Ekspozisaun ICFP ba joven Timor-Oan ©ICFP sira-ne’ebé hakarak 2013 sai mestre/a ba rai doben Timor-Leste Prepara hosi:
Instituto Católico para a Formação de Professores Responsável: Crisogno Soares Freitas Pereira, B.Tchg, M.Ed. Hala’o hosi: SEPFOPE iha loron 27 Jullu 2013
Instituto Católico para a Formação de Professores Baucau – Timor-Leste
Ekspozisaun 2013
Ekspozisaun ICFP, Baucau 2 hosi 34
Diretór ICFP-Baucau nia mensajen Introdusaun Benvindu EXPO 2013 Edukasaun mak bloku konstrusaun importante liu ba progresu ekonómia no dezenvolvimentu sosiedade sivíl. Nasaun Timor-Leste presiza ninia joven sira atu sai hanoin nain krítiku ne’ebé iha abilidade atu justifika ka rekoñese obstákulu iha oin no atu sai ida-ne’ebé iha abilidade ka jeitu resposta ba obstákulu sira-ne’e.
Edukasaun mak kona-ba dezenvolvimentu abilidade hotu-hotu ne’ebé presiza atu movimenta ekonómia iha Timor-Leste ba oin. Tanba ne’e, edukasaun importante atu estabelese abilidade saida de’it be iha no tantu dezenvolvimentu ba abilidade sira-ne’e hotu ne’ebé sei gia oportunidade apropriadu ba empregu.
Edukasaun iha Timor-Leste iha problema barak. Problema ida-ne’ebé boot hosi problema hotuhotu mak oinsá atu muda sistema edukasaun ne’ebé foka ba simplesmente repete informasaun sira iha-ne’ebé la bele kompriende sistema edukasaun ne’ebé foka ba iha kreativu, relevante iha metodolojia hanorin be konsentra ba dezenvolvimentu abilidade nesesária atu análiza krítika mundu no sosiedade ne’ebé ita moris ba.
Hein katak ‘EXPO’ fahe ba ita-boot sira ho oportunidade atu sai konxiénte liután ba saida mak presiza atu oferese liuhosi Instituisaun variedade, no espera katak ita-boot sira bele hili ho sinseridade, atu nune’e ita-boot bele hetan servisu depoizde ita-boot sira kompletu estudu tersiária. Desfruta ita-boot sira-nia-an iha ‘EXPO’ ne’e! ICFP, 8 Jullu 2013
Br. Fons van Rooij, fms Diretór Instituto Católico para a Formação de Professores Baucau, TL
Ekspozisaun ICFP, Baucau 3 hosi 34
1. Figura Ambiente Fíziku Instituto Católica para a Formação de Professores [ICFP]
Figura 1. Ida-ne’e mak ICFP ba future (agora daudaun sei hala’o konstrusaun) Adresu: Rua Centrál Vila Antiga – Baucau TL
Figura 2. Ida-ne’e mak atualmente nu’udar ofisina ba dosente sira
Figura 3. Ida-ne’e mak Green class ba estudante sira atu hala’o sira-nia prosesu aprendizajen
Ekspozisaun ICFP, Baucau 4 hosi 34
Área ne’e mak agora daudaun halo hela konstrusaun ba ICFP (Haree figura 1)
Figura 4. Ida-ne’e mak Administrasaun ICFP/Admin (dalan oin); Eskritóriu ba sekretária no Diretór nian (Admin nia kotuk), no Sala Observatóriu (iha Admin nia leten).
Ekspozisaun ICFP, Baucau 5 hosi 34
Ekspozisaun ICFP, Baucau 6 hosi 34
Ekspozisaun ICFP, Baucau 7 hosi 34
2. Istória ICFP Instituto Católica para a Formação de Professores [ICFP] Diocese Baucau – Timor-Leste harii husi Bispu Don Basílio do Nascimento iha tinan 2000 liuhosi prezensa Irmaun Marista ne’ebé simu konvite husi Bispu rasik atu responsabiliza manajementu hotu instituisaun ne’e nian (HandBook ICFP, 2013).
1) Iha tinan 1999, Amu Bispu Basílio konvida Kongregasaun Irmaun Marista nian hosi Australia atu mai Timor hodi hahú Institutu atu treinu mestre/a sira ba eskola primária sira iha Timor-Leste. 2) Iha tinan 2000, Ir. Mark Paul, FMS ba Australian Catholic University [ACU] no husu ACU atu ajuda Marista hodi dezenvolve futuru edukasaun iha Timor-Leste. 3) Iha tinan 2001, Irmaun Marista no voluntáriu sira fó treinamentu ba mestre/a sira iha eskola barak iha rai Timor laran – dezenvolvimentu profisionál. No iha tinan be hanesan, ACU dezenvolve kurríkulu ba programa, no organiza vizita Timor atu servisu ho Steering Committee iha Baucau no Dili. 4) Iha tinan 2002, ACU haruka Sra. Margie Beck atu hanorin Jestaun Turma nian ba mestre/a sira iha Baucau. Nia asiste ema iha Baucau atu halo planu ba Programa Bacharelato de Ensino. Depoiz Sra. Margie Beck filafali ba Australia atu kontinua dezenvolve kurríkulu ba ICFP, hodi hahú uza tuir kontestu Timorese iha tinan 2003. 5) Iha tinan 2003, ICFP hahú loke iha Baucau ba Timor oan tomak iha distritu 13. 6) Tinan 2006, graduasaun ba dala-uluk. 7) Tinan 2007, graduasaun ba dala-rua. 8) Tinan 2008, graduasaun ba dala-tolu no iha tinan be hanesan ICFP hetan akreditasaun hosi governu Timor-Leste ho valór 100% liuhosi National Agency for Academic Assessment and Accreditation. 9) Tinan 2009, graduasaun ba dala-haat, no iha tinan ne’ebé hanesan ICFP hetan Diploma Ministerial do Ministerio da Educação. No. 3/2009 ba akreditasaun hosi governu be Institutu hetan ona iha 2008. 10) Tinan 2010, National Agency for Academic Assessment and Accreditation December 2010 hateten katak “ICFP nu’udar Instituisaun ida-ne’ebé nia manejamentu di’ak liu ho
Ekspozisaun ICFP, Baucau 8 hosi 34
konsepsaun klaru kona-ba rekizitu avaliasaun ne’ebé iha nia diresaun ba valorizasaun kualidade. Institutu ne’e iha polítika klaru ne’ebé aplika sistematikamente. 11) Tinan 2011, graduasaun ba dala-lima. Iha tinan ne’e mós National Agency for Academic Assessment and Accreditation hateten katak “ICFP nu’udar fornesedór lider edukadór sira-ne’ebé formadu ba Timor-Leste. 12) Tinan 2012, graduasaun ba dala-neen. Iha tinan ne’e mós National Agency for Academic Assessment and Accreditation hateten katak “Instituisaun sira seluk ba Ensinu Superiór tenke imita tuir lideransa ICFP atu to’o ba iha hadi’a kuantum iha kualidade kurríkulu” 13) Tinan 2013, graduasaun ba dala-hitu.
3. Deklarasaun Misaun ICFP ICFP ne’e instituisaun ida Timor Oan nian kometida ba formasaun profesór/a sira ba eskola ensinu báziku iha distritu sanulu resin tolu iha Timor laran tomak. Fó atensaun espesífiku atu forma mestre/a profisionál ne’ebé kualifikadu lo-loos iha ambiente ida-ne’ebé influénsia hosi valór Evanjéliku.
Institutu ne’e ninia papél atu konvida estudante sira atu fó an tomak ba iha prosesu edukasaun ne’ebé sei hakbi’it estudante ida-idak atu sai lider iha kampu edukasaun eskola ensinu báziku iha futuru.
Institutu ne’e kometidu atu hasa’e liután abilidade sira-ne’ebé mak esensiál kona-ba kualidade hanorin no aprendizajen nian no tuir kontestu edukasaun foun ho aprosimasaun ida-ne’ebé foka liu ba estudante mak sentru aprendizajen no la’ós konteúdu no manorin mak sentru iha aprendizajen. Ita-nia modelu mak la’o neineik maibé ho firme hamutuk ho ita-nia estudante sira iha hanorin no sira-nia aprendizajen.
Institutu ne’e kometidu atu halo estudante sira sai kriativu liután hosi esperiénsia aprendizajen liuhosi deskobre iha sira-nia moris no aprende abilidade numerasia no literasia ne’ebé atu loke sira-nia hanoin krítiku hodi buka sai ema loos atu serbí, liuliu servisu edukasaun nian iha komunidade. Xave atu sai ema ne’ebé servisu na’in mak hakbi’it estudante ida-idak atu bele fó nia an tomak ba sira-nia aprendizajen rasik. Ekspozisaun ICFP, Baucau 9 hosi 34
Institutu ne’e kometidu fó oportunidade ba estudante sira atu dezenvolve kualidade hirak ne’ebé mak sei halo sira sai “Sidadaun no Kristaun di’ak” (Santu Marcelino Champagnat). Kualidade ida mak fó domin ida-ne’ebé loos ba estudante sira: “atu eduka foin-sa’e sira uluk-knanain tenke hadomi uluk sira, no hadomi sira hotu hanesan” (Santu Marcelino Champagnat).
4. Deklarasaun Vizaun ICFP Graduadu sira espera katak sai servidór/a ne’ebé iha kapasidade no iha kometimentu atu hanorin. No hanorin nu’udar vokasaun moris nian ne’ebé loos. Sira sei sai sidadaun ne’ebé di’ak no iha kometimentu ba valór étika no espirituál sira tuir espíritu Santu Marcelino Champagnat (Handbook ICFP, 2013).
5. Santu Marcelino Champagnat (1789-1840) Santu
Marcelino
Champagnat
nu’udar
fundadór
Kongregasaun Irmaunziñu hosi Maria ka ofisialmente hanaran Kongregasaun Irmaun Marista. Bainhira nia sei ki’ik akontese revolusaun Fransa. Depoizde nia simu sakramentu ordenasaun sai amu-lulik, nia hahú halibur labarik-joven sira atu aprende Evanjellu, no treina sira konaba literasia báziku (lee, hakerek) no konta (numerasaun). Retratu Marcelino Champagnat husi M. Ravery (1840)
Ho ninia abilidade no brani ne’ebé boot liu, nia harii kongregasaun Irmaun Marista, ne’ebé iha kometimentu atu fó edukasaun ba sira ne’ebé presiza liu. Kongregasaun ne’e atu fó hanoin filafali Maria nu’udar Inan ne’ebé lori Jezús ba iha ita-nia mundu. Objetivu Irmaun Marista sirane’e mak atu lori espíritu família iha sira-nia dedikasaun no hatudu interese, sensu maun-alin no jentileza iha sira-nia relasaun tomak.
Ekspozisaun ICFP, Baucau 10 hosi 34
6. Estrutura Instituto Católico para a Formação de Professores – Baucau, TL
Diretór Br. Fons van Rooij, FMS, M.Th, MEPA, MRE
Vísiu Diretór Akadémiku I Sra. Margie Beck, M.Ed
Vísiu Diretór Akadémiku II Mariano dos Santos, S.Psi, M.Ed
Koordenadora Programa Bacharelato de Ensino Edviges Maria Sidalia de Oliveira, B.TCHG, M.Ed
Koordenadora Prátika Pedagojia Domingas Ximenes Belo, L.Ed, M.Ed
Ekspozisaun ICFP, Baucau 11 hosi 34
Dosente Ávila Maria Espírito Santo da Cruz, B.TCHG, M.Ed
Dosente Crisogno Soares Freitas Pereira, B.TCHG, M.Ed
Dosente Diamantino de Assis, B.TCHG, M.Ed
Dosente João Mariano Helder de Deus, B.TCHG
Dosente Agata Moreira Freitas, B.TCHG
Dosente Victor da Costa, B.TCHG
Dosente Silvanio de Araújo, B.TCHG
Dosente Juaquina Belo Freitas, B.TCHG
Dosente Juvinalia A. de Fátima Ribeiro, B.TCHG
Dosente Pedro dos Santos, S.Fil
Dosente Bárbara Anita Ximenes Belo, B.TCHG
Ekspozisaun ICFP, Baucau 12 hosi 34
Dosente Me. Luisa Fernandes Lopes, FMA, M.Psi
Iha ICFP mós fó importánsia ba dezenvolvimentu profesionál ba dosente sira-nian, ne’ebé nia kna’ar prinsipál mak atu prepara prosesu kualifikasaun ba dosente sira liuhosi mentoriza sira-nia estudu majiztradu nian, ne’e mak tulun dosente sira iha sira-nia estudu Majistradu ba área Edukasaun. Sira-ne’e mak tuir mai ne’e:
Ekspozisaun ICFP, Baucau 13 hosi 34
Iha estrutura ICFP ne’e nia laran, iha mós non-teaching staff sira-ne’ebé fó apoiu liuhosi sira-nia servisu hodi kontribui ba dezenvolvimentu instituisaun edukasaun superiór. Sira-ne’e mak tuir mai ne’e ho ninia pozisaun:
Ekspozisaun ICFP, Baucau 14 hosi 34
NB. Staff ICFP sira seluk ne’ebé la iha fotografia mak: Sra. Jaquelina dos Santos (Cleaner); Sra. Bendita Filipe (staff Creché); no Domingos Pinto (Manutensaun, Transporte no seguransa).
Ekspozisaun ICFP, Baucau 15 hosi 34
7. Programa Fakuldade Edukasaun (Bacharelato de Ensino) ICFP ICFP nu’udar Intituisaun Ensinu Superiór ida-ne’ebé foka liu ba iha área fakuldade Edukasaun hodi fó formasaun ba Timor-oan sira ne’ebé remata ona Eskola Sekudáriu atu sai mestre/a Ensinu Báziku ba rai doben TL.
Fakuldade Edukasaun iha ICFP nia estrutura ba kursu Bacharelato de Ensino ka Bacherol of Teaching (B.Tchg) fahe ba kadeira Kurríkulu 7 hamutuk ho nia responsável ba matéria ne’e mak, tuir mai ne’e: 1) Estudu Timorense a) Saúde no nutrisaun (Dosente: Agata Moreira Freitas, B.TCHG) b) Sidadania no étika (Dosente: Ávila Maria Espírito Santo da Cruz, B.TCHG, M.Ed) c) Istória Timor-leste (Dosente: Diamantino de Assis, B.TCHG, M.Ed)
2) Estudu Edukasaun a) Filozofia edukasaun (Dosente: Luisa Fernandes Lopes, FMA, M.Psi) b) Psikolojia: Dezenvolvimentu umanu (Dosente: Mariano dos Santos, S.Psi, M.Ed) c) Psikolojia: Apredizajen labarik sira-nian (Dosente: Mariano dos Santos, S.Psi, M.Ed) d) Edukasaun no sosiedade (Dosente: Victor da Costa, B.TCHG)
3) Estudu Língua (Atende ezijénsia governu nian katak mestre/a tenke kompetente iha língua Portugés) a) Portugés 1 no 2 (Dosente: Portuguese Teacher) b) Língua no alfabetizasaun 1 no 2 (Dosente: Diamantino de Assis, B.TCHG, M.Ed)
4) Estudu Kurríkulu a) Arte: Dansa no drama (Dosente: Ávila Maria Espírito Santo da Cruz, B.TCHG, M.Ed) b) Arte: Múzika (Dosente: Ávila Maria Espírito Santo da Cruz, B.TCHG, M.Ed)
Ekspozisaun ICFP, Baucau 16 hosi 34
c) Arte: Arte visual (Dosente: Diamantino de Assis, B.TCHG, M.Ed) d) Edukasaun Matemátika 1 no 2 (Dosente: Domingas Ximenes Belo, L.Ed, M.Ed) e) Edukasaun Siénsia 1 no 2 (Dosente: Edviges Maria Sidalia de Oliveira, B.TCHG, M.Ed) f) Saúde no edukasaun fízika 1 no 2 (Dosente: Silvanio de Araújo, B.TCHG) g) Edukasaun Relijioza 1 no 2 (Dosente: Crisogno Soares Freitas Pereira, B.TCHG, M.Ed)
5) Estudu Hanorin a) Metodolojia hanorin 1 (Dosente: Domingas Ximenes Belo, L.Ed, M.Ed) b) Metodolojia hanorin 2 (Dosente: Agata Moreira Freitas, B.TCHG) c) Metodolojia hanorin 3 (Dosente: Edviges Maria Sidalia de Oliveira, B.TCHG, M.Ed) d) Metodolojia hanorin 4 (Dosente: Crisogno Soares Freitas Pereira, B.TCHG, M.Ed) e) Labarik ho nesesidade espesiál (Dosente: Edviges Maria Sidalia de Oliveira, B.TCHG, M.Ed)
6) Prátika pedagojia (Dosente: Domingas Ximenes Belo, L.Ed, M.Ed) a) Prátika pedagojia iha prosesu hanorin projetadu hodi premiti estudante pratikante sira atu sai familiar ho obstákulu sira nu’udar mestre/a be di’ak. b) Espera mós katak estudante pratikante sira sei bele treina abilidade no estratéjia be sira aprende ona iha sira-nia estudu hanorin.
7) Estudu sira seluk a) Estudu no abilidade peskiza (Dosente: Edviges Maria Sidalia de Oliveira, B.TCHG, M.Ed) b) Estudu komputadór (Dosente: Delson Rosa Barreto do Carmo, S.Kom.) c) Tétum no estudu kulturál (Dosente: Juvinalia Antónia de Fátima Ribeiro, B.TCHG) d) Introdusaun Teolójia (Dosente: Luisa Fernandes Lopes, FMA, M.Psi)
Ekspozisaun ICFP, Baucau 17 hosi 34
e) Sakramentu (Dosente: Pedro dos Santos, S.Fil) f) Estudu Bíblia (Dosente: Crisogno Soares Freitas Pereira, B.TCHG, M.Ed) g) Projetu investigasaun Distritál (Dosente: Margie Beck, M.Ed) h) Formasaun Profisionál (Dosente: Margie Beck, M.Ed)
Ekspozisaun ICFP, Baucau 18 hosi 34
8. Estudante ICFP Joven sira Timor laran tomak ne’ebé remata ona sira-nia estudu iha Eskola Sekundária enkoraja atu aplika hodi bele estuda iha ICFP Baucau Timor-Leste. Aplikante ida-idak sei tuir variedade ezaminazaun no atende mós entervista ICFP sei simu de’it estudante sira be bele hatudu sira-nia kapasidade atu remata sira-nia estudu ho susesu no ho esntadarizasaun akadémiku be kualifikadu internasionalmente no hetan rekoñesimentu internasionál. Kada estudante ICFP tenke tuir rekerimentu Institutu nian loronloron ICFP nia estudante sira mai hosi Timor-Leste tomak, inklui Oecusse ICFP nu’udar institutu ki’ik tanba ICFP nia fokus mak ba iha ‘kualidade’ edukasaun no la’ós ‘kuantidade’ estudante. ICFP fiar katak joven sira iha área aldeia sira, iha direitu atu simu edukasaun kualidade no nu’udar ICFP nia esperansa mak estudante ICFP ne’ebé mai hosi aldeia sira-ne’e sei filafali ba sira ida-idak nia aldeia atu sai lider edukasaun. ICFP nia fokus mak dezenvolve kapasidade edukasaun ba nasaun ne’e totalmente. Kuandu iha estudante mai hosi família ne’ebé hetan difikuldade finansiál, ICFP ajuda sira iha parte hahán, saúde no seluk tan. ICFP nu’udar Instituisaun Katólika. Tanba ne’e, ICFP nafatin motiva no kuda karakterístika ka valór sira tuir mai ne’e: a) Kualidade prezensa: Atitude loke-an no laran-midar ba ema hotu, nakonu ho atensaun no respeitu malu, dezenvolve relasaun bazeia ba taumatan ba malu ho laran-moos.
Ekspozisaun ICFP, Baucau 19 hosi 34
b) Espíritu Família: Ezerse responsabilidade, espíritu atu simu ema no domin, fiar malu, respeitu dignidade ema ida-idak no dezenvolve sensu ‘ha’u-nian’ feel at home. c) Espíritu simplisidade: Iha espíritu onestidade, espíritu atu halo di’ak ho silénsiu; iha atitude realístiku kona-ba kapasidade ema ida-idak nian, respeitu an rasik no ema seluk tantu sé mak sira. d) Obra karidade: Iha espíritu esforsu an, espíritu servisu atu to’o objetivu, espíritu kolaborasaun iha grupu, espíritu servisu ba buat di’ak hosi ema ida-idak nian kapasidade ka talentu. e) Iha dalan Maria: Foti Maria nu’udar Jezús nia edukadora, nu’udar modelu ba ita ida-idak nia vokasaun rasik nu’udar mestre/a. Ninia prezensa motiva joven sira no solidariedade ho sira be iha difikuldade.
“Atu eduka foin-sa’e sira, ulukknanain tenke hadomi uluk sira no hadomi sira hotu hanesan” (Santu Marcelino Champagnat).
Ekspozisaun ICFP, Baucau 20 hosi 34
Atividade hanorin no aprende a. Klase Bacharelato de Ensino: Klase ne’e ba estudante sira ne’ebé remata ona sirania estudu iha Eskola Sekundária iha Timor laran tomak Tempu Orientasaun ba estudante foun ICFP:
Orientasaun iha ICFP mak orienta estudante ida-idak sai: 1. Belun ba malu 2. Aprende ba malu 3. Servisu hamutuk 4. Haksolok hamutuk Atu kria atmosfera aprendizajen ne’ebé konduzivu no saudavél.
Estilu prosesu aprendizajen durante tinan tolu iha ICFP
Klase ICFP tinan 2003-4
Tempu diskusaun ba matéria ne’ebé aprende tiha ona (Tutoriál) 2003-4
Ekspozisaun ICFP, Baucau 21 hosi 34
Profesora hatene tiha husu fali ami ne’e….
Orsida ha’u atu ko’alia saida ho? Foin mak aprende portugés tan…hai pa…nusa ne’e?
Atenção, O que isso?
Aprendizajen Literásia ho profesora Lucimar (Mestra Brasileira)
Tempu Estájiu ba estudante ICFP sira atu prátika hanorin iha Eskola Bázika
Estajiada Diana Boavida hosi ICFP halo hela nia prátika pedagojia iha Eskola Wailili
Ekspozisaun ICFP, Baucau 22 hosi 34
Klase Majistradu Edukasaun: Klase ne’e ba dosente sira-ne’ebé hanorin iha ICFP. Klase ne’e atu prepara dosente sira sai kualifikadu iha hanorin. Agora daudaun dosente sira ICFP na’in 6 ho títulu Majistradu Edukasaun no dosente na’in 8 halo sira-nia estudu Majistradu Edukasaun ho Universidade Katólika Australia.
Loos duni katak edukasaun loos, la’ós de’it koñesimentu ho lisan faktu sira no nu’udar kompeténsia tékniku (hard competency) ne’ebé ki’ik liu atu determina ema nia moris. Maibé ba liu karakter no atitude mentál pozitivu (positive Mental Attitude) ne’ebé dominante liu atu determina ema nia moris.
Klase Majistradu Edukasaun Jullu 2013
Loos duni katak moris ne’e idéntiku ho problema, viajen moris la-nafatin kabeer. Tanba ne’e, estudante ida-idak tenke konxiénte ba realidade moris ne’e ho matenek no konxiénte mós katak
Klase Majistradu Edukasaun Jullu 2013
problema sira halo estudante sai maduru liután no forte liután.
Ekspozisaun ICFP, Baucau 23 hosi 34
Atividade amizade
Horee…e..e.. segundu ano…manan….
La-hatene katak ó iha hela bee laran….hahahaha Hahhahahahaha….. nia nani fali iha bee laran?????
ó hakarak ami nani iha rai maran ka???hehehehehe
Profesora, keta riba an maka’as sei lae ha’u bele bokon!
Eis Dosente ICFP Fracelina Cabral (Anche) ho nia estilu iha Pixina, 2008
Estudante ICFP 1, 2 no 3 ano tuir kompetisaun nani taru iha Pixina-Baucau (Festa S. Marcelino Champagnat, 2008)
Wkwkwkwk…. Nia la-haree bola. Kolega, bola ihane’ebé ne’e?
Fire song group 2007 ICFP Baucau Estudante ICFP 1, 2 no 3 ano tuir kompetisaun bola volley iha PixinaBaucau (Festa S. Marcelino Champagnat, 2008)
Ekspozisaun ICFP, Baucau 24 hosi 34
JOGU AMIZADE ENTRE ICFP BAUCAU NO ICR DILI IHA BAUCAU (2006)
Ekspozisaun ICFP, Baucau 25 hosi 34
Aprezentasaun kulturál iha tempu amizade entre estudante ICFP Baucau 1, 2 no 3 ano iha Pixina-Baucau hodi komemora festa Santu Marcelino Champagnat 2008
Dansa malirin fali ne’e, hatais tiha faru de’it…
Ha’u-nia ulun moras fali....
Estudante no dosente ICFP dansa iha Pixina (relaksa tiha de’it)
Ekspozisaun ICFP, Baucau 26 hosi 34
9. Atividade Espirituál
10. Pe. Ilidio Correia, SDB (Celebrante) no Pe. Tomas Aquino (com celebrante) selebra missa ba festa Santu Marcelino Champagnat iha Katedrál Baucau (2008)
“Tenke hatene katak moris espirituál mak enérjia ne’ebé fó influénsia boot ba mudansa ita ema nia moris. Tanba moris espirituál ne’e rasik mak kuda iha ita-nia an ida-idak karakter ‘DOMIN’. Iha-ne’ebé nia bele kura ema nia fuan be la-hakmatek no harahun parede konflitu; nia mak espíritu be movimenta buat hotu no moris nia hún; nia mak halo buat hotu mosu no nia mak Maromak; tanba ne’e nia mak GRASA” (Crisogno Soares Freitas Pereira)
Ekspozisaun ICFP, Baucau 27 hosi 34
12. Evantu Gradusaun 2006-2013
Graduasaun ICFP – I (2006)
Graduasaun ICFP – II (2007)
Graduasaun ICFP – III (2008)
Ekspozisaun ICFP, Baucau 28 hosi 34
Graduasaun ICFP – IV (2009)
Graduasaun ICFP – V (2011)
Ekspozisaun ICFP, Baucau 29 hosi 34
Graduasaun ICFP – VI 2012
Graduasaun ICFP – VII 2013 “Graduasaun nu’udar momentu ida atu hahú aprende no halo sakrifísiu ba povu ne’ebé Maromak entrega ba ema ne’ebé nia haruka. Graduasaun mak tempu atu hahú serbí no serbí povu di’ak liután ho matenek be Maromak haraik ba ema ida-idak iha momentu espesiál ne’e. Momentu ne’e mak momentu agradese no momentu atu terus liuhosi sakrifika ita-nia-an tomak ba Nia povu ho matene lalehan nian be ita simu ona hosi Nia” (Crisogno Soares Freitas Pereira) Ekspozisaun ICFP, Baucau 30 hosi 34
Santu Marcelino Champagnat Vokasaun mai hosi lian Latina vocare ne’ebé signifika bolu. Maromak nia bolu hahú ona molok mundu iha. Nia la’ós de’it kria ema feto no mane, maibé Nia fó ba sira vokasaun moris, ne’e mak “servisu hamutuk ho Maromak” hodi kontinua prosesu kriasaun be nafatin kontinua akontese. Tanba ne’e, ema ida-idak hetan bolu atu responde Maromak liuhosi ninia esperiénsia privada no konkreta.
Maromak bolu ó, atu ó serbí Nia liuhosi labarik no joven sira, liuliu sirane’ebé kuran liu!
Ha’u mak ne’e Nai, atu halo tuir de’it Ita-nia hakarak!
Ekspozisaun ICFP, Baucau 31 hosi 34
Graduadu sira espera katak sai servidór/a be iha kapasidade no iha kometimentu atu simu knaar hanorin nu’udar vokasaun moris. Sira sei sai sidadaun di’ak no iha kometimentu ba valór étika no espirituál sira tuir espíritu Santu Marcelino Champagnat
Ekspozisaun ICFP, Baucau 32 hosi 34
Ekspozisaun ICFP, Baucau 33 hosi 34
Iha espíritu “karidade servisu” no “kolaborasaun iha servisu” sei tulun komunidade ida to’o nia objetivu SANTIDADE. Espíritu kolaborasaun iha grupu, espíritu servisu ho loos ba buat di’ak hosi ema ida-idak nia kapasidade mak nu’udar grasa atu moris iha KSOLOK.
Ekspozisaun ICFP, Baucau 34 hosi 34