Erlantz Marcos Rodriguez // 2015-10-02
Iruzkina Iseka egiten zietenak gutxietsi egiten zituen. Harro zegoen bere neurritasunaz, eta inoiz ez zuen lanik egin soldata baten truke. Gainera, berak esaten zuenez, ondu gabeko jakiak atseginago zituen ondutakoak baino, eta edateko, nahiago omen zituen ondokorik eskatzen ez zioten edariak besteak baino; hala, ia ezeren beharrik sentitzen ez zuenez, jainko – jainkosengandik oso gertu zegoen.
Laburpena Besteengandik gutxietsita zegoen, baina bere ideiengatik harro, ez zuen ia ezer behar bizi ahal izateko, hori dela eta jaikoengatik gertu zegoen.
Definizioak
Neurritasuna: neurriz jokatzearen ezaugarria da
Jainko-jainkos: gizakiaren gaineko ahalguztidun izakiak dira. Inoiz ez da bere existentzia frogatu.
Iritzi kritikoa: “gaur egun neurritasuna garrantzitsua da?” Gauzak egin eta pentsatu, ala gauzak pentsatu eta gero egin? Galdera honi bueltak ematen dioten pertsonek hainbat dira. Denek erantzun egokiaren bila. Baina benetan erantzun egokia al dago? Nire ustez ez, txikiak garenean, jasotzen dugun oinarrizko heziketak, pentsatzera eta geroago egitera irakasten gaitu. Printzipioz, zera da ikasten duguna, eta teorikoki egin beharko genukeena, baina ez da horrela. Denbora pasa ahala, esperientzia eta jakintzak jasotzen goaz, hori dela eta gero eta gutxiago pentsatu behar dugu ekintza errazak eta automatikoak egiteko. Erantzuna sinplea da, jakintzak garatuz gero, gure pentsamenduak logikan bihurtzen joaten dira, orduan sen onak gidatuta jarduten dugu gure bizitzako momentu gehienetan. Gauzak egiteko moduan izandako aldaketa hauek, gure giza printzipioengatik indartuta ikusi daiteke. Gizakiok izaki oldarkorrak gara eskuarki, hori dela eta, nahiz eta txikitatik pentsatzera eraman, denbora pasa ahala, izaten ditugun bultzadengatik mugituko gara.
Erlantz Marcos Rodriguez // 2015-10-02
Askotan, erabaki garrantzitsuak hartu behar baditugu, adibidez: zer unibertsitatera joan, zer ikasi, beste leku batera etxez aldatu‌ Zeozer erabaki aurretik, lasai eta patxadaz pentsatzen dugu. Hartu behar dugun erabakia, ahal den eta hoberen izan dezala. Zeren eta erabakia behin betiko hautatu aurretik, denbora izan oi dugu erabaki hura hausnartzeko. Bestalde, norbaiti bat-batean oinarrizko zeozer galdetuz gero, bere erantzuna automatikoa izango da. Egunero egiten, edo esaten dugun gauza gehienak, pentsatu barik burutzen ditugu; gure espeziea horrelako da, eta gizakia izatearen printzipioak hori egitera eramaten gaitu. Hausnartuz gero, esan dezakegu, gauzak egin aurretik pentsatzea, segituan egiteak baino hobeago eta zuzenago izango dela egoera gehienetan. Horrek ez du esan nahi, dena egin aurretik hamaika aldiz pentsatu behar dugunik. Azken finean gizakiak gara, eta nahita ala ez, izaki logikoak eta oldarkorrak gara. Dena pentsatuko bagenu seguru nago hainbat gauzak ez genituzkela egingo, haiek ekartzen diguten esperientziak eta sentsazioak galduz. Ondorioz, nik esango nuke, gauza garrantzitsuak erabaki behar baditugu, behar dugun denbora hartu eta patxadaz ondo pentsatu beharko genukela. Alabaina, gizakiak garenez, ezin dugu gure printzipioei uko egin, hori dela eta, zeozer zentzuduna egiteko nahia eta aukera izanez gero, hau aprobetxatu eta ondoren egindakoari buruz pentsatu. Bestela, bizitzako hainbat esperientzia galduko genituzke.  
Ez duzu emandako gaia aztertu. Testuarekin lotu, bertan agertzen diren ideiak ere komentatu.