I te marama o Maehe 2023, i whakamanahia ōkawatia e Ngā Pou
Taunaha o Aotearoa ngā ingoa teihana o te City Rail Link (CRL) -
Teihana o Maungawhau (ko Mt Eden Station i mua),Te Teihana o
Karanga-a-Hape, Te Teihana o Te Waihorotiu me Te Teihana o Waitematā (ko Britomart Station ināianei kia tuwhera rā anō te CRL).
Kia mōhio mai, i whakaputaina tuatahitia tēnei tuhinga whai muri i te whakatau ōkawa, ka kīia ēnei teihana puta noa i te pūrongo ko:
Te Teihana o Maungawhau
Te Teihana o Karanga-a-Hape
Te Teihana o Te Waihorotiu
Te Teihana o Waitematā (Britomart)
Wā Tuku Pūrongo
Koinei te Pūrongo Hauora, Haumaru, Taiao me te Toitūtanga (HSES) whakamutunga a City Rail Link Limited (CRL Ltd). Kei ngā whārangi e whai ake ko te pūrongo mō te tau 2024 me te roanga o te kaupapa atu ki 31 Tīhema 2024. Tirohia ngā pūrongo i https://www.cityraillink.co.nz/crl-sustainability kia whai wāhi atu ki ngā rangahau whakapūaho āmiki me ngā akoranga i puta.
Kupu Whakataki
Ko tēnei Pūrongo HSES 2024 te mea whakamutunga a CRL Ltd, ka mutu he rite tōna mutunga ki tōna tīmatanga i ngā tau e waru ki mua - e whakatinana ana i te pūmau hihira kia kaua ko te whakarato i tētahi rērawe taumata tiketike anake, engari kia waiho mai a Tāmaki Makaurau hei wāhi pai ake me te whakatakoto i ngā paerewa Hauora, Haumaru, Taiao me te Toitūtanga teitei ake hei whai mā te ahumahi hangatanga whānui.
Mai i te rā tuatahi, ko te toitūtanga te iho o ō mātou whakaaro me ā mātou mahi.
I te tīmatanga o te wāhanga hangatanga i te CRL i te tau 2016, ko tā mātou i whai kia noho hei tauira mō te Hauora, Haumaru, Taiao me te Toitūtanga, e whai whakaaro ana ki ngā rawa e whakamahia ana e mātou i ngā wā katoa me te kore moumou, me te waiho iho i ngā tuku ihotanga pāpori me te ahurea pai. Kāore mātou i kotiti i taua awhero nui i a mātou e koke whakamua ana ki te otinga o te kaupapa me te tuku atu ki a Auckland Transport me KiwiRail.
I tēnei tau kua hipa, pērā anō i ērā o mua atu, he nui ngā mahi – ko te otinga o ngā hangatanga nui me ngā mahinga hou e whakanui ana i tēnā tohu nui, i tēnā tohu nui o ngā mahi.
Te otinga o te whakamau rēra i rō ana
I tutuki pai te whakauruuru mai i ngā tohu CRL ki te whatunga rēra o Tāmaki Makaurau
Te whakamātautau me te whakahau i ngā pūnaha maha e hiahiatia ana hei whakahaere haumaru i te CRL me ōna teihana
I tutuki pai te whakakā i ngā Utauta Whakahaere Tereina i ngā ana e rua
Ngā whakangungu ana mā ngā kaitaraiwa me ngā kaimahi teihana
Ngā mahi whakangungu ana i te taha o ngā ratonga ohotata
Te whakakā rama me te karakia i ngā wāhanga o waho o ngā teihana
Te karakia i ngā ana
Te whakahou i te pātū kōhatu kikorangi tawhito o Tāmaki Makaurau
Kei muri i ia tohu nui angitu ko ngā tāngata. E whakanui ana a CRL Ltd i ngā rōpū Hauora, Haumaru, Taiao me te Toitūtanga me Ngā Putanga Pāpori me te Rūnanga Mana Whenua i whakapau kaha i runga wairua kaingākau, auaha hoki hei whakatinana i te matakitenga o te kaupapa.
Nāwai ka noho ko te Toitūtanga he "tikanga noa iho" me ngā tautoko pūmau i te wāhi mahi mai i ā mātou kaikirimana, i te rūma poari o CRL Ltd me ngā kaitautoko i te kaupapa Te Kaunihera o Tāmaki Makaurau me te Kāwanatanga o Aotearoa. Nā ēnei whakatairanga whānui i tuku i ngā tautoko i hiahiatia mō ā mātou whāinga.
I roto i te tau e tere ana te anga whakamua, nā ngā whakamahere āmiki me te mahi ngātahi i kakama te takatū a CRL Ltd ki te hurihuri i ana kaupapa mahi me te whakatutuki haere tonu i ana whāinga.
Ko te mea hira o tēnei ko te mōhio e kore e taea e CRL Ltd rātou ko ngā kaikirimana matua, a Link Alliance, te whakatutuki i ngā mahi ko rātou anake. I kōkiritia ngā mahi i ngā taha e rua: i whakaū haere tonu ngā mahi nui a ngā iwi o Tāmaki Makaurau i runga i Te Rūnanga Mana Whenua a te CRL i te hiranga o ō mātou paiherenga; tuarua, te whakatū i te One Client Alliance, te tōpūtanga o ngā pūkenga o CRL Ltd me te Link Alliance, i te taha o Auckland Transport me
KiwiRail – i tautokona e Te Kaunihera o Tāmaki Makaurau me Auckland One Rail, te kaiwhakahaere o ngā ratonga tereina o te tāone nui - i whakaū i taea tonutia ngā whāinga puta noa i te kaupapa.
Te whakawhānui haere i ngā mahi i whakatutukihia e te Ohu Ngātahi Downer
Soletanche Bachy (kirimana 1), Connectus (he Ohu Ngātahi nā McConnell Dowell me Downer (kirimana 2), te Ohu Ngātahi March Bessac (kirimana 6), KiwiRail me CRL Ltd (kirimana 8).
Pānga Waro
Ka puta ngā hua nunui ki te taiao i te whakapaitanga me te whakahounga o te whatunga rēra o Tāmaki Makaurau whānui kia hāngai ki te whakatuwheratanga o te CRL. Mā ngā ratonga tereina auau ake, tōtika, tere ake hoki ka whakatenatena i te tangata kia waiho i ō rātou waka ki te kāinga, e iti iho ai ngā tukunga waro me te whakaiti i ngā waka i ngā rori mō te hunga e tika ana kia whakamahia.
I te mea kua tata te oti o ngā mahi hangatanga, ko te matapae o ngā whakahekenga tapeke o te pānga waro mō C3, arā te kirimana whakaratonga matua a CRL, ko te:
waro: 27,583 tCO2-e (13%)
pūngao hangatanga: 6,968 tCO2-e (22.9%)
te pūngao whakahaere ā-tau mō ngā teihana, ngā ana me ngā tiriti: 296
tCO2-e (22%)
I taea e te kaupapa ngā penapena neke atu i te 21,285 tana o te Co2e mā te whakakapi i te raima ki te pungarehu waro anake. Whakamahia ai e te raima nenehu te whakakapinga 12.5 ōrau, ā, ko te nuinga atu o ngā raima he 30 ōrau te whakakapinga.
Nā te nui haere o te whakaae me te whakamahi o ngā whakakakapinga raima i te kaupapa i neke i te āhua o ngā tikanga mahi o te rāngai e herea nei rātou ki te whakaiti i te waro i roto i ngā rāngai hangatanga me te hanganga.
Huihui katoa, i āwhina ēnei hua kia puta ai tētahi o ngā tino mea hira i te tukutanga o te kaupapa i tana tono mō te tiwhikete Hanga ki te Infrastructure
Sustainability Council (ISC). Ko te tono te whakamutunga o ngā tiwhikete e ono whakamutunga puta noa i ngā wāhanga Hoahoa me te Hanga o ngā mahi matua o te kaupapa. Ko ngā whakatauranga katoa i riro mai i te wā o te hanga i te CRL ka whakamahia hei whakatau i te whakatauranga whānui whakamutunga a te ISC mō te kaupapa ka tukuna hei te 2025.
Auahatanga A Te Iwi Me Te Pānga Pāpori
He mea whakatū te hononga auaha, tino hou hoki a CRL me te Māori i Tāmaki Makaurau i mua i te tīmatanga o te hangatanga. Kei te puta i tā mātou mahi ngātahi whai hua me Te Rūnanga Mana Whenua tētahi rērawe ā-ao i roto tonu o Aotearoa e whakamana ana i te onamata me te anamata o te tāone nui. Ka kitea te maha o ngā hua i roto i tō mātou hononga i ngā hoahoa, ngā whāinga taiao me te toitūtanga a CRL, ngā kaupapahere rapu hautaonga me te ratonga, te whakarato ara ki te whai mahi mō ngā rangatahi me ngā tautoko kaimahi, oranga hoki.
I kitea te pai o CRL i te ao katoa i te tau 2019 i whakaihuwaka i mua o ngā whenua 70 i te whakamana a ngā kaiwhakawā i tētahi whakataetae hoahoanga ā-ao i ngā 'whakaaturanga whai mana' o te kaupapa i te tuakiri ahurea iwi taketake i roto i ana hoahoa teihana.
Kua kite ngā tāngata o Tāmaki Makaurau i aua 'whakaaturanga whai mana' i roto i te tau mā ngā hoahoa ahurei ki Aotearoa i ngā Teihana o Te Waihorotiu, Karanga-a-Hape me Maungawhau. E kitea ana hoki ngā
tikanga Māori me ōna pūrākau i roto i te hoahoa ā-roto o ngā teihana e toru.
43 ngā taiohi Māori me ō ngā Moutere i whakapōtaetia i tētahi kaupapa i te wāhi mahi, i puta ai tētahi arawātea whakangungu me te whai mahi, he kaupapa tēnei i whānui ake te puna kaimahi matatau mō te ahumahi hangatanga whānui o Aotearoa.
66 atu anō ngā kaimahi pia raumati nō ngā whare wānanga i uru ki te CRL.
Mā ngā tautoko a te Rūnanga i whakawhiwhia e te kaupapa ngā kirimana neke atu i te $146m ki ngā pakihi Māori me ngā uri Moutere – whitu ōrau tērā o ngā whakapaunga katoa a Link Alliance.
Ko Te Rūnanga Mana Whenua ngā kaiārahi i ngā tikanga Māori i ngā huihuinga tohu i ngā tīmatanga me te mutunga o ngā mahi me ētahi atu tohu nui.
Hauora Me Te Haumaru
Kua kaha ake te aro atu ki te hauora me te haumaru i te whai hikotanga o ngā teihana me ngā rēra me te whakarite kei te haumaru ngā kaimahi katoa i te wāhi mahi e hoki pai atu rātou ki ō rātou whānau me ō rātou hoa i te mutunga o te rā.
Tata ki te 12000 ngā tāngata i whakaurua mai ki te kaupapa CRL, atu ki te 2000 e mahi ana i te wā kotahi.
Ka rea haere noa ngā whakaritenga haumaru mā te whakahaere tōmua i ngā mōrea i te neketanga o ngā wāhanga o te kaupapa mai i te turakitanga, ngā whakahounga ratonga tūmatanui, ngā mahi kari whenua, te keri ana, te mahi i raro waeture maina, te hanga whare me ngā tiriti, te whakamau i ngā pūnaha hoahoanga me te rēra, me ngā whakahikotanga maha i roto i ngā teihana me ngā ana.
E whakapono ana CRL Ltd me Link Alliance kua whai hua i ngā kaiārahi kaha me te whakauru atu i ngā hanganga me ngā hātepe tika. Neke atu i te 21.5 miriona ngā haora mahi i oti, e ai ki ā mātou kirimana teihana me ngā ana C3 e rua ngā mate whawhati i mate ki te heri ki te hōhipera.
Onamata Me Te Anamata
Ka takahuria e CRL te tāone nui o Tāmaki Makaurau, e whakatītina ana i te tipu o ngā mahi me te whakatairanga i ngā whanaketanga arumoni me ngā whare noho, e hāpai ana i te tipu me te whai hua anamata o Tāmaki Makaurau. Otirā, e kore e warewaretia te onamata.
Kua tīmata ngā mahi whakatū anō, mā ia poraka, te pātū kikorangi tuku iho o Tāmaki Makaurau i te pokapū o te tāone nui. I tangohia te pātū o te rau tau 19 i Albert Street mō tētahi wā nā ngā hangatanga o te CRL. Engari, me whakawātea mai te pātū kua whakahoutia mō te anamata – ko tōna wāhi hou he 1.5 mita whakaterāwhiti mai i tōna wāhi tuatahi kia uru mai ai ngā ana me Te Teihana o Te Waihorotiu.
He whānui ngā mahi o te takiwā tāone o te kaupapa kia ātaahua ai ngā teihana
CRL mō te hunga haere. I tere tonu te noho mai o Te Komititanga - he tapawhā mō te hunga hīkoi i whakakapi i tētahi rori i mua o Te Teihana o Waitematā (Britomart), hei wāhi huihuinga matua mō ngāi Tāmaki Makaurau.
E tautoko ana te kaupapa i ngā mahi a Te Kaunihera o Tāmaki Makaurau me Auckland Transport me ngā whakahoutanga me ngā whakapaitanga o ngā tiriti ki ngā tūhononga pahi kia whānui ake ai ngā painga ka puta i te CRL.
Puta noa i ngā mahi katoa o ā mātou mahi, ka nui te whakahī o te kaupapa. Ka waiho iho te rōpū CRL tētahi tuku ihotanga whakahirahira mō Tāmaki Makaurau me Aotearoa. Ko te hunga katoa i ōrite te whakatinana i te mahi ngātahi, auahatanga me te hoahoa tino tiketike ka tika kia hari, kia ngākau whakahī ki ngā whakapaitanga ki te tūnuku tūmatanui, ki te tāone nui me te motu, tae atu ki te hauora, haumaru, taiao me te toitūtanga. Ko te tūmanako ka hīkina ngā whakatutukitanga me ngā akoranga mai i te CRL ki taumata kē e ngā kaupapa tūāhanga matua whai ake o Aotearoa.
Patrick Brockie, Tumuaki, City Rail Link Ltd
Kōrero Whakataki, Pou me Ngā
Whāinga Whanaketanga Toitū a
Te Kotahitanga o Ngā Whenua o
Te Ao (SDG)
I tā mātou Pūrongo HSES whakamutunga, ka whakanui mātou i ngā whakatutukitanga o te whakarato i te CRL mā te whakarāpopoto i ngā otinga puta i ia kirimana mahi matua (C1, C2, me te C3), te whakamana me te whakarato/whakahaere whatunga (C6 me te C8) me te whakarite anō me te whakarākeitanga o ngā mahi i C9.
Ka mutu ā mātou tuku pūrongo i te oti haere o ngā mahi hangatanga me te whakauru atu i te CRL ki te whatunga tūnuku whānui.
Ka tukuna tētahi whakatauranga Toitūtanga Tūāhanga (IS) Hanga ISC whakamutunga i te tau 2025, e tohu ana i te whakatutukitanga o tētahi hātepe pakari e whakatūturu ana i te mahinga toitūtanga o te kaupapa i roto i ngā kirimana mahi matua e toru. Kei te anga whakamua te kaupapa kia eke ai tōna whakatauranga 'Rawe'. Ehara i te mea he whakatutukitanga iti tēnei mō te kaupapa tūāhanga nui rawa kua oti i tēnei wā i Aotearoa.
E arahina ana ēnei whakatutukitanga e te pou o Te Rūnanga Mana Whenua o te CRL e whakamārama ana i ngā putanga e hiahia ana ngā iwi ki te kite, otirā he ōrite te hira o ia pou, ā, he pou tūāpapa hoki e whakarite ana ka tautoko tonu te hononga o te CRL me te Mana Whenua i te oranga o ngā reanga o muri mai. E arahina ana hoki te kaupapa e Ngā Whāinga Whanaketanga Toitū o Te Kotahitanga o Ngā Iwi o Te Ao (SDG) me ngā ūnga tautoko i roto i ngā whāinga: 1,3,4,5,6,8,9,10,11,12,13,14 me te 15.
Tirohanga Whānui o te Kaupapa
Ka takahuri te CRL i te pokapū o Tāmaki Makaurau mō ngā reanga maha e haere mai nei. Kua takahuria te teihana keremutu o Te Waitematā (Britomart) i te pū o
te tāone ki tētahi teihana tomokanga e uru mai ai ngā ana raro whenua e rua e haere ana ki ngā teihana hou e rua i raro whenua i te tāone, arā ko Te Waihorotiu i ngā tiriti o Victoria me Wellesley me Karanga-a-Hape me ōna kuhunga i Mercury Lane me Beresford Square, ā, atu ki Te Teihana Maungawhau kua whakahoutia.
Ina hangaia te CRL, ka whānui ake te raukaha o te whatunga rēra o Tāmaki Makaurau. Ka nui ake ngā tereina auau i ngā wā matua me te nui atu o ngā tereina e kuhu ana me te puta mai i ngā wāhi maha atu o te pokapū tāone nui
Ka tāpara te maha o ngā tāngata e noho ana i roto i te 30 meneti mā te tereina ki te pokapū o Tāmaki Makaurau – te pokapū whai mahi nui rawa o
Aotearoa
Mā te whakarato i tētahi whatunga rēra taumata tiketike ka whakaiti i te whirinakitanga ki ngā waka
I ngā wā matua, atu ki te 24,000, ka tipu ki te 54,000 ngā tāngata, ka hāereere i ngā teihana CRL hou – e ōrite ana tērā ki te 16 ara o te ara matua, ngā piriti nui o Auckland Harbour e toru atu anō rānei
Ko te CRL te pūtake mō ngā whanaketanga nunui o ngā papanoho arumoni hou, me ngā kāinga mano tini ka hangaia i te takiwā o ōna teihana, e pai ake ai te āhei atu o te tangata ki ngā arawātea whare noho, te tūnuku tūmatanui me te whai mahi
Whakarāpopototanga o te
Kirimana
Ka wehea ngā kaupapa o CRL ki ngā kirimana whakaratonga e ono, ā, ko Link Alliance kei te whakarato i ngā mahi matua – ngā teihana me ngā ana.
Kirim ana Ngā Mahi Kaikirimana Tūnga Otinga
DSC Downtown Shopping Centre (DSC)
Te hangatanga o ngā ana i raro o te whanaketanga tauhokohoko me te pourewa o Commercial Bay.
C1 Te Teihana o Waitematā (Britomart)/Lower Queen St
Te hangatanga o ngā ana raro whenua mai i Te Teihana o Waitematā ki te wāhi CSC, te whakawhiti taumaha o te Poutāpeta Matua ki runga i ngā tūāpapa hanganga hou, me te waihanga i te whakanōhanga pāhihi taupua o Te Teihana o Waitematā.
C2 Albert St (Customs St ki Wyndham St)
Te kari me te mahi ana mai i te wāhi DSC ki te pūtahitanga o Wyndham Street me Albert Street.
C3, C5, C7
Te Mahi Ana me Ngā Teihana a Alliance
Te hoahoa, te whai, me te whakarato i ngā tūāhanga rēra, ana me te teihana me ngā pūnaha puta noa i te takiwā o te City Rail Link. Te whakauruuru mai i ngā pūnaha rēra me te teihana, te whakamātautau me te whakarite kei te tika mai i Te Teihana o Waitematā ki Te Teihana o Maungawhau.
C6 Wai Marangai Matua o Maungawhau
Whakakapi i te raina wai marangai i Maungawhau.
C8 The Strand (I) me Ōtāhuhu
Ngā pūhara tāpiri me ngā whakaurunga huri tereina i Ōtāhuhu me ngā whakapaitanga ki te teihana o te Strand.
C8 Newmarket
Ngā mahi rēra, te whakawhitinga hou me ngā ara rēra i whakahāngaitia, ngā utauta raina o runga i whakahāngaitia, me ngā utauta tohu hāngai.
C9 Te Teihana o
Precinct Properties me Fletcher Construction I oti i te Āperira 2019
Downer New Zealand me Soletanche Bachy I oti i te Oketopa 2021
Ohu Ngātahi Connectus (McConnell Dowell and Hawkins) I oti i te Oketopa 2020
Link Alliance Whāinga Noema 2025
Ohu Ngātahi a March Bessac
I oti i te Ākuhata 2019
Libbett Ltd (Ōtāhuhu anake) me KiwiRail Holdings Ltd (Ōtāhuhu me The Strand (I)) I oti i te – Hanuere
2019 The Strand (I) me Oke 2020 (Ōtāhuhu)
KiwiRail Holdings Ltd I oti i te Ākuhata 2024
KiwiRail Holdings Ltd me Martinus Rail NZ
I oti i te Pepuere 2025
Waitematā (Britomart) Rāwhiti
Te whakarite anō i te komititanga o Britomart East kia nui ake ai ngā tereina ka taea i te haora, tae atu ki ngā whakarerekētanga hanganga ki te ana onāianei, te papa rēra, me ngā pūhara. Kei roto anō hoki ko ngā mahi whakarākei ki te kuhunga i te teihana o te Strand (Strand II).
Ngā Mea Hira 2024
Hānuere
I tīmata te wetewete i te whare teihana taupua i muri o Te Teihana o Waitematā (Britomart). 92% o ngā rawa i tukuruatia, i tangohia rānei kia whakamahia anōtia.
Pepuere
I oti te whakamaunga o ngā ara rēra 3.45 kiromita whakamutunga e rua.
Māehe
I huraina te papa huānga ā-rangi i Te Teihana o Maungawhau e te tohunga toi o te rohe a Tessa Harris (Ngāi Tai ki Tāmaki) e whakaatu ana i ngā roimata o Ranginui.
Āperira
I oti te whakakī i te tomokanga ki te ana o Maungawhau mā te 85,000 tana oneone e kapi ana i ngā hanganga o raro.
Mei
Nā ngā manuhiri o Pourewa Nursery i whakatō i ngā Otā, he tipu pikipiki māori, ki ngā rākau i Fenton Street pātata ki Te Teihana o Maungawhau.
Hune
I whakanuia e CRL a Matariki mā te whakakā i ngā rama o Ngā Teihana hou o Te Waihorotiu me Maungawhau.
Hūrae
I whakaurua mai ngā pūnaha tuku tohu CRL e rua ki ngā mea onāianei e ngāwari, e haumaru ai hoki te mahi a ngā tereina i waenga i ngā ana hou me te whatunga onāianei.
Ākuhata
I tīmata ngā whakamātautau ohotata CRL me Te Whakaratonga Iwi i raro whenua mō ngā mahere urupare ohotata.
Hepetema
I karakatia te huānga a-rangi o Karanga-a-Hape i hangaia e te tohunga toi a Reuben Kirkwood (Ngāi Tai ki Tāmaki). Ka tauawhi ngā papa i ngā taumata o runga hei tiaki i ngā pūnaha hauhau me te pūaha hau, e tohu ana te hoahoa tauira taimana i Te Ātea me te wāhi o Aotearoa i Te Ikaroa.
Oketopa
I toa i a Link Alliance i te:
Innovation and Excellence in Air Quality Award CASANZ - Clean Air Society of Australia and New Zealand
VINCI Environment Award for Reuse and Recovery 2024: Rohe o Te Ao o Kiwa
Noema
I whakahaerehia e ngā māngai o Ngā Mana Whenua i ngā mahi ōkawa puta noa i ngā ana i mua o te whakamātautau.
Tīhema
I whakatūria ngā toko maha e whakatauira ana i te raupō i te roro o te tomokanga o Te Waihorotiu.
Ngā Tohu
2024 International Tunnelling Association Beyond Engineering – Silver Award for the project’s non-engineering feats
2024 CASANZ – Clean Air Society of Australia and New Zealand – Innovation and Excellence in Air Quality Award
2024 SiteSafe Kalmar Construction Mental Health and Wellbeing Award: Link Alliance
2024 VINCI Regional Awards:
Environment Award for Reuse and Recovery
Innovation Award for the Link Alliance Dust Risk Prediction Tool (DRiPT): Oceania Region
Innovation Award for the Link Alliance Vinci Health Safety Performance Index
Joint Winner Judges Choice Award for the Progressive Employment Programme
2023 C3 Infrastructure Sustainability Certification Leading Design Rating
2022 C1 Infrastructure Sustainability Certification Leading As Built Rating
2021 C2 Infrastructure Sustainability Certification Excellent As Built Rating
2017 C1 Infrastructure Sustainability Certification Leading Design Rating
2016 C2 Infrastructure Sustainability Certification Leading Design Rating
2023 New Zealand Workplace Health & Safety Awards – Safeguard Awards 2023
– Health and Safety Representative of the Year
2023 Infrastructure Sustainability Council Awards – ‘Enduring Impact’ Award –Berenize Peita Kaiwhakahaere Hua a Hapori CRL
2023 New Zealand Procurement Excellence Awards – Environmental Impact of the Year
2023 New Zealand Procurement Excellence Awards – Social Impact of the Year
2023 New Zealand Procurement Excellence Awards – Supreme Award
Infrastructure Sustainability Council Awards – Excellence in Social Outcomes – Highly Commended
2022 Building Nations 2050 Impact Awards – Decarbonisation Outcomes Award (Projects over $20m)
2022 NZ Safety Blackwoods Workplace Health & Safety Awards – Engagement –Best initiative to encourage worker engagement in health & safety – Mata Whānui te Tirohanga – The Film
2021 Tāmaki Makaurau Zero Waste Award – Joint winner with TROW Group –'Innovation – Anga whakamua' award
2021 VINCI Environment Awards – Oceania Circular Economy Evolution of Practice
2021 VINCI New Zealand – Health & Safety Award – Leading Change
2021 Public Relation Institute of New Zealand – Bronze – Community Relations and Engagement
2021 CCNZ Excellence Awards – C2 Hynds Construction Award
2021 Engineering New Zealand – Co-winner Arthur Mead Award – Large Projects
2019 Solentanche Bachy Green Idea Award – Sustainable Waste Management
2018 Sustainable Business Network’s Supreme Award – NZI Transforming New Zealand Award
2018 Sustainable Business Network – Efficiency Champion
2018 Deloitte Energy Excellence Awards – Large Energy User Initiative of the Year
2017 New Zealand Procurement Excellence Awards – Sustainability Project of the Year
Hauora, Haumaru me te Oranga
Mahia te mahi, hei painga hei oranga mo tātou katoa
E ngākaunui ana a CRL Ltd kia ū ki te hiranga o te hauora, haumaru, me te oranga i roto i a mātou mahi katoa.
I aroturuki haere tonu a CRL Ltd me te tautoko i te whakarato i te hiranga haumaru puta noa i te kaupapa mā ngā haerenga atu ki ngā wāhi, te kōrerorero tahi ki ngā kaimahi, ngā kaiwhakahaere paemua me ngā kaiurupare ohotata i roto i te wāhanga whakamātautau me te whakamahi o te kaupapa. Kei te whārangi o mua atu te whakarāpopototanga whakatutukitanga.
I aroturukina e CRL Ltd ngā tohu mahinga H&S takitahi 20 e kapi ana i ngā mahinga katoa e hira ai mō te kaupapa ki te whakahaere i ngā mōrea H&S pea.
Taiao
Ko au ko te taiao, ko te taiao ko au.
Ka whakarite ngā mahere whakahaere taiao me ngā here whakaaetanga rawa taiao motuhake neke atu i te 500 i ngā paerewa teitei me te whakahaere i ngā mahi ka whaia e te kaupapa kia ū ai ki ngā tautuku taiao puta noa i te turituri me te ngateri, te urunga ikiiki me te tūnga waka, ngā pānga pāpori me te whakararu pakihi me ngā tukunga ki te hau, te whenua me te wai. Ka haere tonu te aroturuki whānui puta noa i ngā wāhi mahi katoa.
I whakamanatia te Dust Risk Prediction Tool (DRiPT) a Link Alliance mō te whakahaere me te pēhi i ngā tukunga puehu hangatanga a CRL, mā te tohu
2024 Innovation and Excellence in Air Quality Award nā te Clean Air Society of Australia and New Zealand.
Kei te arotahi tonu te CRL Ltd me ana kaikirimana kia kakama tonu te whakahaere i ngā pānga hangatanga hei whakaiti iho ngā pānga ki ngā kiritata tūtata. I tū ētahi huihuinga kia whai wāhi ai te hunga whai pānga ki ngā wāhi hangatanga CRL, i runga me raro whenua kia kite ai i te hangatanga o ngā teihana.
Toitūtanga
Toitū te marae a Tane-Mahuta, Toitū to marae a Tangaoroa, Toitū te tangata.
Ko te whakaiti i tō tātou pānga waro, kia kaua e moumou me te waiho i tētahi tuku ihotanga pāpori me te ahurea pai mō Tāmaki Makaurau ngā āhuatanga matua o ngā whāinga o CRL mō te hiranga toitūtanga. Ka whakamōhio ēnei whāinga i ngā āhuatanga katoa o te kaupapa, mai i te hoahoa, ki te hangatanga me te whakahaere.
E rima ngā wāhi arotahi hira o te Rautaki Toitūtanga a CRL Ltd:
Te whakaiti i te whakapeto rauemi
Te kore para ki te rua para
Ngā putanga pāpori
Ngā putanga ki te mana whenua
Te mana whakahaere me te tuku pūrongo
I turakina te teihana taupua i muri o Te Teihana o Waitematā (Britomart), ā, 92% o ngā rawa i tukuruatia, i tangohia rānei kia whakamahia anōtia. I roto hoki ko ngā kūaha katoa o roto, ngā hono konumohe ā-waho, ngā kēti maitai o waho, ngā rino pātū me te tuanui, ngā tuanui pūrangiaho, ngā papa tuanui, maitai, ngā wāhanga pouaka me ngā kurupae, ngā tauhōkai, ngā whakakikī, me ngā ara konumohe.
Tukurua Para CRL
Mai i te tīmatanga o te kaupapa ko te wawata o CRL kia kore he para ki te ruapara, ā, i tino pātata ki tērā i pōhēhētia e te tokomaha.
Ngā Tatau Toitūtanga a CRL (mai i te 2017 - ki te 31
Tīhema 2024)
Whakatut ukitanga
Whānui ĀNgahuru
Waei ne Pūtak e1 Whāi nga o te Kaup apa
Tiwhikete ISC1 Tiwhikete IS Hanganga Whak ataur anga IS Whak atūtur utang a IS Tino Rawe Mā tā mu a Tino Raw e 202 5 – – – 20 25
Tiwhikete IS Hoahoa
Tino Rawe Mā tā mu a Māt ā mua Mātā mua – – –
Pūngao2 Tukunga waro tāpiripiri o te pūngao hangatan ga me te whakahae re
Whakahek enga tukunga waro ārawa % e matapaeti a ana
Tapeke o ngā tukunga waro: 210,144 tCO2-e
Wai2 Te tapeke o te wai
Whakahek enga wai % e matapaeti a ana % whak ahek enga E matap aetia ana
Te wai i hopukia ka whakama hia anō i te % (wha kama hia anōti a ki
wāhi mahi te tūtur u)
Paruparu Paruparu tapeke
Para
Hangatang a me te Turakitanga
Tapeke kāore i tukuna ki te ruapara
Tapeke o te para hangatan ga me te turakitang a i tukuna ki te ruapara
Para hangatan ga me te turakitang a kāore i tukuna ki
te ruapara
Para hangatan ga me te turakitang a kāore i tukuna ki te ruapara
Para tari Para tari i tukuna ki te ruapara
Para tari kāore i tukuna ki te ruapara
Whakamahi anō Para i whakama
hia anōtia - C3 me te C9 anake
Para i whakama
hia anōtia - C3 me te C9 anake
Ngā Putanga Pāpori
Nāu te rourou, nāku te rourou, ka ora ai te iwi.
I puta i te Rautaki Putanga Pāpori a CRL Ltd te tūāpapa mō te whakarato i ngā putanga pāpori ki tētahi taumata i whakamanatia i te motu me te ao mō tōna hiranga. I aro te rautaki ki te tūhono i te tangata ki ngā arawātea tūturu mā te whai mahi, te whakangungu, te auaha pāpori me te whanaketanga ohu mahi anamata e arotahi ana ki te Māori, ngā uri Moutere me ngā rangatahi.
I roto i tēnei ko ngā kaupapa e rima i aro ki ngā rangatahi kua whakamutua inaianei.
Mana Whenua
I whakatūria tētahi hononga i waenga i a CRL me te mana whenua i te tau 2012 mā te waihanga i Te Rūnanga Mana Whenua CRL. E waru ngā iwi o Tāmaki Makaurau i roto i Te Rūnanga Mana Whenua CRL, ā, ko tōna kaupapa he whakatinana i te pātuitanga i waenga i ngā iwi mana whenua me te CRL Ltd.
Nā te whakauru mai i te Mātauranga Māori me te tuku i ngā tikanga Māori i taea ai te tuku i ngā putanga toitūtanga, taiao, hoahoa, hauora me te oranga pai ake.
E whakaata ana ngā hoahoa i ngā teihana e toru katoa i ngā kōrero mō te orokohanga o te ao a te Māori e pā ana ki a Ranginui me Papatūānuku, me tā rāua tama a Tāne Māhuta. E whakamana ana ngā hoahoa tuku iho i ngā teihana i ētahi atu āhuatanga hira, tae atu ki tērā i Te Teihana o Maungawhau e whakaatu ana i a Mataaoho.
Mana Whakahaere me te Tuku
Pūrongo
E tūmanako ana ngā kaitautoko i te kaupapa, te Karauna me Te Kaunihera o Tāmaki Makaurau, ka hoahoatia, ka hangaia, ka whakahaerehia hoki te CRL kia eke ai ki te tiketiketanga o te toitūtanga, e ai ki te Tauākī Whakamaunga Atu a CRL Ltd, ā, e pūrongohia ana ki ngā Kaitautoko i ia tau ki te Tauākī o Ngā
Taumata Mahi Hei Whakatutuki.
Kua whakamahia a ISC ki te whakatūturu me te tuku whakatauranga whakatutukitanga toitū i ngā kirimana matua e toru. I whakamahia e CRL Ltd te anga IS a te ISC hei utauta whakatauranga matawhānui, me te tuku tiwhikete mō te arotake i te toitūtanga puta noa i te hoahoa, hangatanga me te whakahaere i te kaupapa hei arotake me te kōkiri i te mahinga toitūtanga.
He mea urutau te anga me te mana whenua hei whakarite kei te tika i roto i te horopaki o Tāmaki Makaurau. I taea te tiwhikete Hanga IS mō C1 (Mātāmua), C2 (Tino Rawe), ā, kei te whakamanatia te C3 i tēnei wā tonu.
I roto i tēnei hātepe whakamana i te FY24, i oti i a Toitū Envirocare tētahi arotake ā-waho o te tauira pūngao o te Kaupapa mō C3, ā, i whakaū he pai te tauira. Hāunga tēnei, e mōhio ana a CRL Ltd kei te rangirua tonu te ine i ngā tukunga
Haurehu Kati Mahana (GHG) i te mea kei te tipu haere tonu ngā mōhiotanga pūtaiao me ngā tikanga mahi i tēnei wāhanga, pērā anō te pūrongo GHG me ngā paerewa whakaū.
Hei whai haere i te angitu o te kaupapa ki te whakatutuki i ōna putanga toitūtanga, i whakaūngia e te ISC te 'paerewa tūāpapa' i hangaia e te Link Alliance, ā, he whakatau tata tērā o te pūngao e hiahiatia ana ki te hanga me te whakahaere i te City Rail Link me te kore whakatikatanga toitūtanga. Kātahi ka hangaia e CRL Ltd tētahi 'hoahoa āmiki' me ngā kaupapa hei whakaiti i te whakapetonga rawa, e whakataurite ana ki te paerewa tūāpapa hei ine i ngā whakapaitanga.
Kia ū ai ki ngā whāinga whakahekenga waro, i tātaitaitia e te Link Alliance te pānga waro whānui mō te hangatanga me te 100 tau o te whakahaere i te kaupapa. Kātahi ka tautuhia ngā kaupapa hei whakaiti i te pānga waro i te wā hoahoa me te hangatanga, ka whakatinanahia, kātahi ka whakatauritea ki te paerewa tūāpapa taketake. Mō te Whakatauranga IS Hanga whakamutunga, kua whakatauritea e Link Alliance mai i te pānga whakamutunga hei ine i te pānga o ngā kaupapa toitūtanga. He tika ake tēnei tikanga whakataurite i te āhua ake o ngā penapena tūturu.
E kōrero ana ngā raraunga kei ngā whārangi 26 me te 27 mō te paerewa tūāpapa taketake me te whakataurite penapena mō ia kirimana, ā, ko ngā penapena whānui kei te whārangi 6 i takea mai i ngā penapena whakataurite i te C3, e whakaūngia ana i tēnei wā.
