დინამო - ჩიხურა: მატჩის პროგრამა

დინამოელებმა ბოლო ორ ტურში სამი ქულა გამოიმუშავეს. 19 ივლისს დინამო არენაზე მასპინძლებმა გორის დილასთან სეზონში პირველი მარცხი განიცადეს. მატჩი მასპინძლებმა აქტიურად დაიწყეს და პირველი სახიფათო მომენტი მე- 6 წუთზე შექმნეს, რადროსაც კუთხურიდან ჩამოწოდებულ ბურთს დავით კობოური თავით გზავნიდა კარისკენ ბურთი მეკარემ ხელებში გააქვავა. 23- ე წუთზე დინამოელთა შეტევა, გიორგი კუციამ ერთი შეხებით ბურთი გიორგი გაბედავას გადააწოდა, მისი ძლიერად დარტყმული კი ბოლო წამს ლუკა გუგეშაშვილმა კუთხურზე მოიგერია. საპასუხოდ ირაკლი ლექვთაძის დარტყმული როინ კვასხვაძემ უკუაგდო. სტუმრებმა შედეგიანი შეტევა 38- ე წუთზე წამოიწყეს, გიორგი ლაცაბიძის გადაცემით ანგარიში ნიკა გაგნიძემ გახსნა. შეხვედრის 63- ე წუთზე დავით მაისაშვილმა მეორე ყვითელი ბარათი მიიღო და მოედანი დატოვა. ოთხ წუთში ირაკლი ბუღრიძეზე საჯარიმოში წესები დაარღვიეს, თერთმეტმეტრიანი კი გიორგი კუციამ ზუსტად შეასრულა 1-1. შეხვედრა დაიძაბა და მიჯრით სამმა ფეხბურთელმა მიიღო გაფრთხილება. დინამოელთა არაერთი შეტევის მიუხედავად საგოლე დარტყმამდე საქმე არ მისულა. სტუმრებმა მსაჯის მიერ კომპენსირებულ დროს მეორე გოლი გაიტანეს და თამაში ესეც დასრულდა.

25 ივლისს დინამო სამტრედიას ესტუმრა. მატჩი სტუმრებმა თავიდანვე აქტიურად დაიწყეს. პირველი სახიფათო მომენტი მესამე წუთზე დაფიქსირდა, ნოდარ ქავთარაძის ჩაწოდებული ბურთი ხარიხას მოხვდა. ანგარიში მე- 17 წუთზე ნოდარ ქავთარაძემ ტექნიკური დარტყმით გახსნა, თბილისელთა ფლანგის შემტევმა ბურთი კოკა სეფიაშვილის კარის ცხრიანში გაახვია. სამიოდე წუთში დინამოელთა ბრაზილიელმა შემტევმა შორი მანძილიდან აიღო მასპინძელთა კარი. 22- ე წუთზე უკვე თორნიკე კაპანაძემ ჩაიწერეა აქტივში ზუსტი დარტყმა და დინამოელები სამი გოლით დააწინაურა. პირველ ტაიმში აღსანიშნავი აღარაფერი მომხდარა, მეორე ტაიმი კი ისევ სტუმართა უპირატესობით აღინიშნა. მატჩის დაწყებიდან ერთი საათის თავზე ნოდარ ქავთარაძემ დათო კობოურის ტექნიკური პასით და უძლიერესი დარტყმით დუბლი გაიფორმა. თბილისელებს კიდევ შეეძლოთ გოლის გატანა, თუმცა შეხვედრაში მეტი აღარაფერი შეცვლილა და დინამომ ოთხი უპასუხო გოლით იმარჯვა. .