཉིས་གསུམ་ཞིག་གཏན་འཁེལ་བའི་མཚམས་ཟན་བརྟག་བསྒྲིལ་ནས་ ཐག་གཅོད་བྱེད་ཀྱི་ཡོད། ད་ལྟ་བར་དུ་བསླུ་བ་རྩ་བ་ནས་མ་བྱུང༌། དོལ་རྒྱལ་སྐོར་ཐག་གཅོད་བྱེད་སྟངས་ཀྱང་འདི་ འདྲ་བྱས་ནས་བྱས་པ་ཡིན།

དེ་རྗེས་གཞི་ནས་མང་ཚོགས་ལ་གསལ་བཤད་གསེད་བཀྲོལ་ཕྲན་བུ་བྱས་པ་དེ་སྐབས་སྒེར་སོ་སོས་

བསྟེན་དང་མ་བསྟེན་ཆོས་དད་རང་མོས་རེད། གནད་འགག་མི་འདུག ཡིན་ནའང་སྤྲོས་པ་ཆེན་པོ་མ་བྱེད་ཅེས་ གསལ་པོ་བཤད་ཡོད། དེ་ལ་མི་ཁག་ཅིག་གིས་ཉན་ཤེས་གོ་ཤེས་བྱེད་ཀྱི་ཡོད་པ་དང༌། མི་ཁག་ཅིག་གི་ངོས་ནས་

བཤད་པ་འདི་ཁུངས་མེད་ལྟ་བུར་བརྩིས་ཏེ་ད་དུང་སྤྲོས་པ་ཆེ་རུ་དང་མངོན་གསལ་དོད་དུ་བཏང་ཡོད། ཡང་སྒོས་ ལྷག་པར་ཅན་དུ་བོད་ནང་སྐད་ཆ་བཀྲམས་པར་ྋརྒྱལ་བ་རིན་པོ་ཆེས་ཤུགས་ལྡན་གྱི་ཐོག་དམ་བསྒྲགས་གནང་

བ་འདི་སྒྲ་ཇི་བཞིན་པ་མ་རེད། དགོས་དབང་གིས་གནང་བ་རེད། དེ་ཡང་ཆོས་བརྒྱུད་རྙིང་མ་སོགས་ཀྱི་ངོ་སྲུང་ ཆེད་རྒྱལ་ཆེན་དམ་བསྒྲགས་གནང་བ་རེད་ཅེས་ཤོད་ཀྱི་ཡོད་པ་དང༌།

ཡང་ཁག་གཅིག་གིས་ྋརྒྱལ་བ་རིན་པོ་ཆེར་རྙིང་མའི་བླ་མ་དེ་འདྲས་མི་ཞུ་དགུ་ཞུ་ཞུས་ནས་དེ་ལྟར་

གནང་བ་རེད་ཅེས་ངོས་ནས་རྣ་ཅོག་སྲབ་པོ་བྱས་པ་ལྟ་བུ་ཤོད་མཁན་ཡོད། མ་གཞི་ང་རང་རྣ་ཅོག་སྲབ་པོ་ཡིན་

ཡང་ལྷགས་པས་གང་འདེད་ཀྱི་སྐད་ཆ་ཉན་མཁན་ཞིག་མིན། རྣ་བ་གཉིས་ཀས་ཉན་ནས་བསམ་ཞིབ་བྱེད་ཀྱི་ཡོད། སྤྱིར་བཏང་ཁྱེད་རང་ཚོས་ཤེས་གསལ་ལྟར་ང་རང་ལོ་བཅུ་དྲུག་ནས་ད་ལྟ་ལོ་དྲུག་ཅུ་རེ་གསུམ་ལ་སླེབས་ཀྱི་བར་ བོད་སྤྱི་པའི་འགན་འཁྱེར་ནས་བསྡད་པ་ཡིན། ངས་རྣ་ཅོག་སྲབ་པོ་བྱས་ཏེ་བྱབ་ག་རེ་བསྐྱལ་འདུག ཁྱེད་རང་

ཚོས་ཞིབ་འཇུག་ཡག་པོ་བྱས་ན་ཤེས་ཀྱི་རེད། ངོས་ནས་དག་འབུད་བྱེད་དགོས་དོན་མེད། ངས་རང་ཉིད་ཡང་ དག་པ་ཡིན་བརྗོད་ཀྱི་མེད། ཁྱེད་རང་ཚོས་བརྟག་དཔྱད་ཀྱིསྋརྒྱལ་བ་རིན་པོ་ཆེས་ག་རེ་གསུང་གི་འདུག ག་རེ་

བྱེད་ཀྱི་འདུག འདས་པའི་ལོ་བཅུའི་རིང་ག་རེ་བྱས་འདུག ལོ་བཞི་བཅུའི་རིང་ག་རེ་བྱས་འདུག ལོ་ལྔ་བཅུའི་རིང་ ག་རེ་བྱས་འདུག དེ་དག་ལ་ཞིབ་འཇུག་ཡག་པོ་བྱས་ན་ཤེས་ཀྱི་རེད། ཤེས་སོང་ངམ།

གཅིག་ནས་ངས་བོད་བསྟན་སྲིད་ཀྱི་དོན་ལ་བསམ་བློ་བཏང་སྟེ་བྱས་པ་དང༌། གཉིས་ནས་ངོས་རང་ཁ་

ཐབས་སྐྱོ་ནའང་ྋརྒྱལ་བ་ལྔ་པའི་བཞུགས་ཁྲིའི་སྟེང་ྋརྒྱལ་བ་ལྔ་པའི་སྐྱེ་ཕྲེང་གི་མིང་བཟུང་ནས་བསྡད་ཡོད་ 75

༸གོང་ས་མཆོག་གི་བཀའ་སློབ།

པས་བོད་བསྟན་པ་ཆབ་སྲིད་ཀྱི་འགན་འཁུར་ཐུབ་ཀྱི་མེད་ནའང་ངའི་མཇིང་པའི་སྟེང་བབ་ཡོད་པ་དང༌། བོད་རྒྱ་ ཆེའི་མི་མང་ནས་ཀྱང་ང་ལ་བློ་འགེལ་གྱི་ཡོད་པ། སོ་སོའི་ལས་དང་སྨོན་ལམ་གྱི་འབྲེལ་བ་བཅས་ཀྱི་ཐོག་ནས་

འགན་ཁུར་དེ་ངའི་ཐོག་ཏུ་བབས་ཡོད་དུས། འགན་འཁུར་འདི་དང་རྗེས་སུ་འབྲེལ་བའི་ལས་ཀ་མ་བྱས་པར་ང་

ཚོའི་དཔེ་ལ་ཡོད་པ་བཞིན། ཞལ་ཟས་ཁྱིས་འཁྱེར་ཡང་འཛུམ་ཤིག་ཤིག་དང༌། ལྷ་ཁང་ལ་མེ་ཤོར་ཡང་འཛུམ་

ཤིག་ཤིག་ཟེར་བ་ལྟ་བུ་བྱས་ན་འགྲིགས་ཐབས་མེད་པས་བཤད་རྒྱུ་འདི་ངའི་ལས་འགན་ཡིན། ཉན་དང་མི་ཉན་ ཁྱེད་རང་ཚོའི་ལག་པར་ཡོད། བོད་ཀྱི་བསྟན་སྲིད་ཀྱི་དོན་ལ་ངོས་ནས་ལོ་ནས་ལོ་མུར་ཏེ་བླ་མ་གོང་མ་ཚོས་

གསུངས་པའི་རྣམ་ཐར་དང༌། ང་རང་གི་དངོས་བྱུང་ཉམས་མྱོང་སོགས་གནས་ཚུལ་མང་པོ་ཞིག་དང་འབྲེལ་ཏེ་

ངོས་ནས་ལས་ཀ་འདི་བྱ་རྒྱུར་ཐག་བཅད་པ་ཡིན། ལས་ཀ་འགོ་བཙུགས་པའི་རྗེས་ལ་མཇུག་སྐྱེལ་དགོས་པ་ ནི་ཆོས་ཉིད་ཡིན། དེ་ལྟར་རྒྱུ་མཚན་ལྡན་པའི་ལས་ཀ་འགོ་བཙུགས་པ་འདི་མཐའ་སྐྱེལ་རྒྱུ་ལས། སྤྱི་མ་སྤོམ་ལ་

འཇོག་ཐབས་མེད། དེ་སྔོན་ངོས་ནས་སྒེར་སོ་སོས་བསྟེན་ན་འགྲིགས་ཀྱི་རེད། སྤྲོས་པ་ཆེན་པོ་མ་བྱེད་ཅེས་བརྗོད་ ཡོད་ཀྱང༌། དེ་དག་ལ་ནུས་པ་མ་ཐོན་པའི་སྐབས་ལ་ད་ཆ་ཤུགས་ཆེ་རུ་མ་བཏང་ན་འགྲིགས་ཀྱི་མི་འདུག གཞན་ དག་ངོས་ལ་ཐག་གཅོད་ནུས་པ་ཐོན་པ་བྱེད་རྒྱུ་མེད། དོལ་རྒྱལ་བསྟེན་དང་མི་བསྟེན་སོ་སོའི་ལག་པ་རེད། འོན་ ཀྱང་དོལ་རྒྱལ་བསྟེན་ཕྱིན་ཆད་ངའི་ས་ནས་དབང་ཞུ་བ་དང་སྡོམ་པ་ཞུ་བ་འགྲིགས་ཀྱི་མ་རེད་ཅེས་ངོས་ནས་ལོ་

གཉིས་ཀྱི་གོང་ཐག་བཅད་པ་ཡིན། ངས་ཐག་གཅོད་བྱས་པ་འདི་ལ་རྒྱ་ཆེའི་མང་ཚོགས་རྒྱ་གར་ནང་སྡོད་མཁན་ དང༌། བལ་ཡུལ་ནང་སྡོད་མཁན། སུད་སི་ཁུལ་སྡོད་མཁན་སོགས་གང་ལྟར་བོད་མི་སེར་སྐྱ་མཆོག་དམན་མེད་

པ་མང་ཆེ་བས་ང་ལ་ཡིད་ཆེས་དང༌། བློ་གཙང་མ་བཀལ་ཏེ་ངས་བཤད་པར་ཉན་འཇོག་བྱས་ཡོད། ཁ་ཤས་ནི་ དོལ་རྒྱལ་ལ་ཞེད་ཀྱིན་ཞེད་ཀྱིན་ལ་ྋརྒྱལ་བ་རིན་པོ་ཆེས་བཀའ་གནང་བར་བརྟེན་མཚམས་འཇོག་བྱས་པ་དང༌།

ཁ་ཤས་ཀྱི་བླ་མ་དང་ཆོས་སྐྱོང་གཉིས་ཀྱི་ནང་ནས་བླ་མ་གལ་ཆེ་བ་ལས་ཆོས་སྐྱོང་གལ་ཆེ་གི་མ་རེད་ཅེས་གང་

ལྟར་ངས་བཤད་པ་ལ་ཡིད་ཆེས་བློ་འགེལ་གནང་བར་ཧ་ཅང་དགའ་པོ་བྱུང༌། ཚང་མར་ཐུགས་རྗེ་ཆེ་ཞེས་བརྗོད་ ཀྱི་ཡིན།

དེ་བཞིན་མི་མང་ནས་ཀྱང་ཧུར་ཐག་བྱས་བྱུང༌། བལ་ཡུལ་ནང་སྡོད་མཁན་ཁྱེད་རང་ཚོས་ལངས་ཕྱོགས་

བརྟན་པོ་བཟུང་སྟེ་ྋརྒྱལ་བ་རིན་པོ་ཆེར་བོད་སྤྱི་པའི་འགན་ཡོད་པ་ལྟར་འགན་འཁྱེར་མཁན་ཞིག་གིས་ཤ་ཚའི་ ཐོག་ནས་ཕན་ཐོགས་བྱུང་ན་བསམ་སྟེ་བཤད་པར་ངོས་འཛིན་གསལ་པོར་བྱས་ནས་ཁྱེད་རང་ཚོས་མཚམས་ 76

༸གོང་ས་མཆོག་གི་བཀའ་སློབ།

འཇོག་བྱས་པར་ང་རང་དགའ་པོ་བྱུང༌། ཐུགས་རྗེ་ཆེ་ཞེས་བརྗོད་ཀྱི་ཡིན། རེ་ཟུང་ནི་ཁག་ཡོད་པ་མ་རེད། ཀླད་ པ་ཧ་ཅང་མཁྲེགས་པོ་བྱེད་པ་དེ་ལ་རྒྱུ་མཚན་གཞན་དག་མེད་དམ་སྙམ་གྱི་འདུག དེ་འདྲའི་ཐོག་ནས་བར་སྐབས་

སྐད་ཆ་བཤད་པ་དང༌། ཡིག་ཆའི་ནང་མང་པོ་ཡོད། ང་ལ་ཁྱད་རྩ་བ་ནས་མེད། ཕྱོགས་གཅིག་ནས་གཏམ་བརྗོད་ རང་དབང་རེད། ག་རེ་བཤད་ནའང་སོ་སོའི་ལག་པ་རེད་ཁྱད་པར་གང་ཡང་མེད། ང་རང་སྒེར་གྱི་ངོས་ལ་ཆ་

བཞག་ན་སྐྱོན་བརྗོད་དང་དམའ་འབེབས་བྱེད་མཁན་ཡོང་དུས། གློ་བུར་གྱི་བསམ་བློའི་ནང་ཁྱད་མཚར་འདི་ འདྲ་རང་ཤོད་པ་གང་འདྲ་ཡིན་ནམ་བསམ་པ་དྲན་གྱི་འདུག་ཀྱང༌། བསམ་བློ་ཞིབ་ཏུ་གཏོང་དུས་བཟོད་པའི་རྟེན་ ཡག་པོ་ཞིག་ཡོང་གི་འདུག ཨ་ཙི་དེ་དག་ནི་ཉོན་མོངས་དུག་གསུམ་གྱི་གཞན་དབང་དུ་སོང་བ་ཡིན་པས་གང་

ཡང་ཡོད་པ་མ་རེད། ང་རང་གི་ངོས་ནས་མི་གཞན་ལ་སྤྱོད་འཇུག་ཤོད་ཀྱི་ཡོད། སྤྱོད་འཇུག་ཤོད་མཁན་རང་

ཉིད་ལ་རྐྱེན་འཕྲད་ཡོང་དུས་བཟོད་པ་བསྒོམ་མ་ཐུབ་ན། ངས་སྤྱོད་འཇུག་བཤད་པ་རྫུན་དུ་འགྲོ་གི་རེད། འདི་ནི་ སྤྱོད་འཇུག་ནང་གསུངས་པ་ལྟར་བཟོད་པའི་ཉམས་ལེན་བྱེད་པའི་གོ་སྐབས་ཡག་པོ་ཡིན་བསམ་ནས་ཧུར་ཐག་

བྱེད་ཀྱི་ཡོད། སེམས་འཁྲུག་གི་མི་འདུག་ལ། སེམས་མ་སྐྱིད་པའང་ཡོང་གི་མི་འདུག དཔེར་ན་ན་ནིང་འདིར་

དགེ་སློང་མི་གསུམ་བསད་པ་རེད། གསོད་སྟངས་ལ་ཆ་བཞག་ན་མཚན་ཉིད་སློབ་དཔོན་གྱི་གཟུགས་པོར་གྲི་ བཅུ་དྲུག་བརྒྱབ་ཡོད་པ་དང༌། སྐེ་བྲེགས་པ་བཅས་དེ་དག་ནི་ཧ་ཅང་ཐབས་སྐྱོ་པོ་རེད། གློ་བུར་ཁོང་ཁྲོ་དང་ཞེད་

སྣང་ཡང་བྱུང༌། བསམ་བློ་གཉིས་པ་ཞིག་གཏོང་དུས་ཆག་སྒོ་སྙིང་རྗེ་བསམ་པ་དང༌། རྒྱ་མི་གུང་ཁྲན་གྱིས་དེ་འདྲ་ བྱས་པ་ཡིན་ན་ཧ་ལས་རྒྱུ་གང་ཡང་མེད། ནང་པ་ཞིག་དང་དེའི་ནང་ནས་དགེ་ལུགས་པ་ཡིན་ཞེས་བརྗོད་མཁན། དེའི་ནང་ནས་ཀྱང་སྐྱབས་རྗེ་ཁྲི་བྱང་རིན་པོ་ཆེའི་རྗེས་འབྲངས་ཡིན་ཞེས་བརྗོད་མཁན་གྱི་མིསྋསྐྱབས་རྗེ་ཁྲི་ བྱང་རིན་པོ་ཆེར་ཞབས་འདེགས་བསྒྲུབ་པ་དང༌། ཞེན་ཁོག་བྱེད་ཁུལ་བྱས་པ་ཞིག་ཡིན་ན། སྐྱབས་རྗེ་རིན་པོ་ཆེ་

ཞལ་བཞུགས་ཡོད་ཚེ་ཐུགས་ཕམ་ཇི་ཙམ་ཡོང་རྒྱུ་ཡིན་པ་ཤེས་གསལ་རེད། ས་གནས་རྒྱ་གར་ཉེན་རྟོག་པས་

ཞིབ་འཇུག་གནང་བ་བརྒྱུད་ལག་དམར་བ་དྲུག་པོ་དོལ་རྒྱལ་བསྟེན་མཁན་ཡིན་པ་དང༌། མི་བཞི་ངོ་རྟགས་ཆོད་ པ་ལྟར་འཛིན་བཟུང་ཐུབ་ཐབས་གནང་བཞིན་པ་རེད། རྨོངས་པ་ཆགས་སྡང་རགས་པའི་གཞན་དབང་དུ་སོང་བ་

འདི་འདྲའི་ཐབས་སྐྱོ་བ་ལ་ཨང༌། སྙིང་རྗེ་བསམ་སྟེ་སྙིང་རྗེ་ཆེན་པོ་ཞིག་སྐྱེས་བྱུང༌། དེ་མ་ཐག་ཁོང་ཁྲོ་ཞི་ཞིང་ཞེད་ སྣང་ཡང་མི་འདུག ཁྱེད་རང་ཚོ་སེམས་ཁྲལ་རྩ་བ་ནས་བྱེད་མི་དགོས། ྋརྒྱལ་བ་རིན་པོ་ཆེ་ཕལ་ཆེར་སངས་ རྒྱས་ཀྱི་བསྟན་པའི་དགྲ་བོ་རེད་མདོག་མདོག་དང༌། དེའི་ནང་ཚན་ནས་དགེ་ལུགས་པའི་བསྟན་པའི་དགྲ་བོ་རེད་ 77

༸གོང་ས་མཆོག་གི་བཀའ་སློབ།

མདོག་མདོག་ཤོད་མཁན་ཡོད་ཀྱང་ང་ལ་ཁྱད་པར་རྩ་བ་ནས་མེད། ང་རང་གི་ངོས་ནས་རང་ཉིད་བཅོམ་ལྡན་ འདས་ཀྱི་རྗེས་འབྲངས་དགེ་སློང་ཐེབས་ཆག་ཅིག་ཡིན་བསམ་ནས་ཧུར་ཐག་བྱེད་ཀྱི་ཡོད། མི་གཞན་གྱིས་ག་རེ་

བརྗོད་ཀྱང་བརྗོད། ང་རང་གི་ངོས་ནས་ནོར་ཡོད་ན་མི་ཚང་མས་བསྟོད་བསྔགས་བཏང་ནའང་ཕན་ཐོགས་མེད། ང་རང་གི་ངོས་ནས་ནོར་མེད་ན་མི་གཞན་གྱིས་ག་རེ་བརྗོད་ཀྱང་ང་ལ་ཁྱད་པར་རྩ་བ་ནས་མེད། སྤྱིར་བཏང་ཁྱད་

པར་གཅིག་ཡོད་པ་ནི་ད་ལྟ་ང་ཤི་ན་འཕྲལ་སྒང་བོད་གཞིས་བྱེས་གཉིས་ཀྱི་ནང་ཧ་ཅང་སེམས་པ་མ་སྐྱིད་པ་ཡོང་

རྒྱུ་དང༌། ལས་ཀ་གནད་སྨིན་པོ་བྱེད་མི་ཐུབ་པའི་འགལ་རྐྱེན་ཆེན་པོ་ཞིག་ཆགས་ནས་ནུས་ཤུགས་ཉམས་པ་ལྟ་ བུ་ཡོང་གི་རེད། ཡིན་ནའང་མི་རིགས་གཅིག་གི་འཐབ་རྩོད་འདི་བོད་མི་རིགས་ཀྱིས་མུ་མཐུད་མཇུག་བསྐྱལ་རྒྱུ་

ལས་མཚམས་འཇོག་རྩ་བ་ནས་བྱེད་ཀྱི་མ་རེད། ཇི་སྲིད་བོད་ཀྱི་མི་རིགས་གནས་པ་དེ་སྲིད་དུ་བོད་རང་དབང་གི་ འཐབ་རྩོད་འདི་གནས་ཀྱི་རེད། ཅེས་བཀའ་སྩལ།། །།

ཕྱི་ལོ་ ༢༠༡༢ ཟླ་ ༡ ཚེས་ ༧ ཕྱེད་ཡོལ་གནས་མཆོག་རྡོ་རྗེ་གདན་བོད་དགོན་དགའ་ལྡན་ འཕེལ་རྒྱས་གླིང་རྣམ་རྒྱལ་གྲྭ་ཚང་གི་འདུ་ཁང་ནང་བོད་ཕྱི་ནང་གཉིས་ནས་ཕེབས་པའི་

ཆོས་ལུགས་རིས་མེད་ཀྱི་མཁན་བླ་དགེ་བཤེས་སོགས་ལ་དོལ་རྒྱལ་སྐོར་བཀའ་སློབ་སྩལ་པ། ༄༅། །དེ་ནས་ཞུ་རྒྱུ་གཅིག་དོལ་རྒྱལ་གྱི་རྙོག་དྲ་འདི་ཡིན། དོལ་རྒྱལ་བསྟེན་མཁན་ཚོས་གཞན་དག་ཕར་

བཞག་དོལ་རྒྱལ་བསྟེན་མཁན་དགེ་ལུགས་པ་གཅིག་གི་ཤག་ནང་རྙིང་མའི་དཔེ་ཆ་བཞག་ན་དོལ་རྒྱལ་གྱིས་

གནོད་ཀྱི་རེད་ཅེས་ཤོད་ཀྱི་ཡོད། མཁྱེན་སོང་ངམ། སྔོན་མ་ང་ལ་བྱུང་མྱོང་བ་ཞིག་ལ། རྡ་སར་ས་ཝ་རག་ཨ་ཤྭ་

རམ་ལ་སྡོད་དུས་དགོང་མོ་ཞིག་རྨི་ལམ་ལ་ང་སྡོད་སའི་ཅོག་རྩེའི་ཐོག་མི་ཞིག་གིས་སྤྲད་པའི་བཀའ་ཐང་སྡེ་ལྔ་ ཞིག་ཡོད། རྨི་ལམ་ནང་ཁ་ཆེ་ཞིག་ཡོང་ནས་དེ་འཁྱེར་ཕྱིན་སོང་། དེ་རྗེས་དགེ་བཤེས་རབ་བརྟན་ཐུག་དུས་ང་ལ་

རྨི་ལམ་འདི་འདྲ་ཞིག་བཏང་བྱུང་ཞེས་བརྗོད་པར་ཁོང་གིས། ཨོ། དེ་ཤུགས་ལྡན་རེད་ཅེས་བཤད་བྱུང་། དེ་ཙམ་དུ་

མ་ཟད་ཁུ་ནུ་བླ་མ་རིན་པོ་ཆེ་བསྟན་འཛིན་རྒྱལ་མཚན་བསམ་གྱིས་མི་ཁྱབ་པའི་མཁས་པ་དང་། བྱང་ཆུབ་སེམས་ ཀྱི་ཉམས་བཞེས་མཐིལ་ཕྱིན་གནང་མཁན་གྱི་མཁས་གྲུབ་གཉིས་ལྡན་ཞིག་རེད། ཁོང་གི་སྐུ་མདུན་ནས་ངས་བྱང་

ཆུབ་སེམས་འགྲེལ་དང་། སྤྱོད་འཇུག་ཞུས་པ་ཡིན། ད་དུང་རྒྱུད་གསང་བ་སྙིང་པོ་ཞུ་འདོད་བྱུང་། དེ་དུས་ངས་ 78

༸གོང་ས་མཆོག་གི་བཀའ་སློབ།

བཀའ་ཆོས་གང་ཞུ་རྒྱུ་ཡིན་པ་ཡོངས་འཛིན་གླིང་རིན་པོ་ཆེར་སྙན་སེང་ཞུ་ཡི་ཡོད།

ཡོངས་འཛིན་གླིང་རིན་པོ་ཆེར་ཁུ་ནུ་བླ་མ་རིན་པོ་ཆེ་བསྟན་འཛིན་རྒྱལ་མཚན་གྱི་དྲུང་ནས་རྒྱུད་གསང་

བ་སྙིང་པོ་ཞུ་འདོད་འདུག དེ་ནི་གསང་འདུས་རྩ་རྒྱུད་དང་འདྲ་བའི་ཧ་ཅང་ཡག་པོ་འདུག་ཅེས་ཞུས་པར། ཡོངས་

འཛིན་རིན་པོ་ཆེས་སྔོན་ལ་གཟབ་གཟབ་བྱས་ན་ཡག་གི་རེད་ཅེས་གསུང་གི་འདུག དེ་ནི་གཞན་གང་ཡང་མ་ ཡིན་པར་ཡོངས་འཛིན་རིན་པོ་ཆེ་སྐྲག་པ་གནང་གི་ཡོད། ངས་རྙིང་མའི་ཆོས་ཞུས་ན་རྒྱལ་པོ་ཤུགས་ལྡན་གྱིས་

གནོད་ཡོང་དགོངས་ཀྱི་ཡོད་པ་རེད། དེང་སང་ཤུགས་ལྡན་བསྟེན་གསོལ་བཀག་འགོག་བྱེད་པ་འདིས་ཆོས་དད་

རང་མོས་མེད་པ་བཟོ་གི་འདུག་ཅེས་ཤོད་ཀྱི་ཡོད། དོན་དངོས་ཤུགས་ལྡན་བསྟེན་ན་ཆོས་དད་རང་མོས་ཡོང་གི་ མེད། ང་རང་ལ་ཆ་བཞག་ན་ཆོས་དད་རང་མོས་མ་བྱུང་། ཆོས་དད་རང་མོས་བཀག་འགོག་བྱེད་མཁན་དེ་བཀག་

ན་དགག་པ་ཉིད་ཀྱིས་རྣལ་མ་བསྟན་པ་རེད། སོ་སོའི་དད་མོས་ལྟར་རིས་མེད་ཀྱི་ཆོས་བྱས་ན་འགྲིག་གི་མ་རེད་

ཟེར་མཁན་དེ་བཀག་འགོག་བྱེད་དུས་རིས་མེད་ཀྱི་ཆོས་བྱེད་ཆོག་པ་ཡོང་གི་ཡོད། ཤེས་སོང་ངམ། དངོས་ གནས་བྱས་ན་དགག་པ་ཉིད་ཀྱིས་རྣལ་མ་སྟོན་པ་ཡིན་དུས། རིས་མེད་བྱས་ན་འགྲིག་གི་མ་རེད་ཟེར་མཁན་དེ་

བཀག་ནས་བྱེད་ཆོག་པ་ཆགས་དུས་ཆོས་དད་རང་མོས་ཡོང་གི་ཡོད། དེར་བརྟེན་ངས་དོལ་རྒྱལ་བཀག་འགོག་

བྱས་པ་འདི་ཆོས་དད་རང་མོས་སྲུང་སྐྱོབ་བྱས་པ་ལས། ཆོས་དད་རང་མོས་མེད་པ་བཟོས་པ་མིན། ལར་ནས་ དོལ་རྒྱལ་བསྟེན་པ་ནི་དྲེགས་པ་བསྟེན་པ་ཞིག་ཡིན་པས་དེ་ནི་ཆོས་མིན། ཤེས་སོང་ངམ། དེ་འཕྲོས་བཤད་ཡིན།

དོལ་རྒྱལ་གྱི་རྙོག་དྲ་གཅིག་ནི་རིས་མེད་བྱེད་རྒྱུར་དགག་པ་རྒྱག་གི་ཡོད། རིས་མེད་དགོས་པ་ཡིན།

ཐམས་ཅད་མཁྱེན་པ་དགེ་འདུན་གྲུབ་པར་མཚོན་ན་ཕལ་ཆེར་དྭགས་པོ་བཀྲ་ཤིས་རྣམ་རྒྱལ་གྱི་སྐུ་མདུན་ནས་

གསུང་ཆོས་གསན་ཡོད། དྭགས་པོ་བཀྲ་ཤིས་རྣམ་རྒྱལ་གྱིས་རྗེ་རིན་པོ་ཆེར་དགག་པ་བརྒྱབ་ཡོད། གསན་ སོང་ངམ། ཁོང་འདུལ་བ་འཛིན་པ་ཆེན་པོ་རེད། དགེ་འདུན་རྒྱ་མཚོར་མཚོན་ན་དེ་བས་ཀྱང་རིས་མེད་གནང་

མཁན་ཞིག་རེད། སྐབས་དེ་དུས་རིས་མེད་པའི་༸རྒྱལ་བ་ཞྭ་སེར་མོ་བ་ཞེས་པའི་མཚན་ཐོགས་པ་དགེ་འདུན་ རྒྱ་མཚོའི་རྣམ་ཐར་གཡང་པ་ཆོས་རྗེས་མཛད་པ་དེའི་ནང་ཡོད་པ་ཡོངས་གྲགས་ཡིན། སྐུ་ཆུང་ཆུང་སྐབས་ནས་ རིས་མེད་གནང་མཁན་ཞིག་རེད་འདུག ཁོང་རང་གི་ཡབ་ཚང་བཀའ་བརྒྱུད་པ་རེད། བསོད་ནམས་རྒྱ་མཚོ་ནི་

མགོན་པོ་གུར་ཞལ་གྱི་རྣལ་འབྱོར་པ་ཆེན་པོ་ཞིག་ཡིན། དེ་ཡང་ས་སྐྱ་ནས་གསན་ཡོད། ༸གོང་ས་ལྔ་པ་ཆེན་ པོ་ནི་རིས་མེད་གནང་མཁན་ཡིན་པ་ཡོངས་གྲགས་རེད། བཀའ་བརྒྱུད་པའི་གཞུང་དེ་ཙམ་གསན་ཡོད་པ་མ་ 79

༸གོང་ས་མཆོག་གི་བཀའ་སློབ།

རེད། ༸སྐུ་མདུན་སྐུ་གོང་མ་བཅུ་གསུམ་པ་ཆེན་པོར་མཚོན་ན། སྔོན་མ་མཚན་ཞབས་དངོས་གྲུབ་མཆོག་ཉིད་ ཀྱིས་ང་ལ་གསུངས་པར། ཁོང་དང་དགོན་པ་གསར་སྐུ་གོང་མ་གཉིས་ཐུགས་ཧ་ཅང་ཉེ་པོ་ཡིན་པ་དང་། དགོན་

པ་གསར་སྐུ་གོང་མ་རྟ་མགྲིན་ཡང་གསང་ཉམས་བཞེས་ཐུན་མོང་མ་ཡིན་པ་གནང་མཁན་ཞིག་ཡིན། རྒན་ དངོས་གྲུབ་མཆོག་ཉིད་ཀྱིས་དགོན་པ་གསར་སྐུ་གོང་མའི་༸སྐུ་མདུན་ནས་རྟ་མགྲིན་གྱི་ཆོས་འཁོར་གསན་པ་

ཡིན་གསུང་གི་འདུག དགོན་པ་གསར་སྐུ་གོང་མས་རྒན་ལ་གསུངས་པར། ༸སྐུ་མདུན་སྐུ་གོང་མས་ཕྱིའི་ཡི་ དམ་འཇིགས་བྱེད་དཔའ་བོ་གཅིག་པ་གནང་གི་ཡོད་ཀྱང་། ནང་གི་ཐུགས་དམ་གཙོ་བོ་ཕུར་པ་གནང་གི་ཡོད་ ཅེས་གསུངས། གང་ལྟར་༸རྒྱལ་བ་གོང་མ་ཚོའི་ནང་ནས་༸རྒྱལ་མཆོག་བསྐལ་བཟང་རྒྱ་མཚོ་དགེ་ལུགས་ གཙང་མ་རེད།

༸རྒྱལ་མཆོག་བསྐལ་བཟང་རྒྱ་མཚོ་དེ་འདྲའི་མཁས་གྲུབ་གཉིས་ལྡན་བཟོ་བ་གནང་མཁན་ཁྲི་ཆེན་ངག་

དབང་མཆོག་ལྡན་རེད། ཁྲི་ཆེན་ངག་དབང་མཆོག་ལྡན་གྱིས་དོལ་རྒྱལ་ལ་དགག་པ་གནང་གི་ཡོད། དོལ་རྒྱལ་

ཞེས་པ་ཤུགས་ལྡན་གྱི་མིང་ཡིན་པ་ཁྲི་ཆེན་ངག་དབང་མཆོག་ལྡན་གྱི་རྣམ་ཐར་ལྕང་སྐྱ་རོལ་པའི་རྡོ་རྗེས་མཛད་ པ་དེ་དང་། ལྕང་སྐྱ་རོལ་པའི་རྡོ་རྗེའི་རྣམ་ཐར་ཐུའུ་བཀྭན་ཆོས་ཀྱི་ཉི་མས་མཛད་པ་གཉིས་ནང་མིང་དོལ་རྒྱལ་

ཞེས་འཁོད་འདུག ཁྲི་ཆེན་ངག་དབང་མཆོག་ལྡན་གྱི་རྣམ་ཐར་ནང་དེ་སྔོན་རྒྱལ་འགོང་གདུག་པ་ཅན་ཞིག་བྲག་

གསེབ་སྐོར་གྱི་མི་ཞིག་གི་ཁོག་ཏུ་བརླམས་ཏེ་བབས་པ་དང་། བླ་ཟུར་དང་ཁམས་ཚན་འགའ་ཞིག་ནས་གསོལ་ མཆོད་བྱེད་ཁུལ་གྱིས་བསྟེན་པ་དང་། བྱང་རྩེའི་རི་རྩེ་ལ་ལྷ་ཐོ་ཞིག་ཀྱང་བརྒྱབ་འདུག་པ་རྣམས་མི་འཚམ་པ་ཆེན་

པོར་གཟིགས་ནས། རྗེ་བདག་ཉིད་ཆེན་པོ་ཡབ་སྲས་ཀྱི་དུས་ནས་བཟུང་དགོན་གནས་འདིའི་ནང་དུ་འཇིག་རྟེན་

པའི་ལྷ་སྲུང་སྣ་ཚོགས་བསྟེན་པའི་ཕྱག་སྲོལ་མེད་པས་ཕྱིན་ཆད་དེ་རིགས་གཏན་ནས་བྱེད་མི་ཆོག་ཅེས་ཚོགས་

སུ་བསྒྲགས། ཞེས་དམ་བསྒྲགས་གནང་ཡོད། དེ་བཞིན་ལྕང་སྐྱ་རོལ་པའི་རྡོ་རྗེའི་རྣམ་ཐར་ནང་། རྨ་ཆེན་གྱི་ལྷ་

ཐོའི་ཐད་དུ་ཕེབས་ནས་རྗེ་བླ་མ་ཡབ་སྲས་ཀྱིས་འཇིག་རྟེན་པའི་ལྷ་སྲུང་བསྟེན་པར་མི་མཛད་པས་འཁྲུངས་ལྷ་ རྨ་ཆེན་གྱི་ལྷ་ཐོ་ཡང་སྐོར་ལམ་ནང་དུ་མ་ཆུད་ཅིང་། ཞེས་འཁོད་པ་ལྟར་ལྷ་ཐོ་དེ་དགོན་གཤམ་གྱི་ནགས་ཁྲོད་དུ་

ཡོད། ༸རྒྱལ་མཆོག་བདུན་པ་ཆེན་པོ་དགེ་ལུགས་གཙང་མ་གནང་མཁན་ཞིག་གིས་རང་གི་ཡོངས་འཛིན་ནས་ དོལ་རྒྱལ་སྐོར་གསལ་པོ་གསུངས་པར་བརྟེན་འཇམ་མགོན་རྒྱལ་བའི་བསྟན་སྲུང་ཟེར་བ་དེ་བསྟེན་གསོལ་རྩ་བ་ ནས་གནང་མེད་པ་གསལ་པོ་རེད། དེ་དག་འཕྲོས་བཤད་ཡིན། 80

༸གོང་ས་མཆོག་གི་བཀའ་སློབ།

ཆོས་ལུགས་རིས་མེད་བྱ་རྒྱུ་གལ་ཆེན་པོ་ཡིན། ཤེས་སོང་ངམ། ཡང་ངས་དཔེ་གཞན་ཞིག་བརྗོད་ན།

ང་ཚོ་ས་ཝ་རག་ཨ་ཤ་རམ་ནས་ཕོ་བྲང་གསར་པར་སྤོས་རྗེས་ཁུ་ནུ་བ་ཕལ་ཆེར་གྲྭ་པ་མིན་ནམ། ཁུ་ནུ་བའི་ཕྱུ་ པའི་སྟེང་ལ་གཟན་འདྲ་པོ་གྱོན་པའི་སྤོ་བོ་ལགས་གཅིག་ཐུག་བྱུང་། ཆོས་པ་ཡག་པོ་ཞིག་འདུག ཁོང་གིས་ང་ལ་

སེམས་ཁྲིད་ཅིག་གནང་རོགས་ཟེར་གྱི་འདུག ངས་ཤེས་ཀྱི་མེད། དེ་དུས་ཁུ་ནུ་བླ་མ་རིན་པོ་ཆེ་བཞུགས་ཡོད། ཁྱེད་རང་ཁུ་ནུ་བླ་མ་རིན་པོ་ཆེའི་སྐུ་མདུན་ལ་ཕྱིན་ནས་སེམས་ཁྲིད་ཞུས་ན་ཡག་གི་རེད། ཅེས་བཤད་པ་ཡིན།

རྗེས་སུ་བསམ་བློ་གཏོང་དུས། སྤོ་བོ་ཆོས་པ་ཡག་པོ་ཞིག་འདུག འོན་ཀྱང་གྲུབ་མཐའ་གཙང་མ་ཟེར་བ་འདིའི་

འོག་ནས་ངས་དཔེ་ཆ་དེ་བལྟ་རྒྱུ་མ་བྱུང་བས་ཤེས་ཀྱི་མེད། མངོན་རྟོགས་རྒྱན་གྱི་ནང་ལ། འགྲོ་ལ་ཕན་པར་བྱེད་ རྣམས་ལམ་ཤེས་ཉིད་ཀྱིས་འཇིག་རྟེན་དོན་སྒྲུབ་མཛད་པ་གང་། ཞེས་གསུངས་པ་འདི་ང་ལ་ཚང་མི་འདུག་བསམ་

བྱུང་། བྱང་ཆུབ་སེམས་དཔས་ཉན་ཐོས་ཀྱི་ལམ་དང་། རང་རྒྱལ་གྱི་ལམ་བསྒོམ་དགོས་པ་མེད། ཡིན་ནའང་བྱང་

ཆུབ་སེམས་དཔའི་གདུལ་བྱ་ཉན་ཐོས་ཀྱི་རིགས་ཅན་དང་། རང་སངས་རྒྱས་ཀྱི་རིགས་ཅན་ཡོང་གི་ཡོད་པ་དེ་ དག་ལ་ལམ་བསྟན་ཐུབ་པ་དགོས་སྟབས། ལམ་ཐམས་ཅད་བསྐྱེད་པར་བྱ། ལམ་ཐམས་ཅད་ཤེས་པར་བྱ་ཞེས་

གསུངས་པ་དེ་ལ་ཐུག་ཡོད། བྱང་ཆུབ་སེམས་དཔའ་པ་ཐེག་ཆེན་གྱི་གཞུང་ཁོ་ན་ལས་གཞན་མི་ཤེས་མཁན་ཞིག་ གི་མདུན་ལ་ཉན་རང་གི་བག་ཆགས་ཡོད་པ་ཞིག་སླེབས་ན། ངས་ཤེས་ཀྱི་མེད་ཁྱེད་རང་སོང་ཞིག་ཅེས་བརྗོད་ན་

བྱང་ཆུབ་སེམས་པས་གཞན་དོན་བྱེད་ཐུབ་མེད། དེ་དང་གཅིག་མཚུངས་ཡིན་སྟབས་ང་རང་སེམས་གང་ཙམ་སྐྱོ་

བྱུང་། དེ་འདྲའི་རྐྱེན་མང་པོ་ཞིག་འཛོམས་པར་བརྟེན་རིས་མེད་ཀྱི་གཞུང་སྦྱང་རྒྱུ་ཧ་ཅང་གལ་ཆེན་པོ་མཐོང་བྱུང་།

ཡུ་རོབ་ཁུལ་དུ་བོད་ཀྱི་ནང་ཆོས་ཐོག་མར་དར་སྐབས་ཕྱི་རྒྱལ་གྱི་མི་དེ་ཚོས་ང་ཚོ་བཀའ་བརྒྱུད་པ་

ཡིན། ང་ཚོ་རྙིང་མ་པ་ཡིན། ང་ཚོ་དགེ་ལུགས་པ་ཡིན། ང་ཚོ་ས་སྐྱ་པ་ཡིན་ཞེས་ཕྱོགས་འཛིན་དམ་པོ་བྱེད་པ་

དང་། བཀའ་བརྒྱུད་ནང་ལ་ཆ་མཚོན་ནའང་ང་ཚོ་འབྲི་གུང་བཀའ་བརྒྱུད་ཡིན། ང་ཚོ་ཀཾ་ཚང་བཀའ་བརྒྱུད་ཡིན། ང་ཚོ་འབྲུག་པ་བཀའ་བརྒྱུད་ཡིན་ཟེར། སྟག་ལུང་བཀའ་བརྒྱུད་མང་པོ་མེད། དེ་མིན་བཀའ་བརྒྱུད་ནང་ཁུལ་

ལའང་ཕྱོགས་འཛིན་བྱེད་ཀྱི་འདུག དེ་དུས་ངོས་ནས་དེ་འདྲ་བྱེད་རྒྱུ་མེད། བོད་ཀྱི་ས་དགེ་བཀའ་རྙིང་རིས་སུ་མ་ ཆད་པ་ཚང་མ་སྟོན་པ་གཅིག་གི་རྗེས་འབྲངས་དང་། ཚང་མ་མཁས་གྲུབ་གཉིས་ལྡན། ཐེག་པ་ཆེ་ཆུང་སྔགས་

དང་བཅས་པ་ཉམས་བཞེས་གནང་མཁན་ཤ་སྟག་རེད་ཅེས་བཤད་པ་ཡིན། ང་ཚོས་ཤེས་ཀྱི་མེད། བོད་པའི་བླ་ མས་བསླབ་བྱུང་ཞེས་བརྗོད་ཀྱི་འདུག བཀའ་བརྒྱུད་པ་ཡིན་ན་བཀའ་བརྒྱུད་པའི་བླ་མའི་མདུན་ནས་ཆོས་ཞུས་ 81

༸གོང་ས་མཆོག་གི་བཀའ་སློབ།

པ་མ་གཏོགས། དགེ་ལུགས་པའི་བླ་མ་དང་། རྙིང་མའི་བླ་མའི་མདུན་ནས་ཆོས་ཞུས་ན་འགྲིག་གི་མ་རེད་ཅེས་ བོད་པའི་བླ་མས་བརྗོད་ཀྱི་འདུག་ཅེས་ང་ལ་བཤད་བྱུང་། བོད་ནང་ལ་ཡང་དེ་དེ་བཞིན་དང་། ལྷག་པར་རྒྱ་ནག་

ནང་དེང་སང་བོད་ཀྱི་ནང་ཆོས་ལ་དོ་སྣང་གསར་པ་སླེབས་པའི་སྐབས་སུ་རིམ་པས་རྒྱ་མི་བོད་ཀྱི་ནང་ཆོས་ སློབ་སྦྱོང་དང་། རྒྱུས་ཡོད་མཁན་དེ་ཚོའི་གྲས་ཀྱིས་བོད་པའི་བླ་མ་ནང་ཁུལ་རྩ་བ་ནས་འཆམ་གྱི་མ་རེད་ཟེར་བ་

ལྟ་བུ་བྱུང་ན་ཞབས་འདྲེན་རེད། ཤེས་སོང་ངམ། མི་གཞན་ལ་དེའི་ཁམས་དང་མོས་པ་དང་འཚམས་པའི་ཆོས་ ཞིག་སྟོན་པ་ལ་ཐོག་མར་རང་གིས་ཚང་མ་ཤེས་པ་བྱེད་དགོས། དེར་བརྟེན་རིས་མེད་ལ་དོ་སྣང་དང་སློབ་སྦྱོང་ ཤུགས་ཆེ་ཙམ་བྱེད་རྒྱུ་ཧ་ཅང་གལ་ཆེན་པོ་འདུག

དོན་ཚན་གཉིས་པ་ནི། འཛམ་གླིང་འདིའི་ཐོག་ནང་པའི་ཆོས་ལ་མཐོང་ཆེན་པོ་སླེབས་པའི་སྐབས་འདིར་

ང་ཚོ་ལུས་ལ་ཆོས་གོས་རྣམ་གསུམ་གྱོན་ནས་བཅོམ་ལྡན་འདས་ཀྱི་རྗེས་འབྲངས་དང་། བཅོམ་ལྡན་འདས་ཀྱི་ ཆོས་ཉམས་ལེན་བྱེད་མཁན་ཚོའི་ངོས་ནས་ནང་ཆོས་ཀྱི་མཚན་མཐོང་ལ་ཕན་པ་བྱེད་དགོས་པ་དང་། མཚན་

མཐོང་ལ་གནོད་པའི་ཞབས་འདྲེན་གྱི་རིགས་ལ་དམིགས་སུ་བཀར་ནས་ཡིད་གཟབ་མ་བྱས་ན་ཡག་པོ་མེད་ ཅེས་ངས་རྒྱ་གར་གྱིས་མཚོན་པའི་ཕྱི་རྒྱལ་ཁག་ལ་ཡོད་པ་དང་། བོད་ནང་ཡོད་པ་བཅས་ཚང་མར་ཞུ་འདོད་

བྱུང་། ཁ་སང་ལྡི་ལིར་རྒྱལ་སྤྱིའི་ནང་པའི་ཆོས་ཚོགས་ཀྱི་ཚོགས་འདུ་ཆེན་པོ་ཞིག་ཚོགས་པ་དེའི་ཐོག་ངོས་ ནས་དེང་སང་འཛམ་གླིང་འདིའི་ཐོག་ནང་པའི་ཆོས་ལ་མཐོང་དང་ཆ་འཇོག་ཆེ་རུ་ཆེ་རུ་འགྲོ་བའི་སྐབས་འདིར་

ང་ལ་སེམས་ཁྲལ་གཅིག་འདུག དེ་ནི་ཆོས་འཆད་སྤེལ་གནང་མཁན་གྱི་སྤུས་ཀ་ཞན་དུ་ཞན་དུ་འགྲོ་བ་དེ་ཡིན་ ཞེས་གསལ་པོ་ཞུས་པ་ཡིན། དེ་རིང་འདིར་ང་ཚོ་ནང་ཁུལ་ཐུག་པའི་སྐབས་སུ་ཡང་དོན་འདི་དགོངས་པར་

བཅངས་རོགས་ཞུ་རྒྱུ་ཡིན། རིས་མེད་ཅེས་པ་འདིས་ཆོས་འཆལ་དུ་བཅུག་པ་ཞིག་མིན་པར་ཆོས་སྤུས་དག་ཏུ་

དང་། རྒྱ་ཆེ་རུ་གཏོང་གི་ཡོད། དགེ་ལུགས་པར་མཚོན་ན་ཐོག་མར་དཔེ་ཆ་ལྟ་བའི་སྐབས་སུ་གཞུང་ཆེན་པོ་ ལྟ་ཐུབ་ཀྱི་མེད། དགེ་བཤེས་དམ་བཅའ་བཞག་ནས་ཆོས་ཀྱི་གནས་ཚད་གང་འཚམས་སླེབས་པའི་སྐབས་སུ་

གཞུང་གཞན་དག་མཁྱེན་ཐུབ་པ་བྱུང་ན་ཡག་པོ་ཡོད། ཤེས་སོང་ངམ། དེ་བཞིན་ས་རྙིང་བཀའ་བརྒྱུད་བཅས་

ནས་ཀྱང་སོ་སོའི་རང་གཞུང་གཙོ་བོ་བྱས་པའི་ཐོག་དགེ་ལུགས་ཀྱི་གཞུང་གཞན་དག་མཁྱེན་པ་བྱུང་ན་ཡག་པོ་ ཡོད།

དོན་ཚན་གསུམ་པ་དོལ་རྒྱལ་གྱི་སྐོར་ཡིན། དེ་ལ་རྒྱུ་མཚན་གསུམ་ཡོད་པའི་རྒྱུ་མཚན་དང་པོ་ནི་དོལ་ 82

༸གོང་ས་མཆོག་གི་བཀའ་སློབ།

རྒྱལ་༸གོང་ས་ལྔ་པ་ཆེན་པོའི་སྐབས་མ་འགྲིག་པ་ཆགས་པ་དང་། དགའ་ལྡན་ཕོ་བྲང་ལ་གནོད་མཁན་ཞིག་རེད།

དགའ་ལྡན་ཕོ་བྲང་ནི་བོད་སྤྱི་ལ་བཀའ་དྲིན་ཆེན་པོ་ཡིན། ཤེས་སོང་ངམ། དགེ་ལུགས་པར་མཚོན་ན་༸གོང་ས་ ལྔ་པ་ཆེན་པོས་ཆོས་ལུགས་རིས་མེད་ཉམས་བཞེས་གནང་བཞིན་དུ་ས་སྐྱ་དང་། བཀའ་བརྒྱུད། ཇོ་ནང་བཅས་ཀྱི་

དགོན་པ་ཁག་ཅིག་དགེ་ལུགས་པར་བསྒྱུར་པ་གནང་ཡོད། ༸གོང་ས་ལྔ་པ་ཆེན་པོ་འབྲས་སྤུངས་ནས་ཕེབས་པའི་ བླ་མ་ཞིག་ཡིན་པས་དགོན་པ་དེ་ཚོ་སྤུས་དག་པོ་ཞིག་བྱུང་ན་དགོངས་པའི་ཐུགས་རེས་གནང་བ་མིན་ནམ། རྨད་

བྱུང་རྣམ་ཐར་གཙང་མའི་ཁྲིམས་དང་ལྡན། །རླབས་ཆེན་རྒྱལ་སྲས་སྤྱོད་པའི་སྙིང་སྟོབས་ཆེ། །བདེ་སྟོང་མཆོག་

གི་ཡེ་ཤེས་རྣམ་རོལ་བ། །བློ་བཟང་རྒྱལ་བའི་བསྟན་དང་མཇལ་བ་ཤོག །ཚུལ་ཁྲིམས་གཙང་ཞིང་མང་དུ་ཐོས་ པ་དང་། །བྱང་སེམས་སྦྱོང་ཞིང་ལྟ་སྤྱོད་གཙང་བ་སོགས། །བློ་བཟང་རྒྱལ་བ་གཉིས་པའི་བསྟན་པ་ལ། །བསྲེས་

ལྷད་མེད་པའི་རྣམ་ཐར་འཁྱོངས་པར་ཤོག །ཅེས་༸རྒྱལ་བ་ལྔ་པ་ཆེན་པོས་ཐུགས་སྨོན་གནང་ཡོད། ཤེས་སོང་ ངམ། ཡང་༸རྒྱལ་བ་ལྔ་པ་ཆེན་པོས་ངས་རང་ནོར་རང་གིས་སྤྱོད་པའི་ཚུལ་གྱིས་འཁོར་བ་དབྱིངས་སྒྲོལ་གྱི་

ཁྲིད་གཞུང་ཤིན་ཏུ་རྒྱས་པ་རིག་འཛིན་ཞལ་ལུང་བྲིས། སྔར་བྱང་ཆུབ་ལམ་རིམ་གྱི་ཁྲིད་༸རྒྱལ་བ་ཙོང་ཁ་པའི་ དགོངས་པ་འགྲེལ་ཁུལ་དེ་བརྩམས་པས་དགེ་ལུགས་པའི་གྲལ་ལ་ཆུད་པོ་རང་མ་བྱུང་། ད་ཆ་རྙིང་མའི་གྲལ་དུ་མི་ ཆུག་ངེས་པས་ན་ཟབ་མོ་སློབ་བཤད་པའི་གྲལ་དུ་དོག་འཚངས་བྱེད་དགོས་པ་འདྲའོ། །ཞེས་རྙིང་མ་གནང་ཡང་ རྙིང་མའི་གྲལ་ལ་ཡག་པོ་མ་ཚུད། དགེ་ལུགས་པར་ཐུགས་ཞེན་ཡོད་ཀྱང་དགེ་ལུགས་པའི་གྲལ་ལ་མི་ཚུད་པ།

དེ་འདྲ་བྱས་ནས་ལྷག་པ་ལྟ་བུ་ཆགས་གྲབས་བྱེད་ཀྱི་འདུག དགེ་ལུགས་པའི་བླ་མ་ཞལ་ཚ་པོ་ཀློང་རྡོལ་བླ་མས་ ༸གོང་ས་ལྔ་པར་ཚོགས་གཏམ་ཏོག་ཙམ་བཏང་གནང་འདུག ༸གོང་ས་ལྔ་པ་ཆེན་པོ་ནི་བསྟན་པ་སྤྱི་དང་བྱེ་བྲག་

དགའ་ལྡན་ཕོ་བྲང་དང་དགེ་ལུགས་པར་ཧ་ཅང་བཀའ་དྲིན་ཆེན་པོ་རེད། ང་ལ་སྒྲུང་ཞིག་བཤད་རྒྱུ་ཡོད། ས་སྐྱའི་ མཁན་རིན་པོ་ཆེ་སངས་རྒྱས་བསྟན་འཛིན་གྱི་མདུན་ནས་ངས་གཞུང་ཁྲིད་མང་པོ་ཞུས་པ་ཡིན། ཁོང་གིས་ང་ལ་

གསུངས་པར་༸གོང་ས་ལྔ་པ་ཆེན་པོས་ས་སྐྱའི་དགོན་པ་མང་པོ་དགེ་ལུགས་པར་བསྒྱུར་གནང་བར་བརྟེན་ས་ སྐྱ་པ་མང་པོ་༸གོང་ས་ལྔ་པ་ཆེན་པོར་དགའ་པོ་མེད། འོན་ཀྱང་ལམ་འབྲས་སློབ་བཤད་ཀྱི་རྒྱུད་གསུམ་གྱི་མཁྱེན་

བརྩེའི་ཟིན་བྲིས་ཀྱི་ཁ་སྐོང་༸རྒྱལ་བ་ལྔ་པ་ཆེན་པོས་མཛད་ཡོད་པ་དེའི་མཚམས་སུ་སླེབས་སྐབས་༸གོང་ས་ལྔ་ པ་ཆེན་པོར་མགོ་སྒུར་དགོས་པ་རེད་གསུང་གི་ཡོད་ཅེས་གསུངས་བྱུང་། ༸གོང་ས་ལྔ་པ་ཆེན་པོ་ནི་བསྟན་པ་

རིས་མེད་སྤྱི་ལ་བཀའ་དྲིན་ཆེན་པོ་ཡིན་པ་དང་། ཡང་སྒོས་དགེ་ལུགས་པར་ཧ་ཅང་བཀའ་དྲིན་ཆེན་པོ་རེད། དེར་ 83

༸གོང་ས་མཆོག་གི་བཀའ་སློབ།

བརྟེན་དགའ་ལྡན་ཕོ་བྲང་ལ་གནག་སེམས་དང་གནོད་སེམས་བཅངས་མཁན་དེ་ཡག་པོ་མིན།

རྒྱུ་མཚན་གཉིས་པ། ཆོས་ལུགས་རིས་མེད་ཀྱི་མིག་དཔེ་བཟང་པོ་ཞིག་འཛུགས་པའི་སྐབས་སུ་དགེ་

ལུགས་པ་ཡིན་ན་ཤག་ནང་རྙིང་མའི་ཕྱག་དཔེ་གཅིག་ཀྱང་ཉར་ཆོག་གི་མ་རེད་ཅེས་བཤད་པ་དེས་རིས་མེད་ ཉམས་ལེན་བྱེད་རྒྱུར་གནོད་ཀྱི་ཡོད། འདི་ནི་གནད་འགག་གཅིག་ཡིན། ཛེ་སྨད་རིན་པོ་ཆེས་བྲིས་པའི་ཕ་རྒོད་ བླ་མའི་ཞལ་ལུང་ནང་གཞུང་ཞབས་དང་དགེ་ལུགས་པའི་བླ་མ་མང་པོ་ཞིག་གིས་རྙིང་ཆོས་བྱས་པའི་རྐྱེན་གྱིས་

རྒྱལ་པོ་ཤུགས་ལྡན་གྱིས་གནོད་པ་རེད་ཟེར་བའི་ལོ་རྒྱུས་བཤད་དེ་མི་ལ་ཞེད་སྣང་སྐྱེ་རུ་བཅུག་ཡོད། དེ་ལ་ ཡང་རྒྱུ་མཚན་གཅིག་ཡོད། སྔོན་མ་ཕྱི་ལོ་ ༡༩༥༥ ལོ་ཙམ་ལ་མཁྱེན་བརྩེ་ཆོས་ཀྱི་བློ་གྲོས་ཁམས་ནས་ལྷ་སར་ ཕེབས་ཡོད་པ་དེ་སྐབས་མཁྱེན་བརྩེ་ཆོས་ཀྱི་བློ་གྲོས་ཀྱིས་མགྲོན་གཉེར་ཆེན་མོ་ཕ་ལྷ་བརྒྱུད་ནས་༸སྙན་སེང་

གནང་དོན། ལྷ་སའི་ཇོ་བོ་རིན་པོ་ཆེའི་བཞུགས་ཁྲིའི་ཕྱོགས་བཞི་ལ་མཆོད་རྟེན་བཞི་དང་། གཙུག་ལག་ཁང་གི་ ནང་གུ་རུ་སྣང་སྲིད་ཟིལ་གནོན་གྱི་སྐུ་བརྙན་བཅས་བཞེངས་ཐུབ་ན་བསྟན་སྲིད་དང་དུས་བདེ་ཞི་ལྷིང་ཡོང་རྒྱུར་

ཕན་ཐོགས་ཆེན་པོ་ཡོང་རྒྱུ་གསུངས་འདུག འོན་ཀྱང་དེ་དུས་ཆོས་ལུགས་ཀྱི་ཕྱོགས་ཞེན་དབང་གིས། རྙིང་མའི་ བླ་མ་བུད་མེད་ཡོད་པ་འདི་གང་འདྲ་ཡིན་ནམ་ཟེར་ནས་ཇོ་བོའི་བཞུགས་ཁྲིའི་ཕྱོགས་བཞི་ལ་མཆོད་རྟེན་བཞེངས་ རྒྱུར་དོ་སྣང་མ་བྱས་པ་དང་། གུ་རུ་སྣང་སྲིད་ཟིལ་གནོན་བཞེངས་ན་ཡག་པོ་ཡོད་ཀྱང་། དེ་དུས་འདི་སྐོར་འགན་

གཙོ་བོ་འཁྱེར་མཁན་བཀའ་བློན་ལས་རོགས་བཤད་ཟུར་གྱིས་གུ་རུ་སྣང་སྲིད་ཟིལ་གནོན་ལ་གླེང་གཞི་ཡོད་

པས་གུ་རུ་རྒྱ་གར་མ་བཞེངས་ན་ཡག་པོ་ཡོད་ཅེས་གསུངས་ནས་གུ་རུ་རྒྱ་གར་མ་བཞེངས་པ་རེད། རྗེས་སུ་

མཁྱེན་བརྩེ་ཆོས་ཀྱི་བློ་གྲོས་རིན་པོ་ཆེར་གུ་རུ་རྒྱ་གར་མ་ཞིག་བཞེངས་འདུག་ཅེས་ཞུ་དུས། ༸རྒྱལ་དབང་དང་ དཔོན་སློབ་ཁ་ཤས་རྒྱ་གར་ལ་ཕེབས་ཐུབ་པ་ཡོང་རྒྱུ་རེད་ཅེས་བཀའ་གནང་འདུག དེར་བརྟེན་ང་རང་ལ་དེའི་ཐད་ འགྱོད་པ་ཡོད།

རྒྱ་གར་ལ་སླེབས་རྗེས་ཐོག་མར་གཙུག་ལག་ཁང་བཞེངས་པ་ཡིན། ཐུགས་རྗེ་ཆེན་པོ་བཅུ་གཅིག་ཞལ་

འདི་ཡང་རིག་གནས་གསར་བརྗེ་ཆེན་པོའི་སྐབས་ཐུགས་རྗེ་ཆེན་པོ་རང་བྱུང་ལྔ་ལྡན་གྱི་སྐུ་གཏོར་བའི་དབུའི་ དུམ་བུ་གསུམ་ངའི་ལག་ཏུ་འབྱོར་བ་ནས་གཅིག་གཟུངས་གཞུག་ཏུ་ཕུལ་ནས་གསར་དུ་བཞེངས་པ་ཡིན། ལྷ་

སར་རིག་གནས་གསར་བརྗེ་མ་བྱུང་གོང་ཙམ་དུ་ང་ལ་རྨི་ལམ་ཞིག་རྨིས་བྱུང་། ང་རང་གཙུག་ལག་ཁང་ལ་

མཆོད་མཇལ་དུ་འགྲོ་གི་འདུག ཐུགས་རྗེ་ཆེན་པོ་རང་བྱུང་ལྔ་ལྡན་གྱི་མདུན་ལ་སླེབས་ནས་ཡར་མཇལ་དུས་ 84

༸གོང་ས་མཆོག་གི་བཀའ་སློབ།

རང་བྱུང་ལྔ་ལྡན་གྱིས་སྤྱན་བཙུམས་ཀྱིས་ཡར་ཤོག་ཅེས་བརྡ་གནང་གི་འདུག ང་རང་ཧ་ཅང་དགའ་པོ་བྱུང་། ཡར་ཕྱིན་ནས་རང་བྱུང་ལྔ་ལྡན་གྱི་སྐུའི་མགུལ་ལ་འཐམས་ནས་བསྡད་པ་ཡིན། རང་བྱུང་ལྔ་ལྡན་གྱི་ཞལ་ནས།

བརྩོན་འགྲུས་བརྩམས་པའི་བརྩོན་འགྲུས་ཀྱིས། །བརྟན་སྤྲོ་ལེ་ལོ་མ་མཆིས་ཤིང་། །སྟོབས་དང་ལྡན་པའི་ལུས་ སེམས་ཀྱིས། །བརྩོན་འགྲུས་ཕ་རོལ་ཕྱིན་རྫོགས་ཤོག །ཅེས་པའི་ཚིགས་བཅད་གསུངས་པ་ངས་ཀྱང་མཉམ་

དུ་བཏོན་པ་ཡིན། དེ་རྗེས་རིག་གནས་གསར་བརྗེ་ལངས་ཏེ་རང་བྱུང་ལྔ་ལྡན་གྱི་སྐུ་གཏོར་བ་རེད། དེར་བརྟེན་ སེམས་ཤུགས་མ་ཆག་གསུང་གི་ཡོད་འདུག ལྷ་སར་གུ་རུ་སྣང་སྲིད་ཟིལ་གནོན་བཞེངས་མ་ཐུབ་པ་དེ་ལ་ འགྱོད་པ་སྐྱེས་ནས་སྣང་སྲིད་ཟིལ་གནོན་གྱི་སྐུ་འདི་བཞེངས་པ་ཡིན།

སྣང་སྲིད་ཟིལ་གནོན་གྱི་སྐུ་བཞེངས་རྗེས་རིག་འཛིན་གདུང་སྒྲུབ་ཀྱི་ཚོགས་ཕུལ་བ་ཡིན། ཉིན་དང་པོར་

དགེ་ལུགས་ཀྱི་བཙུན་དགོན་དགེ་ལྡན་ཆོས་གླིང་གི་བཙུན་མ་ཚོ་སླེབས་ཡོད། འོན་ཀྱང་ཉིན་གཉིས་པར་སླེབས་ མ་བྱུང་། ག་རེ་བྱས་པ་རེད་ཟེར་དུས་ཁོང་ཚོ་ཞེད་སྣང་བྱེད་ཀྱི་འདུག་ཟེར། གང་ཡིན་ཞེ་ན་ཁོང་ཚོ་དགེ་ལུགས་

པ་ཡིན་པར་མ་ཟད། དགེ་ལྡན་ཆོས་གླིང་ཐོག་མར་སྒོ་འབྱེད་སྐབས་ཤུགས་ལྡན་གྱི་གསོལ་ཁ་བཏང་བར་ཤུགས་ ལྡན་གྱིས་དགེ་ལུགས་པ་གཙང་མ་བྱེད་དགོས་ཞེས་ནན་བཤད་བྱས་འདུག དེས་ཁོང་ཚོ་ཞེད་སྣང་གིས་ཡོང་མི་

ནུས་པ་དང་། དེ་བཞིན་ཕ་རྒོད་བླ་མའི་ཞལ་ལུང་ཟེར་བ་ལྡི་ལི་ནས་དཔར་གསར་པ་བརྒྱབ་པ་དེ་ཨ་ནེ་ཚོས་མཐོང་ བས་ཁོང་ཚོ་བླ་འདར་ནས་ཞེད་ཐག་ཆོད་པ་རེད་ཟེར། དེབ་དེ་ངས་མཐོང་བ་དང་ཅུང་ཟད་བློ་ཕམ་བྱུང་། ལོ་ཤས་

གོང་གནས་ཆུང་གིས་ང་ལ་ཨ་སྲས་འཁྱམས་པོ་བསྟེན་ན་འགྲིག་གི་མི་འདུག་ཅེས་གསུངས་བྱུང་། སྐུ་རྟེན་སྔོན་ མའི་སྐབས་རེད། ངས་གནས་ཆུང་ལ་ཨ་སྲས་འཁྱམས་པོ་ཞེས་ཤུགས་ལྡན་ལ་ཟེར་གྱི་ཡོད་པ་མ་རེད་དམ་ཞུས་

པ་ཡིན། རེད་གསུང་གི་འདུག འོ་ན་ཞལ་ཁ་བཞུགས་ན་ཡག་གི་རེད། ཤུགས་ལྡན་བསྟེན་མཁན་མང་པོ་རེད། དེ་ འདྲ་གསུང་ན་དམ་ཚིག་བསྲེ་ལྷད་འགྲོ་རྒྱུའི་ཉེན་ཁ་ཡོད་ཅེས་ཞུས་པ་ཡིན། ལགས་སོ་གསུངས་ཏེ་དེ་ནས་བཟུང་

གནས་ཆུང་གིས་ལོ་མང་པོའི་རིང་ཚིག་གཅིག་གསུང་མ་བྱུང་། དེ་རྗེས་ཕ་རྒོད་བླ་མའི་ཞལ་ལུང་ཟེར་བ་ཐོན་པ་

མཐོང་ནས་བསམ་བློ་གཏོང་དུས་ང་རང་དྲང་པོ་མིན་པ་ལྟ་བུ་ཆགས་འདུག གནས་ཆུང་ལ་ཞལ་ཁ་བཞུགས་ཞེས་ ཞུས་པ་རེད། ཚུར་ཕྱོགས་དོལ་རྒྱལ་ཕྱོགས་གཏོགས་པ་ཚོས་སྣང་བར་གང་དྲན་གྱི་སྐད་ཆ་བཤད་ཀྱི་ཡོད་པ་

རེད། དེ་རྗེས་གནས་ཆུང་སྤྱན་འདྲེན་ཞིག་གི་སྐབས་ལ་ངས་སྔོན་མ་ཁྱེད་རང་གིས་ཨ་སྲས་འཁྱམས་པོ་བསྟེན་

ན་འགྲིག་གི་མི་འདུག་གསུང་དུས་ངས་ཞལ་བཀག་པ་ཡིན། ཁྱེད་ཀྱིས་ཀྱང་ཉན་འཇོག་གནང་བྱུང་། ད་ཆ་ཕར་ 85

༸གོང་ས་མཆོག་གི་བཀའ་སློབ།

ཕྱོགས་དོལ་རྒྱལ་བསྟེན་མཁན་ཚོས་གང་བྱུང་མང་བྱུང་བཤད་ཀྱི་འདུག་པར་བརྟེན་ཁྱེད་ཀྱིས་གང་གསུང་རྒྱུ་ ཡོད་ནའང་གསུང་ན་འགྲིགས་ཞེས་ཞུས་པ་ཡིན། གནས་ཆུང་གིས་དོལ་རྒྱལ་བསྟེན་ན་དཔལ་ལྡན་ལྷ་མོ་འཁོན་ གྱི་ཡོད་ཅེས་གསུང་བྱུང་། དཔལ་ལྡན་ལྷ་མོ་ནི་སྤྱིར་འཇིག་རྟེན་ལས་འདས་པའི་སྲུང་མ་ཚད་ལྡན་ཞིག་ཡིན་པ་

དང་། ཡང་སྒོས་༸རྒྱལ་བ་དགེ་འདུན་རྒྱ་མཚོའི་སྐབས་ནས་འབྲས་སྤུངས་ཀྱི་སྲུང་མ་ཐུན་མོང་མ་ཡིན་པ་ཆགས་

ཡོད། འབྲས་སྤུངས་དང་འབྲེལ་བའི་ཐོག་ནས་མདོ་སྟོད་སྨད་ས་ཁུལ་གྱི་དགོན་ཁག་མང་པོ་ཞིག་ལ་ལྷ་མོ་གཙོ་བོ་ ཆགས་ཡོད།

ང་སྒེར་གྱི་ངོས་ལ་ཆ་བཞག་ན་ཐམས་ཅད་མཁྱེན་པ་དགེ་འདུན་གྲུབ་པའི་སྐབས་ནས་བཟུང་དཔལ་ལྡན་

ལྷ་མོ་༸རྒྱལ་བ་རིན་པོ་ཆེའི་ཐུན་མོང་མ་ཡིན་པའི་སྲུང་མ་ཆགས་ཡོད་པ་དང་། ལྷ་མོ་བླ་མཚོའི་ནང་ནས་ཨ་ཀ་མ་ ཞེས་ཡི་གེ་གསུམ་ཐོན་པར་བརྟེན་གཞི་ནས་ཨ་མདོའི་ཕྱོགས་ལ་ཡང་སྲིད་འཚོལ་བར་འགྲོ་རྒྱུ་དེ་ཨ་ཞེས་པའི་ཡི་

གེ་ལ་གོ་བ་བླངས་ནས་ཨ་མདོ་ཟེར་བ་དང་། ཀ་ཞེས་པ་སྐུ་འབུམ། མ་ཞེས་པ་ཀརྨ་པ་རོལ་པའི་རྡོ་རྗེ་དེ་འདྲའི་གོ་

བ་བླངས་པའི་འགྲེལ་ལུགས་གཅིག་འདུག ཡང་ང་རང་གིས་བསམ་བློ་གཏོང་སྐབས་ངའི་མིང་ལ་ལྷ་མོ་དོན་གྲུབ་ ཟེར། ང་ཚོའི་ཁྱིམ་ཚང་གི་མཆོད་གནས་སྐུ་འབུམ་དགོན་པའི་དགེ་བཤེས་གཅིག་ཡོད་པ་བརྗོད་ཀྱི་འདུག ཁོང་

ཤར་ཙོང་རི་ཁྲོད་ལ་དབྱར་ས་དགུན་ས་བྱས་ཏེ་ཕེབས་ཀྱི་ཡོད་པ་དང་། གནས་ཚང་ང་ཚོའི་ནང་ལ་བཞུགས་ཀྱི་ ཡོད་འདུག པཱ་ལགས་ཁོང་ཚོས་ང་སྐྱེས་པའི་སྐབས་སུ་ཁོང་ལ་མིང་གཅིག་ཞུས་པར་ཁོང་གིས་ང་བུ་ཡིན་ཀྱང་ལྷ་ མོ་དོན་གྲུབ་ཅེས་བཏགས་འདུག མ་གཞི་ཨ་མདོ་ཚོ་ཏན་ཏན་རང་མེད། ལྷ་མོ་ཚེ་རིང་ཟེར་བ་དང་། ལྷ་མོ་དོན་གྲུབ་ ཟེར་བ་བུ་ལ་བུ་མོའི་མིང་བཏགས་པ་མང་པོ་འདུག གང་ལྟར་ངའི་མིང་ཅུང་ཟད་མི་འདྲ་བ་ནི་ལྷ་མོ་ཞེས་པ་འདི་

རེད། མིང་གཞིའི་ཡི་གེར་ཨ་ཀ་མ་ཞེས་པའི་ནང་གི་མ་དེ་མིན་ནམ་སྙམ་པ་དང་། ཡིན་པར་གྱུར་ཅིག་བརྗོད་ཀྱི་

ཡོད། གཞན་ཀརྨ་པ་ཟེར་དུས་༸གོང་ས་ལྔ་པ་ཆེན་པོའི་རྣམ་ཐར་དུ་ཀཱུ་ལའི་གོས་བཟང་ནང་། ༸རྒྱལ་བ་ལྔ་པ་རང་ ཉིད་འཁྲུངས་ཚེས་གཟའ་བཟང་བ་དང་། ཚེས་བཟང་བ། འཕྲོད་སྦྱོར་སོགས་མང་པོ་གསུངས་རྗེས་ཚེས་གྲངས་ དེའི་ཉིན་སྐྱེས་པའི་ཁྱི་རྒན་རྒྱའུ་ཡང་མང་པོ་ཡོད་ཅེས་གསུངས་ཡོད། དེ་དང་འདྲ་བར་ཀརྨ་པ་ཞེས་བརྗོད་ན་དེ་ ཁུལ་མི་མང་པོ་ཡོད་པ་རེད། ལྷ་མོ་དོན་གྲུབ་ཅེས་ངའི་མིང་གཞིའི་ཐོག་མ་ཕྱིན་ན་གཞན་མང་པོ་ཨེ་ཡོད། དེ་འདྲ་ ཡིན་དུས་ང་རང་སྒེར་གྱི་ངོས་ལ་ཆ་བཞག་ན་དཔལ་ལྡན་ལྷ་མོ་ཐུན་མོང་མ་ཡིན་པ་ཡིན།

ངས་བོད་ཀྱི་རྒྱལ་སྲིད་ཆོས་སྲིད་ཀྱི་འགན་ལོ་བཅུ་དྲུག་ནས་བླངས་པ་ཡིན། ལོ་བཅུ་དྲུག་ནས་བཟུང་ 86

༸གོང་ས་མཆོག་གི་བཀའ་སློབ།

བོད་བསྟན་སྲིད་ཀྱི་དོན་གལ་ཆེ་བ་ཚང་མ་སྟེ་གྲོ་མོར་འགྲོ་དང་མི་འགྲོ་དང་། རྒྱ་ནག་ལ་འགྲོ་དང་མི་འགྲོ རྒྱ་གར་

ལ་འགྲོ་དང་མི་འགྲོ དེ་དང་དེས་མཚོན་པའི་གལ་ཆེ་བ་ཚང་མ་༸རྒྱལ་དབང་དགེ་འདུན་རྒྱ་མཚོའི་ཐུགས་དམ་གྱི་

རྟེན་ལྷ་མོའི་སྐུ་ཐང་གསུང་བྱོན་མ་འབྲལ་མེད་དེའི་སྐུ་མདུན་ལ་ཟན་བརྟག་སྒྲིལ་ནས་ཐག་གཅོད་ཀྱི་ཡོད། བསླུ་བ་ གཏན་ནས་བྱུང་མ་མྱོང་། ༸སྐྱབས་རྗེ་ཁྲི་བྱང་རིན་པོ་ཆེས་ཀྱང་བཀའ་གནང་གི་ཡོད། ལྷ་མོ་གསུང་བྱོན་མའི་༸སྐུ་ མདུན་ལ་འཕྲིན་བཅོལ་བཏང་ནས་ཟན་བརྟག་བསྒྲིལ་ན་དེ་ལ་བསླུ་བ་གཏན་ནས་མེད། གང་ཡིན་ཞེ་ན། ༸གོང་ས་

ལྔ་པ་ཆེན་པོ་ལྗགས་དབུགས་ཆད་ཟིན་རྗེས་སྡེ་སྲིད་སངས་རྒྱས་རྒྱ་མཚོས་བཤུམ་ནས་ད་ལྟ་ཕོ་བྲང་དམར་པོ་ རྩིག་བཞིན་པའི་སྐབས་འདིར་ཁྱེད་རང་དགོངས་པ་རྫོགས་ན་ང་གང་འདྲ་བྱེད་དགོས་སམ་ཞེས་ངུ་འབོད་གནང་

སྐབས་༸གོང་ས་ལྔ་པ་ཆེན་པོ་ལྗགས་དབུགས་སླར་ཡང་གསོས་ཏེ། ལས་ཀ་གལ་ཆུང་བ་རྣམས་ཁྱེད་རང་གི་ རྣམ་དཔྱོད་ཀྱིས་ཐག་ཆོད། གལ་ཆེ་བ་རྣམས་དཔལ་ལྡན་ལྷ་མོ་གསུང་བྱོན་མའི་སྐུ་མདུན་ལ་ཟན་བརྟག་བསྒྲིལ་ ནས་ཐག་གཅོད་བྱེད་ཅེས་ཞལ་ཆེམས་གནང་ཡོད་པ་སྐྱབས་རྗེ་ཁྲི་བྱང་རིན་པོ་ཆེས་ང་ལ་བཀའ་གནང་གི་ཡོད། དེ་ལྟར་བྱས་ཏེ་ལྷ་མོའི་སྐུ་མདུན་ཟན་བརྟག་བསྒྲིལ་ནས་དུས་ད་ལྟ་བར་དུ་ཕྱིན་པ་ཡིན། བསླུ་བ་གཏན་ནས་ཡོད་ པ་མ་རེད།

སྤྱིར་དགེ་འདུན་གྲུབ་པའི་ཐུན་མོང་མ་ཡིན་པ་དང་། ཡང་སྒོས་༸གོང་ས་ལྔ་པ་ཆེན་པོས་དགའ་ལྡན་ཕོ་

བྲང་གཞུང་གི་ལུགས་གཉིས་དབང་སྒྱུར་སྐབས་དཔལ་ལྡན་ལྷ་མོ་དང་གནས་ཆུང་གཉིས་ཐུན་མོང་མ་ཡིན་པའི་

སྲུང་མ་དམར་ནག་གཉིས་རེད། བཀྲ་ཤིས་ལྷུན་པོས་སྲུང་མ་དམར་ནག་ལྷ་མོ་དང་ལྕམ་སྲིང་གཉིས་ལ་བརྩི་ཡི་ ཡོད། དགའ་ལྡན་ཕོ་བྲང་གི་སྲུང་མ་དམར་ནག་གཉིས་ལྷ་མོ་དང་གནས་ཆུང་རྡོ་རྗེ་གྲགས་ལྡན་རེད། དེ་འདྲ་ ཡིན་དུས་ཁྱེད་རང་ཚོ་འབྲས་སྤུངས་ལ་ཡང་ལྷ་མོ་དང་། རྡོ་རྗེ་གྲགས་ལྡན་གཙོ་བོ་བརྩི་གི་ཡོད་པ་རེད། ང་རང་

སྒེར་ལ་ཆ་བཞག་ན་ཆུང་ཆུང་སྐབས་ནས་དཔལ་ལྡན་ལྷ་མོས་བདག་པོ་བརྒྱབ་པ་ལྟ་བུ་རེད། དེར་བརྟེན་དཔལ་ ལྡན་ལྷ་མོ་འཁོན་གྱི་ཡོད་ན། དེ་ནི་ཧ་ཅང་གནད་འགངས་ཆེན་པོ་རེད་སྙམ་བྱུང་། འོན་ཀྱང་གནས་ཆུང་གིས་

གསུངས་པ་གཅིག་པུར་ཆ་མ་བཞག་པར་ཟན་བརྟག་བསྒྲིལ་བ་ཡིན། དེ་དུས་ངས་དོལ་རྒྱལ་བསྟེན་གྱི་ཡོད། དོལ་རྒྱལ་གྱི་སྲོག་གཏད་ཞུ་རྒྱུ་སྐྱབས་རྗེ་ཁྲི་བྱང་རིན་པོ་ཆེར་སྙན་སེང་ཞུས་ཟིན་པ་ཡིན། སྐྱབས་རྗེ་རིན་པོ་ ཆེས་དོལ་རྒྱལ་གྱི་སྲོག་གཏད་གནང་སྐབས་ལམ་རིམ་ཆེན་མོའི་ཕྱག་དཔེ་གཅིག་དགོས་པ་ཁྲི་བྱང་རིན་པོ་ཆེར་

དམིགས་བསལ་ཁྱད་མཚར་ཞིག་གི་ཐོག་ནས་དགའ་ལྡན་པར་རྙིང་གི་ལམ་རིམ་ཆེན་མོ་ཞིག་ཕུལ་མཁན་བྱུང་ 87

༸གོང་ས་མཆོག་གི་བཀའ་སློབ།

པ་སྲོག་གཏད་ཀྱི་སྐབས་སུ་གནང་དགོས་དགོངས་ནས་ཐུགས་ཉར་གནང་འདུག དེ་འདྲའི་སྐབས་སུ་ཕ་རྒོད་བླ་ མའི་ཞལ་ལུང་ཐོན་པ་རེད། ངས་སྔོན་མ་གནས་ཆུང་གི་ཞལ་བཀག་པ་ཡིན། ད་ཆ་དེབ་དེ་ཐོན་ནས་གནས་ཆུང་

ལ་གང་གསུང་རྒྱུ་ཡོད་ཀྱང་གསུངས་ཞེས་ཞུས་པ་ཡིན། ལྷ་མོ་འཁོན་གྱི་ཡོད་ན་དེ་འགངས་ཆེན་ཞིག་ལ་བརྩིས་ པ་ཡིན།

སྐབས་དེ་དུས་གསེར་ཀོང་རིན་པོ་ཆེ་ཡང་དོལ་རྒྱལ་གྱི་སྲོག་གཏད་ཞུ་རྒྱུའི་གྲ་སྒྲིག་གནང་ནས་བཞུགས་

འདུག དེ་རྗེས་ངས་ཟན་བརྟག་བསྒྲིལ་བ་ཡིན། དང་པོ། དོལ་རྒྱལ་བསྟེན་གསོལ་བྱེད་པ་འདི་རིམ་པས་མཚམས་

འཇོག་བྱས་ན་བཟང་ཞེས་པ་གཅིག་དང་། གཉིས་པ། ནམ་རྒྱུན་འཆར་ཅན་ལོ་གསར་ཚེས་གསུམ་གྱི་བསྐང་ གསོའི་སྐབས་ཆོས་འཁོར་ཡང་རྩེའི་ཤུགས་ལྡན་གྱི་ལུང་བསྟན་ལྟར་ཤུགས་ལྡན་གྱི་བསྐང་གསོ་རྒྱས་པ་འདོན་ གྱི་ཡོད་པ་འདི་ལོ་གྲུབ་མཚམས་ནས་བཞག་ན་བཟང་ཟེར་བ་གཅིག གསུམ་པ། ད་ལྟ་རང་ལ་མཚམས་བཞག་ན་

བཟང་ཟེར་བ་གཅིག་བཅས་དོན་ཚན་གསུམ་བསྒྲིལ་བར་ད་ལྟ་རང་མཚམས་བཞག་དགོས་ཟེར་བ་ཐོན་སོང་། དེ་

ནས་ལམ་སེང་མཚམས་བཞག་པ་ཡིན། གྲྭ་ཚང་གི་སྐུ་ཞབས་ཚོས་འཆར་ཅན་མཆོད་བཞེང་སྐབས་ཤུགས་ལྡན་ གྱི ་ གཏོ ར ་མ་བཞེ ང ་གི ་ ཡོ ད ་པ་ཐོ ག ་མར་ཤོ ད ་མི ་ ཤེ ས ་པ་ལྟ་བུ་བྱུང་ཡང་རྗེ ས ་སུ་ཤུགས་ལྡན་གྱི ་ གཏོ ར ་མ་ བཞེངས་མི་དགོས་བཤད་པ་ཡིན། དེ་ནས་བྱང་རྩེ་གྲྭ་ཚང་ལ་བཀྲ་མི་ཤིས་པ་ཡོང་གི་འདུག་ཅེས་པའི་ཐུགས་ དམ་ས་བོན་ཞིག་འབྱོར་བྱུང་། དེའི་གོང་དུ་བྱང་རྩེ་གྲྭ་ཚང་ནས་བཀྲ་མི་ཤིས་པ་ཞིག་ཡོང་གི་འདུག་ཅེས་སྐྱབས་

རྗེ་ཁྲི་བྱང་རིན་པོ་ཆེར་ཐུགས་དམ་ཞུས་འདུག ཁྲི་བྱང་རིན་པོ་ཆེས་སྲུང་མ་འཁོན་འདུག་ཅེས་བཀའ་གནང་འདུག

མཁན་ཟུར་རྒན་བསམ་གཏན་ལགས་ཀྱིས་ཀྱང་ཁྲི་བྱང་རིན་པོ་ཆེས་ཁྱེད་རང་ཚོའི་དེར་ལྷ་མོ་འཁོན་པའི་རྟགས་ ཤིག་འདུག་ཅེས་བཀའ་གནང་བྱུང་གསུང་གི་འདུག རྗེས་སུ་ཐུགས་དམ་ས་བོན་འབྱོར་པ་རེད། ཤུགས་ལྡན་ བསྟེན་ན་ལྷ་མོ་འཁོན་གྱི་ཡོད་པ་དེ་ངས་ཤེས་ཀྱི་ཡོད། བྱང་རྩེ་གྲྭ་ཚང་ལ་ཐུགས་དམ་བཀའ་ལན་ནང་བྲིས་མེད།

ཐོག་མར་ཡིན་སྟབས་བརྗོད་བདེ་པོ་མི་འདུག ངས་ཟན་བརྟག་བསྒྲིལ་བ་ཡིན། བྱང་རྩེ་གྲྭ་ཚང་ལ་བཀྲ་མི་ཤིས་པ་

ཡོང་བ་དེ་ལྷ་མོ་འཁོན་པ་ཡིན་ནམ་མིན་ཞེས་པར། ལྷ་མོ་འཁོན་པ་ཡིན་ཞེས་བབས་བྱུང་། ལྷ་མོ་འཁོན་པ་ཡིན་ན་

ཤུགས་ལྡན་བསྟེན་པས་ལྷ་མོ་འཁོན་པ་ཡིན་དང་། ཡང་ན་རྒྱུ་མཚན་གཞན་གྱིས་ལྷ་མོ་འཁོན་པ་ཡིན་ཞེས་པར། ཤུགས་ལྡན་བསྟེན་པའི་དབང་གིས་ལྷ་མོ་འཁོན་པ་ཡིན་ཞེས་བབས་ཏེ་ར་འཕྲོད་གསལ་པོ་བྱུང་། ཡིན་ནའང་

ཐུགས་དམ་བཀའ་ལན་ནང་བྲིས་མེད། བྱང་རྩེའི་བསམ་གཏན་རྒྱའུ་གྲྭ་ཚང་མཁན་པོ་རེད། ཁོང་དང་གསེར་ 88

༸གོང་ས་མཆོག་གི་བཀའ་སློབ།

ཀོང་མཚན་ཞབས་རིན་པོ་ཆེ་གཉིས་ཕེབས་ཤོག་ཅེས་བརྗོད་དེ་ཁོང་གཉིས་ལ་ཐུགས་དམ་ས་བོན་འདི་འདྲ་ཞིག་ འབྱོར་བྱུང་། ངས་གལ་ཆེན་པོར་བརྩིས་ནས་ཟན་བརྟག་བསྒྲིལ་བར་དེ་ལྟར་བབས་སོང་། ཐུགས་དམ་བཀའ་ལན་

ནང་གསལ་པོ་བྲིས་མེད། ནང་དོན་འདི་འདྲ་རེད། ཁྱེད་རང་གཉིས་ཀྱིས་ངག་ཐོག་ནས་འབྲེལ་ཡོད་བྱང་རྩེ་གྲྭ་ཚང་ གི་ལས་སྣེ་ཚོར་འགྲེལ་བཤད་གནང་དགོས་ཞེས་བརྗོད་པ་ཡིན། འགོ་སྟོད་དེ་འདྲ་བྱས་ཏེ་ཕྱིན་པ་རེད།

དེ་རྗེས་ང་དགའ་ལྡན་ལ་བསྐྱོད་དེ་དང་པོ་བྱང་རྩེ་གྲྭ་ཚང་ལ་བསྡད་པ་དང་། དེ་ནས་ཤར་རྩེ་གྲྭ་ཚང་ལ་

དགོང་མོ་ཁ་ཤས་བསྡད་པ་ཡིན། སང་ཉིན་དེ་ནས་ཐོན་ཏེ་དགའ་ལྡན་ཚོགས་ཆེན་ལ་མཆོད་མཇལ་ཞུ་རྒྱུ་དང་། དེ་ ནས་ཡོངས་འཛིན་གླིང་རིན་པོ་ཆེའི་གཟིམ་ཤག་ལ་བཅར་ནས་གསོལ་ཚིགས་གནང་རྒྱུ་གཏན་འཁེལ་ཡོད། དེའི་

ཐོ་རེངས་རྨི་ལམ་ལ་ད་ལྟ་སྣེ་ལེན་གྱི་ལས་བྱེད་དང་སྐབས་དེར་སྐུ་སྲུང་བ་ཡིན་པ་ཆོས་རྒྱལ་རྨི་ལམ་བཏང་བྱུང་།

ནམ་རྒྱུན་ང་ལ་རྨི་ལམ་བཏང་དུས་མིའི་མིང་སྒྲ་དེར་འབྲེལ་བ་ཅུང་ཙམ་ཡོད་པ་འདྲ་པོ་དེ་འདྲ་ཡོང་གི་ཡོད། མཚོ་ གཅིག་གི་ཁར་བསྡད་པ་དང་། དེར་ལྕགས་རྒྱུགས་གཅིག་འདུག ཆོས་རྒྱལ་གྱིས་དེ་ལ་ཤུགས་ལྡན་གྱི་བླ་སྲོག་

གནས་ཡོད། རྩ་བ་ནས་བཤིགས་ཏེ་ཆུ་ལ་གཡུག་ཟེར། ང་རང་ཡ་མཚན་བྱུང་། ཁྱད་མཚར་བསམས་ནས། གཉིད་ སད་པ་དང་ད་ལྟའི་རྨི་ལམ་འདིར་ཆ་འཛིན་བྱེད་འོས་དང་མི་འོས་ཕྲེང་མོ་ཞིག་བརྒྱབ་པ་ཡིན། ཆ་འཛིན་བྱེད་

འོས་ཞེས་བབས་སོང་། དེ་ནས་དགའ་ལྡན་ཚོགས་ཆེན་གྱི་ལས་ཀ་བྱེད་མཁན་ཚོར་ད་ལྟ་ཚོགས་ཆེན་ལ་མཆོད་ མཇལ་ལ་ཡོང་སྐབས་ཟན་བརྟག་གཅིག་བསྒྲིལ་རྒྱུ་ཡོད་ཅེས་ལན་སྤྲད་པ་དང་། ཚོགས་ཆེན་ཐོག་ཁར་ཏོག་ཙམ་ བསྡད་རྗེས་ཟན་བརྟག་བསྒྲིལ་བ་ཡིན།

དང་པོ། ཆོས་རྒྱལ་ཁང་དུ་ཡོད་པའི་དོལ་རྒྱལ་གྱི་འདྲ་བརྙན་དེ་ཕྱིན་ཆད་དགའ་ལྡན་ཚོགས་ཆེན་ཉམས་

གསོ་བྱེད་དུས་མེད་པ་བཟོ་དང་། གཉིས་པ། སྨོན་ལམ་གྲོལ་ཏེ་ཕྱིར་ལོག་ཟིན་རྗེས་མེད་པ་བཟོ། གསུམ་

པ། ད་ལྟ་རང་གཙང་མ་བཟོ་དགོས་བཅས་དོན་ཚན་གསུམ་བསྒྲིལ་བར་ད་ལྟ་རང་མེད་པ་བཟོ་དགོས་ཞེས་པ་

དེ་བབས་བྱུང་། སྐབས་དེ་དུས་ཀྱི་མཁན་པོ་སུ་དང་སུ་ཡིན་ད་ལྟ་མིང་དྲན་གྱི་མི་འདུག་ཀྱང་ཁོང་རྣམ་པ་ཚོ་ ཕེབས་ཡོད་པ་ལྟར་ད་ལྟ་ཟན་བརྟག་བསྒྲིལ་བའི་དོན་གནས་འདི་འདྲ་ཡིན། ཟན་བརྟག་ནས་འདི་བབས་སོང་

བ་དེ་ལུགས་ཁྱེད་རང་ཚོས་དགོངས་པ་བཞེས་དགོས་ཞུས་པ་ཡིན། རྗེས་སུ་ཚོགས་ཆེན་དབུ་མཛད་བྱང་རྩེའི་ འབའ་པ་གཟུགས་པོ་ཆེན་པོ་དེས་སྐུ་དེ་འཁྱེར་ཕྱིན་ནས་མེད་པ་བཟོས་པ་རེད་ཟེར་གྱི་འདུག སྙིང་རྗེ། དེ་ལྟར་ ཐག་བཅད་རྗེས་ཡོངས་འཛིན་རིན་པོ་ཆེའི་སྐུ་མདུན་དུ་གསོལ་ཚིགས་ཞུ་བར་བཅར་ཏེ་དེ་རིང་ངས་མགོ་ལོག་ 89

༸གོང་ས་མཆོག་གི་བཀའ་སློབ།

བརྩེས་པ་ཡིན་ཞེས་ཞུས་པར། ག་རེ་བྱས་པ་ཡིན་གསུངས་བྱུང་། གོང་གསལ་གནས་ཚུལ་རྣམས་ཞུས་པ་ཡིན།

འགྲིགས་འདུག་གསུངས་བྱུང་། ངས་ཁ་སང་རོབ་ཙམ་ཞུས་ཟིན་པ་བཞིན། གླིང་རིན་པོ་ཆེས། ང་དང་པོ་ནས་

བདེ་པོ་དེ་ཙམ་མེད། ཟན་བརྟག་བསྒྲིལ་ནས་ཐག་གཙང་མ་བཅད་པ་ཡིན་དུས་འགྲིགས་འདུག་གསུངས་བྱུང་། སྐྱབས་རྗེ་ཁྲི་བྱང་རིན་པོ་ཆེར་ཡང་སྙན་སེང་ཞུས་པ་ཡིན། ཁྲི་བྱང་རིན་པོ་ཆེས་གནས་ཆུང་འགག་དོག་སར་ སླེབས་སྐབས་བསླུ་བ་གཏན་ནས་མེད། ཏན་ཏན་དེ་ལ་རྒྱུ་མཚན་ཡོད་པ་རེད། ཡང་སྒོས་ལྷག་པར་ཅན་དུ་ལྷ་

མོ་གསུང་བྱོན་མའི་སྐུ་མདུན་ལ་ཟན་བརྟག་བསྒྲིལ་བ་དེ་ལ་བསླུ་བ་གཏན་ནས་མེད་པས། དེ་འདྲ་བབས་པ་ཡིན་ དུས་དེ་ལ་ཏན་ཏན་དགོས་པ་རྒྱུ་མཚན་ཡང་དག་པ་ཞིག་ཡོད་པས། འགྲིགས་འདུག ཐག་གཅོད་བྱེད་ཀྱང་བྱེད་ ཅེས་བཀའ་གནང་བྱུང་།

དེ་དུས་ངས་ཁྲི་བྱང་རིན་པོ་ཆེར་སྐྱབས་རྗེ་རིན་པོ་ཆེ་རྗེ་ཕ་བོང་ཁའི་སྲས་ཀྱི་ཐུ་བོ་ཡིན་པས་དོལ་རྒྱལ་

བསྟེན་པ་གནང་གི་ཡོད། དེ་ཡང་སྐུ་ཐོག་གོང་མའི་སྐབས་ནས་འབྲེལ་བ་ཡོད་པས་མཚམས་འཇོག་གནང་རྒྱུ་བདེ་

པོ་ཡོད་པ་མ་རེད། ཡིན་ནའང་ཞེ་ས་མ་ཞུས་ན་དཔལ་ལྡན་ལྷ་མོ་ནང་གི་ཨ་མ་ལྟ་བུ་གཙོ་བོ་དང་། གནས་ཆུང་དེའི་ འོག་གི་ཕྱག་མཛོད་ལྟ་བུ། རྒྱལ་པོ་ཤུགས་ལྡན་དེའི་འོག་གི་གཉེར་བ་ལྟ་བུ་ལས་ཀ་ཆུང་གྲས་བྱེད་མཁན་ལ་ངོས་

འཛིན་གྱིས་གོ་རིམ་མ་འཆོལ་བའི་འཕྲིན་བཅོལ་གནང་ན་ཨའོ་ཙམ་མིན་ནམ་ཞུས་པ་ཡིན། ཤེས་སོང་ངམ། ངས་ དེ་བཤད་དགོས་དོན་ནི་དགའ་ལྡན་ཕོ་བྲང་དང་ང་སྒེར་ལ་འབྲེལ་བ་ཡོད་པའི་རྒྱུ་མཚན་འདི་ཡིན། དེའི་སྐབས་སུ་

༸རྒྱལ་བ་ལྔ་པའི་འཕྲིན་བཅོལ་དེ་མཐོང་ཡོད་པ་མ་རེད། ངས་བྱང་རྩེ་གྲྭ་ཚང་གི་གནས་ཚུལ་དེ་བཤད་པ་ནས་ཕྱི་

ལ་གསལ་པོ་ཆགས་པ་དང་། དེ་རྗེས་དོལ་རྒྱལ་ཚོགས་པ་བཙུགས་པ་རེད། དོལ་རྒྱལ་ཚོགས་པས་ལས་འགུལ་

རྒྱ་ཆེ་ལ་དྲག་རྩུབ་ལྡན་པ་སྤེལ་བ་དང་། ཡིག་ཆ་འདྲ་མིན་འགྲེམ་སྤེལ་བྱས་པ་དེ་ཚོའི་ནང་༸རྒྱལ་བ་རིན་པོ་ཆེ་ རྫུན་མ་རེད་ཅེས་བཀོད་ཡོད་པ་རེད། ངས་འབོར་ཤོབ་བཤད་ན་ང་རྫུན་མ་ཡིན་ནའང་འཛམ་གླིང་ལ་འགྱུར་བ་ ཆེན་པོ་ཕྱིན་ཡོད་པ་རེད། ༸རྒྱལ་བ་གོང་མ་ཚོ་དང་བསྡུར་ན་ངས་མི་གོ་བཅད་ཡོད། རྫུན་མ་ཡིན་ནའང་མི་གོ་

བཅད་ན་འགྲིགས་ཡོད། ཅེས་ངས་རྩེད་མོ་དང་སྦྲགས་ཤོད་ཀྱི་ཡོད། ཨིན་ཡུལ་དུ་ཡོད་པའི་གཙང་པ་སྐལ་བཟང་ རྒྱ་མཚོ་ཕྱུག་པོ་ཆགས་ཡོད། དོལ་རྒྱལ་དམ་བསྒྲགས་བྱས་ཚར་ཙམ་ལ་ང་ཨིན་ཡུལ་དུ་བསྐྱོད་པ་དེ་རིང་འབྱོར་

རྒྱུའི་ཁ་སང་དེར་གསར་འགྱུར་འགོད་མཁན་ཐུག་འཕྲད་བྱས་འདུག ང་ཨིན་ཡུལ་གྱི་གནམ་ཐང་ལ་འབྱོར་སྐབས་ སྐལ་བཟང་རྒྱ་མཚོའི་པར་དང་ང་ལ་སྐྱོན་བརྗོད་བྱས་པའི་ཚགས་པར་མང་པོ་བཀྲམ་འདུག ང་ལ་ཁྱད་པར་གང་ 90

༸གོང་ས་མཆོག་གི་བཀའ་སློབ།

ཡང་མི་འདུག་ཀྱང་། དེའི་ནང་གི་དོན་ཚན་ཧ་ལས་དགོས་པ་གཅིག་ལ་ཏཱ་ལའི་བླ་མས་བོད་ལ་ཕན་པ་སྣེ་གཅིག་ བྱས་ཡོད་པ་མ་རེད་ཟེར་བཀོད་འདུག དེ་ནི་ཧམ་པ་རེད། གང་ལྟར་སྨོན་ལམ་དབང་གིས་ཡིན་ནམ། དོལ་རྒྱལ་ ཤུགས་ཆེ་བསྟེན་མཁན་ཚོས་ང་ལ་མཐའ་གཅིག་ཏུ་མི་དགའ་བ་བྱེད་ཀྱི་འདུག ཤེས་སོང་ངམ།

ཁོང་ཚོས་ཚོགས་པ་བཙུགས་ཏེ་དེའི་རྒྱབ་རྟེན་ལ་༸གོང་ས་ལྔ་པ་ཆེན་པོས་འཕྲིན་བཅོལ་བརྩམས་ཡོད་

པ་བརྗོད་ཀྱི་ཡོད། འཕྲིན་བཅོལ་དེ་བཞིན་༸གོང་ས་ལྔ་པའི་གསུང་ཕྱི་མ་དང་། གསུང་ནང་མ། གསུང་བཀའ་རྒྱ་

མ། ཚང་མའི་ནང་ལ་ཡོད་མེད་ཞིབ་འཇུག་བྱེད་སྐབས་གསུང་གསང་བ་རྒྱ་ཅན་ནང་གཟིམ་ཁང་གོང་ལ་འཚུབ་

ཆ་ཡོད་པ་དང་། གཟིམ་ཁང་གོང་ཤུལ་མེད་བཟོ་དགོས་ཞེས་ཧ་ཅང་གསལ་པོ་འདུག འཕྲིན་བཅོལ་མཛད་པ་ གསུང་ཕྱི་མའི་ནང་ཡོད་མེད་ཞིབ་འཇུག་བྱེད་སྐབས་གསུང་འབུམ་པོད་ད་པའི་ནང་གཟུ་དཔང་དུ་དཔལ་མགོན་ ཕྱག་དྲུག་པ་སོགས་ལ་འཕྲིན་བཅོལ་མཛད་པ་ཞིག་འདུག་པ་དེའི་ནང་།

དམ་མིན་དམ་བརྫུ་གྲགས་པ་རྒྱལ་མཚན་ཞེས།། སྨོན་ལམ་ལོག་པའི་དམ་སྲི་འབྱུང་པོ་འདིས།། བསྟན་དང་འགྲོ་བ་ཀུན་ལ་འཚེ་བྱེད་ན།།

མགོན་སྐྱབས་དཔུང་གཉེན་མ་མཛད་ཐལ་བར་རློག །

ཅེས་སོགས་ཧ་ཅང་གསལ་པོ་འདུག ༸གོང་ས་ལྔ་པ་ཆེན་པོས་དོལ་རྒྱལ་གྱི་རྒྱུ་ཡི་ཁྱད་པར་སྨོན་ལམ་

ལོག་པ་དང་། ངོ་བོའི་ཁྱད་པར་དམ་སྲི་འབྱུང་པོ། བྱེད་ལས་ཀྱི་ཁྱད་པར་བསྟན་པ་དང་འགྲོ་བ་ཀུན་ལ་འཚེ་བ་ བྱེད་པ་བཅས་སུ་གསུངས་པ་དེ་འཇམ་མགོན་རྒྱལ་བའི་བསྟན་སྲུང་ཞེས་གསོལ་མཆོད་བྱས་ན་མི་བདེ་བ་ཆེན་ པོ་ཡོད།

ལོ་རྒྱུས་ལ་བལྟས་ན་སྐྱབས་རྗེ་ཕ་བོང་ཁ་པ་རིན་པོ་ཆེ་སྐུ་ཚེའི་སྟོད་ལ་རིས་མེད་གནང་མཁན་ཞིག་

ཡིན་པ་སྐྱབས་རྗེ་ཁྲི་བྱང་རིན་པོ་ཆེས་ང་ལ་བཀའ་གནང་གི་ཡོད། སྐྱབས་རྗེ་ཁྲི་བྱང་རིན་པོ་ཆེ་ཆུང་ཆུང་སྐབས་

སུ་སྐྱབས་རྗེ་ཕ་བོང་ཁ་རིན་པོ་ཆེ་ཆུ་བཟང་རི་ཁྲོད་ལ་བཞུགས་ཀྱི་ཡོད་པ་དང་། ཁྲི་བྱང་རིན་པོ་ཆེ་ཡང་ཆུ་ བཟང་རི་ཁྲོད་ལ་བཞུགས་ཀྱི་ཡོད། དེ་དུས་ཕ་བོང་ཁ་རིན་པོ་ཆེས་རྟ་མགྲིན་ཡང་གསང་གི་ལྗགས་བསྙེན་ལ་ བཞུགས་ཏེ་སྦྱིན་བསྲེགས་གནང་རྒྱུའི་རིལ་བུ་མང་པོ་སྒྲིལ་གནང་སོང་། སྐྱབས་རྗེ་རིན་པོ་ཆེ་ནས་ཀྱང་རིལ་

བུ་མང་པོ་བསྒྲིལ་བ་ཡིན་ཞེས་བཀའ་གནང་གི་འདུག གང་ལྟར་སྐུ་ཚེ་སྟོད་ལ་རིས་མེད་གནང་མཁན་ཞིག་རེད་ 91

༸གོང་ས་མཆོག་གི་བཀའ་སློབ།

འདུག ༸སྐུ་མདུན་སྐུ་གོང་མས་ཀྱང་སྐྱབས་རྗེ་ཕ་བོང་ཁ་རིན་པོ་ཆེར་དམིགས་བསལ་གྱི་གཟིགས་སྐྱོང་ཆེན་ པོ་མཛད་དེ་རྨེ་རུ་དཔྱིད་ཆོས་ཞེས་པ་དགའ་ལྡན་ཁྲི་རིན་པོ་ཆེས་གནང་གི་ཡོད་པ་དེ་ཡང་སྐྱབས་རྗེ་ཕ་བོང་

ཁ་རིན་པོ་ཆེར་གནང་དུ་བཅུག་སྟེ་དམིགས་བསལ་གྱི་གཟེངས་བསྟོད་གནང་འདུག དེ་རྗེས་ཀྱི་དུས་སྐབས་ ཤིག་ལ་ཕ་བོང་ཁ་རིན་པོ་ཆེའི་མཚན་ལམ་ཡིན་ནམ་གང་ལྟར་དོལ་རྒྱལ་གྱི་ཆོ་འཕྲུལ་ཞིག་བྱུང་བ་དེ་ནས་ཞེད་

སྣང་ལྟ་བུས་དོལ་རྒྱལ་དང་འབྲེལ་བ་བྱུང་འདུག དོལ་རྒྱལ་དང་འབྲེལ་བ་བྱུང་བ་ནས་བཟུང་སྐུ་མདུན་སྐུ་གོང་ མའི་གཟིགས་ཕྱོགས་བྱུང་བ་ཁ་སང་ཞུས་པ་བཞིན། བོད་ནས་པར་པ་དཔལ་ལྡན་ཟེར་བས་སྐྱབས་རྗེ་ཕ་བོང་ ཁ་རིན་པོ་ཆེའི་རྣམ་ཐར་ཟུར་འདེབས་ཤིང་པར་བསྐོས་པ་དེའི་ནང་གསལ་པོ་འདུག གང་ལྟར་སྐུ་གོང་མའི་

གཟིགས་ཕྱོགས་བྱུང་ནས་ཐ་ན་སྐྱབས་རྗེ་ཕ་བོང་ཁ་རིན་པོ་ཆེས་གསུང་ཆོས་གནང་རྒྱུར་ཡང་ཐུགས་བསུན་ གནང་དགོས་པ་ཞིག་ཆགས་ཡོད། དེ་སྐོར་བཤད་ཟུར་གྱིས་ང་ལ་བརྗོད་པར། ཐེངས་ཤིག་སྐྱབས་རྗེ་ཕ་བོང་

ཁ་རིན་པོ་ཆེར་སྐུ་མདུན་སྐུ་གོང་མའི་མཇལ་ཁར་བཅར་ཆོག་པ་ཞིག་བྱུང་ཡོད། སྐུ་མདུན་ནས་དེང་སང་ཁྱེད་ རང་ག་རེ་བྱེད་རྩིས་ཡོད་ཅེས་བཀའ་འདྲི་གནང་བར། ཕ་བོང་ཁ་རིན་པོ་ཆེས་གོ་སྐབས་ཡག་པོ་ཞིག་བྱུང་སོང་ དགོངས་ནས་ལམ་རིམ་བཤད་རོགས་ཟེར་མཁན་གྱི་སྦྱིན་བདག་ཁ་ཤས་ཡོད་པས། ལམ་རིམ་འཆད་དགོས་

མིན་ནམ་སྙམ་ནས་བསྡད་ཡོད་ཅེས་སྙན་སེང་ཞུས་པར། ༸སྐུ་མདུན་སྐུ་གོང་མས་དེའི་བཀའ་ལན་དུ་གནས་

སྐབས་བྲེལ་བ་ཡོད་པ་མ་རེད་ཅེས་བཀའ་གནང་བ་སྐྱབས་རྗེ་ཕ་བོང་ཁ་རང་གིས་བཤད་ཟུར་ལ་གསུངས་པ་ དང་བཤད་ཟུར་གྱིས་ང་ལ་བཤད་བྱུང་། སྐྱབས་རྗེ་ཕ་བོང་ཁ་རིན་པོ་ཆེས་ལམ་རིམ་གསུང་ཆོས་གནང་རྒྱུར་ དགག་བྱ་གནང་དོན་ནི། ཕ་བོང་ཁ་རིན་པོ་ཆེས་དོལ་རྒྱལ་བསྟེན་གསོལ་ཤུགས་ཆེ་གནང་བ་དེ་ལ་༸རྒྱལ་བ་ སྐུ་གོང་མ་མ་མཉེས་པ་བྱུང་བས་རེད།

༸སྐུ་མདུན་སྐུ་གོང་མའི་སྐུ་གསུང་ཐུགས་ཀྱི་མཛད་པར་ཡིད་འཕྲོག་ནས་སྐུ་མདུན་གྱི་ལམ་སྟོན་འོག་

ཤར་བསྐྱོད་གནང་མཁན་དགའ་ལྡན་ཁྲི་པ་ཡེ་ཤེས་དབང་ལྡན་སྐྱབས་རྗེ་ཕ་བོང་ཁ་རིན་པོ་ཆེར་ཕྲན་བུ་གཟིགས་ ཕྱོགས་ཡོད་འདུག དེ་རྗེས་དགའ་ལྡན་ཁྲི་ལ་ཕེབས་མཁན་གཙང་པ་ལྷུན་གྲུབ་བརྩོན་འགྲུས་ལ་སྐུ་མདུན་སྐུ་གོང་ མ་ཧ་ཅང་མཉེས་པོ་ཡོད་འདུག ལྷུན་གྲུབ་བརྩོན་འགྲུས་ཀྱིས་སྐྱབས་རྗེ་ཕ་བོང་ཁ་རིན་པོ་ཆེའི་སྐུ་མདུན་ནས་འགོ་

སྟོད་གསུང་ཆོས་རྩ་བ་ནས་གསན་མེད། ཕྱིས་སུ་སྐུ་མདུན་སྐུ་གོང་མ་གཤེགས་རྗེས་གསུང་ཆོས་གསན་ཡུལ་ གཞན་མེད་པའི་གནས་སྟངས་འོག་ཐ་མ་སྐྱབས་རྗེ་ཕ་བོང་ཁ་རིན་པོ་ཆེའི་སྐུ་མདུན་ནས་བདེ་མཆོག་དྲིལ་བུ་ལུས་ 92

༸གོང་ས་མཆོག་གི་བཀའ་སློབ།

དཀྱིལ་ཞིག་གསན་འདུག དེ་ཡང་གཟིམ་ཤག་ལྷ་ཀླུར་སློབ་མ་གཞན་མེད་པར་རིན་པོ་ཆེ་སྐུ་རྐྱང་གིས་གསན་རྒྱུ་ གནང་འདུག དེ་མ་གཏོགས་གཞན་༸སྐུ་མདུན་སྐུ་གོང་མའི་རྗེས་འབྲངས་དེང་སང་གི་སྐད་ཆ་ལྟར་ན་ཤར་བསྐྱོད་

གནང་མཁན་དེ་ཚོའི་གྲས་ཀྱིས་འཐེན་འཐེན་ལྟ་བུ་གནང་འདུག ཁང་གསར་རྡོ་རྗེ་འཆང་དང་སྐྱབས་རྗེ་ཕ་བོང་ཁ་ རིན་པོ་ཆེ་རྣམ་གཉིས་ཕན་ཚུན་བླ་སློབ་དང་ཆོས་གྲོགས་ཡིན་འདུག ཁང་གསར་རྡོ་རྗེ་འཆང་ནི་བསམ་གྱིས་མི་ ཁྱབ་པའི་བླ་མ་དགའ་ལྡན་ཕོ་བྲང་ལ་ཞེན་ཁོག་ཆེན་པོ་གནང་མཁན་ཞིག་རེད། ཡོངས་འཛིན་རིན་པོ་ཆེས་ང་ལ་

བཀའ་གནང་བར་ཁང་གསར་རིན་པོ་ཆེས་རྩེ་ཕོ་བྲང་ལ་དུས་འཁོར་དབང་ཆེན་ཞིག་གནང་སྐབས་ཡོངས་འཛིན་ རིན་པོ་ཆེ་བཀའ་དབང་ཞུ་མཁན་གྱི་གྲས་སུ་ཡོད། དེ་སྐབས་རྒྱལ་བའི་ཡང་སྲིད་སྐོར་ལ་གསལ་ཆ་གང་ཡང་ མི་འདུག ག་རེ་ཡིན་ནམ་ཞེས་གསུངས་ནས་ཧ་ཅང་བཤུམ་སོང་གསུང་གི་འདུག གང་ལྟར་དགའ་ལྡན་ཕོ་བྲང་

ལ་ཐུགས་ཞེན་ཆེན་པོ་ཡོད་པ་ཞིག་རེད། དེའི་དབང་གིས་སྐྱབས་རྗེ་ཕ་བོང་ཁས་དོལ་རྒྱལ་དར་སྤེལ་གནང་བ་ དེ་ལ་ཐུགས་མི་བདེ་བ་ཡོང་གི་ཡོད། འབྲས་སྤུངས་ཀྱི་མཁན་པོ་ཁྲི་པ་བསྟན་པ་བསྟན་འཛིན་ལགས་ཀྱིས་ང་ལ་

གསུངས་པར། ཁང་གསར་རྡོ་རྗེ་འཆང་དང་སྐྱབས་རྗེ་ཕ་བོང་ཁ་རིན་པོ་ཆེ་གཉིས་ཆོས་གྲོགས་དང་། བླ་སློབ་ཡང་ རེད། འོན་ཀྱང་སྐྱབས་རྗེ་ཕ་བོང་ཁ་རིན་པོ་ཆེས་དོལ་རྒྱལ་དར་གསོ་གནང་བ་དེ་གང་འདྲ་ཡིན་ནམ། དེ་ནི་དགའ་ ལྡན་ཕོ་བྲང་ལ་ཡག་པོ་མེད་ཅེས་སྐབས་དེར་དྲུང་ཡིག་ཆེན་མོ་ཞིག་ལ་བཀའ་གནང་བ་རེད་ཅེས་ཁོང་གིས་ཐོས་

མྱོང་གསུང་གི་འདུག དྲུང་ཡིག་ཆེན་མོ་དེ་ནི་ང་ལ་ཡི་གེ་སློབ་མཁན་སྤྱི་ཁྱབ་མཁན་པོ་དམ་པའི་ཤག་ཚང་གི་དྲུང་

ཡིག་ཆེན་མོ་དེ་ཡིན་ཞིང་། ཁོང་ཁང་གསར་རྡོ་རྗེ་འཆང་དང་ཐུགས་ཉེ་པོ་ཡོད། ཁང་གསར་རིན་པོ་ཆེར་ཞབས་ ཕྱི་དང་སློབ་མ་ཡིན་པ་འབྲས་སྤུངས་སྒོ་མང་མངའ་རིས་དགེ་བཤེས་ཞལ་རས་ནག་པོ་ཤ་སྐམ་པོ་ཞིག་ཡོད།

ཁོང་མཁན་པོ་དམ་པའི་གཟིམ་ཤག་ལ་མཚམས་རེར་ཕེབས་ཀྱི་འདུག དེ་དུས་ང་ཆུང་ཆུང་ཡིན་པས་གཟིམ་

འགག་གི་མཇིང་པར་བཞོན་ནས་ནོར་བུ་གླིང་ཁའི་ལྕགས་རིར་བསྐོར་བར་འགྲོ་གི་ཡོད། གཟིམ་དཔོན་མཁན་པོ་

གཟིམ་ཤག་ནས་ངས་ཁོང་མཐོང་བྱུང་། གོང་གསལ་མཁན་ཁྲི་བསྟན་པ་བསྟན་འཛིན་གྱིས་ང་ལ་སྔོན་དུས་ཤིག་

གསུངས་པ་འདི་གལ་ཆེན་པོ་ཡིན་དུས། རྗེས་སུ་སླར་ཡང་མཁན་ཁྲིར་བཀའ་འདྲི་ཞུས་པར། ཁོང་གིས་ད་ག་རང་ ཡིན་གསུང་གི་འདུག

རྩ་བའི་ལོ་རྒྱུས་ཀྱི་ཡོང་སྟངས་གང་འདྲ་ཡིན་པ་དེ་རིང་ཁྱེད་རང་ཚོར་བཤད་འདོད་བྱུང་། སྐྱབས་རྗེ་ཕ་

བོང་ཁ་རིན་པོ་ཆེའི་རྣམ་ཐར་ནང་གསལ་ཡོད། རྣམ་ཐར་ནང་ལ་སྐུ་གོང་མ་མ་གཤེགས་གོང་མ་མཉེས་པ་བྱུང་སྟེ་ 93

༸གོང་ས་མཆོག་གི་བཀའ་སློབ།

བཀའ་ཉེས་ཕོག་པའི་གཞུང་ཞབས་དེ་ཚོའི་གྲས་ལ་ངེས་འབྱུང་སྤུ་སུད་སྐྱེས་ཏེ་སྐྱབས་རྗེ་ཕ་བོང་ཁ་རིན་པོ་ཆེའི་

ཞབས་ལ་གཏུགས་མཁན་ཆགས་པ་དེའི་ནང་གཞུང་ཞབས་ཁ་ཤས་ཡོད་པ་ང་ལ་བཤད་རྒྱུ་ཡོད། ཤེས་སོང་ངམ།

དཔོན་པོ་(གསོལ་དཔོན་མཁན་པོ་)ཡོན་ཏན་གང་ཡང་མེད་པར་མ་བྱན་རང་བྱས་ནས་ཡོང་བ་རེད། དཔོན་པོ་སྐྱིད་པོ་

བྱུང་ན་གཞས་ཤིག་གཏོང་རྒྱུ་ཡོད། དཔོན་པོ་དེ་སྔོན་གཙང་དབེན་ས་དགོན་གྱི་གྲྭ་པ་རེད། སྐྱིད་པོ་བྱུང་དུས་སྐད་

ཆུང་ཆུང་བྱས་ཏེ་གཞས་ཤིག་གཏོང་གི་ཡོད་པ་དེ་ངས་ཤེས་ཀྱི་ཡོད། ང་རང་མི་སྡོད་གཙང་གི་གཞུང་ལ་ལོག་ འགྲོ། །གཙང་གི་སྐྱིད་པ་གཞིས་ཀ་རྩེ་ལ་ལོག་འགྲོ། །སྨུག་ཆུང་དྲེལ་ལ་རྒྱབ་ཆ་བཀལ་ནས་ལོག་འགྲོ། ཞེས་པའི་

གཞས་འདི་གཏོང་གི་རེད། དཔོན་པོ་ཆབ་སྲིད་དང་ཆོས་ཕྱོགས་ཀྱི་གནད་དོན་གང་ལ་དོ་སྣང་ཡོད་པ་ཞིག་མིན་ ཡང་། བླ་མ་དེ་དང་གཞུང་ཞབས་དེ་དང་དེའི་གྲས་སྐུ་མདུན་སྐུ་གོང་མ་མ་གཤེགས་བར་མནན་ནས་བཞུགས་པ་ དང་། ༸སྐུ་མདུན་སྐུ་གཤེགས་མ་ཐག་དེ་དག་གིས་འཕག་འཚག་བརྒྱབ་སོང་ཞེས་དེ་ཚོའི་མིང་དང་བཅས་པ་ང་ ལ་ཤོད་ཀྱི་ཡོད།

སྐུ་གོང་མའི་གཟིགས་ཕྱོགས་ཀྱིས་བཀའ་ཉེས་ཕོག་པའི་གྲས་བཞི་སྡེ་ཏཱ་བླ་མ་ཟེར་བ་ཞིག་ཡོད་པ་དེ་ལ་

དགོང་མོ་གཅིག་རྨི་ལམ་དུ་ཤུགས་ལྡན་སྐུ་ཕེབས་ཀྱི་རྨི་ལམ་ཞིག་བཏང་། ཤུགས་ལྡན་ཡིན་སྙམ་པའི་རྣམ་པ་

ཤར་བ་དེས་དགུ་རྫོགས་གནམ་གང་ཡིན་དཱ་ཟེར་སྐད་གསང་མཐོན་པོས་བསྒྲགས་ཡོད་པ་རེད། སྐད་གསངས་

མཐོན་པོ་ཟེར་བ་ནི་གཏམ་བཟང་པོ་ཞིག་ཡིན་ན་སྐད་གསང་མཐོན་པོས་བཤད་ཆོག་པ་ཡིན། གཏམ་སྡུག་པ་ ཞིག་ཡིན་ན་༸རྒྱལ་བ་དགེ་འདུན་གྲུབ་པ་བཀྲ་ཤིས་ལྷུན་པོར་བཞུགས་སྐབས་ནུབ་གཅིག་གཟིམ་ལམ་ལ་བུད་

མེད་གཅིག་གིས་ངའི་མིང་པོ་གྲོངས་སོང་ཟེར་ནས་སྨྲེ་སྔགས་འདོན་པ་ཞིག་བྱུང་འདུག དུས་ཚོད་དེ་ལ་ལྷ་སར་ རྗེ་བཙུན་ཤེས་རབ་སེང་གེ་དགོངས་པ་རྫོགས་ཡོད་འདུག དགོངས་པ་རྫོགས་པ་དེ་ནི་སྨྲེ་སྔགས་བཏོན་ནས་ བཤད་རྒྱུ་ལས་སྐད་གསང་མཐོན་པོས་བཤད་རྒྱུ་ཞིག་མིན། དགུ་རྫོགས་གནམ་གང་ཡིན་དཱ་ཟེར་ནས་སྐད་

གསང་མཐོན་པོས་སྨྲས་པར་བརྟེན། ཏཱ་བླ་མ་ཡ་མཚན་བྱུང་ནས་དེ་ཉིན་སྐྱབས་རྗེ་ཕ་བོང་ཁ་རིན་པོ་ཆེའི་སྐུ་ མདུན་ལ་བཅར་ནས་ང་ལ་རྨི་ལམ་འདི་འདྲ་ཞིག་བྱུང་ཞེས་ཞུས་པར། སྐྱབས་རྗེ་ཕ་བོང་ཁ་རིན་པོ་ཆེས་རྨི་ལམ་ གྱི་དུས་ཚེས་ཐོ་འགོད་བྱེད་ཅེས་གསུངས་ནས་ཐོ་བཀོད་འདུག དེ་ནས་ཏག་ཏག་ཟླ་བ་དགུ་པ་རྫོགས་ནས་བཅུ་ པའི་གནམ་གང་ཉིན་༸གོང་ས་སྐུ་གོང་མ་སྐུ་གཤེགས་པ་རེད། སྐུ་གཤེགས་ཚེས་དེ་སྐད་གསང་མཐོན་པོས་ སྨྲས་པ་ཡ་མཚན་རེད།

94

༸གོང་ས་མཆོག་གི་བཀའ་སློབ།

དེ་འདྲའི་ཐོག་ནས་བསམ་བློ་གཏོང་དུས། ༸སྐུ་མདུན་སྐུ་གོང་མ་བཀའ་དྲིན་ཅན་གཤེགས་དུས་དགའ་

བསུ་བྱེད་མཁན་ཕལ་ཆེར་བོད་ལྗོངས་ལྷ་མིའི་ནང་ནས་དོལ་རྒྱལ་དང་། དེ་མིན་མི་རེ་ཟུང་ལས་གཞན་ཕལ་ཆེར་

མེད། ང་ལ་འབྲས་ལྗོངས་ཁུལ་ངོ་ཤེས་པ་དེ་འདྲ་ཡོད། ཁོང་ཚོས་སྐུ་མདུན་སྐུ་གོང་མ་གཤེགས་པའི་གནས་ཚུལ་

རྒྱལ་རྩེ་བརྒྱུད་ལན་འབྱོར་པ་དང་། འབྲས་ལྗོངས་པ་ཚོས་མྱ་ངན་ཤུགས་ཆེ་བྱས་པ་ཡིན་བརྗོད་ཀྱི་འདུག སྙིང་

རྗེ། བོད་པ་ནང་ཁུལ་དང་། དེའི་ནང་ནས་དཀར་ཕྱོགས་སྐྱོང་བའི་སྲུང་མ་ཡིན་ཁུལ་བྱེད་མཁན་སྐུ་མདུན་སྐུ་གོང་ མ་གཤེགས་དུས་གཏམ་བཟང་པོར་བརྩི་མཁན་དེ་ཡག་རྟགས་མ་རེད། ཤེས་སོང་ངམ། དེ་དག་ལ་ཚང་མས་ དགོངས་པ་ཡག་པོ་ཞིག་བཞེས་དང་། ངས་གློ་བུར་མི་བྱེད་དགུ་བྱེད་བྱས་པ་མིན། ཚང་མ་གུང་བསྒྲིགས་ནས་ བསམ་བློ་བཏང་ན་ཤེས་ཀྱི་རེད། ལྷ་མོ་འཁོན་པས་མ་ཚད་དམ་ཅན་ཆོས་རྒྱལ་དང་ཡང་མི་འགྲིག་པ་ཡོད་པ་ཤིན་

ཏུ་གསལ་པོ་རེད། འདིར་ཁྱེད་ཚོར་བཤད་ན་མི་འགྲིག་པ་མི་འདུག རྒྱུད་སྨད་ཀྱི་མཁན་པོའི་ནང་དགའ་ལྡན་བྱང་ རྩེའི་རྒན་སྦྲ་ཏི་(དགེ་བཤེས་བསོད་ནམས་རྒྱལ་མཚན་)རྒྱུད་སྨད་ཀྱི་བླ་མ་དབུ་མཛད་དང་མཁན་པོ་གནང་ཡོད། ཁོང་

སྔོན་མ་ནས་ཤུགས་ལྡན་སྐོར་ལ་གང་ཙམ་ཤུགས་ཆེན་པོ་ཡོད། བྱང་རྩེ་གྲྭ་ཚང་ནས་ཐག་བཅད་ཟིན་པ་རེད། ཁྱེད་ རང་ཚོས་བསྐྱར་ནན་ཡང་ནན་བྱེད་དུས་ཁོང་གིས་ཚུར་ཡི་གེ་ཧ་ཅང་ཚ་པོ་ཞིག་བཏང་འདུག

དེར་བརྟེན་ཁོང་བྱང་རྩེ་གྲྭ་ཚང་གིས་སྐྱིད་སྡུག་ནང་མེད་ཅེས་གནས་དབྱུང་བཏང་བ་རེད། རྒྱུད་སྨད་ཀྱི་

མཁན་པོ་བྱས་ཏེ་རྒྱུད་ཀྱི་སྟོན་པ་རྡོ་རྗེ་འཆང་ཆགས་ཟིན་པས། རྒྱུད་ཀྱི་སྟོན་པ་རྡོ་རྗེ་འཆང་གནས་དབྱུང་གཏོང་ རྒྱུ་དཀའ་བའི་གནས་ཚུལ་ཡིན་ཡང་། བྱང་རྩེ་གྲྭ་ཚང་ནས་དེ་ལྟར་ཐག་གཅོད་བྱས་ཟིན་སྟབས། རྒྱུད་སྨད་གྲྭ་ཚང་ ཁུ་སིམ་དུ་སྡོད་ཐབས་བྲལ་བར་བརྟེན་རྒྱུད་སྨད་ཀྱིས་དོན་དེ་གལ་ཆེན་པོ་ཡིན་པས་མགོན་པོ་དང་ཆོས་རྒྱལ་

གཉིས་ལ་འཕྲིན་བཅོལ་བཏང་ནས་རྒྱུད་སྨད་གྲྭ་ཚང་གི་མཁན་པོའི་བརྒྱུད་འདེབས་ནས་འདོན་དང་མི་བཏོན་ཟན་ བརྟག་བསྒྲིལ་བར་བཏོན་ཞེས་བབས་འདུག དེ་ནི་མགོན་པོ་དང་ཆོས་རྒྱལ་གཉིས་ཀྱིས་ཐག་བཅད་པ་རེད། རྒྱལ་

པོ་སྐུ་ལྔའི་རྒྱབ་རྩ་ལྷ་མོ་དང་། དེའི་རྒྱབ་རྩ་དམ་ཅན་ཆོལ་རྒྱལ། དེའི་རྒྱབ་རྩ་མགོན་པོ་ཕྱག་དྲུག་པས་གནང་གི་ ཡོད་འདུག ལོ་གཅིག་ངའི་རྨི་ལམ་དུ་དགའ་ལྡན་གྱི་ཤུགས་ལྡན་བཙན་ཁང་ཡོད་ས་དེ་རེད་འདུག ཕལ་ཆེར་ང་ རང་སོག་པ་ཁང་ཚན་གྱི་ནང་ཡོད་པ་ལྟ་བུ་འདུག དེ་འདྲ་ཞིག་ལ་མགོན་པོ་ཕྱག་དྲུག་ཐོག་བརྩེགས་ཁ་ཤས་ཡོད་ པ་ཞིག་འདུག མགོན་པོ་ཕྱག་དྲུག་པའི་ཞབས་དོལ་རྒྱལ་གྱི་བཙན་ཁང་སྟེང་ལ་བཞག་སོང་བ་དེ་མ་ཐག་བཙན་

ཁང་ཞིག་འགྲོ་བ་ཞིག་རྨིས་བྱུང་། འདི་དང་། ད་ལྟའི་ཟན་བརྟག་གཉིས་གུང་བསྒྲིགས་དུས་དོལ་རྒྱལ་བསྟེན་ན་ 95

༸གོང་ས་མཆོག་གི་བཀའ་སློབ།

རྗེ་རིན་པོ་ཆེས་བཀའ་བསྒོས་གཉེར་གཏད་ཡོད་པའི་མགོན་པོ་དང་དམ་ཅན་ཆོས་རྒྱལ་གཉིས་འཁོན་གྱི་ཡོད་པ་ ཤིན་ཏུ་ནས་གསལ་པོ་རེད། ངས་སྐད་ཆ་རྒྱ་བསྐྱེད་དེ་མང་པོ་བཤད་དགོས་དོན་ཁྱེད་རང་ཚོ་ཡིད་ཆེས་རྙེད་རྒྱུར་

ཕན་ཐོགས་ན་བསམ་ནས་དངོས་བྱུང་གནས་ཚུལ་བཤད་པ་ལས། ང་རང་འདི་འདྲ་བསམ་བྱུང་ཞེས་བཤད་པ་རྩ་ བ་ནས་མིན། ཤེས་སོང་ངམ། ཁག་ཅིག་གིས་སྐད་ཆ་མང་པོ་བཤད་རྗེས་འདི་འདྲ་བསམ་བྱུང་ཞེས་ཤོད་མཁན་ ཡོད། ངས་བཤད་པ་རྣམས་དེ་འདྲ་མིན། རྒྱུ་མཚན་གཅིག་དང་གཉིས་བྱས་ཏེ་བཤད་ཡོད།

དེ་རིང་ངས་འགྲེལ་བཤད་བརྒྱབ་སྟེ་ཞུས་པ་རྣམས་མང་ཆེ་བས་ཡིད་ཆེས་གནང་གི་རེད། རྒྱུད་སྨད་

མཁན་ཟུར་ཏྲེ་ཧོར་རྒན་ཨོ་རྒྱན་ཚེ་བརྟན་ཁོང་དེ་སྔོན་དོལ་རྒྱལ་ཤུགས་ཆེ་བསྟེན་གྱི་ཡོད། ངས་དམ་བསྒྲགས་ བྱས་པའི་རྗེས་སུ་ང་ལ་ཡི་གེ་ཞིག་གནང་བྱུང་། ཨོ་རྒྱན་ཚེ་བརྟན་མཇལ་དུས། བླ་མའི་བཀའ་དང་ཆོས་སྐྱོང་ གི་བཀའ་གཉིས་ཀྱི་ནང་ནས་ངས་བླ་མའི་བཀའ་གལ་ཆེ་བར་རྩི་བཞིན་ཡོད་པས། ༸རྒྱལ་བ་རིན་པོ་ཆེས་གང་

བཀའ་གནང་བ་དེ་ལ་སེམས་ཐག་གཙང་བཅད་ཡིན་གསུངས་བྱུང་། སྙིང་རྗེ་ཏྲེ་ཧོར་ཁམས་པ་རྒན་ཐུབ་བསྟན་ ངག་དབང་གིས། དོལ་རྒྱལ་སྐོར་༸རྒྱལ་བ་རིན་པོ་ཆེས་དམ་བསྒྲགས་གནང་བའི་རྗེས་སུ་གཙང་མ་བཞག་པ་

ཡིན། གང་ཡིན་ཟེར་ན་༸རྒྱལ་བ་རིན་པོ་ཆེ་ང་ཚོ་བོད་ཀྱི་ནང་པ་ཡོངས་རྫོགས་ཀྱིས་གཙུག་ཏུ་བཀུར་ཡུལ་རེད། ལྷག་པར་ང་རང་དགེ་ལུགས་པ་ཞིག་ཡིན་པའི་ངོས་ནས་༸རྒྱལ་བ་རིན་པོ་ཆེ་གཙུག་ཏུ་བཀུར་གྱི་ཡོད། གཙུག་ ཏུ་བཀུར་ཡུལ་དེ་དང་རྒྱག་གཅིག་མཆོངས་གཅིག་བྱས་ཏེ་འགྲོ་རྒྱུ་ལས་ཐེ་ཚོམ་སོམ་ཉི་བྱ་རྒྱུ་གང་ཡང་མེད་

ཅེས་བཤད་སོང་། ཡག་པོ་འདུག སྙིང་རྗེ། ངས་ཕན་ན་བསམས་ནས་བཤད་པ་ལས་ང་སྒེར་ལ་ཁེ་ཕན་ཡོང་རྒྱུ་ གང་ཡང་མེད། ད་དུང་ཕྲན་བུ་མི་བདེ་བ་འདུག་རུང་།

གཅིག་ནས་བོད་སྤྱི་པའི་དོན་དང་། གཉིས་ནས་འཇམ་མགོན་བླ་མའི་བསྟན་པར་སྐྱོན་འཛུགས་ས་སྣེ་

གཅིག་མེད་པ་འདི་ལ་དོལ་རྒྱལ་གྱིས་རྐྱེན་བྱས་ནས་སྔོན་མ་དྲུང་ཆེ་ཏཱ་བླ་མས་ང་ལ་གསུངས་པར། འབྲུག་ནང་

གི་འབྲུག་པ་ཁ་ཤས་ཀྱིས་དགེ་ལུགས་པའི་ཆོས་ཡག་པོ་རེད། འོན་ཀྱང་དགེ་ལུགས་པའི་རྗེས་ལ་འདྲེ་ཞིག་ཡོང་

གི་ཡོད་པ་དེ་ཡག་པོ་གཏན་ནས་མེད་ཟེར་གྱི་འདུག་ཅེས་གསུངས་བྱུང་། དེ་ནི་ཞབས་འདྲེན་རེད། དེས་དགེ་ ལུགས་པའི་བསྟན་པར་ཕན་གྱི་འདུག་དང་གནོད་ཀྱི་འདུག་བསམ་བློ་བཏང་ན་ཤེས་ཀྱི་རེད། དེ་བཞིན་ང་སྔོན་མ་ འབྲས་ལྗོངས་ཁུལ་ལ་འགྲོ་དུས། ༸རྒྱལ་བ་རིན་པོ་ཆེ་ཡིན་སྟབས་རྙིང་མ་བཀའ་བརྒྱུད་ས་སྐྱ་བཅས་པ་ཚང་མས་

སྐད་གཏོང་གི་ཡོད། ངས་ཀྱང་དེ་དག་ལ་བསྐྱོད་དེ་ང་ཕྱིར་ལོག་བྱས་པའི་རྗེས་སུ་ཁ་ཤས་ཀྱིས་ང་སྡོད་སར་བསང་ 96

༸གོང་ས་མཆོག་གི་བཀའ་སློབ།

བདུག་བྱེད་ཀྱི་འདུག་ཟེར། འདིར་༸རྒྱལ་བ་རིན་པོ་ཆེ་བཞུགས་པར་བརྟེན་དོལ་རྒྱལ་གནས་ཡོད་པ་རེད་ཟེར་གྱི་ ཡོད། དེས་འཇམ་མགོན་བླ་མ་ཙོང་ཁ་པ་ཆེན་པོའི་བསྟན་པར་ཕན་གྱི་འདུག་དང་གནོད་ཀྱི་འདུག

ཡང་སྐྱབས་རྗེ་ཁྲི་བྱང་རིན་པོ་ཆེ་དང་ཀརྨ་པ་སྐུ་གོང་མ་ཐུགས་ཉེ་ནང་མ་ཡིན་ཞིང་། བཞུགས་སྒྲོམ་

གཅིག་ནང་མཉམ་བཞུགས་དང་། གསོལ་ཚིགས་མཉམ་བཞེས་ཀྱིས་བཀའ་མོལ་ནང་མ་གནང་ནས་ཧ་ཅང་

ཡག་པོ་ཡོད། འོན་ཀྱང་ཐེངས་གཅིག་ཀརྨ་པ་རིན་པོ་ཆེ་གློ་བུར་ཁྲི་བྱང་རིན་པོ་ཆེ་མཇལ་བར་ཕེབས་ཀྱི་ཡིན་

ཞེས་བཀའ་ཞིག་འབྱོར་འདུག ཁྲི་བྱང་རིན་པོ་ཆེ་སྐབས་དེར་དོལ་རྒྱལ་གྱི་ཟླ་བསྐང་གཏོང་བ་གནང་རྒྱུའི་མཆོད་ པ་བསྒྲིགས་ནས་ཟླ་བསྐང་གསུང་གྲབས་ཡོད་གསུང་གི་འདུག གློ་བུར་ཀརྨ་པ་ཕེབས་ཀྱི་ཡོད་པའི་ལན་འབྱོར་

པ་དང་བྲེལ་འཚུབ་ཀྱིས་མཆོད་པ་རྣམས་བསྡུ་གསོག་རྒྱག་དགོས་བྱུང་གསུང་གི་འདུག གང་ཡིན་ཟེར་ན་ཀརྨ་ པ་རིན་པོ་ཆེ་དོལ་རྒྱལ་ལ་མཉེས་པོ་མེད་པ་ཁྲི་བྱང་རིན་པོ་ཆེས་མཁྱེན་གྱི་ཡོད་པ་རེད། དགེ་ལུགས་པའི་ཐུན་

མོང་མ་ཡིན་པའི་སྲུང་མ་རྙིང་མ་བཀའ་བརྒྱུད་ཀྱི་ཆོས་གྲོགས་ཚོར་ངོམ་ཆོག་པ་ཞིག་ཡོད་ན། གསང་སྦས་ གནང་དགོས་དོན་མེད། ཤུགས་ལྡན་སྦས་གནང་དགོས་བྱུང་བ་དེ་ལ་གནད་དོན་ཡོད་པ་གསལ་པོ་རེད།

དངོས་གནས་ཤུགས་ལྡན་བསྟེན་ནས་དགེ་ལུགས་པའི་བསྟན་པ་ལ་ག་རེ་ཕན་འདུག་ཞིབ་རྩིས་ཡག་པོ་

ཞིག་རྒྱོབས་དང་། ཁམས་ཁུལ་གྱི་བླ་མ་རྫོང་གསར་མཁྱེན་བརྩེ་རིན་པོ་ཆེས་ཨ་ལགས་འཇིགས་མེད་དམ་ཆོས་

ལ་ཕྱག་བྲིས་ཤིག་ཕུལ་གནང་བ་ཚེ་ཏན་ཞབས་དྲུང་གིས་ཨ་ལགས་འཇིགས་མེད་དམ་ཆོས་ཀྱི་རྣམ་ཐར་བྲིས་ པའི་ནང་གསལ་པོ་འཁོད་པ་འདི་ལྟར། སྐུ་ཞབས་ཕ་བོང་ཁ་པ་རིན་པོ་ཆེའི་ཞལ་སློབ་ཁ་ཤས་ནས་གསར་རྙིང་ གི་གྲུབ་མཐའ་ཆེན་པོ་རྩོད། པདྨ་འབྱུང་གནས་ཀྱི་སྐུ་དང་ཞི་ཁྲོའི་ལྷ་བཤིག་པ། བཛྲ་གུ་རུ་བཏོན་ན་ཕན་ཡོན་

མེད་ཚུལ། པདྨ་བཀའ་ཐང་སོགས་མེ་ཆུར་སྦྱངས་པ་ལ་སོགས་པའི་ལོག་སྤྱོད་མང་པོ་དང་། གཞན་ཡང་མ་ཎི་ སོགས་ཀྱི་འཁོར་ལོ་སྐོར་བ་དང་གཤིན་པོར་བདུན་ཚིགས་འཛིན་རྒྱུ་སོགས་དགོས་པ་མེད་ཚུལ་མང་པོ་བཤད་

ནས་སྐྱེ་བོ་དག་ལོག་ལྟའི་གནས་ལ་འགོད་པ་དང་། མཆོག་གསུམ་ཀུན་འདུས་རྒྱལ་པོ་ཤུགས་ལྡན་སྐྱབས་ཀྱི་

མཆོག་ཏུ་འཛིན། ལྷོ་རྒྱུད་ཀྱི་དགོན་ཆུང་འགའ་ཞིག་གི་གྲྭ་པ་མང་པོ་ལ་ཤུགས་ལྡན་བབས་པ་ཡིན་ཟེར་ཕྱོགས་ མཐའ་དག་ཏུ་སྨྱོ་རྒྱུགས་བྱས་ནས་རྟེན་གསུམ་བཤིག་བཅོམ་སོགས་རང་མཚང་མང་ཞིང་། རྗེ་རྒྱལ་བ་གཉིས་ པ་ཙོང་ཁ་པའི་བསྟན་པའི་རྨ་འབྱིན་ཆེན་པོར་འདུག་པས། སྤྱི་ལ་ཕན་པའི་སྤྲིངས་ཡིག་ཅིག་མཛད་ནས་པར་དུ་

བསྐྲུན་ཏེ་དབུས་གཙང་ཁམས་གསུམ་ལ་བཀྱེས་པར་མཛད་ན་བསྟན་པའི་འཁྲུགས་སེལ་ལ་བཀའ་དྲིན་ཆེ་ཞུ། 97

༸གོང་ས་མཆོག་གི་བཀའ་སློབ།

ཞེས་གསུངས་འདུག དེ་ལྟར་ཡིན་ཐག་ཆོད་རེད། ཆབ་མདོ་ཁུལ་ལ་ཤུགས་ལྡན་གཙོ་འཁོར་དགུ་ཡིན་ཟེར་བ་

ཁོག་བརླམས་བྱེད་མཁན་བྱུང་ནས་སློབ་དཔོན་གྱི་སྐུ་ཆུ་ལ་བསྐྱུར་ཡོད། དེ་ཚོའི་གྲས་ཀྱིས་དངོས་གནས་ཆོས་ ལུགས་དབར་དམ་སེལ་ཆེན་པོ་བཟོས་ཡོད།

ལོ་གཅིག་གཉིས་ཀྱི་གོང་དུ་ཁམས་ཁུལ་དགེ་དགོན་གྱི་ལས་སྣེ་ཞིག་ང་ཐུག་པར་སླེབས་བྱུང་། ཁོང་

ཚོའི་དགོན་པས་དོལ་རྒྱལ་བསྟེན་གྱི་ཡོད། དོལ་རྒྱལ་བསྟེན་པའི་སྐབས་སུ་ཉེ་འཁོར་གྱི་ས་སྐྱའི་དགོན་པ་དང་།

བཀའ་བརྒྱུད་ཀྱི་དགོན་པ། རྙིང་མའི་དགོན་པ་བཅས་དང་འབྲེལ་བ་ཡག་པོ་ཞིག་རྩ་བ་ནས་ཡོང་གི་མེད། དགོན་ པ་ཕན་ཚུན་མ་འཆམ་པ་སྨོས་ཅི། སྦྱིན་བདག་ཚོ་ཡང་མ་འཆམ་པར་གཅིག་གིས་གཅིག་ལ་མ་དགའ་བ་བྱེད་ཀྱི་ ཡོད། བར་སྐབས་ཁོང་ཚོའི་དགོན་པས་དོལ་རྒྱལ་བསྟེན་གསོལ་རྩ་བ་ནས་མཚམས་འཇོག་བྱས་པ་ཡིན། དེ་ནས་

བཟུང་དེ་ཁུལ་ས་དགེ་བཀའ་རྙིང་གི་དགོན་ཁག་བཅུ་བདུན་ཙམ་ཡོད་པ་ཚང་མ་ཕན་ཚུན་ཐུགས་མཐུན་ཁྲིམས་ གཙང་ཧ་ཅང་ཡག་པོ་བྱུང་བ་དང་། དགོན་པ་ཚོ་ཐུགས་མཐུན་བྱུང་བར་བརྟེན་སྦྱིན་བདག་ཚོ་ཡང་འཆམ་མཐུན་

ཡག་པོ་བྱུང་ཞེས་བརྗོད་ཀྱི་འདུག དེར་བརྟེན་དོལ་རྒྱལ་བསྟེན་ན་ཆོས་ལུགས་ཕན་ཚུན་མཐུན་སྒྲིལ་ཡོང་རྒྱུ་ ལས་ལྡོག་སྟེ་ཕན་ཚུན་འགལ་ཟླ་ཆགས་ནས་དགེ་ལུགས་པར་སྐྱོན་འདོགས་བྱེད་ཀྱི་ཡོད། འཇམ་མགོན་བླ་མ་ ཙོང་ཁ་པ་ཆེན་པོའི་བསྟན་པ་སྤུས་དག་པོ་པོ་ཏི་བཅོ་བརྒྱད་ལ་ལྟོས་དང་། མཁས་པ་མཁས་པའི་ནང་ལ་མཛེས་

ཞེས་གསུངས་པ་ལྟར་ཕྲན་བུ་བརྡར་ཤ་གཅོད་རྒྱུ་འདྲ་ཡོང་བ་ལས། དེ་མིན་མཁས་པ་འཇུ་མི་ཕམ་གྱིས་རྗེ་རིན་ པོ་ཆེར་བསྟོད་པ་མཛད་པ་དེའི་ནང་ལ་རྗེ་རིན་པོ་ཆེས་རྟེན་འབྱུང་གི་དེ་ཁོ་ན་ཉིད་གསལ་བར་མཛད་པ་དེ་ལ་ དམིགས་བསལ་གྱིས་བསྟོད་བསྔགས་གནང་འདུག མཁས་པ་མཁས་པའི་ནང་ལ་མཛེས། ཟེར་བ་དེ་རེད།

དེ་བཞིན་དུ་སྟག་ཚང་ལོ་ཙཱ་བས་རྗེ་རིན་པོ་ཆེར་འགལ་བའི་ཁུར་ཆེན་བཅོ་བརྒྱད་སྤུངས་ནས་དགག་པ་

ཆེན་པོ་གནང་ཡོད་ཀྱང་། རྗེས་སུ་རྗེ་རིན་པོ་ཆེའི་གསུང་གི་འཕྲིན་ལས་གཟིགས་དུས་བསྟོད་བསྔགས་ཧ་ཅང་ ཆེན་པོ་གནང་ཡོད། གང་ལྟར་རྗེ་རིན་པོ་ཆེའི་གསུང་ཧ་ལས་དགོས་པའི་སྤུས་དག་པོ་ཡོད། གྲུབ་མཐའི་བློས་ ཕྱོགས་སུ་ལྷུང་བའི་གནས་ཚུལ་ནི་ཐ་དད་རེད། དེ་འདྲའི་ཐོག་ནས་དགེ་ལུགས་པར་ཞེན་ཁོག་བྱས་ན་འགྲིག་པ་

ཡིན། དེ་མིན་རྗེ་རིན་པོ་ཆེའི་གསུང་འབུམ་པོ་ཏི་བཅོ་བརྒྱད་ཀྱི་དོན་མ་ཤེས་པར་གླེང་གཞི་ཅན་གྱི་དྲེགས་པ་ཞིག་

ལ་ཧ་ཅང་བསྟོད་ནས་བསྟེན་པ་ཡིན་ན་དེ་ནི་ངོ་ཚ་དགོས་པ་དང་། དགེ་ལུགས་པའི་ཞབས་འདྲེན་ཡིན། ཤེས་སོང་ ངམ། དངོས་གནས་དགེ་ལུགས་པར་ཞེན་ཁོག་ཡོད་ན་བྱེད་སྟངས་དེ་འདྲ་མིན། གང་ལྟར་དོལ་རྒྱལ་སྐོར་གྱི་རྙོག་ 98

༸གོང་ས་མཆོག་གི་བཀའ་སློབ།

དྲའི་རྒྱབ་ལྗོངས་དེ་འདྲ་རེད། ཐོག་མར་ངས་ཀྱང་བསྟེན་པ་ཡིན། རྗེས་སུ་ངས་གནས་ཚུལ་རྣམས་ཤེས་པ་དང་ མཚམས་འཇོག་གཙང་མ་བྱས་པ་ཡིན།

བར་སྐབས་རྒྱ་གར་ནང་དང་། བོད་ནང་བཅས་པར་དེ་སྔ་དོལ་རྒྱལ་བསྟེན་མཁན་མང་པོ་ཞིག་གིས་

གོང་གསལ་གནས་ཚུལ་ཚང་མ་ཤེས་རྟོགས་བྱུང་རྗེས་མང་ཆེ་བས་མཚམས་འཇོག་གཙང་མ་བྱས་ཏེ་ཧ་ཅང་

ཡག་པོ་ཡོད། ཡིན་ནའང་རྒྱ་གར་ནང་ཆ་བཞག་ན་བར་སྐབས་དགའ་ལྡན་རྡོ་ཁང་ཁང་ཚན་ཟུར་གྱེས་བྱས་ ཡོད། ན་ནིང་ང་དགའ་ལྡན་དུ་སླེབས་སྐབས་ཤར་རྩེའི་ཁོངས་སུ་ཡོད་པ་ཚོས་རྡོ་ཁང་གསར་པ་ཡིན་བརྗོད་ཀྱི་

འདུག ངས་ཁྱེད་ཚོ་ག་རེ་ཤོད་ཀྱི་ཡོད་དམ། རྡོ་ཁང་གསར་པ་ཟུར་གྱེས་བྱེད་མཁན་ཚོ་ཡིན་པ་ལས་ཁྱེད་རང་ ཚོ་སྔར་ནས་ཡོད་པའི་ཁང་ཚན་རང་ཡིན་པས་གསར་པ་ཡིན་ཞེས་ཤོད་དགོས་དོན་མེད་ཅེས་བཤད་པ་ཡིན།

སེ་ར་སྤོམ་པོ་ར་ཁང་ཚན་ལ་ཆ་བཞག་ན་གཤིས་ཀ་སློག་མཁན་དེ་ཚོ་གྲ་རྒྱས་ཐག་ཆོད་ཡོད། དེ་ནི་རྒྱབ་དཔུང་ རྒྱ་ནག་གུང་ཁྲན་ཏང་ལ་བཅོལ་བས་ཡིན། ད་ལམ་ཉེ་ཆར་གནས་ཚུལ་གསལ་པོ་འབྱོར་བ་ཞིག་ལ། ནིའུ་ཡོག་ འཛམ་གླིང་མཉམ་སྦྲེལ་རྒྱལ་ཚོགས་སུ་བཅའ་སྡོད་རྒྱ་ནག་གཞུང་ཚབ་ཁང་གིས་དོལ་རྒྱལ་ཚོགས་པའི་མི་ཁ་ ཤས་སྐད་བཏང་ནས་ཁོང་ཚོ་གོ་བསྡུར་བྱས་པའི་གནས་ཚུལ་འདུག དེ་བཞིན་བོད་ནང་ལ་ཆ་བཞག་ན་གངས་

ཅན་བླ་མ་ཟེར་བ་དེ་ཚོའི་གྲས་བོད་ལ་སླེབས་དུས། རྒྱ་ནག་གཞུང་གིས་དམིགས་བསལ་སྣེ་ལེན་བྱེད་ཀྱི་འདུག བོ ད ་མི ་ཆབ་སྲི ད་ཉམས་ཞིབ ་པ་གྲགས་ཅན་ཞིག་གི ས ་ཁོ་ རང་ངོ་ མ་ཁམས་ཁུལ་གྱི་ དགོན་པ་བརྒྱ་ཙམ་ལ་ ཉམས་ཞིབ་ཏུ་ཕྱིན་པ་ཡིན་ཟེར།

དེ་དག་གི་ནང་ནས་རྒྱ་ནག་གི་རྒྱལ་དར་འཛུགས་མཁན་ཆ་ཕྲེང་བསམ་འཕེལ་གླིང་དགོན་པ་གཅིག་པུ་

ལས་གཞན་དག་མི་འདུག་ཅེས་རྩོམ་ཡིག་ནང་བཀོད་འདུག དོལ་རྒྱལ་བསྟེན་མཁན་ཚོར་རྒྱ་ནག་གུང་ཁྲན་ཏང་

གིས་རྒྱབ་སྐྱོར་བྱེད་ཀྱི་ཡོད་པ་རེད། དེ་ནི་རྒྱ་ནག་གུང་ཁྲན་ཏང་རྒྱལ་པོ་ཤུགས་ལྡན་ལ་ཡིད་ཆེས་དང་དད་པ་ ཡོད་ནས་བྱས་པ་མ་ཡིན་པར། རྒྱལ་པོ་ཤུགས་ལྡན་བསྟེན་མཁན་ཚོས་ཏཱ་ལའི་བླ་མར་ངོ་རྒོལ་བྱེད་ཀྱི་ཡོད་པ་ དེ་ཁོང་ཚོར་ཕན་ཐོགས་ཡོད་པར་བརྟེན། ཁོང་ཚོའི་ཆབ་སྲིད་ཀྱི་དགོས་མཁོར་བེད་སྤྱོད་བྱེད་ཀྱི་ཡོད། ཤེས་ སོང་ངམ། དངོས་གནས་བྱས་ན་རྒྱ་མི་གུང་ཁྲན་ཚོ་ལྐུགས་པ་རེད། བོད་མི་མང་ཆེ་བས་༸རྒྱལ་བ་རིན་པོ་ཆེའི་

རྗེས་སུ་འབྲངས་པ་ལས་དོལ་རྒྱལ་གྱི་རྗེས་སུ་འབྲང་གི་མ་རེད། རྒྱ་དཔོན་མཁྲེགས་བཟུང་མཁན་དེ་ཚོའི་ཀླད་ པ་བྱིའུའི་ཀླད་པ་ཙམ་ལས་མེད་པའི་ལྐུགས་པ་རེད་འདུག འཕྲལ་སྒང་ཕྲུ་གུ་ཆུང་ཆུང་རླུང་ལངས་པ་ལྟར་བྱས་ 99

༸གོང་ས་མཆོག་གི་བཀའ་སློབ།

ནས་སྐད་ཆ་རྩུབ་པོ་དང་དོན་མེད་སྐྱོན་འཛུགས་བྱས་ན་མིའི་སྣང་བར་འགྲོ་གི་མ་རེད་བསམ་པ་འདི་ཙམ་ཡང་ ཤེས་ཀྱི་མི་འདུག ཧ་ཅང་ཐབས་སྐྱོ་པོ་རེད།

ཡིན་ནའང་དཔལ་འབྱོར་ཐད་ཁོང་ཚོར་དངུལ་ཧ་ཅང་མང་པོ་ཡོད་ལ། དབང་ཆ་ཆེན་པོ་དང་མེ་མདའ་

ཡང་ཡོད་པ་རེད། དེར་བརྟེན་བོད་ནང་དོལ་རྒྱལ་བསྟེན་མཁན་ཚོར་རྒྱ་ནག་གཞུང་གི་རྒྱབ་སྐྱོར་དང་དངུལ་ཐོབ་ ཀྱི་ཡོད། ཆབ་སྲིད་དང་དཔལ་འབྱོར་གྱི་རྒྱབ་སྐྱོར་ཡོད་དུས་སྤོབས་པ་མཐོ་རུ་འགྲོ་བ་དང་། དེ་འདྲའི་ཐོག་ནས་

ལས་འགུལ་སྤེལ་གྱི་འདུག སྐབས་རེར་༸རྒྱལ་བ་རིན་པོ་ཆེས་བཤད་པ་དྲང་དོན་རེད། ༸རྒྱལ་བ་རིན་པོ་ཆེས་ རྙིང་མར་སྤྲེལ་ལད་འཁྲབ་ནས་ཤུགས་ལྡན་བཀག་འགོག་བྱས་པ་རེད་ཟེར་བ་དང་། ཡང་སྐབས་རེར་༸རྒྱལ་བ་

རིན་པོ་ཆེས་སྔར་དོལ་རྒྱལ་བསྟེན་པ་དང་། མ་འོངས་པར་༸རྒྱལ་བ་རིན་པོ་ཆེས་དོལ་རྒྱལ་བསྟེན་གྱི་རེད་ཅེས་ ཤོད་པ་དང་། ཡང་ཁ་ཤས་ཀྱིས་དེ་དག་༸རྒྱལ་བ་རིན་པོ་ཆེས་བཤད་ཡོད་པ་མ་རེད། འོག་གི་ལས་བྱེད་པས་

དཀྲོགས་པ་རེད་ཅེས་ཤོད་ཀྱི་ཡོད། དེ་འདྲ་ཡིན་དུས་དོལ་རྒྱལ་གྱི་གནས་ཚུལ་འདི་ཕར་ཕྱོགས་ནས་རྒྱ་ནག་ གུང་ཁྲན་ཏང་གིས་རྒྱབ་སྐྱོར་བྱེད་ཡུལ་ཞིག་ཆགས་ཏེ་ཆེད་མངགས་ལས་འགུལ་སྤེལ་གྱི་ཡོད་པར་བརྟེན། ང་

ཚོ་ཚུར་ཕྱོགས་ནས་དེ་ལུགས་ཀྱི་ཡིད་གཟབ་བྱེད་དགོས་པ་ཡིན། ཤེས་སོང་ངམ། དེའི་བྱུས་གཏོགས་༸རྒྱལ་ བ་རིན་པོ་ཆེ་མི་གཅིག་ལ་འཁྲིས་པས་༸རྒྱལ་བ་རིན་པོ་ཆེར་ཤོད་དུ་བཅུག ང་ཚོ་ལ་བྱུས་གཏོགས་མེད་

བསམས་ནས་བསྡད་ན་འགྲིག་གི་མ་རེད། ཤེས་སོང་ངམ། ང་རང་ལོ་ ༧༦ ལ་སླེབས་སོང་། ངའི་ཚེ་ལྷག་གི་

མི་ཚེ་སྐྱིད་པོའི་ངང་བསྐྱལ་རྒྱུ་ཡིན། སྡུག་ན་ཁྱེད་རང་ཚོ་སྡུག་གི་རེད། ང་ཤི་རྗེས་ཟང་ཟིང་མང་པོ་བྱུང་ན་ང་ལ་ གྱོང་རག་རྒྱུ་གང་ཡང་མེད། ཤེས་སོང་ངམ།

ད་ལྟ་བར་དུ་ངས་བཤད་པ་རྣམས་བོད་སྤྱིའི་དོན་ལ་ལྷག་བསམ་བཅངས་པ་དང་། ཁྱེད་རང་ཚོར་ཤ་

ཚ་ནས་བཤད་པ་ལས། ཁྱེད་ཚོར་གནག་གནག་བྱས་ནས་བཤད་པ་མིན། དོལ་རྒྱལ་ཚོགས་པའི་མི་ཚོར་ཆ་

བཞག་ནའང་ངས་ཤ་ཚ་བྱས་ཏེ་ཁོ་ཚོ་ལམ་ལོག་པ་ལས་ཚུར་བསྐྱབ་ཐུབ་ན་བསམས་ནས་ཤོད་ཀྱི་ཡོད། ངས་ གོང་དུ་ཐག་གཅོད་བྱས་ཏེ་བཤད་པ་རྣམས་གནས་ཆུང་གིས་གསུང་གི་འདུག་ཅེས་ངས་ཧོལ་རྒྱུགས་བྱས་པ་ མིན། ལོ་ནས་ལོ་བསྟུད་དེ་ཞིབ་འཇུག་མཐིལ་ཕྱིན་བྱས་པ་དང་། ཡོངས་འཛིན་རྣམ་པ་གཉིས་ལ་སྙན་སེང་ཞུས་

ཏེ་བློ་བདེ་གདེང་འཁེལ་བའི་ཐོག་ནས་ཐག་གཅོད་བྱས་པ་ཞིག་ཡིན་པ་ལས་ངས་ཚ་གི་ཚི་གི་དང་། འ་རི་འུ་རི། མགོ་སླ་པོ་བཅས་བྱས་པ་རྩ་བ་ནས་མིན། དེ་ལུགས་ཁྱེད་རང་ཚོས་བསམ་བློ་གཏོང་དགོས། ཤེས་སོང་ངམ། 100

༸གོང་ས་མཆོག་གི་བཀའ་སློབ།

དོལ་རྒྱལ་དང་འབྲེལ་བ་ཡོད་པ་དགེ་ལུགས་དང་། ས་སྐྱ་གཉིས་ཡིན། ས་སྐྱ་ལ་ཆ་བཞག་ན་ས་སྐྱ་བདག་ཁྲི་

རིན་པོ་ཆེས་བར་སྐབས་བོད་ཕྱི་ནང་ལ་བཀའ་སློབ་གནང་ཡོད། མ་གཞི་སྔ་མོ་ནས་ཁང་གསར་མཁན་པོ་ངག་ དབང་ཡོན་ཏན་རྒྱ་མཚོ་སོགས་མང་པོ་ཞིག་གིས་དོལ་རྒྱལ་ལ་དམ་བསྒྲགས་གནང་ཡོད། བདག་ཁྲི་རིན་པོ་

ཆེས་བར་སྐབས་བོད་ནང་ལན་བསྐུར་གནང་བ་སོགས་ཀྱིས་བོད་ནང་ལ་ཤུགས་རྐྱེན་ཡག་པོ་བྱུང་འདུག བོད་ ནང་གི་དགེ་ལུགས་དགོན་པ་མང་པོས་ལྷག་བསམ་རྣམ་དག་བྱེད་ཀྱི་ཡོད། ས་སྐྱའི་དགོན་པ་ཡིན་ནའང་འདྲ།

དགེ་ལུགས་དགོན་པ་ཡིན་ནའང་འདྲ། ལྷག་པར་རྙིང་མ་བ་ཚོས་དེ་ནི་དགེ་ལུགས་པའི་རྙོག་དྲ་རེད་ཅེས་འཇོག་ རྒྱུ་མེད། ཤེས་སོང་ངམ།

ཡང་རྙིང་མ་བ་ཁ་ཤས་ཀྱིས་དེ་ནི་དགེ་ལུགས་པའི་རྙོག་དྲ་རེད། ང་ཚོ་དེའི་ནང་ཚུད་དགོས་དོན་མི་

འདུག་ཅེས་ཤོད་མཁན་ཡོད། དེ་ནི་བོད་ཀྱི་བསྟན་སྲིད་སྤྱིའི་དོན་ལ་ཐུག་ཡོད་པའི་གནད་འགག་ཁྱེད་རང་ཚོས་

ཤེས་པ་བྱེད་དགོས། གོ་བྱུང་ངམ། ཁོང་ཚོ་ཁ་ཤས་ཀྱིས་ངའི་སྐད་གོ་གི་མེད་ན་རྗེས་སུ་ཁྱེད་རང་ཚོས་ཕན་ཚུན་ བཤད་ན་འགྲིགས། ཤེས་སོང་ངམ། གང་ལྟར་དེ་ནི་བསྟན་པ་སྤྱིའི་དོན་དང་། བཅོམ་ལྡན་འདས་ཀྱི་རྗེས་འཇུག་

དགེ་ཕྲུག་ཚང་མ་དག་སྣང་ནོར་བུའི་འོད་ཀྱིས་ཁྱབ་པའི་དོན་དུ་བཤད་པ་ཡིན། ཕན་ཚུན་ཆོས་གྲོགས་ཀྱི་འདུ་

ཤེས་བཞག་དགོས་པ་ལས། དགེ་ལུགས་པ་དང་། ས་སྐྱ་པ། བཀའ་བརྒྱུད་པ། རྙིང་མ་ཞེས་རིས་སུ་བཅད་ན་

ཕན་ཐོགས་གང་ཡང་མེད། བཅོམ་ལྡན་འདས་ཐུགས་ཕམ་རྒྱུ་དང་། རྗེ་རིན་པོ་ཆེ་ཐུགས་ཕམ་རྒྱུ་ལས་ཁོང་རྣམ་

པ་མཉེས་པོ་ཡོང་གི་མ་རེད། རྗེ་རིན་པོ་ཆེའི་དགོངས་པ་གང་ཡིན་པ་༸རྒྱལ་བ་དགེ་འདུན་གྲུབ་ཀྱིས་མཁྱེན་ གྱི་རེད། སྤྱིར་ལུས་ཅན་ཀུན་ལ་བཀའ་དྲིན་སོམས། །སྒོས་ཆོས་མཛད་ཡོངས་ལ་དག་སྣང་སྦྱོངས། །དགྲ་ནང་

ན་འདུག་པའི་ཉོན་མོངས་འདུལ། །ཞེས་དང་། རང་བསྟན་པ་འཛིན་པར་ཁས་ལེན་ཅིང་། །གཞན་བསྟན་འཛིན་

དགྲ་བོའི་དྭངས་མར་འཛིན། ཚུལ་འདི་ལ་སྐྱོ་བ་གཏིང་ནས་སྐྱེས། ཞེས་སྐབས་དེར་༸རྒྱལ་བ་དགེ་འདུན་གྲུབ་ པ་གསུང་སྐད་ཤོར་ཡོད། དེང་སང་ཆོས་ལུགས་འཐེན་འཁྱེར་བྱེད་པ་འདི་དག་མི་དགོས་པ་ཡིན། ཚང་མ་

དམ་ཚིག་འོ་ཆུ་གཅིག་འདྲེས་སུ་གནས་དགོས། ཡང་དམ་ཚིག་འོ་ཆུ་གཅིག་འདྲེས་ཡིན་ཞེས་རང་ལུགས་ལ་ གཏད་སོ་མེད་པ་དེ་འདྲ་མིན་པར་གུང་ཐང་རིན་པོ་ཆེས། རང་ལུགས་གཏད་སོ་ཡོད་པ་གྱིས་ཤིག་ཨང་། །ཞེས་ གསུངས་པ་ལྟར་བྱེད་དགོས།

བསྲེ་ལྷད་ཀྱི་སྐོར་ངས་སྔོན་མ་ནས་བཤད་ཡོད། བསྲེ་ལྷད་ཟེར་བ་ནི་གང་ཟག་གཅིག་གིས་རྙིང་མའི་ཆོས་ 101

༸གོང་ས་མཆོག་གི་བཀའ་སློབ།

དང་། དགེ་ལུགས་པའི་ཆོས། ས་སྐྱའི་ཆོས། བཀའ་བརྒྱུད་པའི་ཆོས་བཅས་བྱེད་པ་ལ་ཟེར་བ་མིན། ༸གོང་ས་ ལྔ་པ་ཆེན་པོས་ལམ་རིམ་འཇམ་དཔལ་ཞལ་ལུང་གསུང་སྐབས་དེའི་ནང་རྫོགས་ཆེན་གྱི་ཆོས་སྐད་བསྲེས་གནང་ མེད་པ་དང་། རྫོགས་ཆེན་གྱི་རིག་འཛིན་ཞལ་ལུང་གསུང་སྐབས་དེའི་ནང་དགེ་ལུགས་པའི་ཆོས་སྐད་བསྲེས་པ་ གནང་མེད། བསྲེ་ལྷད་ཟེར་བ་ཕན་ཚུན་ཆོས་སྐད་བསྲེས་པ་ལ་ཟེར་བ་ཡིན། ༸རྒྱལ་བ་ལྔ་པ་རང་ཉིད་ཀྱིས་དགེ་

ལུགས་པ་དང་། ས་སྐྱ། རྙིང་མ་བཅས་གནང་གི་ཡོད་པ་དེ་ལ་བསྲེ་ལྷད་ཟེར་བ་མིན། ཕྱིས་སུ་དེ་ལ་གོ་ནོར་གྱིས་ དགེ་ལྡན་བསྟན་ལ་བསྲེ་ལྷད་འཇུག་པ་ཟེར་བ། དགེ་ལུགས་པ་ཞིག་གིས་རྙིང་མའི་ཆོས་བྱས་ན་བསྲེ་ལྷད་བྱས་པ་ ཡིན་པས་ཤུགས་ལྡན་གྱིས་ཚར་གཅོད་ཀྱི་རེད་ཅེས་ཤོད་ཀྱི་ཡོད། ཤེས་སོང་ངམ།

བོད་ནང་གི་སེ་འབྲས་དགེ་གསུམ་དང་། རྒྱུད་གྲྭ་སྟོད་སྨད་གཉིས་སོགས་འབྲེལ་ཡོད་དགེ་ལུགས་ཀྱི་

དགོན་པ་ཚང་མས་ཤེས་དགོས་པར་ངོས་ཀྱིས་དོལ་རྒྱལ་དམ་བསྒྲགས་བྱས་པ་འདིའི་མཇུག་གནོན་བྱ་རྒྱུ་ཁྱེད་

ཚོ་སྤྱི་ལ་འཁྲི་བའི་ལས་འགན་ཡིན། དེ་ལུགས་ཁྱེད་ཚོས་མཇུག་གནོན་བྱས་ཏེ་ཁུངས་སོ་སོའི་འབྲེལ་ཡོད་དགོན་ པ་ཚོར་བླ་སྤྱིའི་ཐོག་ནས་ཡི་གེ་གཏོང་དགོས་པ་བླ་སྤྱིས་བཏང་། གྲྭ་ཚང་སོ་སོའི་ཐོག་ནས་གཏོང་དགོས་པ་གྲྭ་

ཚང་སོ་སོ་དང་། ཡང་ཁང་ཚན་སོ་སོའི་ཐོག་ནས་གཏོང་དགོས་པ་ཁང་ཚན་སོ་སོས་བཏང་སྟེ་ཚང་མས་ཕྱར་གྲུ་ མཉམ་འདེགས་བྱེད་དགོས། ཤེས་སོང་ངམ། དོལ་རྒྱལ་གྱི་སྐོར་འདི་༸རྒྱལ་བ་རིན་པོ་ཆེ་གཅིག་པུ་ལས་ང་ཚོར་

བྱུས་གཏོགས་མེད་བསམ་པ་མ་བྱེད་ཅེས་ཁྱེད་རང་ཚོར་བཤད་འདོད་བྱུང་། རྒྱུད་གྲྭ་སྟོད་སྨད་གཉིས་ཀྱིས་ཁུར་

བླངས་ཏེ་བོད་ནང་གི་འབྲེལ་ཡོད་སོ་སོར་ཡིག་འགྲུལ་བྱས་ཏེ་མ་གོ་མ་ཐོས་པ་མེད་པ་བཟོ་དགོས། དེ་ལྟར་བྱས་ ན་མགོ་རྨོངས་ཏེ་དོལ་རྒྱལ་བསྟེན་མཁན་དེ་ཚོའི་གྲས་གོ་རྟོགས་སད་རྒྱུ་དང་། ཤེས་བཞིན་ཁྱད་གསོད་དང་། དྲིན་ལན་ལོག་འཇལ། གནས་དུས་ཚོད་རྩིས་བཅས་བྱེད་མཁན་གྲས་ཉུང་ཤས་དེ་དག་ཕོ་རོག་དཀར་པོ་ཐོན་རྒྱུ་ རེད། ཤེས་སོང་ངམ།

རྒྱ་དམར་གུང་ཁྲན་གྱིས་ང་བདུད་རེད་ཟེར་གྱི་ཡོད་པ་དང་། དེ་བཞིན་དོལ་རྒྱལ་བསྟེན་མཁན་ཚོས་ཀྱང་

ཏཱ་ལའི་བླ་མ་བསམ་བཞིན་དུ་སྨོན་ལམ་དབང་གིས་དགེ་ལུགས་པའི་བསྟན་པར་གནོད་པ་བྱེད་མཁན་ལ་སྐྱེས་པ་

རེད་ཤོད་ཀྱི་ཡོད་པ་རེད། དེ་སྔ་ཨ་ལོ་ཆོས་མཛད་ཀྱིས་དེ་འདྲའི་ཡི་གེ་བྲིས་ཡོད། ང་ལ་ཁྱད་པར་གང་ཡང་མི་ འདུག ང་བདུད་རེད་ཅེས་བཤད་ནའང་འགྲིག་གི་འདུག ༸རྒྱལ་བ་ལྔ་པས་ཕར་སྨོན་ལམ་ལོག་པའི་དམ་སྲི་རེད་

ཅེས་གསུངས་ཡོད། ཁོང་ཚོས་ཚུར་ང་ལ་སྨོན་ལམ་ལོག་པའི་དམ་སྲི་རེད་ཅེས་ཤོད་སྲིད། ང་སྨོན་ལམ་ལོག་ 102

༸གོང་ས་མཆོག་གི་བཀའ་སློབ།

པའི་དམ་སྲི་ཡིན་ནའང་འགྲིག་གི་འདུག ང་རང་གི་ངོས་ནས་ལྷག་བསམ་རྣམ་དག་བྱེད་ཀྱི་ཡོད། བྱང་ཆུབ་ཀྱི་

སེམས་དང་། སྟོང་ཉིད་ཀྱི་ལྟ་བ་ཉམས་ལེན་བྱེད་མཁན་ཞིག་དམ་སྲི་ཡིན་ནའང་ཨའོ་ཙི་མ་རེད་དམ། དེ་རིང་མི་ མང་པོ་འཛོམས་ཐོག་འདིར་སྐད་ཆ་བཤད་ན་བསམས་ཏེ་བཤད་པ་དང་། དེ་ཡང་བཀའ་བཏང་བ་ལྟ་བུ་མིན་པར་

རྒྱུ་མཚན་ཁུངས་ལུང་དང་བཅས་ཏེ་འགྲེལ་བཤད་ཞུས་ཡོད་པ་དེ་དག་ཚང་མའི་དགོངས་པར་འཇགས་པ་གནང་ རོགས། བཀྲ་ཤིས་བདེ་ལེགས། ཐུགས་རྗེ་ཆེ་ཞེས་དང་། ཡང་གཏམ་མཇུག་བསྡུའི་སྐད་ཆ་བཟང་པོ་ཞིག་ཞུ་ འདོད་བྱུང་། གཙོ་བོ་བོད་ནང་ཡོད་པའི་ཁྱེད་རང་ཚོ་ས་དགེ་བཀའ་རྙིང་ཇོ་ནང་བོན་དང་བཅས་པ་ཚང་མས་ཧུར་ ཐག་གནང་གི་འདུག དེ་བཞིན་རྒྱ་གར་ནང་ལོ་ཤས་སློབ་གཉེར་བྱས་ཏེ་བོད་ནང་འགྲོ་མཁན་ཚོས་ཧུར་ཐག་གནང་ གི་འདུག དེ་དག་ནི་དངོས་གནས་བསྟན་པའི་ཞབས་འདེགས་ཡིན་པས་ཧ་ཅང་དགའ་པོ་བྱུང་། རྗེས་སུ་ཡི་རངས་ དང་། ཚང་མར་ཐུགས་རྗེ་ཆེ་ཞུ་རྒྱུ་ཡིན། ང་ཚོ་རང་དབང་ལུང་པའི་ནང་ལོ་ལྔ་བཅུ་ང་གྲངས་སྡོད་རིང་གདན་

ས་གསུམ་གཙོ་བོར་གྱུར་པའི་བཤད་གྲྭ་ཁག་དེ་དག་གིས་ཧུར་ཐག་བྱས་ཡོད། ཐོག་མར་སྦག་སར་སྡོད་སྐབས་ དཀའ་ངལ་ཧ་ཅང་ཆེན་པོ་བྱུང་ཡོད།

དེ་ནས་རིམ་པས་གདན་ས་ཁག་ཚུགས་ཏེ་ཚང་མས་ཧུར་ཐག་གནང་ཡོད། དཔེ་འཁྲིད་དགེ་རྒན་ཚོ་

དང་། མཁན་པོ་ལས་ཟུར་ཚོས་ཧུར་ཐག་གནང་བར་ཐུགས་རྗེ་ཆེ་ཞུ་རྒྱུ་ཡིན། དུས་ཚོད་ཁག་པོ་དེའི་སྐབས་ང་

མི་གཅིག་ལ་ཕྱག་སྟོང་སྤྱན་སྟོང་གི་སྤྲུལ་པ་བསྟན་རྒྱུ་མེད་ཀྱང་ཡན་ལག་དང་ཉིང་ལག་ལྟ་བུ་ཁྱེད་རང་ཚོ་ཆགས་ ཡོད། ངས་འགོ་ཁྲིད་པ་དང་ཁྱེད་རང་ཚོས་ཀྱང་ང་ལ་བློ་གཏད། ཡིད་ཆེས་གནང་སྟེ་ཧུར་ཐག་འབད་ཐག་གནང་

ཡོད། ང་ཚོ་དུས་ཚོད་ཁག་པོའི་སྐབས་སུ་བཟང་པོའི་ལས་འབྲེལ་བྱུང་བའི་ནུས་པ་འདི་མ་འོངས་པར་ཚེ་རབས་

ནས་ཚེ་རབས་བར་གནས་རྒྱུ་ཡིན་པས་ཁྱེད་རང་ཚོ་བློ་བདེ་པོ་བྱས་ནས་བཞུགས། ངས་ཁྱེད་རང་ཚོ་དུས་རྟག་ཏུ་ བརྗེད་ཀྱི་མ་རེད། མཁྱེན་སོང་ངམ། ད་དུང་ཡང་ཧུར་ཐག་གནང་རོགས། ད་བར་དུ་ཧུར་ཐག་གནང་བར་ཐུགས་རྗེ་ ཆེ་ཞུ་རྒྱུ་ཡིན། ཞེས་བཀའ་སྩལ། །

103

ཆོས་ཚོགས་ཐེངས་བཅུ་པའི་གྲོས་ཆོད།

ཕྱི་ལོ་ ༢༠༠༩ ཟླ་ ༣ ཚེས་ ༦ ནས་ ༨ བར་ཉིན་གསུམ་རིང་བོད་ཀྱི་ཆོས་བརྒྱུད་ཆེན་པོ་

བཞི་དང་། གཡུང་དྲུང་བོན་བཅས་ཀྱི་དབུ་ཁྲིད་བླ་ཆེན་རྣམ་པ་དང་། མཁན་པོ། བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་བཅུ་པ་ཐེག་ཆེན་ཆོས་གླིང་ཕོ་བྲང་ཚོམས་ ཆེན་དུ་བསྐྱངས་པའི་གྲོས་གཞི་དང་གྲོས་ཆོད།

༄༅། །གྲོས་གཞི་དོན་ཚན་དགུ་ཅན་གྱི་ནང་གསེས་གྲོས་གཞི་དོན་ཚན་ལྔ་པ། དམ་སྲི་དོལ་རྒྱལ་སྐོར་གཙོ་

བོ་༸གོང་ས་༸སྐྱབས་མགོན་ཆེན་པོའི་དགོངས་གཞི་དང་རྒྱལ་སྤྱིའི་དགེ་ལྡན་ལྷན་ཚོགས། གདན་གསུམ་ བཅས་པའི་གྲོས་ཆོད་ནང་དོན་ལྟར་གདན་གསུམ་གཙོས་ཆོས་སྡེ་ཁག་ནས། རང་དོན་རང་གཅེས་ཀྱིས་དེང་ ལེགས་ཕྱོགས་སུ་འགྲོ་བཞིན་ཡང་སྤྱི་ཡོངས་ཀྱིས་གནང་ཕྱོགས་དང་། ལྷག་པར་དུ་དོལ་རྒྱལ་ཕྱོགས་གཏོགས་

པས་བོད་ཀྱི་ཆོས་སྲིད་ལ་འགལ་རྐྱེན་དང་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཀྱི་བྱ་བ་སྣ་ ཚོགས་སྤེལ་དང་སྤེལ་བཞིན་པར་བྱ་ཕྱོགས་ཇི་དགེའི་སྐོར་བཀའ་བསྡུར་གནང་རྒྱུ།

ཀ༽

གྲོས་ཆོད།

༸རྒྱལ་མཆོག་ལྔ་པ་ཆེན་པོ་མཆོག་དང་༸རྒྱལ་མཆོག་བཅུ་གསུམ་པ་ཆེན་པོ་མཆོག ༸ཀུན་གཟིགས་

པན་ཆེན་རིན་པོ་ཆེ། ཁྲི་ཆེན་ངག་དབང་མཆོག་ལྡན། འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས། ངོར་ཁང་གསར་དམ་རྡོ་རྗེ་འཆང་ངག་དབང་བློ་གྲོས་གཞན་ཕན་སྙིང་པོ། ཁང་གསར་མཁན་པོ་ངག་

དབང་ཡོན་ཏན་རྒྱ་མཚོ། རྡོ་བྲག་རིག་འཛིན་ཆེན་མོ་སྐུ་ཕྲེང་བཞི་པ་པདྨ་འཕྲིན་ལས། དགའ་ལྡན་ཁྲི་

ཐོག་བརྒྱ་པ་༸རྗེ་བཙུན་བློ་བཟང་ཉི་མ། བློ་གླིང་མཁན་ཆེན་པདྨ་རྒྱལ་མཚན་སོགས་བོད་གངས་ཅན་ གྱི་ཚད་ལྡན་སྐྱེས་ཆེན་ཤིན་ཏུ་མང་པོས་རྒྱལ་བསྟན་གཙང་མ་འཛིན་སྤེལ་དང་སྐྱེ་འགྲོའི་བདེ་དོན་ལ་ དགོངས་ནས་དམ་སྲི་དོལ་རྒྱལ་བསྟེན་གསོལ་ཐད་དམ་བསྒྲགས་མཛད་པ་དང་། ལྷག་པར་༸རྒྱལ་ མཆོག་ལྔ་པ་ཆེན་པོས་དོལ་རྒྱལ་གྱི་རྒྱུའི་ཁྱད་པར་སྨོན་ལམ་ལོག་པ་ཡིན་པ་དང་། ངོ་བོའི་ཁྱད་པར་ 105

ཆོས་ཚོགས་ཐེངས་བཅུ་པའི་གྲོས་ཆོད།

དམ་སྲི་འབྱུང་པོ་ཡིན་པ། བྱེད་ལས་ཀྱི་ཁྱད་པར་བསྟན་དང་འགྲོ་བ་ཀུན་ལ་འཚེ་བར་བྱེད་པ་ཡིན་

པར་གསུངས་པ་ལྟར། གངས་ལྗོངས་རྒྱལ་བསྟན་ཡོངས་རྫོགས་ཀྱི་མངའ་བདག་སྤྱི་ནོར་༸གོང་ས་ ༸སྐྱབས་མགོན་ཆེན་པོ་མཆོག་ནས་ཀྱང་བོད་ཀྱི་བསྟན་སྲིད་ཀྱི་བདེ་དོན་ལ་གཅིག་ཏུ་དགོངས་ནས་

དམ་སྲི་དོལ་རྒྱལ་བསྟེན་གསོལ་མི་རུང་བའི་བཀའ་སློབ་ལམ་སྟོན་རིམ་ཕེབས་ལ། དབུ་ཁྲིད་བླ་ཆེན་

རྣམ་པ་དང་། མཁན་པོ། བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་བཅུ་པ་སྤྱི་ཐོག་ནས་

མཐའ་གཅིག་ཏུ་རྒྱབ་སྐྱོར་ཞུ་རྒྱུ་དང་འབྲེལ་དགེ་ལུགས་ཀྱི་གདན་ས་ཁག་གི་དགེ་འདུན་པ་རྣམ་པས་ དམ་པའི་ཆོས་འདུལ་བ་དང་མཐུན་པར་ཚུལ་ཤིང་བཞེས་ཏེ་དོལ་རྒྱལ་བསྟེན་གསོལ་བྱེད་མཁན་དང་

ཆོས་དང་ཟང་ཟིང་གི་འབྲེལ་བ་གཙང་གཅོད་གནང་བར་ཆོས་ཚོགས་འདིའི་ཐོག་ནས་རྗེས་སུ་ཡི་རང་ ཁ༽

དང་བསྔགས་བརྗོད་ཡོད།

འཇིག་རྟེན་པའི་ལྷ་འདྲེ་སྤྱི་དང་ལྷག་པར་དམ་སྲི་གདུག་པ་ཅན་ལ་སྐྱབས་སུ་འཆའ་ན། ནང་པའི་ཆོས་

ལ་འཇུག་པའི་སྒོ་སྐྱབས་འགྲོ་དང་འགལ་བར་བརྟེན། དོལ་རྒྱལ་བསྟེན་གསོལ་བྱེད་མཁན་སྤྱི་སྒེར་

གང་ཡིན་རུང་། བོད་གངས་ཅན་གྱི་ཆོས་བརྒྱུད་གང་གིའང་ཁོངས་གཏོགས་མིན་པ་ཆོས་ཚོགས་ ག༽

འདིའི་ཐོག་ནས་གསལ་པོ་བཟོ་རྒྱུ།

འདས་པའི་ལོ་ ༣༧༠ ཙམ་གྱི་རིང་ཆོས་བརྒྱུད་ཁག་གི་སྐྱེས་ཆེན་དམ་པ་ཚོས་དོལ་རྒྱལ་གྱི་རྒྱུ་དང་ངོ་

བོ། བྱེད་ལས་བཅས་ཀྱི་ཐད་ངོས་འཛིན་དམ་བསྒྲགས་ཇི་གནང་དང་། དམ་སྲི་དོལ་རྒྱལ་བསྟེན་གསོལ་ བྱས་པར་བརྟེན་ནས་བསྟན་སྲིད་སྤྱི་སྒེར་ལ་གནོད་སྐྱོན་ཇི་བྱུང་རྣམས་ཆོས་བརྒྱུད་སོ་སོས་ཞིབ་ འཇུག་གིས་གུང་བསྒྲིགས་ཏེ་སྐད་ཡིག་དང་དྲ་རྒྱ་སོགས་བརྒྱུད་ལམ་འདྲ་མིན་བརྒྱུད་པར་འགྲེམས་

དང་། ཕྱི་ནང་གི་མི་རིགས་ཁག་ལ་དུས་རྒྱུན་རྒྱུ་མཚན་དུ་མའི་སྒོ་ནས་གསལ་བཤད་ཀྱི་ལམ་ནས་ དངོས་དོན་ཇི་ཡིན་གོ་བརྡ་འཕྲོད་ཐབས་མཛད་རྒྱུ་བཅས་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་

དྲུང་བོན་བཅས་ཀྱི་དབུ་ཁྲིད་བླ་ཆེན་རྣམ་པ་དང་བླ་ཆེན་སྐུ་ཚབ་རྣམ་པ། མཁན་པོ། བླ་སྤྲུལ་རྣམ་པ་

བཅས་གདན་འཛོམས་པའི་ཆོས་ཚོགས་ཐེངས་བཅུ་པའི་གྲོས་ཆོད་དུ། བོད་རྒྱལ་ལོ་ ༢༡༣༦ བོད་ཟླ་ ༡ ཚེས་ ༡༢ ཕྱི་ལོ་ ༢༠༠༩ ཟླ་ ༣ ཚེས་ ༨ ལ།། །། 106

ཆོས་ཚོགས་ཐེངས་བཅུ་པའི་གྲོས་ཆོད།

ཆོས་ཚོགས་ཐེངས་བཅུ་པའི་ཚོགས་ཐུན་ཁག་གི་གཙོ་སྐྱོང་བ་རྣམ་པའི་ མཚན་དང་མཚན་རྟགས།

༡༽ དཔལ་ས་སྐྱ་གོང་མ་རིན་པོ་ཆེ་མཆོག

༢༽ དཔལ་རྒྱལ་བ་ཀརྨ་པ་རིན་པོ་ཆེ་མཆོག ༣༽ སྨན་རི་ཁྲི་འཛིན་རིན་པོ་ཆེ་མཆོག ༤༽ ཤར་པ་ཆོས་རྗེ་རིན་པོ་ཆེ་མཆོག

༥༽ གྲུབ་དབང་པད་ནོར་རིན་པོ་ཆེའི་སྐུ་ཚབ་མཁན་པོ་པདྨ་ཤེས་རབ་མཆོག ༦༽ འབྲི་གུང་ཆེ་ཚང་རིན་པོ་ཆེའི་སྐུ་ཚབ་རྒྱལ་ར་ཁྲི་ཚབ་རིན་པོ་ཆེ་མཆོག ༧༽ འབྲུག་ཆེན་རིན་པོ་ཆེའི་སྐུ་ཚབ་མཁན་པོ་འཇིགས་མེད་རྡོ་རྗེ་མཆོག ༨༽ ཆོས་རིག་བཀའ་བློན་ཚེ་རིང་ཕུན་ཚོགས་མཆོག

107

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

གཞུང་འབྲེལ་གྲོས་ཆོད། སྔོན་གླེང་།

༄༅། །ལས་སྨོན་རྟེན་འབྲེལ་རྒྱུ་རྐྱེན་དུ་མའི་དབང་ལས་བོད་མིས་དོལ་རྒྱལ་བསྟེན་གསོལ་བྱ་རྒྱུ་བོད་གཞུང་

དགའ་ལྡན་ཕོ་བྲང་གི་ཆབ་སྲིད་དང༌། བོད་ལྗོངས་སྐྱེ་འགྲོའི་བདེ་སྐྱིད་ལ་གནོད་གཞི་ཆེ་བ་ལུང་རིགས་དང༌། དག་

སྣང་ཉམས་མྱོང་ཀུན་མཐུན་ཚད་གྲུབ་ལ་བརྟེན། ༸རྒྱལ་མཆོག་ལྔ་པ་ནས་བཟུང་རྒྱལ་དབང་སྐུ་ཕྲེང་རིམ་བྱོན་

གྱིས་དབུས་ཚད་ལྡན་སྐྱེས་མཆོག་དུ་མས་དགག་བྱ་མཛད་མུས་ལྟར། ༸གོང་ས་སྐུ་ཕྲེང་བཅུ་གསུམ་པ་ཆེན་ པོ་མཆོག་གིས་ཀྱང་བཀག་བསྡོམས་དོ་ནན་མཛད་སྐབས་མཁས་ཤིང་གྲུབ་པ་བརྙེས་པའི་རྩོད་མེད་ཀྱི་བསྟན་ འཛིན་སྐྱེས་བུ་ཡོངས་གྲགས་རྣམས་ནས་བཟུང་ཆབ་འབངས་དཀྱུས་མ་ཡན་ལྷ་སྡེ་མི་སྡེ་སྤྱི་ཡོངས་ནས་བཀའ་

གསུང་དྭང་ལེན་གྱི་སྤང་བླང་འགལ་མེད་ཞུས་པ་ཀུན་གྱིས་མཁྱེན་གསལ་ཡང༌། སླར་བོད་ལྗོངས་ཆབ་སྲིད་

ཉམས་དམས་སྐབས་དགོན་སྡེ་དང་བླ་སྤྲུལ། ཡུལ་མི་དཀྱུས་མ་ཚུན་དོལ་རྒྱལ་བསྟེན་གསོལ་རྒྱ་ཁྱབ་དངོས་ གསལ་ཇེ་ཆེར་གྱུར་སྟབས། སྤྱི་ནོར་༸གོང་ས་༸སྐྱབས་མགོན་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ གིས་དགོངས་དཔྱད་རྟོག་ཞིབ་ཟབ་ནན་རྒྱུན་བསྲིངས་དང༌། སྐུའི་ཡོངས་འཛིན་རྣམ་གཉིས་དང་བཀའ་གྲོས་ཞིབ་

མོལ་གནང་རྗེས་དགག་དགོས་རྒྱུ་མཚན་གསལ་གཟིགས་བྱུང་བསྟུན། གཞིས་བྱེས་བོད་རིགས་མཆོག་དམན་ ཡོངས་ལ་དོལ་རྒྱལ་བསྟེན་གསོལ་བྱ་རྒྱུ་དགག་བྱ་ཆེ་ལ་དགེ་མཚན་མེད་པས་ཚང་མས་བླང་དོར་མ་འཕྱུག་པ་

དགོས་པའི་བཀའ་སློབ་གསལ་རྗེན་ ༡༩༧༨ ལོ་ནས་བསྩལ་གནང་བཀའ་དྲིན་ཆེ་བ་བཞིན། བོད་མི་ཆེ་ཕྲ་ཕལ་

མོ་ཆེས་སྐབས་དེ་དུས་ནས་སྔར་འགྱོད་ཕྱིས་བསྡོམས་ཀྱིས་བླང་དོར་ཞུ་སྒོ་བཀའ་དགོངས་དང་མཐུན་པ་ཞུས་ བཞིན་དེ་ལྟར་ཡང༌། རྨོངས་ཞེན་ཅན་བཀའ་འཁུར་དྭང་ལེན་བྱུང་མིན་གྱི་གནས་ཚུལ་ཉུང་ཤས་བྱུང་བ་རྣམས་

འདས་པའི་ལོ་ཤས་ནང་རིམ་པས་མངོན་གསལ་ཇེ་ཆེ་དང༌། ལྷག་པར་༸གོང་ས་མཆོག་གི་བཀའ་སློབ་ཁག་

ལའང་དྲང་ངེས་ཀྱི་འགྲེལ་བརྗོད་རང་སྣང་གང་ཤར་བྱས་ཏེ་སྐྱེ་བོ་མང་པོ་བསླུ་བྲིད་འོག་ཚུད་རྒྱུའི་ཉེན་ཁ་དངོས་ བྱུང་ལ་བརྟེན། སླར་ཡང་༸གོང་ས་༸སྐྱབས་མགོན་ཆེན་པོས་འདི་ལོ་སྨོན་ལམ་གསུང་ཆོས་སྔ་རྗེས་སུ་བཀའ་ 108

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

སློབ་ཟབ་ནན་ཕེབས་དགོངས་ལ་གཞིས་ནས་བཙན་བྱོལ་བོད་གཞུང་གིས་བོད་མིའི་སྤྱི་ཚོགས་ནང་༸གོང་ས་ མཆོག་གི་བཀའ་སློབ་གཞིར་བཟུང་བླང་དོར་ཞུ་སྒོ་ཚགས་ཚུད་ཡོང་བའི་ལྕམ་རྩ་རྡོ་གནོན་གྱི་མཇུག་སྐྱོང་ཞུ་ དགོས་སྐབས་བབས་ཀྱི་ལས་འགན་འགངས་ཅན་དུ་སོང༌། སྤྱི་འཐུས་རྒྱུན་ལས་དང༌། བཀའ་ཤག སྐུ་སྒེར་ཡིག་

ཚང་བཅས་ནས་གསལ་བསྒྲགས་ཞིབ་འཇུག་བཏང་འཛིན་ནན་འཐུས་གནང་བ་གང་ལེགས་བྱུང་འདུག་ཅིང༌། དེ་ ལ་བརྟེན་ནས་རྣམ་འབྱེད་ཤེས་རབ་ཀྱིས་འཕོངས་པ་རེ་ཟུང་ཙམ་ལས་དེ་མིན་བོད་རིགས་ཡོངས་ནས་རང་དོན་

རང་གཅེས་ཀྱི་བཀའ་འཁུར་དྭང་ལེན་བླང་དོར་འཛོལ་མེད་ཚུལ་བཞིན་ཞུས་འདུག་པ་ཡི་རངས་བསྔགས་བརྗོད་

ཀྱི་གནས་སུ་གྱུར། འོན་ཀྱང་གཞན་དབང་དུ་སོང་བའི་སྐྱེ་བོ་ཆེས་ཉུང་ཤས་ཤིག་གིས་རང་ཉིད་ངོ་ཐོན་མ་ནུས་ ཀྱང་མིང་མེད་ཡིག་འཁྱར་འགྲེམས་སྤེལ་དང༌། ཕྱི་གླིང་པའི་མི་རིགས་བློ་ཆུང་རེ་ཟུང་ལ་བརྒྱུད་བསྐུལ་གྱིས་རྒྱལ་

སྤྱིའི་ནང་གཏམ་འཆལ་ཁྱབ་སྤེལ། ༸གོང་ས་ཆེན་པོར་མཚན་སྨད་ཞུ་བ་སོགས་དང༌། ཡང་རྨོངས་ཞེན་ཨུ་ཚུགས་

ཅན་འགའ་རེས་དོལ་རྒྱལ་བསྟེན་གསོལ་ཆོག་འཐུས་བཀའ་འཁྲོལ་ཞུ་བའི་༸གོང་ས་ཆེན་པོར་༸སྙན་ཞུ་འབུལ་ རིགས་ཀྱང་བྱུང་འདུག་པ་བཅས་བྱུང་རིམ་འདི་དག་ལ་གཞིགས་ན། བོད་མི་མང་སྤྱི་འཐུས་ལྷན་ཚོགས་ཀྱིས་བོད་ གཞུང་གི་འདིའི་སྐོར་སྲིད་བྱུས་འཛིན་ཕྱོགས་ཇི་ཡིན་གསལ་བཀྲོལ་དང་འབྲེལ་བླང་དོར་ལམ་སྟོན་གསལ་འཁོད་ ཀྱི་གྲོས་ཆོད་ཅིག་འཇོག་རྒྱུ་ལོ་རྒྱུས་ཀྱི་དགོས་མཁོ་ཡིན་པར་མཐོང༌། ༡༽

གྲོས་ཆོད།

སྤྱི་ནོར་༸གོང་ས་༸སྐྱབས་མགོན་ཆེན་པོས་བོད་བསྟན་སྲིད་ཀྱི་བདེ་དོན་ཁོ་ནར་དགོངས་ཏེ་དོལ་

རྒྱལ་བསྟེན་གསོལ་མི་རུང་བའི་བཀའ་སློབ་གསལ་རྗེན་འཛེམས་ཟོན་མེད་པར་བསྩལ་གནང་མཛད་

པར་སྤྱི་འཐུས་ལྷན་ཚོགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༸གོང་ས་ཆེན་པོར་

ཐུགས་རྗེ་དང་བཀའ་དྲིན་བླ་མེད་དུ་ཆེ་ཞེས་གསོལ་བ་དང་ཆབས་ཅིག་བོད་མི་ཡོངས་ཀྱིས་ཅི་གསུང་ ༢༽

བཀའ་བསྒྲུབ་ཞུ་རྒྱུའི་དམ་བཅའ་བསྐྱར་ནན་འབུལ་རྒྱུ་དང༌།

སྐབས་བཅུ་གཅི ག ་པའི ་ སྤྱི ་ འཐུས་རྒྱུན་ལས་དང༌། བཀའ་ཤག་བཅས་ནས་འདི འི ་ སྐོར་གསལ་

བསྒྲགས་སྔ་རྗེས་གནང་བ་རྣམས་ལ་སྤྱི་ལྷན་གྱིས་ངོས་བཞེས་བསྐྱར་ནན་དང་འབྲེལ་བོད་མི་ཡོངས་ ལ་དེ་མཐུན་བླང་དོར་འཛོལ་མེད་ཡོང་བའི་གཞེན་སྐུལ་ནན་པོ་ཞུ་རྒྱུ། 109

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

༣༽

༤༽

ད་ལམ་༸གོང་ས་མཆོག་གི་བཀའ་སློབ་དང༌། བོད་གཞུང་བཀའ་སྤྱིས་གསལ་བསྒྲགས་བྱུང་འཕྲལ་

བཀའ་དགོངས་དྭང་ལེན་བླང་དོར་འཛོལ་མེད་གནང་མཁན་གྱི་དགོན་སྡེ་དང༌། སྒྲིག་འཛུགས་ཁག བླ་ སྤྲུལ་དགེ་བཤེས། ཡུལ་མི་སེར་སྐྱ་བཅས་སྤྱི་སྒེར་ཚང་མར་ཡི་རངས་བསྔགས་བརྗོད་ཞུ་རྒྱུ།

ད་ལྟ་བླང་དོར་ཚུལ་བཞིན་མ་ཟིན་ཡང་གནས་ཚུལ་ཇི་བཞིན་མ་རྟོགས་པར་གཞན་གྱི་རྫུན་གཏམ་འོག་

མགོ་བོ་རྨོངས་བསྡད་རྣམས་ལ་བོད་གཞུང་ཆོས་རིག་ལྷན་ཁང་སོགས་འབྲེལ་ཡོད་ལས་ཁུངས་དང༌།

ལས་བྱེད་ཁག་གི་མདུན་ནས་༸གོང་ས་མཆོག་གི་བཀའ་སློབ་སྔ་རྗེས་ཀྱི་ཕྱག་དེབ་དང༌། སྒྲ་འཛིན་

འཁོ ར ་ཐག་སོ ག ས་ཞུས་ཏེ ་ཉམས་ཞིབ ་དོ ག ས་གཅོད ་ཀྱི ་ སྒོ ་ ནས་གོ་ རྟོ ག ས་ཡང་དག་སྤེ ལ་ཏེ ་ ཐག་ ༥༽

གཅོད་བླང་དོར་འཛོལ་མེད་འཕྲལ་དུ་གནང་དགོས་ཀྱི་འབོད་བསྐུལ་ཞུ་རྒྱུ།

རེ་འགའ་བཙན་བྱོལ་བོད་གཞུང་གིས་དོལ་རྒྱལ་བསྟེན་གསོལ་སྐོར་དགེ་སྐྱོན་གསལ་བཤད་གནང་

བ་ཆོས་དད་རང་མོས་ཀྱི་ཐོབ་ཐང་དང་འགལ་ཚུལ་གྱི་གཞི་མེད་བསྒྲགས་གཏམ་སྤེལ་མཁན་རྣམས་

ལ་ཆོས་ལུགས་གཞིར་བཟུང་འཇིག་རྟེན་དྲེགས་པ་བསྟེན་གསོལ་འོས་མིན་ལམ་སྟོན་བྱ་རྒྱུ་ནི་ཆོས་ ཀྱི་སློབ་སྟོན་ཞིག་ལས་ཆོས་དད་རང་དབང་གི་གནས་ཚུལ་ལ་དོ་ཕོག་གཞར་ཡང་མེད་པའི་བདེན་

དོན་གནས་ལུགས་ནན་བརྗོད་བྱ་རྒྱུ་ཞིག་ལ། ལུང་རིགས་ཀྱི་ལམ་ནས་དྲེགས་པ་བསྟེན་གསོལ་འོས་

མིན་རྣམ་འབྱེད་བྱེད་པ་དེ་དག་ཆོས་དད་རང་དབང་གི་ཐོབ་ཐང་ལ་འགལ་ཟླར་གྱུར་ཚེ། ཆོས་བརྒྱུད་ སོ་སོའི་རང་ལུགས་དང་བསྟུན་ཏེ་དཔེར་ན། ཁ་ཆེའི་ཆོས་ཁང་ནང་སངས་རྒྱས་ཀྱི་སྐུ་བརྙན་འཇོག་མི་ ཆོག་པ་དང༌། ནང་པས་དབང་ཕྱུག་སོགས་ལྷ་གཞན་སྐྱབས་སུ་འཛིན་པ་སྐྱབས་འགྲོ་གཏོང་བའི་རྒྱུར་

བཤད་པའང་ཆོས་དད་རང་དབང་དང་འགལ་བར་ཐལ་ཞིང༌། མདོ་དོན་སྟོན་པ་ཐུགས་རྗེ་ཅན་གྱིས་མི་

དགེ་བཅུ་སྤོང་གི་ཚུལ་ཁྲིམས་གསུངས་པའང་འདོད་དབང་དང༌། སྨྲ་བརྗོད། བསམ་བློའི་རང་དབང་

བཅས་དང་འགལ་ཚུལ་གྱི་འཁྱོག་བཤད་བྱེད་པ་དང་ཀུན་ནས་མཚུངས་ཤིང༌། བརྒྱ་ལ་རང་དབང་ཐོབ་ ཐང་ཞིག་གི་གྲལ་དུ་རྟོག་པས་མཐའ་བཟུང་གིས་ཚུད་དབང་བཏང་ནའང༌། བོད་མིའི་འཕྲལ་ཕུགས་ཀྱི་རྩ་

དོན་དང་མང་ཚོགས་ཀྱི་ཁེ་ཕན་ཆེད་ཁྲིམས་ལུགས་གང་རུང་འོག་བཀའ་བསྡོམས་བྱ་འཐུས་ཀྱི་ཆ་རྐྱེན་ བཙན་བྱོལ་བོད་མིའི་བཅའ་ཁྲིམས་རིན་པོ་ཆེར་གསལ་ཡོད་པའང་མཁྱེན་དགོས་པ་ཞིག་ཡིན། 110

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

༦༽

ཡང་བདེན་པ་མིན་པའི་སྦིར་གཏམ་འགའ་ཞིག་ནང༌། དོལ་རྒྱལ་བསྟེན་གསོལ་བཀག་འགོག་བྱ་རྒྱུ་བླ་

མ་བརྒྱུད་པའི་ཕྱག་བཞེས་དང་མི་མཐུན་པ་ཡིན་ཚུལ་བརྗོད་མཁན་བྱུང་འདུག་པ་དེ་ནི་༸རྒྱལ་བ་སྐུ་ ཕྲེང་ན་རིམ་དང༌། བོད་ཀྱི་བསྟན་འཛིན་གྲགས་ཅན་རིམ་བྱོན། ལྷག་པར་༸གོང་ས་༸སྐྱབས་མགོན་ སྐུ་ཕྲེང་བཅུ་གསུམ་པས་དོལ་རྒྱལ་བསྟེན་གསོལ་བཀག་འགོག་གནང་སྐབས། སྐབས་དེའི་མཁས་

གྲུབ་ཀྱི་སྐྱེས་ཆེན་ཡོངས་གྲགས་ཚང་མས་དགོངས་དབྱངས་གཅིག་མཐུན་གྱི་བླང་དོར་དང་ལེན་

མཛད་པ་མ་ཟད། སྐུ་ཕྲེང་བཅུ་བཞི་པ་ཆེན་པོས་ཀྱང་སྐུའི་ཡོངས་འཛིན་གཉིས་ཀྱིས་མཚོན་ཚད་ལྡན་ བླ་མ་བརྒྱུད་པའི་དགོངས་པ་ཚུལ་བཞིན་སྒྲུབ་གནང་མཛད་པ་ཞིག་ཡིན་སྟབས། གོང་འཁོད་སྦིར་

གཏམ་དེ་རང་འདོད་ཕྱོགས་ཞེན་ཁོ་ན་ལས་གཞི་རྩ་གཏན་ནས་མེད་པའི་གསལ་བརྗོད་ནན་པོ་བྱེད་ ༧༽

རྒྱུ།

ཡང་འགའ་ཞི ག ་གི ས ་བོ ད ་མི ་ འགའ་ཤས་ནས་ཁྱིམ་ཚང་དང་གང་ཟག་བྱེ ་ བྲག་པ་འགའ་རེ ར ་ལྷ་

སྲུང་བསྟེན་ཕྱོགས་ལ་བསྙད་པའི་བསྙད་གཙེར་དང༌། ལྷ་སྐུ་རྟེན་ཆས་བཙན་འཁྱེར་བྱས་པ། ལས་ བྱེ ད ་པ་ལས་འཁུར་ནས་ཕྱི ར ་འབུད་བྱས་པ་སོ ག ས་ཀྱི ་ རྫུན་གཏམ་སྤེ ལ ་འདུག་པ་དེ ་ དག་དངོ ས ་

བདེན་ར་འཕྲོད་འཕེར་བ་གཅིག་ཀྱང་མི་འདུག གལ་སྲིད་དེ་འདྲའི་གནས་ཚུལ་བྱུང་དང་འབྱུང་སྲིད་ ཚེ་བྱ་སྤྱོད་དེ་རིགས་༸གོང་ས་མཆོག་གི་དགོངས་བཞེད་དང༌། བཙན་བྱོལ་གཞུང་གི་མཛད་བྱུས་

གཏན་ནས་མིན་པ་མ་ཟད། གཞུང་ངོས་ནས་དགག་བྱ་སྐྱོན་བརྗོད་ཤུགས་ཆེ་བྱེད་རྒྱུ་ཡིན་པས། སྤྱི་ ༨༽

སྒེར་སུ་ཐད་ནས་དེ་རིགས་མི་འབྱུང་བའི་འབོད་བསྐུལ་ཞུ་རྒྱུ།

མདོ་དོན། བཙན་བྱོལ་བོད་གཞུང་གི་འཛིན་སྐྱོང་དབང་བྱུས་འོག་ཡོད་པའི་སྒྲིག་འཛུགས་ལས་ཁུངས་

ཁག་དང༌། སྡེ་ཚན་ཁག་དགོན་སྡེ་ཁག་མ་ལག་དང་བཅས་པའི་ནང་དོལ་རྒྱལ་བསྟེན་གསོལ་ནམ་ཡང་ མི་ཆོག་པའི་བཀོད་འདོམས་ཁྲིམས་སྒྲིག་གཞིར་བཟུང་བྱེད་རྒྱུ་དང༌། ཡུལ་མི་བྱེ་བྲག་པ་རྣམས་ལ་དོལ་

རྒྱལ་བསྟེན་གསོལ་བྱེད་ཚེ་བོད་ཀྱི་སྤྱི་དོན་དང༌། ༸གོང་ས་མཆོག་གི་སྐུ་ཕྱྭར་འགལ་རྐྱེན། རྒྱ་འདྲེའི་ མགོ་འཕང་མཐོ་རྐྱེན་བཅས་སུ་འགྲོ་བ་བཅས་ལུང་རིགས་ཀྱི་ལམ་ནས་ཚད་གྲུབ་ཡིན་པའི་གནས་ཚུལ་

གསལ་བཤད་ཐོག དེ་རྗེས་ཇི་དགེའི་ཐག་གཅོད་སོ་སོར་རང་འདོད་ལྟར་གནང་རྒྱུ་ལས། བཙན་ཤེར་ 111

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

བྱ་འོས་མ་མཆིས་ཀྱང༌། དོལ་རྒྱལ་བསྟེན་གསོལ་བྱེད་མཁན་ཞིག་ཡིན་ཚེ། ༸གོང་ས་མཆོག་གི་སྐུ་ མདུན་ནས་སྔགས་ཀྱི་དབང་ལུང་སོགས་ཞུ་བཅར་མི་འོས་པའི་འབོད་བསྐུལ་ནན་པོ་གནང་རྒྱུ་བཅས་

ཀྱི་སྤྱི་མོས་གྲོས་ཆོད་དུ། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༡༩༩༦ ཟླ་ ༦ ཚེས་ ༦ ལ།།

གོང་གསལ་གྲོས་ཆོད་འདི་བཞིན་ ༡༩༩༦ ཟླ་ ༦ ཚེས་ ༦ ཉིན་སྐབས་བཅུ་གཉིས་པའི་སྤྱི་འཐུས་ལྷན་ཚོགས་ཀྱི་གྲོས་

ཚོགས་ཚོགས་དུས་དང་པོར་བགྲོ་གླེང་ཞིབ་རྒྱས་ཐོག་སྤྱི་མོས་ཀྱིས་གཏན་འབེབས་ཞུས་པར་ཚད་འཛིན་བྱེད།

112

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

གཞུང་འབྲེལ་གྲོས་ཆོད། སྔོན་གླེང་།

༄༅། །བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༡༩༩༦ ཟླ་ ༦ ཚེས་ ༦ ཉིན་སྤྱི་མོས་ཀྱིས་བཞག་ པའི་དོལ་རྒྱལ་བསྟེན་གསོལ་བཀག་འགོག་བྱེད་ཕྱོགས་དོན་ཚན་བརྒྱད་འཁོད་ཀྱི་གྲོས་ཆོད་དེ་བཞིན་གནད་

དོན་ཚང་ལ་གསལ་ཁ་དོད་པ། སྤྱི་སྒེར་ཚང་མས་བླང་དོར་ལམ་སྟོན་དུ་བཟུང་ཆོག་པ་ཞིག་བྱུང་ཡོད་པ་དང་། དེ་ལ་བརྟེན་ནས་བོད་མིའི་སྤྱི་ཚོགས་སུ་དོལ་རྒྱལ་བསྟེན་གསོལ་བཀག་སྡོམ་བྱེད་ཕྱོགས་སྐོར་གོ་རྟོགས་གོང་ འཕེལ་དང་། དོགས་གཞི་བསལ་རྒྱུར་ཕན་ཐོགས་ཆེན་པོ་བྱུང་འདུག་ཅིང་། གཞན་གྱི་བསླུ་བྲིད་འོག་ཚུད་པའི་

བོད་མི་ཚད་ལྡན་མང་པོ་དངོས་དོན་གོ་རྟོགས་ཀྱི་ལམ་ནས་སྔ་འགྱོད་ཕྱིས་བསྡོམས་ཀྱི་སྤང་བླང་ཞུ་མཁན་ཇི་ སྙེད་ཅིག་བྱུང་འདུག་པ་དེ་དག་དགའ་བསུ་དང་བསྔགས་བརྗོད་ཀྱི་ཡུལ་ཡིན་པ་དེ་ལྟར་ཡང་། སྤྱི་ལྷན་གྱི་གྲོས་

ཆོད་སྔ་མ་འཇོག་པའི་སྐབས་ལྷ་སྲུང་བསྟེན་གསོལ་ལ་རྨོངས་ཞེན་ཙམ་ལས་སྲིད་ཀྱི་ཡོ་ལངས་དེ་ཙམ་མེད་

ནའང་། བར་སྐབས་དེར་དོལ་རྒྱལ་བསྟེན་གསོལ་ལ་རྨོངས་ཞེན་ཅན་གྱི་སྐྱེ་བོ་བསམ་མེད་རེ་ཟུང་རྒྱ་དམར་གྱི་ ཐད་ཀའི་བེད་སྤྱོད་འོག་སོང་ནས། ད་ཆ་དོལ་རྒྱལ་གྱི་གནད་དོན་འདི་རྒྱ་དམར་གྱི་སྲིད་བྱུས་ཀྱི་ལག་ཆ་ཞིག་ ཏུ་གྱུར་ཏེ། ༸གོང་ས་མཆོག་དང་། བཙན་བྱོལ་བོད་གཞུང་ལ་རྒོལ་སེམས་འཆང་བའི་རྒྱ་དམར་རྗེས་འབྲངས་

ཡོད་ཚད་དང་ཁྱི་སྤྱང་ལག་སྦྲེལ་གྱིས། ༸གོང་ས་༸སྐྱབས་མགོན་ཆེན་པོར་དངོས་སུ་མཚན་སྨོད་དང་། བཙན་ བྱོལ་བོད་གཞུང་ལ་གཞི་རྩ་མེད་པའི་སྐྱོན་བརྗོད། བོད་མི་ནང་ཁུལ་རྒྱུ་དངུལ་དང་སྡིགས་ར། བསླུ་བྲིད་བཅས་

ཐབས་ལམ་རྣམ་པ་དུ་མས་དབྱེན་སྦྱོར་དཀྲུགས་ཤིང་བྱེད་བཞིན་པའི་ཐོག་དོལ་རྒྱལ་གྱི་རྙོག་དྲ་རྒྱལ་ཁབ་མང་ པོར་ཁྱབ་བརྡལ་གཏོང་ཐབས་བྱས་ཏེ་བོད་དང་བོད་མིའི་རྩ་དོན་ལ་གནོད་པའི་ལས་འགུལ་གང་ཐུབ་ཀྱི་འཆར་ གཞི་དང་། དེའི་ཆེད་ཟད་མཐའ་མེད་པའི་དཔལ་འབྱོར་གྱི་རྒྱབ་རྟེན། ངན་བྱུས་ཀྱི་ལམ་སྟོན་བཅས་ཡོད་པ་ཧ་

ཅང་གསལ་པོ་ཆགས་པ་མ་ཟད། བོད་ནང་དུའང་རྒྱ་དམར་གྱིས་ངོས་འཛིན་བྱས་པའི་པན་ཆེན་ལ་ངོས་ལེན་ ཆེ་བསྟོད་དང་། རྫུན་གཏམ་དྲིལ་བསྒྲགས་སྣ་ཚོགས་སྤེལ་བཞིན་པ་མ་ཟད། བཙན་བྱོལ་བོད་མིའི་སྤྱི་ཚོགས་ 113

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

ནས་དངོས་སུ་འཇིགས་བསྐུལ་རིང་ལུགས་པའི་དྲག་སྤྱོད་ལག་བསྟར་གྱི་ཐོག་ནས་ལས་འགུལ་སྣ་ཚོགས་བྱེད་ བཞིན་པ་འདི་དག་ལ་བརྟེན། ད་ཆ་སླར་ཡང་ཁོ་ཚོར་གདོང་ལེན་བྱེད་སྟངས་སྔར་ལས་ལྷག་པའི་ཆབ་སྲིད་དང་ ཁྲིམས་ཀྱི་ཤུགས་ནུས་ལྡན་པའི་ལས་འགུལ་དོལ་རྒྱལ་ཁར་འཁྱེར་གྱིས་བཟོས་པའི་སྲིད་དོན་གྱི་ངན་གཡོ་

མཐའ་དག་གཙང་སེལ་མ་བྱུང་བར་མུ་མཐུད་བྱ་གལ་ཆེ་བས་གྲོས་ཆོད་སྔོན་མའི་རྒྱབ་ནོན་དང་། ལས་འགུལ་ རྒྱུན་འཁྱོང་ཡོང་ཆེད་སླར་ཡང་ལམ་སྟོན་གྲོས་ཆོད་ཅིག་འཇོག་དགོས་གལ་ཆེར་མཐོང་།

༡༽

༢༽

༣༽

༤༽ ༥༽

གྲོས་ཆོད།

སྤྱི་ལྷན་གྱིས་ཕྱི་ལོ་ ༡༩༩༦ ཟླ་ ༦ ཚེས་ ༦ ཉིན་སྤྱི་མོས་ཀྱིས་བཞག་པའི་གྲོས་ཆོད་དོན་ཚན་ཚང་

མར་ངེས་གཏན་བསྐྱར་ཟློས་ཀྱིས་རྒྱབ་ནོན་དང་སྦྲགས་གྲོས་ཆོད་ཀྱི་འབྲུ་དོན་ཐོག་མང་ཚོགས་ཀྱི་ ཐུགས་སྣང་བསྐྱར་བསྐུལ་བྱེད་རྒྱུ།

དོལ་རྒྱལ་བསྟེན་གསོལ་གྱི་ཉེས་སྐྱོན་གསལ་སྟོན་གྱི་དྲིལ་བསྒྲགས་མུ་མཐུད་རྒྱུན་བསྲིངས་དང་།

དེའི་སྐོར་ཡིག་ཆ་དང་། སྒྲ་འཛིན་འཁོར་ཐག གློག་བརྙན་འཁོར་ཐག་བཅས་མང་ཚོགས་ལ་བདེ་བླག་ ཏུ་ཐོབ་ཐབས་དམ་དོན་བྱེད་རྒྱུ།

དོལ་རྒྱལ་བསྟེན་གསོལ་བྱེད་མཁན་ཉུང་ཤས་ཀྱིས་རྒྱ་དམར་དང་ངན་པ་ལག་སྦྲེལ་གྱི་ཕྱི་ནང་གང་

སར་ལས་འགུལ་སྣ་ཚོགས་སྤེལ་བཞིན་པ་འདི་དག་ལ་ཁྲིམས་མཐུན་གྱི་གདོང་ལེན་འཐུས་ཤོར་མེད་ པ་བྱེད་རྒྱུ།

བདེན་པ་མེད་པའི་རྫུན་གཏམ་གྱི་དྲིལ་བསྒྲགས་མང་ཚོགས་མགོ་སྐོར་བསླུ་བྲིད་ཀྱི་ལས་དོན་ཁག་ལ་

ཚད་ལྡན་གྱི་གསལ་བཤད་ལན་འདེབས་མུ་མཐུད་བྱེད་རྒྱུ།

དོལ་རྒྱལ་བསྟེན་གསོལ་མི་བྱེད་མཁན་རྣམས་ལ་འཇིགས་བསྐུལ་དྲག་གནོན་དང་། འགྲོ་བ་མིའི་

ཐོབ་ཐང་བརྡལ་བཤིག་བཏང་དང་གཏོང་འཆར་ཡོང་བཞིན་པ་རྣམས་ལ་ཉེན་སྲུང་དང་། གདོང་ལེན། ཁྲིམས་མཐུན་སྲུང་སྐྱོབ་ཐོབ་ཐབས་དམ་དོན་བྱ་རྒྱུ། 114

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

༦༽

ལྷག་པར་གདན་ས་ཁག་ཏུ་དོལ་རྒྱལ་བསྟེན་གསོལ་ལ་དགག་བྱ་དོ་དམ་སྔོན་ཡོད་རྣམས་ཉམས་མེད་

རྒྱུན་གནས་ཡོང་ཐབས་དང་། དོ་དམ་ཚད་ལྡན་མ་བྱུང་བ་རྣམས་སུ་རིམ་པས་དོ་དམ་ཚད་ལྡན་སྒྲིག་

སྲོལ་སྤྱི་མཚུངས་ཡོང་ཐབས་ཁུངས་སོ་སོའི་མཁན་བླ་ལས་སྣེ་དང་། དཔེ་ཁྲིད་དགེ་རྒན་ཁག་བརྒྱུད་ གཞེན་བསྐུལ་མུ་མཐུད་བྱེད་རྒྱུ་དང་། ལྷག་པར་གྲྭ་རྐྱང་ཉམ་ཆུང་འགའ་ཤས་དོལ་རྒྱལ་བསྟེན་གསོལ་ བའི་བཙན་འོག་ཏུ་ཚུད་དེ་མི་འདོད་བཞིན་དུ་གདན་སའི་སྤྱི་སྒྲིག་བརྩི་འཁུར་མ་ཐུབ་པ་ཡོད་པ་དེ་དག་ ༧༽

༨༽

༩༽

བཙན་འོག་ལས་ཐར་ཐབས་ཀྱི་ཁྲིམས་མཐུན་མཐུན་འགྱུར་དང་ཕན་གྲོགས་བྱེད་རྒྱུ།

དོལ་རྒྱལ་བསྟེན་གསོལ་བ་འགའ་ཤས་ལ་རྒྱ་དམར་གྱིས་སྲིད་དོན་ཆེད་འགོ་འདོན་རྒྱབ་སྐྱོར་དང་།

བོད་ཕྱི་ནང་དུ་ཁོ་ཚོའི་ལས་འགུལ་ལ་མཐུན་འགྱུར་བྱས་པའི་ངེས་ཅན་གྱི་སྲིད་བྱུས་དེར་གདོང་ལེན་ དང་དགག་བྱ་ནུས་ཤུགས་ཐོན་པ་བྱེད་རྒྱུ།

ད་སྔོན་གནས་ཚུལ་མ་ཤེས་པའི་དབང་གིས་དོལ་རྒྱལ་བསྟེན་གསོལ་བྱེད་མཁན་ད་ཆ་རང་འདོད་

ཀྱིས་མཚམས་འཇོག་བྱེད་འདོད་ཡོད་རིགས་ལ་ངོས་ལེན་དང་། ཁོ་ཚོར་སྤྱི་ཚོགས་ནང་དཀའ་ངལ་ མི་འབྱུང་བའི་མཐུན་འགྱུར་བྱེད་རྒྱུ།

༸གོང་ས་མཆོག་གི་སྔགས་ཀྱི་ཆོས་འབྲེལ་དང་། སོ་ཐར་གྱི་བསླབ་སྡོམ་བསྩལ་རིགས་རྣམས་སུ་

དོལ་རྒྱལ་བསྟེན་གསོལ་བ་འཛུལ་ཞུགས་མི་ཡོང་བའི་དབྱེ་གསེས་ལྷོད་མེད་དམ་དོན་ཡོང་བ་བྱེད་རྒྱུ།

༡༠༽ ས་གནས་རྒྱ་གར་གཞུང་གི་དབུས་འབྲེལ་ཡོད་ཁག་ལ་ཁོ་ཚོའི་གནས་ཚུལ་གསལ་སྟོན་བྱེད་ཆེད་ མང་ཚོགས་ནས་གནས་ཡིག་གང་མང་གཏོང་རྒྱུ།

༡༡༽ ལྷག་པར་མང་ཚོགས་ནང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་སྒྲིག་འཛུགས་ཁག་ དང་གང་ཟག་སྒེར་བཅས་ཚང་མས་དོལ་རྒྱལ་བསྟེན་གསོལ་བཀག་སྡོམ་ཚད་ལྡན་ཡོང་ཐབས་ཆེད་

༸གོང་ས་ཆེན་པོའི་བཀའ་སློབ་སྔ་རྗེས་དང་། བཙན་བྱོལ་བོད་གཞུང་གི་གྲོས་ཚོགས་དང་། འཛིན་སྐྱོང་ སྡེ་ཚན་ཁག་གི་ལམ་སྟོན་སྔ་རྗེས་ཀྱི་འབྲུ་དོན་དང་འགལ་མེད་ཐོག་ཞི་འཇམ་ཁྲིམས་མཐུན་གྱི་ཐོག་ ནས་ལས་འགུལ་རྒྱུན་སྐྱོང་ཡོང་ཐབས་དང་། ཕ་རོལ་པོའི་ངན་གཡོའི་དབང་གིས་ལས་འགུལ་དེ་ཚོའི་ 115

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

ཐོག་ཐལ་ཆ་དང་སྐྱོན་གནས་ཡོང་གཞིའི་གཡོ་བྱུས་ལ་སྤྱང་གྲུང་འཛོམས་པོས་ངོས་འཛིན་དང་། གདོང་

ལེན་མ་འཕྱུག་པ་བྱེད་རྒྱུ་བཅས། གོང་གསལ་དོན་ཚན་ཁག་ལ་གཞུང་མང་སྒེར་གསུམ་གྱི་ཐོག་ནས་ སྤྱི་དོན་ཕྱར་གྲུ་མཉམ་འདེགས་དགོས་པའི་གཞེན་བསྐུལ་དང་ལམ་སྟོན་གྱི་སྤྱི་མོས་སམ་མང་མོས་ གྲོས་ཆོད་དུ། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༡༩༩༧ ཟླ་ ༩ ཚེས་ ༡༧ ལ།།

སྐབས་བཅུ་གཉིས་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པར་བགྲོ་གླེང་ཞིབ་རྒྱས་ཐོག་

སྤྱི་མོས་ཀྱིས་གཏན་འབེབས་ཞུས་པར་ཚད་འཛིན་བྱེད། སྤྱི་འཐུས་ལྷན་ཚོགས་ཀྱིས་ ༡༩༩༧ ཟླ་ ༩ ཚེས་ ༢༧ ལ།།

116

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

གཞུང་འབྲེལ་གྲོས་ཆོད། སྔོན་གླེང་།

༄༅། །བོད་ལྗོངས་སྐྱེ་འགྲོའི་འཕྲལ་ཡུན་བདེ་སྐྱིད་དང་བསྟན་སྲིད་རྒྱས་ཐབས་ཁོ་ནའི་ཆེད་༸གོང་ས་ཐམས་

ཅད་མཁྱེན་པ་སྐུ་ཕྲེང་ལྔ་པ་ཆེན་པོ་ནས་བཟུང་། གངས་ཅན་ལྗོངས་ཀྱི་སྔོན་བྱོན་མཁན་གྲུབ་གཉིས་ལྡན་རིས་ མེད་བླ་ཆེན་མང་པོས་དགག་བྱ་མཛད་པ་ལྟར། ༸གོང་ས་ལྷ་མིའི་རྣམ་འདྲེན་སྐུ་ཕྲེང་བཅུ་བཞི་པ་ཆེན་པོས་ཀྱང་ དཔྱད་པ་གསུམ་གྱི་སྒོ་ནས་ཆོས་མཐུན་བརྟག་དཔྱད་ཞིབ་འཇུག་ཟབ་ནན་བསྐྱངས་རྗེས་དགག་དགོས་རྒྱུ་མཚན་

དུ་མར་དགོངས་བཞེས་ཀྱིས་དོལ་རྒྱལ་བསྟེན་གསོལ་ཐོག་ལོ་མང་གོང་ནས་དགེ་སྐྱོན་བཀའ་སློབ་རིམ་བསྟུད་ མཛད་པ་མ་ཟད། བོད་མི་མང་སྤྱི་འཐུས་ལྷན་ཚོགས་ཀྱིས་དོལ་རྒྱལ་བསྟེན་ཕྱོགས་སྐོར་སྐབས་བཅུ་གཉིས་པའི་

གྲོས་ཚོགས་ཚོགས་དུས་དང་པོར་ཕྱི་ལོ་ ༡༩༩༦ ཟླ་ ༦ ཚེས་ ༦ དང་། གྲོས་ཚོགས་ཚོགས་དུས་བཞི་པར་ ཕྱི་ལོ་ ༡༩༩༧ ཟླ་ ༩ ཚེས་ ༡༧ སོ་སོར་གཞུང་འབྲེལ་གྲོས་ཆོད་ཁག་གཉིས་སྤྱི་མོས་སུ་གཏན་འབེབས་ཡོད་

པའི་འབྲུ་དོན་རྣམས་ལ་གདན་ས་ཁག་གི་བླ་སྤྲུལ་དགེ་བཤེས་རྣམས་ཀྱིས་གཙོས་དགེ་འདུན་པ་མང་ཆེ་བ་དང་། བོད་མི་བསམ་ཡོད་ཕལ་ཆེ་བས་སྔ་འགྱོད་ཕྱི་བསྡོམས་ཀྱིས་༸རྒྱལ་བའི་བཀའ་དགོངས་དང་ལེན་སྤང་བླང་ཚུལ་

བཞིན་ཞུས་པར་བརྟེན་བོད་ཀྱི་རྩ་དོན་ཐོག་ཕན་ཐོགས་དགེ་མཚན་གཟེངས་ཐོན་བྱུང་ཡོད་ཀྱང་། བླང་དོར་གྱི་ གནས་ལ་རྨོངས་ཤིང་གཞན་དབང་སོང་བའི་བོད་མི་ཉུང་ཤས་ནས་བོད་མིའི་སྤྱི་དོན་དང་། ༸རྒྱལ་བའི་སྐུ་ཕྱྭ་

བཅས་པར་བསམ་ཞིབ་དོ་སྣང་མེད་པར་དོལ་རྒྱལ་བསྟེན་གསོལ་བྱ་རྒྱུར་མུ་མཐུད་མཁྲེགས་བཟུང་ཨུ་ཚུགས་ བྱས་པ་ནི་བཀའ་དྲིན་གསུམ་ལྡན་གྱི་རྩ་བའི་བླ་མའི་གསུང་ལ་བསྒོ་བ་རྣར་གཟོན་དང་། བཤེས་གཉེན་བསྟེན་ཚུལ་ ལོག་པའི་བྱེད་བབ་ཐ་ཤལ་ཅོལ་ཆུང་འདི་རིགས་ལ་སྤྱི་འཐུས་ལྷན་ཚོགས་བློ་ཕམ་ཚད་མེད་བྱུང་།

རྒྱལ་སྤྱིའི་དགེ་ལྡན་ལྷན་ཚོགས་དང་། གདན་ས་ཁག་གི་མཁན་ལས་རྣམ་པའི་སྔ་རྗེས་གྲོས་ཆོད་རྣམས་

ལག་བསྟར་ཡོང་ཆེད་དགེ་འདུན་སྤྱི་སྒེར་གྱི་བསམ་ཚུལ་དང་ལས་འགུལ་བཅས་ལ་གཟིགས་ཏེ། ཉེ་ལམ་སྤྱི་ ནོར་༸གོང་ས་༸སྐྱབས་མགོན་ཆེན་པོ་མཆོག་ལྷོ་ཕྱོགས་མོན་གྷོ་གཞིས་ཆགས་སུ་ཆིབས་བསྒྱུར་བསྐྱངས་ 117

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

སྐབས་དགོངས་འཆར་ཇི་ཕེབས་ལ་དགེ་ལྡན་ཆོས་སྡེ་ཁག་གི་མཁན་བླ་ལས་སྣེ་འདུས་མང་དང་བཅས་པས་

སྤྱི་མོས་ཀྱིས་ལྷོ་གཞིས་ཁག་གི་དགེ་ལྡན་པའི་དགོན་པ་གྲྭ་ཚང་བཅུ་བཞིའི་ནང་ཚུལ་ཤིང་བཞེས་པའི་ལམ་ ནས་མང་མོས་འོས་བསྡུ་གནང་བར་དོལ་རྒྱལ་བསྟེན་གསོལ་མཚམས་འཇོག་བྱེད་རྒྱུ་དང་། མཚམས་འཇོག་ མི་བྱེད་མཁན་དང་ཆོས་དང་ཟང་ཟིང་ལ་མཉམ་སྤྱོད་མི་བྱེད་རྒྱུའི་ཐག་གཅོད་ལ་རྒྱབ་སྐྱོར་བརྒྱ་ཆ་བརྒྱ་ཐམ་པ་ བྱུང་འདུག་པ་ནི་གཏམ་བཟང་གི་གནས་ཚུལ་ཞིག་ཡིན་པ་དང་།

ཡང་ཕྱོགས་གཞན་ཞིག་ནས་རྒྱ་ནག་གཞུང་གིས་སྲིད་དོན་གྱི་ལག་ཆར་དོལ་རྒྱལ་རྗེས་འབྲངས་པའི་

བྱེད་གཏེ་རྣམས་ལ་དངུལ་དངོས་ཀྱིས་སླུ་བྲིད་བྱས་ཏེ་ཁྱི་སྤྱང་ལག་སྦྲེལ་གྱིས་ཕྱི་ནང་གི་གང་སར་ལས་འགུལ་ སྣ་ཚོགས་ཁྱབ་སྤེལ་བྱེད་བཞིན་པ་བཅས་ལ་གཞིགས་ཏེ་སྤྱི་འཐུས་ལྷན་ཚོགས་ནས་གྲོས་ཆོད་བསྐྱར་སྣོན་ ཞིག་འཇོག་རྒྱུ་དུས་ཀྱི་དགོས་མཁོར་མཐོང་། ༡༽

གྲོས་ཆོད།

ཕྱི་ལོ་ ༡༩༩༦ ཟླ་ ༦ ཚེས་ ༦ ཉིན་སྐབས་བཅུ་གཉིས་པའི་བོད་མི་མང་སྤྱི་འཐུས་ལྷན་ཚོགས་ཀྱི་

གྲོས་ཚོགས་ཚོགས་དུས་དང་པོར་བཞག་པའི་སྤྱི་མོས་གྲོས་ཆོད་ཨང་ ༡༢།༡།༩༦།(༤) ནང་གསལ་ གྱི་དོན་ཚན་བརྒྱད་དང་། ཡང་ཕྱི་ལོ་ ༡༩༩༧ ཟླ་ ༩ ཚེས་ ༡༧ ཉིན་སྐབས་བཅུ་གཉིས་པའི་བོད་མི་

མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པར་སྤྱི་མོས་ཀྱིས་བཞག་པའི་གྲོས་ཆོད་ ཨང་ ༡༢།༤།༩༧།༣༧ ནང་གསལ་གྱི་དོན་ཚན་བཅུ་གཅིག་བཅས་ལ་བསྐྱར་ནན་གྱིས་རྒྱབ་གནོན་ ༢༽

དང་སྦྲགས། གྲོས་ཆོད་ཀྱི་འབྲུ་དོན་རྣམས་ལ་མང་ཚོགས་ཀྱི་ཐུགས་སྣང་བསྐྱར་བསྐུལ་བྱེད་རྒྱུ་དང་།

དོལ་རྒྱལ་བསྟེན་གསོལ་འོས་མིན་གྱི་ལམ་སྟོན་གནང་བ་ནི་སངས་རྒྱས་ཀྱི་བསྟན་པར་བསྲེ་བསླད་མི་

འབྱུང་ཆེད་ཆོས་ཀྱི་སློབ་སྟོན་ཡང་དག་པ་ཞིག་ཡིན་པ་ལས། ཆོས་དད་རང་དབང་ལ་དངོས་ཤུགས་

བརྒྱུད་གསུམ་ནས་དོ་ཕོག་བྱུང་དང་འབྱུང་གཞི་གཏན་ནས་མེད་པའི་བདེན་པའི་གནས་ལུགས་ནན་

བརྗོ ད ་ཐོ ག ་ལམ་སྟོ ན་འདི ་དག་གི ས ་ཆོ ས ་དང་རང་དབང་འཕྲོ ག ་ཚུལ་གྱི ་ ལོ ག ་བཤད་ལ་སྐྱེ ་ བོ ་ སུ་

ཡང་དབུ་མི་འཁོར་བར་རང་རང་གི་རྣམ་དཔྱོད་ཀྱིས་བླང་དོར་འབྱེད་མཁྱེན་པ་དགོས་པའི་གསལ་ འདེབས་ནན་པོ་ཞུ་རྒྱུ།

118

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

༣༽

དོལ་རྒྱལ་རྗེས་འབྲངས་པ་རྣམས་ཀྱིས་མི་གསོད་ཁྲག་སྦྱོར་དང་། རྡུང་རྡེག མེར་སྲེག་སོགས་ཁྲིམས་

དང་འགལ་བའི་ནག་ཉེས་དང་། འཇིགས་སྐུལ་རིང་ལུགས་ཀྱི་བྱ་སྤྱོད་སྤེལ་དང་སྤེལ་བཞིན་པ་རྣམས་ ལ་བོད་མི་དང་། གནས་ཡུལ་རྒྱལ་ཁབ་སོ་སོའི་ཡུལ་མི་རྣམས་ཀྱིས་སྣང་མེད་བཏང་སྙོམས་སུ་མ་ བཞག་པར། དོ་སྣང་ངོས་འཛིན་འཕྱུག་མེད་ཀྱིས་ཁྲིམས་མཐུན་གྱི་གདོང་ལེན་ནུས་པ་ཐོན་པ་མུ་

༤༽

མཐུད་གནང་དགོས་ཀྱི་བསྐུལ་ལྕག་ཞུ་རྒྱུ།

རྒྱ་ནག་མི་དམངས་སྤྱི་མཐུན་རྒྱལ་ཁྱབ་ཀྱི་བློ་གྲོས་དམན་པའི་སྣེ་མོ་བ་ཁག་ཅིག་ནས་ཆོས་ལ་དུག་

ལྟར་ལྟ་བའི་དམར་པོའི་རིང་ལུགས་ཀྱི་གདོང་འབག་དབྲལ་ཏེ། ཆོས་བྱེད་པའི་ནང་སིམ་འཛུལ་གྱིས་

དོ ལ ་རྒྱལ་བསྟེན ་གསོ ལ ་བའི་བྱེད་གཏེ ་ ཁག་ཅི ག་བོད་རི ག ས་ནང་ཁུལ་ཁ་བྲལ་དང་། ༸གོང་ས་ ༸སྐྱབས་མགོན་ཆེན་པོར་ངོ་རྒོལ་མཚན་སྨོད་བྱ་རྒྱུའི་ལག་ཆར་བེད་སྤྱོད་བྱས་དང་བྱེད་བཞིན་པ་དེ་

ལ། གཞིས་བྱེས་བོད་མི་ཡོངས་དང་། དྲང་བདེན་ལ་དགའ་བའི་འཛམ་གླིང་མི་རིགས་ཚང་མས་ངོས་ ༥༽

འཛིན་འཕྱུག་མེད་ཐོག་བླང་དོར་མཛད་ཕྱོགས་མ་ནོར་བ་དགོས་པའི་གསལ་འདེབས་ཞུ་རྒྱུ།

རྒྱལ་སྤྱིའི་དགེ་ལྡན་པ་ལྷན་ཚོགས་དང་། གདན་ས་ཁག་གི་མཁན་སློབ་ལས་སྣེ་ལྷན་ཚོགས་ཀྱིས་གྲོས་

ཆོད་སྔ་རྗེས་རྣམས་ཚུལ་མཐུན་ལག་བསྟར་ཡོང་ཐབས་སུ་འདུས་མང་ནས་ལས་འགུལ་ཅི་རིགས་

བྱུང་བའི་གླེང་གཞིའི་ཐོག་༸གོང་ས་༸སྐྱབས་མགོན་ཆེན་པོ་མཆོག་མོན་གྷོ་འདོད་རྒུ་གླིང་དུ་ཆིབས་ བསྒྱུར་སྐབས་དགོངས་འཆར་ཇི་གནང་ལ་དགེ་ལྡན་པའི་གདན་ས་ཁག་གི་དབུ་ལས་འདུས་མང་ཡོངས་

རྫོགས་ཀྱིས་སྤྱི་མོས་ལྟར་དོལ་རྒྱལ་བསྟེན་གསོལ་མཚམས་འཇོག་བྱེད་མིན་དང་། མཚམས་འཇོག་

མི་བྱེད་མཁན་དང་ཆོས་དང་ཟང་ཟིང་ལ་མཉམ་སྤྱོད་བྱེད་མིན་བཅས་ཀྱི་སྐོར་དམ་ཆོས་འདུལ་བའི་

དགོངས་དོན་ལྟར་ཚུལ་ཤིང་འགྲིམས་པའི་ལམ་ནས་མང་མོས་འོས་བསྡུ་གནང་སྟེ། ཚུལ་ཤིང་བཞེས་ མཁན་སྤྱི་མོས་ཀྱིས་དོལ་རྒྱལ་བསྟེན་གསོལ་མི་བྱེད་པ་དང་། དོལ་རྒྱལ་བསྟེན་གསོལ་བྱེད་མཁན་ རྣམས་དང་ཆོས་དང་ཟང་ཟིང་ལ་མཉམ་སྤྱོད་མི་བྱེད་པའི་ཐག་གཅོད་བྱུང་འདུག་པར་བོད་མི་མང་སྤྱི་

འཐུས་ལྷན་ཚོགས་ཀྱིས་ཡི་རངས་བསྔགས་བརྗོད་དང་འབྲེལ། མང་མོས་འོས་བསྡུའི་གྲུབ་དོན་ལག་ བསྟར་བྱེད་ཕྱོགས་བོད་གཞུང་ཆོས་རིགས་ལས་ཁུངས་ནས་ཕྱི་ལོ་ ༢༠༠༨ ཟླ་ ༠༢ ཚེས་ ༡༣ འཁོད་ 119

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

པའི་གསལ་བསྒྲགས་ཀྱི་ནང་དོན་རྣམས་འབྲེལ་ཡོད་ཆོས་སྡེ་ཡོངས་ནས་ལག་བསྟར་རྒྱུན་འཁྱོངས་ དགོས་པའི་གཞེན་བསྐུལ་ནན་པོ་ཞུ་རྒྱུ་བཅས་ཀྱི་སྤྱི་མོས་སམ་མང་མོས་གྲོས་ཆོད་དུ། བོད་མི་མང་ སྤྱི་འཐུས་ལྷན་ཚོགས་ནས་ ༢༠༠༨ ཟླ་ ༣ ཚེས་ ༡༥ ལ།།

གོང་གསལ་གཞུང་འབྲེལ་གྲོས་ཆོད་འདི་བཞིན་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ ཚོགས་དུས་ལྔ་པར་བགྲོ་གླེང་ཞིབ་རྒྱས་ཐོག་སྤྱི་མོས་ཀྱིས་གཏན་ལ་ཕབ་པར་ཚད་འཛིན་ཞུས། སྤྱི་འཐུས་ལྷན་ཚོགས་ཀྱིས་ ༢༠༠༨ ཟླ་ ༣ ཚེས་ ༡༥ ལ།།

120

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

གཞུང་འབྲེལ་གྲོས་ཆོད། སྔོན་གླེང་།

༄༅། །རྒྱལ་མཆོག་ལྔ་པ་ཆེན་པོ་མཆོག་གིས་དབུས་༸རྒྱལ་དབང་སྐུ་ཕྲེང་རིམ་བྱོན་དང་རིས་མེད་བསྟན་

འཛིན་གྱི་སྐྱེས་མཆོག་དུ་མས་བོད་ཀྱི་ཆབ་སྲིད་དང་། སྐྱེ་འགྲོའི་བདེ་སྐྱིེད་ལ་གནོད་གཞི་ཆེ་བའི་དོལ་རྒྱལ་ བསྟེན་གསོལ་ལ་དམ་བསྒྲགས་མཛད་པ་ལྟར། སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་

བཞི་པ་ཆེན་པོ་མཆོག་གིས་ཀྱང་བརྟག་དཔྱད་ཞིབ་འཇུག་ཟབ་ནན་མཐིལ་ཕྱིན་མཛད་རྗེས་བོད་བསྟན་སྲིད་ཀྱི་ བདེ་དོན་ལ་གཅིག་ཏུ་དགོངས་ནས་དམ་སྲི་དོལ་རྒྱལ་བསྟེན་གསོལ་མི་རུང་བའི་བཀའ་སློབ་གསལ་རྗེན་བཀའ་

དྲིན་བསྐྱངས་དང་སྐྱོང་བཞིན་པར་བརྟེན་བོད་མི་ཆེས་ཉུང་ཤས་ལས་དེ་མིན་ཚང་མས་བླང་དོར་ཞུ་སྒོ་འཛོལ་ མེད་ཞུ་བཞིན་ཡོད་པ་དང་ད་དུང་དོལ་རྒྱལ་བསྟེན་གསོལ་ལ་རྨོངས་ཞེན་ཧ་ཅང་ཆེ་བའི་སྐྱེ་བོ་རྣམས་ཀྱང་བླང་ དོར་མི་འཕྱུག་པ་འབྱུང་ཐབས་སོགས་ཀྱི་སླད་བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༡༩༩༦ ཟླ་ ༦ ཚེས་ ༦ དང་། ༡༩༩༧ ཟླ་ ༩ ཚེས་ ༡༧ ཡང་ཕྱི་ལོ་ ༢༠༠༨ ཟླ་ ༣ ཚེས་ ༡༥ བཅས་སོ་སོར་གཞུང་འབྲེལ་

གྲོས་ཆོད་ཁག་སྤྱི་མོས་ཀྱིས་གཏན་འབེབས་ཡོད་པའི་འབྲུ་དོན་བཞིན་གདན་ས་ཁག་གིས་གཙོས་བོད་མི་སེར་ སྐྱ་ཕལ་མོ་ཆེས་སྤང་བླང་ཚུལ་བཞིན་ཞུས་དང་ཞུ་བཞིན་པར་ཡི་རངས་བསྔགས་བརྗོད་ཞུ་འོས་ཀྱི་གནས་སུ་ ཡོད་ཅིང་།

ཡང་བླང་དོར་གྱི་གནས་ལ་རྨོངས་ཤིང་བོད་བསྟན་སྲིད་དང་། ༸རྒྱལ་བའི་སྐུ་ཕྱྭ་དང་བཅས་པར་བསམ་

ཞིབ་དོ་སྣང་མེད་ཁར། རྒྱ་ནག་གཞུང་གིས་སྲིད་དོན་གྱི་ལག་ཆར་དངུལ་དངོས་ཀྱིས་མགོ་སྐོར་བསླུ་བྲིད་འོག་

ཚུད་པ་ཉུང་ཤས་ཀྱིས་རང་ཉིད་མ་ཟད། མི་རིགས་གཞན་ལའང་བརྒྱུད་སྐུལ་བཅས་ཀྱི་ལམ་ནས་ཕྱི་ནང་གང་ སར་གོ་སྐབས་འདྲ་མིན་བཟུང་སྟེ་ལས་འགུལ་སྣ་ཚོགས་སྤེལ་དང་སྤེལ་བཞིན་པ་དང་ཉེ་བའི་སྔོན་དུའང་འཛམ་

གླིང་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བསྟན་འགྲོའི་དོན་དུ་ཨ་རིར་ཆིབས་ བསྒྱུར་བཀའ་དྲིན་བསྐྱངས་སྐབས་ཨ་རིའི་གྲོང་ཁྱེར་སན་ཕ་རན་སི་སི་ཀོ་རུ་ནང་ཆོས་ཀྱི་གནས་ལུགས་ཇི་ 121

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

བཞིན་མི་རྟོགས་པའི་མི་སྣ་ཉུང་ཤས་བེད་སྤྱོད་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གཞི་ མེད་ཀྱི་མཚན་སྨོད་ཞུ་བའི་བྱ་སྤྱོད་འདི་རིགས་ལ་གཞིས་བྱེས་བོད་མི་ཡོངས་དང་། དྲང་བདེན་དང་རྣམ་དཔྱོད་ ལྡན་པའི་འཛམ་གླིང་མི་མང་ཀུན་གྱིས་ངོས་འཛིན་གསལ་པོའི་ཐོག་ནས་གྲོས་ཆོད་སྔ་མ་རྣམས་མཇུག་གནོན་ དང་འབྲེལ་གྲོས་ཆོད་བསྐྱར་སྣོན་ཞིག་འཇོག་རྒྱུ་དུས་ཀྱི་དགོས་མཁོ་གལ་ཆེར་མཐོང་།

༡༽

༢༽

གྲོས་ཆོད།

ཕྱི་ལོ་ ༡༩༩༦ དང་ ༡༩༩༧ དེ་བཞིན་ཕྱི་ལོ་ ༢༠༠༨ ལོ་བཅས་ཀྱི་གྲོས་ཚོགས་ཚོགས་དུས་ཁག་

གི་ཐོག་བོད་མི་མང་སྤྱི་འཐུས་ལྷན་ཚོགས་ནས་སྤྱི་མོས་ཀྱིས་བཞག་པའི་གྲོས་ཆོད་ཁག་གི་འབྲུ་དོན་ རྣམས་ཐུགས་སྣང་ཆེན་པོས་བསྐྱར་བསྐུལ་མཇུག་གནོན་མུ་མཐུད་བྱེད་རྒྱུ་དང་།

ཕྱི་ལོ་ ༢༠༠༩ ལོར་བོད་ཀྱི་ཆོས་བརྒྱུད་ཆེན་པོ་བཞི་དང་། གཡུང་དྲུང་བོན་བཅས་ཀྱི་དབུ་ཁྲིད་བླ་ ཆེན་རྣམ་པ་དང་། མཁན་པོ། བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་བཅུ་པའི་གྲོས་

ཆོད་དོན་ཚན་ལྔ་པའི་ནང་གསེས་(ཁ) པར་“འཇིག་རྟེན་པའི་ལྷ་འདྲེ་སྤྱི་དང་། ལྷག་པར་དམ་སྲི་

གདུག་པ་ཅན་ལ་སྐྱབས་སུ་འཆའ་ན། ནང་པའི་ཆོས་ལ་འཇུག་པའི་སྒོ་སྐྱབས་འགྲོ་དང་འགལ་བར་ བརྟེན། དོལ་རྒྱལ་བསྟེན་གསོལ་བྱེད་མཁན་སྤྱི་སྒེར་གང་ཡིན་རུང་། བོད་གངས་ཅན་གྱི་ཆོས་བརྒྱུད་ གང་གིའང་ཁོངས་གཏོགས་མིན་པ་ཆོས་ཚོགས་འདིའི་ཐོག་ནས་གསལ་པོ་བཟོ་རྒྱུ།” ཞེས་གསལ་

དོན་བཞིན་གྲོས་ཚོགས་འདི་ཐོག་ནས་ཀྱང་དེ་དོན་ལྟར་ངེས་ཤེས་གསལ་པོས་ཕྱི་ནང་གི་མི་རིགས་ ༣༽

ཁག་ལ་དངོས་དོན་ཇི་ཡིན་གོ་བརྡ་འཕྲོད་ཐབས་ལ་ཚང་མས་འཁུར་མཉམ་ལེན་བྱ་རྒྱུ།

དོལ་རྒྱལ་རྗེས་འབྲང་པ་རྣམས་ཀྱི་བྱེད་བབ་འདི་རིགས་ནི་དངུལ་དངོས་ཀྱི་ཁེ་ཕན་ཁོ་ནའི་བསླུ་བྲིད་ འོག་བོད་མི་ནང་ཁུལ་དཀྲུག་ཤིང་དང་། ༸གོང་ས་༸སྐྱབས་མགོན་ཆེན་པོ་མཆོག་ལ་གཞི་མེད་ཀྱི་

མཚན་སྨད་སྐུར་འདེབས་ཞུ་བ་སོགས་ཆབ་སྲིད་ཀྱི་ལག་ཆ་ཞིག་ཏུ་འགྱུར་བཞིན་ཡོད་པ་ལས། ཆོས་ དད་རང་དབང་ཡོད་མེད་ཀྱི་གནད་དོན་དང་འབྲེལ་བ་སྤུ་ཙམ་མེད་པ་གྲོས་ཚོགས་འདི་ཐོག་ནས་ངོས་ འཛིན་གསལ་པོ་བྱ་རྒྱུ་དང་རྒྱ་ནག་གཞུང་གི་ཆབ་སྲིད་ཀྱི་དགོས་མཁོའི་གཡོ་བྱུས་འོག་དྲིན་ལན་ 122

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་ཁག

ལོག་འཇལ་དང་། ལས་འབྲས་རྩིས་མེད་ཀྱིས་བོད་བསྟན་སྲིད་མི་རིགས་དང་བཅས་པར་གནོད་ ཚབས་ཅན་གྱི་བསམ་མེད་དོལ་རྒྱལ་རྗེས་འབྲང་དང་བཅས་པ་རྣམས་ལོ་རྒྱུས་ཐོག་གི་ནག་ཉེས་ཅན་ ༤༽

ལའང་ངོས་འཛིན་བྱ་རྒྱུ།

ཨ་རི་དང་རྒྱ་གར་གསང་ལས་ཁང་ནས་ཀྱང་༸གོང་ས་མཆོག་གི་སྐུ་ཕྱྭར་སྔར་ལྷག་གཟབ་ནན་བྱ་

གལ་ཆེ་བའི་སྙན་གསན་བྱུང་ཡོད་པས། བོད་མིའི་སྒྲིག་འཛུགས་དང་། བོད་མི་ཡོངས་ཀྱིས་རྫི་གསང་ རྣོན་པོས་ཕྱར་གྲུ་མཉམ་འདེགས་བྱ་ཕྱོགས་དང་། ལྷག་པར་སྤྱི་ནོར་༸གོང་ས་༸སྐྱབས་མགོན་ཆེན་

པོ་མཆོག་ཆིབས་སྒྱུར་སྐབས་རྒྱ་གར་དབུས་སའི་གཞུང་དང་། བདེ་སྲུང་ལས་ཁུངས། ས་གནས་ སོ་སོའི་བོད་མིའི་སྒྲིག་འཛུགས་དེ་བཞིན་ཕྱིའི་ཡུལ་གྲུ་གཞན་གང་སར་ཆིབས་སྒྱུར་བཀའ་དྲིན་སྐྱོང་

སྐབས་སྐུ་ཚབ་དོན་གཅོད་སོགས་ཀྱིས་རྒྱལ་ཁབ་དང་ཡུལ་ལུང་སོ་སོའི་འབྲེལ་ཆགས་སོ་སོར་སྔོན་ ཚུད་ནས་འབྲེལ་ལམ་དམ་གཟབ་ཀྱིས་སྐུ་ཕྱྭའི་སྲུང་འདོམས་ཞུ་སྒོར་སྔར་ལས་ལྷག་པའི་དམ་གཟབ་ ༥༽

བྱ་རྒྱུ།

ཉེ་སྔོན་ཨ་རིའི་གྲོང་ཁྱེར་སན་ཕ་རན་སི་སི་ཀོ་རུ་དོལ་རྒྱལ་རྗེས་འབྲང་པའི་བྱ་སྤྱོད་དོན་རྐྱེན་གྱི་འབྱུང་ རྩ་ཇི་ཡིན་སྐོར་འཛིན་སྐྱོང་བཀའ་ཤག་གིས་ཞིབ་འཇུག་མཐིལ་ཕྱིན་གནང་སྟེ་སླད་འདི་རིགས་མི་

འབྱུང་བའི་ལམ་སྟོན་དང་བཀོད་ཁྱབ་ནན་པོ་གནང་དགོས་པ་བཅས་ཀྱི་སྤྱི་མོས་སམ་མང་མོས་གྲོས་ ཆོད་དུ། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༤ ཟླ་ ༣ ཚེས་ ༡༧ ལ།།

གོང་གསལ་གྲོས་ཆོད་འདི་བཞིན་སྐབས་ ༡༥ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༧

པའི་ཐོག་སྤྱི་མོས་ཀྱིས་གཏན་འབེབས་གནང་། ཕྱི་ལོ་ ༢༠༡༤ ཟླ་ ༣ ཚེས་ ༡༧ ལ།།

123

དཔལ་ལྡན་བཀའ་ཤག་གི་གསལ་བསྒྲགས།

ཕྱི་ལོ་ ༡༩༩༦ ཟླ་ ༥ ཚེས་ ༣༡ ཉིན་བཀའ་ཤག་གི་གསལ་བསྒྲགས། ༄༅། །རང་རེ་གངས་ལྗོངས་བོད་མི་རྣམས་ནས་འདས་པའི་ལོ་བཞི་བཅུར་ཉེ་བའི་རིང་སྤྱི་ནོར་༸གོང་ས་ ༸སྐྱབས་མགོན་ཆེན་པོའི་དབུ་ཁྲིད་འོག་མི་ལོ་སྟོང་ཕྲག་གཉིས་ལྷག་ཙམ་གྱི་རྒྱལ་རབས་ལོ་རྒྱུས་ཡོད་པའི་བོད་

རྒྱལ་ཁབ་ཀྱི་བདག་དབང་ཐོབ་ཐང་བསྐྱར་གསོ་ཡོང་ཐབས་དང༌། ཕན་བདེའི་འབྱུང་གནས་སངས་རྒྱས་ཀྱི་བསྟན་

པ་རིན་པོ་ཆེ་དར་གནས་ཡོང་ཐབས། དེ་དང་འབྲེལ་བའི་རང་རེའི་རིག་གཞུང་སྲུང་སྐྱོབ་མི་ཉམས་གོང་མཐོར་ སྤེལ་ཐབས་བཅས་སུ་སྙིང་སྟོབས་དང་རྣམ་དཔྱོད་ཟུང་འབྲེལ་གྱིས་འཐབ་རྩོད་བྱས་པར་བརྟེན་བདེན་མཐའ་ གསལ་ལ་ཉེ་བའི་དུས་བབ་བཟང་པོ་ཞིག་འཆར་བཞིན་ཡོད་པ་མ་ཟད། འཛམ་གླིང་ཐོག་བཙན་བྱོལ་བ་འདྲ་འདྲའི་ ནང་ནས་གཞན་དང་མི་འདྲ་བའི་བསྔགས་བརྗོད་ཀྱི་ཡུལ་དུ་གྱུར་པ་འདི་བྱུང་ཡོད། འོན་ཀྱང་རང་རེར་ད་ལྟ་མཐར་

ཐུག་གི་རྒྱལ་ཁ་ཐོབ་མེད་པའི་ཁར། ད་དུང་གཟུགས་ཅན་དང་གཟུགས་མེད་ཀྱི་འགལ་རྐྱེན་བར་ཆད་སྣ་ཚོགས་ ཡོང་དང་ཡོང་བཞིན་ཡོད་པ་འདི་རང་རེས་ངོས་འཛིན་གསལ་པོར་ཐུབ་པ་བྱེད་དགོས།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འགལ་རྐྱེན་འདི་དག་གི་ཐད་ལ་ལོ་ནས་ལོ་བསྟུད་

རྟོག་ཞིབ་མཐར་ཕྱིན་གནང་བའི་སྙིང་པོ་གཅིག་ནི་དོལ་རྒྱལ་བསྟེན་གསོལ་བྱས་ན་བོད་གཞུང་དགའ་ལྡན་ཕོ་བྲང་ གི་བསྟན་སྲིད་གཉེར་དུ་གཏད་པའི་སྲུང་མ་དམར་ནག་གཉིས་དང༌། རི་བོ་དགེ་ལྡན་པའི་བསྟན་སྲུང་དམ་ཅན་ཆོས་

ཀྱི་རྒྱལ་པོ་སོགས་ལ་ཕོག་ཐུག་འགྲོ་གི་ཡོད་པ་མ་ཟད། བོད་ཀྱི་སྤྱི་དོན་ལ་ཕན་མེད་གནོད་རྐྱེན་དུ་འགྲོ་བ་གསལ་

པོར་གཟིགས་ཏེ་༸གོང་ས་མཆོག་གིས་ ༡༩༧༦ ལོ་ནས་མཚམས་འཇོག་གཙང་མ་གནང་བ་དང༌། རང་ཅག་ རྣམས་ལའང་དེ་དག་གནས་བབ་ལས་བརྒལ་བའི་བསྟེན་གསོལ་མི་རུང་བའི་གནད་དོན་ལོ་རྒྱུས་དང་སྦྲགས་ལམ་ སྟོན་མིག་ཁ་ཕྱེ་བ་ལྟ་བུ་ཞིག་ལོ་ནས་ལོ་བསྟུད་གནང་བ་བཞིན་བོད་གཞིས་བྱེས་སུ་འཁོད་པའི་བླ་མ་དང༌། མཁན་ པོ། དགེ་བཤེས། སེར་སྐྱ་མང་ཚོགས་བཅས་མང་པོ་ཞིག་གི་བཀའ་བརྩི་དང་ལེན་གྱིས་མཚམས་འཇོག་བྱས་པ་

དང༌། བོད་ཀྱི་སྤྱི་དོན་ལ་འགྱུར་བ་ཆེན་པོ་བྱུང་བ་ཚང་མས་མཐོང་གསལ་ཡིན། འོན་ཀྱང་ཁག་ཅིག་ནས་བོད་སྤྱི་ དོན་གྱི་འགག་རྩ་ཆེན་པོ་ཞིག་ལ་ཐུག་པ་ངོས་འཛིན་མ་ཐུབ་པའམ། ཡང་ན་ངོས་འཛིན་ཇི་བཞིན་མ་བྱས་པར་མུ་ 124

དཔལ་ལྡན་བཀའ་ཤག་གི་གསལ་བསྒྲགས།

མཐུད་བསྟེན་གསོལ་སྤྲོས་པ་ཆེན་པོ་བྱེད་ཀྱི་ཡོད་པ་དང༌། ཡང་འགའ་ཞིག་གིས་རང་གིས་བསྟེན་པས་མ་ཚད་ ཆེད་མངགས་གཞན་ལ་དར་སྤེལ་གཏོང་གི་ཡོད་པ་བཅས་ཀྱིས་ལྷ་མི་དམ་ཚིག་མི་མཐུན་པ་ཆགས་པར་བརྟེན་

༸གོང་ས་མཆོག་གི་ཐུགས་དང་མ་འཚམ་པ་ཆེན་པོ་ཡོང་གི་ཡོད་པ་འདི་ནི་བོད་ཀྱི་སྤྱི་དོན་དང༌། ༸རྒྱལ་བའི་སྐུ་ ཕྱྭ་བཅས་པའི་འགལ་རྐྱེན་ཆེ་ཤོས་ཤིག་ཏུ་གྱུར་ཡོད།

འདི་ལོའི་དཔྱིད་ཆོས་སྐབས་༸གོང་ས་མཆོག་གིས་དེང་སང་ང་ཚོ་བོད་སྤྱི་པའི་དོན་ལ་དཀའ་ལས་རྒྱག་

པའི་དུས་ཚོད་འདི་འདྲའི་སྐབས་སུ་ལྷ་མི་གང་ཡིན་ནའང་དམ་ཚིག་མཐུན་པོ་དགོས་རྒྱུ་གལ་ཆེན་པོ་ཡིན། མི་

དམ་ཚིག་མི་གཙང་བའི་ཐོག་ནས་སྐབས་རེ་དཀའ་ངལ་འཕྲད་ཀྱི་ཡོད་པ་ནང་བཞིན་ལྷ་སྲུང་གི་ནང་ལའང་སྐབས་

རེ་དམ་ཚིག་མི་གཙང་བ་ཡོང་གི་འདུག་ཅེས་ངས་སྔ་རྗེས་མང་པོ་བཤད་ཡོད། ད་ལྟ་ཡང་སྔོན་མ་བཤད་པའི་སྐད་

ཆ་དེ་ག་རང་འགྱུར་བ་མེད་པར་བསྡད་ཡོད་ཅེས་གསལ་ཁ་གཏོད་གནང་བ་དང༌། ཡང་གྲྭ་ས་གྲྭ་ཚང་དང༌། བླ་བྲང་ སྒེར་སུ་དང་སུ་ཡིན་ནའང་བོད་སྤྱི་པའི་དོན་དག་བསམ་གྱི་མེད་ན་གནས་ཚུལ་ཐ་དད་རེད། བོད་སྤྱི་པའི་དོན་

དག་བསམ་གྱི་ཡོད་པ་དང༌། བོད་སྤྱི་པའི་དོན་དག་ལ་ད་ལྟ་༸རྒྱལ་བ་རིན་པོ་ཆེས་འགན་འཁྱེར་ནས་བསྡད་ཡོད་ པ་འདིར་རྒྱབ་སྐྱོར་ཡོད་ན་སྤང་བླང་མ་ནོར་བ་བྱེད་དགོས། ༸རྒྱལ་བ་རིན་པོ་ཆེས་འགན་འཁྱེར་བ་འདི་འདོད་ཀྱི་ མེད་ན་གནས་ཚུལ་ཐ་དད་རེད་ཅེས་བཀའ་ནན་པོ་ཕེབས་ཡོད།

ད་དུང་ཉེ་ཆར་ཕྱི་ཟླ་ ༣ ཚེས་ ༢༡ ཉིན་རྟ་མགྲིན་ཡང་གསང་གི་བཀའ་དབང་སྟ་གོན་སྐབས་བཀའ་གསལ་

པོ་གནང་དོན་ལ། བར་སྐབས་བསྟན་སྲིད་ཀྱི་ཞབས་རིམ་མང་པོ་ཞིག་བསྒྲུབས་པ་ཡིན། ད་ལྟ་དོལ་རྒྱལ་ཕལ་ཆེར་

རྒྱ་འདྲེ་དང་འབྲེལ་བ་ཤུགས་ཆེན་པོ་ཡོད་པའི་གནས་ཚུལ་ཞིག་ཡོང་གི་འདུག དེར་བརྟེན་ན་ནིང་རྟ་མགྲིན་གྱི་ སྒྲུབ་པ་ཚོགས་སྐབས་དོལ་རྒྱལ་གྱི་མིང་དངོས་སུ་སྨྲོས་ནས་ཟློག་པ་བྱས་པ་རེད་ཅེས་དང༌། དེ་རིང་རྟ་མགྲིན་ གྱི་དབང་བསྐུར་སྐབས་དོལ་རྒྱལ་བསྟེན་མཁན་ཡོད་ན་བདེ་པོ་ཞིག་ཨེ་ཡོང་སྙམ་པ་དྲན་བྱུང༌། ཁ་སྔོན་དབང་ཞུ་

མཁན་ནང་དོལ་རྒྱལ་བསྟེན་མཁན་ཡོད་ན་འགྲིག་གི་མ་རེད་ཅེས་བརྗོད་པའི་རྒྱུ་མཚན་འདི་འདྲ་ཡིན། ལྷ་དམ་ ཚིག་མ་གཙང་བའི་རྒྱུ་མཚན་གྱི་ཐོག་ནས། མི་དམ་ཚིག་མ་གཙང་བ་ཆགས་ན་ཁ་སྔོན་ཞུས་པ་བཞིན། དབང་ བསྐུར་མང་པོ་བསྐུར་ལགས་སམ། དམ་ཉམས་ས་སྟེང་བཀང་ལགས་སམ། ཞེས་གསུངས་པ་ལྟར་དམ་ཉམས་

བཟོ་བའི་རྒྱུ་མཚན་ཆགས་ཀྱི་ཡོད་དུས། ད་ལྟ་དབང་གྲལ་ནས་ལངས་ཏེ་ཕྱིན་ན་ཡག་གི་རེད་མ་གཏོགས་འདིར་ བསྡད་ན་ཡག་པོ་མེད། དེས་སོ་སོར་ཡང་མ་ཕན། སྡུག་ས་ནས་བཤད་ན་༸རྒྱལ་བ་རིན་པོ་ཆེའི་ཚེ་ཐུང་དུ་འགྲོ་ 125

དཔལ་ལྡན་བཀའ་ཤག་གི་གསལ་བསྒྲགས།

བ་ལྟ་བུ་བྱུང་ན་ཡག་པོ་མེད། ཡང་ཁྱེད་རང་ཚོ་༸རྒྱལ་བ་རིན་པོ་ཆེ་མགྱོགས་ཙམ་སྡུག་ཤི་བརྒྱབ་ན་སྙམ་པ་

ཡོད་ཚེ་བསྡད་ན་འགྲིགས་ཞེས་དེ་ལྟ་བུའི་བཀའ་ནན་པོ་གནང་ཡོད། འདི་ལ་ཞིབ་ཏུ་བསམ་བློ་བཏང་ན་བོད་སྤྱི་

དོན་དང༌། ༸རྒྱལ་བའི་སྐུ་ཕྱྭ་འགངས་ཆེ་ཐུག་པས་དོལ་རྒྱལ་མཚམས་འཇོག་བྱ་རྒྱུ་འདི་བོད་རྒྱལ་ཁབ་དང་མི་ རིགས་ཀྱི་ལས་དོན་གལ་ཆེན་པོའི་གྲས་སུ་གྱུར་ཡོད།

ཡང་ཕེབས་དགོངས་སུ་ལར་ནས་༸གོང་ས་ལྔ་པ་ཆེན་པོའི་སྐབས་ལ་སྤྲུལ་སྐུ་གྲགས་པ་རྒྱལ་མཚན་དང་

མ་འགྲིག་པའི་གནས་ཚུལ་རྣམ་ཐར་ནང་ལ་གསལ་ཡོད་ལ། གསང་བ་རྒྱ་ཅན་གྱི་ནང་དུའང་ཧ་ཅང་གསལ་པོ་ ཡོད། དེ་དག་ལ་ཁུངས་གནང་ནས་སྐུ་ཕྲེང་བཅུ་གསུམ་པས་དམ་བསྒྲགས་གནང་ཡོད། ཁོང་དགོངས་པ་གཞན་ དོན་གཤེགས་རྗེས་ཆབ་སྲིད་ཀྱི་ཞབས་འདེགས་ཞུ་མཁན་ཚོའི་ནང་ནས་ཡིན་ནའང་འདྲ། ཕྱོགས་གཞན་དག་

ནས་ཡིན་ནའང་འདྲ། མདོར་ན་ལྷ་སྲུང་བསྟེན་ཕྱོགས་ཐོག་ནས་ཡིན་ནའང་འདྲ། མང་པོ་ཞིག་སྐུ་མདུན་སྐུ་གོང་ མ་འཚོ་ཞིང་གཞེས་པའི་སྐབས་ལ་བཏང་སྙོམས་སུ་ཡོད་པ་དེ་དག་གཞི་ནས་འཕག་འཚག་བརྒྱབ་སྟེ་མང་པོ་ ཞིག་ཆགས་ཡོད། དོལ་རྒྱལ་ནི་དེའི་གྲས་ཤིག་ཆགས་ཡོད། ངོས་རང་༸གོང་ས་ལྔ་པ་ཆེན་པོའི་སྐྱེ་གྲལ་དུ་ཡོད་

པ་དང༌། དེ་བཞིན་སྐུ་མདུན་སྐུ་གོང་མ་དང་ལས་འབྲེལ་ཐུན་མོང་མ་ཡིན་པ་ཡོད་པ་ཞིག་ཡིན་པས་༸གོང་ས་ལྔ་ པ་ཆེན་པོ་དང་སྐུ་མདུན་སྐུ་གོང་མའི་སྐབས་ནས་ཕྱག་ལེན་ཡོད་པ་འདིའི་མཇུག་བསྐྱལ་རྒྱུ་ངའི་འགན་ཡིན། མི་

ཁ་ཤས་ཀྱི་སྣང་བར་མི་འགྲོ་བ་ཡོང་གི་ཡོད་ཀྱང༌། འདི་ངའི་ངོས་ཀྱི་འགན་ཡིན་ཞིང༌། དེ་ཡང་༸རྒྱལ་བ་རིན་པོ་ ཆེའི་དོན་དག་མ་ཡིན་པར། བོད་བསྟན་སྲིད་ཀྱི་དོན་དག་ཡིན་ཞེས་དང༌། བོད་སྤྱི་དོན་ལ་ཐུག་པའི་གནས་ཚུལ་ འདིའི་སྐབས་ངོས་ནས་འགོ་བཙུགས་པའི་ལས་ཀ་འདི་མཐའ་བཀར་ནས་བྱེད་ཀྱི་ཡིན་མ་གཏོགས་མི་རེ་གཉིས་

ཀྱི་བཀན་བཀན་བྱས་པའི་རྒྱུ་མཚན་གྱི་ངོས་ནས་ཕྱིར་འཐེན་རྒྱག་ཐབས་མེད། ངོས་ནས་དང་པོ་བརྟག་དཔྱད་ ནན་ཏན་བྱས་ཏེ་ཐག་གཅོད་བྱས་པ་འདི་ལོ་ནས་ལོ་བསྟུད་དེ་མཇུག་སྐྱེལ་གྱི་ཡིན་མ་གཏོགས་འཇོག་གི་མིན།

གདན་ས་ཚོའི་ནང་ཆ་བཞག་ན་མང་ཆེ་བ་སྐྱོན་མེད་ཀྱང༌། རེ་ཟུང་གི་ཀླད་པ་མཁྲེགས་པོ་བྱེད་ཀྱི་ཡོད་པ་གསལ་ པོ་འདུག ཁྱེད་རང་སྒེར་པ་ཚོས་ཨོ་ཚོད་བྱས་ཏེ་ཨའོ་ཙི་མིན་ནམ་བསམ་ནས་བསྡད་ན་ཉི་མ་གཅིག་འགྱོད་པ་སྐྱེ་

དགོས་ཆགས་ཡོང་ཞེས་དྲན་སྐུལ་ནན་པོ་གནང་བ་དང༌། ཡང་དེང་སང་རྒྱུ་ཕྲན་བུ་རག་གི་འདུག་བསམ་པ་ལྟ་བུ་ བྱེད་པ་དང༌། ཁྱེད་རང་ཕལ་པ་ཚོའི་ནང་ནས་ཀྱང་དོལ་རྒྱལ་གསོལ་ན་ཚོང་ལམ་འགྲོ་འདུག་བརྗོད་མཁན་ཡོད།

དེ་ནི་ལྟས་ངན་གྱི་སྐད་ཆ་ཡིན། དེ་ཚོའི་གྲས་ཡག་པོ་མ་རེད། ང་ཚོ་མིའི་ནང་སྡིག་གྲོགས་གང་འདྲ་བྱས་ཏེ་ཡོང་ 126

དཔལ་ལྡན་བཀའ་ཤག་གི་གསལ་བསྒྲགས།

གི་ཡོད་པ་གུང་ཐང་ཚང་གིས་གསུངས་ཡོད་ཅེས་དང༌། མི་དང་ལྷ་ཀླུ། བཙན་དང་རྒྱལ་པོ་སོགས་གང་ཞིག་ཡིན་

ཀྱང་མི་ཚེ་འདི་ཁོ་ནའི་ཐོག་གྲོགས་དང་འཕྲིན་ལས་བྱེད་ཐུབ་ཙམ་དེ་དག་ནི་སྙིང་རྗེའི་ཡུལ་ཡིན་པ་ལས་ཧ་ལས་ དགོས་དོན་མེད། དེ་ལྟར་བྱས་ན་རི་བོ་དགེ་ལུགས་པའི་ཞབས་འདྲེན་ཡིན། རྗེ་རིན་པོ་ཆེའི་ལེགས་བཤད་རྨད་དུ་

བྱུང་བ་འདི་དག་བདག་པོ་རྒྱག་མཁན་ལ་བཀའ་བསྒོས་གཉེར་གཏད་ཡོད་པའི་མགོན་པོ་ཕྱག་དྲུག་པ་དང༌། དམ་ ཅན་ཆོས་རྒྱལ་གྱིས་ཕན་མ་ཐོགས་པར་དེ་འདྲ་ཞིག་བསྟེན་དགོས་པ་འདི་ཞབས་འདྲེན་ཡིན་ཞེས་ཐུགས་ཕམ་

དང་བཅས་བཀའ་གནང་ཡོད། མཇུག་ཏུ་བླ་མ་དགེ་བཤེས་ཚོ་དང༌། དེ་བཞིན་དཔེ་ཆ་བ། མི་ནག་བཅས་སུ་ཞིག་

ཡིན་ཀྱང་དོལ་རྒྱལ་བསྟེན་མཚམས་བཞག་ན་གནོད་མི་ཡོང་ངམ་སྙམ་པའི་དོགས་པ་རྩ་བ་ནས་བྱེད་མི་དགོས། གང་ཡང་བྱེད་ཀྱི་མ་རེད། ཁ་མཆུ་ངོས་ནས་བརྒྱབ་ཆོག རི་བོ་དགེ་ལུགས་པ་ཡིན་པའི་ཆ་ནས་དམིགས་བརྩེ་མ་

ཡག་པོ་བགྲང༌། ཆོས་རྒྱལ་གྱི་བསྟོད་པ་བརྐྱང་བསྐུམ་མ་ཡག་པོ་བཏོན་ན་དེ་གས་འགྲིག་པ་ཡིན། གནོད་པ་གང་ ཡང་མེད་ཅེས་བཀའ་བཞེས་གསལ་པོ་གནང་ཡོད།

དེ་ལྟར་བོད་སྤྱི་དོན་དང༌། ༸རྒྱལ་བའི་སྐུ་ཕྱྭ། རི་བོ་དགེ་ལུགས་པའི་ཆེ་བ་བཅས་ལ་དགོངས་ནས་བཀའ་

སློབ་གསལ་པོ་ཕེབས་པ་འདི་དག་ལ་ཁ་ཞེ་གཉིས་མེད་ཀྱི་བརྩི་བཀུར་ཞུ་རྒྱུའི་ཐོག་མཇུག་གནོན་བྱ་རྒྱུ་བཙན་ བྱོལ་གཞུང་གི་ལས་འགན་ཡིན་པར་བརྟེན། དོལ་རྒྱལ་དང་འབྲེལ་ཡོད་མི་ཚན་པ་སྤྱི་སྒེར་ཁག་ནས་འཇམ་མགོན་

བླ་མ་ཙོང་ཁ་པ་ཆེན་པོས་སྲོལ་གཏོད་མཛད་པའི་ཕྱི་གཙང་ནང་གཙང་གི་དགེ་ལྡན་བསྟན་པ་དང༌། བོད་ཀྱི་སྤྱི་

དོན་བཅས་ལ་བསམ་ན་སྔོན་བྱས་རྒྱབ་བསྐྱུར་ཕྱིན་ཆད་སྤང་བླང་ཚུལ་བཞིན་གནང་རྒྱུ་སྤྱི་སྒེར་ཚང་མར་འཕྲལ་ ཕུགས་གང་སར་ཁེ་ཕན་ཆེན་པོ་ཡོད་པའི་གནས་ཚུལ་གསལ་པོ་ཤེས་རྟོགས་ཡོང་ཆེད་བོད་མི་མང་སྤྱི་འཐུས་ རྒྱུན་ལས་དང༌། སྐུ་སྒེར་ཡིག་ཚང༌། ཕྱི་དྲིལ་ལས་ཁུངས་བཅས་ནས་༸གོང་ས་༸སྐྱབས་མགོན་ཆེན་པོའི་བཀའ་

སློབ་གསུང་པར་འཁོར་ཐག་དང༌། ཕབ་བཤུས་ཡིག་ཆ་ཁག་འཕྲལ་དུ་ལག་ལེན་ཡོང་བའི་འབོད་སྐུལ་ཕྱག་བྲིས་ བཅས་གཅིག་རྒྱབ་གཉིས་སྣོན་གྱིས་ཁུངས་སོ་སོར་གནང་བ་དང༌། ཆོས་རིག་དྲུང་ཆེ་བློ་བཟང་མཁས་གྲུབ་དང༌།

སྐུ་སྒེར་ཡིག་ཚང་གི་སྐུ་ཚབ་བསྟན་པ་བཟོད་པ་གཉིས་ནས་ལྷོ་ཕྱོགས་གདན་ས་ཁག་ལ་དངོས་སུ་བཀའ་སློབ་

བརྒྱུད་བསྒྲགས་གནང་བར་བརྟེན་བླ་མ་དགེ་བཤེས་འདུས་ཚོགས་དམངས་དང་བཅས་པའི་ནང་ནས་དོལ་རྒྱལ་ དང་འབྲེལ་བ་ཡོད་མཁན་མང་ཆེ་བས་བོད་ཀྱི་སྤྱི་དོན་དང༌། ༸རྒྱལ་བའི་སྐུ་ཕྱྭ་བཅས་པར་གནོད་འཚེ་ཡོད་བཞིན་ དུ་མུ་མཐུད་བསྟེན་གསོལ་བྱས་ཚེ་སྤྱི་སྒེར་གཉིས་གནོད་ཀྱི་ངེས་ཤེས་བརྟན་པོ་རྙེད་དེ་ད་ནས་མཚམས་འཇོག་ 127

དཔལ་ལྡན་བཀའ་ཤག་གི་གསལ་བསྒྲགས།

གནང་རྒྱུའི་ཁས་ལེན་ཞུས་གནང་བ་དང༌། དེ་བཞིན་གྲྭ་ཚང་དང༌། ཚོགས་པ་སྤྱི་སྒེར་ཁག་མང་ནས་ཀྱང་བཀའ་ ཤག་ལ་དོལ་རྒྱལ་བསྟེན་གསོལ་མི་བྱེད་རྒྱུའི་ཁས་ལེན་སྙན་ཞུ་ས་སྦྱར་རིམ་འབྱོར་བྱུང་བ་དེ་དག་ནི་བོད་སྤྱིའི་ ལས་འགན་རང་འཁྲི་རང་འཁུར་བྱས་པར་ངོས་འཛིན་ཞུ་གི་ཡོད། འོན་ཀྱང་བླ་མ་དགེ་བཤེས་དང༌། སྤྱི་སྒེར་ཚན་ པ་རེ་ཟུང་ད་དུང་རེ་དོགས་ཀྱི་འཆིང་བ་མ་ཆོད་པར་རི་བོ་དགེ་ལུགས་པ་སོགས་ཀྱི་ཞེན་ཁོག་ཡིན་ཁུལ་གྱིས་

མཁྲེགས་བཟུང་བྱེད་པར་མ་ཟད། ཆེས་ཉུང་ཤས་ནས་གོ་སྐབས་འདི་ལོག་པར་བེད་སྤྱད་དེ་ནང་ཁུལ་འཁྲུག་སློང་

གི་བྱ་བར་འཇུག་པ་དང༌། རྒྱལ་སྤྱིའི་ནང་འདི་སྐོར་གཞི་མེད་དཀྲོགས་གཏམ་སྤེལ་བ་བཅས་ནི་དགྲ་བོའི་དགོས་ འདུན་སྒྲུབ་པ་ཉིད་ཡིན་པས་ལམ་ནོར་ལྡོག་ཤེས་བྱེད་དགོས་པའི་འབོད་སྐུལ་ནན་པོ་བྱེད་བཞིན་ཡོད།

བོད་ཀྱི་བསྟན་སྲིད་རང་དབང་སླར་གསོ་བྱ་རྒྱུའི་ལས་དོན་རླབས་ཆེན་འདི་དག་ལེགས་པར་འགྲུབ་ཐུབ་

མིན་ནི་༸གོང་ས་༸སྐྱབས་མགོན་ཆེན་པོའི་སྐུ་ཚེ་མཛད་འཕྲིན་ཁོ་ནར་ལྟོས་པ་རང་རེའི་འདས་པའི་ལོ་རྒྱུས་

ནས་ར་འཕྲོད་ཡོད། དོལ་རྒྱལ་བསྟེན་གསོལ་བྱས་ན་སྐུ་ཚེར་འགལ་རྐྱེན་ཡོང་གི་ཡོད་པ་བཀའ་སློབ་གསལ་

རྗེན་འདི་ལྟ་བུ་གནང་བཞིན་དུ་ད་དུང་སྐུ་ཚེ་མཛད་འཕྲིན་གྱི་འགལ་རྐྱེན་དོལ་རྒྱལ་བསྟེན་གསོལ་ཨུ་ཚུགས་ ཀྱིས ་མཚམས་འཇོ ག་མི་བྱེད་པ་དང༌། དེའི་དོ ན ་དུ་སྨྲེ་སྔགས་འདོན་པ་ནི ་ བོད་བསྟན་སྲིད་ཀྱི་ དོན་དུ་ལྷག་

བསམ་བཅངས་པ་དང༌། རི་བོ་དགེ་ལུགས་པའི་མཚན་ལ་དགུང་འདེགས་སུ་འགྲོ་གི་ཡོད་མེད་བྱ་སྤྱོད་འདི་ནས་ ལེགས་པར་ཤེས་ཐུབ་པ་ཡིན།

དེ་ལྟར་དོལ་རྒྱལ་བསྟེན་གསོལ་འདི་བོད་བསྟན་སྲིད་དང་འབྲེལ་བ་ཆེན་པོ་ཆགས་ཡོད་སྟབས་༸གོང་

ས་མཆོག་ནས་འདས་པའི་ལོ་ཉི་ཤུ་ལྷག་ཙམ་རིང་ཐུགས་ཧ་ཅང་གཟབ་ནན་ཆེན་པོས་ཞིབ་འཇུག་ཡང་ཡང་ གནང་ཞིང༌། མཐའ་མཇུག་༸སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེ་མཆོག་ལའང་སྙན་བསྐུལ་གྱིས་སྐྱབས་ རྗེ་རིན་པོ་ཆེ་མཆོག་ནས་ཀྱང་མཛད་ཐབས་འདི་བསླུ་བ་མེད་པ་ཡིན་པ་ཞལ་བཞེས་གནང་བ་ཞིག་ཡིན། དེར་ བརྟེན་བསམ་གཞིགས་ནན་ཏན་བྱེད་དགོས།

ཉེ་ཆར་༸གོང་ས་མཆོག་གི་བཀའ་སློབ་གཅིག་ནང་སྐུ་ཕྱྭ་ཟེར་དུས་གྲི་མེ་མདའ་དང༌། འབམ་སྐེད་པར་

གཟེར་ནས་མཆོང་ཡོང་མཁན་དེ་འདྲ་གཅིག་པུར་གོ་རྒྱུ་མེད། དེ་འདྲའི་རིགས་ཧ་ཅང་དཀོན་པོ་ཡིན། ངས་བླང་

དོར་ལམ་སྟོན་བགྱིས་པའི་ཁ་ལ་མ་ཉན་པར་རྒྱབ་འགལ་ཤ་སྟག་བྱས་ན། ང་ཡིད་ཐང་ཆད་ནས་བསྡད་པས་ཕན་

ཐོགས་མི་འདུག་བསམ་པའི་བློ་ཕམ་དུ་བཅུག་ན་སྐུ་ཕྱྭར་འབྲེལ་བ་ཆགས་མི་སྲིད་པ་མིན་ཞེས་བཀའ་ཕེབས་པ་ 128

དཔལ་ལྡན་བཀའ་ཤག་གི་གསལ་བསྒྲགས།

དང༌། ཡང་དེ་རྗེས་ད་ཆ་ལོ་དྲུག་ཅུ་རེ་གྲངས་ལ་སླེབས་ཚར་བའི་མི་ཞིག་ཡིན། ཚེ་རབས་སྔོན་མར་བསོད་ནམས་

ཕྲན་བུ་བསགས་ཡོད་པས་རང་ལ་གནོད་འགལ་དེ་ཙམ་མཐོང་གི་མི་འདུག་ཅེས་དང༌། རྒྱ་ཆེའི་བོད་མི་མང་གི་

གདོང་ལ་བལྟས་ནས་ང་ཚོ་འདི་འདྲའི་ཐབས་སྐྱོ་པོ་ཡོད་པའི་སྐབས་ལ་སྡུག་པོ་མྱོང་རོགས་དང༌། བསམ་བློའི་ནང་ སེམས་གསོ་ལྟ་བུའི་བློ་བག་སྤྲོ་རོགས་ལ་ཕན་ན་བསམ་ནས་ཨུ་ཚུགས་བྱས་ཏེ་སྡོད་ཀྱི་ཡོད་མ་གཏོགས། ངས་ སྟངས་འཛིན་བྱས་པ་འདི་ང་རང་སྒེར་ལ་ཁེ་ཕན་ཡོད་པ་དེ་འདྲ་གང་ཡང་མིན་ཞེས་བཀའ་ཕེབས་པ་བཅས་འདི་

དག་ལ་བསམ་བློ་ཞིབ་ཏུ་བཏང་ནས་བོད་མི་སྤྱི་དང༌། བྱེ་བྲག་དོལ་རྒྱལ་བསྟེན་གསོལ་བྱེད་མཁན་རྣམས་ནས་

འཕྲལ་དུ་མཚམས་འཇོག་མ་བྱས་ན། སྤྱི་སྒེར་གང་ཐད་ཉེན་འགན་མི་བཟོད་པའི་དུས་ལ་སླེབས་ཡོད་པར་བརྟེན། ཆོས་དད་རང་མོས་ལ་ཁ་གཡར་ས་ཡང་བསྡད་མེད།

ང་ཚོས་སྡུག་ས་ནས་བཤད་ན། ནང་ཁུལ་དམ་ཚིག་མ་མཐུན་པའི་དབང་གིས་བོད་བསྟན་པ་ཆབ་སྲིད་

དང༌། ༸གོང་ས་མཆོག་གི་སྐུ་ཕྱྭར་གནོད་འགལ་ཡོང་གཞི་ཆགས་ན་ཆོས་དད་རང་དབང་དང༌། མང་གཙོ་ཁ་ཁྱེར་

བྱས་པས་ཅི་ལ་ཕན། དེ་རྩིས་ཕུགས་དོན་འགྱོད་གཞི་ཆེན་པོ་མ་ཆགས་སྔོན་ཚང་མས་མནོ་བསམ་ནང་དུ་བཀུག་ གནས་༸གོང་ས་མཆོག་གི་བཀའ་སློབ་སྔ་ཕྱིའི་དགོངས་དོན་ལ་སྤང་བླང་ཚུལ་བཞིན་སྤྱོད་རྒྱུ་ཤིན་ཏུ་ནས་གལ་

ཆེ། ཆོས་དད་རང་མོས་དང་རང་དབང་མང་གཙོ་བཤད་དེ་དོན་ལོག་ཏུ་སྤྱོད་པ་ག་ལ་རུང༌། ལར་ནས་༸གོང་ས་ མཆོག་གིས་ཆོས་དད་རང་མོས་ལ་རྡོག་རོལ་བརྩི་མེད་བཏང་གནང་བ་ག་ལ་ཡོད། བོད་སུ་ཡིན་རུང་ཕྱི་ནང་སྤྱི་ དང༌། བོད་ཀྱི་ནང་ཆོས་སུ་གཏོགས་པའི་ཆོས་བརྒྱུད་གང་གི་ཁུངས་སུ་འཛུལ་ཞུགས་ཉམས་ལེན་བྱས་ཀྱང༌། དེ་ ལ་སུ་གཅིག་གིས་དགག་དགོས་ཤོད་མཁན་མེད། དེའི་དབང་གིས་བོད་མིའི་ཁྲོད་དུ་ཡེ་ཤུ་དང༌། ཁ་ཆེ། གཞན་

ཡང་ཆོས་བརྒྱུད་ཆེན་པོ་བཞི་དང༌། གཡུང་དྲུང་བོན་དང་བཅས་པའི་ཁུངས་སུ་རང་རང་འདོད་མོས་ལྟར་དགའ་ སྤྲོ་བག་ཕེབས་ཀྱི་ངང་སྤྱོད་བཞིན་པ་ཡིན། འོན་ཀྱང་འདིར་གལ་ཆེ་ནན་དཔེར་བརྗོད་རྒྱུ་ཞིག་ལ་ཡེ་ཤུ་དང༌། ཁ་ ཆེ་ལྟ་བུའི་དགོན་པ་ཞིག་ལ་ཆོས་དད་རང་མོས་ཡིན་ཞེས་ནང་པའི་ཆོས་ཀྱི་བཞེད་གཞུང་དང་མཐུན་པའི་ཆོས་

སྤྱོད་ཀྱི་རིམ་པ་ལག་བསྟར་དགོས་རྒྱུ་བརྗོད་ག་ལ་འོས་ཤིང༌། དེ་བཞིན་ཆོས་དད་རང་མོས་ཀྱི་རྨང་གཞི་བཟུང་

ནས་རྙིང་མའི་དགོན་པའི་ནང་བཀའ་བརྒྱུད་དང༌། ས་སྐྱ། དགེ་ལུགས་ཀྱི་ལྟ་གྲུབ་ཀྱི་རྣམ་གཞག་དང༌། དགོན་སྡེ་དེ་ དང་དེར་རན་འཚམས་མེད་པའི་ཆོས་སྤྱོད་ཀྱི་བཞེད་སྲོལ་ཉམས་བསྟར་དགོས་ལུགས་བརྗོད་རྒྱུའང་ཅི་ལ་རུང༌། ཕྱོགས་གཞན་ནས་བཤད་ན། ཁ་ཆེའམ། ཡེ་ཤུའི་དགོན་པའི་ནང་དེའི་ལྟ་གྲུབ་དང༌། དེའི་ཆོས་སྤྱོད་རྒྱུན་སྐྱོང་ 129

དཔལ་ལྡན་བཀའ་ཤག་གི་གསལ་བསྒྲགས།

ཉམས་བཞེས་བྱེད་དགོས་པ་དང༌། དེ་ལ་ཆོས་ལུགས་གཞན་གྱི་ལྟ་སྤྱོད་དང༌། དགོན་སྡེ་དེ་དང་དེར་མ་འཚམས་ པའི་ཉམས་ལེན་བྱས་ན་མི་འགྲིག་པའི་ཁྲིམས་སུ་བཅས་པ་ནི་ཆོས་ཕྱོགས་ཀྱི་ལམ་ལུགས་དང༌། དེ་བཞིན་རང་ དབང་དང༌། མང་གཙོ་གནས་ལུགས་བཅས་དང་མཐུན་པ་ཞིག་ཡིན། དེས་ན་ཆོས་དད་རང་མོས་ཡིན། དེ་ལྟར་

བཙན་བཀའ་གཏོང་བའི་ཁྲིམས་དོན་དེ་ག་ལ་རུང་ཞེས་བློ་དང་ལྡན་པ་སུས་བརྗོད་ནུས། རང་རེའི་བོད་ཀྱི་ཆོས་

ཕྱོགས་སྲོལ་ནས་བྱས་ནའང་ཆོས་བརྒྱུད་གང་ཞིག་ཏུ་གཏོགས་པའི་དགོན་སྡེ་དེར་དབང་ཚད་ཡོད་པའི་བླ་མའམ། དགོན་བདག་དེས་དགོན་སྡེ་དེ་དང་དེར་ལྷ་སྲུང་གང་བསྟེན་འོས་མིན་དང༌། ལྟ་སྤྱོད་གང་དུ་འཇུག་དགོས་མིན་

སོགས་ཆོས་ཕྱོགས་ཀྱི་སློབ་སྟོན་གནང་རྒྱུ་ནི་བླ་མ་དེའི་འགན་དབང་ཡིན་པ་ལས། དགོན་གྲྭ་དང་སློབ་མས་ཆོས་ དད་རང་མོས་ཡིན་ཞེས་བླ་མར་རྩོད་གླེང་བྱེད་སྲོལ་མེད།

ལར་ནས་འདི་དང་འབྲེལ་བར་རྩ་བའི་དོན་གནད་གལ་ཆེ་གཞན་ཞིག་བརྗོད་རྒྱུར། ༸གོང་ས་༸སྐྱབས་

མགོན་ཆེན་པོ་མཆོག་བོད་ཆོས་སྲིད་གཉིས་ཀྱི་དབུ་ཁྲིད་བླ་ན་མེད་པ་དེ་ཡིན། ཆོས་ཕྱོགས་ཀྱི་དབུ་ཁྲིད་ཡིན་

པའི་ཆ་ནས་བོད་ཀྱི་དགོན་སྡེ་དང༌། བོད་མི་མང་ལ་འདི་ཕྱི་གཉིས་ཕན་གྱི་ཆོས་ཕྱོགས་ཀྱི་ལམ་སྟོན་གནང་རྒྱུ་ དང༌། ཆབ་སྲིད་ཀྱི་དབུ་ཁྲིད་ཡིན་པའི་ཆ་ནས་བོད་ཀྱི་ཆབ་སྲིད་ལ་གནོད་འགལ་དུ་འགྱུར་གཞིའི་བྱ་སྤྱོད་འགོག་ སྡོམ་དང༌། ལམ་སྟོན་གནང་རྒྱུ་ནི་༸གོང་ས་མཆོག་གི་ཐུགས་འགན་དང༌། སྐུ་དབང་ཡིན། ཆོས་དད་རང་མོས་

དང༌། མང་གཙོ་དང་འགལ་བ་ག་ལ་ཡིན། དེ་ལྟར་འགལ་ལོ་ཞེས་ཀུ་ཅོ་འདོན་པ་ནི་དཔེར་ན་ཆོས་དོན་ལོག་སྒྲུབ་ ཀྱི་ངན་སྔགས་བྱས་ན་འདི་ཕྱི་གཉིས་འཕུང་དང༌། བསྟན་སྲིད་ལ་གནོད་ཚབས་འབྱུང་བས་མི་རུང་ཞེས་ལམ་སྟོན་

བྱས་པར། ཆོས་དད་རང་མོས་ཡིན་ཞེས་ཀུ་ཅོ་འདོན་ན་ཁྲིམས་སྲོལ་དང༌། ཆོས་དད་རང་མོས་དང་མཐུན་ནམ་མི་ མཐུན། རྒྱལ་ཁབ་དང་སྐྱེ་བོ་སུས་བལྟས་ཀྱང་ཤེས་ཐུབ་པ་ཞིག་ཡིན།

ལྷག་པར་༸གོང་ས་མཆོག་གི་དོལ་རྒྱལ་བསྟེན་གསོལ་བྱེད་པ་འདིའི་སྐོར་ལམ་སྟོན་གང་གནང་བའི་དོན་

གནད་སྙིང་པོ་འདི་ལ་སོགས་དང༌། ཆོས་དད་རང་དབང་དང༌། མང་གཙོ་ལ་འགོག་རྐྱེན་ཡོད་མེད་དེ་ནས་ཤེས་

ཐུབ། ལམ་སྟོན་སྙིང་པོ་ནི། དོལ་རྒྱལ་བསྟེན་གསོལ་བྱེད་པ་འདི་བོད་བསྟན་པ་ཆབ་སྲིད་ལ་གནོད་ཚབས་ཆེ་བ་

དང༌། ༸གོང་ས་མཆོག་གིས་སྐུ་ཕྱྭ་ལའང་ངན་དོགས་ཆེ་བས་དགོན་སྡེ་གྲྭ་ཚང་སོགས་དང༌། གང་ཟག་སྤྱི་བྱེ་ནས་ སྤྱི་དོན་ལ་མནོ་བསམ་ནན་ཟབ་བཏང་སྟེ་དོལ་རྒྱལ་བསྟེན་གསོལ་མཚམས་འཇོག་བྱེད་རྒྱུ་གལ་ཆེ་ཡིན་ཚུལ་

དང༌། བོད་བསྟན་སྲིད་སོགས་ལ་བསམ་ཞིབ་མ་བྱས་པར་མུ་མཐུད་བསྟེན་གསོལ་བྱས་ན་ཕྱིས་འགྱོད་ཆགས་ 130

དཔལ་ལྡན་བཀའ་ཤག་གི་གསལ་བསྒྲགས།

གཞི་ཆེ་བས་དེ་རྩིས་ཚང་མས་སྤང་བླང་འགལ་སྤྱོད་དུ་མ་སོང་བ་དགོས་སྐོར་ཞིབ་ཆའི་བཀའ་སློབ་ཕེབས་པ་འདི་ རེད། མདོར་སྙིང་པོ་བསྡུས་ན་གདན་ས་ཆེན་པོ་ཁག་དང༌། རྒྱུད་གྲྭ་སྟོད་སྨད་གཙོ་གྱུར་གྱིས་སྒྲིག་འཛུགས་སུ་

ཡོད་པའི་དགོན་སྡེ་ཁག་ནང་བསྟེན་གསོལ་ནམ་ཡང་བྱས་ན་མི་འཐུས་ཤིང༌། དེ་མིན་བོད་བསྟན་པ་ཆབ་སྲིད་ལ་ གནོད་ཀྱང་གནོད། ༸གོང་ས་མཆོག་གི་སྐུ་ཕྱྭ་ལ་གནོད་ཀྱང་གནོད་ཁྱད་པར་མེད། ཆོས་དད་རང་མོས་ཡིན། མང་ གཙོ་ཡིན། རང་དབང་ཡིན། དོལ་རྒྱལ་བསྟེན་གསོལ་བྱེད་རྒྱུ་ལ་འགྱུར་བ་མི་གཏོང་ཐག་གཅོད་ཡིན། ཞེས་ཀུ་ཅོ་

འདོན་ནའང་རང་མོས་ཡིན། དོན་འདི་ལ་མཚོན་ནའང་ཆོས་དད་དང༌། རང་དབང་ལ་འགལ་འགྱུར་ལྟ་ཅི་ཇི་བྱེད་ རང་ལ་གདམ་ང་གནང་བ་ཞིག་རེད། འོན་ཀྱང་དེ་ལྟར་མཁྲེགས་བཟུང་བྱས་ཚེ་ངོས་འཛིན་ཇི་བྱེད་བོད་རྒྱ་ཆེའི་

མི་མང་གིས་མང་གཙོའི་ལམ་ནས་ཐག་གཅོད་བྱེད་རྒྱུ་དེ་རེད། དེ་རྩིས་འབྲེལ་ཡོད་ཚང་མས་ཆེ་ས་བོད་བསྟན་ སྲིད་དང༌། ༸གོང་ས་མཆོག་གི་སྐུ་ཕྱྭར་བསམ་སྟེ་ད་ལྟའི་བོད་ཀྱི་དུས་སྐབས་གཉན་འཕྲང་ཅན་འདིར་གནས་དུས་ ཚོད་རྩིས་སུ་མ་སོང་བར་སྤང་བླང་འཛོལ་མེད་ཡོང་བ་དང༌། འབྲེལ་ཡོད་ཆོས་བརྒྱུད་ཁག་གི་དབུ་འཛིན་རྣམ་

པ་དང༌། གཞན་ཡང་མཁན་པོ་བླ་སྤྲུལ་དང་དགེ་བཤེས་རྣམ་པ། དེ་བཞིན་ས་གནས་འགོ་འཛིན་དང༌། སྤྱི་སྒེར་

འགན་ཡོད་ཀྱི་མི་སྣ་བཅས་ནས་ད་ལམ་༸གོང་ས་༸སྐྱབས་མགོན་ཆེན་པོ་མཆོག་ནས་དོལ་རྒྱལ་གྱི་སྐོར་བཀའ་ སློབ་ལམ་སྟོན་ཇི་ལྟར་གནང་བ་ཐུགས་ལ་བཞག་ནས་མཇུག་གནོན་རྒྱུན་བསྲིངས་གནང་སྟེ་རང་རང་གི་ཚན་ པ་སོ་སོར་མགོ་འོག་ལུས་ཆུག་གི་བཀོད་འདོམས་ཡན་པོར་མ་སོང་བ་གནང་དགོས་པ་དང༌། ལྷག་པར་ད་རེས་

ཀྱི་གནས་ཚུལ་འདི་ཕ་རོལ་པོས་བེད་སྤྱོད་ལོག་པར་གཏོང་རྒྱུར་ཡིད་གཟབ་དོགས་ཟོན་གྱིས་མི་མང་ཐོག་དོན་

དངོས་རྟོགས་པའི་གསལ་བཤད་སློབ་སྟོན་ལེགས་པར་གནང་དགོས། རྒྱ་ཆེའི་མང་ཚོགས་ནས་ཀྱང་ལྷག་བསམ་ ལངས་ཕྱོགས་འགྱུར་མེད་ཀྱི་སྒོ་ནས་བོད་སྤྱི་དོན་སྙིང་བཅངས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོའི་

ཐུགས་ཀྱི་བཞེད་དགོངས་འགྲུབ་ཐབས་ལ་རང་རང་བློ་རྩལ་ཐབས་ནུས་ཡོད་རྒུ་ལེགས་སྐྱེས་སུ་འབུལ་དགོས་པ་ བཅས་ཀྱི་འབོད་སྐུལ་གསལ་བསྒྲགས་སུ། བཀའ་ཤག་ནས་ཕྱི་ལོ་ ༡༩༩༦ ཟླ་ ༥ ཚེས་ ༣༡ ལ།།

131

དཔལ་ལྡན་བཀའ་ཤག་གི་གསལ་བསྒྲགས།

དཔལ་ལྡན་སྲིད་སྐྱོང་མཆོག་གི་དོལ་རྒྱལ་རྗེས་འབྲང་པའི་ཚུལ་མིན་བྱ་སྤྱོད་སྐོར་ལ་ གསར་འགོད་གསལ་བསྒྲགས།

༄༅། །ཕྱི་ལོ་ ༢༠༡༤ ཟླ་ ༥ ཚེས་ ༨ ཉིན་གྱི་ཕྱེད་ཡོལ་ཆུ་ཚོད་ ༡༢།༣༠ ཐོག་ཕྱི་དྲིལ་ལྷག་པ་ཚེ་རིང་དྲན་རྟེན་

ཚོགས་ཁང་ནང་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་བོད་པའི་གསར་ འགོད་པ་ཁྱོན་མི་གྲངས་ ༢༠ བརྒལ་བ་ལྷན་འཛོམས་བྱུང་བ་རྣམས་ལ་དོལ་རྒྱལ་རྗེས་འབྲངས་པའི་ཚུལ་མིན་བྱ་ སྤྱོད་སྐོར་ལ་གསར་འགོད་གསལ་བསྒྲགས་སྤེལ་དོན། ཚང་མས་མཁྱེན་གསལ་ལྟར། ༸གོང་ས་༸སྐྱབས་མགོན་ ཆེན་པོ་མཆོག་གིས་ཡུ་རོབ་རྒྱལ་ཁབ་ཁག་ནང་མཛད་འཕྲིན་བསྐྱངས་དང་སྐྱོང་མུས་རེད། དམིགས་བསལ་ནོར་ ཝེའི་རྒྱལ་ཁབ་ནང་མཛད་འཕྲིན་སྐྱོང་བཞིན་ཡོད། མཛད་འཕྲིན་ཧ་ཅང་རྒྱས་པ་ཡོང་གི་ཡོད་པ་ང་ཚོ་ཚང་མས་ མཁྱེན་གསལ་རེད། དམིགས་བསལ་ནོར་ཝེ་ནང་ནོར་ཝེ་མི་མང་ནས་༸གོང་ས་མཆོག་ལ་དགའ་བསུའི་ཕེབས་

བསུ་གཟབ་རྒྱས་ཞུ་བཞིན་ཡོད། བདུན་ཕྲག་གཉིས་ཙམ་གོང་གསར་འགྱུར་བརྒྱུད་ལམ་ཁག་ནང་དམིགས་ བསལ་གླེང་སློང་མང་དག་ཅིག་བྱུང་ཡོད། གསར་འགྱུར་བརྒྱུད་ལམ་ཁག་ནས་ཡིན་རུང་༸གོང་ས་༸སྐྱབས་ མགོན་ཆེན་པོ་མཆོག་ནོར་ཝེར་ཆིབས་སྒྱུར་བསྐྱང་རྒྱུར་དགའ་བསུ་དང་ཕེབས་བསུ་ཞུས་པའི་ཐོག་དམིགས་ བསལ་གནད་དོན་གཅིག་ག་རེ་གསུང་གི་འདུག་ཅེ་ན། རྒྱ་ནག་གཞུང་གི་གནོན་ཤུགས་འོག་ནོར་ཝེའི་གཞུང་གི་

གནད་ཡོད་མི་སྣ་ཚོས་༸གོང་ས་མཆོག་དང་མཇལ་འཕྲད་མ་ཞུས་པ་དེ་ནི་རྩ་བ་ནས་འགྲིག་གི་མེད། ཅེས་གསར་ འགྱུར་བརྒྱུད་ལམ་ཁག་ནས་གཅིག་མཚུངས་གསུང་གི་འདུག

མི་མང་ནས་ཀྱང་གཞུང་གི་གནད་ཡོད་མི་སྣས་མཇལ་འཕྲད་མ་ཞུས་པ་དེར་མོས་མཐུན་མེད་པ་དང་༸གོང་

ས་མཆོག་ནོར་ཝེར་ཆིབས་སྒྱུར་བསྐྱངས་པ་ནི་བཀའ་དྲིན་ཆེན་པོ་ཡིན་པའི་རྣམ་པ་ཤུགས་ཆེ་སྟོན་གྱི་འདུག འོན་ ཀྱང་བློ་ཕམ་དགོས་པ་ཞིག་ལ། དོལ་རྒྱལ་བསྟེན་མཁན་ཉུང་ཤས་ཤིག་དང་དེའི་ནང་ནས་ལྔ་བཅུ་དྲུག་ཅུ་ཙམ་ཡོད་

པ་རྣམས་མང་ཆེ་བ་ཕྱི་རྒྱལ་གྱི་མི་རིགས་ཆགས་འདུག ཁོ་པ་ཚོས་གསར་འགྱུར་བརྒྱུད་ལམ་ཁག་ནང་༸གོང་ས་

མཆོག་ནོར་ཝེར་ཆིབས་སྒྱུར་བསྐྱངས་སྐབས་ནོར་ཝེའི་གཞུང་གི་གནད་ཡོད་མི་སྣས་མཇལ་འཕྲད་མ་ཞུས་པ་དེར་ 132

དཔལ་ལྡན་བཀའ་ཤག་གི་གསལ་བསྒྲགས།

རྒྱབ་སྐྱོར་ཡོད། ཅེས་བརྗོད་འདུག དེ་ནི་བློ་ཕམ་དགོས་པའི་གནས་ཚུལ་ཡིན་པ་མ་ཟད། ཧ་ཅང་ཐབས་སྐྱོ་པོ་རེད།

དོལ་རྒྱལ་བསྟེན་མཁན་ཚོས་ཆོས་དད་རང་དབང་དང་འགྲོ་བ་མིའི་ཐོབ་ཐང་ཁར་འཁྱེར་བ་ཙམ་ལས་ཆབ་སྲིད་ རགས་པ་རང་འཁྲབ་བཞིན་ཡོད་པ་ཧ་ཅང་གསལ་པོ་ཆགས་ཡོད། རྒྱ་ནག་གཞུང་གིས་གནོན་ཤུགས་འོག་ནོར་ཝེའི་

གཞུང་གི་གནད་ཡོད་མི་སྣས་༸གོང་ས་མཆོག་དང་མཇལ་འཕྲད་མ་ཞུས་པ་དེར་རྒྱབ་སྐྱོར་ཡོད། ཅེས་དོལ་རྒྱལ་

བསྟེན་མཁན་ཞིག་གིས་ཤོད་སྐབས། རྒྱ་ནག་གཞུང་གིས་ཆབ་སྲིད་ཐོག་བེད་སྤྱོད་གཏོང་གི་ཡོད་པ་ཧ་ཅང་གསལ་ པོ་ཆགས་ཡོད། དེར་མཐའ་གཅིག་ཏུ་ངོ་རྒོལ་ཡོད་ཅེས་བཀའ་ཤག་གི་ཚབ་ཞུས་ཏེ་ཞུ་རྒྱུ་ཡིན།

དེ་ནས་དོལ་རྒྱལ་ཚོགས་པས་དུས་ད་ལྟ་བར་དུ་གླེང་སློང་བྱེད་བཞིན་པ་ནི། བཙན་བྱོལ་སྤྱི་ཚོགས་ནང་

དོལ་རྒྱལ་བསྟེན་མཁན་ཚོར་ཆོས་དད་རང་དབང་དང་འགྲོ་བ་མིའི་ཐོབ་ཐང་མེད་པ་མ་ཟད། སློབ་གྲྭ་དང་གཞིས་ ཆགས་ཁག་ནང་དབྱེ་འབྱེད་བྱེད་ཀྱི་ཡོད་པའི་གཞི་མེད་ཀྱི་སྐྱོན་འཛུགས་མང་དག་ཅིག་བྱེད་བཞིན་ཡོད། ཞིབ་ ཚགས་ཐོག་གཟིགས་ན། སྤྱིར་བཏང་དེའི་ཐོག་རྒྱ་གར་གྱི་འགྲོ་བ་མིའི་ཐོབ་ཐང་གི་བསྟི་གནས་ཁག་དང་རྒྱལ་

སྤྱིའི་འགྲོ་བ་མིའི་ཐོབ་ཐང་ཚོགས་པ། ལྡི་ལིའི་ཁྲིམས་ཁང་བཅས་ནས་ཀྱང་དེ་དག་གཞི་མེད་ཡིན་པའི་ཁྲིམས་

ཐག་བཅད་པའི་གནད་དོན་ཆགས་ཡོད། དེའི་ནང་ནས་རྡ་སར་མཚན་ཉིད་གྲྭ་ཚང་གི་དགེ་བཤེས་ལགས་བཀྲོངས་ པའི་སྐོར་ལ་རྒྱལ་སྤྱིའི་ Interpol ཨིན་ཊར་པོལ་ཐོག་ནས་ཡིན་རུང་ཞིབ་འཇུག་བྱས་ཡོད། འོན་ཀྱང་ད་ལྟ་ཁོ་

པ་ཚོས་གཞི་མེད་སྐྱོན་འཛུགས་རྣམས་ཆོས་དད་རང་དབང་མི་འདུག་ཅེས་ཤོད་སྐབས། ད་རེས་བཀའ་ཤག་ནས་ དམིགས་བསལ་གསལ་བཤད་ཞུ་འདོད་ག་རེ་བྱུང་ཞེ་ན། བོད་མི་སུ་ཞིག་ཡིན་རུང་དཔྱ་ཁྲལ་ལག་དེབ་དགོས་ཀྱི་ ཡོད། དཔྱ་ཁྲལ་ལག་དེབ་དཔལ་འབྱོར་ལས་ཁུངས་ནས་གནང་གི་ཡོད། རྒྱ་གར་ལ་གནས་ཐུབ་ཐབས་བྱེད་པར་

R.C སྐྱབས་བཅོལ་ལག་དེབ་དགོས་ཀྱི་ཡོད། སྐྱབས་བཅོལ་ལག་དེབ་རྒྱ་གར་གཞུང་ནས་གནང་གི་ཡོད། འོན་

ཀྱང་དེ་ཐོབ་པར་ས་གནས་འགོ་འཛིན་དང་བདེ་སྲུང་ལས་ཁུངས་ཀྱི་རྒྱབ་གཉེར་དགོས་ཀྱི་ཡོད། བོད་མི་སུ་ཞིག་

ཡིན་རུང་ཕྱི་རྒྱལ་དུ་འགྲོ་ཆེད་ I.C དེབ་སེར་པོ་དགོས་ཀྱི་ཡོད། དེབ་སེར་པོ་རྒྱ་གར་གཞུང་ནས་གནང་གི་ཡོད་ ཀྱང་དེར་རྒྱབ་གཉེར་བོད་མིའི་སྒྲིག་འཛུགས་ནས་གནང་དགོས་ཀྱི་ཡོད།

དེ ར ་བརྟེ ན ་རྒྱ་གར་ལ་ཡོ ད ་པའི ་ དོ ལ ་རྒྱལ་བསྟེ ན ་མཁན་ཚོ ་ གཞི ས ་ཆགས་ཁག་ཏུ་ཡོ ད ་པ་ཡི ན ་ན།

ཁོ་པ་ཚོ་མང་ཆེ་བར་དཔྱ་ཁྲལ་ལག་དེབ་ཡོད་པ་ཆགས་ཀྱི་ཡོད། དཔལ་འབྱོར་ལས་ཁུངས་ནས་དོལ་རྒྱལ་ བསྟེན་མཁན་ཡིན་དང་མིན་གྱི་དབྱེ་བ་འབྱེད་ཀྱི་མེད། དཔྱ་ཁྲལ་ལག་དེབ་གཞིར་བཟུང་སློབ་གྲྭར་ཚུད་དང་མ་ 133

དཔལ་ལྡན་བཀའ་ཤག་གི་གསལ་བསྒྲགས།

ཚུད། དེ་བཞིན་འཕྲོད་བསྟེན་དང་ཤེས་ཡོན་ཐོག་ལ་མཐུན་རྐྱེན་གང་ཞིག་ཡོད་ཀྱང་གཅིག་མཚུངས་གནང་གི་ ཡོད། དམིགས་བསལ་རྒྱ་གར་ལ་གནས་པར་སྐྱབས་བཅོལ་ལག་དེབ་དགོས་ཀྱི་ཡོད། དེ་ཡང་བོད་མིའི་སྒྲིག་ འཛུགས་ཀྱི་རྒྱབ་གཉེར་ཡོད་པའི་ཐོག་ནས་ཁོ་པ་ཚོར་རག་གི་ཡོད་པ་རེད་མ་གཏོགས་བོད་མིའི་སྒྲིག་འཛུགས་

ཀྱི་རྒྱབ་གཉེར་མེད་ན་ཧ་ཅང་དཀའ་ལས་ཁག་པོ་ཆགས་ཀྱི་རེད། གལ་སྲིད་བོད་མིའི་སྒྲིག་འཛུགས་ནས་དོལ་ རྒྱལ་བསྟེན་མཁན་ཚོར་དབྱེ་བ་འབྱེད་དགོས་ཀྱི་ཡོད་ན། དཔྱ་ཁྲལ་ལག་དེབ་དང་སྐྱབས་བཅོལ་ལག་དེབ་ཐོག་

དབྱེ་འབྱེད་བྱས་ཆོག་ཆོག་ཡོད་ཀྱང་དུས་ད་ལྟ་བར་དུ་དབྱེ་བ་ཕྱེ་བའི་གནས་ཚུལ་ཤོད་རྒྱུ་མེད། དེར་བརྟེན་ང་ ཚོས་བོད་མི་གཅིག་མཚུངས་ལ་གནང་བ་ལྟར་དོལ་རྒྱལ་བསྟེན་མཁན་ཚོར་བྱེད་ཀྱི་ཡོད་སྟབས། ཁོ་པ་ཚོ་རྒྱ་

གར་དུ་གནས་ཐུབ་ཀྱི་ཡོད། དམིགས་བསལ་ཕྱི་རྒྱལ་དུ་འགྲོ་མཁན་ཡིན་ན་དེབ་སེར་པོ་དགོས་ཀྱི་ཡོད། དོལ་ རྒྱལ་བསྟེན་མཁན་ཕྱི་རྒྱལ་དུ་ཡོད་མཁན་མང་ཆེ་བ་དེབ་སེར་པོ་འཁྱེར་ན་ཕྱིན་པ་ཞིག་ཆགས་ཀྱི་ཡོད། དེ་དག་ བོད་མིའི་སྒྲིག་འཛུགས་ཀྱི་རྒྱབ་གཉེར་ཡོད་པའི་ཐོག་ནས་བྱུང་བ་ཞིག་རེད། ཕལ་ཆེར་ཁོ་པ་ཚོ་སྐྱབས་བཅོལ་ ཞུ་སྐབས་བཙན་བྱོལ་སྤྱི་ཚོགས་ནང་ཆོས་དད་རང་དབང་མེད་པ་རེད། ཅེས་སྐྱབས་བཅོལ་ཞུ་མདོག་ཁ་པོ་རེད།

འོན་ཀྱང་རང་ཉིད་ཀྱི་ལག་པར་ཡོད་པའི་ཡིག་ཆ་དེ་དག་བོད་མིའི་སྒྲིག་འཛུགས་ནས་རྒྱབ་སྐྱོར་གནང་བ་

དེ་གསལ་པོ་ཡིན་སྟབས། ཆོས་དད་རང་དབང་མེད་ན་ཨང་དང་པོ་སོ་སོའི་ལག་པར་ཡོད་པའི་ཕྱི་རྒྱལ་དུ་འགྲོ་ རྒྱུའི་ཡིག་ཆ་དེ་ག་ནས་རག་པ་རེད་དམ། ཞེས་དྲི་བ་བཏང་ན་བོད་མིའི་སྒྲིག་འཛུགས་ཀྱིས་གནང་བ་ཞིག་ཆགས་

ཡོད། བོད་མིའི་སྒྲིག་འཛུགས་ཀྱི་དབྱེ་འབྱེད་བྱེད་ཀྱི་མེད་པ་ཧ་ཅང་གསལ་སྟོན་བྱས་ཡོད། དེར་བརྟེན་ཁོང་ཚོས་

བོད་མིའི་སྒྲིག་འཛུགས་ལ་སྐྱོན་འཛུགས་བྱས་པ་དེ་གཞི་མེད་ཡིན་པ་ཧ་ཅང་གསལ་པོ་ཆགས་ཀྱི་ཡོད། དེ་བཞིན་ དོལ་རྒྱལ་བསྟེན་མཁན་ཚོས་ཨ་རི་དང་དེང་སྐབས་ཡུ་རོབ་ཁག་ཏུ་ངོ་རྒོལ་བྱེད་མཁན་མི་ཉུང་ཤས་ཤིག་ལས་

མེད་ནའང་། ༸གོང་ས་མཆོག་ལ་ངོ་རྒོལ་བྱེད་སྐབས་བརྡ་ལན་ཁོ་པ་ཚོ་ཆབ་སྲིད་འཁྲབ་པའི་ཐོག་ནས་མཚན་

སྨད་ཞུ་མཁན་ཞིག་ཆགས་ཡོད། དོལ་རྒྱལ་ནི་དགེ་ལུགས་གཅིག་པུའི་གནད་དོན་མ་ཡིན་པར་ཆོས་བརྒྱུད་ཚང་ མའི་གནད་དོན་ཆགས་ཡོད་པར་བརྟེན། ཆོས་བརྒྱུད་ཡོངས་རྫོགས་དང་བོད་ཕྱི་ནང་གཉིས་ཀྱི་བོད་མི་ཚང་མས་

འགན་འཁུར་ལེན་དགོས་པ་ཧ་ཅང་གསལ་པོ་རེད། ཨ་རི་དང་རྒྱ་གར་གྱི་གསང་བའི་སྙན་ཐོའི་ནང་། དོལ་རྒྱལ་ ཐོག་ནས་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཕྱྭར་ཉེན་ཁ་ཡོད་པ་གསལ་ཡོད། དེར་བརྟེན་ཕྱི་ནང་གི་ བོད་མི་ཚང་མས་འགན་ཁུར་ལེན་རོགས་ཞུ་རྒྱུ་ཡིན། །

134

དཔལ་ལྡན་ཚོགས་གཙོ་མཆོག་གི་གསུང་བཤད།

དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གི་ དོལ་རྒྱལ་དང་འབྲེལ་བའི་སྐོར་ལ་གསུང་བཤད།

( ཕྱི་ལོ་ ༢༠༡༤ ཟླ་ ༦ ཚེས་ ༤ ཉིན་རྡ་སྟེང་བོད་ཁྱིམ་ཚོགས་ཁང་ནང་གཞོན་སྐྱེས་སློབ་ཕྲུག་ཚོར་གསུང་བཤད་གནང་བ་ སྒྲ་ཕབ་ཞུས། )

གླེང་གཞི།

༄༅། །ད་ལྟ་ངོ་སྤྲོད་གནང་བ་བཞིན། ལོ་རྟག་པར་བོད་ཕྲུག་ཁྱིམ་སྡེའི་ནང་སྤྱི་ནོར་༸གོང་ས་༸སྐྱབས་མགོན་

ཆེན་པོ་མཆོག་དངོས་སུ་ཆིབས་བསྒྱུར་བསྐྱངས་ནས་ནང་ཆོས་ངོ་སྤྲོད་དང་འབྲེལ་བའི་བཀའ་སློབ་གནང་གི་

ཡོད་པ་རེད། བཀའ་སློབ་དངོས་སུ་གསན་རྒྱུའི་གོ་སྐབས་རག་པ་དེ་ཁྱེད་རང་ཚོ་ལྟ་བུ་ཡིན་ན། དངོས་གནས་དྲང་

གནས་ཀྱི་བསོད་ནམས་ཆེན་པོ་རེད་བསམ་གྱི་ཡོད། དེར་བརྟེན་དེའི་གོ་སྐབས་དེ་དམ་འཛིན་ཐོག་༸རྒྱལ་བ་རིན་ པོ་ཆེས་བཀའ་གང་གནང་བ་དེའི་ཐོག་འབད་བརྩོན་བྱེད་དགོས་པ་དེ་ཧ་ཅང་གི་གལ་ཆེན་པོ་རེད། ལོ་ཤས་སྔོན་ 135

དཔལ་ལྡན་ཚོགས་གཙོ་མཆོག་གི་གསུང་བཤད།

ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནང་ཆོས་ངོ་སྤྲོད་དང་འབྲེལ་སློབ་ཕྲུག་ཚོའི་ངོས་ནས་

དྲི་བ་འགའ་ཡོང་གི་ཡོད་པ་སོང་ཙང་། ཆབ་སྲིད་དང་འབྲེལ་བ་ཡོད་པའི་དྲི་བ་དེ་དག་དཔལ་ལྡན་སྲིད་སྐྱོང་དང་།

ཚོགས་གཙོ་གཉིས་སྐད་བཏང་ནས་སྐད་ཆ་བཤད་བཅུག་ན་ཞེས་གསུངས་པའི་བརྒྱུད་རིམ་ཞིག་གི་ཐོག་ནས་གོ་ སྒྲིག་གནང་མཁན་ཚོས་ཀྱང་བཀའ་ཞིག་གནང་གི་ཡོད་པ་དང་། བཀའ་གནང་བ་གཞིར་བཟུང་གི་འདིར་བཅར་གྱི་ ཡོད་པ་རེད། བརྗོད་གཞི་འདི་ཚོ་ཡང་གོ་སྒྲིག་གནང་མཁན་ཚོས་དུས་ཚོད་དང་འཚམས་པའི་བརྗོད་གཞི་བཞག་ ནས་ང་ཚོས་འདིའི་ཐོག་ལ་གཏམ་བཤད་ཅིག་བྱེད་ཀྱི་ཡོད་པ་རེད། སོང་ཙང་ངས་གཏམ་བཤད་ཀྱི་སྔོན་དེར་ག་

དུས་ཡིན་ནའང་ཆོབ་འདྲ་པོ་བསླངས་ཀྱི་ཡོད། འོན་ཀྱང་དེ་རིང་བརྗོད་གཞི་དེ་ཆོབ་བསླངས་རྒྱུའི་བརྗོད་གཞི་ལྟ་

བུ་མ་རེད། དེར་བརྟེན་ཁྱེད་རང་ཚོ་བློ་སྒྲིམ་དགོས་པའི་གནས་སྟངས་ཆགས་སྲིད་པ་རེད་དྲན་གྱི་ཡོད། དེ་རིང་

འདིར་ཆིབས་བསྒྱུར་བསྐྱངས་པའི་སྐྱབས་གནས་དགེ་འདུན་གྱི་སྡེ། ལྷག་པར་དུ་དགེ་བཤེས་རྣམ་པ་ཚོ་དེ་རིང་ ཆོས་འབྲེལ་དང་འབྲེལ་ནས་བགྲོ་གླེང་གནང་རྒྱུ་དང་གོ་རྟོགས་སྤེལ་རྒྱུའི་ཆེད་དུ་མཉམ་ཞུགས་གནང་གི་ཡོད་པ་

རེད། གཞན་ཡང་། གོ་སྒྲིག་བྱེད་མཁན་སྤྱི་འཐུས་ཟླ་བ་ཚེ་རིང་ལགས་དང་། བོད་ཕྲུག་ཁྱིམ་སྡེའི་དབུས་དང་ཁྱབ་

ཁོངས་སུ་གཏོགས་པའི་སློབ་གྲྭ་ཁག་གི་འགན་འཛིན་རྣམ་པ་དང་། འབྲེལ་ཡོད་དགེ་རྒན་རྣམ་པ་ཚང་མ་ཕེབས་ ཡོད་པ་དང་། སློབ་གྲྭ་ཁག་མང་པོ་ཞིག་ནས་ཕེབས་ཡོད་པ་རེད། ལྷག་པར་དུ་ཁྱེད་རང་ཚོ་རྡ་རམ་ས་ལའི་ཉེ་ འགྲམ་དུ་ཡོད་མཁན་ཚོར་དམིགས་བསལ་གྱི་གོ་སྐབས་བཟང་པོ་ཞིག་རག་གི་ཡོད་པ་དང་། སློབ་གྲྭ་གཞན་ཁག་

ལ་གོ་སྐབས་དེ་རག་གི་ཡོད་པ་མ་རེད། སྡིངས་ཆ་གལ་ཆེན་པོ་འདི་བེད་སྤྱོད་བཏང་བའི་ཐོག་ནས་སློབ་གྲྭ་གཞན་ པ་ཚོར་༸རྒྱལ་བ་རིན་པོ་ཆེས་བཀའ་སློབ་གནང་བཞག་པ་དེ་འོད་སྡེར་དང་། དྲ་རྒྱ་བརྒྱུད་ནས་སློབ་གྲྭ་ཁག་ལ་ དམིགས་སུ་བཀར་ནས་འདོན་འགྲེམ་ཐུབ་པ་བྱུང་བ་ཡིན་ན་ཡག་པོ་ཡོད་པ་རེད་བསམ་གྱི་འདུག དེ་རིང་དངོས་ སུ་ཕེབས་པའི་བོད་ཕྲུག་ཁྱིམ་སྡེའི་སློབ་གྲྭའི་སློབ་མ་ཁག་དང་། ཤེས་རབ་དགའ་ཚལ་སློབ་གླིང་གི་སློབ་ཕྲུག་རྣམ་ པ། དེ་མིན་གྱི་གཙུག་ལག་སློབ་གཉེར་ཁང་ནས་སློབ་སྦྱོང་བྱེད་བཞིན་པའི་སློབ་ཕྲུག་མང་པོ་ཞིག་ཕེབས་བསྡད་

ཡོད་ས་རེད། ཚང་མ་ལ་ངས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ཏེ་འཚམས་འདྲིའི་བཀྲ་ཤིས་བདེ་ ལེགས་ཞུ་རྒྱུ་ཡིན།

136

དཔལ་ལྡན་ཚོགས་གཙོ་མཆོག་གི་གསུང་བཤད།

རྒྱ་གཞུང་གིས་དུས་རྟག་ཏུ་༸གོང་ས་མཆོག་དང་བོད་མིའི་སྒྲིག་འཛུགས་ལ་ མཛད་དཀའ་སྤྲོད་ཀྱི་ཡོད།

ང་ཚོ་བཙན་བྱོལ་དུ་གྱར་ནས་ལོ་ངོ་ ༥༥ ཙམ་འགྲོ་བཞིན་པ་དང་། རྒྱ་ནག་གི་བཙན་འོག་ཏུ་ཚུད་ནས་ལོ་

ངོ་དྲུག་ཅུ་རེ་གཉིས་རེ་གསུམ་ཞིག་འགྲོ་བསྡད་ཀྱི་ཡོད། དེས་ང་ཚོའི་འཐབ་རྩོད་ཀྱི་བརྒྱུད་རིམ་ནང་ལ་དཀའ་ངལ་

སྣ་ཚོགས་མང་པོ་ཞིག་འཕྲད་བསྡད་ཀྱི་ཡོད་པ་རེད། དེ་སྔ་ཡང་འཕྲད་ཡོད་པ་རེད་ལ་མ་འོངས་པར་ཡང་འཕྲད་ཀྱི་ རེད། ཁོ་འགྲོ་སྟངས་ཤིག་རེད། ཡིན་ནའང་ཕྱིས་སུ་ལོ་བཅུ་བཅོ་ལྔ་ནང་ལ་ང་ཚོ་བོད་དོན་འཐབ་རྩོད་དང་འབྲེལ་

བའི་གནས་ཚུལ་གླེང་ཡོང་སྐབས། ལྷག་པར་དུ་རྒྱལ་སྤྱིའི་ནང་དུའང་རང་བཞིན་གྱི་རྒྱ་ནག་གི་གནོན་ཤུགས་ ཤུགས་ཆེན་པོ་ཞིག་ཡོད་པ་ང་རང་ཚོ་ཚང་མས་མཁྱེན་མཁྱེན་པ་རེད། འོན་ཀྱང་གལ་ཆེན་པོ་ཡིན་པ་སོང་ཙང་།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ས་ཕྱོགས་གང་དུ་ཆིབས་བསྒྱུར་གནང་བ་ཡིན་ནའང་། རྒྱ་ནག་ གཞུང་ངོས་ནས་དེའི་ལྡོག་ཕྱོགས་ཀྱི་ངོ་རྒོལ་བྱེད་རྒྱུ་ཡིན་ནའང་རེད། བསྒྲགས་གཏམ་སྤེལ་རྒྱུའི་རིགས་མང་པོ་ ཞིག་ཡོ​ོང་བསྡད་ཀྱི་ཡོད་པ་རེད། འདི་ཚོའི་རྐྱེན་པས་ཁག་ཅིག་ལ་ཁོ་ཚོའི་བྱེད་སྟངས་དེས་དོན་དག་གྲུབ་ཀྱི་ཡོད་

པའི་རྣམ་པ་ཞིག་ཀྱང་ཐོན་གྱི་ཡོད་པ་རེད། ཕྱིའི་རྒྱལ་ཁབ་མང་པོ་ཞིག་གིས་སྤྱི་ནོར་༸གོང་ས་༸སྐྱབས་མགོན་

ཆེན་པོ་མཆོག་ལ་སྣེ་ལེན་ཞུ་རྒྱུས་མཚོན་པའི་གནད་ཡོད་མི་སྣ་ཚོས་༸སྐུ་མདུན་མཇལ་རྒྱུར་དོགས་ཟོན་བྱེད་ མཁན་དེ་འདྲའང་མང་པོ་ཞིག་ཡོང་བསྡད་ཀྱི་ཡོད་པ་རེད། དེ་ཚོ་ཁྱེད་རང་ཚོས་ནམ་རྒྱུན་ནས་གོ་བསྡད་ཀྱི་ཡོད་

པ་དང་། ཕྱོགས་གཞན་ཞིག་ནས་བལྟས་པ་ཡིན་ན། ༸རྒྱལ་བ་རིན་པོ་ཆེས་བཀའ་གནང་གི་ཡོད་པ་ལྟར། ང་ཚོས་ དུས་རྒྱུན་དུ་རྩེད་མོ་དང་མཉམ་དུ་བཤད་བསྡད་ཀྱི་ཡོད། དེ་རིང་ཞོགས་པར་ཡང་༸རྒྱལ་བ་རིན་པོ་ཆེས་བཀའ་ གནང་སོང་། ང་༸རྒྱལ་བ་རིན་པོ་ཆེ་སྐད་གྲགས་ཆེན་པོ་ཆགས་དགོས་རྒྱུ་དེ་རྒྱ་ནག་གུང་བྲན་ཏང་གི་བཀའ་

དྲིན་རེད་ཅེས་གསུངས་པ་ནང་བཞིན། ང་རང་ཚོ་བོད་པ་རང་གི་དངོས་སུ་བོད་དོན་ཁྱབ་བསྒྲགས་བྱ་རྒྱུར་འགྲོ་བ་

ཡིན་ན། དེ་ཙམ་གྱིས་ཁྱབ་བསྒྲགས་ཡོང་གི་ཡོད་དང་མེད་ཟེར་བ་དེ་གནས་ཚུལ་གཅིག་རེད། ཡིན་ནའང་རྒྱ་ནག་ གིས་ངོ་རྒོལ་རེ་རེ་བྱེད་ཡོང་སྐབས། ཡང་རྒྱལ་སྤྱིའི་ཚགས་པར་ནང་དུ་མང་པོ་ཐོན་ཡོང་བ་དང་། བོད་དོན་ཁྱབ་

བསྒྲགས་ཀྱི་ལས་འགུལ་དེ་ཡང་རྒྱ་ནག་རང་གིས་སྤེལ་གྱི་ཡོད་པའི་བཟོ་འདྲ་ཞིག གང་ལྟར་རྒྱ་ནག་གིས་ངོ་རྒོལ་ བྱས་པ་དེས་བོད་པའི་གནད་དོན་དེ་འཛམ་བུའི་གླིང་གི་ནང་ལ་རྒྱ་ཆེ་རུ་འགྲོ་རྒྱུ་དང་། གང་ལྟར་དོན་དག་གང་འདྲ་ 137

དཔལ་ལྡན་ཚོགས་གཙོ་མཆོག་གི་གསུང་བཤད།

ཞིག་ཡིན་ནའང་ལྟ་ཕྱོགས་མི་འདྲ་བ་མང་པོ་ཞིག་ཡོ​ོད་པ་སོང་ཙང་། གནད་དོན་འདི་འདྲའི་རིགས་ཡོང་གི་ཡོད་པ་ རེད། གཞན་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཆབ་སྲིད་ཀྱི་སྐུ་དབང་དང་འཛིན་སྐྱོང་གི་ སྐུ་དབང་གཉིས་ཀ་རྩིས་སྤྲོད་གནང་ནས། ད་ལྟ་མི་མང་གིས་འོས་འདེམས་བྱས་པའི་སྲིད་སྐྱོང་ཞིག་ཡོད་པ་རེད།

དེ་བཞིན་མི་མང་གི་འོས་འདེམས་བྱས་པའི་བོད་མི་མང་སྤྱི་འཐུས་ལྷན་ཚོགས་ཤིག་ཀྱང་ཡོད་པ་རེད། ང་ཚོ་ལྟ་ བུ་ཞིག་ཡིན་ཀྱང་ཕྱི་རྒྱལ་ལ་ཕྱིན་པའི་སྐབས་སུ་ཡིན་ནའང་མི་སྣ་མཇལ་འཕྲད་དེ་ཚོར་དོ་ཕོག་གཏོང་རྒྱུ་དང་

རྨས་སྐྱོན་བཟོ་རྒྱུའི་ལས་གཞི་མང་དག་ཅིག་རྒྱ་གཞུང་གིས་སྤེལ་བསྡད་ཀྱི་ཡོད་པ་རེད། ང་རང་རང་ཉིད་སྒེར་གྱི་

ཉམས་མྱོང་ཐོག་ནས་ཤེས་གསལ་ལའང་ཕྱི་ལོ་ ༢༠༠༥ ལ་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་

ཆེན་ཐེངས་བཞི་པ་དེ་གོ་སྒྲིག་ཞུ་རྒྱུ་དང་། དེའི་སྐབས་ཀྱི་ཚོགས་གཙོ་དང་སྤྱི་འཐུས་ལྷན་ཚོགས་ལ་ལས་འགན་ སྤྲད་ནས་གོ་སྒྲིག་ཞུ་རྒྱུའི་གོ་སྐབས་ཞིག་བྱུང་བ་རེད། ཕྱི་ལོ་ ༢༠༠༥ ལོར་ང་ཚོ་ Scotland ལ་ཚོགས་པ་རེད།

དེ་བཞིན་ཕྱི་ལོ་ ༢༠༠༩ ལ་ང་ཚོགས་གཙོ་ཆགས་ཚར་བའི་རྗེས་ལ། Rome ལ་རྒྱལ་སྤྱིའི་གྲོས་ཚོགས་བོད་དོན་ རྒྱབ་སྐྱོར་ཚོགས་ཆེན་ཐེངས་ལྔ་པ་དང་། དྲུག་པ་དེ་ཕྱི་ལོ་ ༢༠༡༢ ལོར་ Ottawa ལ་འཚོགས་པ་རེད། Canada ཡིས་རྒྱལ་ས་ལ་རེད། འདི་ཚོ་ཚོགས་པའི་སྡིངས་ཆ་རེ་རེ་རེ་རེར་ང་ཚོས་གདན་ཞུ་བྱེད་སའི་གྲོས་ཚོགས་

འཐུས་མི་འཛམ་བུའི་གླིང་ནང་དུ་བོད་པར་རྒྱབ་སྐྱོར་བྱེད་མཁན་ག་ཚོད་ཡོད་པ་ཡིན་ནའང་ང་ཚོས་འབྲེལ་བ་ཞུ་

རྒྱུ་དེ་ཚོ་ཁོ་ཚོས་དྲ་རྒྱའི་ལམ་ནས་མིང་དང་ཁ་བྱང་རྐུན་མ་རྒྱག་རྒྱུས་མཚོན་པའི་སྔ་མོ་ནས་བོད་པ་ལ་རྒྱབ་སྐྱོར་ བྱེད་པ་དང་འབྲེལ་བ་ཡོད་མཁན། འདི་ཚོའི་གྲས་ལ་བཤད་ནས་ཕན་ཐོགས་ཀྱི་མ་རེད་བསམ་ནས་འབྲེལ་བ་མ་

བྱས་པ་མ་གཏོགས། ང་ཚོས་འབྲེལ་བ་བྱེད་ས་གསར་པ་ཚང་མར་མི་རེ་རེ་རེ་རེར་ཁ་པར་བཏང་ནས་གཞུང་ཚབ་ ལ་སྐད་བཏང་། འདི་འདྲ་བྱས་ནས་གནོན་ཤུགས་མང་པོ་ཞིག་སྤྲོད་ཀྱི་ཡོད་པ་རེད། ཁྱེད་རང་ཚོ་བོད་པའི་ཚོགས་ ཆེན་བསྐོངས་བཞག་པ་དེ་ཚོའི་ནང་ག་རེ་བྱས་ནས་འགྲོ་ཡི་ཡོད་དམ་ཞེས་པ་ལྟ་བུ། ཨུ་རུ་སུ་ལྟ་བུར་ཆ་བཞག་

པ་ཡིན་ན། ང་ཚོ་བོད་པར་རྒྱབ་སྐྱོར་བྱེད་མཁན་གྲོས་ཚོགས་འཐུས་མིའི་ནང་ཡོད་མཁན་དེ་ཚོ་ཁོ་རང་ཚོ་ཆབ་

སྲིད་ཚོགས་པའི་ཚོགས་གཙོས་སྐད་བཏང་། རྒྱ་ནག་གཞུང་ཚབ་ངོས་ནས་ཡི་གེ་བཏང་། ཁོ་ཚོ་ཆེད་མངགས་

ཕྱི་དྲིལ་ལས་ཁུངས་ནང་ཡར་སྐད་བཏང་ནས་མི་རེ་རེ་རེ་རེར་ཁྱེད་རང་ཚོ་རྡ་རམ་ས་ལར་འགྲོ་ན་འགྲིག་གི་མ་ རེད་དོ་ཟེར་བ་སོགས་སྡིགས་ར་སྐུལ་རྒྱུའི་རིགས་ཡན་ཆད་ནས་བྱེད་ཀྱི་འདུག དཔེ་མཚོན་ཙམ་ཞུས་པ་ཡིན་ན།

༢༠༠༤ ལོར་སྦེལ་ཀོབ་ལ་མང་གཙོ་དབུ་བརྙེས་ནས་ལོ་ ༥༠ འཁོར་བའི་དུས་དྲན་སྲུང་བརྩི་བྱས་པ་རེད། དེའི་ 138

དཔལ་ལྡན་ཚོགས་གཙོ་མཆོག་གི་གསུང་བཤད།

སྐབས་དེར་ང་ཚོ་རྒྱལ་ཁབ་ཁག་མི་འདྲ་བ་ ༡༧ ཙམ་ནས་ཆེས་མཐོའི་མི་སྣ་འགའ་ཤས་ཤིག་གདན་འདྲེན་ཞུས་

ནས། དེའི་སྐབས་དེར་ང་ཚོ་ Croatia ནས་ངོ་ཤེས་པ་ཞིག་ཡོད། ཁོང་སྐད་བཏང་བའི་སྐབས་སུ་ང་ཚོ་སྦེལ་ཀོབ་ མཛད་སྒོ་དེ་ཚར་བའི་རྗེས་སུ་ང་ཚོ་ཚོགས་འདུ་ཞིག་ཚོགས་པ་རེད། ཚོགས་འདུ་ཚོགས་པའི་རྗེས་སུ་ང་ཚོ་འགྲོ་

རན་གྱི་འདུག་ཟེར་དུས། ཁོ་རང་ལ་ཁ་པར་ཐོག་སྐད་ཤུགས་ཆེན་པོ་བྱས་ནས་ཅིག་བཤད་སྡོད་ཀྱི་འདུག རྗེས་ སུ་ང་ལ་ལབ་ཀྱི་འདུག Croatia ལ་རྒྱ་ནག་གཞུང་ཚབ་ཀྱིས་ཁྱེད་རང་སྦེལ་ཀོབ་ལ་ག་རེ་བྱེད་རྒྱུར་ཕྱིན་པ་ཡིན་

ནམ་ཞེས། འདི་ལྟ་བུའི་མི་རེ་རེ་ཡིན་ནའང་རེད། གཞུང་ལ་གནོན་ཤུགས་སྤྲོད་རྒྱུ་ཡིན་ནའང་རེད། གྲོས་ཚོགས་

དང་ཕྱི་སྲིད་ལས་ཁུངས་ལ་གནོན་ཤུགས་སྤྲོད་རྒྱུ་དང་། སྒྲིག་འཛུགས་ལ་གནོན་ཤུགས་སྤྲོད་རྒྱུ། གང་ཟག་རེ་རེ་ རེ་རེ་ལ་དཔེར་ན། ན་ནིང་སྦེལ་ཇམ་ལ་ཕྱིན་པའི་སྐབས་སུ་ Spainish ཡི་གྲོས་ཚོགས་ཀྱི་ཚོགས་གཙོ་དེས་ང་

ཚོར་གཅིག་ཐུག་པ་རེད། ང་ཚོ་གཅིག་ཐུག་པའི་སྐབས་དེར་ཁོ་རང་གི་སྒེར་དྲུང་དེར་སྦེལ་ཇམ་གྱི་ཚོང་པ་གཅིག་ གི་ཁ་པར་བཏང་ནས་རྡ་རམ་ས་ལ་ནས་གྲོས་ཚོགས་ཀྱི་ཚོགས་གཙོ་དེར་ཡོང་གི་ཡོད་པ་རེད། ཁྱེད་རང་ཐུག་གི་ ཡོད་རེད་ཟེར་གྱི་འདུག ང་ཚོས་གོ་སོང་། དེ་ཐུག་ན་འགྲིག་གི་མ་རེད་དོ།

འདི་འདྲ་བྱས་པ་ཡིན་ན་སྦེལ་ཇམ་དང་རྒྱ་ནག་གི་དབར་ལ་དོ་ཕོག་འགྲོ་གི་རེད། ང་ཚོའི་སློབ་ཕྲུག་ཚོ་

རྒྱ་ནག་ལ་སློབ་སྦྱོང་བྱ་རྒྱུར་འགྲོ་དགོས་ན་ཐོངས་མཆན་རག་གི་མ་རེད། ཚོང་པ་ཚོར་ཡིན་ནའང་དཀའ་ངལ་ འཕྲད་ཀྱི་རེད་ཅེས་གང་ལྟར་སྒྲིག་འཛུགས་དང་མི་གང་ཟག་འདི་འདྲའི་བརྒྱུད་ནས་གནོན་ཤུགས་མང་པོ་ཞིག་ སྤྲོད་སྡོད་ཀྱི་ཡོད་པ་རེད།

རྒྱ་གཞུང་དང་དོལ་རྒྱལ་ཁ་ལ་ཁྱེར་མཁན་ཚོའི་དབར་གྱི་འབྲེལ་བ།

དེ འི ་ སྒང་ལ་ཐབས་རྡུགས་པ་ཞི ག ་ལ་ང་རང་ཚོ ་ བོ ད ་པ་རང་གི ་ འགན་ཁྱེར་ནས་ཤུགས་ལྡན་བསྟེ ན ་

གསོལ་བྱེད་མཁན་གྱི་མི་དེ་ཚོས་བར་ལམ་ནས་རྒྱལ་སྤྱིའི་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་ མཆོག་ས་ཕྱོགས་གང་དུ་ཆིབས་བསྒྱུར་གནང་བ་ཡིན་ནའང་དེ་ལ་༸རྒྱལ་བ་རིན་པོ་ཆེའི་མཚན་སྙན་གྲགས་

ཆེན་པོ་ཞིག་དང་། མཛད་པ་འཕྲིན་ལས་ཆེན་པོ་ཞིག་རྒྱས་ཀྱི་ཡོད་པ་སོང་ཙང་། དེ་ཉམས་དམས་སུ་གཏོང་རྒྱུ་

དང་། དེ་རྒྱལ་སྤྱིའི་ནང་མཐོང་ཆུང་དུ་གཏོང་རྒྱུའི་ཆེད་དུ་བོད་པ་འགའ་ཤས་མ་གཏོགས་ཡོད་པ་མ་རེད་ཀྱང་།

འགའ་ཤས་དེ་དག་དང་ཕྱི་རྒྱལ་གྱི་མི་སྣ་ནང་ཆོས་རྩ་བ་ཉིད་ནས་མགོ་མ་འཚོས་མཁན་དཀོན་མཆོག་གསུམ་ 139

དཔལ་ལྡན་ཚོགས་གཙོ་མཆོག་གི་གསུང་བཤད།

ལ་སྐྱབས་སུ་འགྲོ་རྒྱུ་ཕར་བཞག་ནས། དོལ་རྒྱལ་འདྲ་པོ་དམ་སྲི་ཟེར་དགོས་པ་རེད་དམ། ཡང་ན་གདོན་འདྲེ་

ཟེར་དགོས་པ་རེད་དམ། གང་ལྟར་ཡང་འདི་འདྲའི་རིགས་ལ་སྐྱབས་བཅོལ་སྡོད་མཁན་གྱི་མི་དེ་དག་གི་སྣེ་ འཁྲིད་ནས་ལས་འགུལ་མང་པོ་ཞིག་བརྩམས་དང་རྩོམ་བཞིན་ཡོད་པ་རེད། ན་ནིང་ང་ཨོ་སི་ཀྲོ་ལི་ཡར་ཕྱིན་

པའི་སྐབས་སུ་༸སྐུ་མདུན་གྱི་གསུང་ཆོས་གནང་སའི་ཚོགས་ཁང་ཕྱི་ལོགས་དེ་ག་རང་ལ་མང་པོ་དེ་ཙམ་མ་ རེད། བོད་པ་གསུམ་ཙམ་མ་གཏོགས། རྒྱ་མི་རིགས་ཀྱི་བཟོ་ལྟ་བུ་མོ་གཟུགས་པོ་ཆུང་ཆུང་བདུན་བརྒྱད་ཙམ་

འདུག གང་ལྟར་ཕྲེད་དར་ནང་དུ་༸སྐྱབས་མགོན་རིན་པོ་ཆེ་ཞལ་རྫུན་མ་གནང་རོགས་གནང་ Dalai Lama

don’t lie བྱས་ནས་ཕྲེད་དར་ནང་དུ་བྲིས་ཏེ་སྐད་འབོད་བྱེད་སྡོད་ཀྱི་ཡོད་པ་རེད། སྐད་འབོད་བྱེད་པ་ང་རང་

རང་གིས་མཐོང་སོང་། འཁྲིས་ལའང་ཕྱིན་པ་ཡིན། ན་ནིང་ལོ་མཇུག་ལ་ New York ལ་ཕྱིན་པའི་སྐབས་སུ། ཡང་ཁོང་ཚོ་སྐད་འབོད་བྱ་རྒྱུ་དང་། སྐད་ཆ་བཤད་རྒྱུའི་སྒྲ་གདངས་ཁོ་རང་བསྒྱུར་ཚར་འདུག བོད་ནང་རང་

ལུས་མེར་བསྲེགས་གཏོང་མཁན་ལ་བརྒྱུད་སྐུལ་བྱེད་མཁན་༸རྒྱལ་བ་རིན་པོ་ཆེ་རེད་ཟེར་བ་ལྟ་བུ། འདི་འདྲའི་

གནད་དོན་རེད། ཆབ་སྲིད་ཀྱི་ངོ་བོ་ཤུགས་ཆེན་པོ་ཞིག་ཐོན་བསྡད་ཀྱི་ཡོད་པ་རེད། ཉེ་བའི་ཆར་ San Francisco ཁ་སང་ང་ཚོ་གནས་ཚུལ་མང་པོ་ཞིག་བྱུང་བ་སྤྱི་ཚོགས་ཀྱི་དྲ་རྒྱའི་ཐོག་ནས་མཐོང་བསྡད་པ་གཅིག་

ཆགས་བསྡད་ཡོད་པ་རེད། མང་ཚོགས་ནང་དུའང་སེམས་འཚབ་ཤུགས་ཆེན་པོ་ཞིག་བྱུང་ནས། དེ་རིང་ང་ཚོ་ བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པའི་ཐོག་ལ་དོན་ཚན་ལྔ་ཅན་གྱི་གྲོས་

ཆོད་གཅིག་ཀྱང་བཞག་པ་རེད། བར་ལམ་ནས་དོལ་རྒྱལ་དང་འབྲེལ་བའི་གནས་ཚུལ་མང་པོ་ཞིག་གཏོང་རྒྱུའི་ ཐབས་ཤེས་གཅིག་བྱས་བསྡད་ཀྱི་འདུག

ཉེ་ཆར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་

མཁན་གྱི་ཚོགས་ཆུང་གི་ངོས་ནས་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་མང་པོ་ཞིག་ཡོད་པ་

རེད་ཀྱང་། ཡིན་ནའང་དེ་རིང་༸རྒྱལ་བ་རིན་པོ་ཆེ་ལ་དམིགས་བསལ་རང་བྱས་ནས། ལོ་ ༢༥ འཁོར་བའི་དུས་

དྲན་གྱི་མཛད་སྒོའི་སྐབས་དེར་ང་ཚོས་ཆེད་མངགས་ནོ་སྦེལ་གྱི་རྒྱལ་ས་ Oslo ལ་ཕྱིན་ནས། ནམ་རྒྱུན་ལས་ མང་བ་འགྲོ་སོང་བཏང་ནས་མི་འཁྲིད་ཐུབ་པ་བྱས་ནས། ལས་འགུལ་གྱི་ངོ་བོ་བརྩམ་རྒྱུ་དང་། སྤྱི་ནོར་༸གོང་

ས་༸སྐྱབས་མགོན་ཆེན་པོ་མཆོག་དང་ནོ་སྦེལ་གྱི་གཞུང་འཛིན་མི་སྣ་མ་ཐུག་པ་དེ་དག་ལ་ཁོ་ཚོས་དགའ་བསུ་ ཞུ་རྒྱུ་ལ་སོགས་པའི་ལས་འགུལ་སྣ་ཚོགས་ཤིག་སྤེལ་བསྡད་ཀྱི་ཡོད་པ་རེད། དེར་བརྟེན་ང་རང་ཚོའི་ངོས་ 140

དཔལ་ལྡན་ཚོགས་གཙོ་མཆོག་གི་གསུང་བཤད།

ནས་དེའི་ཐོག་ལ་ཁྱེད་རང་ཚོའི་ནང་ལ་དོལ་རྒྱལ་བསྟེན་གསོལ་བྱེད་མཁན་ཡོད་པ་མ་རེད། མང་ཚོགས་ནང་ དུ་གནས་ཚུལ་དེ་བྱུང་བ་ནས་བཟུང་ཆ་ཚང་གཅིག་གཙང་མ་ཆགས། ད་དུང་ཡིན་ནའང་བླང་དོར་གྱི་གནས་ལ་

དབྱེ་འབྱེད་ཕྱེ་མ་ཐུབ་མཁན་མི་བླུན་པོ་མཁྲེགས་པོ་འགའ་ཤས་ཤིག་གིས་མུ་མཐུད་ནས་དོལ་རྒྱལ་བསྟེན་སྡོད་ མཁན་དེ་འདྲ་ཡོང་བསྡད་ཀྱི་ཡོད་པ་རེད། འདི་ཡོང་གི་ཡོད་དུས་སྤྱི་ཚོགས་ཀྱི་དྲ་བ་ནང་དུ་གནས་ཚུལ་མང་པོ་ ཞིག་ཐོན་བསྡད་ཀྱི་ཡོད་པ་སོང་ཙང་། ཁྱེད་རང་ཚོས་གནས་ཚུལ་དེའི་སྐོར་ལ་གོ་རྟོགས་ཏོག་ཙམ་མེད་པ་ཡིན་

ན། རྗེས་མ་གཞན་པ་ཚོས་ཤེས་ཡོང་སྐབས་རང་བཞིན་གྱིས་བསླུ་བྲིད་ཀྱི་འོག་ལ་ཚུད་འགྲོ་རྒྱུའི་ཉེན་ཁ་དེ་ཡོད་ བསྡད་པ་སོང་ཙང་། དེ་རིང་གོ་སྒྲིག་ཞུ་མཁན་རྣམ་པ་ཚོའི་ངོས་ནས་ཡིན་ནའང་། ང་ཚོགས་གཙོ་ཡིན་པའི་ཆ་

ནས་དོལ་རྒྱལ་སྐོར་ལ་བཤད་དགོས་པ་དང་། སྲིད་སྐྱོང་བློ་བཟང་སེང་གེ་ཡིན་ནའང་སང་ཉིན་དོལ་རྒྱལ་སྐོར་ལ་ ཡང་བསྐྱར་ནན་ཙམ་ཅིག་བཤད་དགོས་པ་གཅིག་དང་། ང་རང་གཉིས་ཀར་བརྗོད་གཞི་གཅིག་པ་བཞག་དགོས་ པའི་རྒྱུ་མཚན་དེ་འདི་འདྲ་ཆགས་པ་རེད། ཐོག་མའི་འཆར་གཞི་ལྟ་བུ་བྱས་པ་ཡིན་ན། ད་ལྟའི་སྲིད་སྐྱོང་གིས་ཁྱེད་

རང་ཚོར་གསུང་བཤད་གནང་། སང་ཉིན་ང་བཤད་རྒྱུ་བང་སྒྲིག་འདུག ངའི་བསམ་བློའི་ནང་དུ་ཉིན་མ་དང་པོ་དེ་

སྲིད་སྐྱོང་གི་གསུང་གི་ཡོད་པ་སོང་ཙང་། སྲིད་སྐྱོང་གི་གནས་ཚུལ་ཞིབ་ཅིང་ཕྲ་བ་ཅིག་མར་བཤད། དེ་ནས་ངའི་ སྐབས་ལ་དུས་ཚོད་མང་ཆེ་བ་ཅིག་དེ་དྲི་བ་དྲིས་ལན་ཐོག་ལ་གཏོང་ཐུབ་ན་བསམ་པ་རེད་དེ། ཡང་ཉི་མ་འགའ་

ཤས་ཤིག་གི་སྔོན་ལ་འདིར་གོ་སྒྲིག་ཞུ་མཁན་སྤྱི་འཐུས་ཟླ་བ་ཚེ་རིང་ལགས་ཀྱི་ཞལ་པར་འབྱོར་ནས། དེའི་གོ་

རིམ་དེར་འགྱུར་བ་འགྲོ་དགོས་བྱུང་སོང་། སྲིད་སྐྱོང་ཕྱི་ཚེས་ ༤ ལ་ཕེབས་ཐུབ་ཀྱི་མི་འདུག ཁྱེད་རང་སྔོན་ལ་ བཤད་ཐུབ་ཀྱི་རེད་དམ་ཞེས་བཀའ་གནང་བ་བཞིན། ངས་དེ་རིང་སྔོན་ལ་བཤད་རྒྱུའི་གནས་ཚུལ་འདྲ་པོ་འདི་ ལྟར་རེད།

སྐྱབས་འགྲོའི་རྣམ་གཞག

སྤྱིར་བཏང་གི་ཆབ་སྲིད་ཀྱི་གནས་བབ་ཐོག་ནས་ང་ཚོས་བཤད་དགོས་ཀྱི་ཡོད་པ་རེད། ཡིན་ནའང་

ཆབ་སྲིད་ཀྱི་གནས་བབ་ཐོག་ནས་མང་པོ་ཅིག་བཤད་པ་ལ། དོལ་རྒྱལ་དང་འབྲེལ་བ་ཡོད་པའི་གནས་ཚུལ་ ཏོག་ཙམ་ཞིག་ཁྱེད་རང་ཚོས་མ་མཁྱེན་པ་ཡིན་ན། དེའི་རྗེས་འབྲས་ཀྱི་གནས་ཚུལ་ག་རེ་ཆགས་ཀྱི་ཡོད་མེད་

དང་། དབྱེ་འབྱེད་གང་འདྲ་བྱེད་དགོས་པ་ཡོད་མེད་དེའི་སྐོར་བསམ་བློ་གཏོང་རྒྱུ་ཁག་པོ་ཆགས་ཀྱི་ཡོད་པ་ 141

དཔལ་ལྡན་ཚོགས་གཙོ་མཆོག་གི་གསུང་བཤད།

སོང་ཙང་། དོལ་རྒྱལ་གྱི་བྱུང་རིམ་དང་འབྲེལ་བའི་ཐོག་ནས་ངས་ཆོས་ཕྱོགས་ཐོག་ནས་མང་པོ་ཤེས་ཀྱི་མེད། དགེ་བཤེས་ལགས་རྣམ་པ་ཚོས་མང་པོ་མཁྱེན་གྱི་ཡོད་པ་རེད། ཁྱེད་རང་ཚོ་སློབ་གྲྭ་སོ་སོའི་ནང་དུ་ཡིན་ནའང་ ཆོས་དགེ་ཚོས་འགན་བཞེས་ནས་དེའི་སྐོར་ལ་ཏན་ཏན་གསུངས་ཡོད་ཀྱི་རེད། ཡིན་ནའང་ལོ་རྒྱུས་ཀྱི་རྣམ་པའི་ ཐོག་ནས་དོལ་རྒྱལ་གྱི་བྱུང་རིམ་རྣམ་པ་ཕྲན་བུ་ཤེས་པ་ཡིན་ན། ཐུགས་ཕན་གསོས་མི་ཡོང་ངམ་སྙམ། དེ་རིང་

ཞོགས་པར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནང་ཆོས་ཀྱི་ངོ་སྤྲོད་ནང་དུའང་། ང་རང་ཚོ་ ལུང་རྟོགས་ཀྱི་བསྟན་པའི་སྐོར་དེ་དག་བཤད་སྒྲུབ་གཉིས་ཀྱིས་འཛིན་དགོས་པ་དང་། སྐྱབས་འགྲོ་དང་བཅས་ པ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསུངས་ཡོད་པ་སོང་ཙང་། དེ་ཚོའི་ཐོག་ལ་ང་ལྟ་

བུའི་སྐྱེ་བོ་ཐ་མལ་པ་གཅིག་གིས་འགྲེལ་བཤད་མང་པོ་ཞིག་བརྒྱབ་པ་ཡིན་ནའང་ཕན་ཐོགས་གང་ཙམ་ཡོད་ དམ་སྙམ། ཡིན་ནའང་ང་ཚོས་གཞི་ལམ་འབྲས་གསུམ་གྱི་ཐོག་ནས་གཞི་བདེན་པ་གཉིས་དང་། ལམ་ཐབས་

ཤེས་གཉིས། འབྲས་བུ་སྐུ་གཉིས་སངས་རྒྱས་ཀྱི་གོ་འཕང་ཐོབ་རྒྱུ། འདི་ཚོ་ལ་གཞི་བཅོལ། སྐྱབས་འགྲོའི་ རྒྱུ་འདི་ཚོ་ང་ཚོས་ཤེས་པར་བྱས། འཁོར་བ་སྤྱི་དང་ཁྱད་པར་དུ་ངན་སོང་གི་སྡུག་བསྔལ་གྱིས་འཇིགས་ཤིང་ སྐྲག་པ་དང་། དེ་ལས་སྐྱོབ་པའི་ནུས་པ་དཀོན་མཆོག་གསུམ་ལ་ཡོད་པར་ཤེས་པ་འདི​ི་སྐྱབས་འགྲོའི་རྒྱུ་རེད།

དེ་བཞིན་སྐྱབས་སུ་འགྲོ་བའི་ཡུལ་ལྟ་བུ་ཞིག་ཡིན་ནའང་། སོ་སོ་སོ་སོ་འཇིགས་པ་ཐམས་ཅད་ལས་གྲོལ་བ། གཞན་འཇིགས་པ་ཐམས་ཅད་ལས་གྲོལ་བའི་ཐབས་ལ་མཁས་པ། ཐུགས་རྗེ་ཆེན་པོ་ཉེ་རིང་མེད་པར་འཇུག་ པ། སོ་སོ་སོ་སོར་ཚུར་ཕན་ཐོགས་ཀྱི་ཡོད་མེད་ལ་མ་ལྟོས་པར། ཐམས་ཅད་ལ་དོན་མཛད་མཁན་གྱི་སྐྱབས་

འགྲོའི་ཡུལ་ཞིག་དགོས་པ་དང་། སྐྱབས་སུ་འགྲོ་བའི་ཚུལ་ལྟ་བུ་ཞིག་ཡིན་ནའང་དཀོན་མཆོག་གསུམ་གྱི་ཡོན་ ཏན་ཤེས་པ། ཁྱད་པར་ཤེས་པ། ཁས་བླངས་པ། གཞན་དུ་མི་སྨྲ་བ། རིམ་བཞིན་སངས་རྒྱས་སྐྱབས་སྟོན་པ་ པོ་དང་། སྐྱབས་དངོས་ཆོས། སྐྱོབ་ནུས་པར་སྙིང་ཐག་པ་ནས་ཁས་བླངས་ནས་སྐྱབས་སུ་འགྲོ་དགོས། ངའི་ བཤད་རྒྱུ་གཙོ་བོ་དེ་དེའི་ནང་ནས་སྐྱབས་འགྲོའི་བསླབ་བྱ་དེ་རེད། སྐྱབས་འགྲོའི་བསླབ་བྱའི་ནང་ནས་དགུ་

ཤེས་དགོས་ཀྱི་ཡོད་པ་རེད། དེའི་ནང་སྤང་བྱ་གསུམ་དང་། བསྒྲུབ་བྱ་གསུམ། ཆ་མཐུན་གསུམ་བྱས་ནས་ བཤད་ཀྱི་ཡོད་པ་རེད། སྤང་བྱ་གསུམ་གྱི་ནང་ནས་ནང་པ་སངས་རྒྱས་པ་གཅིག་ཡིན་པའི་ཆ་ནས་འཁོར་བ་

འཁོར་སྡོད་མཁན་གྱི་ལྷ་ཡིན་ནའང་རེད། འདི་ཚོའི་གྲས་ལ་སྐྱབས་བཅོལ་མི་སྲིད་མཁན་ཞིག་དགོས་ཀྱི་ཡོད་

པ་དང་། དེ་བཞིན་སོ་སོ་སོ་སོ་འཁོར་བ་ནང་འཁོར་སྡོད་མཁན་འཇིག་རྟེན་འཁོར་བ་ནས་མ་གྲོལ་མཁན་གྱི་ལྷ་ 142

དཔལ་ལྡན་ཚོགས་གཙོ་མཆོག་གི་གསུང་བཤད།

དང་འདྲེ་དེ་ཚོར། ཚེ་འདི་ཕྱི་གཉིས་ཀྱི་སྐྱབས་གནས་ཀྱི་ཕྱག་མཆོད་འབུལ་འདི་ཚོ་བྱེད་ཆོག་གི་མ་རེད་ཅེས་ དོལ་རྒྱལ་བཤད་པའི་སྐབས་ལ་དོན་གནད་དེ་དང་འབྲེལ་བའི་ཐོག་ནས་གནད་དོན་གཅིག་ཤེས་དགོས་པ་དེ་

ཁྱེད་རང་ཚོ་ཧ་ཅང་གལ་ཆེན་པོ་རེད། ལྷ་དང་ཆོས་སྐྱོང་དང་སྲུང་མ་ལྟ་ཕར་བཞག་ནས། དཔེར་ན། སོ་སོ་མི་ སྒེར་ལྟ་བུ་ཞིག་ཡིན་ནའང་སོ་སོ་སོ་སོའི་ང་ཚོ་འཇིག་རྟེན་གྱི་བྱ་གཞག་ནང་དུ་ཡིན་ནའང་གྲོགས་པོ་ངན་པ་

གཅིག་ཐུག་པ་ཡིན་ན། དེས་བསླུས་ཏེ། དང་པོ་གྲོགས་པོ་དེ་ཐུག་པའི་སྐབས་ལ་གྲོགས་པོ་ཆགས་སྟངས་དེ་

གྲོགས་པོ་དེས་བྱེད་སྟངས་དེ་མི་འདྲ་བ་ལྟ་བུ་མཐོང་ནས། དེས་བསླུས་ཏེ་གྲོགས་པོ་ཆགས། གྲོགས་པོ་ཆགས་

ཚར་བའི་རྗེས་ལ་ཏག་ཏག་ཅིག་མ་བསྟེན་པ་ཡིན་ན། གནས་ཚུལ་འདྲ་མིན་རིགས་ཡོང་གི་ཡོད་པ་བཞིན། ཆོས་ སྐྱོང་དང་སྲུང་མ་ཟེར་མཁན་གཅིག བླ་མ་ཡིན་ནའང་ཏག་ཏག་གཅིག་མ་བསྟེན་པ་ཡིན་ན། བླ་མ་གང་བྱུང་མང་ བྱུང་བསྟེན་རྒྱུ་ཡོད་པ་མ་རེད་ཅེས་སྐུ་མདུན་ནས་དུས་ནས་དུས་སུ་བཀའ་གསལ་ཕེབས་ཀྱི་ཡོད། བླ་མ་ཡིན་

ནའང་བླ་མ་བསྟེན་པའི་སྐབས་སུ་བླ་མའི་ཡོན་ཏན་ཚང་བ་ཞིག་ལ་བསྟེན་དགོས། དོལ་རྒྱལ་སྐོར་ལ་ལྷ་དང་འདྲེ་

དང་དམ་སྲི་དང་། འགོང་པོ་དང་འབྱུང་པོ་བ་སོགས་ཟེར་ནས་མིང་མང་པོ་ཞིག་ཡོད་པ་རེད། འདི་ཚོའི་གྲས་དེ་

བསྟེན་དང་མི་བསྟེན་ཟེར་བ་དེ་དང་པོ་ནས་དཔྱད་པ་ཡག་པོ་ཞིག་བྱས་ནས་བྱེད་དགོས་པ་དེ་ཧ་ཅང་གི་གལ་

ཆེན་པོ་རེད་འདུག སྤྱིར་བཏང་ཆོས་སྐྱོང་ཟེར་མཁན་དེ་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་བྱེད་

མཁན་གྱི་གང་ཟག་གང་འདྲ་ཞིག་ཡིན་ནའང་རེད། སྐྱེ་བོ་དམ་པ་གང་འདྲ་ཞིག་ཡིན་ནའང་རེད། འདི་ལ་ཆོས་ སྐྱོང་ཟེར་ནས་ལབ་ནའང་འགྲིག་གི་ཡོད་པ་རེ​ེད། ད་ལྟ་སྐབས་སུ་བབ་པའི་ང་ཚོས་ཆོས་སྐྱོང་བཤད་སྡོད་པ་

དེ་སངས་རྒྱས་ཀྱི་བསྟན་པ་སྤྱི་དང་སངས་རྒྱས་བསྟན་པའི་དམ་ཆོས་དང་། འདི་འཛིན་མཁན་གྱི་སྐྱེ་བོ་འདི་ཚོ་ ལ་སྲུང་བར་བྱེད་མཁན་ཚོ་ལ་ཆོས་སྐྱོང་ཟེར་ནས་བཤད་ཀྱི་ཡོད་པ་རེད། མིང་བཏགས་རྒྱུ་དེ་འདི་འདྲ་ཞིག་

ཡིན་པའི་སྐད་ཆ་རེད། འཇིག་རྟེན་དང་འཇིག་རྟེན་ལས་འདས་པའི་ལྷ་ཟེར་བ་དེ། གཅིག་བྱས་ན་སང་ཉིན་ གནངས་ཉིན་དགེ་བཤེས་ལགས་རྣམ་པ་ཚོ་དང་མཉམ་དུ་གོ་བསྡུར་གནང་བའི་སྐབས་སུ། དེའི་དབྱེ་བ་ཕྱེ་བ་ དང་། གོ་བསྡུར་གནང་སྟངས་ཐོག་ལ་ཕྲན་བུའི་གཏིང་ཟབ་ཙམ་འགྲོ་ཐུབ་པ་ཡིན་ན། ཁྱད་པར་ཆེན་པོ་ཡོད་པ་

རེད་བསམ་གྱི་འདུག སྲུང་མའི་ནང་ནས་བཀའ་མདོ་རྒྱུད་གཉིས་ལས་བསྟན་པའི་ཡེ་ཤེས་ཀྱི་སྤྱན་ཡོད་མཁན་

གྱི་སྲུང་མ་དང་། ཡང་སོ་སོ་སོ་སོའི་ལས་ལས་གྲུབ་པའི་འཇིག་རྟེན་དྲེགས་པའི་སྲུང་མ་རིགས་ཤིག་ཡོད་པ་ རེད། གུ་རུ་རིན་པོ་ཆེའི་སྐབས་ལ་ལྷ་དང་འདྲེ་མང་པོ་ཞིག་དམ་ལ་བཏགས། དཀྱིལ་འཁོར་དུ་དབང་དུ་བསྐུར་ 143

དཔལ་ལྡན་ཚོགས་གཙོ་མཆོག་གི་གསུང་བཤད།

ནས། དམ་ལ་བཞག་སྟེ། སྲུང་མར་བསྐོས་བཞག་པ་མང་པོ་ཞིག་ཡོང་བསྡད་ཀྱི་འདུག འདི་ཡིན་དུས་བཀའ་ དང་མདོ་རྒྱུད་ལས་གསུངས་བཞག་པའི་ལྷ་ཆོས་སྐྱོང་སྲུང་མ་འདི་ཚོ་ཡིན་པ་ཡིན་ནའང་ང་ཚོས་བརྩི་འོས་པ། ཡང་མིན་ན་རིག་འཛིན་གྱི་སྐྱེས་ཆེན་དམ་པ་ཚོས་དམ་ལ་བཏགས་ནས་དབང་བསྐུར་བཞག་མཁན་དེ་ཡིན་པ་

ཡིན་ན། ང་ཚོས་བརྩི་འོས་པ་དང་། དེ་མིན་གྱི་ཆོས་སྐྱོང་སྲུང་མ་དང་ལྷ་དང་རྣམ་པར་དབྱེ་དགོས་བྱུང་བ་ཡིན་ ན་མང་པོ་ཞིག་ཡོད་པ་རེད། མིང་ཙམ་ཡང་མར་བཏོན་པ་ཡིན་ན་ཤོག་གྲངས་མང་པོ་གཅིག་ཆགས་པའི་གནས་

སྟངས་གཅིག་རང་བཞིན་རེད། འདི་ཚོའི་གྲས་འདི་ང་འདྲ་པོ་ཞིག་ཡིན་ན་ཤེས་ཀྱི་མ་རེད་ཀྱང་། ཡིན་ནའང་རྒྱ་

ཆེ་ས་ནས་བལྟས་པ་ཡིན་ན། འདི་འདྲ་པོ་རྣམ་པར་ཕྱེ་ཐུབ་དགོས་པ་དེ་གནད་འགག་ཆེན་པོ་རེད་འདུག གཞན་ ཆོས་བརྒྱུད་སོ་སོ་སོ་སོ་ལྟ་བུ་ཞིག་ཡིན་ན། དཔེར་ན་རྙིང་མ་ལྟ་བུ་ཡིན་ན། སོ་སོ་སོ་སོའི་སྲོལ་གཏོད་མཁན་

ཚོས་སྲུང་མ་འདི་དག་ཡོད་པ་རེད། དཔེར་ན། སྔགས་སྲུང་ཨེ་ཀ་ཛ་ཏི་ཟེར་བ་དང་། ཁྱབ་འཇུག་ར་ཧུ་ལ་དང་།

དམ་ཅན་རྡོ་རྗེ་ལེགས་པ། འདི་འདྲའི་རྙིང་མ་སྤྱིའི་སྲུང་མ་བརྩི་རྒྱུའི་རིགས་ཡོད་པ་རེད། ས་སྐྱ་ལྟ་བུ་ཞིག་ཡིན་ ན། གུར་མགོན་ལྕམ་དྲལ་ལྷ་རྒྱལ། མགོན་པོ་ཕྱག་བཞི་པ་དང་། ནོར་སྐྱོང་དུར་བདག་ཡབ་ཡུམ་ཟེར་བ་ལྟ་བུ་ ས་སྐྱ་པའི་སྲུང་མར་བརྩི་བསྡད་རྒྱུ། བཀའ་བརྒྱུད་པ་འདྲ་པོ་ཡིན་ན། དཔལ་མགོན་ཕྱག་བཞི་པ་དང་མགོན་

པོ་བེར་ནག་ཅན། ཚེ་རིང་མཆེད་ལྔ་ལྟ་བུ་རེད། དགེ་ལུགས་ནང་དུ་ཡིན་ན། ཆོས་སྐྱོང་ནང་བརྩི་བསྡད་རྒྱུ་ཡི་

དམ་གྱི་ཚུལ་དུ་མགོན་པོ་ཕྱག་དྲུག་དང་དམ་ཅན་ཆོས་ཀྱི་རྒྱལ་པོ་དེ་གཉིས་གཙོ་བོ་བྱས། རྒྱལ་ཆེན་རྣམ་སྲས་ བཅས་སྐྱེ་བུ་གསུམ་གྱི་སྲུང་མ་གསུམ་ཞེས་བརྩི་སྲོལ་ཡོད་པ་རེད། རིམ་པ་འདྲ་པོ་ངས་ཁྱེད་རང་ཚོར་བཤད་ ན་བསམ་པ་རེད།

དོལ་རྒྱལ་གྱི་བྱུང་རིམ།

དོལ་རྒྱལ་ཟེར་བའི་གནས་ཚུལ་དེ། ༸རྒྱལ་མཆོག་ལྔ་པ་ཆེན་པོའི་སྐབས་ནས་བྱུང་བའི་གནས་སྟངས་

ཤིག་རེད། ཁྱེད་རང་ཚོས་ཞིབ་ཅིང་ཕྲ་བ་ལྟ་དགོས་ཀྱི་ཡོད་པ་ཡིན་ན། རི་བོ་དགེ་ལྡན་པའི་དེབ་བཏོན་བཞག་

པ་འདི་འདྲ་ཡོད་པ་རེད། མདོ་སྨད་ཆོལ་ཁའི་ངོས་ནས་དོལ་རྒྱལ་གྱི་བྱུང་རིམ་དང་གནས་ཚུལ་འདི་ཚོའི་སྐོར་ལ་

བཏོན་བཞག་པ་དེ་འདྲ་ཡོད་པ་རེད། སྒེར་གྱི་དེབ་བཏོན་བཞག་པ་འདི་འདྲའང་ཡོང་གི་འདུག ཁྱེད་རང་ཚོས་དོ་ སྣང་བྱས་ནས་འདི་ཚོ་ཕར་ཀློག་པ་ཡིན་ན། རིམ་པས་ཞིབ་ཅིང་ཕྲ་བའི་ཐོག་ནས་མཁྱེན་རྒྱུ་ཞིག་རེད། ༸རྒྱལ་ 144

དཔལ་ལྡན་ཚོགས་གཙོ་མཆོག་གི་གསུང་བཤད།

བ་སྐུ་ཕྲེང་ལྔ་པའི་སྐབས་སུ་གཟིམ་ཁང་གོང་འོག་ཟེར་བ་ཞིག་ཡོང་བསྡད་ཀྱི་ཡོད་པ་དང་། གཟིམ་ཁང་འོག་དེ་

ད་ལྟ་ང་ཚོས་བཤད་བསྡད་པའི་དགའ་ལྡན་ཕོ་བྲང་ཟེར་བ་དེ་རེད། ༸རྒྱལ་བ་སྐུ་ཕྲེང་གཉིས་པ་དགེ་འདུན་རྒྱ་ མཚོའི་བཞུགས་སའི་སྔོན་མའི་བཞུགས་ཁང་དེ་ལ་དགའ་ལྡན་ཕོ་བྲང་དང་། གཟིམ་ཁང་འོག་མ་ཟེར་ནས་

བཤད་བསྡད་པ་གཅིག་ཆགས་བསྡད་ཀྱི་འདུག གཟིམ་ཁང་གོང་མ་ཟེར་བ་དེ་དེའི་སྐབས་ལ་གཙང་པའི་སྣེ་ གདོང་སྐུ་ངོས་ཀྱིས་ཕུལ་བཞག་པའི་འབྲས་སྤུངས་རྡོ་ཁང་སྔོན་པོ་ཟེར་བ་ཞིག་ཡོད་པ་དེ་༸རྒྱལ་བ་རིན་པོ་ཆེར་ ཕུལ། ༸རྒྱལ་བ་རིན་པོ་ཆེས་དེའི་སྐབས་ཀྱི་སློབ་མ་༸པན་ཆེན་བསོད་ནམས་གྲགས་པ་ལ་མར་གནང་ནས།

༸པན་ཆེན་བསོད་ནམས་གྲགས་པ་ལགས་ཀྱི་སྐུ་སྐྱེ་ཡང་སྤྲུལ་ཚང་མ་བཞུགས་ཁང་དེར་བཞུགས་པ་དང་། ས་ ཆའི་གནས་བབ་ཀྱི་ཐོག་ནས་དབྱེ་བ་ཕྱེ་ནས་མིང་བཏགས་པ་ཞིག་རེད། དེའི་སྐབས་སུ་ཆབ་སྲིད་ཀྱི་གནས་ སྟངས་ལྟ་བུ་ཡིན་པ་ཡིན་ན། སྡེ་པ་གཙང་པའི་གཞུང་ཟིན་པའི་སྐབས་དེར་ཆོས་བརྒྱུད་ནང་ལོགས་ལའང་

གནས་ཚུལ་མི་འདྲ་བ་མང་པོ་ཞིག་ཡོང་བསྡད་ཀྱི་ཡོད་པ་རེད། སྡེ་པ་གཙང་པའི་སྐབས་ལ་བཀའ་བརྒྱུད་ལ་ རྒྱབ་སྐྱོར་ཤུགས་ཆེན་པོ་ཞིག་བྱས། དགེ་ལུགས་ལ་དམ་པོ་ཞིག་བྱས་ནས་དེའི་སྐབས་ལ་གནས་ཚུལ་མང་པོ་

ཞིག་དང་། ཡང་སོག་པོས་རྒྱབ་སྐྱོར་བྱས་ནས་དབུས་དང་གཙང་བར་དུ་མ་མཐུན་པའི་ཆབ་སྲིད་ཀྱི་དབང་ཆའི་ ཐོག་ནས་མ་མཐུན་པ་མང་པོ་ཞིག་ཡོང་བསྡད་པའི་དུས་ཚོད་འདི་འདྲ་ཞིག་གི་ནང་དུ་ཆགས་བསྡད་ཀྱི་ཡོད་པ་ རེད། ༸རྒྱལ་བ་རིན་པོ་ཆེ་ Candidate སྐུ་ཕྲེང་བཞི་པའི་ Candidate འོས་སྤྲུལ་བཞི་བྱུང་ནས་འོས་སྤྲུལ་

བཞིའི་ནང་ནས་གཅིག་དེ་ཡར་ཀླུང་ཉེ་འགྲམ་ནས་ཡིན་པ་དང་། གཅིག་དེ་སྟོད་ལུང་དང་། སྟོད་ལུང་གད་ཁ་ས་ ཟེར་བ་དེ་ནས་གཅིག་དང་། ཉང་པོ་ནས་གཅིག་དང་། འཕྱོངས་རྒྱས་ནས་གཅིག་བྱས་ནས་ཁྱོན་འོས་སྤྲུལ་བཞི་

ཐོན་པ་རེད། གེ་ཁ་ས་ནས་ཡིན་པའི་འོས་སྤྲུལ་དེ་མི་ཚང་ཡང་སྟོབས་ཆེན་པོ་གཅིག་ཡིན་པ་དང་། སྟོབས་ཆེན་པོ་ ཡིན་དུས་སྐབས་སུ་དེའི་འོས་སྤྲུལ་དེའི་ཨ་མའི་མིང་ལ་ལགས་ཨ་རྒྱལ་ཟེར་ཞིང་། ཨ་མ་ལགས་དེས་སྐབས་དེར་

བརྒྱུད་བསྐུལ་འདྲ་པོ་མང་པོ་བྱས་ནས། ང་དེར་ཕྲུ་གུ་ཁོག་ནང་ཡོད་སྐབས་༸རྒྱལ་བ་སྐུ་ཕྲེང་བཞི་པའི་རྣམ་སྤྲུལ་ ངའི་འགྲམ་དུ་ཕེབས་ནས་ང་ལ་གནས་ཚང་གཡར་རོགས་གནང་ཟེར་ནས་གསུངས་བྱུང་ཞེས། གང་ལྟར་ཡང་ཁོ་

རང་གི་ཕྲུ་གུ་དེ་༸རྒྱལ་བ་སྐུ་ཕྲེང་ལྔ་པའི་སྤྲུལ་སྐུ་ཡིན་པའི་དན་རྟགས་བཏོན་རྒྱུའི་ཆེད་དུ་ཐབས་ཤེས་མང་པོ་ ཞིག་བྱས་འདུག ཕྲུ་གུ་དེ་ཕྱིས་སུ་གྲགས་པ་རྒྱལ་མཚན་ཟེར་བ་དེ་ཆགས་བསྡད་ཀྱི་ཡོད་པ་རེད། ༸རྒྱལ་བ་སྐུ་ ཕྲེང་ལྔ་པར་ངོས་འཛིན་མ་བྱས་པར་ཐོག་མ་ཉིད་ནས་འཁྲུག་ཐེབས་རྒྱུ་དང་དཀའ་ངལ་འཕྲད་སྟངས་ཀྱི་གནས་ 145

དཔལ་ལྡན་ཚོགས་གཙོ་མཆོག་གི་གསུང་བཤད།

སྟངས་ལྟ་བུ་འདི་འདྲ་ཞིག་རེད། གང་ལྟར་ཡང་མཐའ་མ་དེར་འོས་སྤྲུལ་བཞིའི་ནང་ནས་འཕྱོངས་རྒྱས་ནང་

འཁྲུངས་པ་དེ་༸རྒྱལ་བ་ཡོན་ཏན་རྒྱ་མཚོ་མཆོག་གི་ཡང་སྲིད་༸རྒྱལ་བ་སྐུ་ཕྲེང་ལྔ་པར་ངོས་འཛིན་བྱ་རྒྱུ་དེ་

༸པན་ཆེན་བློ་བཟང་ཆོས་ཀྱི་རྒྱལ་མཚན་དང་དེའི་སྐབས་ཀྱི་དགའ་ལྡན་ཁྲི་པ་གཉིས་ཀྱི་ཐག་གཅོད་ངོས་འཛིན་ བྱས་པ་རེད། གད་ཁ་ས་ནས་ཡིན་པའི་མི་ཚང་དེའི་ཕྲུ་གུ་དེ་ངོས་འཛིན་མ་བྱུང་བ་སོང་ཙང་། རྗེས་ལ་ཨུ་ཚུགས་

མཐའ་ནན་འདྲ་པོ་ཡར་མར་བྱས་ནས། ཐབས་ཤེས་ཡོད་རྒུ་རྩལ་སྤྲུགས་ཀྱིས་དེའི་སྔོན་གྱི་གཟིམ་ཁང་གོང་མའི་ པན་ཆེན་བསོད་ནམས་གྲགས་པའི་ཡང་སྲིད་རིམ་པ་བྱས་ནས་ཕེབས་ནས། སྤྲུལ་སྐུ་བསོད་ནམས་དགེ་ལེགས་

དཔལ་བཟང་གི་ཡང་སྲིད་དུ་ངོས་འཛིན་བྱེད་དགོས་ཐུག་པ་རེད་ཟེར་བའི་གནས་ཚུལ་ཞིག་ཡོད་པ་རེད། ༸པན་

ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་གྱིས་གྲགས་པ་རྒྱལ་མཚན་གྱི་སྤྲུལ་སྐུར་ངོས་འཛིན་བྱ་རྒྱུ་འདི་

ཡང་འདི་ཡིན་སྙམ་ཟེར་བ་ཞིག་མ་གཏོགས་ཐུགས་ཐག་ཆོད་པའི་ཐོག་ནས་བྱེད་ཐུབ་ཡོད་པ་མ་རེད། གྲགས་པ་ རྒྱལ་མཚན་ཁོ་རང་པན་ཆེན་བསོད་ནམས་གྲགས་པའི་ཡང་སྲིད་ཡིན་པའི་བརྒྱུད་རིམ་གྱི་གནས་སྟངས་དེའང་

ཁ་གསལ་པོ་མེད་པའི་གནས་སྟངས་གཅིག་ཆགས། ༸རྒྱལ་བ་སྐུ་ཕྲེང་ལྔ་པ་ལ་ངོས་འཛིན་བྱེད་མི་ཐུབ་པའི་རང་

བཞིན་གྱི་གནས་སྟངས་ཤིག་ཆགས་ནས། གང་ལྟར་༸རྒྱལ་བ་སྐུ་ཕྲེང་ལྔ་པ་དང་གཟིམ་ཁང་གོང་མའི་སྤྲུལ་སྐུ་ གྲགས་པ་རྒྱལ་མཚན་ཟེར་བའི་བར་ལ་གནས་སྟངས་མང་པོ་ཞིག་ཡོད་པ་རེད། འདི་དག་ཚང་མ་ང་ཚོ་འདིར་

བཤད་བསྡད་པ་ཡིན་ན། ཚར་རྒྱུ་མེད་པ་སོང་ཙང་། འདི་ནས་གྲགས་པ་རྒྱལ་མཚན་གྲོངས་པའི་རྗེས་སུ་ལྟས་ངན་

པ་མང་པོ་ཞིག་བྱུང་བ་རེད། དེའི་རྗེས་ལ་གང་ལྟར་༸རྒྱལ་བ་སྐུ་ཕྲེང་ལྔ་པ་ཆེན་པོ་མཆོག་གིས་ཁོ་རང་བསྙུན་ གཞི་བཞེས་པའི་སྐབས་དེར་དང་པོ་དེར་ཕེབས་མ་ཐུབ་པ་རེད། གཉིས་པ་དེར་གཅིག་ཕེབས་དུས། གྲགས་པ་

རྒྱལ་མཚན་གྱི་གཟུགས་པོའི་ནང་ལ་འབྱུང་པོ་ཞུགས་ནས་བཅོས་ཐབས་མི་འདུག་གསུངས་འདུག དེའི་རྗེས་ གྲགས་པ་རྒྱལ་མཚན་ཉི་མ་བཅོ་ལྔ་བཅུ་དྲུག་གི་རྗེས་ལ་ཤི་བ་རེད། དེང་སང་བཤད་ཚུལ་ལ་༸རྒྱལ་བ་སྐུ་ཕྲེང་ལྔ་ པས་བཀྲོངས་པ་རེད་ཟེར་རྒྱུ་དང་། ཡང་འཁོར་སྡེ་པ་ཚོས་བཀྲོངས་པ་རེད་ཟེར་རྒྱུ་དང་། འདི་འདྲའི་གནས་ཚུལ་

གསར་པ་མང་པོ་ཞིག་དོལ་རྒྱལ་བསྟེན་མཁན་ཚོས་བཟོས་ཡོང་གི་ཡོད་པ་རེད། འདི་ཚོའི་གྲས་དེ་བདེན་པ་མ་ རེད། གང་ལྟར་གྲགས་པ་རྒྱལ་མཚན་ཁོ་རང་སྨོན་ལམ་ལོག་པ་གཅིག་ཆགས་ནས། གང་ལྟར་ཆུང་དུས་ནས་རྒྱལ་ བ་སྐུ་ཕྲེང་ལྔ་པར་ཨ་མ་ལགས་ནས་ཐབས་ཤེས་བྱས་ཀྱང་ཆགས་མ་ཐུབ་པ་དང་། ཁོ་རང་སྐུ་འཚོ་བཞུགས་

སྐབས་སུའང་དགའ་ལྡན་ཕོ་བྲང་ལ་མ་དགའ་བ་ཤུགས་ཆེན་པོ་བྱ་རྒྱུ་དང་། འདི་འདྲའི་གནས་ཚུལ་མང་པོ་ཞིག་ 146

དཔལ་ལྡན་ཚོགས་གཙོ་མཆོག་གི་གསུང་བཤད།

ཀྱང་བྱུང་ཡོད་པ་རེད། གྲོངས་པའི་སྐབས་སུའང་སྨོན་ལམ་ལོག་ནས་དྲེགས་པ་ལ་སྐྱེས་པའི་གནས་སྟངས་ཡོང་ བསྡད་པ་དེ་ངས་ལོ་རྒྱུས་ནང་དུ་ཆ་ཚང་བ་ཞིག་ངས་ཞུ་ཤེས་ཀྱི་མི་འདུག་ལ། དུས་ཚོད་ཀྱང་ཡོད་པ་མ་རེད།

སྙིང་བསྡུས་ལྟ་བུ་བཤད་པ་འདྲ་པོ་ཡིན་ན་དེ་རང་རེད་འདུག གཞན་ཁོ་རང་གྲོངས་ཏེ་ཕོ་བྲང་གོང་མའི་ནང་དུ་སྐད་

འདྲ་མི་འདྲ་བརྒྱབས་ཀྱི་འདུག་ཟེར་བ་དང་། གཞན་ཡང་སྲི་ཞུགས་འདུག་ཟེར་བའི་གནས་ཚུལ་མང་པོ་ཞིག་ཡོང་ བསྡད་ཀྱི་འདུག རྗེས་ལ་ཁོ་རང་གི་གདུང་མཆོད་མཆོད་རྟེན་ནམ་དངུལ་གདུང་མཆོད་རྟེན་དེའི་སྣེ་དེ་སྤོ་དགོས་ཀྱི་ འདུག་ཅེས་གནས་ཆུང་ཆོས་རྒྱལ་ཆེན་པོས་ལུང་བསྟན་གནང་ཡོད་པ་རེད་ཀྱང་། གང་ལྟར་དེའི་སྐབས་དེར་དུས་ ཚོད་ཏག་ཏག་གཅིག་ལ་སྤོ་མ་ཐུབ་པའི་རྐྱེན་གྱིས་སྡེ་པ་ལའང་གནོད་སྐྱོན་འགའ་བྱུང་། རྗེས་སུ་ཁོ་རང་གི་མཆོད་

རྟེན་དེ་མར་བཤིག་ནས་སྤོ་དགོས་བྱུང་བ་རེད། པུར་ཐལ་དེ་ཚོའང་གཙང་པོའི་ཆུའི་ནང་མར་གཡུག་ནས། དོལ་ ཟེར་བའི་ས་ཆ་དེར་སླེབས་ཡོང་སྐབས། ༸རྒྱལ་བ་རིན་པོ་ཆེས་ཞི་བའི་ཐོག་ནས་བཅོས་རྒྱུའི་ཐབས་ཤེས་གནང་

ནས། ཕ་གིར་ས་ཐིག་གསར་པ་ཞིག་བཟོས་ནས་ཁོ་རང་ཕ་གིར་གནས་ས་འདྲ་པོ་ཞིག་དང་། དེར་དོལ་རྒྱལ་ཟེར་

ནས་མིང་བཏགས་དགོས་པའི་རྒྱུ་མཚན་དེ་འདྲ་རེད་ཟེར་བའི་གནས་ཚུལ་ཡོད་པ་རེད། རྗེས་ལ་ཁོ་རང་གི་པུར་ ཐལ་དེ་ཚོ་བཤིག་རྒྱུར་སླེབས་སྐབས། ས་ཆ་དེར་གནོད་ཚབས་ཆེན་པོ་འདྲ་བྱུང་ནས། མི་མང་ལ་དཀའ་ངལ་མང་

པོ་འཕྲད། འདི་འདྲའི་གནས་ཚུལ་མང་པོ་ཞིག་བྱུང་ཡོད་པ་རེད། རིམ་པས་དེ་ཚོའི་བརྒྱུད་ནས་དྲག་པོས་བཅོས་

དགོས་པའི་གནས་ཚུལ་དེ་འདྲའང་བྱུང་ཡོད་པ་རེད། དྲག་པོས་བཅོས་ཟེར་དུས་སྦྱིན་སྲེག་བསྲེགས་ནས་མེད་ པ་བཟོ་རྒྱུའི་ཐབས་ཤེས་བྱ་རྒྱུ། གང་ལྟར་ལོ་རྒྱུས་ཐོག་ལ་གནས་སྟངས་མི་འདྲ་བ་ཁ་ཤས་ཤིག་འདུག སྦྱིན་

སྲེག་བསྲེགས་པའི་སྐབས་ལ་ཚར་བཅད་ནས་མེད་པ་བཟོས་པ་རེད། སྦྱིན་སྲེག་བསྲེགས་པའི་སྐབས་ལ་བཀའ་

རྙིང་གི་བླ་མ་ཚང་མ་ཡོད་པ་རེད། གཏེར་བདག་གླིང་པ་དང་འདི་འདྲའི་བླ་ཆེན་མང་པོ​ོ་ཞིག་འཛོམས། ༸རྒྱལ་བ་

སྐུ་ཕྲེང་ལྔ་པའི་ཟུར་དཔང་མཛད་པའི་ཐོག་ནས་གནང་སྟེ། དེའི་སྦྱིན་སྲེག་བསྲེགས་དུས་མིའི་ཤ་བསྲེགས་པའི་

དྲི་མ་ཁ་ཡི་འདུག་ཟེར་བའི་གནས་ཚུལ་འདི་འདྲའང་མང་པོ་ཞིག་བྱུང་བ་རེད། ཡིན་ནའང་གྲགས་པ་རྒྱལ་མཚན་ གྲོངས་ནས་ལོ་ ༦༥ ཙམ་ཕྱིན། སྦྱིན་སྲེག་བསྲེགས་ནས་དོལ་རྒྱལ་ཚར་བཅད་པ་རེད་ཟེར་ནས་ལོ་ ༤༦ ཙམ་

གྱི་རྗེས་ལ་ཡང་། ལོ་རྒྱུས་ནང་བཤད་རྒྱུར་དོལ་རྒྱལ་བདག་པོ་རྒྱག་མཁན་མེད་པར་འཁྱམ་ཕྱིན་ནས་ས་སྐྱར་ སླེབས་པ་རེད་ཟེར་བའི་སྐད་ཆ་དེ་བཤད་ཀྱི་ཡོད་པ་རེད། ས་སྐྱའི་ནང་དོལ་རྒྱལ་བསྟེན་སྲོལ་བྱུང་དང་མ་བྱུང་

ཟེར་བ་དེ། མཐའ་མའི་བསྡོམས་འདྲ་བརྒྱབ་པ་ཡིན་ན། དཔེར་ན། ས་སྐྱའི་ནང་དུའང་ ༡༧༡༧ ལོར་ནོར་ཆེན་ 147

དཔལ་ལྡན་ཚོགས་གཙོ་མཆོག་གི་གསུང་བཤད།

ཀུན་དགའ་ལྷུན་གྲུབ་ཟེར་བ་ཞིག་གིས་ནོར་གྱི་ངོས་བསྟེན་སྲོལ་ཞིག་ཡོད་པ་དང་། འདིའི་ལོ་ ༤ རྗེས་ལ་ས་སྐྱ་

བདག་ཆེན་བསོད་ནམས་རིན་ཆེན་འགྲམ་དུ་དོལ་རྒྱལ་ཡོང་ནས། ལྟས་ངན་པ་རིགས་མང་པོ་ཞིག་བྱུང་། དོལ་

རྒྱལ་གྱི་ལག་པར་ཁྲག་ཐོན་པའི་རྨི་ལམ་བཏང་བ་དང་། འདི་འདྲའི་གནས་ཚུལ་རིགས་བྱུང་སྟེ། ཁྱེད་རང་སུ་ ཡིན་ནམ་ཟེར་དུས། ང་དགེ་ལྡན་པའི་དམ་སྲི་ཁོ་ཡིན་ཟེར་ནས། དོལ་རྒྱལ་གྱིས་འདི་ལབ་པ་རེད། འདི་ཡང་ཁོ་

རང་རང་གིས་ལབ་པ་རེད་མ་གཏོགས་ང་དགེ་ལྡན་པའི་ཆོས་སྐྱོང་ཡིན་ཞེས་ལབ་ཡོད་པ་མ་རེད། བྱས་ཙང་ས་སྐྱ་ ནང་བསྟེན་གསོལ་གྱི་མགོ་བཙུགས་པ་རེད་ཟེར་ནས་བཤད་སྲོལ་འདུག ད་ལྟའི་ས་སྐྱ་གོང་མ་ས་སྐྱ་བདག་ཁྲི་

རིན་པོ་ཆེར་བཀའ་འདྲི་ཞུས་པའི་སྐབས་སུ་གོང་མ་རིན་པོ་ཆེས་ཀྱང་དེ་གསུང་གི་འདུག སྔོན་མ་ ༡༩༩༦ ལོར་

བོད་མི་མང་སྤྱི་འཐུས་ལྷན་ཚོགས་ཀྱིས་གྲོས་ཆོད་ཅིག་བཞག་པའི་རྗེས་ལ་གོང་མ་རིན་པོ་ཆེས་སྤྱི་འཐུས་རྒྱུན་

ལས་ལ་ཕྱག་བྲིས་ཤིག་ཀྱང་གནང་ཡོད་པ་རེད། ཕྱིས་སུ་གོང་མ་རིན་པོ་ཆེས་བཀའ་སློབ་གནང་བཞག་པ་དེ་

ཚོ་དེང་སང་ཁྱེད་རང་ཚོས་བརྙན་འཕྲིན་གྱི་ཐོག་ནས་མཇལ་རྒྱུ་ཡོད་པ་དེ་འདྲ་རེད། གང་ལྟར་ས་སྐྱའི་ནང་དུ་ སྒེར་སོ་སོས་བསྟེན་བཞག་པ་འགའ་ཤས་ཤིག་བྱུང་ཡོད་པ་མ་གཏོགས། ས་སྐྱ་སྤྱིའི་ཆོས་ལུགས་ཀྱི་ཐོག་ནས་ སྲུང་མར་ངོས་འཛིན་བྱས་བཞག་པ་རྩ་བ་ཉིད་ནས་བྱུང་ཡོད་པ་མ་རེད་ཅེས་རིན་པོ་ཆེས་བཀའ་གནང་རྒྱུ་དེ་

གནང་གི་འདུག ལྷག་པར་དུ་ད་ལྟའི་ས་སྐྱ་བདག་ཁྲི་རིན་པོ་ཆེས་ཡོངས་འཛིན་རྣམ་པ་ཚོ་ཡིན་པ་ཡིན་ནའང་།

དཔེ་མི་སྲིད་པའི་དོལ་རྒྱལ་ཐོག་ལ་དམ་བསྒྲགས་གནང་ནས། ས་སྐྱའི་ནང་དུ་ཕལ་ཆེར་དོལ་རྒྱལ་བསྟེན་མཁན་ མེད་པ་དང་། སྲོག་གཏད་རིགས་རྩ་བ་ཉིད་ནས་ཞུས་མ་མྱོང་བའི་གནས་སྟངས་ཤིག་གསུང་གིན་འདུག འདི་

ནས་ས་སྐྱའི་ནང་དུ་གལ་སྲིད་དགོན་ཁག་ཆུང་ཆུང་ནང་དུ་བསྟེན་མཁན་ཡོད་ན། འདི་ཚོའི་གྲལ་དེ་དམའ་པོ་ དམའ་པོ་ཞིག་མ་གཏོགས། སྲུང་མའི་གྲངས་ཀ་ནང་དུ་བརྩི་ཡི་མེད་པའི་གནས་སྟངས་དེ་ད་ལྟའི་ས་སྐྱ་བདག་

ཁྲི་རིན་པོ་ཆེས་བཀའ་ནན་པོ་གནང་གི་ཡོད་པ་རེད་ལ། ལྷག་པར་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་ མཆོག་གིས་ཕྱི་ལོ་ ༡༩༧༨ ལོར་མང་ཚོགས་ལ་སྤྱི་ཡོངས་ཀྱི་གསལ་བསྒྲགས་གནང་བའི་རྗེས་སུ་ས་སྐྱའི་ནང་

གཅིག་ཀྱང་མེད་ཟེར་ནས་བཤད་པ་ཡིན་ནའང་འགྲིག་གི་རེད་ཅེས་གསུངས་བསྡད་ཀྱི་འདུག རྗེས་རྗེས་སུ་ས་ སྐྱའི་བླ་མ་འདི་ཚོས་དོལ་རྒྱལ་ཟེར་དུས། ཕལ་ཆེར་གཏོར་རྒྱག་རྒྱག་རྒྱུ་ཡིན་པའི་གནས་སྟངས་ལ་འགྱུར་ཡོད་

པ་རེད་ཟེར་ནས་བཀའ་གནང་རྒྱུའི་གནས་སྟངས་འགའ་བྱུང་ཡོད་པ་རེད། ཆོས་བརྒྱུད་མི་འདྲ་བའི་ནང་དུ་དོལ་

རྒྱལ་བསྟེན་གསོལ་དང་འབྲེལ་བའི་སྐོར་ལ་བཤད་ཡོང་སྐབས། ས་སྐྱ་ནང་དུ་གནས་ཚུལ་ཕྲན་བུ་བྱུང་བ་རེད་ 148

དཔལ་ལྡན་ཚོགས་གཙོ་མཆོག་གི་གསུང་བཤད།

ཀྱང་། དེང་སང་ལྟ་བུ་ཡིན་ན། གནས་ཚུལ་ཆ་ཚང་གཙང་རྐྱང་ཆགས་བསྡད་ཡོད་པ་རེད། རྙིང་མའི་ནང་དུའང་

བསྟེན་མཁན་མེད་པ་དང་། བཀའ་བརྒྱུད་ནང་དུའང་བསྟེན་མཁན་མེད་པ། འདིའི་རྗེས་སུ་བར་ལམ་ནས་རི་བོ་ དགེ་ལྡན་པའི་ནང་དུ་ཕྲན་བུའི་བསྟེན་མཁན་སླེབས་ནས། ༸རྒྱལ་བ་སྐུ་ཕྲེང་ལྔ་པ་ནས་བྱས་ནས་གང་ལྟར་ཕྱི་ ལོ་ ༡༩༧༦ ནས་དམ་བསྒྲགས་མཛད་ནས། དགའ་ལྡན་ཁྲི་པ་རིམ་བྱོན་ནས་བྱས་ནས་དམ་བསྒྲགས་མཛད། བླ་ཆེན་རྣམ་པས་དམ་བསྒྲགས་མཛད་པས་གནས་ཚུལ་མང་པོ་ཞིག་ཡོད་པ་རེད། ཡང་བསྐྱར་དོལ་རྒྱལ་ཕྲན་བུ་

དར་རྒྱུའི་གནས་ཚུལ་བྱུང་རྒྱུ་དེ། དུས་རབས་ ༡༩ པའི་རྗེས་དང་དུས་རབས་ ༢༠ པའི་འགོ་སྟོད་ལབ་དགོས་

སམ། གང་ལྟར་བཅུ་ཕྲག་གཉིས་པའི་ནང་དུ་བྱུང་བཞག་པའི་གནས་ཚུལ་རེད། འདི་ཡང་སྐྱབས་རྗེ་ཕ་བོང་ཁ་

དང་འབྲེལ་བ་ཡོད་པའི་གནས་ཚུལ་མང་པོ་ཞིག་གསུང་རྒྱུ་ཡོད་པ་རེད། སྐྱབས་རྗེ་ཕ་བོང་ཁ་ལྟ་བུར་མཚོན་ན།

ལམ་རིམ་བརྒྱུད་པའི་བླ་མ་ཆེན་པོ་ཞིག་རེད། ལམ་རིམ་གྱི་ཐོག་ལ་གསུང་ཆོས་གནང་དགོས་བྱུང་བ་ཡིན་ན། དེའི་སྐབས་སུ་སྐྱབས་རྗེ་ཕ་བོང་ཁ་ནང་བཞིན་བྱུང་མེད་པའི་གནས་ཚུལ་དེ་འདྲའང་ཡོད་པ་རེད། སྤྱིར་བཏང་གི་ བླ་མ་ཆུང་ཆུང་ཞིག་ཡིན་པ་གང་ཞིག་ལ། གཞན་ཡང་སྐྱབས་རྗེ་ཕ་བོང་ཁའི་ཡང་སྲིད་འཚོལ་སྟངས་སྐོར་ལའང་

གནས་ཚུལ་འགའ་ཤས་ཤིག་ཡོད་པ་རེད་ཀྱང་། ད་ལྟ་དུས་ཚོད་མང་པོ་མེད་སྟབས་ཞུ་མི་དགོས་པ་བྱས། ཡིན་ ནའང་སྐྱབས་རྗེ་ཕ་བོང་ཁ་སྐུ་ཆུང་དུས་ནས་ཆོས་སྤྱོད་བཟང་བ་དང་། འཆད་རྩོད་རྩོམ་གསུམ་གང་ཅིའི་ཐད་ལ་ མཁས་པ་ཆེན་པོ་ཞིག་དང་། ༸རྒྱལ་བ་སྐུ་ཕྲེང་བཅུ་གསུམ་པ་ཆེན་པོ་མཆོག་གི་ངོས་ནས་ཀྱང་དཔེ་མི་སྲིད་པའི་ གཟིགས་སྐྱོང་ཆེན་པོ་གནང་ནས། ༸རྒྱལ་བ་སྐུ་ཕྲེང་བཅུ་གསུམ་པ་ཆེན་པོས་ལམ་རིམ་གསུང་ཆོས་གནང་བའི་

སྐབས་སུ་སྐྱབས་རྗེ་ཕ་བོང་ཁ་དེའི་སྐབས་སུ་ཕྲན་བུའི་བསྙུན་བསྡད་ཡོད་པ་དང་། གྲལ་གྱི་མཐའ་ཞིག་ལ་ཡོད་པ་ བྱས། ལམ་རིམ་གནང་གིན་གནང་གིན་ལ་གྲལ་གྱི་མགོ་ལ་ཡར་བསླེབས་ནས། གང་ལྟར་༸རྒྱལ་བ་རིན་པོ་ཆེས་ གཟིགས་སྐྱོང་ཆེན་པོ་གནང་བའི་ལོ་རྒྱུས་མང་པོ་ཞིག་གསུང་རྒྱུ་འདུག སྐྱབས་རྗེ་ཕ་བོང་ཁ་ལྟ་བུ་ཡིན་ན། སྐུ་

སྟོད་འདྲ་པོ་ཡིན་ན་རིས་མེད་རང་བྱས་ནས་བོད་བརྒྱུད་ནང་བསྟན་གྱི་བླ་མ་གཞན་པ་ཚོ་བསྟེན་རྒྱུ་དང་། ལྷག་

པར་དུ་གུ་རུ་རིན་པོ་ཆེར་མཐོང་དང་བརྩི་འཇོག་ཆེན་པོ་ཡོད་པ། འདི་འདྲའི་གནས་ཚུལ་བཤད་རྒྱུ་ཡོད་པ་རེད་ དེ། སྐུ་ཚེའི་སྨད་ལ་དོལ་རྒྱལ་གྱི་གནས་ཚུལ་དེ་བྱུང་བའི་རྐྱེན་བྱས་ནས་བླ་མས་དྲེགས་པ་གདོན་འདྲེ་འདི་འདྲ་ ཞིག་བསྟེན་པ་སོང་ཙང་། བར་ཆད་མང་པོ་ཞིག་བྱུང་བའི་གནས་ཚུལ་བྱུང་ཡོད་པ་རེད། ཁྱེད་རང་ཚོ་དོལ་རྒྱལ་

གྱི་གནས་ཚུལ་སྐོར་ལ་ཕྲན་བུའི་གོ་ཡོད་ན་སྲོག་གཏད་ཟེར་གྱི་འདུག་གཱ འདིའི་སྔོན་ལ་དོལ་རྒྱལ་གྱི་སྲོག་གཏད་ 149

དཔལ་ལྡན་ཚོགས་གཙོ་མཆོག་གི་གསུང་བཤད།

ཟེར་བའི་སྐོར་ལ་ཡོད་པའི་གནས་ཚུལ་གང་ཡང་འཁོད་མི་འདུག རྗེས་སུ་སྲོག་གཏད་ཟེར་བ་དེ་སྐྱབས་རྗེ་ཕ་བོང་ ཁའི་སྐབས་ནས་བྱུང་སྟེ། སྲོག་གཏད་ཟེར་བ་དེ་སྐྱེ་བོ་དམ་པ་དེ་ཚོའི་ལྷ་དང་འདྲེ་དང་གདུག་པ་ཅན་དེ་ཚོའི་རིགས་

དེ་དག་གི་ཁོ་ཚོ་ཚུར་དམ་ལ་བཏགས་ནས། དབང་བསྐུར་ནས་ཁོ་ཚོའི་སྲོག་དེ་ཚུར་བླངས་ནས་སྲོག་གཏད་ཟེར་

ནས་ཞུ་ཡི་ཡོད་པ་རེད། འདྲེ་དང་འབྱུང་པོ་འདི་ཚོའི་སྲོག་ཚུར་གཏད་ཀྱི་ཡོད་པ་རེད་མ་གཏོགས། ད་ལྟའི་ཆར་ སྲོག་གཏད་ཟེར་སྐབས་བླ་མའི་སྲོག་ཕར་དོལ་རྒྱལ་ལ་གཏད་ནས། རྗེས་འཇུག་པ་དེ་ཚོ་ཡིན་ནའང་ཕར་དོལ་

རྒྱལ་ལ་གཏད་ནས་སོ་སོའི་སྲོག་དེ་ཕར་སྤྲད་བཞག་གི་ཡོད་དུས། མ་འོངས་པར་སྐྱེ་བ་ལེན་རྒྱུ་མེད་པ་དང་དོལ་ རྒྱལ་རང་གི་འཁོར་ནང་དུ་ཚུད་ནས་ལྷུང་བསྡད་རྒྱུའི་ཉེན་ཁ་ཡོད་པ་རེད། སྲོག་གཏད་ཟེར་རྒྱུ་དེའང་དེའི་སྔོན་ལ་

མ་བྱུང་བ། ཕྱིས་སུ་བྱུང་བཞག་པ། སྐྱབས་རྗེ་ཕ་བོང་ཁ་དང་དོལ་རྒྱལ་དང་འབྲེལ་བའི་སྐོར་ལ་སྐད་ཆ་བཤད་ཡོང་ སྐབས། ཡང་དྭགས་པོ་རིན་པོ་ཆེ་དང་སྐད་ཆ་གཅིག་ཀྱང་ཡོང་བསྡད་ཀྱི་འདུག ཕྱི་ལོ་ ༡༩༡༥ ཙམ་ལ་དྭགས་པོ་ སྐལ་བཟང་མཁས་གྲུབ་དང་སྐྱབས་རྗེ་ཕ་བོ་ཁ་པ་འབྲེལ་བ་བྱུང་བའི་ཐོག་ནས་བྱུང་བ་རེད། ཡིན་ནའང་དྭགས་པོ་ སྐལ་བཟང་མཁས་གྲུབ་རིན་པོ་ཆེས་དོལ་རྒྱལ་ཟེར་བ་དེ་སྒོ་སྲུང་ལ་བཞག་པ་མ་གཏོགས། སྲུང་མ་གཙོ་བོར་

བསྟེན་ཡོད་པ་མ་རེད། སྐྱབས་རྗེ་ཕ་བོང་ཁ་ལ་ག་དུས་ཡིན་ནའང་དོལ་རྒྱལ་གྱིས་བསླུ་བྲིད་ཐེབས་ནས་ཁོ་རང་ ཆུང་ཆུང་ཡིན་སྐབས་ནས་ཁོ་རང་གི་སྲུང་མ་ལ་ཁྱིམ་རྒྱུད་ཀྱི་དོལ་རྒྱལ་གཅིག་ཡོད་པ་རེད། ཁོ་ཚོ་ནང་མི་ཚོས་

ཁྱོད་རང་སུ་ཡིན་ནམ་ཟེར་ནས་སྐད་ཆ་དྲིས་སྐབས། ཁྱེད་ང་ངོ་ཤེས་ཀྱི་མེད་དམ་ཟེར་ནས་སྒོ་ལྕག་ཡན་ཆད་

གཞུས། སྐྱབས་རྗེ་ཕ་བོང་ཁ་དགུང་ལོ་གཉིས་ཙམ་ཡིན་སྐབས། དེའི་བར་དུ་མ་ཤོང་ནས་དོལ་རྒྱལ་གྱི་རྐང་ བཙུགས་ནས་ཡར་རིན་པོ་ཆེ་ཚུར་འཐེན་ནས་བྱམས་པོ་འདྲ་བྱས་ནས་རིམ་པས་བསླུ་བྲིད་མང་པོ་བྱས་པའི་ལོ་

རྒྱུས་ཡོད་པ་རེད། ཕྱིས་སུ་ ༡༩༢༠ ཙམ་ནས་སྐྱབས་རྗེ་ཕ་བོང་ཁ་ཡིན་ནའང་དོལ་རྒྱལ་བསྟེན་རྒྱུ་དང་ཁྱབ་སྤེལ་ བྱ་རྒྱུའི་ལས་འགོ་འདི་ཚོ་བཙུགས་པའི་རྗེས་སུ་ཡིན་ནའང་། དོལ་རྒྱལ་ལ་གཏོར་འབྲེལ་ཞུ་རྒྱུ་དང་སྲོག་གཏད་ཞུ་ རྒྱུ་དང་འདི་ཚོའི་བསྟེན་སྲོལ་ཞུ་རྒྱུའི་རིགས་མང་པོ་ཞིག་དོལ་རྒྱལ་ཁོ་རང་མི་གཞན་གྱི་གཟུགས་པོའི་ནང་

ཞུགས་ནས་བླ་མ་ལ་ཞུས་བཞག་པའི་གནས་སྟངས་རྐྱང་རྐྱང་གཅིག་ཡིན་པ་གསལ་པོ་གསལ་རྐྱང་ཞིག་སྐྱབས་

རྗེ་ཕ་བོང་ཁ་པའི་ལོ་རྒྱུས་རང་གི་ནང་དུ་རྣམ་ཐར་ནང་དུ་གསལ་ཡོང་གི་འདུག གང་ལྟར་དེ་འདྲའི་གནས་ཚུལ་

འདྲ་པོ་མང་པོ་ཞིག་ཡོད་པ་རེད། དེའི་བར་དུ་བར་ཆད་མང་པོ་ཤོར་ནས་གང་ལྟར་སྐྱབས་རྗེ་ཕ་བོང་ཁ་པ་ལམ་ རིམ་བརྒྱུད་པའི་བླ་མ་ཆེན་པོ་ཡིན་པ། ལམ་རིམ་ཁྲིད་གནང་གི་ཡོད་པ་དང་། དུས་སྐབས་གཅིག་ལ་༸རྒྱལ་བ་སྐུ་ 150

དཔལ་ལྡན་ཚོགས་གཙོ་མཆོག་གི་གསུང་བཤད།

ཕྲེང་བཅུ་གསུམ་པའི་དགའ་ལྡན་ཁྲི་པའི་ཚབ་བྱས་ནས་སྐྱབས་རྗེ་ཕ་བོང་ཁ་པ་ལམ་རིམ་ཁྲིད་རྒྱུར་བཏང་གནང་ བ་རེད་ཟེར་ནས་འདི་འདྲའི་གཟིགས་སྐྱོང་ཆེན་པོ་ཞིག་གནང་ཡོད་པའི་གནས་ཚུལ་གོ་ཐོས་འདུག གདོན་འདྲེ་ འདི་བསྟེན་ནས་རིན་པོ་ཆེའི་སྐུ་ཚེ་སྨད་ལ་དཔེ་མི་སྲིད་པའི་བར་ཆད་མང་པོ་བྱུང་། དོལ་རྒྱལ་བསྟེན་གསོལ་དེ་

ཤུགས་ཆེ་རུ་ཆེན་པོ་ཞིག་བཏང་། ༸རྒྱལ་བ་སྐུ་ཕྲེང་བཅུ་གསུམ་པ་ཆེན་པོས་འདི་མཁྱེན་པའི་རྗེས་སུ་བཀའ་ འགུག་གནང་སྟེ་རྗེས་སུ་སྤང་བླང་བཤགས་བཅོས་ཚང་མ་བྱས་པ་རེད། ཡིན་ནའང་༸རྒྱལ་བ་སྐུ་ཕྲེང་བཅུ་གསུམ་

པ་དགོངས་པ་རྫོགས་པའི་རྗེས་སུ། རྭ་སྒྲེང་རིན་པོ་ཆེའི་འགྲམ་ནས་དགོངས་པ་རག་སྟེ། ༸རྒྱལ་བ་རིན་པོ་ཆེའི་ སྐབས་ནས་སྐྱབས་རྗེ་ཕ་བོང་ཁས་ཆོས་ཁྲིད་མི་ཆོག་རྒྱུའི་བཀག་གནང་ཡོད་པ་རེད། ཡིན་ནའང་རྗེས་སུ་རྭ་སྒྲེང་ རིན་པོ་ཆེ་རྒྱལ་ཚབ་ཆགས་པའི་རྗེས་སུ་ཁམས་ལ་འགྲོ་ཆོག་རྒྱུའི་བཀའ་འཁྲོལ་སྤྲད་ནས། སྐྱབས་རྗེ་ཕ་བོང་ཁ་

ཁམས་ལ་ཕྱིན་ནས་རྙོག་གྲ་མང་པོ་ཞིག་བཟོས་ཡོད་པ་རེད། ཁམས་ནང་དུ་རྙིང་མའི་དགོན་པ་འདི་ཚོའི་ནང་དུ་གུ་ རུ་རིན་པོ་ཆེའི་སྐུ་འདྲ་འདི་ཚོ་མར་གཏོར་རྒྱུ་དང་། གཞན་ཡང་རྙིང་མའི་དཔེ་ཆ་འདི་ཚོ་མར་ཆུའི་ནང་དུ་གཡུག་ རྒྱུ་དང་། མེར་བསྲེགས་རྒྱུ་ལ་སོགས་པའི་གནས་ཚུལ་མང་པོ་ཞིག་བྱུང་སྟེ། དེའི་སྐབས་སུ་འཇམ་དབྱངས་

མཁྱེན་བརྩེ་བློ་གྲོས་ཆོས་ཀྱི་རྒྱལ་མཚན་གྱིས་ཀྱང་མདོ་སྨད་ཀྱི་བླ་མ་གཅིག་ལ་ཡི་གེ་བྲིས་ནས་བླ་མ་ཕ་བོང་ཁ་

པའི་བླ་སློབ་ཀྱིས་འདི་འདྲ་བྱེད་ཀྱི་འདུག་གོ་ཟེར་ནས། དཔེར་ན། གུ་རུའི་སྐུ་གཏོར་རྒྱུ་དང་། རྙིང་མའི་དཔེ་ཆ་དག་ ཆུ་དང་མེར་བསྲེགས་གཏོང་རྒྱུ་ལ་སོགས་པའི་གནས་ཚུལ་མང་པོ་བྱུང་ཡོད། གཞན་ཡང་དོལ་རྒྱལ་ཞུགས་པ་

ཡིན་ཟེར་ནས་གྲྭ་པ་མང་པོ་ལ་གནོན་ཤུགས་སྤྲད། གྲྭ་པ་འདི་ཚོས་གྲྭ་པ་གཞན་པ་ཚོར་བརྡུང་བཅུག་ནས་སྐབས་ དེར་རྡུང་མཁན་མ་རག་པར་སྐབས་རེར་བུད་མེད་ཡན་ཆད་གླ་དགོས་བྱུང་བ་རེད་ཟེར་ནས་གནས་ཚུལ་མང་པོ་

ཞིག་ཁྱབ་པ་རེད། འདི་ཚོའི་བྱེད་སྟངས་ལ་བལྟས་པ་ཡིན་ན། རྗེ་ཙོང་ཁ་པའི་བསྟན་པ་ལ་རྨ་སྦྱོར་ཆེན་པོ་ཞིག་

ཡོང་ས་རེད། འདི་ཡིན་པ་སོང་ཙང་ད་ལྟ་མདོ་སྨད་ཀྱི་བླ་མ་དེར་ཁྱེད་རང་གིས་དགག་ཡིག་བརྩམས་ཏེ་བོད་མདོ་

དབུས་ཁམས་གསུམ་ཚང་མ་ལ་ཁྱབ་ཐུབ་པ་ཞིག་བྱེད་ཐུབ་པ་ཡིན་ན་ཡག་པོ་ཡོང་ས་རེད་ཟེར་ནས་ཕྱག་བྲིས་ ཕུལ་བའི་ལོ་རྒྱུས་བྱུང་ཡོད་པ་རེད། དེར་བརྟེན་གང་ལྟར་དོལ་རྒྱལ་བསྟེན་པ་ཡིན་ན་དོལ་རྒྱལ་དེ་ཁོ་དགེ་ལུགས་

པ་གཙང་མ་ཞིག་ལ་རྒྱབ་སྐྱོར་བྱེད་མཁན་ཡིན་པའི་བཟོ་འདྲ་པོ་གཅིག དོན་དག་དེ་ཁོ་རང་རང་གི་དོན་དག་ བསྒྲུབས་ནས་བསྡད། དོལ་རྒྱལ་བསྟེན་མཁན་གྱི་བླ་མ་ཚང་མ་ལ་བར་ཆད་བྱུང་བཞག་པ་རྐྱང་རྐྱང་གཅིག་མ་

གཏོགས། གྲོགས་དང་འཕྲིན་ལས་སྒྲུབ་རྒྱུ་ཕར་བཞག ཚང་མ་ལ་གྱོང་གུན་ཆེན་པོ་ཞིག་རག་བསྡད་ཡོད་པ་རེད། 151

དཔལ་ལྡན་ཚོགས་གཙོ་མཆོག་གི་གསུང་བཤད།

༸ཀུན་གཟིགས་པན་ཆེན་དགུ་པ་ལྟ་བུ་ཡིན་པ་ཡིན་ནའང་སྐྱབས་རྗེ་ཕ་བོང་ཁ་པ་དང་ཁོང་གཉིས་ཁམས་ངོས་ལ་

ཐུག་ནས། དེའི་རྗེས་སུ་དོལ་རྒྱལ་བསྟེན་གསོལ་བྱ་རྒྱུའི་ཕ་བོང་ཁའི་བསྐུལ་མ་འདྲ་པོ་བཏབ་ནས། བེད་སྤྱོད་ བཏང་སྟེ་རྗེས་སུ་ཕ་བོང་ཁས་བཀྲ་ཤིས་ལྷུན་པོའི་ནང་དུ་ཡང་བསྐྱར་དོལ་རྒྱལ་བསྟེན་གསོལ་བྱ་རྒྱུའི་གནས་

ཚུལ་འདྲ་པོ་མང་པོ་ཞིག་བྱུང་ཡོད་པ་རེད། དེའི་རྗེས་སུ་པན་ཆེན་རིན་པོ་ཆེ་ཡིན་ནའང་བོད་ལ་ཚུར་ལོག་མ་ཐུབ་

པ་བྱས་ནས་ཁམས་ཁུལ་ལ་དགོངས་པ་རྫོགས་པའི་གནས་ཚུལ་འདི་འདྲ་བྱུང་བ་རེད། སྐྱབས་རྗེ་ཕ་བོང་ཁ་རང་

ཉིད་ཡིན་ནའང་ཁམས་ཀྱི་ཁུལ་ནས་ཕྱིར་གཙང་གི་ཁུལ་དང་དྭགས་པོ་དང་ཀོང་པོ་ཁུལ་ནས་ཡར་ཕེབས་པའི་ སྐབས་སུ་ཕྱི་ལོ་ ༡༩༣༨ ཙམ་ལ་ཁྲག་བསྐྱུགས་ནས་དགོངས་པ་རྫོགས་པའི་གནས་ཚུལ་འདི་འདྲའང་ཡོད་པ་ རེད། འདི་ནས་མར་སྐྱབས་རྗེ་ཁྲི་བྱང་རིན་པོ་ཆེ་ཡིན་ནའང་༸རྒྱལ་བ་རིན་པོ་ཆེའི་ཡོངས་འཛིན་རེད། འདི་འདྲ་

ཡིན་དུས་༸རྒྱལ་བ་རིན་པོ་ཆེའི་ངོས་ནས་དམིགས་བསལ་བཏང་གནང་རྒྱུའི་གནས་ཚུལ་རིགས་བྱུང་བ་རེད། ཡིན་པ་ཡིན་ནའང་ད་ལྟའི་ཡང་སྲིད་ལྟ་བུ་ཡིན་པ་ཡིན་ན། ཁྱོན་ནས་ཁུངས་མ་འཁྱོལ་བའི་གནས་སྟངས་འདྲ་པོ་

ཞིག་གི་ནང་ལྷུང་ནས་བསྡད་ཡོད་པ་རེད། འདི་ཚོའི་བྱུང་རིམ་གྱི་གནས་སྟངས་འདི་ཚོའང་རིང་པོ་ཞིག་ཡོད་པ་ རེད། བར་ལམ་ཞིག་ནས་ང་ཚོར་གནས་ཚུལ་འདི་ཚོ་ཚང་མ་མཁོ་སྤྲོད་བྱུང་སོང་། བོད་བསྟན་པ་དང་ཆབ་སྲིད་

གཉིས་ཀར་གནོད་མཁན་གྱི་འགོང་པོ་ཟེར་ན་འདྲེ། འགོང་པོ་ཟེར་བ་དེ་འདས་པའི་སྐབས་སུ་སོ་སོའི་བླ་མ་དང་

དམ་ཚིག་མ་མཐུན་ནས་མཐར་ཤི་ནས་སྐྱེ་བ་གདོན་འདྲེ་ལ་སྐྱེ་བ་ཞིག་ལ་འགོང་པོ་ཟེར་ནས་ལབ་ཀྱི་འདུག

བྱས་ཙང་དོལ་རྒྱལ་ཟེར་མཁན་འདི་ཚོ་དམ་སྲི་འགོང་པོ་ཟེར་རྒྱུའི་གནས་ཚུལ་མང་པོ་ཞིག་ཡོང་བསྡད་ཀྱི་ཡོད་ པ་རེད།

༸རྒྱལ་བ་སྐུ་ཕྲེང་བཅུ་བཞི་པ་ཆེན་པོས་དོལ་རྒྱལ་སྐོར་བླང་དོར་ལམ་སྟོན་མཛད་སྟངས།

༸རྒྱལ་བ་སྐུ་ཕྲེང་བཅུ་བཞི་པ་ཆེན་པོ་མཆོག་ལ་ཆ་བཞག་པ་ཡིན་ནའང་༸རྒྱལ་བ་རིན་པོ་ཆེས་དོལ་

རྒྱལ་སྐོར་བཀའ་སློབ་བསྩལ་གནང་མཛད་པ་འདི་ཚོའི་ནང་དུ་གསལ་པོ་བྱས་ནས་གསུངས་ཡོད་པ་རེད། ༸རྒྱལ་ བ་རིན་པོ་ཆེ་དགུང་ལོ་བཅུ་བཞི་ཡིན་པའི་སྐབས་སུ་གྲོ་མོའི་དུང་དཀར་དགོན་ཟེར་བ་དེར་དེའི་སྐབས་སུ་ཕྱི་ལོ་

༡༩༥༡ ལ་གྲོས་མཐུན་དོན་ཚན་ ༡༧ ཟེར་བ་དེ་མ་བཞག་གོང་ལ་རེད། དེའི་སྐབས་སུ་བོད་ནང་དུ་རྙོག་དྲ་མང་

པོ་བྱུང་ནས་གྲོ་མོ་བར་དུ་ཉེན་གཡོལ་ལ་ཕེབས་དགོས་བྱུང་། གྲོ་མོར་བཞུགས་ནས་སྐུ་ཚབ་དེ་དག་རྒྱ་ནག་ལ་ 152

དཔལ་ལྡན་ཚོགས་གཙོ་མཆོག་གི་གསུང་བཤད།

ཕར་ཕྱིན། གྲོ་མོར་བཞུགས་པའི་སྐབས་སུ་ལྷ་ས་ལ་ཕར་ཕེབས་དགོས་ཡོད་དང་རྒྱ་གར་ལ་ཚུར་ཕེབས་དགོས་ ཡོད་གནས་ཚུལ་མང་པོ་ཞིག་བྱས། གནས་ཆུང་དང་དགའ་གདོང་གཉིས་ཀ་བཞུགས་མེད་པའི་སྐབས་གཅིག་ལ་

ཕ་གིར་གྲོ་མོ་དུང་དཀར་དགོན་ཟེར་བ་དེར་སྐབས་དེར་དོལ་རྒྱལ་བསྟེན་གྱི་ཡོད་པ་སོང་ཙང་། དེ་དུས་དགུང་ལོ་ ཡང་ཆུང་ཆུང་ཡིན་པ་དང་། གནས་ཚུལ་ཚང་མ་མཁྱེན་པའི་དུས་ཚོད་གཅིག་གི་སྐབས་སུ་ངས་འདི་འདྲའི་ནོར་

འཁྲུལ་གཅིག་ཕྱིན་འདུག་ཅེས་༸རྒྱལ་བ་རིན་པོ་ཆེས་བཀའ་སློབ་འདི་ཚོའི་ནང་གསལ་བསྡད་ཀྱི་འདུག འདི་

ནས་བཟུང་སྟེ་བསྟེན་རྒྱུ་འདྲ་པོ་འགོ་བཙུགས་འདུག བཙན་བྱོལ་ལ་མར་ཕེབས་པའི་རྗེས་སུ་ཡིན་ནའང་གཙོ་བོ་ དེ་གནས་ཆུང་དང་དགའ་གདོང་གཉིས་བསྟེན་གནང་བ་རེད། ཡིན་ནའང་བསྐང་གསོ་འདི་ཚོའི་ནང་དུ་དོལ་རྒྱལ་

གྱི་སྐོར་རིགས་ཡར་བཅུག་ནས་ལོ་གང་ལ་གང་འཚམ་གཅིག་རྣམ་རྒྱལ་གྲྭ་ཚང་ནས་འགོ་བཙུགས་ཏེ་ཚང་མས་ འདོན་བསྡད་པའི་གནས་ཚུལ་འདྲ་པོ་འདི་འདྲ་ཆགས་འདུག ཕྱི་ལོ་ ༡༩༦༨ ལོར་གནས་ཆུང་ཆོས་རྒྱལ་ཆེན་ པོས་སྤྱན་འདྲེན་གཅིག་གི་སྐབས་སུ་༸རྒྱལ་བ་རིན་པོ་ཆེར་དོལ་རྒྱལ་བསྟེན་ན་འགྲིག་གི་མི་འདུག་ཅེ​ེས་ཞུས་ པས། སྐབས་དེར་དགོན་སྡེ་ཁག་ནང་དོལ་རྒྱལ་བསྟེན་མཁན་མང་པོ་ཡོད་པ་སོང་ཙང་། ཁྱེད་རང་ཁ་ཁ་རོག་ བཞུགས་ན་ཡག་གི་རེད་ཅེས་༸རྒྱལ་བ་རིན་པོ་ཆེས་གནས་ཆུང་ཆོས་རྒྱལ་ཆེན་པོའི་ཁ་བཀག་གནང་བ་ཡིན་

ཟེར་ནས་གསུངས་ཡོད་པ་རེད། ཡིན་ནའང་རིམ་པས་༸རྒྱལ་བ་རིན་པོ་ཆེས་བརྟག་དཔྱད་གནང་བའི་སྐབས་

སུ་ ༡༩༧༥ ཙམ་ལ་ལོ་བརྒྱད་ཙམ་གྱི་རྗེས་ལ། ངས་ཕྱོགས་གཅིག་ལ་གང་བྱུང་མང་བྱུང་བཤད་བཅུག ཕྱོགས་ གཅིག་ལ་བཤད་མ་བཅུག་པར་ཁ་བཀག་བཞག་པ་ཡིན་ན། འདི་དྲང་པོ་ཡང་ཆགས་ཀྱི་མི་འདུག་ཟེར་ནས། དེར་ བརྟག་དཔྱད་བྱས་པའི་སྐབས་སུ་ཡང་གནད་དོན་མང་པོ་ཞིག་གསལ་པོ་ཆགས་ཡོང་གི་ཡོད་དུས། ༸རྒྱལ་བ་

རིན་པོ་ཆེས་གནས་ཆུང་ཆོས་རྒྱལ་ཆེན་པོ་སྤྱན་འདྲེན་གཅིག་གི་སྐབས་སུ་ཁྱོད་རང་དོལ་རྒྱལ་གྱི་སྐོར་ལ་ག་རེ་

བཤད་རྒྱུ་ཡོད་ནའང་བཤད་ཞོག་ཅེས་གསུངས་པ་རེད། གང་ལྟར་༸རྒྱལ་བ་རིན་པོ་ཆེས་ཞལ་བཀག་པ་ནས་ བཟུང་སྟེ། གནས་ཆུང་གིས་ལོ་བརྒྱད་ཀྱི་རིང་ལ་ཚིག་གཅིག་ཀྱང་གསུངས་མ་སོང་། རྗེས་མ་ངས་བཤད་ཞོག་ ཟེར་དུས། གནས་ཆུང་གིས་དོལ་རྒྱལ་གྱི་སྐོར་ལ་སྔ་ཕྱི་བར་གསུམ་གྱི་བྱུང་རིམ་དང་། བོད་བསྟན་པ་ཆབ་སྲིད་ཀྱི་ ཐོག་ལ་གནོད་ཀྱི་ཡོད་མེད། གང་འདྲ་གང་འདྲ་བྱུང་ཡོད་མེད། ད་ལྟ་དོལ་རྒྱལ་བསྟེན་སྡོད་མཁན་ཚོར་ལྟས་ངན་པ་

ག་རེ་ཡོང་གི་ཡོད་མེད། གྲ་མ་འགྲིག་པ་ག་རེ་ཡོད་པ་རེད། གནས་ཚུལ་ཆ་ཚང་ཞིག་༸རྒྱལ་བ་རིན་པོ་ཆེར་སྙན་

སེང་ཞུས། (༸རྒྱལ་བ་རིན་པོ་ཆེས་དེའི་སྒང་ལ་དོལ་རྒྱལ་བསྟེན་པའི་རྒྱུ་མཚན་ལ་བརྟེན་ནས་དཔལ་ལྡན་ལྷ་མོ་ལའང་འཁོན་གྱི་ 153

དཔལ་ལྡན་ཚོགས་གཙོ་མཆོག་གི་གསུང་བཤད། ཡོད་པ། འདི་འདྲའི་གནས་ཚུལ་མང་པོ་ཞིག་གསུངས་པ་སོང་ཙང་།) ༸རྒྱལ་བ་རིན་པོ་ཆེས་འདི་ཚོ་དཔེ་རེ་རེ་གཉིས་རེ་

བྱས་ནས་བརྟག་དཔྱད་གནང་སྟེ། དངོས་ཡོད་གནས་སྟངས་དེ་གཟིགས་ཡོང་དུས། ཕྱི་ལོ་ ༡༩༧༦ ནས་བཟུང་

སྟེ་རྒྱལ་བ་རིན་པོ་ཆེས་དོལ་རྒྱལ་བསྟེན་རྒྱུ་དེ་མཚམས་བཞག་པ་ཡིན་ཟེར་ནས་དེ་གསུངས་པ་རེད། ༸རྒྱལ་

བ་རིན་པོ་ཆེས་དོལ་རྒྱལ་བསྟེན་རྒྱུ་མཚམས་བཞག་པ་རེད་ཀྱང་། ཡང་མང་ཚོགས་ནང་དུ་གསུང་དགོས་ཀྱི་

ཡོད་དང་མེད་ཀྱི་གནས་སྟངས་མང་པོ་ཞིག་གི་འོག་ནས་ཟིན་བྲིས་གནང་རྒྱུ་དང་། ཡོངས་འཛིན་རྣམ་པ་ཚོ་དང་ དགོངས་སྐོར་ཞུ་རྒྱུ་དང་། བླ་མ་གཞན་པ་ཚོར་གོ་བསྡུར་ཞུ་རྒྱུ་རེད། འདི་འདྲའི་ཐབས་ཤེས་མང་པོ་ཞིག་གནང་

སྟེ། མོ་བསྐྱོན་དགོས་ཀྱི་ཡོད་ན་མོ་བསྐྱོན་ནས། ཕྱི་ལོ་ ༡༩༧༨ ཀྱི་མཚམས་ནས་རྣམ་རྒྱལ་གྲྭ་ཚང་གི་མཁན་རིན་

པོ་ཆེ་དང་རྡ་རམ་ས་ལ་གཡས་གཡོན་ལ་ཡོད་མཁན་གྱི་མཁན་པོ་དང་བླ་མ་མང་པོ་ཞིག་གདན་འདྲེན་ཞུས་ནས།

འདིའི་སྐབས་སུ་གསུང་རྒྱུ་དང་། མང་ཚོགས་ཁྲོད་ལ་དངོས་སུ་གསུང་རྒྱུ་འདྲ་པོ་དེ་འདི་འདྲ་ཞིག་ཡིན་ཟེར་ནས་

གསུངས་པ་རེད། འཕྲལ་དུ་རྒྱ་ཆེ་ས་ནས་དམ་བསྒྲགས་མ་གནང་བར། རིམ་པས་མཁས་བཙུན་བཟང་གསུམ་ གྱི་ཐོག་ནས་ཐབས་ཤེས་རང་གི་ཐོག་ནས། བོད་པའི་སྤྱི་ཚོགས་ནང་དུ་དམ་བསྒྲགས་བྱ་རྒྱུ་རིམ་པས་ཡོང་བ་ དང་། དེ་ནས་༸རྒྱལ་བ་རིན་པོ་ཆེས་མང་ཚོགས་ལ་བཀའ་སློབ་གནང་བཞག་པ། འདི་ཚོ་མར་རིམ་པས་སྒྲོག་ སྦྱང་གནང་གི་ཡིན་པ་ཡིན་ན་ཤེས་རྒྱུ་རེད།

དོལ་རྒྱལ་པས་ལས་ཀ་བྱེད་སྟངས།

ལྡི་ལིར་ལྷ་མི་སྲུང་སྐྱོབ་ཚོགས་པ་ཟེར་བ་འདི་འདྲ་བཙུགས་ཏེ། ལས་འགུལ་སྤེལ། བོད་པའི་སྤྱི་ཚོགས་

ནང་དུ་རྙོག་དྲ་མང་པོ་བསླངས་ནས། གནས་ཚུལ་ཡང་མང་པོ་ཞིག་བྱུང་སྟེ། དོལ་རྒྱལ་ཟེར་བ་དེ་གང་ལྟར་རྒྱུ་དེ་ སྨོན་ལམ་ལོག་པ་དང་། བསྟན་པ་དང་བསྟན་པ་འཛིན་མཁན་གྱི་སྐྱེ་བོ་འདི་དག་ལ་གནོད་བསྐྱལ་རྒྱུའི་བསམ་བློ་ ཁོ་ན་མ་གཏོགས་མེད་པ། འཚེ་བ་བྱ་རྒྱུའི་བསམ་བློ་ཁོ་རང་མ་གཏོགས་མེད་པ་གཅིག་ཆགས། ཁོ་རང་གི་ངོ་བོ་

དེ་དམ་སྲི་དང་། འདྲེ་ཡིན་པ་དང་། ལས་ཀ་བྱ་རྒྱུ་ཚང་མ་འཚེ་བའི་ལས་ཀ་རྐྱང་རྐྱང་གཅིག དཔེ་འདྲ་པོ་ཆ་བཞག་

ན། ད་ལྟ་དེབ་གཅིག་གི་ནང་ལུང་འདྲེན་བྱས་བཞག་པའི་ནང་ནས་གནས་ཚུལ་འདི་ཚོ་བྱུང་བའི་རྗེས་སུ། འདིའི་ སྐབས་ཀྱི་ཆོས་རིག་དྲུང་ཆེ་དང་སྐུ་སྒེར་ཡིག་ཚང་གི་བསྟན་པ་བཟོད་པ་ལགས་ཁོ་རང་ཚོ་ས་གནས་ལ་ཕྱིན་ པའི་སྐབས་སུ། ཁོ་ཚོ་གསད་རྒྱུའི་ཐབས་ཤེས་བྱས་ནས། དེའི་དགོང་མོར་མི་མང་དེ་དག་གིས་བསྲུང་བྱ་བྱས་ 154

དཔལ་ལྡན་ཚོགས་གཙོ་མཆོག་གི་གསུང་བཤད།

ནས་བསྡད་ཡོད་སྟབས་གསོད་མ་ཐུབ་པས’’ད་རེས་མཇལ་ཐུབ་མ་སོང་། རྗེས་སུ་མཇལ་ཡོང་།’’ཞེས་ཡི་གེ་དེ་ འདྲའང་བཞག་པ་རེད། “ད་རེས་མཇལ་ཐུབ་མ་སོང་”ཞེས་པ་ནི་ད་རེས་གསོད་ཐུབ་མ་སོང་ཟེར་གྱི་ཡོད་པ་རེད།

ད་རེས་གསོད་མ་ཐུབ་ཀྱང་རྗེས་སུ་གསོད་པར་ཡོང་གི་ཡིན་ཞེས་པའི་ཡི་གེ་དེ་འདྲ་ཡང་བཞག་ཡོད་པ་རེད། དེ་ བཞིན་དགའ་ལྡན་བྱང་རྩེའི་ཏྲེ་ཧོར་མཁན་ཟུར་བློ་བཟང་དབང་རྒྱལ་ལ་ཡང་། རྒན་གྱིས་བྱང་རྩེ་གྲྭ་ཚང་དུ་དོལ་

རྒྱལ་བསྟེན་གསོལ་བྱ་རྒྱུ་ཡོད་པ་མ་རེད་ཅེས་སྤང་བླང་གི་བཀའ་སློབ་གནང་བའི་རྒྱུ་མཚན་ལ་བརྟེན་ནས། ཕྱི་

ལོ་ ༡༩༩༦ ཟླ་ ༥ པའི་ཚེས་ ༢༧ གྱི་མཚན་གྱི་ཆུ་ཚོད་ ༢ པའི་ཐོག་ལ་རྒན་གསོད་རྒྱུའི་ཐབས་ཤེས་བྱས་ ནས་རྒན་གྱི་ཤག་ཏུ་ས་སྣུམ་བཤོས་ནས་མེ་སྦར་ཏེ་རྒན་གྲོངས་མེད་པ་མ་གཏོགས་སྐུ་སྟོད་ལ་རྨས་སྐྱོན་གང་ལ་ གང་འཚམ་བཟོས་ཡོད་པ་རེད། དེ་དག་ཚང་མ་དོལ་རྒྱལ་བསྟེན་མཁན་དེ་ཚོས་བྱས་པ་རེད། དེ་བཞིན་དོལ་རྒྱལ་ བསྟེན་མཁན་ཚོས་བྱང་རྩེ་གྲྭ་ཚང་གི་འབྲུ་མཛོད་ལ་མེ་བརྒྱབ་པ་དེ་འདྲའང་བྱས་ཡོད་པ་རེད། དེ་ནས་ཀུན་བདེ་

གླིང་བླ་བྲང་དང་འབྲེལ་བ་ཡོད་པའི་ལྷོ་རྫོང་གི་སྤྲུལ་སྐུ་སྒོ་མང་གྲྭ་སྒོམ་ཀུན་གླིང་ཛ་སག་གིས་དོལ་རྒྱལ་སྟེན་རྒྱུ་

ཡོད་པ་མ་རེད་ཅེས་འབྲེལ་བ་མང་པོ་གནང་གི་ཡོད་སྟབས། ཕྱི་ལོ་ ༡༩༩༦ ལོའི་ཟླ་ ༧ པའི་ཚེས་ ༣༡ ཉིན་ རཇ་སྤུར་ཀུན་བདེ་གླིང་གཟིམ་ཤག་ཏུ་མི་ངོ་རྟགས་མི་ཆོད་མཁན་གཉིས་ཡོང་ནས་ཀུན་བདེ་གླིང་པར་གྲི་མང་ པོ་བརྒྱབ་ནས་རྨས་སྐྱོན་ཆེན་པོ་བྱུང་ཡོད་པ་རེད། དེ་འདྲའི་གནས་ཚུལ་ཡང་བྱུང་བ་རེད། དེ་བཞིན་རྒྱ་གར་ལྷོ་

ཕྱོགས་ཀྱི་མོན་གྷོ་ཌིའི་ས་གནས་གྲོས་ཚོགས་ཀྱི་ཚོགས་གཙོ། དགའ་ལྡན་བྱང་རྩེའི་དགེ་བཤེས་བསྟན་འཛིན་ འཕྲིན་ལས་ཞེས་པ་ཞིག་གིས་གྲོས་ཚོགས་ཀྱི་ནང་དུ་དོལ་རྒྱལ་སྟེན་རྒྱུ་ཡོད་པ་མ་རེད་ཅེས་བསམ་ཚུལ་བཤད་

པའི་རྒྱུ་མཚན་ལ་བརྟེན་ནས། ཕྱི་ལོ་ ༡༩༩༧ ལོའི་ཟླ་ ༡ པོའི་ནང་ལ་དགེ་བཤེས་ལྡི་ལི་ནས་ཡར་ཡོང་བའི་སྐབས་

སུ་མན་འཇུ་ཊྲི་ལར་ནག་ཁུང་ཞིག་ཏུ་བསྒུགས་ཏེ་དགེ་བཤེས་ལགས་ལ་གྲི་བརྒྱབ་སྟེ་རྨས་སྐྱོན་ཆེན་པོ་བྱུང་བ་

རེད། དེ་ནས་ཕྱི་ལོ་ ༡༩༩༦ ལོའི་ཟླ་ ༡༠ ཚེས་ ༡༦ ཙམ་ལ་ལྷ་མི་སྲུང་སྐྱོབ་ཟེར་བ་དེ་ཚོས་གནས་ཚུལ་མང་ པོ་སྤེལ་ནས་ད་དུང་ཁྱེད་ཚོས་དམ་བསྒྲགས་མུ་མཐུད་དེ་བྱས་པ་ཡིན་ན། ང་ཚོར་ཐབས་ལམ་གཞན་གང་ཡང་ མི་འདུག་པས་ཐབས་ལམ་གཞན་ཞིག་གི་ཐོག་ལ་འགྲོ་གི་ཡིན་ཞེས། གང་ལྟར་དྲག་པོའི་ལས་ཀ་ཤུགས་ཆེན་པོ་

བྱ་རྒྱུར་གྲ་སྒྲིག་གི་ཡིན་ཞེས་པ་ལྟ་བུའི་ཉེན་བརྡ་དེ་འདྲའང་བཏང་ཡོད་པ་རེད། ཐག་ཆོད་མ་བྱུང་སྟབས་འུ་ཐུག་

པའི་ཐབས་ལམ་གཞན་ཞིག་ལག་ལེན་དུ་བསྟར་རྒྱུ་ཡིན་ཞེས་དེབ་དེ་འདྲ་ཡང་བཀྲམས་པ་དང་། དེ་ནས་ཡི་གེ་

གཞན་ཞིག་ཏུ་མི་གསོད་ཁྲག་སྦྱོར་མ་བྱུང་སྔོན་ལ་དྲང་པོ་དྲང་བཞག་བྱ་དགོས་ཀྱི་རེད་ཅེས་པའི་ཡི་གེ་བཀྲམས་ 155

དཔལ་ལྡན་ཚོགས་གཙོ་མཆོག་གི་གསུང་བཤད།

པ། དེ་ནས་ཁྱེད་རང་ཚོ་ཚང་མས་དེ་གོ་ཡོད་པ་རེད། ད་ནང་ཞོགས་པར་༸རྒྱལ་བ་རིན་པོ་ཆེས་རྒན་བློ་བཟང་རྒྱ་ མཚོའི་སྐོར་ཞིག་གསུངས་མ་སོང་ངམ། མཚན་ཉིད་གྲྭ་ཚང་གི་རྒན་བློ་བཟང་རྒྱ་མཚོ་ལྟ་བུ་ལ་ཆ་མཚོན་ན་དོལ་

རྒྱལ་སྟེན་མཁན་ལ་དགག་ལན་གྱི་རྩོམ་ཡིག་དེ་འདྲ་བྲིས་གནང་བའི་རྒྱུ་མཚན་ལ་བརྟེན་ནས། རྒན་དང་རྒན་གྱི་ དགེ་ཕྲུག་གཉིས་དཔེ་ཆ་འགའ་ཤས་རྒྱ་ཡིག་ཐོག་སྒྱུར་བཞིན་པའི་སྐབས་དེར། ཕོ་བྲང་གི་མདུན་ངོགས་དེ་ག་རང་ གི་ཁང་པ་གཅིག་གི་ནང་དུ་ཁོང་གསུམ་ཀ་བཀྲོངས་པ་རེ​ེད། ཁོང་བཀྲོངས་མཁན་གྱི་མི་དེ་དག་ལས་འགའ་ཤས་

སོ་སོ་སོ་སོའི་ལས་མ་དག་པའི་རྒྱུ་མཚན་ལ་བརྟེན་ནས་ཤི་ཚར་བ་འདྲ། གཞན་ལྷག་མ་དོལ་རྒྱལ་སྟེན་མཁན་ གྱི་མི་དེ་དག་བོད་ལ་ཕར་ཕྱིན་ནས་རྒྱ་མིའི་སྲུང་སྐྱོབ་ཀྱི་འོག་ཏུ་གནས་འདུག དེ་དག་ཚང་མའི་ལོ་རྒྱུས་ད་དུང་

ཡིན་ནའང་ཤེས་རྒྱུ་ཞིག་རེད། སྐབས་དེར་རྒན་བཀྲོངས་ཚར་བའི་རྗེས་སུ་ཁོང་ཚོས་ཡི་གེ་ག་རེ་སྦྱར་ཡོད་པ་ རེད་དམ་ཞེ་ན། ༸རྒྱལ་བ་རིན་པོ་ཆེའི་མཚན་ཐོག་དང་སྦྲགས་ནས་ད་ལོའི་ལོ་གསར་གྱི་དོད་དུ་ཤ་ཁོག་གསུམ་

ཕུལ་ཡོད་ཅེས་བརྗོད་ཡོད་པ་དང་། ད་དུང་དགོས་ན་ཤ་ཁོག་དེ་ལས་མང་བ་ཕུལ་ཆོག་ཅེས་དེ་འདྲའི་ཡི་གེ་སྦྱར་

ཡོད་པ་རེད། དྲག་པོའི་ལས་ཀ་རྐྱང་རྐྱང་བྱས། གང་ལྟར་ནང་པ་སངས་རྒྱས་པའི་ཆོས་བྱེད་མཁན་ཞིག་ཡིན་ན་ དེ་འདྲའི་ལས་ལ་འཇུག་རྒྱུ་སེམས་ཐག་མ་རེད་དམ། དེ་བས་དོལ་རྒྱལ་བསྟེན་ན་དེ་འདྲ་ཞིག་ལས་ཡོང་རྒྱུ་མེད་

པ་དང་། ཡང་ན་དོལ་རྒྱལ་གྱི་རྗེས་སུ་འབྲངས་པའི་རྒྱུ་མཚན་ལ་བརྟེན་ནས་ཁོང་ཚོ་ཁྱི་སྨྱོན་པ་ལྟར་མི་གསོད་ ཁྲག་སྦྱོར་གྱི་ལས་ལ་འཇུག་གི་ཡོད་པ་རེད། དེ་དང་གྲོངས་ཟིན་པ་དེའི་སྐབས་ཀྱི་བཀའ་བློན་ཁྲི་པ་བསོད་ནམས་

སྟོབས་རྒྱལ་དང་ཆོས་རིག་བཀའ་བློན་སྐུ་ངོ་བཀྲ་ཤིས་དབང་འདུས་ལགས་ཁོང་ཚོའི་གྲས་ལའང་ཉེས་རྡུང་བཏང་ ནས་རྒྱ་གར་གཞུང་གི་སྐུ་སྲུང་མི་སྣ་གཏོང་དགོས་པ་དེ་འདྲའང་བྱུང་ཡོད་པ་རེད། སེ་ར་བྱེས་ཀྱི་ཕུར་བུ་བསམ་ གྲུབ་ཟེར་བ་ཞིག་གིས་ཁོང་རང་གི་གྲྭ་ཚང་གི་ནང་དུ་དོལ་རྒྱལ་སྟེན་མཚམས་འཇོག་དགོས་ཀྱི་འདུག་ཅེས་སྐུལ་

སློང་བྱས་པའི་རྒྱུ་མཚན་ལ་བརྟེན་ནས། ཕྱི་ལོ་ ༡༩༩༦ ཟླ་ ༤ པའི་ཚེས་ ༡༢ ཉིན་དོལ་རྒྱལ་ཚོགས་པའི་མི་ འགའ་ཤས་ཀྱིས་ལག་རུབ་བརྒྱབ་སྟེ་ཁོང་ལ་ཉེས་རྡུང་དྲག་པོ་བཏང་ཡོད་པ་རེད། དེ་བཞིན་སེར་སྨད་རྒྱལ་རོང་

མཁན་ཟུར་ངག་དབང་ཐེག་མཆོག་ཆོས་སྲིད་གཉིས་གང་ཐད་ལ་བཀའ་དྲིན་ཧ་ཅང་གི་ཆེན་པོ་རེད་ཀྱང་རྒན་ལ་

ཡང་བརྙས་བཅོས་བྱས་ནས། རྒན་གྱི་ཕྱག་ནས་འཇུས་ཏེ་ཕར་ཚུར་འཐེན་རེས་བྱས་པའི་གནས་ཚུལ་དེ་འདྲའང་ བྱུང་འདུག དེ་བཞིན་ཤར་རྩེའི་མཁན་པོ་ལེགས་བཤད་མཛོད་འཛིན་བླ་ཏི་རིན་པོ་ཆེར་ཡིན་ནའང་སྡིགས་བསྐུལ་ མང་པོ་བྱས་ནས་བླ་མ་ཁོང་འུ་ཐུག་སྟེ་སྤྱན་ཆབ་བསིལ་དགོས་པའི་གནས་ཚུལ་དེ་འདྲའང་ཁོང་ཚོས་བཟོས་ 156

དཔལ་ལྡན་ཚོགས་གཙོ་མཆོག་གི་གསུང་བཤད།

འདུག དེ་བཞིན་སེར་སྨད་ཐོས་བསམ་ནོར་གླིང་གི་སློབ་དགེ་ཐུབ་བསྟན་ཀུན་མཁྱེན་ཞེས་པ་ཞིག་གིས་ཀྱང་དོལ་

རྒྱལ་སྤང་བླང་སྐོར་འཆད་སྐབས། ཕྱི་ལོ་ ༢༠༠༠ ལོའི་ཟླ་ ༡༠ པའི་ཚེས་ ༡༦ གི་དགོང་དྲོའི་ཆུ་ཚོད་ ༨ པ་ཡས་ མས་ཙམ་ལ་ཁོ་ལ་ཉེས་རྡུང་བཏང་། ཁོའི་སྦག་སྦག་ཡང་བཅག སྐྱོན་བཏང་བ་དེ་འདྲའི་གནས་ཚུལ་ཡང་བྱུང་བ་

རེད། དེ་བཞིན་སྦེལ་ཀོབ་བདེ་སྐྱིད་སླར་གསོའི་ས་གནས་འགོ་འཛིན་ཕུར་བུ་སྲི་ཐར་ཟེར་བ་ཞིག་ཡོད་པ། ཁོང་ ལའང་ཉེས་རྡུང་ཚད་མེད་བཏང་བ་རེད། དེའི་སྐབས་སུ་ང་ཡང་སྦེལ་ཀོབ་ཏུ་སླེབས་ཡོད། དེའི་སང་ཉིན་དེར་ང་ ཚོ་སྨན་ཁང་ལ་འགྲོ་བའི་སྐབས་སུ་ཁྱོ་ག་དང་སྐྱེས་དམན་གཉིས་ཀའི་གཟུགས་པོ་ཆ་ཚང་སྨུག་ཐིག་རེད་འདུག

ཁོང་སྡོད་སའི་ལས་ཁུངས་ཀྱི་ཐོག་གི་རྫ་གཡམ་བཤུས་ཏེ་གྲྭ་པ་འགའ་ཤས་སྟེང་ནས་མར་མཆོངས། འགའ་ཤས་

ཀྱི་མདུན་ནས་ཡར་སྒོ་བཅག གཡས་གཡོན་དུ་གྲོང་པ་ཁྱིམ་མཚེས་མང་པོ་ཡོད་མ་རེད། ཡོད་པ་དེ་ཚོའི་མིར་

རྫ་གཡམ་གཞུས་ཏེ་མར་དོན་དུ་མ་བཅུག་པ། གང་ལྟར་དེ་འདྲའི་ཉེས་རྡུང་ཚད་མེད་བཏང་བའི་གནས་ཚུལ་དེ་ འདྲའང་བྱུང་ཡོད་པ་རེད། དེ་བཞིན་ཕྱི་ལོ་ ༢༠༠༢ ཟླ་ ༩ པའི་ཚེས་ ༡༩ ལ་ཡང་དགའ་ལྡན་ཤར་རྩེའི་རྒན་བློ་ བཟང་ཐུབ་བསྟན་ལ་ཡང་ཉེས་རྡུང་དྲག་པོ་བཏང་བའི་གནས་ཚུལ་དང་། དེ་ནས་ཕྱི་ལོ་ ༢༠༠༤ ལོ་ལྟ་བུར་མཚོན་

ན་ཁྲི་བྱང་མཆོག་སྤྲུལ་རིན་པོ་ཆེར་ཡང་གནས་ཚུལ་མང་པོ་ཞིག་བྱུང་ཡོད་པ་རེད། རིན་པོ་ཆེས་གསུངས་པའི་ གནས་ཚུལ་དེ་དག་བརྙན་འཕྲིན་ནང་དུའང་མཇལ་རྒྱུ་ཡོད་པ་ཞིག་རེད། དེ་བཞིན་ཡིག་ཐོག་ཏུ་བཀོད་པ་དེ་དག་

ཀྱང་ཡོད་པ་རེད། གང་ལྟར་ཁྲི་བྱང་རིན་པོ་ཆེའི་སྐུ་སྲོག་ལ་ཉེན་ཁ་ཧ་ཅང་གི་ཆེན་པོ་འདུག་ཅེས་དེ་འདྲ་ཆགས་ ཡོད་པ་རེད།

ཕ་བོང་ཁའི་ཡང་སྲིད་དེ་དག་མཛད་འཕྲིན་རྒྱས་ཐུབ་པ་བྱུང་ཡོད་པ་མ་རེད། མ་འོངས་པར་ཡིན་ནའང་ཧ་

ཅང་གི་ཁག་པོ་རེད། བླ་མ་སྐྱེས་ཆེན་དམ་ཞིག་རེད། དཔེར་ན། སྐྱབས་རྗེ་ཕ་བོང་ཁ་རིན་པོ་ཆེ་དང་ཁྲི་བྱང་རིན་པོ་ ཆེ་གཉིས་ཀ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་དེ་ཚོའི་ནང་ལ་ལམ་རིམ་བློ་སྦྱོང་

གི་ཚད་འཛིན་སའི་བཟོ་འདྲ་པོ་ཞིག་དང་བསྟན་པའི་བདག་པོ་ཞིག་ཆགས་ཡོད་པ་དང་། ཁོང་ཚོ་དང་ཡང་བླ་སློབ་

ཀྱི་འབྲེལ་བ་མང་པོ་ཞིག་ཡོད་པ། ལྷག་པར་དུ་གསང་སྔགས་རྡོ་རྗེ་ཐེག་པ་སྤྱི་དང་ཁྱད་པར་བདེ་མཆོག་ཡབ་ཡུམ་ ཧེ་རུ་ཀའི་རྣལ་འབྱོར་བ་ཆེན་པོ་ཞིག་ཡིན་ཞེས་༸རྒྱལ་བ་རིན་པོ་ཆེས་དེ་གསུང་གི་མི་འདུག་གམ། དེ་ཡིན་དུས་

བླ་མ་སྐྱེས་ཆེན་དམ་པ་ཚོས་སྟེན་སྟངས་དང་ང་ཚོ་སྐྱེ་བོ་ཕལ་པ་ཚོས་བསྟེན་སྟངས་གཉིས་ལ་མི་འདྲ་བའི་ཁྱད་ པར་ཞིག་ཡོད་པ་རེད་འདུག ༸རྒྱལ་བ་རིན་པོ་ཆེའི་གཟིགས་སྣང་ལ་ཡང་དཔེར་ན། དོལ་རྒྱལ་གྱི་གནས་ཚུལ་ 157

དཔལ་ལྡན་ཚོགས་གཙོ་མཆོག་གི་གསུང་བཤད།

དེ་གཙོ་བོ་མ་རེ​ེད། དཔེར་ན། སྐྱབས་རྗེ་ཕ་བོང་ཁའི་མཛད་པ་སྐྱོར་དགོས་བྱུང་བ་ཡིན་ན་ཧ་ཅང་གི་རྒྱ་ཆེན་པོ་

རེད། དོལ་རྒྱལ་གྱི་གནས་ཚུལ་དེ་ཕལ་པ་ཞིག་རེད་ཅེས་དེ་འདྲ་གསུངས་ཡོད་པ་རེད། ཡིན་ནའང་འདྲེ་བསྟེན་ པའི་རྗེས་སུ་ལམ་འགྲོ་མི་འགྲོ་དང་གནས་ཚུལ་མང་པོ་ཞིག་བྱུང་དང་འབྱུང་བཞིན་པར་བརྟེན་དེ་འདྲ་རེད། དེ་ནས་ སྐྱབས་རྗེ་ཁྲི་བྱང་རིན་པོ་ཆེ་ལྟ་བུར་མཚོན་ན་༸རྒྱལ་བ་རིན་པོ་ཆེས་ཐུགས་རེ​ེ་ཧ་ཅང་གི་ཆེན་པོ་གནང་ཡོད་པ་

རེད། སྐྱབས་རྗེ་ཁྲི་བྱང་རིན་པོ་ཆེ་སྐུ་ཐོག་འདིའི་སྔོན་གྱི་སྐབས་ནས་བྱས་ཏེ་དོལ་རྒྱལ་དང་འབྲེལ་བ་བྱུང་སྟེ།

དམིགས་བསལ་གྱིས་ཐུན་མོང་མ་ཡིན་པའི་འབྲེལ་བ་ཡོད་སྟབས་༸རྒྱལ་བ་རིན་པོ་ཆེས་ཀྱང་དམིགས་བསལ་

བཏང་གནང་རྒྱུ་དང་། བྱུང་རིམ་ཆ་ཚང་ལ་བལྟས་ཡོང་དུས། ད་ལྟའི་ཡང་སྤྲུལ་འདི་ལ་ཡང་ཐབས་ཤེས་ཡོད་དགུ་ རྩལ་སྤྲུགས་གནང་འདུག དཔེར་ན། ཁྲི་བྱང་རིན་པོ་ཆེས་རྒྱལ་ཆེན་བསྟེན་དང་མི་བསྟེན་སྐོར་ལ་ཟན་བརྟག་སྒྲིལ་

གནང་དགོས་པའི་གནས་ཚུལ་དེ་འདྲ་ཡང་བྱུང་འདུག མཐར་༸རྒྱལ་བ་རིན་པོ་ཆེས་ཐེངས་མང་འབྲེལ་བ་གནང་

བ་དང་། ལྷག་པར་དུ་ཆོས་འབྲེལ་ཞིག་༸རྒྱལ་བ་རིན་པོ་ཆེས་ཡོངས་འཛིན་སྐུ་གོང་མའི་མདུན་ནས་ཞུས་གནང་

སྟབས་ཆོས་འབྲེལ་དེ་མར་གནང་རྒྱུ་ཡང་ཁྲི་བྱང་རིན་པོ་ཆེར་གནང་ཐུབ་ན་ཞེས་དགོངས་པ་ཧ་ཅང་གི་རྒྱ་ཆེན་པོ་ བཞེས་ནས་གནང་འདུག་ཀྱང་། གང་ལྟར་ཁྲི་བྱང་རིན་པོ་ཆེ་ཚུར་ཕེབས་ཐུབ་ཡོད་པ་མ་རེད། མཐའ་མའི་མཐར་ད་

ཆ་སྐྱ་བོར་སྐྱ་བབས་ནས་བདག་མོ་བཞེས་ཏེ་ངའི་གོ་ཚོད་ལྟར་ན་ཨ་རིའི་མོར་མོན་མངའ་སྡེར་བཞུགས་ཡོད་པ་

རེད་ཅེས་པའི་གནས་ཚུལ་དེ་འདྲ་ཡོང་གི་འདུག དེ་ཡིན་དུས་ཁྲི་བྱང་རིན་པོ་ཆེར་ཡང་གནས་ཚུལ་མང་པོ་ཞིག་ དེ་འདྲ་བྱས་ནས་བྱུང་བ་རེད། དེ་བཞིན་དགའ་ལྡན་བྱང་རྩེའི་སེར་ཀོང་དགེ་བཤེས་ངག་དབང་བློ་བཟང་གིས་ཀྱང་ དེ་འདྲའི་གནས་ཚུལ་བྱས་ནས་དགེ་བཤེས་ལགས་སུའང་། ཕྱི་ལོ་ ༢༠༠༩ ཟླ་ ༥ ཚེས་ ༣༠ ཉིན་ལ་ཉེས་རྡུང་ བཏང་བའི་གནས་ཚུལ་བྱུང་བ་ལྟ་བུ་དེ་འདྲ་མང་པོ་ཞིག་བྱས། ཚུར་སྐྱོན་འཛུགས་རྒྱུར་༸རྒྱལ་བ་རིན་པོ་ཆེས་

ཆོས་དད་རང་དབང་གནང་གི་མི་འདུག་ཟེར་རྒྱུའི་བཟོ་འདྲ་པོ་དང་། ༸རྒྱལ་བ་རིན་པོ་ཆེར་བཤེས་གཉེན་བསྟེན་ ཚུལ་མི་འདུག བླ་མར་དད་ལོག་གནང་གི་འདུག་ཟེར་རྒྱུའི་བཟོ་འདྲ་པོ་དང་། དེ་བཞིན་ཁོང་ཚོས་སྒྲུང་མང་པོ་ ཞིག་རྫུན་མ་བཟོས་ཏེ་དཔེར་ན། དོལ་རྒྱལ་ཟེར་བ་དེ་འདྲ་མ་ཡིན་པ། ཆོས་རྒྱལ་ཆེན་པོ་ཡིན་པ། དེ་ཡང་རྗེ་ཙོང་

ཁ་པའི་ཐུགས་སྲས་ཀྱི་གཙོ་བོ་ནང་གི་འདུལ་འཛིན་གྲགས་པ་རྒྱལ་མཚན་དང་། པཎ་ཆེན་བསོད་ནམས་གྲགས་

པ་བཅས་ཀྱི་སྤྲུལ་པ་ཡིན་པ་དང་། དེ་འདྲའི་སྐོར་ལ་ལོག་བཤད་འདྲ་མིན་བརྒྱབ་པ་དང་། ལོ་རྒྱུས་ཀྱི་ཐོག་ལ་ལོག་ བཤད་འདྲ་མིན་བརྒྱབ་པ། གནས་སྟངས་ཀྱི་ཐོག་ལ་ལོག་བཤད་འདྲ་མིན་བརྒྱབ་ནས་དེ་འདྲའི་འཆལ་གཏམ་མང་ 158

དཔལ་ལྡན་ཚོགས་གཙོ་མཆོག་གི་གསུང་བཤད།

པོ་ཞིག་སྤྱི་ཚོགས་ཀྱི་ནང་དུ་སྤེལ་གྱི་ཡོད་པ་རེ​ེད། དེ་ཡིན་དུས་ད་ལྟ་ངས་ཕྲན་བུའི་ཞིབ་ཚགས་པོ་ཞུ་དགོས་པ་ དེ་ཁྱེད་རང་ཚོས་ནང་དོན་ཏོག་ཙམ་ཡང་མ་ཤེས་པ་ཡིན་ན། དོལ་རྒྱལ་གྱི་སྐོར་ལ་ཐག་གཅོད་བྱེད་སྟངས་དེ་ དཀའ་ཁག་ཆགས་ཀྱི་ཡོད་པ་ཡིན་དུས་དེ་འདྲ་ཞིག་ཞུས་པ་ཡིན།

དོལ་རྒྱལ་ཁ་ལ་ཁྱེར་མཁན་ཚོ་རྒྱ་ནག་ནང་འགྲོ་ཆོག་ཆོག་ཡིན་སྐོར།

གང་ལྟར་ད་ཆ་དོལ་རྒྱལ་གྱི་རྗེས་འབྲངས་པ་ཚོས་དོལ་རྒྱལ་དངོས་སུ་བསྟེན་གྱི་ཡོད་དང་མེད་དེ་ཚོ་

ཞིབ་ཚགས་ཤིག་ཤེས་ཀྱི་མེད། འགའ་ཤས་འགའ་ཤས་ཡོད་སྲིད་པ་རེད། ཡིན་ནའང་དོལ་རྒྱལ་སྟེན་མཁན་ཚོ་

རྒྱ་ནག་དང་བོད་གང་དུ་འགྲོ་དགོས་ནའང་ཧ་ཅང་གི་ལས་སླ་པོ་འདུག གངས་ཅན་བླ་མ་ཟེར་མཁན་གྱི་བཟོ་འདྲ་ པོ་དང་། ང་བླ་མ་ཟེར་མཁན་གྱི་བཟོ་འདྲ་པོ་དེ་ཚོའི་རིགས་ཕར་རྒྱ་ནག་ལ་འགྲོ་དགོས་ན་ག་དུས་ཡིན་རུང་འགྲོ་

ཆོག་ཆོག་གི་བཟོ་འདྲ་པོ་མི་འདུག་གམ། གངས་ཅན་བླ་མས་ཧུའུ་ཅིང་ཐའོ་ཐུག་པའི་ལོ་རྒྱུས་ཡོད་པ་རེད། ད་ ལྟའི་ཞི་ཅིང་ཕིང་ཡང་ཐུག་པའི་ལོ་རྒྱུས་ཡོད་པ་རེད། དེ་ཡིན་དུས་དོལ་རྒྱལ་སྟེན་མཁན་ཚོས་རྒྱ་ནག་མཉམ་དུ་ ཆབ་སྲིད་ཀྱི་གནད་དོན་གྱི་ཐོག་ལ་ནང་འབྲེལ་རང་བྱས་ཏེ། ནང་ཆོས་ཀྱི་དོན་དེ་ཚོ་ཕར་བཞག་ནས་དེ་ཚོ་བརྒྱུད་

སྐུལ་བྱས་ཏེ། གང་ལྟར་རྒྱ་ནག་ལ་གང་དགོས་ཀྱི་ཡོད་པ་རེད་དམ་ཞེ་ན། ༸རྒྱལ་བ་རིན་པོ་ཆེའི་མཚན་སྙན་ཆུང་ དུ་གཏོང་རྒྱུ། ༸རྒྱལ་བ་རིན་པོ​ོ་ཆེར་མཚན་སྨོད་ཞུ་རྒྱུ་དེ་དག་དགོས་ཀྱི་ཡོད་སྟབས་དེ་ཚོ་རང་གིས་ལག་འབྲེལ་

བྱས་ཡོད་པ་རེད། ད་ལྟའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཆོད་དེའི་ནང་དུའང་། ད་ཆའི་དོལ་རྒྱལ་

རྗེས་འབྲངས་པའི་མི་དེ་ཚོའི་ལས་འགུལ་སྤེལ་སྟངས་དང་བྱ་གཞག་དེ་ཚོར་བལྟས་པ་ཡིན་ན། ལོ་རྒྱུས་ཐོག་གི་ ནག་ཉེས་ཅན་གྱི་མི་ཡིན་ཅེས་བཀོད་ཡོད་པ་རེད། མི་དེ་དག་གིས་ལས་རྒྱུ་འབྲས་ཕར་བཞག དཀོན་མཆོག་ གསུམ་ལ་སྐྱབས་སུ་འགྲོ་རྒྱུ་ཕར་བཞག འདྲེ་ལ་སྐྱབས་བཅོལ་གྱི་ཡོད་པ་རེད། དམ་སྲི་ལ་སྐྱབས་བཅོལ་གྱི་ཡོད་

པ་རེད། དེ་འདྲ་ཡིན་དུས་ཆོས་ཕྱོགས་ཀྱི་གནས་ཚུལ་གཅིག་པོ་ཆགས་ཀྱི་ཡོད་པ་མ་རེད། ཕྱི་ལོ་ ༡༩༩༨ ཙམ་ ནས་ཕྱི་དྲིལ་ལས་ཁུངས་ནས་གསལ་བསྒྲགས་བྱས་ཡོད་པ་རེ​ེད། བོད་མིའི་སྒྲིག་འཛུགས་ཀྱི་ལངས་ཕྱོགས་གང་

རེད་དམ་ཞེ་ན། ཕྱི་ལོ་ ༡༩༩༦ ལོར་གནས་སྟངས་དེ་ཤུགས་ཆེན་པོ་ཆགས་ཡོང་དུས། འཛིན་སྐྱོང་བཀའ་ཤག་

གི་ངོས་ནས་ཀྱང་དོལ་རྒྱལ་ཞིབ་འཇུག་ཚོགས་ཆུང་ཞེས་པ་བཙུགས་པ་རེད། དེའི་རྗེས་སུ་དེབ་ཅིག་ཀྱང་བཏོན་

ཡོད་པ་རེད། དོལ་རྒྱལ་ཞིབ་འཇུག་ཚོགས་ཆུང་ལ་ཁྱེད་ཚོར་བདེ་སྡུག་ག་རེ་ཞུ་རྒྱུ་ཡོད་ཀྱང་ཞུས་ཤོག་ཅེས་ 159

དཔལ་ལྡན་ཚོགས་གཙོ་མཆོག་གི་གསུང་བཤད།

བརྗོད་དུས། ཞུ་མཁན་སུ་གཅིག་ཀྱང་བྱུང་ཡོད་པ་མ་རེ​ེད། དེ་ནས་ཕྱི་ལོ་ ༡༩༩༦ ལོར་༸སྐུ་སྒེར་ཡིག་ཚང་དང་།

དེ་བཞིན་སྤྱི་འཐུས་རྒྱུན་ལས་དང་། ཕྱི་དྲིལ་ལས་ཁུངས་ནས་༸རྒྱལ་བ་རིན་པོ་ཆེས་བཀའ་གནང་བ་དེ་དག་ཆ་ ཚང་འཁོར་ཐག་དང་ཡིག་ཐོག་ཏུ་ཕབ་སྟེ་གཞིས་ཆགས་ཁག་དང་། འགྲེམས་དགོས་ས་ཆ་ཚང་ལ་མར་བཀྲམས་ པ་དང་། ཕྱི་ལོ་ ༡༩༩༦ ལོར་གྲོས་ཆོད་ཅིག་ཀྱང་བཞག་ཡོད་པ་རེད། གྲོས་ཆོད་དེ​ེའི་ནང་དུ་གཙོ་བོ་༸རྒྱལ་བ་

རིན་པོ་ཆེའི་གསུང་ཆོས་སྐབས་དང་། ལྷག་པར་དུ་སྔགས་ཀྱི་དབང་ལུང་ཞུ་དགོས་བྱུང་ཚེ་བཅར་ཆོག་གི་མ་རེད་ ཅེས་པ་སོགས་ནང་དོན་མང་པོ་ཞིག་ཡོད་པ་རེད་ཀྱང་གཙོ་བོ་འདྲ་པོ་ཞིག་དང་། ནང་དོན་ཧ་ཅང་མང་པོ་ཡོད་པ་ རེད། ལེགས་ཉེས་ཀྱི་བསླབ་བྱ་དང་ལམ་སྟོན་ཡོད་པ་རེད། དངོས་སུ་དོལ་རྒྱལ་སྟེན་མཁན་ཚོར་དམ་བསྒྲགས་ གནང་རྒྱུ་གཙོ་བོ་དེ་༸རྒྱལ་བ་རིན་པོ་ཆེའི་སྐུ་མདུན་ནས་སྔགས་ཀྱི་དབང་ལུང་ཞུ་བར་བཅར་ཆོག་གི་མ་རེད་

ཅེས་སྐབས་དེར་དེ་གསལ་ཡོད་པ་རེད། ཁོང་ཚོའི་བྱེད་ལས་དེ་དག་ཤུགས་ཆེ་རུ་བཏང་ཡོད་སྟབས། ཕྱི་ལོ་ ༡༩༩༧ ལོར་ཡང་བསྐྱར་བོད་མི་མང་སྤྱི་འཐུས་ལྷན་ཚོགས་ཀྱི་ནང་དུ་གྲོས་ཆོད་ཅིག་བཞག་སྟེ། སྐབས་དེར་

ཡང་སྔགས་དང་སོ་ཐར་གྱི་སྡོམ་པ་ཞུ་དགོས་ཀྱི་ཡོད་ན་བཅར་ཆོག་གི་མ་རེད། དེ་བླ་མ་དང་སློབ་མའི་དམ་ཚིག་ དང་ཐད་ཀར་འབྲེལ་བ་ཆགས་ཀྱི་ཡོད་པ་ཡིན་སྟབས། དེ་ཚོའི་གྲས་དེ་དག་འགྲིག་གི་མ་རེད་ཅེས་བཤད་ཡོད་པ་

རེད། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༠༨ ལོར་ཡང་བསྐྱར་གྲོས་ཆོད་ཅིག་བཞག་ཡོད་པ་རེད།

དེ་ནས་འདི་ལོ་ཕྱི་ལོ་ ༢༠༡༤ ལོར་གྲོས་ཆོད་ཅིག་བཞག་པ་འདིར་ཡང་ང་ཚོས་བསམ་བློ་མང་པོ་ཞིག་བཏང་ ནས། སྐབས་རེར་ང་ཚོས་ལས་ཀ་བྱས་པ་དེ་འདྲ་བྱེད་སྟངས་མ་ཤེས་པ་ཡིན་ན་ཕར་ཕྱོགས་དེར་ཕན་ཐོགས་པའི་

གནས་ཚུལ་དེ་འདྲ་ཡོང་གི་འདུག དེ་ཡིན་དུས་ད་རེས་ཕྱི་ལོ་ ༢༠༡༤ ལོར་སན་ཕ་རན་སི་སི་ཀོ་རུ་དོན་རྐྱེན་དེ་

བྱུང་བའི་རྗེས་སུ་ང་ཚོས་འཇོག་དགོས་པའི་གནས་སྟངས་དེར་ཡང་བསམ་བློ་ཞིག་བཏང་ནས་བཞག་པ་རེད་མ་ གཏོགས། ཡང་སྐབས་རེར་དོལ་རྒྱལ་གྱི་སྐོར་འདྲ་པོ་ཞིག་ཡིན་ནའང་ཁྱེད་ཚོས་གནས་ཚུལ་ཤེས་དགོས་པ་ཞིག་

རེད་ཀྱང་། རྒྱ་ཆེའི་མང་ཚོགས་ཀྱི་ནང་དུ་ཡང་ནམ་རྒྱུན་དོ་སྣང་མང་པོ་མེད་མཁན་ཚོས་གནས་ཚུལ་ཕྲན་བུ་ ཤེས་ན་བསམས་ཏེ་ལས་རིམ་དེ་སྤེལ་གྱི་ཡོད་པ་རེད། ཡང་སྐབས་རེར་ང་ཚོས་ཁོང་ཚོའི་ལས་ཀ་དེ་ཁྱབ་

བསྒྲགས་བྱེད་མཁན་གྱི་བཟོ་འདྲ་པོ་ཞིག་ཆགས་འགྲོ་གི་འདུག དེ་ཡིན་དུས་ང་ཚོས་དེར་གཟབ་གཟབ་བྱེད་

དགོས་པ་དེ་གལ་ཆེན་པོ​ོ་རེད་འདུག ཁ་སྔོན་སན་ཕ་རན་སི་སི་ཀོ་རུ་བྱུང་བའི་གནས་ཚུལ་དེ་ཚོ་ཡིན་ནའང་ཁྱེད་ ཚོ་སློབ་གྲྭའི་ནང་ན་བེད་སྤྱོད་བྱ་རྒྱུ་མེད་པ་རེད་མ་གཏོགས། སྤྱི་ཚོགས་ཀྱི་ནང་དུ་སྐུད་མེད་ཁ་པར་མང་པོ་འཁྱེར་ 160

དཔལ་ལྡན་ཚོགས་གཙོ་མཆོག་གི་གསུང་བཤད།

རྒྱུ་ཡོད་དུས། གནས་ཚུལ་ཞིག་བྱུང་མ་ཐག་ལམ་སེང་ཕར་ཚུར་གཏོང་གི་འདུག གལ་སྲིད་གནས་ཚུལ་ཞིག་རང་ ཉིད་ལ་འབྱོར་བ་ཡིན་ན། སྐར་མ་གཉིས་གསུམ་ཞིག་བསམ་བློ་ཞིག་ཐོངས་དང་། ངས་གནས་ཚུལ་དེ་ཕར་ཁྱབ་

སྤེལ་བྱས་པ་ཡིན་ན། འདིས་ཕན་ཐོགས་ཡོང་ས་རེད་དམ་གནོད་ས་རེད་དམ། གང་ལྟར་དོལ་རྒྱལ་སྟེན་མཁན་གྱི་ གྲྭ་པ་ཞིག་ཡོད་པ་རེད་ཟེར་གྱི་འདུག ངས་དེ་མཐོང་མྱོང་མེད། དམངས་ཁྲོད་ཁ་བརྡ་ཡིན་ནམ་ཟེར་བ་ཞིག རང་

ཉིད་ལ་ཆ་མཚོན་ན་དམངས་ཁྲོད་ཁ་བརྡ་ཉིན་གཅིག་ཀྱང་བལྟས་མ་མྱོང་། ང་ཚོའི་བོད་མིའི་སྒྲིག་འཛུགས་ཀྱི་ ལས་ཁུངས་ཀྱི་མི་ཁག་གཅིག་གིས་བལྟ་དགོས་ན་ལྟ་གི་རེད་ལ་ལྟ་ཡང་དགོས་ཀྱི་རེད། གང་ཡིན་ཞེ་ན་ཁོང་ཚོས་

ག་རེ་ཤོད་ཀྱི་འདུག དེར་གདོང་ལེན་ག་རེ་བྱེད་དགོས་མིན་ཐད་ལྟ་དགོས་པ་ཞིག་ཀྱང་རེད། དེ་མ་གཏོགས་ སྐབས་རེར་དམངས་ཁྲོད་ཁ་བརྡའི་ནང་དུ་འདྲ་མིན་བྲིས་བཞག་ཡོད་པ་རེད། ཁོང་ཚོའི་དེ་ཁྱབ་བསྒྲགས་བྱེད་ དགོས་ཀྱི་ཡོད་པ་རེད། ང་ཚོས་དམངས་ཁྲོད་ཁ་བརྡའི་ནང་དུ་ཕྱིན་ནས་དེའི་ Like དང་ Dislike དེ་ཚོར་མ་

བལྟས་པར་ཚང་མར་ Like བརྒྱབ་ནས་དེ་འདྲ་བྱས་ཡོང་དུས། ཁོང་ཚོའི་ལག་ཆ་དེ་ང་ཚོ་ཆགས་ཀྱི་མི་འདུག་ གམ། དཔེར་ན་པད་ནོར་རིན་པོ་ཆེའི་ཡང་སྲིད་སྐུ་འཁྲུངས་པ་དེའི་སྐོར་ལ་མི་གཅིག་ལ་པར་རག་མ་ཐག་ལམ་

སེང་ཚང་མར་བཀྲམས་སོང་། གལ་སྲིད་པད་ནོར་རིན་པོ་ཆེ་ལྟ་བུ་ཞིག་ཚུར་རྒྱ་གར་ལ་གདན་འདྲེན་ཞུ་རྒྱུའི་

འཆར་གཞི་ལྟ་བུ་ཞིག་ཡོད་པ་ཡིན་ན། དེའི་ལམ་ཚང་མ་བཀག་ཚར་བ་རེད། དམངས་ཁྲོད་ཁ་བརྡའི་ནང་དུ་ཁོང་

ཚོས་རྒྱ་མིའི་ས་ནས་ཕོགས་ལེན་པའི་སྐབས་སུ་དམངས་ཁྲོད་ཁ་བརྡར་ལྟ་མཁན་སྟོང་ཕྲག་གསུམ་ཡོད། བཞི་ ཡོད། ལྔ་ཡོད། དྲུག་ཡོད་ཅེས་ག་ཚོད་མང་དུ་ཕྱིན་པ་དེའི་ཚོད་ཀྱིས་ཁོང་ཚོར་ཕོགས་མང་བ་རག་གི་ཡོད་པ་རེད།

ང་ཚོས་བསམ་བློ་ཁྱོན་ནས་མ་བཏང་བར་ག་ཚོད་དགོས་དགོས་བལྟས་ཏེ་འགའ་ཤས་ཀྱིས་ཐེངས་གསུམ། བཞི། ལྔ་ལྟ་དུས་ཁོང་ཚོས་དེ་ངོམ་རྒྱུ་ཞིག་ཆགས་ཀྱི་ཡོད་པ་རེད། ང་ཚོའི་དྲ་རྒྱ་འདིར་ལྟ་མཁན་མང་པོ་འདི་འདྲ་ཡོད།

དེ་ཡིན་དུས་འདིས་ཕན་ཐོགས་ཀྱི་ཡོད། འདིའི་ནང་ལ་དངུལ་བླུག་དགོས་ཀྱི་ཡོད་ཅེས་དང་། དེ་ནས་ཁ་སྡོད་

ཚུགས་མེད་མཁན་རྒྱུ་མཚན་རྩ་བ་ཉིད་ནས་མི་ཤེས་ཤིང་སྤང་བླང་ཚུལ་བཞིན་དུ་མི་ཤེས་པ་དང་། ལོ་རྒྱུས་ལ་ འཁྱོག་བཤད་བྱེད་མཁན་ཁ་བདེ་པོ་འགའ་ཤས་ཕ་གིའི་ནང་དུ་བཤད་དུ་འཇུག་སྐབས། དེ་ཡིན་མདོག་ཁ་པོ་འདྲ་ ཞིག་མཐོང་། སོ་སོས་གནས་ཚུལ་ལ་བརྟག་དཔྱད་མ་བྱས་པ་དང་། སྐབས་རེར་ཁོང་ཚོས་བཤད་པ་དེ་མིན་ནམ་

སྙམ་པའི་གནས་སྟངས་དེ་འདྲ་ཆགས་མི་སྲིད་པ་མ་རེད། སན་ཕ་རན་སི་སི་ཀོ་ལ་བཙུན་མ་གཉིས་ཀྱིས་དེ་ཞུ་ བའི་སྐབས་སུ་གཅིག་བྱུང་མ་ཐག་ལམ་སེང་ཡོངས་བསྒྲགས་བྱས་པ་དང་། དེ་བཞིན་ང་ཚོའི་ས་གནས་འགའ་ 161

དཔལ་ལྡན་ཚོགས་གཙོ་མཆོག་གི་གསུང་བཤད།

ཤས་ལ་གནས་ཚུལ་བྱུང་བའི་སྐབས་སུ་བཀའ་ཤག་ལ་སྙན་ཞུ་འབུལ་གྱི་ཡོད་པ་ཡིན་ནའང་རེད། བོད་མི་མང་

སྤྱི་འཐུས་ལྷན་ཁང་ལ་སྙན་ཞུ་འབུལ་གྱི་ཡོད་པ་ཡིན་ནའང་རེད། བཀའ་ཤག་དང་སྤྱི་འཐུས་ལྷན་ཁང་ལ་མ་ འབྱོར་གོང་ལ་དྲ་རྒྱའི་ནང་ལ་ཚང་མ་བཀྲམས་ཚར་གྱི་འདུག དེ་འདྲའི་གནས་ཚུལ་དེ་དག་བཀྲམས་ནས་ཕན་

ཐོ ག ས་ཤི ག ་ཡོ ང ་གི ་ ཡོ ད ་པ་ཡི ན ་ན་གཅི ག ་རེ ད ། དེ ་ ལས་གནས་ཚུལ་ནང་དོ ན ་ཡོ ད ་པ་མང་པོ ་ ཞི ག ་ཕྱི ར ་ བསྒྲགས་ཕྱིན་པ་ཡིན་ན། སོ་སོ་རང་ཉིད་ལ་གནོད་རྒྱུའི་ལས་ཀ་དེ་སོ་སོས་བྱེད་ཀྱི་འདུག དེ་ཡིན་དུས་དེ་ཚོའི་

ཐོག་ལ་ཧ་ཅང་གི་གཟབ་གཟབ་བྱེད་དགོས་པའི་གནས་སྟངས་ཤིག་ཆགས་ཀྱི་འདུག འཛིན་སྐྱོང་བཀའ་ཤག་ གི་ངོས་ནས་ཡིན་ནའང་ཕྱི་ལོ་ ༡༩༩༦ ཟླ་ ༥ པའི་ཚེས་ ༢༢ ལ་དོལ་རྒྱལ་སྐོར་ལ་གསལ་བསྒྲགས་ཀྱི་བཀའ་ ཧ་ཅང་གི་ནན་པོ་ཞིག་བཏང་གནང་ཡོད་པ་རེད། སྐབས་དེར་མི་མང་གི་ངོས་ནས་ཀྱང་གོ་རྟོགས་སྤེལ་རྒྱུའི་

སྐོར་ཡང་མང་པོ་ཞིག་བྱས་ཡོད་པ་རེད་ཀྱང་། དེང་སྐབས་ད་ནངས་ཞོགས་པར་༸རྒྱལ་བ་རིན་པོ་ཆེས་བཀའ་

གནང་བ་ལྟར། ང་ཚོས་སློབ་སྦྱོང་བྱེད་པ་དེ་ཚད་དང་ལྡན་པ་ཞིག་མ་བྱས་པར་གང་ཞིག་བཤད་པ་དང་གང་ཞིག་ གོ་བ་དེ་རང་གི་ཐོག་ལ་ཕྱིན་པ་ཡིན་ན། ཏག་ཏག་སྡོད་ཐུབ་རྒྱུ་རྩ་བ་ཉིད་ནས་ཡོད་པ་མ་རེད། ཆབ་སྲིད་ཀྱི་ གནད་དོན་འདྲ་ཞིག་ཡིན་ནའང་རེད། དོལ་རྒྱལ་དང་འབྲེལ་བའི་ཆབ་སྲིད་ཀྱི་གནད་དོན་འདྲ་ཞིག་ཡིན་ནའང་ རེད། གང་བྱུང་མང་བྱུང་ཞིག་དེ་འདྲ་བྱས་ནས་བཏང་ཡོང་དུས། མི་མང་ནང་དུ་སོ་སོས་བརྟག་དཔྱད་བྱས་ཏེ་

ཁུངས་འཕེར་བའི་གནས་ཚུལ་ཞིག་ཀྱང་མ་ཆགས་པ་དང་། གཞན་གྱིས་ཤོད་པའི་སྐབས་སུ་ཡང་ཚད་དང་ལྡན་ པ་ཞིག་མ་ཉན་པར་གནས་ཚུལ་འགོ་མ་འཚོས་པ་དེ་འདྲ་བྱེད་དུས། སྤྱི་ཚོགས་རང་ལ་རང་བཞིན་གྱིས་འཁྲུག་ འདྲ་པོ་ཤུགས་ཆེན་པོ་ཐེབས་ཡོང་རྒྱུའི་གནས་ཚུལ་འདྲ་པོ་དེ་འདྲ་ཡོད་པ་རེད། ད་ལྟའི་དོལ་རྒྱལ་སྟེན་མཁན་དེ་ ཚོས་ཀྱང་ཆོས་ཕྱོགས་ཀྱི་གནས་ཚུལ་མ་ཡིན་པ་རྒྱ་ནག་གི་སྲིད་བྱུས་དང་མཐུན་པའི་ལས་དོན་ལག་བསྟར་

བྱེད་ཀྱི་ཡོད་པ་དེ་བཤད་མི་དགོས་པ་དང་། བོད་ནང་ལོ​ོགས་སུ་ཡིན་ནའང་དེང་སང་ཁམས་ཁུལ་གྱི་ས་ཆ་ འགའ་ཤས་སུ་གནས་ཚུལ་མ་གོ་བའི་དབང་གིས་འགའ་ཤས་ཀྱིས་ “ང་ཚོའི་བླ་མས་དེ་འདྲ་གསུངས་ཡོད་ཀྱི་

མ་རེད”ཅེས་འདི་འདྲ་ཟེར་གྱི་འདུག་ཅེས་ཟེར། གནས་ཚུལ་མ་རྟོགས་པའི་དབང་གིས་དེ་འདྲ་བཤད་མཁན་ ཡོད་པ་ཡིན་ན། དེ་གནས་ཚུལ་གཞན་ཞིག་རེད། དེ་མིན་དོལ་རྒྱལ་སྟེན་མཁན་དེ་ཚོ་བོད་ནང་ལ་ག་པར་ཕྱིན་

པ་ཡིན་ནའང་འགྲོ་ཆོག་ཆོག ཚོགས་འདུ་ག་པར་ཚོགས་པ་ཡིན་ནའང་ཚོགས་ཆོག་ཆོག དེ་འདྲ་མང་པོ་ཞིག་ བྱེད་ཀྱི་ཡོད་པ་ཡིན་དུས། རྒྱ་ནག་གཞུང་གི་ངོས་ནས་དེ་ལག་ཆར་བེད་སྤྱོད་གཏོང་ཆོག་གི་ཡོད་པ་དེ་ཁོང་ 162

དཔལ་ལྡན་ཚོགས་གཙོ་མཆོག་གི་གསུང་བཤད།

ཚོས་ཤེས་ཀྱི་ཡོད་པ་རེད། བར་སྐབས་བོད་ནང་དུ་གུ་རུའི་སྐུ་གཏོར་བ་དང་། ངས་གོ་བ་ལ་གཞིགས་ན། ཕྱི་ རྒྱལ་ནས་བོད་ནང་ལ་ལོ་མང་རིང་འགྲོ་མྱོང་མཁན་དེ་ཚོས་ཁམས་ཁུལ་གྱི་རིའི་རྩེ་དེ་འདྲར། སྔོན་མ་ཡིན་ན་གུ་

རུའི་སྐུ་བཞེངས་ཀྱི་ཡོད་པ་རེད། དེང་སྐབས་དོལ་རྒྱལ་གྱི་གཟུགས་ཧ་ཅང་གི་ཆེན་པོ་དེ་འདྲ་བཞེངས་པ་དང་།

མ་འོངས་པར་བོད་ཀྱི་ཆབ་སྲིད་ཀྱི་གནད་དོན་དེ་ཞི་བ་ཡིན་ནའང་ཆོས་ཕྱོགས་ཀྱི་གནད་དོན་དེ་མ་ཞི་བར་བོད་ པའི་ནང་དུ་དཀྲུག་ཤིང་རྒྱག་ཐུབ་རྒྱུའི་གནས་སྟངས་ཆ་ཚང་ཞིག་རྒྱ་ནག་རང་གིས་དངུལ་དང་དངོས་པོ་སྤྲད་དེ་

བཟོ་བཞིན་འདུག དེ་དག་ཚང་མ་ང་ཚོས་ཤེས་པ་བྱེད་དགོས་པ་དེ་ཧ་ཅང་གི་གལ་ཆེན་པོ་རེད་སྙམ། འདི་འདྲ་ ཞིག་གི་ཐོག་ནས་བཤད་མཚམས་འཇོག་རྒྱུ་ཡིན།

དྲི་བ་དྲིས་ལན། ༡༽ ༢༽

༣༽

དང་པོ།

གནས་སྟངས་འདི ་ ལྟ་བུའི ་ ཉག་ཕྲ་བའི ་ གནས་ཚུལ་འདི ར ་ང་ཚོ ་ སློ བ ་ཕྲུག་ཚོ འི ་ ངོ ས ་ནས་ཞབས་

འདེགས་གང་ཞིག་ཞུ་ཐུབ་རྒྱུ་ཡོད་དམ།

བོད་གཞུང་ནས་དོལ་རྒྱལ་བཀག་སྡོམ་དང་གོ་ནོར་བྱུང་རྐྱེན་ཐད་ཐབས་ལམ་གང་སྤེལ་དགོས་སམ།

དོལ་རྒྱལ་གྱི་གནས་ལུགས་ནི་ཆབ་སྲིད་དང་འབྲེལ་བ་ཡོད་དམ་མེད། ཡོད་ན་ཡོད་པའི་རྒྱུ་མཚན་ དང་མེད་ན་མེད་པའི་རྒྱུ་མཚན་གང་ཡོད་དམ།

གཉིས་པ།

ང་ལ་དྲི་བ་གཉིས་ཡོད། དྲི་བ་གཅིག་དེ་༸སྐྱབས་མགོན་རིན་པོ་ཆེའི་སྐུ་ཕྱྭ་དང་འབྲེལ་བའི་སྐོར་དང་

དོལ་རྒྱལ་དེ་སྔོན་མ་བླ་སློབ་ཀྱི་དམ་ཚིག་དང་འབྲེལ་བའི་སྐོར་ཡིན་རུང་དེང་སྐབས་ཆབ་སྲིད་ཀྱི་རྙོག་དྲ་ཆིག་ སྒྲིལ་གྱི་འགལ་ཟླར་ངོས་འཛིན་བྱེད་ཀྱི་འདུག་པས། བོད་མིའི་སྒྲིག་འཛུགས་ཀྱི་ཐོག་ནས་དེ་འགོག་ཐབས་ལ་ 163

དཔལ་ལྡན་ཚོགས་གཙོ་མཆོག་གི་གསུང་བཤད།

ཐབས་ལམ་གང་འདྲ་ཡོད་སྐོར།

གསུམ་པ།

དོལ་རྒྱལ་རྗེས་འབྲང་བ་རྣམས་ང་ཚོའི་ཁ་གཏད་ཆགས་ཀྱི་ཡོད་པ་འདྲ་པོ་འདུག ང་ཚོས་དོལ་རྒྱལ་བསྟེན་

དང་མི་བསྟེན་དེ་ཐ་དད་རེད། ང་ཚོ་ཆབ་སྲིད་ཀྱི་ཐོག་ནས་ཆིག་སྒྲིལ་དགོས་པ་དེ་ང་ཚོ་ཚང་མའི་འགན་འཁྲི་ཡིན་ ཟེར་མཁན་ཡང་འདུག ང་ཚོའི་ནང་ཆིག་སྒྲིལ་ཡོང་ཐབས་ག་རེ་བྱ་རྒྱུ་ཡོད་མེད་སྐོར་བཀའ་འདྲི་ཞུ་རྒྱུ་ཡིན།

ལན། ངས་ལན་སྙིང་བསྡུས་ཞུ་རྒྱུ་ཡིན། སྐབས་རེར་ལན་ཧ་ཅང་གི་རིང་པོ་དེ་འདྲ་ཆགས་ཀྱི་འདུག དྲི་

བ་དང་པོ་སློབ་ཕྲུག་ཚོའི་ངོས་ནས་ཞབས་འདེགས་ག་རེ་ཞུ་ཐུབ་ཀྱི་རེད་དམ་ཞེས་པ་དེར། སློབ་ཕྲུག་ཚོའི་ངོས་

ནས་གནད་དོན་དེ་ཚོའི་སྐོར་ཤོད་པའི་སྐབས་སུ་དོ་སྣང་བྱས། གལ་ཆེ་ཤོས་དེ་གནས་ཚུལ་གང་ཡིན་ནའང་ཆ་ རྒྱུས་ལོན་པ་བྱེད་དགོས་རྒྱུ་དེ་གལ་ཆེན་པོ་རེད། གནས་ཚུལ་དེ་ངན་པ་ཡིན་དང་བཟང་པོ་ཡིན། དེ་བདེན་པ་

ཡིན་དང་རྫུན་མ་ཡིན། ཡག་པ་ཡིན་དང་སྡུག་པ་ཡིན། གང་ལྟར་ལེགས་ཉེས་དབྱེ་བ་འབྱེད་ཐུབ་རྒྱུར་དང་ཐོག་ ལེགས་ཉེས་གང་ཡིན་གྱི་གནས་ཚུལ་དེའི་དོན་གྱི་ངོ་བོ་དེ་ཤེས་དགོས་པ་རེད། དེར་བརྟེན་གནས་ཚུལ་དེ་ཚོའི་

སྐོར་ལྟ་བུ་ཡིན་ན། བར་ལམ་ནས་ངས་བལྟས་ཏེ་གང་ཤེས་པ་དང་མཐོང་བ་དེའི་གནས་ཚུལ་དེ་དག་ཁྱེད་ཚོར་

བཤད་ཀྱི་ཡོད་པ་རེད། ཁྱེད་ཚོའི་ཆོས་དགེ་རྣམ་པས་ཀྱང་དེ་ཚོའི་སྐོར་ལ་དོ་སྣང་གནང་ནས་སློབ་ཕྲུག་རྣམ་ པར་གནས་ཚུལ་དེའི་བྱུང་རིམ་དང་བྱུང་སྟངས་དེ་ཚོ་ཚང་མ་ངོ་སྤྲོད་གནང་རྒྱུ་དང་། ཁྱེད་ཚོར་ཡང་གནས་ཚུལ་ ཤེས་པའི་ཐོག་ནས་ལེགས་ཉེས་ཀྱི་བློ་ཞིག་སླེབས་ཀྱི་རེད། དེ་སླེབས་དུས་སོ་སོས་ཤེས་པ་ཙམ་དུ་མ་ཟད་

གཞན་མི་ཤེས་མཁན་ཞིག་ལའང་ལམ་སྟོན་བྱེད་ཐུབ་པ་ཞིག་དང་། འདི་ཡིན་དང་དེ་མིན་གྱི་དབྱེ་བ་འབྱེད་ཐུབ་

པ་དང་། ལོ་རྒྱུས་ཀྱི་ཐོག་ནས་ཀྱང་འདི་འདྲ་རེད། ཆོས་ཀྱི་ཐོག་ནས་ཀྱང་གནས་ཚུལ་འདི་འདྲ་རེད། ཆབ་སྲིད་

ཀྱི་ཐོག་ནས་ཀྱང་གནས་ཚུལ་འདི་འདྲ་རེད་ཅེས་གཞན་ལ་ཕར་འགྲེལ་བཤད་རྒྱག་ཐུབ་པ་ཞིག་བྱས་པ་ཡིན་ ན། ཁྱེད་ཚོའི་ལོ་ནའི་སྐབས་ནས་བྱས་ཏེ་ཡར་ཆེན་པོ་ཆགས་ཡོང་དུས་རང་བཞིན་གྱིས་རྙོག་དྲ་དེ་དག་རྩ་བ་ ནས་ཆད་འགྲོ་བཞིན་ཡོད་པ་རེད། ད་ལྟ་སྟེན་མཁན་འགའ་ཤས་ཤིག་ལས་ཡོད་པ་མ་རེད། དེ་དག་ལ་བདག་

པོ་རྒྱག་མཁན་མེད་པ་ཡིན་ན་དེར་བྱ་རྒྱུ་གང་ཡང་ཡོད་པ་མ་རེད། རྒྱ་གཞུང་གིས་ཁོང་ཚོ་བེད་སྤྱོད་གཏོང་བའི་ 164

དཔལ་ལྡན་ཚོགས་གཙོ་མཆོག་གི་གསུང་བཤད།

སྐབས་སུ་གཏོང་གི་རེད། བཏང་ཚར་བའི་རྗེས་སུ་བདག་པོ་རྒྱག་གི་མ་རེད། ཡ་ལན་བྱེད་ཀྱི་མ་རེད། ནང་པ་ ཞིག་ཡིན་པའི་ཆ་ནས་སོ་སོའི་ལས་རྒྱུ་འབྲས་ལ་ལྟ་སྐབས་དེ་བསླུ་བ་མེད་པ་ཡིན་དུས། མ་འོངས་པར་འབྲས་ བུ་ཞིག་སྐྱེ་བ་འདི་དང་དེ་མིན་གང་ཡིན་རུང་ཚེ་རབས་ནས་ཚེ་རབས་བྱས་ཏེ་ཡོང་རྒྱུ་ཡིན་པ་དེ་གསལ་པོ་རེད།

ད་དུང་གནས་ཚུལ་འདིའི་རིགས་སྐྱེ་བ་འདི་རང་ལ་སྨིན་གྱི་མི་འདུག་གམ། རྟགས་དང་མཚན་མ་དེ་ཚོ་ཡོང་གི་ ཡོད་དུས། སློབ་ཕྲུག་གི་ངོས་ནས་ཞབས་འདེགས་ག་རེ་ཞུ་ཐུབ་ཀྱི་རེད་དམ་ཟེར་དུས། ཁྱེད་ཚོ་སློབ་སྦྱོང་མ་ བྱས་པར་དོལ་རྒྱལ་སྐོར་ལ་ཕར་ཚུར་ཤོད་ལ་རྒྱུགས་ཟེར་གྱི་ཡོད་པ་མ་རེད། སློབ་ཕྲུག་གི་ངོས་ནས་གནས་

ཚུལ་དེའི་སྐོར་ཤེས་པར་བྱས་ཏེ་སོ་སོ་རང་ཉིད་ཀྱི་ངོས་ནས་ཧ་ཅང་གི་ཐག་ཆོད་པོ་མི་ཚེ་ཧྲིལ་པོར་ང་ནང་པའི་ ཆོས་པ་ཞིག་ཡིན་ན་འདི་དང་དེ་བྱེད་རུང་གི་མི་འདུག་ཅེས་ཐག་བཅད་དེ་ལྷ་དང་། འདྲེ་དང་། སྲིན་པོ་དང་ཟེར་ བ་དེ་ཚོ་ཐག་རིང་པོར་བཞག་སྟེ་བྱེད་དགོས་པའི་དོན་དེ་གསལ་པོ་ཆགས་པ་ཡིན་ན་དེས་དོན་གོ་ཆོད་པ་རེད་ སྙམ་གྱི་འདུག རིམ་པས་དེ་ཚོའི་གནད་དོན་ལ་བལྟས་ཏེ་ཕྲན་བུའི་ཤུགས་ཆེ་ཙམ་སྦྱངས་ནས་གཞན་ལ་ཡང་ བཤད་ཐུབ་པ་ཆགས་ན། ཁྱེད་ཚོ་སློབ་ཕྲུག་ཚོས་ཞབས་འདེགས་ཆེན་པོ་ཞིག་ཞུ་བཞིན་ཡོད་པ་རེད་ཅེས་ཞུ་ རྒྱུ་དང་།

དེ་ནས་གཞུང་གི་ངོས་ནས་ཐབས་ལམ་ག་རེ་སྤེལ་རྒྱུ་ཡོད་པ་རེད་དམ་ཟེར་བ་དེ་རེད། གཞུང་གི་ངོས་

ནས་དྲི་བ་མཐའ་མ་དེ་དང་ཡང་འབྲེལ་བ་ཞིག་ཆགས་ཀྱི་འདུག་ལ། ད་ལྟ་དོལ་རྒྱལ་གྱི་སྐོར་ལ་གནས་ཚུལ་བཤད་

ཡོང་དུས་མང་པོ་ཞིག་དང་འབྲེལ་བ་ཆགས་ཀྱི་རེད་བསམ་གྱི་འདུག དྲི་བ་མཐའ་མ་དེ་ལྟ་བུར་ཆ་མཚོན་ན་གནས་

སྟངས་མི་འདྲ་བ་ཁག་གཉིས་ཆགས་ཀྱི་འདུག གཅིག་དེ་དོལ་རྒྱལ་བསྟེན་མཁན་དང་། གཞན་དེ་དེང་སྐབས་ཆབ་ སྲིད་པས་བེད་སྤྱོད་གཏོང་བའི་གནས་སྟངས་ཤིག་ཆགས་ཡོང་སྐབས་བར་ལམ་ཞིག་ནས་དོལ་རྒྱལ་སྟེན་མཁན་ ཚོས་ག་རེ་བཤད་ཀྱི་ཡོད་པ་རེད་ཅེ་ན། ང་ཚོའི་ཕྲུ་གུ་གཞུང་གི་སློབ་གྲྭ་ནས་ཕུད་ཀྱི་འདུག་ཅེས་བརྗོད་ཀྱི་ཡོད་

པ་རེད། བོད་མིའི་སྒྲིག་འཛུགས་ཀྱི་དྲ་རྒྱའི་ནང་མི་སུམ་ཅུ་སོ་གྲངས་ཀྱི་མིང་ཡོད་པ་དེ་དག་ནས་གཉིས་ཙམ་ ཞིག་སུ་ཇཱ་ནས་རེད་འདུག ཡང་ན་རྡ་ས་བོད་ཁྱིམ་གྱི་སློབ་གྲྭ་དང་འབྲེལ་བ་ཡོད་པའམ་བོད་ཁྱིམ་གྱི་ཁྱབ་ཁོངས་

ཀྱི་སློབ་གྲྭ་ཁག་ཏུ་འཇུག་མྱོང་ཡོད་པའི་ཕ་མ་དེ་འདྲས་ཀྱང་དེང་སྐབས་༸རྒྱལ་བ་རིན་པོ་ཆེར་ངོ་རྒོལ་བྱས་ཏེ་ སྐད་རྒྱག་མཁན་དེ་འདྲ་ཡང་ཡོང་གི་འདུག ང་ཚོའི་སྤྱི་ཚོགས་རིམ་པ་མང་པོ་ཡིན་དུས། ད་ལྟ་ང་ཚོ་བོད་ཕྲུག་

ཁྱིམ་སྡེའི་ནང་དུ་འཚོགས་བཞིན་པ་ཡིན་སྟབས་དེ་འདྲའི་གནས་ཚུལ་ཡང་ཡོང་གི་འདུག ཁོང་ཚོས་བཤད་པར་ 165

དཔལ་ལྡན་ཚོགས་གཙོ་མཆོག་གི་གསུང་བཤད།

ང་ཚོའི་ངོས་ནས་གདུག་རྩུབ་བྱེད་ཀྱི་འདུག དྲག་གནོན་བྱེད་ཀྱི་འདུག ང་ཚོའི་སློབ་ཕྲུག་ཚོ་སློབ་གྲྭ་ནས་ཕུད་ཀྱི་ འདུག ང་ཚོ་ཕྱི་རྒྱལ་ལ་འགྲོ་རྒྱུའི་རྒྱབ་གཉེར་ཡིག་ཆ་སྤྲོད་ཀྱི་མི་འདུག་ཅེས་སོགས་ཀྱི་གནས་ཚུལ་མང་པོ་ཞིག་ ཁོང་ཚོས་བཤད་ཀྱི་འདུག དེ་སྤྱི་ཡོངས་ཀྱི་སྐད་ཆ་ཡིན། གོང་དུ་ཞུས་ཐོའི་ནང་གི་མི་འགའ་ཤས་ད་ཆ་ཧྤ་རན་

སིར་གསར་པ་སླེབས་པའི་དོལ་རྒྱལ་སྟེན་མཁན་མང་པོ་ཞིག་འདུག ད་རེས་སྤྱི་ནོར་༸གོང་ས་༸སྐྱབས་མགོན་

ཆེན་པོ་མཆོག་ནོར་ཝེ་ལ་ཆིབས་སྒྱུར་གནང་བའི་སྐབས་ཀྱི་ངོ་རྒོལ་བྱེད་མཁན། དེ་ཚོའི་གྲས་དེ་དག་ཧྤ་རན་སི་

ལ་གང་འདྲ་བྱས་ནས་སླེབས་པ་རེད་དམ། IC ཁྱེར་ནས་སླེབས་པ་མ་རེ​ེད་དམ། IC ཞུ་རྒྱུའི་རྒྱབ་གཉེ​ེར་དེ་ང་ ཚོའི་ས་གནས་བོད་མིའི་སྒྲིག་འཛུགས་ཀྱི་ཡན་ལག་ཅིག་གིས་རྒྱབ་གཉེར་བྱས་པ་ལ་བརྟེན་ནས་འགྲོ་གི་ཡོད་པ་

རེད་མ་གཏོགས། གཞན་པ་འགྲོ་ས་ཡོད་པ་མ་རེད། དེ་འདྲའི་དོལ་རྒྱལ་སྟེན་མཁན་ལ་ང་ཚོས་ཀྱག་ཀྱག་བྱས་ཏེ་

ཕར་སྤྱི་ཚོགས་ནས་ཕུད་པའི་གནས་སྟངས་ཆགས་ཡོད་པ་མ་རེད། སློབ་ཕྲུག་སློབ་གྲྭ་ནས་ཕུད་པ་ཡོད་པ་མ་རེད། གང་ལྟར་ཁོང་ཚོས་དེ་བརྗོད་ཀྱི་ཡོད་ན། སུ་དང་སུ་ཕུད་འདུག་གམ། དུས་ཚོད་ག་དུས་ཕུད་འདུག སུ་ལ་མཐུན་

རྐྱེན་སྦྱར་མི་འདུག གནས་ཚུལ་དེ་འདྲའི་རིགས་བྱུང་བ་ཡིན་ན། དེ་ལ་དཔག་པའི་ང་ཚོས་ལན་འདེབས་རྒྱུ་ཞིག་ ཡོད་པ་རེད།

ད་ཆ་དབྱེ་བ་གཉིས་ཆགས་ཀྱི་འདུག་ཟེར་བ་དང་། བོད་མིའི་སྒྲིག་འཛུགས་ཀྱིས་དེ་ལ་ཐབས་ཤེས་ག་

རེ་ཡོད་པ་རེད་དམ་ཞེས་པར། བོད་མི་ཡིན་པ་ལ་དོལ་རྒྱལ་སྟེན་མཁན་ཡིན་པ། རྩ་བའི་ཆོས་བྱེད་དང་མི་བྱེད་

དེ་གང་ཟག་སོ་སོ་སོ་སོའི་འདོད་པ་ལྟར་རེད་ལ། འདོད་པ་དང་འབྲེལ་བ་ཆགས་ཀྱི་ཡོད་པ་རེད། ༸རྒྱལ་བ་རིན་ པོ་ཆེས་ཆོས་དད་རང་མོས་གསུངས་པའི་སྐབས་སུ་ང་ཚོས་མཐོང་ཚུལ་ལྟར་ན། ༸རྒྱལ་བ་རིན་པོ་ཆེས་ད་ལྟའི་

དོལ་རྒྱལ་བསྟེན་གསོལ་དང་འབྲེལ་བའི་གནས་ཚུལ་དེར་ལོ་དང་ལོ་བསྟུད་དེ་ཐུགས་ཐག་ཆོད་པོའི་ཐོག་ནས་ གནང་བ་དེས་དམ་པའི་ཆོས་ལ་ཧ་ཅང་གི་ཕན་ཐོགས་ཆེན་པོ་བྱུང་ཡོད་པ་རེད་སྙམ་གྱི་ཡོད་པ་རེད། དེས་དམ་ པའི་ཆོས་སྲུང་སྐྱོབ་བྱ་རྒྱུའི་སྐད་ཆ་དེ་ཡང་གཅིག་སླེབས་ཡོང་གི་འདུག དེ་འདྲའི་གནས་ཚུལ་ཡང་ཡོད་པ་རེད། མི་དཀྱུས་མའི་ནང་དུ་ཁྱེད་ཚོས་དོལ་རྒྱལ་བསྟེན་ན་རྩ་བ་ནས་འགྲིག་གི་མ་རེད་ཅེས་༸རྒྱལ་བ་རིན་པོ་ཆེས་ དུས་ནམ་ཡང་གསུངས་ཡོད་པ་མ་རེད་ལ། བོད་མིའི་སྒྲིག་འཛུགས་ཀྱི་ངོས་ནས་ཀྱང་དུས་ནམ་ཡང་བཤད་

ཀྱི་ཡོད་པ་མ་རེད། གོང་དུ་ཁྱེད་ཚོར་ཞུས་པ་ལྟར་ཕྱི་ལོ་ ༡༩༩༦ ལོར་གྲོས་ཆོད་དང་པོ་བཞག་པ་དེའི་ནང་དུ་

གསང་སྔགས་ཀྱི་སྡོམ་པ་ཞུས་པ་ཡིན་ན་ཕེབས་ཆོག་གི་མ་རེད་ཅེས་པ་དེ་དང་། ཕྱི་ལོ་ ༡༩༩༧ གྱི་གྲོས་ཆོད་ 166

དཔལ་ལྡན་ཚོགས་གཙོ་མཆོག་གི་གསུང་བཤད།

དེའི་ནང་དུའང་གསང་སྔགས་དང་སོ་ཐར་གྱི་སྡོམ་པ་ཞུས་པ་ཡིན་ན་འགྲིག་གི་མ་རེད་ཅེས་པ། ད་ལྟའི་དུས་ ཚོད་ལྟ་བུར་ཆ་མཚོན་ན་༸རྒྱལ་བ་རིན་པོ་ཆེས་གསུང་ཆོས་ག་པར་གནང་གི་ཡོད་པ་ཡིན་ནའང་དོལ་རྒྱལ་ རྗེས་འབྲང་པ་དེའི་ནང་དུ་ཡོང་ཆོག་གི་མ་རེད་ཅེས་པ་དེ་རེད།

གོང་དུ་དྲི་བ་གཞན་ཞིག་ཏུ་བླ་སློབ་དང་འབྲེལ་བའི་སྐོར་དེར། དོལ་རྒྱལ་སྟེན་མཁན་ཞིག་ཡིན་ན། བླ་མ་

ལས་འདྲེ་རྩ་ཆེ་བ་བརྩི་མཁན་ཆགས་ཀྱི་ཡོད་པ་རེད། བླ་མ་ལས་འདྲེ་རྩ་ཆེ་བར་སྟེན་མཁན་ཞིག་ཆགས་ཀྱི་ཡོད་ དུས། ཆོས་དད་རང་མོས་ཀྱི་སྐད་ཆ་བཤད་རྒྱུ་ལྟ་ཅི། ༸རྒྱལ་བ་རིན་པོ་ཆེ་ལས་འདྲེ་གལ་ཆེ་བ་བརྩི་གི་ཡོད་ན།

༸རྒྱལ་བ་རིན་པོ་ཆེའི་དྲུང་ནས་གསུང་ཆོས་ཞུ་དགོས་དོན་མི་འདུག དོན་དངོས་སུ་དེ་ལ་ཆོས་དད་ཡོད་མེད་ཀྱི་ སྐད་ཆ་ཤོད་དགོས་པའི་གནས་སྟངས་ཀྱང་ཆགས་ཀྱི་མི་འདུག དེར་བརྟེན་ཆབ་སྲིད་དང་འབྲེལ་བ་མེད་མཁན་

དོལ་རྒྱལ་སྟེན་མཁན་ཁག་གཅིག་ལ་ཡིན་ནའང་སུ་གང་གིས་དེར་བཙན་དབང་བྱེད་མཁན་ཡོད་པ་མ་རེད། གང་ ལྟར་སོ་སོའི་མི་ཚེ་འདིར་དོལ་རྒྱལ་བློས་གཏོང་ཐུབ་ས་མ་རེད། ངས་བླ་མའི་དྲུང་ནས་སྲོག་གཏད་ཞུས་པ་ཡིན། བླ་མས་མཚམས་བཞག་ཟིན་ཡང་སོ་སོ་རང་ཉིད་ད་དུང་མུ་མཐུད་དེ་འགྲོ་མཁན་གྱི་གནས་ཚུལ་དེ་ཡོད་པ་ཡིན་

ན། དེར་འགྲོ་རྒྱུ་རེད། འགྲོ་མཁན་དེར་ང་ཚོས་ཁྱེད་ཚོར་རྒྱབ་གཉེར་ཡིག་ཆ་སྤྲོད་ཀྱི་མིན། བོད་པ་ཚོ་བོད་པའི་ ཁོངས་སུ་འཇོག་གི་མ་རེད། ཁྱེད་ཚོས་དང་བླངས་དཔྱ་དངུལ་ཕུལ་ཆོག་གི་མ་རེད་ཅེས་རྩ་བ་ཉིད་ནས་བརྗོད་ ཀྱི་ཡོད་པ་མ་རེད། དེར་བརྟེན་དེ་དེ་ག་རང་ལ་བོད་མིའི་སྒྲིག་འཛུགས་ཀྱི་ངོས་ནས་ལྟ་སྟངས་དེ་འདྲ་ཞིག་ཆགས་ ཡོད་པ་རེད། དོལ་རྒྱལ་སྟེན་དགོས་པ་ལ་༸རྒྱལ་བ་རིན་པོ་ཆེའི་གསུང་ཆོས་ལ་ཡང་ཡོང་དགོས་པའི་གནས་

ཚུལ་འགའ་ཤས་ཡོད་པ་རེད། དེ་འགའ་ཤས་ཀྱིས་ཀྱག་ཀྱག་རང་བྱེད་ཀྱི་ཡོད་པ་རེད། མ་བྱེད་ཅེས་པ་དེ་རྐང་ བཙུགས་ནས་བྱེད་ཀྱི་ཡོད་པ་རེད། དེ་ཡིན་དུས་དེ་བྱས་པའི་རྒྱུ་མཚན་ལ་བརྟེན་ནས་བླ་མ་དང་སློབ་མ་གཉིས་

ཀའི་དམ་ཚིག་ལ་གནོད་སྐྱེལ་གྱི་ཡོད་པ་དང་། བླ་མའི་སྐུ་ཕྱྭ་ལ་གནོད་ཀྱི་ཡོད་པ་དེ་ཤེས་ཀྱིན་ཤེས་ཀྱིན་ལ་རྐང་

བཙུགས་ནས་བྱེད་མཁན་དེ་འདྲའང་ཡོང་གི་ཡོད་པ་རེད། དེང་སྐབས་མང་ཆེ་བས་དོལ་རྒྱལ་སྐོར་ལ་ག་ཚོད་ ཙམ་ཤེས་རྟོགས་ཐུབ་ཀྱི་ཡོད་མེད་གང་ཤེས། རང་ཉིད་ཀྱིས་སྒོམ་རྒྱག་པའི་སྐབས་སུ་དོལ་རྒྱལ་སྒོམ་གྱི་ཡོད་

མེད་གང་ཤེས། དོལ་རྒྱལ་དངོས་གནས་སྟེན་གསོལ་ཞུ་གི་ཡོད་མེད་གང་ཤེས། ཡིན་ནའང་རྒྱ་མིའི་ཆབ་སྲིད་ཀྱི་ ལག་ཆ་ཁོ་ན་བྱས་ཏེ་འགྲོ་མཁན་དེ་དག་ནི། གོང་དུ་ཞུས་པ་ལྟར་ང་ཚོས་ངོས་འཛིན་བྱ་རྒྱུར་ལོ་རྒྱུས་སུ་ནག་ཉེས་ ཅན་རེད་ཅེས་ངོས་འཛིན་བྱ་རྒྱུ་ཞིག་ལས་ཁྱེད་ཚོ་གསད་གཏུབ་བྱ་རྒྱུ་ཡིན་ཞེས་པ་ཡོང་ཐབས་ཡོད་པ་མ་རེད། 167

དཔལ་ལྡན་ཚོགས་གཙོ་མཆོག་གི་གསུང་བཤད།

དེར་བརྟེན་ང་ཚོའི་ལངས་ཕྱོགས་དེ་སྤྱི་ཚོགས་ནང་ལ་དབྱེ་བ་གསལ་པོ་ཞིག་ཕྱེ་ནས་སུས་གང་བྱེད་ཀྱི་ཡོད་པ་

དེ་དག་ངོ་རྟགས་ཆོད་པའི་ཐོག་ནས་ཉུང་ཉུང་དེ་མེད་པ་བཟོ་རྒྱུའི་ཐབས་ཤེས་བྱ་རྒྱུ་དེ་གལ་ཆེ་ཤོས་ཆགས་ཡོད་ པ་རེད་སྙམ་གྱི་འདུག ཆབ་སྲིད་དང་འབྲེལ་བ་ཡོད་པའི་བཟོ་འདྲ་པོ་ཡིན་ནའང་ཁོང་ཚོས་རྒྱལ་སྤྱིའི་ཐོག་ལ་ངོ་

རྒོལ་བྱ་རྒྱུའི་ཆོག་མཆན་ཞུས་པ་ཡིན་ན་ངོ་རྒོལ་བྱེད་ཆོག་གི་ཡོད་པ་རེད། དེའི་རང་དབང་གི་ཁེ་དབང་དེ་བེད་ སྤྱོད་ནས་རྒྱ་ནག་ལ་མགོ་བཏགས་ཏེ་འགྲོ་གི་ཡོད་པ་རེད། དེ་ཆོས་གཅིག་པུའི་གནད་དོན་མ་ཡིན་ལ། དོལ་རྒྱལ་

སྟེན་མཁན་ཙམ་མ་ཡིན་པ་དོལ་རྒྱལ་མི་སྟེན་མཁན་གྱི་ནང་ནས་ཀྱང་རྒྱ་ནག་ལ་མགོ་བཏགས་ནས་འགྲོ་མཁན་དེ་

འདྲ་ཡང་ཡོད་པ་རེད། ཁྱེད་ཚོས་ཤེས་པ་བྱེད་དགོས་པ་རེད། དོལ་རྒྱལ་དང་འབྲེལ་བ་མེད་པ་ཆབ་སྲིད་ཀྱི་ཐོག་ ནས་རྒྱ་ནག་ལ་མགོ་བཏགས་ནས་འགྲོ་མཁན་དེ་འདྲའི་གནས་ཚུལ་མང་པོ་ཡོང་གི་ཡོད་པ་རེད། སུད་ཛར་ལན་

ཀྲིར་གནས་ཚུལ་ཡོང་གི་ཡོད་པ་རེད། དེ་བཞིན་དོལ་རྒྱལ་དང་འབྲེལ་བ་ཡོད་པའི་ཐོག་ནས་ཀྱང་ཡོང་གི་ཡོད་པ་ རེད། དེ་འདྲ་ཡིན་དུས་སུད་སི་རེད། བལ་ཡུལ་རེད། དབྱིན་ཇིའི་ལུང་པ་རེད། ཨོ་སི་ཀྲོ་ལི་ཡ་རེད། དེ་ཚོ་ནས་ ཀྱང་གནས་ཚུལ་མང་པོ་ཡོང་གི་ཡོད་པ་རེད། དེ་ཚོའི་གྲས་ལའང་ངས་དུས་རྒྱུན་དུ་ནས་འཛིན་སྐྱོང་བཀའ་ཤག་

གིས་དེ་ཚོར་སྲིད་བྱུས་གཏན་འབེབས་ཤིག་ཡོད་པ་ཡིན་ན། ཡག་པོ་ཡོད་པ་རེད་ཅེས་ཞུ་བཞིན་ཡོད་ཀྱང་ད་ལྟ་ དམིགས་སུ་བཀར་ནས་འདི་དང་འདི་ཡིན་ཞེས་དབྱེ་བ་འབྱེད་ཐུབ་རྒྱུ་དེ་ཁག་པོ་རེད། བོད་ལ་འགྲོ་མཁན་དང་རྒྱ་

ནག་གི་གཞུང་ཚབ་ཁང་ལ་འགྲོ་མཁན་དང་། དེ་བཞིན་རྒྱ་ནག་གི་རྒྱལ་སྟོན་དུས་ཆེན་ལ་འགྲོ་མཁན་དང་དེ་འདྲའི་

རྣམ་གྲངས་དབྱེ་བ་མང་པོ་ཞིག་ཡོད་པ་རེད། འགའ་ཤས་ཤིག་སོ་སོ་སོ་སོའི་ཕ་མར་ཐུག་འཕྲད་ལ་འགྲོ་གི་ཡོད་

པ་རེད། འགའ་ཤས་བོད་ནང་ལ་སྤྱི་ཚོགས་དང་འཕྲོད་བསྟེན། ཤེས་ཡོན་དེ་འདྲའི་ལས་འགུལ་སྤེལ་རྒྱུའི་ཆེད་དུ་ འགྲོ་དགོས་མཁན་དེ་འདྲ་ཡོད་པ་རེད། འགའ་ཤས་རྒྱ་ནག་རང་ལ་མགོ་བཏགས་ནས་འགྲོ་མཁན་དེ་འདྲའང་ཡོད་ པ་རེད། འགའ་ཤས་དོལ་རྒྱལ་དང་འབྲེལ་བའི་ཐོག་ནས་མགོ་བཏགས་ནས་འགྲོ་མཁན་ཡང་ཡོད་པ་རེད། དེ་འདྲ་

ཡོད་པ་ཡིན་དུས་ཆབ་སྲིད་དང་འབྲེལ་བ་ཡོད་པ་དེ་དག་ལ་ང་ཚོས་མཐའ་གཅིག་ཏུ་ཆབ་སྲིད་ཀྱི་གནད་འགག་གི་ ཐོག་ནས་དགག་བྱ་བྱ་རྒྱུ་དང་། མང་ཚོགས་ཀྱི་ནང་ནས་ཤེས་པ་བྱེད་དགོས་པ། ད་ལྟའི་བོད་མིའི་དྲ་རྒྱའི་ནང་ལ་

མིང་བཏོན་པ་དེ་དག་གི་ཐོག་ལ་བསམ་ཚུལ་འདྲ་མིན་ཡོང་གི་ཡོད་པ་འདྲ། ཕ་ཡུལ་གྱི་མིང་བཀོད་དང་མ་བཀོད་ དེ་འདྲའི་གནས་ཚུལ་འདྲ་པོ་ཡོང་གི་ཡོད་པ་འདྲ། ཡིན་ནའང་གསལ་པོ་ཞུ་རྒྱུ་ཞིག་ལ་གང་ལྟར་སྔོན་མ་ཤར་རྩེ་ གྲྭ་ཚང་གི་གྲྭ་པ་ཟུར་པ་ཞེས་བརྗོད་སྐབས་ད་ལྟའི་ཤར་རྩེ་གྲྭ་ཚང་ནང་གང་ཡོད་པ་དེ་དག་གཙང་མ་གཙང་རྐྱང་ 168

དཔལ་ལྡན་ཚོགས་གཙོ་མཆོག་གི་གསུང་བཤད།

ཆགས་ཟིན་པ་རེད། དེ་ནས་མར་བཏོན་པ་དེ་གནས་ཚུལ་ཁ་ཁ་རེད། སེ་ར་སྨད་དུ་ཡིན་ནའང་སྨད་ཀྱི་སྤོམ་ར་ ཁང་ཚན་དང་དེ་མིན་ཁང་ཚན་གང་ཡིན་ནའང་གཙང་མ་ཆགས་ཟིན་པ་རེད། དོལ་རྒྱལ་སྟེན་མཁན་ཁོ་རང་ཚོ་

མར་ཟུར་དུ་ཐོན་ཟིན་པ་རྣམས་གནས་ཚུལ་ཁ་ཁ་རེད་མ་གཏོགས། ཤར་རྩེའི་གྲྭ་ཟུར་བརྗོད་པ་ཙམ་གྱིས་ད་ལྟའི་

སྐབས་སུའང་ཤར་རྩེ་གྲྭ་ཚང་ལ་སྐྱོན་ཡོད་པ་དེ་འདྲའི་གནས་སྟངས་ཤོད་ཀྱི་ཡོད་པ་མ་རེད། དེ་ཡང་ངས་ཞོར་

འཕྲོས་ནས་བཤད་ན་སྙམ་བྱུང་། སྤྱིར་བཏང་ནས་བླ་སློབ་ཀྱི་དམ་ཚིག་གི་ཐོག་ནས་བླ་མའི་སྐུ་ཕྱྭ་ལ་སྐྱོན་འགྲོ་རྒྱུ་ དེ་ནམ་རྒྱུན་དུ་ཤོད་བཞིན་པ་དེ་རང་རེད། དེ་མ་ཡིན་པ་དེང་སྐབས་སྐུ་ཕྱྭའི་ཐད་ལ་གང་བྱེད་ཀྱི་ཡོད་པ་རེད་དམ་ ཟེར་མཁན་ཡོད་པ་ཡིན་ན། རྒྱ་གར་གཞུང་གི་གསང་བའི་ལས་ཁུངས་ཀྱི་ངོས་ནས་དེའི་ཐད་ལ་ IP ཡིན་ནའང་

རེད། RAW ཡིན་ནའང་རེད། ARC ཡིན་ནའང་རེད། དེ་ཚོའི་ཐོག་ལ་དོ་སྣང་ཧ་ཅང་གི་ཤུགས་ཆེན་པོ་བྱེད་

ཀྱི་ཡོད་པ་རེད། དོལ་རྒྱལ་རྗེས་འབྲངས་པ་ཚོས་གང་དང་གང་བྱེད་ཀྱི་ཡོད་མེད་དང་། ཁོང་ཚོས་འཆར་གཞི་ གང་དང་གང་སྒྲིག་གི་ཡོད་མེད། ཚོགས་འདུ་གང་དུ་ཚོགས་ཀྱི་ཡོད་མེད། ཚོགས་འདུ་ཚོགས་སར་མི་སུ་དང་སུ་ སླེབས་ཀྱི་ཡོད་མེད། དུས་ཚོད་ག་དུས་དང་ཉིན་གྲངས་མང་ཉུང་ག་ཚོད་ཚོགས་མིན། རྒྱའི་མི་རིགས་གང་འདྲ་

ཞིག་སླེབས་ཡོད་མེད། དངུལ་གྱི་འབྱུང་ཁུངས་དེ་དག་གང་ཞིག་ནས་ཆགས་ཀྱི་ཡོད་མེད། རྒྱ་གར་གཞུང་གི་

གསང་བའི་ལས་ཁུངས་ཀྱིས་ཧ་ཅང་གི་མང་པོ་ལྟ་གི་ཡོད་པ་དང་། དེ་བཞིན་ཨ་རིའི་གསང་བའི་ལས་ཁུངས་ཀྱིས་

ཀྱང་བཤད་པའི་གནས་ཚུལ་བར་སྐབས་ཐོན་ཡོད་པ་རེད། དེར་བརྟེན་རྒྱ་གར་ནང་ལོགས་སུ་ཆ་མཚོན་ན་རྒྱ་གར་ གཞུང་རང་གིས་འགན་བཞེས་གནང་གི་ཡོད་པ་རེད། ཕྱི་རྒྱལ་ཁག་ཏུ་ཡིན་ན་རྒྱལ་ཁབ་སོ་སོ་སོ་སོའི་དབུས་དང་

མངའ་སྡེ་གཞུང་གིས་སྐུ་ཕྱྭར་མཐུན་རྐྱེན་སྦྱར་དང་མ་སྦྱར་གྱི་གནས་ཚུལ་རྒྱ་ཆེ་ཆུང་མི་འདྲ་བ་མང་པོ་ཞིག་ཡོང་

གི་ཡོད་པ་དང་། སྐབས་རེར་ས་གནས་འགའ་ཤས་ལ་ང་ཚོ་རང་ཉིད་དང་གདན་ཞུ་གནང་མཁན་གྱིས་གོ་སྒྲིག་ ཞུ་དགོས་པའི་གནས་ཚུལ་མང་པོ་ཞིག་ཡོང་གི་ཡོད་པ་རེད། བར་ལམ་སན་ཕན་སི་སི་ཀོ་རུ་ཕྱི་རྒྱལ་བ་བཙུན་

མ་གཉིས་ཀྱིས་༸སྐུ་མདུན་གྱི་ཉེ་འཁྲིས་སུ་བཅར་ནས་དེ་འདྲ་ཞུ་ཐུབ་པའི་གནས་ཚུལ་ཆགས་པའི་རྒྱུ་མཚན་ལ་ བརྟེན་ནས་ཁ་སྔོན་བར་ལམ་དོན་གཅོད་ཁག་ཚོགས་འདུ་འཚོགས་པའི་སྐབས་སུའང་གནས་ཚུལ་འདིའི་སྐོར་ལ་

ཞིབ་ཅིང་ཕྲ་བ་སྐད་ཆ་བྱུང་ཡོད། ལྷག་པར་དུ་རྒྱལ་སྤྱིའི་སྤྱི་ཚོགས་ཀྱི་ནང་དུ་བོད་རིགས་སྤྱི་མཐུན་ཚོགས་པ་

མང་པོ་ཞིག་ཡོད་པ་རེད། ༸རྒྱལ་བ་རིན་པོ​ོ་ཆེ་གང་དུ་ཆིབས་བསྒྱུར་གནང་བ་ཡིན་ནའང་བོད་རིགས་སྤྱི་མཐུན་

ཚོགས་པ་དང་དེ་དག་ལ་འགན་མང་པོ་ཞིག་རེད། ཁོང་ཚོ་ལ་ཡང་གཟབ་གཟབ་ཏིག་ཏིག་བྱེད་དགོས་པའི་ལམ་ 169

དཔལ་ལྡན་ཚོགས་གཙོ་མཆོག་གི་གསུང་བཤད།

སྟོན་ཡག་ཐག་ཆོད་ཕྱིན་ཡོད་པ་རེད། དེ་བཞིན་དེང་སྐབས་བོད་རིགས་ཉེན་རྟོག་པའི་ཁོངས་སུ་ཡོད་པ་དེ་འདྲ་

ཡང་ཡོད་པ་རེད། ཁེ་ན་ཊར་ཡོད་པའི་བོད་པའི་ཉེན་རྟོག་པ་ཞིག་གིས་ཁོང་རང་ཉེན་རྟོག་པའི་ནང་དུ་ལས་ཀ་ བྱེད་ཀྱི་ཡོད་པ་ཡིན་སྟབས་༸སྐུ་མདུན་ཆིབས་བསྒྱུར་གྱི་སྐབས་ལྟ་བུ་ཡིན་ན། ཁོང་རང་གི་སྒེར་དགོངས་ཞུས་

ཏེ་༸སྐུའི་སྲུང་བྱའི་ལས་ཀ་དེ་འདྲ་བྱེད་པའི་སྐབས་སུ་ཁོ་རང་གིས་ཀྱང་སེམས་འཚབ་ཆེན་པོའི་ཐོག་ནས་ང་ཚོ་ ཕ་གིར་ཕྱིན་པའི་སྐབས་སུ་བཤད་ཀྱི་འདུག དཔེར་ན། ང་རང་ཚོ་བོད་པ་རང་ལ་ང་ཚོས་ཡིད་ཆེས་བྱས་ཏེ་༸སྐུ་

མདུན་ཆིབས་བསྒྱུར་གནང་བའི་སྐབས་སུ་བོད་པ་བཅུ་ཙམ་ཡོད་ན་འགྲིག་གི་མེད་དམ་ཞེས་བརྗོད་པའི་སྐབས་ སུ་དེ་ཚོའི་གྲས་ཀྱི་རྒྱབ་ལྗོངས་ལ་ཡག་པོ་བྱས་ནས་བལྟ་གི་མི་འདུག དེ་ཚོའི་རྒྱབ་ལྗོངས་ལ་བལྟ་དགོས་པ་དེ་ ཧ་ཅང་གི་གལ་ཆེན་པོ་རེད་འདུག་ཅེས་དང་། ༸རྒྱལ་བ་རིན་པོ་ཆེས་སྔོན་མ་ནས་བཀའ་གནང་གི་ཡོད་པ་རེད། ༸རྒྱལ་བའི་སྐུ་ཕྱྭ་ལ་བར་ཆད་བྱུང་ཟེར་བ་དེ་མེ་མདའ་དང་གྲི་དེ་འདྲ་གཅིག་པུས་མ་རེད་དོ་ཞེས་དང་།

བར་སྐབས་ང་ཕོ ་བྲང་དུ་༸སྐུའི ་ མདུན་ལ་བཅར་བའི ་ སྐབས་སུའང་བཀའ་གནང་གི ་ འདུག དེ ་ བར་

སྐབས་ཤིག་ནས་ངས་མང་ཚོགས་ལ་ཡང་མར་མང་པོ་བཤད་ཡོད། བྱས་ཙང་ང་ཚོ་དམ་ཉམས་ཀྱི་སྤྱི་ཚོགས་ ཤིག་ཆགས་ཀྱི་འདུག་གོ་ཞེས་པ་ཞིག དམ་ཉམས་ཀྱི་སྤྱི་ཚོགས་ཞེས་སྤྱི་ཡོངས་ནས་བཤད་པ་ཡིན་སྟབས་མང་

པོ་ཞིག་ལ་སོ་སོ་སོ་སོར་ཕོག་ནས་ང་ཚོ་དམ་ཉམས་ཅི་ཡང་མིན། ཚོགས་གཙོས་ག་རེ་བྱས་ནས་བཤད་ཀྱི་

ཡོད་པ་རེད་དམ་ཞེས་པའི་བཟོ་འདྲ་པོ་དེ་འདྲ་བཤད་ཡོང་གི་འདུག། དེ་རྒྱུག་པ་ལེབ་རྡུང་གི་སྐད་ཆ་དེ་འདྲ་གང་

ཡང་མ་རེད། ཡིན་ནའང་དེ་སོ་སོ་སོ་སོས་བསམ་བློ་གཏོང་དགོས་པ་རེད། སོ་སོའི་རྩ་བའི་བླ་མ་དང་མཉམ་

དུ་དམ་ཚིག་ཉམས་ཀྱི་འདུག་དང་མི་འདུག་སོ་སོ་སོ་སོས་བསམ་བློ་གཏོང་དགོས་པ་རེད་མ་གཏོགས། གཞན་ ཞིག་གིས་ཐག་གཅོད་རྒྱུ་ཞིག་མ་རེད། དེ་འདྲའི་སྤྱི་ཚོགས་ཆགས་རྒྱུའི་ཉེན་ཁ་ཆེན་པོ་ཞིག་ཡོང་གི་ཡོད་པ་དེ་

ང་ཚོ་ཚང་མས་ཤེས་དགོས་པ་དེ་གལ་ཆེན་པོ་རེད་སྙམ་གྱི་འདུག དེ་ཡིན་དུས་སྐུ་ཕྱྭའི་སྐོར་ལ་རྒྱ་གར་གཞུང་

གི་ཡིན་ནའང་རེད། ཕྱི་རྒྱལ་དུ་ཡིན་ནའང་རེད་ང་ཚོ་བོད་མིའི་སྒྲིག་འཛུགས་ཀྱི་ནང་དུ་བདེ་སྲུང་ལས་ཁུངས་ལ་ ནམ་རྒྱུན་དུ་འབོད་བསྐུལ་ཞུ་རྒྱུ་དེ་ག་རང་རེད། དཔེར་ན། ཁྱེད་རང་ཚོ་ད་ལྟ་སློབ་ཕྲུག་ཡིན་པའི་གནས་སྐབས་ སུ་གོང་དུ་ངས་བཤད་པ་ལྟར་སུ་ཇའི་ཕྲུ་གུ་གཉིས་ཀྱིས་ཀྱང་༸རྒྱལ་བ་རིན་པོ་ཆེ་ལ་ངོ་རྒོལ་བྱེད་མཁན་གྱི་ གྲས་སུ་མི་འདུག་གམ། དེ་ཚོའི་གྲས་དེ་དག་སློབ་ཕྲུག་ཡིན་པའི་སྐབས་སུ་དོ་སྣང་ཕྲན་བུ་ཡོད་ཀྱི་རེད། ཁོ་སློབ་ གྲྭ་ཐོན་མ་ཐག་གཞན་ཞིག་གི་བསླུ་བྲིད་བྱས་པ་དེ་གཅིག་པུ་ཡིན་གྱི་མ་རེད་སྙམ་གྱི་འདུག ས་བོན་འདྲ་པོ་དེའི་ 170

དཔལ་ལྡན་ཚོགས་གཙོ་མཆོག་གི་གསུང་བཤད།

སྐབས་ནས་ཡོད་ཀྱི་རེད་སྙམ་གྱི་འདུག དེ་ཡིན་དུས་སློབ་ཕྲུག་ནང་ཁུལ་དུ་ནམ་རྒྱུན་དུ་སློབ་ཕྲུག་ཁྱད་མཚར་

པོ་བྱེད་སྟངས་དང་ཀུན་སྤྱོད་མི་འདྲ་བ་ཞིག་ཡོད་པ་ཡིན་ན། དེ་ཚོའི་གྲས་དེ་དག་ལ་དོ་སྣང་བྱེད་དགོས་པ་དེ་

གལ་ཆེན་པོ་རེད། དེ་སྔ་བདེ་སྲུང་གི་དྲུང་ཆེ་ཞིག་གི་སློབ་ཕྲུག་ཚོ་ལ་ཟབ་སྦྱོང་སྤྲོད་པའི་སྐབས་སུ་ལབ་པ་ཞིག་ ཡོད་པ་རེད། ང་ལ་མིག་གཉིས་དང་ལག་པ་གཉིས་མ་གཏོགས་ཡོད་པ་མ་རེད། གལ་སྲིད་ཁྱེད་རང་ཚོའི་མིག་ ང་ལ་གཡར་བ་ཡིན་ན་མིག་སྟོང་ཕྲག་ག་ཚོད་ཙམ་ཆགས་ཀྱི་རེད་དམ། ཞེས་པ་འདྲ་པོ་ཞིག་རེད། དེར་བརྟེན་

སློབ་ཕྲུག་ཚོའི་ངོས་ནས་ཡིན་ནའང་སྤྱི་ཚོགས་ཀྱི་ནང་དུ་གང་དང་གང་ཡོང་གི་ཡོད་མེད་དང་གང་ཆགས་ཀྱི་ ཡོད་མེད་དེ་ཚོའི་ཐོག་ལ་དོ་སྣང་དང་གཟབ་གཟབ་བྱས་ཏེ་ཕྲན་བུའི་མི་མཐུན་པ་འདྲ་པོ་ཡོང་གི་འདུག་ན། དེར་

དོགས་པ་བྱེད་དགོས་ས་ཞིག་རེད་སྙམ་པ་འདྲ་བྱུང་ན། དེ་ཁུངས་སོ་སོ་སོ་སོར་ལབ་པ་ཡིན་ན། དེས་དེའི་ སྐབས་སུ་ཕན་ཐོགས་ཀྱི་རེད། དེ་ཡིན་དུས་གནས་ཚུལ་གོ་བ་དང་མཐོང་བ་དེ་དག་ཚང་མར་མི་མང་གི་ངོས་

ནས་ཀྱང་འབད་བརྩོན་བྱེད་དགོས་པའི་ཐབས་ལམ་དེ་འདྲ་ཏན་ཏན་ཡོད་པ་རེད་སྙམ་གྱི་འདུག ཕལ་ཆེར་དྲིས་ ལན་དེ་འདི་དག་གི་ནང་དུ་བསྡུས་པ་ཡོད་སྙམ་གྱི་འདུག གཞན་པ་ཡོད་དམ།

དྲི་བ། དང་པོ། ངའི་དྲི་བ་དེ། གང་དང་འབྲེལ་བ་ཆགས་ཀྱི་འདུག་ཅེ་ན། ད་ལྟ་ཚོགས་གཙོ་མཆོག་གི་

གསུངས་པ་ལྟར་སན་ཕན་སི་སི་ཀོ་རུ་གནས་ཚུལ་བྱུང་བ་དེ་དང་འབྲེལ་བ་ཆགས་འདུག ཕ་གིར་དབྱིན་ཇིའི་

བཙུན་མ་གཉིས་ཀྱིས་༸གོང་ས་མཆོག་མར་ཕེབས་པའི་སྐབས་སུ་ཉེ་འགྲམ་ལ་བཅར་ཏེ་༸གོང་ས་མཆོག་གི་ བཀའ་སློབ་གང་གནང་བ་དེ་རྫུན་མ་རེད། བཀའ་སློབ་གནང་རྒྱུ་དེ་མཚམས་འཇོག་གནང་རོགས་ཞུས་འདུག

སྐབས་དེར་ཁོང་ཚོའི་ལག་ཏུ་མཚོན་ཆ་དང་རྫས་ཀྱི་རིགས་གང་ཡང་འཁྱེར་མི་འདུག གལ་སྲིད་འཁྱེར་ཡོད་པ་

ཡིན་ན་གནས་ཚུལ་དེ་འཇིགས་སྣང་ཆེན་པོ་ཡོང་རྒྱུའི་ཉེན་ཁ་ཆེན་པོ་འདུག དེའི་ཐོག་ནས་ངས་ག་རེ་མཐོང་གི་ འདུག་ཅེ་ན། ཕ་གིར་ཚོགས་པ་ཞིག་ཡོད་པ་རེད། བདེ་འཇགས་སྲུང་སྐྱོབ་བྱེད་མཁན་དེ་ཡག་པོ་ཞིག་བཞག་མི་

འདུག སྔོན་མའི་བཀའ་ཤག་ལ་ཆ་མཚོན་ན་ཁ་ཐུག་གི་འགན་ཁུར་བ་དེ་ལ་ཉེས་པ་གཏོང་རྒྱུའི་ལུགས་སྲོལ་འདྲ་ པོ་ཞིག་འདུག ད་ལྟའི་ཆར་གནས་ཚུལ་བྱུང་བ་དེར་ཕར་ཉེས་པ་འདྲ་པོ་བཏང་བའི་གནས་ཚུལ་མི་འདུག དེར་རྒྱུ་ མཚན་འདྲ་པོ་ཡོད་པ་རེད་དམ།

171

དཔལ་ལྡན་ཚོགས་གཙོ་མཆོག་གི་གསུང་བཤད།

གཉིས་པ། ང་ལ་དྲི་བ་གཉིས་ཡོད། དང་པོ་ནི། དོལ་རྒྱལ་ཚོགས་པ་བ་ཚོས་སྐད་འཕྲིན་དེ་ཚོའི་ནང་

ལ་གང་བཤད་ཀྱི་འདུག་བརྗོད་ན། ཁོང་ཚོར་ཆོས་ལུགས་ཀྱི་རང་དབང་སྤྲོད་ཀྱི་མི་འདུག དེ་བཞིན་བོད་པའི་ སྤྱི་ཚོགས་ནང་ནས་མར་ཕུད་ཀྱི་ཡོད་པ་རེད། གལ་སྲིད་དེ་འདྲ་ཡིན་ན་བོད་གཞུང་གི་ཡིག་ཆའི་ནང་དུ་དེ་འདྲ་

བྲིས་ཡོད་པ་རེད་དམ། གལ་སྲིད་བྲིས་ཡོད་པ་ཡིན་ན་ཤ་ཁྲག་གཅིག་པའི་མི་རིགས་གཅིག་ཆགས་ཡོད་དུས། ཁོང་ཚོ་ག་རེ་བྱས་ནས་མར་ཕུད་ཀྱི་ཡོད་པ་རེད་དམ་ཞེས་ཞུ་རྒྱུ་གཅིག་ཡིན།

དྲི་བ་གཉིས་པ་ནི། བོད་གཞུང་གིས་ཁོ་ཚོར་ང་ཚོའི་ཆབ་སྲིད་ཀྱི་ཆ་རྐྱེན་མང་པོ་ཞིག་སྤྲོད་ཀྱི་འདུག དེ་ལ་

མ་འོངས་པ་ཁོང་ཚོ་དང་མཉམ་དུ་འཆམ་མཐུན་བྱ་རྒྱུའི་ཁ་ཕྱོགས་དང་ལས་གཞི་གསར་པ་འདྲ་ཨེ་ཡོད་དམ་ཞེས་ ཞུ་རྒྱུ་ཡིན།

གསུམ་པ། ངའི་དྲི་བ་དེ་གང་ཡིན་ཞུ་ན་ཕྱི་ལོ་ ༢༠༡༠ ཙམ་ལ་དོལ་རྒྱལ་ཚོགས་པ་ཤུགས་ཆེ་རུ་འགྲོ་གི་

ཡོད་པའི་རྣམ་པ་འདྲ་པོ་ཚོར་གྱི་འདུག དེ་འདྲ་ཡིན་དུས་གལ་སྲིད་མ་འོངས་པར་ཁོང་ཚོ་ང་ཚོའི་སྤྱི་འཐུས་ཀྱི་

ནང་དུ་རྐུབ་སྟེགས་འདྲ་པོ་ཞིག་སློང་ནས་ལངས་པ་ཡིན་ན་མི་སྲིད་པ་མ་རེད། རྒྱ་ནག་གི་རྒྱབ་སྐྱོར་ཤུགས་ཆེ་ རུ་ཕྱིན་ནས་དེ་འདྲ་ཆགས་པ་ཡིན་ན་མ་འོངས་པར་ང་ཚོས་འཆར་གཞི་གང་འདྲ་འདྲ་ཞིག་འདིང་རྒྱུ་ཡིན་ནམ།

བཞི་པ། ང་ལ་དྲི་བ་གཉིས་ཡོད། དེ་ནི་ག་དུས་ཡིན་རུང་རང་ཉིད་ཀྱི་སེམས་ཀྱི་ནང་དུ་ཤར་གྱི་འདུག

སྐབས་རེ ར ་དོ ག ས་པ་ཤར་བ་དེ་དྲི་བ་བཏང་ན་གང་འདྲ་ཆགས་ཀྱི་ཡོད་དམ་སྙམ་ནས་དྲི་བ་བཀོད་ཐུབ་མ་ སོང་། དེ་རིང་གི་བརྗོད་གཞི་དང་འབྲེལ་བ་ཡོད་སྟབས་དྲི་བ་དེ་ཐད་ཀར་བཀོད་ཀྱི་ཡིན། གོང་དུ་ཚོགས་གཙོ་ མཆོག་གིས་ཞལ་ཐག་ཆོད་པོའི་ཐོག་ནས་གང་གསུངས་སོང་ཞེ་ན། ཚོགས་པ་འདིའི་ནང་ལ་དོལ་རྒྱལ་སྟེན་

མཁན་ཡོད་པ་མ་རེད་གསུངས་སོང་། ཡིན་ནའང་ངར་དེའི་ཐད་དོགས་པ་ཡོད། དོགས་པ་ཡོད་དོན་ནི། བོད་ ནས་སླེབས་པ་ཡིན་ནའང་རེད་སློབ་གྲྭ་ཁག་ལ་སློབ་ཕྲུག་སུ་ཞིག་གཏོང་སྐབས་སུ་དོལ་རྒྱལ་སྟེན་གྱི་ཡོད་མེད་ དང་འབྲེལ་བ་ཡོད་མེད་ཐད་ལ་དྲི་བ་མ་དྲིས་པར། སློབ་གྲྭ་གང་དང་གང་ལ་གཏོང་དགོས་ཀྱང་དེར་ཤར་རེར་

གཏོང་བ་ལས། གདན་ས་ཁག་གི་སྒྲིག་གཞི་ལྟ་བུ་སློབ་གྲྭ་ཁག་ལ་ཡོད་པ་མ་རེད། དེ་མེད་པའི་རྐྱེན་གྱིས་ཉེ་ ཆར་གྱི་གནས་ཚུལ་དེ་བྱུང་བ་རེད་སྙམ། སླད་མར་དགོན་སྡེ་ཁག་གཅིག་པུ་མ་ཡིན་པར་སློབ་གྲྭ་ཁག་དང་ 172

དཔལ་ལྡན་ཚོགས་གཙོ་མཆོག་གི་གསུང་བཤད།

ཚོགས་པ་གཞན་པ་དེ་ཚོས་དོལ་རྒྱལ་སྟེན་གྱི་མེད་པའི་ཁ་གསལ་དགོས་པར་གཞུང་གི་ངོས་ནས་ཐབས་ལམ་ གང་ཞིག་ཡོད་མེད་དང་།

དྲི་བ་གཞན་དེ་ང་ཚོ་ཚང་མས་ཤེས་གསལ་རེད། ཕྱི་ལོ་ ༡༩༤༩ ལོར་དབྱིན་ཇིས་རྒྱ་གར་ལ་རང་

བཙན་སྤྲད་པ་ལྟར་རྒྱ་གར་དང་པ་ཀི་སི་ཐན་གཉིས་ཁ་བྲལ་དུ་ཕྱིན་ཡོད་པ་རེད། དེ་ཡང་ཆོས་ལུགས་ཀྱི་ཐོག་

ནས་རེད། ག་དུས་ཡིན་རུང་ངའི་སེམས་པར་གང་དྲན་གྱི་འདུག་ཅེ་ན། གལ་སྲིད་བོད་ཀྱི་བདེན་མཐའ་མ་

གསལ་བར་དུ་དོལ་རྒྱལ་གྱི་དཀའ་རྙོག་དེ་སེལ་མ་ཐུབ་པ་ཡིན་ན། བོད་དེ་དུམ་བུ་གཉིས་སུ་འགྲོ་གི་རེད་དམ་ མ་རེད་ཅེས་ཞུ་རྒྱུ་ཡིན།

ལན། སན་ཕན་རན་སི་སི་ཀོ་རུ་དོན་རྐྱེན་དེ་བྱུང་བའི་རྗེས་སུ་ཨ་རིའི་ནང་དུ་ཡོད་པའི་བོད་པ་མང་པོ་

ཞིག་ལ་ཧ་ཅང་གི་སེམས་འཚབ་བྱུང་ནས་རྡ་རམ་ས་ལར་ཡང་ཁ་པར་གཏོང་མཁན་མང་པོ་བྱུང་བ་རེད་ལ་དེ་

བཞིན་ས་གནས་ཕྱོགས་བཞུགས་སྤྱི་འཐུས་ཚོར་ཡང་འབྲེལ་བ་བྱེད་མཁན་མང་པོ་ཞིག་བྱུང་འདུག དེའི་སྐབས་

སུ་འབྲེལ་ཡོད་ཀྱི་ལས་བྱེད་ཚོར་ཞིབ་འཇུག་བྱེད་དགོས་ཀྱི་འདུག་ཟེར་མཁན་བཅས་གནས་ཚུལ་མང་པོ་ཞིག་ བྱུང་བ་རེད། ཡིན་ནའང་གནས་ཚུལ་དེའི་ཐད་བཀའ་ཤག་གིས་གྲོས་ཚོགས་ཀྱི་ནང་དུ་འགྲེལ་བཤད་གནང་བར།

བཙུན་མ་གཉིས་པོ་དེ་༸སྐྱབས་མགོན་རིན་པོ་ཆེ་བཞུགས་སའི་མགྲོན་ཁང་དེ་ག་རང་གི་ནང་དུ་ཡོད་པ་དང་།

དེར་ཡོད་ Lobby དུས་ཚོམས་ཀྱི་ནང་དུ་སྡོད་ཆོག་གི་མ་རེད་ཅེས་པའི་གནས་སྟངས་དེ་ཡོད་པ་མ་རེད། དངོས་

གནས་བྱས་ན་དེའི་རྗེས་སུ་ཀྲོ་རོང་ཀྲོ་རུ་བཞུགས་མཁན་ཐེ་བོ་རིན་པོ་ཆེ་ཞུ་མཁན་ཞིག་ཡོད་པ་རེད། ཁོང་གིས་ ཀྱང་ཕྱག་བྲིས་ཤིག་གནང་སོང་། སྐབས་དེར་ཁོང་རང་ཉིད་ཡོད། སྐབས་དེར་བཙུན་མ་གཉིས་དེ་ཕ་གིར་བསྡད་

འདུག་པས་རྩ་བ་ནས་བློ་བདེ་པོ་བྱུང་མ་སོང་། ཕ་གིའི་ས་གནས་ཀྱི་སྲུང་སྐྱོབ་བྱེད་མཁན་དེ་དག་ལ་བརྗོད་

དུས་སྔོན་ལ་ཁྱེད་རང་ཕར་རྒྱུགས་ཞེས་བཤད་བྱུང་། རྗེས་སུ་ཁོང་ལ་དོགས་པ་བྱུང་བ་ལྟར་བྱུང་སོང་ཞེས་པའི་ གནས་ཚུལ་དེ་འདྲ་ཡང་ཡོང་གི་འདུག ཡིན་ནའང་༸རྒྱལ་བ་རིན་པོ་ཆེའི་མཛད་འཕྲིན་ནི་རླབས་ཆེན་རེད། ས་ ཆ་གཅིག་ནས་གཅིག་ཏུ་མང་པོ་ཕེབས་དགོས་ཀྱི་ཡོད་དུས། ད་ལྟའི་འཛིན་སྐྱོང་གི་ངོས་ནས་ལན་འདེབས་བྱེད་

སྟངས་ལ་བལྟས་པ་ཡིན་ན། དེ་ལ་དམིགས་སུ་བཀར་ནས་ལས་བྱེད་གཅིག་དང་གཉིས་ཀྱི་འགྲིག་དང་མ་འགྲིག་ གི་གནས་སྟངས་ལ་ཞིབ་འཇུག་བྱེད་དགོས་ཀྱི་མེད་པའི་རྣམ་པ་ཞིག་མཐོང་གི་འདུག་ལ་གཞན་གྱིས་བསམ་ཚུལ་ 173

དཔལ་ལྡན་ཚོགས་གཙོ་མཆོག་གི་གསུང་བཤད།

དེ་འདྲ་ཡང་ཡོད་མི་སྲིད་པ་མ་རེད། ཡིན་ནའང་གྲོས་ཚོགས་ཀྱི་ནང་དུ་གྲོས་ཆོད་གང་ཞིག་བཞག་ཡོད་པ་རེད་ཅེ་ ན། སན་ཕ་རན་སི་སི་ཀོ་རུ་བྱུང་བའི་གནས་ཚུལ་དང་འབྲེལ་བའི་ཐོག་ནས་གནས་ཚུལ་དོལ་རྒྱལ་རྗེས་འབྲང་ པའི་བྱ་སྤྱོད་དོན་རྐྱེན་གྱི་འབྱུང་རྩ་གང་ཡིན་མིན་དེ་འཛིན་སྐྱོང་བཀའ་ཤག་གིས་ཞིབ་འཇུག་མཐིལ་ཕྱིན་པ་བྱས་ ནས། མ་འོངས་པར་དེ་འདྲ་མི་ཡོང་བ་བྱེད་དགོས་ཀྱི་རེད་ཅེས་པའི་གྲོས་ཆོད་བཞག་ཡོད་སྟབས་འཛིན་སྐྱོང་

བཀའ་ཤག་ནས་ཀྱང་གྲོས་ཆོད་དེའི་དགོངས་དོན་ཕ་གིའི་འབྱུང་རྩ་དེ་ག་རེ་ཆགས་ཡོད་པ་དང་། མ་འོངས་པར་དེ་ རིགས་དེ་མི་འབྱུང་རྒྱུར་གང་དང་གང་གནང་དགོས་མིན་གྱི་འགན་ཆེན་པོ་ཞིག་ཡོད་པའི་ཆ་ནས་གནང་གི་རེད་

སྙམ་གྱི་འདུག དེའི་རྒྱུ་མཚན་ལ་བརྟེན་ནས་མི་འདིས་ནོར་བ་རེད། ཡང་ན་སྒྲིག་འཛུགས་འདིས་ནོར་བ་རེད། རྒྱུ་ མཚན་དེ་ལ་བརྟེན་ནས་དེ་ལ་ཉེས་པ་འདི་གཏོང་དགོས་པ་རེད་ཅེས་པའི་གནས་ཚུལ་ཆགས་ཐུབ་ཡོད་པ་མ་རེད་

ཅེས་ཞུ་རྒྱུ་ཞིག་དང་། དེ་ནས་ཆོས་དད་རང་དབང་མི་འདུག་བོད་པའི་སྤྱི་ཚོགས་ནས་ཕུད་ཀྱི་འདུག་ཅེས་པ་དེར། གོང་དུ་ཞུས་པ་དེ་རང་རེད། སྤྱི་ཚོགས་ནས་ཕུད་པ་རེད་ཅེས་དོལ་རྒྱལ་སྟེན་མཁན་ཚོས་བརྗོད་ཀྱི་ཡོད་པ་རེད།

ཡིན་ནའང་སུ་དང་སུ་ཕུད་པ་རེད་དམ་ཞེ་ན། དེ་བརྗོད་ཐུབ་ཀྱི་ཡོད་པ་མ་རེད། གང་ཡིན་ཞེ་ན། དཔང་

རྟགས་ཡོད་པ་མ་རེད། དོལ་རྒྱལ་སྟེན་མཁན་ཚོས་ལོ་རྒྱུས་ཡིན་ནའང་བདེན་པ་ར་འཕྲོད་ཀྱི་མེད་སྟབས་རྫུན་

གཏམ་གྱིས་ལོ་རྒྱུས་བཟོས་ཡོང་གི་ཡོད་པ་རེད། སྤྱི་ཚོགས་ཀྱི་གནས་ཚུལ་ཞིག་ཡིན་ནའང་མ་བྱས་པ་ཞིག་

བྱས་སོང་ཞེས་བར་སྐབས་ཤིག་ལ་གནས་ཚུལ་བཟོ་རྒྱུའི་ཆེད་དུ་དོལ་རྒྱལ་སྟེན་མཁན་དེ་ཚོས་སྦེལ་ཀོབ་ཏུ་

བརྙན་འཕྲིན་པར་ལེན་གྱི་འཕྲུལ་ཆས་འཁྱེར་ཏེ་དཔང་རྟགས་འཚོལ་ཞིབ་ཀྱིས་ལས་ཀ་དེ་འདྲ་བཟོ་རྒྱུའི་ཐབས་ ཤེས་མང་པོ་ཞིག་བྱས་པ་རེད་ཀྱང་། ད་ལྟ་ཁྱེད་རང་གིས་དྲི་བ་དྲིས་པ་རེད། དྲི་བ་དེ་ང་ཚོས་དོལ་རྒྱལ་སྟེན་མཁན་ ཚོར་ཕར་དྲི་དགོས་པ་ཞིག་རེ​ེད། ང་ཚོས་སྤྱི་ཚོགས་ནས་སུ་ཕུད་སོང་ངམ། དེ་དང་འདི་ཟེར་བ་གཞིས་ཆགས་

དང་གྲོང་སྡེ། ཁང་ཨང་། མིའི་མིང་དང་བཅས་པ་དུས་ཚོད་འདི་འདྲ་ཞིག་གི་ཐོག་ལ་ཕུད་སོང་ཞེས་པ་བཤད་ཀྱི་ ཡོད་པ་ཡིན་ན། དེར་ང་ཚོས་ལན་འདེབས་བྱེད་ཆོག་གི་རེད། དེ་འདྲ་ཞིབ་འཇུག་བྱས་ཀྱང་རྙེད་ཀྱི་ཡོད་པ་མ་རེད། ད་ཆ་ཧོན་སུར་དུ་དོལ་རྒྱལ་སྟེན་མཁན་ཁག་གཅིག་གིས་སོ་སོ་རང་ཉིད་ཀྱིས་ཐག་བཅད་དེ། ད་ལྟ་ཡིན་ནའང་ཁོ་

རང་ཚོའི་མིང་གི་ཐོག་ལ་ཡོད་པ་རེད་མ་གཏོགས། གཞན་སུ་གཅིག་གིས་འཕྲོག་ཡོད་པ་མ་རེད། དེ་བཞིན་ཤིས་

ལོངས་ལ་ཕྱིན་པ་དེ་དག་ཀྱང་སོ་སོ་རང་ཉིད་ཀྱིས་ཐག་བཅད་དེ་ཕྱིན་པ་རེད་མ་གཏོགས། དེ་དག་ང་ཚོས་ཕུད་པ་

རེད་ཅེས་བརྗོད་ཤེས་ཀྱི་མ་རེད། དེ་ཡིན་དུས་གནས་ཚུལ་དེ་དག་ང་ཚོས་ཕར་སྐད་ཆ་དྲི་རྒྱུ་རེད་མ་གཏོགས་ང་ 174

དཔལ་ལྡན་ཚོགས་གཙོ་མཆོག་གི་གསུང་བཤད།

ཚོར་ཚུར་དྲི་དགོས་པའི་གནས་སྟངས་གང་ཡང་ཆགས་ཀྱི་ཡོད་པ་མ་རེད། ང་ཚོར་ཞིབ་འཇུག་བྱེད་པའི་སྐབས་ སུ་གང་ཡང་ཐོན་གྱི་ཡོད་པ་མ་རེད། དེ་ཡིན་དུས་ང་ཚོས་ལས་གཞི་གསར་པ་རྩོམ་དགོས་པའི་གནས་སྟངས་གང་ ཡང་ཆགས་ཀྱི་ཡོད་པ་མ་རེད།

དོལ་རྒྱལ་བསྟེན་མཁན་གྱི་གནས་ཚུལ་དེ་དག ཕྱི་ལོ་ ༢༠༡༠ ནས་བཟུང་ཤུགས་ཆེ་བ་འདྲ་པོ་མཐོང་

སོང་ཞེས་པ་དེར། ཤུགས་ཆེ་ཤོས་འདྲ་པོ་མི་གསོད་ཁྲག་སྦྱོར་བྱ་རྒྱུ་མང་ཆེ་བ་ཕྱི་ལོ་ ༡༩༩༦ ཙམ་ལ་བྱུང་ བ་རེད། རྗེས་སུ་ཤུགས་ཆེ་རུ་ཕྱིན་པ་ཟེར་བ་དེ། མང་པོ་ཞིག་རྒྱ་གཞུང་གི་དངུལ་དང་དངོས་པོ་སྤྲོད་ཀྱི་ཡོད་ པ་ཡིན་སྟབས། གངས་ཅན་བླ་མ་ཟེར་བ་ལྟ་བུ་དང་། དགེ་བཤེས་སྐལ་བཟང་ཟེར་བ་ལྟ་བུའི་གྲས་ཀྱིས་ཆོས་

ཚོགས་གསར་པ་མང་པོ་འཛུགས་ཀྱི་ཡོད་པ་རེད། ང་ཚོའི་དགེ་ལུགས་ཀྱི་ཆོས་ཚོགས་ཡོད་ས་ཞིག་གི་འཁྲིས་ སུ་ཡང་ཁོང་ཚོས་ཀྱང་འཛུགས་རྒྱུའི་ཐབས་ཤེས་བྱས་པ་དང་། དེ་བཞིན་ཉེ་བའི་ཆར་གོ་བར་སི་ཕན་དང་ཕོ་ཊོ་

ཀོལ་དེ་དག་ཏུའང་ཆོས་ཚོགས་ཧ་ཅང་གི་ཆེན་པོ་དེ་འདྲ་འཛུགས་ཀྱི་ཡོད་པ་རེད། དེར་འགྲོ་སོང་ཕངས་མེད་ བཏང་སྟེ་ཁང་པ་ཆེན་པོ་དེ་འདྲ་ཉོ་བའམ། ཡང་ན་ཁང་པ་ཆེན་པོ་དེ་འདྲ་བརྒྱབ། དགེ་ཕྲུག་ནི་མགོ་སེར་པོ་བོད་

པའི་ཆོས་དང་ནང་པའི་ཆོས་ལ་རྩ་བ་ཉིད་ནས་ཤེས་རྟོགས་གང་ཡང་མེད་མཁན་ལ་ཆོས་བཤད། དེ་ཡང་རིན་

མེད། ཆོས་ཚོགས་གཞན་ཚོར་ཡིན་ན་ང་ཚོའི་བླ་མ་དང་དགེ་བཤེས་ཚོ་ཕེབས་ཏེ་ཆོས་འཆད་ཀྱི་ཡོད་པ་རེད། དེ་སྒྱུར་མཁན་ཡོད་པ་རེད། ཡིན་ནའང་བླ་མ་ལ་ཆོས་ཚོགས་ཀྱི་ནང་དབང་ཆ་ཆེན་པོ་ཡོད་པ་མ་རེད། དེའི་

ཆོས་ཚོགས་འཛིན་མཁན་ཚོར་རང་ཉིད་ཀྱིས་ཡུལ་མི་འགན་འཛིན་ལྷན་ཚོགས་དེ་འདྲ་བཙུགས་ཏེ་དེ་འདྲ་བྱེད་ ཀྱི་ཡོད་དུས། སོ་སོའི་འཛིན་སྐྱོང་གི་འགྲོ་སོང་གཏོང་དགོས་ཀྱི་ཡོད་དུས་ཆོས་འཆད་སྐབས་ཉན་མཁན་ཚོས་

ཚོགས་ཁང་གི་གླ་ལ་སོགས་པ་དངུལ་ཕྲ་ལ་ཕྲན་བུ་སྤྲོད་དགོས་པའི་གནས་ཚུལ་ཡོང་གི་ཡོད་པ་རེད། ཡིན་ ནའང་དོལ་རྒྱལ་སྟེན་མཁན་གྱི་ཆོས་ཚོགས་དེ་ཚོའི་ནང་དུ་གླ་ཆ་ཅི་ཡང་སྤྲོད་མི་དགོས་པར་སློབ་ཁྲིད་བྱ་རྒྱུའི་

ཐབས་ཤེས་བྱེད་ཀྱི་ཡོད་པ་མང་པོ་ཞིག་ང་ཚོས་ཤེས་ཀྱི་ཡོད་པ་རེད། བོད་པ་ཧ་ཅང་གི་ཉུང་ཉུང་རེད། བོད་ པ་རང་ཧ་ཅང་གི་ཉུང་ཉུང་ཡིན་སྟབས་བོད་པ་ཚོས་དོལ་རྒྱལ་སྟེན་མཁན་དེ་དག་ཆོས་བརྒྱུད་མི་འདྲ་བ་གཞན་

ཞིག་ཏུ་ངོས་ལེན་བྱེད་ཀྱི་ཡོད་པ་མ་རེད། ས་སྐྱ་བའི་ནང་དུ་དོལ་རྒྱལ་སྟེན་མཁན་རྩ་བ་ཉིད་ནས་མེད་ཅེས་

༸གོང་མ་རིན་པོ་ཆེས་གསུངས་པ་ལྟར་རེད། རྙིང་མ་དང་བཀའ་བརྒྱུད་ཀྱི་ནང་དུ་དོལ་རྒྱལ་སྟེན་གྱི་ཡོད་པ་མ་

རེད། ད་ཆ་དགེ་ལུགས་པ་ཡིན་ཟེར་མཁན་གྱི་ནང་དུ་འགའ་ཤས་ཤིག་ལྷགས་པ་དེ་རེད། ད་ཆ་སེ་ར་སྨད་དང་ 175

དཔལ་ལྡན་ཚོགས་གཙོ་མཆོག་གི་གསུང་བཤད།

ཤར་རྩེ་ནས་ཁ་ཁ་བྱས་པ་དེ་ཚོའི་དགེ་ཕྲུག་གསར་པ་དེ་ཚོ་ཚང་མ་བལ་ཡུལ་དང་ཧི་མ་ལ་ཡའི་རི་རྒྱུད་ཀྱི་ཕྲུ་

གུ་ཆུང་ཆུང་དེ་འདྲ་ཕ་མས་བདག་པོ་རྒྱག་ཐུབ་དང་མི་ཐུབ་ཀྱི་གནས་སྟངས་དེ་འདྲའི་འོག་ནས་མར་ཁྲིད་ཡོང་ སྟེ་གསོ་སྐྱོང་གནང་གི་ཡོད་པ་རེད། རྗེས་སུ་ཚུར་མགོ་ལྕག་གཞུ་རྒྱུའི་ཉེན་ཁ་ཡོད་ཡོད་པ་རེད། ཁོ་རང་ཚུར་ ཕུང་རྒྱུའི་ཉེན་ཁ་དེ་ཡོད་ཡོད་པ་རེད། བོད་པ་རང་དེའི་ནང་དུ་ཡོད་པ་མ་རེད། རི་བོ་དགེ་ལྡན་པ་གཅིག་རེད་ མ་གཏོགས་དོལ་རྒྱལ་སྟེན་མཁན་ཞེས་ཆོས་བརྒྱུད་གཞན་ཞིག་ཆགས་རྒྱུ་ཡོད་པ་མ་རེད། ཆོས་བརྒྱུད་གཞན་

ཞིག་ཆགས་མི་སྲིད་པ་རེད། དེ་འདྲེ་སྟེན་མཁན་རེད། དེ་ཡིན་དུས་སྤྱི་འཐུས་ཀྱི་ནང་ལ་རྐུབ་སྟེགས་གསར་པ་

བཟོ་དགོས་པའི་གནས་སྟངས་ཀྱང་ཡོད་པ་མ་རེད། ཡིན་ནའང་མི་མང་གི་ངོས་ནས་༸རྒྱལ་བ་རིན་པོ་ཆེ་ཞལ་ མ་བཞུགས་ནའང་འདྲ་༸རྒྱལ་བ་རིན་པོ་ཆེའི་སྐུ་ཕྱྭ་ལ་གནོད་ནའང་འདྲ། བོད་ཀྱི་བསྟན་པ་ཆབ་སྲིད་ལ་གནོད་

ནའང་གནོད། ང་ཚོས་དོལ་རྒྱལ་སྟེན་མཁན་གྱི་མི་ཞིག་ལ་སྤྱི་འཐུས་ཀྱི་འོས་འཕེན་གྱི་ཡིན་ཞེས་བརྗོད་ཀྱི་ཡོད་ པ་ཡིན་ན། དེ་མི་མང་གི་འདོད་པ་རེད། དེའི་སྐབས་སུ་༸རྒྱལ་བ་རིན་པོ་ཆེས་ག་རེ་གནང་གི་རེད་ཅེ་ན། སྐབས་

དེར་༸རྒྱལ་བ་རིན་པོ་ཆེས་དགོངས་པ་བཞེས་ཀྱི་རེད། དེ་འདྲའི་དུས་ཚོད་ཅིག་མི་ཡོང་རྒྱུར་ང་ཚོས་བསམ་

བློ་གཏོང་དགོས་པ་རེད་མ་གཏོགས། དེ་འདྲ་ཡོང་རྒྱུའི་དུས་ཚོད་ཅིག་སླེབས་པ་ཡིན་ན་ང་ཚོ་ཚང་མའི་སྒྲུང་དེ་

རྫོགས་ཟིན་པ་རེད། སང་ཉིན་གནངས་ཉིན་ཁྱེད་རང་ཚོ་འདྲ་པོ་བྱས་ཏེ་འཛོམས་རྒྱུའི་གོ་སྐབས་ཀྱང་རག་གི་མ་ རེད། དེ་ཡིན་དུས་སྤྱི་འཐུས་ཀྱི་ནང་ལ་མི་མང་གི་དོལ་རྒྱལ་སྟེན་མཁན་ཡིན་པ་མ་ཤེས་པར་འོས་འཕངས་ཏེ་

ཁོ་ཡ་གིར་སླེབས་པ་ཡིན་ན་གང་ཤེས། མི་མང་གི་ཤེས་ཏེ་འོས་འཕེན་མཁན་དེ་འདྲ་ཕལ་ཆེར་ཁག་པོ་ཡིན་གྱི་ རེད་སྙམ་གྱི་འདུག གྲངས་འབོར་གྱི་ཆ་ནས་ཀྱང་ཉུང་ཤས་ཤིག་རེད་མ་གཏོགས་མང་པོ་ཡོད་པ་མ་རེད།

དེ་ནས་སློབ་གྲྭའི་ནང་ལ་ད་གིན་ངས་ཁྱེད་ཚོའི་ནང་ལ་ཡོད་པ་མ་རེད་ཅེས་བཤད་སོང་ངམ། གཅིག་

བྱས་ན་ངས་རྟག་མཐའ་དང་ཆད་མཐའ་གཉིས་མ་ཡིན་པའི་ཐག་བཅད་པ་ཡིན་གྱི་རེད། ཡོད་ཤས་ཆེ་དེ་ངས་

བརྗོད་ཐུབ་ཀྱི་མ་རེད། ང་ལ་མངོན་ཤེས་ནི་མེད། ཡིན་ནའང་རེ་བར་ད་ཆ་ཁྱེད་ཚོ་ཆ་ཚང་སློབ་ཕྲུག་ཡིན་པ་

དང་། དེ་ཡང་༸རྒྱལ་བ་རིན་པོ་ཆེའི་ཐུགས་རྗེ་བཀའ་དྲིན་གྱི་འོག་ནས་གསོ་སྐྱོང་བྱས་ཏེ་ད་ཆ་གྱོན་རྒྱུ་དང་ བཟའ་རྒྱུ། བཏུང་རྒྱུ་ཡིན་ནའང་རེད། ཕྲན་བུའི་འཚོ་བ་བདེ་བདེ་ལྷོད་ལྷོད་ངང་འཚོ་བ་སྐྱེལ་རྒྱུ་ཡོད་པ་དེ།

༸རྒྱལ་བ་རིན་པོ་ཆེ་དང་བོད་མིའི་སྒྲིག་འཛུགས་ཀྱི་ཐུགས་རྗེ་བཀའ་དྲིན་ལ་བརྟེན་ནས་བསྡད་ཡོད་དུས། དེ་ འདྲ་ཞིག་གིས་སྟེན་ཨེ་ཡོང་ངམ་སྙམ་སྟེ་གོང་དུ་དེ་བཤད་པ་རེད། མ་འོངས་པར་སློབ་ཕྲུག་གི་ནང་ལ་དབྱེ་བ་ 176

དཔལ་ལྡན་ཚོགས་གཙོ་མཆོག་གི་གསུང་བཤད།

འབྱེད་རྒྱུའི་ལམ་གསར་པ་དེ་འདྲ་ག་རེ་བཟོ་རྒྱུ་ཡོད་མེད་ཅེས་པ་དེ་དག་ཞུ་ཐུབ་རྒྱུ་ཁག་པོ་རེད་སྙམ། ང་ཚོས་

སློབ་ཕྲུག་ཚོར་ལམ་སྟོན་ཞུ་རྒྱུ་དེ་ཚོ་ཞུ་དགོས་ཀྱི་རེད། དེ་མ་གཏོགས། ཁོ་དོལ་རྒྱལ་སྟེན་མཁན་རེད། དེ་རིང་ སློབ་གྲྭ་ནས་འབུད་ཀྱི་ཡིན་ཟེར་རྒྱུའི་བཟོ་འདྲ་པོ་བརྗོད་ཐུབ་ཀྱི་མ་རེད། དེ་ཡིན་དུས་དེ་གནས་ཚུལ་ཐ་དད་རེད། དེ་ཡིན་དུས་ཁྱེད་ཚོར་དོགས་པ་ཡོད་པའི་གནས་སྟངས་དེ་འདྲ་ཁྱེད་ཚོས་མཐོང་གི་ཡོད་པ་དང་། ཡང་དོགས་ པ་རྩ་བ་ནས་མེད་པ་ཞིག་ལ་ཡོད་པ་བཟོས་པ་ཡིན་ན། ཏག་ཏག་སྡོད་ཀྱི་ཡོད་པ་མ་རེད། ཡོད་པ་དེ་འདྲ་སོ་ སོས་ཤེས་ཀྱི་ཡོད་པ་ཡིན་ན། དེ་ལ་བསླབ་བྱ་བྱེད་དགོས་པ་དེ་ཚོ་བྱེད་དགོས་ཀྱི་རེད་སྙམ།

དེ་ནས་མ་འོངས་པར་དོལ་རྒྱལ་སྟེན་མཁན་མང་དུ་དང་ཤུགས་ཆེ་རུ་ཕྱིན་ནས་བོད་དུམ་བུ་གཉིས་སུ་

འགྲོ་གི་རེད་དམ་ཞེས་པ་དེར། དོལ་རྒྱལ་གྱི་རྒྱུ་མཚན་ལ་བརྟེན་ནས་བོད་དུམ་བུ་གཉིས་སུ་འགྲོ་དགོས་པའི་ གནས་སྟངས་གང་ཡང་ཡོད་པ་མ་རེད་སྙམ་གྱི་འདུག དོལ་རྒྱལ་གཅིག་པུ་མ་རེད། ང་ཚོའི་སྤྱི་ཚོགས་ཀྱི་ནང་དུ་ གནས་ཚུལ་མང་པོ་ཡོང་གི་མི་འདུག་གམ། བླ་མ་གཅིག་གྲོངས་པའི་རྗེས་སུ་བླ་མའི་ཡང་སྲིད་གཉིས་ཕེབས་པའི་

སྐབས་སུ་སྔོན་མའི་སྤུན་མཆེད་ཡིན་མཁན་དང་། ཕ་ཡུལ་གཅིག་པ་ཡིན་མཁན་གྱི་ནང་དུ་ཡང་སང་ཉིན་གནངས་ ཉིན་ནས་བཟའ་རེས་བཏུང་རེས་མེད་པའི་གནས་ཚུལ་དེ་འདྲ་ཆགས་ཡོང་གི་འདུག དེ་ཡིན་དུས་དོལ་རྒྱལ་གྱི་

གནས་ཚུལ་དང་འབྲེལ་བའི་ཐོག་ལ་ད་ལྟའི་བར་དུ་བཙན་བྱོལ་གྱི་ནང་དུ་ང་རང་ཚོ་གཙང་མ་ཆགས་དགོས་པ་དེ་ ཚོ་ཆགས་ཚར་བ་རེད་སྙམ། རྒྱ་གར་གྱི་ནང་དུ་ད་བར་དོལ་རྒྱལ་སྟེན་མཁན་ཚོས་ལས་འགུལ་ཤུགས་ཆེན་པོ་ སྤེལ་མ་ཐུབ་པའི་རྒྱུ་མཚན་དེ་ཡང་། གཙང་མ་ཆགས་པའི་རྒྱུ་མཚན་ལ་བརྟེན་ནས་རེད། ཕྱི་རྒྱལ་ལ་དངུལ་དང་ དངོས་པོའི་ཁེ་ཕན་ལ་བརྟེན་ནས་བྱེད་ཀྱི་ཡོད་དུས། ད་ལྟ་ཤུགས་ཆེན་པོའི་རྣམ་པ་འདྲ་པོ་མཐོང་གི་ཡོད་པ་རེད།

དཔེར་ན། དེ་རིང་ང་ལྟ་བུ་ཡིན་ན་ཤུགས་ཆེན་པོ་བཤད་དགོས་པའི་གནད་འགག་མཐོང་མ་སོང་། ཡིན་ནའང་བར་ ལམ་ཞིག་ནས་སྤྱི་ཚོགས་ཀྱི་དྲ་ལམ་དུ་དོལ་རྒྱལ་སྐོར་མང་པོ་ཞིག་ཕར་ཚུར་གཏོང་གི་འདུག་ཅེས་ལབ་ཀྱི་ཡོད་ དུས། གཞོན་སྐྱེས་ཚོའི་ནང་དུ་གནས་ཚུལ་མི་ཤེས་པ་ཡོད་པ་ཡིན་ན། ཕྲན་བུ་གསེད་བཀྲོལ་བྱས་པ་ཡིན་ན་ཕྲན་ བུ་ཕན་མི་ཡོང་ངམ་སྙམ། ཆ་ཚང་མ་རྟོགས་པ་ཡིན་རུང་དེ་རིང་ཚོགས་གཙོས་གང་བཤད་པ་དེ་བག་ཆགས་འདྲ་

པོ་བྱས་ཏེ་དེའི་སྒང་ལ་གནས་ཚུལ་གསར་པ་འདྲ་པོ་དགེ་བཤེས་དང་འདུལ་བ་འཛིན་པ་ཚོའི་དྲུང་ནས་གསན་པ་ ཡིན་ན། དེ་ལས་ལྷག་པ་མཁྱེན་ཐུབ་རྒྱུའི་གནས་ཚུལ་ཆགས་ཀྱི་ཡོད་པ་ཡིན་སྟབས་གོ་སྐབས་དེ་འདྲ་ཞིག་བྱས་ ཏེ་ཞུས་པ་རེད། ང་ཚོའི་ཆབ་སྲིད་ཀྱི་ཐོག་ནས་ཆབ་སྲིད་ཀྱི་འགན་འཁྱེར་མཁན་གྱི་ངོས་ནས་རེད། འཛིན་སྐྱོང་ 177

དཔལ་ལྡན་ཚོགས་གཙོ་མཆོག་གི་གསུང་བཤད།

གི་ངོས་ནས་རེད། གྲོས་ཚོགས་ཀྱི་ངོས་ནས་རེད། དེ་སྔོན་ཉིན་གང་པོར་གྲོས་ཚོགས་ཀྱི་ནང་དུ་གོ་བསྡུར་ཞུས་

པ་རེད། ཚང་མས་སྤྱི་མོས་ཀྱི་ཐོག་ནས་ཐག་བཅད་དེ་སོ་སོ་རང་ཉིད་ཀྱི་བསམ་ཚུལ་གང་བཤད་དགོས་པ་ཚང་ མ་བཤད་ཡོད་པ་རེད། དེ་ཡིན་དུས་དྲི་བ་མཐའ་མ་དེའི་ནང་ལ་དོལ་རྒྱལ་གྱི་རྒྱུ་མཚན་ལ་བརྟེན་ནས་བོད་དུམ་བུ་ གཉིས་ལ་འགྲོ་གི་རེད་དམ་མ་རེད་ཅེ་ན། དེ་རྩ་བ་ཉིད་ནས་འགྲོ་གི་མ་རེད་ཅེས་ཞུ་རྒྱུ་ཡིན། ཐུགས་རྗེ་ཆེ། །

178

དཔལ་ལྡན་སྲིད་སྐྱོང་མཆོག་གི་གསུང་བཤད།

དཔལ་ལྡན་སྲིད་སྐྱོང་མཁས་དབང་བློ་བཟང་སེང་གེ་མཆོག་ནས་དོལ་རྒྱལ་དང་འབྲེལ་ བའི་གསུང་བཤད་གནང་ཁག་ཕྱོགས་བསྒྲིགས་ཞུས་པ།

༡༽ དཔལ་ལྡན་སྲིད་སྐྱོང་མཁས་དབང་བློ་བཟང་སེང་གེ་མཆོག་ནས་ཕྱི་ལོ་ ༢༠༡༤ ཟླ་ ༣ ཚེས་ ༢ ཉིན་ཨ་

རིའི་མི་ནི་སོ་ཊའི་བོད་རིགས་སྤྱི་མཐུན་ཚོགས་པའི་གོ་སྒྲིག་འོག ༸གོང་ས་མཆོག་དབུ་བཞུགས་ཐོག་ལོ་གསར་ མཛད་སྒོའི་ཐོག་དང་། ༢༽ ཕྱི་ལོ་ ༢༠༡༤ ཟླ་ ༥ ཚེས་ ༩ ཉིན་ཕྱེད་ཡོལ་ཆུ་ཚོད་ ༡༢།༣༠ ཐོག་ཕྱི་དྲིལ་ལྷག་

པ་ཚེ་རིང་ཚོགས་ཁང་ནང་བོད་མིའི་གསར་འགོད་པ་ཁྱོན་མི་གྲངས་ ༢༠ བརྒལ་བའི་གསར་འགོད་ལྷན་ཚོགས་ ཐོག ༣༽ ཕྱི་ལོ་ ༢༠༡༤ ཟླ་ ༦ ཚེས་ ༦ ཉིན་རྡ་སྟེང་བོད་ཁྱིམ་ཚོགས་ཁང་ནང་མཐོ་སློབ་ཁག་གི་སློབ་ཕྲུག་

ཚོར་དབུ་མའི་ལམ་སྐོར་གསུང་བཤད་གནང་སྐབས། ༤༽ ཕྱི་ལོ་ ༢༠༡༤ ཟླ་ ༨ ཚེས་ ༡ ཉིན་སྲིད་སྐྱོང་གི་

མཛད་ཁུར་བཞེས་ཏེ་ལོ་གསུམ་འཁོར་བའི་དུས་ཚིགས་དང་སྟབས་བསྟུན་མཆོད་འབུལ་སྨོན་ལམ་ཐོག་གསུང་ 179

དཔལ་ལྡན་སྲིད་སྐྱོང་མཆོག་གི་གསུང་བཤད།

བཤད་གནང་སྐབས། ༥༽ ཕྱི་ལོ་ ༢༠༡༤ ཟླ་ ༨ ཚེས་ ༡༤ ཉིན་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་

རིག་གནས་སློབ་ཁང་གིས་སློབ་ཐོན་མཛད་སྒོར་གསུང་བཤད་གནང་སྐབས། ༦༽ ཕྱི་ལོ་ ༢༠༡༤ ཟླ་ ༨ ཚེས་

༡༧ ཉིན་ས་རཱ་མཐོ་སློབ་ལོ་ ༡༦ འཁོར་བའི་མཛད་སྒོའི་ཐོག་གསུང་བཤད་གནང་སྐབས། ༧༽ ཕྱི་ལོ་ ༢༠༡༤

ཟླ་ ༨ ཚེས་ ༢༥ ཉིན་ཇར་མན་ཁུལ་དུ་གནས་སྡོད་བོད་རིགས་ཚོར་གསུང་བཤད་གནང་སྐབས། ༨༽ ཕྱི་ལོ་

༢༠༡༤ ཟླ་ ༡༠ ཚེས་ ༩ ཉིན་ཀ་སྦུག་གཏན་སློབ་དབུ་བརྙེས་ནས་ལོ་ངོ་ ༥༠ འཁོར་བའི་དུས་དྲན་མཛད་སྒོའི་

ཐོག་གསུང་བཤད་གནང་སྐབས་བཅས་སུ་དོལ་རྒྱལ་དང་འབྲེལ་བའི་གནད་དོན་ཐོག་གསུང་བཤད་གནང་ཁག་ ཕྱོགས་བསྒྲིགས་ཞུས་པ་གཤམ་གསལ།

དོལ་རྒྱལ་དང་འབྲེལ་བའི་སྐོར་ཚིག་འགའ་ཤས་ཤིག་ཞུ་འདོད་བྱུང་། ཉེ་ཆར་སྤྱི་ནོར་༸གོང་ས་༸སྐྱབས་

མགོན་ཆེན་པོ་མཆོག་ཕྱི་རྒྱལ་རྒྱལ་ཁབ་ཁག་ལ་ཆིབས་སྒྱུར་བསྐྱངས་སྐབས་དོལ་རྒྱལ་རྗེས་འབྲང་པ་ཉུས་ཤས་ ཤིག་གིས་ངོ་རྒོལ་བྱེད་ཀྱི་ཡོད། མང་ཆེ་བ་ཕྱི་རྒྱལ་མི་རིགས་རེད། བོད་པ་ཉུང་ཤས་ལས་མེད། ཁོང་ཚོས་སྐྱོན་

འཛུགས་ཞུས་པའི་སྐད་ཆ་དེ་དག་ཚང་མར་གཞི་རྩ་མེད་པ་ཞིག་ཡིན་པ་ཚང་མས་མཁྱེན་དགོས་རྒྱུ་གལ་ཆེན་ པོ་རེད། མ་གཞི་ངས་ཆོས་ཕྱོགས་ཐོག་ཡག་པོ་ཤེས་ཀྱི་མེད་ཀྱང་། གཙོ་ཆེ་ཤོས་༸གོང་ས་༸སྐྱབས་མགོན་

ཆེན་པོ་མཆོག་ནི་འཛམ་གླིང་ནང་པ་ཡོངས་ཀྱིས་གུས་བཀུར་ལམ་སྟོན་ཞུ་ཡུལ་དང་། ཡོངས་རྫོགས་བསྟན་པའི་

མངའ་བདག་ཆེན་པོར་གྱུར་པ་སོགས་ཕྱོགས་དང་རིས་སུ་མ་ཆད་པའི་བསྟན་འགྲོའི་མཛད་པ་རྒྱ་ཆེར་བསྐྱངས་

དང་སྐྱོང་བཞིན་པའི་ཐོག སྔོན་བྱོན་རིས་མེད་སྐྱེས་ཆེན་ཚད་ཐུབ་དུ་མས་དམ་བསྒྲགས་མཛད་པ་དང་རྗེས་སུ་ མཐུན་པར་བསྟན་པ་དག་ཐེར་གྱི་མཛད་པ་ཁོ་ནར་དགོངས་ཏེ་དོལ་རྒྱལ་སྐོར་བླང་དོར་བཀའ་སློབ་གནང་ཡོད་

པར། བོད་བརྒྱུད་ནང་བསྟན་རྗེས་འབྲང་པ་ཡོངས་ཀྱིས་རྒྱུ་མཚན་ཤེས་པའི་སྒོ་ནས་སྤང་བླང་འཇུག་ལྡོག་མ་ནོར་ བ་ཞུས་དང་ཞུ་བཞིན་ཡོད་པར་ངས་དགའ་གུས་ཡིད་རངས་ཞུ་བཞིན་ཡོད།

འོན་ཀྱང་། དོལ་རྒྱལ་རྗེས་འབྲང་པ་ཉུང་ཤས་ཀྱིས་ག་རེ་ཤོད་ཀྱི་ཡོད་དམ་ཞེ་ན། “ང་ཚོ་དོལ་རྒྱལ་སྟེན་

མཁན་ཚོར་ཆོས་དད་རང་དབང་མི་འདུག ཆོས་བྱེད་ཆོག་གི་མི་འདུག་”ཅེས་ཁུངས་མེད་ཀྱི་སྐྱོན་འཛུགས་བྱེད་

ཀྱི་ཡོད། ༸གོང་ས་མཆོག་གིས། “དོལ་རྒྱལ་ནི་དྲེགས་པའི་ནང་ནས་ཀྱང་རྩོད་པ་ཅན་ཞིག་དང༌། ༸གོང་ས་ལྔ་ པ་ཆེན་པོས་སྨོན་ལམ་ལོག་པའི་དམ་སྲིར་བརྩིས་གནང་བ། ཕུར་ལྕོག་ངག་དབང་བྱམས་པ་དང༌། ཁྲི་ཆེན་ངག་

དབང་མཆོག་ལྡན། ཡོངས་འཛིན་ཡེ་ཤེས་རྒྱལ་མཚན། ཐུའུ་བཀྭན་ཆོས་ཀྱི་ཉི་མ་སོགས་མང་པོ་ཞིག་གིས་རྒྱལ་ འགོང་ལ་བརྩིས་གནང་བ། པཎ་ཆེན་བསྟན་པའི་དབང་ཕྱུག་གིས་ཧ་ཅང་གསལ་པོ་གསུངས་འདུག་”པ་སོགས་ 180

དཔལ་ལྡན་སྲིད་སྐྱོང་མཆོག་གི་གསུང་བཤད།

དོལ་རྒྱལ་བསྟེན་གསོལ་བྱས་ན་དགའ་ལྡན་ཕོ་བྲང་དང་མ་འགྲིགས་པ་དང་དཔལ་ལྡན་ལྷ་མོ་དང་འཁོན་གྱི་ཡོད་ པས། བོད་ཀྱི་རྒྱལ་བསྟན་སྤྱི་དང་བྱེ་བྲག་བོད་མིའི་ཆབ་སྲིད་ལ་གནོད་སྐྱོན་ཚབས་ཆེ་ཡོང་གི་ཡོད་སྟབས། ༸གོང་ས་མཆོག་ནས་དོལ་རྒྱལ་དང་འབྲེལ་བའི་ལམ་སྟོན་བཀའ་སློབ་བསྩལ་དང་སྩོལ་བཞིན་པ་དེ་དག་ནི་ནང་

པ་སངས་རྒྱས་པའི་ཆོས་པ་ཚོས་ཆོས་ཡང་དག་པ་གང་འདྲ་ཞིག་བྱ་དགོས་མིན་གྱི་བླང་དོར་བཀའ་སློབ་གནང་

བ་ཞིག་རེད། བླ་མ་དང་སློབ་མའི་དབར་གྱི་དམ་ཚིག་གཙང་མ་དགོས་ཀྱི་ཡོད་དུས། དོལ་རྒྱལ་བསྟེན་མཁན་ཚོ་ ༸གོང་ས་མཆོག་གི་གསུང་ཆོས་དང་བཀའ་དབང་ལ་མ་ཡོང་ཞེས་བཀའ་སློབ་ཕེབས་ཀྱི་ཡོད་པ་རེད་མ་གཏོགས་ ཆོས་དད་རང་དབང་དང་འབྲེལ་བ་རྩ་བ་ནས་མེད། དོན་དངོས་ཐོག་དོལ་རྒྱལ་རྗེས་འབྲང་པ་ཚོར་སེ་ར་དང་དགའ་ ལྡན་གཉིས་སུ་ཁང་ཚན་ཟུར་དུ་ཡོད་པ་མ་ཟད། ཕྱི་རྒྱལ་དང་རྒྱ་བལ་སོགས་བསྟི་གནས་འདྲ་མིན་ཡོད་པའི་ནང་

ག་རེ་བྱེད་ཀྱི་ཡོད་ནའང་དེར་བཀག་སྡོམ་བྱེད་མཁན་སུ་ཡང་མེད་ན། དོལ་རྒྱལ་རྗེས་འབྲང་པ་ཚོས་ཁ་ནས་ཆོས་

དད་རང་དབང་མི་འདུག་ཅེས་ཤོད་ཀྱི་ཡོད་ཀྱང་། དོན་དངོས་རྒྱ་ནག་གཞུང་གི་ཆབ་སྲིད་ཀྱི་བེད་སྤྱོད་འོག་ཚུད་ ནས་ཆབ་སྲིད་ཁོ་ནའི་ལས་འགུལ་སྤེལ་གྱི་ཡོད། དེར་བརྟེན་དོལ་རྒྱལ་རྗེས་འབྲང་པས་”ཆོས་དད་རང་དབང་དང་ ཆོས་བྱེད་ཆོག་གི་མི་འདུག་”ཟེར་བ་དེ་དག་གཞི་རྩ་མེད་པ་གསལ་པོ་རེད།

༸གོང་ས་༸སྐྱབས་མགོན་ཆེན་པོ་མཆོག་ནོར་ཝེ་ལ་ཆིབས་བསྒྱུར་བསྐྱངས་སྐབས་ནོར་ཝེ་ནང་ནོར་ཝེ་

མི་མང་ནས་༸གོང་ས་མཆོག་ལ་དགའ་བསུའི་ཕེབས་བསུ་གཟབ་རྒྱས་ཞུས་ཡོད། གསར་འགྱུར་བརྒྱུད་ལམ་

ཁག་ནས་༸གོང་ས་༸སྐྱབས་མགོན་ཆེན་པོ་མཆོག་ནོར་ཝེར་ཆིབས་སྒྱུར་བསྐྱངས་གནང་བར་དགའ་དད་སྤྲོ་ གསུམ་གྱིས་ཕེབས་བསུ་ཞུས་པའི་ཐོག་དམིགས་བསལ་གནད་དོན་གཅིག་ག་རེ་གསུངས་འདུག་ཅེ་ན། “རྒྱ་

ནག་གཞུང་གི་གནོན་ཤུགས་འོག་ནོར་ཝེའི་གཞུང་གི་གནད་ཡོད་མི་སྣ་ཚོས་༸གོང་ས་མཆོག་དང་མཇལ་འཕྲད་ མ་ཞུས་པ་དེ་ནི་རྩ་བ་ནས་མ་འགྲིག་པ་རེད།” ཅེས་གསར་འགྱུར་བརྒྱུད་ལམ་ཁག་ནས་མགྲིན་དབྱངས་གཅིག་ གྱུར་གྱིས་བརྗོད་འདུག མི་མང་ནས་ཀྱང་གཞུང་གི་གནད་ཡོད་མི་སྣས་མཇལ་འཕྲད་མ་ཞུས་པ་དེར་མོས་མཐུན་ མེད་པ་དང་༸གོང་ས་མཆོག་ནོར་ཝེར་ཆིབས་སྒྱུར་བསྐྱངས་པ་ནི་བཀའ་དྲིན་ཆེན་པོ་ཡིན་པའི་རྣམ་པ་ཤུགས་ ཆེ་བསྟན་ཡོད། འོན་ཀྱང་བློ་ཕམ་དགོས་པ་ཞིག་ལ། དོལ་རྒྱལ་རྗེས་འབྲང་པ་ལྔ་བཅུ་ལྷག་ཙམ་ཞིག་ཡོད་པ་ནས་

མང་ཆེ་བ་ཕྱི་རྒྱལ་མི་རིགས་ཆགས་འདུག ཁོང་ཚོས་གསར་འགྱུར་བརྒྱུད་ལམ་ཁག་ནང་”༸གོང་ས་མཆོག་

ནོར་ཝེར་ཆིབས་སྒྱུར་བསྐྱངས་སྐབས་ནོར་ཝེའི་གཞུང་གི་གནད་ཡོད་མི་སྣས་མཇལ་འཕྲད་མ་ཞུས་པ་དེར་རྒྱབ་ སྐྱོར་ཡོད།”

ཅེས་བརྗོད་འདུག་པ་དེ་ནི་བློ་ཕམ་དགོས་པའི་གནས་ཚུལ་ཡིན་པ་མ་ཟད། ཧ་ཅང་ཐབས་སྐྱོ་པོ་ 181

དཔལ་ལྡན་སྲིད་སྐྱོང་མཆོག་གི་གསུང་བཤད།

རེད། དོལ་རྒྱལ་བསྟེན་མཁན་ཚོས་ཆོས་དད་རང་དབང་དང་འགྲོ་བ་མིའི་ཐོབ་ཐང་ཁར་འཁྱེར་བ་ཙམ་ལས་ཆབ་ སྲིད་ཁོ་ན་འཁྲབ་བཞིན་ཡོད་པ་ཧ་ཅང་གསལ་པོ་ཆགས་ཡོད། རྒྱ་ནག་གཞུང་གིས་གནོན་ཤུགས་འོག་”ནོར་

ཝེའི་གཞུང་གི་གནད་ཡོད་མི་སྣས་༸གོང་ས་མཆོག་དང་མཇལ་འཕྲད་མ་ཞུས་པ་དེར་རྒྱབ་སྐྱོར་ཡོད།” ཅེས་

དོལ་རྒྱལ་བསྟེན་མཁན་ཞིག་གིས་ཤོད་སྐབས། རྒྱ་ནག་གཞུང་གིས་ཆབ་སྲིད་ཐོག་བེད་སྤྱོད་གཏོང་གི་ཡོད་པ་ཧ་ ཅང་གསལ་པོ་ཆགས་ཡོད། དེར་མཐའ་གཅིག་ཏུ་ངོ་རྒོལ་ཡོད་ཅེས་བཀའ་ཤག་གི་ཚབ་ཞུས་ཏེ་ཞུ་རྒྱུ་ཡིན། དེ་

ནས་དོལ་རྒྱལ་ཚོགས་པས་དུས་ད་ལྟ་བར་དུ་གླེང་སློང་བྱེད་བཞིན་པ་ནི། བཙན་བྱོལ་སྤྱི་ཚོགས་ནང་དོལ་རྒྱལ་ བསྟེན་མཁན་ཚོར་ཆོས་དད་རང་དབང་དང་འགྲོ་བ་མིའི་ཐོབ་ཐང་མེད་པ་མ་ཟད། སློབ་གྲྭ་དང་གཞིས་ཆགས་ཁག་ ནང་དབྱེ་འབྱེད་བྱེད་ཀྱི་ཡོད་པའི་གཞི་མེད་ཀྱི་སྐྱོན་འཛུགས་མང་དག་ཅིག་བྱེད་བཞིན་ཡོད། ཞིབ་ཚགས་ཐོག་

ནས་གཟིགས་ན། སྤྱིར་བཏང་དེའི་ཐོག་རྒྱ་གར་གྱི་འགྲོ་བ་མིའི་ཐོབ་ཐང་གི་བསྟི་གནས་ཁག་དང་རྒྱལ་སྤྱིའི་འགྲོ་ བ་མིའི་ཐོབ་ཐང་ཚོགས་པ། ལྡི་ལིའི་ཁྲིམས་ཁང་བཅས་ནས་ཀྱང་དེ་དག་ལ་གཞི་རྩ་མེད་པའི་ཁྲིམས་ཐག་བཅད་ ཟིན་པའི་གནད་དོན་ཆགས་ཡོད། དེའི་ནང་ནས་དྷ་སར་མཚན་ཉིད་གྲྭ་ཚང་གི་དགེ་བཤེས་ལགས་བཀྲོངས་པའི་ སྐོར་ལ་རྒྱལ་སྤྱིའི་ Interpol ཨིན་ཊར་པོལ་ཐོག་ནས་ཀྱང་ཞིབ་འཇུག་བྱས་ཡོད།

འོན་ཀྱང་ད་ལྟ་ཁོ་པ་ཚོས་གཞི་མེད་སྐྱོན་འཛུགས་ཀྱིས་”ཆོས་དད་རང་དབང་དང་འགྲོ་བ་མིའི་ཐོབ་ཐང་

མི་འདུག་”ཅེས་ཤོད་སྐབས། ད་རེས་བཀའ་ཤག་ནས་དམིགས་བསལ་གསལ་བཤད་ཞུ་འདོད་ག་རེ་བྱུང་ཞེ་ན། བོད་མི་བཙན་བྱོལ་བ་སུ་ཞིག་ཡིན་རུང་དཔྱ་ཁྲལ་ལག་དེབ་དགོས་ཀྱི་ཡོད། དཔྱ་ཁྲལ་ལག་དེབ་དཔལ་འབྱོར་ ལས་ཁུངས་ནས་གནང་གི་ཡོད། རྒྱ་གར་ལ་གནས་ཐུབ་ཐབས་སུ་ RC སྐྱབས་བཅོལ་ལག་དེབ་དགོས་ཀྱི་ཡོད།

སྐྱབས་བཅོལ་ལག་དེབ་རྒྱ་གར་གཞུང་ནས་གནང་གི་ཡོད། འོན་ཀྱང་དེ་ཐོབ་པར་ས་གནས་འགོ་འཛིན་དང་བདེ་

སྲུང་ལས་ཁུངས་ཀྱི་རྒྱབ་གཉེར་དགོས་ཀྱི་ཡོད། བོད་མི་བཙན་བྱོལ་བ་སུ་ཞིག་ཡིན་རུང་ཕྱི་རྒྱལ་དུ་འགྲོ་ཆེད་

IC དེབ་སེར་པོ་དགོས་ཀྱི་ཡོད། དེབ་སེར་པོ་རྒྱ་གར་གཞུང་ནས་གནང་གི་ཡོད་ཀྱང་དེར་རྒྱབ་གཉེར་བོད་མིའི་

སྒྲིག་འཛུགས་ནས་གནང་གི་ཡོད་པ་ཧ་ཅང་གསལ་པོ་ཡིན།

དེར་བརྟེན་རྒྱ་གར་ལ་ཡོད་པའི་དོལ་རྒྱལ་བསྟེན་མཁན་ཚོ་གཞིས་ཆགས་ཁག་ཏུ་ཡོད་པ་ཡིན་ན། ཁོ་

པ་ཚོ་མང་ཆེ་བར་དཔྱ་ཁྲལ་ལག་དེབ་ཡོད་པ་ཆགས་ཀྱི་ཡོད། དཔལ་འབྱོར་ལས་ཁུངས་ནས་དོལ་རྒྱལ་བསྟེན་ མཁན་ཡིན་དང་མིན་གྱི་དབྱེ་འབྱེད་གནང་མེད། དཔྱ་ཁྲལ་ལག་དེབ་གཞིར་བཟུང་སློབ་གྲྭར་ཚུད་དང་མ་འཚུད།

དེ་བཞིན་འཕྲོད་བསྟེན་དང་ཤེས་ཡོན་ཐོག་ལ་མཐུན་རྐྱེན་གང་ཞིག་ཡོད་ཀྱང་གཅིག་མཚུངས་གནང་གི་ཡོད། 182

དཔལ་ལྡན་སྲིད་སྐྱོང་མཆོག་གི་གསུང་བཤད།

དམིགས་བསལ་རྒྱ་གར་ལ་གནས་པར་སྐྱབས་བཅོལ་ལག་དེབ་དགོས་ཀྱི་ཡོད། དེ་ཡང་བོད་མིའི་སྒྲིག་འཛུགས་ ཀྱི་རྒྱབ་གཉེར་ཡོད་པའི་ཐོག་ནས་ཁོ་པ་ཚོར་རག་གི་ཡོད་པ་རེད་མ་གཏོགས་བོད་མིའི་སྒྲིག་འཛུགས་ཀྱི་རྒྱབ་

གཉེར་མེད་ན་ཧ་ཅང་དཀའ་ལས་ཁག་པོ་ཆགས་ཀྱི་རེད། གལ་སྲིད་བོད་མིའི་སྒྲིག་འཛུགས་ནས་དོལ་རྒྱལ་ བསྟེན་མཁན་ཚོར་དབྱེ་འབྱེད་བྱ་འདོད་ཡོད་ན། དཔྱ་ཁྲལ་ལག་དེབ་དང་སྐྱབས་བཅོལ་ལག་དེབ་ཐོག་དབྱེ་འབྱེད་

བྱས་ཆོག་ཆོག་ཡོད་ཀྱང་དུས་ད་ལྟ་བར་དུ་དབྱེ་བ་ཕྱེ་བའི་གནས་ཚུལ་ཤོད་རྒྱུ་མེད། དེར་བརྟེན་ང་ཚོས་བོད་མི་ གཅིག་མཚུངས་ལ་གནང་བ་ལྟར་དོལ་རྒྱལ་བསྟེན་མཁན་ཚོར་བྱེད་ཀྱི་ཡོད་སྟབས། ཁོ་པ་ཚོ་རྒྱ་གར་དུ་གནས་

ཐུབ་ཀྱི་ཡོད། དམིགས་བསལ་ཕྱི་རྒྱལ་དུ་འགྲོ་མཁན་ཡིན་ན་དེབ་སེར་པོ་དགོས་ཀྱི་ཡོད། དོལ་རྒྱལ་བསྟེན་ མཁན་ཕྱི་རྒྱལ་དུ་ཡོད་མཁན་མང་ཆེ་བ་དེབ་སེར་པོ་འཁྱེར་ནས་ཕྱིན་པ་ཞིག་ཆགས་ཀྱི་ཡོད། དེ་དག་བོད་མིའི་ སྒྲིག་འཛུགས་ཀྱི་རྒྱབ་གཉེར་ཡོད་པའི་ཐོག་ནས་བྱུང་བ་ཞིག་རེད། ཕལ་ཆེར་ཁོ་པ་ཚོ་སྐྱབས་བཅོལ་ཞུ་སྐབས་ བཙན་བྱོལ་སྤྱི་ཚོགས་ནང་”ཆོས་དད་རང་དབང་མི་འདུག” ཅེས་སྐྱབས་བཅོལ་ཞུ་མདོག་ཁ་པོ་རེད།

འོན་ཀྱང་རང་ཉིད་ཀྱི་ལག་པར་ཡོད་པའི་ཡིག་ཆ་དེ་དག་བོད་མིའི་སྒྲིག་འཛུགས་ནས་རྒྱབ་སྐྱོར་གནང་བ་

དེ་གསལ་པོ་ཡིན་སྟབས། ཆོས་དད་རང་དབང་མེད་ན་ཨང་དང་པོ་སོ་སོའི་ལག་པར་ཡོད་པའི་ཕྱི་རྒྱལ་དུ་འགྲོ་ རྒྱུའི་ཡིག་ཆ་དེ་ག་ནས་རག་པ་རེད་དམ། ཞེས་དྲི་བ་བཏང་ན་བོད་མིའི་སྒྲིག་འཛུགས་ཀྱིས་གནང་བ་ཞིག་ཆགས་

ཡོད། དེས་བོད་མིའི་སྒྲིག་འཛུགས་ཀྱི་དབྱེ་འབྱེད་བྱེད་ཀྱི་མེད་པ་ཧ་ཅང་གསལ་སྟོན་བྱས་ཡོད། དེར་བརྟེན་ཁོང་ ཚོས་བོད་མིའི་སྒྲིག་འཛུགས་ལ་སྐྱོན་འཛུགས་བྱས་པ་དེ་གཞི་མེད་ཡི​ིན་པ་ཧ་ཅང་གསལ་པོ་ཆགས་ཀྱི་ཡོད།

དོལ་རྒྱལ་བསྟེན་མཁན་ཚོས་ཨ་རི་དང་དེང་སྐབས་ཡུ་རོབ་ཁག་ཏུ་ངོ་རྒོལ་བྱེད་མཁན་མི་ཉུང་ཤས་ཤིག་ལས་

མེད་ནའང། ༸གོང་ས་མཆོག་ལ་ངོ་རྒོལ་བྱེད་སྐབས་ཁོ་པ་ཚོ་ནི་ཆབ་སྲིད་འཁྲབ་པའི་ཐོག་ནས་མཚན་སྨད་ཞུ་ མཁན་ཞིག་ཆགས་ཡོད་པའི་བརྡ་ལན་གསལ་པོ་འཕྲོད་ཡོད། དེར་བརྟེན་ང་ཚོའི་བླ་ན་མེད་པའི་དབུ་ཁྲིད་༸གོང་

ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་ཉིན་རེ་བཞིན་ཧ་ཅང་རྒྱས་བཞིན་ཡོད་པ་དང་། ༸གོང་ས་ མཆོག་ཕྱི་རྒྱལ་ཡུལ་གྲུ་གང་དུ་ཆིབས་སྒྱུར་གནང་ཡང་དགའ་བསུའི་རྟེན་འབྲེལ་དང་། བསྔགས་བརྗོད་ཞུ་མཁན་ ཧ་ཅང་མང་པོ་ཡོད་པའི་སྐབས་འདིར་དོལ་རྒྱལ་རྗེས་འབྲངས་པས་མཚན་སྨད་ཞུ་རྒྱུ་ཁོ་ནར་དམིགས་ཏེ་ངོ་རྒོལ་ སྐད་འབོད་བྱས་པ་དེ་ནི་བློ་ཕམ་གྱི་གནས་ཚུལ་རེད། འདི་ཆོས་དང་འབྲེལ་བ་མེད། དེར་བརྟེན་གཞོན་སྐྱེས་དང་ མི་མང་རྣམས་ནས་མཁྱེན་དགོས་པ་དང་དོ་སྣང་གནང་རྒྱུ་ཧ་ཅང་གལ་ཆེན་པོ་རེད།

ཉེ་དུས་བོད་མིའི་སྒྲིག་འཛུགས་ཀྱིས་དོལ་རྒྱལ་རྗེས་འབྲང་པ་ཚོའི་མིང་དང་པར་དྲ་རྒྱར་བཏོན་པ་རེད། 183

དཔལ་ལྡན་སྲིད་སྐྱོང་མཆོག་གི་གསུང་བཤད།

བོད་མིའི་སྤྱི་དོན་ལ་ཤ་ཞེན་ཡོད་མཁན་ཁ་ཤས་ཀྱིས། དེ་ག་རེ་བྱས་ནས་བཏོན་དགོས་པ་རེད་ཅེས་ཡི་གེ་འབྱོར་

ཡོང་གི་འདུག ཡང་མི་མང་པོ་ཞིག་གིས་དེ་བཏོན་དགོས་ཀྱི་འདུག དོལ་རྒྱལ་རྗེས་འབྲང་པ་སུ་ཡིན་པ་ཧ་གོ་ དགོས་ཀྱི་འདུག་ཅེས་བཤད་མཁན་བྱུང་སོང་། ང་ཚོ་བཀའ་ཤག་ནང་ཁུལ་གྲོས་བསྡུར་བྱས་རྗེས་ཉེ་དུས་ནས་ དོལ་རྒྱལ་རྗེས་འབྲང་པ་ཚོས་༸གོང་ས་མཆོག་ཕྱི་རྒྱལ་དུ་ཆིབས་བསྒྱུར་སྐབས་མགྲོན་ཁང་དུ་ཡོང་གི་ཡོད་པ་

དང་། མགྲོན་ཁང་ནང་སྡོད་ཀྱི་ཡོད་པ། བཀའ་སློབ་གནང་སའི་ཚོགས་ཁང་ནང་འཛུལ་བ། ཕྱི་ལོགས་སུ་སྐད་ འབོད་བཅས་བྱེད་ཀྱི་ཡོད་པ་དེས་༸གོང་ས་མཆོག་གི་སྐུ་ཕྱྭར་ཉེན་ཁ་མཐོང་བ་རེད། རྒྱ་གར་དང་ཨ་རིའི་གསང་

བའི་ལས་ཁུངས་ཀྱིས་”དོལ་རྒྱལ་རྗེས་འབྲང་པ་ཚོས་༸གོང་ས་མཆོག་གི་སྐུ་ཕྱྭར་ཉེན་ཁ་བཟོ་གི་འདུག་”ཅེས་

གསང་བའི་སྙན་ཐོའི་ནང་བཏོན་ཡོད་སྟབས། དེའི་སྐོར་གསལ་བསྒྲགས་བྱས་པ་རེད། དེ་མིན་ཁོ་ཚོའི་པར་དང་ མིང་བཏོན་སྟེ་ཁོ་ཚོར་གནོད་སྐྱེལ་ཞེས་ཞུས་པ་དེ་འདྲ་སྔོན་དུའང་ཡོད་པ་མ་རེད་ལ། ད་ལྟའང་མེད། པར་བཏོན་

པ་དེས་ཁོང་ཚོར་གནོད་སྐྱོན་རྩ་བ་ཉིད་ནས་བྱུང་མེད། མེད་པའི་ཁུངས་སྐྱེལ་གང་ཡོད་ཅེ་ན། མིང་དང་པར་

བཏོན་སྟེ་ཟླ་ཤས་འགྲོ་བཞིན་ཡོད་ཀྱང་། ཁོང་ཚོའི་མི་གཅིག་ལ་བོད་མི་གཅིག་གིས་མཛུབ་མོ་བཙུགས་པ་ཡན་ བྱུང་མེད། དེས་ག་རེ་མཚོན་གྱི་ཡོད་དམ་ཞེ་ན། ང་ཚོས་༸གོང་ས་མཆོག་གི་བཀའ་སློབ་ལམ་སྟོན་གཞིར་བཟུང་

འཚེ་མེད་ཞི་བའི་ལམ་ལ་འགྲོ་བཞིན་ཡོད་པ་དང་དེ་དངོས་སུ་ལག་བསྟར་བྱེད་ཀྱི་ཡོད། བོད་མི་ཚོས་ག་རེ་བྱེད་ དགོས་མིན་རང་འགན་རང་གིས་འཁུར་གྱི་ཡོད་པའི་རྟགས་རེད། མི་མང་ལ་ངོ་སྤྲོད་བྱེད་པའི་འགན་དེ་བོད་མིའི་

སྒྲིག་འཛུགས་ལ་ཡོད་པ་རེད། མ་འོངས་པར་གལ་སྲིད་གནད་དོན་ཅིག་ལྷག་པ་ཡིན་ན་སྔོན་ནས་ངོ་སྤྲོད་མ་བྱས་ པ་ག་རེ་རེད་ཅེས་བཤད་སྲིད་པ་རེད། ངོ་སྤྲོད་བྱས་པ་དེ་ཡང་ང་ཚོས་ཁོ་ཚོའི་པར་གསར་པ་བཏོན་པ་དེ་འདྲ་མ་

རེད། དོལ་རྒྱལ་རྗེས་འབྲང་པ་ཚོས་ངོ་རྒོལ་ལས་འགུལ་ཇི་སྤེལ་བརྙན་འཕྲིན་དང་དྲ་རྒྱའི་ནང་བཀོད་དེ་ཚུར་ཁྱབ་ བསྒྲགས་བྱས་པ་དེ་ཚོ་ནས་ཕྱོགས་བཏུས་བྱས་པ་ཙམ་ཞིག་རེད།

དོལ་རྒྱལ་གྱི་གནད་དོན་ནི་ད་ཆ་བོད་ཀྱི་ཆོས་བརྒྱུད་སྤྱི་དང་བོད་མི་ཡོངས་དང་འབྲེལ་བའི་གནད་དོན་

ཞིག་ཆགས་ཡོད་པར་བརྟེན། ཆོས་བརྒྱུད་ཡོངས་རྫོགས་དང་བོད་ཕྱི་ནང་གཉིས་ཀྱི་བོད་མི་ཚང་མས་དོ་འཁུར་ གནང་དགོས་པ་ཞིག་ཡིན། ཨ་རི་དང་རྒྱ་གར་གྱི་གསང་བའི་སྙན་ཐོའི་ནང་གནད་དོན་དེའི་ཐོག་ནས་༸གོང་ས་

༸སྐྱབས་མགོན་ཆེན་པོ་མཆོག་གི་སྐུ་ཕྱྭ་ལའང་ཉེན་ཁ་ཡོང་སྲིད་པ་འཁོད་ཡོད་པས། ཕྱི་ནང་གི་བོད་མི་ཚང་མས་ ཐུགས་སྣང་དང་འགན་འཁུར་གནང་རོགས་ཞུ་རྒྱུ་ཡིན། ཐུགས་རྗེ་ཆེ། ། 184

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

དཔལ་ལྡན་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གི་སུ་ཇྰ་བོད་ ཁྱིམ་སློབ་གྲྭར་དོལ་རྒྱལ་སྐོར་གསུང་བཤད།

༄༅། །ཕྱི་ལོ་ ༢༠༡༤ ཟླ་ ༧ ཚེས་ ༢༦ རེས་གཟའ་སྤེན་པའི་ཉིན་བཀའ་བློན་ཁྲི་ཟུར་སློབ་དཔོན་ཟམ་གདོང་

རིན་པོ་ཆེ་མཆོག་གིས་སུ་ཇཱ་བོད་ཁྱིམ་སློབ་གྲྭའི་དགེ་ལས་སློབ་ཕྲུག་རྣམས་ལ་དོལ་རྒྱལ་སྐོར་བླང་དོར་གསུང་ བཤད་གནང་དོན། དེ་རིང་འདིར་ཚོགས་འདུར་ཕེབས་པའི་དགེ་འདུན་པ་རྣམ་པ་དང་། སུ་ཇཱ་བོད་ཕྲུག་ཁྱིམ་སྡེའི་

ངེས་སྟོན་པ་དང་སློབ་སྤྱི་དགེ་ལས་ཀྱིས་གཙོས་ལས་བྱེད་དང་བརྩེ་བའི་སློབ་ཕྲུག་བཅས་ཚང་མར་འདིར་ངོ་སྤྲོད་ གནང་བ་བཞིན། ཐེངས་འདིར་དམིགས་བསལ་དགོས་མཁོ་ཞིག་གི་ཐོག་གྷོ་པལ་པུར་དང་རྡ་སྟེང་བོད་ཕྲུག་ཁྱིམ་ སྡེ། དེ་བཞིན་སློབ་གྲྭ་འདི་བཅས་སློབ་གྲྭ་ཁག་གསུམ་ལ་གནས་ཚུལ་འགའ་ཤས་གསལ་བཤད་བྱེད་རྒྱུའི་ཆེད་དུ་ 185

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

བཅར་ཡོད། ཁ་སྔོན་ཟླ་བ་སྔོན་མའི་ཟླ་མཇུག་ལ་བཅར་རྒྱུ་རེད། འོན་ཀྱང་སྐབས་དེར་གཟུགས་གཞི་བདེ་མིན་ལ་

བརྟེན་བཅར་ཐུབ་མ་སོང་བར་བརྟེན་དགོངས་གསོལ་ཞུ་རྒྱུ་ཡིན། དེ་རིང་འདིར་གསལ་བཤད་དང་གོ་བསྡུར་ཞུ་ རྒྱུའི་བརྗོད་གཞི་འདི།

ཉེ་ཆར་རྡ་སྟེང་བོད་ཕྲུག་ཁྱིམ་སྡེའི་ནང་བོད་རིགས་མང་པོ་ཞིག་ལ་༸གོང་ས་༸སྐྱབས་མགོན་ཆེན་པོ་

མཆོག་གིས་ནང་ཆོས་ངོ་སྤྲོད་བཀའ་དྲིན་བསྐྱངས་སྐབས་དཔལ་ལྡན་སྲིད་སྐྱོང་མཆོག་དང་དཔལ་ལྡན་བོད་

མི་མང་སྤྱི་འཐུས་ཚོགས་གཙོ་རྣམ་པ་གཉིས་ལ་གོ་སྒྲིག་ཚོགས་ཆུང་གིས་རེ་འདུན་ཞུས་པ་བཞིན་དོལ་རྒྱལ་ སྐོར་ལ་བོད་མིའི་སྒྲིག་འཛུགས་ཀྱི་གཟིགས་ཕྱོགས་དང་སྲིད་བྱུས། བཞེངས་ཕྱོགས་གང་ཡིན་སྐོར་ལ་ངོ་སྤྲོད་ གནང་རྒྱུའི་ལས་རིམ་ཞིག་བཟོས་འདུག སྐབས་དེར་དཔལ་ལྡན་སྲིད་སྐྱོང་མཆོག་དང་དཔལ་ལྡན་བོད་མི་མང་

སྤྱི་འཐུས་ཚོགས་གཙོ་རྣམ་གཉིས་ཀྱིས་གསུང་བཤད་ཟབ་རྒྱས་གནང་འདུག གསུང་བཤད་དེའི་མཇུག་ཏུ་སློབ་

ཕྲུག་ཚོའི་དྲི་བ་དྲིས་ལན་སྐབས་དྲི་བ་འདྲ་མིན་སྣ་ཚོགས་ཤིག་ཞུས་འདུག ཚོགས་གཙོར་དྲི་བ་ཞུ་མཁན་ལྔ་

དང་། སྲིད་སྐྱོང་ལ་དྲི་བ་ཞུ་མཁན་དྲུག་བྱུང་ནས་ཁྱོན་དྲི་བ་བཅུ་ཅིག་བྱུང་འདུག དྲི་བ་ཚང་མ་འབྲེལ་བ་ཡོད་པ་ མ་རེད། འོན་ཀྱང་དེའི་ནང་ནས་ང་ཚོས་དོ་སྣང་བྱེད་དགོས་པའི་དྲི་བ་དྲུག་འདུག དྲི་བ་དྲུག་པོ་འདི་ཚིག་བརྗོད་

བཟོ་སྟངས་འདྲ་མིན་ཙམ་མ་གཏོགས་དོན་དག་རྡོག་རྡོག་དེ་དྲི་བ་ཞུ་མཁན་ཚོའི་བསམ་བློའི་ནང་དོལ་རྒྱལ་རྗེས་ འབྲང་པ་ཚོར་༸གོང་ས་མཆོག་དང་བོད་མིའི་སྒྲིག་འཛུགས་ཀྱི་ངོས་ནས་གནང་ཕྱོགས་འདི་ཡང་དག་པ་ཞིག་ དང་དྲང་པོ་རང་མ་བྱུང་བའི་ཚོར་སྣང་ཡོད་པའི་བཟོ་འདྲ་ཞིག་དྲི་བའི་ནང་ཐོན་བཞིན་འདུག གང་ཡིན་བརྗོད་ན།

དྲི་བ་འགའ་ཤས་ནང་དེང་སྐབས་དོལ་རྒྱལ་གནས་སྟངས་འདི་ཆབ་སྲིད་དང་འབྲེལ་བ་ཆགས་ནས་རྒྱ་

ནག་མི་དམངས་སྤྱི་མཐུན་རྒྱལ་ཁབ་ཀྱིས་བེད་སྤྱོད་གཏོང་བཞིན་ཡོད་པར་བརྟེན། དེར་ང་ཚོས་ཁ་གཏད་དང་

གདོང་ལེན་ཤུགས་ཆེ་བྱས་ཚེ་བོད་པའི་མང་ཚོགས་ཀྱི་ཆིག་སྒྲིལ་ལ་གནོད་ཀྱི་མ་རེད་དམ་ཅེས་དང་། མ་འོངས་ པར་བོད་དོན་བདེན་མཐའ་གསལ་སྐབས་ཁོ་པ་ཚོའི་ནུས་ཤུགས་མུ་མཐུད་བསྡད་པ་ཡིན་ན། བོད་པ་ཁ་བྲལ་ལ་

ཕྱིན་ནས་རྒྱ་གར་དང་པ་ཀི་སི་ཐན་རྒྱལ་ཁབ་གཉིས་ཆགས་པ་བཞིན་གནས་ཚུལ་དེ་འདྲ་ཡོང་རྒྱུ་མ་རེད་དམ།

ཞེས་དང་། སྤྱི་ཚོགས་ནང་ཁོ་པ་ཚོར་དབྱེ་འབྱེད་བྱས་པ་དེ་དྲང་བདེན་ཆགས་ཀྱི་ཡོད་དམ་ཞེས་དང་། ལྷག་པར་

དྲི་བ་གཏོང་མཁན་སློབ་ཕྲུག་དེས་མཐོང་ཚུལ་ལ་སྤྱི་ཚོགས་ནང་ཁོ་པ་ཚོར་ཕྲན་བུའི་དབྱེ་འབྱེད་བྱེད་ཀྱི་ཡོད་པ་ དང་། དཔེར་ན། སློབ་གྲྭའི་ནང་དུ་སློབ་ཕྲུག་གཅིག་དོལ་རྒྱལ་བསྟེན་མཁན་ཡིན་པ་ཤེས་ན། སློབ་ཕྲུག་གཞན་ 186

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཚོས་ཁོ་པར་མཐོང་ཆུང་དང་མི་དགའ་བ་བྱ་རྒྱུའི་གནས་ཚུལ་དང་། ཟ་ཁང་དང་ཚོང་ཁང་སོགས་ནང་དོལ་རྒྱལ་ རྗེས་འབྲང་པ་མ་ཕེབས་རོགས། ཞེས་སྦྱར་ཡིག་སྦྱར་བ་དེ་དག་དབྱིན་ཇིའི་ཚིག་ Social descrimination

ཞེས་པ་འདི་བེད་སྤྱོད་བཏང་ནས་སྤྱི་ཚོགས་ཀྱི་དབྱེ་འབྱེད་ཆགས་རྒྱུ་མ་རེད་དམ་ཞེས་དང་། སྤྱིར་བཏང་ནས་

མི་ཚང་མར་ཆོས་དད་རང་དབང་གི་ཐོབ་ཐང་སྤྲོད་དགོས་ཀྱི་མ་རེད་དམ། ཡང་དབྱིན་ཇིའི་ཚིག་གཞན་ཞིག་བེད་ སྤྱོད་བཏང་ནས་རྒྱ་གར་ནང་བཞིན་ Secularism ཆོས་ལུགས་གང་འདྲ་ཞིག་བྱས་པའམ་སྤེལ་བ་ཡིན་ནའང་ རང་དབང་སྤྲོད་དགོས་པ་མ་རེད་དམ་ཅེས་པའི་དྲི་བ་ཁག་དྲུག་ཙམ་བྱུང་འདུག སྐབས་དེར་གསུང་བཤད་རྒྱུན་

རིང་གནང་ནས་མཐའ་བསྡོམས་རྒྱག་རྒྱུའི་དུས་ཚོད་ལ་བསླེབས་པར་བརྟེན། ལན་འདེབས་འགྲེལ་བཤད་གསལ་ པོ་གནང་རྒྱུའི་དུས་ཚོད་མ་བྱུང་བ་དང་། དེ་རྗེས་གསལ་བཤད་གནང་རྒྱུའི་གོ་སྒྲིག་གནང་སྐབས་ཚོགས་འདུ་

གྲོལ་ཟིན་པར་བརྟེན། དེ་ཚོའི་ཐོག་གསལ་བཤད་ངེས་པར་དུ་དགོས་པ་གཟིགས་ནས་དེའི་སྐོར་གསལ་བཤད་ བྱས་ན་ཞེས་དེ་རིང་འདིར་ལྷན་འཛོམས་བྱུང་ཡོད། དེར་བརྟེན་དེ་རིང་ངས་ཁྱེད་ཚོར་འདིར་སྙན་གསེང་ཞུ་རྒྱུ་ནི་ དྲི་བ་དེ་ཚོའི་ནང་དོན་དང་འབྲེལ་བའི་སྐོར་ཤ་སྟག་མ་གཏོགས་སྤྱིར་དོལ་རྒྱལ་གྱི་བྱུང་རིམ་དང་དེའི་གནས་ཚུལ་

ངོ་སྤྲོད་ཞུ་རྒྱུའི་གོ་སྐབས་ཀྱང་མེད་ལ་དུས་ཚོད་ཀྱང་འདང་ངེས་མེད། དེ་ཚོའི་སྐོར་ལ་ཁྱེད་ཚོས་མཁྱེན་གྱི་ཡོད་ ཤག་བྱས། གལ་ཏེ་གསལ་པོ་མཁྱེན་གྱི་མེད་པ་ཡིན་ན་སྔ་ཕྱི་བར་གསུམ་དུ་དོལ་རྒྱལ་སྐོར་ཉམས་ཞིབ་བྱས་ནས་ གཟིགས་བདེ་པོའི་ཕྱག་དེབ་མང་པོ་ཡོད།

བོད་མིའི་སྒྲིག་འཛུགས་ཀྱི་ངོས་ནས་གསལ་བསྒྲགས་དང་གནས་ཚུལ་ངོ་སྤྲོད་ཀྱི་དེབ་སྔ་ཕྱི་རིམ་པས་

པར་སྐྲུན་གནང་ཡོད། གཞུང་འབྲེལ་མིན་པའི་ཚོགས་པ་ཁག་གིས་ངོས་ནས་ཆེད་མངགས་རྩོམ་སྒྲིག་ཚོགས་ཆུང་ བཙུགས་ནས་ངོ་སྤྲོད་ཀྱི་དེབ་བྲིས་པ་དང་གང་ཟག་སྒེར་ངོས་ནས་བྲིས་པ་དེ་འདྲའང་ཡོད། ཉེ་ཆར་ལྷོ་ཕྱོགས་སུ་

རི་བོ་དགེ་ལྡན་པའི་གདན་ས་ཁག་གི་རྩོམ་སྒྲིག་ཚོགས་ཆུང་གིས་བྲིས་པའི་དེབ་དེ་འདྲ་ཡོད། དེ་དག་གཟིགས་ན་ གསལ་པོ་མཁྱེན་རྒྱུ་རེད། ང་དེ་རིང་མི་སྒེར་གཅིག་གི་ངོ་བོའི་ཐོག་ནས་བཅར་བ་ཡིན་མ་གཏོགས་སྒྲིག་འཛུགས་

དང་སྡེ་ཚན་གང་གིའང་སྐུ་ཚབ་མཚོན་གྱི་མེད། དེར་བརྟེན་ངས་མཐོང་ཚུལ་དང་སྤྱིར་བཏང་དངོས་ཡོད་གནས་ ཚུལ་གང་ཡིན་པ་རྣམས་ངོ་སྤྲོད་ཞུ་རྒྱུ་ཡིན། ཁ་སང་སློབ་ཕྲུག་ཁག་གི་དྲི་བ་དེ་དག་འཁོར་ཐག་ནས་ངས་ཆ་ཚང་

ཡག་པོ་བྱས་ནས་ཉན་སྐབས་ངའི་བསམ་བློའི་ནང་དགའ་སྐྱོ་འདྲེས་མའི་ཚོར་བ་ལྟ་བུ་བྱུང་། དགའ་སྐྱོ་འདྲེས་མའི་ ཚོར་བ་བྱུང་དགོས་པའི་རྒྱུ་མཚན་གང་ཡིན་བརྗོད་ན། དོལ་རྒྱལ་གྱི་གནས་ཚུལ་༸གོང་ས་མཆོག་གིས་བླང་དོར་ 187

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ལམ་སྟོན་མཛད་ནས་ལོ་ཧ་ཅང་མང་པོ་འགྲོ་བཞིན་ཡོད།

ཕྱི་ལོ་ ༡༩༧༥།༡༩༧༦ ནས་༸སྐྱབས་མགོན་རིན་པོ་ཆེས་བླང་དོར་བཀའ་སློབ་སྩལ་འགོ་བཙུགས་

ཡོད། དེ་ནས་རིམ་བཞིན་སྔ་ཕྱིར་ལམ་སྟོན་བཀའ་སློབ་ཧ་ཅང་གསལ་པོ་མང་པོ་སྩལ་ཡོད། དེ་ཙམ་དུ་མ་ཟད།

བཙན་བྱོལ་སྒྲིག་འཛུགས་དང་གདན་ས་ཁག བླ་ཆེན་ཁག་སོགས་སྤྱི་སྒེར་མང་པོ་གཅིག་གིས་དེའི་སྐོར་གསལ་ བཤད་ཧ་ཅང་མང་པོ་གནང་ཡོད་ཀྱང་ད་དུང་ན་གཞོན་གྱི་སྡེ་ཚན་ནང་དང་། ན་གཞོན་སྡེ་ཚན་དེ་ཡང་ཤེས་ཡོན་

མེད་མཁན་གྱི་ན་གཞོན་སྡེ་ཚན་མིན་པར་སློབ་གྲྭ་འགྲིམ་བཞིན་པའི་སློབ་ཕྲུག་ནང་དང་། དེ་ཡང་རྡ་ས་དང་རྡ་ སའི་ཉེ་འཁོར་ལ་ཡོད་པའི་བོད་མིའི་སྒྲིག་འཛུགས་དང་བོད་ཕྲུག་ཁྱིམ་སྡེ་ལ་སོགས་པའི་འཛིན་སྐྱོང་འོག་ཡོད་

པའི་སློབ་གྲྭ་ཁག་གི་ནང་དུ་ཡོད་པའི་སློབ་ཕྲུག་ཚོའི་བསམ་བློའི་ནང་ད་དུང་དོགས་པ་རྣམ་རྟོག་མ་ཆོད་པར་ཐེ་

ཚོམ་གྱི་ས་བོན་ལྷག་ཡོད་པ་འདིས་བསམ་བློའི་ནང་ཏོག་ཙམ་མ་བདེ་བ་དང་ཡ་མཚན་པོ་ཞིག་རེད། འདི་སློབ་ ཕྲུག་གི་ཞན་ཆ་ཞིག་ལ་བརྩི་མི་རུང་། འདི་ང་ཚོ་ལས་ཀྱི་སྣེ་མོ་དང་བཙན་བྱོལ་བོད་མིའི་སྒྲིག་འཛུགས་དང་

སློབ་གྲྭ་ཁག་གི་དགེ་ལས་ཚོས་གསལ་བཤད་གོ་བསྐོན་ཡང་དག་པ་ཞིག་མ་བྱུང་བའི་དབང་གིས་སློབ་ཕྲུག་ ཚོས་དོགས་པ་རྣམ་རྟོག་མ་ཆོད་པ་དང་། དེ་ཙམ་དུ་མ་ཟད། དོལ་རྒྱལ་རྗེས་འབྲང་པ་དེ་ཚོས་ཐབས་ལམ་སྣ་

ཚོགས་ཐོག་ནས་ལོག་པའི་དྲིལ་བསྒྲགས་ཤུགས་ཆེན་པོ་བྱེད་བཞིན་ཡོད་པ་དེས་ཤན་ཤུགས་ལྟ་བུ་ང་ཚོའི་ གཞོན་སྐྱེས་ཚོའི་ནང་བསླེབས་པའི་ཚོར་བ་ཞིག་ཡོང་སྐབས། ཞེད་སྣང་དང་བསམ་བློའི་ནང་མ་བདེ་བ་ཆེན་པོ་ ཞིག་བྱུང་བ་འདི་ནི་རང་བཞིན་གྱི་གནས་སྟངས་ཤིག་རེད།

དེ འི ་ གོ ང ་དུའང་ཨ་རི ་ ནས་ཕེ བ ས་པའི ་ བོ ད ་མི ་ བསམ་ཡོ ད ་གཅི ག ་གི ས ་ངར་གནས་ཚུལ་གསུངས་

བྱུང་། ཨ་རིའི་ནང་དུ་བོད་མི་གཞོན་སྐྱེས་མང་པོ་ཞིག་གི་བསམ་བློའི་ནང་དོལ་རྒྱལ་ཚོགས་པའི་དྲིལ་བསྒྲགས་ ལོག་པ་སྤེལ་བའི་ནུས་པ་བསླེབས་ཡོད་པ་དང་། ཁོང་ཚོའི་བསམ་བློའི་ནང་༸གོང་ས་མཆོག་དང་བོད་མིའི་ སྒྲིག་འཛུགས་ངོས་ནས་གནང་ཕྱོགས་ཏོག་ཙམ་མི་འགྲིག་པའི་བསམ་ཚུལ་ཡོད་མཁན་མང་པོ་འདུག ཁོང་ཚོར་

གསལ་བཤད་བྱས་ནའང་ལས་སླ་པོར་གསལ་བཤད་འགྲོ་ས་མེད་མཁན་དེ་འདྲའང་འདུག ཅེས་གསུངས་བྱུང་།

དེ་དུས་ངས་བསམ་པར་ཨ་རིར་ཡོད་མཁན་ཚོར་ཕྲན་བུ་ཁག་མི་འདུག་བསམ་པ་བྱུང་། གང་ཡིན་བརྗོད་ན་ཁོང་ ཚོས་གནས་ཚུལ་མཁོ་སྒྲུབ་བྱེད་ས་དྲ་རྒྱ་མ་གཏོགས་ཧ་ལམ་མེད་པ་ལྟ་བུ་རེད། མི་དང་མི་ཐུག་ནས་སྐད་ཆ་

བཤད་ནས་དོགས་གཅོད་བྱེད་ས་མེད་པ་ལྟ་བུ་རེད། དྲ་རྒྱ་རང་ལ་བལྟས་ནས་བསྡད་ན་དོལ་རྒྱལ་རྗེས་འབྲང་ 188

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

པའི་དྲ་རྒྱ་འདི་འབེལ་པོ་དང་ཤུགས་ཆེ་བ་དང་ཁྱབ་ཆེ་བ་ཡོད། དེའི་ཁ་གཏད་ལ་ང་ཚོའི་ངོས་ནས་དྲ་རྒྱའི་བརྒྱུད་

ལམ་ཐོག་ལ་དེ་ཙམ་གསལ་བཤད་མང་པོ་མེད་པ་གསལ་པོ་རེད། གནས་ཚུལ་འདི་རྒྱ་གར་ནང་བྱུང་སྐབས་རྒྱ་ གར་ནང་ཨ་རི་དང་མི་འདྲ་བར་གནས་ཚུལ་གང་ཡིན་ནའང་ཁར་ཐུག་དོགས་གཅོད་དང་བཀའ་འདྲི་ཞུ་ས་ཡོད་པ་ ཞིག་རེད། སྒྲིག་འཛུགས་དང་ལས་ཀྱི་སྣེ་མོ་བའི་ངོས་ནས་དུས་ནས་དུས་སུ་གསལ་བཤད་གནང་འོས་པ་ཞིག་

དང་དགོས་པ་ཞིག་ཡིན་དུས་དོགས་པ་རྣམ་རྟོག་ལུས་པ་འདི་ཞན་ཆ་ཞིག་རེད། བསམ་བློའི་ནང་སྐྱོ་སྣང་ཞིག་

བྱུང་། ངས་དགའ་སྐྱོ་འདྲེས་མའི་ཚོར་སྣང་བྱུང་། ཞེས་བརྗོད་པ་ཡིན། དགའ་དགོས་པའི་རྒྱུ་མཚན་གང་ཡིན་ བརྗོད་ན། སློབ་ཕྲུག་དེ་ཚོའི་རང་གི་བསམ་བློའི་ནང་ཡོད་པའི་དོགས་པ་རྣམ་རྟོག་དེ་དག་སྦས་ནས་མ་བཞག་ པར་གོ་སྐབས་བྱུང་སྐབས་གསལ་སྟོན་བྱས་ཏེ་བཀའ་དྲི་ཞུས་པ་འདི་ཧ་ཅང་ཡག་པོ་རེད་བསམས་བྱུང་།

གནས་ཚུལ་གང་ཡིན་རུང་སངས་པོ་བྱས་ནས་བགྲོ་གླེང་བྱ་རྒྱུ་ཧ་ཅང་གལ་ཆེན་པོ་རེད། དེ་འདྲ་བྱེད་

མ་ཐུབ་ཚེ་ལས་ཀྱི་སྣེ་མོ་བ་ཚོས་ཁྱེད་ཚོའི་བསམ་བློའི་ནང་གང་ཡོད་པ་མཁྱེན་གྱི་མ་རེད། མ་མཁྱེན་ན་གསལ་ བཤད་གནང་རྒྱུའི་གོ་སྐབས་དེ་ཡང་བརླག་འགྲོ་རྒྱུ་རེད། དེར་བརྟེན་སློབ་ཕྲུག་ཚོས་དྲི་བ་ཞུས་པ་འདི་ཡང་དག་ པའི་གནང་ཕྱོགས་ཤིག་རེད་བསམ་པ་དྲན་གྱི་འདུག དེ་ལ་བརྟེན་ནས་ང་ཚོའི་བསམ་བློའི་ནང་ད་དུང་ཡང་དོགས་

པ་རྣམ་རྟོག་མ་ཆོད་པ་དེ་འདྲ་ཡོད་རེད་བསམས་ནས་ངོ་འཕྲོད་ཀྱི་ཡོད། དེར་བརྟེན་ངས་དྲི་བ་ཞུ་མཁན་ཚོར་

དགའ་བསུ་ཞུ་རྒྱུ་དང་། མ་འོངས་པར་ཡང་ཁྱེད་རང་ཚོར་དེ་འདྲའི་དོགས་པ་རྣམ་རྟོག་བྱུང་སྐབས་སོ་སོའི་བསམ་ བློའི་ནང་ཉར་ནས་མ་བསྡད་པར་བཀའ་འདྲི་བཀའ་སློབ་ཞུ་ས་སུ་ཡོད་ཀྱང་དེར་བཀའ་འདྲི་བཀའ་སློབ་ཞུ་དགོས།

དེ་འདྲ་མ་རག་ཚེ་དེང་སྐབས་དེབ་དང་དྲ་རྒྱ། དེ་བཞིན་གནས་ཚུལ་བརྒྱུད་ལམ་ཁག་མང་པོ་ཞིག་ཡོད་པ་དེ་དག་ གི་ནང་གཟིགས་ཏེ་ཐད་ཀར་དོགས་ཆོད་གནང་ཐུབ་ན་ཡག་པོ་ཡོད་རེད་བསམས་ཀྱི་འདུག དེ་རྒྱབ་ལྗོངས་ཀྱི་ གནས་ཚུལ་ངོ་སྤྲོད་ལྟ་བུ་རེད།

ད་ལྟ་ངས་གོང་དུ་ཞུས་པའི་དྲི་བ་ལྔ་དྲུག་ཅིག་གི་ནང་གནས་ཚུལ་བྱུང་བ་དེ་དག་གི་ཐོག་ང་ཚོའི་མཐོང་

ཚུལ་ག་རེ་ཡོད་པ་རེད་ཅེ་ན། བཀའ་འདྲི་ཞུ་མཁན་སློབ་ཕྲུག་ཉུང་ཤས་ཤིག་རེད། ད་ལྟ་དངོས་བྱུང་གི་གནས་ སྟངས་ལ་མཚོན་ན་ངས་ཞུས་པ་བཞིན་རེད། སློབ་ཕྲུག་དྲུག་གི་དྲི་བའི་ནང་གནས་ཚུལ་དེ་དག་ཐོན་གྱི་ཡོད།

འོན་ཀྱང་དེས་གང་མཚོན་གྱི་ཡོད་ཅེ་ན། སློབ་ཕྲུག་དྲུག་གི་བསམ་བློའི་ནང་དོགས་པ་རྣམ་རྟོག་དེ་འདྲ་ཞིག་

ཡོད་པ་དེ་ཁོང་ཚོ་གཅིག་པུ་མ་གཏོགས་སློབ་ཕྲུག་གཞན་གྱི་བསམ་བློའི་ནང་མེད་པ་ཞིག་ཐག་གཅོད་ཐུབ་ 189

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

རྒྱུ་མེད་པ་ཞིག་རེད། ཚོགས་འདུ་ཆེན་པོའི་ནང་ཡར་ལངས་ནས་དྲི་བ་ཞུ་མཁན་དེ་ཕྲན་བུ་སྤོབས་པ་དང་སྦྱང་

ཆ་ཡོད་མཁན་ཞིག་མ་གཏོགས་ཚང་མས་ཞུ་ནུས་ཀྱི་མ་རེད། དེར་བརྟེན་མི་དྲུག་གི་དྲི་བས་སློབ་ཕྲུག་གི་སྤྱི་

ཚོགས་ནང་དོགས་པ་རྣམ་རྟོག་ཡོད་སྲིད་པ་དང་ཡོད་པ་མཚོན་གྱི་རེད་བསམས་ཀྱི་འདུག དེ་ལྟ་བུའི་བསམ་ ཚུལ་དང་དོགས་པ་རྣམ་རྟོག་ཡོད་མཁན་གཞན་མང་པོ་ཡོད་སྲིད་པ་རེད། སློབ་ཕྲུག་ནང་ཕན་ཚུན་ལ་དེ་ལྟ་བུའི་

བཀའ་མོལ་ཡོང་སྲིད་པ་ཞིག་རེད། དེར་བརྟེན་དེ་ཚོར་ངེས་པར་དུ་དོགས་པ་རྣམ་རྟོག་བཅད་དགོས་རྒྱུ་དང་ གསལ་བཤད་བྱེད་རྒྱུ་གལ་ཆེན་པོ་རེད་མ་གཏོགས། དེ་བཞག་ན་རང་བཞིན་གྱི་གནས་ཚུལ་གསལ་པོ་ཆགས་ རྒྱུའི་ཚབ་ལ་དོགས་པ་རྣམ་རྟོག་མང་དུ་འགྲོ་རྒྱུའི་ཉེན་ཁ་ཡོད།

དེར་བརྟེན་བོད་ཕྲུག་ཁྱིམ་སྡེའི་སྒྲིག་འཛུགས་དང་ནང་ཆོས་ངོ་སྤྲོད་གོ་སྒྲིག་ཚོགས་ཆུང་གི་ངོས་ནས་

དེའི་ཐོག་གསལ་བཤད་དགོས་ཀྱི་འདུག་ཅེས་བཀའ་གནང་བ་དེ་ངེས་པར་དུ་དགོས་མཁོ་ཡོད་པའི་གནས་ སྟངས་ལ་ངས་མཐོ ང ་ཐུབ་ཀྱི ་ འདུག རྒྱབ་ལྗོངས་དེ འི ་ ཐོ ག ་ནས་ད་ལྟ་འདི ར ་བཀའ་མོ ལ ་ཞུ་རྒྱུའི ་ དོ ན ་ཚན་

བསྡོམས་བརྒྱབ་ནས་ཞུས་ན། སློབ་ཕྲུག་དྲུག་གི་དྲི་བ་དེ་དག་ཚིག་བརྗོད་བཟོ་སྟངས་དང་། སྟབས་འགྲིག་དང་

མ་འགྲིག གསལ་པོ་ཡོད་མེད་སྣ་ཚོགས་ཤིག་ཡོང་སྲིད་པ་རེད། དེའི་ནང་དོན་ཞིབ་ཚགས་བལྟས་ན་བསམ་ བློའི་རྒྱབ་ལྗོངས་ནང་གང་ཡོད་པ་ཞིག་མཚོན་ཐུབ་ཀྱི་རེད་ཅེས་གསུངས་ན། དྲི་བ་དེ་ཚོའི་ནང་ནས་༸གོང་ས་ ༸སྐྱབས་མགོན་ཆེན་པོ་མཆོག་གིས་དོལ་རྒྱལ་སྐོར་སྔ་ཕྱི་བར་གསུམ་ལ་བླང་དོར་གྱི་ལམ་སྟོན་ཟབ་ནན་ཡང་ ཡང་བསྐྱངས་པ་དང་། དེ་ལ་བརྟེན་ནས་བོད་མིའི་སྒྲིག་འཛུགས། གདན་ས་ཁག དགོན་སྡེ་ཁག གཞུང་འབྲེལ་

མིན་པའི་ཚོགས་པ་ཁག གང་ཟག་སྒེར་ཁག་མང་པོ་ཞིག་གིས་༸སྐྱབས་མགོན་རིན་པོ་ཆེའི་བླང་དོར་གྱི་ལམ་ སྟོན་དེ་དག་ལག་བསྟར་ཆེད་ལས་རིམ་དང་འབད་རྩོལ་མང་པོ་ཞིག་གནང་ཡོད། དེ་ཚོའི་ནང་ཕྲན་བུ་མ་འོས་

པ་དང་མ་འཚམ་པ། མ་འདང་པ་དེ་འདྲ་ཡོད་པའི་ཚོར་སྣང་ཡོད་པ་དྲི་བ་དེ་ཚོས་གསལ་པོ་བཟོ་གི་ཡོད་པ་རེད་

བསམས་ཀྱི་འདུག དེའི་དོན་དག་བསྡོམས་བརྒྱབ་ནས་ཞུས་ན། དོལ་རྒྱལ་རྗེས་འབྲང་པ་དེ་ཚོའི་འགྲོ་བ་མིའི་ ཐོབ་ཐང་དང་ཁོ་པ་ཚོའི་ཆོས་དད་རང་དབང་གི་ཐོབ་ཐང་ལ་དོ་ཕོག་བཏང་ཡོད་པ་རེད་བསམ་པའི་དོགས་པ་

སྐྱེས་ཀྱི་ཡོད་པ་གསལ་པོ་མཚོན་ཐུབ། དོན་ཚན་གཉིས་པ་སྒྲིག་འཛུགས་ཁག་དང་བོད་མིའི་སྤྱི་ཚོགས་ཀྱིས་ དོལ་རྒྱལ་རྗེས་འབྲང་པར་འབྲེལ་བ་བྱེད་ཕྱོགས་དེ་ནོར་འཁྲུལ་ཡོད་པ་གཅིག་དང་། སྤྱི་ཚོགས་ནང་དབྱེ་འབྱེད་ བྱེད་ཀྱི་ཡོད་པའི་ཚོར་སྣང་ཡོད་པའི་བཟོ་འདྲ་མཐོང་གི་འདུག 190

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

དོན་ཚན་གསུམ་པ་༸གོང་ས་མཆོག་དང་སྒྲིག་འཛུགས་ཀྱི་ངོས་ནས་དོལ་རྒྱལ་རྗེས་འབྲང་པ་དེ་ཚོར་

བོད་མི་སྤྱི་བྱིངས་དང་ཆིག་སྒྲིལ་ཡོང་རྒྱུར་ཐབས་ཤེས་དེ་ཙམ་མ་གནང་བའམ། ཐབས་ཤེས་གནང་བ་དེ་མ་

འདང་བའི་གཟིགས་ཚུལ་ཡོད་པ་ཞིག་མཐོང་གི་འདུག མཐའ་མ་དེར་ཆིག་སྒྲིལ་དེ་གལ་ཆེན་པོ་ཡིན་པ་དང་། ཆིག་སྒྲིལ་ཡོང་ཆེད་དོལ་རྒྱལ་བསྟེན་གསོལ་བཀག་འགོག་གནང་རྒྱུ་དེ་ཕྲན་བུ་ལྷོད་དུ་གཏོང་དགོས་པ། དོལ་

རྒྱལ་བསྟེན་གསོལ་བཀག་འགོག་གནང་རྒྱུ་དང་བོད་མི་ནང་ལ་ཆིག་སྒྲིལ་ཡོང་རྒྱུའི་ཁེ་ཕན་གཉིས་བསྡུར་ན་ ཆིག་སྒྲིལ་ཡོང་རྒྱུ་གལ་ཆེ་བ་དང་། དོལ་རྒྱལ་བསྟེན་གསོལ་བཀག་འགོག་གནང་རྒྱུ་དེ་ཙམ་གལ་ཆེན་པོ་མིན་

པ་ལྟ་བུའི་གཟིགས་ཚུལ་ཡོད་འདུག ངས་གོ་སྟངས་ཤིག་ལ་དོན་ཚན་བཞིའི་ནང་དྲི་བ་དྲུག་པོ་དེའི་རྒྱབ་ལྗོངས་ ཀྱི་གནས་ཚུལ་བསྡུས་ནས་བརྗོད་ན། དོན་ཚན་བཞི་པོ་འདིའི་ནང་འདུས་པ་ལྟ་བུ་ཆགས་ཀྱི་ཡོད། དོན་ཚན་

བཞི་པོ་འདི་ད་ལྟ་ན་གཞོན་ཚོའི་དགོངས་པའི་ནང་དོགས་པ་རྣམ་རྟོག་གསར་པ་ཡོང་བ་ཞིག་མ་རེད། སྔོན་མ་ ནས་དོལ་རྒྱལ་སྐོར་༸གོང་ས་༸སྐྱབས་མགོན་ཆེན་པོ་མཆོག་གིས་ལམ་སྟོན་བཀའ་སློབ་ཡང་ཡང་ཕེབས་པ་

དང་། དེར་སྒྲིག་འཛུགས་ཀྱིས་མཇུག་འཁྱོངས་ཞུས་པའི་སྐབས། དོལ་རྒྱལ་ཚོགས་པས་དོན་ཚན་འདི་དག་གི་ ཐོག་ལོག་པའི་དྲིལ་བསྒྲགས་མང་པོ་བྱས་ཡོད། སྤྱི་ཚོགས་ནང་གླེང་གཞི་མང་པོ་ལྷག་ཡོད། དེར་བརྟེན་དེ་ཚོ་ ཚང་མ་ཕྱོགས་བསྡོམས་བརྒྱབ་ནས་ཕྱི་ལོ་ ༡༩༩༦ ཟླ་ ༦ ཚེས་ ༦ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་

དོལ་རྒྱལ་དང་འབྲེལ་བ་ཡོད་པའི་རྗེས་འབྲང་པ་ཚོ་དང་མཉམ་བཙན་བྱོལ་སྒྲིག་འཛུགས་དང་གདན་ས་ཁག སྤྱི་ སྒེར་ཚང་མར་འབྲེལ་བ་གནང་ཕྱོགས་སྐོར་དོན་ཚན་བརྒྱད་ཡོད་པའི་སྤྱི་མོས་གྲོས་ཆོད་བཞག་ཡོད། ལོ་བཅུ་ དགུ་ཉི་ཤུ་སྔོན་གྱི་སྐད་ཆ་རེད། ད་དུང་དེ་རྗེས་རྙོག་འཛིང་མུ་མཐུད་ནས་བསྡད་པར་བརྟེན།

ཕྱི་ལོ་ ༡༩༩༧ ཟླ་ ༩ ཚེས་ ༡༧ ཉིན་དོན་ཚན་བཅུ་གཅིག་ཡོད་པའི་སྤྱི་མོས་གྲོས་ཆོད་བཞག་ཡོད།

སྤྱི་མོས་དོན་ཚན་གཉིས་པོ་དེའི་དོན་ཚན་ཁག་དང་དེའི་ངོ་སྤྲོད་སྔོན་འགྲོའི་བརྗོད་ཚིག་དེ་དག་ཡག་པོ་བྱས་ཏེ་ ཀློག་ན། ད་ལྟ་ངའི་གོང་དུ་ཞུས་པའི་དོགས་པ་རྣམ་རྟོག་བཞི་པོར་གསལ་བཤད་ལན་ཐེབས་ངེས་ཤིག་གྲོས་ཆོད་

དེ་དག་གི་ནང་འཁོད་ཡོད། དེར་བརྟེན་དེ་ལྟ་བུའི་དོགས་པ་རྣམ་རྟོག་ཡོད་མཁན་ཞིག་ཡིན་ན། སྤྱི་འཐུས་ལྷན་ ཁང་གིས་སྤྱི་མོས་ཀྱི་བཞག་པའི་གྲོས་ཆོད་དོན་ཚན་བརྒྱད་པ་དང་དོན་ཚན་བཅུ་གཅིག་གཉིས་པོར་བསྐྱར་དུ་ ཞིབ་འཇུག་གནང་ན་དེའི་ཐོག་ནས་གསལ་པོ་ཆགས་པའི་རེ་བ་བྱེད་ཀྱི་ཡོད། གྲོས་ཆོད་དེ་དག་མང་ཚོགས་ཀྱི་

བསམ་བློ་འཁྱེར་སྟངས་དང་ལས་དོན་བྱེད་ཕྱོགས་ལ་འབྲེལ་བ་ཡོད་པའི་གལ་གནད་ཆེ་བའི་གྲོས་ཆོད་ཤ་སྟག་ 191

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

རེད། དུས་ཚོད་ཡུན་རིང་ཕྱིན་སྟབས་གཅིག་བྱས་ན་མང་ཚོགས་ཀྱི་དྲན་ཡུལ་ནས་ཡལ་འགྲོ་རྒྱུ་ལྟ་བུ་ཡོང་སྲིད་ པ་རེད། དེར་བརྟེན་དེ་ཚོ་ཡང་ནས་ཡང་དུ་འཇགས་ཀློག་གནང་བ་དང་། སློབ་ཕྲུག་ཚོར་ཡང་ཀློག་བཅུག་ནས་

གསལ་བཤད་གནང་ན་ཡག་པོ་ཡོད་པ་རེད་བསམས་ཀྱི་འདུག གྲོས་ཚོགས་ཀྱི་ནང་རྒྱ་ཆེ་གཏིང་ཟབ་ཀྱི་བགྲོ་

གླེང་ཞིབ་ནན་གནང་རྗེས་གཏན་ལ་ཕབ་པའི་གྲོས་ཆོད་ཡིན་པར་བརྟེན། དེ་ཚོའི་ཚིག་བརྗོད་རེ་རེའི་ནང་དོན་དག་ གལ་ཆེན་མང་པོ་ཚུད་ཡོད། གྲོས་ཚོགས་ཀྱི་ཡིག་ཆ་ཁག་གི་ནང་ནས་རག་གི་རེད། དོལ་རྒྱལ་སྐོར་བྲིས་པའི་ དེབ་དེ་ཚོའི་ནང་འབྲེལ་བ་ཡོད། དེ་དག་སློབ་ཕྲུག་ཚོས་འཇགས་ཀློག་གནང་ན་གསལ་པོ་ཆགས་ཀྱི་རེད། ངས་

ཡིག་ཆ་འདི་ལུང་འདྲེན་བྱེད་དགོས་དོན་གང་ཡིན་ཞེ་ན། ཡིག་ཐོག་ཏུ་འཁོད་ཡོད་པར་བརྟེན་ཡང་ནས་ཡང་དུ་ འཇགས་ཀློག་གནང་རྒྱུ་ཡོང་གི་རེད། དེའི་ནང་ཚིག་ཉུང་ཉུང་དང་དོན་དག་བསྡུས་པོ་ཡོད་སྟབས། དོགས་པ་རྣམ་

རྟོག་མང་པོ་ཞིག་གི་ལན་དེ་ནས་རག་གི་རེད། ད་ལྟ་ང་ཚོས་ངག་ཐོག་ནས་ཞུས་པ་དེ་དག་ཚང་མས་བློར་ངེས་ཀྱི་ ཡོད་མེད་དང་ཚོགས་འདུ་གྲོལ་རྗེས་ཕྱེད་ཀ་བརྗེད་ཚར་བ་ཡོང་སྲིད་པ་རེད། དེར་བརྟེན་ངས་ཡིག་ཆ་རིང་པོ་དེ་

ཚོར་ཁ་དཔང་མ་བྱས་པར་གྲོས་ཆོད་རྡོག་རྡོག་གཉིས་ལ་ཁ་དཔང་བྱས་པ་དེས་ཁྱེད་རང་ཚོར་ལྗགས་ཀློག་གནང་ བདེ་བ་དང་དོན་ལ་ཕན་པ་ཡོད་པ་རེད་བསམས་ཀྱི་འདུག

དེ་རིང་ངས་དོན་ཚན་བཞི་ཞུས་པའི་ནང་ནས་དང་པོ། ༸གོང་ས་མཆོག་དང་སྒྲིག་འཛུགས། གཞུང་འབྲེལ་

དང་གཞུང་འབྲེལ་མིན་པའི་སྡེ་ཚན་ཁག ཆོས་སྡེ་ཁག་གིས་དོལ་རྒྱལ་རྗེས་འབྲང་པ་དང་འབྲེལ་བ་བྱེད་ཕྱོགས་ལ་

བརྟེན་ནས་དོལ་རྒྱལ་རྗེས་འབྲང་པ་ཚོའི་འགྲོ་བ་མིའི་གཞི་རིམ་གྱི་ཐོབ་ཐང་དང་ཆོས་དད་རང་དབང་གི་ཐོབ་ཐང་

ལ་དོ་ཕོག་ཕྱིན་ཡོད་ཅེས་ཁོང་ཚོས་བཤད་པ་དེ་བདེན་པ་མ་རེད་ཅེས་ཞུ་གི་ཡོད། ང་ཚོས་གང་གནང་བ་དེ་ཁོང་ ཚོར་དངོས་ཤུགས་བརྒྱུད་ནས་སྔ་ཕྱི་བར་གསུམ་དུ་དོ་ཕོག་ཕྱིན་པ་ཞིག་ཆགས་ཀྱི་མེད་པ་འདི་ཐག་བཅད་ནས་

བརྗོད་ཐུབ་པ་ཞིག་རེད། དོ་ཕོག་ཕྱིན་ཡོད་ཀྱི་མ་རེད་ཅེས་ཚོད་དཔག་བྱས་པའི་གནས་སྟངས་ཤིག་མིན། དོ་ ཕོག་ཕྱིན་དང་མ་ཕྱིན་ཟེར་རྒྱུ་དེ་ཁྲིམས་མཐུན་གྱི་དྲི་བ་གཅིག་ཡིན་པ་མ་ཟད། ཆབ་སྲིད་དང་སྤྱི་ཚོགས་ཀྱི་དྲི་ བ་ཡང་རེད། དེ་དག་ཞིབ་ཚགས་པོ་བྱས་ནས་གཟིགས་དགོས་རྒྱུ་ཞིག་རེད། ཁོ་རང་ཚོས་དབྱིན་ཇིའི་ཐོག་ནས་ ཚིག་གཅིག་བེད་སྤྱོད་བཏང་གི་ཡོད། བོད་ཡིག་ཐོག་བྲིས་པ་ངས་མཐོང་མ་བྱུང་། ཁོང་ཚོའི་དྲིལ་བསྒྲགས་མང་

ཆེ་བ་དབྱིན་ཇི་དང་ནུབ་ཕྱོགས་ཀྱི་སྐད་ཡིག་གཞན་གྱི་ཐོག་བྱེད་ཀྱི་ཡོད། དེ་དག་ནང་ཁོ་པ་ཚོས་གང་བྲིས་ཡོད་ དམ་ཅེ་ན། ༸སྐྱབས་མགོན་རིན་པོ་ཆེའི་དོལ་རྒྱལ་བསྟེན་གསོལ་བྱེད་རྒྱུར་ ban གནང་བ་རེད་ཅེས་དབྱིན་ཇིའི་ 192

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཚིག་འདི་བེད་སྤྱོད་བཏང་ཡོད། དབྱིན་ཇིའི་ཚིག་འདི་ང་ཚོའི་བོད་སྐད་ཐོག་ལ་མི་ཆོག་པ་བཟོས་པ་ལྟ་བུ་ཞིག་

རེད། ༸སྐྱབས་མགོན་རིན་པོ་ཆེ་མཆོག་གི་དགག་བྱ་དང་བཀག་འགོག་གནང་བ་ཞིག་རེད་མ་གཏོགས། དོལ་ རྒྱལ་བསྟེན་གསོལ་མི་ཆོག་པའི་བཙན་བཀའ་བཏང་མེད།

དེར་བརྟེན་ ban བྱས་ཡོད་པ་མ་རེད་ཅེས་ང་ཚོས་གསལ་པོ་ཤེས་དགོས། ban བྱས་ན་ད་ལྟ་བསྟེན་

གསོལ་བྱེད་མཁན་ཚོ་གང་འདྲ་བྱས་ནས་བསྟེན་གསོལ་བྱེད་ཀྱི་ཡོད་དམ། ད་ལྟ་དོལ་རྒྱལ་བསྟེན་གསོལ་བྱེད་

མཁན་ཚོས་རང་དབང་གི་ཐོག་བསྟེན་གསོལ་བྱེད་བཞིན་ཡོད་པ་མ་ཟད། ༸གོང་ས་མཆོག་ལ་མཚན་སྨད་དང་

༸རྒྱལ་བ་རིན་པོ་ཆེ་མཆོག་ས་ཕྱོགས་གང་དུ་ཆིབས་སྒྱུར་བསྐྱངས་ཡང་ངོ་རྒོལ་གྱི་རྔམ་སྟོན་ཁྲོམ་སྐོར་བྱེད་ རྒྱུ། ༸སྐྱབས་མགོན་རིན་པོ་ཆེའི་སྐུའི་ཉེ་འཁྲིས་ལ་བཅར་ནས་ངོ་རྒོལ་ཞུ་རྒྱུའི་གོ་སྐབས་རག་ཡོད། དེ་དག་གིས་ ban གནང་མེད་པའི་གནས་ཚུལ་མཚོན་གྱི་ཡོད། མི་ཆོག་པའི་བཀའ་ཁྱབ་སྩལ་མེད་པའི་གནས་ཚུལ་མཚོན་གྱི་

ཡོད། ༸སྐྱབས་མགོན་རིན་པོ་ཆེ་མཆོག་གི་བཀའ་སློབ་སྔ་རྗེས་བར་གསུམ་གང་དུ་གཟིགས་ཀྱང་། མ་བསྟེན་ན་ ཡག་པོ་ཡོད་པ་དང་ཁྱེད་རང་ཚོས་བསྟེན་ལུགས་བསྟེན་སྟངས་དེ་སྐྱབས་འགྲོའི་བསླབ་བྱ་དང་འགལ་ནས་བསྟེན་ གྱི་འདུག དེ་ནང་པའི་ཆོས་ཀྱི་གནས་སྟངས་ཞན་དུ་གཏོང་རྒྱུའི་གནས་ཚུལ་ཞིག་རེད། དེར་བརྟེན་བོད་པའི་ཆོས་

བརྒྱུད་ནང་ཕན་ཚུན་ལ་འཆམ་མཐུན་མི་ཡོང་རྒྱུར་ཆིག་སྒྲིལ་དང་བོད་མིའི་རྩ་དོན་ལ་གནོད་པའི་བྱ་བ་ཞིག་ཡིན་ སྟབས། དོལ་རྒྱལ་བསྟེན་གསོལ་མ་བྱེད་ན་ཡག་གི་རེད་ཅེས་བཀའ་སློབ་སྩལ་ཡོད་པ་རེད་མ་གཏོགས། དེ་རིང་

ནས་བཟུང་ཚང་མས་དོལ་རྒྱལ་བསྟེན་གསོལ་མཚམས་འཇོག་བྱེད་དགོས་ཡོད་ཅེས་ནམ་ཡང་བཀའ་སྩལ་མེད། ༸གོང་ས་མཆོག་གི་བཀའ་སློབ་དང་པོ་ནས་ཉན་ན་བསླབ་བྱ་རྒྱག་རྒྱུ་དེ་ངོས་ཀྱིས་ལས་འགན་རེད། ཉན་དང་

མ་ཉན་ཁྱེད་རང་ཚོར་རག་ལུས་ཡོད་ཅེས་ཡང་ཡང་བཀའ་སྩལ་ཡོད། སྐབས་འགའ་ཤས་ལ་ཁ་ཆེ་ཕ་ལུའི་ལུང་ དྲངས་ནས་ཁ་ཆེ་ཕ་ལུའི་སྙིང་གཏམ་བཤད་ཡོད་དོ། ཉན་དང་མ་ཉན་སོ་སོར་རག་ལུས་ཡོད། ཅེས་ལུང་འདྲེན་

མཛད་པ་དེ་ཁྱེད་རང་ཚོས་ཕལ་ཆེར་གཟིགས་ཡོད་ངེས་རེད། འདི་དག་ཡིག་ཆའི་ནང་འཁོད་ཡོད་པ་ཞིག་རེད་ མ་གཏོགས་ངས་གསར་བཟོས་བྱས་པ་ཞིག་མིན། ཉེ་བའི་ཆར་གྱི་གནས་ཚུལ་ཞིག་ཞུས་ན། ཉེ་ཆར་ཟླ་བ་འདིའི་

ཕྱི་ཚེས་ ༡༠ ཉིན་ལ་དྭགས་ལ་དུས་འཁོར་དབང་ཆེན་བཀའ་དྲིན་བསྐྱངས་སྐབས་ཀྱི་སྔོན་འགྲོའི་བཀའ་སློབ་ནང་། དོལ་རྒྱལ་བསྟེན་གསོལ་བྱེད་མཁན་ཡོད་ན་དབང་ཆེན་ནང་མ་ཡོང་རོགས། ངོས་ཀྱིས་རྟག་ཏུ་བསྟེན་གསོལ་མ་

བྱེད་ཅེས་བརྗོད་ཀྱི་ཡོད། བསྟེན་གསོལ་བྱེད་དང་མ་བྱེད་སོ་སོའི་ལག་པ་རེད། ང་ཚོས་བཙན་དབང་བྱེད་རྒྱུ་ 193

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

གང་ཡང་མེད། དེ་སོ་སོ་འདོད་པ་རེད། བསྟེན་གསོལ་བྱེད་མཁན་ཡིན་ན། ངོས་ཀྱི་མདུན་ནས་གསང་སྔགས་ཀྱི་

དབང་ལ་སོགས་པའི་ཆོས་ཞུས་ན། བླ་སློབ་གཉིས་ཀར་དམ་ཚིག་ཉམས་རྒྱུའི་གནས་སྟངས་ཤིག་ཆགས་ཀྱི་རེད། ཅེས་བཀའ་སློབ་སྩལ་ཡོད། བཀའ་སློབ་འདིའི་ནང་མཚོན་ནའང་༸སྐྱབས་མགོན་རིན་པོ་ཆེ་མཆོག་གིས་རྩ་བ་

ཉིད་ནས་དོལ་རྒྱལ་བསྟེན་ཆོག་གི་མ་རེད་ཅེས་གསུངས་མེད། དོལ་རྒྱལ་མ་བསྟེན་ན་ཡག་པོ་ཡོད་པ་དང་། འོན་

ཀྱང་ངོས་ཀྱིས་བཤད་པ་དེ་ཉན་དང་མ་ཉན་སོ་སོའི་འདོད་པ་རེད། ཅེས་བཀའ་སློབ་སྩལ་ཡོད་པར་བརྟེན། ཕྱོགས་ གཅིག་ནས་ད་ལྟ་ང་ཚོའི་བཙན་བྱོལ་སྤྱི་ཚོགས་ཀྱི་གནས་བབ་ཐོག་ནས་༸སྐྱབས་མགོན་རིན་པོ་ཆེ་མཆོག་གིས་

ban མཛད་ཐུབ་རྒྱུ་མེད་ལ་ ban ཞེས་པ་དེ་མཛད་མེད། དེ་ང་ཚོས་གསལ་པོ་བྱས་ཏེ་ཤེས་དགོས་རྒྱུ་ཞིག་རེད།

དེར་བརྟེན་༸རྒྱལ་བ་རིན་པོ་ཆེ་མཆོག་གི་བཀའ་སློབ་ཉན་དང་མ་ཉན་གྱི་རང་དབང་དེ་དོལ་རྒྱལ་རྗེས་འབྲང་པ་ ཚོར་རང་འཇགས་བཞག་ཡོད་པ་མ་གཏོགས་རང་དབང་དེར་གང་དུའང་གནོད་སྐྱོན་བཏང་མེད།

ཁོ་པ་ཚོས་བྱེད་སྟངས་དང་བཤད་སྟངས་ཕྱོགས་ནས་བལྟས་ན་དེ་ལས་ལྡོག་སྟེ་བོད་མིའི་སྒྲིག་འཛུགས་

དང་དགོན་སྡེ་ཁག ༸གོང་ས་༸སྐྱབས་མགོན་ཆེན་པོ་མཆོག་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་

གི་ཐོབ་ཐང་ལ་ཁོང་ཚོའི་ངོས་ནས་ཚུར་བརྡལ་བཤིག་བཏང་བ་ཧ་ཅང་གསལ་པོ་ཡོད། འགྲོ་བ་མིའི་གཞི་རིམ་གྱི་ ཐོབ་ཐང་ཞེས་པ་དེ་སྤྱིར་བཏང་གི་སྐད་ཆ་ཞིག་རེད། ད་ལྟ་དོལ་རྒྱལ་བསྟེན་དང་མ་བསྟེན་ཞེས་པ་འདི་གལ་སྲིད་ མ་བསྟེན་གསུངས་ན། དེས་བསྟེན་མཁན་ཚོས་ཆོས་དད་རང་དབང་གི་ཐོབ་ཐང་ལ་གནོད་ཀྱི་ཡོད་པ་ལྟ་བུར་

འགྲེལ་བརྗོད་བྱེད་ཀྱི་ཡོད། ཧོབ་སྟེ་ལྟ་སྐབས་བསྟེན་དང་མ་བསྟེན་དེ་ཆོས་དད་རང་དབང་གི་དྲི་བའི་ནང་ཚུད་ཀྱི་ ཡོད་སྟབས། མ་བསྟེན་གསུངས་པ་དེ་ཁོང་ཚོས་རང་དབང་ཐོག་ནས་བསྟེན་རྒྱུར་གནོད་པའི་བཟོ་འདྲ་མིན་ནམ་ སྙམ་པའི་དོགས་པ་ཡོང་སྲིད་པ་ཞིག་རེད།

འོན་ཀྱང་གནས་སྟངས་འདི་ཞིབ་ཚགས་པོ་བྱས་ནས་ཞིབ་འཇུག་བྱེད་དགོས་པ་ཞིག་རེད། རྒྱལ་སྤྱིའི་

ཁྲིམས་ཐོག་ནས་བསམ་བློ་བཏང་ན་ཆོས་དད་རང་དབང་གི་ཐོབ་ཐང་དེ་རྒྱལ་སྤྱིའི་ཁྲིམས་གང་གི་ནང་གསལ་གྱི་ ཡོད་དམ། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཀུན་སྤྱོད་ཀྱི་ཐོབ་ཐང་སྐོར་ཡོངས་ཁྱབ་གསལ་བསྒྲགས་

ཞེས་པ་ཞིག་ཡོད། ཡོངས་ཁྱབ་གསལ་བསྒྲགས་དེའི་དོན་ཚན་བཅོ་བརྒྱད་པའི་ནང་བོད་སྐད་ཐོག་བརྗོད་ན་ཆོས་

དད་རང་དབང་བརྗོད་ཆོག་གི་ཡོད། དེའི་ནང་དོན་དག་གསུམ་གྱི་རང་དབང་སྐོར་སྐད་ཆ་བཤད་ཀྱི་ཡོད། དེ་ནི་ རྣམ་རྟོག་དང་། ནང་གི་སེམས་ཚོར། ཆོས་ལུགས། Thought,Conscience & Religion ཡིན། མི་ཚང་ 194

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

མར་གཅིག་གྱུར་གྱི་རང་དབང་གི་ཐོབ་ཐང་གང་ཡོད་ཅེ་ན། རང་གི་རྣམ་རྟོག་གང་འདྲ་ཞིག་འཁྱེར་གྱི་ཡིན་ནའང་དེ་ འཁྱེར་ཆོག་གི་རེད། ནང་གི་སེམས་ཚོར་གྱི་འགྱུར་བ་གང་འདྲ་ཞིག་ཡོད་ཀྱང་དེར་རང་དབང་ཡོད། ཆོས་ལུགས་

གང་འདྲ་ཞིག་ལ་དད་མོས་བྱེད་ཀྱི་ཡིན་ནའང་རང་དབང་ཡོད། ཅེས་རང་དབང་གསུམ་པོ་འདི་ཆོས་རྐྱང་པའི་ཚིག་ མེད། ཚིག་གསུམ་པོ་འདི་མཉམ་དུ་ཡོད། དེར་རང་དབང་ཡོད་སྟངས་དེ་སྒེར་གྱི་ཉམས་ལེན་བྱས་ནའང་འགྲིག་གི་

རེད། མི་མང་པོ་མཉམ་དུ་ཚོགས་ནས་ཆོ་ག་ཕྱག་ལེན་དང་། གསོལ་འདེབས་སྨོན་ལམ་བྱེད་རྒྱུ་ལ་སོགས་བྱས་ ནའང་འགྲིག་གི་རེད། ཁྱབ་སྤེལ་དང་དྲིལ་བསྒྲགས་བྱས་ནའང་འགྲིག་གི་རེད། ཆོས་ལུགས་བརྗེ་འགྱུར་བྱས་ ནའང་འགྲིག་གི་རེད། ཆོས་ལུགས་བརྗེ་རྒྱུ་དེ་ཡང་ཆོས་དད་རང་དབང་གི་ཐོབ་ཐང་ནང་ཡོད།

དེར་བརྟེན་ཆོས་ལུགས་རང་དབང་གི་ཆོས་དད་རང་དབང་གི་ཐོབ་ཐང་ནང་ལ་ཆོས་ལུགས་བྱེ་བྲག་པ་

གང་ཡང་རུང་བ་ཞིག་ལ་སྐྱོན་བརྗོད་དང་ཡོན་ཏན་བརྗོད་རྒྱུ། དེར་བརྟེན་ནས་གང་ཟག་བྱེ་བྲག་པ་སུ་ཡང་རུང་བ་

ཞིག་གིས་ཆོས་ལུགས་བརྗེ་པོ་རྒྱག་རྒྱུ་ཡོངས་རྫོགས་ཡོངས་ཁྱབ་གསལ་བསྒྲགས་ཀྱི་ཆོས་དད་རང་དབང་གི་ དོན་ཚན་དེའི་ནང་ཚུད་ཡོད་པ་ཞིག་རེད། དེར་བརྟེན་ཁོང་རང་ཚོ་སྒེར་ངོས་ནས་དོལ་རྒྱལ་བསྟེན་གསོལ་བྱས་ པར་ང་ཚོ་སུ་ཞིག་གིས་མ་བྱོས་ཞེས་བཀག་སྡོམ་བྱེད་པར་འགྲོ་གི་མེད། བཀའ་སློབ་གནང་བ་ཙམ་ཞིག་རེད།

ཁོང་ཚོ་མཉམ་ཚོགས་ཐོག་དུང་དང་རྒྱ་གླིང་། རྔ་སྦུག་རོལ་མོ་དཀྲོལ་ནས་བསྐང་གསོ་གཏོང་སྐབས་སུ་ཞིག་གིས་

དེར་འགོག་རྐྱེན་བཟོ་གི་མེད། རྒྱ་གར་ལྷོ་ཕྱོགས་ལ་ཕྱིན་ན་ཤར་དགེ་ལྡན་དང་སེར་སྨད་སྤོམ་ར་ཟུར་དུ་ཕྱིན་པ་ དེའི་ནང་ལྟོས་དང་། དགོན་པ་ཨ་མ་ཚོ་ལས་རྫིག་པ་ཁོང་རང་ཚོས་གྲ་རྒྱས་པ་བྱས་དང་བྱེད་མུས་རེད། དེ་ཚོར་

སྤྱི་ཚོགས་དང་སྒྲིག་འཛུགས་སུ་གང་ཞིག་གིས་ཐེ་གཏོགས་བྱེད་ཀྱི་མེད། དྲིལ་བསྒྲགས་གནང་སྟངས་ནི་ཧ་ཅང་ ཤུགས་ཆེན་པོ་བྱེད་ཀྱི་ཡོད་པ་རེད། དེ་ཡང་ཁོང་རང་ཚོར་རང་དབང་ཡོད་ནས་བྱས་པ་ཞིག་རེད་མ་གཏོགས་

རང་དབང་མེད་པར་བྱས་པ་ཞིག་མ་རེད། དེ་དག་ལ་ང་ཚོའི་ངོས་ནས་གནོད་སྐྱོན་སྤུ་ཙམ་བཏང་མེད། ༸གོང་ས་ མཆོག་གིས་དོལ་རྒྱལ་བཀའ་འགོག་གནང་ན་འགྲིག་གི་མི་འདུག ཅེས་རྗོད་བཞིན་པ་དེ་ནི་༸གོང་ས་༸སྐྱབས་

མགོན་ཆེན་པོ་མཆོག་སྐུ་སྒེར་གྱི་ཆོས་དད་རང་དབང་ལ་དོ་ཕོག་གཏོང་རྒྱུའི་ཐབས་ཤེས་བྱེད་ཀྱི་ཡོད། ང་ཚོའི་ ངོས་ནས་ཁོང་ཚོར་དྲིལ་བསྒྲགས་མ་བྱེད་བརྗོད་ཀྱི་མེད། ཁོ་པ་ཚོའི་ངོས་ནས་༸གོང་ས་མཆོག་ལ་དོལ་རྒྱལ་ སྐོར་དྲིལ་བསྒྲགས་བཀག་འགོག་མ་གནང་རོགས་གནང་ཞེས་ངོ་རྒོལ་བྱེད་ཀྱི་ཡོད།

དེར་བརྟེན་ཆོས་དད་རང་དབང་ཕར་བརྡལ་བཤིག་བཏང་བ་རེད་དམ། ཚུར་བརྡལ་བཤིག་བཏང་བ་ 195

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

རེད། དེ་ང་ཚོས་གསལ་པོ་ཤེས་དགོས་རྒྱུ་ཧ་ཅང་གལ་ཆེན་པོ་རེད། ལར་ནས་ཆོས་དད་རང་དབང་གི་ཐོབ་ ཐང་ཞེས་པ་ནི་ཆ་རྐྱེན་མེད་པའི་ཐོབ་ཐང་ཞིག་མ་རེད། ག་དུས་ཡིན་རུང་ཆ་རྐྱེན་ཡོད་པའི་ཐོབ་ཐང་ཞིག་རེད། འགྲོ་བ་མིའི་ཐོབ་ཐང་གི་གསལ་བསྒྲགས་ཀྱི་དོན་ཚན་གཉིས་པའི་ནང་ཡོད་པའི་ཐོབ་ཐང་ཚང་མ་འགྲོ་བ་མི་

ཞིག་ཡིན་ཕྱིན་ཆད་ཚང་མར་གཅིག་མཚུངས་ཡོད་པ་རེད་མ་གཏོགས་ཁ་ཤས་ལ་ཡོད་པ་དང་ཁ་ཤས་ལ་མེད་ པ་མིན། ཞེས་གསལ་བཤད་བྱས་ཡོད། དེར་བརྟེན་ཆོས་དད་རང་དབང་གི་ཐོབ་ཐང་ཡང་དོལ་རྒྱལ་རྗེས་འབྲང་ པ་ཇི་ཙམ་ཡོད་པ་དེ་དང་གཅིག་མཚུངས་༸གོང་ས་མཆོག་དང་བོད་མི་གཞན་ལའང་ཡོད་དགོས་ཀྱི་རེད། དེར་

བརྟེན་དེ་བརྡལ་བཤིག་ཕྱིན་མེད་པ་དང་གལ་སྲིད་བརྡལ་བཤིག་ཕྱིན་ཡོད་ན། ཚུར་ཁ་ལོག་ནས་༸གོང་ས་ མཆོག་དང་བོད་མི་གཞན་དག་གི་ཆོས་དད་རང་དབང་གི་ཐོབ་ཐང་ལ་བརྡལ་བཤིག་ཕྱིན་པ་ཡིན་པ་དེ་ཁྲིམས་

དང་ཆབ་སྲིད་ཐོག་ནས་ར་སྤྲོད་དང་བདེན་རྟགས་ཡོད་པའི་གནས་སྟངས་ཤིག་ཆགས་ཀྱི་ཡོད། ཅེས་བརྗོད་རྒྱུ་ ཡིན། ང་ཚོ་རྒྱ་གར་ནང་བསྡད་ཡོད་པར་བརྟེན། རྒྱ་གར་ནང་གི་ཆོས་དད་རང་དབང་གི་གནས་སྟངས་བཤད་

དགོས་བྱུང་ན། རྒྱ་གར་གྱི་རྩ་ཁྲིམས་འོག་ནས་བཤད་དགོས་པ་ཞིག་རེད། རྒྱ་གར་གྱི་རྩ་ཁྲིམས་ནང་ཆོས་དད་ རང་དབང་གི་ཐོབ་ཐང་རྩ་ཁྲིམས་དོན་ཚན་ ༢༥ ནང་ཡོད།

དེའི་ནང་གསེས་དང་པོ་གཉིས་པ་གསུམ་པ་དང་དེའི་འགྲེལ་བརྗོད་བཅས་ལ་ལྟོས་དང་། རྒྱ་གར་ནང་

ཆོས་དད་རང་དབང་ག་རེ་ཡོད་པ་དེ་རྩ་ཁྲིམས་དོན་ཚན་ ༢༥ ནང་གསལ་གྱི་རེད། རྒྱ་གར་གྱི་ཆོས་དད་རང་ དབང་གི་ཐོབ་ཐང་དེ་ཆ་རྐྱེན་མང་པོ་ཡོད་པའི་ཐོབ་ཐང་ཞིག་རེད་མ་གཏོགས་ཆ་རྐྱེན་གང་ཡང་མེད་པའི་ཐོབ་

ཐང་ཞིག་ཆགས་ཀྱི་མེད། རྩ་ཁྲིམས་དོན་ཚན་ ༢༥ ཆོས་དད་རང་དབང་གི་ Freedom of Religion ཅེས་

པའི་མགོར་གང་ཞིག་བརྗོད་ཡོད་དམ་ཞེ་ན། མགོ་དང་པོར། སྤྱི་ཚོགས་ཀྱི་སྒྲིག་འཛུགས་དང་མང་ཚོགས་ཀྱི་ སྒྲིག་འཛུགས། བཟང་སྤྱོད། འཕྲོད་བསྟེན་བཅས་ལ་མ་གནོད་པའི་ཐོག་ནས། ཞེས་ཆ་རྐྱེན་གསུམ་པོ་འདི་སྔོན་ དུ་ཡོད། དེ་ནས་དེ་ཚོར་གནོད་ཀྱི་མེད་པ་ཡིན་ན། ཆོས་ལུགས་གང་འདྲ་ཞིག་ལ་དད་པ་དང་ཉམས་ལེན། མཉམ་ ཚོགས། དྲིལ་བསྒྲགས་སོགས་བྱས་ཀྱང་ཆོག་གི་རེད། གལ་སྲིད་ཆོས་ལུགས་གཅིག་གིས་ཉམས་ལེན་དང་ཆོ་ག་

ཕྱག་ལེན་ལ་ཁ་གཡར་ཏེ་མང་ཚོགས་ཀྱི་སྒྲིག་འཛུགས་ལ་གནོད་ཀྱི་ཡོད་ན། དཔེར་ན། དོལ་རྒྱལ་བསྟེན་གསོལ་ བྱེད་མཁན་ལྟ་བུར་ཆ་མཚོན་ན། ད་ལྟ་ང་ཚོ་བོད་པའི་མང་ཚོགས་དང་སྒྲིག་འཛུགས་ནང་སྟབས་མ་བདེ་བ་བཟོ་

མཁན་ཆེ་ཤོས་ཤིག་ཁོ་པ་ཚོ་ཆགས་ཀྱི་ཡོད། བཟང་སྤྱོད་དང་འགལ་ན་འཇིགས་སྐུལ་རིང་ལུགས་བྱེད་རྒྱུ་དང་ 196

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

མི་གསོད་རྡུང་རྡེག་དང་མནར་གཅོད་གཏོང་རྒྱུ་ཡོངས་རྫོགས་དོལ་རྒྱལ་རྗེས་འབྲང་པ་ཚོས་བྱས་དང་བྱེད་མུས་ རེད།

དེ་དག་ལ་ལྟ་སྐབས་བཟང་སྤྱོད་དང་འགལ་བ་ཞིག་ཆགས་ཀྱི་ཡོད། འཕྲོད་བསྟེན་ལ་གནོད་དང་མི་གནོད་

ཅེས་པ་དེ་ནི་སྐབས་མཚམས་སོ་སོའི་གནས་ཚུལ་བྱེ་བྲག་པ་ཞིག་རེད། དཔེར་ན། ད་ལྟའི་ཁོ་པ་ཚོའི་བྱེད་བབ་

དེ་མུ་མཐུད་ནས་ཕྱིན་ན། རྒྱ་གར་གཞུང་ཕྱོགས་ནས་ཁྲིམས་དང་སྒྲིག་གཞིའི་ཐོག་ནས་བཀག་བསྡོམས་བྱས་ན་

བྱས་ཆོག་པའི་གནས་སྟངས་ཤིག་ཆགས་ཀྱི་ཡོད། ལྷག་པར་ཁོང་རང་ཚོའི་འགྲོ་སྟངས་དང་ལས་ཀ་བྱེད་སྟངས་

ཐོག་ནས་ནུབ་ཕྱོགས་པའི་ལྟ་སྟངས་ཐོག་ནས་བྱས་ན། ཆོས་ལུགས་ཀྱི་ཚབ་ཏུ་ Cult ཀལ་ཊི་རེད་ཅེས་བརྗོད་ ཀྱང་མ་ཡིན་པའི་རྒྱུ་མཚན་ཤོད་རྒྱུ་ཧ་ཅང་ཁག་པོ་རེད། དབྱིན་ལན་དུ་ཡོད་པའི་དགེ་བཤེས་སྐལ་བཟང་གི་ཆོས་

ཚོགས་དེ་ཀལ་ཊིའི་ངོ་བོ་ལ་ཆགས་ཀྱི་ཡོད་པ་ལྟ་བུ་དབྱིན་ཇིའི་གཞུང་གིས་ཐེངས་ཁ་ཤས་མཐོང་བ་རེད། ད་ལྟ་ ཁོ་རང་ཚོའི་བྱེད་ཕྱོགས་ལ་ཕྲན་བུ་འགྱུར་བ་བཏང་ནས་ཁོ་རང་ཚོར་དཀའ་ངལ་མི་ཡོང་རྒྱུའི་ཐབས་ཤེས་མང་པོ་ བྱས་པ་རེད། དེང་སང་ཕྲན་བུ་ལྷིང་འཇགས་ཡོད།

བྷོབ་ཐར་མན་ Bob Thurman གྱི་རྩོམ་ཡིག་དེ་དག་ཀློག་ན་ New kadampa ཞེས་པ་དེ་ཀལ་ཊི་

ཡིན་པ་དང་། གལ་སྲིད་ཀལ་ཊི་མིན་ནའང་དེའི་ངོས་སུ་འགྲོ་གི་ཡོད་པ་དེ་ཧ་ཅང་གསལ་པོ་རེད། དེ་ལྟར་སོང་ན་ རྒྱ་གར་གྱི་ཁྲིམས་ཐོག་ནས་བཀག་བསྡོམས་བྱེད་ཆོག་རྒྱུ་མ་གཏོགས་བྱེད་མ་ཆོག་རྒྱུའི་གནས་སྟངས་ཆགས་

ཀྱི་མེད། རྩ་ཁྲིམས་དོན་ཚན་ཉེར་ལྔ་པའི་ནང་གསེས་དོན་ཚན་དང་པོ་དང་གཉིས་པའི་ནང་། ཆོས་ལུགས་ཁག་ དང་ཆོས་ལུགས་ཁག་གི་འཛིན་སྐྱོང་དང་འབྲེལ་བའི་རྩ་ཁྲིམས་གཏན་ལ་མ་ཕབ་པའི་སྔོན་གཏན་ལ་ཕབ་ཟིན་

པའི་ཁྲིམས་ཡིག་གང་ཡོད་པ་དེ་རང་འཇགས་བསྡད་ཀྱི་རེད་མ་གཏོགས་འགྱུར་བ་འགྲོ་གི་མ་རེད། ཆོས་དད་ རང་དབང་གི་ཆ་རྐྱེན་དེའི་འོག་ནས་འགྱུར་བ་འགྲོ་གི་མ་རེད། འདི་གཅིག་བྲིས་ཡོད། དེའི་འོག་གི་དོན་ཚན་ནང་

རྒྱ་གར་གཞུང་གི་དབུས་གྲོས་ཚོགས་དང་མངའ་སྡེ་གྲོས་ཚོགས་སོ་སོས་དགོས་གལ་ནམ་བྱུང་ལ་ཆོས་ལུགས་ ཁག་གི་ཉམས་ལེན་བྱེད་སྟངས་དང་། འཛིན་སྐྱོང་བྱེད་སྟངས་ཀྱི་ཐོག་ཚོད་འཛིན་དང་བཀག་འགོག་བྱེད་རྒྱུའི་ ཁྲིམས་བཟོས་ན་ཁྲིམས་བཟོ་ཆོག་གི་རེད། ཁྲིམས་བཟོ་རྒྱུའི་དབང་ཚད་དེ་གྲོས་ཚོགས་ལ་ཡོད་མུས་རེད། ཅེས་ འདི་ལྟར་བྲིས་ཡོད། དཔེར་ན། རྒྱ་གར་གྱི་ཆོས་ལུགས་མང་པོའི་ནང་རིགས་དང་ཁ་མདོག་གི་དབྱེ་བ་ཕྱེ་ནས་ལྷ་

ཁང་ནང་རིགས་གང་འདྲ་ཞིག་འགྲོ་ཆོག་པ་དང་། རིགས་གང་འདྲ་ཞིག་འགྲོ་ཆོག་གི་མེད་པ། དེ་བཞིན་སློབ་སྦྱོང་ 197

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

བྱེད་རྒྱུ་དེ་ཡང་རིགས་གང་འདྲ་ཞིག་གི་བྱེད་ཆོག་པ་དང་རིགས་གང་འདྲ་ཞིག་བྱེད་ཆོག་གི་མེད་པ། རིགས་དང་ ཁ་མདོག་བྱེ་བྲག་པ་ཁ་ཤས་རེག་ཏུ་མི་རུང་བ་ Untouchable ལྟ་བུ་བརྩི་རྒྱུའི་ཆོས་ལུགས་ཀྱི་ལམ་སྲོལ་ཡོད། དེ་དག་ཚང་མ་ཆོས་དད་རང་གི་འོག་རང་དབང་སྤྲད་མེད། ཁྲིམས་ཐོག་ནས་ཚང་མ་མེད་པ་བཟོས་ཡོད།

དཔེར་ན། ལྷ་ཁང་ནང་འདི་འཛུལ་ཆོག་དང་འདི་མི་ཆོག་བརྗོད་རྒྱུའི་གནས་སྟངས་དེ་དག་ཚང་མ་ཁྲིམས་

ཐོག་ནས་མེད་པ་བཟོས་པ་རེད། དེས་གང་མཚོན་གྱི་ཡོད་ཅེ་ན། མང་ཚོགས་ཀྱི་སྒྲིག་འཛུགས་དང་བཟང་སྤྱོད་ དང་འགལ་བའི་གནས་ཚུལ་ཞིག་ཡོང་གི་ཡོད་ན་ཆོས་དད་རང་དབང་ལ་ཐེ་གཏོགས་དང་། ཚོད་འཛིན། སྟངས་ འཛིན་བྱེད་ཆོག་པ་དེ་ཁྲིམས་ཐོག་ནས་ཧ་ཅང་གསལ་པོ་རེད། འདི་རྒྱ་གར་གྱི་རྩ་ཁྲིམས་ཀྱི་གནས་སྟངས་ཤིག་

རེད། འོན་ཀྱང་ང་ཚོའི་ངོས་ནས་འདི་ལྟ་བུའི་ཚོད་འཛིན་དང་སྟངས་འཛིན་གནང་མེད། བཙན་བྱོལ་བོད་མིའི་ བཅའ་ཁྲིམས་ལྟ་བུར་མཚོན་ན། བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་པའི་ནང་ཆོས་དད་རང་ དབང་གི་གནས་སྟངས་དེ་ཡོད། ཆོས་དད་རང་དབང་གི་གནས་སྟངས་ནང་དང་པོ་དེར་ཆོས་ལུགས་ཡོངས་

རྫོགས་ཁྲིམས་ཀྱི་མདུན་སར་འདྲ་མཉམ་ཡིན། ཞེས་བཀོད་ཡོད་སྟབས། དོལ་རྒྱལ་བསྟེན་གསོལ་བྱེད་མཁན་

དེ་ཆོས་ལུགས་ཤིག་ལ་བརྩིས་ནའང་། དེ་དང་དོལ་རྒྱལ་བསྟེན་གསོལ་མི་བྱེད་མཁན་གཉིས་ཀ་ཁྲིམས་ཀྱི་ མདུན་སར་འདྲ་མཉམ་ཡིན། དེར་བརྟེན་གཅིག་གི་ཐོབ་ཐང་ལ་གཞན་ཞིག་གིས་གནོད་སྐྱོན་བཏང་ན་འགྲིག་གི་

མེད། ང་ཚོའི་ངོས་ནས་གནོད་སྐྱོན་གཏོང་གི་མེད། ཁོ་རང་ཚོའི་ངོས་ནས་གནོད་སྐྱོན་གཏོང་རྒྱུའི་ཐབས་ཤེས་ བྱེད་བཞིན་ཡོད། གལ་སྲིད་དེའི་སྐོར་བོད་མི་མང་སྤྱི་འཐུས་ལྷན་ཚོགས་ནས་ཚོད་འཛིན་གནང་ན་གནང་ཆོག་ རྒྱུའི་ཆ་རྐྱེན་དེ་བཅའ་ཁྲིམས་དོན་ཚན་བཅུ་གཉིས་པའི་ནང་ཡོད། མི་རིགས་དང་རྩ་དོན་གྱི་དགོས་མཁོ་ཆེན་

པོའི་ཆེད་ཁྲིམས་ཀྱི་ཐོག་ནས་ཚོད་འཛིན་བཀག་འགོག་བྱས་པ་ཕུད། ཅེས་འཁོད་ཡོད་པར་བརྟེན། ཚོད་འཛིན་ བཀག་འགོག་བྱེད་ཆོག་རྒྱུ་ཡོད་པའི་གནས་སྟངས་ཤིག་གསལ་ཡོད།

ད་ལྟ་གནང་ཡོད་པ་མ་རེད་དེ་མ་འོངས་པར་གནང་ནའང་ཁོ་རང་ཚོས་བཤད་པ་བཞིན། ཁོང་ཚོའི་གནས་

ཚུལ་ཁ་ཤས་ལ་བོད་མི་མང་སྤྱི་འཐུས་ལྷན་ཚོགས་ཀྱིས་ཁྲིམས་དང་སྒྲིག་གཞི་བཟོས་ཀྱང་བཟོ་མ་ཆོག་པའི་ གནས་སྟངས་མེད་པ་ཧ་ཅང་གསལ་པོ་རེད། ངས་དོན་ཚན་དང་པོ་དེར་བསྡོམས་བརྒྱབ་ནས་ཞུ་རྒྱུར། ༸གོང་

ས་༸སྐྱབས་མགོན་ཆེན་པོ་མཆོག་གིས་དོལ་རྒྱལ་སྐོར་བླང་དོར་བཀའ་སློབ་སྩལ་བ་ནས་བཟུང་ད་ཕན་དོལ་ རྒྱལ་རྗེས་འབྲང་པ་ཚོར་མིའི་ཐོབ་ཐང་དང་ཆོས་དད་རང་དབང་གི་ཐོབ་ཐང་ལ་བརྡལ་བཤིག་དོ་ཕོག་འགྲོ་རྒྱུའི་ 198

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

མཛད་འཕྲིན་སྣ་གཅིག་ཀྱང་བསྐྱངས་མེད། དེ་ལྟར་བསྐྱངས་པའི་ཁྱེད་རང་ཚོར་དོགས་པ་རྣམ་རྟོག་ཡོད་ན་དེ་

གཞི་རྩ་མེད་པའི་དོགས་པ་རྣམ་རྟོག་ཅིག་རེད། ཅེས་ངས་གསལ་པོ་ཞིག་བཟོས་ན་བསམས་བྱུང་། གཞི་རྩ་མེད་ པའི་དོགས་པ་རྣམ་རྟོག་རེད་ཅེས་ངས་བརྗོད་པ་དེ་ཁྱེད་རང་ཚོས་ཡིད་ཆེས་བྱེད་དགོས་རྒྱུའི་རྒྱུ་མཚན་གང་ཡང་ མེད། ཡིད་མ་ཆེས་པ་ཡོང་སྲིད་པ་རེད། འཇིག་རྟེན་འདིའི་ནང་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་

བརྡལ་བཤིག་ཕྱིན་ན། དེ་བརྡལ་བཤིག་མི་འགྲོ་རྒྱུར་སྲུང་སྐྱོབ་དེ་ག་ནས་ཞུ་དགོས་ཀྱི་རེད། སྲུང་སྐྱོབ་ཞུས་ས་

དེ་རྒྱལ་སྤྱིའི་ནང་ཆ་བཞག་ན་རྒྱལ་སྤྱིའི་ཉེས་ཡངས་ཚོགས་པ་ Amnesty International ཞེས་པ་འདི་སྒྲིག་ འཛུགས་ཆེ་ཤོས་ཤིག་རེད། གལ་སྲིད་དེ་ལྟ་བུའི་བརྡལ་བཤིག་འགྲོ་གི་ཡོད་ན་ཞུས་ས་དེ་རྒྱལ་སྤྱིའི་ཉེས་ཡངས་

ཚོགས་པར་ཞུས་དགོས། རྒྱ་གར་ནང་ཆ་བཞག་ན་རྒྱ་གར་རྒྱལ་ཡོངས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་ National Human Rights Commission ཡོད། རྒྱ་གར་ནང་སྲུང་སྐྱོབ་ཞུས་དགོས་ན་ཚོགས་པ་འདིར་

ཞུ་དགོས།

ཕྱི་ལོ་ ༡༩༩༨ ལོར་དོལ་རྒྱལ་རྗེས་འབྲང་པས་རྒྱལ་སྤྱིའི་ཉེས་ཡངས་ཚོགས་པར་ཁྲིམས་གཏུག་བྱས་

པ་རེད། དེ་རྗེས་རྒྱལ་སྤྱིའི་ཉེས་ཡངས་ཚོགས་པས་ཆ་ཚང་ཞིག་ཞིབ་འཇུག་བྱས་ནས་ཐག་གཅོད་ཀྱིས་བཀའ་

ལན་ཞིག་གནང་ཡོད་པའི་ནང་། བོད་ནང་ཡིན་ན་ཆོས་དད་རང་དབང་བརྡལ་བཤིག་བཏང་བ་ར་སྤྲོད་མང་པོ་ བྱུང་སོང་མ་གཏོགས། བཙན་བྱོལ་ནང་ལྷག་པར་དོལ་རྒྱལ་རྗེས་འབྲང་པ་ཚོར་ཆོས་དད་རང་དབང་དང་འགྲོ་བ་

མིའི་ཐོབ་ཐང་ལ་བརྡལ་བཤིག་ཕྱིན་པ་དེ་འདྲ་དོན་ཚན་གཅིག་ཀྱང་ར་འཕྲོད་ཀྱི་མི་འདུག དེར་བརྟེན་ཁྱེད་རང་

ཚོས་ཞུས་པའི་དགོས་འདུན་འདི་ང་ཚོའི་ལག་པ་འཆང་ཐུབ་རྒྱུ་མི་འདུག ཅེས་ཚིག་གི་བདག་པོའི་ཚིགས་སུ་ བཅད་ནས་བཀའ་ལན་ཧ་ཅང་གསལ་པོ་གནང་ཡོད། འདི་ཡིག་ཐོག་ཏུ་ཡོད་པ་ཡོངས་གྲགས་རེད་མ་གཏོགས་

གསང་བའི་ཡིག་ཆ་དེ་འདྲ་གང་ཡང་མིན། ཁྱེད་རང་ཚོས་གཟིགས་ན་དེའི་ནང་ནས་གསལ་པོ་ཞིག་མཁྱེན་ ཐུབ་རྒྱུ་ཡོད། དེ་རྗེས་ལ་ཕྱི་ལོ་ ༢༠༠༧ ལོར་རྒྱ་གར་རྒྱལ་ཡོངས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་ལ་

ཁོང་ཚོས་སྙན་ཞུ་བཏང་བ་རེད། སྙན་ཞུ་དེའི་ནང་དོན་ཚན་དམིགས་སུ་བཀར་བ་བོད་ནས་གསར་འབྱོར་དོལ་

རྒྱལ་བསྟེན་གསོལ་བྱེད་མཁན་བཅོ་ལྔ་བཅུ་དྲུག་ལ་གདན་ས་ནང་འཛུལ་ཞུགས་བྱེད་རྒྱུའི་ངོས་སྦྱོར་རག་མེད་ ལུགས་བཀོད་ཡོད། ཁོང་ཚོ་སློབ་གྲྭ་ཁག་གང་དུ་འཛུལ་ཞུགས་བྱེད་ཀྱང་སློབ་གྲྭར་གཏོང་གི་ཡིན་ཞེས་ཞུས་

ཡོད། གདན་ས་ནང་འཛུལ་ཞུགས་བྱེད་རྒྱུ་ཡིན་ན་སྣེ་ལེན་ཁང་གི་ངོས་སྦྱོར་ཞིག་གཏོང་དགོས་ཀྱི་ཡོད། ངོས་ 199

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

སྦྱོར་དེའི་ནང་མི་འདི་འདྲ་ཞིག་གདན་ས་དང་གྲྭ་ཚང་། ཁང་ཚན་འདི་འདྲ་ཞིག་གི་ནང་འཛུལ་ཞུགས་བྱེད་རྒྱུའི་ འདུན་པ་ཡོད་པ་ལྟར་འཛུལ་ཞུགས་བྱེད་བཅུག་རོགས་ཞེས། སློབ་གྲྭ་ཁག་དང་དགོན་སྡེ་ཁག་སོགས་ཆོས་ བརྒྱུད་རིས་མེད་ལ་གཅིག་མཚུངས་གཏོང་གི་ཡོད།

དེར་བརྟེན་དོལ་རྒྱལ་རྗེས་འབྲང་པར་གདན་ས་ནང་འཛུལ་ཞུགས་བྱེད་རྒྱུའི་ངོས་སྦྱོར་དེ་སྤྲད་མེད། འོན་

ཀྱང་ཁོ་པ་ཚོར་ཁྱེད་རང་ཚོས་སློབ་གྲྭ་གང་འདམ་ཡང་དེར་འགྲོ་རྒྱུར་ངོས་སྦྱོར་སྤྲོད་ཀྱི་ཡིན། དགོན་སྡེ་ཁག་ལ་ ངོས་སྦྱོར་སྤྲོད་ཐུབ་ཀྱི་མ་རེད། ཞེས་བརྗོད་ཡོད། དགོན་སྡེ་ཁག་ལ་ངོས་སྦྱོར་སྤྲོད་མི་ཐུབ་པའི་རྒྱུ་མཚན་ནི།

རི་བོ་དགེ་ལྡན་སྤྱི་ལ་ཁྱབ་པའི་བཅའ་ཡིག་རི་བོ་དགེ་ལྡན་པའི་བསྟན་བདག་ལྷན་ཚོགས་ཀྱིས་གཏན་འབེབས་

གནང་བ་དེའི་ནང་། དགེ་ལུགས་པའི་ཆོས་སྡེ་གང་དུ་འཛུལ་ཞུགས་བྱེད་ཀྱང་། དོལ་རྒྱལ་བསྟེན་གསོལ་མི་བྱེད་ པའམ་མཚམས་འཇོག་བྱས་ཟིན་པ་ཞིག་དགོས་ཀྱི་རེད། ཅེས་ཆ་རྐྱེན་འདི་བཞག་ཡོད། ཆ་རྐྱེན་འདི་བཙན་

བྱོལ་སྒྲིག་འཛུགས་ཀྱི་མེད་པ་བཟོས་ཐུབ་ཐབས་མེད། སྤྱིར་བཏང་ནས་དགོན་པ་དང་སློབ་གྲྭ མཐོ་རིམ་སློབ་གྲྭ་ གང་འདྲ་ཞིག་ཡིན་རུང་འཛུལ་ཞུགས་ཀྱི་ཆ་རྐྱེན་སྒྲིག་གཞི་བཟོ་རྒྱུ་དེ་སྒྲིག་འཛུགས་སོ་སོ་རང་གི་རང་དབང་

རེད། དེར་ཐོབ་ཐང་ཡིན་ཞེས་རྩོད་རྒྱུ་མེད། སྒྲིག་འཛུགས་སོ་སོའི་སྒྲིག་གཞི་གང་འདྲ་ཞིག་བཟོས་པ་དེ་སྒྲིག་ འཛུགས་སོ་སོས་སྒྲིག་གཞི་བཟོ་སྟངས་ཀྱི་ཁྲིམས་དང་སྒྲིག་གཞིའི་འོག་ནས་འགྲོ་རྒྱུ་ཞིག་རེད།

དེར་བརྟེན་སྣེ་ལེན་ཁང་གིས་དགེ་ལུགས་སྤྱིའི་བཅའ་ཡིག་ཆེན་མོ་དང་འགལ་བའི་ངོས་སྦྱོར་ཕུལ་ཐུབ་

ཀྱི་མེད་པར་བརྟེན་ངོས་སྦྱོར་ཕུལ་མེད། འདི་དམིགས་སུ་བཀར་ཡོད་པ་དང་གཞན་ཁོ་པ་ཚོས་དེའི་སྔོན་ལ་

སྤྱིར་བཏང་བཤད་དང་ཤོད་བཞིན་པའི་མང་པོ་ཞིག་ཡོད། དཔེར་ན། སློབ་གྲྭ་ནས་ཕྱིར་འབུད་བྱས་སོང་དང་།

སྨན་ཁང་ནང་འགྲོ་ཆོག་གི་མི་འདུག་ལ་སོགས་འདི་དག་གཅིག་ལའང་དན་རྟགས་མེད། གྲོས་ཚོགས་ཀྱི་བགྲོ་

གླེང་དང་ཡིག་ཆ་ཁག་ལ་གཟིགས་ན་ཚང་མ་རྫུན་མ་ཡིན་པ་ཞིག་མ་གཏོགས་བདེན་པ་གཅིག་ཀྱང་མེད་པ་ གསལ་པོ་རེད།

དེའི་སྐོར་རྒྱ་གར་རྒྱལ་ཡོངས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་ཀྱིས་ཞིབ་འཇུག་མཐིལ་ཕྱིན་པ་

གནང་སྟེ། སྣེ་ལེན་ཁང་དང་འབྲེལ་ཡོད་ལས་ཁུངས་ཁག་ལ་བཀའ་རྩད་ཕེབས་ཡོད། ཁོ་རང་ཚོས་དེ་མ་ཡིན་ པའི་ཞིབ་འཇུག་ཆ་ཚང་གནང་ནས་དེའི་ནང་ཆོས་དད་དང་འགྲོ་བ་མིའི་ཐོབ་ཐང་ལ་བརྡལ་བཤིག་བཏང་བ་

གཅིག་ཀྱང་མི་འདུག དེར་བརྟེན་ཁྱེད་རང་ཚོས་ཞུས་དོན་དེར་ང་ཚོས་ཐག་གཅོད་བྱེད་རྒྱུ་དང་ངོས་ལེན་བྱེད་ 200

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

རྒྱུ་གང་ཡང་མི་འདུག ཅེས་ཕྱི་ལོ་ ༢༠༠༧ ཟླ་ ༡༢ ཚེས་ ༡༩ འཁོད་པའི་བཀོད་ཁྱབ་དེའི་ནང་གསལ་པོ་ཡོད།

རྒྱལ་སྤྱིའི་ཉེས་ཡངས་ཚོགས་པ་དང་རྒྱ་གར་རྒྱལ་ཡོངས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་གཉིས་ཀྱིས་ ཐག་གཅོད་འདི་དྲང་བདེན་མིན་པའི་ཐག་གཅོད་ལ་སུས་ཀྱང་ངོས་ལེན་བྱེད་ཐུབ་ཀྱི་མ་རེད། གལ་ཏེ་འདི་དྲང་

བདེན་མིན་པའི་ཐག་གཅོད་ཡིན་ན་ད་དུང་ཁྲིམས་ཁང་གོང་མ་ནས་གོང་མར་འགྲོ་དགོས་ཀྱི་རེད་ལ་འགྲོ་ཆོག་ གི་རེད། འོན་ཀྱང་ཁོ་པ་ཚོས་ཕྱིན་མེད། དེའི་རྒྱུ་མཚན་ནི་གཞི་རྩ་མེད་པའི་གནས་སྟངས་ཞིག་ཆགས་ཡོད། ཁོ་

པ་ཚོས་ཐག་གཅོད་འདི་ཕྱོགས་ལྷུང་བྱས་ནས་ཐག་གཅོད་བྱས་པའི་གནས་སྟངས་ཤིག་ཆགས་ཀྱི་མེད། ཞིབ་

འཇུག་མཐིལ་ཕྱིན་བྱས་པའི་རྗེས་གྲུབ་དོན་གྱི་ཐག་གཅོད་ཅིག་ཆགས་ཀྱི་ཡོད། དེར་ངས་ད་ལྟ་བརྡལ་བཤིག་

རྩ་བ་ནས་ཕྱིན་མེད་ཅེས་ཐག་བཅད་ནས་ཞུས་པ་དེ་ཁྲིམས་མཐུན་གྱི་དབང་ཚད་ཡོད་པའི་སྡེ་ཚན་ཁག་གི་ཞིབ་

འཇུག་བྱས་པའི་གྲུབ་དོན་ཐག་གཅོད་གཞི་ལ་བཞག་ནས་ཞུས་ཀྱི་ཡོད། འདི་བདེན་པ་མིན་པའི་གནས་ཚུལ་ ར་སྤྲོད་གནང་དགོས་ཀྱི་ཡོད་ན། གོང་རིམ་གྱི་ཁྲིམས་ཁང་དུ་ཕྱིན་ནས་བརྡར་ཤ་གཅོད་དགོས་པ་ཞིག་རེད་མ་

གཏོགས་དེ་མིན་སྲང་ལམ་ཁག་ཏུ་ང་ཚོའི་ཐོབ་ཐང་བརྡལ་བཤིག་བཏང་སོང་ཞེས་བརྗོད་པ་དེ་གསལ་པོ་བྱས་

ནས་བཤད་པ་ཡིན་ན། སྐྱག་རྫུན་དང་། གཞི་རྩ་མེད་པ། ཆ་བཞག་རྒྱུ་མེད་པ་རེད། དེར་བརྟེན་དེ་ཚོའི་ཐོག་ལ་ ང་ཚོས་དོགས་པ་རྣམ་རྟོག་གནང་དགོས་རྒྱུ་མེད་ཅེས་འདི་གཅིག་ཞུ་རྒྱུ་ཡིན།

དོན་ཚན་གཉིས་པ། སྤྱི་ཚོགས་ཀྱི་འབྲེལ་བ་བྱེད་སྟངས་ཐོག་ནས་ཁོ་པ་ཚོར་དབྱེ་འབྱེད་བྱས་པ་དང་།

དྲང་བདེན་མ་བྱས་པ་ཟེར་རྒྱུའི་དགོངས་ཚུལ་ཞིག་ཡོད། དེའི་སྐོར་ལ་ང་ཚོས་གསལ་པོ་བྱས་ནས་མཁྱེན་དགོས་

པ་ཞིག་ལ་དཔེར་ན། བཙན་བྱོལ་སྒྲིག་འཛུགས་ཀྱི་འཛིན་སྐྱོང་བྱས་པའི་སྨན་ཁང་། ཚོང་ཁང་། ཟ་ཁང་ལ་སོགས་ པ་དེ་འདྲ་གང་གི་ནང་དུའང་དོལ་རྒྱལ་རྗེས་འབྲང་པ་ཡོང་ན་འགྲིག་གི་མེད་ཅེས་བཤད་ཡོད་པ་མ་རེད། ཡི་གེ་

སྦྱར་མེད། བཙན་བྱོལ་སྒྲིག་འཛུགས་ངོས་ནས་དབྱེ་འབྱེད་གང་ཡང་བཏང་མེད། བལ་ཡུལ་སྣེ་ལེན་ཁང་ནས་ བཟུང་རྡ་རམ་ས་ལ་སྣེ་ལེན་ཁང་གི་བར་དུ། རྡ་ས་སྣེ་ལེན་ཁང་དུ་བསླེབས་ཏེ་༸གོང་ས་༸སྐྱབས་མགོན་ཆེན་པོ་

མཆོག་མཇལ་ཁ་ཞུ་རྒྱུའི་བར་དུ་སློབ་གྲྭ་ཁག་ནང་གཏོང་རྒྱུའི་བར་དུ། བོད་མི་གཅིག་མཚུངས་བྱས་ཡོད་པ་མ་ གཏོགས།

གསལ་བསྒྲགས་བྱས་ནས་ང་དོལ་རྒྱལ་རྗེས་འབྲང་པ་ཡིན་དོལ་རྒྱལ་སྟེན་མཁན་ཡིན་བརྗོད་ནས་ཡོང་

མཁན་དེ་ཚོ་ལའང་ང་ཚོས་དབྱེ་འབྱེད་མ་བྱས་པར། ཁོ་པ་ཚོར་མཐུན་རྐྱེན་དང་འཕྲོད་བསྟེན་གང་ཅིའི་ཐོག་ 201

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

གཅིག་གྱུར་བྱས་ཡོད། སློབ་གྲྭ་ཁག་ནང་ངོས་སྦྱོར་བཏང་སྟེ་སློབ་གྲྭར་བཏང་བ་རེད། དེ་ལྟར་བཏང་བའི་མི་

ལྷག་མ་དེ་འདྲ་ད་ལྟའང་ཡོད་སྲིད་པ་རེད། འོན་ཀྱང་སྤྱི་ཚོགས་ནང་གང་ཟག་སྒེར་གྱི་འཛིན་སྐྱོང་བྱས་པའི་ཟ་

ཁང་དང་། ཚོང་ཁང་དེ་ཚོའི་ནང་དུ་དོལ་རྒྱལ་རྗེས་འབྲང་པ་དེ་ཚོ་མ་ཕེབས་རོགས་ཞེས་ཡི་གེ་སྦྱར་བ་དེ་དག་ ཚོང་ཁང་བདག་པོའི་རང་དབང་རེད། ཁོང་ཚོའི་འགྲོ་བ་མིའི་གཞི་རིམ་གྱི་ཐོབ་ཐང་རེད། ཡོངས་ཁྱབ་གསལ་

བསྒྲགས་ཀྱི་ནང་དུ་དོན་ཚན་བྱེ་བྲག་པ་ཞིག་ཡོད། གྲངས་ཀ་དེ་ངས་དྲན་གྱི་མི་འདུག Right to Privacy

སོ་སོ་སྒེར་བྱས་ནས་ཟུར་དུ་སྡོད་རྒྱུའི་ཐོབ་ཐང་ཡོད། ཐོབ་ཐང་དེའི་འོག་ནས་སུ་དང་སུ་ཡིན་ནའང་འདིར་མ་ ཡོང་རོགས་ཞེས་བརྗོད་རྒྱུའི་ཐོབ་ཐང་དེ་བདག་པོ་དེའི་གཞི་རིམ་གྱི་ཐོབ་ཐང་རེད། དེ་ལ་ང་ཚོས་བརྡལ་བཤིག་ གཏོང་ཐུབ་ཐབས་མེད། དཔེར་ན། མགྲོན་ཁང་ཆེན་པོ་དེ་འདྲའི་ནང་དུ་སྡོད་པའི་སྐབས་སུ་མགྲོན་ཁང་དེའི་སྒོ་

འགྲམ་དུ་ཤོག་བུ་ཁ་ཤས་བཞག་གི་འདུག ཤོག་བུ་གཅིག་གི་ནང་དུ་ Do not disturb ཟེར་ནས་ཡོད། སོ་ སོའི་ཁང་མིག་ནང་དུ་གནས་སྐབས་རིང་སུའང་མི་ཡོང་བའི་འདོད་པ་ཡོད་པ་ཡིན་ན། དེ་ཕྱིར་ལོག་ལ་བཀལ་པ་

ཡིན་ན། འདི་སུ་གང་ལ་དབྱེ་འབྱེད་བཏང་བའི་སྐད་ཆ་མ་རེད། གཙང་མ་བཟོ་མཁན་དང་། ཁ་ལག་སྐྱེལ་མཁན་ རིགས་ཡིན་ན་རེད། དེ་དག་ལ་གནས་སྐབས་རིང་མ་ཡོང་ཞེས་བརྗོད་ཀྱི་ཡོད།

དགོན་པ་དང་ཆོས་སྡེ་ཁག་གི་ནང་དུ་དོལ་རྒྱལ་རྗེས་འབྲང་པ་ཚོ་འདིར་འཕྲིན་བཅོལ་དང་ཞལ་འདེབས་

བརྒྱབ་པར་མ་ཡོང་ཞེས་སྒོ་བྱང་སྦྱར་བ་དེ་དག་སྒོ་བྱང་སྦྱར་མཁན་གྱི་ཁྲིམས་མཐུན་ཐོབ་ཐང་ཞིག་རེད་མ་ གཏོགས་ཁྲིམས་མཐུན་གྱི་ཐོབ་ཐང་འགལ་ནས་མི་གཞན་ཞིག་གི་ཐོབ་ཐང་ལ་བརྡལ་བཤིག་བཏང་བ་དེ་འདྲ་གང་ ཡང་མ་རེད། ཨ་ལས་གཞན་ཕར་བཞག་སྨན་ཁང་ཁག་ནང་གཅིག་གི་གཅིག་ལ་འགོ་འགྲོ་བའི་འགོས་ནད་ཡོད་

མཁན་གྱི་ནད་པ་དེ་དག་ཟུར་བཅད་བྱེད་ཀྱི་འདུག ཁང་མིག་ཟུར་དུ་བཞག་སྟེ་མི་གཞན་དང་ཐུག་མ་བཅུག་པ་དེ་ ནད་པ་ཁོ་རང་དང་གཞན་ལ་འགོ་དོགས་ཡོད་པའི་ནད་པ་མིན་པ་གཉིས་ཀའི་ཁེ་ཕན་ཆེད་དུ་བྱེད་ཀྱི་ཡོད་པ་ལས་

ནད་པ་དང་ནད་པ་མིན་པའི་ཐོབ་ཐང་འཕྲོག་གི་མེད། དབྱིན་ཇིའི་སྐད་ནང་ Social discrimination དང་ Social boycott ཚིག་མི་འདྲ་བ་གཉིས་དེ་མགོ་བདེ་བོ་བྱས་ནས་བསྲེས་ནས་ཤོད་ཀྱི་ཡོད། Social discrimination ཟེར་རྒྱུ་དེ་གནས་ཚུལ་ཐ་དད་རེད། Social boycott ཟེར་རྒྱུ་དེ་གནས་ཚུལ་ཁྱོན་ཡོངས་ནས་ཐ་དད་

རེད། དོལ་རྒྱལ་རྗེས་འབྲང་པ་དེ་ཚོས་དེ་གཉིས་མཉམ་དུ་བསྲེས་ནས་མི་ཚོ་མགོ་སྐོར་གཏོང་རྒྱུའི་ཐབས་ཤེས་ བྱེད་ཀྱི་འདུག ཁོ་པ་ཚོར་སྤྱི་ཚོགས་ཀྱིས་ཟུར་བཅད་ Social boycott བྱེད་སྐབས་ང་ཚོར་དབྱེ་འབྱེད་ So202

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད། cial discrimination བྱེད་ཀྱི་འདུག་བཤད་ཀྱི་ཡོད། འདི་ Discrimination གང་ཡང་མ་རེད། Boycott

བྱེད་རྒྱུ་དེ་སུ་ཡིན་ནའང་ཐོབ་ཐང་ཡོད་པ་ཞིག་རེད།

ལྷག་པར་འཚེ་མེད་ཞི་བའི་ལམ་ནས་གནས་ཚུལ་མ་འོས་པ་ཞིག་ལ་གདོང་ལེན་དང་ངོ་རྒོལ་བྱ་རྒྱུའི་

ཐབས་ལམ་ཡག་ཤོས་དེ་ཟུར་བཅད་ Boycott བྱ་རྒྱུ་དེ་རེད། བདག་ཉིད་ཆེན་པོ་གྷན་རྡིས་རྒྱ་གར་རང་བཙན་

རྩོད་ལེན་གནང་སྐབས་དང་། དེ་མིན་གནས་ཚུལ་མང་པོའི་ཐོག་ལ་མཐུན་འགྱུར་མི་གནང་རྒྱུ་དང་ Boycott གནང་རྒྱུ་དེ་ཐབས་ལམ་ཡག་ཤོས་ཤིག་ལ་གཟིགས་ཏེ་ཕྱག་ལེན་བསྟར་བ་རེད། Boycott ལ་གྷན་རྡིས་མིང་ གསར་པ་དེ་ non cooperation ཟེར་རྒྱུ་དེ་རེད། མཐུན་འགྱུར་མི་གནང་བ། མཉམ་རུབ་མི་བྱེད་པ། non

cooperation དང་ Social boycott གཉིས་དོན་དག་གཅིག་པ་ལྟ་བུ་རེད། དེར་བརྟེན་བོད་པའི་སྤྱི་ཚོགས་

ནང་ཚོང་ཁང་དང་ཟ་ཁང་། དགོན་པའི་བདག་པོ་བཅས་ཀྱི་དོལ་རྒྱལ་རྗེས་འབྲང་པ་ཚོ་དང་མཉམ་དུ་ཆོས་དང་ ཟང་ཟིང་གི་འབྲེལ་བ་མི་བྱེད་པའི་ཆེད་དུ་ཁོ་རང་ཚོའི་ཚོང་ཁང་དང་ཟ་ཁང་སོགས་གང་ཡིན་ནའང་དེའི་སྒོ་སྟེང་དུ་

དོལ་རྒྱལ་རྗེས་འབྲང་པ་ཚོ་མ་ཕེབས་རོགས་ཞེས་སྒོ་བྱང་སྦྱར་རྒྱུ་དེ་བདག་པོ་རང་གི་ཁྲིམས་མཐུན་གྱི་ཐོབ་ཐང་ ཐོག་ནས་བྱས་པ་ལས་དོལ་རྒྱལ་རྗེས་འབྲང་པའི་ཐོབ་ཐང་འཕྲོག་ནས་བྱས་པ་ཞིག་མིན་པ་གསལ་པོ་བྱས་ནས་ མཁྱེན་དགོས་པ་ཞིག་རེད། ང་རང་ཚོ་བོད་པའི་སྤྱི་ཚོགས་ནང་དུ་སྤྱི་ཚོགས་ཟུར་བཅད་ Social boycott ཀྱི་ ལས་དོན་མང་པོ་བྱེད་ཀྱི་ཡོད། གཞོན་ནུ་ལྷན་ཚོགས་སོགས་གཞུང་འབྲེལ་མིན་པའི་ཚོགས་པ་ཁག་གིས་རྒྱ་

ནག་ནས་ཐོན་སྐྱེད་བྱས་པའི་ཅ་ལག་ཉོ་གི་མིན་ཟེར་ནས་ལས་དོན་སྒྲུབ་མིན་ལ་མ་ལྟོས་པར་ཚར་མང་པོ་བྱེད་ཀྱི་ འདུག ངས་དྲན་ཐོག་ལ་རྡ་སར་ཇ་དམ་བཅག་པ་དང་། མལ་གཟན་མེར་སྲེག་བཏང་བ་སོགས་མང་པོ་བྱས་པ་རེད། འོན་ཀྱང་རྒྱ་མིའི་ཅ་ལག་ཉོ་རྒྱུ་བཀག་འགོག་སུ་གང་གི་བྱེད་ཐུབ་མེད་ཀྱང་བཀག་འགོག་གི་ཐབས་

ཤེས་བྱས་པ་རེད། དེ་དག་གིས་རྒྱ་ནག་གི་ཚོང་པ་དང་། རྒྱ་ནག་གི་བཟོ་ལས་པ་དེ་དག་ལ་ང་ཚོས་དབྱེ་འབྱེད་ བྱས་པ་མ་རེད། Social discrimination བྱས་པ་མ་རེད། Social boycott བྱས་པ་རེད། དེ་འོས་ཤིང་ འཚམ་པ་ཞིག་ལ་བསམ་བློ་བཏང་ནས་ང་ཚོས་བྱེད་ཀྱི་ཡོད་པ་ལས་མ་འོས་པ་དང་མ་བདེན་པའི་གནས་སྟངས་

ཤིག་གི་ཐོག་ནས་བྱེད་ཀྱི་ཡོད་མ་རེད། ལྷག་པར་དོལ་རྒྱལ་རྗེས་འབྲང་པ་ཚོ་དང་། རྒྱལ་སྤྱིའི་སྤྱི་ཚོགས་ཚང་

མས་མཁྱེན་དགོས་པ་ཞིག་ལ་དོལ་རྒྱལ་རྗེས་འབྲང་པ་དེ་ཚོས་རང་རང་སོ་སོ་ཁ་ཁུ་སིམ་པོའི་ཐོག་ནས་སྒེར་

གྱི་དོལ་རྒྱལ་བསྟེན་གསོལ་བྱས་ན། སུ་གང་གི་དེ་ལ་བརྙས་གཙེར་བྱེད་མཁན་ཡོང་ཤེས་ཀྱི་མ་རེད། སྤྱི་ 203

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཚོགས་ནང་ཟུར་བཅད་བྱེད་དགོས་པའི་རྒྱུ་མཚན་གཙོ་བོ་དེ་དོལ་རྒྱལ་བསྟེན་གྱི་འདུག་ཟེར་ནས་ཟུར་བཅད་བྱ་ རྒྱུ་དེ་ཉུང་བ་རེད། དེ་ལས་མང་བ་སྤྱི་ཚོགས་ཀྱི་བསམ་བློའི་ནང་གནོན་ཤུགས་གཅིག་ག་རེ་ཡོད་རེད་ཅེ་ན།

༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཞུས་པ་དང་། མངོན་གསལ་དོད་པོའི་ཐོག་

ནས་བཀའ་ལ་གྱེན་ལོག་བྱས་པ་དེ་ལ་བརྟེན་ནས་སྤྱི་ཚོགས་ཀྱི་མིའི་བསམ་བློའི་ནང་མི་བདེ་བ་དང་། ངོས་

ལེན་བྱེད་མ་ཐུབ་པ་ཡོང་རྒྱུའི་རྒྱུ་མཚན་གཙོ་བོ་འདི་རེད་མ་གཏོགས་མི་གཅིག་གིས་ཁུག་ཏུ་དོལ་རྒྱལ་བསྟེན་

པ་ཡིན་ན། སུས་ཤེས་ཀྱི་རེད། སྤྱི་ཚོགས་ཀྱི་འདོད་པར་མི་འགྲོ་བ་དང་། ཁོང་ཁྲོ་ཡོང་དགོས་དོན་གཙོ་བོ་ནི་ ༸རྒྱལ་བ་རིན་པོ་ཆེར་མཚན་སྨད་དང་། ངོ་རྒོལ་ཞུ་གི་ཡོད་པ་དེའི་རྒྱུ་མཚན་ལ་བརྟེན་ནས་ཡོང་གི་ཡོད། དེར་ བརྟེན་ Social boycott བྱེད་མཁན་དང་། དོལ་རྒྱལ་ཚོགས་པ་དང་ཐག་རིང་པོ་བྱས་ནས་སྡོད་མཁན་དེ་དག་

ཡག་པོ་མ་རེད་ཅེས་བརྗོད་པ་ཡིན་ན། དེ་འོས་ཤིང་འཚམ་པ་ཞིག་རྩ་བ་ཉིད་ནས་ཆགས་ཀྱི་མེད། གང་ལྟར་ བོད་མི་ཡོངས་ཀྱི་འདི་ཕྱི་གཉིས་ཀྱི་སྐྱབས་གནས་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་

ཞུ་མཁན་དང་མཚན་སྨད་མ་ཞུས་མཁན་གཉིས་ཀར་སྤྱི་ཚོགས་ནང་གཅིག་པ་འདྲ་མཚུངས་བྱས་ནས་བཞག་ དགོས་པའི་གནས་ཚུལ་དགོངས་ཀྱི་ཡོད་པ་ཡིན་ན། ཏན་ཏན་ནོར་འཁྲུལ་ཆེན་པོ་རེད་བསམ་གྱི་འདུག

དཔེར་ན། སློབ་གྲྭའི་ནང་དོལ་རྒྱལ་བསྟེན་གསོལ་བྱེད་མཁན་གྱི་སློབ་ཕྲུག་ཅིག་ལ་སློབ་ཕྲུག་གཞན་

པས་དམའ་འབེབས་གཏོང་བ་དང་བརྙས་གཙེར་བྱས་པ་དེ་འདྲ་ཡིན་ན་མ་འོས་པ་རེད། དེ་མིན་དེ་དང་ཐག་རིང་ པོ་བྱེད་ནས་བསྡད་པ་ཡིན་ན། མ་འོས་པ་གང་ཡང་མ་རེད་བསམ་གྱི་འདུག ཚང་མ་དང་མཉམ་དུ་ཐག་ཉེ་བོ་ བྱས་ནས་འདྲིས་གཤིབས་བྱེད་དགོས་པའི་རྒྱུ་མཚན་གང་ཡང་མེད། འགོས་ནད་ཡོད་པའི་ནད་པ་ལ་ཐག་རིང་

པོ་བྱས་ཏེ་བསྡད་པ་ལྟར་༸རྒྱལ་བ་རིན་པོ་ཆེ་མཆོག་དང་དམ་ཚིག་འགལ་བའི་མི་དེ་ཚོ་དང་ཐག་རིང་པོ་བསྡད་ པ་ཡིན་ན། དེ་ཕྱོགས་གཉིས་ཀར་ཕན་ཐོགས་རྒྱུ་རེད་མ་གཏོགས་སུ་ལའང་གནོད་རྒྱུ་གང་ཡང་མེད། སུ་གང་

གི་ཐོབ་ཐང་ལ་བརྡལ་བཤིག་འགྲོ་རྒྱུ་གང་ཡང་མེད་པར་བརྟེན་སྤྱི་ཚོགས་དང་། སྒྲིག་འཛུགས་ངོས་ནས་ད་བར་

དོལ་རྒྱལ་རྗེས་འབྲང་པ་ཚོ་དང་འབྲེལ་བ་བྱེད་ཕྱོགས་སྐོར་ལ་ང་རང་གི་བསམ་ཚུལ་ཐོག་ནས་བལྟས་ན། ནོར་ འཁྲུལ་ཕྱིན་པ་གཅིག་ཀྱང་མེད་བསམ་གྱི་ཡོད།

དོན་ཚན་གསུམ། ༸གོང་ས་༸སྐྱབས་མགོན་ཆེན་པོ་མཆོག་དང་། ཆོས་སྡེ་ཁག སྒྲིག་འཛུགས་ཁག་

གི་ངོས་ནས་དོལ་རྒྱལ་བསྟེན་གསོལ་བྱེད་མཁན་དང་། མི་བྱེད་མཁན་གཉིས་ཀྱི་དབར་ལ་ཆིག་སྒྲིལ་ཡོང་རྒྱུའི་ 204

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཐབས་ཤེས་མ་གནང་བ་རྩ་བ་ཉིད་ནས་མ་རེད་བསམ་གྱི་ཡོད། ཐབས་ཤེས་དེའི་ཐོག་ལ་ཞན་ཆ་ཡོད་པ་དང་། མ་འདང་བ་ཉུང་དྲགས་པ་དེ་འདྲ་གཅིག་ཀྱང་བྱུང་མེད་པ་ང་རང་གི་ངོས་ནས་གསལ་པོ་བྱས་ནས་ངོས་འཛིན་

བྱེད་ཀྱི་ཡོད། དེའི་རྒྱུ་མཚན་ག་རེ་རེད་ཅེ་ན། དོལ་རྒྱལ་བསྟེན་གསོལ་བྱེད་རྒྱུའི་སྤང་བླང་ཞུ་རྒྱུ་དེ་ལ་དུས་

བཀག་གང་ཡང་བཟོས་མེད། སྤང་བླང་ཞུས་པའི་རྗེས་སུ་ཁྱེད་ཀྱི་སྤང་བླང་ཞུས་པ་དེ་འགྲིག་གི་མི་འདུག་ཅེས་

སུ་གང་གིས་གསུང་གི་ཡོད་པ་མ་རེད། དོལ་རྒྱལ་བསྟེན་གསོལ་བྱེད་མཁན་དེ་དག་གི་དོལ་རྒྱལ་བསྟེན་གསོལ་ བྱ་རྒྱུ་མཚམས་འཇོག་བྱས་ནས་དགོན་སྡེ་དང་སྤྱི་ཚོགས་གང་གི་ནང་ཚུར་ལོག་ཡོང་རྒྱུ་དེ་ག་དུས་ཡིན་ནའང་ བྱེད་ཆོག་པ་ཞིག་རེད། ལོག་ཚར་རྗེས་ཁྱེད་རང་སྔོན་མ་དོལ་རྒྱལ་བསྟེན་གསོལ་བྱེད་མཁན་རེད་ཟེར་ནས་སུ་

གང་གིས་དེ་ལ་ཟུར་ཟ་དང་ཟུར་བཅད་བྱེད་ཀྱི་མེད། གདན་ས་ག་བར་ཕྱིན་པ་ཡིན་ནའང་དེ་དངོས་ཡོད་གནས་ ཚུལ་རེད། དོལ་རྒྱལ་བཀག་འགོག་གནང་ནས་ལོ་ ༣༠ ཡན་མས་ཤིག་འགྲོ་གི་ཡོད། དེ་རིང་སང་ཉིན་ཡང་

གཞི་ནས། ངས་ནོར་འཁྲུལ་ཕྱིན་འདུག་སྤང་བླང་ཞུ་གི་ཡིན་ཟེར་ནས་ཡོང་མཁན་ཡོད་པ་ཡིན་ན། གདན་ས་ ཁག་གི་ནང་དུ་ཡིན་ནའང་ངོས་ལེན་གནང་རྐྱང་རེད།

༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་མདུན་དུ་ཞུ་མཁན་ཡོད་པ་ཡིན་ནའང་ཐུགས་བརྩེ་བ་

ཆེན་པོས་ངོས་བཞེས་གནང་རྐྱང་རེད་མ་གཏོགས་ད་ཁྱེད་རང་ཕྱིས་དྲགས་པ་རེད། ད་ཡོད་པ་མ་རེད། ཅེས་ ནམ་ཡང་གསུངས་ཀྱི་མེད། དེར་བརྟེན་ཁོ་རང་ཚོ་ནང་ཁྱིམ་དུ་ལོག་རྒྱུ་དང་། སྤྱི་ཚོགས་བྱིངས་ MainStream ནང་ཚུར་ཡོང་རྒྱུའི་སྒོ་དེ་ག་དུས་ཡིན་ནའང་ཕྱེ་ཡོད་པ་མ་གཏོགས་སྒོ་ནམ་ཡང་བརྒྱབ་མེད། སྒོ་ཕྱེ་ཡོད་པ་ཙམ་

མ་ཟད། སྤང་བླང་བྱས་ནས་ལོག་ཡོང་རྒྱུ་དེ་སུ་ཡིན་ནའང་བྱེད་ཐུབ་པ་དང་། སྒྲུབ་ཐུབ་རྒྱུའི་གནས་སྟངས་ཤིག་

རེད་མ་གཏོགས་འདི་རང་གི་མི་ཚེའི་མདུན་ལམ་དང་། ཆོས་དང་འཇིག་རྟེན་གང་གི་ཐོག་ནས་དོལ་རྒྱལ་བཞག་ ཐུབ་ས་མ་རེད་ཟེར་ནས། དཔེར་ན། བླ་མ་དང་འཇིག་རྟེན་དྲེགས་པའི་འདྲེ་གཅིག་གཉིས་གདམ་ཁ་རྒྱག་དགོས་

བྱུང་ན། ངས་འདྲེ་གདམ་ཁ་རྒྱག་གི་ཡིན་ཟེར་དགོས་པའི་རྒྱུ་མཚན་གང་ཡང་མི་འདུག དེར་བརྟེན་སྤང་བླང་ བྱས་པའི་ཉིན་མོ་དེར་ག་དུས་ཡིན་ནའང་སོ་སོའི་སྤྱི་ཚོགས་རྙིང་པ་དེའི་ནང་གཅིག་མཚུངས་བྱས་ནས་ལོག་

ཆོག་ཆོག་ཡོད་པ་དེ་ང་ཚོ་ཆིག་སྒྲིལ་བྱེད་རྒྱུའི་ལམ་ཁ་ཆེ་ཤོས་དང་ཐབས་ལམ་བཟང་ཤོས་དེ་འདི་རེད་བསམ་

གྱི་འདུག ཕྱིས་སུ་སྤང་བླང་ཞུ་མཁན་དེ་ཚོ་ལའང་སྤང་བླང་ཞུས་རྗེས་སུ་གང་གིས་དེ་ལ་ཟུར་ཟ་དང་དམའ་ འབེབས་བྱེད་མཁན་གདན་ས་ཁག་སོགས་ནང་དུའང་ད་བར་བྱུང་མེད། གང་ཟག་བྱེ་བྲག་པ་མང་པོ་ད་ལྟའང་ཐེ་ 205

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཚོམ་ངང་སྡོད་མཁན་དེ་འདྲ་ཡོད་པ་རེད། དེ་དག་གི་ག་དུས་སྤང་བླང་ཞུ་གི་ཡོད་པ་ཡིན་ནའང་དུས་ཚོད་རྒྱས་

བཀག་མེད་པར་བརྟེན། ཕྱི་འགྲོ་བ་དང་དུས་ཚོད་ཡོལ་འགྲོ་བ་དེ་འདྲ་མེད་པ་ཞིག་རེད། དེ་ང་ཚོའི་ངོས་ནས་ དགོངས་པ་ཆེ་བཞེས་ཀྱིས་བཞག་ཡོད་པ་རེད་བསམ་གྱི་འདུག

ལྷག་པར་༸གོང་ས་༸སྐྱབས་མགོན་ཆེན་པོ་མཆོག་གིས་ལུང་དང་རིག་པའི་སྒྲུབ་བྱེད་ཐོག་ནས་དོལ་

རྒྱལ་བསྟེན་གསོལ་བྱས་དང་མ་བྱེད་ཀྱི་ཁེ་ཉེན་དེ་ཧ་ཅང་གསལ་པོ་བྱས་ཏེ་བཀའ་ཕེབས་ཡོད། བཀའ་ཕེབས་

ཡོད་པ་དེར་བསམ་བློ་ཡོད་མཁན་གྱི་མི་གཅིག་ཡིན་ན། བསམ་བློ་བཏང་མ་ཤེས་པ་དང་། བསམ་བློ་གཏོང་

མི་ཐུབ་པའི་གནས་ཚུལ་མེད་པ་ཞིག་རེད། དེར་བརྟེན་ཆིག་སྒྲིལ་ཆེད་འབད་བརྩོན་གནང་དགོས་པ་དེ་དག་མ་ འདང་པ་དང་ཞན་ཆ་ཡོད་པ་དེ་འདྲ་རྩ་བ་ཉིད་ནས་མིན་པ་དེ་ང་ཚོ་གསལ་པོ་བྱེད་ནས་རྟོགས་ཐུབ་རྒྱུ་ཞིག་རེད། ཁ་ཤས་ཀྱི་བསམ་བློའི་ནང་དོལ་རྒྱལ་བསྟེན་གསོལ་མཚམས་འཇོ​ོག་བྱེད་མ་ཐུབ་མཁན་དེ་ཚོ་ལའང་ཕྲན་བུ་

གུ་ཡངས་བྱས་ནས་ཁོང་ཚོ་ཡང་སྤྱི་ཚོགས་ནང་ཚུར་ཡོང་རྒྱུའི་ཐབས་ལམ་ཞིག་བཟོ་དགོས་ཀྱི་རེད་དགོངས་ པ་དང་། ལྷག་པར་དོལ་རྒྱལ་བསྟེན་གསོལ་བྱེད་མཁན་དང་། མི་བྱེད་མཁན་གཉིས་ཀྱི་དབར་ལ་འགྲིག་ཆགས་ ཡོང་རྒྱུར་གོ་བསྡུར་དང་བཀའ་མོལ་གནང་རྒྱུ་དེ་འདྲ་ཡོད་དགོས་ཀྱི་རེད་བསམས་པ་དེ་འདྲ་དགོངས་མཁན་

ཡོད་ས་རེད། དཔེར་ན། ཁ་སང་ཕ་གིར་བཀའ་འདྲི་གནང་མཁན་ཞིག་གིས་སྐད་ཆ་བཤད་ནས་གོ་བརྡ་སྤྲོད་རྒྱུ་ ཡོད་པ་མ་རེད་དམ། ཞེས་སྔོན་མའི་དྲི་བ་ནང་དུ་འདུག་ལ་ད་ལྟའང་དྲི་བ་འདི་ཡོང་གི་ཡོད། སྤྱིར་མི་ཞིག་ཡིན་

ན། སྐད་ཆ་བཤད་ནས་གོ་བརྡ་སྤྲོད་རྒྱུ་ཡོད་པ་ཞིག་དགོས་ཀྱི་རེད། ད་བར་གོ་བརྡ་མ་འཕྲོད་མཁན་གྱི་མི་དེ་

ཚོ་ལ་ད་ལྟ་ང་ཚོ་འབྲེལ་བ་བྱེད་རྒྱུ་དང་གོ་བརྡ་སྤྲོད་རྒྱུའི་གནས་ཚུལ་གང་ལྷག་ཡོད་དམ་དེར་ང་ཚོས་བསམ་ བློ་གཏོང་དགོས་པ་ཞིག་རེད། དོལ་རྒྱལ་རྗེས་འབྲང་པ་དང་བཙན་བྱོལ་སྒྲིག་འཛུགས་ལྟ་བུ་ཞིག་གཉིས་བར་ བཀའ་མོལ་གནང་རྒྱུའི་འབད་བརྩོན་བྱེད་མཁན་ཞིག་ཡིན་ན། གྲོས་གཞི་ག་འདྲ་ཞིག་གི་ཐོག་ནས་བཀའ་མོལ་

གནང་རྒྱུའི་འབད་བརྩོན་བྱེད་ཀྱི་རེད། ང་ཚོའི་ངོས་ནས་དགོས་འདུན་འདོན་རྒྱུ་དེ་ལས་སླ་པོ་དང་གསལ་པོ་ རེད། དོལ་རྒྱལ་བསྟེན་གསོལ་མཚམས་འཇོག་བྱེད་བརྗོད་ཀྱི་ཡོད།

དོལ་རྒྱལ་བསྟེན་གསོལ་མཚམས་འཇོག་བྱས་པའི་ཉིན་མོ་དེ་སུ་གང་གིས་ངོ་ཆེན་ཞུ་དགོས་རྒྱུ་ཡོད་པ་

མ་རེད། ངོ་འདྲེན་བྱ་དགོས་རྒྱུ་ཡོད་པ་མ་རེད། ངས་དོལ་རྒྱལ་བསྟེན་གསོལ་མཚམས་འཇོག་བྱས་པ་ཡིན་བརྗོད་

ན། དེའི་ཉིན་མོ་དེར་ཁོ་རང་སྤྱི་ཚོགས་རྙིང་པའི་ནང་དུ་ལོག་ཤག་ཤག་རེད། དོལ་རྒྱལ་བསྟེན་གསོལ་མཚམས་ 206

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

འཇོག་བྱེད་མི་དགོས་པའི་ཐོག་ནས་ཁོ་ཚོར་ངོས་ལེན་རག་རྒྱུའི་ཐབས་ཤེས་བྱེད་རྒྱུ་ཡོད་པ་རེད་དམ་བརྗོད་ན།

དེ་ཐབས་ཤེས་བྱ་རྒྱུ་ཡོད་པ་མ་རེད་ཅེས་ཐག་གཅོད་རྒྱུ་རེད། དེར་ཐབས་ཤེས་བྱས་ན་དོལ་རྒྱལ་བསྟེན་གསོལ་ བྱས་པའི་ཉེས་དམིགས་དེ་དག་ང་ཚོས་ད་བར་བཤད་པ་དེ་དག་དོན་ལ་མ་གནས་པར་ཆགས་འགྲོ་གི་རེད། ཕྱིར་ འཐེན་རྒྱག་དགོས་པ་ཆགས་འགྲོ་གི་རེད། དེའི་ཐོག་འགྲིག་འཇགས་ཡོང་རྒྱུ་དང་མཐུན་འབྲེལ་བྱ་རྒྱུ་གང་ཡང་

མེད། དེར་བརྟེན་ངས་ཐོག་མར་ཞུས་པ་དེ་ག་རང་རེད། ངས་བསྡོམས་ཡང་དེའི་ཐོག་བརྒྱབ་པ་ཡིན་ནའང་འགྲིག་ གི་འདུག

དོལ་རྒྱལ་བསྟེན་གསོལ་མཚམས་འཇོག་མི་བྱེད་མཁན་དེ་ཚོ་དང་དོལ་རྒྱལ་བསྟེན་གསོལ་མཚམས་

འཇོག་བྱེད་མཁན་དེ་ཚོའི་དབར་ཆིག་སྒྲིལ་ཡོང་རྒྱུའི་ཆེད་དུ་དོལ་རྒྱལ་བསྟེན་གསོལ་མཚམས་འཇོག་མ་བྱེད་ ནའང་འགྲིག་རྒྱུ་ཡོད་པའི་ཆག་ཡང་ཞིག་གནང་རྒྱུ་ཡོད་དམ། ཞེས་དྲིས་པ་ཡིན་ན། སྐད་ཆ་འདི་སྐོར་བ་མ་

བརྒྱབ་པར་སྙིང་བསྡུས་བྱས་ནས་ཁ་གསལ་པོར་ཞུས་ན། དོལ་རྒྱལ་བསྟེན་གསོལ་བྱས་པ་འདི་འགྲིག་དགོས་

ཀྱི་འདུག འདི་ང་ཚོས་ཁས་ལེན་བྱེད་དགོས་ཀྱི་འདུག ཅེས་པའི་དོན་དག་འདིའི་སྒང་ལ་བབ་དགོས་ཀྱི་ཡོད། དེ་ འདྲ་བྱས་ན་ད་བར་༸གོང་ས་༸སྐྱབས་མགོན་ཆེན་པོ་མཆོག་གིས་ད་བར་བཀའ་སློབ་སྩལ་བ་དེ་དག་དོན་མེད་

ཆགས་རྒྱུ་རེད། དེར་བརྟེན་ཁོང་གཉིས་དབར་ལ་ལ་ཉག་མཛོ་གཟེངས་ཀྱི་གནས་ཚུལ་ཞིག་གི་ཐོག་ནས་ཆིག་ སྒྲིལ་ཡོང་རྒྱུའི་ཆེད་དུ་དོལ་རྒྱལ་རྗེས་འབྲང་པ་ཚོར་གུ་བཤངས་ཤིག་སྤྲོད་དགོས་ཀྱི་འདུག་བསམས་པ་ཡིན་

ན། གུ་བཤངས་བྱེད་རྒྱུ་གང་ཡང་ལྷག་མེད། བྱས་དང་མི་བྱེད་ནི་དོན་ཚན་གཉིས་རང་རེད། དོལ་རྒྱལ་བསྟེན་

གསོལ་མཚམས་འཇོག་བྱས་པ་ཡིན་ན། ནམ་མཁའ་གཡའ་དྭངས་ས་གཞི་རྡུལ་དག་རེད། སྐད་ཆ་ཤོད་རྒྱུ་གང་ ཡང་ལྷག་མེད། མཚམས་འཇོག་མ་བྱས་པ་ཡིན་ན་མཚམས་འཇོག་བྱེད་མཁན་དང་མཉམ་དུ་ཆོས་དང་ཟང་ཟིང་ མཉམ་སྤྱོད་བྱ་རྒྱུ་དང་སྤྱི་ཚོགས་གཅིག་ནང་ཆུ་དང་འོ་མ་བཞིན་དུ་འདྲེས་ནས་སྡོད་ཐུབ་རྒྱུ་མེད་པ་དངོས་ཡོད་ གནས་ཚུལ་ཞིག་ཆགས་ཡོད།

དེར་བརྟེན་ཆིག་སྒྲིལ་དང་དོལ་རྒྱལ་བསྟེན་གསོལ་མཚམས་འཇོག་གཉིས་པོ་འདི་གདམ་ཁ་བྱ་རྒྱུའི་ཅ་

ལག་གཅིག་ཡིན་པ་མ་གཏོགས་དེ་གཉིས་མཉམ་དུ་འགྲོ་ཐུབ་རྒྱུའི་གནས་སྟངས་ཤིག་མེད་པ་གསལ་པོ་ཡིན་ པ་འདི་ང་ཚོའི་བསམ་བློའི་ནང་དོགས་པ་རྣམ་རྟོག་མེད་པ་གསལ་པོར་མཁྱེན་དགོས། དེ་འདྲ་མ་བྱུང་བ་ཡིན་

ན། གནས་ཚུལ་མང་པོ་ཞིག་གི་ཐོག་ནས་གསལ་པོ་མེད་པ་ཆགས་རྒྱུའི་ཉེན་ཁ་ཡོད། ཁ་སང་དྲི་བའི་ནང་དོལ་ 207

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

རྒྱལ་བསྟེན་གསོལ་བ་དེ་ཚོར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་མི་རྒྱུ་ཟོག་གསུམ་ཐོག་ནས་རྒྱབ་

སྐྱོར་བྱེད་བཞིན་ཡོད། རྒྱལ་ཁབ་ཚང་མའི་ནང་རྒྱབ་སྐྱོར་བྱེད་བཞིན་ཡོད། མ་འོངས་པར་བོད་དོན་བདེན་མཐའ་

གསལ་སྐབས་སྡེ་ཚན་གཉིས་ལྟ་བུ་ཆགས་ནས་ལྷག་བསྡད་པ་ཡིན་ན། བོད་པ་འདི་རྒྱ་གར་དང་པ་ཀི་སི་ཐན་

བཞིན་རྒྱལ་ཁབ་གཉིས་ལ་ཁ་བྲལ་འགྲོ་རྒྱུ་མ་རེད་དམ། ཞེས་པའི་བསམ་ཚུལ་ཞིག་ཡོད། བསམ་ཚུལ་འདི་ཧ་

ཅང་རྣམ་རྟོག་ཤུགས་ཆེན་པོས་སྒྲོ་བཏགས་ནས་བྱུང་བའི་ཐལ་ཆ་གཅིག་ཡིན་པ་ལས་དངོས་ཡོད་གནས་ཚུལ་ ཐོག་ལ་འདི་འདྲ་ཞིག་ཡོང་རྒྱུའི་གཞི་རྩ་དང་རྒྱུ་མཚན་གཉིས་ཀ་མེད་པ་ཞིག་རེད། སྔོན་དང་པོར་བོད་ཕྱི་ནང་

གཉིས་སུ་དོལ་རྒྱལ་བསྟེན་གསོལ་བྱེད་མཁན་གྲངས་ཇི་ཙམ་ཡོད། ཧ་ཅང་གྲངས་ཉུང་ཉུང་རེད། ངོ་རྒོལ་སྐད་ འབོད་སྐབས་ཡོང་མཁན་ཁོ་པ་ཚོ་མང་ཆེ་བ་ནི་ཉིན་གླ་སྤྲད་ནས་གླས་པ་ཤ་སྟག་རེད།

བོད་ནང་དུའང་དོལ་རྒྱལ་བསྟེན་མཁན་ཉིན་རེ་བཞིན་གྲངས་ཉུང་དུ་འགྲོ་བཞིན་ཡོད། གང་ཡོད་པ་དེ་

ཚོའང་སེམས་ཀྱི་གཏིང་ནས་གང་ཡང་མིན་པར་གནས་སྐབས་རང་གི་འཚོ་བསྟེན་སྲུང་སྐྱོབ་དང་ལས་དོན་སྲུང་ སྐྱོབ། རྐུབ་སྟེགས་སོགས་སྲུང་སྐྱོབ་བྱ༌རྒྱུ་ཁོ་ནའི་དོན་དུ་དོལ་རྒྱལ་བརྟེན་གསོལ་བྱེད་མཁན་ཡིན་མདོག་བྱེད་

མཁན་མང་ཆེ་བ་རེད་མ་གཏོགས་སྙིང་ཁོང་རུས་པའི་གཏིང་ནས་དོལ་རྒྱལ་བསྟེན་གསོལ་བྱེད་མཁན་ཧ་ཅང་ཉུང་ ཉུང་རེད། ཁོ་པ་ཚོས་དུས་རྒྱུན་ཤོད་རྒྱུའི་དོལ་རྒྱལ་རྗེས་འབྲང་པ་ས་ཡ་བཞི་ཡོད་ཟེར་བ་འདི་ཚད་ལས་བརྒལ་ བའི་ཧམ་པ་ཞིག་རེད་མ་གཏོགས། ས་ཡ་བཞི་བཞག་ནས་འབུམ་གཅིག་ཀྱང་ལོང་རྒྱུར་ཡང་དངོས་ཡོད་གནས་

ཚུལ་ཐོག་ནས་ཧ་ཅང་དཀའ་ལས་ཁག་པོ་རེད་བསམ་དྲན་གྱི་འདུག ལར་ནས་རྒྱ་ནག་མི་དམངས་སྤྱི་མཐུན་རྒྱལ་

ཁབ་ཀྱིས་ད་ལྟ་རྒྱབ་སྐྱོར་བྱེད་བཞིན་པ་འདི་༸གོང་ས་མཆོག་གི་དབུ་ཁྲིད་འོག་ཡོད་པའི་བོད་རིགས་དང་རྒྱ་ནག་ མི་དམངས་སྤྱི་མཐུན་རྒྱལ་ཁབ་གཉིས་པོ་འདི་ཕན་ཚུན་དགྲ་ཟླའི་ངོ་བོར་བལྟ་བཞིན་ཡོད་པའི་གནས་སྐབས་ཀྱི་ བྱེད་སྟངས་ཤིག་ཡིན་པ་ལས། ནམ་ཞིག་༸གོང་ས་མཆོག་དང་རྒྱ་ནག་མི་དམངས་སྤྱི་མཐུན་རྒྱལ་ཁབ་དབར་

འགྲིག་འཇགས་བྱུང་ནས་བོད་དོན་བདེན་མཐའ་གསལ་བའི་ཉིན་མོ་ཞིག་བསླེབས་པ་ཡིན་ན། རྒྱ་ནག་མི་དམངས་

སྤྱི་མཐུན་རྒྱལ་ཁབ་ངོས་ནས་དོལ་རྒྱལ་ཚོགས་པར་རྒྱབ་སྐྱོར་བྱེད་ཤེས་ཀྱི་མ་རེད་ལ་རྒྱབ་སྐྱོར་བྱེད་དགོས་

རྒྱུའང་མེད། ཁོ་པ་ཚོས་མངོན་འདོད་གང་ཡང་བསྒྲུབ་རྒྱུ་མེད། དེ་ཉིན་སྙིང་ཁོང་རུས་པའི་གཏིང་ནས་དོལ་རྒྱལ་ སྟེན་མཁན་ག་ཚོད་ཡོད་པ་ལམ་སེང་གསལ་པོ་ཆགས་རྒྱུ་རེད།

དེར་བརྟེན་འདི་ལྟ་བུའི་དོགས་པ་རྣམ་རྟོག་འདི་ཧ་ཅང་འུར་སྒྲོགས་ཤིག་རེད། བོད་པའི་གཏམ་དཔེའི་ནང་། 208

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཧམ་པ་རི་ཙམ་བཤད་ན་བདེན་པ་གཡག་ཙམ་ཐོབ་ཡོང་། ཟེར་བའི་དཔེ་ལྟར་རེད། ཁོ་པ་ཚོས་ཧམ་བཤད་བྱས་ པའི་འུར་སྒྲོགས་ཀྱི་རྗེས་སུ་ཕྱིན་པའི་དོགས་པ་རྣམ་རྟོག་ཅིག་ཡིན་པ་ལས་གཞི་རྩ་ཡོད་པ་ཞིག་རྩ་བ་ནས་ཆགས་ ཀྱི་མེད། ལྷག་པར་དོལ་རྒྱལ་རྗེས་འབྲང་པས་ད་ལྟའི་གནས་སྐབས་སུ་བོད་ནང་དང་རྒྱལ་སྤྱིའི་ནང་ལས་དོན་གང་ དང་གང་རྩོམ་བཞིན་ཡོད་པ་དང་གང་དང་གང་བྱེད་བཞིན་ཡོད་པ་རྣམས་ལ་བདེན་པའི་གཞི་རྩ་དང་དངོས་དོན་གྱི་ གནས་ཚུལ་དང་མ་མཐུན་པ་ཤ་སྟག་ཡིན་པ་མ་གཏོགས་དངོས་ཡོད་གནས་ཚུལ་དང་མཐུན་པ་གཅིག་ཀྱང་མེད།

ཁོ་པ་ཚོས་དྲིལ་བསྒྲགས་སྐད་འབོད་ཆེ་ཤོས་དེ་ཁོ་པ་ཚོས་ཆོས་དད་རང་དབང་འཕྲོག་སོང་བཤད་རྒྱུ་དེ་རེད། དེ་ ནི་ངས་ད་ལྟ་ཆོས་དད་རང་དབང་འཕྲོག་མེད་པ་གོང་དུ་རྒྱས་ཤིང་རྒྱས་པ་ཞུས་ཟིན། ཁོ་པ་ཚོར་དྲང་བདེན་མིན་

པའི་དབྱེ་འབྱེད་བྱེད་ཚུལ་ཟེར་བ་དེ་རེད། དེ་འདྲ་མིན་པ་ངས་གསལ་བཤད་ཆ་ཚང་ཞུས་ཟིན་པ་ཡིན། ཁོ་རང་ ཚོར་སྤྱི་ཚོགས་ནང་མཉམ་སྡོད་བྱེད་རྒྱུའི་འདོད་པ་ཡོད་ན་དེའི་སྒོ་ག་དུས་ཡིན་རུང་ཕྱེ་ནས་བཞག་ཡོད་པ་དེ། སྤྱི་ དང་སྒེར། སྒྲིག་འཛུགས་དང་ཚོགས་པ་གང་གི་ངོས་ནས་སྒོ་ཕྱེ་ནས་ཡོད་པ་ངས་གསལ་པོར་ཞུས་པ་ཡིན།

མ་འོངས་པར་ཁོ་པ་ཚོས་བོད་དེ་དུམ་བུ་གཉིས་ལ་བགོས་ནས་ལོགས་སུ་ཕྱེ་ནས་འགྲོ་ཐུབ་ཀྱི་མེད་

པ་དེ་ཟུར་བལྟས་ལེབ་མཐོང་རེད། དེ་སུ་ཡིན་རུང་དཔོག་ཐུབ་པ་ཞིག་རེད། དེར་བརྟེན་ང་ཚོའི་བསམ་བློའི་ ནང་གོང་དུ་ཞུས་པའི་དོགས་པ་རྣམ་རྟོག་དེ་དག་གཅིག་ཀྱང་མེད་པར་གཙང་མ་བཞག་ཐུབ་ན་ཡག་པོ་ཡོད་པ་

རེད་བསམས་ཀྱི་འདུག གཙང་མ་བཞག་དགོས་ཀྱི་རེད་བརྗོད་རྒྱུ་དེ་དངོས་ཡོད་གནས་ཚུལ་དང་རྒྱུ་མཚན་ཐོག་ ནས་ཞུ་གི་ཡོད་པ་རེད་མ་གཏོགས། དེ་ང་ཚོའི་ཕྱོགས་ཡིན་པར་བརྟེན་གཙང་མ་བཞག་དགོས་པ་དང་། ཁོ་པ་ ཚོའི་ཕྱོགས་ཡིན་པར་བརྟེན་སྐྱོན་བརྗོད་བྱེད་དགོས་པ་རེད་ཅེས་དབྱེ་འབྱེད་བྱས་ནས་ཞུས་པ་ཞིག་མིན། དོན་

ཚན་རེ་རེ་བཞིན་ང་ཚོས་རྒྱུ་མཚན་དང་མཐུན་པ། ཁྲིམས་དང་མཐུན་པ་དངོས་ཡོད་གནས་ཚུལ་གང་ཡིན་པ་དེ་ ཞིབ་ཚགས་པོར་ཞིབ་འཇུག་བྱས་ནས་ཕེབས་ན་སུ་ཡིན་རུང་ར་འཕྲོད་ཐུབ་པ་ཞིག་རེད། ཞིབ་འཇུག་བྱེད་རྒྱུའི་ འདོད་པ་མེད་པ་སྣོད་དྲི་མ་ཅན་ཞིག་ཡིན་ན་བྱེད་རྒྱུ་གང་ཡང་མེད།

དོལ་རྒྱལ་རྗེས་འབྲང་པ་ཉུང་ཤས་ཤིག་གིས་ད་ལྟའི་བྱེད་སྟངས་འདི་རྒྱུ་མཚན་དང་རིག་པ། དངོས་ཡོད་

ཀྱི་གནས་སྟངས་ཁས་ལེན་གྱི་མིན་ང་རང་ཚོས་བརྗོད་རྒྱུ་དེ་ག་རང་ཡིན་ཟེར་ན་འདི་ལྐུགས་པའི་ཨུ་ཚུགས་ལྟ་བུ་ ཞིག་རེད། དེར་བརྟེན་དེར་ཁ་གཏད་གཅོག་རྒྱུ་ཧ་ཅང་ཁག་པོ་རེད། ཁོ་པ་ཚོ་བཏང་སྙོམས་ལ་འཇོག་རྒྱུ་རེད་མ་

གཏོགས། དེ་ལྟར་བཞག་པའི་རྒྱུ་མཚན་གྱིས་བོད་མིའི་སྤྱི་ཚོགས་ནང་ནས་ཁ་ཤས་ཟུར་དུ་ཐོན་ནའང་། ཟུར་དུ་ 209

དཔལ་ལྡན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད།

ཐོན་པའི་དབང་གིས་བོད་པའི་རྩ་དོན་དང་ཕུགས་དོན་གཉིས་ཀར་ཁེ་ཕན་ཆེ་བ་ཡོད་པ་རེད་མ་གཏོགས། ཁོ་པ་ ཚོ་ཚུར་མཉམ་རུབ་བྱས་ནས་ཁེ་ཕན་ཆེ་བ་མེད་པ་མ་ཟད། ཁོ་པ་ཚོས་ཚུར་མཉམ་རུབ་བྱས་ན་དེའི་རྗེས་འབྲས་

ཀྱི་འཕྲལ་ཕུགས་རྒྱང་གསུམ་ལ་གནོད་ཚབས་ཆེན་པོ་ཡོང་གི་ཡོད་པ་ཧ་ཅང་གསལ་པོ་རེད་ཅེས་ངས་ཚིག་ ཐག་ཆོད་པོའི་ཐོག་ནས་ཞུ་ཐུབ་རྒྱུ་ཞིག་རེད། དུས་ཚོད་རེའུ་མིག་གཞིར་བཟུང་བྱས་ན་ངས་ཞུ་རྒྱུའི་དུས་ཚོད་

རྫོགས་པ་རེད། ངས་འདིར་མཚམས་བཞག་གི་ཡིན། དུས་ཚོད་ལྷག་མ་དེར་ཁྱེད་རང་ཚོས་དོགས་བཅོས་དང་དྲི་ བ་ཡོད་ན་འཛེམ་ཟོན་མེད་པར་གསུངས་རོགས། ཐུགས་རྗེ་ཆེ། །

210

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

དཔལ་ལྡན་ཆོས་རིག་བཀའ་བློན་པདྨ་ཆོས་འབྱོར་མཆོག་ནས་༸གོང་ས་མཆོག་གི་ལམ་ རིམ་ཁྲིད་ཆེན་བརྒྱད་ཀྱི་བཀའ་ཆོས་སྐབས་དོལ་རྒྱལ་སྐོར་ གསུང་བཤད།

༄༅། །ཕྱི་ལོ་ ༢༠༡༤ ཟླ་ ༡ ཚེས་ ༣ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་

སུ་རྟེན་གཞི་བྱས་པའི་བྱེས་ཀྱི་གདན་ས་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་གི་

ཆོས་རར་ལམ་རིམ་ཁྲིད་ཆེན་བརྒྱད་ཀྱི་བཀའ་ཆོས་ཉིན་མཐའ་མའི་ཆོས་འབྲེལ་ལེགས་པར་གྲུབ་སྟེ་སྤྱན་རས་

གཟིགས་ཀྱི་བཀའ་དབང་བཀའ་དྲིན་ཆེ་བའི་བཀའ་ཆོས་ཀྱི་ཉིན་མཐའ་མར། བོད་མིའི་སྒྲིག་འཛུགས་ཆོས་རིག་

བཀའ་བློན་པདྨ་ཆོས་འབྱོར་མཆོག་གིས་མང་ཚོགས་གསུམ་ཁྲི་བརྒལ་བ་འདུ་འཛོམས་ཡོད་པར་སྤྱི་ཡོངས་དང་ དོལ་རྒྱལ་སྐོར་གསུང་བཤད་གནང་དོན།

ལྷར་བཅས་སྲིད་ཞིའི་གཙུག་རྒྱན། འཇིག་རྟེན་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་

ཆེན་པོ་མཆོག་ལ་སྒོ་གསུམ་གུས་ཕྱག་སྔོན་དུ་ཕུལ་ནས། དགའ་ལྡན་ཁྲི་རིན་པོ་ཆེ་མཆོག་གིས་དབུས་གདན་ས་

ཁག་གི་མཁན་པོ་རྣམ་པ་དང་། བསྟན་འཛིན་གྱི་སྐྱེས་ཆེན་དམ་པ་རྣམ་པ། བོད་མི་མང་སྤྱི་འཐུས་ཚོགས་གཙོས་ 211

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

དབུས་པའི་སྤྱི་འཐུས་རྣམ་པ་དང་སྤྱི་ཟུར་རྣམ་པ། བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེས་དབུས་

སྲི་ཞུ་བ་རྣམ་པ། ལྷོ་སྤྱིས་གཙོས་གཞིས་འགོ་རྣམ་པ་བཅས་མདོར་ན་སེར་སྐྱ་མི་མང་རྣམས་ལ་ངས་དབུས་བོད་ མིའི་སྒྲིག་འཛུགས་བཀའ་ཤག་གི་ཚབ་ཞུས་ཏེ་དགའ་སྤོབས་ཆེན་པོས་འཚམས་འདྲིའི་བཀྲ་ཤིས་བདེ་ལེགས་

ཞུ་རྒྱུ་ཡིན། ཉིན་བཅུ་རིང་བླ་མ་བཀའ་དྲིན་ཅན་གྱིས་ལམ་རིམ་བཀའ་ཆོས་སྩལ་བ་དང་། ཆོས་ཞུ་མཁན་སྐྱ་

སེར་ཚང་མས་འཇིགས་སྣང་གང་ཡང་མེད་པར་རང་དབང་ཆེན་པོའི་ཐོག་ནས་བཀའ་ཆོས་ལ་བཅར་ཐུབ་པ་དང་། བཀའ་ཆོས་སྩལ་ཡུལ་གདན་ས་ཆེན་པོ་སེ་ར་ཆོས་སྒར་དུ་འདི་ལྟ་བུའི་མཐུན་རྐྱེན་འཛོམས་པོ་ཡོད་པ་ནི་ང་ཚོ་

ཚང་མས་བསོད་ནམས་བསགས་པའི་འབྲས་བུ་ཞིག་ཡིན་པའི་དགའ་སྤོབས་ཀྱི་ཚོར་སྣང་ཡོང་བཞིན་འདུག སོ་

སོ་རང་ཉིད་ལྟ་བུར་མཚོན་ན་ལོ་བཅོ་ལྔའི་རྗེས་སུ་༸སྐྱབས་མགོན་རིན་པོ་ཆེ་མཆོག་དབུ་བཞུགས་ཐོག་སེ་ར་

ཆོས་སྒར་དུ་སླར་ཡང་བོད་མིའི་སྒྲིག་འཛུགས་བཀའ་ཤག་གི་ཚབ་ཞུས་ཏེ་འདིར་ལང་རྒྱུ་བྱུང་བ་ནི་སྐལ་པ་བཟང་

པོ་ཡིན་པའི་ཚོར་སྣང་ཡོང་བཞིན་འདུག ངས་དེ་རིང་འདིར་བཀའ་ཤག་གི་ཚབ་ཞུས་ཏེ་གཏམ་བཤད་གཅིག་ སྤེལ་དགོས་ཀྱི་ཡོད། ཉེ་ལམ་སྲིད་སྐྱོང་མཆོག་ལ་སྨར་ཁམས་གཞིས་བྱེས་གཉིས་ཀྱི་བརྟན་བཞུགས་ཚོགས་ པས་གདན་ཞུ་ཕུལ་ཡོད་ཀྱང་ལས་དོན་གཅིག་གི་ཐོག་ནས་བཅར་མ་ཐུབ་པ་དང་། ང་རང་ཆོས་རིག་དང་འབྲེལ་ བ་ཡོད་པར་བརྟེན་བཅར་བ་ཡིན། ཉིན་བཅུའི་རིང་༸གོང་ས་མཆོག་གིས་བཀའ་ཆོས་སྩལ་བ་དེས་མི་མང་ཚོའི་

སེམས་ནང་ཞི་བདེའི་ཚོར་བ་ཧ་ཅང་ཆེན་པོ་ཡོད་པའི་སྐབས་འདིར་ངས་འདི་གར་བོད་ཀྱི་གནས་སྟངས་དང་

འབྲེལ་བའི་ཆབ་སྲིད་ཀྱི་ཚིག་འགའ་ཤས་བཤད་པ་ཡིན་ན། གསན་འདོད་ཡོང་རྒྱུ་ཡིན་མིན་གྱི་དྲི་བ་ཞིག་སླེབ་

བཞིན་འདུག འོན་ཀྱང་ཆོས་སྲིད་ཟུང་འབྲེལ་ཡིན་སྟབས། ང་ཚོར་ཆོས་དར་ས་ལ་སྲིད་དགོས་འདུག སྲིད་དར་ ས་ལ་ཆོས་དར་དགོས།

དེ་བཞིན་ད་ལྟ་བོད་གངས་ཅན་གྱི་མི་རིགས་འདི་འཛམ་གླིང་འདིའི་སྟེང་གཞན་དང་མི་འདྲ་བའི་དཀའ་ངལ་

ཆེན་པོ་ཞིག་འཕྲད་བཞིན་ཡོད། བོད་མི་རིགས་དང་བོད་ཟེར་བ་འདི་གནས་དང་མ་གནས་ཀྱི་ཛ་དྲག་ཆེ་བའི་དུས་

སྐབས་ཤིག་འོག་འགྲོ་བཞིན་སྐབས་འདིར། བོད་མི་རིགས་ཀྱི་རྩ་དོན་གྱི་འགན་བོད་རིགས་སྤྱི་བོ་གནམ་བསྟན་

ཚང་མར་ཡོད་པར་བརྟེན་འགན་ཁུར་དགོས་པ་ཞིག་ལ་ང་ཚོས་ངོས་འཛིན་ཞུ་བཞིན་ཡོད། དེ་ལྟ་བུའི་ཐོག་ནས་ ཚིག་འགའ་ཤས་ཞུས་པ་ཡིན་ན་ཕལ་ཆེར་གསན་དགོས་པ་དང་གསན་རྒྱུ་རེད་བསམས་པའི་བསམ་བློ་གཉིས་ པ་ཞིག་འཁོར་ནས། དེ་རིང་བཀའ་ཤག་གི་ཚབ་ཞུས་ཏེ་ཚིག་འགའ་ཤས་ཞུ་རྒྱུ་ཡིན། དེ་ཡང་ཚང་མས་མཁྱེན་ 212

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

གསལ་ལྟར་ཕྱི་ལོ་ ༢༠༡༡ ཟླ་ ༨ ཚེས་ ༨ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མིའི་ཆབ་

སྲིད་ཀྱི་སྐུ་དབང་ཡོངས་རྫོགས་མང་གཙོའི་ལམ་ནས་འོས་འདེམས་བྱུང་བའི་སྲིད་སྐྱོང་བློ་བཟང་སེང་གེ་མཆོག་ ལ་རྩིས་སྤྲོད་མཛད་པ་ལྟར། སྲིད་སྐྱོང་མཆོག་གིས་དབུ་ཁྲིད་པའི་བཀའ་ཤག་གིས་བོད་བསྟན་སྲིད་མི་རིགས་ དང་བཅས་པ་ཚང་མའི་ཐོག་འགན་ཁུར་བཞེས་ནས་ལོ་གཉིས་དང་ཟླ་བ་བཞི་ཕྱིན་ཡོད། དུས་ཡུན་དེའི་རིང་ལས་ དོན་ལ་འཐུས་ཤོར་བྱུང་བསམ་པ་དང་། ལས་དོན་ཚགས་མ་ཚུད་པ་དང་གྲ་མ་འགྲིག་པ་བྱུང་སོང་བསམ་པ། དེ་

བཞིན་མི་མང་ཁྲོད་རྙོག་གླེང་དང་ལབ་གླེང་བྱུང་སོང་བསམ་པ་བྱུང་མ་སོང་། དེ་བཞིན་བཀའ་ཤག་ཙམ་མ་ཟད། བཀའ་སྤྱི་གཉིས་ཀྱིས་ལས་དོན་མང་པོ་ཞིག་གི་ཐོག་ལས་འགུལ་དང་ལས་འཆར་གསར་པ་གང་ལ་གང་འཚམ་ ཞིག་སྤེལ་ཐུབ་ཡོད།

དེར་བརྟེན་དེ་རིང་འདིར་སྤོབས་པ་ཆེན་པོའི་ཐོག་ནས་ལོ་གཉིས་ཀྱི་གྲུབ་འབྲས་ལྟ་བུ་འདིར་སྙན་སྒྲོན་ཞུ་

བཞིན་ཡོད། དེ་ཡང་གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གི་བྱིན་རླབས་དང་ཐུགས་རྗེ་བཀྲིན།

བོད་གཞིས་བྱེས་གཉིས་ཀྱི་ནུས་མཐུ་དང་རྒྱབ་སྐྱོར་ལ་བརྟེན་ནས་བྱུང་བ་ཞིག་ཡིན་པ་ང་ཚོས་ངོས་འཛིན་ཞུ་ བཞིན་ཡོད། དེར་བརྟེན་ད་ལྟ་བཀའ་ཤག་གི་ལོ་གཉིས༌དང་ཟླ་བ་བཞིའི་རིང་ལས་དོན་སྤེལ་བཞིན་པ་འདི་མུ་

མཐུད་ནས་སྤེལ་དགོས་པ་ཞིག་ཆགས་ཡོད། དེ་ཡང་སྲིད་སྐྱོང་མཆོག་གིས་ཆིག་སྒྲིལ་དང་། གསར་གཏོད། རང་ཁ་རང་གསོའི་ལྟ་གྲུབ་གསུམ་གསར་གཏོད་གནང་བ་ཕལ་ཆེར་ཚང་མས་མཁྱེན་གྱི་རེད། ཆིག་སྒྲིལ་ནི་བོད་

ཀྱི་བདེན་མཐའ་གསལ་ཆེད་མེད་དུ་མི་རུང་བའི་ལག་ཆ་ལྟ་བུ་རེད། ཆོས་ལུགས་དང་ཆོལ་ཁ་དབྱེར་མེད། ཕོ་

མོ་འདྲ་མཉམ་ཐོག་ནས་ལས་དོན་སྤེལ་དགོས་པ་ཡིན། འདི་ང་ཚོས་གལ་ཆེན་པོ་དང་རྩ་ཆེན་པོ་ཞིག་ལ་ངོས་

འཛིན་བྱེད་བཞིན་ཡོད། དེ་བཞིན་གསར་གཏོད། ཅེས་ངས་བརྗོད་སྐབས་འདིར་སློབ་དཔོན་ཟམ་གདོང་རིན་པོ་ ཆེ་མཆོག་གིས་དབུས་པའི་གཞུང་ཞབས་རྙིང་པ་དབུ་དཀར་པོ་ཆགས་པ་གང་ལ་གང་ཙམ་འདིར་ཕེབས་ཡོད་

པ་རྣམས་ཀྱིས་དངོས་གནས་དྲང་གནས་ད་བར་བོད་བསྟན་སྲིད་མི་རིགས་ཀྱི་ཆེད་དུ་སྒྲིག་འཛུགས་འདི་སྲ་ཐག་

ཐག་ཅིག་ཁོང་རྣམ་པས་བཙུགས་པ་དེར་བཀའ་དྲིན་རྗེས་དྲན་ཞུ་འདོད་བྱུང་། ང་ཚོ་ད་ལྟ་དུས་རབས་ཉེར་གཅིག་ ནང་འགྲོ་བཞིན་ཡོད། སྤྱིར་བཏང་འཛམ་གླིང་ནང་ཆབ་སྲིད་ཁོར་ཡུག་དང་མིའི་བསམ་བློ། ལྟ་གྲུབ་སོགས་ལོ་ དང་ཟླ་བའི་ནང་འགྱུར་བ་འགྲོ་བཞིན་ཡོད། འགྱུར་བ་དེ་དག་ལ་གཞི་བཅོལ་ནས་ང་ཚོས་ཀྱང་གོམ་པ་མཉམ་སྤོས་

བྱས་སྟབས། ང་ཚོས་ཀྱང་གསར་གཏོད་གང་ལ་གང་ཙམ་བྱས་དང་བྱེད་མུས་ཡིན། ལྟ་གྲུབ་གསུམ་པ་འདི་རང་ 213

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཁ་རང་གསོ་ཡིན། རང་ཁ་རང་གསོ་ཞེས་པ་ནི་ཕུགས་རྒྱང་རིང་པོའི་འཆར་སྣང་ཞིག་ཡིན། བོད་ཀྱི་བདེན་མཐའ་

མ་གསལ་བར་དུ་བོད་མིའི་སྒྲིག་འཛུགས་དང་བོད་མིའི་གནད་དོན་མུ་མཐུད་ནས་གནས་དགོས་ཀྱི་ཡོད། དེ་

གནས་པར་ད་བར་ང་ཚོས་རོགས་རམ་མང་པོ་ཞིག་ཞུས་ནས་གནས་པ་རེད། འོན་ཀྱང་ང་ཚོས་ཕུགས་རྒྱང་རིང་ པོའི་བསམ་བློ་གཏོང་སྐབས་མ་འོངས་པར་སོ་སོའི་རྐང་པའི་སྟེང་ལང་ཐུབ་པ་ཙམ་མ་ཟད། རང་ཁ་རང་གིས་གསོ་ ཐུབ་པའི་འཆར་གཞི་དང་སྲིད་བྱུས་ཤིག་དགོས་ཀྱི་ཡོད། ལྟ་གྲུབ་གསུམ་པོ་བབ་ས་དེ་གཉིས་སྨན་དབུ་མའི་ལམ་

གྱི་སྲིད་བྱུས་ཐོག་བབ་དགོས། གཉིས་སྨན་དབུ་མའི་ལམ་གྱི་སྲིད་བྱུས་འདི་ཕྱི་ལོ་ ༡༩༧༤ ཙམ་ནས་༸གོང་ས་

༸སྐྱབས་མགོན་ཆེན་པོ་མཆོག་གིས་དགོངས་པ་བཞེས་ནས་སྐབས་དེའི་ཆབ་སྲིད་ཀྱི་འགན་འཁྱེར་མཁན་མཛད་ གཙོ་རྣམ་པས་དབུས་འབྲེལ་ཡོད་མང་པོ་ཞིག་དང་བཀའ་བསྡུར་མཛད་མཐར་བོད་མི་མང་སྤྱི་འཐུས་ལྷན་ཚོགས་ ཀྱིས་གྲོས་ཚོགས་ནང་གཏན་ལ་ཕབ་པའི་སྲིད་བྱུས་ཤིག་ཆགས་ཡོད།

དེར་བརྟེན་ང་ཚོས་སྲིད་བྱུས་འདི་ཡང་དག་པ་གཅིག་དང་རྩ་ཆེན་ཞིག་ལ་ངོས་འཛིན་བྱེད་བཞིན་ཡོད།

དབུ་མའི་ལམ་གྱི་སྲིད་བྱུས་འདི་བརྒྱུད་ནས་བོད་རྒྱའི་གྲོས་མོལ་ཐོག་ནས་དཀའ་ངལ་སེལ་ཐབས་ང་ཚོས་དུས་

རྒྱུན་དུ་འབད་བརྩོན་བྱས་དང་བྱེད་མུས་ཡིན། བོད་རྒྱ་གྲོས་མོལ་ནི་བོད་དོན་བདེན་མཐའ་གསལ་ཆེད་ཡིན། བོད་དོན་བདེན་མཐའ་གསལ་བ་ཞེས་པ་ནི། ཆོལ་གསུམ་བོད་རིགས་རྣམས་གཅིག་ཏུ་བསྒྲིལ་བའི་མིང་དོན་ མཚུངས་པའི་རང་སྲིད་རང་སྐྱོང་གི་འཛིན་སྐྱོང་གཅིག་གི་འོག་གནས་རྒྱུ་ཡིན། གཉིས་སྨན་དབུ་མའི་ལམ་གྱི་སྲིད་

བྱུས་དེར་ངོ་ལྐོག་གཉིས་དང་རྒྱབ་མདུན་གཉིས་གང་ཡང་མེད་པར་ཕྱི་གསལ་ནང་གསལ་ཡིན་པ་དེ་སྔ་༸གོང་

ས་༸སྐྱབས་མགོན་ཆེན་པོ་མཆོག་དང་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་ཡང་ནས་ཡང་དུ་ བཀའ་སློབ་སྩལ་ཡོད། ཕྱོགས་མཚུངས་དེང་སྐབས་སྲིད་སྐྱོང་མཆོག་དང་བོད་མི་མང་སྤྱི་འཐུས་ཚོགས་གཙོ་

རྣམ་གཉིས་ཀྱིས་གཙོས་མཛད་གཙོ་རྣམ་པས་འཛམ་གླིང་ས་ཕྱོགས་གང་སར་དབུ་མའི་ལམ་གྱི་སྲིད་བྱུས་འདི་ བདེན་པ་དང་འཚེ་བ་མེད་པ། ཕྱི་གསལ་ནང་གསལ་གྱི་སྲིད་བྱུས་ཤིག་ཡིན་པའི་གཏམ་བཤད་སྤེལ་དང་སྤེལ་ མུས་རེད། དེར་བརྟེན་ང་ཚོས་འཐབ་རྩོད་བྱ་རྒྱུ་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་ གཞིའི་འོག་རང་སྲིད་རང་སྐྱོང་རྩོད་བཞིན་ཡོད་པ་ལས་རྒྱ་ནག་དང་ཁ་བྲལ་རྩོད་ཀྱི་མེད་ལ་བོད་དང་བོད་ཆེན་

པོའི་ཐ་སྙད་ཡང་བེད་སྤྱོད་བྱེད་ཀྱི་མེད། ང་ཚོའི་དགོས་འདུན་གང་ཡིན་བརྗོད་ན། བོད་ཆོལ་ཁ་གསུམ་གཅིག་ཏུ་ བསྒྲིལ་བའི་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་ཡོད། འོན་ 214

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཀྱང་ད་བར་རྒྱ་ནག་གི་འགོ་ཁྲིད་ཚོས་དུས་རྟག་ཏུ་ང་ཚོར་ཁ་བྲལ་བ་དང་ངོ་ལོག་པ་ཡིན་པའི་སྐྱོན་བརྗོད་བྱས་དང་ བྱེད་མུས་རེད། ཉེ་ལམ་རྒྱ་ནག་དབུས་འཐབ་ཕྱོགས་གཅིག་གྱུར་གྱི་འགོ་ཁྲིད་ཀྲུའུ་ཝེ་ཆོན་གྱིས་ཨི་ཊ་ལི་དང་

སུད་སིར་ཕྱིན་ནས་གཏམ་བཤད་སྐབས་སྲིད་སྐྱོང་བློ་བཟང་སེང་གེའི་མིང་འབོད་ཐེངས་བཞི་བྱས་ནས་ཁ་བྲལ་ རིང་ལུགས་པའི་ལྟ་བ་མཁྲེགས་འཛིན་པ་རེད། ཅེས་སྐྱོན་བརྗོད་བྱས་ཡོད།

ང་ཚོའི་ཕྱོགས་ནས་འཛམ་གླིང་འདིའི་སྟེང་ཡིག་ངག་གཉིས་ཐོག་ནས་ཁ་བྲལ་རྩོད་ཀྱི་མེད་པ་བརྗོད་

བཞིན་ཡོད། དེ་འདྲའི་གནས་སྟངས་འོག་ང་ཚོའི་གནས་བབ་འགྲོ་བཞིན་ཡོད། དེར་བརྟེན་ཁོང་ཚོས་གང་བཤད་ ཀྱང་། ངོས་ལེན་ཇི་འདྲ་ཞིག་གནང་མིན་ལ་མ་ལྟོས་པར་ང་ཚོས་གཏན་ལ་ཕབ་པའི་དབུ་མའི་ལམ་གྱི་སྲིད་བྱུས་ འདི་བདེན་པ་དང་དྲང་པོར་གཞི་བཅོལ་བ་ཞིག་ཡིན་སྟབས་དེར་འགྱུར་བ་གཏོང་དགོས་པ་གང་ཡང་མེད། དེ་

བཞིན་འཛམ་གླིང་ཐོག་དབུ་མའི་ལམ་གྱི་ལངས་ཕྱོགས་དེ་བདེན་པ་དང་འཚེ་བ་མེད་པ་རེད། ཅེས་རྒྱབ་སྐྱོར་

གནང་མཁན་ལོ་རེ་ནས་ལོ་རེ་ཇེ་མང་དུ་འགྲོ་བཞིན་ཡོད། ཕྱི་ལོ་ ༢༠༡༡ ནས་ད་བར་རྒྱལ་སྤྱིའི་གྲོས་ཚོགས་ བཅུ་ལྷག་ནང་དབུ་མའི་ལམ་གྱི་ལངས་ཕྱོགས་ལ་རྒྱབ་སྐྱོར་གྱི་གྲོས་ཆོད་བཞག་ཡོད། གྲོས་ཆོད་དེ་དག་ལས་

སླ་པོ་ཞིག་རྩ་བ་ནས་མིན། ཡིན་ནའང་ཁོང་རྣམ་པས་བོད་དོན་ལ་རྒྱབ་སྐྱོར་བྱ་རྒྱུ་དེ་འོས་ཤིང་འཚམས་པ་ཞིག་ མཐོང་ནས་རྒྱབ་སྐྱོར་གནང་བཞིན་ཡོད། འདི་ང་ཚོས་གཟི་བརྗིད་ཆེན་པོ་ཞིག་དང་རྩ་ཆེན་པོ་ཞིག་ལ་ངོས་འཛིན་ ཞུ་བཞིན་ཡོད། ང་ཚོའི་བདེན་མཐའ་གསལ་ཐབས་དང་ང་ཚོའི་ལངས་ཕྱོགས། དེ་བཞིན་རྒྱ་ནག་དམར་པོའི་སྲིད་

གཞུང་གི་བྱེད་ཕྱོགས་དེ་དག་དང་། བོད་ནང་དུ་གཉའ་གནོན་ག་ཚོད་ཡོད་མེད་དེ་ང་ཚོས་འཛམ་གླིང་སྡིངས་ཆ་

འདིའི་སྟེང་འཇོག་ཐུབ་དགོས། དེའི་ཆེད་དུ་སྲིད་སྐྱོང་བློ་བཟང་སེང་གེ་མཆོག་རྒྱ་གར་དང་ཨ་རིའི་ས་ཁུལ་ཕལ་ ཆེ་བའི་ནང་ཕེབས་ནས་གྲོས་ཚོགས་འཐུས་མི་དང་ཕྱི་སྲིད་ལས་ཁུངས། ཁྲིམས་བཟོ་བ་སོགས་དང་མཇལ་འཕྲད་ གནང་ནས་ཆབ་སྲིད་དང་ཤེས་ཡོན། དཔལ་འབྱོར་གང་གི་ཆ་ནས་ལས་དོན་གང་ལ་གང་ཙམ་བསྒྲུབས་དང་སྒྲུབ་ བཞིན་ཡོད་པ་དེ་རིང་འདིར་ངས་སྙན་གསེང་ཞུ་འདོད་བྱུང་།

དེ་བཞིན་བཀའ་བློན་རྣམ་པ་ཚོས་ཀྱང་བོད་སྤྱིའི་རྩ་དོན་ཆེད་འཛམ་གླིང་ཡུལ་གྲུ་གང་སར་ཕེབས་དང་

ཕེབས་མུས་ཡིན། ཕྱོགས་མཚུངས་དཔལ་ལྡན་ཚོགས་གཙོ་མཆོག་གིས་གཙོས་གྲོས་ཚོགས་འཐུས་མི་རྣམ་ པས་རྒྱ་གར་གྱི་གྲོས་ཚོགས་འཐུས་མི་མཇལ་རྒྱུས་མཚོན་ལས་དོན་སྤེལ་དང་སྤེལ་མུས་རེད། དེ་བཞིན་བཀའ་

བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་ཆབ་སྲིད་ཀྱི་འགན་ཁུར་གནང་མིན་ལ་མ་ལྟོས་པར་འཛམ་ 215

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

གླིང་ས་ཕྱོགས་གང་སར་ཕེབས་བཞིན་ཡོད། ཉེ་ལམ་ཁོང་སུད་སི་དང་འཇར་མན་སོགས་ཀྱི་ནང་ཕེབས་ཡོད།

ང་ཚོ་འཆམ་འཆམ་དང་སྤྲོ་སྐྱིད་གཏོང་བར་འགྲོ་གི་མེད། བོད་མིའི་དཀའ་ངལ་དང་། བོད་མིའི་གནད་དོན་འདི་ ང་ཚོས་འཛམ་གླིང་སྡིངས་ཆའི་སྟེང་འཇོག་ཐུབ་པ་དགོས་ཀྱི་ཡོད། དེ་ལྟར་ཡོང་རྒྱུར་འབད་བརྩོན་ཆེད་ང་ཚོས་ རྒྱལ་ཁབ་འདྲ་མིན་ནང་ཕྱིན་ནས་རྒྱལ་ཁབ་སོ་སོའི་འགོ་ཁྲིད་དང་གྲོས་ཚོགས་འཐུས་མི། བོད་དོན་རྒྱབ་སྐྱོར་

ཚོགས་པ་དང་། དེ་བཞིན་ས་གནས་ཁག་ཏུ་གནས་སྡོད་བོད་རིགས་སྤུན་ཟླ་ཚོ་དང་ཐུག་ནས་བོད་ཀྱི་དཀའ་ངལ་ དང་རྩ་དོན་རྣམས་གསལ་བཤད་ཞུ་བཞིན་ཡོད། དེར་བརྟེན་ལས་དོན་འདི་གལ་ཆེན་པོ་ཞིག་ཆགས་བཞིན་ཡོད།

ང་ཚོ་གང་དུ་ཕྱིན་ཀྱང་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་བོད་དོན་ ཐོག་རྒྱབ་སྐྱོར་དང་དོ་སྣང་བྱེད་མཁན། བོད་དོན་སྐོར་དྲི་བ་དྲིས་མཁན་ལོ་རེ་ནས་ལོ་རེ་མང་དུ་འགྲོ་བཞིན་ཡོད།

དེར་བརྟེན་ད་བར་ལམ་དབུ་མའི་སྲིད་བྱུས་ཐོག་ལ་རྒྱབ་སྐྱོར་གནང་མཁན་ལོ་རེ་མང་དུ་འགྲོ་བཞིན་ཡོད། ལྷག་ པར་རྒྱ་ནག་མི་དམངས་ཁྲོད་མཁས་དབང་དང་རྩོམ་པ་པོ། ཆབ་སྲིད་པ། ཁྲིམས་རྩོད་པ་སོགས་ཀྱིས་དབུ་མའི་

ལམ་གྱི་སྲིད་བྱུས་ལ་རྒྱབ་སྐྱོར་གྱི་རྩོམ་ཡིག་སྤེལ་བ་ཧ་ཅང་མང་པོ་བྱུང་ཡོད། རྒྱ་ནག་མི་དམངས་སྤྱི་མཐུན་ རྒྱལ་ཁབ་འདི་སྟོབས་འབྱོར་མངའ་ཐང་ཧ་ཅང་ཆེ་བ་ཞིག་ཡིན་པ་ང་ཚོས་ངོས་འཛིན་བྱེད་བཞིན་ཡོད། འོན་ཀྱང་ མཐར་བདེན་པར་རྒྱལ་ཁ་འཐོབ་རྒྱུ་འདི་འཇིག་རྟེན་གྱི་ཆོས་ཉིད་རེད།

གནས་ཚུལ་གཞན་ཞིག་དགའ་སྤྲོ་ཆེན་པོའི་ཐོག་ནས་ཞུ་དགོས་པ་ཞིག་ལ་ཕྱི་ལོ་ ༢༠༡༣ ཟླ་ ༩ ཚེས་

༢༢ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་གཉིས་སྨན་དབུ་མའི་ལམ་ལ་བརྟེན་ནས་རྒྱ་བོད་ཞི་ འགྲིག་ཡོང་རྒྱུའི་མཚམས་བར་མགོན་པོ་གང་ཉིད་མཆོག་སྐུ་ཚེ་འཚོ་གཞེས་བཞུགས་རྒྱུའི་བཀའ་བཞེས་བཟང་

པོ་ཐོབ་ཡོད། འདི་ང་ཚོས་ཧ་ཅང་དགའ་སྤྲོ་སྐྱེ་དགོས་པ་དང་། རྩ་ཆེན་ཞིག་ལ་ངོས་འཛིན་ཞུ་བཞིན་ཡོད། དེ་རིང་

འདིར་༸གོང་ས་མཆོག་དབུ་བཞུགས་ཐོག་བསྟན་འཛིན་གྱི་སྐྱེས་ཆེན་དམ་པ་མང་པོ་ཞིག་འདུ་འཛོམས་མཛད་ ཡོད། དེ་རིང་ངས་ཆོས་རིག་བཀའ་བློན་ཡིན་པའི་འགན་ཞིག་འཁྱེར་ནས་ཞུ་ན། ང་ཚོའི་བོད་བརྒྱུད་ནང་བསྟན་

འདི་བཤད་སྒྲུབ་ཟུང་འབྲེལ་ཐོག་ནས་མི་ཉམས་རྒྱུན་འཛིན་མཛད་བཞིན་པ་ནི་ཧ་ཅང་རྩ་ཆེན་པོ་ཞིག་དང་རིན་

ཐང་ཆེན་པོ་ཞིག་ཡིན། ཕྱི་ལོ་ ༡༩༧༡ ལོར་དབུས་གཞོན་ནུ་ལྷན་ཚོགས་ཐོག་མར་འཚོགས་སྐབས་༸གོང་ས་ མཆོག་གིས་འཛམ་གླིང་སྒང་ང་ཚོར་ངོམས་སུ་ཆོག་པ་གཅིག་ཡོད་པ་ནི་བོད་བརྒྱུད་ནང་བསྟན་ཁོ་ན་ཡིན་པ་ ལས་གཞན་ཆབ་སྲིད་དང་དཔལ་འབྱོར་གང་གི་ཆ་ནས་ངོམས་ཆོག་པ་གང་ཡང་མེད། ཅེས་བཀའ་སྩལ་ཡོད། ད་ 216

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཆ་ལྟ་སྐབས་འཛམ་གླིང་གི་མི་མང་ཚོས་བོད་པར་དོ་སྣང་བྱ་རྒྱུ་གཙོ་བོ་ནི་བོད་བརྒྱུད་ནང་བསྟན་ལ་བརྟེན་ནས་

ཡིན་སྟབས། ཧ་ཅང་རྩ་ཆེན་པོ་ཆགས་ཡོད། ང་ཆོས་རིག་བཀའ་བློན་བསྐོས་རྗེས་ཨ་རི་དང་ཡུ་རོབ། ཨེ་ཤི་ཡའི་

ནང་དུ་ནང་པའི་བསྟི་གནས་ཇི་ཙམ་ཡོད་མེད་ཉམས་ཞིབ་བྱེད་སྐབས་ཆོས་ཚོགས་ ༧༧༨ བཙུགས་འདུག ཕྱི་ ལོ་ ༡༩༥༩ གོང་ལ་ཡུལ་གྲུ་དེ་དག་ནང་བོད་མི་རིགས་དང་བོད་ཀྱི་ནང་ཆོས་ལྟ་ཅི་བོད་ཟེར་བ་མང་པོ་ཞིག་གིས་

ཤེས་ཀྱི་མེད། འོན་ཀྱང་ཕྱི་ལོ་ ༡༩༥༩ རྗེས་བསྟན་འཛིན་གྱི་སྐྱེས་ཆེན་དམ་པ་མང་པོ་ཞིག་གིས་སྐུ་ངལ་འཛེམས་ མེད་ཐོག་ཡུལ་གྲུ་གང་སར་ཕེབས་ནས་བོད་བརྒྱུད་ནང་ཆོས་དར་སྤེལ་མཛད་པར་བརྟེན་ད་ཆ་གནས་སྟངས་འདི་ ལྟར་བསླེབས་ཡོད།

ཕྱི་ལོ་ ༡༩༥༩ ལོར་༸གོང་ས་མཆོག་གིས་དབུ་ཁྲིད་པའི་བོད་མི་སྐྱབས་བཅོལ་བ་ཁྲི་བརྒྱད་ཙམ་རྒྱ་གར་

དུ་བསླེབས་ཡོད། དེར་བརྟེན་སྐབས་དེར་ཐོག་མར་སྦག་ས་ཆོས་སྒར་དུ་དགེ་འདུན་པ་སྟོང་ཕྲག་འགའ་ཤས་ཀྱིས་ སྐུ་ངལ་འཛེམས་མེད་ཐོག་འབད་བརྩོན་གནང་འབྲས་སུ་རིམ་བཞིན་ད་ལྟའི་གནས་སྟངས་འདི་ལྟ་བུ་ཆགས་ཐུབ་

པར་བརྟེན། དེ་རིང་ངས་གོ་སྐབས་འདི་བཟུང་ནས་སྦག་སའི་དགེ་འདུན་པ་འདས་གསོན་ཡོངས་ལ་བཀའ་དྲིན་

རྗེས་དྲན་ཞུ་རྒྱུ་ཡིན། ད་བར་ང་ཚོས་དེ་ལྟར་བྱས་ནས་ཕྱིན་ཡོད་ཀྱང་ད་ཆ་ང་ཚོའི་མདུན་ལ་དྲི་བ་ཞིག་སླེབ་བཞིན་ ཡོད་པ་ནི། ང་ཚོ་ལོ་བཅུ་དང་ཉི་ཤུའི་མཚམས་སུ་གནས་སྟངས་ཇི་འདྲ་ཞིག་ཆགས་རྒྱུ་རེད། ཅེས་པ་འདི་ཡིན།

༸སྐྱབས་མགོན་རིན་པོ་ཆེའི་བཀའ་དགོངས་གཞིར་བཞག་ཐོག་ང་ཚོས་ཕྱི་ཟླ་ ༥ ནང་བཤད་སྒྲུབ་བསྟན་

པ་གོང་འཕེལ་ཆེད་ཆོས་རིག་ལས༌ཁུངས་ཀྱི་འཛིན་སྐྱོང་འོག་ལྷན་ཚོགས་ཤིག་ཚོགས་ནས་རིགས་གཅིག་རྐང་ འཛིན་གྱི་སློབ་གཉེར་བྱེད་ས་ཞིག་གཏན་འབེབས་བྱས་པ་ཡིན། ཕྱོགས་མཚུངས་ཉེ་ལམ་མཁས་པའི་ཚོགས་ཆུང་ བཙུགས་ནས་རིགས་གཅིག་རྐང་འཛིན་གྱི་སློབ་མ་འདེམས་སྒྲུག་བྱེད་སྐབས་སློབ་མ་ཉི་ཤུ་རྩ་གཉིས་འདུག ཅེས་ གསུངས།

དེ་རིང་འདིར་དོལ་རྒྱལ་སྐོར་ལ་ཞུ་འདོད་བྱུང་། སྤྱིར་སངས་རྒྱས་གང་དུ་ཕེབས་ས་དེར་བདུད་ཡོད་ཅེས་

བཤད་སྲོལ་ཡོད། ༸གོང་ས་༸སྐྱབས་མགོན་ཆེན་པོ་མཆོག་གིས་དགུང་གྲངས་བཅུ་དྲུག་ནས་བོད་བསྟན་སྲིད་

མི་རིགས་ཀྱི་ཆེད་དུ་སྐུ་ངལ་འཛེམས་མེད་ཀྱིས་ད་བར་མཛད་འཕྲིན་བསྐྱངས་པ་དེ་དག་བོད་མི་ས་ཡ་དྲུག་གིས་

དུས་ནམ་ཡང་བརྗེད་ཐབས་མེད་པའི་བཀའ་དྲིན་བླ་ན་མེད་པ་ཞིག་ཡིན། འོན་ཀྱང་བོད་མི་རེ་ཟུང་ཞིག་གིས་ ༸གོང་ས་མཆོག་ཕྱི་རྒྱལ་ཡུལ་གྲུ་ཁག་ཏུ་ཆིབས་སྒྱུར་བསྐྱངས་སྐབས་ངོ་རྒོལ་སྐད་འབོད་བྱས་དང་བྱེད་བཞིན་ 217

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཡོད་པ་ནི་ཧ་ཅང་གི་ཐབས་སྐྱོ་པོ་རེད། སྔ་ལོ་ནིའུ་ཡོཀ་དང་ཝི་སི་ཀོན་སིན་ནང་སྐད་འབོད་བྱས་པ་ཙམ་མ་ཟད།

ཨ་རི་ནས་ཨོ་སི་ཀྲོ་ལི་ཡར་སྐད་འབོད་བྱེད་པར་སོང་ཡོད། དོལ་རྒྱལ་བསྟེན་མཁན་གང་དུ་ཡོད་ཀྱང་ཁོང་ཚོར་ ངས་དྲན་སྐུལ་ཞིག་ཞུ་འདོད་བྱུང་།

གང་ཡིན་བརྗོད་ན། ཕྱི་ལོ་ ༡༩༥༩ ལོར་སོ་སོའི་ལུང་པ་བཞག་ནས་བཙན་བྱོལ་ལ་གྱར་དགོས་པའི་

རྒྱུ་མཚན་གང་ཡིན་ནམ། སྐབས་དེ་དུས་རྒྱ་མི་དམར་པོས་བོད་མི་ས་ཡ་གཅིག་དང་འབུམ་གཉིས་ཙམ་དམར་

གསོད་བཏང་ཡོད་པ་མ་ཟད། ཕྱིས་སུ་རིག་གནས་གསར་བརྗེའི་སྐབས་བོད་ནང་དགོན་སྡེ་དྲུག་སྟོང་ལྷག་གྱང་རོ་

མ་གཏོགས་རྩ་མེད་བཏང་ཡོད། བོད་ཀྱི་དགོན་སྡེ་ཁག་ནང་རྟེན་སྐུ་རིན་ཐང་ཆེ་བ་དང་རྩ་ཆེ་བ་ཚང་མ་རྒྱ་ནག་ཏུ་ འོར་འདྲེན་བྱས་ཡོད། ད་ལྟ་དོལ་རྒྱལ་རྗེས་འབྲང་པ་རེ་ཟུང་ཡོད་པ་དེ་དག་གི་ཕ་མ་དང་ནང་མི་སྤུན་ཉེ་སོགས་རྒྱ་

མིས་བསད་པའི་ནང་དུ་ཏན་ཏན་ཡོད་སྲིད་པ་རེད། ཕྱི་ལོ་ ༡༩༥༩ ལོར་རྒྱ་མི་བོད་ནང་འཛུལ་སྐབས་མདོ་སྟོད་

སྨད་ཕྱོགས་ནས་འཛུལ་བ་རེད། དམག་འཁྲུག་ག་ཚོད་བརྒྱབ་ཡོད་པ་དང་མི་ག་ཚོད་ཙམ་བསད་ཡོད་པ་རེད། ཕྱི་ལོ་ ༡༩༥༤ འམ་ ༡༩༥༥ ལ་ལི་ཐང་དགོན་པ་ལ་འབར་རྫས་གཡུག་པ་རེད། དེ་དག་ཚང་མས་མཁྱེན་པའི་

ཐོག་ནས་རྒྱབ་མདུན་མ་ནོར་བ་བྱེད་དགོས། དེ་ལྟར་བྱེད་མཁན་གྱི་དགྲ་བོ་ཕར་བཞག་ནས་ཚུར་ཕྱོགས་འདིར་ བོད་བསྟན་སྲིད་མི་རིགས་ཀྱི་ཆེད་དུ་ལས་དོན་སྒྲུབ་མཁན་ཚོར་ངོ་རྒོལ་བྱེད་རྒྱུ་དེ་ཐབས་སྡུག་རེད། ང་རང་

སྒེར་ལྟ་བུར་མཚོན་ན་དོལ་རྒྱལ་རྗེས་འབྲང་པ་ཚོས་དྲ་རྒྱའི་ཐོག་ངའི་སྐོར་འདྲ་མིན་བཤད་ནས་སྐྱོན་བརྗོད་བྱས་ འདུག བཤད་མི་བཤད་གང་ཡང་མི་འདུག དེ་ལྟ་བུ་ཚང་མར་སྐྱོན་བརྗོད་བྱ་རྒྱུ་དེ་འགྲིག་ཡོད་དམ་མེད། བོད་མི་

ཁྲི་ཕྲག་མང་པོ་དམར་གསོད་གཏོང་མཁན་དང་དགོན་སྡེ་སྟོང་ཕྲག་མང་པོ་རྩ་མེད་གཏོང་མཁན་གྱི་དགྲ་བོ་དང་

མཉམ་དུ་ལག་སྦྲེལ་ནས་བོད་བསྟན་སྲིད་མི་རིགས་ལ་རྙོག་དྲ་བཟོ་བ་དང་སྐྱོན་བརྗོད་བྱེད་པ་འདི་འགྲིག་གི་ཡོད་ དམ་ཞེས་ཁོ་ཚོས་ཤེས་པ་གནང་རྒྱུ་དང་བསམ་བློ་གཏོང་རྒྱུ་དེ་གལ་ཆེན་པོ་རེད་བསམ་གྱི་འདུག མི་ཞིག་དང་ ཡང་སྒོས་བོད་པ་ཞིག་ཡིན་ན་རང་གིས་རང་ལ་དྲི་བ་འདོན་དགོས། དོལ་རྒྱལ་རྗེས་འབྲང་པ་ཚོས་ཉེ་ལམ་དྲ་རྒྱའི་

ཐོག་ཁོང་ཚོའི་རྒྱབ་ཏུ་སྟོབས་ཆེན་རྒྱལ་ཁབ་ཡོད་ཚུལ་བཤད་ཡོད། སྟོབས་ཆེན་རྒྱལ་ཁབ་ཟེར་བ་དེ་སུ་ཡིན་ ནམ། ངས་ད་ལྟ་ག་རེ་ཞུ་ཡི་ཡོད་ཅེ་ན། བོད་དང་བོད་མི་རིགས་ཟེར་བ་དེ་འཛམ་བུ་གླིང་འདིའི་ནང་དུ་གནས་དང་ མ་གནས། རང་ཡུལ་དེ་རྒྱ་ཡུལ་ལ་བསྒྱུར་རྒྱུའི་འབད་བརྩོན་བྱེད་བཞིན་པ་དེ་ཤེས་དགོས་པ་གཅིག་དང་། ཤེས་ ནས་བསམ་བློ་གཏོང་དགོས་པ་ཞིག་ཧ་ཅང་གལ་ཆེན་པོ་རེད། རྒྱ་མིས་བོད་མིའི་སྒྲིག་འཛུགས་གཏོར་བཤིག་ 218

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

གཏོང་རྒྱུ་དང་བེད་སྤྱོད་གཏོང་རྒྱུ་མེད་དུ་མི་རུང་བའི་ལག་ཆ་རེད་ཅེས་བཤད་ཡོད། བྱས་ཙང་བེད་སྤྱོད་ཀྱི་འོག་

ལ་འགྲོ་ཡི་ཡོད། ངས་གོང་དུ་ཞུས་པ་བཞིན་དགོན་པ་དྲུག་སྟོང་ལྷག་ཙམ་གཏོར་བཤིག་གཏོང་མཁན་དང་བོད་ མི་ས་ཡ་གཅིག་དང་འབུམ་གཉིས་ཙམ་གསོད་མཁན་རྒྱ་མི་རེད། དེ་དང་མཉམ་འབྲེལ་བྱས་ནས་བོད་བསྟན་སྲིད་

མི་རིགས་ཀྱི་ཆེད་དུ་སྐུ་ངལ་འཛེམས་མེད་ཀྱི་ཐོག་ནས་ཕྱག་ལས་གནང་མཁན་དེ་དག་ལ་མཚན་སྨད་ཞུ་རྒྱུ་དང་ བསྐྱོན་བརྗོད་བྱ་རྒྱུ་དེ་འོས་ཤིང་འཚམ་པ་རེད་དམ།

ང་ཚོ་ལ་ལག་ཆ་ཆེན་པོ་ཞིག་དང་སེམས་ཤུགས་འཕར་དགོས་པ་གཅིག་ནི། བཙན་བྱོལ་ནང་བོད་མི་

འབུམ་གཅིག་དང་ཁྲི་ལྔ་ཙམ་ཡོད་པ་ནས་འབུམ་གཅིག་ཙམ་རྒྱ་བལ་འབྲུག་གསུམ་ནང་གནས་ཡོད་པ་དང་ཁྲི་ བཞི་ལྔ་ཨ་རི་དང་ཡོ་རོབ་སོགས་ལ་གྲམ་ཡོད་པ་རེད། ཕྱི་རྒྱལ་དུ་ཡོད་པའི་བོད་མི་གཞོན་སྐྱེས་ཚོའི་སེམས་ ཤུགས་དང་ལྷག་བསམ་ཧ་ལས་དགོས་པ་འདུག འདི་ནི་ང་ཚོས་རྩ་ཆེན་པོ་ཞིག་ལ་ངོས་འཛིན་བྱེད་བཞིན་ཡོད།

དེ་བཞིན་ཞུ་མི་དགོས་པར་ཚང་མས་མཁྱེན་གསལ་རེད། ད་བར་བོད་ནང་དུ་བོད་མི་ ༡༢༤ ཡིས་བོད་

བསྟན་སྲིད་མི་རིགས་ཀྱི་ཆེད་དུ་སྐུ་ལུས་མེར་བསྲེགས་གནང་ཡོད་པ་རེད། ༡༢༤ དེ་ཅ་དངོས་ཀྱི་གྲངས་ཤིག་

མ་རེད། དེ་མིའི་སྲོག་གི་གྲངས་ཀ་ ༡༢༤ རེད། དེར་བརྟེན་དེ་ལྟ་བུའི་བོད་མི་དཔའ་བོ་དཔའ་མོ་དེ་དག་གི་སེམས་ ཤུགས་དང་། དཔའ་བོ་དཔའ་མོ་དེ་དག་གི་ལ་ཞེན་ཧ་ལས་དགོས་པ་ཞིག་མ་རེད་དམ། ང་ཚོ་ཚང་མས་མཁྱེན་

གསལ་རེད། དབུག་ཆད་ཁར་ཡང་༸རྒྱལ་བ་བསྟན་འཛིན་རྒྱ་མཚོ་༸རྒྱལ་བ་བསྟན་འཛིན་རྒྱ་མཚོ་ཞེས་འབོད་ ཀྱི་ཡོད་པ་རེད། བོད་ལ་རང་དབང་དགོས་༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་ཁོང་ཚོའི་

སྐད་འབོད་དེ་དབུག་ཆད་ཁར་ཡང་འབོད་ཀྱི་ཡོད་པ་རེད། དེ་རྣམས་འཚེ་མེད་ཞི་བའི་ལྟ་གྲུབ་ཧ་ཅང་གི་གོ་རྟོགས་ ཆེན་པོ་ཡོད་པ་ཤིན་ཏུ་གསལ་པོ་རེད། དཔེར་ན་རང་ཉིད་ཀྱི་སྐུ་ལུས་མེར་བསྲེགས་གཏོང་ཐུབ་མཁན་ཞིག་གིས་

མེར་བསྲེགས་གཏོང་དགོས་པའི་རྒྱུ་རྐྱེན་བཟོ་མཁན་དེར་གནོད་སྐྱེལ་ཐུབ་ཀྱི་རེད། ཡིན་ནའང་ད་བར་སྐུ་ལུས་ མེར་བསྲེགས་གཏོང་མཁན་དཔའ་བོ་དཔའ་མོ་དེ་དག་གིས་རྒྱ་མི་རིགས་ལ་གནོད་སྐྱེལ་བ་དང་རྒྱ་མི་རིགས་ཀྱི་ རྒྱུ་ཅ་དངོས་ལ་གཏོར་བཤིག་དང་། ཐ་ན་རྒྱ་མི་རིགས་ལ་གནོད་སྐྱོན་ཙམ་མི་ཐེབས་པ་བྱས་ནས་རང་གི་སྐུ་ལུས་

མེར་བསྲེགས་གནང་ཡོད་པ་རེད། ཧ་ཅང་གི་གཟི་བརྗིད་ཆེན་པོ་རེད་བསམ་གྱི་འདུག་ལ། དེ་དག་ཆབ་སྲིད་ཀྱི་གོ་ རྟོགས་ཆེན་པོ་ཡོད་པ་དང་། འཚེ་མེད་ཞི་བའི་ལྟ་གྲུབ་གཏིང་ཟབ་པོའི་ཐོག་ནས་གོ་རྟོགས་ཡོད་མཁན་རེད་འདུག

ཚང་མས་མཁྱེན་གསལ་ལྟར་དེང་སྐབས་བོད་ནང་གི་གཞོན་སྐྱེས་གཞས་པ་ཞིག་ཡིན་ན་དེ་རིང་གཞས་ 219

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཞིག་བཏང་ན་སང་ཉིན་གང་དུ་བསླེབ་མིན་ཤེས་ཀྱི་མེད། ཡིན་ནའང་བོད་བསྟན་སྲིད་མི་རིགས་ཀྱི་ཆེད་དུ་གཞས་

དང་བསྟོད་བསྔགས་གཏོང་གི་ཡོད། རྩོམ་པ་པོ་ཞིག་ཡིན་ན་དེ་རིང་རྩོམ་ཡིག་ཅིག་བྲིས་ན་སང་ཉིན་གང་དུ་བསླེབ་ མིན་ཤེས་ཀྱི་མེད། ཡིན་ནའང་རྩོམ་ཡིག་འབྲི་ཡི་ཡོད། དེར་བརྟེན་དེ་ལྟའི་གཞོན་སྐྱེས་དེ་དག་གི་ལྷག་བསམ་དང་

སེམས་ཤུགས། ཞུམ་པ་མེད་པའི་སྙིང་སྟོབས་དེ་ང་ཚོའི་བདེན་པའི་འཐབ་རྩོད་ཀྱི་མ་རྩ་དང་ལ་རྒྱ་གཙོ་བོ་ཞིག་ཏུ་ ངོས་འཛིན་བྱེད་བཞིན་ཡོད།

ཉེ་ལམ་ཁམས་འབྲི་རུ་རྫོང་དུ་རྒྱ་མི་དམར་པོའི་དར་ཆ་ཁང་ཐོག་ཏུ་སྒྲེང་དགོས་ཞེས་བཙན་བཀའ་གཏོང་

སྐབས་མི་མང་གིས་འདོད་པ་མེད་པར་དར་ཆ་ཕྱིར་གཡུགས་པ་རེད་ཅེས་བརྗོད་ཀྱི་འདུག གང་ལྟར་ཁང་ཐོག་ཏུ་ སྒྲེང་འདོད་མེད་པར་རྒྱ་མིའི་ཉེན་རྟོག་པ་དང་རྩོད་གླེང་བྱུང་སྟེ་མི་ ༤ བཀྲོངས་འདུག དེ་བཞིན་མི་མང་པོ་ཞིག་

འཛིན་བཟུང་བྱས་འདུག དེ་ལྟར་མི་ལོ་ ༥༣ གྱི་རིང་ལ་རྒྱ་མི་ཁོ་རང་ཚོའི་དབང་བསྒྱུར་གྱི་འོག་ཏུ་བསྡད་པ་ཡིན་

ནའང་ད་ལྟའི་རྒྱའི་སྲིད་བྱུས་དེར་མོས་མཐུན་མེད་པ་དང་ཡིད་ཆེས་མེད་པ། དགའ་ཡི་མེད་པ་ཧ་ཅང་གི་གསལ་ པོ་ཡིན་པ་ཆགས་འདུག དེར་བརྟེན་དེ་དག་ལ་འདི་ནས་དེ་ལྟར་བྱེད་དགོས་པའི་སློབ་སྟོན་བྱེད་མཁན་དང་བསྐུལ་ མ་གཏོང་མཁན་གཅིག་ཀྱང་མེད། སོ་སོ་རང་ཉིད་ཀྱིས་མ་བསྐུལ་དང་བླངས་ཐོག་ནས་དགོས་པ་དང་རྒྱུ་མཚན་ ཞིག་མཐོང་ནས་བྱས་དང་བྱེད་བཞིན་པ་རེད།

དེ་བཞིན་བོད་ནང་གི་བོད་མི་རྣམས་ཀྱི་སེམས་ཤུགས་དང་སྙིང་སྟོབས་སྐོར་ངས་འདིར་ཞུ་བར་དུས་ཚོད་

མི་འདུག ཆོས་བརྒྱུད་ཁག་གི་མཐུན་ལམ་དང་རྡོག་རྩ་ཆིག་སྒྲིལ་གྱི་ཚོར་ཤུགས་ཇི་ཆེར་ཕྱིན་ནས། མཉམ་རུབ་

ཐོག་ནས་ཆོས་འཆད་ཉན་དང་བགྲོ་གླེང་མང་པོ་གནང་གི་འདུག འདིར་ངས་ཞིབ་ཚགས་ཞུ་མི་དགོས་པར། དེ་ རྣམས་ང་ཚོས་རྩ་ཆེན་ཞིག་དང་གལ་ཆེན་པོ་ཞིག་ཏུ་བརྩི་བཞིན་ཡོད། དེར་བརྟེན་སོ་སོ་རང་ཉིད་ཀྱི་བསམ་བློར་ ང་ཞེས་པ་ལས་ང་ཚོ་ཞེས་པ་གལ་ཆེ་བ་དང་དོན་ཆེ་བ་འདུག་ཅེས་པའི་བསམ་ཚུལ་དེ་བོད་ནང་དུ་སླེབས་ཡོང་གི་ འདུག དེ་ང་ཚོས་ཧ་ཅང་གི་རྩ་ཆེན་པོར་བརྩི་བཞིན་ཡོད།

ད་དུང་བཀའ་སློབ་གནང་མཁན་ཡོད་སྟབས་ངས་མང་པོ་ཞུ་ཡི་མིན། ང་ཚོ་བོད་གཞིས་བྱེས་གཉིས་

མཉམ་འཛོམས་ཡོང་བ་དང་བོད་མི་རིགས་ཀྱི་བདེན་མཐའ་བསྐྱར་གསོ་བྱ་རྒྱུའི་འབད་བརྩོན་ཐབས་ཤེས་ཡོད་ དགུ་རྩལ་སྤྲུག་བྱ་རྒྱུར་ད་ལྟའི་བཀའ་ཤག་ལ་ཆོད་སེམས་བརྟན་པོ་ཡོད། གང་ཡིན་ཞེ་ན་བོད་གཞིས་བྱེས་གཉིས་

ཀྱི་མི་མང་གི་སེམས་ཤུགས་དང་སྙིང་སྟོབས་དེ་ང་ཚོ་ལས་ཀ་བྱེད་མཁན་གྱི་སེམས་ཤུགས་འཕར་རྒྱུའི་གཞི་རྩ་ 220

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ཆེན་པོ་ཆགས་ཀྱི་འདུག དེ་ང་ཚོས་གལ་ཆེན་པོར་རྩི་བཞིན་ཡོད།

དེ་དང་ཆབས་ཅིག་འདིར་བྱང་ཆུབ་ལམ་རིམ་ཆེན་མོའི་གསུང་ཆོས་གོ་སྒྲིག་གནང་མཁན་དང་སྦྱིན་

བདག་རྣམས་ལ་བཀའ་དྲིན་རྗེས་དྲན་དང་བཅས་སྙིང་དབུས་ནས་ཐུགས་རྗེ་ཆེ་ཞུ་བཞིན་ཡོད། ཧ་ཅང་གི་གཟི་

བརྗིད་ཆེན་པོ་དང་སྤུས་དག་པོ་རེད་འདུག ལྷག་པར་དུ་རྩིས་ཁྲ་དེ་དག་མར་ལྗགས་ཀློག་གནང་སྐབས་ཧ་ཅང་

གི་ཡག་པོ་འདུག དེ་བཞིན་སྨར་ཁམས་བོད་གཞིས་བྱེས་གཉིས་ཀྱི་བརྟན་བཞུགས་ཚོགས་པ་ལའང་དཔལ་ལྡན་ སྲིད་སྐྱོང་མཆོག་གིས་ཐུགས་རྗེ་ཆེ་ཞུ་རོགས་གསུང་གི་འདུག། ཁོང་འདི་གར་གདན་འདྲེན་ཞུས་ཡོད་ཀྱང་ལས་

དོན་གྱི་རྐྱེན་པས་ཕེབས་ཐུབ་མེད། སྨར་ཁམས་གཞིས་བྱེས་གཉིས་ཀྱིས་དམ་ཚིག་དང་དད་པ་ཆེན་པོའི་ཐོག་ ནས་སྤྱི་ནོར་༸གོང་ས་༸སྐྱབས་མགོན་ཆེན་པོར་བརྟན་བཞུགས་ཕུལ་བ་དང་། འབུལ་སྟངས་ཀྱང་གྲ་སྒྲིག་པོ་དང་ སྤུས་དག་བྱུང་སོང་བས་སྲིད་སྐྱོ​ོང་མཆོག་གི་ཚབ་ཞུས་ནས་ཐུགས་རྗེ་ཆེ་ཞུ་རྒྱུ་ཡིན།

དེ་དང་ཆབས་ཅིག་སེ་ར་ཆོས་སྒར་གྱི་དགེ་འདུན་པ་རྣམས་ཀྱིས་ཕྱག་ལས་གནང་སྟངས་དང་གོ་སྒྲིག་

བྱེད་སྟངས་ལ་བསྔགས་བརྗོད་ཞུ་བཞིན་ཡོད་ལ། མ་འོངས་པར་ཡང་དེ་བཞིན་གནང་རོགས་ཞེས་འབོད་སྐུལ་ཞུ་

རྒྱུ་ཡིན། མཐའ་དོན་སྤྱི་ནོར་༸གོང་ས་༸སྐྱབས་མགོན་ཆེན་པོའི་སྐུ་ཚེ་བརྟན་པ་དང་ཐུགས་ཀྱི་བཞེད་དོན་མཐའ་

དག་ལྷུན་གྱིས་གྲུབ་པ། བསྟན་འཛིན་གྱི་སྐྱེས་ཆེན་དམ་པ་རྣམས་ཀྱི་སྐུ་ཚེ་བརྟན་པ་དང་མཛད་འཕྲིན་རྒྱས་པའི་ སྨོན་འདེབས་ཞུ་བཞིན་ཡོད། ཐུགས་རྗེ་ཆེ། །

221

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

སྐབས་ ༡༥ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༧ པའི་

ཐོག་གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༢༢ ཐོག་བཀའ་བསྡུར་བགྲོ་གླེང་ སྐབས་དཔལ་ལྡན་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་གསུངས་པ་སྒྲ་ འཛིན་འོད་སྡེར་ནས་ཡིག་ཕབ་ཞུས་པ།

༄༅། །དཔལ་ལྡན་ཚོགས་གཙོ་མཆོག གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༢༢ པ་ལ་བཀའ་ བསྡུར་གནང་གི་ཡོད་པ་རེད། བཀུར་འོས་སྤྱི་འཐུས་མང་པོ་ཞིག་གིས་ཐུགས་ཁུར་ཆེན་པོ་བཞེས་ནས་བཀའ་

བསྡུར་ལྷུག་པོ་གནང་སོང་། བསྔགས་བརྗོད་ཞུ་རྒྱུ་ཡིན། དེ་དང་ཆབས་ཅིག་ཕྱག་རོགས་དཔལ་ལྡན་བདེ་སྲུང་

བཀའ་བློན་མཆོག་ནས་ད་ལྟ་བར་དུ་བྱུང་རབས་དེ་ཞིབ་ཅིང་ཕྲ་བ་གསུངས་གནང་སོང་། དེ་ལས་ལྷག་པ་ཞུ་རྒྱུ་

མི་འདུག།ཡིན་ནའང་ཆོས་རིག་བཀའ་བློན་གྱི་འགན་ཞིག་ཁྱེར་ནས་བསྡད་ཡོད་དུས། ཚིག་གཅིག་གཉིས་ཤིག་ མ་ཞུས་ན་མ་འགྲིག་པ་འདྲ་པོ་ཞིག་འདུག མ་གཞི་ཚང་མས་མཁྱེན་གྱི་ཡོད་ཤག་རེད། ད་ལྟ་བར་དུ་རབས་དང་

རིམ་པར་བཤད་སྡོད་མཁན་ཞིག་ཡིན། གདོང་ལེན་བྱེད་སྡོད་མཁན་ཞིག་ཡིན། ཁ་གཏད་གཅོག་སྡོད་མཁན་ཞིག་ ཡིན། དེར་བརྟེན་ད་ལྟ་དོལ་རྒྱལ་རྗེས་འབྲང་པའི་བྱེད་སྟངས་དེ་ཚོས། ད་ལྟ་བར་དུ་བོད་པ་ནང་ཁུལ་ལ་མི་གསོད་

ཁྲག་སྦྱོར་བྱས་པ། ཁྲིམས་མེད་ལུགས་མེད་ལས་ཀ་བྱས་པ་དེ་ཚོ་ད་ལྟ་ཞིབ་ཅིང་ཕྲ་བ་གསུངས་གནང་སོང་། ཚང་ མས་མཁྱེན་གསལ་རེད། མཁྱེ​ེན་དགོས་རྒྱུ་གལ་ཆེན་པོ་རེད་འདུག ད་ལྟ་གནས་སྟངས་གང་ཆགས་ཀྱི་ཡོད་ཟེར་ ན། འཛམ་གླིང་རྒྱལ་སྤྱིའི་ཐོག་གི་གནད་དོན་ཞིག་ཁོ་ཚོས་བཟོ་ཐབས་བྱེད་ཀྱི་ཡོད། བཟོ་ཡི་ཡང་ཡོད། དེ་དེ་

བཞིན་དུ་ང་རང་ཚོས་འགན་ཁྱེར་ནས་ཚང་མས་གདོང་ལེན་བྱ་རྒྱུ་དེ་ཞེ་དྲགས་གལ་ཆེན་པོ་རེད་འདུག ཉེ་ཆར་ ཨ་རི་ལ་༸སྐྱབས་མགོན་རིན་པོ་ཆེ་ཆིབས་སྒྱུར་གནང་བའི་སྐབས། སོ་སོ་རང་ཉིད་ཨ་རི་ལ་ཡོད། ངོ་རྒོལ་བྱ་ས་

མཐོང་སོང་། San Francisco དང་ D.C ལ་སླེབས་མ་སོང་སྟེ་ L.A ལ་ངོ་རྒོལ་བྱས་སོང་། དེ་དུས་དོ་སྣང་ གང་ཞིག་བྱུང་ཟེར་ན། West Coast རེད། San Francisco དང་ L.A ལ་ངོ་རྒོལ་བྱེད་མཁན་ནང་བོད་པ་རྩ་

བ་ནས་མི་འདུག ངོ་རྒོལ་བྱ་སར་བོད་པ་ཡོད་ན་དམའ་ཆགས་ནས་ངོ་ཚ་པོ་འདྲ་ཞིག་ཡོང་གི་འདུག ཡིན་ནའང་ 222

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

སྐབས་དེ་དུས་དེའི་ནང་ལ་བོད་པ་རྩ་བ་ནས་མི་འདུག San Francisco ལ་ཕལ་ཆེར་མི་ ༥༠།༦༠ ཞིག་ཡོད་པ་ འདྲ། L.A ལ་ང་ཚོས་གྲངས་ཀ་བརྒྱབས་ཡིན། ༡༥ མ་གཏོགས་མི་འདུག ཚང་མས་མཁྱེན་གསལ་རེད། སྔོན་

མ་བྱང་ཨ་རིའི་བོད་རིགས་སྤྱི་མཐུན་ཚོགས་པས་༸སྐྱབས་མགོན་རིན་པོ་ཆེར་བརྟན་བཞུགས་ཕུལ་དུས། Wis-

consin ལ་ཁོ་ཚོས་ངོ་རྒོལ་བྱས་ཡོད། སྐབས་དེ་དུས་ཕལ་ཆེར་མི་ ༥༠༌༌༌༦༠ མིན་འགྲོ། དེ་འདྲ་ཞིག་ཡོད་འདུག

དེའི་ནང་ལ་བོད་པ་ ༨ ཡོད་འདུག དེ་རྗེས་༸སྐྱབས་མགོན་རིན་པོ་ཆེ་ཨ་རི་ལ་ཆིབས་སྒྱུར་གནང་ཡོད། གསུང་ བཤད་གནང་ཡོད། ན་ནིང་ཆ་བཞག་ན་ནིའུ་ཡོག་ལ་བོད་པ་ ༨ ངོ་རྒོལ་བྱེད་མཁན་བྱུང་བ་རེད། ཁོ་རང་ཚོ་ལ་ བོད་མི་ཚོས་རྣམ་འགྱུར་སྟོན་མཁན་བྱུང་བས་དམའ་འདྲ་པོ་ཆགས་ནས་ངོ་ཚ་པོ་ཞེ་དྲགས་བྱུང་ཞེས་ཟེར་གྱི་ཡོད་

པ་གོ་ཐོས་བྱུང། ཉིན་གཉིས་པར་ངོ་རྒོལ་དུ་སླེབས་མི་འདུག ཉེ་ཆར་༸སྐྱབས་མགོན་རིན་པོ་ཆེ་ཨ་རིར་ཆིབས་ སྒྱུར་གནང་དུས། གྲངས་ཀ་འདྲ་མི་འདྲ་བཤད་ཀྱི་འདུག་སྟེ། ཕལ་ཆེར་ད་ལྟ་བར་དུ་སླེབས་མ་མྱོང་བ་དེ་འདྲ་ཡོང་

ནས་ D.C དང་ San Francisco དང་ Los Angeles བཅས་ལ་ངོ་རྒོལ་བྱས་ཡོད། འོན་ཀྱང་ངོ་རྒོལ་བ་ དེ་ཚོ་ཡོ་རོབ་ནས་ཡིན་པ་འདྲ། ཨ་རི་ནས་མ་རེད་ཟེར་གྱི་འདུག ཡོ་རོབ་ནས་སླེབས་ན་ཐག་རིང་པོ་ནས་སླེབས་

པ་རེད། དབྱིན་ལེན་དང་། ཨི་ཊ་ལི། ཨོ་སི་ཀྲོ་ལི་ཡ་བཅས་ནས་སླེབས་བཞག་ཟེར་གྱི་འདུག དེ་ལྟར་འགྲོ་སོང་ ཆེན་པོ་བཏང་ནས་མི་དེ་འདྲ་ཞིག་སླེབས་དགོས་ཀྱི་ཡོད་ན། འགྲོ་སོང་དེ་ཚོ་སུས་གཏོང་གི་ཡོད། དེ་དྲི་བ་ཆེན་ པོ་གཅིག་ཡིན། དེར་བརྟེན་ཁོ་རང་ཚོའི་བྱེད་སྟངས་དེ་ཚོ་ལ་གདོང་ལེན་བྱེད་ཕྱོགས་ང་ཚོས་དགོངས་པ་བཞེས་

རྒྱུ་དང་གདོང་ལེ​ེན་བྱ་རྒྱུ་དེ་གལ་ཆེན་པོ་རེད་འདུག སྐབས་དེར་ Robert Thurman གྱིས་ Article ཡག་ པོ་ཞིག་བྲིས་ཡོད། ཕལ་ཆེར་སྤྱི་འཐུས་ནང་ནས་གཟིགས་མཁན་བྱུང་ཡོད་ཀྱི་རེད། ཁོ་རང་གིས་འདི་ཚོས་རྒྱ་

མིའི་འཐབ་ཕྱོགས་གཅིག་གྱུར་ནས Substantial fund རག་ནས་བྱེད་ཀྱི་ཡོད་ཅེས་གསལ་པོ་བྲིས་ཡོད། དེ་

ནང་བཞིན་ Philippines ཏུ་ Kalyani ཟེར་བའི་ Student activist ཞིག་ཡོད། ཁོ་རང་ངོས་ནས་ང་བོད་ པ་མིན་ཏེ་ང་བོད་པའི་ནང་དུ་བཞུགས་ནས་བོད་པ་ལ་རྒྱུས་མངའ་ཡོད། ད་ལྟ་དེ་ཚོ་ཁ་ཤས་ཀྱིས་བྱས་པ་དེ་དྲང་ པོ་མ་རེད། བདེན་པ་མ་རེད། རྒྱ་མིའི་བཀོད་བྱུས་འོག་བྱེད་ཀྱི་འདུག་ཅེས་ Article བྲིས་ཡོད་པ་ངས་ཡག་པོ་

མཐོང་སོང་། འབྲི་མཁན་གཉིས་ཀ་ཕྱི་རྒྱལ་བ་རེད། བོད་པ་མ་རེད། དོལ་རྒྱལ་ཚོགས་པས་འཛམ་གླིང་རྒྱལ་ སྤྱིའི་ཐོག་ནས་ལས་འགུལ་སྤེལ་ཐབས་བྱེད་ཀྱི་ཡོད། ང་ཚོས་ཀྱང་དེ་དེ་བཞིན་གྱི་དགོངས་པ་རྒྱ་ཆེན་པོ་བཞེས་

ནས་གདོང་ལེན་བྱེད་དགོས། གོང་དུ་བཀུར་འོས་སྤྱི་འཐུས་གཅིག་གིས་གསུངས་གནང་སོང་། བཙན་བྱོལ་ནང་ 223

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

དུ་སྤྱིར་བཏང་རྩོམ་ཡིག་འབྲི་མཁན་མང་པོ་ཡོད། འོན་ཀྱང་དེ་ཚོ་མང་ཆེ་བས་བོད་པའི་གནས་སྟངས་དང་། ནང་ ཁུལ་གྱི་རྙོག་དྲ། ནང་ཁུལ་འགྲིག་མ་འགྲིག་དེ་ཚོ་གལ་ཆེའི་ནང་གི་གལ་ཆེར་བརྩིས་ནས་རྩོམ་ཡིག་འབྲི་ཡི་ཡོད། དེ་ང་ཚོ་བོད་པའི་གོམས་གཤིས་རེད་འདུག ཁ་ཕར་སློག་ནས་རྒྱ་མིས་གང་བྱེད་ཀྱི་འདུག་བལྟས་པ་དང་། དོལ་

རྒྱལ་ཚོགས་པས་གང་བྱེད་ཀྱི་འདུག བོད་བསྟན་སྲིད་མི་རིགས་ལ་གནད་འགག་ཆེན་པོ་ཞིག་བརྩིས་ནས། ཀླད་ པ་ཡོད་མཁན་དང་བསམ་བློ་ཡོད་མཁན་དེ་ཚོས་བསམ་བློ་བཏང། ཀླད་པ་བེད་སྤྱོད་བཏང་། གཞི་རྒྱ་ཆེ་ས་ནས་

དགོངས་པ་བཞེས་ཏེ་རྩོམ་ཡིག་འབྲི་རྒྱུ་དང་གཏམ་བཤད་སྤེལ་རྒྱུ་ནི་དཔེ་མི་སྲིད་པའི་གལ་ཆེན་པོ་རེད་འདུག དེ་ མིན་ང་ཚོ་ནང་ཁུལ་འགྲིག་དང་མ་འགྲིག་གི་གནས་ཚུལ་ཁོ་ན་དང་། འགྲིག་ཀྱང་མི་འགྲིག་པར་བཟོས་ནས་ནག་

བསུབ་གཏོང་ཐབས་བྱ་རྒྱུ་དེ་ཡག་པོ་མི་འདུག ཡིན་ནའང་དེ་ཧ་ལས་དགོས་པ་གང་ཡང་མི་འདུག མང་གཙོའི་ འགྲོ་ལུགས་རེད། ཆོག་གི་རེད། དེ་ལས་བརྒལ་བ་ང་ཚོའི་གནད་འགག་དེ་དོལ་རྒྱལ་རྗེས་འབྲང་པ་དང་དེ་ཚོའི་

རྒྱབ་ལ་ཡོད་པ་དེ་དག་རེད། ཁོ་རང་ཚོས་གསལ་པོ​ོ་བཤད་འདུག ང་ཚོའི་རྒྱབ་ལ་སྟོབས་ཆེན་རྒྱལ་ཁབ་ཡོད་ ཅེས་བཤད་འདུག སྟོབས་ཆེན་རྒྱལ་ཁབ་སུ་རེད་དམ། དེར་བརྟེན་དེ་འདྲའི་ཆ་ནས་གནད་འགག་ཆེ་རུ་ཆེ་རུ་འགྲོ་ ཡི་ཡོད། ང་ཚོས་དེ་ནང་བཞིན་གྱིས་རྒྱ་ཆེན་པོ་དགོངས་པ་བཞེས་ནས་གདོང་ལེན་བྱེད་དགོས། དེ་འདྲའི་ཐོག་ལ་

ང་ཚོ་ཚང་མས་རབས་དང་རིམ་པར་བཤད་ཚར་བ་རེད། གྲོས་ཆོད་མང་པོ་བཞག་ཡོད། དེ་ལྟར་གདོང་ལེན་བྱེད་

ཕྱོགས་ཐད་ང་ཚོས་དགོངས་པ་བཞེས་རྒྱུ་ནི་ཧ་ཅང་གི་གལ་ཆེན་པོ་རེད་འདུག མང་པོ་ཞིག་གསུངས་ཚར་སོང་། དེར་བརྟེན་མང་པོ་ཞུ་དགོས་པ་མི་འདུག

ཡིན་ནའང་ཉེ་ཆར་དགའ་ལྡན་ཤར་རྩེའི་མཁན་པོ་ཨ་རིའི་ Vermont མངའ་ཁུལ་ལ་ཁྲི་བྱང་རིན་པོ་ཆེ་

མཇལ་ཁར་བཅར་བ་རེད། སྐབས་དེ་དུས་ཁོ་རང་ཚོས་མང་དག་ཅིག་བྲིས་ཡོད། དགའ་ལྡན་ཤར་རྩེ་མཁན་པོ་ཁོ་ རང་གིས་དེ་ལ་བདེན་པ་མེད་ལུགས་ཀྱི་ལན་བརྒྱབས་པ་མ་གཏོགས། བོད་པའི་སྤྱི་ཚོགས་ནང་ལ་དེ་འདྲ་མ་རེད་ འདི་འདྲ་རེད་ཅེས་གསལ་བཤད་བྱེད་མཁན་ཕལ་ཆེར་བྱུང་མ་སོང་གསུང་གི་འདུག དེ་དེ་བཞིན་གྱི་ད་ལྟ་དམངས་ ཁྲོད་ཁ་བརྡ་ཟེར་བ་དེའི་ནང་ཁོ་རང་ཚོས་གང་བཤད་ཀྱི་ཡོད་ཅེ་ན། ༸སྐྱབས་མགོན་རིན་པོ་ཆེས་གསུངས་པ་དང་

གནང་བ་རྣམས་དང་། ང་ཚོས་བཤད་པ་རྣམས་བརྫུན་ཡིན་ལུགས་དང་། ཁུངས་མེད་ལུང་མེད་ཀྱི་སྒྲོ་བཏགས་ ནས་ཁྱབ་བསྒྲགས་བྱེད་ཀྱི་ཡོད། ཡིན་ནའང་དེ་ཚོ་ལ་ང་ཚོའི་སྤྱི་ཚོགས་ནང་ནས་གསལ་བཤད་བྱེད་མཁན་ཡོད་

པ་རེད་དམ། ག་ཚོད་ཀྱིས་ཐུགས་སྣང་གནང་གི་ཡོད་དམ། ག་ཚོད་ཀྱིས་མཁྱེན་གྱི་ཡོད་དམ། མཁྱེན་པའི་ཐོག་ 224

དཔལ་ལྡན་ཆོས་རིག་བཀའ་བློན་མཆོག་གི་གསུང་བཤད།

ནས་ག་ཚོད་ཀྱིས་ལན་རྒྱག་གི་ཡོད་དམ། འདིར་གྲོས་ཚོགས་མདུན་ལ་གསུངས་པ་ནང་བཞིན་ཁ་ཕར་བསྐོར་ ནས་དགོངས་པ་བཞེས་ནས་ལན་རྒྱག་མཁན་ག་ཚོད་ཡོད་དམ། དེར་བརྟེན་ང་ཚོས་དགོངས་པ་བཞེས་པའི་དུས་

ལ་སླེབས་ཡོད། ཁོ་རང་ཚོ་ད་ལྟ་ཉུང་ཤས་ཤིག་རེད། ༸སྐྱབས་མགོན་རིན་པོ་ཆེ་ལ་མཚན་སྨད་གཏོང་རྒྱུ་དང་། ༸སྐྱབས་མགོན་རིན་པོ་ཆེའི་མཛད་རྗེས་ལ་མཚན་ཤས་བཟོ་རྒྱུ། བོད་པ་ནང་ཁུལ་དཀྲུག་ཤིང་བརྒྱབ་རྒྱུ། བོད་ པའི་ནང་ཁུལ་གཏོར་བཤིག་གཏོང་མཁན་དེ་སུ་རེད་དམ། ཁོ་ཚོ་ལ་མེད་དུ་མི་རུང་བའི་ལག་ཆ་ཞིག་རག་ཡོད།

ལག་ཆ་དེ་དོལ་རྒྱལ་རྗེས་འབྲང་པ་དེ་ཚོ་རེད། དེར་བརྟེན་ད་ལྟ་གནས་སྟངས་འདི་འདྲ་ཞིག་ཆགས་པ་རེད། འདི་

ནས་ཕར་ཕྱིན་ན། གང་དུ་བསླེབ་ས་རེད་དམ། ཉེན་ཁ་ཆེ་རུ་འགྲོ་ཡི་འདུག་བསམས་ནས་ང་འདྲ་པོ་ཡིན་ན་སེམས་

འཚབ་ཡོང་གི་འདུག སེམས་འཚབ་ཡོང་བ་ལྟར་བཤད་ནས་འགྲོ་ཡི་ཡོད། གང་དུ་སླེབས་ཀྱང་གདོང་ལེན་བྱས་ ནས་བཤད་ཀྱི་ཡོད། རླུང་འཕྲིན་ནང་ལ་བཤད་པ་ཡིན། གང་ས་གང་ལ་བཤད་པ་ཡིན། གདོང་ལེན་བྱས་པ་ཡིན། དེ་དེ་བཞིན་དུ་ཚང་མས་ཐུགས་སྣང་བཞེས་དགོས་པ་གལ་ཆེན་པོ་རེད་འདུག ད་ལྟ་གྲོས་ཚོགས་འདིའི་ནང་ལ་

བཀུར་འོས་སྤྱི་འཐུས་མང་པོ་ཞིག་གིས་ཐུགས་འགན་བཞེས་ནས་གལ་ཆེའི་ནང་གི་དོན་ཆེན་བརྩིས་ཏེ་གསུངས་ གནང་སོང་།

གོ ང ་དུ་བཀུར་འོ ས ་སྤྱི ་ འཐུས་གཅི ག ་གི ས ་ཆོ ས ་བརྒྱུད་ཁག་གི ་ དབུ་བླའི ་ ཚོ ག ས་འདུར་གྲོས་ཆོ ད ་

འཇོག་དགོས་འདུག་ཅེས་གསུངས་གནང་སོང་། དེ་དེ་བཞིན་བཀུར་འོས་སྤྱི་འཐུས་ཤིག་གིས་བཞག་ཡོད་ཅེས་ གསུངས་གནང་སོང་། ད་ལྟ་ངས་ཆོས་རིག་ལས་ཁུངས་ལ་རྩད་གཅོད་བྱེད་དུས། ༢༠༠༩ ལོར་སྐབས་བཅུ་པའི་ ཆོས་བརྒྱུད་ཁག་གི་དབུ་བླ་ཚོགས་འདུ་འཚོག་དུས་གྲོས་ཆོད་བཞག་གནང་འདུག ཕལ་ཆེར་ལོ་འདིའི་ནང་ལ་

ཆོས་བརྒྱུད་ཁག་གི་དབུ་བླ་ཚོགས་འདུ་འཚོག་འཆར་ཡོད། དེའི་ནང་ལ་གྲོས་ཆོད་གསར་པ་ཞིག་འཇོག་ཐུབ་ རྒྱུའི་འབད་བརྩོན་ཞུ་རྒྱུ་ཡིན། ད་ལྟའི་གནས་བབ་དང་། མིའི་བསམ་བློ། ལས་ཀ་བྱེད་ཕྱོགས། འཛམ་གླིང་རྒྱལ་

སྤྱིའི་གནས་སྟངས། དོལ་རྒྱལ་རྗེས་འཇུག་པའི་བྱེད་སྟངས་བྱེད་ལུགས་བཅས་པར་འགྱུར་བ་ཕྱིན་ཡོད་སྟབས། དེ་ཚོ་གཞི་ལ་བཞག་ནས་ང་ཚོས་གྲོས་ཆོད་གསར་པ་ཞིག་འཇོག་རྒྱུའི་འབད་བརྩོན་ཞུ་རྒྱུ་ཡིན། ཐུགས་རྗེ་ཆེ། །

225

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

སྐབས་ ༡༥ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་

པའི་ཐོག་དཔལ་ལྡན་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་གི་དོལ་རྒྱལ་ དང་འབྲེལ་བའི་སྐོར་གསུང་བཤད།

༄༅། །གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༢༢ ཐོག་བགྲོ་གླེང་ཧ་ལམ་དེ་རིང་ཉིན་ཧྲིལ་པོ་གནང་

བར་བཀུར་འོས་སྤྱི་འཐུས་ཕལ་ཆེ་བས་ཆ་ཤས་བཞེས་ནས་ཐུགས་ཚོར་ཤུགས་ཆེན་པོས་དགོངས་འཆར་དང་།

བཀའ་སློབ། རེ་འདུན། གཞེན་བསྐུལ་ཧ་ཅང་མང་པོ་གནང་བར་ཐུགས་རྗེ་ཆེ་ཞུ་རྒྱུ་ཡིན། ལྷག་པར་དུ་བདེ་སྲུང་

ལས་ཁུངས་ཀྱི་ལས་དོན་དང་འབྲེལ་བ་ཡོད་པའི་ཆ་ནས་སྐུ་ཕྱྭའི་ཐོག་ལ་དེ་བས་ཀྱང་ཚོར་ཤུགས་ཆེན་པོས་ དགོངས་འཆར་དང་། གཞེན་བསྐུལ་མང་པོ་གནང་བ་ཁག་གང་ཐུབ་ཀྱིས་བརྗེད་ཐོ་བརྒྱབ་ཡོད། འོན་ཀྱང་འདིའི་ ཐོག་དམིགས་བསལ་བྱེད་འཆར་དེ་འདྲ་ཡོད་ཅེས་ཞུ་གི་མིན་ཞེས་སྙན་སེང་ཞུ་རྒྱུ་ཡིན། 227

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

སྤྱི་ཡོངས་ནས་དོལ་རྒྱལ་གྱི་གནས་ཚུལ་ནི་གྲོས་ཚོགས་ཀྱི་བཀུར་འོས་སྤྱི་འཐུས་རྣམ་པས་མཁྱེན་

གསལ་ལྟར་ལགས་ཀྱང་། གྲོས་ཚོགས་འདི་གལ་ཆེན་པོ་ཡིན་ཐོག བར་སྐབས་བོད་པའི་སྤྱི་ཚོགས་ནང་བརྒྱུད་ ལམ་འདིར་ཐུགས་སྣང་ཆེན་པོ་གནང་མཁན་མང་པོ་ཡོད་པའི་ཆ་ནས་དོན་ཚན་གཅིག་གཉིས་ཐོག་གསལ་པོ་ ཡོང་ཆེད་གསལ་བཤད་དང་སྦྲགས་ནས་ཞུ་རྒྱུར་འབད་བརྩོན་ཞུ་གི་ཡིན།

བཀུར་འོས་སྤྱི་འཐུས་མང་པོས་དོལ་རྒྱལ་གྱི་རྒྱབ་ལྗོངས་ལོ་རྒྱུས་དང་། ངོ་བོ་གང་ཡིན་གསལ་པོ་

གསུངས་སོང་བས་ཞུ་གི་མིན། ཕྱི་ལོ་ ༡༩༩༦ ནས་༸སྐྱབས་མགོན་རིན་པོ་ཆེས་དོལ་རྒྱལ་སྐོར་ལ་བཀའ་སློབ་

གསལ་པོ་དང་། གསལ་ཅན་གནང་ཡོད་ཀྱང་བཀག་འགོག་གནང་མེད། དེའི་ཐོག་ལ་དམ་བསྒྲགས་གནང་བ་ རེད། གོང་དུ་གྲོས་ཚོགས་ནང་བཀའ་གནང་མཁན་བྱུང་བ་ལྟར་རྣམ་པ་ཚོས་ཕྱི་ལོ་ ༡༩༩༦ ལོ་ནས་གང་བྱུང་

བ་མཁྱེན་གསལ་ལྟར་རེད། ཕྱི་ལོ་ ༡༩༩༦ ནང་གནས་ཚུལ་དེ་དག་དང་འབྲེལ་བའི་ཐོག་ལ་གྲོས་ཆོད་གཉིས་ བཞག་གནང་འདུག

༸སྐྱབས་མགོན་རིན་པོ་ཆེ་མཆོག་གིས་དཔྱིད་ཆོས་གནང་སྐབས་དོལ་རྒྱལ་སྐོར་ལ་བཀའ་སློབ་གནང་

བའི་རྗེས་སུ་དོལ་རྒྱལ་རྗེས་འབྲང་བས་ལྡི་ལིར་ལྷ་མི་སྲུང་སྐྱོབ་ཚོགས་པ་ཞེས་པའི་སྒྲིག་འཛུགས་ཤིག་དེབ་ སྐྱེལ་བྱས་ནས་བཙུགས་པ་མ་ཟད། གཞིས་ཆགས་ཁག་དང་། དགོན་པ། སྒྲིག་འཛུགས། མི་སྒེར་མང་པོར་

སྡིགས་ར་དང་། འཇིགས་སྐུལ་སྣ་ཚོགས་བྱས་པ་རེད། ལྷག་པར་དུ་ད་ལྟ་ངས་དྲན་ཚོད་ལ་གཞིགས་ན་ཕྱི་ལོ་

༡༩༩༦ ཟླ་ ༥ ཚེས་ ༢༧ ཉིན་བྱང་རྩེ་གྲྭ་ཚང་གི་རྩ་ཁང་ལ་མེ་བརྒྱབ་པ་དང་། བྱང་རྩེ་གྲྭ་ཚང་གི་མཁན་ཟུར་ རྒན་དབང་དགའ་མཆོག་ལ་ས་སྣུམ་གཤོས་ནས་མེར་སྲེག་གཏོང་རྒྱུའི་འབད་རྩོལ་བྱས་ཡོད་པ་དོ་བདག་གིས་ གསལ་པོ་བཀའ་གནང་བ་ཚང་མས་བརྙན་འཕྲིན་ནང་ལ་མཇལ་རྒྱུ་ཡོད།

དེ་ནས་ཟླ་བ་གཉིས་ཙམ་གྱི་རྗེས་སུ་ཕྱི་ལོ་ ༡༩༩༦ ཟླ་ ༧ ཚེས་ ༣ ཉིན་ར་ཇ་པུར་ Rajpur ས་གནས་

སུ་བཙན་བྱོལ་གཞུང་གི་བཀའ་ཟུར་ཀུན་བདེ་གླིང་འོད་ཟེར་རྒྱལ་མཚན་གྱི་གཟིམ་ཤག་ནང་མི་སླེབས་པ་དང་། སྐུ་ངོ་ཁོང་ལ་གྲི་རྒྱབ་སྟེ་སྨན་ཁང་ལ་ཕེབས་དགོས་པའི་གནས་ཚུལ་བྱུང་ཡོད། དེའི་སྐོར་སྐུ་ངོ་ཀུན་བདེ་གླིང་ཞིང་ གཤེགས་དམ་པ་ཁོང་ལ་བཅའ་འདྲི་ཞུས་པ་ཞིག་གི་ནང་མི་དེ་དག་གང་ནས་ཡོང་བ་དང་། རྒྱུ་མཚན་ག་རེའི་ཆེད་ དུ་ཡོང་བ་གསལ་པོ་བཀའ་གནང་ཡོད་པ་ད་ལྟ་བརྙན་འཕྲིན་ནང་མཇལ་རྒྱུ་ཡོད།

ཕྱི་ལོ་ ༡༩༩༧ ཟླ་ ༢ ནང་རྡ་རམ་ས་ལར་མཚན་ཉིད་སློབ་དཔོན་གཙོས་པའི་མི་གཉིས་བཀྲོངས་པ་ 228

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

རེད། དེའི་སྐོར་དེ་རིང་ཞོགས་པ་གྲོས་ཚོགས་འདིའི་ནང་ལ་གསལ་པོ་བྱས་ནས་བཀའ་གནང་མཁན་བྱུང་སོང་

ལ། སྐབས་དེ་དུས་ས་གནས་སྐོར་སྲུང་སྤྱི་ཁྱབ་པས་ལྡི་ལི་ནས་ཡོང་བའི་མི་ཡིན་པ་བརྙན་འཕྲིན་ནང་ལ་གསལ་

པོ་གསུངས་པ་དང་། བརྒྱུད་ལམ་ཁག་ནང་གསལ་པོ་བཟོས་ཡོད། དོ་བདག་གིས་གང་གསུང་པ་བརྒྱུད་ལམ་ ཁག་ནས་མཇལ་རྒྱུ་ཡོད་པས་ངེས་པར་དུ་ཐུགས་སྣང་གནང་རོགས་ཞུ་རྒྱུ་ཡིན། གནས་ཚུལ་དེ་དང་འབྲེལ་བའི་

མི་གཉིས་ལ་རྒྱལ་སྤྱིའི་ཉེན་སྲུང་ངམ་ Interpol དཔལ་ལྡན་ཚོགས་གཙོ་མཆོག ཨིན་ཇིའི་ནང་ལ་ཞུ་ཆོག་པ་ ཞུ། Red Corner notice གཏོང་རྒྱུའི་ལམ་ལུགས་ཡོད་པ་ལྟར་དེ་འདྲ་བཏང་བ་ད་ལྟ་ཡིན་ནའང་འབྲེལ་ཡོད་དྲ་ རྒྱའི་ནང་ལ་ཡོད་པ་རེད། རྒྱུ་མཚན་དེ་དག་ལ་བརྟེན་ནས་བཙན་བྱོལ་སྒྲིག་འཛུགས་ཀྱི​ིས་དོལ་རྒྱལ་ཚོགས་པས་

བྱས་པ་རེད་ཅེས་ཁུངས་མེད་ཀྱི་གནས་ཚུལ་ཞུ་གི་མེད་པ་གསལ་པོ་ཆགས་ཡོད། ས་གནས་ས་ཐོག་གི་ཁྲིམས་ དང་། བདེ་འཇགས་དང་འབྲེལ་བ་ཡོད་པའི་ལས་བྱེད་ཀྱི་བཀའ་གནང་བ། རྒྱ་གར་གཞུང་བརྒྱུད་ནས་རྒྱལ་སྤྱིའི་

སྒྲིག་འཛུགས་ནང་ལ་སྙན་སེང་ཞུས་ཏེ་བརྡ་ཐོ་བཏང་བ་སོགས་ཚང་མ་ཁུངས་ཐུབ་དང་། ཁྲིམས་མཐུན། བདེན་ པ་ཆགས་ཡོད། ངས་སྐྱོན་འཛུགས་བྱེད་ཀྱི་མེད། དངོས་ཡོད་གང་བྱུང་བ་རྣམས་གསལ་པོ་ཞུ་གི་ཡོད།

ཕྱི་ལོ་ ༢༠༠༠ ཟླ་ ༩ ཚེས་ ༡༠ ཉིན་མོན་གྷོ་ས་གནས་སུ་གནས་ཚུལ་ཞིག་བྱུང་ཡོད་པ་ནི། དོལ་རྒྱལ་

ཚོགས་པའི་ཚོགས་འདུ་ཞིག་མོན་གྷོ་ས་གནས་སུ་ཚོགས་རྒྱུ་ཡིན་པ་མི་མང་གིས་ཤེས་ནས་ཚོགས་འདུ་དེ་

འདྲ་མ་འཚོགས་རོགས་ཞེས་ས་གནས་མི་མང་དགའ་ལྡན་ཤར་རྩེའི་རྡོ་ཁང་ཁང་ཚན་གྱི་སྒོ་འགྲམ་ལ་ཕྱིན་ནས་

ཞུ་གཏུགས་བྱེད་སྐབས་ཁང་པའི་ཐོག་ཁ་ནས་རྡོ་དང་། ས་ཕག་བསགས་ཡོད་པ་དེ་དག་མང་ཚོགས་ལ་གཞུས་ ཏེ་མི་མང་པོར་རྨས་སྐྱོན་བཏང་ཡོད་པས་སྨན་ཁང་ལ་འགྲོ་དགོས་པའི་གནས་ཚུལ་བྱུང་ཡོད། དེ་དག་ཚང་མ་ བརྙན་པར་ལམ་ནས་མཐོང་རྒྱུ་ཡོད་པ་ཞིག་རེད།

དེའི་རྗེས་སུ་སེ་རར་གནས་ཚུལ་དེ་དང་འདྲ་བ་ཞིག་བྱུང་ཡོད་པ་ནི་སེ་ར་སྤོམ་པོ་རའི་ནང་ལ་དོལ་རྒྱལ་

ཚོགས་པའི་ཚོགས་འདུ་འཚོགས་ཀྱི་ཡོད་སྐོར་མི་མང་གིས་ཤེས་ཏེ་མི་མང་ཞུ་གཏུགས་བྱེད་པར་འགྲོ་བའི་

སྐབས་སུ་ལམ་བར་ནས་ཉེས་རྡུང་བཏང་ཡོད། ཧ་ལམ་སྐྱེ་དམན་སྦྲུམ་མ་དེ་འདྲ་ལ་ཡང་ཉེས་རྡུང་བཏང་འདུག དེ་དག་ཡིག་ཆའི་ཐོག་ལ་གསལ་གྱི་མེད། དེ་དང་འདྲ་བ་སེ་ར་སྨད་ཀྱི་དགེ་རྒན་ཞིག་གིས་དོལ་རྒྱལ་དང་འབྲེལ་

བ་ཡོད་པའི་གནས་ཚུལ་གཅིག་སེ་རའི་སློབ་གྲྭའི་ནང་ལ་སློབ་འཁྲིད་གནང་བའི་སྐབས་སུ་དཔེ་མཚོན་དང་

སྦྲགས་ནས་བཀའ་སློབ་གནང་བར་དོལ་ཚོགས་ཀྱི་དེ་འདོད་པར་མ་ཕྱིན་པར་བརྟེན་ཁོང་ལ་ཉེས་རྡུང་བཏང་ 229

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ཡོད། དེ་དང་དེ་འདྲ་བའི་ལྡི་ལིར་ཡར་འགྲོ་མར་འགྲོ་བྱེད་མཁན་མོན་གྷོ་ས་གནས་རང་བདེན་ཚོགས་ཆུང་གི་

རྒྱུན་རིང་པོ་ཕྱག་ལས་གནང་མཁན་བྱང་རྩེའི་དགེ་བཤེས་གཅིག་ལ་ཉེས་བརྡུངས་བཏང་བ་དང་། སེ་ར་བྱེས་ཀྱི་ ངོ་སྤྲོད་ལག་འཁྱེར་དང་། སློབ་ཡོན་འགན་འཁྱེར་མཁན་གཅིག་ལ་ཡང་ཉེས་བརྡུངས་ཚད་མེད་བཏང་བ་སོགས་ ངས་བྱུང་རིམ་ཁག་ཞུ་གི་ཡོད་པ་རེད།

དེའི་རྗེས་སུ་སྦེལ་ཀོབ་ལ་ཕྱི་ཟླ་ ༡༠ ཚེས་ ༡༩ ཉིན་བདེ་སྐྱིད་སླར་གསོའི་གཞིས་འགོའི་ལས་ཤག་གི་

ཐོག་བརྟོལ་ནས་གཞིས་འགོར་ཉེས་རྡུང་བཏང་བས་མ་ཚད། ཁོ་རང་གི་བཟའ་ཟླ་ཡང་ཉེས་རྡུང་མང་པོ་བཏང་

ཡོད། དེ་དག་ཚང་མ་ས་གནས་ཀྱི་བརྒྱུད་ལམ་ནང་ལ་ཡང་ཐོན་ཡོད་པ་རེད་ལ། ས་གནས་ཀྱི་ཞིབ་འཇུག་ ཚོགས་པས་གསལ་པོ་བྱས་ནས་བཤད་པའི་གནས་ཚུལ་རེད། དེ་དག་ངས་དྲན་གསོ་ཙམ་ཞིག་ཞུ་བཞིན་ཡོད།

དེ་མིན་གྱི་གནས་ཚུལ་མང་པོ་ཏན་ཏན་བྱུང་ཡོད་ཀྱང་། དཔེ་མཚོན་ཆུང་ཆུང་ཞིག་ཞུས་པ་ཡིན་ན། རྡ་

རམ་ས་ལར་མཚན་ཉིད་རྒན་ལགས་བཀྲོངས་པའི་རྗེས་སུ་སྦེལ་ཀོབ་ནས་ཡི་གེ་ཞིག་བསྐུར་འབྱོར་བྱུང་བའི་ནང་། ཁྱེད་རང་ཚོར་ལོ་གསར་ལ་ཤ་ཁོག་གསུམ་ཕུལ་ཡོད། ཞིམ་པོ་བྱུང་ངམ། ཡག་པོ་མ་བྱས་ན་ད་དུང་རག་གི་རེད།

ད་དུང་ཤ་ཁོག་གཏོང་གི་ཡིན། ཞེས་༸སྐྱབས་མགོན་རིན་པོ་ཆེའི་མཚན་ཐོག་ལ་འབྱོར་བའི་སྡིགས་རའི་ཡི་གེ་ རེད།

རྒྱ་གར་གཞུང་གིས་དོལ་རྒྱལ་གནས་ཚུལ་གྱི་ཐོག་ནས་༸སྐྱབས་མགོན་རིན་པོ་ཆེའི་སྐུ་ཕྱྭའི་ཐོག་ལ་

ཉེན་ཁ་ཆེན་པོ་ཡོད་པ་མཁྱེན་གྱི་ཡོད་པ་རེད། དེ་དང་འདྲ་བར་སྒྲིག་འཛུགས་ཀྱི་འགན་འཁྱེར་མཁན་བཀའ་

བློན་བྱེ་བྲག་པའི་མིང་ཐོག་ལ་སྡིགས་རའི་ཡི་གེ་འབྱོར་བ་དང་། ཉེན་བརྡ་བཏང་བ། རྗེས་དེད་བཏང་བའི་གནས་ ཚུལ་རིམ་པ་བྱུང་ཡོད།

དེ་དག་ཚང་མ་ཞུ་མི་དགོས་པའི་ཐོག་ནས་དོལ་རྒྱལ་རང་གི་རང་བཞིན་ངོ་བོ་འཚེ་བ་ཅན་ཞིག་ཡིན་

པའི་ཆ་ནས་ལས་ཀ་བྱེད་སྟངས་ཀྱང་དེའི་ཐོག་ཕྱིན་ཡོད་པ་ནི་ང་ཚོ་ཚང་མས་མཐོང་བ་དང་། ཐོས་པ། ཤེས་པ་

རྣམས་རེད། སྐབས་དེ་དུས་ནས་བོད་གཞུང་ལ་བསྙོན་འཛུགས་མང་པོ་ཞིག་བྱས་ཡོད་ལ་ད་ལྟ་ཡིན་ནའང་བྱེད་ ཀྱི་ཡོད། གོང་དུ་བཀུར་འོས་སྤྱི་འཐུས་ཁ་ཤས་ཀྱིས་བཀའ་གནང་སོང་ལ། ཁ་ཤས་ཀྱིས་ས་གནས་ས་ཐོག་ལ་ ཡོད་པའི་ཆ་ནས་གནད་དུ་སྨིན་པའི་གསལ་བཤད་ཀྱང་གནང་སོང་བས་ཐུགས་རྗེ་ཆེ་ཞུ་རྒྱུ་ཡིན།

དབྱེ་འབྱེད་བྱེད་ཀྱི་འདུག་ཟེར་གྱི་ཡོད་པ་རེད། དབྱེ་འབྱེད་ག་རེ་ཐོག་ལ་བྱས་ཡོད་དམ། ཆོས་དད་རང་ 230

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

དབང་མི་འདུག་ཅེས་བཤད་ཀྱི་ཡོད། ཆོས་དད་རེད་དམ། རང་དབང་དང་འབྲེལ་བ་ཆགས་ཀྱི་ཡོད་དམ། དོལ་

རྒྱལ་བསྟེན་མཁན་གྱི་ཕྲུ་གུ་ཡིན་ན་སློབ་གྲྭ་ནས་ཕྱིར་འབུད་བྱེད་ཀྱི་འདུག་ཟེར་བ་དང་། ལས་བྱེད་ནང་ནས་ ཕྱིར་འབུད་བྱེད་ཀྱི་འདུག་ཟེར་བ། དོལ་རྒྱལ་བསྟེན་མཁན་ཡིན་ན་འཕྲོད་བསྟེན་བལྟ་སྐྱོང་དྲང་པོ་མ་བྱས་པ་

དང་། བལྟ་སྐྱོང་བྱེད་ཀྱི་མི་འདུག་ཟེར་བ་སོགས་བཤད་ཡོདལ། ཉེ་ལམ་ཕྱི་ལོ་ ༢༠༡༣ ལོ་མཇུག་ལ་མོན་གྷོ་ ས་གནས་སུ་ཡོད་པའི་ཁྲི་བྱང་བླ་བྲང་ནང་གི་ཆོས་མཛད་ལགས་ལ་གནས་ཚུལ་གཅིག་བྱུང་འདུག དེ་ཡང་

༸སྐྱབས་མགོན་རིན་པོ་ཆེ་དང་བོད་གཞུང་གིས་བཟོས་པ་རེད་ཅེས་ནུབ་ཕྱོགས་ཀྱི་ཤུགས་ལྡན་ཚོགས་པ་ཡིན་ ཟེར་མཁན་ཚོས་དྲ་རྒྱའི་ནང་ལ་སྐྱོན་འཛུགས་བྱས་འདུག

དཔལ་ལྡན་ཚོགས་གཙོ་མཆོག ངས་བརྒྱུད་ལམ་འདིའི་ཐོག་གོ་སྐབས་བླངས་ནས་དུས་ཚོད་ཅུང་ཟད་

འགོར་ནའང་དེའི་ཐོག་ལ་གཞུང་ཕྱོགས་ནས་ག་རེ་གནང་ཡོད་པ་གསལ་པོ་ཞུས་ན་བསམ་བྱུང་། ཆ་ཚང་བ་ཞུ་ ཐུབ་ཀྱི་ཡོད་མེད་མི་ཤེས། སློབ་གྲྭ་ནས་ཕྱིར་འབུད་གཏོང་གི་འདུག་ཟེར་བའི་གནས་ཚུལ་དེ་ལ་གཞི་རྩ་རྩ་བ་ཉིད་

ནས་མེད། ཕྱི་ལོ་ ༡༩༩༦ ནས་དོལ་རྒྱལ་གནས་ཚུལ་བྱུང་བའི་སྐབས་སུ། སྐབས་དེའི་ལྷ་མི་སྲུང་སྐྱོབ་ཚོགས་

པའི་ཚོགས་གཙོ་འཇམ་དཔལ་ཡེ་ཤེས་ཀྱི་ཕྲུ་གུ་གཉིས་དྷ་ཤོད་བོད་ཁྱིམ་སློབ་གྲྭའི་ནང་ལ་སློབ་སྦྱོང་བྱེད་བཞིན་ པ་རེད། སུ་གཅིག་གིས་རྒྱུགས་ཞེས་བརྗོད་མེད་ལ། ཕྱིར་འབུད་ཡང་བྱས་མེད། ལོ་གཉིས་ཀྱི་རྗེས་སུ་དོ་བདག་ ཕ་མ་སླེབས་ནས་དགོངས་པ་ཞུས་ནས་འཁྲིད་ཕྱིན་པ་རེད། ཕ་མས་ཕྲུ་གུ་སློབ་གྲྭ་ནས་དགོངས་པ་ཞུས་པ་དེ་ནི་ཕ་

མའི་རང་དབང་རེད། ཕྲུ་གུ་འགྲོ་མཁན་དེ་ནི་ཕྲུ་གུ་རང་ཡིན་པས་བསམ་བློའི་ནང་གང་ཡང་ཡོད་ཀྱི་མ་རེད། སྒྲིག་

འཛུགས་ཀྱིས་གནོན་ཤུགས་སྤྲད་ནས་ཕྱིར་འབུད་བྱས་པ་གང་ཡང་མ་རེད། གཅིག་བྱས་ན་བོད་ཕྲུག་ཁྱིམ་སྡེ་

དང་སློབ་གྲྭ་ཁ་ཤས་བོད་མིའི་སྒྲིག་འཛུགས་ཀྱི་ཐད་ཀའི་འཛིན་སྐྱོང་འོག་ལ་ཡོད་པར་སོང་ཁོ་རང་ཚོས་བཟོས་པ་ རེད་ཅེས་བཀའ་གནང་མདོག་ཁ་པོ་རེད། བོད་ཕྲུག་ཁྱིམ་སྡེ་དང་། མ་སུ་རི་བོད་ཁྱིམ། རྒྱ་གར་གཞུང་ནས་འཛིན་

སྐྱོང་གནང་བའི་བོད་སློབ་འཛིན་ཚོགས་ཀྱི་སློབ་གྲྭ་ཁག་ཚང་མས་ཡིག་ཐོག་ནས་གསལ་པོ་བཟོས་ཡོད། དོལ་ རྒྱལ་བསྟེན་མཁན་གྱི་ཕྲུ་གུ་ང་ཚོའི་སློབ་གྲྭ་ནས་ད་ལྟ་བར་དུ་ཕྱིར་འབུད་བྱས་པ་གཅིག་ཀྱང་མེད་ཅེས་གསལ་པོ་

བཟོས་ཡོད། དེ་དག་ཚང་མ་རྣམ་པ་ཚོས་གཟིགས་ཀྱི་ཡིན་ན་ཕྱི་དྲིལ་ལས་ཁུངས་དང་། ཆོས་རིག་ལས་ཁུངས་

ནས་གནས་ཚུལ་བདེན་པའི་གསལ་བཤད་ཀྱི་དེབ་དེ་འདྲ་བཏོན་ཡོད་ཀྱང་དེང་སྐབས་གཅིག་བྱས་ན་དཀོན་པོ་

ཆགས་ཡོད་ངེས་པས་ཐུགས་སྣང་བྱུང་མེད་ངེས། དེ་ཚོའི་ནང་ཡི་གེ་ཁྲ་ལེམ་མེར་གསལ་ཡོད་པས་ངེས་པར་དུ་ 231

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

གཟིགས་རོགས།

དེ་བཞིན་ཆོས་སྒར་ཁག་ལ་གཏོང་རྒྱུར་དབྱེ་འབྱེད་བྱེད་ཀྱི་འདུག་ཟེར་གྱི་ཡོད་ཀྱང་། དཔེ་མཚོན་གསལ་

པོ་ཞུ་ན། ཕྱི་ལོ་ ༢༠༠༧ ལ་བོད་ནས་ཕྲུ་གུ་ལོ་གཞོན་བཅུ་དྲུག་དྷ་རམ་ས་ལར་འབྱོར་བ་རེད། ཕྲུ་གུ་དེ་ཚོ་ཚང་

མས་ང་ཚོ་དོལ་རྒྱལ་བསྟེན་མཁན་ཡིན། ང་ཚོས་དོལ་རྒྱལ་འཇོག་ཐུབ་ཀྱི་མེད། དགོན་པར་འགྲོ་དགོས་ཡོད། ཕ་ མས་བཞག་ན་འགྲིག་གི་མ་རེད་ཅེས་བརྗོད་བྱུང་ཞེས་སྣེ་ལེན་ཁང་ལ་ཞུ་གཏུགས་བྱས་པ་རེད། དེ་ལ་ཐག་གཅོད་

གང་འདྲ་བྱས་ཡོད་དམ་དགོངས་པ་ཡོང་སྲིད་ཀྱི་རེད་ལ། གཅིག་བྱས་ན་དོལ་རྒྱལ་ཚོགས་པས་རྒྱུ་མཚན་སྟོན་

རྒྱུ་མེད་པར་བརྟེན་དེའི་སྐོར་དངོས་སུ་མིང་སྨྲོས་ནས་བརྗོད་ཐུབ་ཀྱི་མེད། ཡིན་ནའང་བོད་གཞུང་གིས་ཆོས་སྒར་ ཁག་ནང་གཏོང་གི་མི་འདུག་ཅེས་ཤོད་ཀྱི་ཡོད། ཆོས་སྒར་ཁག་ལ་བཏང་ཐུབ་ཡོད་པ་མ་རེད། བདེན་པ་རེད། བཏང་མ་ཐུབ་པའི་རྒྱུ་མཚན་ནི། ཕྱི་ལོ་ ༢༠༠༦ ལོར་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་

མཆོག་དང་། ཤར་བྱང་ཆོས་རྗེ་རྣམ་གཉིས་ཀྱིས་དབུས་གདན་ས་གྲྭ་ཚང་ཁག་གི་མཁན་པོ་ལས་སྣེ་དང་། སྐུ་ཚབ་

བཅས་བསྡུས་པའི་དགེ་ལྡན་པའི་ལྷན་ཚོགས་ཐོག་གཏན་ལ་ཕབ་པའི་རི་བོ་དགེ་ལྡན་པའི་ཆོས་སྡེ་སྤྱི་ལ་ཁྱབ་པའི་ བཅའ་ཡིག་ཆེན་མོའི་ལེའུ་བཞི་པ། བླང་དོར་སྒྲིག་གཞི་དོན་ཚན་བཅུ་གཉིས་པའི་ནང་གསེས་བདུན་པའི་ནང་ལ། གདན་སའི་ནང་ལ་འཛུལ་མཁན་ཡིན་ན་གསར་ཞུགས་པ་རྣམས་དོལ་རྒྱལ་སྟེན་གསོལ་མཚམས་འཇོག་དགོས་ ཀྱི་ཡོད། དེ་ནི་དགེ་ལུགས་པས་གཏན་ལ་ཕབ་པའི་སྒྲིག་གཞི་དང་། ཡིག་ཆ་རེད། དགེ་ལུགས་པའི་ཡིག་ཆ་

གཅིག་གི་ནང་ལ་དོལ་རྒྱལ་བསྟེན་མཁན་འཇུག་གི་མིན་ཞེས་བཀོད་ཡོད་ན། དེ་ལ་བོད་གཞུང་ནས་བཀའ་བཏང་

ནས་ཁོ་དོལ་རྒྱལ་བསྟེན་མཁན་རེད། འཇུག་དགོས་ཀྱི་རེད་ཅེས་ནམ་ཡང་ཞུ་ཐུབ་ཀྱི་མ་རེད། སྒྲིག་འཛུགས་རེ་ ལ་སྒྲིག་ཁྲིམས་རེ་ཡོད་པ་དང་། ཆ་རྐྱེན་རེ་བཞག་གི་རེད། དེ་ལ་བརྩི་བཀུར་ཞུས་པ་རེད། ཆོས་བརྒྱུད་གཞན་དང་

འབྲེལ་བ་ཡོད་པ་མ་རེད་ལ། དེ་འདྲ་བཞག་པ་བྱུང་ཡོད་པ་མ་རེད།

ད་ལྟ་བར་དུ་ཆོས་བརྒྱུད་དེ་ལ་འགྲོ་དུས་ཁྱོད་དོལ་རྒྱལ་བསྟེན་གྱི་ཡོད་དམ་ཞེས་སུ་གཅིག་ལ་སྐད་ཆ་

དྲིས་པ་བྱུང་མེད། དབྱེ་འབྱེད་གང་ཡང་བྱས་ཡོད་པ་མ་རེད། ཡིན་ནའང་བོད་གཞུང་གིས་དགོངས་པ་ཆེ་བཞེས་ གནང་ནས་དགེ་ལུགས་པའི་དགོན་པའི་ནང་ལ་ཁྱེ​ེད་རང་ཚོ་གཏོང་ཐུབ་ཀྱི་མི་འདུག བྱས་ཙང་ཁྱེད་རང་ཚོ་ཚང་

མ་ལོ་གཞོན་རེད། སློབ་གྲྭ་ལ་འགྲོ་ན་ཡག་པོ་ཡོད་པ་དང་། གོ་སྐབས་ཡོད་པས་གཞུང་གིས་གཏོང་གི་ཡིན་ཞེས་

བརྗོད་ནས་སློབ་གསོ་བརྒྱབ་པ་རེད། ཉིན་གྲངས་མང་པོ་སྣེ་ལེན་ཁང་ལ་བསྡད་རྗེས་ཁག་ཅིག་སུ་ཇཱར་ཕྱིན་པ་ 232

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

དང་། ཁ་ཤས་ཤེས་རབ་དགའ་ཚལ་སློབ་གླིང་ལ་ཕྱིན་པ་རེད།

ཡིན་ནའང་བློ་ཕམ་པར་མི་དེ་ཚོའི་གྲས་རྒྱུན་རིང་པོ་བསྡད་མ་སོང་། མཐའ་མ་ཁོང་ཚོས་སྣེ་ལེན་ཁང་ལ་

སྙན་ཞུ་གཅིག་ཕུལ་ཡོད་པ་དེའི་ནང་། ཁོ་ཚོ་གལ་སྲིད་ཆོས་སྒར་ཁག་གི་ནང་ལ་འགྲོ་ཐུབ་ཀྱི་མེད་པ་ཡིན་ན། ང་ ཚོ་བོད་ལ་ཕྱིར་ལོག་བྱེད་ཀྱི་ཡིན། ལམ་གྲོན་གནང་རོགས་གནང་ཞེས་ཞུས་འདུག དེ་ཡང་འགྲིག་གི་རེད་ཅེས་ བཀའ་གནང་བ་རེད། བོད་ནས་ཚུར་སླེབས་པ་དང་ཕར་ལོག་གི་ཡོད་ན་ད་ལྟ་བར་དུ་སྒྲིག་འཛུགས་ནས་སུ་གཅིག་

ལ་དགག་པ་རྒྱབ་ཀྱི་མེད་པས་འགྲིག་གི་རེད། ལམ་གྲོན་ཞུ་གི་ཡིན་ན་གནང་གི་ཡིན་ཞེས་གསུངས་པ་རེད། ཕྱི་ ལོ་ ༢༠༠༧ ཟླ་ ༢ ཚེས་ ༡༧ ཉིན་བཀའ་ཤག་གིས་བཀོད་ཁྱབ་གཅིག་གནང་ཡོད། རྒྱུ་མཚན་དེ་ལ་བརྟེན་ནས་

དགེ་ལུགས་ཀྱི་དགོན་པ་ཁག་གི་ནང་ལ་དོལ་རྒྱལ་བསྟེན་མཁན་ཡིན་ན་འཇུག་དགོས་ཞེས་ངོས་སྦྱོར་གནང་རྒྱུ་ མཚམས་འཇོག་བྱས་ཡོད་པས་དུས་དེ་ནས་བོད་གཞུང་གིས་དེ་རིགས་ལ་ངོས་སྦྱོར་གནང་མེད། དེ་བདེན་པ་ རེད། དེ་ནི་སྒྲིག་འཛུགས་ཀྱིས་བལྟ་སྟངས་བྱས་ནས་བཤད་པ་མ་རེད། ངས་གོང་དུ་སྙན་སེང་ཞུས་པའི་གྲོས་

ཆོད་དང་ཡིག་ཆ་དེའི་དགོངས་དོན་འོག་བཏང་ན་འགྲིག་གི་མ་རེད། རྒྱུ་མཚན་དེ་དག་ལ་བརྟེན་ནས་གནས་ཚུལ་ དེ་བྱུང་བ་རེད། སློབ་གྲྭ་དང་ཆོས་སྒར་ནང་ལ་དབྱེ་འབྱེད་བྱེད་ཀྱི་འདུག བཏང་གི་མི་འདུག ཕྱིར་འབུད་བྱེད་ཀྱི་ འདུག་ཟེར་བ་དེ་དག་ལ་གཞི་རྩ་རྩ་བ་ཉིད་ནས་ཡོད་པ་མ་རེད་ཅེས་ཞུ་རྒྱུ་ཡིན།

དེའི་ཐོག་ལ་གནས་ཚུལ་གཞན་གཅིག་ནི་དོལ་རྒྱལ་བསྟེན་མཁན་དང་། ནང་མི་བུ་ཕྲུག རྗེས་འབྲང་པ་

ཚོར་གཞུང་ནས་ཕྱི་བསྐྱོད་ལག་འཁྱེར་ལ་རྒྱབ་གཉེར་སྤྲོད་ཀྱི་མི་འདུག་ཅེས་བརྗོད་ཀྱི་ཡོད། རྩ་བ་ཉིད་ནས་ བདེན་པ་མ་རེད། ངས་མིང་གསལ་པོ་ཞུས་པ་ཡིན་ན། སྐབས་དེའི་ལྷ་མི་སྲུང་སྐྱོབ་ཚོགས་པའི་དྲུང་ཆེ་ཡིན་ཟེར་

མཁན་གྲགས་པ་རྒྱལ་མཚན་ཞེས་མིང་འབོད་ཀྱི་ཡོད་པ་རེད་ལ། དགེ་བཤེས་འཆི་མེད་ཚེ་རིང་ཞེས་ཀྱང་འབོད་

ཀྱི་ཡོད། ཁོའི་ཕྱི་བསྐྱོད་ལག་དེབ་སེར་པོ་ IC དུས་ཚོད་རྫོགས་ནས་ཞུ་གཏུགས་བྱས་པར་རྒྱབ་གཉེར་གནང་ བ་རེད་ལ། ཕྱི་བསྐྱོད་ལག་དེབ་སེར་པོ་ཐོབ་པ་རེད། ད་ལྟ་ཕྱི་རྒྱལ་ལ་ཡོད་པ་རེད། དེ་དང་དེ་འདྲ་བ་ད་ལྟ་བྱང་ཨ་ རིའི་ནང་ལ་ཡོད་པའི་དགེ་ལྡན་སྙན་རྒྱུད་ཀྱི་དམངས་ཁྲོད་ཁ་བརྡའི་ནང་ལ་བཤད་མཁན་གྱི་མི་དེ་ཚོ་ཨ་རི་ལ་གང་

འདྲ་བྱས་ནས་སླེབས་པ་རེད་དམ། ལག་འཁྱེར་ག་རེའི་ཐོག་ནས་ཕྱིན་པ་རེད་དམ། ཁོ་རང་ཚོས། ང་ཚོར་སྐྱབས་ བཅོལ་ཐོབ་བྱུང་། ཞེས་དང་། སྐྱབས་བཅོལ་དེ་ཡང་དོལ་རྒྱལ་གྱི་གནས་ཚུལ་བཤད་ནས་ཨ་རིར་སྐྱབས་བཅོལ་

ཐོབ་བྱུང་། ཞེས་བཤད་ཡོད། ལག་འཁྱེར་ཐོག་ནས་དབྱེ་འབྱེད་མེད་པ་ཧ་ཅང་གསལ་པོ་རེད། ལྷག་པར་དུ་དཔེ་ 233

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

མཚོན་གཅིག་ཞུས་པ་ཡིན་ན་ལྷ་མི་སྲུང་སྐྱོབས་ཚོགས་པའི་ཚོགས་གཙོ་ཟུར་པ་འཇམ་དཔལ་ཡེ་ཤེས་ཀྱི་བཟའ་ ཟླ་ལོ་ཁ་ཤས་ཀྱི་རྗེས་སུ་ཁོ་རང་མཉམ་དུ་ནང་མི་ཟླ་བསྒྲིལ་ཕྱིན་པ་རེད། IC བོད་གཞུང་ནས་རྒྱབ་གཉེར་བྱས་

པ་རེད། སྤྲད་མཁན་རྒྱ་གར་གཞུང་རེད། དེ་ཚོའི་གྲས་གཞི་རྩ་མེད་པའི་ཐོག་ནས་སྐྱོན་འཛུགས་བྱས་པ་རེད། ཁ་

ཤས་ནས་དོལ་རྒྱལ་ཚོགས་པའི་ངོས་ནས་མང་པོ་བཤད་ཡོད་པ་དེ་དག་ལ་བོད་གཞུང་ངོས་ནས་ལན་རྒྱག་གི་མི་ འདུག་བསམ་པ་དང་གསུངས་མཁན་ཡང་ཡོད་ཀྱང་། ད་ལྟ་བར་དུ་དགོས་མཁོ་ཡོད་པ་དང་། གཞི་རྩ་མེད་པ་དེ་

དག་ལ་དོ་སྣང་བྱེད་ཀྱི་ཡིན་ན་ལན་ཏག་ཏག་བརྒྱབ་ཡོད། དོ་སྣང་མེད་པ་ཡིན་ན་དཀྱིལ་ལ་ལྷགས་ཀྱི་རེད། བྱས་ ཙང་དེ་རིང་ངས་གོ་སྐབས་ཞུ་དགོས་པའི་རྒྱུ་མཚན་གཙོ་བོ་ནི་བརྒྱུད་ལམ་འདི་དོ་སྣང་ཆེན་པོས་བལྟ་གི་ཡོད་པ་

དང་། ལྷག་པར་དུ་དེ་རིང་གི་གྲོས་ཆོད་གྲོས་འཆར་འདིའི་ཐོག་ལ་མི་མང་པོ་ཞིག་གིས་དོ་སྣང་བྱེད་ཀྱི་ཡོད། ཁོ་

རང་ཚོའི་ངོས་ནས་ད་ལྟ་མ་ཉལ་བར་བལྟ་གི་ཡོད་ཀྱི་རེད་བསམ་གྱི་འདུག བྱས་ཙང་ངས་དངོས་ཡོད་གནས་ཚུལ་ བཤད་དགོས་པ་གལ་ཆེན་པོ་མཐོང་སོང་།

ཕྱོགས་མཚུངས་འཕྲོད་བསྟེན་ལས་ཁུངས་ཀྱི་སྨན་བཅོས་བལྟ་སྐྱོང་ཐོག་ལ་དབྱེ་འབྱེད་བྱེད་ཀྱི་འདུག

མཐུན་འགྱུར་སྦྱར་གྱི་མི་འདུག་ཟེར་གྱི་ཡོད་པ་རེ​ེད། མི་དེ་འདྲ་བྱས་པ་དང་། གང་ཟག་དེ་དོལ་རྒྱལ་བསྟེན་གྱི་

ཡོད་པའི་རྒྱུ་མཚན་གྱིས་འཕྲོད་བསྟེན་ལས་ཁུངས་ནས་སྨན་བཅོས་ཐོབ་ཐང་སྤྲོད་མི་འདུག་ཅེས་བསྟན་པ་ཡིན་ ན་ཏན་ཏན་ང་ཚོས་ཞིབ་འཇུག་ཞུ་ཆོག་གི་རེད་བསམ་གྱི་འདུག ད་ལྟ་བར་དུ་དེ་འདྲ་གཅིག་ཀྱང་བྱུང་མེད། དེ་ དང་ཕྱོགས་མཚུངས་ལས་བྱེད་ནས་ཕྱིར་འབུད་བཏང་སོང་ཟེར་གྱི་ཡོད། ལས་བྱེད་ནང་ནས་སུ་ཕྱིར་འབུད་ བྱས་པ་མིང་གཅིག་ང་ཚོར་སྤྲད་པ་ཡིན་ན། ང་ཚོས་གང་འདྲ་བྱས་ནས་ཕྱིར་འབུད་བྱས་འདུག་བལྟ་ཆོག་གི་ རེད།

ལས་བྱེད་ཕྱིར་འབུད་གཏོང་རྒྱུའི་དབང་ཆ་དེ་ནི་འཛིན་སྐྱོང་བཀའ་ཤག་གཅིག་པུར་ཡོད་པ་དེ་འདྲ་མ་

རེད། བཅའ་ཁྲིམས་དགོངས་དོན་འོག་རང་དབང་ཅན་གྱི་སྡེ་ཚན་གཅིག་ཡོད་པ་དེར་སྒྲིག་དང་ཁྲིམས་ཡོད། ཆ་

རྐྱེན་གཅིག་གི་འོག་ནས་ཕྱིར་འབུད་གཏོང་དགོས་ཀྱི་ཡོད་ལ། ལས་བྱེད་པ་གཅིག་གིས་ཉེས་འཛོལ་བྱས་ཡོད་ ན་དེ་ལ་ཞིབ་འཇུག་ཚོགས་འདུ་ཚོགས་པའི་གྲུབ་དོན་ལ་གཞིགས་ནས་ཉེས་པ་དང་། ལག་བསྟར་གནང་གི་རེད།

དོལ་རྒྱལ་བསྟེན་མཁན་རེད་ཅེས་ལས་བྱེད་སུ་ཕྱིར་འབུད་བྱས་ཡོད་དམ། ད་ལྟའི་ཆར་བཙན་བྱོལ་བོད་མིའི་

སྒྲིག་འཛུགས་ཀྱི་ལས་བྱེད་དྲུག་བརྒྱ་ཙམ་ཡོད་པ་སུ་གཅིག་ལ་དོ་ཕོག་བཏང་བའི་གནས་ཚུལ་བྱུང་མེད། ལས་ 234

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

བྱེད་ནང་ལ་དོལ་རྒྱལ་བསྟེན་མཁན་ཡོད་པ་མ་རེད་ཅེས་གསལ་པོ་ཞུ་རྒྱུ་ཡིན། གལ་སྲིད་དེ་འདྲ་ཕྱིར་འབུད་

གཏོང་དགོས་ཀྱི་ཡོད་ན། ལོ་ལྟར་ལས་བྱེད་གསར་པ་བསྡུ་ཡི་ཡོད་པས་ལས་བྱེད་གསར་བསྡུའི་ཆ་རྐྱེན་ནང་ལ་ དོལ་རྒྱལ་བསྟེན་མཁན་ཡིན་ན་བོད་གཞུང་གི་ལས་བྱེད་ནང་འཛུལ་ཆོག་གི་མ་རེད་ཅེས་ཆ་རྐྱེན་འགོད་མ་འོས་ པ་གང་ཡང་མཐོང་གི་མེད་ཀྱང་བཀོད་ཡོད་པ་མ་རེད། བཀོད་དགོས་པའི་རྒྱུ་མཚན་གང་ཡང་མཐོང་གི་མི་འདུག

བོད་མི་ཞིག་བོད་པའི་སྤྱི་ཚོགས་ཀྱི་སྒྲིག་འཛུགས་གཅིག་གི་ནང་ལ་ཡོང་གི་ཡོད་པ་ཡིན་ན་སྒོ་ཕྱེ་ནས་བཞག་ ཡོད་པས་འཛུལ་ས་ཡོད་པ་རེད། ལྷག་པར་དུ་དེ་ལས་སྡིངས་ཆ་གལ་ཆེ་བ་དང་གོ་སྐབས་ཡོད་ས་བོད་མི་མང་སྤྱི་

འཐུས་ཀྱི་འོས་ཆོས་སྒྲིག་གཞིའི་ནང་ལ་དེ་འདྲ་ཡོད་དམ། སྤྱི་འཐུས་ཆགས་པར་དོལ་རྒྱལ་བསྟེན་མཁན་ཡིན་ན་ ཆ་རྐྱེན་མ་ཚང་བའི་གནས་སྟངས་ཡོད་དམ། ཡོད་པ་མ་རེད་བསམ་གྱི་འདུག ཁྲིམས་བཟོ་མཁན་སྡིངས་ཆ་འདི་ རེད། བཟོ་མ་ཤེས་པ་གང་ཡང་མ་རེད། སྒེར་ངོས་ནས་བསམ་ཚུལ་དེ་འདྲ་ཡོང་གི་ཡོད་ཀྱང་ད་ལྟ་བར་དུ་སྒྲིག་ འཛུགས་ཀྱི་ངོས་ནས་ཆ་རྐྱེན་གང་ཡང་བཏོན་ཡོད་པ་མ་རེད། སྤྱི་འཐུས་ནང་བཞེངས་མཁན་བོད་པ་གཅིག་ཡིན་

ན། ཆ་རྐྱེན་ཚང་བ་ཡིན་ན་སྤྱི་འཐུས་ཞབས་སྟེགས་ཐོག་ལ་ཕེབས་ཆོག་གི་རེད། སུ་གཅིག་གིས་འགོག་མཁན་ ཡོད་པ་མ་རེད། རྒྱབ་སྐྱོར་ཡོད་པའི་ཐོག་ནས་འོས་ཐོབ་ཀྱི་ཡོད་ན་ཕེབས་དགོས་ཀྱི་རེད་བསམ་གྱི་ཡོད། སྡིངས་ ཆ་འདིའི་སྒང་ལ་ཕེབས་ནས་སྐད་ཆ་བཤད་དགོས་ཀྱི་རེ​ེད་བསམ་གྱི་ཡོད། བྱས་ཙང་ད་ལྟ་བར་དུ་གཞུང་ཕྱོགས་ ངོས་ནས་དབྱེ་འབྱེད་དང་། མ་དྲང་བ་བྱས་པའི་གནས་སྟངས་མེད་ཅེས་ཞུ་རྒྱུ་ཡིན།

དེ་བཞིན་ས་ཁང་དང་། གཞིས་ཆགས་དེ་ཚོའི་ཐོག་ལ་དབྱེ་འབྱེད་ཡོད་པ་དང་། ཐོབ་ཐང་སྤྲད་ཀྱི་མེད་

པའི་གནས་སྟངས་བཤད་ཀྱི་ཡོད། གོང་དུ་བཀུར་འོས་སྤྱི་འཐུས་ཁ་ཤས་ཀྱིས་ས་གནས་ས་ཐོག་གི་གནས་བབ་ གསལ་པོ་མཁྱེན་པའི་ཐོག་ནས་ཧ་ཅང་གསལ་པོ་བཀའ་གནང་སོང་། ཕྱི་ལོ་ ༢༠༠༨ ལོར་དགེ་ལུགས་ཀྱི་གདན་

ས་ཁག་གི་ནང་ལ་ཚུལ་ཤིང་འགྲིམས་པའི་ལས་རིམ་གཅིག་བྱུང་བ་རེད། འདུལ་བ་དང་མཐུན་པ་དང་། ཆོས་ཀྱི་ དགོངས་པ་དང་མཐུན་པའི་ཐོག་ནས་ཁ་དང་ཁ་སྤུ་དབྱེ་འབྱེད་བྱས་པ་རེད། སུ་གཅིག་གིས་ཕྱིར་འབུད་བྱས་པའི་

གནས་ཚུལ་བྱུང་མེད། སོ་སོས་ང་སྒྲིག་འཛུགས་འདིའི་ནང་བསྡད་ཀྱི་མིན། དེའི་ནང་བསྡད་ཀྱི་ཡིན་ཞེས་གདམ་ ཀ་བྱས་པ་རེད། གོང་དུ་བཀའ་གནང་སོང་། བདེན་པ་རེད་དྲན་གྱི་འདུག མི་ཉུང་བ་ལ་ཐོབ་ཐང་ཆེ་བ་བླངས་ནས་ བསྡད་ཡོད་པ་རེད། ད་ལྟ་མོན་གྷོར་ཤར་དགའ་ལྡན་རྣམ་པར་རྒྱལ་བའི་གླིང་ཟེར་བ་གཅིག་དང་། སྦེལ་ཀོབ་ལ་ སེར་སྤོམ་ཁང་ཚན་ཟེར་བ་གཅིག་ཡོད། རྒྱ་གར་གཞུང་གིས་༸སྐྱབས་མགོན་རིན་པོ་ཆེའི་ཞལ་ལ་གཟིགས་ནས་ 235

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

བོད་མི་བཙན་བྱོལ་བར་ས་ཁང་གནང་བ་དེ་ལོངས་སུ་སྤྱད་ནས་བསྡད་ཡོད། ས་ཆ་འདིའི་སྒང་ནས་རྒྱུགས་ཞེས་

ད་ལྟ་བར་དུ་སྒྲིག་འཛུགས་ངོས་ནས་སུ་གཅིག་ལ་ཡང་བཤད་མྱོང་མེད། སོ་སོ་འགྲོ་མཁན་ཡོད་པ་ཡིན་ན། དང་ དུ་བླངས་ནས་འགྲོ་མཁན་ཡིན་པས་སོ་སོའི་རང་དབང་རེད། དེ་ལ་དགའ་བསུ་ཞུ་རྒྱུ་ལས་སུ་གཅིག་གིས་བཀག་

འགོག་བྱེད་ཐུབ་ཀྱི་མ་རེད། དེ་ཚོའི་ཐོག་ལ་ན་ནིང་ནང་སྲིད་ལས་ཁུངས་ཀྱི་ལས་རིམ་དང་འབྲེལ་བའི་ཐོག་ནས་ བོད་མིའི་ས་གནས་འགོ་འཛིན། བདེ་དོན་ཚང་མ་འཛོམས་པ་རེད། དེ་ཚོའི་ཐོག་ལ་བཀོད་ཁྱབ་གསལ་པོ་བྱས་ ནས་གནང་ཡོད་པ་རེད། སྤྱི་འགྲེ་སྤྱི་མཚུངས་ཀྱིས་ཐོབ་ཐང་ཞུ་མཁན་ཡོད་ན་དེ་ལ་གནང་དགོས་ཀྱི་རེད་ཅེས་ གསུངས་ཡོད་པ་རེད་ལ། ད་ལྟ་བར་དུ་བཀོད་ཁྱབ་ཀྱང་དེ་ལྟར་རེད། དེའི་ཐོག་ལ་དབྱེ་འབྱེད་ཡོད་པ་རྩ་བ་ཉིད་ ནས་མཐོང་གི་མེད་ཅེས་ཞུ་རྒྱུ་ཡིན།

ཉེ་ཆར་ངས་གོང་དུ་ཞུས་པའི་ནུབ་ཕྱོགས་ཤུགས་ལྡན་ཚོགས་པ་ཞེས་པའི་དྲ་རྒྱའི་ཐོག་ལ་ཉེ་ཆར་མོན་

གྷོར་ཁྲི་བྱང་བླ་བྲང་གི་ཆོས་མཛད་ལགས་སུ་ཉེས་བརྡུང་བཏང་སྐོར་གྱི་གནས་ཚུལ་པར་དང་བཅས་པ་བཏོན་

ནས་དེ་ནི་༸སྐྱབས་མགོན་རིན་པོ་ཆེ་དང་། བོད་གཞུང་གི་སྒྲིག་འཛུགས་ནས་བཟོས་པ་རེད་ཅེས་བརྗོད་འདུག དེ་དངོས་གནས་ཡིན་ན་ང་རང་ཚོ་ཚང་མ་རྒྱ་གར་རང་དབང་ལུང་པ་དང་། ཁྲིམས་ཡོད་པའི་ལུང་པའི་ནང་བསྡད་

ཡོད། ས་གནས་ཀྱི་འགྲོ་ལུགས་ཀྱི་ཁྲིམས་ལ་སྙན་སེང་ཞུ་དགོས་ཀྱི་ཡོད་པ་རེད། ས་གནས་ཀྱི་སྐོར་སྲུང་བ་དང་།

ཁྲིམས་ཀྱི་ལས་ཀ་བྱེད་མཁན་སུ་ལ་ཡང་སྙན་སེང་ཞུས་མེད། ཡིན་ནའང་ས་གནས་འགོ་འཛིན་གྱི་ཁྱབ་ཁོངས་ལ་ ཡོད་པའི་མི་གཅིག་ལ་གནས་ཚུལ་བྱུང་བ་ཡིན་དུས། མོན་གྷོ་ས་གནས་འགོ་འཛིན་གྱིས་སྐོར་སྲུང་བ་ Police

ལ་གནས་ཚུལ་དེ་འདྲ་ཞིག་གོ་རྒྱུ་འདུག་ལ། དེ་འདྲ་ཞིག་བྱུང་འདུག དྲ་རྒྱའི་ནང་ཐོན་འདུག དེ་ངེས་པར་དུ་ཞིབ་ འཇུག་མཐིལ་ཕྱིན་པ་གནང་རོགས་ཞེས་ཞུས་ཡོད། མཐའ་མ་ས་གནས་ Police གཞིས་འགོ་དང་། སྤྱི་མི། ཤར་

དགའ་ལྡན་གྱི་མི་དེ་ཚོ་ཡང་བསྐོང་བ་རེད། ཆོས་མཛད་ལགས་ཁོ་རང་ཡང་ཕེབས་རོགས་ཞེས་ཞུས་ཡོད་ཀྱང་ བགྲེས་སོང་ཡིན། བཅར་མི་དགོས་པ་ཞེས་ཞུས་འདུག ཤར་དགའ་ལྡན་གྱི་མི་དེ་ཚོས་ག་རེ་བཤད་ཡོད་པ་རེད་

དམ་ཟེར་ན། དེའི་ཐོག་ལ་ང་ཚོས་གང་ཡང་ཞུ་གི་མིན། ཞུ་འདོད་མི་འདུག བདེ་འཇགས་ཀྱི་གནས་བབ་ཐོག་ནས་

ཞེས་སྐད་ཆ་སྙན་པོ་ཞིག་བཤད་ནས་ཡིག་ཐོག་ནས་ཞིབ་འཇུག་མི་དགོས་པ་ཞེས་ཞུས་ཡོད་འདུག Police ལ་ ཡིག་ཐོག་ལ་ཕུལ་འདུག དེ་ཚོ་ཚང་མ་མཁྱེན་པ་གནང་དགོས་པའི་གནས་ཚུལ་ཤ་སྟག་རེད་བསམ་གྱི་ཡོད། དེ་

འདྲ་བོད་གཞུང་སྒྲིག་འཛུགས་ཀྱིས་མི་བཏང་ནས་ཉེས་བརྡུང་བཏང་ཡོད་ན། ངེས་པར་དུ་ས་གནས་ Police ལ་ 236

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ཞུ་དགོས་པ་རེད། ཞུ་མི་ཕོད་པ་ག་རེ་བྱས་པ་རེད་དམ། དེའི་རྒྱབ་ལྗོངས་ལ་ག་རེ་ཡོད་དམ། དེ་ལ་སྒྲུང་མང་པོ་ ཡོད་པ་རེད། བྱས་ཙང་དེ་ཚོའི་སྐོར་ཚང་མས་མཁྱེན་པ་དགོས་པ་ཧ་ཅང་གལ་ཆེན་པོ་འདུག གཞུང་ཕྱོགས་ནས་ ག་རེ་གནང་བ་དེ་ངས་དེ་རིང་གསལ་པོ་བྱས་ནས་གང་དྲན་པ་ཞུས་པ་ཡིན།

དེའི་ཐོག་ནས་ལོ་གཞོན་པ་མང་པོ་ཞིག་ལ་དངོས་གནས་ལོག་རྟོགས་དང་། འགྲེལ་བཤད་གསལ་པོ་

བྱུང་མེད་པ་ཡིན་ན། དེ་རིང་བརྒྱུད་ལམ་འདིའི་ཐོག་ནས་ཚང་མས་ཐུགས་སྣང་གནང་རོགས་ཞེས་ཞུ་དགོས་ པའི་གནས་ཚུལ་རེད་བསམ་གྱི་འདུག བར་ལམ་ཕྱི་ལོ་ ༡༩༩༠ གོ་གྲངས་དང་། ༢༠༠༠ ཡས་མས་བར་དུ་གོང་ དུ་ཞུས་པའི་གནས་ཚུལ་དེ་དག་རེད། མི་ལ་སྡིགས་ར་བསྐུལ་ན་ཨེ་དྲགས། ཉེས་བརྡུང་བཏང་ན་ཨེ་དྲགས།

བསད་པ་རེད། དེ་འདྲའི་འཇིགས་སྐུལ་རིང་ལུགས་པའི་དྲག་སྤྱོད་ཀྱི་ལས་ཀ་དེ་འདྲ་བྱས་པ་རེད། བར་ལམ་ ནས་ལས་ཀ་བྱེད་སྟངས་ཐད་ཏན་ཏན་འགྱུར་བ་ཕྱིན་ཡོད། ཐབས་མཁས་པོའི་ཐོག་ནས་བྱེད་ཀྱི་འདུག དེ་ལྟར་

བྱེད་ནའང་རྒྱ་གར་ཁྲིམས་ཀྱི་ལུང་པ་ཞིག་ཡིན་པའི་ཆ་ནས་གནས་ཐུབ་པ་དང་། བསྡད་ཐུབ་ཀྱི་ཡོད་པ་གཅིག་ མཐོང་གི་ཡོད་པ་མ་རེད། བར་ལམ་སྤྱི་ཚོགས་ཀྱི་དྲ་རྒྱ་དང་བརྒྱུད་ལམ་བེད་སྤྱོད་ལོག་པར་བཏང་ནས་དེབ་ག་ ཚོད་འབྱོར་གྱི་འདུག་གམ། གོང་དུ་བཀའ་གནང་སོང་། དངོས་ཡོད་གནས་ཚུལ་རེད། བརྒྱུད་ལམ་ཁག་གི་ནང་

ག་རེ་བཤད་ཀྱི་འདུག་གམ། ཕྱོགས་གཅིག་ནས་འཁྱོག་བཤད་དང་། ལོག་བཤད་བརྒྱབ་ནས་༸རྒྱལ་བ་སྐུ་ཕྲེང་ བཅུ་བཞི་པ་དེ་ཡང་སྲིད་རྫུན་མ་རེད། ཏཱ་ལའི་བླ་མ་རྫུན་མ་རེད་ཅེས་ False Dalai Lama ཞེས་པའི་དེབ་ བཏོན་ཡོད།

༸རྒྱལ་བ་རིན་པོ་ཆེས་ཁ་སྔོན་རྒྱ་གར་ལྷོ་ཕྱོགས་ལ་བཀའ་དེ་འདྲ་གནང་འདུག རྒྱ་གར་གཞུང་དང་ཨ་

རི་གཞུང་ནས་༸རྒྱལ་བ་རིན་པོ་ཆེའི་སྐུ་ཕྱྭའི་ཐོག་ལ་དོལ་རྒྱལ་ཚོགས་པས་ཉེན་ཁ་ཡོད་པའི་སྐོར་སྙན་སེང་ཞུ་ མཁན་བྱུང་སོང་ཞེས་བཀའ་གནང་འདུག རྫུན་མ་རེད། ང་ཚོས་རྩ་བ་ཉིད་ནས་ཉེན་ཁ་བྱེད་ཀྱི་མེད། ༸རྒྱལ་བ་

རིན་པོ་ཆེའི་སྐུ་ཕྱྭའི་ཐོག་ལ་ཉེན་ཁ་བཟོ་མཁན་ང་ཚོ་མིན། རྒྱ་གར་གཞུང་གིས་དེ་བས་ཀྱང་གསུང་གི་མ་རེད། ཨ་

རི་ལ་ངས་ཤེས་ཀྱི་རེད། དེ་ལྟར་ཡིན་ན་ཨ་རིར་ཡོད་པའི་དོལ་རྒྱལ་བསྟེན་མཁན་མང་པོར་སྐྱབས་བཅོལ་ཐོབ་ ཡོད་པ་དེ་དག་གང་འདྲ་བྱས་ནས་ཐོབ་པ་རེད་དམ། ཅེས་དེ་འདྲའི་གནས་ཚུལ་བཤད་པ་མ་ཟད། ཁུངས་སྐྱེལ་

ཡིན་མདོག་དང་། མི་ཚང་མས་ཡིད་ཆེས་སླེབས་རྒྱུའི་ཆེད་དུ་འཁྱོག་བཤད་བྱས་ནས། ཕོ་བྲང་ལ་ཉེ་ཆར་ལྕགས་ རི་གཅིག་བརྒྱབ་སོང་། དེ་ནི་དོལ་རྒྱལ་དང་འབྲེལ་བ་ཡོད་པའི་ཐོག་ནས་བརྒྱབ་པ་མ་རེད། དེ་ནི་ཕྱི་ལོ་ ༢༠༡༣ 237

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ལོར་རྡོ་རྗེ་གདན་ལ་འབར་རྫས་འགས་པ་དེ་ལ་བརྟེན་ནས་བརྒྱབ་པ་རེད་ཅེས་བཤད་ཀྱི་འདུག རྣམ་པ་ཚོ་ཚང་

མས་མཁྱེན་གྱི་རེད། བཞུགས་སྒར་ཕོ་བྲང་དེ་གང་འདྲ་ཞིག་ཡོད་པ་རེད་དམ། ཕྱི་ལོ་ ༡༩༦༠ ནས་ ༡༩༦༧ བར་ དུ་ཕོ་བྲང་རྙིང་པའི་ནང་ལ་བཞུགས་པ་རེད། ད་ལྟ་ལྕགས་རི་དེ་དག་མཐོང་རྒྱུ་ཡོད་པ་དེ་རྙིང་པ་ཆགས་ཡོད་པ་ རེད། མར་དགའ་ལྡན་ཕོ་བྲང་ལ་སྤོས་པའི་རྗེས་སུ་རྒྱ་གར་གཞུང་ནས་སྲུང་སྐྱོབ་གང་འདྲ་ཕུལ་ཡོད་པ་རེད་དམ། ཕྱི་ལོ་ ༡༩༩༧ ལོར་མཚན་ཉིད་རྒན་ལགས་བཀྲོངས་པའི་རྗེས་སུ་རྒྱ་གར་གཞུང་གིས་ཞིབ་འཇུག་གནང་བ་རེད།

༸རྒྱལ་བ་རིན་པོ་ཆེའི་སྐུ་ཕྱྭའི་ཆེད་དུ་རྒྱ་གར་གཞུང་གིས་ Recommendation ནི་རྩིག་པ་མཐོ་ཚད་ Feet དྲུག་དང་། དེའི་སྒང་ལ་ལྕགས་དྲ་ Feet བཞི་བརྒྱབ་ནས་མཐོ་ཚད་ Feet བཅུ་དང་བཅུ་གཉིས་དགོས་ཀྱི་འདུག་ ཅེས་སྲུང་སྐྱོབ་ཀྱི་ཕྱག་ལས་གནང་མཁན་ཚོས་གསུངས་ཡོད།

དེ་ཡང་དོལ་རྒྱལ་གྱི་གནས་ཚུལ་དེ་བྱུང་བ་ལ་བརྟེན་ནས་ཞིབ་འཇུག་གནང་བ་དང་། ལྕགས་རི་བརྒྱབ་པ་

རེད། མཐའ་མ་རྩིག་པ་དེ་ཙམ་མཐོ་པོ་དེ་ནི་གཅིག་ནས་ཕྱག་གྲོན་ཆེན་པོ་རེད་ལ། གཉིས་ནས་༸སྐྱབས་མགོན་

རིན་པོ་ཆེའི་དུས་རྒྱུན་གྱི་དགོངས་པའི་ཐུགས་གཤིས་དང་། དགོངས་པའི་ནང་ལ་མེད་པ་ཡིན་དུས། ང་ཚོས་

སྐུ་མཁྱེན་ཞེས་ཞུ་བ་འཐེན་ནས་རྩིག་པ་དེ་ཙམ་མཐོ་པོ་མ་རྒྱབ་ན་འགྲིག་པ་འདུག རྩིག་པ་ Feet བཞི་བརྒྱབ་ ནས་དེའི་ཐོག་ལྕགས་དྲ་བཟོས་ན་འགྲིག་པ་འདུག་ཅེས་ཞུ་དགོས་པའི་གནས་ཚུལ་བྱུང་བ་རེད། མཐའ་མ་ཞིབ་

འཇུག་བྱེད་མཁན་གྱི་ཚན་པ་དང་། སྲུང་སྐྱོབ་ཀྱི་འགན་ཡོད་མཁན་ཚོས་འགན་འཁུར་མི་ཐུབ་པར་བརྟེན་དབུས་

ཀྱི་ནང་སྲིད་ལས་ཁུངས་བར་དུ་བཀའ་འཁྲོལ་ཞུ་དགོས་བྱུང་ཡོད། དེ་ནི་ཕྱི་ལོ་ ༡༩༩༧ ལོར་བརྒྱབ་པའི་ལྕགས་

དྲ་དེ་རེད། རྣམ་པ་ཚོ་ཚང་མ་ཉེ་ཆར་གཙུག་ལག་ཁང་དུ་ཕེབས་ཡོད་པས་ཐུགས་སྣང་བྱུང་ཡོད་ངེས་རེད། ཕྱི་

ལོ་ ༢༠༡༣ ནང་ལྕགས་དྲ་དེའི་སྒང་ལ་ཟེ་མ་ར་མགོ་ Barb Wire བསྐོར་བ་རེད། ང་རང་ཚོའི་སྒྲིག་འཛུགས་ ངོས་ནས་བསྐོར་བ་ལས་རྒྱ་གར་གཞུང་ལ་གང་ཡང་ཞུས་ཡོད་པ་མ་རེད། ཆུང་ཚག་ང་རང་ཚོས་ཐུབ་པ་དེ་ཚོའི་

གྲས་ང་རང་ཚོས་བྱེད་ཀྱི་ཡོད། དེ་རེད་མ་གཏོགས་དོལ་རྒྱལ་ཚོགས་པས་དམངས་ཁྲོད་ཁ་བརྡའི་ནང་ལ་མང་པོ་

ཤེས་ཀྱི་ཡོད་མདོག་མདོག་གིས་བཤད་པ་དེ་དག་གཞི་རྩ་མེད་པའི་གནས་ཚུལ་རེད། ངས་གསལ་པོ་བྱས་ནས་

ཞུ་འདོད་བྱུང་། ལྷག་པར་དུ་༸རྒྱལ་བ་རིན་པོ་ཆེའི་སྐུ་ཕྱྭ་དང་འབྲེལ་བ་ཡོད་པའི་ཐོག་ནས་གསུང་གི་ཡོད་དུས་ གསལ་པོ་མ་བྱུང་བ་ཡིན་ན་ཁྱོན་ནས་ཡག་པོ་ཡོད་པ་མ་རེད། རྒྱ་གར་གཞུང་དང་། སྤྱིར་བཏང་རྒྱལ་ཁབ་ཚང་ མས་གལ་ཆེའི་མི་སྣ་སུ་འདྲ་ཞིག་ཡིན་རུང་སྲུང་སྐྱོབ་ཆ་ནས་ཉེན་ཁ་ག་རེ་ཡོད་མེད་དུས་ནས་དུས་སུ་བསྐྱར་ 238

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ཞིབ་བྱེད་ཀྱི་ཡོད་པ་རེད། གཟིགས་ཀྱི་རེད། རྒྱ་གར་གཞུང་གིས་༸སྐྱབས་མགོན་རིན་པོ་ཆེའི་སྐུ་ཕྱྭའི་ཐོག་ལ་ ཉེན་ཁ་ཆེ་ཤོས་དེ་དོལ་རྒྱལ་ཚོགས་པའི་ཐོག་ནས་འདུག་ཅེས་ཡིག་ཐོག་ནས་བཀའ་གནང་བ་རེད། རྒྱ་གར་ནང་

ས་ཁུལ་ག་པར་ཆིབས་སྒྱུར་བསྐྱང་ནའང་རྒྱ་གར་གཞུང་གི་བརྡ་ཐོའམ། ཡིག་ཆའི་ནང་གསལ་པོ་ཡོད་པ་རེད།

༸སྐྱབས་མགོན་རིན་པོ་ཆེ་རྒྱ་གར་ནང་བཞུགས་གདན་འཇགས་ཀྱི་ཡོད་པའི་ཆ་ནས་དང་། རྩ་བའི་༸སྐྱབས་ མགོན་རིན་པོ་ཆེ་ཕྱི་རྒྱལ་ཡུལ་གྲུ་ག་པར་ཆིབས་སྒྱུར་བསྐྱང་ནའང་རྒྱལ་ཁབ་སོ་སོས་སྐུ་ཕྱྭའི་ཐོག་ཐུགས་འགན་

བཞེས་ཀྱི་ཡོད་པ་རེད། ཡིན་ནའང་རྒྱ་གར་ནང་ལ་བཞུགས་གདན་འཇགས་ཀྱི་ཡོད་པའི་ཆ་ནས་རྒྱ་གར་གཞུང་

ནས་སྲུང་སྐྱོབ་ག་རེ་ཕུལ་གྱི་ཡོད་པ་དང་། གང་འདྲ་གནང་གི་ཡོད་པ། ཉེན་ཁ་གང་ནས་ཡོང་གི་ཡོད་པ་སོགས་གོ་ བསྡུར་གནང་གི་ཡོད། ཕྱོགས་མཚུངས་ཨ་རི་གཞུང་ནས་ཀྱང་༸རྒྱལ་བ་རིན་པོ་ཆེའི་སྐུ་ཕྱྭའི་ཐོག་ལ་དོལ་རྒྱལ་ ཚོགས་པ་ནས་ཉེན་ཁ་ཡོད་པ་གསལ་པོ་བཟོས་ཡོད།

དེ་ཡིན་པའི་རྒྱུ་མཚན་ནི་དོ་བདག་བཤད་མཁན་ཁོ་པ་ད་ལོ་མི་ནི་སོ་ཀྲ་ Minnesota དགུང་གསར་

ཚེས་གཅིག་གི་མཛད་སྒོའི་སྐབས་སུ་ས་གནས་དེ་ནས་མི་ནི་སོ་ཀྲ་ Minnesota ལ་ཕྱིན་ཡོད། གསལ་པོ་ཞུས་ ན་ང་ཚོས་ཤེས་ཡོད་པ་མ་རེད། ཨ་རིའི་གསང་བའི་ལས་བྱེད་ཀྱིས་མི་དེ་འདྲ་ཞིག་ས་གནས་དེ་ལ་སླེབས་ནས་ ༸སྐྱབས་མགོན་རིན་པོ་ཆེ་བཞུགས་གདན་འཇགས་སའི་མགྲོན་ཁང་གི་འོག་ལ་སྣུམ་འཁོར་བཞག་སའི་གནས་

བབ་རྩད་གཅོད་བྱས་པ་ཤེས་ཀྱི་འདུག ག་རེ་བྱས་ནས་ཤེས་ཀྱི་ཡོད་པ་རེད་དམ་ཟེར་ན། དོ་སྣང་བྱེད་ཀྱི་ཡོད་པ་ རེད། ཉེན་ཁ་ཡོད་པ་དེ་གཟིགས་ཀྱི་ཡོད་པ་རེད། དེ་འདྲ་སོང་ཙང་ཁོང་ཚོས་༸སྐྱབས་མགོན་རིན་པོ་ཆེའི་སྐུ་ཕྱྭའི་

ཐོག་ལ་ཉེན་ཁ་མེད་ཅེས་པའི་འཁྱོག་བཤད་མགོ་བསྐོར་གཏོང་བའི་སྐད་ཆ་དེ་ནི་བདེན་པ་མ་རེད། ཨ་རིའི་གཞུང་ ནས་ཉེན་ཁ་ཡོད་པ་རེད་གསུངས་པ་མ་ཟད་ཆ་ཚང་མཁྱེན་གྱི་ཡོད་པ་རེད་ཅེས་ཞུ་འདོད་བྱུང་།

དེ་དང་འབྲེལ་བའི་ཆོས་དད་རང་དབང་སྐོར་ལ་རེད། གཅིག་བསྡུས་དབང་འཛིན་བྱེད་ཀྱི་འདུག ཞལ་

རྫུན་གསུངས་ཀྱི་འདུག དེ་འདྲ་མང་པོ་ཁོ་ཚོས་བཤད་ཀྱི་ཡོད་པ་རེད་ཀྱང་ཚང་མར་ངས་འགྲེལ་བཤད་ཞུ་

དགོས་པ་གང་ཡང་མི་འདུག ཆོས་དད་རང་དབང་དང་འབྲེལ་བ་མེད་པ་གོང་དུ་བཀུར་འོས་སྤྱི་འཐུས་ཚོས་ཧ་

ཅང་གསལ་པོ་བཀའ་གནང་སོང་། དངོས་ཡོད་གནས་ཚུལ་དེ་རང་རེད། ཡིན་ནའང་གསལ་པོ་བཟོ་དགོས་པ་ གཅིག་ལ་ཐོག་མར་ ༡༩༩༦།༡༩༩༧།༢༠༠༠ ཙམ་ལ་༸སྐྱབས་མགོན་རིན་པོ་ཆེས་དབང་གནང་སར་དོལ་

རྒྱལ་བསྟེན་མཁན་ཡིན་ན་མ་ཡོང་ཞེས་བཀའ་གནང་བ་རེད། བདེན་པ་རེད། བླ་མ་དང་སློབ་མའི་དམ་ཚིག་ 239

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

སྲུང་དགོས་པའི་ཆ་ནས་རེད། ཕྱིས་སུ་དོལ་རྒྱལ་ཚོགས་པའི་བྱེད་སྟངས་དང་། ༸རྒྱལ་བ་རིན་པོ་ཆེའི་བཀའ་

སློབ་ལ་ཉན་འཇོག་གང་འདྲ་ཡོད་པ་ང་ཚོ་ཚང་མས་གཟིགས་པ་དེ་རེད། ད་ཆ་དོལ་རྒྱལ་བསྟེན་མཁན་ཡིན་ ན་༸རྒྱལ་བ་རིན་པོ་ཆེའི་གསུང་ཆོས་ལ་མ་ཡོང་རོགས་གསུང་བཞིན་ཡོད། སྒྲིག་འཛུགས་ངོས་ནས་དེ་རང་

གསལ་བསྒྲགས་བྱེད་ཀྱི་ཡོད། དེ་མ་གཏོགས་དབང་ལ་བཅར་མི་ཆོག་པ་དང་། གསུང་ཆོས་ལ་བཅར་ཆོག་པའི་ གནས་སྟངས་དེ་འདྲ་མ་རེད། གསལ་པོ་ཞུ་དགོས་པ་ནི་གསུང་ཆོས་ལ་ཡང་བཅར་ན་འགྲིག་གི་མི་འདུག་ཅེས་

ཞུ་རྒྱུ་ཡིན། དེ་ནི་ཐོབ་ཐང་ཡོད་པ་ཞིག་རེད་བསམ་གྱི་འདུག ང་རང་མི་སྒེར་གཅིག་གི་གནས་བབ་ཐོག་ནས་མི་ གཞན་གཅིག་གདན་འདྲེན་ཞུ་གི་ཡོད་ན། སྐུ་མགྲོན་སུ་གདན་འདྲེན་ཞུ་དགོས་མིན་ང་རང་གི་རང་དབང་རེད་

མ་གཏོགས། འདི་གདན་འདྲེན་ཞུ་དགོས་པ་དང་། དེ་གདན་འདྲེན་ཞུ་མི་དགོས་པ་རེད་ཅེས་གཞན་གྱིས་བརྗོད་

ཐུབ་ཀྱི་མ་རེད། ཉེ་ལམ་༸སྐྱབས་མགོན་རིན་པོ་ཆེའི་ཆོས་འབྲེལ་གནང་ས་ཚང་མར་གནས་སྟངས་གསལ་པོ་ ཆགས་ཡོད།

གོང་དུ་ངས་དོལ་རྒྱལ་རྗེས་འབྲང་པས་དྲང་པོ་བྱེད་ཀྱི་མི་འདུག་ཅེས་བརྗོད་པ་དེ་དག་ཡི་གེའི་ནང་ལ་

བཀྲམ་པ་གཅིག་པུ་མ་རེད། འགྲོ་བ་མིའི་ཐོབ་ཐང་གི་སྡེ་ཚན་དེ་འདྲའི་ནང་ལ་ཞུས་ཡོད་པ་རེ​ེད། Amnesty

International ཟེར་བ་ལ་ཡང་ཞུས་ཡོད་པ་རེད། རྒྱ་གར་གཞུང་གི་སྲིད་བློན་མཚན་ཐོག་ལ་ཡང་ཕྱག་བྲིས་

ཕུལ་ཡོད་པ་རེད་ལ། ཕྱི་སྲིད་བློན་ཆེན་དང་། ནང་སྲིད་བློན་ཆེན་མཚན་ཐོག་ལ་ཡང་ཕུལ་ཡོད། རྒྱ་གར་གཞུང་ གི་ Human Rights Commission ལ་ཡང་གནས་ཚུལ་ཕུལ་ཡོད་པ་རེད། ཡིན་ནའང་ཚན་པ་དེ་དག་ཚང་ མ་བློ་གཟུ་བོར་གནས་པ་དང་། དཔྱད་པ་བྱེད་མཁན་ཞིག་ཡིན་པའི་ཆ་ནས་གནས་སྟངས་དེ་ཆོས་དད་རང་

དབང་དང་འབྲེལ་བ་མི་འདུག་ཅེས་སུ་གཅིག་གིས་བདག་སྤྲོད་གནང་ཡོད་པ་མ་རེད། རྒྱ་གར་གཞུང་གི་ Hu-

man Rights Commission ལ་གོང་དུ་ཞུས་པའི་སློབ་ཕྲུག་བཅུ་དྲུག་དེ་དག་གི་གནས་སྟངས་ཞུ་གཏུགས་

བྱས་ཡོད། ཡིག་ལན་ཁོ་རང་ཚོར་བཏང་ཡོད། ངོ་བཤུས་སྣེ་ལེན་ཁང་ལ་བཏང་ཡོད།

དེའི་ནང་ལ་གསལ་པོ་བྱས་ནས་བཀོད་ཡོད། ༢༠༠༧ ཟླ་ ༡༢ ཚེས་ ༡༩ ལ་ལན་གནང་འདུག Na-

tional Human Rights, Law division གནས་སྟངས་དེ་ཚོའི་ཆ་ནས་ཧ་ཅང་གསལ་པོ་རེད། ཉེ་བའི་

ཆར་དོལ་རྒྱལ་ཚོགས་པས་རྒྱ་གར་གྱི་སྲིད་བློན་རྣམ་པ་བཅས་པར་༸སྐྱབས་མགོན་རིན་པོ་ཆེས་ལྷོ་ཕྱོགས་ དེ་འདྲ་བཀའ་གནང་འདུག་ཀྱང་ང་ཚོ་དེ་འདྲ་མིན་ཟེར་གྱི་ཡོད། གཅིག་བྱས་ན་རྒྱ་གར་གཞུང་གི་སྲུང་སྐྱོབ་ཀྱི་ 240

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ཕྱག་ལས་གནང་མཁན་ཚོ་བཞད་མོ་ཤོར་གྱི་ཡོད་ཀྱི་རེད་བསམ་གྱི་འདུག དེ་ཚོ་གང་ཡིན་ཀྱང་ངས་གོང་དུ་ ཞུས་པ་ནང་བཞིན་རེད། ཉེ་བའི་ཆར་དོལ་རྒྱལ་སྐོར་ལ་ཕྱི་རྒྱལ་བ་དེ་འདྲ་ཡིས་བརྩམས་པའི་དེབ་ཡོད་པ་རེད། རྩོམ་སྒྲིག་བྱས་པའི་ཉེ་ཆར་འདོན་པའི་རྩོམ་དེ་འདྲ་འདུག དེ་དག་ལ་ཐུགས་སྣང་གནང་རོགས། ངས་གཅིག་

དང་གཉིས་ཀྱི་མིང་འབོད་མི་དགོས་པའི་ཐོག་ནས། དེ་ལྟར་གནང་བ་ཡིན་ན་གསལ་པོ་མཁྱེན་གྱི་རེད་བསམ་ གྱི་འདུག གནས་ལུགས་གང་ཡང་མི་ཤེས་པ་ཚོར་མགོ་སྐོར་བཏང་གི་ཡོད་པ་རེད་ལ་མཉམ་དུ་རྒྱུགས་ཀྱི་ཡོད། གནས་ཚུལ་དེ་གསལ་པོ་ཆགས་ཡོད་པའི་རེ་བ་ཡོད།

དོལ་རྒྱལ་གནས་སྟངས་གང་འདྲ་ཆགས་ཡོད་དམ། རྒྱ་ནག་མི་དམངས་སྤྱི་མཐུན་རྒྱལ་ཁབ་དང་དོལ་

རྒྱལ་དབར་གྱི་གནས་སྟངས་གང་འདྲ་ཆགས་ཡོད་དམ། དེ་ངས་ཞུ་དགོས་ཀྱི་མ་རེད་བསམ་གྱི་འདུག དམངས་ ཁྲོད་ཁ་བརྡར་ཐུགས་སྣང་གནང་མཁན་ཞིག་ཡིན་ན། དམངས་ཁྲོད་ཁ་བརྡའི་ནང་ལ། རྒྱ་ནག་གཞུང་དང་འབྲེལ་ བ་ཡོད། རྟག་ཏུ་རྒྱ་ནག་གཞུང་ཚབ་ཀྱིས་སྐད་གཏོང་གི་འདུག འགྲོ་གི་ཡོད། རྒྱ་ནག་ནས་མཐོ་རིམ་དཔོན་

རིགས་སླེབས་པའི་སྐབས་སུ་གསོལ་ཚིགས་ལ་སྐད་གཏོང་གི་འདུག འགྲོ་གི་ཡོད། ཧ་ལམ་ག་རེ་བྱེད་རྒྱུ་ཡོད་ མདོག་མདོག་སྐད་ཆ་དེ་འདྲ་བཤད་ཀྱི་ཡོད་པ་རེ​ེད། བདེན་པ་རེད། འགྲོ་བཞིན་ཡོད་པ་རེད། ༢༠༡༢།༢༠༡༣

ནང་ལ་བྱང་ཨ་རིའི་དགེ་ལྡན་སྙན་རྒྱུད་ཀྱི་རྒྱུན་ལས་ཀྱི་མིང་འཁུར་མཁན་ག་ཚོད་བོད་དང་རྒྱ་ནག་ལ་ཕྱིན་

སོང་། སྣེ་ལེན་གང་འདྲ་ཞུས་སོང་། ཕྱོགས་གཅིག་ནས་བོད་ནང་ལ་དོལ་རྒྱལ་ཐོག་ལ་རྒྱབ་སྐྱོར་ཡོད་ཟེར་གྱི་ ཡོད་པ་རེད། ཕྱོགས་གཅིག་ནས་སྲུང་སྐྱོབ་གླས་ནས་འགྲོ་དགོས་པའི་གནས་སྟངས་ང་ཚོས་དོ་སྣང་ཡོང་གི་

འདུག གཅིག་བྱས་ན་ཁོ་རང་ཚོས་བེད་སྤྱོད་བྱེད་ཀྱི་ཡོད་པའི་ཆ་ནས། ཆེ་མཐོང་སྤྲད་པའི་སྐད་ཆ་ཡིན་ནམ། གནས་ཚུལ་དེ་ར་འཕྲོད་པ་གཅིག་བྱུང་མ་སོང་མ་གཏོགས། བོད་རང་སྐྱོང་ལྗོངས་ཀྱི་ཆབ་སྲིད་གྲོས་ཚོགས་ ཀྱི་ཚོགས་འདུའི་ནང་ལ་དོལ་རྒྱལ་བསྟེན་མཁན་གྱི་མི་ཁ་ཤས་ཟུར་ཉན་ལ་སླེབས་འདུག་ཟེར་བའི་སྐད་ཆ་ཡོད་

པ་རེད། གལ་སྲིད་དེ་འདྲའི་གནས་བབ་ཆགས་ཡོད་པ་ཡིན་ན། དེའི་ཐོག་ལ་འགྲེལ་བཤད་གསར་པ་གང་ཡང་ རྒྱག་དགོས་པའི་གནས་སྟངས་ཡོད་པ་མ་རེད་བསམ་གྱི་འདུག བླ་མའི་མིང་ཡོད་པ་མང་པོ་ཕྱིན་ཡོད་པ་རེད་ལ། རྒྱུན་ལས་དེ་འདྲ་མང་པོ་ཕྱིན་སོང་། བྱས་ཙང་གནས་སྟངས་དེ་ཚོ་ཚང་མར་གཟིགས་དགོས་པ་རེད།

ཕྱོགས་མཚུངས་བོད་ནང་གི་དོལ་རྒྱལ་བསྟེན་མཁན་ཁ་ཤས་བེད་སྤྱོད་བཏང་ནས་ཨ་རི་དང་ཡོ་རོབ་

ཁུལ་འཁྲིད་ཡོང་གི་ཡོད། དཔེ་མཚོན་ཆུང་ཆུང་གཅིག་ཞུས་པ་ཡིན་ན། ༢༠༡༢།༡༢།༡༠ འགྲོ་བ་མིའི་ཐོབ་ཐང་ཉིན་ 241

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

མོར་ནིའུ་ཡོཀ་ New York ལ་༸རྒྱལ་བ་རིན་པོ་ཆེས་ཆོས་དད་རང་དབང་སྤྲོད་ཀྱི་མི་འདུག དེའི་ཉིན་མོར་ཁོ་

ཚོས་གསར་འགོད་གསལ་བསྒྲགས་བྱེད་ཀྱི་ཡིན་ཟེར་ནས་ཁྱབ་བསྒྲགས་བྱས་པ་རེད། དེ་ཚོའི་གྲས་རྣམ་པ་ཚོས་ གཟིགས་རྒྱུ་ཡོད་པ་རེད། ཁོ་ཚོ་སྒང་ལ་རྐུབ་གྲལ་སྒྲིག་ནས་ལྕོག་རྩེའི་མདུན་ལ་བསྡད་ཡོད་ཀྱང་། འོག་ལ་མི་སུ་ གཅིག་ཀྱང་ཡོད་པ་མ་རེད། ཚགས་པར་རྒྱག་མཁན་སུ་གཅིག་ཀྱང་འབྱོར་མི་འདུག སྐད་ཆ་སྟོང་པ་བཤད་པ་ རྣམས་བརྙན་འཕྲིན་ནང་བཅུག་ནས་གཏོང་གི་ཡོད་པ་རེད།

དེ་བཞིན་ཕྱི་ལོ་ ༢༠༡༣ ཟླ་ ༡༢ ནང་ནིའུ་ཡོག་མཉམ་སྦྲེལ་རྒྱལ་ཚོགས་ཀྱི་སྒོ་འགྲམ་ལ་ཕྱིན་ནས་སྙན་

ཞུ་གཅིག་ཕུལ་བ་དང་། མཐའ་ན་ཟས་བཅད་བསྡད་ནས་རྩོད་ཀྱི་ཡིན་ཟེར་གྱི་ཡོད་པ་རེད། འགྲིག་གི་རེད། ཟས་ བཅད་བྱེད་ཀྱི་ཡོད་ནའང་རེད། གང་འདྲ་བྱེད་ཀྱི་ཡོད་ནའང་རེད། དེ་འདྲ་ཡིན་དུས་བཀུར་འོས་སྤྱི་འཐུས་གཅིག་

གིས་བཀའ་གནང་ཕྱོགས་དེ་ངས་གོ་ནོར་ཐེབས་མེད་པ་ཡིན་ན། བོད་མིའི་སྒྲིག་འཛུགས་ངོས་ནས་ཁོ་ཚོ་མཉམ་ དུ་ཞི་བའི་གྲོས་མོལ་འདྲ་པོ་བྱས་ནས་དཀའ་ངལ་སེལ་རྒྱུ་མེད་དམ་ཞེས་དགོངས་ཚུལ་ཡོད་པ་འདྲ་པོ་ཚོར་སོང་།

གཅིག་བྱས་ན་ངས་གོ་སྟངས་ནོར་ཡོད་ཀྱི་རེད། དེ་འདྲ་ཡོད་པ་གང་ཡང་ཚོར་གྱི་མེད། གནས་ཚུལ་དེ་བྱུང་བའི་ སྐབས་ནས་ལས་ཁུངས་བྱེ་བྲག་པ་དེའི་ནང་ལ་ཡོད་པའི་ཆ་ནས་སྐབས་དེའི་བཀའ་བློན་དང་དྲུང་ཆེ་ནི་འབྲེལ་ ཡོད་ཆོས་རིག་བཀའ་བློན་དང་དྲུང་ཆེ། སྐབས་དེའི་བདེ་སྲུང་བཀའ་བློན་དང་དྲུང་ཆེ། དེ་མིན་གྱི་བཀའ་བློན་རིམ་ པ་གཞིས་ཆགས་ལ་ཕེབས་པའི་སྐབས་སུ་ལྷ་མི་སྲུང་སྐྱོབ་ཚོགས་པའི་འགན་འཛིན་ཡིན་ཟེར་མཁན་སོགས་མི་

༢༠།༣༠ ཐུག་པའི་སྐབས་སུ་ཚོགས་འདུ་རབས་དང་རིམ་པ་ཚོགས་པ་རེད། བཤད་མྱོང་བ་རེད་ལ། གོ་སྐོན་ བྱས་མྱོང་བ་རེད། ད་ཆ་དེ་འདྲ་བྱེད་རྒྱུའི་གནས་བབ་ཁྱོན་ནས་མཐོང་མ་སོང་། བྱེད་དགོས་ཀྱི་ཡོད་པའི་ཚོར་བ་

ཡོང་གི་མི་འདུག དེ་འདྲ་བྱེད་དགོས་ཀྱི་ཡོད་ན་ལས་ཀ་བྱེད་སྟངས་དེ་འདྲ་མ་རེད་བསམ་གྱི་ཡོད། དེ་ཚོ་གསལ་ པོ་བྱས་ནས་མཁྱེན་དགོས་པ་རེད་མ་གཏོགས་ཁོ་ཚོས་གང་བསྒྲགས་པ་དེ་དག་ཡིན་པ་རེད་དགོངས་པ་ཡིན་ན། གནས་ཚུལ་ཏག་ཏག་མ་རེད་ཅེས་ཞུ་རྒྱུ་ཡིན།

གནས་ཚུལ་དེ་དང་འབྲེལ་བའི་ཐོག་ནས་ནང་པ་སངས་རྒྱས་པའི་བསྟན་པ་རང་ལ་ཁྱད་གསོད་དང་། བསྲེ་

ལྷད། དམའ་འབེབས་བྱེད་པའི་གནས་སྟངས་མང་པོ་ཞིག་ཡོང་གི་ཡོད། དཔེར་ན། བཀའ་གདམས་གསར་མ་ཡིན་

ཟེར་མཁན་དེ་འདྲ་ཡིས་ལྷོ་ཤར་ཨེ་ཤི་ཡའི་རྒྱལ་ཁབ་ནང་བཙུགས་ནས་ཁོ་ཚོའི་གཟུགས་པོར་གྱོན་རྒྱུའི་སྟོད་ འགག་མཚོན་མདོག་ལྗང་ཁུ་བཟོས་པ་དེ་འདྲ་ཡོད།

242

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

མི་བརྒྱ་ཉི་བརྒྱ་མངོན་གསལ་དོད་པོ་བྱས་ནས་འགྲོ་གི་ཡོད་པ་རེད། མིང་ལ་བཀའ་གདམས་གསར་

མ་ཞེས་བཏགས་ཡོད་ཀྱང་དངོས་གནས་དྲང་གནས་བཀའ་གདམས་པའི་བསྟན་པ་འཛིན་མཁན་ཡིན་ན་འདུལ་ བའི་ནང་ལ་སངས་རྒྱས་པའི་ན་བཟའ་མཆོད་སྟངས་དེ་གཏན་འབེབས་བྱས་ཡོད་པ་རེད། ག་རེ་ཆོག་གི་ཡོད་པ་ དང་ག་རེ་ཆོག་གི་མེད་པ། དེ་ཚོར་དོ་སྣང་ཡོད་པ་མ་རེད། སྣང་བ་གང་དྲན་བྱས་ནས་འགྲོ་གི་ཡོད་པ་རེད། དེའི་

ཐོག་ནས་དངུལ་བཟོ་ཐུབ་ཀྱི་འདུག་ན་བཟོས་ནས་འགྲོ་མཁན་ཡོད་པ་རེད། དེ་ཚོ་ཧ་ལས་པའི་ཐབས་སྐྱོ་པོ་རེད་ བསམ་གྱི་ཡོད།

ད་ལན་ཉེ་ཆར་ལྷོ་ཕྱོགས་སུ་ལམ་རིམ་ཆེན་མོའི་གསུང་ཆོས་གནང་བ་དེར་ནད་མ་འཁྱོག་པའི་གནས་

ཚུལ་མང་པོ་ཞིག་དམངས་ཁྲོད་ཁ་བརྡའི་ནང་ལ་བཤད་ཀྱི་ཡོད་པ། གཅིག་བྱས་ན་ང་ཚོ་ཚང་མས་གཟིགས་ ཡོད་ཀྱི་རེད། ཁུངས་ལུང་མེད་པའི་སྐད་ཆ་མང་པོ་བཤད་ཀྱི་འདུག ག་རེ་བྱས་ནས་ན་ཚ་དེ་ཙམ་བཏང་གི་

ཡོད་པ་རེད་དམ། དོལ་རྒྱལ་དེ་དགེ་ལྡན་པའི་བསྟན་སྲུང་ངོ་མ་ཡིན་ཟེར་ནས་བཤད་ཀྱི་ཡོད་ཀྱང་དངོས་གནས་

དྲང་གནས་དགེ་ལྡན་པའི་བསྟན་སྲུང་ངོ་མ་ཡིན་ན། དགེ་ལྡན་པའི་བསྟན་པར་བདག་པོ་རྒྱག་མཁན་གདན་ ས་གསུམ་གཙོས་པའི་དགེ་ལུགས་པའི་དགོན་པ་མར་ལྷོ་ཕྱོགས་སུ་ཡོད་པ་དེ་ཚོའི་ཐོག་ནས་གནས་བབ་དེ་ གསལ་པོ་དེ་ཙམ་བཟོས་ཡོང་དུས། ཁོ་དམར་ཧྲེང་ཕུད་འགྲོ་གི་ཡོད་པས་སྡུག་སྐད་ཤོར་བ་རེད།

དོལ་རྒྱལ་སྐོར་ལ་༸སྐྱབས་མགོན་རིན་པོ་ཆེས་དེབ་དབུ་འབྱེད་གནང་བ་དེ་ནི་གང་མིན་ཚད་རེད་ཟེར་

ནས་ཧ་ལམ་དེའི་དོན་དུ་མ་གཏོགས་ལམ་རིམ་ཟེར་བ་ཡོད་པ་མ་རེད་ཅེས་བཤད་པ་དེ་དག་འཁྱོག་བཤད་ཆེན་པོ་

རེད་བསམ་གྱི་ཡོད། རང་དོན་རང་གཅེས་བྱས་ནས་དགེ་ལུགས་ཀྱི་བསྟན་བདག་ལྷན་ཚོགས་དང་། རྒྱལ་སྤྱིའི་ དགེ་ལུགས་ལྷན་ཚོགས་སོགས་ཐུགས་འཁུར་གནང་མཁན་ལ་དངོས་གནས་ལེགས་སོ་ཞུ་རྒྱུ་རེད། ལོ་རྒྱུས་

ཐོག་ལ་ཡིན་ནའང་དགོས་པ་ཞིག་རེད། དཔེ་ཡག་པོ་བྱུང་འདུག གཅིག་བྱས་ན་ན་ཚ་བཏང་ས་རང་ལ་ཕོག་པ་

ཡིན་ན་ངས་འགྲིག་པ་རེད་བསམ་གྱི་འདུག དོན་ཐོག་ལ་སྨིན་པ་དང་། ནད་ཐོག་གཙག་འཁེལ་བྱུང་བ་རེད་བསམ་ གྱི་འདུག

འཁྱོག་བཤད་ག་ཚོད་བྱས་པ་དང་ངོ་རྒོལ་ག་ཚོད་བྱས་པ་ཡིན་ནའང་ངས་སྡོམ་དེ་ག་རེ་ཞུ་གི་ཡོད་ཟེར་

ན། རི་རྒྱལ་ལྷུན་པོ་ལ། སྦྲང་མས་གཤོག་ཆགས་ཐེབས་ཀྱི་མ་རེད། ཚང་མས་མཁྱེན་པ་གནང་དགོས་ཀྱི་འདུག་ ཟེར་རྒྱུ་ཡིན།

243

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

མཐའ་མ་སྐུ་ཕྱྭ་དང་འབྲེལ་བ་ཡོད་པའི་ཐོག་ནས་སྤྱིར་བཏང་གོང་དུ་ཞུས་པ་ཡིན། དོལ་རྒྱལ་དེ་༸རྒྱལ་བ་

རིན་པོ་ཆེའི་སྐུ་ཕྱྭའི་ཐོག་ལ་ཉེན་ཁ་ཆེ་ཤོས་ཡིན་པ་དང་། བོད་མིའི་ཆིག་སྒྲིལ་ཐོག་གནོད་སྐྱོན་ཆེ་ཤོས་ཆགས་ ཡོད། ད་ལན་ཨ་རིའི་ཆིབས་བསྒྱུར་དེ་ནི་ནམ་རྒྱུན་དང་མི་འདྲ་བར་དུས་ཡུན་རིང་པོ་བྱུང་བ་དང་ས་གནས་མང་

པོ་ཞིག་ལ་མཛད་འཆར་བྱུང་ཡོད། ཆིབས་བསྒྱུར་ཐོག་མཐའ་བར་གསུམ་ལ་ཧ་ལས་པ། ཨ་རིའི་སྲིད་འཛིན་

དང་། གྲོས་ཚོགས་གོང་འོག་གི་འཐུས་མི་མཇལ་རྒྱུས་མཚོན་པའི་ཧ་ཅང་ཡག་པོ་བྱུང་སོང་། ཁེ་ལི་ཧྤོ་ན་ཡའི་

California ཟ་ཁང་གི་གནས་ཚུལ་དེའི་ཐོག་ལ་དགོངས་ཚུལ་ཤུགས་ཆེན་པོ་གནང་སོང་། དེ་བྱུང་ནས་ཆུ་ཚོད་

གཉིས་གསུམ་རྗེས་ལ་ང་རང་སྲུང་སྐྱོབ་དང་འབྲེལ་བ་ཡོད་པའི་ཆ་ནས་ཁ་པར་གཅིག་སླེབས་སོང་ལ། དྲ་རྒྱ་བལྟ་ ཤེས་ཀྱི་མེད་ཀྱང་ཆེད་དུ་མངགས་ནས་ཕྱིན་ནས་དེ་བལྟས་པ་ཡིན། བལྟས་ཚར་པ་དང་ལམ་སེང་ས་གནས་ས་

ཐོག་ལ་འབྲེལ་བ་བྱས་ནས་གནས་ཚུལ་དེའི་སྐོར་ལ་མ་འཐུས་པའི་སྐོར་ལ་འགྲེལ་བཤད་བརྒྱབ་པ་ཡིན། དེ་རྗེས་

བཀའ་ཤག་ནང་གོ་བསྡུར་སྔ་རྗེས་མང་པོ་བྱུང་བ་རེད། ས་གནས་ས་ཐོག་ནས་དེའི་སྐོར་ལ་སྙན་ཐོ་ཡང་འབྱོར་ ཡོད།

གྲོས་ཆོད་ནང་ལ་ཞིབ་འཇུག་མཐིལ་ཕྱིན་པ་གནང་དགོས་པ་རེད་གསུངས་ཡོད། དེའི་ཐོག་གང་ཡང་ཞུ་

རྒྱུ་མེད། ཞིབ་འཇུག་གནང་ནས་ལག་བསྟར་ག་རེ་དགོས་པ་དེ་གནང་རྒྱུ་རེད་བསམ་གྱི་འདུག ཡིན་ནའང་སྲུང་ སྐྱོབ་རིག་པའི་ཐོག་ནས་བལྟས་པ་ཡིན་ན། སྟབས་ལེགས་ནས་དེ་རིང་སྐད་འབོད་བྱས་པ་དང་། དམའ་འབེབས་

བྱེད་རྒྱུའི་བསམ་བློ་བཏང་ནས་གྲ་སྒྲིག་ཡོད་པ་འདྲ་པོ་ཞིག དེ་ནི་ང་རང་ཚོ་ཚང་མས་བརྙན་འཕྲིན་བལྟས་པ་ ཡིན་ན་མཐོང་རྒྱུ་ཡོད། ཡིན་ནའང་ཉེ་པོ་དེ་ཙམ་སླེབས་ཚར་དུས་སྐུ་ཕྱྭ་ལ་ཉེན་ཁ་བྱེད་མཁན་ཞིག་ཡིན་ན། གོ་ སྐབས་ཆ་ཚང་རག་ཡོད་པ་ཞིག་ལ་ངོས་འཛིན་ཞུ་གི་ཡོད། འཐུས་ཤོར་ཕྱིན་པ་ཞིག་རེད། སྟབས་ཡག་ནས་དེ་ རིང་གང་ཡང་བྱུང་ཡོད་པ་མ་རེད། དེ་འདྲའི་གནས་སྟངས་མ་བྱུང་བ་དེ་ང་རང་ཚོ་ཚང་མའི་བསོད་ནམས་རེད་ དྲན་གྱི་ཡོད། དེར་བརྟེན་གྲོས་ཆོད་ཐོག་ལ་དམིགས་བསལ་ཞུ་རྒྱུ་མི་འདུག

མཐའ་མ་འབོད་བསྐུལ་དང་། དེ་ནས་གལ་ཆེ་བ་ཞིག་ལ་ད་ལྟ་༸སྐྱབས་མགོན་རིན་པོ་ཆེའི་ངོས་ནས་

དང་། བོད་མིའི་སྒྲིག་འཛུགས་ཀྱི་ངོས་ནས་དེའི་སྐོར་ལ་སྲིད་བྱུས་ཧ་ཅང་ཁ་གསལ་པོ་རེད། སྔ་འགྱོད་ཕྱི་སྡོམ་

བྱེད་མཁན་དང་ལམ་ནོར་ལྡོག་ཤེས་བྱེད་མཁན་ཡོད་པ་ཡིན་ན། སྡིག་པ་ལ་ཡང་བཤགས་ན་དག་རྒྱུ་ཡོད་ ཟེར་བ་ལྟར། དེ་འདྲ་ག་དུས་བྱེད་མཁན་ཡོད་པ་ཡིན་ནའང་དགའ་བསུ་ཞུ་གི་ཡོད། རེ་གཉིས་དོལ་རྒྱལ་བསྟེན་ 244

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

མཁན་ནང་ལ་ཕར་འགྲོ་མཁན་ཡོད་ནའང་དེ་རང་རེད། རང་དབང་རེད། ཕྱི་ལོ་ ༢༠༠༨ རྗེས་ལ་གནས་སྟངས་ གསལ་པོ་ཆགས་པའི་རྗེས་སུ་ཡང་མི་གང་ལ་གང་ཙམ་ཞིག་སྤང་བླང་ཚུལ་བཞིན་བྱས་ནས་ཚུར་ཡོང་མཁན་

བྱུང་ཡོད་པ་རེད། དེ་འདྲ་བྱེད་མཁན་ཚོའི་སེམས་ནང་ལ་ཡང་ཞེད་སྣང་ཆེན་པོ་བྱེད་ཀྱི་འདུག དེ་ཙམ་ཞེད་སྣང་

བྱེད་དགོས་པ་གང་ཡིན་ནམ་བསམ་བྱུང་ཡང་། ཁོ་རང་ཚོ་དོལ་རྒྱལ་ཚོགས་པའི་ནང་ལ་བསྡད་མྱོང་ཡོད་པས་ ཁོ་ཚོའི་བྱེད་སྟངས་ཤེས་ཀྱི་ཡོད་པས་རེད། ཁོ་ཚོའི་ནང་ལ་བླ་ཆེན་མི་ཆེན་དེ་འདྲ་ཡོད་པ་རེད།

རྩ་བའི་ངས་དམངས་ཁྲོད་ཁ་བརྡའི་སྐོར་གྲོས་ཚོགས་ཐེངས་མང་པོའི་ནང་ལ་ལན་མང་ཞུས་ཟིན་པ་རེད།

དེའི་ནང་ལ་༸རྒྱལ་བ་རིན་པོ་ཆེ་དང་བོད་མིའི་སྒྲིག་འཛུགས་ལ་དམའ་འབེབས་བྱེད་རྒྱུ་དང་། ཁ་གཏོང་མཁན་

གཅིག་རག་ན་སུ་ཡིན་ནའང་གདན་འདྲེན་ཞུ་བཞིན་ཡོད། བཤད་བཅུག་གི་ཡོད་པ་རེད། དོལ་རྒྱལ་དང་ང་རྩ་བ་ ཉིད་ནས་འབྲེལ་བ་མེད་ཅེས་སོ་སོའི་ཁ་ནས་བཤད་བཞིན་དུ་སྡིངས་ཆ་དེ་བེད་སྤྱོད་བཏང་ནས་ཤོད་མཁན་དེའི་ ནང་ཡོད་པ་རེད། རྣམ་པ་ཚོས་ཐུགས་སྣང་བྱུང་ཡོད་ཀྱི་རེད། ང་དོལ་རྒྱལ་དང་འབྲེལ་བ་མེད། འོན་ཀྱང་༸རྒྱལ་ བ་རིན་པོ་ཆེའི་བཀའ་སློབ་གནང་སྟངས་ཁྱོན་ནས་ཡག་པོ་མ་རེད་ཟེར་བ་སོགས་འབར་རེ་འབུར་རི་བཤད་ཀྱི་ ཡོད་པ་རེད། དེ་ཚོའི་གྲས་རྣམ་པ་ཚོ་ཚང་མས་གྲོས་ཆོད་ནང་ཡོད་པ་གཞིར་བཟུང་ལོ་རྒྱུས་ཀྱི་ནག་ཐིག་ཡིན་

པ་གཟིགས་ཀྱི་ཡོད་ན། མི་སུ་དང་སུ་རེད། ངོ་ཐག་ཆོད་པ་དང་། མཁྱེན་པ་དགོས་པ་གལ་ཆེན་པོ་རེད། གཅིག་ བྱས་ན་མི་དེ་ཚོའི་གྲས་སྙིང་རྗེའི་ཡུལ་རེད། བྱས་ཙང་ད་ལྟ་གསལ་པོ་ཞུ་དགོས་པ་གང་ཡིན་ཟེར་ན། སྤང་བླང་ ཚུལ་བཞིན་བྱེད་མཁན་ཡོད་པ་ཡིན་ན། ག་དུས་ཡིན་ནའང་ཕྱིས་དྲགས་ཡོད་པ་མ་རེད་བསམ་གྱི་འདུག

རྒྱ་ནག་གུང་ཁྲན་ཏང་གིས་བཤད་པའི་སྐད་ཆ་ཞིག་ཡོད་པ་རེད། རྒྱལ་གཅེས་བྱེད་པར་སྔ་རྗེས་མེད།

ཟེར་བ་ཞིག་ཡོད་པ་རེད། རྒྱལ་གཅེས་བྱེད་ཟེར་གྱི་ཡོད་པ་མ་རེད་ཀྱང་། སོ་སོ་དམྱལ་བར་མི་འགྲོ་རྒྱུའི་ཆེད་

དུ་ལམ་ནོར་ལྡོག་ཤེས་བྱེད་ཤེས་པ་ཡིན་ན། ཡག་པོ་རེད་བསམ་གྱི་ཡོད། ག་དུས་ཡིན་ནའང་དགའ་བསུ་ཞུ་རྒྱུ་

ཡིན། གོ་སྐབས་ཚང་མར་ཡོད་པ་རེད་བསམ་གྱི་ཡོད། ཡིན་ནའང་སྒྲིག་འཛུགས་གཅིག་གི་ནང་ལ་བསྡད་ཡོད་

པར་བརྟེན་དེ་ནས་ཕྱིར་དོན་མི་ཤེས་པའི་གནས་སྟངས་དང་། ཕྱིར་དོན་རྒྱུར་ཞེད་སྣང་བྱེད་མཁན་མང་པོ་ཡོད་ པ་མཐོང་གི་འདུག བྱས་ཙང་མ་འོངས་པར་དོལ་རྒྱལ་ཚོགས་པའི་གནས་ཚུལ་དེ་ད་ཆ་གང་འདྲ་ཡིན་མིན་ཚང་ མས་དེ་རིང་ཉིན་ཧྲིལ་པོ་གྲོས་ཚོགས་ནང་གསལ་པོ་བྱས་ནས་བཀའ་གནང་སོང་། སྟོབས་ཆེན་རྒྱལ་ཁབ་ཀྱིས་ བཟོ་མི་དགོས་པར་ལག་ཆ་རང་སྒྲིག་ཆགས་ནས་ཡོད་པ་དང་། བེད་སྤྱོད་ཚུལ་བཞིན་དུ་བྱེད་ཀྱི་ཡོད་པ། མཐའ་ 245

དཔལ་ལྡན་བདེ་སྲུང་བཀའ་བློན་མཆོག་གི་གསུང་བཤད།

ན་གུང་ཁྲན་ཏང་གིས་བརྗོད་མི་བདེ་པའི་གནས་ཚུལ་མང་པོ་ཞིག་དོལ་རྒྱལ་ཚོགས་པའི་མི་དེ་ཚོའི་ཁ་ནས་ བཤད་ཀྱི་ཡོད་པ། རང་ལུས་མེར་བསྲེགས་སྐོར་ལ་ཡིག་ཐོག་ནས་རྩོམ་ཡིག་བྲིས་པ་དང་། འདོན་ས་ཡང་རྒྱ་ ནག་གི་བརྒྱུད་ལམ་ཁག་ནས་ཐོན་གྱི་ཡོད་པ་རེད། དེ་ཚོ་ཚང་མར་ཐུགས་སྣང་གནང་བ་ཡིན་ན་མ་མཁྱེན་པའི་

གནས་ཚུལ་གང་ཡང་ཡོད་པ་མ་རེད་བསམ་གྱི་ཡོད། བྱས་ཙང་དེ་རིང་སྐུ་ཕྱྭའི་ཐོག་ལ་འབྲེལ་བ་ཡོད་པ་བཀུར་

འོས་སྤྱི་འཐུས་མང་པོས་ཐུགས་ཚོར་ཆེན་པོས་བཀའ་སློབ་མང་པོ་གནང་སོང་། དེ་དག་སེམས་བཅངས་ཞུ་ གི་ཡིན། གང་ཐུབ་ཅི་ཐུབ་ཞུ་རྒྱུ་དེ་ནི་འོས་བབ་དང་། ལས་འགན་ཡིན་པ་ཙམ་དུ་མ་ཟད། དུས་རྒྱུན་དུ་ཞུ་གི་ ཡོད། ང་རང་ཚོ་བོད་མི་ཚང་མར་འཁྲི་བའི་འགན་ཞིག་རེད། མིང་རྒྱབ་འཁུར་གྱི་འགན་ཞིག་འཁུར་མཁན་ལ་

ཨ་ཅང་བརྗོད་མེད། དེ་ཚོའི་གནས་བབ་གང་འདྲ་ཆགས་ཀྱི་ཡོད་པ་གྲོས་ཚོགས་མང་པོའི་ནང་ལ་ངས་སྔ་རྗེས་ ཡར་ལངས་ནས་ཞུ་མྱོང་བ་ཞིག་རེད། དེ་དག་བསྐྱར་ཟློས་མི་དགོས་པའི་ཐོག་ནས་དེ་རིང་ཚོར་ཤུགས་ཆེན་

པོས་དགོངས་འཆར་གནང་བ་དང་། བཀའ་སློབ་གནང་བ་དེ་དག་ཚང་མར་ཐུགས་རྗེ་ཆེ་ཞུ་རྒྱུ་ཡིན། ངས་ལུས་

པ་དང་ཆད་པ་དེ་འདྲ་ཡོད་ན་དཔལ་ལྡན་སྲིད་སྐྱོང་མཆོག་གིས་བཀའ་གནང་མདོག་ཁ་པོ་རེད་བསམ་གྱི་འདུག་

ལ། དེ་རིང་གྲོས་ཆོད་དེ་འདྲ་ཞིག་བསྣམས་ཕེབས་པ་དེར་འཛིན་སྐྱོང་ངོས་ནས་ཡག་པོ་བྱུང་འདུག་ཞེས་གནས་ ཚུལ་ཞུ་རྒྱུ་ཡིན། ཐུགས་རྗེ་ཆེ། །

246

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

ཕྱི་ལོ་ ༢༠༡༤ ཟླ་ ༧ ཚེས་ ༢༡ ཉིན་དཔལ་ལྡན་དགའ་ལྡན་ཕོ་བྲང་པ་ཆེན་པོའི་དྲུང་ཆེ་བློ་ བཟང་སྦྱིན་པ་མཆོག་གི་དོལ་རྒྱལ་སྐོར་གསུང་བཤད།

ཕྱི་ལོ་ ༢༠༡༤ ཟླ་ ༦ ཚེས་ ༧ རེས་གཟའ་སྤེན་པ་ཉིན་གྱི་ཕྱི་དྲོ་ཆུ་ཚོད་ ༣།༣༠ ནས་ ༥ བར་གངས་སྐྱིད་གཉའ་ཁྲི་

ཚོགས་ཁང་ནང་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་བོད་མིའི་སྒྲིག་འཛུགས་ཀྱི་སྲི་ཞུ་བ་རྣམས་ལ་<<དོལ་རྒྱལ་ སྐོར་ངོ་སྤྲོད་>> ཅེས་པའི་བརྗོད་གཞིའི་ཐོག་གསུང་བཤད།

༄༅། །ཐོག་མར་གོ་སྒྲིག་གནང་མཁན་བོད་ཀྱི་སྲིད་བྱུས་ཉམས་ཞིབ་ཁང་དང་། བོད་མིའི་སྒྲིག་འཛུགས་ཀྱི་ལས་ ཁུངས་ཁག་གི་དྲུང་ཆེ་རྣམ་པ། ལས་བྱེད་རྣམ་པ་བཅས་པར་འཚམས་འདྲི་ཞུ་བ་དང་སྦྲགས་དོལ་རྒྱལ་དང་འབྲེལ་

བའི་གནས་ཚུལ་མདོར་བསྡུས་ཤིག་སྙན་སེང་ཞུ་རྒྱུ་ཡིན། རྩ་བའི་དོལ་རྒྱལ་སྐོར་རྣམ་པ་ཚོས་མ་མཁྱེན་པ་དང་། 247

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

མ་གསན་པ་ཞིག་ང་ལ་གསར་པ་ཞུ་རྒྱུ་གང་ཡང་མེད། འོན་ཀྱང་རང་རང་སོ་སོར་ཕྱག་ལས་མི་འདྲ་བ་ཡོད་པར་

བརྟེན། ཐུགས་བསྙེལ་པ་འདྲ་ཡོད་ན། དྲན་གསོ་ལྟ་བུ་དང་། ཡང་བར་ལམ་ནས་ལས་བྱེད་གཞོན་པ་མང་པོ་ཕེབས་ ཡོད་པར་བརྟེན། དེ་དག་གི་མཁྱེན་རྟོགས་ཆེད་ངས་གསལ་བཤད་ཕྲན་བུ་ཞུ་རྒྱུ་ཡིན།

ཚང་མས་མཁྱེན་གསལ་རེད། དོལ་རྒྱལ་སྐོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐོག་མར་

ཕྱི་ལོ་ ༡༩༧༨ ལོར་བཀའ་སློབ་སྩལ་ཡོད་པ་རེད། དུས་དེ་ནས་བཟུང་ད་བར་ཧ་ལམ་མི་ལོ་ ༣༥ ལྷག་ཙམ་འགྲོ་ ཡི་ཡོད། དོལ་རྒྱལ་གྱི་གནད་དོན་ཐོག་མར་༸གོང་ས་ལྔ་པ་ཆེན་པོའི་སྐུ་དུས་སུ་བྱུང་ཞིང་། བོད་གཞུང་དགའ་

ལྡན་ཕོ་བྲང་པ་ཆེན་པོ་ཕྱི་ལོ་ ༡༦༤༢ ལོར་དབུ་བརྙེས་པ་རེད། དོལ་རྒྱལ་གྱི་གནས་ཚུལ་དེ་ཕྱི་ལོ་ ༡༦༥༦ ལོར་ སྤྲུལ་སྐུ་གྲགས་པ་རྒྱལ་མཚན་གཤེགས་རྗེས་ལྷགས་པ་ཞིག་རེད། སྐབས་དེར་དོལ་རྒྱལ་མ་གཏོགས་ཤུགས་

ལྡན་དང་། རྒྱལ་ཆེན་ཤུགས་ལྡན། རྡོ་རྗེ་ཤུགས་ལྡན་ལ་སོགས་པའི་མིང་མི་འདྲ་བ་མེད། དོལ་རྒྱལ་ཟེར་བའི་ མིང་དེ་ཐོབ་ཚུལ་ནི། དོལ་ཟེར་བ་བོད་ཀྱི་ལྷོ་ཁའི་ཁུལ་གྱི་ས་ཆ་གཅིག་གི་མིང་རེད། ཁོ་པ་དོལ་ཆུ་མིག་དཀར་ པོར་གནས་པར་བརྟེན་དོལ་རྒྱལ་ཞེས་བརྗོད་པ་རེད། སྤྱིར་ལུང་པའི་རྒྱལ་པོ་དང་། བཙན་པོ། མི་རྗེ། མིའི་གཙོ་

བོ་སོགས་ལ་རྒྱལ་པོ་ཞེས་བརྗོད་སྲོལ་ཡོད། འོན་ཀྱང་སྐབས་འདིའི་རྒྱལ་པོ་ཞེས་པ་ནི་མི་མ་ཡིན་དང་། འབྱུང་ པོ། དམ་སྲི་བཅས་ལ་གོ་དགོས། ཧིན་སྐད་དུ་ཚིག་མཛོད་ནང་བྷུཏ་ booth བྲིས་འདུག དེའི་དོན་ནི་གནོད་བྱེད་

གཟུགས་མེད་གདོན་བགེགས་ལ་གོ ༸གོང་ས་ལྔ་པ་ཆེན་པོས་དོལ་རྒྱལ་ཟེར་བ་དེ་བསྟན་པ་དང་འགྲོ་བར་གནོད་ ཅིང་འཚེ་བ་བྱེད་མཁན་ཞིག་ཡིན་པར་གཟིགས་ནས་དམ་བསྒྲགས་ཆེན་པོ་མཛད་ཡོད། འོན་ཀྱང་བར་ལམ་ནས་

དོལ་རྒྱལ་བསྟེན་མཁན་ཚོའི་དྲིལ་བསྒྲགས་ཡིག་ཆ་མང་པོའི་ནང་༸རྒྱལ་མཆོག་ལྔ་པ་ཆེན་པོས་དོལ་རྒྱལ་གྱི་

འཕྲིན་བསྐུལ་ལྗགས་རྩོམ་མཛད་ཚུལ་དང་། བལ་ཡུལ་གཉའ་ནང་འཕེལ་རྒྱས་གླིང་དུ་ཡོད་པའི་དོལ་རྒྱལ་གྱི་འདྲ་ སྐུ་དེ་༸རྒྱལ་བ་ལྔ་པ་ཆེན་པོའི་ཕྱག་བཟོ་རེད་ཅེས་འུད་སྒྲོག་བྱེད་བཞིན་ཡོད། ༸གོང་ས་ལྔ་པ་ཆེན་པོ་དོལ་རྒྱལ་

དམ་བསྒྲགས་མཛད་མཁན་ཐོག་མ་དེ་ཡིན་ཞིང་། གང་གི་གསུང་འབུམ་ཁག་ནང་དེ་འདྲ་གནང་བ་ཚིག་ཟུར་ཙམ་

ཡང་མི་གསལ། བར་ལམ་རྒྱ་ནག་ནས་ཐོན་པའི་ཡིག་ཆ་ཁག་གི་ནང་༸གོང་ས་ལྔ་པ་ཆེན་པོ་ནས་བཟུང་༸རྒྱལ་ བ་སྐུ་ཕྲེང་བཅུ་བཞི་པ་ཆེན་པོའི་བར་༸རྒྱལ་བ་སྐུ་ཕྲེང་རིམ་བྱོན་གྱིས་བསྟེན་པ་རེད་ཅེས་བཤད་འདུག་ཀྱང་དོན་ དངོས་ཐོག་༸རྒྱལ་མཆོག་ལྔ་པ་ཆེན་པོ་ནས་བཅུ་གསུམ་པ་ཆེན་པོའི་བར་སུ་གཅིག་གིས་བསྟེན་གནང་མཛད་ མེད།

248

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

༸རྒྱལ་དབང་ཁོངས་ནས་དོལ་རྒྱལ་དང་ཐོག་མར་འབྲེལ་བ་བྱུང་ས་དེ་༸རྒྱལ་བ་སྐུ་ཕྲེང་བཅུ་བཞི་པ་ཆེན་

པོ་ཡིན། ཕྱི་ལོ་ ༡༩༥༠ ཐམ་པའི་ལོ་མཇུག་ཏུ་ཆབ་མདོ་རྒྱ་ལག་ཏུ་ཤོར་བ་རེད། དེ་ཤོར་བའི་ཛ་དྲག་གི་གནས་

ཚུལ་ལ་བརྟེན་ནས་༸སྐྱབས་མགོན་རིན་པོ་ཆེ་ཉེན་གཡོལ་ཆེད་དུ་གྲོ་མོར་གདན་འདྲེན་ཞུས་ཏེ་གལ་ཏེ་གནས་ སྟངས་ད་དུང་སྡུག་ཏུ་སོང་ན་རྒྱ་གར་དུ་ཕེབས་ཆོག་དགོངས་བཞེས་གནང་ཡོད་པ་རེད། སྐབས་དེར་གློ་བུར་ དུ་ཆིབས་སྒྱུར་བསྐྱངས་དགོས་པའི་རྒྱུ་མཚན་གྱི་ཐོག་ནས་གནས་དགའ་གཉིས་ཀྱི་སྐུ་རྟེན་ཆིབས་ཞབས་ལྷན་

རྒྱས་ལ་བཅར་ཐུབ་མེད། དུས་ཚོད་གང་ཙམ་རྗེས་སྐུ་འཁོར་ནང་ནས་ཁག་ཅིག་གིས་ལྷ་སར་རྒྱ་མི་བསླེབས་ ཡོད་པར་བརྟེན་རྒྱ་གར་དུ་ཆིབས་སྒྱུར་བསྐྱངས་ན་མ་གཏོགས་འགན་བཟོད་ཀྱི་མ་རེད། ཅེས་པའི་དགོངས་

ཚུལ་གཅིག་དང་། ཁག་ཅིག་གིས་ལྷ་ལྡན་དུ་༸ཞབས་སོར་འཁོད་དེ་རྒྱ་མི་དང་ཞི་མཐུན་ཡོང་ཐབས་བྱེད་དགོས་ ཞེས་དགོངས་ཚུལ་མི་མཐུན་པ་ཁག་གཉིས་བྱུང་བ་རེད། དེ་སྐབས་༸གོང་ས་མཆོག་དགུང་ལོ་ ༡༦ རེད། དེ་

དང་འབྲེལ་བའི་བཀའ་སློབ་ནང་། དེའི་སྐབས་སུ་སྐུ་ན་ཕྲ་བ་དང་། འཇིག་རྟེན་གྱི་སྲིད་དང་། ཆོས་ཕྱོགས་ཀྱི་འགྲོ་ སྟངས་རང་མགོ་ཐོན་པ་གང་ཡང་མེད། ཅེས་བཀའ་ཕེབས་ཡོད་པ་ལྟར། ཛ་དྲག་གི་གནས་ཚུལ་དེ་འདྲའི་སྐབས་

སུ་ཅི་བྱས་ཐག་གཅོད་གནང་རྒྱུ་མཛད་དཀའ་བྱུང་བའི་སྐབས་དེར། བཞུགས་འཇགས་གནང་ཡུལ་གྲོ་མོ་དུང་ དཀར་དགོན་པ་ཡིན་པ་དང་། དུང་དཀར་དགོན་པའི་ནང་དུ་དོལ་རྒྱལ་གྱི་རྟེན་གཞི་ཡོད། ༸སྐྱབས་རྗེ་ཕ་བོང་ཁ་ པ་དང་མཚན་ཞབས་དར་ཧན་༸སྐྱབས་རྗེ་ཁྲི་བྱང་རིན་པོ་ཆེར་དད་ཞེན་སོགས་ཀྱིས་རྐྱེན་པས་འབྲེལ་བ་ཐོག་མ་ ཆགས་འདུག

ཕྱི་ལོ་ ༡༩༥༩ ལོར་རྒྱ་གར་དུ་ཆིབས་སྒྱུར་བསྐྱངས་ཏེ་ཐོག་མར་མ་སུ་རི་དང་། དེ་ནས་བཞུགས་སྒར་

ཕོ་བྲང་རྙིང་པར་བཞུགས་གདན་འཇགས་པ་རེད། ཕྱི་ལོ་ ༡༩༦༨ ལོར་ཕོ་བྲང་གསར་པར་སྤོ་གནང་མཛད་རྗེས་

གནས་ཆུང་ཆོས་རྒྱལ་ཆེན་པོས་དོལ་རྒྱལ་དང་འབྲེལ་བ་གནང་རྒྱུ་མཚམས་འཇོག་གནང་དགོས་པའི་གསོལ་ འདེབས་ཞུས་འདུག འོན་ཀྱང་༸གོང་ས་མཆོག་གིས་དོ་དོ་ཏན་ཏན་མཛད་ནས་ཐག་གཅོད་མཛད་རྒྱུའི་དགོངས་

བཞེས་མཛད་པ་མ་གཏོགས་གནས་ཆུང་གི་བཀའ་ལུང་ལ་ལམ་སེང་ཆ་འཇོག་གནང་མེད། དེ་ནས་བཟུང་དོལ་

རྒྱལ་མུ་མཐུད་བསྟེན་ན་དེར་སྐྱོན་ཞིག་ཡོད་པར་གཟིགས་ཏེ་སྔར་གྱི་ལོ་རྒྱུས་དང་། ༸རྒྱལ་བ་ལྔ་པ་ཆེན་པོའི་ སྐབས་དོལ་རྒྱལ་ཐོག་མར་བྱུང་སྟངས་རྣམ་ཐར་ཡོངས་རྫོགས་དང་། འབྲེལ་ཡོད་སྐྱེས་ཆེན་གཞན་གྱི་རྣམ་ ཐར་ཁག་ལ་ཐུགས་ཞིབ་དང་། དེ་བཞིན་ཆོས་ཕྱོགས་ནས་ཕྱག་མོ་དང་། ཟན་བརྟག གཟིམ་ལམ་གྱི་མཚན་མ་ 249

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

སོགས་ཐམས་ཅད་རྩེ་མཐུན་བྱུང་བ་ལྟར་ཕྱི་ལོ་ ༡༩༧༥ ལོ་མཇུག་ནས་དོལ་རྒྱལ་གྱི་བསྐང་གསོ་འཕྲིན་བསྐུལ་

གསུང་འདོན་གནང་རྒྱུ་བཞག་སྟེ་ཕྱི་ལོ་ ༡༩༧༨ ལོར་ཐོག་མར་གསལ་བསྒྲགས་མཛད་པ་ནས་བཟུང་བོད་པའི་ གཞིས་ཆགས་ཁག་དང་། ཆོས་སྒར་ཁག་བཅས་པར་དོལ་རྒྱལ་བསྟེན་གསོལ་བྱས་ན་ཁེ་ལས་གྱོང་ཆེ་བ་དང་། ཕན་ལས་གནོད་ཆེ་བ། དགེ་ལས་སྐྱོན་ཆེ་བ་ཡོད་པའི་སྐོར་སྔ་ཕྱི་བར་གསུམ་དུ་བླང་དོར་གྱི་བཀའ་སློབ་རིམ་

ཅན་དུ་ཕེབས་ཡོད། འོན་ཀྱང་ཉན་དང་མ་ཉན་མང་ཚོགས་རང་རང་སོ་སོའི་རང་དབང་གིས་ཐག་གཅོད་བྱེད་ རྒྱུར་བཞག་པ་གནང་བ་ལས་རལ་གྲི་གནམ་གཡུག་ལྟ་བུའི་ཐག་གཅོད་གང་ཡང་གནང་མེད།

དམ་བསྒྲགས་མཛད་དོན་བཀའ་སློབ་སྩལ་བ་ཁག་ནས་རྡོག་སྒྲུག་བརྒྱབ་སྟེ་ཞུས་ན། དང་པོ། དེ་༸རྒྱལ་

བ་ལྔ་པ་ཆེན་པོའི་སྐབས་སུ་བོད་གཞུང་དགའ་ལྡན་ཕོ་བྲང་པ་ཆེན་པོ་ཐོག་མར་དབུ་བརྙེས་པ་རེད། དེ་འདྲ་ ཡིན་དུས་ད་ལྟ་༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་༸རྒྱལ་བ་ལྔ་པ་ཆེན་པོའི་ཁྲིའི་སྟེང་བཞུགས་ཡོད་

པར་སོང་། ༸རྒྱལ་བ་ལྔ་པ་ཆེན་པོས་ཕྱག་ལས་དབུ་འཛུགས་མཛད་པ་དེ་མཇུག་སྐྱོང་གནང་རྒྱུ་དེ་ཁོང་གི་ ཐུགས་འགན་ཡིན་པ་དགོངས་ཀྱི་ཡོད། གཉིས་པ། ང་ཚོ་ཚང་མ་ནང་པ་སངས་རྒྱས་པ་རེད། ནང་པའི་གཞུང་

ནས་སྐྱབས་གནས་དཀོན་མཆོག་གསུམ་ཁས་ལེན་ཕྱིན་འཇིག་རྟེན་པའི་ལྷ་ལ་སྐྱབས་སུ་འགྲོ་ན་སྐྱབས་འགྲོའི་

བསླབ་བྱ་དང་འགལ་ཏེ་སྐྱབས་འགྲོ་སྟོང་གི་ཡོད། སྤྱིར་གཞུང་བསྟེན་སྲུང་མ་དམར་ནག་གཉིས་ལ་མཚོན་ན། དཔལ་ལྡན་ལྷ་མོ་འཇིག་རྟེན་ལས་འདས་པའི་སྲུང་མ་ཡིན་དུས་སྐྱབས་སུ་འགྲོ་ཆོག་གི་ཡོད། གནས་ཆུང་རྒྱལ་

བ་རིགས་ལྔའམ་བདེ་གཤེགས་རིགས་ལྔའི་ངོ་བོ་ཡིན་ནའང་རྣམ་པ་འཇིག་རྟེན་དྲེགས་པའི་ཚུལ་དུ་ཕེབས་ ཡོད་སྟབས། མི་དང་མ་སོང་ན་གྲོགས་པོ་བློས་ཐུབ་ཚད་ལྡན་ཞིག་ལ་ངོས་འཛིན་གྱིས་གྲོགས་དང་འཕྲིན་ལས་ བསྐུལ་ན་འགྲིགས་པ་རེད། འོན་ཀྱང་ཕྱག་འཚལ་བ་དང་སྐྱབས་སུ་སོང་ན་ནང་པའི་གྲས་ནས་རང་བཞིན་གྱིས་ བུད་འགྲོ་གི་ཡོད།

དོལ་རྒྱལ་བསྟེན་མཁན་ཚོས་ཐོག་མར་འཇམ་མགོན་རྒྱལ་བའི་བསྟན་སྲུང་ཡིན་ཞེས་བཤད། དེ་རྗེས་

ཡི་དམ་ཡིན་ཞེས་གསང་བ་འདུས་པ་ལྷ་ ༣༢ དང་དོལ་རྒྱལ་ལྷ་སོ་གཉིས་ངོ་བོ་གཅིག་མཚུངས་ཡིན་ལུགས་

བཤད། དེང་སང་སིངྒ་པུར་ནས་བཏོན་པའི་ཡིག་ཆ་དེ་དག་གི་ནང་ Buddha of Campassion, Intelligence and Healing ཞེས་སྙིང་རྗེ་དང་ཤེས་རབ། སོས་བྱེད་བཅས་པའི་སྟོན་པ་ཡིན་ཞེས་སྨྱོ་ལབ་བྱས་འདུག

མགོ་འབུལ་ལུས་འབུལ་བྱས་པ་དེ་ནང་ཆོས་ཀྱི་འགྲོ་སྟངས་དང་ཡོངས་སུ་འགལ་བ་རེད། ༸གོང་ས་ཆེན་པོས་ 250

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

གནས་ལུགས་མཁྱེན་པའི་ཐོག་ནས་ལམ་ནོར་ཡོ་བསྲང་གནང་རྒྱུ་གང་གི་ཐུགས་འགན་དུ་གཟིགས་ནས་ལམ་ སྟོན་གནང་བ་ཞིག་རེད། གསུམ་པ། རི་བོ་དགེ་ལུགས་པའི་བསྟན་པ་ཕྱི་གཙང་ནང་གཙང་དེ་བར་སྐབས་ནས་ལྷ་

ཀླུ་གསོལ་མཆོད་ཀྱི་ལམ་དུ་སོང་བར་དག་ཐེར་དང་། བཞི་པ། བོད་བསྟན་སྲིད་སྤྱིའི་འཕྲལ་ཕུགས་ཀྱི་བདེ་རྩར་

དགོངས་ནས་འཛེམས་ཟོན་དང་སྙན་ཅོག་འཇམ་ཐབས་དོར་ཏེ་སྤང་བླང་བཀའ་སྩལ་བ་ཞིག་རེད། ལྔ་པ། གཞུང་

བསྟེན་སྲུང་མ་དམར་ནག་གཉིས་དང་། སྐྱེས་བུ་གསུམ་གྱི་སྲུང་མ་དང་འཁོན་འགྲས་ཡོང་མུས་དེས་བོད་བསྟན་ སྲིད་སྤྱིར་གོད་ཆག་ཡོང་ཉེན་ཡོད། དྲུག་པ། ༸གོང་ས་༸སྐྱབས་མགོན་ཆེན་པོས་ཆོས་ལུགས་རིས་མེད་ཐོག་

ཐུགས་བརྩོན་གྱིས་ཆོས་ལུགས་རིས་མེད་ཕྱག་བཞེས་མཛད་བཞིན་ཡོད། ༸གོང་ས་མཆོག་གིས་རིས་མེད་ཀྱི་

བླ་མ་ཉི་ཤུ་རྩ་གྲངས་བསྟེན་གནང་མཛད་པའི་ནང་ནས་གཅིག་མ་གཏོགས་ཚང་མ་དོལ་རྒྱལ་ལ་དགག་པ་གནང་ མཁན་ཤ་སྟག་ཡིན།

དོལ་རྒྱལ་བསྟེན་ན་བསྟན་སྲིད་ལ་གནོད་ཀྱི་འདུག་ཅེས་པའི་དོན་ནི། ཕྱི་ལོ་ ༡༩༣༣ ལོར་༸རྒྱལ་

མཆོག་སྐུ་ཕྲེང་བཅུ་གསུམ་པ་ཆེན་པོ་ཞིང་གཤེགས་རྗེས་དོལ་རྒྱལ་བསྟེན་གསོལ་ཁྱབ་སྤེལ་ཤུགས་ཆེན་པོ་

ཆགས་པ་རེད། མདོ་སྨད་ཁུལ་ལ་ཞུ་རྒྱུ་མེད། འོན་ཀྱང་ཁམས་ཕྱོགས་དང་དབུས་ཀྱི་ས་ཁུལ་མང་པོའི་ནང་

དོལ་རྒྱལ་བསྟེན་གསོལ་ཤུགས་ཆེ་རུ་ཕྱིན་པ་དེས་བོད་གངས་ཅན་གྱི་ལྗོངས་ལ་ལྷག་པར་དུ་བཀའ་དྲིན་ཆེ་བ་

སློབ་དཔོན་རིན་པོ་ཆེའི་སྐུ་བརྙན་མང་པོ་ཆུར་གཡུག་སྟེ་གཏོར་བཤིག་བཏང་བ། དེ་བཞིན་པདྨ་བཀའ་ཐང་ལ་ སོགས་པ་མེར་སྲེག་པ། བཛྲ་གུ་རུ་བགྲང་ན་ཕན་ཡོན་མེད་རབས་སོགས་དྲིལ་བསྒྲགས་བྱས་པ། ལྡེབས་རིས་

ཐོག་རྙིང་མའི་ཞི་ཁྲོའི་ལྷ་ཚོགས་ཡོད་པ་དེ་དག་ནག་བསུབ་བཏང་བ་སོགས་བོད་མི་ནང་ཁུལ་ལ་རྙོག་དྲ་ཧ་ཅང་ ཆེན་པོ་ཞིག་བཟོས་ཡོད། གལ་ཏེ་དེ་སྐབས་དེང་སང་ནང་བཞིན་རླུང་འཕྲིན་དང་དྲ་རྒྱ། ཚགས་པར། ཁ་པར་

ལ་སོགས་པའི་མཐུན་རྐྱེན་ཡོད་པ་ཡིན་ན་རྙོག་དྲ་འབ་སུ་མ་འདུས་པ་ཡོང་སྲིད་པ་རེད། དེས་རྐྱེན་པས་བཅོམ་ ལྡན་འདས་ཀྱི་རྗེས་འཇུག་དགོན་སྡེ་ཕན་ཚུན་དང་། མི་མང་ནང་ཁུལ་མ་མཐུན་པ་དང་། གཅིག་གིས་གཅིག་ལ་

ཡིད་མ་ཆེས་པ་དང་། མ་དགའ་བ་བྱས་ཏེ་རྒྱང་ཐག་རིང་དུ་བཏང་བ་སོགས་གང་ལྟར་བོད་སྤྱིའི་ནུས་པ་ཁ་བྲལ་ ཏེ་རྡོག་ལ་སྒྲིལ་མ་ཐུབ་པར་དུམ་བུ་མང་པོ་ཞིག་ཆགས་ཉེན་ཡོད་པའི་རྒྱུ་མཚན་གྱིས་ཡིན།

དོ ལ ་རྒྱལ་རྗེ ས ་འབྲངས་པ་ཚོ ས ་ཡ་མཚན་པ་ཞི ག ་ལ་དགེ ་ ལུགས་པ་ཞི ག ་གི ས ་རྙི ང ་མ་དང་ས་སྐྱ།

བཀའ་བརྒྱུད་སོགས་ཆོས་ལུགས་གཞན་གསན་བསམ་བྱས་ན། དོལ་རྒྱལ་གྱིས་ཚར་གཅོད་བྱེད་ཀྱི་རེད། 251

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

ཅེས་ཞེད་སྣང་བསྐུལ་བ་ནི་དོན་དུ་ནང་འགལ་ཡིན། རི་བོ་དགེ་ལུགས་པའི་བསྟན་པའི་བདག་པོ་ཁམས་གསུམ་ ཆོས་ཀྱི་རྒྱལ་པོ་རྗེ་ཙོང་ཁ་པ་ཆེན་པོ་རེད། དགེ་ལུགས་ཀྱི་བསྟན་པ་མ་དར་གོང་རྙིང་མ་དང་བཀའ་བརྒྱུད།

ས་སྐྱ། བཀའ་གདམས་པ་བཅས་དར་ཡོད། རྗེ་རིན་པོ་ཆེ་རང་ཉིད་ཀྱིས་ཀརྨ་པ་རོལ་པའི་རྡོ་རྗེ་ལས་ཡོངས་

རྫོགས་དགེ་བསྙེན་གྱི་སྡོམ་པ་བཞེས་པ་དང་། ས་སྐྱའི་ཆོས་རྗེ་དོན་གྲུབ་རིན་ཆེན་གྱི་དྲུང་ནས་དགེ་ཚུལ་གྱི་ སྡོམ་པ་བཞེས་ཏེ་མཚན་བློ་བཟང་གྲགས་པ་ཞེས་གསོལ། འབྲི་གུང་སྤྱན་སྔ་བ་ཆོས་ཀྱི་རྒྱལ་པོ་ལས་ཐེག་ཆེན་ གྱི་སེམས་བསྐྱེད་ཞུས། ས་སྐྱ་བ་དཀའ་བཞི་ཚུལ་ཁྲིམས་རིན་ཆེན་ལས་བསྙེན་རྫོགས་ཀྱི་སྡོམ་པ་བཞེས། དེ་ བཞིན་རི་བོ་དགེ་ལུགས་པའི་ཐུན་མོང་མིན་པའི་ཕྱག་བཞེས་དཔལ་རྡོ་རྗེ་འཇིགས་བྱེད་ཀྱི་བཀའ་དབང་ཞུ་ས་དེ་

ཡང་ས་སྐྱའི་བླ་མ་ཞིག་ཡིན། གཞན་ཡང་རྗེ་ཙོང་ཁ་པ་ཆེན་པོས་གཞུང་ཆེན་གསན་ས་ས་སྐྱའི་བླ་མ་རྗེ་བཙུན་ རེད་མདའ་བ་གཞོན་ནུ་བློ་གྲོས་ཞེས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པ་དེ་ཉིད་དགེ་བའི་བཤེས་

གཉེན་གཙོ་བོར་བསྟེན། ཇོ་ནང་ཆོས་རྗེ་ལས་སྦྱོར་དྲུག་དང་བུ་སྟོན་དངོས་སློབ་ལས་དུས་འཁོར། རྙིང་མའི་ ཕྱོགས་ནས་གྲུབ་ཆེན་ལས་ཀྱི་རྡོ་རྗེའམ་ལྷོ་བྲག་གྲུབ་ཆེན་ལས་བཀའ་གདམས་ལམ་རིམ་སོགས་ཆོས་བཀའ་ མང་པོ་གསན་ཡོད།

ལྷག་པར་ཁོང་གིས་ལུང་བསྟན་པ་ལྟར་གདན་སའི་མཚན་ལ་རི་བོ་དགེ་ལྡན་པའམ་དགེ་ལུགས་ཞེས་

གསོལ་ཡོད། རི་བོ་དགེ་ལུགས་པས་གཙིགས་ཆེར་འཛིན་པའི་དཔལ་གསང་བ་འདུས་པ་ཡང་སྒྲ་སྒྱུར་གྱི་རྒྱལ་ པོ་མར་པ་ལོ་ཙཱ་བ་ཆོས་ཀྱི་བློ་གྲོས་ལས་བརྒྱུད་པ་ཞིག་ཡིན། དེར་བརྟེན་རྗེ་རིན་པོ་ཆེ་མ་ཕེབས་གོང་དུ་རྙིང་མ།

བཀའ་བརྒྱུད། ས་སྐྱ། ཇོ་བོ་བཀའ་གདམས་པ། ཇོ་ནང་། བུ་སྟོན་བཅས་ཀྱི་བླ་མ་བརྒྱ་དང་ལྔ་བཅུ་ཙམ་བསྟེན་

པ་གནང་ཡོད། དགེ་ལུགས་པའི་བསྟན་པའི་བདག་པོས་ཆོས་ལུགས་གྲུབ་མཐའ་དེ་དག་སྟོན་པ་བཅོམ་ལྡན་ འདས་ལས་བྱུང་བའི་ཆོས་ལུགས་གཅིག་གྱུར་ཡིན་པ་གཟིགས་ནས་ཆོས་ལུགས་དེ་དག་གི་བླ་མ་བརྒྱ་དང་ལྔ་

བཅུ་ཙམ་བསྟེན་པ་གནང་ནས་ཉམས་བཞེས་མཛད་མཁན་མཁས་པའི་ཕ་རོལ་ཏུ་ཕྱིན་པའི་སྐྱེས་ཆེན་ཞིག་གི་ རྗེས་འཇུག་ཡིན་ཟེར་མཁན་དེ་ཚོས་ཆོས་ལུགས་ཕན་ཚུན་ཉམས་བཞེས་གནང་ན་དོལ་རྒྱལ་གྱིས་གནོད་ཀྱི་

རེད། ཟེར་རྒྱུ་འདི་ནང་འགལ་ཤིན་ཏུ་ཆེན་པོ་ཞིག་རེད། བདུན་པ། ༸སྐྱབས་མགོན་རིན་པོ་ཆེ་གཞིས་ཆགས་

ཁག་མང་པོར་ཆིབས་སྒྱུར་བསྐྱངས་སྐབས་རྒན་རྒོན་དང་། ནད་གཅོང་སོགས་མང་དག་ཅིག་༸གོང་ས་མཆོག་ མཇལ་ཁར་བཅར་སྐབས་ཕལ་ཆེ་བས་དོལ་རྒྱལ་གྱིས་གནོད་པ་དང་། བར་ཆད་སོགས་ཡོང་ཚུལ་༸སྙན་སེང་ 252

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

ཞུ་མཁན་ཇི་སྙེད་ཅིག་བྱུང་ཡོད། བསྟན་པ་དེ་འཛིན་དང་བཅས་པ་སྲུང་མཁན་དངོས་གནས་ཤིག་ཡིན་ན། མི་ མང་ཉམ་ཆུང་དེ་དག་ལ་གྲོགས་དང་འཕྲིན་ལས་བྱེད་དགོས་པ་ལས་གནོད་པ་བསྐྱལ་དུས་བསྟན་པ་སྲུང་མཁན་ ཞིག་མིན་པའི་རྟགས་རེད། བརྒྱད་པ། དགེ་ལྡན་ལྟ་གྲུབ་གཙང་མར་ཉམས་བཞེས་མཛད་མཁན་རྩོད་མེད་ ཡོངས་གྲགས་ཀྱི་སྐྱེས་ཆེན་ཕལ་མོ་ཆེས་དོལ་རྒྱལ་བསྟེན་གསོལ་ཐོག་དམ་བསྒྲགས་ནན་པོ་མཛད་ཡོད་པ་

སྨོས་ཅི། ས་རྙིང་བཀའ་གསུམ་གྲུབ་མཐའ་རིས་མེད་ཀྱི་ཚད་ཐུབ་ཡོངས་སུ་གྲགས་པའི་སྐྱེས་ཆེན་དུ་མས་ཀྱང་ དོལ་རྒྱལ་གསོལ་མཆོད་ཐོག་དགག་བྱ་ཤུགས་ཆེ་གནང་ཡོད་པ་བཅས་པར་རྒྱབ་སྣོན་གནང་བ་ཞིག་ཡིན། རྒྱུ་ མཚན་དེ་དག་ལ་བརྟེན་ནས་༸གོང་ས་མཆོག་གིས་དམ་བསྒྲགས་མཛད་དགོས་བྱུང་བ་རེད།

དེ་ནས་བར་ལམ་དོལ་རྒྱལ་བསྟེན་མཁན་ཚོས་༸གོང་ས་མཆོག་གིས་ཆོས་དད་རང་མོས་སྤྲོད་ཀྱི་མི་

འདུག ཅེས་གནད་དོན་འདིའི་ཐོག་སྐད་ཅོར་ཤུགས་ཆེན་པོ་རྒྱག་བཞིན་ཡོད། ༸གོང་ས་མཆོག་གིས་སྩལ་བའི་ བཀའ་སློབ་སྔ་ཕྱི་བར་གསུམ་ལ་ཞིབ་འཇུག་བྱས་ན། ཆོས་བྱེད་དང་མ་བྱེད་རང་རང་སོ་སོའི་འདོད་པ་རེད། ཆོས་ བྱས་པའི་དབང་དུ་བཏང་ནའང་ཆོས་ལུགས་གང་ཞིག་བྱེད་མིན་སོ་སོའི་འདོད་པ་རེད། དེ་བཞིན་སྲུང་མ་གང་

བསྟེན་དང་མི་བསྟེན་ཡང་སོ་སོའི་རང་དབང་རེད། ཡིན་ནའང་དོལ་རྒྱལ་བསྟེན་མཁན་ཞིག་ཡིན་ཕྱིན་༸གོང་ས་ མཆོག་གི་དྲུང་ནས་ཆོས་ཉན་དུ་མ་ཡོང་ཞེས་དང་། དེ་བཞིན་༸གོང་ས་མཆོག་གི་སྐུ་དྲུང་ནས་དགེ་ཚུལ་སློང་གི་ སྡོམ་པ་ཞུ་བར་ཡོང་ན་འགྲིག་གི་མ་རེད་ཅེས་བཀའ་སྩལ་བ་བླ་མའི་སྐུ་དབང་ཡིན། ༸གོང་ས་མཆོག་གིས་ཡང་

ཡང་སྐུ་རྩེད་དང་སྦྲགས་ནས། ཁ་ཆེ་ཕ་ལུས་སྙིང་གཏམ་བཤད་ཡོད་དོ། ཉན་དང་མི་ཉན་སོ་སོའི་བསམ་བློ་རེད་ ཅེས་མཇུག་སྡོམ་མཛད་བཞིན་ཡོད། འོན་ཀྱང་དོལ་རྒྱལ་རྗེས་འབྲང་པ་ཚོས་བར་ལམ་དགོས་པའི་དབང་གིས་ ཆེད་མངགས་བཀག་འགོག་ Ban ཅེས་པའི་ཚིག་འདི་བེད་སྤྱོད་བྱས༌ནས་དོལ་རྒྱལ་བསྟེན་གསོལ་བཀག་ འགོག་མཛད་པ་དང་བསྟེན་ཆོག་གི་མེད་པའི་བཙན་བཀའ་བཏང་གནང་མཛད་པའི་སྐྱོན་བརྗོད་བྱེད་ཀྱི་ཡོད།

ཕྱོགས་གཞན་ནས་བཤད་ན། དོལ་རྒྱལ་བསྟེན་མཁན་གྱིས་༸རྒྱལ་བའི་བཀའ་ལ་བརྩི་གི་མེད་པས།

དམ་ཉམས་ཀྱི་ཉེས་པ་མི་འབྱུང་ཆེད་བླ་སློབ་གཉིས་ཀར་ཐུགས་འགན་བཞེས་པ་ཡིན། དམ་ཚིག་ཉམས་པ་ནི། ས་བོན་མེ་ཡིས་འཚིག་པ་ལ། མྱུ་གུ་ལྗང་ཁུ་མི་འབྱུང་བ་ཇི་བཞིན་ཕན་གནོད་ཀྱི་འབྲེལ་བ་ཆེན་པོ་ཡོད་པ་རྟེན་ འབྲེལ་ལྟོས་གྲུབ་ཡིན་པ་མཁྱེན་དགོས། ཁ་ཆེའི་ཆོས་བྱེད་མཁན་ཞིག་ལ་ཆ་བཞག་ན་ཤིཡཱ་ Shia དང་། སུ་ནི་ Sunni གཉིས་ཀ་ཁ་ཆེ་རེད། གཉིས་ཀས་ཀུ་རན་ཁས་ལེན་གྱི་ཡོད། འོན་ཀྱང་ཤི་ཡཱ་རྗེས་འཇུག་པས་སུ་ནིའི་ 253

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

སྲོལ་ལུགས་ལ་ཁས་ལེན་གྱི་མེད། དཔེ་དེ་བཞིན་དུ་ང་ལ་ཁང་པ་ཞིག་ཡོད་པ་ཆ་བཞག ངས་ཁང་གླ་གཏོང་སའི་ མོ་ཡན་དེ་ཚོར་ནག་ཚོང་རྒྱག་མཁན་དང་ཉལ་ཐག་འཐེན་མཁན་ལ་ཁང་གླ་གཏོང་གི་མིན་ཞེས་བཀག་པ་འདི་

ཁང་བདག་གི་དབང་ཚད་རེད། རྒྱ་ནག་དམར་པོའི་ཏང་གི་སྒྲིག་འཛུགས་ནང་ཆོས་ལ་དད་པ་བྱེད་མཁན་གཅིག་ ཡོད་པ་ཤེས་རྟོགས་བྱུང་བ་ཡིན་ན། ཏང་གི་སྒྲིག་འཛུགས་ནས་ཕྱིར་འབུད་དང་སྦྲགས་ཉེས་པ་གཏོང་གི་རེད། དེར་བརྟེན་ཆོས་ལུགས་གང་དང་གང་བྱས་ཀྱང་དེར་འགྲོ་སྟངས་ལམ་ལུགས་ཤིག་ཡོད་པ་དེའི་མཚམས་ལས་མ་

བརྒལ་བ་འགྲོ་དགོས་པ་ལས་དེ་དང་འགལ་བ་ཞིག་བྱས་པ་ཡིན་ན་མ་འགྲིག་པ་རེད། འོན་ཀྱང་ཡ་མཚན་ཤོས་ ཤིག་ལ་དོལ་རྒྱལ་རྗེས་འབྲང་པ་ཚོས་ཡང་ནས་ཡང་དུ་༸གོང་ས་མཆོག་གིས་བཀའ་མ་སྩལ་བ་ཞིག་བཀའ་སྩལ་

སོང་ཞེས་ཧམ་པ་ཆེ་མདོག་བྱེད་ཀྱི་འདུག དཔེར་ན། བོད་རྒྱ་ཞི་མོལ་གྱི་འབྲེལ་བར་ཆ་མཚོན་ན། ༸གོང་ས་ མཆོག་གིས་འདས་པའི་གནས་ཚུལ་གང་ཡིན་རུང་མིན་རུང་ད་ལྟའི་དངོས་ཡོད་གནས་ཚུལ་ཐོག་ང་ཚོས་གཉིས་ སྨན་དབུ་མའི་ཐབས་ལམ་ཐོག་ནས་རྩོད་ཀྱི་ཡོད། ཅེས་ཞེ་ས་མ་ཞུས་ན་མ་ཎི་ལྟར་བགྲང་བ་གནང་གི་ཡོད།

འོ ན ་ཀྱང་རྒྱ་དམར་ནས་ཆེ ད ་མངགས་དགོ ས ་པའི ་ དབང་གི ས ་༸གོ ང ་ས་མཆོ ག ་གི ས ་རང་བཙན་

དང་ཕྱེད་རང་བཙན། མངོན་པར་མི་གསལ་བའི་རང་བཙན། རྣམ་པར་འགྱུར་བའི་རང་བཙན་བཅས་རྩོད་ཀྱི་ ཡོད་ལུགས་རང་སྣང་གང་དྲན་གྱི་འགྲེལ་བཤད་འདྲ་མིན་སྣ་ཚོགས་རྒྱག་པ་ཇི་བཞིན་དོལ་རྒྱལ་རྗེས་འབྲང་པ་ ཚོས་ཀྱང་༸གོང་ས་མཆོག་གིས་དོལ་རྒྱལ་བསྟེན་གསོལ་ཆོག་གི་མ་རེད། ཅེས་བཀག་སྡོམ་མཛད་པའི་སྐྱོན་ འཛུགས་ཞུ་བཞིན་ཡོད། དེ་ཚོ་དངོས་འབྲེལ་ཡིན་མིན་མོན་གྷོ་ལྟ་བུར་མཚོན་ན། ཤར་དགའ་ལྡན་གྱིས་དོལ་

རྒྱལ་བསྟེན་གསོལ་བྱས་དང་བྱེད་བཞིན་པ་རེད། བསྟེན་གསོལ་བྱེད་ཆོག་དང་མི་ཆོག་ཟེར་ནས་རྩོད་པ་རྒྱག་

མཁན་སུ་གཅིག་མེད། དེ་བཞིན་སྦེལ་ཀོབ་ཏུ་སེར་སྤོམ་ཟེར་བའི་ནང་དུ་དོལ་རྒྱལ་བསྟེན་གསོལ་བྱས་དང་བྱེད་ མུས་རེད། ཁོང་ཚོར་དོལ་རྒྱལ་བསྟེན་གསོལ་ཆོག་གི་མ་རེད། ཅེས་སུ་གཅིག་གིས་བརྗོད་མྱོང་མེད། དབྱིན་ ཡུལ་སྐལ་བཟང་རྒྱ་མཚོའི་ཆོས་ཚོགས་ནང་༸རྒྱལ་བ་རིན་པོ་ཆེའི་སྐུ་དཔར་བཤམས་ན་འགྲིག་གི་མེད། ངའི་

མདུན་ནས་ཆོས་ཉན་ཕྱིན་ཆད་༸རྒྱལ་བ་རིན་པོ་ཆེའི་སྐུ་མདུན་ནས་ཆོས་ཞུས་ན་འགྲིག་གི་མ་རེད། ཅེས་

ཁྱབ་བསྒྲགས་བྱས་ཡོད། དེ་ལ་རྩོད་པ་རྒྱག་མཁན་སུ་གཅིག་མེད། ཁོ་རང་ཚོས་དེ་ལྟར་བྱེད་ཆོག་པ་ཞིག་

ལ། ༸སྐྱབས་མགོན་རིན་པོ་ཆེས་དོལ་རྒྱལ་སྐོར་བཀའ་སློབ་ཕེབས་པར་ཁོང་ཚོས་ཆེད་མངགས་གནས་ཚུལ་ ཆེན་པོ་བཟོས་ནས་བེད་སྤྱོད་ལོག་པ་གཏོང་གི་འདུག བྱེད་སྟངས་དེ་ཚོ་ང་ཚོས་གསལ་པོ་ཤེས་པ་བྱ་རྒྱུ་གནད་ 254

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

འགག་མཐོང་གི་འདུག

བར་ལམ་ནས་དོལ་རྒྱལ་བསྟེན་མཁན་ཚོས་ཁ་ནས་དོལ་རྒྱལ་དང་ཆོས་དད་རང་མོས་ཟེར་གྱི་ཡོད་

ཀྱང་། དོན་དངོས་ཐོག་༸རྒྱལ་བ་རིན་པོ་ཆེར་ཐད་ཀར་དམིགས་ནས་ Target ཉེས་འཛུགས་བྱེད་ཀྱི་ཡོད། རྒྱ་

གཞུང་གི་སྲིད་བྱུས་ལ་ང་ཚོས་ཉམས་ཞིབ་བྱས་ན། ཕྱི་ལོ་ ༡༩༩༣ ལོར་ཟི་ཁྲོན་གྱི་གྲོང་ཁྱེར་ཁྲིན་ཏུར་རྒྱ་གཞུང་

གིས་གསང་བའི་ཚོགས་འདུའི་ཐོག་གྲོས་ཆོད་གཅིག་བཞག་པའི་ནང་། ཆོས་ལུགས་ཀྱི་སྒྲིག་འཛུགས་ཁག་ནང་

འཛུལ་ཞུགས་ཐེ་ཇུས་ཀྱིས་བོད་མིའི་ལས་འགུལ་ཁ་བྲལ་གཏོང་རྒྱུ་ཞེས་གསལ་འདུག ཆོས་ལུགས་ཀྱི་ལས་ འགུལ་ཟེར་དུས་དོལ་རྒྱལ་བསྟེན་མཁན་ཚོས་སྤྱོད་པ་སློག་སྟེ་བོད་མིའི་སྤྱི་ཚོགས་ནང་རྙོག་དྲ་བཟོ་མུས་ཀྱི་སེར་

ཀ་གང་དུ་ཡོད་པ་དེའི་དཀྱིལ་དུ་འཚང་ནས་ཆེ་རུ་གཏོང་ཐབས་ཀྱི་སྲིད་བྱུས་བཟུང་བ་ཞིག་ཡིན། ཕྱི་ལོ་ ༡༩༩༨ ལོར་སླར་ཡང་ཟི་ཁྲོན་གྱི་གྲོང་ཁྱེར་ཁྲིན་ཏུར་གསང་ཚོགས་ཀྱི་ཡིག་ཆ་ཨང་ ༡༡ ནང་དོལ་རྒྱལ་ཚོགས་པ་དང་ འབྲེལ་བ་དམ་ཟབ་བྱ་རྒྱུ་ཞེས་ཚིག་ཁ་གསལ་པོ་བཀོད་འདུག ཕྱི་ལོ་ ༢༠༡༠ ལོར་ཀྲུང་གོའི་བོད་རིག་པའི་དུས་

དེབ་ཅེས་པ་གཞུང་འབྲེལ་དུས་དེབ་འདོན་ཐེངས་གཉིས་པའི་ནང་ཏཱ་ལའི་རུ་ཚོགས་དང་འགྲན་རྒོལ་བྱེད་ཐུབ་ པའི་ཕྱི་སྡོད་བོད་རིགས་སྤུན་ཟླའི་སྟོབས་ཤུགས་གསོ་སྐྱོང་བྱེད་རྒྱུ་ཞེས་འཁོད་འདུག དེ་དག་གིས་ག་རེ་མཚོན་

གྱི་འདུག་ཅེ་ན། བོད་ཕྱི་ལ་ཡོད་པའི་བཙན་བྱོལ་ནང་༸རྒྱལ་བ་རིན་པོ་ཆེ་དང་། བོད་མིའི་སྒྲིག་འཛུགས་ལ་ཁ་ གཏད་དང་། གདོང་ལེན། ངོ་རྒོལ་བྱེད་མཁན་དེ་ཚོ་བདག་པོ་བརྒྱབ་སྟེ་གསོ་སྐྱོང་བྱེད་དགོས་ཞེས་ཁ་གསལ་པོ་ བྱས་ཏེ་བཤད་འདུག

ཕྱི་ལོ་ ༢༠༡༡ ལོར་པེ་ཅིང་དུ་ཚོགས་འདུ་ཞིག་གི་སྐབས་སུ་འཐབ་ཕྱོགས་གཅིག་གྱུར་གྱི་ལས་

བསྡོམས་ནང་དོལ་རྒྱལ་བསྟེན་གསོལ་ཐོག་འབྲེལ་བ་གང་འདྲ་བྱས་དང་། འགྲོ་གྲོན་གང་བཏང་བ་སོགས་ཁོང་

ཚོའི་ལས་བསྡོམས་ནང་གསལ་ཡོད། བར་ལམ་ནས་དོལ་རྒྱལ་བསྟེན་མཁན་ཚོའི་ལས་འགུལ་མང་པོ་ཞིག་རྒྱ་ གཞུང་གི་སྲིད་བྱུས་དང་མཚུངས་པ་བྱེད་ཀྱི་འདུག འགྲེལ་བཤད་རྒྱས་པོ་དགོས་གལ་མི་འདུག ཉེ་ཆར་བོད་

ཀྱི་བང་ཆེན་ཚགས་པར་ནང་དོལ་རྒྱལ་སྐོར་རྩོམ་ཡིག་ཅིག་མཐོང་བྱུང་། དེའི་ནང་ཨ་རིར་ཡོད་པའི་དོལ་རྒྱལ་

བསྟེན་མཁན་སྣག་བོ་རྒྱ་མཚོས། ང་ཚོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་གང་བཤད་པར་ཉན་ དགོས་ཞེས་བཤད་པ་ལུང་འདྲེན་བྱས་འདུག དེས་གང་སྟོན་གྱི་འདུག དཔེར་ན། གཞུང་ཞབས་པ་རྣམས་ཀྱིས་ བཀའ་ཤག་གི་བཀའ་བསྒྲུབ་དགོས་བརྗོད་དུས། ལས་བྱེད་པ་ཡིན་པའི་ཆ་ནས་ལས་འགན་དུ་གོ་ཆོག བོད་ 255

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

གཞུང་གི་ཕོགས་ཟས་ནས་བོད་གཞུང་གི་ལས་དོན་སྒྲུབ་པ་ལྟར། ཁོ་པ་ཚོ་རྒྱ་གཞུང་གིས་བེད་སྤྱོད་བཏང་བ་ཧ་ ཅང་གསལ་པོ་རེད་མི་འདུག་གམ། དོན་དངོས་སུ་རྒྱ་གཞུང་གིས་གང་བཤད་པ་རྣམས་ལ་བརྩིས་དགོས་ཀྱི་རེད་ ཅེས་ཤོད་ཀྱི་ཡོད།

དོལ་རྒྱལ་ཚོགས་པས་ཡིག་ཆ་བཀྲམ་པ་དང་། གཏམ་བཤད་བྱས་པ་ཁག་གི་ནང་འབེན་ལྟ་བུ་དམིགས་

ས་༸སྐྱབས་མགོན་རིན་པོ་ཆེ་རེད་འདུག བོད་པའི་ནང་འཛམ་གླིང་སྤྱིས་མཐོང་ཡོད་པ་དང་། ཡིད་ཆེས། གུས་

བཀུར། ཆ་འཇོག་བཅས་ཞུ་ཡུལ་༸རྒྱལ་བ་རིན་པོ་ཆེ་ཡིན་པ་དང་། དེ་བཞིན་བོད་ནང་ཡོད་པའི་བོད་ཆོལ་ཁ་ གསུམ་གྱི་ཁྱོན་ལ་གནས་པའི་བོད་རིགས་ཡོངས་རྫོགས་ཀྱིས་གློ་སྙིང་བྲང་གསུམ་བསྟན་ས་༸རྒྱལ་བ་རིན་པོ་

ཆེ་ཡིན་པ་བཅས་ཁོང་ཚོས་ཤེས་ཀྱི་ཡོད། ཁོང་སྤྱི་ཚོགས་དང་ཁ་བྲལ་ཐབས་དང་། མཚན་ཤས་བཟོ་ཐུབ་ན་ ཁོང་ཚོའི་དམིགས་ཡུལ་འགྲུབ་པ་ཙམ་མ་ཟད་རྒྱ་དམར་ལ་དགོས་རྒྱུ་ཡང་དེ་རེད། ཁོང་ཚོས་༸སྐྱབས་མགོན་

རིན་པོ་ཆེའི་སྐུ་རྒྱུད་བོད་པ་གཙང་མ་མ་རེད་ཟེར་བ་དང་། འཕགས་པ་སྤྱན་རས་གཟིགས་ཀྱི་རྣམ་སྤྲུལ་མིན་པ། ༸གོང་ས་སྐུ་ཕྲེང་བཅུ་གསུམ་པའི་ཡང་སྲིད་མིན་ལུགས་སོགས་རང་སྣང་གང་དྲན་བཤད་ཡོད།

༸གོང་ས་༸སྐྱབས་མགོན་ཆེན་པོའི་སྐུ་རྒྱུད་སྔར་ཆོས་རྒྱལ་གྱི་སྐུ་དུས་བོད་དབུས་འཕན་པོའི་ཕྱོགས་

ནས་ས་སྲུང་དུ་བཏང་བའི་དམག་མི་ལས་མཆེད་པ་ཡིན། བོད་གངས་ཅན་གྱི་ཞིང་འདི་སྤྱན་རས་གཟིགས་ཀྱི་

འདུལ་ཞིང་དུ་༸རྒྱལ་བའི་ལུང་གིས་ཟིན་པ་ཁས་ལེན་བྱེད་དམ་མི་བྱེད། དེ་བཞིན་རྩོད་མེད་ཀྱི་མཁས་གྲུབ་པཎ་

ཆེན་ཡེ་ཤེས་རྩེ་མོ་དང་། ལོ་ཆེན་ཐུགས་རྗེ་དཔལ་བ་གཉིས་ཀྱིས་རྗེ་དགེ་འདུན་གྲུབ་པ་འབྲོམ་སྟོན་རྒྱལ་བའི་ འབྱུང་གནས་ཀྱི་རྣམ་སྤྲུལ་དུ་བསྒྲུབ་པར་རིས་མེད་ཀྱི་སྐྱེས་ཆེན་ཀུན་གྱིས་ཚད་མར་ཞལ་བཞེས་གནང་ཡོད་

པར་མ་ཟད། འབྲོམ་སྟོན་སྤྱན་རས་གཟིགས་ཀྱི་རྣམ་སྤྲུལ་ཡིན་པ་བཀའ་གདམས་བུ་ཆོས་ནང་ཇོ་བོ་ཆེན་པོས་

གསུངས་པ་མ་མཐོང་བ་ག་ལ་སྲིད། དེ་བཞིན་༸གོང་ས་ཆེན་པོ་༸རྒྱལ་མཆོག་སྐུ་གོང་མའི་ཡང་སྲིད་ཡིན་པ་ལྷ་ བླའི་ལུང་བརྟག་དང་ངོ་མཚར་གྱི་མཚན་མ་སོགས་རྩེ་མཐུན་བྱུང་ཡོད། ཆོས་ཁས་ལེན་ན་ངོས་འཛིན་ཞུ་སྟངས་ དེ་འདྲ་རེད། དེ་མིན་ལས་བྱེད་བསྐོ་གཞག་གི་ལམ་ལུགས་ལྟར་གནས་སྤར་གནས་འཕོས་བྱས་པ་བཞིན་མ་ རེད།

༸སྐྱབས་རྗེ་ཁྲི་བྱང་རིན་པོ་ཆེས་༸རྒྱལ་མཆོག་སྐུ་གོང་མའི་ཡང་སྲིད་མིན་པ་ཞིག་གི་ཡོངས་འཛིན་དུ་

དབུ་འཁོར་བ་ལྟ་བུ་དོན་དུ་༸སྐྱབས་རྗེ་རིན་པོ་ཆེར་ཡང་ཤུགས་ལ་དམའ་འབེབས་བྱས་པ་མ་ཡིན་ནམ། དེ་ 256

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

བཞིན་བོད་ནང་རང་ལུས་མེར་སྲེག་གཏོང་མཁན་མང་པོ་བྱུང་བ་རེད། རང་གི་ལུས་དགའ་བཞིན་སྤྲོ་བཞིན་

བློས་གཏོང་མཁན་སུའང་མེད། འུ་ཐུག་ཐབས་ཟད་དེ་རང་ལུས་མེར་སྲེག་བཏང་བ་རེད། རང་ལུས་མེར་སྲེག་

གཏོང་མཁན་ཚོ་༸རྒྱལ་བ་རིན་པོ་ཆེས་བཀོད་མངགས་གནང་བ་ཡིན་ལུགས་ཁག་དཀྲི་བྱས་ཡོད། གཞན་ ཡང་བཤེས་གཉེན་བསྟེན་ཚུལ་ནོར་བ་རེད་ཅེས་ཤོད་ཀྱི་ཡོད། བཤེས་གཉེན་བསྟེན་ཚུལ་ནོར་བ་རེད་ཅེས་པ་

དེ་གཞན་གང་ཡང་མ་རེད། ཡོངས་འཛིན་སྐུ་གཞོན་པས་དོལ་རྒྱལ་བསྟེན་གྱི་ཡོད། ༸གོང་ས་མཆོག་གིས་

དོལ་རྒྱལ་བསྟེན་མཚམས་བཞག་པ་མ་ཟད། དོལ་རྒྱལ་བསྟེན་གསོལ་ཐོག་དམ་བསྒྲགས་གནང་བ་དེས་རང་ གི་ཡོངས་འཛིན་གྱི་ཕྱག་སྲོལ་ཉམས་བཞེས་མ་གནང་བ་ཡིན་ཙང་བཤེས་གཉེན་བསྟེན་ཚུལ་ལོག་པ་རེད་ཅེས་

ཤོད་ཀྱི་ཡོད། དེ་རྒྱུ་མཚན་ཡང་དག་མ་རེད། སྟོན་པ་བཅོམ་ལྡན་འདས་རྒྱ་གར་དུ་སྐུ་བལྟམས་པ་རེད། རྒྱ་ གར་དུ་ནང་ཆོས་མ་དར་སྔོན་དུ་ཧིན་རྡུའི་ཆོས་དར་ཡོད། སྟོན་པ་བཅོམ་ལྡན་འདས་ཀྱིས་ཧིན་རྡུའི་བླ་མ་མང་

པོ་བསྟེན་པ་གནང་ནས་དེ་ཚོའི་ས་ནས་ལེགས་བཤད་གང་ཡོད་སྒྲུག་སྟེ་མཐའ་མ་ནང་ཆོས་ཁྱབ་སྤེལ་གནང་བ་

རེད། དེ་འདྲ་སོང་ཙང་སྟོན་པ་བཅོམ་ལྡན་འདས་ཀྱིས་ཧིན་རྡུའི་བླ་མའི་དགོངས་པ་དང་འགལ་བའི་ཆོས་གསར་ པ་ཞིག་དར་སྤེལ་བྱས་པར་བརྟེན་བཤེས་གཉེན་བསྟེན་ཚུལ་ལོག་པ་རེད་ཅེས་སྒྲུབ་ཐུབ་ཀྱི་མ་རེད།

དེ་བཞིན་ཉེ་ཆར་༸གོང་ས་མཆོག་ནོར་ཝེ་དུ་ཆིབས་སྒྱུར་སྐབས་ནོར་ཝེའི་སྲིད་བློན་གྱིས་མཇལ་འཕྲད་

མ་ཞུས་པར་དགའ་པོ་བྱུང་ཞེས་གསར་འགོད་གསལ་བསྒྲགས་སྤེལ་ཡོད། ༸གོང་ས་མཆོག་དང་མཇལ་འཕྲད་

ཞུས་ན་ཁོང་ཚོར་གནོད་ཀྱི་ཡོད་པ་གསལ་པོ་བསྟན་པ་རེད། ༸གོང་ས་མཆོག་གི་མཚན་སྙན་དང་། མཛད་ འཕྲིན་རྒྱས་པ་ཡིན་ན། བོད་མི་དམངས་ཀྱི་རྒྱལ་ཁ་རེད། དེ་སྔ་ཆིག་སྟོང་དགུ་བརྒྱ་དྲུག་ཅུ་རེ་གྲངས་ནང་རྡ་ སར་ཆོས་ཚོགས་ཚུགས་པ་རེད། ཆོས་ཚོགས་གྲུབ་རྗེས་སོ་སོའི་བཞུགས་གནས་སུ་ཕྱིར་ཕེབས་པའི་སྐབས་

སྐྱབས་རྗེ་བདུད་འཇོམས་རིན་པོ་ཆེ་ཤི་ལི་གུ་རིར་བཙོན་དུ་ཚུད་ནས་སྐུ་མཉེལ་པོ་བྱུང་བ་རེད། དོན་རྐྱེན་དེ་རྡ་

ས་ནས་རྒྱ་གར་གསང་བའི་ལས་ཁུངས་སུ་ཞུ་ལོག་ཕུལ་ནས་བཟོས་པ་རེད་ཅེས་བེད་སྤྱོད་ལོག་པ་བཏང་ནས་

ཆོས་ལུགས་གྲུབ་མཐའ་ནང་ཁུལ་དཀྲོག་རྐྱེན་བཟོ་ཐབས་བྱེད་ཀྱི་འདུག རྡ་ས་ནས་ཟེར་དུས་དོ་དམ་བྱེད་འཇུག་

མཁན་དེ་༸གོང་ས་མཆོག་དང་བོད་གཞུང་ལ་མ་ཉེས་ཁག་གཡོགས་བྱས་པ་རེད། དེ་ཚོ་གཞི་མེད་པའི་གནས་ ཚུལ་རེད། དངོས་ཡོད་གནས་ཚུལ་ནི་སྐབས་དེ་དུས་ང་ཚོས་རྒྱ་གར་ལུང་པའི་ཁྲིམས་དང་། འགྲོ་སྟངས། འགྲོ་ ལུགས་སོགས་རེ་རེ་བཞིན་མ་ཤེས་པའི་དབང་གིས་སྐབས་དེ་དུས་ཀ་རྡོར་སྒང་གསུམ་སྲུང་སྐྱོབ་ཀྱི་ས་ཁུལ་ 257

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

རེད། ལྡི་ལི་དབུས་ནང་སྲིད་ལས་ཁུངས་ནས་བཀའ་འཁྲོལ་མེད་པར་ཕྱིན་ན། དོ་དམ་བྱེད་ཀྱི་ཡོད། དེ་དུས་གནས་

སྟངས་ཐུགས་རྒྱུས་མེད་པར་ཕེབས་པའི་དབང་གིས་ཊི་ཤི་ཊ་ཟམ་པ་ནས་དོ་དམ་གནང་བ་རེད། མཐར་༸གོང་ས་ མཆོག་གིས་རྒྱ་གར་གྱི་སྲིད་བློན་ལ་ཕྱག་བྲིས་ཕུལ་གནང་བའི་ཐུགས་རྗེ་བཀའ་དྲིན་ལ་བརྟེན་ནས་བཙོན་དུ་ཡུན་

རིང་བཞུགས་མ་དགོས་པར་འཕྲལ་དུ་གློད་བཀྲོལ་བཏང་བ་རེད། ཁོང་ཚོས་ཕྱོགས་ཡོངས་ཀྱི་དངོས་ཡོད་གནས་

ཚུལ་ཡོངས་རྫོགས་མ་བཤད་པར་ཁོ་རང་ཚོའི་བེད་སྤྱོད་དང་། ཁེ་ཕན། མཐོང་ཚུལ་བཟོ་ཆེད་འདི་རིགས་དཀྲོག་ གཏམ་སྤེལ་དོན་ལ་བསམ་གཞིགས་ནན་པོ་གནང་དགོས།

ཕྱི་ལོ་ ༡༩༩༦ ལོར་༸གོང་ས་མཆོག་གིས་དོལ་རྒྱལ་སྐོར་དམ་བསྒྲགས་ཤུགས་ཆེ་རུ་བཏང་བའི་

སྐབས་སུ། ཁོང་ཚོས་བོད་གཞུང་གི་ལས་བྱེད་ཁོངས་དོལ་རྒྱལ་བསྟེན་མཁན་ཡོད་ན་ཕྱིར་འབུད་བྱེད་ཀྱི་ཡོད་ པ་དང་། སློབ་གྲྭ་ཁག་གི་ནང་ཕ་མ་དོལ་རྒྱལ་བསྟེན་གསོལ་བའི་བུ་ཕྲུག་སློབ་གྲྭ་ནས་ཕྱིར་འབུད་བྱེད་ཀྱི་འདུག གཞིས་ཆགས་ཁག་གི་ནང་དོལ་རྒྱལ་བསྟེན་མཁན་ཡོད་ན་ས་ཞིང་གི་ཐོབ་ཐང་ཕྱིར་བསྡུ་བྱས་ནས་གཞིས་ཁོངས་

ནས་ཕྱིར་འབུད་བྱེད་ཀྱི་འདུག་ཅེས་ཁུངས་མེད་ཀྱི་སྐྱོན་འཛུགས་བྱས་པར་བརྟེན། བོད་གཞུང་གིས་དེ་ལྟར་བྱས་

པ་ཞིག་དངོས་འབྲེལ་ཡོད་ན། ཕྱིར་འབུད་བྱས་པའི་སློབ་ཕྲུག་གམ་གཞིས་མི་དེའི་མིང་དང་། ཕྱིར་འབུད་བྱེད་

མཁན་གྱི་ས་གནས་འགོ་འཛིན་སུ་ཡིན་རེ་རེ་བཞིན་ཁུངས་སྐྱེལ་བྱེད་ཐུབ་པ་ཡིན་ན་བསྐྱར་ཞིབ་གནང་གི་ཡིན། ཞེས་སྔ་ཕྱིར་ཡོངས་ཁྱབ་གསལ་བསྒྲགས་ཐེངས་འགའ་ཤས་གནང་ཡོད་ཀྱང་ཁུངས་སྐྱེལ་ཐུབ་པ་མི་གཅིག་བྱུང་

མེད། དེ་ནས་ལོ་ ༡༥།༡༦ སོང་རྗེས་བསམ་བཏང་དྲན་སྐྱེས་བྱས་ཏེ་རྙོག་མ་གཏིང་སློང་གིས་དྲ་རྒྱ་དང་ཡིག་ཆ་ ཁག་མང་པོའི་ནང་བཀོད་འདུག དེ་ནི་ཕྱི་རྒྱལ་ལུང་པའི་ནང་འགྲོ་བ་མིའི་ཐོབ་ཐང་ཟེར་རྒྱུ་དེ་ཧ་ཅང་རྩ་ཆེན་པོ་དང་

གལ་ཆེན་པོ་རྩིས་ཀྱི་ཡོད་པ་དང་། དེ་འདྲའི་ཐོག་ནས་བོད་མིའི་སྒྲིག་འཛུགས་ལ་མཚན་ཤས་བཟོ་ཆེད་གོ་སྐབས་ ཟིན་ཏེ་བེད་སྤྱོད་ལོག་པ་བཏང་བ་གསལ་པོ་རེད།

དེ ་ ལྟར་ཁོ ་ པ་ཚོ ས ་ངོ ་ ཚ་མེ ད ་པར་ཧམ་པ་ཆེ ན ་པོ འི ་ ཐོ ག ་ནས་ལོ ་ རྒྱུས་ལ་འཁྱོག་བཤད་བྱེ ད ་ཀྱི ་

ཡོད། མ་བརྟག་མ་དཔྱད་པར་ཕྱོགས་གཅིག་གི་གནས་ཚུལ་ལ་ཆ་འཇོག་བྱས་ཏེ་བསྡོམས་བརྒྱབ་ན་ཐལ་ཆ་

རེད། དངོས་སུ་མ་བྱུང་བའི་གནས་ཚུལ་དང་། མ་བྱས་པ་ཞིག་ལ་ང་ཚོས་བྱས་སོང་ཞེས་མཛུབ་མོ་བཙུགས་

ན། དེ་ནི་ང་ཚོའི་ནོར་འཁྲུལ་རེད། དེ་ལྟར་བྱས་ན་ཁོང་ཚོ་དང་ང་ཚོའི་དབར་ཁྱད་པར་མ་བྱུང་བ་རེད། ཁོང་ ཚོས་རྒྱུ་མཚན་དང་གཞི་རྩ་མེད་པའི་སྐད་ལོག་རྒྱག་པར་ང་ཚོའི་ངོས་ནས་དངོས་བྱུང་བདེན་པའི་གནས་ཚུལ་ 258

དཔལ་ལྡན་སྐུ་སྒེར་དྲུང་ཆེ་མཆོག་གི་གསུང་བཤད།

གསལ་བཤད་བྱ་རྒྱུ་བོད་རིགས་སྤྱི་དང་། ལྷག་པར་གཞུང་གི་སྒྲིག་འཛུགས་མ་ལག་དང་བཅས་པར་དམིགས་

བསལ་གྱི་འབྲེལ་བ་ཆགས་ཡོད་པར་ངོས་འཛིན་བྱེད་ཀྱི་ཡོད། ༸གོང་ས་མཆོག་གིས་སངས་རྒྱས་ཀྱི་བསྟན་ པ་དང་། བོད་སྤྱིའི་བདེ་རྩའི་ཆེད་དུ་ལམ་སྟོན་གནང་བ་དེར་བསྙོན་འཛུགས་བྱེད་སྐབས་སུ་ང་ལ་མཛུབ་མོ་

འཛུགས་མཁན་མི་འདུག་བསམ་ནས་ཁ་རོག་བཞུགས་ན། དེ་ནི་ང་ཚོའི་ལས་འགན་མ་སྒྲུབ་པ་རེད། དཔེར་ན། ཕྱི་རྒྱལ་བ་ནང་པ་ཚོས་དོལ་རྒྱལ་བསྟེན་གསོལ་གྱི་གནས་ཚུལ་དེ་བོད་པ་ནང་ཁུལ་གྱི་གནས་ཚུལ་རེད་ཅེས་ མ་ཤེས་ཤེས་མདོག་གི་འགྲེལ་བཤད་བྱེད་ཀྱི་ཡོད། ང་རང་ཚོ་བོད་མི་ནང་ཁུལ་ལ་ཆ་མཚོན་ན། དེ་ནི་དགེ་

ལུགས་པ་ནང་ཁུལ་གྱི་རྙོག་དྲ་རེད་མ་གཏོགས་ཆོས་ལུགས་གཞན་དང་འབྲེལ་བ་མི་འདུག་ཅེས་ལག་པ་འཆང་ མི་དགོས་པ་གཙོ་འདོན་གནང་གི་ཡོད། དོལ་རྒྱལ་བསྟེན་གསོལ་དེ་སངས་རྒྱས་ཀྱི་བསྟན་པ་དང་། བོད་ཀྱི་རྩ་ དོན་དང་འབྲེལ་བ་ཡོད།

དེ་བཞིན་དོལ་རྒྱལ་བསྟེན་གསོལ་བའི་གྲྭ་བཙུན་ཁག་གཅིག་གིས་སྟོད་འགག་ལྗང་ཁུ་གྱོན་པའི་སྲོལ་

ངན་གསར་གཏོད་བྱས་པ་འདི་འདུལ་ཁྲིམས་དང་འགལ་ཡོད། དེ་རིགས་ལ་ཁྱོད་དང་ང་ཞེས་ཕར་ཁག་ཚུར་

དཀྲི་བྱས་ཏེ་དགག་ལན་མ་བྱས་ན། ནམ་ཞིག་ངན་པ་ལང་ཤོར་དུ་སོང་ནས་བསྟན་པ་དེ་འཛིན་དང་བཅས་ པར་མཐོང་བརླག་ཉེན་ཡོད། དེའི་ཐད་ང་ཚོ་སྐྱ་སེར་ཕོ་མོ་རྒན་གཞོན་ཡོངས་ལ་ལས་འགན་ཡོད་པ་མཐོང་གི་ འདུག ཁོང་ཚོའི་ཕྱོགས་ནས་གཞི་རྩ་ཁུངས་ལུང་བདེན་འབྲེལ་མིན་པའི་གནས་ཚུལ་སྤེལ་བ་རྣམས་ལ་སྐབས་ མཚམས་སོ་སོར་བདེན་པའི་ལན་འདེབས་བྱེད་མ་ཐུབ་པ་ཡིན་ན། ད་ལྟའི་གནས་ཚུལ་རྣམས་མ་འོངས་པའི་

ལོ ་ རྒྱུས་ཆགས་ཀྱི ་ ཡོ ད ། མ་འོ ང ས་པར་༸རྒྱལ་བ་སྐུ་ཕྲེ ང ་བཅུ་བཞི ་ པ་ཆེ ན ་པོ ས ་བོ ད ་བསྟན་པ་ཆབ་སྲི ད ་ དང་། བོད་སྤྱིའི་བདེ་རྩའི་སླད་སྐུ་ངལ་དེ་ལྟ་བུ་བཞེས་འདུག་ཀྱང་སྐབས་དེ་དུས་ཁོང་གི་རྗེས་འབྲངས་པ་ཚོས་ ཞལ་བཙུམས་ནས་བཞུགས་འདུག ཁོང་ལ་ཕྱག་རོགས་དང་། དཔུང་རོགས་ཞུས་མི་འདུག་ཅེས་གསལ་བ་ཡིན་

ན། ང་ཚོའི་ལོ་རྒྱུས་ག་འདྲ་ཞིག་ཆགས་སོང་ངམ། དེར་བརྟེན་ཕྱོགས་མང་པོ་གཅིག་ནས་དགོངས་པ་བཞེས་ཏེ་

དངོས་ཡོད་གནས་ཚུལ་བདེན་པ་བདེན་སར་འཁྱོལ་བ་ཞིག་གནང་རྒྱུ་ཧ་ཅང་གནད་འགག་མཐོང་གི་འདུག་པ་ དེ་ལུགས་དགོངས་པར་འཇགས་པ་ཞུ།། །།

259

དཔར་བྱང་སྨོན་ཚིག

དཔར་བྱང་སྨོན་ཚིག སྨྲས་པ། རྣམ་གྲོལ་ཞི་བའི་རྒྱ་མཚོར་རོ་གཅིག་ཏུ། །

གཞོལ་བའི་མཐའ་ཡས་ཆོས་ཚུལ་དལ་འབབ་ཀླུང་། ། ཚིག་གི་གཟེགས་མ་རེས་ཀྱང་དུག་གསུམ་གྱི། །

དྲི་མ་ཡོངས་འཁྲུད་ལེགས་བཤད་བདུད་རྩི་འདི། །

དཔར་དུ་བསྐྲུན་པའི་རྣམ་དཀར་ཕུང་པོའི་མཐུས། ། ཡང་དག་ཆོས་ཀྱི་སྒོ་མོ་སྟོང་ཕྲག་བརྒྱ། །

གདངས་ཏེ་རྒྱུད་ལྔའི་འགྲོ་བ་མ་ལུས་པ། །

ངེས་ལེགས་ནོར་བུའི་མཛོད་ལ་དབང་འབྱོར་ཤོག །

ཅེས་པ་འདི་ཡང་དེང་དུས་ཡིད་སྲུབས་ཀྱིས་རྒྱུད་བརླམས་པའི་ཀླ་ཀློའི་སྡིག་སྤྱོད་མི་བཟད་པས་གངས་

ལྗོངས་ཆོས་ལྡན་གྱི་ཞིང་དུ་ཐུབ་པའི་བསྟན་པ་རིན་པོ་ཆེ་ཉིན་མོའི་སྣང་བ་ལྟར་འབར་བ་དེ་ནི་མིང་གི་ལྷག་མ་

ཙམ་དུ་ཉམ་ཉེས་པར་བྱས། ཕྱོགས་དང་ཕྱོགས་ན་རྡུལ་ཕྲན་གྱི་མཚོན་ཆ་སོགས་གདུག་པའི་གནོད་འཚེ་གྱ་

གྱུའི་སྦྱོར་བ་ནི་ཉིན་རེ་བཞིན་དུ་དར་བ་སོགས་སྒོ་ཀུན་ནས་ལྔ་བདོའི་རྒུད་ཚོགས་མཚོ་ལྟར་བརྡོལ་བ་འདི་དག་ ལྷག་མེད་དུ་ཞི་ཞིང་། བྱང་ཕྱོགས་བོད་ཁ་བ་ཅན་དུ་བསྟན་པའི་མེ་རོ་སླར་ཡང་སྔར་བཞིན་གསོས་ཏེ་རྒྱ་གར་ འཕགས་པའི་ལྗོངས་འདིར་ཡང་ཐུབ་པའི་བཞེད་དགོངས་དྲི་མ་མེད་པ་དར་རྒྱས་སུ་འཕེལ་སླད་དང་། འཛམ་ གླིང་ཡངས་པའི་ཁྱོན་ལ་འཚེ་མེད་ཞི་བའི་ལམ་སྟོན་རྣམ་འདྲེན་ཤཱཀྱ་སེང་གེའི་རིང་ལུགས་སྒོ་ཀུན་ནས་རྒྱས་

པ་སོགས་འཕྲལ་ཡུན་ལེགས་ཚོགས་དུ་མའི་ཆེད་དུ་དམིགས། སྦག་ས་ནང་བསྟན་ཤེས་རིག་འཛིན་སྐྱོང་སློབ་ གཉེར་ཁང་དུ་ནང་བསྟན་གྲུབ་མཐའ་རིས་མེད་ཀྱི་གསུང་རབ་པར་དུ་བསྐྲུན་དང་བསྐྲུན་འགྱུར་གང་ལའང་སྦྱར་

ཆོག་པའི་དགེ་བསྔོའི་སྨོན་ཚིག་ཏུ། ཤཱཀྱའི་དགེ་སྦྱོང་ཆོས་སྨྲ་བ་ངག་དབང་བློ་བཟང་བསྟན་འཛིན་རྒྱ་མཚོས་ སྦྱར་བའོ།། །།

260