Kopschraberijen 2

Š

Eltje Doddema Gepubliceerd: oktober 2014

Dit werk is gelicenseerd onder een Creative Commons Naamsvermelding-NietCommercieel-GeenAfgeleideWerken 3.0 Nederland licentie.

Kopschraberijen

2 Perspektief 3 Baauwvaal 4 PRISM 5 Fracking 6 Woorden 7 Pekel 8 Media 9 Hong Kong 10 Oplözzen 11 Bezopen 12 Armageddon 13 Laifde 14 Twijduuster 15 Second Love 16 Burn out 17 Priezen 18 Vreugdevuur 19 Ìndpunt 20 Swaardepieten

21 Verdrokken 22 Tolerantsie 23 Dat-gate 24 Selfies 25 Kreativiteit 26 Romantiek 27 Òfgrond 28 Wankel evenwicht 29 G.A.S. 30 Horizon 31 Wegsieverd 32 Onvree 33 Jeugdzörg 34 Zeitgeist 35 Zörgeloos 36 ING en kozotten 37 Duustere doagen 38 En Ik Denk (lied via Soundcloud – mp3)

1

Kopschraberijen

* Perspektief mit mien haart smaartend deur t landschop vuil k de noadoagen van de krimp woar t verleden niks meer te zeggen het doar is Ïnkeld nog n glimp van kinder in heur veurdoagen dij speulen en dij laggend noar de toukomst vroagen

2

Kopschraberijen

*โ ฏ Baauwvaal bie n deurkiek van n verloaten gat onder vergeten noamen zรถcht fantazie zoveul zinnen om beelden in te roamen woar schares scheuren vougen verrรถtten vaalt licht op olle tieden woar geborsten holt as stammen stoan het toukomst niks te lieden

n pad noar naargenswoar kleurt de roegte en spraaidt t wildgewas mit overaal kansen van n nij begun veur ongerept gruin gras

3

Kopschraberijen

* PRISM in n wereld vol machten dij waiten willen wel wat woarom wikt en weegt is privé openboar en is n gehaaim zo lek as n teems in n wereld vol politisi dij vergrèld verkloaren dat duvel doolt en draaigt treden vouten digitoal de rechten In Cold War Games

4

Kopschraberijen

* Fracking as winst lonkt en lu n gat zain in perfiet en gewin uut stainloagen mor t grondwotter zakt t ies kroakt en de bodem vaalt vot onder t bestoan din mout je "gas terugnemen" nait de grond in boren

5

Kopschraberijen

* Woorden woorden geven t karakter weer van lu dij z'uutspreken woorden leggen van alles bloot veuraal ook as ze steken woorden brengen irritoatsies over as ain t beter wait woorden vertolken n mainen wat interpreteren hait

6

Kopschraberijen

* Pekel der was ais n hond in Pekel dij haar aan blavven n hekel hai was slim tevree mit n bak pedigree en kon zo tegen boas zien gekekel

7

Kopschraberijen

* Media in n wereld vol wifi is t volk op drift gevuilens liggen open en bloot in "the cloud� verdrongen verdrait wordt doaglieks daild vrund en vijand drinken digitoal bloud t web zoomt in via legitieme lenzen gloepend in de kosmos tot veurbie d'horizon haarten vol verhoalen liggen schoamteloos open mit n gloazen schaarm as emootsiebron

8

Kopschraberijen

* Hong Kong op n vredeg plaain woar de massa gruit loaten jong en old onvree maarken soamen dailen ze heur ideoalen onder paraplu's dij binden en staarken

machthebbers willen t laifst dat toukomst van klaain en groot ain is van onderdrokken van de waig tot de dood

9

Kopschraberijen

* OplÜzzen t aiweg bestoan wordt makkelk beschreven om n paredies te kreÍren

verdainmodellen binnen der te over want elk zugt wel n belang

mor as t tied is budt t woord gain kans n stee te rezerveren

onder deksels wordt soms stereo monteerd veur joen leste noten op zang

ondanks zuiktochten noar levenszinnen is elk geboren om te goan

wil je t vuur noa aan de schenen bezuik din joen kremoatsie

dus wordt de dood kommersieel vermaarkt en geft aandern n bestoan

en wil je n gang deur t geutgat ervoaren din is der rezomoatsie

10

Kopschraberijen

* Bezopen tussen middernacht en t twijduuster kikt fietsend nederland de wereld aan veur n doedelzak ladderzat laverend van riebel noar riebel binnen loazerus en ko op weg noar n doodsmak

swaalkend en swierend slingern ze van geut noar geut kennelk op weg van nait nuchter noar n bakkie leut

11

Kopschraberijen

* Armageddon twij werelden woarvan d'ain konstant in dezoloade stoat verkeert omdat bie t doaglieks brood misdoaden pleegd worden tegen de mìnselkhaid en woar men in d'aander alles òfbrekt en verhinneweert omdat machten geldstromen genereren dij z'onttrekken aan de leefboarhaid

kollideren en imploderen in t swaartste gat woarbie t leste licht oplaait van n kruutvat

12

Kopschraberijen

* Laifde der even bie stilstoan is elk moal n genot elke dag weer loop k mit die vot

ik goa as k stroekel over die nait wanhopen doe magst mie aaltied en aiweg veur de vouten lopen

13

Kopschraberijen

* Twijduuster locht verwolkt tot n grilleg gerdien dij de zun ontstroalt n gruiende graauwhaid dij in t twijduuster stoadeg dele doalt

14

Kopschraberijen

* Second love in n dubieuze wereld strunen diggels en schaarven volgens n virtueel ritueel en lokt n swoule stem slim sensueel anoniem ainzoame haarten in t digitoale twijduuster dolen gewillege gaisten deur n filaain gefigelaaierd verdainmodel woar vaaileg verborgen achter punt NL lust en fantazieën smaarten in n keur van keuzes worden bevredegens koppeld aan t zwakke vlais van zulfzuchteghaid elk middel is haaileg om t doul noa te streven körtstondeg of tot in aiweghaid

15

Kopschraberijen

* Burn out leven van weekend noar weekend in n neerwoartse spiroal woarin vrijhaid n illuzie is toukomst verworden tot n slietoageproses wordt zuver strak programmeerd in n wereld vol duusternis welwezen ondergeschikt aan meten wordt boegend en brekend òfbrand tot op de bonken systemen woar kontroleren wegen is holden liggoamen in iezern grepen van obsezzies vol spelonken

16

Kopschraberijen

* Priezen in n twijduustere wereld woar grìnzen vervoagen tussen woarhaid en leugen

in n lugubere wereld van glories en saldo's woar bloots rezeltoaten gelden

worden winnoars helden en wordt gespeulde onschuld meedogenloos vermoord

rakt de mìns verstikt en is welwezen ondergeschikt aan winst en belangen

in n sinistere wereld woar ìnkeld knikkers tellen en woar schien n masker dragt

in n genoadeloze wereld woar bloud stroomt woar t kin en woar n deal besmet mit epo is

wordt sukses verguld in medailles en roem onstaarvelk verwoord

kriegen lu de speulen van doping en bedrog omdat ze swait verlangen

17

Kopschraberijen

* Vreugdevuur in de sport maank ethische legitimoatsies drieven anabolika en testosteron t scoreverloop grilleg groaperg en graaiend noar weer n record n bonuskultuur deur t volk aksepteerd in n kontekst van brood en speulen omdat kritiek verstomt noa weer n vreugedevuur

18

Kopschraberijen

* Ìndpunt troanen in de regen tussen kèlle blinde muren zinloos is t leven wanhoop nait te sturen tred wordt swoarder waarm wordt kold t pad lopt dood te vroug nait old

19

Kopschraberijen

* Swaardepieten n bont palet wekt wizzelnde assosioatsies vol herinnerns in rezoluutsies van leeg tot hoog n gekleurde bril beïnvloudt t oordailen en is schoadelk en funest veur elke dialoog mainens worden kleurd in doun en loaten mor kleuren zulf veroordailen nait tinten binnen blind zo nait d'emootsies dij de mÏns zulf inkleurt tot aandermans verdrait

20

Kopschraberijen

* Verdrokken duustere machten vertrappen loaghaarteg respekt en weerdes mit pepperspray troangas vertroebelt elks ideoalen in smorende lochten as n verstikkende deken zwoare tanks verzwelgen gewaitenloos de wÏns te leven in vrijhaid en vree bulldozers pletten mit wraid geweld en binnen jong en old kind van de reken

21

Kopschraberijen

* Tolerantsie n swaarde pion blast hoog van de toren noa t nemen van n widde kunk zo'n loze zet wordt diskutoabel as de kleur aanzet tot n negatieve dunk bewonderd wordt din nait t spelinzicht mor speulen der subjektieve sentimenten mor wat swaart is mout je woarachteg nait blaiken willen mit gekleurde argumenten

22

Kopschraberijen

* Data-gate wereldwied woart woanzin rond as verstikte vrijhaid en vermoorde vree privacy verdampt in n duustere cloud woarin de duvel danst mit de NSA sinistere schares scannen digitoal tot in detail aal t dataverkeer dichte poorten stoan woagenwied open en verschavven tougang in n vergeven atmosfeer

23

Kopschraberijen

* Selfies vastlegd deur t oog aan de veurkaant verradt t spaigelbeeld d'identiteit n foto dij meer zegt as doezend woorden teunt n imago vol originaliteit n dagbouk vol beeldtoal wordt uut eerns kreÍerd of veur poelegrap en oardeghaid

zulfpertretten mit gebelskoppen of zunder effekten worden vastlegd veur d'aiweghaid

24

Kopschraberijen

* Kreativiteit net as verweven wolkenluchten verwordt n zanger tot n poëet sprekt zien haart deur pennevruchten mit symfonieën van n estheet mit n palet vol waarme kleuren worden gevuilens tot klanken smeed harmonieën ontsloeten emootsies om te zingen van laif en leed

25

Kopschraberijen

* Romantiek vanwege d'hoge temperaturen en d'aanholdende deu nuigt Jannes zien Dientje veur n kerstnacht in t heu

26

Kopschraberijen

* Òfgrond de teloorgang en de dood zitten gnivvelnd en kniezend te wachten in n failliete baauwvaal van de soamenleven rolstoulen van verzwakte slachtovvers stoan parkeerd omreden de wil tot n zinvol bestoan het t begeven onder aan de negatieve spiroalen wachten inkommensdoalens en biestand zunder zicht op toukomstperspektieven

gemainten goan te gronde omdat zörg en veurzainens roofgoud worden en rechtvoardeghaid uutlegd wordt mit duustere motieven

27

Kopschraberijen

* Wankel evenwicht as groaperghaid de mÏns verblindt worden lu snel minder ainsgezind binnen oordailen voak persoonlek kleurd en is t mit soamen verdroagen gebeurd

strieden dĂśrpen fanetiek tegen aand're lokoalen willen aalbegeren de prooi binnen hoalen

as n geldwolf doolt over klaai en zaand kriegen frustroatsies hail gaauw d'overhaand

redelkhaid is veurgoud verdwenen t proses zit m bliekboar in de genen

28

Kopschraberijen

* G.A.S. paniek en stress knoagen aan t gemoud want huus en heerd stoan op t spel stress en zörgen bestemmen t verloop van dag en nacht in n karoussel klamme handen en last van zenen n stain op moag is ook n symptoom noa onderzuik volgt n diagnoze patiënt lidt aan t Grunneger Angst Syndroom

29

Kopschraberijen

* Horizon elke dag is der ain woarop niks is wat t liekt want n lach veur d'ain is veur d'aander n troan elke dag is n raais woar in diggels de kracht bliekt om veur n leste kans toch voluut te goan ontkennen waarkt remmend op veraandern van t heden bekiek doarom de toukomst zunder zÜrgen om t verleden

30

Kopschraberijen

* Wegsieverd op de goie weg is spektakulair sproake van drok verkeer woar gunstge gruisievers en aandailholders mekoar inhoalen en verdringen

aan de kaant stoan roadeloos en riddersloagen lu dij depressief worden bie t aanschaauwen van dizze euforie

op alle kruuspunten kriegen ze veurrang en stoan investerenslichten op gruin omdat pozitieve prognozes van winst en grui rondzingen

veur t rooie licht van waarkgelegenhaid staait n gruiende waarkloze massa dij zunder toukomstperspektief beheurt tot de restkategorie

31

Kopschraberijen

* Onvree is meer dan genog nog te min din is meer ook nait genog noar de zin

32

Kopschraberijen

* Jeugdzörg onder t mom van bedainen op moat van ain gezin mit ain plan deur ain regisseur komt d’autist aal of nait schizofreen of dyslectisch schoorvoutend binnen via de gemaintedeur

de professional vreest dat de behandeln en de begelaaiden slim te lieden hebben zal onder de nije wet d'ambtenoar kikt mit ain oog noar de potentsiële patiënt en loert mit t aandere noar zien slinkende budget

33

Kopschraberijen

* Zeitgeist ook in n wereld zunder komplottheorieën is niks zo as veurvalen lieken n haandvol elites regisseert t wereldtoneel om zich ongegeneerd te verrieken t binnen onzichtboare machten dij lienen uutzetten om politieke prosezzen te sturen

as begerege geldduvels beïnvlouden ze systemen om welvoart aan de wereld te onttrekken

verscholen achter bits en bytes scheppen zai veur heur winstgevende strukturen

politieke instabiliteit en n funeste finansiële ongeliekhaid kin heur woarlieks niks verrekken

34

Kopschraberijen

*โ ฏZรถrgeloos wor je aaltied op handen droagen din huf je nooit meer over bloaren te kloagen

35

Kopschraberijen

* ING en kozotten d'òfhankelke reloatsies tussen banken en klanten moakt d'eersten verre van goudgeefs de big data van de konsumenten is t nije gold in heur digitoale safes mit branchevrumde aktiviteiten willen ze op hellende vlakken klantgegevens vermaarkten mor t zol veur de klanten veul beter wezen as ze zich tot d'aigen primaire toaken bepaarkten

36

Kopschraberijen

* Duustere doagen te allen tiede binnen der lu woarbie t aan historisch besef ontbrekt verdwoasd en verblind deur hoat en nied ruiren ze zich zunder respekt aal wat ze willen is selektief minder ten koste van verdroagzoamhaid en tolerantsie

de toukomst overschridt din d'holdboarhaidsdoatum en is der ain zunder gerantsie

37

* En ik denk mp3 via

Kopschraberijen

https://soundcloud.com/eltje-doddema/eltje-doddema-en-ik-denk wonden willen nait meer hailen schaarven brengen gain gelok t gemis is stoer te droagen gain dag nog dij k plok

ik zuik in ale houken van mien gedachtenkringen en ik zai weer ale wegen dij wie soamen aaltied gingen

k verlang nait meer noar mörgen dizze nacht is t ìndstation tied is n haard gegeven en der is gain horizon

k heur de stilte spreken as dij veur aiweg zwigt en ik denk aan ale herinnerns as duusternis verlicht

t vervolg het gain vertroagen mor t vertrek staait naargens beschreven mist dij om mie tou trekt het toukomst nou verdreven

òfschaaid kin j'as d'oorsprong van herinnerns lezen mor loat t veur die n tougang noar n nije toukomst wezen

alles wat veurbie komt verdwient woazeg uut t zicht t blikveld wordt aal klaainer omdat dij stoadegaan verdicht

op t aailand van vergangenhaid bist doe nooit meer dij k kin mor as stilte veur mie zwigt bist doe overaal woar k bin

37

Kopschraberijen

is ook te volgen op Wordpress. U kunt zich hierop abonneren door op de site uw e-mail adres in te vullen bij Blog volgen.

Kopschraberijen vindt u op http://eltjedoddema.wordpress.com Mail adres: info@eltjedoddema.nl

38