༡ ཕག་ཕྲུག་གསུམ། མ་རྩོམ། ཡའོཧ ། ( ཨིན་ཇི།) ༄༅།།རྒྱང་རིང་གི་གྲོང་ཚོ་ཞིག་ཏུ་ཕག་པ་ཨ་མ་གཅིག་དང་ ཕག་ཕྲུག་སྙིང་རྗེ་པོ་གསུམ་ཡོད། ཕག་ཕྲུག་ཚོ་ཉིན་རེ་བཞིན་གཟུགས་ སྟོབས་ཆེ་རུ་འགྲོ་ཡི་ཡོད། ཕག་པ་ཨ་མས་ཕག་ཕྲུག་ཚོར་རང་རང་གིས་ཁང་པ་བསྐྲུན་ནས་ རང་རྐྱ་ཐུབ་པའི་འཚོ་བ་སྐྱེལ་བཅུག་གོ།
༢ ཕག་ཕྲུག་ཆེ་བ་དེས་རང་ཉིད་ལ་རག་ ལས་སླ་ཤོས་ཀྱི་རྒྱུ་ཆ། ཞིང་ཁའི་ནང་ནས་ སོག་མ་བསྒྲུགས་ནས་མྱུར་དུ་ཁང་པ་ ཞིག་བསྐྲུན་རྗེས་དགའ་དགའ་སྤྲོ་སྤྲོའི་ ངང་ནས་དེར་བསྡད།
༣
ཕག་ཕྲུག་འབྲིང་བ་དེས་ཤིང་གི་ཁང་པ་བསྐྲུན་རྒྱུ་བྱས། ཁོས་ཤིང་ མང་པོ་བཅད་དེ་པང་ལེབ་བཟོ་བ་སོགས་ཀྱི་དཀའ་ལས་བརྒྱབ།
༤ ཡུན་རིང་མ་འགྱངས་པར་ཕག་ཕྲུག་འབྲིང་བས་ཤིང་གི་ཁང་པ་ ཞིག་བསྐྲུན། ཁོའི་ཁང་པ་དེ་གཅེན་པོའི་རྩྭ་ཁང་ལས་རྫིག་པ་དང་ མཁྲེགས་པ་ཡོད།
༥ ཕག་ཕྲུག་ཆུང་བ་དེ་ཁྱིམ་དུ་ལོག་སྟེ་བསམ་བློ་བཞི་གསུམ་ བཅུ་གཉིས་བཏང་མཐར། རྡོའི་ཁང་པ་ཞིག་བསྐྲུན་རྒྱུ་བྱས། ཁང་པ་དེ་སྲ་ཞིང་བརྟན་པས་ཆར་རླུང་གིས་གནོད་སྐྱོན་བྱ ད་མི་ཐུབ། ཡིན་ཡང་ཁང་པ་དེ་བཟོ་བར་དཀའ་ལས་མང་པོ་རྒྱག་ དགོས་ཀྱི་ཡོད། ཞེས་བསམས་སོ། །
༦ དེ་ནས་ཕག་ཕྲུག་ཆུང་བས་སྔ་དྲོ་སྔ་ལངས་དང་དགོང་མོ་འཕྱི་ཉལ་ བྱས་ཏེ། རྡོ་རེ་རེ་བཞིན་འཁུར་ཡོང་སྟེ་རྩིག་པ་བརྩིགས། གཅེན་པོ་ གཉིས་ཀྱིས་ང་ཚོར་གཅུང་པོ་བླུན་པོ་ཞིག་ཡོད་ཨང་ཞེས་ ཟུར་ཟ་ཡང་བྱེད་ཀྱི་ཡོད།
༧ ཕག་ཕྲུག་ཆུང་བས་དེ་ལ་ཁ་ཡ་མ་བྱས་པར། ཉིན་མཚན་མུ་མཐུད་ཀྱིས་དཀའ་ལས་བརྒྱབ་པས། ཟླ་བ་གསུམ་འགོར་རྗེས་ཁང་པ་གསར་པ་ཞིག་ ལེགས་གྲུབ་བྱུང་བ་རེད།
༨ ཉིན་ཞིག རི་སྤྱང་ཞིག་ཁོ་ཚོའི་གནས་སུ་སླེབས་པས། ཕག་ཕྲུག་ཆེ་བ་དངངས་འཚབ་ཆེན་པོས་རང་ཉིད་ཀྱི་རྩྭ་ཁང་ནང་ འཛུལ། རི་སྤྱང་གིས་ཁྲེལ་དགོད་ཅིག་བྱས་རྗེས། ཤུགས་ཆེན་པོས་ཕུ་ཞིག་བཏབ་པས་རྩྭ་ཁང་དེ་ དེ་མ་ཐག་འགྱེལ་བ་དང། ཕག་ཕྲུག་ཆེ་བ་ ཞེད་སྣང་དང་དངངས་སྐྲག་སྐྱེས་ནས་བྲོས་པ་རེད།
༩ རི་སྤྱང་ཁོའི་སེམས་ལ། ཁོ་ཚོས་ཤིང་ཁང་གི་སྒོས་ང་འགོག་ འདོད་པ་ནི་སྟོང་བསམ་རེད་ཅེས་དྲན་ནས། ཡང་ནས་ཡང་དུ་ ཤིང་སྒོ་ལ་རི་སྤྱང་རང་ཉིད་ཀྱི་ལུས་བརྡབས་པས། ཅང་མ་འགོར་བར་ཤིང་ཁང་དེ་ཡང་འགྱེལ་བ་རེད། ཕག་ཕྲུག་ཆེ་བ་དེ་རི་སྤྱང་གིས་འདེད་བཞིན་བྲོས་ནས། ཕག་ཕྲུག་ འབྲིང་བའི་ཁྱིམ་གྱི་སྒོའི་འགྲམ་དུ་སླེབས་ཏེ་ཁང་པའི་ནང་དུ་ འཛུལ་ནས་སྒོ་བརྒྱབ་པ་རེད།
༡༠ དེ་ནས་ཕག་ཕྲུག་ཕུ་ནུ་གཉིས་ཀས་བྲོས་བྲོས་ནས་ཕག་ཕྲུག་ ཆུང་བའི་ཁྱིམ་དུ་སླེབས། ཕག་ཕྲུག་ཆུང་བས་སྒོ་དང་སྒེའུ་ཁུང་ ཐམས་ཅད་དམ་པོར་བརྒྱབ་པ་དང་། ཕུ་བོ་གཉིས་ལ། ཁྱེད་གཉིས་སྐྲག་དགོས་ཡས་མེད། ངས་རི་སྤྱང་ ཁོ་ལ་རྒོལ་ལན་སློག་ཆོག་ཅེས་ སེམས་གསོ་བྱས་པ་རེད།
༡༡ རི་སྤྱང་དེ་ཕག་ཕྲུག་ཆུང་བའི་ཁང་པའི་ སྒོ་འགྲམ་དུ་སླེབས་པ་དང་། ཁང་པའི་ སྒོར་ཕུ་ཇི་ཙམ་བཏབ་ཀྱང་སྒོ་དེ་ སྒུལ་ཙམ་ཡང་བྱེད་མ་ཐུབ།
༡༢ ཁང་པ་དེར་སྔར་བཞིན་སྒུལ་ཙམ་ཡང་བྱེད་ཐུབ་མེད། རི་སྤྱང་འཚུབ་ཤ་ལངས་ཏེ་ལྕགས་ཀྱི་ཐོ་བ་ཞིག་ བཙལ་ནས་ཡོང་བ་རེད། རི་སྤྱང་དེ་ཁོང་ཁྲོ་ལངས་ཏེ། ཤུགས་ཡོད་ཚད་ཀྱིས་རང་ཉིད་ཀྱི་ ལུས་དེ་ཁང་པར་བརྡབས་པ་ན།
ལས་མེ་སྟག་མཆེད་པ་ཞིག་བྱུང་བས།
རི་སྤྱང་རང་གི་མིག་གཉིས་
༡༣ ཁོས་ཤུགས་ཆེན་པོས་ལྕགས་ཀྱི་ཐོ་བ་དེ་ཁང་པའི་སྒོ་ལ་ ཐེངས་གཅིག་བརྒྱབ་པ་ན། ཐོ་བའི་ཡུ་བ་ཆག་ནས་ཐོ་བའི་ མགོ་དེ་ཕྱིར་འཕར་ཡོང་ནས། རི་སྤྱང་རང་ཉིད་ཀྱི་ མགོ་ལ་ཕོག་པས། ཁོའི་ཁ་ནས་ཨ་ར་ར་ཞེས་ སྡུག་སྐད་རང་དབང་མེད་པར་ཤོར་བ་རེད།
༡༤ ཕག་ཕྲུག་ཆུང་བས་དེ་ཤེས་ནས་ མྱུར་དུ་ཐབ་ཁུང་དུ་མེ་སྤར་བ་རེད། རི་སྤྱང་ཞེ་སྡང་གཏིང་ནས་ལངས་ཏེ།
གཅིག་བརྒྱབ་རྗེས་ཁང་ཐོག་ཏུ་འཛེགས་ནས། ཁང་པའི་དུད་ཁུང་ནས་ནང་དུ་འཛུལ་དགོས་བསམས་ཀྱང་།
ཁང་པར་སྐོར་བ་
༡༥ རི་སྤྱང་དེ་མེ་ནང་དུ་ཟགས་ནས་རྔ་མ་མེས་འཚིགས་ནས། སྡུག་སྐད་རྒྱག་བཞིན་བྲོས་པ་རེད། དུས་དེ་ནས་བཟུང་ རི་སྤྱང་དེ་ཕག་ཕྲུག་གསུམ་ལ་ཐུབ་ཚོད་བྱ་རུ་ ཡོང་མ་ཕོད་པ་རེད་དོ།། །།
