Pagina 1Dialuna 15 Augustus 2022 Dialuna 15 Augustus 2022 Email: IslaOnline@gobierno.aw Tel: 528-4952
Algun sindicato y principalmente oposicion tambe a ataca Gobierno cu no ta cumpli cu e BVP. Manera por mira den e tabel, Gobierno ta cumpliendo cu BVP y e gastonan ta bahando.
SINDICATONAN Y OPOSICION
IMF IMF ta aplica un otro norma. IMF ta mira e norma di 10% di GDP y ta recomenda paisnan manera Aruba pa no surpasa esey. Aruba ta practicamente den cumplimento cu e norma aki tambe. Pues un otro confirmacion cu e BVP ta funciona.
CAFT E unico instancia cu nos tin diferencia di opinion cu ne, ta CAFT. CAFT ta di opinion cu mester mantene e recorte di 12.6%. Pa CAFT, e suma real di gasto na 2021, 418 miyon, mester ta e base y pa 2022 mester baha bou e 418 miyon. Aki nos tin un diferencia di opinion fundamental cu CAFT. Pasobra e recorte di 12.6% no ta permanente. E ta temporal, y empleadonan di Gobierno y fundacionnan tin derecho di haya nan salario completo bek cierto momento. E punto aki ta un di e 13 recomendacionnan di CAFT: pa NO duna empleadonan publico nan placa bek. Esaki ta un ponencia cu Aruba lo no acepta.
Pagina 2 Dialuna 15 Augustus 2022
TA SIGUI BAHA
Gobierno di Aruba den ultimo añanan a bin ta bahando gasto di personal di Gobierno. Esey ta e total di gasto di salario di tur esnan cu ta traha den Gobiero. Na aña 2018, a presenta e plan “Beleidsplan Verlaging Personeelskosten” BVP, plan di maneho pa reduci gasto di personal. Por ehempel, ta stimula hendenan pa bay cu VUT, ora hende baha cu pensioen, no ta yena su vacatura, contractnan cu vence, no lo wordo prolonga, etc. E unico aspecto di e BVP cu no por a wordo introduci ta pa elimina e ‘periodieke verhoging’ ya cu pa esaki mester yega na consensus cu sindicatonan. Mirando tur otro tema den discusion cu sindicatonan, no a haya un momento oportuno pa cuminsa delibera riba esaki.
RESULTADO DI BVP Sinembargo, e BVP a duna su resultado Por mira riba e tabel adhunto cu desde 2018 e gastonan a bin ta bahando. Tambe si no tene consideracion cu e recorte di 12.6% (marca den e area oranje / mas cla), por mira cu cada aña e gastonan a baha. Di 483 miyon florin na 2018 pa 467 miyon na 2022 - si no tabata tin e recorte di 12.6% - y ta proyecta pa sigui baha den 2023 te na 459 miyon. Pues por mira cu hasta si paga e 12.6% completo na 2023, e gastonan ta mustra cu nan ta bahando. “Por conclui pues cu e BVP a funciona”, Prome Minister a duna di conoce.
Minister President ta raporta riba e BVP cada aña den e Jaarverslag, y Minister di Finansas ta raporta na Parlamento y CAFT cada kwartaal den e uitvoeringsrapportages. Ta importante pa tur hende tin e informacion aki, y pone e desaroyo aki den contexto. E problema di gasto di personal a sali for di man bou di Gabinetenan Eman. Nan a tuma cantidad di persona den servicio. Desde cu Gabinete Wever-Croes ta na mando, e gastonan di personal a baha so. Minister President actual ta traha cu 21 hende, siendo cu tempo cu sr. Mike Eman tabata Minister President, e tabata tin 147 persona ta traha p’e so. Esey a causa desconfiansa cu Hulanda, y e Gobierno aki poco poco ta purba gana e confiansa bek, cu transparencia y cu determinacion. DEN GOBIERNO
GASTONAN DI PERSONAL
LO RENOBA 4 CAMBER NA CENTRO COLORADO. Cambionan infrastructural necesario tambe lo wordo haci pa asina ubica e clientenan aki y dunanan e debido atencion. Manera Minister Tjon a indica, na comienso lo haci uzo di e centro na Meiveld pero segun e plan a aloca Awg 100 mil pa renoba 4 camber na Centro Colorado. Unabes e cambernan aki ta cla, lo tin un total di 16 pa 24 cama na unda e adictonan aki por haya ayudo y cuido profesional. Tambe lo tene na cuenta tur otro necesidad di e adictonan unabes cu kita nan for di riba caya. Pa cu esaki lo tin tur material disponibel pa asina por atende y provee pa e adictonan aki efectivamente.
Pagina 3Dialuna 15 Augustus 2022
Prome Minister Evelyn Wever-Croes a expresa su satisfaccion pa cu e logro aki mirando cu e problema aki lo haya su debido atencion na un manera duradero. Cu e fondo adkeri lo bay emplea 5 persona capacita cu lo bay dedica solamente na e proyecto aki. E 5 profesionalnan lo bay tin e responsabilidad di acerca e adictonan ambulante y percura pa cada un wordo ubica den un di e centronan eliminando e problematica di tin e adictonan riba caya.
Prome Minister ta gradici Minister Rocco Tjon y su ekipo completo pa nan dedicacion y trabou pa cu e logro aki. Eliminando e problematica di adicto ambulante specialmente den centro di cuidad, ta un contribucion enorme na Aruba su desaroyo economico mirando e sentimento di siguridad cu esaki lo crea den cada cuidadano y bishitante di pais Aruba, Prome Minister Wever - Croes a termina bisando.
Dialuna durante conferencia di prensa di gobierno, Minister di Husticia y Asuntonan Social Rocco Tjon a anuncia cu diabierna ultimo durante Conseho di Minister a aproba 600 mil florin pa un proyecto pa atende cu e adictonan ambulante. Esaki sigur ta un logro grandi na unda e problematica aki lo wordo atendi debidamente.
Prome Minister Evelyn Wever – Croes: ELIMINANDO E PROBLEMATICA DI ADICTO AMBULANTE TA UN CONTRIBUCION GRANDI NA ARUBA SU DESAROYO
Conseho di Minister ta aproba 600 mil florin pa atende cu adictonan ambulante
Un paso grandi pa Aruba den sector maritimo ta pa activa e registro di barco di Aruba. Den Reino tin tres registro, esta Hulanda, Curaçao y un registro di Aruba cu pa cierto motibo no ta activo. Vision di Minister Arends ta pa re-activa e registro di Aruba, cual ta un registro di Reino, y ta algo cu KVNR a mustra nan interes pa Aruba desaroya esaki na un forma moderno y eficiente. Cu esaki lo expande e sector maritimo cual na su turno tin efecto directo den economia di Aruba pasobra e barconan riba lama depende di logistica for di tera. Logistica den termino di material y tambe diferente aspectonan legal y Ministerfinanciero.Arends a indica sin embargo cu ela pidi sector maritimo den su cartera pa motibo cu e ta un sector critico pa Aruba pero cu lastimamente no ta hopi hende ta comprende esey y durante añanan ela wordo grandemente neglisha. Lastima di esaki ta cu e recursonan disponibel ta hopi limita y pa logra re-activa e sector lo mester traha na un forma creativo. Parti di e solucion ta pa Aruba traha den cooperacion cu e otro islanan. Tur isla y Hulanda lo por probecha di e ‘economies of scale’ cu un cooperacion asina ta trese cu’ne. P’esey ta masha importante cu havenmeester di Boneiro, Sr. Gunther Flanegin a facilita e reunion aki y a participa tambe hunto cu KVNR y Gobierno di Aruba.
Durante e ultimo lunanan e fundeshi pa un sector maritimo fuerte a cuminsa haña forma. Den prome etapa mester a establece contacto cu diferente instancia internacional grandi cu ta activo den e sector. Asina a amplia contacto cu instancianan di gobierno Mericano y Hulandes. Alabes a busca partners den sector priva local, y tambe e sector priva Mericano y Hulandes. A pone e prome bon base pa e cooperacion cu ta necesario pa logra expansion di e presencia di Aruba den e sector maritimo.
Durante su bishita na Ocean Conference, Minister Arends a palabra cu Minister Harbers di Hulanda (Infrastructuur en Waterstaat), cu Aruba lo aprecia pa Hulanda comparti knowhow entre otro riba e tereno aki. Aruba ta preparando e fundeshi pa un sector maritimo fuerte y ta conta riba cooperacion di Hulanda pa logra esaki.
OTRO PASO GRANDI DEN SECTOR MARITIMO
Comercio internacional ta sosode pa casi 80% den sector maritimo. Esaki ta contribui alrededor di 400 biyon dollar na economia mundial. Aruba mester tin un participacion mas grandi den e totalidad aki. Esaki ta e vision di Minister Arends pa sector maritimo. Desde aña pasa Gobierno a tuma varios paso pa logra cu Aruba ta yega na un presencia mas fuerte den e sector aki.
Pagina 4 Dialuna 15 Augustus 2022
Den e cuadro aki a ricibi dia 10 di augustus un delegacion di sector priva Hulandes den forma di e vereniging cu ta representa doñonan di barco na Hulanda. Esaki ta KVNR, Koninklijke Vereniging van Nederlandse Reders. Pa KVNR, a participa nan managing director Sra. Annet Koster y e hurista di KVNR Sr. Lodewijk Wisse. E instancia aki tin como miembro companianan di renombre y reputacion halto cu ta representa casi 2400 barco grandi. Mayoria di e barconan aki ta nabega bou bandera Hulandes.
Pagina 5Dialuna 15 Augustus 2022
Costo di huur a ser reduci drasticamente
"E momento tabata uno oportuno, considerando e rol importante cu BCI mester eherce den e maneho di desperdicio nobo cu a ser crea", Minister Arends ta splica. E localidad nobo ta parti di e vision pa un BCI moderno cu tambe ta bai enfoca riba nivel di servicio, eficiencia di trabao y accesibilidad pa BCIcomunidad.aindata
Bureau City Inspector (BCI) tin un rol central den maneho di naturalesa y medio ambiente di Minister Ursell Arends. BCI ta encarga entre otro cu control riba e cumplimento ("handhaving") den e maneho nobo di desperdicio. "Ya caba e proceso ta andando pa acapara BCI via ley pa por fungi como toezichthouders", Minister Arends a Denañadi.cuadro di e plan strategico a organisa pa BCI un localidad nobo na Oranjestad, na Caya Ernesto Petronia 64 riba caminda di Ponton. Minister Ursell Arends a bishita Bureau City Inspector (BCI) su localidad nobo y por a confirma pa su mes e calidad di espacio y cu e- team di BCI por opera debidamente for di eynan. Na e momento aki falta algun aspecto di infrastructura pa caba di regla pa asina BCI por ta debidamente ekipa. E decision pa verhuis tabata un decision cu a wordo tuma despues di un evaluacion financiero caminda a resulta cu e espacio nobo lo reduci e gasto di huur drasticamente compara cu e localidad bieu.
den proceso di mudamento pa cual ta pidi comprension di comunidad mirando cu ainda no tin conexion di telefoon y internet pa e proximo dianan. Minister Arends ta gradici e team di BCI pa nan pasenshi y comprencion den e proceso di mudamento, y tambe kier duna un palabra di elogio pa e muestra di compromiso cu cada uno a demostra di tin pa cu e bureau y pa cu comunidad di Aruba.
BUREAU CITY INSPECTOR TA MUDA PA LOCALIDAD NOBO
Pagina 6 Dialuna 15 Augustus 2022
Historia di sclavitud ta un topico actual den Reino. Dia 1 di juli 2022 a conmemora 159 aña di abolicion di sclavitud door di Hulanda den e colonianan di Surinam y Antias Hulandes. Den e cuadro di esaki Ministerio di Cultura a traha un programa tocante e historia di sclavitud na Aruba, ya cu investigacionnan a demostra cu na Aruba tambe tabatin esclavo. Minister Xiomara ta subraya cu aunke e cantidad di esclavo tabata menos en comparacion cu e otro islanan den Reino, e ta forma parti di Aruba su historia di sclavitud. E mandatario ta informa cu durante e programa informativo, por disfruta di un poema dedica na e historia di sclavitud, trece pa srta. Marilis Becker, ganadora di Poeta di Patria 2022. Por medio di arte nos comunidad ta haya un bista di storianan historico no mucho conoci na Aruba. Seguidamente sr. Luc Alofs, historiado cu a investiga tocante e historia di sclavitud na Aruba y autor di varios buki, entre otro ‘Slaven zonder plantage’ ta conta un parti di resultado di su investigacionnan durante e temporada di sclavitud na Aruba.
Sr. Edric Croes, hefe di departamento di cuido y maneho di archivo na Archivo Nacional Aruba (ANA) ta splica e rol importante cu ANA tin pa comunidad di Aruba y ta conta algun storia durante di tempo di sclavitud na Aruba, pruebanan cu ANA a acumula. Un di e pruebanan aki ta e unico ‘vrijbrief’ cu Aruba tin, cu ta e ‘vrijbrief’ di Anna Stacia Helder, durante cual sr. Virgilio Davelaar, casa di sra. Benita Davelaar-Helder, ta conta tocante di e ‘vrijbrief’ di tanta grandi di su casa.
Sra. Nadia Dresscher, sociologo ta comparti su historia personal for di punto spiritual y scientifico tocante di su descendencia di Psicologoesclavo. Dimitiri Halley ta conclui cu un splicacion dicon aceptacion di pasado ta asina importante pa un persona y Pais. E programa ta un compilacion di diferente aspecto di arte, investigacion scientifico, experiencia personal y conseho profesional pa asina por haya varios punto di bista di e historia di sclavitud na nos Pais y e importancia pa su reconocemento y Ministeraceptacion.Xiomara Maduro ta splica cu como Arubiano ta masha importante pa nos conoce nos pasado, pa compronde nos presente y asina yuda nos fiha unda nos kier bay den futuro. Sclavitud tambe a forma parti di nos pasado y p’esey ta importante pa nos conoce e historia aki tambe pa evita cu nan por ripiti den presente y futuro.
MINISTER
PUEBLO
Minister di Cultura ta invita pueblo di Aruba pa sintonisa Telearuba, diamars dia 16 di augustus, 9.10 di anochi, durante cual lo pasa e programa informativo ‘Historia di Sclavitud’ na Aruba. XIOMARA MADURO TA INVITA HENTER PA SINTONISA UN PROGRAMA INFORMATIVO ‘HISTORIA DI SCLAVITUD NA ARUBA’
MINISTER XIOMARA
Como meneer di scol basico y secundario, Etty a brinda un bon educacion, cu amor, atencion y a duna un aporte grandi na formacion di varios alumno cu awe ta ocupa funcionnan importante den nos comunidad. Etty tabatin su manera unico pa e muchanan por siña nan les. Ora un mucha no por a siña e tarea, e tabata conseha nan pa traha un cantica di dje, pa asina nan por a corda e les miho. Su sentimento di amor y dedicacion na musica ela sa di educa y yuda su alumnonan siña nan les, pa medio di musica.
DISCURSO MADURO: HOMENAHE NA ETTY TOPPENBERG
Pagina 7Dialuna 15 Augustus 2022
Alex Edward ‘Etty’ Toppenberg a nace cu e vocacion pa bira un meneer di scol y cu e arte di por canta, composita y entretene un publico cu cancionnan den varios idioma, un talento cu un bos unico. Un persona stricto, cariñoso, cu ta persevera, gusta haci joke y ta sumamente orguyoso di su identidad. ‘Rubiano mi ta’ ta su frase popular cu e ta uza, unda cu e bay. Etty tabata gusta deporte tambe, ya cu ela practica futbol y baseball. Etty ta creyente den alma y curason y ta bishita Kapel na Alto Vista cu su gitara pa canta pa Birgen Maria.
Durante henter siman lo elabora via diferente comunicado di prensa riba e discurso di Minister Xiomara Maduro durante e evento Un Homenahe na Etty Toppenberg.
Diabierna ultimo na Plaza Nicky Habibe Jr. a tuma luga un homenahe na Sr. Alex Edward Etty Toppenberg. Un bunita anochi cu a conta cu presencia di un cantidad grandi di famia, amigonan y publico. Ademas esnan cu no por tabata presente por a sigui esaki via canalnan di television local y medionan social. Minister di Cultura Xiomara Maduro a hiba un bunita y Ministerdiscurso.Maduro a sorprende tur esnan presente iniciando su discurso cantando parti di cancionnan di Etty, manera “Baile de Sehu” y ‘Sr. Meneer di scol”. Un bunita dedicatorio na Etty, un artista cu ta goza di hopi aprecio di su pueblo. Ta conoci cu hopi biaha Etty ta dedica su cancionnan na otro y diabierna anochi e mandatario encarga cu cultura a cambia e rol y a canta pa Etty un rato asina. Un evento importante aki, cual tabata dedica na nos yiu di tera Alex Edward ‘Etty’ Toppenberg. Nos meneer di scol, artista, cantante, musico y troubadour, nos legendario musico hopi conoci y popular localmente y tambe internacionalmente.
MENEER DI SCOL, DEPORTISTA Y MUSICO
Manera ta conoci un parti cardinal di e maneho cu ta wordo hiba for di Ministerio di Husticia y Asuntonan Social, ta inversion den personal. Asina por bisa cu despues di hopi tempo cu opleidingen pa cu brandweer tawata pega, a percura pa opleiding di werkplekbegeleider. Banda di esaki, a certifica ocho bombero como instructor, esaki despues cu nan a termina nan opleiding na Curaçao exitosamente.
Recientemente, a inicia e opleiding di bevelvoerder pa Cuerpo di Bombero di Aruba, na brandweer post Tango. Den cuadro di maneho di ministerio di Husticia y Asuntonan Social, ta inverti den profesionalisacion di personal.
Ademas di esaki, e opleiding di manschap B ta den su segunda fase aworaki. Y pronto e opleiding nobo pa adspiranten lo inicia. Siman pasa tawata un momento importante, mirando cu despues di 15 aña, ta brinda oportunidad pa personal di brandweer por sigui opleiding pa bevelvoerder. E ultimo biaha cu a brinda e opleiding aki, tawata na aña 2007. Esaki lo percura pa eleva e nivel di brandweer, pero tambe ta sumamente importante pa e carera di e bomberonan. Por ultimo, por conclui cu esaki ta un di e hopi proyectonan positivo cu tin andando pa Cuerpo di Bombero. Asina por bisa cu a cumpra cuater truck nobo, completando e fleta di e trucknan, e bluspakken a yega Aruba recientemente, cual ta inclui “ademluchtapparatuur” nobo pa cada Bombero. Ademas di esaki, a ricibi tambe uniform nobo, laarzen, handschoen y helmnan. Manera ta conoci, banda di e aspecto di material, e posicion huridico di e trahadonan ta hopi importante tambe, pues manera a menciona anteriormente e bevordering di cada trahado ta na Gobernador pa wordo firma, y ta den su fase final. Tambe ta conoci cu Brandweer Post di San Nicolas; “Sierra”, ta den pleno renobacion y ta premira cu pa fin di aña esaki lo mester ta cla.
DESPUES DI 15 AÑA TA BRINDA OPORTUNIDAD DI OPLEIDING PA BEVELVOERDER PA CUERPO DI BOMBERO DI ARUBA
Pagina 12 Dialuna 15 Augustus 2022
Pagina 13Dialuna 15 Augustus 2022
Minister Rocco Tjon: A APROBA PROYECTO PA ATENDE DEBIDAMENTE CU ADICTONAN AMBULANTE
E mandatario a gradici tur e profesionalnan presente di e stuurgroep GGZ, manera ta conoci desaroyonan ta mustra cu mas y mas mester sera e “gap” entre aspectonan di salud mental y aspectonan di adiccion. Asina por tuma nota cu ora ta papia cu profesionalnan den e veld, mas y mas ta papia di un dubbele diagnostiek, pues, clientenan no tin retonan riba un tereno so, pero tambe riba tereno di salud mental. Pa e motibo aki, tur e proyectonan aki ta nace for di e stuurgroep GGZ. Pues pa recapitula, 600mil florin ta bauy wordo aloca pa por atende cu adictonan ambulante, principalmente den nos centro di ciudad, asina elevando e siguridad, pero tambe baha e molester pa tur esnan cu ta bishita nos centronan, creando un miho “straatbeeld”.
Dialuna mainta, durante conferencia di prensa di Gobierno di Aruba, minister di Husticia y Asuntonan Social Rocco Tjon, a elabora riba e proyecto pa atende cu adictonan ambulante. Ta asina cu diabierna cu a pasa, conseho di minister a aproba 600mil florin pa por atende cu e problematica di adictonan ambulante. E fondonan aki lo wordo aloca pa stichting FMAA, muy pronto Stichting Hunto, hunto cu SPD, pa por ehecuta e proyecto aki pa na un manera responsabel y integral por atende cu e fenomeno di adictonan ambulante riba caya. Manera ta conoci, a base di e “meerjarenbeleidsplan” di Ministerio di Husticia y Asuntonan Social, e proyecto aki di “bemoeizorg”; pues atende cu adictonan ambulante na un manera pro-activo riba caya, ta forma parti di dje y a wordo anuncia na final di 2021, na momento cu a trata presupuesto 2022. Segun minister Tjon a splica, e bunita di e proyecto aki ta, cu na un manera duradero, lo bay atende cu e aspectonan aki. A aloca fondonan cu a wordo aproba pa aña 2022, pues prome di September e ekipo di profesionalnan lo mester inicia nan trabounan. Na mes momento, e aprobacion aki ta ensera cu e fondonan aki lo sigui wordo utilisa den aña 2023, cu e plan pa na aña 2024 Stichting Hunto mes, haci e peticion a base di nan subsidio regular, pa sigui atende cu e fenomeno aki. Pa loke ta e fondonan, esaki ta nifica cu por bay emplea cinco profesional full time, pa atende cu e proyecto aki so, y na un manera proactivo ta bay aserca adictonan ambulante y percura pa nan wordo ubica den un di e centronan. Na inicio esaki lo bay ta na e centro na meiveld, sinembargo, den cuadro di e proyecto aki mes, a aloca 100 mil florin pa por renoba cuater camber na Centro Colorado. Cuatro camber ta nifica 16 pa 24 cama, caminda e adictonan aki por haya e ayudo y e cuido necesario. Banda di esaki, mester tene cuenta tambe cu diferente otro aspectonan ora ta kita un persona for di caya. Ta importante pa brinda e persona aki e cuido cu e tin mester di dje, pero di otro banda tambe, tin cu tene cuenta e aspecto di cuminda y aspectonan basico cu nan tin mester di dje. Pues, den cuadro di e proyecto aki, a tene cuenta cu tur e fondonan aki, manera a menciona pa asina por atende cu e fenomeno aki na un manera duradero y structural. Manera ta conoci tin un vision a largo plaso, cual ta un aspecto cu e stuurgroep GGZ hunto cu PAHO a yega na dje. Sinembargo, banda di esaki tin visionnan a corto plaso y a medio largo plaso, di cual e tipo di proyectonan asina aki ta nace for di dje. Diaranson binidero, e proyecto infrastructural di Stichting Hunto lo bay wordo lansa, caminda SPD hunto cu FMAA ta bay wordo ubica den un solo edificio, pa asina procesonan por ta miho alinea na otro, y asina por brinda un miho cuido na tur esnan cu tin mester di dje, no adultonan so, pero principalmente na mucha- y hobennan. Dentro di poco lo por tuma nota di demas proyectonan cu lo bay wordo anuncia manera di FADA y SPD, y riba e tereno di opleiding tin varios iniciativa cu ya caba ta den ehecucion.
E Request for Expression of Interest (EOI) ta pa construccion di un parke di biento na Rincon y pa suministro di energia di biento “Power Purchase Agreement /PPA” na Aruba. Utilities Aruba NV ta accionista di Water-en Energiebedrijf Aruba N.V. (WEB), cu ta responsabel pa generacion di energia y produccion di awa na Aruba, y ELMAR, responsabel pa distribucion di coriente.
REGISTRACION PA PARTICIPA Y PROCESO Pa mas informacion di con pa participa den e proceso EOI, por fabor bishita Notariswww.utilitiesarubanv.com/main/future-challenges.NewLeafArubalotaencargaparegistratur participante. Fecha y orario final pa entrega propuestanan lo ta dia 1 di october 2022, 8or di mainta (UTC-4). Aruba NV
OBHETIVONAN Aruba tin como meta pa logra e nivel di zero pa cu e emision di Greenhouse Gas (GHG) pa aña 2050 y asina cumpli cu e acuerdo ‘Paris Agreement’. Pues, e meta ta pa depende mas riba energia renobabel como e fuente principal di energia den tur area/sector. Utilities Aruba ta invita desaroyadornan experiencia y cualifica pa expresa nan interes y demostra nan capacidad na: opera(1) y mantene e ‘Parke di Biento’ (Wind Farm), instala na e area designa na Aruba. na(2) Utilities Aruba Group, durante un periodo di suministro te cu 15 aña.
Pagina 18 Dialuna 15 Augustus 2022
Utilities
SOLICITUD PA EXPRESION DI INTERES PA COMPANIANAN INTERESA DEN GENERACION DI ENERGIA DI BIENTO NA ARUBA
Departamento
Pagina 19Dialuna 15 Augustus 2022
UPDATE
Siman epidemiologico di 7 pa 13 di augustus 2022 ta indica cu 192 persona a recupera y un total di 166 caso nobo di COVID-19 a keda registra. Ningun persona a fayece y cantidad di casonan activo di COVID-19 pa awe ta 186. Datos ta ilustra casonan nobo di COVID-19 cu un averahe semanal di 23 caso positivo pa dia y un averahe di ‘Positivity rate’ semanal di 51%. Un total di 5 persona a keda interna den hospital durante e siman cu a pasa di cual tur tawata riba piso general. di Salud Publico: 13 DI AUGUSTUS 2022
