༡ བྱིའུ་ཅིང་ཝེ་ཡིས་རྒྱ་མཚོ་བསུབས་པ།མ་རྩོམ་སུའི་ཡིན་མ་ཤེས། ༄༅། །ཉི་མའི་ལྷ་ལ་གཅེས་པའི་ བུ་མོ་ཞིག་ཡོད་པའི་མིང་ལ་ཉི་མའི་ སྲས་མོ་ཟེར། ཉི་མའི་སྲས་མོ་ནི་ སྤྱང་གྲུང་འཛོམས་ལ་ཡིད་དུ་ འོང་བའི་བུ་མོ་ཞིག་ཡིན་པ་དང་། ཉི་མས་ཁོ་ལ་བརྩེ་གདུང་ཆེན་པོ་བྱེད་ཀྱི་ཡོད།
༢ ཉི་མའི་སྲས་མོ་རྒྱ་མཚོ་ལ་དགའ་པོ་ཡོད། ཉིན་ཞིག་ཉི་མའི་སྲས་མོས་ གྲུ་ཆུང་ཞིག་བཏང་ནས་རྒྱ་མཚོ་ཤར་མ་ལ་སྤྲོ་འཆམ་དུ་ཕྱིན། བསམ་ཡུལ་ལས་འདས་པ་ཞིག་ལ། རྒྱ་མཚོའི་ཐོག་ གློ་བུར་དུ་དྲག་རླུང་འཚུབ་སྟེ་རི་རབ་ལྟ་བུའི་རྦ་རླབས་ དྲག་པོས་གྲུ་ཆུང་མགོ་རྟིང་བསློགས་པ་རེད།
༣ ཉི་མའི་སྲས་མོ་མཚོ་ནང་དུ་ལྷུང་བ་དང་། ཁོ་མོས་ཆུ་ནང་ འཕག་འཚག་བརྒྱབ་ཀྱང་། རྦ་རླབས་དྲག་པོ་གཅིག་རྗེས་ གཉིས་མཐུད་དུ་འཕྱུར་ཡོང་བས་ཡུན་རིང་མ་འགོར་བར། སྲས་མོའི་ལུས་ཀྱི་ཤུགས་ཡོངས་རྫོགས་ཟད་དེ་ རྒྱ་མཚོར་ནུབ་སྟེ་གྲོངས་པ་རེད།
༤ ཉི་མའི་སྲས་མོ་གྲོངས་རྗེས་བྱིའུ་སྙིང་རྗེ་མོ་ཞིག་ཏུ་སྐྱེས་ཏེ་ བྱང་ཕྱོགས་རི་བོར་གནས། བྱིའུ་དེས་ནམ་རྒྱུན་དུ་”ཅིང་ཝེ། ཅིང་ཝེ་” ཞེས་པའི་སྐྱོ་བའི་སྐད་སྒྲ་འདོན་གྱི་ཡོད་པ་ལ་བརྟེན་ནས། མི་རྣམས་ཀྱིས་བྱིའུ་དེའི་མིང་ལ་ཅིང་ཝེ་ཞེས་འབོད་ཀྱི་ཡོད།
༥ བྱིའུ་ཅིང་ཝེ་རྒྱ་མཚོ་ལ་འཁོན་སེམས་སྐྱེས་པས་རྒྱ་མཚོ་བསུབ་རྒྱུའི་ སེམས་ཐག་བཅད་དེ། ཉིན་ལྟར་རི་འགོ་ནས་རྡེའུ་དང་ཤིང་གི་ ཡལ་ག་སོགས་བར་མཚམས་མེད་པར་ཁྱེར་ཡོང་ནས་ རྒྱ་མཚོའི་ནང་འཕེན་གྱི་ཡོད།
༦ རྒྱ་མཚོས་འཕྱ་སྨོད་དང་གད་མོ་དགོད་བཞིན། བྱིའུ་གླེན་པ། སྟོབས་ཤུགས་འཕྲོ་བརླག་མ་གཏོང། ཁྱོད་ཀྱིས་བསྐལ་བ་ བརྒྱའི་རིང་བསུབས་ཀྱང་ང་སུབ་ག་ལ་ཐུབ་ཅེས་བཤད།
༧ བྱིའུ་ཅིང་ཝེ་ཁོང་ཁྲོ་ལངས་ཏེ། བསྐལ་བ་བརྒྱ་དང་། བསྐལ་བ་ ཁྲི་སྟོང་མང་པོ། དེ་བཞིན་དུ་གལ་སྲིད་འཇིག་རྟེན་འདི་མེད་པར་ མ་གྱུར་བར་དུ་སུབ་དགོས་བྱུང་ཡང་། ངས་ཁྱོད་ སུབ་ཐུབ་པ་བྱེད་ཀྱི་ཡིན་ཞེས་བཤད།
༨ བྱིའུ་ཅིང་ཝེ་ཡིས། ཁྱོད་ཀྱིས་ངའི་ན་ཆུང་གི་ཚེ་སྲོག་འཕྲོག་པ་ཡིན་ལ། ད་དུང་མ་འོངས་པར་ཉེས་མེད་མང་པོའི་ཚེ་སྲོག་འཕྲོག་ངེས་ ཡིན་པས། ངས་ཁྱོད་སུབ་མ་ཐུབ་བར་དུ་སུབ་མཚམས་ གཏན་ནས་འཇོག་གི་མིན་ཞེས་བཤད། རྒྱ་མཚོ་ཡ་མཚན་སྐྱེས་ནས། ཁྱོད་ང་ལ་འདི་འདྲ་མི་དགའ་བ་ བྱེད་དགོས་དོན་གང་ཡིན་ཞེས་དྲིས་པར།
༩ ཕྱིས་སུ། བྱིའུ་ཅིང་ཝེ་དང་རྒྱ་མཚོའི་ཁུག་རྟ་གཉིས་ཁྱིམ་ཐབས་ བསྒྲིགས་ཤིང་།
སྐྱེས་འཕེལ་བྱུང་། ཅིང་ཝེའི་ཕྲུ་གུ་རྣམས་ཀྱང་ཨ་མ་ནང་བཞིན་རྡེའུ་བསྡུས་ནས་རྒྱ་མཚོ་ སུབ་པར་བརྩོན་ལ། དུས་ད་ལྟའི་བར་དུ་ཡང་ཁོ་ཚོས་ད་དུང་ ལས་ཀ་དེ་སྒྲུབ་བཞིན་ཡོད་དོ།། །།
ཕྲུ་གུ་མང་པོ་
