Orasaun ROZARIU
2019
FCF, 26 September 2013 Revizaun Janeiru 2014 Revizaun Juñu 2017 Revizaun Maiu 2019
(©Rozáriu2019– [FCF]) Reza tersu loron-loron ho fuan moos, ó sei haree Maromak nia milagre akontese iha fatin-fatin hodi hatudu Maromak nia domin boot ba ema! 2
Hodi Padre, Hodi Fillu, Hodi Espíritu Santu nia naran. Amen. Hanoin buka sala hotu-hotu….!!! Ita reza hamutuk: Nai, Ha’u nia Maromak, ha’u tau konfiansa tomak iha domin ne’ebé nakonu ho perdaun, husik ha’u-nia fuan haksolok iha Ita-Boot nia ajuda salvasaun. Amen.
Intensaun: 1. Segunda: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik mai ita família ki’ik ida-ne’e saúde di’ak isin no klamar no hasai ita hosi ‘moras ta’uk’, nune’e mós ba maun-alin no fetonan sira hotu nia intensaun.
2. Tersa: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu nafatin proteze ita-nia ‘uma’, rain ne’ebé pertense ba ita família ida-ne’e, no mós ba ita-nia jerasaun hosi buat aat hotu, sala, ódiu, figansa no segesaun, no hosi espíritu-aat no ema-aat sira no hosi ai-morukaat sira hotu.
3. Kuarta: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, atu haraik ba ema ‘ki’ak’, no moris iha sala atu sira bele filafali ba ‘moris-di’ak’, liuliu haraik grasa moris santidade no ‘riku’. Ita mós reza ba sira-ne’ebé moris iha funu laran atu sira bele hetan paz no hakmatek iha sira-nia moris.
4. Kinta: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik ba família ida-ne’e no nia jerasaun sira vokasaun Nai-lulik, vida relijiuzu/a no lider santu no matenek hodi lori mundu ne’e ba dalan Maromak nian.
5. Sexta: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik ba família ida-ne’e nia inan-aman
3
sira forsa iha isin no klamar liuliu ba sira be sei moris. No ba sira be mate ona atu hetan rahun di’ak Maromak nian iha lalehan.
6. Sábadu: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik ba ema moras sira no sira be besik atu mate atu sira hetan grasa espesiál ba sira-nia moris hosi Aman Maromak. Nune’e mós, ba maluk matebian sira be sira-nia klamar sei la’o iha mundu ne’e no iha purgatóriu atu hetan lalais perdaun hosi Aman Maromak no hetan glória lalehan nian.
7. Domingu: Iha ita-nia orasaun Rozáriu kalan ne’e nian, ita husu atu Aman Maromak liuhosi Inan Maria ne’ebé nakonu ho grasa, haraik ba ita-nia Amu papa (NN………….) no Bispu sira (NN…………..) nune’e mós saserdote sira, atu sira hotu hala’o sira-nia kna’ar ho di’ak no ho matenek lalehan nian, hodi nune’e bele lori Maromak nia povu ne’ebé sei hala’o viajen iha mundu ne’e atu hotu-hotu bele hetan santidade.
Kredo Ha’u fiar Maromak mesak ida de’it, Aman bele halo hotu-hotu, halo ona lalehan ho rai no buat hotu ema haree no mós la haree. Ha’u fiar Nai ida de’it, Jezús Kristu, Maromak Oan Mane mesak, moris nanis hosi Aman molok tempu hahú. Maromak hosi Maromak, Naroman hosi Naroman, Maromak loos hosi Maromak lo-loos. Aman hahoris la halo Nia, ida de’it ho Aman. Hosi Nia, buat hotu mosu, tan ita ema atu soi ita. Nia tun mai hosi lalehan, hodi Espíritu Santu, Nia moris hahú-An hosi Maria Virjen, halo An ba Mane. Tan ita, ema hedi Nia ba krús, iha Pónsiu Pilatus nia ukun, Nia terus to’o mate ema hakoi Nia. Liu loron tolu Nia moris hias, tuir Eskritura. Sa’e ba Lalehan, hatodan iha Aman nia kuana. Nia sei fila ho kbiit wain, atu halo justisa ba ema moris no ema mate. Nia ukun sei rohan laek. Ha’u fiar Espíritu Santu, Nai be haraik moris mai hosi Aman no Oan, Ema hanai, hahí hamutuk ho Aman no Oan. Nia mak lia tun hosi profeta sira. 4
Ha’u fiar Kreda ida mesak, Santa, Katólika, Apóstolika. Ha’u fiar Batizmu ida de’it atu kasu sala. Ha’u hein katak mate sira sei moris hias, moris foun sei mosu mai. Amen.
Ami Aman iha lalehan, tulun ema atu hahí Ita naran, halo Ita-nia reinu to’o mai ami, haraik tulun ba ema atu tuir Ita hakarak iha rai nu’udar iha lalehan. Ohin ne’e haraik ai-han loronloron nia mai ami, haraik perdua ba ami sala nu’udar ami fó perdua ba ema halo aat ami, labele husik ami monu ba tentasaun maibé hasai ami husik buat aat. Amen. 1x
Ave Maria, grasa barak liu, iha Ita-Boot Maromak ho Ita-Boot, Ita-Boot di’ak liu feto hotuhotu Ita-Boot nia Oan Jezús di’ak liu. Santa Maria Maromak nia Inan harohan mai ami atan sala, oras ne’e ho oras ne’ebé ami atu besik atu mate. Amen. 3x
Glória ba Padre ba Fillu no ba Espíritu Santu, nu’udar hori uluk, oras ne’e, tinan ba tinan nafatin. Amen. 1x
O Maria Inan sala laek Haraik tulun mai ami ne’ebé husu Ita-Boot nia tulun
O Jezús haraik perdua ba ami salan keta husik ami monu ba ahi infernu nian Lori klamar sira ba lalehan liuliu ba sira-ne’ebé ema haluha atu harohan bá
Maria Rainha da Paz Dai-nos a paz ao mundo inteiro
Mistériu Gozozu (Segunda, Sábadu) 1. Anunsiasaun: Anju Saun Gabriel fó hatene Maria katak nia sai Maromak nia Inan 2. Vizitasaun: Maria vizita nia prima santa Isabel 3. Natál Jezús nian: Kosok Oan Jezús moris iha bibi-luhan ida iha rai Belén 4. Aprezentasaun: Nai Feto aprezenta kosok oan Jezús ba iha uma kreda boot Jeruzalén
5
5. Buka Jezús: Jezús lakon hori loron tolu ita Nai Feto hetan fali Nia iha uma Kreda boot Jeruzalén Ami Aman, Ave Maria 10x, Glória, O Maria, O Jezús, Maria Rainha da Paz
Mistériu Dolorozu (Tersa, Sexta) 1. Jezús iha Getsemani: Jezús ho neon-sala halo orasaun iha to’os Oliveira 2. Kaer Jezús: Ema kaer Jezús baku nia isin halo mesak kanek 3. Koroa Jezús ho ai-tarak: Ema hale’u ai-tarak iha Jezús nia futar ulun 4. Dalan Kalvariu: Jezús lori nia Kruz ba to’o iha foho Kalvariu 5. Krusifiksaun no mate: Ema hedi Jezús iha Kruz terus to’o mate tanba ita ema nia sala Ami Aman, Ave Maria 10x, Glória, O Maria, O Jezús, Maria Rainha da Paz
Mistériu Luminozu (Kinta) 1. Batizmu: Jezús simu Baptizmu iha mota Jordaun husi Saun João Baptizta 2. Milagre: Jezús halo milagre dala uluk iha festa Kanaã 3. Evanjelizasaun: Jezús haklaken Maromak nia reinu ba ema tomak 4. Transfigurasaun: Jezús hatudu-An lo-loos iha foho Tabor 5. Kalan ikus: Jezús han kalan ikus ho Nia eskolante sira no institui Eukarístia ba dalauluk Ami Aman, Ave Maria 10x, Glória, O Maria, O Jezús, Maria Rainha da Paz
Mistériu Gloriozu (Kuarta, Domingu) 1. Resurisaun: Jezús mate tiha liu loron tolu Nia moris hias 2. Asensaun: Jezús sa’e rasik ba lalehan 3. Espíritu Santu Tun: Espíritu Santu tun mai hosi lalehan hodi tama iha Apóstolu sira no Nai Feto iha Sanákulu 4. Asumsaun: Nai Maromak hasa’e ita Nai Feto ba lalehan 5. Glorifikasaun no koroasaun: Nai Maromak harai Glória boot ba Maria Santísima Ami Aman, Ave Maria 10x, Glória, O Maria, O Jezús, Maria Rainha da Paz
6
Reza ba paz no hakmatek iha mundu, liuliu rai sira be funu, hamlaha, dezastre naturais. No nune’e mós reza ba paz iha Timor, família ida-ne’e, vijiñu sira no knua sira hotu iha Timor laran tomak.
Salve Liurai Feto, Inan hanoin ami, ami-nia rahun di’ak, ami-nia esperansa, salve. Ami ata Eva nia oan desteradu, hasa’e ami-nia lia ba Ita-Boot; hodi tanis ami husu de’it Ita-Boot tulun ami ata iha tanis fatin ne’e. Ne’e duni, ami-nia Advogada, fila mai ami ata Ita-Boot nia matan di’ak. Desteru ne’e hotu, hatudu mai ami ata Ita-Boot nia Oan benditu Jezús. Ou klemente, ou piedoza, ou doce Virjen nafatin Maria!
Maromak nia Inan Santa, harohan mai ami ata. Ami atu bele hetan Jezús Kristu nia rahun di’ak. Amen.
Orasaun ba Saun Anju Miguel Anju Miguel, liurai boot, nai ulun soldadu lalehan nian, seguransa ba ema hotu nia klamar, halakon anju aat sira, taumatan ba Maromak nia uma kreda ida-ne’e iha Jezús Kristu, ami-nia lideransa Anju Miguel ne’ebé ami respeita, ne’ebé Aman Maromak haraik ba ita-boot prefeisaun no virtude be di’ak, ami ho fiar husu ita-boot nia ajuda atu hasai ami hosi moras sira no buat aat hotu. Hodi ita-boot nia seguransa be prefeitu, halo ami atu serbí Nai ho fiel loron-loron. Harohan mai ami anju Miguel liurai Igreja Jezús Kristu nian, atu ami bele hola parte iha Kristu nia promesa. Amen.
Orasaun ba Saun Anju Rafael Rafael, Anju boot, protetór ba ami-nia viajen, akompaña ami iha viajen mundu ne’e nian, gia no hatudu dalan mai ami atu ami nafatin la’o iha dalan salvasaun nian. Ho Aman Maromak nia kbi’it, proteze no hasai ami hosi tentasaun no diabu nia babeur. Tanba Ita-Boot mak Maromak nia ai-moruk, ho haraik-an ami husu, kura ami hosi moras oin-oin isin no klamar nian. Hein katak ho ita-boot hamutuk ho anju santu sira, ami bele hahii, hanai Aman Maromak ba nafatin. Amen. 7
Orasaun ba Saun Anju Gabriel O Anju boot Saun Gabriel, ami husu ba ita-boot, sai ami-nia intersesór iha Maromak nia kadunan santu ba ami-nia nesesidade agora nian, hanesan iha tempu ne’ebé ita-boot hato’o mistériu inkarnasaun ba Virjen Maria. Hein katak liuhosi orasaun no ajuda hosi ita-boot iha lalehan, ami bele hetan grasa be hanesan, no bele hanai Aman Maromak ba nafatin iha moris ne’e. Amen.
Orasaun ba Anju hein ita Nai Maromak nia anju santu hein didi’ak ha’u, ukun ha’u nafatin halo ha’u tuir di’ak de’it, tanba Nai Maromak rasik mak entrega ha’u iha itaboot nia liman. Amen.
Orasaun ba klamar sira iha purgatóriu Nai Maromak fó sira hetan rahun di’ak nafatin Halo Ita-Boot nia naroman leno sira nafatin Halo sira deskansa ho paz. Amen.
Orasaun ba Nain feto Virgen Maria Grasa barak liu Nai Feto Maria ne’ebé nakonu ho grasa hosi Aman Maromak, tulun ami família ida-ne’e iha ami-nia difikuldade moris nian. Inan be nakonu ho grasa haraik mai ami moris simplesidade maibé riku ho matenek lalehan nian, tulun ami atu ami bele moris iha virtude fiar, esperasa no karidade. Keta hosik ami mesak, maibé akompaña nafatin ami ida-idak iha viajen moris ne’e nian, atu bele esperiénsia ona lalehan iha mundu ne’e. Inan be nakonu ho grasa, proteze ami hosi buat aat hotu no hosi moras aat sira, halo ami forte iha isin no klamar 8
maski iha difikuldade barak be mosu iha ami-nia oin. Ajuda ami, halo ami forte no akompaña ami iha tempu di’ak no susar nia laran. Ami entrega ami-nia moris tomak ba ita-boot nia liman iha Jezús ami-nia Nai, ami-nia Maromak. Amen.
Orasaun ba Sagrado Coração de Jesus Jezús be laran-luak no laran-hadomi, ha’u oferese ha’u-nia an iha loron ne’e no lor-loron ba Ita-Boot nia fuan santu. Ha’u husu ba ItaBoot atu halo ha’u loron ba loron sai hanesan Ita-Boot. Nai Jezús nia fuan Santu, ha’u konfia Ita-Boot. Nai Jezús nia fuan Santu, ha’u husu Ita-Boot nia laran-luak. Nai Jezús nia fuan Santu, ha’u fiar ba Ita-Boot nia domin ba ha’u. Jezús be obedese no haraik-an, halo ha’u-nia fuan sai hanesan Ita-Boot nia fuan. Amen.
Orasaun grasa protesaun no matenek lalehan nian ba oan sira (espesiál ba NN…) Ha’u oferese ha’u-nia oan sira ba Ita-Boot nia liman, Nai Jezús ha’u-nia Maromak. Proteze ha’u-nia oan sira ho Ita-Boot nia liman santu, atu laiha buat aat ida bele hasai sira hosi Ita liman. Kaer sira-nia liman ba, no husik sira hetan protesaun no matenek lalehan nian iha Ita nia kbi’it no hasai sira hosi frakeza no moras sira hotu. Nai, Ita-Boot hatene katak mundu hirus sira. Tanba ne’e, kuidadu atu sira la-monu ba tentasaun aat mundu nian. Ha’u la-husu atu ha’u oan sira livre hosi terus, maibé só ha’u husu de’it brani no forsa atu tahan ba sira-nia isin lolon no klamar atu hasantu mundu ida-ne’e ho Ita Naran. Iha momentu sira sente ta’uk no sente mesak, husik ba iha Ita-Boot naran, sira bele hetan protesaun hosi tali matenek lalahan nian ne’ebé la-kotu. La-bele husik sira dook hosi Ita-Boot Nai, maibé halo sira amizade no fiel ba Ita-Boot durante sira-nia moris tomak. Ha’u husik ha’u-nia oan sira ba iha Ita-Boot nia liman Nai. Amen.
Orasaun ba Ai-Kruz Santu Kristu nian Hahii Nai Jezús be mate iha Ai-Kruz, hedi ba ita-nia sala. Kristu Santu be hedi iha kruz, nafatin hela ho ami. Kristu Santu be hedi iha kruz, Ita-Boot mak naroman rohan-laek ba ami-nia família. Kristu Santu be hedi iha kruz, mai iha oras ami besik atu mate. Kristu Santu be hedi iha kruz, proteze ami hosi kastigu. Kristu nia Ai-Kruz santa, ami sai morin iha Ita. O Jezús hosi Nazaré
9
be hedi iha kruz, proteze ami hosi buat aat sira, be haree no la-haree, agora no ba nafatin. Amen.
Orasaun molok hán (Orasaun ne’e reza molok hán – akontese iha momentu reza tersu molok hán) Nai, haraik bensaun ba ai-hán sira-ne’ebé ami sei simu hosi Ita-nia di’ak, no haraik bensaun mós ba sira be prepara ai-hán sira ne’e hotu, no ba sira-ne’ebé la-hetan ai-hán ohin loron tomak, hodi Kristu ami-nia Nai. Amen.
Orasaun depoiz hán Nai, ami fó obrigadu ba Ita-Boot ba di’ak tomak ne’ebé Ita haraik mai ami liuhosi ai-hán sira ne’e atu fó isin-di’ak mai ami ida-idak hodi hala’o Ita-nia servisu iha mundu ne’e. Amen.
Orasaun finál Ita harohan: Nai Maromak Santísima Trindade, ami fó obrigadu ba Ita-Boot tanba kmanek oin-oin no dezafiu oin-oin ne’ebé ami simu iha loron ohin nu’udar ami-nia esperiénsia atu hahii no fó glória ba Ita-Boot. Iha minute ne’e, Ita-Boot haraik tan kalan ida mai ami, nune’e ami bele deskansa, no ho fiar katak, ami sei deskansa di’ak no hetan protesaun hosi Ita-Boot, ami sei hadeer ba loron aban nian atu hahú tan servisu be Ita-Boot haraik mai ami. Ho Ita-Boot nia Espíritu ami sei hahii no fó glória ba Ita-Boot iha mundu ne’e nia oin. Akompaña ami iha kalan ne’e, atu ami hotu bele toba ho hakmatek no iha paz nia laran iha Ita no ho Ita. Ami harohan ne’e, tanba ami fiar, Ita-Boot mak ami nia Maromak lo-loos. Amen.
Konsagrasaun família liuhosi santu no santa sira-nia tulun no intersesaun Maromak Santísima Trindade, Sadia no haburas ami Maria sarani sira-nia tulun, harohan mai ami Nai Feto grasa nian, haraik grasa mai ami Sagrada Família, Abençõa a nossa família Sagrado Coração de Jesus, Nós temos confiança em Vós 10
Sagrado Coração de Maria, Sede minhã salvação Santu Arkanju Miguel, Rafael, Gabriel, harohan mai ami Saun Pedro no Saun Paulo, harohan mai ami Saun Judas Tadeus, harohan mai ami Saun Tarsisio, harohan mai ami Saun Peregrino, harohan mai ami Santu Antonio no Saun João Bosco, harohan mai ami Saun Domingos Savio no Santa Maria Gorette, Harohan mai ami Santa Josefina Bakitha, harohan mai ami Santu anju da guarda, Proteze ami ida-idak Santu santa sira no beiala sira iha lalehan, harohan mai ami
(Relikia Santu João Bosco iha Fatumaca 2011)
Maromak bele halo hotu-hotu, haraik bensaun mai ita, Hodi Padre, hodi Fillu no hodi Espíritu Santu nia naran. Amen. Rozáriu hotu tiha hisik água-venta ba uma laran no uma sorin-sorin hodi reza “Maromak, hela ho ami no ba nafatin. Amen.
11
(Família mak sai nu’udar sentru moris santidade nian ba ita-boot, keta haluha reza ba ó-nia família rasik [kaben, oan sira, aman-inan, maun-alin no feto naan sira]). [C. S. F. P]
12
(Ami entrega ami-nia-an tomak ba Ita-Boot, Inan Maria. Tanba ami fiar katak ami sei haree milagre boot hosi ItaBoot ba famĂlia ida-ne’e. Amen.) 13