EUROCIDADE CHAVES - VERÍN MUNICÍPIO DE CHAVES
Nº 14 Xullo 2013
a eurocidade da auga
CONCELLO DE VERÍN
1
Dez mozos/as participaron no curso de recursos turísticos na Eurocidade Un total de dez persoas formaron parte do 'Curso de recursos turísticos', organizado pola Oficina Transfronteiriza de Información Xuvenil da Eurocidade, pertencente a Dirección Xeral de Xuventude e Voluntariado da Consellería de Traballo e Benestar da Xunta de Galicia. Este curso xurdiu co obxecto de amosar aos/ás participantes, de forma eminentemente práctica, as posibilidades, novas tendencias e a evolución do sector turístico, para que os mozos e mozas creen as súas propias empresas e se queden a vivir e a traballar na zona transfronteiriza galego-portuguesa, contribuíndo ao desenvolvemento da mesma.
Verín e Chaves ianuguraron o servizo de asesoramento EURES transfronteirizo na sede da Eurocidade A sede da Eurocidade Chaves-Verín acolleu a sinatura do convenio de colaboración con ACISAT (Associação Empresarial do Alto Tâmega) para a posta en funcionamento do servizo de asesoramento EURES transfronteirizo na sede da Eurocidade. Devandita sinatura permite que os/as verinenses e flavienses teñan na sede da Eurocidade a consulta dun conselleiro desta rede europea de servizos de emprego, e así solucionar cuestións que teñan no ámbito da mobilidade dos/as traballadores/as a nivel transnacional e transfronteirizo, como pode ser: información e apoio na busca de emprego promovendo o contacto entre candidatos e empregadores/as fóra do país, ou principais barreiras no ámbito do emprego intracomunitario, entre outras. Grazas a este convenio, ACISAT ampliará os servizos EURES Transfronteirizo Norte Portugal-Galicia á Eurocidade nos ámbitos de información, orientación e colocación, tanto aos/ás candidatos/as a emprego como aos/ás empregadores interesados no mercado de traballo europeo. Como consecuencia do mesmo dúas veces ao mes o conselleiro EURES de ACISAT desprazarase ata a sede da Eurocidade Chaves-Verín, co obxecto de prestar os servizos básicos EURES de
Trece mozos/as participaron no curso de escritura creativa en portugués na Eurocidade Chaves-Verín Un total de trece verinenses formaron parte do 'Curso de escritura creativa en portugués'. O devandito curso tivo como obxectivo a promoción da cooperación institucional en materia de políticas de xuventude, para que os/ás mozos se queden a vivir e a traballar na zona transfonteriza galegoportuguesa. Por este motivo, durante este curso, déronse os primeiros pasos para corrixir as actitudes lingüísticas, os posibles prexuízos que poidan mostrar co idioma portugués ou desbotar os conceptos estereotipados que teñan de cara á cultura, a sociedade ou a propia literatura deses países, hoxe de importancia capital, como pode ser o Brasil.
A Eurocidade presente no seminario RIET 'Emprendedurismo e innovación na raia hispano-lusa' A Eurocidade Chaves-Verín, participou no seminario 'Emprendedurismo e innovación na raia hispano-lusa' da Rede Ibérica de Entidades Transfronteirizas (RIET). Tratouse dunha das actividades da RIET, encadrado no eixe 4, cooperación e xestión conxunta para o fomento de cooperación e integración económica e social. A través deste proxecto plurirrexional preténdeuse, esencial m ente , crear e c o nsolidar u n h a rede de en t id a des transfronteirizas que abranga e represente os intereses de toda a fronteira hispano-lusa, que impulse o intercambio de boas prácticas e promova unha maior visibilidade de cooperación transfronteiriza ibérica no espazo europeo.
Local de ensaio Eurocidade: actividades de creación e mostra musical
A oficina da Eurocidade Chaves-Verín conta cun local de ensaio para que todos aqueles mozos da zona afeccionados a música, poidan ensaiar, de xeito individual ou en grupo. Preténdese que o local de ensaio sexa un punto de encontro da actividade musical da Eurocidade e zonas limítrofes. Para facilitar que a xuventude galega e portuguesa afeccionados e semiprofesionais no terreo musical poidan tocar conxuntamente e presentarse ante o público e intercambiar as súas experiencias, a Dirección Xeral de Xuventude e Voluntariado dá Consellería de Traballo e Benestar durante os meses de maio e xuño levou a cabo as seguintes actividades: 1. APP-music, taller de aplicacións móbiles para espazos musicais 2. A mostra musical do local de ensaio Chaves-Verín e os creadores
Asociacións da Eurocidade asistiron ao foro 'Lidera a túa idea' para participar no programa Iniciativa Nova A Dirección Xeral de Xuventude e Voluntariado, da Consellería de Traballo e Benestar, está a desenvolver en diferentes lugares da nosa xeografía os foros "Lidera a túa idea", concibidos co propósito de ofrecer apoio e asesoramento a todas aquelas persoas novas que queiran levar a cabo as súas iniciativas e proxectos xuvenís no marco del programa "Iniciativa Nova". Neste programa todas as iniciativas de interese para a xuventude teñen cabida: proxectos relacionados co emprendemento e a empregabilidade, novas tecnoloxías, comunicación, ocio o educación no forma, entre outros. Esta iniciativa, que tivo lugar na Oficina Transfronteiriza de Información Xuvenil da Eurocidade, constitúe un xeito de proporcionar á xuventude galega toda a información necesaria e as ferramentas para poder levar a cabo a solicitude, desenvolvemento e execución de proxectos de participación xuvenil de calidade. 'Iniciativa Novo' está concibido como un instrumento para que a xuventude poida demostrar a súa capacidade para organizar, emprender e impulsar actividades nas que os actores principais son os mesmos (están dirixidas tanto a asociacións xuvenís coma a grupos informais de mozos e novas).
PÁGINA 8
a eurocidade da auga Nº 14 Xullo 2013
2 A Eurocidade Chaves Verín participou no ciclo de conferencia do 25 aniversario da Fegamp
'Festa Jam-Session' no Local de Ensaios da Eurocidade Chaves-Verín
O alcalde de Verín, Juan Manuel Jiménez Morán, participou co relatorio "Eurocidade Chaves-Verín, modelo de cooperación transfronteiriza intelixente" na mesa redonda 'Eurocidades e Smart Cities: modelos de futuro? Neste relatorio o alcalde abordou o pasado, presente e futuro deste proxecto de cooperación transfronteiriza, así como os logros e retos de futuro deste territorio innovador a nivel ibérico, no que en menos de cinco anos de funcionamento xa se afianzou como un laboratorio de Eurocidadanía.
O Local de Ensaios da Eurocidade Chaves-Verín acolleu o 01 de xuño a 'Festa Jam-Session', aberta ao público en xeral e destinada aos grupos usuarios do local e outros axentes musicais da zona da Eurocidade, co obxecto de difundir a acción cultural do espazo, transmitir a súa vocación de ser centro de unión e intercambiar experiencias entre músicos dos dous lados da fronteira. Tras a benvida e presentación, tivo lugar o concerto no propio local dos grupos Blash (Chaves), Boston George (Verín), Breedshell (Verín) e Manuel Mateus (Chaves), música tradicional no xardín exterior a cargo dos Bombos de Ventuzelos (Chaves) e Projecto Enraizarte (Chaves). E para finalizar unha sesión DJ, ás 21 horas (hora local), con Chaves-Verín Conspiracy DJ's (Chaves-Verín). O Local de Ensaios, situado na sede da Eurocidade Chaves-Verín (antiga aduana de Feces de Abaixo), ten coma finalidade que todos/os os/as mozos/as da zona afeccionados a música, poidan ensaiar, de xeito individual ou en grupo, e sexa un punto de encontro da actividade musical da Eurocidade e zonas limítrofes.
O conselleiro de Cultura e Educación inaugurou o I Encontro de Bibliotecas Escolares na Eurocidade O titular de Cultura, Educación e Ordenación Universitaria, Xesús Vázquez Abad, inaugurou na sede da Eurocidade Chaves-Verín o I Encontro de Bibliotecas Escolares na Eurocidade: Xornada de Intercambio de Experiencias Galicia- Norte de Portugal. Unha xornada de intercambio de experiencias entre profesionais de Galicia e Norte de Portugal, que tivo por obxecto dar a coñecer experiencias de calidade en relación coa dinamización da biblioteca escolar, difundir modelos ou estratexias de interese relacionadas coa alfabetización informacional, fomento da lectura dende a biblioteca escolar e a busca de estratexias para a integración dos recursos da biblioteca escolar nos procesos de ensino-aprendizaxe. O I Encontro de Bibliotecas Escolares na Eurocidade asentouse en experiencias innovadoras na dinamización da biblioteca escolar, modelos e estratexias eficaces: prácticas de excelencia en alfabetización informacional e fomento da lectura, a biblioteca escolar e a integración natural das TIC no uso, tratamento e creación de información. As redes sociais ao servizo da biblioteca escolar e experiencias de calidade no aproveitamento dos recursos da biblioteca escolar para o tratamento dos contidos curriculares.
Charla-coloquio 'Educación viaria como medio de prevención de accidentes de tráfico na infancia', no marco das accións do Proxecto de Educación e Seguridade Viaria da Eurocidade
A Eurocidade levou maxia ós menores de Chaves e Verín na conmemoración do Día Mundial da Infancia Os municipios de Chaves e Verín programaron, para os días 30 e 31 de maio, a conmemoración do Día Mundial da Infancia, con iniciativas organizadas que levaron a maxia aos/ás menores a través da realización dun Festival Infantil de Maxia; destinado a promover o intercambio educativo e social entre as poboacións, unha ocupación saudable do tempo de ocio e unha forma de celebrar esta xornada.
A coordinadora provincial de Educación Viaria da DGT, Dosinda Aguiar Rodríguez, impartiu a charla-coloquio 'Educación viaria como medio de prevención de accidentes de tráfico na infancia' a vinte e tres voluntarios/as de Cruz Vermella Monterrei e Conso-Frieiras, e Cruz Vermelha de Chaves. Na mesma, amosouse o concepto de educación viaria coma estratexia de prevención de accidentes na infancia, no seu comportamento como peón ou ocupante dun vehículo; así como a implicación dos proxenitores no desenvolvemento dunha capacidade formativa neste ámbito de prevención de accidentes entre os/as menores. Os/As participantes, que recibiron material formativo sobre devanditas cuestións, realizaron unha valoración moi positiva da actividade.
A Eurocidade Chaves-Verín acolleu Maratóns de Fútbol-Sala A Eurocidade Chaves-Verín acolleu, tres Maratóns de Fútbol-Sala nos que participaron xogadores portugueses e españois. Este evento deportivo, realizado no Pavilhão Municipal de Chaves, iniciouse coa VII edición do Maratón Feminino de Fútbol-Sala, os días 22 e 23 de xuño, seguido do XII Maratón Fútbol-Sala Veterano durante o 29 e 30 de xuño, e finalizou co XXII Maratón Fútbol-Sala Cidade de Chaves as xornadas do 05, 06 e 07 de xullo. Esta iniciativa pretendeu promover a práctica deportiva e así proporcionar fins de semana deportivos ao territorio da Eurocidade.
EUROCIDADE CHAVES - VERÍN MUNICÍPIO DE CHAVES
Nº 14 Xullo 2013
a eurocidade da auga
CONCELLO DE VERÍN
3 Máis de 200 persoas participan na 6ª Camiñada da Eurocidade Chaves-Verín 'Ruta da Fronteira' Máis de 200 persoas, dos municipios de Chaves e Verín, participaron na 6ª Camiñada da Eurocidade, realizada pola Ruta da Fronteira entre Feces de Cume e o santuario de Santa Marta (Vila Frade). Esta camiñada popular, de 10 quilómetros e dificultade doada, percorreu as localidades de Feces de Cume, Lamadarcos, Vila Frade, Feces de Abaixo ata chegar ao santuario de Santa Marta, onde se realizou un pequeno xantar para todos/as participantes.
12º Festival Infantil da Canción de Chaves 2º Eurocidade Chaves-Verín O sábado 15 de xuño, tivo lugar na Praça General Silveira, en Chaves, o 12º Festival Infantil da Canción- 2º da Eurocidade Chaves-Verín, un grande evento no que a música foi a protagonista. Este festival contou coa participación de menores dos dous barrios da Eurocidade para estreitar lazos e compartir experiencias, e no que as súas voces foron o nexo de unión contando cun total de 18 escolas.
Presentación do proxecto Eurocidade da Auga e promoción de produtos rexionais no Hotel Vidago Palace A Eurocidade avanza no proxecto de creación dunha comisaría conxunta O pasado 04 de xuño, o secretario xeral do Eixo Atlántico, Xoan Vázquez Mao, a petición dos rexedores de Verín e Chaves, mantivo unha reunión en Lisboa co secretário de Estado Adjunto do Ministro da Administração Interna, Dr. Fernando Alexandre, na que se abordaron cuestións como a creación dunha comisaría común en Feces de Abaixo, compartindo espazo coa sede da Eurocidade. Nesta iniciativa o equipo estaría integrado por policías lusos e españois, o que facilitaría o intercambio de todo tipo de información, así como o establecemento de servizos de vixilancia contra a inmigración irregular, os delitos contra a propiedade, tráfico de drogas e falsificación de documentos. Deste modo, Verín vería incrementadas a súas infraestruturas policiais cunha comisaría común, como as que xa teñen as localidades de Tui (Pontevedra) e Caya-Elvas (Badaxoz), e as de Vilar de Formoso (no centro de Portugal) e Vila Real de Santo António (Algarve).
2º Encontro Coral na Eurocidade Chaves-Verín O domingo 30 de xuño, tivo lugar no Auditório do Centro Cultural de Chaves o 2º Encontro Coral na Eurocidade Chaves-Verín. Este 2º encontro intégrase no programa de actividades culturais desenvolvido pola Eurocidade, destinado a fomentar unha colaboración conxunta entre os dous municipios na organización de actividades comúns, promover a participación e intercambio de espectáculos nos dous territorios, mobilizar as poboacións dun e outro lado da fronteira. PÁGINA 8
A celebración do cuarto Torneo do Norte do Club de Golf Arquitectos, que tivo lugar no Hotel Vidago Palace, foi o escenario elixido pola Eurocidade para presentar o seu proxecto de cooperación transfronteiriza Eurocidade da Auga aos representantes deste club, procedentes de varias localidades de Portugal. Durante a presentación deste proxecto, a cargo do secretariado técnico conxunto, mostrouse a importancia estratéxica deste territorio como un espazo innovador a nivel ibérico para empresas e investidores -que en menos de cinco anos se afianzou como un laboratorio de eurocidadanía-, mediante a creación de novos vínculos entre espazos de ambos os dous lados da fronteira coa finalidade de reactivar a economía destas zonas, o nivel de emprego e o fortalecemento dos tecidos empresariais e colaboradores. Por outra banda, e xunto con este relatorio do proxecto Eurocidade da Auga, nos exteriores do recinto do Hotel Vidago Palace promoveuse unha pequena mostra gastronómica, co obxecto de promover produtos rexionais deste territorio transfronteirizo, entre os que se encontraban fumeiro, xamón, Folar, Pastel de Chaves, mel, licores, compotas e viños, entre outros.
Xornadas de sensibilización sobre cooperación transfronteiriza en materia de emerxencias na Eurocidade Chaves-Verín O alcalde de Verín, Juan Manuel Jiménez, e o xerente da Axencia Galega de Emerxencias, Juan José Muñoz Iglesias, inauguraron na mañá do 13 de xuño, na sede da Eurocidade, as xornadas de sensibilización sobre cooperación transfronteiriza 'A cooperación transfronteiriza. Especial referencia á atención de emerxencias. Análise práctica e legal. Permeabilidade de fronteiras: un obxectivo, unha necesidade". As devanditas xornadas estiveron enmarcados dentro do Proxecto ARIEM 112 en materia de atención das emerxencias e protección civil no ámbito transfronteirizo da macrorregión Galicia, Castela-León e Norte de Portugal, e contaron coa participación de expertos na materia que ofreceron unha completa análise da cooperación transfronteiriza dende as diversas perspectivas dos sectores implicados. Estas xornadas complementáronse coa realización dun simulacro de emerxencias no novo túnel do Corno, en Laza (Ourense), no que participarán servizos de emerxencia de Galicia, o Norte de Portugal e Castela e León, tamén no marco do ARIEM 112.
a eurocidade da auga Nº 14 Xullo 2013
4 A Eurocidade Chaves-Verín participou nos X Xogos do Eixo Atlántico
A conselleira de Traballo e Benestar visita a Eurocidade Chaves-Verín
Por primeira vez, a Eurocidade participou nos Xogos do Eixo Atlántico, na modalidade de natación, cun equipo conxunto que reuniu atletas masculinos e femininos dos municipios de Chaves e Verín. Unha participación conxunta que elimina fronteiras en nome da actividade física deportiva, constituíndose como un equipo transfronteirizo. A través da participación nos X Xogos do Eixo Atlántico, varios/ás mozos dos dous concellos tiveron a oportunidade de estar presente nun evento deportivo de grandes dimensións, enriquecendo así ás súas vivencias persoais, deportivas e de eurocidadanía.
A conselleira de Traballo e Benestar, Beatriz Mato desprazouse ata a sede da Eurocidade Chaves-Verín, onde destacou a relevancia deste proxecto que está enmarcado no Programa de Cooperación Transfronteiriza EspañaPortugal (POCTEP). A titular de Traballo resaltou que un dos obxectivos desta actuación é apoiar o espírito emprendedor da xuventude galega e portuguesa, poñendo a disposición dos mozos e mozas diferentes recursos, información e asesoramento. Eurocidade, así, promove intercambios, a educación non formal dos mozos e mozas, a súa participación social e creatividade. Entre as actuacións desenvolvidas no marco deste proxecto atópanse a inauguración da oficina transfronteiriza de información xuvenil e o local de ensaio, así como a realización de diferentes actividades formativas, cursos de idiomas, seminarios ou exposicións. Ademais do proxecto Eurocidade, Traballo e Benestar ten en marcha outros proxectos de cooperación transfronteiriza co norte de Portugal como o 'Envellecemento máis activo', para compartir recursos e innovacións en materia de prevención e promoción de autonomía persoal para os maiores, e 'Coopera máis', que ten como obxectivo o desenvolvemento da fórmula cooperativa.
Maratón de Fútbol -7 'Eurocidade Chaves-Verín'
Durante o fin de semana do 20 ao 21 de xullo, o municipio de Verín acolleu o Maratón de Fútbol 7 'Eurocidade'. Os premios aos que optarán os equipos participantes foron os seguintes: ! 1º Premio (1.200 € máis trofeo) para o equipo Esencias-Saudeter, ! 2º Premio (500 € máis trofeo) para o equipo AREA 12, ! 3º Premio (150 € máis trofeo) para Horto Verín -Gasolinera de Feces, ! 4º Premio (Trofeo) para Mesón Velliza. 5 mil eurocidadáns rexistrados en pouco máis de un ano ! Trofeo ao mellor porteiro outorgado a Juan Carlos do equipo Saudeter O gabinete de Apoio Técnico da Eurocidade Chaves- Verín rexistrou o pasado Esencias e mellor xogador para Manuel de AREA 12. venres día 19 de xullo, a tarxeta número 5000, despois de ter iniciado a emisión das tarxetas nas dúas localidades e na Sede da Eurocidade, fai pouco Os equipos que cumpriron as normas de 'Equipo da Eurocidade' tamén máis dun ano. O pasado 22 de xullo, a Eurocidade tamén chegou aos 5000 optaron a outros dous premios: amigos na súa páxina de facebook. Deseñado para proporcionar os mesmos beneficios aos residentes dos ! 1º Local (300 € máis trofeo). O gañador foi Gasolinera de Feces-Horto dous municipios e baixo as mesmas condicións de acceso e uso daqueles que Verín, xa teñen no seu municipio de residencia, esta tarxeta ten como principais ! 2º Local (150 € máis trofeo) onde o gañador ten sigo o equipo San Roque. beneficios o acceso a servizos de equipamento municipal, descontos no uso Para optar aos premios locais, os equipos deberían contar como mínimo con das instalacións municipais, entrada gratis nos museos, descontos en sete xogadores pertencentes ao Concello de Verín ou ao Municipio de Chaves, eventos, espectáculos e cine responsabilidade do Teatro Experimental acreditando a súa residencia coa Tarxeta do Eurocidadán. Flaviense, de Chaves Viva e da Academia de Artes de Chaves, descontos en tratamentos termais en Termas de Chaves-Spa do Imperador, acceso a accións de formación e participación en actividades culturais, deportivas, educativas e de recreo promovidas polos dous municipios, entre moitos outros.