༡ ༄༅། །གནའ་སྔ་མོ་རི་སུལ་ཞིག་ཏུ་སྤྲུལ་པའི་ཤྭ་བ་ཞིག་ཡོད། ཁོའི་ལུས་ཀྱི་སྤུ་ལ་ཚོན་མདོག་མི་འདྲ་བ་སྣ་ཁ་དགུ་ཡོད་པ་དང་། མགོའི་རྭ་ཅོ་ནི་དགུན་དུས་ཀྱི་གངས་ལྟར་ཤིན་ཏུ་དཀར་ལ། བྱ་རོག་གཅིག་ཉིན་མཚན་མེད་པ་ཁོ་དང་མཉམ་དུ་སྡོད་ཀྱི་ཡོད། ཁ་དོག་སྣ་དགུ་ཅན་གྱི་ཤྭ་བ།(མ་རྩོམ། སུའི་ཡིན་མ་ཤེས།)
༢ ཐེངས་ཤིག་ཤྭ་བ་དེས། མི་ཞིག་ཆུ་ལོག་གིས་འཁྱེར་འགྲོ་བ་མཐོང་བ་དང་། ཤྭ་བ་དེས་ཉེན་ཁར་མ་འཛེམས་པར་ཆུའི་ནང་དུ་མཆོངས་ནས་ མི་དེའི་སྲོག་བསྐྱབས་པ་རེད།
༣ མི་དེ་ཆུ་ཁར་ཐོན་མ་ཐག་པུས་མོ་ས་ལ་བཙུགས་ནས། ཁ་དོག་སྣ་དགུ་ཅན་གྱི་ ཤྭ་བར་གུས་ཕྱག་ཞུས་ཏེ། ཁྱེད་ཀྱིས་ངའི་སྲོག་བསྐྱབས་པ་ལ་བཀའ་དྲིན་ཆེ། དེ་རིང་ནས་བཟུང་ང་ཁྱེད་ཀྱི་གཡོག་པོ་བྱས་ནས། ཉིན་རེ་བཞིན་ཁྱེད་ལ་ ཞབས་ཞུ་བསྒྲུབས་ཏེ། དྲིན་ལན་གཞལ་རྒྱུ་ཡིན་ཞེས་ དམ་བཅའ་བཞག་པ་རེད།
༤ ཁ་དོག་སྣ་དགུ་ཅན་གྱི་ཤྭ་བས་མི་དེ་ལ། ཁྱོད་ཀྱིས་དྲིན་ལན་ གཞལ་འདོད་ན། ང་གཉིས་ཐུག་པའི་སྐོར་དེ་མི་གཞན་ སུ་ལའང་མ་ཤོད་རོགས། དེ་མིན་ན་གཞན་གྱིས་ངའི་ པགས་པའི་དོན་དུ། ངའི་སྲོག་ལེན་གྱི་རེད་ཅེས་བཤད། མི་དེས་གསང་བ་བསྲུང་རྒྱུའི་ཁས་ལེན་དམ་བཅའ་ བཞག་རྗེས། ཕྱིར་རང་ཡུལ་དུ་ལོག་གོ།
༥ ཡུན་རིང་མ་འགོར་བར་རྒྱལ་ཁབ་དེའི་རྒྱལ་པོའི་ བཙུན་མོའི་རྨི་ལམ་དུ། ཁ་དོག་སྣ་དགུ་ཅན་གྱི་ཤྭ་བ་ ཡིད་དུ་འོང་བ་ཞིག་རྨིས་པས། ཤྭ་བ་དེ་ཐོབ་འདོད་ སྐྱེས་ཤིང་དེའི་པགས་པས་པགས་ཚག་ཅིག་ བཟོས་ན་ཅི་མ་རུང་སྙམ་པ་རེད།
༦ རྒྱལ་པོས་གནས་ཚུལ་དེ་ཤེས་ནས། རྒྱལ་ཡོངས་སུ་ཁ་དོག་སྣ་དགུ་ཅན་གྱི་ ཤྭ་བ་དེ། རྒྱལ་པོར་འབུལ་མཁན་གྱི་མི་ཞིག་བྱུང་བ་ཡིན་ན། དེ་ལ་རྒྱལ་པོའི་མངའ་ཐང་གི་ཕྱེད་ཀ་དང་ རྒྱུ་ནོར་གྱི་ཕྱེད་ཀ་སྤྲད་རྒྱུ་ཡིན། ཞེས་ཁྱབ་བསྒྲགས་བྱས་པ་རེད།
སྔོན་ཤྭ་བས་སྲོག་བསྐྱབས་མྱོང་བའི་ མི་དེ་ཡིས་གནས་ཚུལ་དེ་གོ་རྗེས།
དགའ་ཐག་ཆོད་ནས་སེམས་ལ།
གལ་ཏེ་ངས་ཁ་དོག་སྣ་དགུ་ཅན་གྱི་
ཤྭ་བ་དེ་གང་ན་ཡོད་པ་རྒྱལ་པོར་ཞུས་ན།
ང་ལ་ས་ཁང་དང་རྒྱུ་ནོར་ལོངས་སྤྱོད་རྒྱས་པ་
༧
འཐོབ་ཀྱི་རེད། ཞེས་དྲན་ནས། ཁོ་ཡིས་ རྒྱལ་པོའི་ཕོ་བྲང་དུ་སོང་བ་རེད།
༨ ཁ་དོག་སྣ་དགུ་ཅན་གྱི་ཤྭ་བ་དེ་ རྩལ་ཆེན་པོ་ཡོད་པས། ཁྱོད་ཀྱིས་དཔུང་དམག་མང་པོ་ ཁྲིད་ན་མ་གཏོགས་འཛིན་དཀའ་བར་འདུག ཅེས་བཤད་པ་རེད། ཁོ་སྐྲག་སྣང་ཏོག་ཙམ་སྐྱེ་བཞིན་རྒྱལ་པོ་ལ། རྒྱལ་པོ་ཆེན་པོ།
༩ རྒྱལ་པོས་མི་དེའ ་བསམ་འཆར་ལ་དང་ལེན་བྱས་ནས། རྒྱལ་པོ་རང་ཉིད་ཀྱིས་དངོས་སུ་དམག་དཔུང་ཁྲིད་དེ། མི་དེའི་རྗེས་འབྲངས་བྱས་ནས། ཁ་དོག་སྣ་དགུ་ ཅན་གྱི་ཤྭ་བ་ཡོད་སར་བསྐྱོད་པ་རེད།
༡༠ བྱ་རོག་གིས་ཐག་རིང་ནས་མི་རྟ་མང་པོ་ཡོང་བཞིན་པ་
སྤྲུལ་པའི་ཤྭ་བ།
རྒྱལ་པོས་ཁྱོད་འཛིན་དུ་ཡོང་གི་འདུག ཅེས་སྐད་ཡང་ཡང་བརྒྱབ་ཀྱང་། ཁ་དོག་སྣ་དགུ་ཅན་གྱི་ཤྭ་བ་དེ་ གཉིད་ལས་མ་སད་པ་རེད།
མཐོང་བས། བློ་མི་བདེ་བར་ཤིང་སྡོང་གི་མགོ་ནས།
མ་ཉལ་ཡར་ལ་ལོངས་དང་།
༡༡ བྱ་རོག་དེར་སེམས་འཚབ་སྐྱེས་ཏེ། ཤིང་སྡོང་གི་མགོ་ནས་མར་བབས་ནས། མཆུ་ཏོས་ཁ་དོག་སྣ་དགུ་ཅན་གྱི་ཤྭ་བའི་རྣ་བར་གཙགས་པ་དང་། གཉིད་ལས་ ད་ཀྱང་འཕྱིས་དྲགས་པ་རེད། རྒྱལ་པོའི་ དམག་དཔུང་གིས་སྔ་མོ་ནས་ཁ་དོག་ སྣ་དགུ་ཅན་གྱི་ཤྭ་བའི་མཐའ་བསྐོར་ཟིན་པ་རེད།
༡༢ ཁོ་དོག་སྣ་དགུ་ཅན་གྱི་ཤྭ་བས། རང་ཉིད་ཐར་མི་ཐུབ་པ་ ཤེས་ཏེ་ཞི་འཇམ་ལྷོད་ལྷོད་ངང་ནས། རྒྱལ་པོར་ལྟ་བཞིན་ བསྡད་པ་རྒྱལ་པོས་མཐོང་ནས། རྒྱལ་པོ་ངོ་མཚར་ སྐྱེས་ནས། ངས་ད་བར་དུ་རི་དྭགས་ཁྱོད་ འདྲ་བ་ཞིག་མཐོང་མ་མྱོང། ཁྱོད་སྤྲུལ་པའི་ ཤྭ་བ་ཞིག་མ་ཡིན་ནམ་ཞེས་དྲིས་པར།
༡༣ ཁ་དོག་སྣ་དགུ་ཅན་གྱི་ཤྭ་བས་རྒྱལ་པོ་ལ། རྒྱལ་པོ་ཆེན་པོས་ང་ལ་གནོད་འཚེ་ མ་བྱེད་རོགས། ངས་སྔོན་ཆད་རྒྱལ་པོ་ཁྱེད་ཀྱི་འབངས་མིའི་སྲོག་སྐྱོབ་མྱོང་། ཞེས་བཤད་རྗེས། རྒྱལ་པོ་ལ་གུས་ཕྱག་ཅིག་ཞུས། དེ་ནས་སླར་ཡང་རྒྱལ་པོ་ལ། རྒྱལ་པོ་ཆེན་པོ་ལགས། ང་གནས་འདི་ན་ཡོད་པ་ཁྱེད་ལ་སུས་བཤད་བྱུང་ངམ། ཞེས་དྲིས་པའི་ལན་དུ། རྒྱལ་པོས་ཤིང་རྟའི་འགྲམ་ན་ཡོད་པའི་མི་དེ་བསྟན་ནས། ཁོས་བཤད་བྱུང་ཞེས་བརྗོད་དོ། །
༡༤ ཤྭ་བས་ཕར་བལྟས་རྗེས་ཡིད་སྐྱོ་ནས་མིག་ཆུ་གཏོང་བཞིན་རྒྱལ་པོ་ལ། རྒྱལ་པོ་ལགས། མི་འདི་སྔོན་མ་ཆུ་ལོག་གིས་ཁྱེར་ནས་སྲོག་ལ་ཐུག་ཡོད་དུས། ངས་ཁོའི་སྲོག་བསྐྱབས་པ་ཡིན། སྐབས་དེ་དུས་ཁོས་བདག་གི་གནས་ཡུལ་འདི། མི་སུ་ལའང་མི་ཤོད་པའི་ཁས་ལེན་དམ་བཅའ་བྱས་བྱུང་། ཡིན་ནའང་ད་ལྟ་ཇ་ལན་ ཆུ་ཡིས་འཇལ་མཁན་མི་འདིས། དམག་ཁྲིད་ནས་ང་ལ་གནོད་འཚེ་བསྐྱལ་དུ་ ཡོང་བ་སྐྱོ་བ་ལ་ཞེས་བཤད་དོ། །
༡༥
ངས་རྒྱུ་འབྲས་མེད་པའི་མི་འདི་ལ་ཉེས་ཆད་དྲག་པོ་ཞིག་ གཏོང་གི་ཡིན། ཞེས་བཤད་རྗེས་དམག་མི་རྣམས་ཁྲིད་དེ་ རང་ཡུལ་དུ་ལོག་ཕྱིན་ཏོ། །
རྒྱལ་པོས་ཤྭ་བའི་སྐྱོ་ངག་ཐོས་པས་གནོང་འགྱོད་ཆེན་པོ་ སྐྱེས་ཏེ། ང་ཚོས་ནོར་འདུག ཁྱོད་སེམས་བདེ་མོ་ བྱོས་དང་། ང་ཚོས་ཁྱོད་ལ་གནོད་འཚེ་ག་ལ་གཏོང་།
༡༦ རྒྱལ་པོ་ཕོ་བྲང་དུ་ཕྱིར་ལོག་རྗེས་ རྒྱལ་པོས། འབངས་མི་རྣམས་ལ་ ཤྭ་བར་སྲུང་སྐྱོབ་བྱེད་དགོས་པའི་ བཀའ་རྒྱ་གནང་། དེ་བཞིན་ ཚང་མར་བཀའ་དྲིན་ཤེས་ དགོས་པའི་སློབ་གསོ་གནང་། དུས་དེ་ནས་བཟུང་རྒྱལ་ཁབ་ དེ་ལ་ཆར་ཆུ་དུས་སུ་ འབབ་ཅིང་། མི་དམངས་བདེ་ལ་འཁོད་ནས་རྒྱལ་སྲིད་མངའ་ཐང་རྒྱས་པ་རེད་དོ།། །།
