Ladaña Maromak nia Prezensa

Ladaña Maromak nia prezensa • • • • • • • • • • • • • • • •

Mane (M): Prezente iha ne’e, oh… Maromak, Feto (F): Hela iha ami leet.

M: Prezente iha ne’e, F: Haroman ami-nia moris.

M: Loke ami-nia matan fuan nian, F: Atu nune’e ami haree Ita-Boot.

M: Book ami-nia fuan, F: Atu nafatin iha esperansa ba Ita. M: Hatudu An katak Ita besik ami, F: Atu ami sente Ita-nia prezensa.

M: Hatudu Ita-nia forsa, F: Atu ami hetan libertasaun.

M: Prezente iha ne’e, F: Atu nune’e ami moris.

M: Ita-Boot manas hanesan ahi, F: Hamanas ami-nia Espíritu.

• • • • • • • • • • • • • • • • • •

M: Ita-Boot loron-matan dadersan nian, F: Leno ami-nia matan.

M: Maromak forsa hotu nia forsa, F: Maromak ba ema hotu.

M: Hatudu Ita-nia oin, F: Fó mai ami Ita-nia moris.

M: Ita-Boot, Maromak ema moris nian, F: La'ós Maromak ema mate nian.

M: Hakbesik ami, F: Atu ami moris.

M: Ita-Boot naroman dadersan nian, F: Mai no liberta ami.

M: Hosi sékulu ba sékulu, F: Ita-Boot nafatin fiel.

M: Ba tempu ohin loron mós, F: Ita-Boot mak Maromak ba ema hotu.

M: Ita-Boot Maromak Santu, F: Sé mak bele haree Ita-Boot?

• • • • • • • • • • • • • • • • • • • •

M: Ita-Boot dook no la iha limitasaun.

F: Maibé besik mós.

M: Ita-Boot Maromak verdadeiru, F: La'ós mai hosi ami-nia imajinasaun.

M: Prezente iha ne’e, F: La bele husik ami mate.

M: Kuandu Ita la iha, F: Tanbasá ami moris?

M: Sai ami-nia is, F: Raan iha ami-nia isin.

M: Iha Ita, ami moris, F: iha ita, ami horik.

M: Ami hakarak haree Ita, F: Loos duni no hakarak haree besik.

M: Loke Ita-nia liman, F: Atu ami hetan ai-han.

M: La bele fila kotuk ba ami, F: La bele husik ami mate.

M: La bele husik ami, F: Fila fali ba rai-rahun.

• • • • • • • • • • • • • • • •

M: Haruka Ita-Boot nia Espíritu, F: Atu buat hotu sai foun.

M: Fó ba mundu ida-ne’e, F: Oin ne'ebé foun.

M: Ba ema hotu, F: Iha-ne'ebé sira hela ba.

M: Ba ema hotu, F: Ne'ebé ki’ak no riku.

M: Ba ema hotu, F: Ne'ebé idozu no labarik-joven.

M: Ita-Boot iha ema hotu nia fuan, F: Leno ami-nia fuan.

M: Ami hamulak ba Ita, F: Horik iha ne’e.

M: Iha fatin ida-ne’e, F: Mosu ba Ita-Boot nia paz.

• • • • • • • • • • • •

M: Iha ami-nia uma, F: Horik ba Ita-nia paz.

M: Hatudu Ita-nia An, F: No kria paz.

M: ba ami-nia labarik no joven sira, F: Sai futuru ba sira.

M: Ita-Boot sai tempu futuru, F: Ba ami-nia moris agora no iha-ne’e.

M: Iha Ita-Boot, ami fiar, F: Ita Ita-boot, ami moris.

M: Ita-Boot nunka halo ema laran susar, F: Ida-ne'ebé fiar ba Ita-Boot.

Orasaun • Maromak Santisima Trinidade, ami agradese ba Ita-Boot tanba loron foun ida-ne’e.

• Fó mai ami fiar ne'ebé moris, esperansa ne'ebé forte, no domin ne'ebé prontu.

• Espera katak ami-nia liafuan hotu ne'ebé ami sei hateten sai iha loron ne’e, no ami-nia hahalok tomak, monu ba Ita laran.

• Lidera ami ho Ita-Boot nia Espíritu, atu nune’e iha ami-nia atitude tomak ba loron ohin nian sai hanesan Jezús Kristu Ita Oan. • Haraik bensaun ba ami-nia família, no ema hotu ne'ebé ami hasoru ohin loron, • espera katak ho ami-nia sorumutu ho sira, ami hatudu laran-di’ak hanesan Ita-Boot laran di’ak ba ema hotu.

• Ami sei haka’as an atu simu ksolok no triste ho fuan tomak.

• Inan Santa Maria, Jezús nia Inan, kuidadu ami, Ita-nia oan sira-ne’e.

• Glória ba Aman, glória ba Jezús Kristu no glória ba Espíritu Santu. Maromak ida de’it. Amen.