ASKATASUNA ARDATZ
IZANGO DUEN JENDARTEA
PARTE HARTZEA
183
Sarrera Herritarren parte hartzea interes handiko diziplina ezberdinak besarkatzen dituen eremua da egun. Galdera ikur ezberdinak mahai gaineratzen ditu aldi berean, maila zientifiko zein politikoan, boterearen banaketa prozesua suposatzen duenez lurralde bateko gobernuaren praktika baldintzatu dezakeelakoz. Parte har足 tzearekin zer ikusia duten aldagaien konplexutasuna, elkarlotzen dituen gain ezberdinak (aldaketak suertatu direlarik azkeneko hamarkadetan) zein komunitatea erabaki prozesuen parte zuzena bilakatzen duten teoria, metodologia eta praktikek errotzen dute. Parte hartzea herritarra izan dadin hiru zutabe landu behar ditu ezinbestez: informazioa eta prestakuntza eskuratzeko sarbide egokia; instrumentu eta kanal egokien diseinua elkarrizketa eta eztabaida sozialaren gauzapenerako; erabakiak hartzeko aukera erreala formula eta eredu ezberdinen bitartez eremu publikoaren benetako kogestiorako (eremu sektorialetako erabaki guneetan parte hartzeko aukera izatetik, kontsulta zuzen eta unibertsaletaraino). Parte hartzearen kontzeptuak modu ezberdinak izan ditzake. Parte hartzea ez da erabaki edo gobernu ekimenak legitimatzeko forma bat. Parte hartzea ez da soilik zerbitzu publikoen erabilpena egiten dutenen poztasun maila kudeatzeko tresna bat, baizik eta erabaki hartzeetan herritarren ahotsa bermatzeko tresna. Herritarrak esparru publikoan txertatu nahi ditugu.