Ley del Consejo de Participación Ciudadana

LLAKTAYUKKUNA CHAYPIKACHUN RIKURAYAK TANTANAKUYPAK TANTACHIK HATUN KAMACHIY LEY ORGÁNICA DEL CONSEJO DE PARTICIPACIÓN CIUDADANA Y CONTROL SOCIAL Publicada en el Suplemento del Registro Oficial No 22, del 9 de septiembre de 2009

MAMALLAKTAPAK HUNTA TANTANAKUY Ima, Mamakamachiy Killkak Hatun Tantanakuy 23 yupaywan churashkata, Mamakamachiy Killkak Hatun Tantanakuy arinishka, 31 puncha, wayru killa, 2008 watapi, Kamachiy Kipukpi, 458 yupaywan killkashpa, ishkayniki pankapi willashka, Kamachiyta Killkak Rikurayak wallparirka, kayka Mamallakta Tantanakuypak awllita paktachinkapak tiyarirka, chaypillatak: kamachiykunata churankapa, yupayta churashpa nikinkapa, mushukyachinkapa, shitankapa minkashka tantarirka; Ima, Ecuador Mamamallkatapak Mamakamachiy, 28 puncha, kuski killa, 2008 watapi, hatun tapuypi arinishka, 20 puncha, wayru killa, 2008 watapi, hatun tapuypi arinishka, Kamachiy Kipukpi 449 yupaywan killkachishpa willashka Ecuador Mamallaktapak Mamakamachiy, paypak 1 nikipika, hayñikunata, paktakayta charik kan, shinallatak runakunapak, llakta-ushayyachik, hawaman awkikay, kikinllatak kak, tantachik, kawsaypura kawsak, tawka kawsayyuk kan, mana iñipash, kikinyashka charik Ecuador Mamakamachiy Mamallaktami kan; Ima, Mamakamachiy, 1 nikipi, iskayniki milkapika: awkikayka llaktapimi minkarin, kamachikka paykunapak munaypimi sapiyarin, runakunapak tantanakuy ushaywan paktachin, paykunapak yachaywan chaypi kashpa Mamakamachiypi imashina nikta hawaman churashpa pushachun rikuchin; Ima, Mamakamachiy, 61 nikipika, Ecuador llaktamanta kariwarmi runakuna kushiwan chaypikana hayñikunata tiyachin; Ima, Mamakamachiypak 95 nikipi, llaktayukkuna tukuykunapak kachun munaymanta chaypi kanaka shuk hayñimi kan, shinallatak kariwarmi llaktayukkuna, tantarishpa, shukllapash paykuna rurashkashina arininkapa, llankayñanta rurankapa, tukuylla rurayta katinkapa, Mamallaktata yanapak tantanakuyta tukuykuna chapankapa chaypi kanka. Shinallatak paykunapak ranti rikuchun churashka pushakkunata chapankapa, punchanta llaktayukkunapak ushay wallparikukpipash chaypimi kanka; Ima, Mamallakta Mamakamachiypak 204 nikipi, llaktami tukuylla ushakpak chaypi kana hayñiwanka kachak kan, tukuylla ushaypak kallari rikurayakpash kan; Ima, Mamallakta Mamakamachiypak 207 nikipi, Llaktayukkuna Chaypikachun Rikurayak Tantanakuy, karupi llankak tantanakuyta wiñachin, llaktayukuna chaypi kankapa yaykunaman kimirik ruraykunata yuyachichun, mirachichun kan; tukuyllaman alli kachun llankaypi ama shuway

tiyachun harkata churachun, tankachun kan; Mamakamachiywan, kamachiywan yuyarishpa chay llankaypi mutsurik kamachikkunata churanka; Ima, Mamallakta Mamakamachiypak 208, 209, 210 nikikunapi, Llaktayukkuna Chaypikachun Rikurayak Tantanakuy, imatalla ruranata, apunata churan.

Ima, Llaktayukkuna Chaypikachun Rikurayak Tantanakuy, Yallichina Churashka kamachichishka, Mamakamachiypi tiyachishka, 29 nikita paktachishpa, churashka mitapi shuk mushuk Tantachik Kamachiy Kamaywasita tantachichun, awllita kallarichichun patachinka; Ima, Mamallakta Mamakamachiypak 133 niki, 1 yupaypika tantachik kamachiy patatami charinka nishpa tiyachin, kaykunaka Mamakamachiy wiñachishka kamaywasikunata tantachik, awllichiyta nikik kamachiymi kan, Llaktayukkuna Chaypikachun Rikurayak Tantanakuypak apuykunatapash churanmi; Ima, Mamallakta Mamakamachiypak 120 nikipak, 6 yupaypi kushka apuykunata paktachishpa, katipi killkashkata arinishpa kachan: LLAKTAYUKKUNA CHAYPIKACHUN RIKURAYAK TANTANAKUYPAK TANTACHIK HATUN KAMACHIY I KAPAKNIKI HATUN KAMACHIYKUNA 1 niki.- Yuyay, karmapash.- Kunan Tantachik kamachiyka, Llaktayukkuna Chaypikachun Rikurayak Tantanakuyta tantachina apuytapash charinmi, kaytaka Mamallaktapak Mamakamachiywan, kamachiywan yuyarishpami patachinka.

Llaktayukkuna Chaypikachun Rikurayak Tantanakuyka, llaktayuk chaypikanawan kimirik rurayta purichin, yuyachinpash; shinallatak runakunata rikurayana ñantami tankan, tiyachinpash, churanpash; Mamakamachiywan, kamachiywan yuyarishkata paktachishpa chaypak kamachikkunata shutichin.

2 niki.- Hatun Kallarikunamanta.- Llaktayukkuna Chaypikachun Rikurayak Tantanakuyka, Mamakamachiypi nishka kallaripi kushka yapa katikpi killkashkakunata kamachichinka: 1. Paktapakta kay.- Shuklla kakpi, tantarishka kakpi, kariwarmi llaktayukkunata kamarin, shinallatak paktapakta hayñikunata charichun, pakta kachun kamana, Mamallaktapi, runakunapi chaypi kana, yuyachina, arinina kushimitata charichun kamarin.

2. Mana iñikatik.- Imamanta sinchishayashpa rurashkata, pipash mana llapishka, mana yuyayta kushka rurashkata kamarin, mana llullashka willayta, Mamallaktapak, awllikkunatapash kamarin.

3. Tawkasami.- Sumakchaypi tiksishka chaypikana katikuyta riksin, yuyachin; chikanchikan kana hayñitapash kutintak riksinmi; chikanchikan kawsayta charik runakunamanta, chikanchikan shimimanta, chikanchikan tantanakuy wallpamantami kutintak riksin.

4. Kawsaypurayay.- Tawkasami kawsaypi paktapakta kachun wallpankapa, chikanchikan

kikinkay kawsaytarpuyta chanirin, sumakchan, kutintak riksinpash.

5. Tukuylla kishpiyrishka yuyay.- Rimanakuy kimirinakuyta kaman, atinakuypi imamanta arinikunapak wallpachun, kayka tukuylla yuyay muyuypi kanka, shina alli kawsayta wallpankapa kaman.

6. Kikinllatak waki.- Shuklla, tantarishkapash kariwarmi llaktayukkuna paykunallatak kishpiyrishka arininkuna, shina paykunapak paktanapi, munaypi tukuylla ushay yuyayta mana churashka arininkuna, imalaya paktanatapash Mamakamachiypi rikushpami arininka.

7. Chikankay.- Hatun tantanakuyka shuktak tukuylla ushaykuna mana satirishkata ruranka, paypak alli kayta, iñipakuytapash mana urmachishka kanka.

8. Paktachiriyay.- Hatun tantanakuyka shuktak Mamallakta Awllipak kamaywasikunawan, kamachikkunapak chikan patakunapi, llaktayukkunapipash allikay kimirinakuy paktachun yanapanka. Paypak yuyaykunata paktachinkapa shuktakkunapak maki yanapachun mutsunka.

9. Kamariyay.- Hatun tantanakuyka paypak kak karmapi ruranka, shuktak tantanakuy Achikllay Awllikunapak karmapika mana imatapash rurankachu, Runakunata Rikurayak, shuktak Mamallaktapak karmapipash mana imata rurankachu, shinami rantinchirinakuyta anchuchinka.

10. Achikllay.- Hatun tantanakuypak llankayka llaktayukman kishpiyrishka yaykuna ruraymi kanka, chayka imashina tukuylla shutiyupay kashkata hamutayankapa, rikunkapa kankakuna.

11. Willaykachay.- Hatun tantanakuy willayta wiñachina, charinaka tukuylla, kishpiyrishkami kan, Mamakamachiy, kamachiy nishkata katishpa taripayta rurashpa, willayta rurashpallami mana kishpiyrishka kanka.

12.

Llankaypacha.Hatun tantanakuypak yuyachishkapipash tiksirishkami kanka.

llankaykunaka

pipakman,

3 niki. Kashkakay.- Llaktayukkuna Chaypikachun Rikurayak Tantanakuyka tukuylla hayñipak tantanakuy hayñimi kan, kikinpak runayay kamachiywan, kikinyay kamayta, kullkita, kullkimilkata, tantanakuytapash charikmi kan. Payka Achikllay Awlli, Runakuna Chaypikachun Rikurayakman pakmami tukun.

4 niki.- Kawsana wasi.Llaktayukkuna Chaypikachun Rikurayak Tantanakuyka Mamallaktapak uma llaktapi yatata charinka, karupi llankankapa tantarinka, markakunapi minkashkakunapak makiwan llankanka.

Ecuador llaktamanta ista llaktakunapi kawsak kariwarmi runakunata, paykuna chaypikana hayñita paktachichun ñawpachina, yuyachina. Hatun tantanakuy mutsuyta charishkamanta ashalla pachapak minkashka tiyachun churayta ushanka. Istachaskik llankana ukukunaka mitmak runakuna llankayta wiñachichun yanapay kuchun mañashka kanka.

II KAPAKNIKI LLAKTAYUKKUNA CHAYPIKACHUN RIKURAYAK TANTANAKUYPAK APUCHIKUNA

I WANKURIY Hatun apuykuna 5 niki.- Hatun apuykuna.- Llaktayukkuna Chaypikachun Rikurayak Tantanakuyka kaykunata rurana kan: Llaktayukkuna chaypi kachun ñawpachina, tukuylla imamanta atinakuy katikuyta yupaychana; llaktayuk tukuchun, chanikunata, achikllayta, shuwayta anchuchichun yanapayta kuna.

2. Tukuylla kamaywasikuna, tantanakuykuna ñawinchichun shuk ñanta churana, tukuylla mitachita mañachik kamachishka shukpaklla kamaywasikunatapash, tukuylla munayman wiñarichun llankakkuna, tukuyllapak kullkita makinchiktapash ñawinchichina.

3. Shuktak awllik tantanakuykunata mañashkata rurachun mañakuna, Hatun tantanakuypak yuyay hawa mutsuk tantanakuytapash mañakuna kanmi.

4.

Katikuyta tantachina, Mamallaktapak kamachikunata akllakuyta minkashkakunapak llankayta pushakuy rurayta achikllayta kawana.

pacha

5. Mamallakta Kamachiy Yanapak kallari kamachik shutichina, Hatun Hamutachik tukuchun kariwarmi Mamallakta Pushak kimsa runata kachashkata shutichina, payka llaktayukkuna mananishka, arinishka, rikushka kipami tiyarinka.

6. Akllankapa katikuyta tukuchishka kipami Runa kamakpak, Tukuylla Ukllakpak, Mamallakta Hatun Rikurayakpak, Mamallakta Llankayta Rikukpak kallarik kamachikkunata shutichina.

7.

Mamallakta Akllaykamayuk, Kamachik Tantanakuy, Akllak, Harkak Kimsa kamachik tantanakuykunata akllankapa katikuyta tukuchishpa, kay tantanakuykunata pushachun kamachikunata shutichina.

8. Akllankapa katikuyta tukuchishka kipami kamachiy llaktayukkuna kachashkata shutichina, paykunataka: llaktayukkuna mana nina hayñiwan curanka.

churashka kamachikkunata, rikurayashka, mutsurikpika

9. Llaktayukkuna Chaypikachun Rikurayak Tantanakuy paypak llankaykunapi apuna mushuk kamachiykunata rikuchina, ñawpachina, tankana.

10. Mamakamachiypi, kamachiypipash rikuchishka shuktak apuykunata rikuchina.

II WANKURIY Llaktayukkuna Chaypikachun Rikurayak, ñawinchinapash 6

niki. Chaypikana willayta apuykuna: Llaktayukkuna Chaypikachun Rikurayak Tantanakuypak chaypikachun, llaktayukkuna aynichun willayka kaykunami kan:

1. Ecuador llaktapi kawsak kariwarmi runakuna chaypikana yuyayta ñawpachina, istallaktapi kawsak runakunakunapak hayñitapash, allikawsaytapash kamanami

kan; shinallatak llaktayukkuna tukuylla llankaymashkay tatkikunapi chaypikachun achikllata paktachina, Mamallaktapak chikan chikan awllikunapi, kamachikkunapak patakunapi chaypi kachun kamana, Mamallaktapak Mamakamachiypi, kamachiypi rikuchishka ñankunawan achikyachina.

2. Chikan chikan tukuylla kuskakunata llaktay paktana yuyayta, ruraykunata hapichun mañana; shinallatak kamachikpak tukuy patakunapi llaktayukkuna chaypikachun ñawpaman yuyayta mirachina, kayta llaktayukkunawan, tantanakuykunawan yuyarinakushpa mañana.

3. Atinakuy katichun, llaktayukkunapak munay hawa tukuylla kishpiyrishka rimarichun mañana, ñawpachina, yanapanapash. Kayka paykuna yuyarishkamanta, runakuna paykunallatak yuyarishkamantami kanka. Ashtawankarin atinakushka yuyaykunata llikanami kanka, kaytaka tukuy mashnaman willanami kan, kayta riksik tantanakuykunamanpash kachana.

4. Llaktayukkunapi, runapak hayñipi, achikllaypi, runakuna chaypikana yachay paktachun yanapana; shinallatak shuwaykunata anchuchina atinakunapash runakunapi, ayllullaktapi, llaktakunapi, kawsaymarkakunapi, yana runakunapi, yunka runakunapi ushay kawsaytarpuyta sinchiyachina. Ruranata ushakkunata yanapana, kariwarmi llaktayukkuna kay llaktapi kawsakkunata, Ecuador llaktamanta istallakpi kawsakkunata yanapana.

5. Tukuylla llaktaykuna kachun, runapak hayñikunapi, achikllaypi, llaktayuk chaypi kachun runakunata wallpana, tukuylla kamaywasipi, tantarikunapi shuwaykunata anchuchina, atinakunapash runakunapi yachay paktachun ñawpachina. Shinallatak shukllapak llankak chikan llankak runakuna, kamachishka llankak runakuna tukuyllapak munaypak llankay wiñariychik rurakkunapipash kay yachaytallatak ñawpachina.

6. Wiñaykawsay yuyayta, ñawpayachay tantanakuyta, achikllayta, kawsaytarpuyta tarichun yanapana; Ecuador llaktapi aynina llakta ushay yachayta charichunpash yanapana.

7. Tukuyllapak tukuk kamaywasikunapak chaypikashpa llankayta rikuchun katichina, kayta tukuykunaman willana, kaytaka ushak tantanakuyman kachashka kankakuna.

7 niki.- Chaypikay mushuk kallarikunata yuyachiy.- Llaktayukkuna Chaypikachun Rikurayak Tantanakuyka kullkita, kamachiyta, sumakruray yanapayta kunka; kaytaka, runakuna kikinllatak rurakta riksina ukupimi churanka, kamachinka.

1.

Kullki mishanakuy layakunawan llaktayukkuna chaypikana kuskakunata mirachinkapa, runakunata rikurayanata, achikllayta, shuway ama tiyachun takashpa anchuchinkapa ñakarikukta yanapashpami kanka.

2. Llaktayukkuna chaypikana yuyay ukupi kawsayyachayta, yachayta rantinchinakuna.

3. Llaktayukkuna chaypikashpa yachamuyta, riksimuyta rantinchina; willaykunata killkashpa wakaychinata mirachina, willayllika punkuta, rikuna kamukamayta, shuktak willayman haykuchik mushuk willakkunata mirachina.

4. Tantarishka llaktayukkunata, Ecuador llaktapi mana tantarishkakunata yachachina;

Ecuador llaktamanta istapi kawsak llaktayuktapash yachachina. Yachanawasipi, makiruraypi, amawta yachaypi, paklla llankaypi, shuktakkunapipash yachachinami kan.

8 niki. Runakunata Rikurayay Ñawpakpi Apuy.- Llaktayukkuna Chaypikachun Rikurayak Tantanakuypak apuykunaka, runakunata rikurayankapa katipi rikurik apuykunami kan: 1.

Runakunata rikurayanamanta tukuylla llaktayta pushay hawa ñawpachina, yanapana kan; kaytaka Mamakamachiypi killkashka hayñikunata paktachinkapami kan, tukuylla mitachita mañachik kamachishka shukpaklla kamaywasikunatapash, tukuylla munayman wiñarichun llankakkuna, tukuyllapak kullkita makinchiktapash ñawpachina, yanapana kan.

2. Kallarinapak rikurayay yachayta, kawanata, runakunata rikurayana shuktak kuskakunatapash sumak ruraywan, yachayñanwan shina mañakpika yanapana. Shina tukuylla mañaymashkayta rikuchichun atirinkapa Mamakamachiy kushka hayñikuna ukupi atina kan.

3. Llaktayuk rikuykunaka tukuylla paktana yuyay muyuy llaktayta, kullkita, tukuylla mitachita, tukuylla kullki tukuchiyta rikuchishpami chapanka, shinallatak paktana yuyay pushayta, ruranakunata, llankaykunata, ñawpayuyayta, tukuylla mitachikunata rikunka; tawka kariwarmi tukuylla ruraykunata rikunka. Rikukpak willaypi mana allimanta llakirikta rikushpaka, Hatun tantanakuymi chayta yachak kamachikman rikuchinka, pay riksichun killkashka unanchata kachanka, chayka, imashina kamachiyna kakpipash mañashka kanka.

4. Llaktayukkunapak ukumanta llukshichishka kallarik yuyaykunata Mamallaktawan, llaktayukwan tinkichinata rurana, llaktayukkunapak mañaykunapash, atishkaykuna chaskishkapash kachun.

5. Llaktayukkuna akllashka kamachikkunata llankaymanta kuyuchichun mañashpa rikuchishkata chaskichun Mamallakta akllaykamayuktaka mutsuna, Mamakamachiypi nishka shina tukuy runakunata tapunkapa kayachunpash mutsurinkami.

9 niki.- Ñawipuray.- Llaktayukkuna Chaypikachun Rikurayak Tantanakuypak apuyka, runakuna alli mana alli kawsakukta rikunkapa, Mamallakta llankayta rikunkapa ñankunata churanami kan; shukpaklla hatun kuskakmanta kamachishka runakuna, tukuylla munayman wiñarichun llankakkuna, tukuyllapak kullkita makinchishkatapash rikunkapa ñankunata churana.

Hayñikunaman achikchishpa llankashkata, shuyashkaman paktachishkata, charishkatapash rikuna, kullkita tukuchishkata, mañaymashkay hawa ima ñanwan llankashkata rikuna. Ñawinchinaka punchanta chaypi kanami kan; mitanta, mutsurik pacha, achiklla, mana llullapash, allita willashka, huntata, hamutarik shimiwan kanka. Ñawinchitaka watapi shuk kutinllapash rurana kanka, chaypak kayayka hatunmi kan; tukuy chayman kimirishka runakunapak hatun kuskakunaman allita willashka kanka.

10 niki.- Ñawinchinapak rimanakuna.- Ñawinchinapi katikuyka kaykunatallapashmi charinka: 1. Llaktayta, paktana yuyaykunata, ruray katichiyta, ñawpakyuyayta paktachinata charinka.

2. Kamaywasiman kullkita chayachina.

3. Paktanakunata paktachina, tantanakuypak pushayyachayta paktachinata charinka.

4. Tukuylla llankayyuyarita charinka.

5. Awllipak Achikllay, Runakunata Rikurayak, Mamallakta kamachiy yanapak minkashkata, mana kashkapa paykuna rimashkata paktachinatami charin.

tantanakuykuna

6. Akllashka kamachikkunata akllankapa, llankayñanta Mamallakta Akllaykamayukpak rikuchishkata paktachinata charin.

ñawpakpi

7. Tukuylla llankakwasikuna, shukpaklla hatun kuskakmanta kamachishka runakuna, tukuylla munayman wiñarichun llankakkuna, tukuyllapak kullkita makinchishpa llankakkunaka watapi mashka kullkita tukuchishkakunatami rikuchina kanka, mañashka llankaykunata paktachishkata, manukullkiyayta, paktaykunata rurashkata rikuchinka.

8. Shuktak tukuykunapak may yapa mutsurik kaktapash rimankakunami.

11 niki.- Ñawinchiman mañashkakuna.- Akllashka kamachikkuna, hawalla churashkakuna, tukuylla llankakwasikunapi kamachishka llankakkunapash ñawinchichun mañayta charinmi, shukpaklla hatun kuskamanta kamachishka runakuna, tukuylla munayman wiñariychun llankakkuna, kariwarmi tukuylla mitachikuna paykuna ñawipurayta charik kakpipash ñawinchiman mañashka kanka.

Kamaywasikuna, tukuylla tantanakuykuna mana llankayta paktachikpika, Llaktayukkuna Chaypikachun Rikurayak Tantanakuymi Mamallakta llankayta rikukman shuk wanayta churanka, paykuna mañashka kamachikkuna mañaymashkayta rurashka hawa taripayta kallarichun. Kaytaka Achikllay Tantachik Kamachiy wanachina kakpipash paktachina kan, mana willakpipash tukuylla willanaman yaykunatami charin.

12 niki.- Ñawinchita katichiy.- Hatun tantanakuyka, kamaywasipi, llaktayukkunapi ruray katichiy ñawipuray katikuy mitayta rurana kan, llankashka ñankuna imashina kashkata rikuna, willayta imashina chaskishkata, minkashkata wallpaykunata ruranka.

Tukuylla kamaywasipak, tantanakuypak wañinchi willaykunata Llaktayukkuna Chaypikachun Rikurayak Tantanakuyman, willayta chayachishka hawa kimsachunka punchapi kachashka kanka, chaypimi mañashkata paktachishka, mana paktachishkatapash rikunka, Hatun tantanakuy charishka willana ñankunamantapash willankami.

III WANKURIY Achikllayta mirachi, shuway anchurichun ñakariy 13 niki.- Achikllayta mirachipak apuykuna, shuway anchurichun ñakariypash.Llaktayukkuna Chaypikachun Rikurayak Tantanakuypak apuykuna kankunami, kayka: achikllayta mirachinkapa, shuwaykunamanta anchuchinkapa atikuna kanka.

1. Tukuylla mañaymashkay achikllay kachun kamaywasipak llaktayta ñawpachina, tukuylla awlli ruraypi charishkakunata, tiyakkunata allinta rikushpa mawkayachichun, llaktayukkuna willayman yaykuchun mirachina.

2. Mayhan Mamallaktapak tantanakuy kashpa, awllik kashpapash taripayta rurankapa, taripay katikuypipash mayhan willay mutsurikta rikushpa kuchun mutsurin.

Runakuna kashpa, kamaywasi kashpapash Hatun tantanakuywan yanapachun, mayhan kay yanapayta mana rurasha nikka kamachiywan yuyarishpa wanachishkami kanka.

3. Chikan shuklla runakuna, shukpaklla hayñiwan kamachishka runakuna, tukuylla munayman wiñariychun mitachita mañachik kariwarmi llankakkuna, Achikllay willayman yaykuna kamachiypi nishka punchakunapi taripayta rurankapa munashka willayta mana chayachikpika chayta rikurayak kamachik wanachishkami kanka, kaypaka Llaktayukkuna Chaypikachun Rikurayak Tantanakuy mañashkami kanka, runakuna wanachinapi tiyakpi, wichkanawasipi wanachina tiyakpipash wanachishkami kanka.

4. Llaktayukumanta shamuk mañaykunata, wanaykunata mutsun, llakikunamanta taripayta rurachun mañashkakunata chaskinkapaka tukuyllapak kamaywasikunata mutsun, chay llakikuna chaypi kanata harkakpi, shuwayta yanapakpi, tukuy runakunata llakichikpimi taripana kan.

5. Llakikuna tiyakta rikushpa Hatun tantanakuy chanishka kak willaykunata kachana, kaytaka uku kamachiyta katishpami rurana kan, shinapash shuktak chay awllitallatak charik kamaywasikuna mana rurashka kakpimi rurana kan, kay mutsurik minkaykunata katichun rurashka kipa, chaypak kak kamachishka ruraykunata tankana kan.

6. Wanay katikuyshina rurana, chay kachashka willaykunaka mañay katikuyta rurachun mañashkami kanka, arinishka kachun chanishkami kanka, taripaymanta rikurimushka huchakunami tiyarinka.

7. Mana allita rikushpa willak runakunataka, Hatun Tantanakuyta pushak taripaykunapi willak runakunataka Hatun Rikurayakmi kamana kan; kaytaka willakkuna ukllana llikamantami rikuna kan, hatun llaki rikurikpika Hatun rikurayakmi uktashpa hapina kan.

14 niki.- Llaki willay.- Llaktayukkuna Chaypikachun Rikurayak Tantanakuyka chaskichun, chanichun, mañaykunata chaskichun mañashkami kan; chanichik pakta tiyashkata taripana, llaki ruraykuna hawa willna, chaypikachun kunkarishkamanta shuway mirakta willana.

Kariwarmi mana allita willakkunata wakaychina, ukllanapash.

Hatun tantanakuyka taripayta kallarikta allichinata ushanka, mana allimanta wanakuykuna achiklla kakpika, rikunalla kakpika imashinamanta kakta rikuyta usharinkami. Kamachiypi rikushka apuykunata kamaywasikuna mana uyashpa mana paktachikpi kutinta taripayta kallarinka, kayka Hatun tantakuypak kutintak pantaykuna tiyakpi rikunami tukunka, shuktak kamaywasikunapash rikunami tukunka.

Wanakuytaka rimashpa, killkashpa kawsaypura kamachishka shimikunapi willashpa rikuchinata ushanmi, rimashpalla wanachikuy willaytaka uchillayachishpa killkashkaman tikrachinata ushanmi, mutsurikpika shuk shimi tikrachiktami charina, killkashkapi mutsurishka rikuriktallapash charinami kan: 1. Runapak Shutita, kipashutita, kikinpankata, sawarishka, mana sawarishkata, mayhan

willakpak kuskatapash charinami kan; 2. Rurashka yuyachik achiklla tiksikunata, yuyachik hayñikunata charinka; 3. Kamachikkunata, tukuylla mitachikunata rikuchina, shukpaklla hayñiwan kamachishka runakuna, tukuylla munaypak llankak, tukuylla mitachita mañachik, wanakuykunamanta llakikuna tiyak rikurishkata rikuchina; 4. Wanakuy willaykunata tiksichun pankakunata tantachina.

15 niki.- Chaskiyay.- Kaykunata rikushkamanta urmayachiyta chaskinka: 1. Hatun Tantanakuyka imamanta llaki rikurishkata riksinata ushakpi, chaypi kana hayñita llakichik kallarikpi, shuwaykuna kallarikpi wanakuyta chaskinka.

2. Wanakuykuna mutsuykunata paktachikpi chaskinka.

3. Rurashkamanta kamachiywan imashinapash mana kallarishka kakpi, wanayta churay mana tukurishka kakpi chaskinka.

4.

Mamakamachiypi, kamachiypi shuktak yuyaykuna tiyakpipash chaskinka.

16 niki.- Taripay.- Taripayka imashina uchilla kamachiy chaypak nishkatami katinka, imashina katikuyta, apuykunata sumakchanka. Mamallaktapak shuktak tantanakuy ushaykunata, Mamakamachiypi rikushka hayñikunata sumaychanka.

Hatun Tantanakuyka Kamachiy Awllipak ushak tantanakuykunata ukllak tupuykunata kuchun mañanka, mana kashpaka chay pachatak ruraykunawan yanapachun mañanka; shina ama shuwachun harkanka, chaypikana hayñita ama anchuchichun, ama llakichichun harkanka, runakunata rikurayanata mana sakikpi harkanka.

17 niki.- Willaykuna.- Taripaymanta rikurishka willaytaka Llaktayukkuna Chaypikachun Rikurayak Tantanakuy manarak arinishpa riksishkami kanka, shina chay llakipi satirishka runakuna paykunallatak kakta riksinkapa kanka. Mamakamachiypi tiyak hayñikunata rikushpa kamachishka kakta kamana. Hatun Tantanakuy kachashka willaykunaka killkashka, yuyachishka, tukurikmi kanka.

Hatun Tantanakuy wakaychishka killkakullkaman mutsurishka pachata yaykuchun chapankapa, tukuyta rikunkapa kamachiypi churashkata, kamaywasikuna mutsurishka pachata mirachina.

18 niki.- Llaktayukkuna Chaypikachun Rikurayak Tantanakuyta mañashka kanka, kamachishkakuna, kamakuykuna tukurinkakama katikuyta pushana kanka. Hatun tantanakuypak willaymanta rakirimun, chaykunapak mutsurik minkashka wallpawan kamachiy, kamay ruraykunatami tankan. Kaypakka chay wanayta pushakuy pachakunapak pakma shina rikunami kanka, wanachiyta charikpika chikan huchata katishpa wanayta churanami kan, shuktak sami wanaytapash churanata usharinmi. Kaytaka mayhan chay kamachiyta pushakukmi rurana kan, kay apuytaka kariwarmi Mamallakta kamachiy yanapak rikukukpipash, Mamallaktapak shutipi kamachiyta rikukuk shina ruranallami kan.

III KAPAKNIKI LLAKTAYUKKUNA CHAYPIKACHUN RIKURAYAK TANTANAKUY WALLPARIKUKPAK KATIKUY 19 niki.- Wallparikuy.- Llaktayukkuna Chaypikachun Rikurayak Tantanakuypakka kariwarmi kanchis awkik Kunakkuna, kanchis kipa Kunakkunami tantarishka kanka, paykunaka pichka wata shuk mitatami awllinka.

Kariwarmi pakta yupay katinakuy rikurinkapa yaykurichun kamarinka, mayhan imashina iñukunata charishka kashpashi shinami rantinchishka tiyarinka; paykunaka llaktakunamanta, runa llaktakunamanta, yana llaktakunamanta, yunkaruna llaktakunamantami kanka. Kawsaypura kimirinakushpa, kariwarmi pakta pakta yupay kachun ñawpachinka.

Kariwarmi kunakkunata akllankapaka tantanakuykuna, llaktayukkuna chunkata akllashpa kachamushkamantami akllashka kanka.

20 niki.- Mutsuykuna.- Kariwarmi kunak kankapaka kaymi mutsurinkuna: 1. Karipash warmipash Ecuador llaktamanta kana.

2. Chaypikana Hayñikunawan kushilla kana.

3. Akllarinkapa tiyarikushka pacha 18 watata paktachishka kana.

4. Tukuyllapak kullkita makinchinata, achiklla pushanata yachay yachayta, paktakay yachayta kikin munaywan pushashka, makinchishkata pushakman alli rikurichun, shukpaklla awlllipi, tukuylla awllipi, wanaykuna purichiypi, mañaykunata payllatak pushashkata alli rikurichun kanka.

21 niki.- Mananinakuna.- Kaykunamanta kariwarmi Kunakkunashina mana tiyarina, mana kay shina katina: 1. Akllarikushka pacha wanachishka kashpa, hayñita kichushka kashpa, kay katikukpika mana akllarinata ushankachu, mana yalli hucha kakta willashka kashpallami usharinka; 2. Kishpiyta kichushpa yupaychashkata chaskishka kashpa, kay chayrak tiyakukpika mana ushankachu; 3. Chikanruna shina, mashi, minkashka, kamachishka runakuna minkashka kashpa, Mamallaktawan llankay yuyariyta charik kashpapash mana ushankachu, chay yuyari tukuyllapak llankay kashkamanta, tukuylla mitachita rikuchik, mana kashpaka pachamamapi tiyakkunapi llankakushpa mana shutirinkachu; 4. Unkushka kakpi ushak kamachikkuna nishkata mana paktachishkamanta, ayllu ukupi, kusawarmi llakita charishkamanta, mana wanachishka kashpapash mana shutirinkachu; 5. Millaypushak kakpi utkachik kamachik kashkamanta mana ushankachu;

6. Runata wañuchishkamanta wanayta churashkamanta, millashpa huchayarishkamanta mana ushankachu; 7. Ukumitachi kullkiwan mana kishpiyrishpa, mañayta charishkamanta mana shutirinka; 8. Tukuri ishkay watapi llaktay tantanakuy, llaktay kuyuripak pushak kashkamanta, kay kuyurikuna Mamallakta Akllakkamayuk wasipi killkarishka kakpi, chay watallapitak akllak pushak kashkamantapash mana ushankachu; 9.

Kariwarmi kishpiychikkuna kamachiy awllipi llankakukuna, Harkak Akllak Kimsakamachikpi llankakushkamanta, Mamallakta Akllakkamayukpi llankakushpa, Killkakkamayuk kashpa, Mamallaktapak llankaykamayuk kashpa, istallaktakunapi llankak kashpapash akllarinata mana ushankachu, manarak paypak shutita killkachishpa sukta killa sirikpi anchurishka kashkamantaka akllarinkami;

10. Kunanpi Ayñi Ushayman, Mamallakta Chapakman kimirishka kashpa, iñikkunapak shutipi llankakushkamantapash mana akllarinkachu; 11. Shuktak warmipi wawata charishpa, manukushkamanta paktakay kamachik illushka kashpa mana akllarinkachu; 12. Kusawarmi kashpa, tantarishka kashpa, Mamallakta Akllakkamayukwan chusku pata yawarkama ayllu kashpa, ishkayniki yuyaykama kimirishka kashpa mana akllarinkachu; 13. Shuktak Mamakamachiy, kamachiy nishkamantapash mana akllarinkachu; 22.- Kayay.- “Mamallakta Akllakkamayukka: takarik, chanichik tantarita akllashpa, Llaktayuk Chaypikachun Rikurayak Tantanakuyman kariwarmi kunakkunata akllashpa tiyachinkapak kayan, kayka Kamachiypi rikushkami kan. Kaypak kawsaypura kimirinkapa kamachishka shimikunapimi kayanka; kaytaka Kamachiy Kipupi killkachishpa willashkami kanka. Kay kayayka Mamallakta kamachikkuna charishka ankipi, karurikuchikpi willashkami kanka, kamaywasipak willayllikapi, Mamallaktapi purik kimsa hatun willaypankapipash willanami kanka, shuktak tiyak willaykunapipash willanallami kanka.

Kachashka hatun kamachikkuna, Ecuador llaktamanta istawasikunapash kayayta willanatami charin, paykunami kayayta willaykachanata charin, shina Ecuador llaktamanta istapi kawsak achka kariwarmi runakuna kayashkaman chayachun.

Kayaypika kamachiypí tiyakuk mutsuykunatami killkashka kanka, kayta kariwarmi akllarinakunami paktachinka, kaypika: akllarina kuska, puncha, saylla, ima punchakama killkarinkapa chayana pacha killkashkami kanka.

Kariwarmi kunakkuna mishanakuchun kayayka, imashina apuchinata rikuchik pankata tantachishkami kanka, Mamallakta Akllakkamayuk churashkami kanka.

23 niki.- Mañachichikuy.- Kariwarmi kunakkunata akllayka tantanakuykuna, kariwarmi llaktayukkunapash mañakushpa shutichishpa kachashkami kanka, paykunaka kay llaktapi kawsakpash, istallaktapi kawsakpashmi kanka; shinapash kay kamachiy imashina churashkatami katinka, tantanakuykunaka shuk runatallami kachanka.

Mañachichikuyka mañakukkuna mutsurik pankakunata kunami nishanin, chay pankakunaka kamachishka, illushka panpakunawan tantachishkami kanka, imamanta mañakuyta mañashkata willashpami rikuchinka.

Tantanakuymanta shamuk mañakukkunaka, maymanta shamushka tantanakuymanta yanapay pankata washapi churashkami kanka. Tantanakuykunaka tukuri kimsa watata tantanakuy ukuman kimirishpa yanapashkatami rikuchinka.

Kayayta Kamachiy Kipukpi willashkamanta kallarishpa, yupashka chunka puncha kallpashpa tukurikpika, mañakuchikuy mita puncha tukurinkami.

Kariwarmi Kunakkuna paykunapak ranti mishanakuypi churankapa mana rikurinkachu, ñawpaman anchurishka kashpapash mana mishanakuyman yaykunkachu.

24 niki.- Chaskikuy katikuy.- Mamallakta Akllakkamayukmi kariwarmi mañakukkunaka, kariwarmi Kunakkuna tukushpa llankachun mutsuykunata paktachichun mañanka, kay kamachiypi mananishpa rikuchishka ukupi mana kanachu kan; mutsuykunata paktachik pankakunakata kamachichishka, illuchishkatami kunka.

Kay mutsuykunata mana paktachik mañakuykunaka, mishanakuyman yaykunata mana ushankachu, kaytaka mañakukkunaman, mana kashpaka mayhan payta kachak tantanakuyman willanami kanka. Paykunaka kimsa puncha yallishka kipa imamanta mana chaskirichishkata kutin rikunkapa pankakunata mañanata charinmi. Kutin rikuna mañaypika yuyachishka kanka, yanapak pankakunata killkashka panka washapi tantachishkami kanka. Mamallakta Akllaykamayukka, chay mañay pankata chaskishka kipa, kimsachu punchata yupashpa shuk kutinllami arininkapash, mana ninkapash.

Kariwarmi mañakukkuna tukuy mutsurikta mana chayachikpi, llullashpa chayachikpi mayhan pachapipash mana chanirinka, shuktak huchakuna tiyashkamanta wanarishpa katinkallami.

25 niki.- Takari, chanichipash.- Tukuy kariwarmi mañakukkunami yachashka mallita kuna kan, mallina pankakunaka hatun yachanawasimanta kariwarmi amawtakuna rurashkami kanka, paykunaka mishanakuypi tapuykunamanta yachakmi kanka. Paykunaka Hatun Yachanawasi kimsamanta akllashpa Mamallakta Akllaykamayukman kachashkami kanka, malli katikuy pachapapika, mayhan mallina yachaykunata, paykunalla yachashpa, shunkupi charichun mañashka kanka, mallikuna yallinkakamami charinka.

Mallika llaktayukkuna chaypikana, runakunata rikurayana, tukuylla allikakmantami kanka, tapuykunaka tawka alli yuyaytami charinka, kawsaypurana kamachishka shimikunapimi kanka.

Kachashka kamachikkuna, istawasikunapash, Ecuador llaktamanta istapi kawsak kariwarmi runakunapak mallikunata chaskinatami charin, kaytaka imashinami chaypak churashka uchilla kamachiy nishkata katishpami ruranka.

Kamayku chanichita rikuypash kariwarmi mañakukuna kushka pankamantami rurarinka, kayka Mamallakta Akllaykamayuk arinishka kipami kanka.

26 niki.- Chanina yuyaykuna.- Chanika, tantanakuykunamanta, llaktayukmanta shamukta mañakukta rikushpami chikan kanka, chaypakka imashina kuna kakpipash kay yuyaykunatami charina kan: Tantanakuymanta shamuk mañakukkunata akllana: 1. Pushak kashkata, yachaktapash rikuna.

2.

kawsayyachayta

charishkata,

chaypikay,

rikurayanata

Runakuna rikurayanata yachakta, mushuk yachayta charikta rikuna; tantanakuymanta, kakta ushayta, sapsipi llankakta rikuna, runakunamanta kakta rikuna.

3. Amawta yachayta charikta, shinallatak tukuy chanimanta, kariwarmi mañakukkuna 1, 2 yupay chanimanta mana hawaman kachun rikuna.

4.

Tantanakuymanta, llakta ushaymanta, rikurayanamanta yachak kanka.

chaypikanamanta,

runakunata

5. Chaypi kana hayñikuna kimirikta mirachishkamanta kamarishka kana, riksishka kana.

6. Mashna watata tantanakuypi kashkata, tantanakuy katikuypi yachayta charishkata, chaypikana, runakunata rikurayanata yachak kanka, saywashka allpa karma tantanakuypak llankaymanta yachanka.

Llaktayukmanta shamuk mañakukkunata akllana: 1.Tantanakuypi pushak kashka kana, llaktakuyak kana; tantanakuymanta, chaypikanamanta, rikurayanamanta, sapsi mitachimanta yachak kana.

2. Runakuna rikurayay llankaymanta yachana, llaktayukkuna chaypikanamanta, tantanakuymanta, sapsi mitachimanta yachak kana.

3. Amawta yachayta charikta, llaktayukkuna chaypikanamanta, tantanakuymanta, llakta ushaymanta, runakunata rikurayanamanta yachak kana.

4. Llaktayukkuna chaypikanawan, runakunata rikurayanawan kimirik kashkamanta kamarishka kana, riksishka kana.

27 niki.- Rurayta Arinishkapak Tupukuna.- Kariwarmi mañakukkunpak yapa akllari yuyaykunata yuyaypi charina kan, tantanakuymanta, llaktayukkunamanta shamushka kana, arinishka iñukunata churankapa chayllatakmi kanka. Chayka: ñitirik kanka, chanishka iñukuna, mananishka iñukunami yuparinka. Kayka imamamantapash tukuy yupashka iñukunamanta mana hawaman kankachu: 1. Kariwarmi Ecuador llaktamanta kimsa mitmashkamanta kawsakkuna.

watallatapash istallaktapi

2. Tisikuwan runakuna.

3. Shuk, ishkay pichka tupukuna wakchayay ukupi kana.

runakuna

4. Akllarinkapa shutita kukuy pacha, 30 wata urayman charina, 65 wata hawaman mana charina.

5. Tukuri pichka watata paklla uchilla suyu ukupi kawsayta charina.

28 niki.- Chanichiy.- Mamallakta Akllaykamayukmi mananishkata, chanirishkatapash illunata charin, chay pankakunata chaskina katikuykuna tukurishkamanta chunka ishkay punchapimi uchilla kamachiywan rikushpa illurinka. Kay illuykuna tukurishka kipami, kamaywasipak willayllika uyapi tukuyllaman willanka, Mamallaktapi tiyak muyuk kimsa willak pankapipash llaktakunaman willanka; shinallatak ayllullaktaman, suyuman allita uyarishpa chayak ankiwnpash willanka, shuktak willakkuna tiyakpipash willanallami kan. Istallaktakunapika Ecuador llaktamanta kachashka kamachikkuna, istachaskikuna, istawasikunami imashina yupaykuna rikurishkata willanka.

Mañakuy chanikunataka kariwarmipak shutikunata chikan chikanmi apana kanka, kaytaka kariwarmi paktapakta rantinchirishpa katinakuy wallpari kachunmi shina apana kanka.

Harkay chanika tukuy alli mana allimanta 50% patsakrimi kanka, chanika puchuk 50% patsakrimi tukunka.

29 niki.- Kutin chanikuy.- Kariwarmi mañakukkuna kimsa punchata yupashpa yallishka kipa kutintak chanishkata, mana nishkatapash, imashina kashkata kutintak rikunkapa pankakunata mañanata ushanmi. Kaytaka tukuy illuyta charishka rikunkapami mañanka, Mamallakta Akllaykamayukka, kutintak chanichun mañay pankata chaskishka kipa, sukta punchata tukurikta yupashpa kachun, shuk kutinlla chanita allichinka, arininka.

30 niki.- Rikurishkakunata willay.- Mamallakta Akllaykamayukka, ishkaychunka chusku runakuna akllarishkamanta rikurishkakunata tukuyman willanka, paykunaka mishakuy ukupi, chaniripi yalli iñukunata charishkamanta akllarishkami kanka, shinaka kamachiypi imashina wallpariyta kushka, chaytami sumakchashka kanka.

Kay willaytaka, kay illuykuna tukurishka kipami willayllika uyapi tukuyllaman willanka, Mamallakta muyuk kimsa willak pankapipash willanka, ayllullaktaman, suyuman allita uyarishpa chayak ankipipash willanka, shuktak willakkuna tiyakpipash chaypipash willanallami kan. Istallaktakunapika Ecuador llaktamanta kachashka hatun kamachikkuna, istawasikunami imashina yupaykuna rikurishkata willanka.

31 niki.- Mananichiy. Rikurishkakunata willashka kipa, chunka punchata yupashka ukupi, mayhan runapash, runa tantanakuypash akllarishka mañakuykunata mananichiynata ushanmi.

Imamanta mananishka kakta, Mamallakta Akllaykamayukpi imashina kashkamanta killkashpa rikuchishka kanka, kikinpak shutita aspishpa huchata aparinawan paskashka kanka, illu pankata washaman tantachishka kanka, Mamakamachiypak hayñi ukupi kichkita sumaychashka kanka.

Mañakukkuna akllarinkapak kamachishka mutsuykunata mana paktachishkamantami mana akllarichun nishka kanka, mana arinina pankata, mana charinchu; mananishka ukupi kakpi, mañakushkata hapinkapa wakin alli willayta kunkarishkamanta mana arinishka kanka. Kay kamachiyta rikushpa mananishkakunata churashka kakpika, mana nishpa shitashkakunami kanka.

Mananishkakunata washamanta yanapak pankakuna mana tiyakpika, kamachiy nishkashina, tukuylla kishpiyrishkata willay hayñita hapishpa yaykuna. Mamallakta Akllaykamayukka pi willayta

pushakuk willachun mutsunka, kaytaka mayhan willayta charikuk ishkaypuncha mana yallipimi chayachinata charin. Mañashkata mana chayachikpika, kariwarmi Mamallakta Akllaykamayukta pushak mayhan chayta charikuk chayachunmi mutsunka, wachina tatkikunata katishpa, tukuripika kamachiy nishkata katishpa wanachinka.

Mamallaktapak Akllaykamayuk imamanta kashkata allinta rikushpa mananina kakta rikuchinka, kariwrmi mañakukkunata imamanta mananishkata rikuchinkapa kayanka; paykunaka pichka punchapi mana huchata aparinata rikuchinka. Mananinkapaka katik sukta puncha tukuyllapak ñawpakpi mananina rimakuyta pushanka, kaytaka mitsarina hayñita sumaychashpa, kutintak mañanata, imashina katinata rikushpami pushanka.

Kay purikuy tukurikpika, Mamallakta Akllaykamayuk pusak punchakamami tukuchinka, kaytaka: mananishkata chaskishpa, mana kashpaka mañakukmi mana chaninishka kanka.

32 niki – Shutichichun kachay.- Warmipak tantarimanta kimsa akllarishka hatun alli iñuta charik kunakkuna, karipak tantarimanta kimsa akllarishka hatun alli iñuta charik kunakkuna shutichishka kanka; sukta tiyarina kuska yuaykama mana llaktakunamanta, runallaktakunamanta, yanakunamanta, yunkarunakunamanta, mana rikurikpika, kay kanchis tiyarina kuskataka, achka iñuta charik tantarinamantami yaykunka. Kaytaka kariwami paktapakta yanantin yupaykuna yaykuchun rikunka. Achka iñuta charik kariwarmi kallarikmi rantinta katik nikita churashpa kallarichinka.

Kariwarmi kipa Kunakkunatapash imasha katimushka shinallatak akllashpami tiyachinka, wakin akllarishka anchurikpika, pay tiyarinapi katik iñuta charikmi imashina kallarishka nikita katishpa chaskinka, kariwarmi pakta yanantin yaykuchun rikunka. Ishkay mañakukkuna paktapakta iñukunata charikpika, Mamallakta Akllaykamayuk tukuyllapak ñawpakpi kariwarmi mañakukta rikunkapa shuk mishanakuy kushikuyta ruranka.

33.- Hatun willay, tiyaripash.- Mananishkakunata tukuchishka kipa, Mamallakta Akllaykamayukka kamachiypi nishkata katishpa mishanakuykunapi rikurishkata imashina nikipi tiyarishkata katishpa hatun willayta ruranka, chunkachusku kariwarmipak shutikunata Mamallakta Tantanakuyman kachanka, chaypimi paykunata shutichishpa tiyachishka kanka.

34 niki.- Mishanakuyta rikurayay.- Kariwarmi Kunakkuna akllarikukta rikunkanpa, katikuyta yanapankapa tantanakuykuna, llaktayukkuna tantarina ushanmi, paykunami mana llullashpalla imashina kashkata willanka, mayhan runapash kaminakuyta anchuchinka, shina tiyakpika wanaymi kanka. Rikukkunaka akllarikuk katikuyta chayta yachak kamachik mana imatapsh nikpika, mana washanyachinata, harkanata, sakichinata ushankakunachu.

Mamallakta Akllaykamayukka mishanakukuy pacha llaktayukkunata rikukkuna allita chaypikachun uchilla kamachiyta churanka, kaykunataka chay tantanakuypillatak kipuchina kanka.

35 niki.- Rikurayayta pushankapa harkariy.Tantanakuykuna, llaktayukkunapash kaykunamantami rikurayayta mana ushanka: 1.

Llaktayuk Chaypikachun tukushkamanta.

Rikurayakpash

Tantanakuyman

kimirinkapa

kariwarmi mañakuk

2. Hatun Tantanakuyman payllatak rurashkamanta, shukmanta rurashka llakita charishkamanta , Achikllay A

wlli, Runakuna Rikurayaywan llankankapa shuk yuyarita charishkamantapash rikuk tukunata mana ushankachu, tukuyllapak kuskaman tiyarishka kashpa, awllikkuna, mitachikuna kashpa, ñawpaman Llaktayuk Chaypikachun Rikurayak Tantanakuyman llankashka kashpa rikuk mana tukunkachu.

3. Hatun Tantanakuypi llankakkunakkunaman sawarishka kashpa, shinalla tantarishka kashpa, chusku pata ayllukama, ishkay pata yawarman ayllu kashpaka rikurayayta mana ushankachu.

IV KAPAKNIKI LLAKTAYUK CHAYPIKACHUN RIKURAYAK TANTANAKUYPAK TANTARI WALLPA I WANKURIY Umakunamanta 36 niki.- Kamaywasi wallpay.- Llaktayuk Chaypikachun Rikurayak Tantanakuyka hatun pushak kamachikkunamanta, Utkachikkunamanta, Yuyachikkunamanta, yanapakkunamanta tantarishka kanka.

Kamachik Uma: Kunak Huntatantari, Mamallakta Pushak Wasi, Kipa Mamallakta Pushak Wasi tantarishka kanka.

Utkachikkuna Uma: Llaktayuk Chaypikachun Rikurayak Tantanakuyka kachashkakuna, Chaypikachun Sumak Killkak, Runakunata Rikurayakpash, Achikllachik Sumak Killkak, Shuwa illachun Ñakarik tanatarikuna wallparinka.

Yuyachikkuna Uma: Hamunchashka Minkashkakuna.

Tumpik, yanapakkunapak Uma: Hatun killkakamayuk, uchilla kamachiy churashka shuktak umakunapash yanapanka.

37 niki.- Kunak Huntatantari.- Kunak Huntatantaripika, kariwarmi kamachik hatun kunakkuna tantarishkami kanka, paykunapak llankana kuskamanta anchurikpi, ña mana llankanpa anchurikpika kariwarmi kipa kunakkunami chay kuskapi ranti tiyachishka kanka, paykunaka kamachiywan, chanichishkawan kimirishka, tiyachishka kanka.

38 niki.- Apuykuna.- Kunak Huntatantaripak Apuykunaka kaykunami kan: 1. Paypura Kariwarmi hatun kunakkunatamanta akllashpa, karwarmi Pushakkunata, kariwarmi Kipapushakkunata tiyachinatami charin.

2. Kunak Pushak kimsa runakunata rikuchishkamanta, shuk Hatun Killkakamayukta shutichina, imamantashi llakita charikpika allinta rikushpami rantinchinata ushan.

3. Llaktayuk Chaypikachun Rikurayak Tantanakuypak shutipi rikurikta, Achikllay Awlliwan kimirinakuy kuskapi llankachun shutichina.

4. Akllak Minkashka Llaktayukta tantachina, sapan akllari tatkipak uchilla kamachiykunata churanata charin, ruraykuna achiklla kachun rikurayana, kayka Mamakamachiywan, kunan kamachiywan yuyarishkami kanka.

5. Mamallaktapak kamachikkunata, Mamakamachiy, kamachiyta rikuchun minkashka llaktayukkunapak ranti rikurikkunata, Akllaykunata katishpa shutichinatami charin.

6. Kunakpak Yachak minkashkata wiñachina, patachina kan, minkashkakuna tukuchun shutichina kanka.

7. Llaktayuk Chaypikachun Rikurayak Tantanakuyka awllikuna, apuykuna ama ñitirishka kachun yuyarishkakunata churana. Shinallatak saywashka allpakunata rikun chun minkashkakunata shutichina, mana alli kakpika kuyuchinkapa katinatapash ushanmi.

8. Llaktayta paktana yuyaykunata, ruraykunata, kamaywasi ñawpak yuyaykunata tiyachina, watapak pushayyachay paktana yuyaykunata arinina; llankay yuyarita, watapak kullki milkata, ñawinchishka willaytapash arininatami charin.

9. Katikuy paktachichik kamachiyta kachana, Kunak tantanakuykunata, Kunak awllikunata rikuchun uku uchilla kamachikunata kachana; makikamukunata, yachachik kamukunata kachana.

10. Utkachikpak kariwarmi Killkakamayukkunata shutichina, mana alli katikukpika kuyuchinatapash ushanmi.

11. Kamaywasipura yanaparina yuyarikunata, hillaykunata arinina.

12. Ukumanta, kanchamanta paktachinapash.

kullkita

imashina

kutuchishka

willayta

riksina,

13. Wanay katikuyta, taripay katikuyta chaskishkata patachina.

14. Pushak mañaymashkay kamay mirarikuy rikushka willayta riksina, shinallatak chaykuna hawallatak imatapash nichun rikuchina.

15. Llaktayuk Chaypikachun Rikurayak Tantanakuy taripaymanta willashkata riksina, mana alli kakpika imatapash rurana.

16. Kay kamachiy shuktak apuykunata churashkata pushana, uchilla kamachiykuna churashkatapash pushana.

39 niki.- Kunak Huntatantaripak Awllikuy.- Tantarikunaka riksishka punchapi kanka, mutsurikpika imapunchapipash kanka, uchilla kamachiyta, kamachiyta katishpa kayachishkakuna kanka. Mana nikishka tantaritaka, mutsurikpi utkashpa chusku kari warmi kunakkuna mañashkapash tantarinkallami, kay tantaripika imapak kayashka kashpapash chaytallami rimankakuna.

Kunakpak Huntatantarika tukuylla rikunami kanka, taripaymanta rimakushpami pakalla kanka. Tukuy kunakkuna chaypi kashpami tantanakuyta ruranka, arininkapash; apuchikuna pakta pakta kakpika, kariwarmi Pushakmi kutintak paypak apuchita kushpa mishachinka.

40 niki.- Kunakpak Kariwarmi Pushak.- Hatun kariwarmi Kunakkuna tantarishpami paykunapuramanta kinllullimanta, kariwarmi Pushakta, Kipapushaktapash akllanka, kaytaka paykuna tiyarishka punchamanta kallarik llankana pichka puncha ukupimi

akllanka.

Hatun pushak, Kipapushakpash rantin rantinmi pushanka, kariwarmi paktapaktami chawpi mitata, chawpi mita llankanka, kariwarmi kunakkunata Mamakamachiywan akllashka kashkatami paktachinka.

Hatun pushak ashalla pachata anchurikpi minkarinka, llakikunata ashtawan riksinkapa munashpa anchurikpika, kariwarmi Kipapushakmi minkarinka, Hatun pushak anchurikpika paymi tiyarinka.

41 niki.- Kariwarmi Kipapushak.- Kariwarmi Kipapushaktapash imashinami hatun pushakkunata akllarka shinallatakmi, kariwarmi kunakpuramanta akllarinka.

Hatun pushak ashalla pachata anchurikpi minkarinka, Hatun pushak llankaymanta anchurikpika, Kipapushakmi Pushak shutirishpa, llushik pushak mashna mitakama churashka kaktapash, chayta paktachinka. Kaypakka kunakpuramanta kariwarmi Kipapushakta akllanka.

42 niki.- Kariwarmi Pushakkunapak Apuykuna.- Hatun Tanatanakuypak Kariwarmi Pushakkunapak apuykunaka kaykunami kankuna: 1. Mamakamachiy, Kamachiy nishkata paktachina, paktachichinapash.

2. Kamachiy. paktay, yallishka wanayta, kanchaman kamachishkata, llankay yuyarishkata killkana pushana, Llaktayuk chaypikachun Rikurayak tantanakuyta killkachun ma単ashka pankakunata killkana, kaykunataka Mamakamachiywan, kamachiywan yuyarishkami kanka.

3. Kariwarmi Kipapushakman paypak llankaykunata killkashpa minkana, paylla llankaykunata paktachishkata, yanapay yuyaywan mana kunkarishpalla willanka; imatalla rurashkata, yuyarishkakunata paktachishkatapash willankami.

4. Hatun Tantanakuypi kamay paktachiy hatun kamachik kashkata pushana.

5. Nikishka punchapi, mana nikishka punchapi tantarinkapa kayana, Hunta tantarita pushana, tantarina punchapi rimana yuyaykunata killkana.

6. Shutichishka Kunakkuna mana chaypi kakpi, kariwarmi kipa Kunakkunata kayana.

7. Mushuk llankay単anta Kunakkunapak tantanakuypi rikuchina; watapi llankay単anta, watapi imatalla rantina kashkata rikuchina. Shinallatak awllinkapak mutsurik paktay yuyaykunata, imatalla ruranakunata, 単awpaman llankana yuyaykunatapash rikuchinami kan.

8. Mana washanyarishpalla Hatuntatantari taripashkamanta tukuri willayta tukuy kunakkuna Huntatantari puncha rikuchun, arinichun churana.

9. Hatun tantanakuypak kariwarmi mitachikunata shutichina, shuktak llankak runakunata rikuna, kikin llankayta kamana, kay hawaka imashinami uchilla kamachiykuna nishkatami katina kan, kariwarmi mitachikuna shutichishka kashpa, wanachishpa kashkapash Hatun Tantanakuy Hunta tantari rikuna kakpimi mana ushanka.

10. Hatun tantanakuy shuk watata llankashkamanta Mamallakta Tantanakuy, Achikllay Awllik Runakunat Rikurayakpi kimirik kamachikkunapak, llaktayukkunata rikuk tantarishka Mamallakta Kamachikkunapak 単awpakpi willana.

11. Kamachiy churashka, uchilla kamachiy churashka shuktakkunapash kanka.

43 niki .- Kariwarmi Kunakkunaka kayta ruranka: 1. Mashkayma単ay kallaripi, tukuripipash imatalla charishkakunata kamachiy nishkata katishpa willana.

2. Hatun tantanakuy taripaykunata rurashkata mutsushka willaykunata churankakama wakaychishpa charina.

Kay ma単aytaka hatun Kunakpi tantarishka kamachikkunaman, awllikunaman, llankakkunaman chutachishpa chayachina, llukshichina supaychay kakpimi llakita charikkunaman chayachina kan. Willaytaka upallalla kariwarmi Kunakkunaman chayachina kan, llakita aparishkakunaman, paykuna wanayta mitsarichunpash willaytaka chayachinami kan.

3. Munaymanta llakikuna tiyak hawa taripayta rurashkamanta anchurina, wakinpi paykunapak ayllukuna kikinllatak chay llakipi satirishka kakpipash anchurinami kan, paykunaka wasi uku ayllu, karulla ayllupash kikinwan kimirik kakpipash anchurina kan.

4. Llaktay llankaykunapika mana chaypi kanachu kan.

5. Shuktak kamachiykuna, uchilla kamachikuna harkakpi mana rurana.

44 niki.- Kamachiy tantachi, paktaktachiypash.- Kariwarmi hatun kunakkuna paykunapak awllina pacha, ima llakita charishpa hatun Llakipitik wasipash mana wanachinkachu, paykunaka runakuna rikurayayman watarishka kanka, Mamakamachiywan, kamachiywan Mamallakta Tantanakuypi wanachishka kanka.

45 niki.- Awllikushka pacha mana rurana.- Kariwarmi kunakkunapak llankana mitapi awllikunaka kaykunatami mana ushanka: 1. Llaktaykunata ruranata mana ushanchu.

2. Tukuykunapak munaypi llaki tiyakpi, paypak awlli apuywan chaypi kana.

3. Hatun Tantanakuy taripaymanta llankakushka hawa tukuykunaman willana.

46 niki.- Awllikuna tukuri.- Kariwarmi kunakkunapak awllika kaykunamantami tukurinka: 1. Wa単ushkamanta.

2. Imapak shutichishka mita tururishkamanta.

3. Payllatak anchurishkamanta.

4. Mamallakta kayashpa llaktay wanachita rurana, ancha llakita charikpi karkushkamanta, kaytaka payman minkashkata mana paktachikpimi kanka, pay awllikushka mitapi Mamakamachiy, kamachiypi nishkata mana uyashpa llakita rurashkamantami karkushka kanka.

47 niki.- Kipa Kunakkunapak.- Kariwarmi Hatun Kunakkuna ashalla pachata, mana kashpaka shukkutin anchurikpi, kay shukniki kipa kunakta, imashina shutichishka nikita katishpa hatun kunak tukuchun tiyachinka; payka arinishka, chanishka, mananishkapash tukuypak ñawpakpi mishanakuypi mashna iñuta charishkata rikushka akllarinka; kariwarmi yupaykuna paktapakta katinakuy kachunmi rikunka.

48 niki.- Llaktayuk Chaypikachun Rikurayak Tantanakuy.- Llaktayuk Chaypikachun Rikurayak Tantanakuy payman kachashkakunata, apuykunata paktachinkapaka tukuy markakunapimi minkashkata charinka; paykunapak awllikunata chaypak uchilla kamachiypimi churashka kanka.

Kunak Hatuntantanakuymi chaypak uchilla kamachiyta arinishka kipa minkayta Pushakkunata shutichishpa kachashka kanka, paykunapash arinishka, chanishka, mananishkapash minkashka kanka; chinallatak Hatun Tantanakuyka hunta tantarishkamanta kimsapi rakishkawanmi istapi minkashka kachun shutichinka.

Kariwarmi Kunakkunapak shinallatakmi, kariwarmi minkashkakunapak: kallarikuna, mutsuykuna, mananishkakuna, pushana pachapash kankakuna.

49 niki.- Sumakyachak Killkak.- Hatun Tantanakuypak huntatantarika paypak kinchulli kanchamanta, ishkay warmi - Sumakyachak Killkakta, ishkay kari - Sumakyachak Killkakta shutichinka. Kariwarmi Kunak Pushak kimsa runakunata rikichishkamantami akllashpa shutichinka, paykuna kishpiyrishka shutichishka, kuyuchinalla kanka.

Karita, warmita Sumakyachak Killkakta shutichinkapa, mana shutichinkapapash, kariwarmi kunakkunata shutichina shinallatakmi kan, hatun yachanawasimanta kimsa patapi yachashka illuta charishka yapa, pichka watallatapash llaktayuk chaypikana rikurayak katikuypi llankashka yachaytami charina kan.

50 niki.- Sumakyachak Killkakkunapak Apuykuna: Sumakyachak Killkakpak llankayka kaykunami kan: 1. Hatun Tantanakuypak sumak ruray ushana kakta tantachina, sumak ruray llankayta ushanata pushana, shinallatak imashina sumakruraykuna kashkamanta rikuchina; 2. Hatun kunakpak llankaykuna kimirishka kakpi kariwarmi kunakkunata sumak rurayta apachun yuyachina.

51 niki.- Kariwarmi mitachikuna.Kariwarmi mitachikunaka Mamakamachiypi churashka tiyak nikikunaman, kamachiykunaman, Tukuylla Kamayta patachik shuktak uchilla kamachiykunamanmi watarishka kan.

52 niki.- Hamunchan Minkashkakuna.- Hamunchak Minkashkakunaka yachachishpa yuyachikkunami kan, paykunaka kamachiy, uchilla kamachiy apuykuna nishkata paktachina yuyaywanmi wiñarinka, chay kamachiykunapi killkashka apuykunata paktachinatami charin.

Shinallatak sapan kunakmi shuk minkashka tantarimanllapash yaykurishka kanka.

53 niki.- Hatun Killkakkamayuk uku.- Kariwarmi shutichishka Hatun Killkakkamayuktaka Hatun kunakkunapak huntatantarishpami akllanka, payka kanchamanta runami kanka.

Payka hatun tantanakuy kimsa runata churashkamanta shukmi akllashka kanka, hayñimanta yachashka Illu Pankata kimsa patapi charinka, pichka watallatapash kamaypi llankashka yachayta charinami kan. Paykunaka Hatun tantanakuypak ukupi rimankapa hayñiwan kanatami charin. Mañashka mutsuykunata paktachinka, uchilla kamachiy

rikuchishka apuykunatapash paktachinkami.

Hatun Killkamayukpak shutichishka llankana pachaka, Llaktayuk Chaypikachun Rikurayak Tantanakuypak kariwarmi Pushakpak shinallatakmi kanka, karikashpa, warmi kashpapash shuk kutinllami akllashka kanka.

54 niki.- Maymanta kullki tiyanka.- Llaktayuk Chaypikachun Rikurayak Tantanakuyka, kay kullkikunawanmi llankanka: 1. Mamallaktapak hatun kullkimantami charinka; kay kullkikunataka llankaywan hunta awllichun kamana kanka, kay hatun Kunakman minkashka tukuy apuykunata pushachunmi paktanka.

2. Mamallaktapak tantariwan yuyarimanta shamuk, istallaktawan yuyarimanta shamuk kullkimantami kawsanka; tukuyllapak, shukpaklla kashpapash runakuna chaypi kachun rikurayashpa llankakmi kanka; achikllaymanta, shuwaymanta ñakarikmi kanka; kaytaka Mamallaktapak Kamachiyta Yanapak willashkami kanka.

3. Kamachiywan yuyarishka shuktak kullkikunawanpash kawsanka.

V KAPAKNIKI AKLLACHUN LLAKTAYUK MINKASHKAKUNA I WANKURIY LLAKTAYUKKUNA MINKASHKA AKLLAKKUNA WALLPARI 55 niki.- Tantanakuy.- Llaktayuk Chaypikachun Rikurayak Tantanakuyka, imata awllichun churashkata paktachinkapaka, minkashka akllak llaktayukkunatami tantachinka, tukuykunapak ñawpakpi mishanakuyta rurashpa akllanatami minkashka kanka; tukuykunapak ñawpakpi, mananishka, chanishkami akllarinkakuna. Llakta Ukllakta, Mamallakta Hatun Rikurayakta, Mamallaktapak Llankay Rikukta, Mamallakta Akllaykamayukta, Akllayta Harkak Kimsa kamachikkunata, Kamachikta Tantanakuyta, shuktak kariwarmi mutsurik kamachikkunata, Mamallaktapak kamaywasipi llankachun akllanka, kaypaka Mamakamachiywan, kamachiywan yuyarishka kanka.

Tukuy shutichikunami, kamachikkuna kashpa, llaktayukkunapak shutipi minkashka akllarikkunapash, akllana ñanta katishpami akllashkami kanka, kaytaka Llaktayuk Chaypikachun Rikurayak Tantanakuymi chaypak akllanka. Kaypakmi llaktayukkuna minkashka chaypi tiyarishpami kaytaka ruranka. Kariwarmi Mamallakta Pushakmanta kachashka kimsa kamachikkunallami mana shina akllarinka.

Llaktayukkuna Mamallakta kamachiy yanapakta tiyachinkapa ñawinchina, mananinapash katikuyka, sapan Mamallakta kamachiy yanapak kamchikpakimi kan. Hatun hamutachik kamachikta akllankapami kan, Hatun hamutachikkunata, kariwarmi Llakta Pushak kachashkakunaka, Llaktayuk Chaypikachun Rikurayak Tantanakuy churashkami kanka.

56 niki.- Yaykurina.- Minkashkakunaka kariwami kamchikkunamantami tantarishka kanka. Shuk kamachiy killkakmantapash tantarishka kanka, shuk Paktakay Awllimanta, shuk Akllay Awllimanta, shuk Achikllay Awllimanta Runakunata Rikurayakmanta

tantarishka kanka. Runakunapak, llaktayukpak tantanakuymanta pichkami kanka, paykunaka tukuypak 単awpakpimi akllashka kanka.

Minkashkakunaka kariwarmimi ishkaypi ishkaypi tantarinka, manarak akllashpa kuchiyachinata rurana kan, runakunapak tantanakuymanta, llaktayukkunamanta shamukpakka chikanmi kanka.

Kariwarmi kachashkakunapash Mamallakta Awllimanmi kimirishka kanka, paymi llankayta kuna kan, hatun kamachikkunami ima llankaypipash sapan kachashkakunata shutichinata charin.

Mamallakta kachashkakunata shutichinkapa, willashka punchamanta kallarishpa kimsachunka punchatami charinka, chay punchamanta yallishka kipa, mana shutichishka kakpi, Llaktayuk Chaypikachun Rikurayak Tantanakuymi mana pitapash shuyashpalla shutichinka, kamachiykuna nishkata katishpami shutichinka.

Minkashkakunaka shuk kari kashpa, warmi kashpapash pushashkami kanka, payka apuchikuna paktapakta tiyakpika, shuk apuchita kutintak kushpa mishachinka, kayka tukuykunapak 単awpakpimi kanka.

Mayhan minkashkakunata pushakpipash, tukuy minkashkakunami chaypi kanka.

57 niki.- Mutsuykuna, mananinapash.- Llaktayuk minkashka akllakman kimirishka kankapaka, llaktayukpak shutipi kankapapash, imashinami kariwarmi kunakkunata shutichina shinallatakmi kan, ashtawanpash kamachikkuna awllimanta yachak, akllashka kamachikkunata pushanata riksik, tukuylla awllita pushanata yachakmi kanka. Sapan akllaykunapak Llaktayuk Chaypikachun Rikurayak Tantanakuy uchilla kamachiyta rurashkami kanka.

Kariwarmi minkashka tantantariman kimirishkakunaka shinallatak mananishkami kan, chayka kaykunami kan:

kariwarmi

Kunakkunapak

1. Llaktayuk Chaypikachun Rikurayak Tantanakuypi llankakpak mayhan sawarishka kashpapash, tantarishkalla kashpapash, chusku patakama yawar ayllu kashpa, ishkaynikikama kusamanta, warmimanta ayllu kashpapash mana akllarinata ushanchu.

2. Mayhan sawarishka kashpapash, tantarishkalla kashpapash, chusku patakama yawar ayllu kashpa, ishkaynikikama kusamanta, warmimanta ayllu kashpa, misharinkapa mana yaykunkachu, ayllupura chay akllarimanllatak yaykurikukpipash chuktaka llukshichinami kanka. Shina llakikuna rikurikpika mayhantapash mishachishpa akllashpami shutichina kan.

Llaktayuk Chaypikachun Rikurayak Tantanakuyman kimirishpa llankakkunaka, llaktayukkuna minkashka kankapa, akllarishpa shutirinkapa mana ushankachu, pay awllita sakishka kipa, kayka ishkay wata kipakamami kan.

58 niki.- Kayay.- Llaktayukkuna kachashka pichka kariwarmi minkashkakunata shutichinkapa, Llaktayukkuna Kachashkaman Yaykurichun akllana kan, chaymantami

tukuy akllarinata munak llaktayukuna shutita killkachichun, kushikuyta charichun willayta paskanka.

Llaktayuk Minkashkauna Akllakkunata tantachinkapa uchilla kamachikunata rurana, paykunaka imashina rikuchinata, ima iñukunata, shuktak kayana ruraykunatapash kamachiychinka. Chaytaka Kamu Kipukpimi killkachishka kanka; kipaka kimirinakuchik shimipimi willashka kanka, Hatun Tantanakuypak llikapankapimi willashka kanka, Mamallaktapi muyushpa purik willak pankapimi rikuchishka kanka, llaktapi tukuykuna chaskik ñanpi, Hatun kunak maypi nishkapi willashka kanka.

Ecuador llaktata kanchaman riksichik, istachaski wasikuna willanata, mirachinata pushanka, paykunami kayayta willanata, chayachinata charinkuna. Shina istallaktapi kawsak kariwarmi runakuna apuchita kunkapa huntachun.

59 niki.- Kachaykuna.- Runakunapak tantanakuymanta, llaktayukkunamanta akllashpa kachankapaka, mañakuyta allinta rikushpami rikuchina kan, paykunaka sapalla, tantanakuy yanapashkapash kanka; kayashka punchamanta yupashka 10 punchatami charin.

Sapan runakunapak tantanakuykunami shuk kariwarmi, akllak shuk minkashkaman tantarichun mañanka, sapan llaktayukkunami shuk kariwarmi shuklla akllak minkashkaman tantarichun churanka. Akllarina pankaka kariwarmi akllarikupak kawsay pankatami charinka, kamachishka, illushka pankakunata tantachishka kanka, tantanakuykuna kachashka kakpika, imamanta kachashka pankatami charinka.

Llaktayuk Chaypikachun Rikurayak Tantanakuyka, mañashka mutsurik pankakunata huntachikta, kamachiypi tiyak mana nichikkumanta kishpiyrishka kakkunatami rikunka, illunkapash. Kariwarmi mañakuk chanishka akllarikkunapak shutikunataka hatun tantanakuypak willayllikapi, paypak wasi pirkapi hatun pankapi willashpa rikuchishka kanka. Mayhan mana akllarikkunaka ishkay punchapi imashina paykunapak pankakuna sakirikta riksinkapa, chayta rikuk Hatun tantanakuyta willachun mañanka.

Hatun tantanakuyka mañayta chaskishka kipa ishkay punchapi imashinapash shukkutinlla puchukayta willanka. Akllarikkunaman arinishka kakpika, mishanakuypak tiyarichun willashka kanka.

60 niki.- Tukuylla ñawpakpi kushikuy.- Llaktayuk pichka kariwarmi kachashkata akllankapaka kariwarmi tukuylla killkakamakpak ñawpakpi chikanyachishkami kanka; kimsachunkapuramanta allita chanishka akllarinka paykunaka Llaktayuk Chaypikachun Rikurayak Tantanakuy rikushka akllarinka. Nishka kushiyarishka runakunamantaka chunka mañakukta akllana kan, imashina kallarimanta akllarishkata katishpami, tantanakuykunamanta shamuktashpa, llaktayukmanta shamuktashpa akllana.

Sapan tantarishka Llaktayuk Minkashkapak Akllak, tukuylla ñawpakpi akllarishkamanta rikurishka, kawsaypura rimashka shimipimi willashka kanka, hatun Tantanakuypak willayllikapi, hatun tantanakuypak wasi pirka hatun pankapi willashka kanka. Ecuador llaktapak minkashka istachaskik, ista wasikuna, kay tantanakuykunami akllaypi rikurishkakunata chayachinata, willanata charin.

Llaktayuk Chaypikachun Rikurayak Tantanakuyka, mañashka mutsurik pankakunata huntachikta, mañakukkuna kushka kamachiypi tiyak, mana nichikkumanta kishpiyrishka kakkunatami rikunka, illunkapash.

Kariwarmi

chanishka mañakukkunapak shutikunataka hatun tantanakuypak zirma pankapi, paypak wasi pirkapi hatun pankapi willashka kanka. Mana akllarikkunaka ishkay punchapi Hatun tantanakuy paykunata mana nishka pankata pichachun mañanka.

61 niki.- Mana niamanta.- Akllarishkamanta mashna apuchi rikurishkata riksishpaka, akllarikkunapak shutikunata willashkamanta, pichka punchata yupashpa, tukuypak ñawpakpi yupana, chayka mana nina pachami paskarinka. Kay pachapika llaktayukkuna, tantanakuykunapash mishanakuypi kariwarmi arinishkakunata mana munankapashmi.

Kamachishka mutsurik mañashkata mana paktachikpimi mana nishka kanka; mana achiklla rikurikpi, mana allikunapi satirishka kashkamanta, llankayta hapinkapa maymutsurik willaykunata mana churashkamanta mananirinkakuna. Chay mananishka pankakunataka, allinta tiksishpa, allinta yuyarishpami Hatun tantanakuyman rikuchinka.

62 niki- Mananisha, mananisha yuyarina.- Hatun tantanakuyka mananishkakuna allinta rikushpa imamanta mananishapash, imamanta arinishapash shuk yuyaypillami rikuchinka.

Mananishkata arinishpaka kariwarmi mañakukkunata kimsa punchapi imamanta mananik pankakuna tiyashkata rikuchichun kayanka.

Mananina kakpika, kariwarmi akllarikuk mana chanishka kanka. Mananishkakunata Hatun Tantanakuy mana arinikpika, mayhan kariwarmi akllarikkuna llaktayukkunapak shutipi llankankapa akllarishkami kanka. Chaypika tukuy mananishkakunami Mamakamachiy hayñikunata rikushka kanka.

63.- Rikuykuna.- Llaktayuk Chaypikachun Rikurayak Tantanakuyka llaktayukkuna minkashka akllarichun rikukkuna chaypi kachun kamanka, kaytaka imashina uchilla kamachiy nishkatami paktachinka. Llaktayukkuna mikashka akllarina katimushka willaykunaka, llaktayukkuna utkashpa willayta chaskina, pankakunata rikuna, yaykurinallami kanka.

II WANKURIY KARIWARMI MINKASHKAKUNA, MINKASHKAKUNAPAK AWLLIPASH

AKLLACHUN

LLAKTAYUKKUNA

64 niki.- Warmi Pushakmanta, kari pushakmantapash.- Tantanakuykuna, llaktayukkuna kachashkakuna, akllachun minkashkaman tantarikkunaka, paypuramanta kari kachun, warmi kachunpash shuk Pushakta akllanka, paykunaka apuchikuna paktapakta tiyakpika, kutin shutita kushpami mayhantapash mishachinka.

65 niki.- Llankaymanta kullkita hapina.- Kariwarmi minkashkakunaka paykunapak llankay mitapika, Llaktayuk Chaypikachun Rikurayak Tantanakuypak kariwarmi kunakkuna llankaypi tantachishka kullkita killapi hapishkamanta, chaywan chimpapurashpa 3.3% patsakri kullkitami paykunapak llankay mita pachapi hapinka.

Kariwarmi minkashkakuna tukuylla mitachikuna kashpaka, maypi llankana kuskamanta paypak kullkita chaypi sakishpa, mashna mitata mutsushkata shuk minkarita mañachun mañashka kanka, kunan llankachikmi llankashkamanta kullkita kunka.

Kariwarmi minkashkakuna shukpaklla llankaypi mitachikuna kashpaka, llankachikpak ukupi kashpika, mayhan llankachikmi, llankakpak kullkita chaypi sakichishpa charinka,

llankachiktaka mashna mitata minkashka kankapa mutsushkata shuk minkari pankata kuchun ma単ashka kanka. Llaktayukkuna Minkashka Akllay llankayta tukuchishka kipaka paypak llankayman tikrachun kamashka kanka.

Llaktayuk Akllachun Minkashka tantanakuyka, Llaktayuk Chaypikachun Rikurayak Tantanakuy llankaykunapi sumak rurak hillaykunawan yanapashkami awllirinka.

66 niki.- Mana ruranakuna.- Llaktayuk Akllachun Minkashkaman tantarikunaka, kaykunatami mana ruranka: 1. Paykunapak llankay ukupi wakin munaymanta llakikuna rikurikpi mana satirina.

2. Mayhan yaykurinpak akllarikukpi shuktak yuyaykunata wallpana, shuk manyamanlla kimirina, haminata, chikanyachiypi mana ushankachu.

67 niki.- Awllikuna Tukurina.- Llaktayuk Akllachun Minkashkaman tantarikunaka, kaykunamantami paykunapak awllikunata tukuchinka: 1. Wa単ushkamanta.

2. Anchurishkamanta.

3. Llaktayuk Akllachun Minkashka tukuchun, ma単ashka hawa, mana uyashpa, mana paktachishkamanta anchurinka. Llaktayuk Chaypikachun Rikurayak Tantanakuy hunta tantarishpa anchuchishka kanka. Kaypakka Hatun Kunakuna chawpi yalli arinishkami kanka.

4. Kaypak uchilla kamachiyta katishpa, paypak awllita sakishkamanta anchuchinka.

5. Llaktayuk Akllachun Minkashka tantanakuypi llankay tukurishkamanta anchurinka.

III WANKURIY KAMACHIKKUNATA, SHUTICHINAPASH

LLAKTAYUKKUNA

MINKASHKAKUNATA

AKLLANA,

68 niki.- Utkachik Kachashka Kimsata Akllana, shutichinapash.- Llaktayuk Chaypikachun Rikurayak Tantanakuymi, Mamallakta Kamachiy Yanapak, Hatun Hamutachik tantanakuykunapak hatun kamachikkunata shutichinka, paykunaka: Ecuador llaktapak Mamakamachiy 208 nikipi, 10 yupaypi tiyakta hapishpami kariwarmi Mamallakta Pushak kimsa runata kachashka kanka. Chaypakka Akllanchun Llaktayuk Minkashka tantanakuymi kamachikkunata shutichiypi rikuchun, yupachun, mananichunpash llankaykunata pushanka. Kimsa kachashkakunaka kariwawrmita sumakchashka pakta yupaykunami tiyarinka, llankaypi rantinchirina, kawsaypura yuyay ukupak kallariwanmi kanka.

Kariwarmi Mamallakta Pushak, Llaktayuk Chaypikachun Rikurayak Tantanakuyman akllarina kimsa runapak shutikunata killkashpa, paykunapak kawsaypankata tantachishpa kachanka. Kaytaka Llaktayuk Chaypikachun Rikurayak Tantanakuypak willay llika pankapi tukuykunaman willanka, imashina katikuytaka Mamakamachiypi killkashkata, kamachiypi killkashkata rikushkami kanka.

Minkashkakunaka shukta, tukuytapash mana ninka; Utkachik kimsa kariwarmi runata kachashkataka mana harkanchu, mananishkakuna imamanta kashkata paktachishka kashkamantami kanchaman sakirinka.

69 niki.- Mishanakuypi mananishpa, chanichishpa akllana, shutichinapash.Llaktayuk Chaypikachun Rikurayak Tantanakuyka, Runapak kamak, Tukuylla Ukllak, Mamallakta Hatun Rikurayak, Mamallakta Llankayta Rikuk, Mamallakta Akllaykamayuk, Akllayta Harkak Kimsa kamachik, Kamachik Tantanakuy kamaywasikunapak hatun kamachikkunata akllanka. Kaytaka Ecuador llakta Mamakamachiypak 208 nikipi, 11, 12 yupaykunapi tiyakta, kamachiypi tiyakta hapishpami paktachinka.

Runapak kamak, Tukuylla Ukllak, Mamallakta Hatun Rikurayak, Mamallakta Llankayta Rikuk, Mamallakta Akllaykamayuk, Akllayta Harkak Kimsakamachik, Mamallakta Kamachiy Yanapak, Hatun Hamutachikkunapak hatun kamachikkunata akllanka, mushuk kamachikkunata akllankapa tawka tantarikunapak llaktayukpak shutipi rikurikkuna, shuktak tantarikunapash llankanka. Mushuk minkashka yaykurichunka patsak pusakchunka puncha sirikpimi akllankapa llankamuna kan, ishkaykutin chay llankaypillatak llankakkunaka mana akllarinata ushankachu. Kamachiypi, Mamakamachiypi nishkata katishpa kamachik tukushka kashpallami akllarinata ushanka.

Shuk kamachik Mamallaktapak llankaypi llankakushpa, shuktak kamachik tukunkapa akllarinata munashpaka, manarak mishanakuyman kayakpi iskunchunka puncha sirikpi kay kamaywasipi llankakushkamanta anchurinatami charin. Kay mutsurikta paktachishpami akllarinka.

71 niki.- Arininkapa tupuyta ruraykuna.- Runapak kamakta, Tukuylla ukllakta, Mamallakta Hatun Rikurayakta, Mamallakta Llankayta Rikukta, Mamallakta Akllaykamayukta, Akllayta Harkak Kimsakamachikta, Mamallakta Llankayta Rikuk kamachikkunata akllankapa, tukuyta tantalla akllankapapash kariwarmi paktapakta yupaymi mishanakushpa akllarichun kamanka.

Llaktakunamanta, runa llaktakunamanta, yana runakunamanta, yunka runakunamanta shukllatapash akllanami kan. Sapan mishanakuypimi imashina kariwarmi kunakkuna akllaypi mishanakurka shinallatakmi arinirichun rurana kan.

72 niki.- Uchilla kamachiyta churay.- Llaktayuk Akllachun Minkashkakunaka kamachikkunata, shuktak shutipi tukuyllapak 単awpakpi mishanakushpa akllarichunmi pushanka; llaktayukkuna rikushka, arinishka, mananishkapash akllarinkakuna. Kay llankaytaka Mamakamachiy nishkawan, kamachiywan, uchilla kamachiwan yuyarishpami llankanka.

73 niki.- Llankashkata willay.- Akllanchun Minkashkakuna, kamachikkuna tukuchun akllayta tukuchishpaka, paykuna akllasha llankashkatami HatunTantanakuyman willanka. Chay willayta rikushpa Llaktayuk Chaypikachun Rikurayak Tantanakuyka mashna i単ukunata rikushpa, kariwarmi paktapakta kachun shutichinka, shinallatak llaktakunamanta, runa llaktakunamanta, yana runakunamanta, yunka runakunamanta shukllatapash yaykuchishpa shutichinka.

Kimsanchishpa akllashpa shutichishpapash shinallatakmi ruranka.

Llaktayuk Chaypikachun Rikurayak Tantanakuyka, minkashkakuna imashinami kamachikkuna tukuchun akllaykunapi mishanakuy i単ukunata chanishkata mana shuktakyachinkachu, imashina nikishkatapash mana shuktakyachinkachu. Imapak kimsanchishpa akllashpa karimwarmita paktapakta yuyaypi shutichishpapash shinallatakmi ruranka.

Hatun Tantanakuyka, chay tukuy willaykunata Mamallakta Tantanakuyman kachanka, paykuna mushuk kamachikkunata llankaypi tiyachinka.

YALLICHINALLA CHURASHKAKUNA

SHUKNIKI.- Kay kamachiyta shukkutin arinishka, Mamallakta Akllaykamayuk Tantanakuy huntatantarimi, Yallichinalla Churashkapak18 nikiwan, kimsachunka mitapi, Llaktayuk Chaypikachun Rikurayak Tantanakuypak kamachikkukana mishanakushpa, arinishka, mana nishka akllarichun uchilla kamachiyta churanka. Chay katipillatak Mamakamachiywan, kamachiywan yuyarishpa 単a akllay kallarichunkuna kayanka.

ISHKAYNIKI.- Llaktayuk Chaypikachun Rikurayak Tantanakuypak kamachikkunata shukkutin akllashka kipa, Llaktayukkuna Akllanchun Minkashkakuna, Llaktayuk Chaypikachun Rikurayak Tantanakuy rurashka uchilla kamachiywan, chayta kamachikkuna arinishka, chanishka, mana nishkapash akllarichun kayanka, Mamakamachiywan, kamachiywan yuyarishpa, shutichinkakama llaktayukkuna kachachun kayanka.

KIMSANIKI.- Akllanchun Llaktayuk Minkashkakunaka, Paktakay Awllikpak kamachikkunata, tantarishka kamachikkunata, kariwarmi kachashkakunata akllarinkapa katikuyta pushanka, kaytaka Mamallakta Paktakay Wasi shutichishka kanka.

CHUSKUNIKI.- Yallichinalla Churashka Mamallakta akllaykamayuk, Mamallakta Akllaykamayuk Awllipak kachashka akllarikta shutichinka, paykunataka akllak tukuchun, Llaktayuk Minkashkakuna akllanka, kamachikkunata, tantarishka kamachikkuna akllarinkapak katikuyta pushanka.

PICHKANIKI.Kamachiy Killkak Awlli, Utkachik, Achikllaypakpash, Runakunata Rikurayak llankankapa tiyarishpa, tantarishpami, shukniki Mamakamachiy Wasiman yaykurik kamachikkunata chanishpa shutichichun minkashkata tantachinka. Uchilla kamachiykunaka Llaktayuk Chaypikachun Rikurayak Tantanakuy churashkami kanka, Saywashka Allpata Kamak Nikik kamachiywan, Mamakamachiyta Rikurayak kamachiywan kimirishpami kamachiynka.

SUKTANIKI.- Paykuna tiyarishka, kimsachunka punchata yupashpa, Llaktayuk Chaypikachun Rikurayak Tantanakuypi kamachikkuna tantarishpa, Mamallakta Akllaykamayuk akllashka kashpa, Hatun Tantanakuypak Huntatantari Awllirina Uchilla Ukukamachiy arinishka kashpa, Runakunata Kamana Uchilla Ukukamachiy, Imashina Katina Uchilla kamachiywan kamachichinka. Kamachiykuna allichirinka kama, Llaktayuk Chaypikachun Rikurayak Tantanakuy, Yallichinalla Churashka uchilla kamachiykunawan, arinishkakunawan katinka.

KANCHISNIKI.- Ishkayniki Yallichinalla Churashkapi tiyak Llakta ushak kamachiyta pichana, Mamallakta Akllaykamayuk tantanakuyman kimirishkakunaka mana kamachikkunata akllaypi kana ushankachu, Mamallakta Akllaykamayuk Awllipak kamachiykunata, Achikllay, Runakunata Rikurayakpak kamachikunata shutichinka.

Mamakakamchiy Killkak Tantanakuy minkashka kariwarmi kamachikkunata, Yallichinalla Churashka shutichishka kamachikkunata, hatun kamachikkunata llukshikpi ranti tiyarinkapa akllarinata ushanmi. Mamallaktapak Akllaykamayuk Tantanakuypi llankak, kariwarmi kamachikkunami Mamakamachiypi nishkamanta, kamachiypi nishkamanta mana akllarishka kanka. Mamallaktapak shuktak kamachikkuna tukunkapa akllarinata ushankami, kayka Mamallakta Akllaykamayuk Awllipak kamachik, Achikllay, Runakunata Rikurayakpak kamachik tukunkami.

Mamallaktapak Akllaykamayuk Tantanakuyka, Llaktayuk Chaypikachun Rikurayak Tantanakuy llankaypak kullkita mashkachun shuk kariwarmi kamakta shutichinka, paykunaka Llaktayuk Chaypikachun Rikurayak Tantanakuy, yallichinalla churashka chinkarishkamantami llankay kallarinka, churaskalla Mamallakta Akllaykamayuk Awlli mishanakuywan shutichishka kanka, Llaktayuk Chaypikachun Rikurayak Tantanakuy tiyarinkakama llankanka.

TUKURIPI NISHKA.- Kay kamachiyka Kamachiy willashka punchamantami paktayman yaykunka.

Kipukpi

killkachishpa

Mamallakta Tantanakuypak yataka Quito hatunkitipi, Pichincha markapimi kan; chunka puncha, panchi killa, ishkay waranka, iskun watapi, yuyarishpa killkashpa, kushka kanka.

ROLANDO PANCHANA FARRA Mamallakta Tantanakuypak Ishkayniki Kipapushak DR. FRANCISCO VERGARA O. Mamakamachiy Tantanakuypak Killkakkamayuk

Mushuk Shimikuna achikllay rikurayak tantanakuy: Consejo de Transparencia y Control Social achikllay: transparencia akllakkamayuk: Consejo Electoral awlli: funciรณn awllikuy: funcionamiento chaypikay: participaciรณn hamiy: animadversiรณn hamunchashka: especializada huntatantari: pleno istawasi: consular istawasi: consulares kachashka kamachik: diplomรกtico kamachik tantanakuy: Consejo Nacional de la Judicatura kamachik: autoridades kamachiy: ley kamayku: evaluaciรณn

kamaywasi: Ministerio, institución karma: ámbito kawsayyachay: experiencias killkakamak:notario kipapushak: vicepresidente kunak: consejo llaktakuyak: cívico/a llaktayuk chaypikachun rikurayak tantanakuy: Consejo de Participación Ciudadana y Control Social mama tantanakuy: Consejo Nacional mamallakta akllaykamayuk: Consejo Nacional Electoral mamallakta wiñaritantanakuy: Consejo Nacional de Desarrollo mananichiy: impugnación mañakuy: postulación minkashkakuna: comisiones ñawinchi: rendición de cuentas pakma: parte rantinchiriy: alternancia rikuykuna: veedurías runakuna, waki: sociedad uchilla kamachiy: norma, reglamento, estatutos uchillasuyu: sector uchillasuyu: sector