Kopschraberijen - Eltje Doddema

Š

Eltje Doddema Gepubliceerd: september 2014

Dit werk is gelicenseerd onder een Creative Commons Naamsvermelding-NietCommercieel-GeenAfgeleideWerken 3.0 Nederland licentie.

Kopschraberijen

2 Verloren generoatsies 3 DNA 4 Tiedsgeest 5 Verdroagen 6 Slipgevoar 7 Verwaarken 8 Nooit meer 9 Dubbelrol 10 Angst 11 Krisismanagement 12 Ferguson en zo‌..

13 Macht van t woord 14 Tiedsbeeld 15 Kostenplefon 16 Destruktief 17 Duurzoamhaid 19 Demoleren 20 Nevenschoade 21 Vrijhaidsstried 23 Van de kook 24 Leegte

25 Stil herdenken 27 Dodenakker 28 Over lieken 29 Stroppenpot 30 Voetbalmania 31 Dooddouner 32 Laifde 33 Beestachteg 34 Job killing 35 Stille dood 36 Polderpaail 37 Geld(ens)drang 39 Uut(ge)wazzen 40 Digivonnis 41 Liedensweg 43 Levensloop 44 Laifde 45 Dreumdudens 47 The Home 48 Uutwazzen 49 Verdailde onmacht

1

Kopschraberijen

* Verloren

generoatsies as je nait over fouten uut t verleden hĂŹnstappen kinnen en dij bruken blieven as grond veur tegenstellens en hoat din heb je as volk en zien machthebbers nait t vermogen om duurzoam te leven in n vreedzoame geweldloze stoat

2

* DNA Kopschraberijen

D(estruktieve) N(aaigen) tot A(grezzie)

doagliekse beslommerns verblaiken bie de beelden van barbarijen en tragedies dij ons benul deurzeven herrezen werelden van guster plegen aansloagen op t koestern van n vaaileg en vreedzoam leven t is asof zulfdestruksie zich worreld het in t mìnselk DNA want elke generoatsie beleeft wel zien aigen sloopdrama

3

Kopschraberijen

* Tiedsgeest vrouger seks drugs en rock en roll nou n ex uggs en n knikkebol

4

Kopschraberijen

* Verdroagen sommegen wenteln zich in t deur heurzulf geabsorbeerde leed en verdrait t is n chronisch symptoom van jeuzeln over t aantrekken van n bouteklaid

t is t koestern van vergoane ellĂŹnde en brandstof om aandern lieden te loaten t is t blokkeren van d'akseptoatsie dat historie ook onomkeerboar is veur noazoaten

5

Kopschraberijen

* Slipgevoar d'ain gaait veur n boxershort mit ekstroa lange piepen d'aander wil geern minder stof en het n g-string veur t griepen veur de nacht is slipvrij beter vanwege irritoatsies mor din draaigt weer t grode gevoar van erotische fiksoatsies

6

Kopschraberijen

* Verwaarken nijs ropt elke dag weer d’onzekerhaid op of n leugen woarhaid is of aansom want nait alles is wat t liekt as beeld en geluud verwaarkt worden tot n tekstkolom

7

Kopschraberijen

* Nooit meer onbekommerd en in de wolken wezend leken vree en welstand garandeerd mor weer rollen koppen en tanks over slagvelden en wordt ter over rode sporen marcheerd

de mĂŹnshaid kreĂŤert zien aigen kremoatsie as e t droagvermogen van weelde mist de leste urn wordt din nait meer vuld en droagers ontbreken veur de leste kist

8

Kopschraberijen

* Dubbelrol as twij berichten mekoar tegenspreken wordt wit schoamteloos as swaart bekeken hebben ze aan t wassen in onschuld de handen vol en speult de duvel doarin n dubieuze en helse rol

9

Kopschraberijen

* Angst as aanhangers van geleuven en overtugens humor en spot mit de dood bestrieden as sympatizanten van vermainde superioriteiten in geweldsspiroalen òfglieden

as banghaid belet ons wakker te schudden en misstanden aan de koak te stellen din zal dit t lĂśt van de slechte roadgever bezegeln en prosezzen versnellen

10

Kopschraberijen

* Krisismanagement as der aal voaker en noadrukkelker n point of no return benuimd wordt en dij in urgentsie stigt mit stip worden d’obstoakels om over t dooie punt hìn te kommen vakkundeg sloopt en wordt bittere noodzoak t sleudelbegrip

11

Kopschraberijen

* Ferguson en zo‌. overaal woar meerderheden minderheden diskrimineren zitten frustroatsie en razzenhoat mit n lont vast aan n kruutvat t wachten is op de vonk dij n geweldsontplovven tot stand brengt woarnoa troanen stromen vanwege troangas en n bloudbad

t kin zich in ale houken en goaten veurdoun want overaal heb je white black en Brown

12

Kopschraberijen

* Macht van t woord as ideologieÍn in geschriften verkondegen hou of t mout in ploats van hou of t kin worden woorden woapens in t rechtvoardegen van hoat en wordt woarhaid woanzin

13

Kopschraberijen

* Tiedsbeeld al sinds mÏnsenheugenis wordt vaststeld dat ter gain leven is op n slagveld mor elke generoatsie telt desperoat t dodental omdat ook dij vrede nait beleven zal

14

Kopschraberijen

* Kostenplefon links op de baskule van leven en dood leggen leeftied en kosten gewicht in de schoal as tegenbalans daint t recht om te leven van elke patiÍnt mit n levensverhoal aan baaide kaanten liggen as faktoren grootheden mit elk n aigen belang de wiezer slagt rezoluut uut richten dood of toch nog noar behandeltougang

15

Kopschraberijen

* Destruktief in elke uten van razzenwoan zit n kiem van dodelke hoat as d’uutdroagers zulf de gevolgen ervoaren binnen de kondietsies dezoloat smeulende resten gezond verstand liggen onder t puun begroaven achterdocht en angst regeren over de ruïnes van beschoaven

16

Kopschraberijen

* Duurzoamhaid twievels riezen bie keuzes moaken onbenul moakt t kaizen swoar roet kin j’as ongewenst verkloaren kennis doarveur is onmisboar kruud kin duvelsnaaigoaren wezen antwoorden binnen soms stoer te duden rapporten binnen woazeg duuster leesboar projekten voak te duur veur t ruden

17

Kopschraberijen

smoaken veraandern zoereg gaalsteg gemoud stoekt kloeteg vast in d’haals stiekels muteren tot wraide weerhoaken bitterkruud smoakt filaain en vaals vast binnen veurnemens om t’ontwikkeln goud veur mennegains bezit swaart binnen spaigels op n kermis duvel glopt over scholder mit

18

Kopschraberijen

* Demoleren wie herdenken en demonstreren ons te pletter en wie hopen op betere tieden mor wie krenken en verhinneweren via doad en letter en dat slopen verstaarkt t lieden

19

Kopschraberijen

* Nevenschoade mantels bedekken makoabere leugens over geweld en massamoorden veronderstellens worden woarheden vol aannoames in warrege woorden slachtovvers binnen onverkloard vogelvrij en ondergeschikt aan leven en dood collateral damage wordt aksepteerd en zet konfliktbarometers daip in t rood

20

Kopschraberijen

* Vrijhaidsstried n gespleten soamenleven roadeloos ruirend dringt wraid wanhopeg deur stroaten en stegen glìnwidde loakens bloudrood deurdrenkt bedekken ragfiene hoop op vredege wegen onzichtboar regiserend filaain manipulerend sturen kèlle kwoaden sinistere krachten media drogeren aargwoanende kampen skrupuleus regeren duustere machten

21

Kopschraberijen

almachtege stainbulten kleuren d’argumenten van aigen agenda’s vol woare leugens chronische tegenstellens verkrachten onschuld geleuven en overtugens traumatizeren geheugens

22

Kopschraberijen

* Van de kook de reloatsie mit rusland is om te snieden dus wordt ter sproken over n boycot veul lu willen òf van russisch gas onder sniebonen spruutjes en stamppot

23

Kopschraberijen

* Leegte tiedens de raais vol toukomstdreumen brekt de hel haardvochteg in ale plannen veur nou en loater hebben in t duvelsbos gain zin tussen geleuf en nait geleuven stridt vaals licht mit duusternis tussen begun en Ïndloos droagen smaart de last van groot gemis

24

Kopschraberijen

* Stil herdenken n serene stilte woarin gedachten spreken zwiegende herinnerns steken deur de ziel van de tied n daibe stilte woarin emootsies zuiken berusten en vergrèldhaid vervluiken mekoar in n innerleke stried

25

Kopschraberijen

n volmoakte stilte woarin n laifdevol beminnen n stil bezinnen dat veur elk en ain telt n doodse stilte woarin troanen smaarten deur verscheurde haarten vanwege zinloos geweld

26

Kopschraberijen

* Dodenakker MH17 op n veld zuzooiende zunnebloumen ligt de stille getuge dij de woarhaid wait mor de leugen struunt schoamteloos rond tussen lieken en het lak aan gerechteghaid maank verwrongen stoal speult hai n soort van ruzzische roulette dij alle grìnzen overschridt d’inzet is t verdoezeln van t bewies dat dudt op schuld aan massamoord en woapenbezit

27

Kopschraberijen

* Over lieken wereldwied woart wraid de dood in veul gedoanten rond dolend tussen geld en gewaiten sloeten machten n onguur verbond ego’s worden gewaitenloos veur leven ontbrekt respekt hoat misvörmt de mìnselke moat wat stil onverschil opwekt

28

Kopschraberijen

* Stroppenpot de wiezer noadert taargend t tiedstip insteld deur t regime d’oavendklok tast t welwezen aan mor wordt rechtvoardegd as legitiem t is t uur van t ontzörgen en van tranzietsie van mìns noar n loden last kaptoalen wegzet om te saneren stoan mit zörg in schril kontrast

29

Kopschraberijen

* Voetbalmania bie voetbal regisseert kaptoal t vermogen om voak mit schulden te scoren goaten worden mit goaten dicht in duustere kantoren wekelijks zit de massa drogeerd en bÜlkend op de tribune t volk houst kritiekloos de bedroagen op en dat zunder rankune

30

Kopschraberijen

* Dooddouner t is zunnekloar en elk moal weer kontroleerboar as je joe doodlaggen verkeer je nait in levensgevoar

31

Kopschraberijen

* Laifde grìnzen kin k overschrieden tot wied overzee elke passoage is n nij'entree veul overweeg k deur n gekleurde bril dat geft elk moal weer nuanseverschil d'eerste stap is swoar t is n stain op de moag toch worden mörgen en guster vandoag volledeg is t evenwicht in balans dat bist doe veur die zing k doarom "Song Sung Blue”

32

Kopschraberijen

* Beestachteg onder t mom van vrijhaidsstried brobbelt t vraidste in de mìns noar boven slachters en verkrachters daainzen nait weerom levens luguber te beroven gewaitenlooshaid moakt ze blind veur elke vörm van rede en mìnselkhaid barboarshaid wordt tot kultuur verheven tot in n hiernoamoalse aiweghaid

33

Kopschraberijen

* Job killing de toukomst van aarbaidend nederland is vol onzekerheden en zwakten waarkgevers goan veur fleksibiliteit mit tiedelke kontrakten de maarkt globalizeert en vertoont aal meer pieken en daibe doalen zo worden waarknemers aal meer sloaf van multi-nationoalen

34

Kopschraberijen

* Stille dood deur d’inzet van mit joysticks bestuurde onbemande drones worden aigen doden meden zodounde worden humanitaire grìnzen hail makkelk geluudloos overschreden zo’n moordmesien vol hightech raive vlogt rond mit n lege cockpit woardeur de drumpel veur t bruken van geweld wel hail makkelk slit

35

Kopschraberijen

* Polderpaail de polderrevoluutsie van waarkgevers is ain van plougen mit daibe vurgen t lÜt van waarknemers wordt n kwestie van hangen en slim wraid wurgen t ondernemersgeluud klinkt in surround overstuurd uut ale speakers noagel aarbaiders mor gewoon aan t kruus mit lange rostege spiekers

36

Kopschraberijen

* Geld(ens)drang aigentiedse roofridders trekken n spoor van vernailen deur de wereld van vandoag vermomd as topmanagers plundern ze soamenlevens en manifesteren zich as n rÜddeploag t is t zaike systeem dij ze ongegeneerd en schoamteloos vertegenwoardegen maarktkonform is heur toverwoord om t graaigedrag te rechtvoardegen

37

Kopschraberijen

mor wat te denken van d’histerische supporter dij fanatiek op n tribune zit van zien klub woar mit dubieuze cheques de geldduvel op bulten schit

38

Kopschraberijen

*โ ฏUut(ge)wazzen gepensioneerden kweken binnenkรถrt wiet op beune en droagen zo bie aan t aarbaidsmoroal zodat de rest de wereld aankikt veur n doedelzak om pokkeln te kinnen veur t grootkaptoal

39

Kopschraberijen

* Digivonnis rechters en beulen woaren doaglieks rond op ale sosioale media ongenuanseerd wordt privacy schonden van slachtovvers volgens aigen kriteria t is n digitoal volksgericht op mediaplaainen vol hoat schandpoalen worden doar opzet vol agrezzie zunder moat

40

Kopschraberijen

* Liedensweg as de target van n beoordailoar is de patiënt zo kostenbespoarend meugelk te veurzain van de neudzoakelke middeln wordt t recht van n hulpbehuivende patiënt om t leven te verlichten mit vouten treden en is de beul aan t bemiddeln t verdainmodel gaait din boven de keuze van de mainst geschikte protheze en trekt de vertwievelde patiënt machteloos aan t körtste ìnd

41

Kopschraberijen

de schaarprechter bepoalt de moate en neudzoak van de medische indikoatsie en beknibbelt meedogenloos tot op de leste sĂŹnt spoaren op patiĂŤnten is krimineel en brengt levens in gevoar mor t systeem der achter is machteg en wordt laaid deur de verzekeroar

42

Kopschraberijen

* Levensloop beelden op tv teunen d’haile dag de wereld vol leven en dieverdoatsie stil en stom zitten as zombies 8 liggoamen in n gezoamelke akkemedoatsie

uut luudsprekers klinkt in stereo n melodie in mineur en in drijkwartsmoat n wals dij d’oldernzörg symbolisch plet zodat dij òfglidt noar n ondermoatse stoat

43

Kopschraberijen

* Laifde tiedens de leste uren van de zun vandoag wait ik dak dien stroalen bundel en de nacht in droag

44

Kopschraberijen

* Dreumdudens wied vot in n daibe duusternis veraandern ruumte en tied in n realiteit van verdrongen kompleksen n trip noar t onderbewuste vol symbolische kodes van onkontroleerboare en automoatische refleksen angsten en emootsies regisseren onderdrukte verlangens en weeromkerende beelden van stuurloze fantazieÍn

45

Kopschraberijen

n film woarin t verminderde benul de hoofdrol speult in scènes dij bolstoan van mirakuleuze magieën dicht bie binnen bizarre bosschoppen woardeur je swaiten en kleumen nait aaltied wil j’overdag hebben woar je snachts van dreumen

46

Kopschraberijen

* The home echo’s van smaartende stemmen scheurden dag en nacht deur gangen en gingen deur maarg en bain de straf om noa n verkrachten in schaande te boaren was in handen van nonnen mit haarten van stain

n deksel bedekt de beerput nou van dood en verdaarf vol restanten van bonken en skeletten n monument zal nooit meer rechtvoardegen kinnen wat bewust begroaven is onder religieuze wetten

47

Kopschraberijen

* Uutwazzen de leste stain treft meedogenloos t levenloze liggoam van n weerloos wezen want deur de macht van de stroat en t geleuf wordt blinde hoat t recht van mafkezen heur denkbeelden mit kwoaleke aspekten vertrappen vrijheden mor doden gain mìnsen verantwoordelk doarveur binnen de verkondegers en veul te veul volgers van verkeerde tendìnsen

48

Kopschraberijen

* Verdailde onmacht t binnen de vroagen over meer of minder t betreft de toukomst van ons bestoan t is de stried tussen schaaider en binder om der wel of nait veur te goan t is de twievel over bundeln van krachten en de gevolgen veur welvoart en vree t betreft de weerboarhaid tegen wereldmachten en din is verdaildhaid zeker gain prÊ

49

Kopschraberijen

is ook te volgen op Wordpress. U kunt zich hierop abonneren door op de site uw e-mail adres in te vullen bij Blog volgen.

Kopschraberijen vindt u op http://eltjedoddema.wordpress.com Mail adres: info@eltjedoddema.nl

50