BOLETÍN INFORMATIVO UN
LIBRO PARA AGASALLAR
DA
BIBLIOTECA BREA SEGADE DECEMBRO 2012
Un ano máis no mes de decembro o CEP Brea Segade énchese de libros para todas as idades e todos os gustos. Son novidades editoriais que durante dez días poderemos ver, tocar e gozar, grazas á colaboración de diferentes editoriais que nos ceden durante un tempo unha escolma dos seus fondos. O obxectivo da campaña “Un libro para agasallar” e fomentar que se regalen libros neste tempo de Nadal. Coa nosa exposición pretendemos que os nosos nenos e nenas inclúan polo menos un libro entre as súas peticións de agasallos para estas festas. Como todos os anos, convidámosvos a que visitedes a exposición cos vosos fill@s e que descubrades con eles libros de distintas temáticas, en distintos formatos, de xéneros diferentes, pero todos eles escollidos desde o criterio da calidade tanto dos contidos como da forma de presentalos. Este ano fixemos un esforzo por incluír unha selección de libros de banda deseñada, o tema da campaña da biblioteca deste curso. A exposición estará aberta para as familias todas as tardes desde o día 10 ao 21 de decembro. Luns, xoves e venres de 15:30 a 17:30 Martes e mércores de 17:30 a 18:30 Agardamos a vosa visita!
www.blogoteca.com/bbs
O bibliotecario. Giuseppe Arcimboldo. 1565
ENTREGA
DO PREMIO DE
BOAS PRÁCTICAS A
CLUB
BBS
O vindeiro luns 10 de decembro, no salón de actos da Biblioteca Nacional, en Madrid, farase entrega ao noso centro dun dos Premios do Concurso Nacional de boas prácticas
para
a
dinamización
e
innovación
das
bibliotecas escolares da convocatoria do ano 2011. Alí estarán tres profesoras representando á escola e recollendo un premio que é de toda a comunidade educativa do
DE LECTURA PARA ADULT@S
Botou a andar un Club de lectura para adulto@s na BBS! As xuntanzas terán lugar os luns, cada tres semanas, de tres e media a catro e media da tarde. No club compartiranse boas lecturas e boas conversas e de cando en cando tamén se proxectarán películas dalgúns dos libros lidos. A vindeira xuntanza será o luns 17 de decembro. Visitade o blogue da biblioteca para máis información. Animádevos a participar!
CEP Xosé Mª Brea Segade, como a nosa biblioteca.
TRÍPTICO
DE RECOMENDACIÓNS
DE LECTURAS
www.blogoteca.com/bbs
Tal e como fixemos nos últimos cursos, as bibliotecas escolares de todos os centros de Rianxo e a Biblioteca Pública Municipal Castelao elaboramos unha guía de recomendacións de lecturas que repartiremos xunto cos boletíns das notas e que tamén colgaremos no noso blogue . Na guía incluímos suxestións de lecturas para todas as idades, desde prelectores a adultos. Os libros recomendados poden ser agasallos para estas festas, pero tamén estarán á vosa disposición para préstamo na BBS ou na Biblioteca Municipal á volta das vacacións.