IslaOnline 26 Januari 2022

Diaranson 26 Januari 2022

Diaranson 26 Januari 2022

Pagina 1

Email: IslaOnline@gobierno.aw Tel: 528-4952

Pagina 2

Diaranson 26 Januari 2022

PROME MINISTER Y MINISTER DI SALUD A REUNI CU PROME MINISTER Y MINISTER DI LABOR Y SOCIAL DI CORSOU Diabierna ultimo, Prome Minister Evelyn Wever-Croes hunto cu Minister Dangui Oduber, a reuni cu Prome Minister di Corsou, Gilmar Pisas y e minister encarga cu labor y asuntonan social na Corsou, Ruthmilda Larmonie.

Durante e reunion, varios tema a wordo trata. E tema di pandemia a haya hopi atencion den e combersacionnan. Prome Minister y Minister Oduber a duna un splicacion di e maneho di Covid en general na Aruba, e maneho di test, di cuarentena y e maneho cu a hiba pa mitiga e situacion pa baha e cifranan di Covid na Aruba. Prome Minsiter a expresa cu Gobierno ta hopi satisfecho con e maneho ta wordo implementa como tambe e manera cu nos pueblo ta duna di su banda pa baha e cantidad di casonan.

Nos mandatarionan di Aruba a elabora tambe riba e strategia di salida, ‘Exit Strategy’.

Otro topico cu a wordo trata, ta e topico economico y social y e impacto cu esakinan a sufri debi na e pandemia no solamente na Aruba pero sigur tambe pa nos hermana isla Corsou. A papia di colaboracion di ideanan pa traha hunto pa crea mas oportunidad pa nos ciudadanonan di Aruba y Corsou. Prome Minister a indica cu a yega na palabracionnan pa intercambia cierto informacion, data y documentonan pa asina e islanan por sigui traha hunto.

Riba e tema di Landspakket y e relacion den Reino y cu e Secretario di Estado nobo, señora Alexandra van Huffelen, a yega na palabracionnan pa tin mas aliniacion den e tareanan di e Landspakket.

“Aruba y Corsou ta enfrentando retonan grandi y hunto, den union, nos por logra hopi cos mas pa nos pueblonan. E tawata un bon reunion na unda nos a intercambia di ideanan pa estrecha e lasonan di hermandad y di amistad y sigur di e compromiso pa sigui traha hunto”, Prome Minister Evelyn Wever-Croes a expresa.

Pagina 3

Diaranson 26 Januari 2022

Prome Minister Evelyn Wever-Croes:

PABIEN ARUBA CU UN BUNITA CELEBRACION DI DIA DI BETICO Diamars 25 di januari, henter Aruba a celebra e fecha natalicio di señor Gilberto François ‘Betico’ Croes. Un fecha na unda cu nos ta para keto pa observa y reflexiona riba e bida, lucha, sacrificio y logronan di Betico y kico esaki ta nifica pa nos awo.

Dia di Betico a cuminsa cu un acto protocolar solemne y hopi significativo riba Plaza Betico. Debi na Covid, no tawata tin hopi invitado, sinembargo e tawata un acto hopi simpel y impresionante.

Apesar cu no tawata tin actividadnan cu nos pueblo ta costumbra riba dje rond di nos isla, hopi cas a hisa bandera y tawata tin bendemente di cuminda criyoyo manera semper. Y tambe varios programanan na television di Betico y su bida.

Esakinan ta un indicacion cu Aruba a celebra e dia nacional aki na grandi.

Por a sinti un ambiente hopi positivo, di optimismo, un ambiente hopi alegre cu excepcion di algun weganan politico di oposicion cu riba un dia manera awe, no a haya ningun atencion di nos pueblo. Pasobra como un pais, esaki ta un dia pa nos uni. Y esaki por a nota tambe rond di Aruba, un union grandi den henter nos comunidad.

“Nos ta mira atras riba un bunita celebracion di Dia di Betico y ohala cu si bida, lucha y sacrificio por inspira nos den enfrenta tur e retonan cu nos tin cu enfrenta nos dilanti”, Prome Minister Evelyn Wever-Croes a expresa.

Pagina 18

Diaranson 26 Januari 2022

DISCURSO DI PROME MINISTER DIA DI BETICO 2022 “Ohala cu e dia aki por inspira cada un di nos pa por enfrenta e retonan den nos bida, y con pa surpasa nan.”

Su excelencia Gobernador, sr.

Alfonso Boekhoudt y distinguida señora Honorable Presidente di Parlamento, sr. Edgard Vrolijk, Miembronan di Parlamento, y distinguido esposa y esposo, Coleganan minister, y distinguida esposa, Cuerpo Consular y henter e comunidad di Aruba, un feliz mainta.

Pabien riba Dia di Betico Awe riba e fecha natalicio di Gilberto François “Betico” Croes, nos ta para keto na e bida, e lucha y logronan di Betico Croes.

Si e tabata na bida, e lo a cumpli 84 aña. Sinembargo Dios tabata tin otro plan cu Betico y el a bay nos dilanti na edad di 48 aña.

KEN TA BETICO? Betico tabata un tata di 4 yiu, Guisette, Glenbert, Junior, Glendeline, un esposo, yiu, ruman, y e tabata mi omo y mi padrino di bautismo. E persona cu un carisma enorme, semper cu atencion pa tur hende, mescos cu ta su mesun yiu. Ainda nos ta corda su discurso na Ser’I Noka, cu nos ta considera un di su discursonan di despedida, caminda cu el a bisa cu e ‘no ta un tata di un hogar chikito di mama, tata y 4 yiu, sino un tata particular, un tata di henter Aruba’. Y esey mes e tabata.

Como politico Betico Croes desde hoben a demostra con ta lidera cu curason, poniendo e pueblo, e ser humano na prome luga. Con ta lidera cu respet pa otro, dunando respet y exigiendo respet.

El a pone importancia na brinda hendenan muhe oportunidad den politica, pasobra mas participacion di hende muhe den politica y den puestonan importante den gobiernonan ta trece un miho balance den toma di decisionnan cu ta concerni henter nos pais, homber y muhe.

El a mustra nos con, pa bo logra bo meta, bo mester tin biaha dal algun paso chikito atras, pa despues bo sali cu pasonan grandi padilanti. El a siña nos e importancia y e balor di stima nos pais y nos simbolonan di libertad, nos himno y nos bandera.

Betico tabata sa kico e pueblo tabata desea, y e tabata sa cu pa e logra esaki, e mester a uni nos pueblo, pasobra ‘un pueblo uni hamas lo ser venci’. Union entre famianan, union entre oponentenan politico, union entre esnan cu a nace aki y

esnan cu no a nace aki. E mes a bisa, ‘Arubiano no ta esun cu a nace aki so, sino tambe esun cu a haci di Aruba su hogar’. Y ta e union aki tabata e forsa mas grandi tras di e lucha pa Status Aparte.

LUCHA PA STATUS APARTE Betico Croes no a cuminsa cu e lucha pa Status Aparte di nos pais. Politiconan grandi prome cu su tempo ya a cuminsa expresa e deseo di nos pueblo di ta ‘baas den nos mesun cas’.

Sinembargo e lucha cu a cuminsa den añanan 40, a wordo bandona, y ta Betico den añanan 70 a gara e bandera di e lucha ey, y a hib’e te na su final.

Ta manera un cas. Betico a haya e fundeshi construi, pero debi na abandono, e fundeshi tabata den mal condicion. El a fortifica e fundeshi, el a lanta e murayanan, el a percura pa e dak y asina a construi e pais Aruba cu awe nos ta biba aden.

El a entrega nos e yabi di un Pais autonomo, pero lamentablemente e mes no a biba pa por a experiencie, ni goza di dje. Nos tin e privilegio di biba den e pais autonomo, pa nos lanta nos yiunan den e pais aki.

BENEFICIONAN DI STATUS APARTE Status Aparte a trece hopi bienestar y progreso pa Aruba. E lucha cu nos pueblo a hiba pa logra nos Status Aparte a inculca den nos ciudadanonan un patriotismo grandi.

Ta danki na nos Status Aparte Aruba por a desaroya den un di e paisnan lider den nos region, y e lucha cu Betico a lidera, a inspira otro pueblonan pa lucha pa nan autonomia tambe.

Bo no ta ripara cu hopi biaha den exterior hendenan ta gaba Aruba? Nan ta puntra nan mes, ta con Aruba si ta haci esaki of esaya? Dicon Aruba ta asina exitoso por ehempel den e area di turismo? Con Aruba ta logra cosnan grandi, relativamente facil?

Bo sa dicon? Pasobra Aruba ta bendiciona, y pasobra nos sa cu Aruba ta bendiciona. Pasobra nos a lucha, nos ta lucha y nos lo sigui lucha cu alma y cuerpo pa hiba nos pais padilanti.

Pasobra, ni con dificil cosnan por ta tin biaha, nos sa cu mayan solo ta sali bek, y nos lo bolbe lucha, cu mesun fervor pa hiba nos pais padilanti. Dicon nos sa esey? Pasobra Betico a mustra nos, Betico a lidera nos.

Pagina 19

Diaranson 26 Januari 2022

Continuacion DISCURSO DI PROME MINISTER DIA DI BETICO 2022....

KICO BETICO LO A HACI? P’esey, den ultimo añanan, especialmente e dos añanan aki di pandemia global, caminda nos a mira nos economia cay y nos autonomia tabata bou presion, ta hopi biaha hopi hende a puntra nan mes, kico Betico Croes lo a haci, si e tabata den e posicion aki. Ki decision e lo a tuma. Con e lo a atende cu e situacion. E tambe lo a scoge pa acepta e ayudo di Hulanda, bou condicionnan, contal cu nos pais no kibra? E ayudo cu ta permiti nos reconstrui nos economia, pa nos crea un economia mas fuerte y resiliente.

Mi no tin contesta riba e preguntanan aki, pero un cos si mi sa.

Betico Croes lo ta hopi orguyoso di su pueblo, e pueblo cu e a sa di uni den un solo ideal: haci di Aruba un pais, y cu awor ta uni pa saca nos pais di e abismo cu e pandemia Covid a hinca nos aden.

Betico lo ta orguyoso di nos frontliners cu ta haciendo un trabou grandi den cuido di nos pashentnan y nos grandinan y den mantene orden publico.

Betico lo ta orguyoso di nos ciudadanonan cu boluntariamente ta saca man pa yuda otronan.

Orguyoso di tur e boluntarionan cu ta yuda esnan mas vulnerabel di nos pais.

Orguyoso di tur esnan cu a haci hopi sacrificio den e pandemia aki.

Mescos cu mi, mi ta sigur cu e tambe lo ta hopi orguyoso di tur esaki.

Covid a dal nos duro, pero mi tin tur confiansa cu nos lo enfrenta y surpasa e reto aki tambe. Sigur inspira pa e lucha pa Status Aparte di nos pais cu Betico Croes a realisa, e biaha aki tambe, nos tin e mesun determinacion, y perseverancia y uni den amor pa nos pais, pa lanta, gara e bandera y sigui cu e lucha. Talves nos tin cu dal algun paso chikito atras, pa despues sali dilanti cu pasonan grandi, pa un economia mas fuerte, cu un autonomia mas fuerte, pa un Aruba mas fuerte.

Y nos a yega di pasa den esaki caba. Prome cu nos a drenta nos Status Aparte dia 1 di januari 1986, Lago a cera su porta.

Cu esaki e tempo ey gobierno a perde gran parti di su entrada, mescos cu awor. E tempo ey nos a wordo inspira pa Betico, cu determinacion, perseverancia y union, nos a enfrenta e retonan y surpasa nan. Mescos nos lo haci awor. E unico diferencia ta cu Betico Croes no ta fisicamente cu nos mas awor.

ENCONTRA E BETICO DEN BO Sinembargo manera el a bisa nos “si mi cay na caminda, gara e bandera y sigui cu e lucha”, awor ta momento pa nos cada un gara e bandera, y sigui cu e lucha. E lucha den nos bida diario, cu nos famia, na nos trabou, den nos districtonan. Gara e bandera ey cu orguyo, y ban sigui cu e lucha, pa asina hiba nos hogar, nos trabou, nos districto, nos pais padilanti.

Y nos por. Pasobra nos cada un tin un Betico den nos.

Simplemente bo mester busc’e. Busca e balornan, principionan cu Betico a siña nos, cu el a mustra nos. Pa asina enfrenta e retonan actual cu determinacion, perseverancia y den union.

Lucha pa bo soñonan. Nunca rindi. Si bo soño ta bo destino, no ta importa cuanto obstaculo crusa bo caminda, nos bon Dios ta yuda bo logr’e.

Manera e hoben Braden cu mi a topa ora mi a bishita St. Paulus School siman pasa. Braden a bisa mi cu orguyo, cu el a representa Aruba den caredanan di BMX. Braden a haya e Betico den dje, poniendo nomber di Aruba briya den exterior.

Asina nos cada un tin un caracteristica di Betico den nos. busc’e!

DANKI Mi kier finalisa cu palabranan di agradecimento. Na prome luga na colega Minister Xiomara Maduro y Comision Celebracion Dianan Nacional cu a organisa e celebracion di e dia nacional aki hopi bunita y significativo. Danki colega.

Mi kier gradici tambe tur esnan cu a lucha hunto cu Betico, y henter nos comunidad cu awe ainda tin un cariño grandi pa Betico. Danki pa sigui mantene su memoria bibo memey di nos.

Mi kier gradici tambe su famia, tur esnan cu a sacrifica pa Betico Croes por a dedica su bida na e lucha pa nos Status Aparte. Especialmente su yiunan. Awe indudablemente boso lo kier a lanta y dune un serenata pa su cumpleaños. Y apesar cu nada por yena e bashi cu el a laga, sa cu henter nos pueblo ta sumamente agradecido na cada un di boso pa e sacrificio cu boso a haci. Y ohala cu e cariño y respet cu nos pueblo tin pa boso tata Betico, por duna boso consuelo e dia aki.

Pa varios aña caba, mi ta bishita scolnan prome cu Dia di Betico, pa admira con nan ta preparando pa e dia aki. Semper mi ta haya sorpresanan agradabel con nos maestronan y alumnonan ta esforsa nan mes pa celebra e dia aki. Danki na maestronan y mayornan.

Mi ta corda dos aña pasa, durante mi bishita na Scol Paso pa Futuro, un alumno a puntra mi: si Betico lo tabata na bida, kico ami lo kier bise?

Si Betico lo tabata na bida lo mi kier bise DANKI. DANKI pa bo lucha y sacrificio.

DANKI pa duna nos un pais autonomo pa biba den dje, pa lanta nos yiunan den libertad. DANKI pa siña nos e balor di conserva nos autonomia y DANKI pa kere den Aruba y den nos ciudadanonan.

Ohala cu e dia aki por inspira cada un di nos pa por enfrenta e retonan den nos bida, y con pa surpasa nan. Cu Dios bendiciona nos dushi pais Aruba.

FELIZ DIA DI BETICO

Pagina 4

Diaranson 26 Januari 2022

Prome Minister Evelyn Wever-Croes:

PROME MINISTER LO TA PRESENTE NA TOMA DI POSICION DI PRESIDENTE FEMENINO DI HONDURAS

Diahuebs, 27 di januari, Honduras ta conoce un Presidente

Presente na e eventonan lo ta tambe Vice Presidente di Merca,

Nobo, Sra. Xiomara Castro, un Presidente femenino. Prome

Sra. Kamala Harris, hunto tambe cu otro mandatarionan den

Minister Evelyn Wever-Croes lo representa Reino Hulandes

region. Prome Minister a expresa cu ta un gran honor pa

na e acto di toma di posicion cu lo tuma luga diahuebs 7or di

representa Aruba y Reino Hulandes pa estrecha lasonan como

mainta. Varios otro mandatario mundial lo ta presente den cua

tambe mira kico ta e oportunidadnan cu por explora.

varios lider femenino den region.

“Ta un honor pa mi tambe pa presencia pa prome biaha toma Haciendo uzo di e oportunidad cu varios lider femenino ta

di posicion di un Presidente Femenino den un otro pais. Como

presente na Honduras pa e ocacion special aki, lo tuma lugar

hende muhe, nos mester apoya otro hende muhe, yuda y

un encuentro pa trata e desaroyo di hende muhe tanto den

sostene otro, pa asina mas hende muhe por ta exitoso”, Prome

politica como den otro funcionnan. Tin hopi interes cu a wordo

Minister a expresa.

expresa pa sa kico Aruba ta haci pa stimula mas desaroyo di hende muhe den liderazgo y kico ta haci pa sigura e exito di hende muhe den posicionnan di liderazgo.

“A yega na nan atencion cu na Aruba hopi posicion di liderazgo ta wordo ocupa pa hende muhe cua sigur tawata un bon motibo pa nos organisa e encuentro aki”, Prome Minister a enfatisa.

Pagina 9

Diaranson 26 Januari 2022

Prome Minister Evelyn Wever-Croes: Prome Minister y Minister di Salubridad di Aruba

TA REUNI CU PREMIER Y MINISTER DI LABOR Y ASUNTONAN SOCIAL DI CORSOU

Diabierna mainta, Prome Minister di Aruba señora Evelyn

wordo discuti. Señor Pisas a expresa cu e reunionnan tabata

Wever-Croes y Minister di Salubridad señor Dangui Oduber a

hopi positivo y den bon esfera na unda a intercambia ideanan

reuni cu Prome Minister di Corsou señor Gilmar Pisas hunto y

pa asina sigui traha hunto den bienestar di e islanan.

Vice Premier Minister di Labor y Asuntonan Social di Corsou, señora Ruthmilda Larmonie.

“Hopi biaha un Prome Minister ta atende cu varios asunto cu ta concerni e pais y na momento cu e no tey, ta tuma hopi

Den un declaracion duna, señor Pisas a indica cu e intencion

tempo pa e Vice Premier por “catch on” riba tur e asuntonan

ta pa su persona y Vice Premier di Corsou bishita e islanan

cu ta ser laga atras. Pa evita como pais esaki, mi a tuma e

den Reino pa asina cera conoci cu cada un di nan mas di

iniciativa di bishita e diferente islanan hunto cu e Vice Premier

cerca. Aruba ta e prome isla cu nan a bishita pa motibo cu entre

pa asina nos cera conoci cu e islanan y nan ministernan. E

Aruba y Corsou tin diferente combersacion caba andando riba

bishita sigur tabata uno hopi positivo na unda Vice Premier

diferente topico.

señora Larmonie tabata tin e oportunidad di cera conoci cu varios di e ministernan di Aruba”, Premier Pisas di Corsou a

Durante e reunion, un di e topiconan cu sigur a haya hopi

duna di conoce.

atencion ta e maneho di Aruba pa cu Covid. Señor Pisas a indica cu nan lo kier evalua den ki direccion nan lo por bay

Prome Minister di Aruba, señora Evelyn Wever-Croes a

y kico lo ta e consecuencianan pa Corsou pa e stapnan cu

expresa su satisfaccion con e reunion cu e mandatarionan di

nan lo mester tuma. Tambe a papia riba e combersacionnan

Corsou a bay cu sigur e topiconan trata lo ta na bienestar di e

cu Corsou tabata tin cu Hulanda, cu e Staat Secretaris nobo

paisnan den Reino mientras cu lasonan ta wordo estrecha pa

pa loke ta trata fondo di likides. Varios otro topico en comun a

uni como paisnan ruman.

Pagina 5

Diaranson 26 Januari 2022

Minister Arends:

PASONAN CONCRETO PA UN SERLIMAR NOBO Otro luna lo ta importante den e historia di Serlimar SG mirando cu Corte lo mester dicidi si ta extende e periodo di surseance van betaling. Esaki ta un decision cardinal y e decision di juez lo determina destino di e compania nacional aki.

Desde prome dia Minister di Naturalesa Ursell Arends a haci esfuerzonan grandi pa mustra na juez cu Serlimar tin derecho di existencia. Mientras cu ta preparando e plannan pa renoba e compania, e minister a bin ta traha riba tres paso concreto pa logra sanea e situacion actual na Serlimar.

Prome punto importante tabata pa yega na un areglo di pago cu Departamento di Impuesto. A logra haci esaki durante december 2021 cu bon cooperacion di e departamento menciona. Siguientemente e segundo paso ta pa cuminsa paga debenan atrasa cu comercio. Apesar di e situacion financiero fragil di Aruba, asina mes a logra yega na 2.5 miyon pa pone den presupuesto pa 2022. Aunke e fondo aki ta solamente un parti di e debe total, e montante aki ta critico pa Serlimar por cumpli cu su debenan den sector priva. Esaki ta pa paga servicionan cu Serlimar a ricibi den pasado for di comercio, pero pa cual e contribuicion di Gobierno e tempo ey no tabata suficiente.

Por ultimo e compania mester a ahusta su tarifa na uno comercialmente mas realistico y di parti di Minister Arends a aproba e ahustacion aki. Den pasado structuralmente a subi gasto y baha entrada di Serlimar. Esaki ta un formula cabezabou di haci negoshi y ta un formula excelente solamente si e intencion ta pa kibra e compania. Cu e tarifa nobo Serlimar ta pone su entrada na un nivel corecto.

E tarifa nobo pa 1 container lo bira AFL 28.00 y pa 2 container

AFL 38.00 entrante februari 1.

Anteriormente esaki tabata AFL 25.00.

Desde inicio a indica cu e sistema di cobransa riba su mes ta un factor cu a causa daño na e compania y cu esaki mester a wordo optimaliza. Serlimar awo a inverti den technologia nobo cu ta haci posibel pa cobransa sali na tempo y na un manera corecto y eficiente den cual nan por garantisa cu Serlimar ta ricibi e entrada y ta ser paga dor di e clientenan pa e servicio cu nan ta duna.

Segun Minister Arends, proximamente lo tin mas pasonan pa logra baha Serlimar su dependencia riba gobierno. Pero pa garantisa continuidad lo mester di un reforma interno pronto.

Minister a duna di conoce tambe cu lo cambia e meta y tarea di Serlimar. E trabou principal di e compania ta recogemento di desperdicio. Esaki ta loke e compania ta haci hopi bon.

Pero e parti di separacion y procesamento di desperdicio lo mester sosode na otro forma. Pa esaki tin un proyecto pa modernisa e manera con na Aruba nos ta procesa e diferente "waste streams", o sea e diferente tipo di desperdicio cu nos ta produci. Den futuro sector priva lo tin un rol hopi importante den maneho di waste streams y den diseña e waste policy nacional. Nos ta revisando tur e leynan cu ta aplica riba e tereno aki.

Ta un lastima pa mira con e compania aki a wordo malusa pa probecho politico. A abusa di dje di tal forma cu casi ela bati bancarota. Y den esaki ta e trahadornan a keda mal sirbi y awe nan entrada ta den wega. Pero nos tin speransa cu huez lo reconoce e esfuerzo cu a wordo haci y cu e lo sa di duna Serlimar un oportunidad pa restructura y sigui dilanti. Tur hende lo compronde cu ningun compania ta traha por nada. Mi tin pleno confiansa cu Aruba henter ta compronde cu Serlimar tambe mester di ingreso pa e por sigui. Serlimar mester di Aruba mescos cu Aruba mester di Serlimar.

Pagina 24

Diaranson 26 Januari 2022

Pagina 6

Diaranson 26 Januari 2022

Manifestacion Cultural:

DISCURSO MINISTER DI FINANSA Y CULTURA XIOMARA MADURO ‘DIA DI BETICO’ Minister Xiomara Maduro a hiba un discurso durante e Manifestacion Cultural Dia di Betico 2022. E mandatario encarga cu Finansa y Cultura a inicia su discurso expresando cu pa su persona ta un gran honor y placer di por ta presente y ela gradici comunidad pa por permiti su persona drenta tur hogar pa dirigi algun palabra en conexion cu ‘Dia di Betico’.

Ademas e mandatario a invita comunidad pa disfruta den union familiar na cas di e Manifestacion Cultural cu presentacion di varios talento local.

Diamars 25 di januari, nos ta recorda e fecha natal di nos Libertador, Gilberto François (Betico) Croes den feliz memoria.

Un Dia Nacional pa nos por para keto, reflexiona y rindi honor na nos heroe nacional, Betico Croes.

Betico a nace na aña 1938 den un famia humilde na Sta. Cruz cu a biba den union y a siña comparti y yuda otro igual na hopi famia humilde Arubano. Betico tabata sa cu den union, e por a haya e forsa pa por logra cosnan grandi pa su pueblo.

For di edad hoben, cu e tabata studia na Hulanda, Betico tabata conoci como un studiante cu tabata mantene e grupo di studiantenan Arubano uni. Despues cu ela termina su estudio y den su funcion como maestro di scol, ela traha den union cu su alumnonan cu te dia di awe ta aprecia e dedicacion y atencion cu ela brinda nan.

Na aña 1971 den union cu su lidernan di bario y simpatisantenan, Betico a lanta su propio partido Movimiento Electoral di Pueblo (MEP).

For di momento cu Betico a dicidi di drenta politica, e tabatin como meta pa caba cu tur division y trece unidad di tur pueblo cu a bin forma Aruba.

Pagina 7

Diaranson 26 Januari 2022

Continuacion MINISTER XIOMARA MADURO A BISHITA DOMINICUS COLLEGE....

E no tabata discrimina y haci distincion. Pa Betico tur esnan cu ta biba na Aruba ta pertenece na e pida baranca aki nan.

Betico a destaca den su lucha ferviente pa trece union bou di tur ciudadano, sin importa rasa, color, of religion.

Minister Xiomara Maduro a sigui trece dilanti den su discurso cu Betico tabata un persona amabel, yen di carisma y tabata hopi social. Un tremendo lider cu a percura pa un union berdadero den nos pueblo. Un pueblo uni tabata masha importante pa Betico. Den su historia politico ela sobresali pa e union, e lucha, e curashi for di momento cu ela compromete su mes cu nos pueblo pa e lucha pa realizacion di nos Status Aparte den Reino Hulandes. Ta e union cu Betico a trece bou di su pueblo tabata determinante pa por realisa e deseo di su pueblo.

Betico ‘E Tata di Aruba’ a uni Aruba manera UN famia.

Awe 36 aña despues cu Aruba a haya su Status Aparte, nos ta den un situacion diferente. Nos ta den un situacion di pandemia cu a afecta Pais Aruba enormemente.

Un situacion den cual cu nos mester demostra un bes mas cu ‘Un pueblo uni hamas por wordo venci’, manera Betico a haci pa logra nos Status Aparte.

Minister Xiomara Maduro a efoca riba e union di nos pueblo y a invita e pueblo: Aruba, Ban Uni un bes mas. Ta den union nos pueblo ta haya e forsa di coherencia pa hunto nos por trece Aruba bek riba pia. Ta den union, nos pueblo por enfrenta y surpasa tur reto y logra metanan grandi pa nos Pais Aruba.

Riba ‘Dia di Betico’ laga nos para keto, enfoca y reflexiona riba e historia di Betico y kico tur ela logra pa Pais Aruba. Ban splica nos yuinan ken ta Betico Croes y kico tur ela haci pa awe Aruba tin su mesun identidad cu cada Arubano por ta orguyoso di dje. Conta nos yiunan kico Betico a nifica pa e pueblo Arubano, pa e historia di su lucha no bay perdi. Aunke Betico no tey fisicamente cu nos mas, laga su legado keda inspira nos y laga nos mantene su memoria bibo den nos mente y nos curason!

Minister Xiomara Maduro den su discurso tambe a comparti cu durante ultimo siman ela bishita algun scol preparatorio y basico pa asina comparti cu e alumnonan e historia di Betico Croes.

“Ta cu gran alegria mi a experiencia e interes y entusiasmo cu e muchanan tin pa siña mas tocante di Nos Libertador” tabata palabranan di e mandatario.

Den cuadro di esaki Comision Celebracion Dianan Nacional conhuntamente cu algun maestro di scol ta organisa riba Dia di Betico pa 5’or di atardi un Quiz ‘Kibra Coco’ cu preguntanan,

entrevista y interaccion tocante di Betico Croes pa nos hobennan di scol basico por participa y gana premio. E programa aki lo pasa na TeleAruba y DiarioTV. E mandatario a haci un invitacion na tur mayor pa laga e muchanan di scol basico participa na e competencia aki den union familiar.

Ademas Minister Xiomara Maduro den su discurso a extende un invitacion na un y tur pa dia 25 di januari, Dia di Betico, pa 9’or di mainta sintonisa canalnan di television local y plataformanan social, pa e Acto Protocolar riba Plaza Libertador Betico Croes.

Lo tin un bunita programa pa asina rindi homenahe, respet y honor na Nos Libertador Gilberto François (Betico) Croes.

Terminando su discurso Minister di Cultura Sra. Xiomara Maduro a expresa palabra di gratitud na Comision Celebracion Dianan Nacional y tur nos talentonan local pa haci e Manifestacion Cultural Virtual posibel pa asina den e union di nos sernan stima, nos por conmemora y celebra ‘Dia di Betico’ Un pueblo uni, hamas por wordo venci.

Feliz Dia di Betico!

Pagina 8

Diaranson 26 Januari 2022

DIA DI BETICO TA UN DIA PA NOS TUR REFLXIONA RIBA E LIBERTDAD CU E LA DUNA NOS Dia 25 januari nos ta celebra dia di Betico Croes, nos libertador.

Un dia cu a wordo decreta como un dia nacional pa gobierno di Aruba pa asina conmemora y celebra e dia grandi aki pa nos pais Aruba.

Betico Croes q.e.p.d. ta un estadista grandi pa Aruba y nos libertador. Betico Croes ta esun cu a lucha incansablemente pa awe nos tin nos libertad, nos Status Aparte.

Awe nos tur por ta orguyoso cu nos ta un pais cu nos propio himno, nos propio bandera, nos escudo, nos propio moneda, banco central, Parlamento y nos propio gobierno. Promer cu aña 1986 esaki no tawata e caso.

Cu awe mi por ta forma parti di Movimiento Electoral di Pueblo MEP ta un honor y orguyo pa por sigui cu e lucha y ta parti di e prestigioso partidi aki.

Betico Croes a siña nos tur ni con chikito bo por ta, laga bo voz resona, lucha te ora bo logra y tin curashi pa lucha. Awe nos tin nos Status Aparte cu danki na e schrapmento di e fecha di independencia na aña 1994 door di ex promer minister Nelson Oduber cu nos por a mantene nos Status Aparte. Ta nos tarea di politiconan di e siguente generacion pa mantene e historia di Betico Croes bibo y percura pa nos sigui conserva nos Status Aparte.

Pais Aruba mester ta eternamente gradicido pa loke Betico Croes a haci pa nos tur. Un homber determina cu un vision pa futuro y cu tawata comprometi pa logra su metanan.

Danki Betico Croes pa nos libertad y laga nos tur reflexiona riba e dia aki con importante su lucha tawata pa nos tur.

Pagina 10

Diaranson 26 Januari 2022

MINISTER DI ECONOMIA A RICIBI BESTUUR NOBO DI CAMERA DI COMERCIO PAPIANDO RIBA LANDSPAKKET

Recientemente Camera di Comercio y Industria di Aruba a elegi un bestuur nobo pa e aña 2022, di sra. Mr. Monica Kock como presidente, sr. Gavril Mansur como vice-presidente y demas miembronan, sra. Wanda Broeksema, sr. Daniel Ferrara, sr. Gerardus (Geert) Weber, sr. Eugene Farro, sr. Diederik Kemmerling, sra. Lay Hing de Kort-Yee y sr. Omar Tromp y den e cuadro ey e bestuur nobo di Camera di Comercio a reuni cu Minister di Economia, Comunicacion y Desaroyo Sostenibel Mr. Geoffrey Wever riba varios tema di importancia pa economia di Aruba.

Camera di Comercio a informa Minister Wever di kier ta envolvi cu e implementacion di e topiconan di Landspakket cu ta regarda comercio, manera e reforma fiscal, mehoracion di e “level playing field”, reforma di leynan laboral. Minister Wever a duna bestuur di Camera di Comercio un splicacion di e trabounan cu ta den ehecucion relaciona cu e “economische hervormingen”.

Pa locual ta trata e “economische hervormingen” tin 4 projecto cu a wordo aproba dor di Ministerraad di Aruba cu a wordo identifica como e puntonan mas importante y necesario pa por tin un base solido pa economia di Aruba, entre otro (i) e eliminacion di “red tape” y un “one stop shop” pa permiso relaciona cu negoshi, (ii) implementacion di e mededingingsautoriteit y

(iii) apertura di banco na un forma mas acelera. Tur ta basa riba recomendacionnan di un consultancy firm Hulandes Economisch Bureau Amsterdam. Minister Wever a informa tambe cu den cuadro di transparencia e a solicita un reunion cu Parlamento di Aruba pa asina duna un presentacion di e 4 projectonan aki pa asina Parlamento di Aruba ta na altura di e trabounan cu ta den ehecucion.

Minister Wever a splica bestuur di Camera di Comercio cu promer lo duna Parlamento di Aruba un splicacion amplio y duna Parlamento tur e consehonan cu a wordo prepara pa Economisch Bureau Amsterdam y despues lo informa pueblo di Aruba tambe di esaki. Tambe Minister Wever a splica Camera di Comercio cu Minister di Economia ta trahando riba un programa di inversion pa proyectonan sostenibel pa asina crea oportunidadnan di inversion pa sector financiero y dunando un empuhe na economia di Aruba y na mes momento contribui na e transicion pa haci Aruba un pais sostenibel.

Minister Wever ta gradici e bestuur di Camera di Comercio saliente pa e tremendo trabou cu nan a desplega y ta desea señora Mr. Monica Kock y e bestuur nobo hopi excito y ta spera cu Ministerio di Economia y Camera di Comercio sigui traha hunto na bienestar di economia di Aruba.

Pagina 12

Diaranson 26 Januari 2022

UN PASO IMPORTANTE PA FORTIFICA CUIDO DI NOS MUCHANAN TA INICIO DI E OPLEIDING MBO-3 KINDEROPVANG Minister Tjon a duna di conoce cu esaki ta un dia hopi importante pa e mundo di kinderopvang, of manera ta mihor conoci na Aruba “Creche”. Den luna di November 2021, den e mesun sala na EPI, a termina cu e ultimo sessionan di e Codigo di Proteccion, caminda tur e leidsternan di e crechenan a haya e materia aki, pa asina por implementa esaki den nan trabounan diario. Na final di e sessionnan aki, ta unda oficialmente a duna di conoce cu e opleiding MBO niveau 3 pa kinderopvang lo bira un realidad y alaves acredita door di Directie Onderwijs.

E mandatario a splica di ta hopi satisfecho cu e realisacion di e opleiding aki, danki na e Sociaal Crisis Plan (SCP). Esaki ta un di motibonan dicon desde aña pasa, a boga pa continua cu e Sociaal Crisis Plan, apesar di a haya hopi contratiempo di oposicion den parlamento, paso oposicion no kier a prolonga e diferente contractnan den cuadro di e Sociaal Crisis Plan.

Si e prolongacion di e contractnan no lo a logra, e opleiding di awe no por ta un realidad. Minister Tjon a vocifera cu ta importante pa señala cu participantenan mes a indica di kier participa den e curso aki, algo cu a wordo determina por medio di un encuesta cu a wordo haci. Esnan cu ta participa den e opleiding aki, tambe ta hasi e pago necesario pa por participa.

E compromiso di Gabinete Wever-Croes II, muy en particular pa e tema di nos muchanan, ta pa contribui y yuda. Por medio di esaki, por bisa cu a dicidi di inverti den esaki, unda ta aloca fondo pa parcialmente cubri e gastonan di e curso, pa e participantenan. E inversionnan aki ta importante pa proteha y guia nos muchanan mas mihor ainda.

Pa conclui, Minster Tjon a duna di ta hopi satisfecho di por mira e opleiding aki bira un realidad, asina mira con e diferente metanan ta wordo cumpli, den e parti di asuntonan social.

E mandatario a duna di compronde, cu esaki ta mustra e importancia di e conexion entre ministerio di Asuntonan Social cu e Ministerio di Husticia, unda cu por medio di e inversionnan aki den e parti di asunton social, bo lo mira e frutonan di esaki den plaso largo den e parti di Husticia.

Pagina 13

Diaranson 26 Januari 2022

Minister Rocco Tjon:

TUR RECHERCHEUR DI JEUGD EN ZEDEN POLITIE AWORAKI TA CERTFICA PA VERHOOR MUCHANAN Y ASINA CONDUCI MIHO INVESTIGACIONNAN ENTRENAMENTO AKI A WORDO DUNA DOOR DI “KINTERVIEW” Ayera a termina cu e opleiding di “verhoor di minderjarigen" unda ta capacita 12 profesional di diferente departamento pa por conduci mihor investigacion den casonan di abuso sexual, asina e mandatario a duna di conoce. Minster Tjon a expresa di ta hopi satisfecho cu esaki, y a elabora cu December e parti teoretico di e curso a tuma luga, y awor nan a conclui cu e parti practico, y asina awor full “Jeugd&Zeden Politie” (JZP) ta certifica. Ademas di e profeshonalnan di JZP, a certifica e diferente psicologonan di Orthopedagogisch Centrum , Directie Voogdrijraad y KIA. Sigun Minister Tjon, den varios ocasion a wordo treci pa dilanti, cu e parti mas importante pa atende cu casonan di abuso sexual ta e investigacionnan cu ta wordo conduci. Esaki ta algo cu a wordo vocifera door di “Orde van Advocaten”, cu a yega di splica na parlamento cu locual ta parti di nan trabou, ora ta trata nan defensa den un caso asina ki, ta desacredita e investigacon cu ta wordo conduci. Por medio di hasi mihor investigacionnan y percura pa esakinan ta hermeticamente sera, ta permiti cu e inversionnan aki ta di balor agrega. Tin varios otro paso cu ta tumando luga, manera Ministerio Publico dentro di poco lo anuncia un “aanwijzing” nobo pa loke ta trata “opsporing”, ora ta trata di e tipo di casonan aki specificamente.

Minister Tjon a expresa di ta contento di a mira dos fiscal cu a presenta den nomber di Ministerio Publico pa e entrega di e certificadonan aki.

Kinterview ta un organisacion renombra riba e materianan aki, cu tin hopi aña di experiencia, ademas di tin hopi aña ta duna e cursonan aki na Hulanda, unda nan ta certifica polisnan Hulandes. Banda di esaki, a splica ayera na tur esnan cu a logra ricibi nan certificado y esnan presente, cu ya a logra cumpra tur e materialnan necesario pa por ekipa e “studioverhoorruimte” cu camaranan nobo, pa asina por cumpli cu tur e regla y normanan internacional, pa ora di presenta e investigacionnan aki dilanti un hues, por ta sigur cu e caso ta solido. Aworaki na Aruba por bisa cu tin suficiente profeshonalnan pa por conduci e investigacionnan aki na alto nivel, segun e mandatario.

Miniser Tjon lo kier termina cu gradici señora Daphny Tecklenborg, cu ta encarga cu e proyecto di “Family Justice Center” pa a organiza y maneha e curso aki. Ta importante

pa remarca cu tin varios combersacion cu a tuma lugar caba cu señora Tecklenborg, pa percura continiduad di e curso aki, pa asina den e añanan nos dilanti, constantemente e profeshonalnan keda haya e training nan necesario pa nan por keda altanto di e tema aki.

Pagina 14

Diaranson 26 Januari 2022

Minister di Deporte:

TA FELICITA EKIPO DI RCA CU A TITULA CAMPEON DI COPA BETICO CROES 2022 Diamars ultimo dia di Betico Minister Endy Croes tabata presente na Guillermo Prospero Trinidad na Dakota na unda a tuma luga e final di e campeonato di futbol Copa Betico Croes 2022. Den un tremendo encuentro final di futbol unda ekiponan di RCA & La Fama a topa otro. RCA a gana cu e score di 1- 0 y ta logra mantene su titulo pa di tres aña consecutivo di Copa Betico Croes.

Minister Endy Croes ta gradici Arubaanse Voetbal Bond ‘AVB’ p’e invitacion. Alabes ta felicita tur e ekiponan cu a participa ne campeonato haciendo e uno exitoso. Pa finalisa e mandatario ta duna palabra di danki n’e ekipo di AVB, referee y e boluntarionan cu ta traha cu amor y pasion pa deporte. AVB y deporte den su totalidad por conta cu sosten di Ministerio di Deporte. Masha pabien ne tricolornan di Solito!

Pagina 15

Diaranson 26 Januari 2022

MINISTER ENDY CROES A BISHITA SCOL BASICO COLEGIO ORA UBAO En conexion cu Dia di Betico Diabierna mainta Minister di Enseñansa y Deporte Endy Croes a bishita scol basico Colegio Ora Ubao na Tanki Leendert. E mandatario a wordo ricibi di un manera hopi special door di e alumnonan cu tabata para na entrada di scol cu bandera di Aruba den nan man. Durante e bishita Minister Endy Croes a comparti informacion di e historia, bida y trabou Betico Croes n’e alumnonan di e dos 6de klasnan. E meta ta p’e alumnonan conoce e historia y importancia di e lucha cu Betico a hiba pa henter e pueblo di Aruba pa por a logra e Status Aparte.

Ta importante pa conoce e historia di Status Aparte. Betico Croes a unifica e pueblo aki a traves di bin cu un bandera y himno. E alumnonan tabata scucha cu hopi atencion, tabatin hopi pregunta. Na final nos a haci e alumnonan pregunta y remarcabel ta cu e alumnonan tabata sa caba diferente faceta di e historia.

Despues di e presentacion nos a pasa saluda tur e klasnan.

Minister Endy Croes ta gradici e cabesante di e scol sra. Nanette Vingal Lacle, tur e docentenan y specialmente e alumnonan pe bunita recepcion y p’un mainta asina ameno. ‘Ban recorda y celebra Dia di Betico pe herencia bunita cu e la laga atras, nos Status Aparte’, e mandatario a finalisa.

Pagina 11

Diaranson 26 Januari 2022

Minister Endy Croes:

FUNDACION AUTISMO ARUBA (FAA) A PRESENTA PLANNAN PA 2022

Siman pasa hunto cu colega Minster di Husticia y Asuntonan Social Rocco Tjon nos a reuni cu directiva di Fundacion Autismo Aruba (FAA) unda nan a presenta algun material cu a wordo crea y e plannan pa cu aña 2022.

E mandatario a sigui bisa cu Fundacion Autismo Aruba a conduci diferente campaña durante aña 2021, pa asina conscientisa comunidad tocante e tematica di autismo y inclusion na Aruba. Durante e periodo aki FAA a logra traha cu diferente studiantenan pa asina crea material y plannan pa por sigui promove e tema di inclusion na Aruba, specialmente den areanan di educacion, social y salubridad.

Sr. Ken Thiel kende a finalisa su estudio na Hulanda a presenta su tesis titula “Recommendations to reduce the socio-structural barrier “access to training” faced by educators in mainstream primary schools of Aruba to provide ASD-inclusive education”.

Tambe sra. Shaylee Loopstok y sra. Jary-Ann Geerman di IPA a duna splicacion amplio na e madatarionan di e proyecto di “Fidget Toys Box” cu ta cosnan di hunga, cu facilmente bo por tene den bo man cu un meta positivo pa personanan cu entre otro ADHD, ADD, OCD y autismo. Door di hunga cu un di e fidget toy, e ta yuda cu concentracion, reduci stress y ansiedad. Tambe e ta yuda traha ariba e motoriek fini y ta stimula e coordinacion entre e man y wowo. Esakinan tur ta e motibonan pakico ‘fidget toys’ por wordo introduci / permiti den klas y na scol. Minister Endy Croes a sigui bisa durante e

reunion un punto cu a wordo treci pa dilanti ta pa por tin mas guia pa educadornan, Por ultimo, FAA ta den preparacion pa cu e siman di inclusion cu lo tuma luga na luna di april 2022.

Pagina 20

Diaranson 26 Januari 2022

E BARCO DI LIBERTAD TA UN SIMBOLO Y ICONO DI E LUCHA DI BETICO CROES Y STATUS APARTE Minister di Enseñansa y Deporte Endy Croes ta recorda e lucha di Betico Croes pa cu Status Aparte en conexion cu Dia di Betico. Dia 25 di januari ta e fecha natalicio di nos Libertador Betico Croes y si Betico tabata na bida e lo a cumpli 84 aña.

Importante pa nos tene e lucha di Betico Croes bibo den nos memoria traspasando esaki di generacion pa generacion. Loke Betico a logra pa e pueblo aki esta nos Status Aparte t’e piesa di mas importante cual a percura p’e desaroyo di nos pais.

Barco di Libertad un simbolo y icono di libertad: E ‘Barco di Libertad’ ta un simbolo y icono hopi importante di e lucha pa Status Aparte. Un grupo di amigo kendenan fielmente a sostene Betico den su lucha pa Status Aparte a dicidi di arma un truck “flatbom” cu speakers y sonido. Den final di añanan 70 y inicio di aña 80 den cayente di e lucha pa Status Aparte mundo no tabata conoce tecnologia manera celular, Facebook, whatsapp etc. Pues pa comunica cu pueblo e tempo aya ta “CB”, radio, television y corant tabata hunga un rol importante banda di telefon liña duro y pamfleta . E Barco di Libertad tabata sali practicamente tur atardi recore Aruba di skina pa skina pa asina hiba e mensahe di Betico den cuadro cu e lucha pa Status Aparte. Banda di esaki nan tabata toca musicanan di e partido MEP y cancionnan di Betico pero tambe musicanan sentimental pa crea mas aun e amor patria.

Betico na diferente reunionnan publico tabata usa e sistema di speaker di e Barco di Libertad pa comunica cu pueblo. E Barco di Libertad tabata compaña Betico durante paradanan di auto durante eleccion. Dia 24 di April 1983 tempo Betico a wordo tira riba veld di Nadi Croes/Crismo Angela (antes Winston) door di un agente policial, e Barco di Libertad tabata algun auto tras di e Jeep di Betico y a presencia esaki hopi di serca.

E ekipo di e Barco di Libertad tabata soldaatnan di e lucha hopi fiel y leal na Betico. Den cuadro di e importancia di e Barco di Libertad hibando e mensahe pa asina uni pueblo den e lucha nos ta sinti cu esaki mester su luga den historia y lo cuminsa canalisa e posibilidadnan.

Mas di historia BMW “Do the Whiper” y Barco di Libertad: E Barco di Libertad den inicio di añanan 90 a wordo traspasa pa e banda popular BMW. E Barco di Libertad a fungi como ‘flatbom’ truck di musica pa algun aña unda BMW tabata haci uso di dje den nan gloria. Sinembargo e Barco di Libertad e tempo ey su break, wiper y motor no tabata funciona debidamente. Den un parada na San Nicolas publico mester a pusha e Barco di Libertad cu a dal paga den parada cu BMW tocando nonestop pa e por a yega final. Di e storianan real aki BMW e banda popular di e tempo ey a composita e cantica inmortal “Do the Whiper” Barco di Libertad a wordo tuma bek: Den final di añanan 90 drentando aña 2000 Y2K a dicidi pa

tuma e Barco di Libertad bek for di organisacion BMW unda a repara esaki y a prepare pa eleccion. Eleccion 2001 e Barco di Libertad a subi caminda bek pa partido MEP unda MEP a gana aplastante cu 12 asiento. Ultimo eleccion cu e Barco di Libertad a subi caminda tabata na 2005. Pues e famoso Barco di Libertad kende tabata tin su rol importante den historia tin 16 aña awor hancra. Preparando pa celebracion di dia Nacional Dia di Betico 25 di januari proximo ta bon pa nos skirbi parti di e historia. Nombernan manera Len Besselink, Benny Vrolijk y otronan manera Jean, Dubero, Swindo Dubero, Quedais y Everaldo Croes (q.e.p.d) tabata algun di e militancia y ekipo di e Barco di Libertad. Lo sondea tur posibilidad pa duna e simbolo y icono aki su luga den e historia real di e lucha pa Status Aparte. Danki Betico pa bo vision y determinacion y danki pueblo pa a sostene e lucha di Status Aparte. Ban conserbe!

Pagina 21

Diaranson 26 Januari 2022

Minister Endy Croes:

LAGA NOS INCULCA DEN NOS YIUNAN E BALOR GRANDI DI STATUS APARTE Y E LUCHA DI BETICO CROES Minister di Enseñansa y Deporte Endy Croes ta felicita henter pueblo pa cu e dia Nacional cu nos ta celebra 25 di januari esta Dia di Betico.

Ken ta Betico?: Betico Croes a nace 25 di januari 1938 y si Betico tabata na bida e lo a cumpli 84 aña di edad. Betico a bin di e pueblo humilde di Sta Cruz y ta yiu di Panchico y Mimita (def). Betico tabata felizmente casa cu Glenda y e matrimonio aki a produci 4 yiu esta Gisette, Glenbert, Junior y Glendeline (Lalo). Nomber corecto di nos Libertador Betico Croes ta Gilberto François ( Betico) Croes. Betico tabata gusta deporte y musica. No solamente Betico a dirigi koor di Santa Cruz Maria Inmaculada Santa Cruz pero Betico tabatin su propio grupo esta Betico y su grupo cu ta pasa cas pa cas fin di aña tocando su acordeon y dande. Despues cu Betico a fayece e grupo a cambia di nomber y a bira Grupo di Betico. Betico a bay scol basico y a continua HBS na St. Dominicus College. Betico a sigui su estudio na Hulanda na Hilversum y a bira maestro di school.

Betico a regresa Aruba y a traha na Sint Jozef School esta Colegio San Hose pa 6 aña. Betico a sigui studia y a haal LO den Handelskennis y LO Spaans. Betico dspues a traha 2 aña na Colegio San Antonio na Sta Cruz di 1965 pa 1967.

Betico su amor pa Aruba: Betico tabatin un amor pa Aruba inmenso y a dicidi di subi lista politico pa duna aporte na su pais di un otro forma. Betico na 1971 a kibra cu AVP y 9 di Februari 1971 a lanta su propio partido Movimiento Electoral di Pueblo (MEP). Su determinacion ta pa saca Aruba for di constelacion Antiyano cu e momento ey tabata 6 isla unda e isla mas grandi cu ta Curaçao tabata esun dominante. Betico a bringa y lucha pa esaki esta pa nos Status Aparte. Un lucha incansabel di 15 aña prome cu Betico a logra.

Sinembargo e lucha no tabata facil.

Algun parti di e lucha: Na augustus 1962 Betico a forma parti di delegacion di Reino pa bay Surinam. Betico a planta bek e idea di Status Aparte pero lamentablemente otro politiconan a bisa cu Betico no por papia den nomber di Aruba como cu MEP e tempo ey a saca 7 asiento den su prome salida y Betico ta representa 7 asiento. Betico a bisanan ‘Mi ta bay bek consulta cu mi pueblo y lo mi bolbe’. Dia 18 di maart 1973 Betico a organisa un manifestacion masal den Wilhemina stadion momento parlamentarionan Hulandes tabata na Aruba cual tabata un impacto enorme.

Betico a unifica pueblo cu Himno y Bandera: Den e proceso Betico a boga pa union pa asina henter e pueblo por sostene e lucha. Betico a forma un comision pa Aruba por haña su propio bandera y himno. Dia 18 di maart 1976 nos bunita bandera a bay halto den Wilhemina stadion y nos himno Aruba Dushi Tera a resona. Esaki a crea un impacto di orguyo den nos Arubianonan unda mas y mas hende cu un amor patria

a acerca pa sostene e lucha di Status Aparte. 25 di maart 1977 a organisa un Referendum pa pueblo mes por dicidi su futuro a traves di Voz di pueblo ta voz di Dios. ( Vox Populi, Vox Dei).

Lamentablemente AVP cu su lider nobo e tempo aya Henny Eman a pidi tur hende pa NO bay vota pidiendo tur hende pa bay lama e dia ey. Pueblo a reacciona masalmente cu 82.5% di voto na fabor pa Status Aparte. Aprobando di e manera aki e lucha di Betico cu un sosten incondicional.

Augustus scur na aña 1977: Na aña 1977 MEP a obtene 5 di e total di 8 asientonan pa cu Parlamento di Antias durante eleccion. Lamentablemente Gobierno Central a yuda pa PPA e tempo aya a laga MEP for di gobierno. Esaki a trece cune un ola di manifesto cu a desemboca den augustus scur momento cu WEB a cay afor y Aruba den pleno Blackout mester a manda refuerso di Riot Comando di Curaçao pa purba trece trankilidad. Tironan a cay riba nos hendenan cual tambe ta forma parti historia. Riot Comando hasta a drenta cas di mayornan di Betico na Sta Cruz na un manera inhusto pero e lucha a continua. Na 1978 Betico ta wordo encarcela pa 7 dia momento a haña un revolver bou di asiento di su auto mientras nunca por a prueba cu ta di dje.

Pueblo a compaña Betico hibe prizon pero manera e mes a bisa semper e lucha ta continua.

Aruba ta logra Status Aparte: Dia 12 di maart 1983 durante conferencia di mesa redonda na Den Haag Ruud Lubber a expresa na final e palabranan historico ‘ De Kogel is door de Kerk’. Akinan Betico y delegacion den nomber di Aruba a logra convence e Hulandesnan y Aruba a haña su Status Aparte entrente 1 di januari 1986 y pues tabatin 3 aña pa prepara esaki.

Betico ta wordo tira: Dia 24 di april 1983 Betico yegando veld di Nadi Croes/Crismo Angela (veld di Winston antes) a wordo tira pa un agente policial. Masa y pueblo a bay for di control. A hiba Betico Merca y despues di varios operacion Betico ta recupera y ta sigui cu e lucha. Finalmente dia 31 di december 1985 rond 9pm anochi pues 3 ora prome cu aña nobo unda nos mester celebra e logro di Betico su lucha Betico ta accidenta bay 11 luna den coma y ta fayece na Hulanda na un edad di 48 aña y nunca a biba pa mira su propio lucha wordo cristalisa.

Betico a laga logronan grandi atras: Betico cu Status Aparte a logra pa Aruba tin su propio Gobierno, Parlamento, Gobernador, Procurador General,, Banco Central, Moneda, Himno, Bandera, Ortografia. Pues a laga un herencia valioso pa nos y manera el a bisa na su yegada di Hulanda. Dia cu nos Status Aparte mester wordo menasa esaki lo significa guera.. Danki Betico y ban celebra dia di Betico y traspasa e historia pa nos futuro generacionnan.

Pagina 16

Diaranson 26 Januari 2022

MINISTER GLENBERT CROES A RICIBI MINISTER RUTHMILDA LARMONIE-CECILIA

Recientemente Minister Glenbert Croes tabatin e placer di ricibi den su despacho su Colega di Corsou, Minister di Desaroyo Social, Labor y Bienestar, Señora Ruthmilda Larmonie-Cecilia.

Un reunion interesante durante cual a subraya e hermandad entre ambos pais, comparti ideanan y a explora e posibilidadnan di trabounan hunto en vista cu ambos pais ta practicamente enfrentando e mesun retonan riba tereno laboral. Pero tambe riba tereno internacional lo sigui traha hunto pa para como dos ruman pa logra e miho pa nos respectivo paisnan.

Den cuadro di Dia di Betico, tabata pa Minister Glenbert Croes un placer di por a entrega na Señora Ministro, e buki di e historia di nos Libertador como un gesto di gratitud pa su bishita. E mandatario di Aruba a palabra cu su colega di Corsou di lo haci un bishita oficial pronto na su Pais pa hunto sigui lucha

pa pone nos pueblonan bek riba pia riba tereno laboral. Ambos Pais por siña di e experencianan di otro.

Diaranson 26 Januari 2022

Pagina 17

MENSAHE DI MINISTER GLENBERT CROES PA DIA DI BETICO

Riba 25 di januari 1938 nos Libertador a nace. E tempo ey ainda ningun hende tabata sa cu tabata poni den su destino cu Betico lo ta e gran Lider di nos pueblo pa realisa su Libertad.

El a skirbi historia di nos Pais. El a skirbi historia di Reino Hulandes unda cu el a logra pa Aruba bira pais den Reino Hulandes, hayando su Status Aparte.

Awor nos mester saca fruto di recorda su memoria. Pakico nos ta corda y recorda, balora e memoria di lucha di Libertad y bida di nos Libertador? Pa e historia cu nos cada un como conciudadanonan mester skirbi den nos propio bida: con nos ta bay duna balor na nos propio bida, con nos ta bay duna balor na nos propio historia y con esaki por contribui na e desaroyo, progreso, felicidad y bienestar pa nos Pais y henter nos digno pueblo di Aruba. Esey ta e gran reflexion cu nos mester haci.

Riba Dia di Betico laga nos probecha e dia aki pa comparti cu otro, record’e. Cu su memoria inspira nos den nos propio caminda di bida y asina yuda nos cada un sigui haci Aruba miho, mas grandi, mas positivo, mas prospero, mientras nos ta saliendo di momentonan dificil di entre otro e pandemia. Ban keda rindi tributo grandi na un homber cu a sacrifica su bida pa e Libertad di Aruba y pa nos balora su sacrificio, honrando e Libertad cu nos propio ehempel, cu nos propio conducta, cu nos propio amor, cu nos propio compromiso. Laga e amor patrio cu a gui’e pa lidera nos Pais, laga riba un dia manera awe, laga nos amor pa Aruba guia nos pa nos por contribui na hiba Aruba den un miho rumbo.

Feliz Dia di Betico na henter digno pueblo di Aruba.

Pagina 22

Diaranson 26 Januari 2022

MINISTER GLENBERT CROES TA GRADICI Y FELICITA TUR CU A HACI DIA DI BETICO UN BUNITA CELEBRACION

Betico lo ta feliz pa wak con el a wordo recorda y su bida celebra.

Como yiu di Betico y Minister di Gobierno di Aruba, e ta un gran satisfaccion pa por a bishita diferente actividad relaciona cu e dia aki pa compaña nos pueblo den su añoransa pa e gran homber aki.

“Mi kier cuminsa cu gradici nos Pueblo di curason, cu tur 25 di januari ta celebra nos Libertador su bida recordand’e profundamente.

Mi ta gradici Minister Xiomara Maduro, un Minister dedica na mantene e cultura di nos Pais bibo, algo cu pa Betico tambe tabata hopi importante. Mi admiracion y gratitud pa e Comision Celebracion Dianan Nacional, cu tur aña ta traha cu amor y dedicacion pa haci nos dianan nacional inolvidabel pa tur.”

E aña aki e comision a bin cu un actividad nobo cu ta hopi educativo. Na tur docente cu a compila y traha e documentario di nos Libertador, e documentario a mustra nos imagennan cu nunca antes nos a wak. Na e grupo di docentenan cu a traha e contenido pa e “Kibra Coco” quiz, cu esaki ta e prome di hopi mas pa bini.

Ta importante pa nos mantene e memoria di nos Libertador bibo. Mas importante aun ta pa conta e historia corecto. Como yiu di Betico y Minister di Gobierno di Aruba, nos nunca a desea pa elimina ningun parti di e historia di nos Pais. Nos

historia a forma nos como pueblo y como Pais. P’esey hamas nos mester acepta y mester keda lucha pa e historia corecto y completo di nos Libertador Betico Croes keda transmiti pa nos muchanan.

Cu su recuerdo y su historia sigui inspira tur nos muchanan, hobennan y nos Pueblo henter pa nos conserva y defende e ARUBA liber, cu su Status Aparte, como Pais den Reino Hulandes. Awor mas cu nunca nos mester lucha hunto pa Aruba su recuperacion Economico y Social pa sigura asina un prosperidad husto pa un y TUR cu ta biba riba nos Baranca Stima: Aruba.

Pagina 23

Diaranson 26 Januari 2022

Minister Besaril na celebracio Dia di Betico:

‘TA SUMAMENTE IMPORTANTE PA OTRO AÑA RECORDA CUARENTA AÑA DI RONDE TAFEL CONFERENTIE Y E LUCHA DI SR. BETICO CROES PA STATUS APARTE DI ARUBA’ Personal di Arubahuis a tene na antesala di Dia di Betico, un ceremonia pa recorda natalicio di Sr. Gilberto Françoise “Betico” Croes, politico y estadista Arubiano. Minister Plenipotenciario Guillfred Besaril a pone un flor na e busto di Betico Croes.

Prome cu e acto aki sr. Besaril a tene un discurso den cual e mandatario a para keto riba e dia aki, e significacion y importancia di e persona Betico Croes pa historia di Aruba.

E mandatario a bisa cu otro aña sr. Betico Croes na bida lo a haci 85 aña y alabes ta un fecha pa duna balor na e lucha di sr. Betico Croes. ‘Detayenan manera un lucha di tanto aña y toch bo ta un architeco di un proyecto cu na momento cu nos a mira e realisacion di Status Aparte, bo mes no a mire cu bo wowonan. E aña aki ta un aña hopi importante pa nos cuminsa prepara, ya cu otro aña na 2023 ta bira cuarenta aña di e Ronde Tafel Conferentie cu a tuma na 1983 den cual definitivamente Aruba a pone su firma hunto cu Hulanda pa nos realisa e Status Aparte cu nos a sa di mira y sa di ta den dje na aña 1986. Pues awe e ta un preambulo na e cuarente aña di e Ronde Tafel Conferentie y e ta un preambulo di bo por bisa e momento di realisacion di un lucha cu ta bale la pena pa bo por para keto na dje y mira kico ela trece pa nos, despues di cuarenta aña di a firma e tratado di Mesa Rondo y 37 aña di Status Aparte pa Aruba.’

Sr. Besaril a bisa cu riba e dia aki ta recorda un gran homber cu a hiba un lucha cu a sa di pone Aruba te cu unda e isla ta den 37 aña y cu tin un storia su tras cu sr. Besaril ta spera cu e aña aki alcansa na haci e preparacionnan nesesario cu pa otro aña – cu ta un fecha asina importante – por recorda parti grandi di e lucha di sr. Betico Croes. Minister Besaril: ‘Awe nos ta para keto, nos ta pone un flor y nos ta gradici sr. Betico (dfm) pa e herencia cu ela laga pa nos y pa loke ela nifica pa un nacion cu ta chikito den tamaño, pero sigur grandi den

curason, Riba e dia aki sr. Betico Croes ta den nos memoria bou di e comunidad Arubiano na Hulanda, como bou nos hendenan na Aruba.’

E ceremonia a termina cu cantamento di nos himno nacional ‘Aruba Dushi Tera’.

Pagina 25

Diaranson 26 Januari 2022

Departamento di Salud Publico:

UPDATE 26 DI JANUARI 2022 Segun resumen di awe 164 persona a recupera y un total di 38 caso nobo di COVID-19 a keda registra di cual 9 ta noresidente. E cifranan aki ta representa un ‘Positivity rate’ bou di nos residentenan di 54%.

E cantidad di casonan activo di COVID-19 pa awe ta 356 y cantidad di fayecidonan relaciona cu COVID-19 ta 193. Datos ta ilustra casonan nobo di COVID cu un averahe semanal di

137 caso pa dia y un averahe di ‘Positivity rate’ semanal di 53% pa dia.

Actualmente na Aruba tin 41 persona interna cu of debi na COVID di cual den ICU tin 3 persona y riba piso general tin 38.

Na Colombia tin actualmente 6 persona den ICU y ninguno (0) riba piso general.

Pagina 20

Diaranson 26 Januari 2022