心電圖HEARTBEAT 2017/05

楊振寧堂宿生會第三屆編輯委員會出版《心電圖》 2017/05

目錄

02

02

目錄

03

編者的話

04

活動記錄 - 如楊歌伴我

05

活動記錄 - 第九屆楊振寧節「彳亍」

15

活動記錄 - 楊過

16

幸會

18

2RECT

20

波霸學三妹

22

五惹胸零

23

含擰七

24

偉根支針九公分

26

男層眼裡出西 she

29

皇后十三炮響

30

十五連發

32

Itchy 妞扭臀

34

Yang 文 Yang 武

35

Goodbye Yang Hall

編者的話 這麼快便來到我的第二本《心電圖》，亦是本學期最後一本《心電圖》。 這個月一方面要應付期末考，另一方面又要趕製《心電圖》，雖然有點吃 力，但覺得一切都很值得。本期《心電圖》的主題是 quit hall，收到每位 宿生的 quit hall 感言時亦不禁讓我回想起這年在楊振寧堂的一點一滴。 二百七十多日稍縱即逝，由進入楊振寧堂、試莊、選莊到上莊，一切都來 得很快。慶幸這一年我有一群很疼愛我的 ocampmates、floormates、莊 員們，讓我過了充實又溫暖的大學一年級生活。只能說，這一年，有你們， 真好。 Quit hall 在即，希望大家能捉緊 hall life 的尾巴，與 hallmates 享受最後這 段時光，在楊振寧堂留下美好的回憶。願大家都在楊振寧堂得到想得到的。 在此獻上本年度最後一本《心電圖》，請細心欣賞。 總編輯 梁琬禎

總編輯

梁琬禎（禎仔）

副編輯

鄒璇

美術設計

林祖童（Derek） 蕭安琪（Annkie） 鄧暐螢（小螢妹）

編輯

陳芷鈞（Coey） 陳燕蓉（May） 葉嘉俊（Jeff） 程浩樑（Dawn） 張洛瑋（洛瑋） 張嘉儀（包包） 張守業（Steven） 林之蘭（Clare）

梁浩揮（Jerry） 雷暐樂（彼得） 吳嘉怡（嘉怡） 蕭煜培（Jeff） 戴俊華（俊） 譚子維（David） 楊益東（東）

03

文 / 張守業

今年 Singcon 嘅名叫做「如楊歌伴我」。活動距離宜家已經過咗個幾兩個月， 不過我 roomate 比賽把聲都成日仲出現喺我耳仔邊。 記得果晚嘅比賽好精彩好好聽。係入場之前，YANGBULA 就派咗螢光棒俾我 哋幫參加者打氣。仲記得喺個人組同埋合唱組都有好多好出色嘅表演，有啲 就唱啲抒情歌，譬如《車匙》、《以後別做朋友》等等，用一首歌同在場每 一位講一個屬於自己嘅故事；有啲就合唱 rock 歌情歌，將唔同元素帶入呢個 Singcon。無論參賽者佢唱緊啲咩類型嘅歌，小編都覺得嗰晚嘅佢哋好 charm 好型。 而當晚最令人難忘嘅就係每一層嘅表演。雖然喺表演入邊可能有啲「甩咳」位， 譬如可能有啲走位、跳舞啲步驟唔記得咗。但小編覺得正正係因為咁，每一個 表演都係代表到每一層獨有特色，都係咁獨一無二、都係咁好睇。即使再過多 幾個月，我相信大家對嗰一晚嘅一點一滴都會記得好清楚；即使再過多一段時 間、記憶開始模糊，但呢樣都唔緊要。只要你記得，你曾經喺呢一年，同過呢 一班可能之後會少見好多好多、甚至唔再聯絡嘅人一齊笑過玩過生活過，你會 覺得呢一切一切原來係咁幸福、咁唔捨得。

04

05

開幕禮暨一楊趾

文 / 蕭煜培

今 屆 楊 振 寧 節 的 主 題 是「 彳 亍 」， 有 放 慢 步 伐 的 含 意。 開 幕 禮 上， 一 眾 Yangsters 觀賞宣傳片，了解今屆楊振寧節的精彩活動。在幹事長阿滔和舍監 Dr. Yue 共同裝上「彳」、「亍」的齒輪後，代表着今屆楊振寧節正式開始。 第一個楊振寧節活動「一楊趾」便在開幕禮後進行。Yangsters 為了體驗山區 兒童的生活，赤足進行各種遊戲，包括在凹凸不平的墊上玩大兵步操、在樓梯 上合力進行不同任務等等。玩樂中充滿了不絕的歡笑聲。遊戲結束後，一雙雙 骯髒的腳掌踏着地，定必感到不習慣和不舒服。一個短暫的活動，對比起一段 漫長的生活，可謂微不足道，小編相信所有參與者都感受到山區小朋友生活上 的艱辛，從而珍惜自己身邊的事物，享受當中的美好。

06

捐贈計劃 文 / 梁琬禎

捐贈計劃是貫穿整個楊振寧節的長期活動，大家可於活動期間捐贈衣物、文 具、日用品等物品。這次活動有相當大的迴響，不少宿生都踴躍捐出舊物， 有的甚至捐出了十數件衣服！ 小編認為是次活動甚具意義，楊振寧節中的活動除了能讓宿生們互相交流外， 更重要的是帶出慈善、關懷他人之訊息，而這活動正正體會到此意。正所謂 「施比受更有福」，簡單捐出自己的舊物，其實往往對貧窮的人而言，已經 是莫大的幫助。故此，小編希望大家在楊振寧節過後，亦能秉持慈善之心， 踴躍捐輸，幫助有需要的人。

07

楊歷展覽館— 十五年藍

文 / 戴俊華

十五年藍係一年一度嘅機會比我哋睇到 Yang Hall 唔同嘅出品，今年楊歷展覽館展示 咗歷年 Yang Hall products，有過去唔同嘅活動相，又有咁多年 Hall Tee，仲可以睇 到大大小小嘅紀念品。見返自己莊相、posters，真係好興奮！ 入到去，有莊員遞上一杯好好食嘅牛油粟米，真係好好味！真心！係我由細到大食 過最好食嘅粟米，印象中好似食咗 3 杯（其實都唔係好過份）。大家參觀完，都覺 得唔同 products 又靚又得意，可以喺十五年藍睇到歷年幹事會嘅 products，真係好 難得，特別係欣賞到多年前嘅出品。歷年 Hall Tees 按住年份，順序掛喺黑枱上面， 一覽無遺，一次過睇曬啲 Hall Tee，好正！除左 Hall Tee，大家對 O Camp 族旗都 好有興趣，諗返一開始入 Yang Hall，玩嘅第一個活動就係 O Camp，見到 4 個族長 手持族旗，帶領大家 dem cheers ！回憶返曬嚟！ 睇返一張張相，好容易發現熟悉嘅臉孔。或者今年無住喺到，但係佢地曾經留下足 跡，喺 Yang Hall 笑過喊過，喺呢一個地方付出過，那些年做過嘅瘋狂事情，用照 片、文字一一記下。十五年藍傳承 Yang Hall 文化，等咁多 Yangsters 了解 Hall with a Heart 精神，認識過往歷史。或者「文字沒有了，人類突然啞了」，實實在在嘅東 西消失咗，但係大家經歷過嘅一點一滴，一定永生難忘，彳亍走過一年，下年可能 08 又會係相入面見到你。

貧富宴 文 / 陳芷鈞

向來楊節嘅傳統活動貧富宴， 佢存在嘅目的都不外乎呢幾味： 1. 等大家感受一下貧富懸殊嘅滋味 2. 請大家珍惜食物 3. 話比大家知無嘢食真係好慘 等等等等 其實計我話，最開心應該係同 floormates 喺一樓來回跑幾十次，同埋一 齊爭崩頭搶下嘢食～ 賭坊真係好好玩！佢好玩在輸左唔洗比錢，贏左又可以喺張錢度加無數個 零。做大富翁真係話都無咁易～ 仲有廿幾日就 quit hall，大家溫書之餘記得捉緊佢條尾！

09

楊堂市集 文 / 吳嘉怡

【薑汁芋圓上面的一 pat 仙草】 還記得那一天，在那一天，初次去市集 < 完全唔啱音，囧 = = 睇返市集嘅相，你諗起啲咩呢？ 有冇諗起市集舉行前同 floormates 一齊比足心機，落手落腳準備攤檔嘅回憶？ 有冇諗起擺檔果陣，大家一齊遊說其他 hallmates 買嘢食買服務嘅搞笑片段？ 「喂你幫我買一杯芋圓，我幫你買返兜炒烏冬！」「有冇人要放狗，五蚊一次，一次兩隻！」 「Yang 狗準備出場，要睇嘅比錢呀！」「大波糖水呀，幫襯返杯啦！」「五蚊一次拗手瓜贏 左賠五蚊！」「賣層仔，影相兩蚊次，兩蚊次！」 仲記得市集嗰日大家落力叫賣，施展渾身解數，為求籌得一蚊多一蚊。「雞翼糖水烏冬多士， 按摩唱歌影相採耳」，總之你諗得出嘅，市集有得賣；而你諗唔出嘅，市集都有得賣。 市集喺短短兩日眨下眼就過咗，諗返呢個市集入面每一點一滴，每一刻每一秒令人會心微笑 嘅畫面，其實佢都專屬於每一位著住楊振寧堂 Hall Tee 嘅大家。 如果話 Yang Hall 喺一碗薑汁芋圓糖水，小編就話大家就係果堆成日痴埋一舊，密不可分嘅 芋圓。冇左呢堆芋圓，薑汁就只係一碗賣 $1 都冇人要，淡而無味嘅薑汁。而市集就係果 pat 三樓私人醒嘅仙草，為呢碗芋圓增色不少。 就嚟 quit hall 啦，希望大家以後行其他市集都會諗起呢一個只係屬於我哋，我哋每一個 Yangsters 嘅仙草薑汁芋圓啦！

10

肥皂工作坊— Bubble Blue

文 / 梁琬禎

儘管不是正規的聯通活動，這次環保肥皂製作坊亦吸引了不少宿生到來參 加。舉辦這次工作坊的緣故除了讓我們學習製作一塊屬於自己的手工肥皂， 更希望帶出環保的訊息，就算是簡單幾種環保物料亦甚有價值。 是 次 活 動 配 合 本 年 度 楊 振 寧 節 主 題「 彳 亍 」 —— 放 慢 腳 步， 用 心 感 受 貧窮之意，希望大家明白手工肥皂製作過程雖然簡單，不少城市人更會 視它為微不足道的東西，但於貧窮國家之中卻是鮮有的恩物。故此，希 望大家亦從中領會到「彳亍」之意，關心他人，關注貧窮，心及天下。 小編亦希望於是次活動紀錄中答謝導師當天的悉心教導，使當天工作坊趣 味十足！若大家在閒時想做一些小手工，環保肥皂是你不錯的選擇。

11

郊遊日— 藍在野

Blues in Wild! 天朗氣清，正是郊遊的好日子，4 月 8 號早上，一眾 Yangsters 由宿舍出發到西貢清水灣郊野公園，感受假日郊外的氣息。 到埗至山上後，Yangsters 紛紛熱身，投入地玩集體遊戲，又在草地 上野餐。食飽飽，便拿起肥皂泡棒、風箏、飛碟、排球和毽子，盡情 忘我地和其他 Yangsters 玩耍。大家的臉上充滿歡欣的笑意，逃離了 「做紙」的厄運，放慢心靈步伐，享受風光明媚的大自然，在大坳門 的山頭度過了一個盡興的下午。

12

文 / 蕭煜培

時裝表演 文 / 林祖童

「楊振寧節有咩玩啊 ? 」除了大家都很熱衷的開幕禮外，還有許多別具意義和有趣的活 動，時裝表演則為其中一環。 一想到時裝表演，大家可能都會想到於法國舉行的那種由美艷絕倫的模特兒配上領先潮 流的服裝，兩個字：潮流的東西我懂甚麼。回到地球，本屆楊振寧節的時裝表演卻顯得 十分貼地，為了配合「彳亍」此主題，參加者必須透過不同的遊戲，如拋水樽、手推車 比賽等，付出勞力以換取一些平時不起眼的材料去設計及製造服裝。過程既刺激又緊張， 既要與別的組別競賽去選取衣服材料，又要同時思考如何利用僅有的材料造出新潮流服 裝。正當大家都「攪盡腦汁」時，一眾莊員已為大家準備了他們親手煮的美食，大家都 食得津津有味，補充腦力繼續設計。 晚餐過後便是整晚的高潮，由每組所選出的模特兒代表穿上由他們組員為他們度身訂造 的衣服，一邊行貓步一邊向場內觀眾展示他們的傑作，將場內氣氛引領至高潮。不得不 提的是，各模特兒的身材都十分健碩，使各人都目不暇給，雀躍地為他們拍照。 最後時裝表演於一眾快門聲及掌聲下結束，各參加者都顯得樂而忘返。在此再次恭喜以 最高人氣勝出的隊伍，希望各 Yangsters 在享受這時裝表演時，亦不忘本屆楊振寧節的 主題「彳亍」。

13

堂內高桌晚宴暨閉幕禮— Falling Slowly

文 / 陳燕蓉

不知不覺已經過咗差唔多 2 個 sem 啦，離 quit hall 嘅日子又愈來愈近啦，係咪 心諗點解住咗成年 hall 都出唔到池？點解我咁靚仔都無女？點解連呀源都有女， 我仲係一個人毒喺 hall 玩 LOL ？因為你無把握好機會！如果你有去前排楊堂閉 幕禮 hightable 嘅話，你依家已經可以同女女周圍影呃 like 相放閃了！ Hightable 當日，男士們個個盛裝打扮提早拎定玫瑰花準備迎接女伴，而女士們 就個個花枝招展咁喺房等待男伴嘅到來。大家都係抱住既興奮又期待嘅心情，想 知 partner 究竟係何方神聖，會唔會無野講呢？會唔會比我嗰樣嚇親呢？唔洗驚 啦！ Yang Hall 一家親，大家都又 nice 又高質，無參加 hightable 嘅你認真走寶 啦！因為當日唔單只食物美味，參加者同紀念品都一樣咁高質，仲有嘉賓發人深 省嘅演講，名符其實又食又拎！ 前 排 臨 完 sem， 大 家 都 忙 present、 忙 project， 呢 排 考 試 季 節， 又 要 忙 溫 書，所有野都推晒去考完試、交晒 project 之後先做，但留意返當大家都忙 完考試，hall life 已經得返一個星期左右，真係要好好珍惜呢段時間，最後同 floormates、hallmates 相處嘅時間，唔好令 hall life 留遺憾！

14

文 / 楊益東

今年過三主題為楊過。 你細心打扮，穿著有型有款。 當年，楊過右臂和你可憐的 GPA 一同被 Professor 斬了下酒。 你們成群出現，打扮相似，擦肩接踵熱鬧非凡。 楊過等來小龍女，你卻只等來了一堆 deadline 和考試。 你身旁坐著這一年相處最多的朋友，你遭人陷害，被逼上台，但你也只是笑 笑，不像開 sem 飯時害羞了。 這場飯持續了多久？在莊員眼中是數個禮拜的籌劃和準備，外加一場額外的 安歌舞 ; 在他眼中或者是一場吸引眼球的瘋狂盛宴 ; 在她眼中也許是細心打 扮加上幾個 IG story...... 那在你眼中呢？ 每個人都有自己要過的三，它也許是別人埋下的伏，但更有可能是你無法面 對的自己。

15

16

「難道我可以扭轉宿命重遇你一次 ...」 不知不覺就過了一年，

還記得當初拖着行李箱， 入住自己房間， 跟自己的室友、floormates 說的第一句「你好」嗎 ? 當初腼腆的一句問好， 如今卻抱着彼此說「不要走」。 這一年， 我們在楊振寧堂的日子， 這些相依的歲月…… 忘不了，也別忘了。 若一切可以重來，多麼的想跟你說一句： 「幸會」

17

2RECT 記得 Year1 初初入 Hall 嘅時候，咩都唔識，但覺得 Hall 呢個地方好好玩好開心，愛上 左呢到之後一住就住到而家。我諗做 Freshman 會係最開心嘅，因為所有野都係最新 鮮嘅經歷，所以大家都一定要記住嗰種感覺呀，因為無論你仲住唔住 Hall, Freshman 呢個機會亦都係得一次。 老實講，宿舍呢個地方，無人就無意義，希望你哋都會係 Hall 到識到你想識嘅朋友， 我諗住 hall 黎講，最熟應該會係你嘅 roommates , unitmates , 或者 floormates。 Quit 咗 hall 之後，真係記住要約下大家，如果唔係好快就會淡架啦。 寫緊呢篇文的時候亦都係 hall life 嘅最後十日啦，我唔知你哋睇到呢篇文的時候仲會 有幾多日，但點都好，真係真係真係要珍惜埋最後嘅時間啦，試下同你識嘅人影張 相？同你鍾意嘅人表個靚白？ 好啦，講左咁耐，多謝呢幾年係 Yang Hall 遇過嘅人，除左以前嘅 floormates 之外， 最緊要係多謝 2 樓嘅大家，雖然我覺得你哋好懶，又有成班賊仔，但點都好，希望你 哋今年會覺得住得開心，舒服，可以識到一班有事會幫手嘅兄弟，咁樣，就足夠啦。 Alad

18

唔知道大家點樣睇今年嘅宿舍生活，而我係用眼睇。 一年嘅宿舍生活 就係話咁快又過咗， 喺 2 樓今年同大家做左好多嘢，例如每晚都去 食宵夜，去食個飯飲個靚茶，買衫，呢啲活動最緊要係咩？係開心？ 係同大家一齊玩？唔係，而係有錢。無錢嘅我試過朝早睇波，凌晨同 floormates 打波，夜晚成班人打機，試過開華山論笑講笑話大賽，試 過 9up 當秘笈 ...... 一年前我好鍾意瞓覺，經過一年宿舍生活洗禮後我 依然鍾意瞓覺。一年宿舍生活我見到每個人最大變化係大了一歲，如 果見到 2 樓 floormates 坐喺間房到咩都無做嘅時候， 你千祈唔好叫 佢哋，佢哋唔係沉默，而係用心靈去溝通 ......

Hugo 眨下眼就住左成年 hall，仲記得初初入黎咩都唔識，對 環 境 同 floormates 都 好 陌 生。 好 彩 2 樓 嘅 floormates 都好 caring，尤其是 hall tu 教識左我好多野，好快就同 2 樓嘅大家打成一片。大家一齊夜晚搵嘢玩、食宵夜、 吹水，喺 2 樓度過咗好多個開心嘅晚上。 可惜開心嘅時光過得特別快，一年嘅 Hall life 眨下眼就 過。好快就要同對左成年嘅 floormates 講 bye bye。 雖然唔捨得，但始終都係要 quit hall。quit hall 之後無 可 避 免 一 定 會 見 少 咗， 但 一 日 floormates， 一 世 都 係 floormates。2 樓嘅兄弟們，應承我 quit 左 hall 之後都 要 keep 住見，好冇？ Wing

19

波霸學三妹 突然發現四年就這樣過去了。 由 freshman 到莊員到 returning 到組媽到 hall tutor，好像每一個身份我都經歷過了。雖說住 呵每年的活動都一樣，但對我來說每年都好像 有點不一樣。同一樣的地方、同一樣的活動、 不同的人、不同的身份，原來也可以這般的不 一樣。 自從 qooza xanga 的年代過後，好好地用文字 表達感受變成一件很難的事。在楊堂裏遇過的、 經歷過的、感受過的實在太多也數不清，可能 這就是拍下過，記住過，好過擁有 :3 親愛的波霸 s，不管你喜不喜歡我、喜不喜歡大 家、喜不喜歡三樓，謝謝大家容忍了這個臭脾 氣、無耐性、潔癖、懶惰的 Hall tutor。 謝謝大家陪我走過了這特別的一年。 一念向西、衝落屎湖、Gather 鷹、3lauheayo 、獵翠翠大奔走、七膠花、伯霧你好、波霸學 三妹，在這裏遇見的每一位，我都感激與愛惜。 最後的最後，YANGVENATE，啜卜 <3 kwankwan

20

話咁快就住呵七個月了，由一開始個個禮拜返屋企到依家當正呢度係 屋企，其實都係因為呢度有你，有你，同埋你呀！雖然住呵搞到人殘 咗肥咗，但好在有三樓波霸 s 陪我呀！最開心就係見到大家肚腩凸凸 同我一齊變肥㗎啦 Yeah ！！ 就黎 quit Hall 啦，等我哋抓緊剩低嘅日 子，一齊清曬個 check list 佢好無！ # 食親芋圓都會諗起波霸 s #nicetomeetu Freya 咁快咁就住左一年 hall la。住 hall 真係好正除咗終於唔洗早個幾鐘撘 車返黎，仲可以訓到最後一刻先起身，上完堂又可以訓，仲可以隨時 隨地身邊有好多嘢食好多人一齊玩同 9 fing fing^^ 特別係 3 樓無時 無刻都過緊豬嘅生活，係幸福嘅豬 <3 仲有我好開心同滿足嘅一定包 括打堂際，因為無諗過中學畢業後仲可以一大班人打排球，笑住打炆 住打開心住打都有，好中意！！ Yang Hall 嘅支持都十分 warm。時 間過得太快 :( 但我真係好中意 Yang Hall。YANG 爆你 <3 Kitty

21

五惹胸零 由七月入呵到而家原來眨下眼就已經十個月有 四年 hall life 一眨眼就過左，做過 freshmen， 多，又嚟到我每年最怕嘅 quit hall 時刻。 做過 returning，做過 hall tu，每一年感受都唔 同。 Quit hall 對我嚟講係一件好殘忍嘅事，一大班人 仲記得 Year 1 個陣有人同我講，話我住呵之後成 一年之間日見夜見，但喺一夜之間就要分開，每 個人都會變咗，個陣我唔明佢講咩，但係依句說 次都總令我百般滋味在心頭，而今次對我嚟講係 話我記咗四年，到依家我終於明佢意思。喺 Hall 最特別亦係最不捨，因為今次之後我就真係從此 住最特別係你會遇到一班唔同身份，唔同家庭背 告別楊堂，身份再唔係楊堂宿生啦。 景嘅人，你會學到點去做人，點樣同唔同人相處。 係呵你遇到開心事會有人同你分享，唔開心嘅事 呢一年做咗呵挑，而呢個角色係我當年絕對無諗 會有人陪分擔。 過自己會做嘅，呢一年收穫好多，學咗好多，得 以前我十二點就準備訓教，但係入咗 hall 咁耐， 到我親愛嘅五樓，呢一年亦係笑中有淚。好多謝 就愈黎愈早訓，早到朝早七，八點先訓 ... 搞到成 有五樓同我行過呢一年，有好多對我嚟講難捱嘅 日都病。Gpa 就愈黎愈低，3.0 2.9 2.7 2.5... 一 時刻都係五樓陪我行過。對唔住，因為有好多嘢 個 Sem 低過一個 Sem。其實住呵真係失去左好 我仲好想同你哋一齊做一齊經歷，但時間實在太 多野。健康，成績，錢 ... 短啦，而呢個都會係我遺憾。Quit hall 唔代表 但住我仍然無後悔 reg 左 Yang Hall，因為喺依 分離，希望我哋嘅關係可以一直俾我睇到你哋結 四年，我識到一班交到心嘅朋友，相信佢地喺 婚，生仔，而我哋依然可以親密如昔。 quit hall 之後，甚至直到好耐好耐之後仍然會保 持聯絡。 藉呢個機會我想同三年嚟包容過我，支持過我嘅 最後我好想多謝四年嚟喺 Yang Hall 遇到嘅所有 人講聲多謝。多謝思鐘九里，多謝火蕭吾胸，多 人，Back to seventeen ; Flirteen ; 一日三次 ; 五 謝五惹胸零，多謝玉媛，仲有好多好多。多謝你 惹胸零，令我嘅人生改變左好多，希望大家同我 哋包容過曾健鋒，多謝你哋疼錫我。 一樣，過左一年無悔嘅 hall life。 最後最後最後！我愛 Yang Hall ！

Karson 曾健鋒

22

含擰七 「hello 我係你 Hall tu, 我叫呀 Jean 呀」怕生保 嘅我同你地介紹我自己，接你地上房都好似上兩 個禮拜嘅事，但係原來已經五月，係大家都要離 開嘅時候，嗯，出咗去就唔好望返轉頭啦！（喂！ 講笑）住咗咁耐其實講乜都假，最緊要你哋搵到 屬於自已嘅位置、圈子，你哋開心咁已經夠！得 閒食飯啦擰寶 <3 Jean Quit 呵響起歸家的訊號 ... 雖然唔知道到咗 quit 呵嘅嗰一晚，會唔會有鐘聲響起，但係最後我哋都不得不從呵 期依個美夢之中醒過來。 對好多人來講，住呵可能係一千零一年，僅此一次，一期一會嘅機會。今年完咗之後， 我哋嘅人生入面以後再唔會有八半堂八半先起身此等嘅美事再次出現，亦唔會再有 roommate 同你傾無聊嘢傾到通宵達旦，都冇乜機會再次遇到一堆每次當你喺出面 受到委屈，房門總係隨時為你打開嘅 floormates。 如果有人問我含擰柒係依 27X 日裏面俾咗啲咩我，或者我會答你遇到混血呵挑，當 然係難能可貴啦，但係更加感激七樓擰寶寶們帶畀我嘅不一樣的呵拉乎，柒下柒下咁 就由頭柒到尾聲。 最後嘅最後係 5 月 24 號嘅嗰一日，我大概會一手拖住我個喼，揮一揮衣袖不帶走一 片雲彩，然後瀟灑咁擰轉頭講一句： 「有緣再會啊！ Yang Hall」 Jel

23

偉根支針九公分 為自己挖了個古墓 葬的是比卡超，九公分，九男女 還在墳前種了株迷迭香 多願自己躍下陪葬 在土壤與花間剖下自己的姓名 更希望我們在此刻一起死去 否然 在集體消失的那個時空 穿著睡衣和藍衣相見 已不知隨時間漂流到何處 再埋下這首詩 只希望你們能夠陪葬 再陪呵挑一起 一起 在另一個時空 慢慢變老

－小根根《Quit Hall 語：集體死亡》

p/s : 終於送走你地班 pk

24

分 為大家隆重介紹，伴隨住我呢一年 Hall life 嘅嘢有比卡超，成全，stress relief，係每 位住喺 9 樓嘅人都會熟悉嘅公仔，音樂同 氣味。咁當然唔止頭先個啲嘢啦，9 樓嘅 各位，hall Ocamp，試莊，男足，無限嘅 笑彈放送亦都係每日每夜必然發生嘅一件 事。最後，感恩可以住到 Yang Hall。感謝 今年遇到嘅每一位，喺我心中都留有一個 獨特嘅位置。 Momo

有人曾經同余春嬌講：「成世人流流長， 總會愛上幾個人渣。」計我話，成個 Hall life 流流長，都總會遇上幾塊豬皮。豬皮驟 眼看似平凡，成世豬流流長都只係可以生 存喺生物鏈最底層，每次都淨係可以比人 墊喺盆菜嘅最底層，但正因為咁，佢先可 以吸收哂成兜盆菜嘅精華。尤記得，一開 始要面對住咁大班陌生人真係心驚膽跳， 就算出去斟杯水都一定要先梳好個頭執翻 好嗰樣。但隨住時間一日兩日三日…咁過 去，就發現其實呢班人都只係一班智商不 合格嘅傻人，得閒無野做就你追我逐、大 吵大鬧，仲要嘈到比人叩門。嗯，呢班豬 皮好似浸咗二百幾日之後都入哂味，眨下 眼又要到離別的季節了，你同我都知以後 再無機會可以晚晚見到呢幾十塊豬皮，但 係洗乜驚呢，不在乎天長地久，只在乎曾 經擁有啊嘛！ Yanni

咁就一年 時間比我想像中過得快 多謝呢度 令我由一個肥西變成一個真肥西 大波變成真大波（誤 好感激每一個走入我生命嘅人 多謝你地忍受我嘅長氣 負面 特別鳴謝 舊年二樓 ikuhai 九樓 同 舍利子 最要 say sorry 嘅係兩位 roomate 恭喜你地挨過最污糟嘅一年 喺呢度 我成長咗好多 我失去咗好多 但又得到咗好多 但無論如何 呢啲點點滴滴 我都會好好收藏 我亦都希望大家會記得係你嘅生命入面 曾經有我嘅出現啦 各位 得閒飲茶！

Jeff

25

男層眼裏出西 she 致 201617 南座 11 樓的你們 這一頁就當我送你們的其中一份禮物， 要跟其他一起好好收藏呀。 十年後的你會記得這八個月嗎 ? 當我選擇做呵挑直到 checkin 前， 每天都很擔心很緊張很不知所措 想著要怎樣裝飾 1125， 用什麼顏色地膠波波燈床單 ... 到編排一系列的活動都很在意。 然後，因為你們 打亂了一切。 1125 從此變成 垃 圾 崗 。 杯面襪子眼鏡衣服無處不在， 床也被你們一句 ' 我交左呵 fee 架 ' 佔領了 ... 活動變成了訓醒再食再打交再訓， 大概八個月的生活有一半如此。 不過 我 喜 歡 這 樣 的 你 們 。 Quithall 後再不能大叫 ' 我返黎喇 ' 不能跟你們 hea 在 1125 也沒有人推開門欣賞我睡姿 沒有被投訴不停的吵鬧聲 我知道會很不習慣很不捨得 科科 但不用呀因為無論什麼時候找我 我都會出現煩住大家 就好像這段日子一樣 <3

26

五月九日 3:24pm 翻工偷懶中 MS2

有始亦有終，在十月號投了稿，相隔七個月後又再執起了筆。 一年過得太快，宿舍生活更不足一年，但住在十一樓，相信各位必有住宿後後遺症。 每天對住她們，聲浪蓋過電視機聲，暴力問題日益嚴重，怕是各位回家後會習慣不了 絕對寧靜的家，絕對和平的環境。對於十一樓，我想以「恭喜」作結。恭喜從九月 的單身層演變成了出池層，各位，原來住 hall 會出 pool 是真的，單身人士請趕緊在 quit hall 前表白，正所謂「蘇州過後無艇搭」，請盡力爭取青春的尾巴啊！ 被偷蕃薯而氣了半天的呵挑，有感能做你層女實在是運氣，不知還有否機會再嚐你煮 的小菜呢？這十一個月的宿生生活辛苦您了，明明要在銅鑼灣上九點的班，仍會跟你 的層女開心事台，可惜的是往後機會難再了，我們可再約定集體吃海底撈嗎？你未來 兩個月的中國遊要小心安全啊，希望沒被霧霾淹沒了你，亦不要再吃胖了，免得嚇壞 了內地的富二代。 要考試了，各位層女，各勉之，希望上個學期沒過 2 的朋友們不會被 quit u 吧，熱 戀中的朋友也請謹記別過分重色輕友，往後沒有再有黃 lock 這回事了！ 當十一樓的一份子心存感恩，當你們的一份子是快樂的回憶，記錄在我的小冊子上 了。 無名小卒

27

28

皇后十三炮響 在很久很久之前，十三樓住了一群沒有乳房 的女人和有胸部的男人，還有一隻膚色黑得 晚上看不見的福娃 Hall tu。十三樓的村民 已同居差不多一年了，一起渡過一段頹廢但 幸福的歲月。村民總是無所事事，整天留在 lounge 談天 9Fing 彈結他。曾經有人問我， 難道你們都不用溫書做紙嗎？我搖頭，回答 說不知道啊！還有那間被詛咒的 Hall tu 房， 每天也有不同村民在內睡覺，還一睡不醒， 多可怕。一年很快過去，回想起來，我們到 底 幹 了 甚 麼？ 記 憶 是 模 糊 的， 不 可 靠 喲。 因此，但願每位村民也能帶著屬於自己、 奇妙的回憶，幸福快樂地活下去。「Quick Hall」時不要回頭，愛你們。 Minami

「13 樓無嘢多，癡線佬最多。」上至音樂 高手、舞王，下至露體狂、老鼠咩都有。 每次返 13 樓都好似玩 outlast 咁，唔知幾 時會有嘢嚇到你。但好好彩，自己都係一 個癡線佬，癡線佬返精神病院，就好似返 屋企咁。好多謝你哋呢一年比咗呢個屋企 我。我每次返到嚟都安心，有一個地方比 我除低嗰面具休息下。 Quit Hall 無嘢嘅，係夜晚想搵人 fing 搵唔 到人，想亂叫無人陪你叫，想彈結他 jam 歌無人 So 你，想打波無人陪你，瞓晏咗 起身無人陪你食 tea 咋嘛。 係呀，真係無嘢架。喂，我真係無嘢架喎。 唔好再問啦，比返啲面我啦，唔好拆穿我。 愛你們。 唔想用我自己個名

29

十五連發 哈哈哈，quit hall 啦，舒服哂！終於唔肯洗見到班 仆街 ... 但諗哂轉頭，本來唔應該喺呢個地方出現，但最後 都能夠遇到你哋，真心，都幾哂時間 :) 開心在於，你哋全部都算相親相愛 ... 開心在於，蕭尻培會自己開個 snapchat gp，但家 傑唔喺入面 ... 開心在於，鄺神喺過三飯上面既英勇演出 ... 開心在於，思豪去過唔少大學做交流生 開心在於，普評和議左 12 分 開心在於，Birdeeeeeee 有隻 e 去左 ikea... 開心在於，得呀發煲湯俾大家飲 開心在於，東東會旋轉 開心在於，譔會跑樓梯上 15 樓 開心在於，李靖想上李時珍 開心在於，Kenson 去咗同德國佬操基 開心在於，臭腳鈞隻腳好番啲 開心在於，尻叫頎去左做 sup 食提子 開心在於，雄雄有虎虎 開心在於，大尻一直都係單身 開心在於，Jer 仔跌咗落海 開心在於，Steven Cheung 卜卜脆，試一包包就 鐘意佢 開心在於，jj9 做咗韓撚 開心在於，Derek 哥鐘意喺人地張床到教人做數 開心在於，Dawn 仔痾尿睇唔到腳 開心在於，Jack 好婉轉咁徵詢咗我意見 開心在於，黃藥師俾咗部唔識影相既機俾 Pun 影 咗兩次 開心在於，最靚仔 Alvin 去咗三樓做鴨 開心在於，Chakson 條粉皮去咗邊 ... 開心在於，文龍會喺 lounge 同女仔 ... 開心在於，呀游會幫廢物 Yang Hall 踢波 開心在於，龍仔同 keith 記得我叫咩名 開心在於，Ringo 咁愛女朋友 開心在於，7 x 2 = 14，CKJ 開心在於，芝蛙哥真係做咗 14 隻狗，佢地開心快 活咁生活 開心在於，一貝子話俾 Rico 知食餐飯係唔容易㗎 開心在於，帶爺唔再溫書，都唔再溝女了

開心在於，番簡強係 c 床位望住蔡帝 開心在於，Billy 仔仍然擁有一片迪欣湖 開心在於，嘉浚同尻叫浩想去做奴隸 .. 開心在於，你哋都生活得幾開心 ... 開心在於，你哋班 freshman 都叫做聽聽話話 ... 開心在於，唔係 freshman 既你哋都鐘意呢個地 方 開心在於，Returning 們一路支持著巫宇能 其實，我好開心，今年識左你哋，甚至有刻弱 智到喺到諗，留多左年喺到都唔錯呀，見到你 哋慢慢 fd 到似班兄弟，甚麼也足夠了。 很多話也想說，但見面先話你知。 Last but not fuck, 謝謝你們，巫宇能的大學生 涯終於完了，我會記得每張可愛的臉和每件瘋 癲的事。 希望我們以後都可以自由自在地活下去。 巫宇能

執筆之時距離 quit hall 只剩餘大約半個月，老實說接到通知要寫樓層感受時實在係令小 弟有點驚慌失措。 一：驚擔唔起呢個重任 二：係篇幅限制下，實在怕不能夠表達對十五樓嘅愛及感謝。 小弟身分比較特殊，作為一個 final year 嘅 hall fresh，對於採取一個點樣嘅態度去處理 呢一年嘅 hall life 都有迷惘過。初初入黎只係抱住當多個地方住嘅心態，多個飯腳咁樣， 冇諗過由踏足呢一層開始，我投放嘅時間會係咁多。 myn: 冇你，冇今日嘅日劇佬，冇今日嘅靚仔 alvin，冇今日嘅顧晉賢！對你嘅景仰真係 有如滔滔江水，連綿不絕啊！恭喜你完成呢一年嘅任務，成功育孕出一班層仔，對於我 嚟講，一班層仔好同你大成一片已經係最大嘅成就！ 只 於 fm 呢 ( 容 許 我 當 自 己 係 半 個 returning)，15 樓 嘅 結 構 比 較 特 殊 充 斥 著 大 量 嘅 returning 初初仲怕會各有各玩慶幸喺老野英明嘅領導下，一眾 fm 都好順利咁成長，除 咗識去玩之外仲漸漸變得 caring。老實說，呢點我係最欣慰，可能年紀比佢地大，有一 種睇住細佬成才嘅感覺。嚟緊仲會留喺呢個舍堂嘅人，我都希望你地可以好好傳授俾新 入黎嘅宿生，因為我相信呢個就係 Yang Hall 嘅精神，冇呢種精神係唔會令呢個地方充 斥著愛。 其他死老野，篇幅所限，原諒小弟只好留句心照啦。（係日本再慢慢盡訴心中情） Yang Hall 可以話幾乎係我大學嘅一切，好多好多嘅回憶都同呢楝大樓有關，小弟已經冇 辦法再留係到啦，屈指一算，可以再嘟入南座入閘機嘅嘅時間已經唔多，同 Yang Hall 嘅故事都快要寫上句號。有人話過每一個人畢業嘅時候都有一個身分，而我好肯定我會 係 Yang Hall 嘅 Alvin。慶幸自己最後一年學生生涯住係 Yang Hall 15 樓（多謝家傑！）， 好感激遇到你哋每一位！ Alvin 要寫這篇對 15 樓的感受看似不難，但我卻是不知從何下手，不是無話可說，卻是太多太 多，不知從何說起。面對這群可愛又可恨的家伙，很難想像一個像我一樣普通的人是如 何在 15 樓的夾縫中生存下來。 15 樓是一個學習的地方，在這裏我學到了語文的另一個層次，15 樓的各位運用修辭手 法已經去到一個爐火純青的地步，借喻、借代、雙關等手法更是信手拈來，當然還有令 無數人嘆為觀止的本領——改歌填詞！ 15 樓是一個分享的地方，每一層都有一個屬於樓層的 WhatsApp 群組，15 樓的群組是 一個分享圖片的地方。這裏的圖片比我在手機其他地方加起來還要多。每一張圖片背後 都有着其獨有的意義，有着發圖者對各人的關懷。圖片收得多的人不就是那位大家為他 着緊得多的人嗎？ 15 樓是一個相親相愛的地方，無論他們玩的多麼瘋狂，你卻不會有什麼介意，只有間中 來個精采的還擊，這大概就是在 15 樓的生存之道吧！ Bosco

Itchy 妞扭臀 越係呢個時候 就越會回憶過去 就越想返到以前 可惜 日子走過就無法回頭 好啦 該完嘅就完啦 該明嘅希望你地明白啦 Bye bye Itchy!

Bye bye Yang Hall!

Sushi

32

「一年容易又 Quit hall」呢句說話係每一次 quit hall 前夕都會諗起。正常黎講，final year 嘅大學生身分應該係喺考試之後就完左，但因為仲住緊 hall 嘅關係，所以先可以 繼續扮大學生。四年嘅大學生活同 hall life 過得真係快，又係時候講 byebye，但其實 我仲好記得嗰陣拖住個喼 check in 嘅畫面，仲有呢幾年嘅點滴。老套講句，可以喺楊堂 識到各位，真係緣份嚟。你用嗰腦諗下，嗰 hall 成四百幾人，但就係呢五十幾個人做咗 你 floormate、呢十幾二十個人做咗你 ocampmates，仲有呢 4,5 個人做你 unitmates 同埋嗰 1,2 個人做咗你 roommates，你就知一切都係緣份啦施主。所以由第一日行 hall tour 見 到 嘅 returning， 到 見 到 呵 挑、floormates、unitmates、roommates、 ocampmates，遇到嘅所有人都係緣份嚟，不過係咪有緣有份又後話啦。呢幾年識到好 多好玩得又可以傾正經野嘅朋友，我相信喺離開左大學之後，我未必可以再識到呢 d 咁 嘅人㗎啦，所以我會好好珍惜同掛住你哋㗎，希望第時真係可以得閒飲個茶，食個包啦 嗚嗚。 肥溫 17 樓真係好 Warm <3 雖然大家平時都好忙，但每逢 hall 活動同層活動，大家都好踴躍支持，singcon 一齊喺 lounge 練舞、楊堂市集大家都露兩手、過三飯一齊諗 dress code，忙嘅時候互相鼓勵， 有煩惱嘅時候互相傾訴安慰。多謝 17 樓帶比我咁多溫暖，令我覺得住喺 17 樓係件好舒 服好安心嘅事。做到 Sushi 層女真係好幸福，無時無刻都會係心理上生理上 backup 到 你，令你生活無憂。 多謝 Sushi 多謝 17 樓，令我係 year 3 渡過左段無悔嘅 hall life：） 雞雞

33

Yang 文 Yang 武

34

Goodbye Yang Hall.

35

總編輯：梁琬禎（禎仔） 電郵：zen.yangbula@gmail.com 鳴謝：每一位投稿的宿生 （非賣品）