Diaranson 22 April 2020
Diaranson 22 April 2020
Pagina 1
Email: IslaOnline@gobierno.aw Tel: 528-4900
Pagina 2
Diaranson 22 April 2020
Premier Evelyn Wever-Croes relaciona cu reunion cu sindicato:
MINISTERNAN LO ENTREGA 20% DI ENTRADA DI AWOR TE DECEMBER Situacion financiero di pais Aruba ta hopi hopi delicado y dentro di algun siman no tin placa mas pa paga gasto di Gobierno. Ni salario di empleadonan, ni contribucion di AZV, ni na fondonan di pensioen. Gobierno ta haciendo tur esfuerso posibel pa yega na e fondonan, via Hulanda y via Merca. Pero un di e condicionnan cu Hulanda a pone ta cu Gobierno mester presenta un plan di austeridad di su propio gastonan di personal. Mirando cu ta un crisis cu ta afecta tur ciudadano di nos pais, Gobierno a drenta mesora den deliberacion cu sindicato, pero realmente no tin hopi espacio. Durante e di dos reunion dialuna ultimo, Premier Evelyn WeverCroes a informa cu Ministernan di Gabinete Wever-Croes lo entrega 20% di nan entrada como minister den e tempo di crisis desde awor te December 2020. Esaki lo conta tambe pa e conseheronan di ministernan.
EMPLEADONAN TA ENTREGA Premier a splica mas detayadamente cu empleadonan lo entrega di nan salario di cada luna 5%. Ademas di esey, e vakantieuitkering di juni, cada empleado lo haya mita di dje. Na augustus empleadonan ta ricibi normalmente un suma di Afl. 1.706 riba nan salario, pero lo ricibi Afl. 853, pues mita so. Na november tambe e empleado ta ricibi un suma di Afl. 1.706 riba nan salario, pero lo ricibi Afl. 853, pues e empleado lo ricibi mita di e premie. PENSIONADONAN Pensionadonan cu ta haya pensioen di biehes di SVB lo no ripara ningun cambio, nan no ta entrega nada, ni e bonus di fin di aĂąa. Gobierno ta haciendo su maximo esfuerso pa e fondo keda solido pa garantisa e pensioen di nos grandinan. Pensionadonan di APFA tampoco lo mira ningun cambio den e
suma di nan pensioen di cada luna. Pensionadonan di APFA cu a baha cu pensioen prome cu 2014, normalmente ta ricibi un bonus na november di Afl. 3.170, lo ricibi e aĂąa aki na november Afl. 1.585 en bes di Afl. 3.170. Esey ta e unico suma cu pensionadonan lo entrega. Esaki ta ekivalente na 4.5%. Pensionadonan di APFA cu a baha cu pensioen despues di 2014, no ta ricibi e bonus aki y pues lo no entrega nada tampoco. Durante reunion a trata varios di e preocupacionnan di sindcatonan tambe. COMPANIANAN ESTATAL Gobierno como accionista lo instrui tur e companianan pa implenta reduccionnan den cada compania tambe, como nan aporte di solidaridad. Pa loke ta directornan di companianan estatal lo implementa e WEVER-CROES-norm. Esaki lo ta un maximo pa salario di tur director di companianan estatal, di maximo 130% di entrada di minister president. Esaki ta un medida structural pa awor y pa despues di e crisis. Pa e temporada di crisis lo pidi un aporte di solidaridad adicional similar di 20% di directornan, y 12.6% di empleadonan. Pa loke ta e comisarionan den hunta di comisario, tambe lo entrega 20% di e renumeracion. Algun ya a entrega 100% caba, pero un minimo di 20% lo wordo aplica pa tur comisario. COSTO DI BIDA Sindicatonan a pidi Gobierno pa yuda den baha costo di bida. Premier a informa nan cu lo tin un maneho mas estricto di control di prijs y lo amplia e canasta basico. Ademas lo delibera cu Astec, cu companianan importador y di cargo, pa baha nan gastonan pa asina tin un acuerdo cu base amplio pa yuda tur esnan cu ta wordo afecta pa e crisis. Tambe Premier a papia cu Aruba Bankers Association y nan a indica cu banconan tambe lo tene cuenta cu esnan cu entrada ta baha. Cada persona afecta mester tuma contacto cu su banco e ora.
Diaranson 22 April 2020
Pagina 3
Continuacion Pagina 2
CORTA GASTO DI GOBIERNO Premier a indica cu Gobierno a cuminsa haci hopi ehercicio pa corta su propio gastonan, prome cu a acudi cerca sindicatonan. Sindicatonan kier pa Gobierno kita conseheronan for di trabou y baha nan salario. Premier a splica cu desde e prome dia di Gabinete Wever-Croes, a pone un maximo na e cantidad di persona cu ta traha cu cada minister, cu ta 25. Prome cu esey e ministernan tabata traha cu centenaries di persona. Ademas a bay over na paga cada persona segun salarionan di DRH. Sindicato a referi na tur e ‘fake news’ cu tin tocante salario di conseheronan di Minister y Gobierno a bolbe desmenti esey. Cu e cambio aki so, ministernan di Gabinete Wever-Croes cada aña a scapa pais Aruba Afl. 27 miyon florin. Mesora cu e crisis a cuminsa, Gobierno ademas a manda tur departamento instruccion pa gasta solamente lo minimo, mirando cu nos ta bay drenta den un crisis y pa postpone tur inversionnan y plannan pa e aña aki. Tambe a introduci un ‘verplichtingen stop’ a base di art 18-2 di ley di Contabilidad, cu ta stipula cu ningun hefe di departamento no por obliga Gobierno na nada. Despues a revisa e presupesto aproba pa Parlamento y a reduci e siguiente gastonan: gasto di biahe, gasto di conseho di experto, huur di ekipo pa oficina, material pa oficina, huur y lease di auto, gasoline pa e autonan di dienst, curso, y algun categoria mas. Den e prome ronde di cortamento a corta Afl.
9.6 miyon florin. Y asina cu e ‘shelter-in-place’ wordo elimina y e hefenan di departamentonan y nan ekipo ta bek na trabou, nan lo indica unda mas por corta den e presupuesto. Tur esaki Gobierno a haci prome cu bati na porta di sindicato pa delibera riba cortamento di salario. Aparte di esaki, sindicatonan tabata tin mas condicionnan y Gobierno ta trahando riba nan, pero esaki ta bay tuma mas tempo. Sindicatonan a trece nan preocupacionnan dilanti, sinembargo nan no ta riba un linea. E mayoria ta apoya e proposicion di Gobierno, bou cierto condicionnan. Dos sindicato no ta acepta e cortamento den vakantieuitkering ni bonus, mientras un sindicato no kier pa corta den salario ni vakantieuitkering, pero den e bonus so. “Mi ta haci un apelacion un biaha mas riba sindicato pa bay di acuerdo cu e proposicion manera e ta riba mesa awor, mientras ta sigui traha riba e condicionnan cu sindicatonan a pone riba mesa. Ta hopi importante pa awor nos manda nos plan pa Hulanda, pa por bin na remarque pa e ‘zachte lening’, pues e fiansa sin interes, pa por duna un garantia di algun luna mas di salario. Si nos no tuma e pasonan aki, nos no ta bin na remarque pa e fiansa, y e ora nos no por garantisa cu tin placa mas den caha di Gobierno dentro di algun siman pa paga salario”, Premier Evelyn Wever-Croes a duna di conoce.
Pagina 18
Diaranson 22 April 2020
Premier Evelyn Wever-Croes:
HOPI CONFIANSA DEN PLAN NACIONAL DI RECUPERACION ECONOMICO otro gastonan. E meta ta pa mantene companianan activo pa nan por mantene nan trahadonan na trabou. Pa esnan cu asina mes perde trabou, tin un asistencia financiero temporal, den e proyecto di FASE. E proyecto FASE a wordo anuncia ya 3 siman pasa, despues di un siman cu e crisis a cuminsa, y tin mas di 10 mil persona cu a registra caba pa e asistencia aki. No ta tur a entrega tur documento, pero ta ser spera cu 3000 pa 4000 persona lo ricibi e asistencia financiero e siman aki.
Desde cu Premier Evelyn Wever-Croes a duna di conoce dialuna cu nos a drenta un otro fase na Aruba, por nota un aire di positivismo. Segun Premier Wever-Croes awor cu e crisis di salud ta mustra di ta domina, ta cuminsa e fase di recuperacion economico. Pa esaki el’a presenta un structura amplio cu lo encarga di tur e trabounan na caminda pa recuperacion economico den un plataforma nacional. Premier a institui un stuurgroep, cu lo guia e proceso, cu ta consisti di personanan di sector priva y semi-gubernamental y ta raporta directamente na Premier. Tin tambe un think tank, consistiendo di varios persona prominente den comunidad, entre nan e ex gobernadornan di pais Aruba, pa duna conseho y guia na e stuurgroep. Bou di e stuurgroep tin, te awor, 3 comision activo. IMEDIATO: STABILISACION Y ESTIMULO Den e comsion aki ta tratando di brinda asistencia imediato na companianan, pa asina companianan mantene trahadonan den servicio door di duna e doño di trabou un subsidio di salario. Ademas ta brinda e companianan mediano y chikito un sosten financiero adicional pa cubri
TERMINO CORTO: FAST TRACK Den e comision aki lo prepara e proyectonan cu ya caba tabata den fase basta avansa prome cu e crisis a cuminsa, y cu despues cu shelter-inplace wordo finalisa, por start sali cu e proyectonan. Ta trata di inversionnan priva y publico, cu ta genera cupo di empleo pa esnan cu a perde trabou, y cu lo atrae devisas pa fortifica e balor di nos florin. TERMINO MEDIANO Y LARGO: INNOVACION Y DURABILIDAD Den e comision aki lo delinea e modelo economico nobo pa Aruba. Turismo lo sigui ta un pilar economico importante ora ta safe pa nos habri frontera bek,
pero nos no por keda conta riba turismo so. P’esey e comision aki lo prepara plannan pa un modelo economico nobo, duradero y fuerte, basa riba innovacion. Cada comision ta consisti di entre 5 pa 10 persona y cada comision lo institui task force riba temanan specifico. Por ehempel, e comision especial di fast track lo tin un taskforce cu lo dedica na elimina e burocracia “red tape” inecesario den gobierno. E comision special di innovacion y durabilidad lo tin task force dedica na sectornan economico prometedor, turismo, economia circular, food security, future of work, enseñansa, pa nombra algun. Lo tin mucho mas task force pa asina brinda expertonan den sector publico, sector priva y NGO’s oportunidad pa participa. E interes den comunidad ta grandi pa yuda den e proceso aki y Premier WeverCroes ta anticipa cu lo tin como 100 persona envolvi y tur a base gratuito, cual ta sigur di aplaudi. E noticia aki a inspira confiansa y a lanta interes den comunidad y hopi ta e elogio cu ta wordo duna cu Gobierno a lanta un plataforma nacional cu lo brinda tur hende participacion.
Diaranson 22 April 2020
Pagina 19
DEN TEMPO RECORD UNION EUROPEO TA FACILITA 1 MIYON EURO (OF MAS) PA ARUBA VIA UN “IMMEDIATE RESPONSE FACILITY” Desde inicio di e Covid-19 crisis Aruba a asumi un posicion pro-activo como vice-voorzitter di OCTA - Association of Overseas Countries and Territories of the EU pa convence Union Europeo pa mobilisa mas liher posibel fondonan di emergencia pa Aruba. Un manera cu a logra e siman aki ta por medio di 2 fondo. E promer ta e EDF (European Development Fund) cu tabata prealoca pa un projecto di “Marine Biodiversity” pa algun OCTs (overseas countries and territories - incluso dus Aruba). Di e programa aki EU lo destina € 10 miyon pa yuda e OCTs. E di dos fondo ta e B-envelop. Esaki ta un “emergency fund” di EU pa e OCTs. Aruba por cierto tabata basta avansa caba (cu un peticion cu ta den proceso desde aña 2019) pa ricibi fondonan pa yuda cu e gastonan relaciona cu e crisis di Venezuela. Por confirma cu desde januari e aña aki por lo menos € 1 miyon tabata “pre-aproba” caba pa Aruba. Sinembargo, nos lo pone e proyecto aki un rato “on hold”, of re-apunta esaki, pa asina por cumpli cu e peticion di EU y dus aloca e ayudo financiero aki specificamente pa e crisis di Covid. Tambe, manera mi a anuncia siman pasa, Parlamento Europeo a hasi un peticion urgente na Comision Europeo pa crea un DESF-Dedicated Exceptional Support Fund pa e OCTs. Corespondiente na esaki ayera e partido D66 a manda 12 pregunta por escrito na Minister R. Knops respectivamente cu e peticion “pa Hulanda entrega mas liher posibel un carta na EU pa aloca (mas) fondo pa Aruba.....” Ta importante pa tene na cuenta cu normalmente un peticion pa fondo (grant) di EU ta dura por lo menos 1 aña of (hopi) mas. Dus nos ta ariba e bon caminda y ta sigui purba principalmente na unda cu ta posibel via e Overseas Association Decision. Dus como OCT Aruba su derechonan ta limita. Pesei tambe e ta importante cu awe nos tin un representante manera Srta. Samira Rafaela den Parlamento Europeo. Hunto nos lo logra pa tur.
Pagina 4
Diaranson 22 April 2020
INFORMACION Y FORMULARIO PA HUURGROND OBTENIBEL ONLINE VIA WWW.DIP.AW
Ban haci bon uzo di e oportunidad pa planta y stimula nos economia local Ministerio di Desaroyo Teritorial, Infrastructura y Medio Ambiente conhuntamente cu Departamento di Infrastructura y Planificacion (DIP) y Departamento di Naturalesa y Medio Ambiente (DNM) a anuncia inicio di periodo di inscripcion y re-inscripcion di pa terenonan pa huur. Esaki ta conta pa tur ciudadano interesa pa planta y/of cu ta plantando. Minister di Desaroyo Teritorial, Infrastructura y Medio Ambiente Marisol Lopez - Tromp den un rueda di prensa dialuna mainta a elabora riba e hecho cu nos Pais ta pasando den un temporada dificil pa loke ta e situacion di COVID-19. Pa cual aworaki ta importante pa enfoca riba kico nos mes como pueblo por haci pa yuda recupera un parti di nos economia a traves di entre otro planta alimento. E SITUACION Actualmente tin diferente ciudadano cu tin tereno huur cu a acerca DIP pa “follow - up” riba nan peticion y/of paga pa locual cu nan tin caba. Sinembargo, durante e ultimo tempo DIP no por a atende cu esaki manera debe ser pa motibo cu tabata atende cu e lista di terenonan pa cas. Aworaki cu e aspecto di terenonan pa cas ya ta canando bon pa dos aña caba, ta toca turno pa atende cu e lista di terenonan pa huur (huurgrond). Riba e mapa di Aruba tin indica e diferente area y destinacionnan planifica pa esakinan. E areanan indica como “landelijk” (color geel), ta e terenonan cu por uza pa agricultura/ plantacion den e temponan nos dilanti. E terenonan aki ta ubica den diferente bario y districto. KICO TA TERENO HUUR? Tereno “huurgrond” ta un tereno di Gobierno y no ta bira di e ciudadano (peticionario). E ta un tereno di Gobierno cu bo ta uza por ehempel, pa planta y pa cria di bestia. Den e caso aki ta enfocando riba e parti di plantacion y e acuerdo aki ta wordo cera pa 5 aña.
Na e momentonan aki, DIP tin un lista di casi 1300 persona cu durante e ultimo 10 añanan tin tin huurgrond. Sinembargo no ta na altura si tur e hendenan aki ta plantando, cuanto tin cu no ta interesa mas den dje of cuanto di e acuerdonan aki a vence y ta desea di prolonga esaki. Pesey a tuma e decision pa DIP inicia cu un proceso nobo pa inscribi of re-inscribi pa tereno huurgrond. E ta importante pa cada ciudadano cu tin un huurgrond cu nan acuerdo a vence pa haci uzo di e oportunidad aki pa DIP tin un bon bista di e situacion actuall.
Diaranson 22 April 2020
Pagina 5
Continuacion Pagina 6
Considerando cu tin shelter in place, a opta pa laga e peticionarionan haci e proceso di inscripcion y re-inscripcion pa huurgrond online via e siguiente pasonan: Bishita www.dip.aw y scroll bay abou 1. Click caminda tin e poster di “Ban sembra awe, pa cosecha mañan” 2. Descarga (download) e formulario pa huurgrond (sea ta pa inscribi of re-inscribi) 3. Yena e formulario y rekisitonan
4. Deposita pago online of haci pago na banco (cuenta di banco ta riba e formulario) 5. Agrega tur rekisito hunto cu prueba di pago 6. Email e formulario completo y rekisitonan na reinscripcionhuur20@dip.aw of inscripcionhuur20@dip.aw Pa cualkier informacion, porfabor acudi riba e pagina di Facebook di Directie Infrastructuur en Planning - DIP pa tur informacion actualisa.
Pagina 6
Diaranson 22 April 2020
MINISTER MADURO A HACI ENTREGA DI DONACION DI MASK DI ASOCIACION DI COMERCIANTE CHINES NA DIFERENTE DEPARTAMENTO DI GOBIERNO Recientemente Asociacion di Comerciante Chines a haci entrega di mask na Minister Maduro cu e peticion pa reparti esaki bou di e departamentonan di Gobierno cu ta sigui opera den momento di Shelter in Place pa asina nan por conta cu e proteccion necesario. Dialuna merdia Minister Maduro a entrega e bunita donacion aki na e departamentonan di Gobierno cu den e momento di crisis aki ta trahando pa percura pa e seguridad publico, social, economico y financiero di nos Pais por keda stabil. Hunto cu colega Minister Bikker, e mandatario a entrega mask na KPA cu e palabra di gratitud pa nan trabou incansabel specialmente den e periodo di Toque de Queda. Minister Maduro ta gradici Cuerpo di Aduana tambe pa por sigui cu nan trabou durante e periodo di Shelter in Place pa asina carga importante pa nos salud y alimentacion por keda procesa debidamente. Palabra di gratitud tambe na Departamento di Impuesto cu ta keda funciona pa asina percura pa fondonan necesario pa Pais Aruba por keda funciona. Minister Maduro ta gradici full e ekipo di Departamento Social cu ta brindando yudansa na comunidad den e momentonan aki di hopi inseguridad. Na Casa Cuna tambe masha danki pa tur e trabou cu amor cu ta wordo haci pa nos muchanan. Minister Maduro den nomber di Gobierno di Aruba ta gradici Asociacion di Comerciante Chines pa e bunita gesto aki pa trahadonan publico di Pais Aruba den momento di crisis.
Diaranson 22 April 2020
Continuacion Pagina 8
Pagina 7
Pagina 16
Diaranson 22 April 2020
OFICINA DI ESTADISTICA:
RESULTADO DI CENSO PILOTO 2019 Oficina di Estadistica a cuminsa cu e publicacion di e resultadonan definitivo di e Censo Piloto 2019 cu a tuma lugar entre 1 y 10 di October 2019. E resultadonan lo wordo publica a base di diferente topiconan cu tabata inclui den e cuestionario di e Censo Piloto. E datonan colecta tambe lo wordo usa pa calcula indicadornan di e Metanan di Desaroyo Sostenibel (SDG’s) di Nacionnan Uni. E segundo topico ta e disponibilidad di compartimentonan, baño y toilet den un vivienda. Un compartimento ta un espacio
den un vivienda cu ta cera cu muraya y dak. Compartimentonan ta inclui camber pa drumi, comedor, sala, cushina y ta exclui baño, toilet, gang, garashi, patio/veranda habri/porch habri, etc. E topiconan aki ta relata na e meta nr. 6 Awa limpi y saneamento y meta nr. 11 Cuidad y comunidadnan sostenibel di e Metanan di Desaroyo Sostenibel di Nacionnan Uni. Por sigui e resultadonan di e Censo Piloto 2019 tambe riba pagina di Facebook di Central Bureau of Statistics Aruba.
THE RESULTS Handwashing facilities with soap
Do households in Aruba have handwashing facilities with soap in their living quarter?
98.5% YES
used by the household only
Ensure availability and sustainable management of water and sanitation for all
0.5%
1.0%
YES
NO
not but shared with other households available
Pagina 17
Diaranson 22 April 2020
Continuacion Pagina 10
Handwashing facilities with soap
% of the population of Aruba with access to handwashing facilities with soap in their living quarter
98.8% YES
used by persons within the same household only
0.5%
0.7%
YES
NO
no but shared with persons belonging access to other households
Ensure availability and sustainable management of water and sanitation for all
Handwashing facilities with soap
% of households with handwashing facilities in their living quarter by region Noord/Tanki Leendert
99.2%
Paradera
99.2%
Oranjestad West
Santa Cruz
98.8%
100%
San Nicolas North
Oranjestad East
98.2%
97.7%
Savaneta
98.4% Ensure availability and sustainable management of water and sanitation for all
San Nicola South
100%
Pagina 8
Diaranson 22 April 2020
FASE Helpdesk ta informa:
PERCURA PA BO APLICACION TA COMPLETO PA UN PROCESO MAS LIHE Desde e calamidad laboral causa pa e Corona virus, Gobierno mesora a sali na asistencia di tur e trahadonan cu a, ta y lo por perde nan trabou of entrada. Riba 19 di maart Minister Glenbert Croes a anuncia introduccion di FASE - Fondo Asistencia Social di Emergencia. Un ayudo financiero pa e grupo mas afecta cu ta e clase trahado. Mientras tanto te april 21 tin 10.640 persona cu a registra y un total di 1433 compania. Apesar cu tin hopi aplicacion, mayoria ta incompleto. Rekisitonan ta: ID valido, Permiso (si ta aplicabel), Ultimo payslip of 2 si ta cobra pa quincena y e carta di e dunado di trabou den cual ta splica pakico y bou ki condicion ta manda bo cas of baha entrada etc. FASE TA PIDI UN BIAHA MAS SU ATENCION PA E SIGUIENTE PUNTONAN: 1. FASE Helpdesk a ricibi hopi peticion pa e ayudo financiero. Helpdesk di FASE ta trahando hasta fin di simannan pa por procesa tur aplicacion. E team di FASE ta compronde cu e aplicante ta desea di haya un notificacion cu si su peticion ta aproba of no. FASE ta informa, cu tur hende lo ricibi un notificacion na su debido tempo despues cu e aplicacion cana su trayecto cu ta envolvi SVB, DIMP, DTP (pa taxista y autobus), DAO, DPL, DIMAS (si ta necesario) pa finalmente e aplicacion yega na e comision di aprobacion.
2. FASE ta haci un apelacion riba tur hende cu a y ta aplica,: percura pa bo aplicacion ta completo. Si bo entreg'e completo e proceso ta cana mas lihe. No lubida cu ta mas di 10 mil hende a aplica y ta aplicando cada minuut. Si su aplicacion ta incompleto, e ta causa un tardansa innecesario pa su persona y pa e comision di evaluacion y aprobacion. 3. Si como compania, sea ta Eenmanszaak, VBA of NV, ta desea di aplica pa FASE tambe, mester entrega e siguiente rekisitonan: - Registro di Camara di Comercio no mas bieu cu 6 luna - Den caso cu bo ta un ZZP'er, (Zelfstandige Zonder Personeel), Musico, Taxista, Autobus, Artista, etc.,
tambe mester entrega 2 ultimo prueba di pago di BBO/BAZV/BAVP - FASE lo controla si bo persona NO ta un accionista mayor y si bo persona ta wordo considera un empleado 4. Den caso cu su aplicacion pa FASE no wordo aproba, por semper aplica pa Asistencia Social (bijstand) na Departamento di Asunto Social. Number di telefon pa yama ta 528.1110. Pa esaki tambe tin e siguiente exigencianan conforme e Ley di Bijstand: - Mester tin nacionalidad Hulandes - Mester tin por lo menos 3 aĂąa inscribi na Censo - Si bo persona no ta cumpli cu e rekisitonan aki, HIAS y Cruz Cora tambe ta ofrece asistencia.
Pagina 9
Diaranson 22 April 2020
STRESS Y ANSIEDAD KICO E TA Y CON E POR AFECTA ABO? CON COVID-19 POR INFLUENCIA ANSIEDAD? Hasta den e ausencia di un malesa mental, mayoria hende lo por experiencia cierto di e sintomanan di ansiedad durante e periodo aki. E noticianan catastrofico relaciona cu COVID-19 por motiva pensamentonan circular, tristeza y iritabilidad serca diferente persona. Desde e momento cu COVID-19 a yega Aruba tin hopi persona cu a perde trabou y tin preocupacion grandisimo pa nan situacion financiero, hopi ta experiencia un cambio abrupto den nan rutina di dia y ta sinti isola y tur e factornan aki por influencia e sentimento di stress y ansiedad. Si bo persona ta sinti hopi stress y ansiedad e ta importante pa expresa y haya sa con pa maneha esaki. Den un forma anonimo y GRATIS por tuma contacto cu nos Hotline na Stress ta un reaccion fisiologico normal na un situacion abnormal. Di e forma aki e ta un parti normal di nos bida. E ta permiti nos curpa adapta na e multitud di eventonan positivo y negativo cu nos ta experiencia manera nacemento di un yiu, casamento, perdida di trabou, perdida di un familiar y awo e crisis aki relaciona cu Covid-19. Stress ta bay y bin di su mes, dependiendo di e factornan cu ta envolvi. Contrario na miedo, cual ta un reaccion na un menasa specifico y defini, ansiedad ta un reaccion na un menaza no specifico y desconoci. Ansiedad ta manifesta na momento cu un evento peligroso of desafortuna por tuma lugar y nos ta pensa cu esaki muy probablemente lo bay pasa. Cada persona ta experiencia ansiedad na su mesun grado y intensidad. Con e evento anticipatorio ta wordo percibi lo influencia con hopi ansiedad lo wordo experiencia door di e persona. Den e momentonan aki di crisis e situacion relaciona cu Coivd-19 ta creando hopi stress y ansiedad den nos comunidad, no obstante nos tey pa yuda bo reconoce y manehe. CON PA RECONOCE ANSIEDAD? Sintomanan fisico di ansiedad ta encera un curazon acelera of ta sinti manera barbulet den bo stoma. Un persona por sinti manera cu nan no por anda cu e situacion, por sinti spanta y cu miedo, intrankil of cu hopi stress. Sintomanan di comportacion por inclui retira of aleha bo mes di hende, sinti agita, agresividad of uzo di substancianan entre otro di alcohol, pa maneha cu e stress y ansiedad.
2810909 pa combersa un poco di locual cu ta duna bo e stress y e ansha. Nos tey tur dia di 2pm te cu 10pm. Un mensahe di Sociaal Crisis Plan.
Pagina 10
Diaranson 22 April 2020
CONCEPTO DI LEY PA PISCA CU HARPUN TA CLA Y TA DI SPERA CU DIABIERNA AWOR POR TRATA E LEY DEN CONSEHO DI MINISTER Diamars atardi durante conferencia di prensa Minister di Husticia mr. Andin Bikker a trece dilanti con leu e concepto di ley pa pisca cu harpun ta. Ministerio di Husticia conhuntamente cu Minister di Transporte, Comunicacion y sector Primario y tambe Minister di Infrastructura y Medio Ambiente ta trahando cu DWZ riba e pro puesto di ley pa por cambia e decreto di 2001 caminda ta prohibi pa pisca cu harpun. Desde 2018 Minister Bikker conhuntamente cu colega Minister encarga cu sector Primario a bin ta traha riba e concepto di ley pero a base di e Natuurbescherming verordening mester a bay un tipo di ronda di consulta. Tin un comision di Flora y Fauna cu mester a duna nan punto di bista y entretanto a haya esaki y pa e motibo aki awor ta finalisando e concepto di ley. Minister Bikker tambe a trece dilanti cu ta evaluando e situacion di Covid-19 pa mira si por introduci un maneho di transicion conhuntamente cu Ministerio Publico, Kustwacht pa mira con pa bay atende cu esaki. E mandatario a bisa cu e ley aki a keda introduci na 2001 y na 2005 e gobierno di e tempo ey a haci cierto promesa mientras cu su ministerio, for di basta tempo ta dunando atencion na esaki, pero falta di capacidad pa renoba e leynan ta hungando un rol. For di 2018 cu a drenta gobernacion mester a duna
atencion na otro leynan cu tabatin prioridad pero awor a yega na un punto unda cu e concepto di ley aki ta cla. Minister Bikker ta spera cu pa diabierna awor por trata e ley den Conseho di Minister pa di eynan e por sigui cana su caminda. Mientras tanto ta evaluando un maneho di transicion pero mester evalua tur aspecto pa e maneho di transicion y respeta e leynan. Un biaha mas Minister Bikker a pidi pa carga un tiki pasenshi y den un par di siman por decreta e maneho di transicion riba e tema aki.
Diaranson 22 April 2020
Pagina 11
REGISTRACION PA REGRESO BOLUNTARIO A INICIA Minister di Husticia, mr Andin Bikker, a anuncia recientemente cu e ta start cu fase 1 di e programa di Regreso Boluntario pa migrantenan. KICO E PROGRAMA DI REGRESO BOLUNTARIO PA MIGRANTENAN TA ENCERA? E programa di regreso boluntario ta dirigi riba e migrante cu ta aki y cu pa motibonan pafor di su alcance, no por a regresa su pais di origen (ainda) of e migrante cu ta aki na Aruba – sea cu e ta regular of no - y tin e intencion di bandona Aruba boluntariamente pa bay residencia su mes bek na su pais di origen. Den e promer fase di e programa di Regreso Boluntario, kier efectua na un forma ordena, humano y eficiente, un inventarisacion di e interes bou migrantenan pa haya asistencia pa un repatriacion boluntario pa e pais di origen. Posteriormente ta inicia e proceso pa asisti migrantenan cu a registra y pues a indica cu nan tin e deseo pa no keda mas na Aruba, y cu kier bay bek nan pais di origen a base boluntario, cu e parti logistico y si ta necesario, tambe facilita cu e transportacion. KENDENAN TA BIN NA REMARKE PA UN REGRESO BOLUNTARIO? Migrantenan cu un status legal of sin un status legal cu ta desea di regresa nan pais di origen, y no por efectua esaki dor di falta di recurso, por awor procede pa registra y di e manera aki aplica pa forma parti di programa di Regreso Boluntario cu asistencia. E proyecto di Regreso Boluntario tin como meta y ta dirigi riba e grupo mixto di migrante cu ta actualmente na Aruba dor di diferente motibo y/of circumstancianan y kier bay nan pais di origen. E grupo di enfoke por ta migrantenan cu un status legal y migrantenan sin un status legal, cu ta desea di haya un asistencia pa por regresa nan pais di origen a base boluntario. CON OF UNDA E PERSONA POR REGISTRA PA BIN NA REMARKE PA E REGRESO BOLUNTARIO ASISTI? Teniendo cuenta cu e medidanan vigente pa cu mitigacion di e COVID19, y e recomendacion pa tene distanciamento social, a opta pa crea un formulario digital pa administra e registracion di tur persona cu ta desea di haci uzo di e programa di Regreso Boluntario. E formulario online pa registracion ta disponibel riba e siguiente website: www.dimasaruba.aw Una bes cu e persona ta riba e website ariba menciona, 1) e persona ta selecta e idioma, y despues 2) e ta click riba e tab of link di Regreso Voluntario / Voluntary Return / Vrijwillige Terugkeer. 3) Na momento cu habri e link, e persona lo por siguientemente yena digitalmente tur su datosnan personal y tambe di contacto. 4) Y ta finalisa bo registracion dor di emiti esaki digitalmente HOTLINE PA INFORMACION RIBA PROGRAMA REGRESO BOLUNTARIO Si un interesado mester di guia of tin mester di mas informacion yama e call center di Programa di Regreso Boluntario na siguiente
hotline: 2811010 (for di 9or di mainta pa 4or di atardi durante dianan di trabou). TE KI DIA POR REGISTRA PA E PROGRAMA DI REGRESO BOLUNTARIO? E programa di Regreso Boluntario Asisti pa migrantenan ta vigente pa un tempo defini y ta habri - inicialmente - te cu fin di luna di april 2020. Pa es motibo ta pidi tur esnan interesa, pa registra mas pronto cu ta posibel online. KICO POR SPERA DESPUES DI CU A REGISTRA PA E PROGRAMA DI REGRESO BOLUNTARIO (FASE 2)? Despues cu keda cla cu e fase inicial di registracion y inventarisacion den luna di april 2020, lo sigui e fase 2. Ta e intencion pa planea e buelonan a base di e registracion y inventarisacion den fase 2. Mas informacion di e fecha(nan) lo sigui na su debido tempo. E ta importante p ata pendiente di bo email (fase 2). Den e temporada aki cu e fronteranan ta cera pa motibo di COVID19, e ta rekeri un intervencion(nan) na nivel diplomatico pa yega na palabracionnan necesario (bilateral) e respectivo paisnan for di cual Aruba tin imigrantenan cu interes pa bolbe nan pais di origen pa por yega na protocolnan conhuntamente riba e repatriacion. KICO TA E REKISITONAN CU LO MESTER CUMPLI CU NE? E rekisitonan pa e programa di regreso boluntario ta: - Documento di biahe valido (of un documento di biahe cu a caduca, pero cu ainda ta ser acepta dor di autoridadnan di e pais di origen); - Comprobante cu no por (ni tin garante cu lo mester) cubri e gastonan relaciona cu e repatriacion; - Formulario firma cu e interes di regreso boluntario; - Den caso cu tin un aplicacion pa asilo ainda canando, adicional un carta firma unda ta retracta e aplicacion concerni; - Den caso cu tin overstay: lo tin tambe mester tene na cuenta cu lo tin un periodo (di maximo 18 luna) acopla na e repatriacion dentro di cual e persona no por bolbe Aruba. PROGRAMA DI REPARTRIACION CU SOSTEN E programa di Regreso Boluntario aki di Minister di Husticia no lo ta posibel sin e sosten di partnersnan strategico, entre otro Ministerio di Husticia y Siguridad di Hulanda. Di es manera aki ta duna oido y sosten na tur esnan cu ta desea di regresa bek nan pais di origen di un forma boluntario, y no por haci esaki riba mesun forza. Y alabes a aporta na e mantencion di orden publico y siguridad di nos pais. E interes pa e programa di Regreso Boluntario cu a anuncia pa realisa e repartriacion di migrantenan, ya ta conta cu bastante interes y sosten. Pa es motibo ta pidi tur esnan interesa pa registra mas pronto cu ta posibel, y yena e formulario online disponibel riba e siguiente website: www.dimasaruba.aw, pa asina Gobierno por tin un mihor bista di e candidad di personanan cu tin interes den e programa di Regreso Boluntario.
Pagina 12
Diaranson 22 April 2020
Riba peticion di Minister Chris Romero:
SANTA ROSA LO SIGUI OTORGA COMPROBANTE TEMPORAL PA PISCAMENTO NA UN FORMA DIGITAL • Registracion di boto di Directie Scheepvaart y Copia di documento di e keuring di e boto. • E registracion aki ta conta solamente pa un (1) carta pa boto. PISCADONAN DI BARANCA Pa Piscado di baranca mester manda basicamente mesun informacion, excluyendo registracion di boto. Pero ta importante pa indica den e e-mail un maximo di tres localidad caminda e dos persona ariba e carta lo bo bay pisca na baranca. Mirando e demanda grandi cu tin pa piscamento den e ultimo simannan y riba peticion di diferente piscado cu no a logra registra na Santa Rosa/DLVV, Minister Chris Romero a opta pa habri e registracion bek pero den un forma digital. Di e manera aki ta tuma tur medida actual di distanciamento social pa preveni cu e COVID-19 lo sigui plama.
Ta haci un apelacion na tur esnan cu no a registra ainda y/ of ta desea di registra, pa por fabor manda nan peticion via registro@santarosa.aw pa asina Santa Rosa/DLVV por procesa e registracion sin problema. Tene cuenta cu mester manda tur informacion menciona ariba pa por ricibi e carta di comprobante temporal. Pa esnan cu a manda nan documentonan caba via mail, ta haci un apelacion pa manda esakinan di nobo.
Cuminsando for di diahuebs dia 23 di April, e piscadornan cu no a logra registra prome lo tin e oportunidad pa haci esaki den un forma digital. E e-mail pa registra ta registro@santarosa.aw y lo mester manda e siguiente informacionnan;
Si por tin cualkier pregunta of ta desea mas informacion, por fabor tuma contacto cu Randy Maduro of Ludwig Rasmijn na 5858102.
• Nomber, adress y number di telefon di e propietario di e boto si esaki ta diferente cu e Capitan. • Copia di ID valido di e Capitan y copia di su kleinvaarbewijs. • Copia di ID valido di dos tripulante mas. • Si e doño di e boto no ta forma parti di e crew, mester un carta di e propietario autorisando e Capitan y e crew pa hasi uzo di su boto.
Diaranson 22 April 2020
Pagina 13
Pagina 20
Diaranson 22 April 2020
