Diabierna 26 Maart 2021
Diabierna 26 Maart 2021
Pagina 1
Email: IslaOnline@gobierno.aw Tel: 528-4900
Pagina 2
Diabierna 26 Maart 2021
Prome Minister Evelyn Wever-Croes: Riba Dia Mundial di Down Syndrome
PROME MINISTER TA RICIBI BUNITA RECUERDO DI CONSCIENTISACION FOR DI FUNDACION ‘SEA BUNITA, SEA BO MES’
Dia 21 di maart, mundo henter a celebra e Dia mundial di Down Syndrome. Esaki ta un dia especial dedica na nos hendenan especial cu down syndrome. Un mundo den cual nos hendenan special ta inclui, ta un mundo miho. Inclusion den enseñasa, mercado laboral, cuido, vivienda. Participacion en general den nos comunidad. “Na Aruba tin hopi ehempel di inclusion. Un ehempel hopi bunita y personal di esaki pa mi ta ora cu dos aña pasa mi a brasa nos reina hubenil di carnaval, Ilaijah, un mucha muhe special, cu a demostra cu e por y el’a logra. Un otro ehempel personal pa mi ta e anochi di modelahe organisa dos aña pasa pa Fundacion Sea Bunita Sea bo mes, na unda cu mi a participa pa di prome biaha como modelo hunto cu nos muchanan special”, Prome Minister Evelyn Wever-Croes a duna di conoce. Fundacion ‘Sea Bunita, Sea bo mes’ riba e dia special aki, como conscientisacion di Down Syndrome, a regala Prome Minister un bunita tapaboca y su Kalender 2021. Prome Minister ta gradici e fundacion pa e gesto bunita aki.
“Un persona cu Down Syndrome a nace cu un extra chromosome, T21, y e extra chromosome aki por trece hopi hopi alegria den nos bida, si nos duna nos hendenan special espacio y oportunidad pa desaroya. Un mundo inclusivo, sin duda lo ta un miho mundo. Ban sigui duna di nos parti pa tur nos muchanan y hendenan special, den inclusion, por y logra metanan grandi”, Prome Minister Evelyn Wever-Croes a expresa.
Pagina 3
Diabierna 26 Maart 2021
Gobierno di Aruba, Prome Minister Evelyn Wever-Croes:
REUNION VIRTUAL CU COMMISSIE VERSTERKING DEMOCRATISCH BESTEL
“Nos mester fortifica nos colegionan halto di estado pa nan por haci nan trabou di controla gobierno”
Diahuebs den forma virtual, Prome Minister Evelyn WeverCroes a reuni cu ‘Commissie Versterking Democratisch Bestel’. Pa Gabinete Wever-Croes, nos colegionan halto di estado mester funciona miho posibel na bienestar di nos pais. Prome Minister a institui ‘Commissie Versterking Democratisch Bestel’ pa fortifica nos colegionan halto di estado, manera Raad van Advies, Algemene Rekenkamer, Parlamento y institui un Ombudsman. E trabounan di e comision a wordo parti den 3 tranche. Den e prome tranche a traha riba modernisa e ley di Raad van Advies. Esaki Prome Minister a indica cu tawata pendiente pa hopi tempo. Tambe a haci trabounan pa ancra e Ombudsman den nos Constitucion pa dun’e mas forsa. E cambionan aki mester wordo ancra den nos Constitucion y pa esaki Parlamento mester aprobe cu 2/3 parti. E leynan aki ta na Parlamento awor.
E di dos tranche ta independisacion di Parlamento. Esaki e comision no por traha riba dje, pasobra e ta un iniciativa di Parlamento mes. E comision lo duna asistencia na esaki caminda cu tin mester. Cu e cambionan proponi, kier logra un Parlamento mas independiente y mas fuerte. E di tres tranche ta Algemene Rekenkamer. E trabounan a cuminsa caba y ta bastante avansa. “Pa Gabinete Wever-Croes, garantisa un democracia fuerte, y miho control riba maneho y ehecucion door di gobiernonan, nos mester fortifica nos colegionan halto di estado pa nan por haci nan trabou di controla gobierno”, Prome Minister a enfatisa.
Pagina 4
Diabierna 26 Maart 2021
TRABOUNAN DI ASFALTAMENTO NA ST. CRUZ TA KEDANDO CLA Recordatorio cu ora nos personalnan hala e baricadanan eora automobilistanan ta permiti core riba e caminda. Nos siguiente caminda riba lista pa asfalta ta Sero Alejandro. Cuminsando otro siman dialuna dia 29 di maart 2021 te cu diaranson dia 31 di maart 2021 lo cuminsa cu trabounan di preparacion pa diahuebs dia 1 di april 2021 nos asfalta. E caminda cu lo wordo asfalta lo ta di Sero Alejandro 17F te cu Sero Alejandro 17D. Orario di trabou lo di 8’or di mainta te 4’or di atardi. Por fabor tene cuenta.
Pagina 5
Diabierna 26 Maart 2021
Medidanan cu ta na Vigor Entre 27 maart te cu 11 april
Toque de Queda: 10’or p.m. - 5’or a.m. SHOPPING/ COMPRAS • 1 persona so di cada famia. • Supermercado y Hardware stores mester limita clientela na 50% door di uza 50% menos garoshi of macutu. • Ta bira recomendabel pa bisti tapa boca pafo tambe den caso cu no por mantene distancia di 1.5 meter. • Ora di cera ta 9’or p.m.
HORECA • Cantidad di persona adulto na mesa den restaurant paden y pafo ta 4 maximo (muchanan bou di 12 aña no ta conta den e regla). • No ta permiti baliamento. • Bar ta keda cera. • No ta permiti: para of sinta na un bar, keda para den un restaurant, bo mester ta sinta pa haya servicio. • Ora di cera ta 9’or p.m.
BEBIDANAN ALCOHOLICO No ta permiti: bebe of tin den bo posesion cu e intencion pa bebe, bebida alcoholico den auto riba caya, canto di caminda, canto di lama, riba Rif y den parkeerplaats.
CASNAN DI CUIDO Casnan di cuido di nos grandinan tin medidanan di precaucion.
SCHOOL • Tur scol lo sera 3 dia prome cu vakantie cuminsando dialuna 29 di maart, cu exepcion pa e alumnonan cu ta den examen, CP of toetsweek. E alumnonan aki por bai scol pa traha e SE, CP of toets. • Camping of actividad pa mucha di scol durante vakantie no ta permiti. • Creche por keda habri.
DEPORTE • Tur deporte organisa y structura di tur edad, ta permiti sin limite di atleta, coach/trainer, pero sin publico. • Mester ta pertenece na ASU, COA of registra na IBISA. • Mester registra nomber di esnan cu ta train/competi cu fecha hunto pa un periodo di 2 siman cada bes y pa tur edad. • IBISA lo controla. • Bush League y Contact Sport den tur edad ainda no ta permiti.
ENCUENTRO SOCIAL NA CAS • No ta permiti Actividad Social na cas. • Bishita familiar (limita), di cuido of medico ta permiti.
ENTRETENIMENTO MUSICAL Entretenimiento musical por tin pero unicamente cu 1 musico, background music.
www.arubacovid19.org
GEBIEDS- EN SAMENSCHOLINGVERBOD/AGLOMERACION • Prohibicion pa aglomera riba espacionan publico, manera parkeerplaats, beach y Rif desde 7’or pm te cu 5’or am. • No ta permiti pa ta riba Rif durante di Toque de queda. • Samenscholingsverbod: 2 persona maximo por ta hunto. • Campamento no ta wordo permiti. • Celebracionnan/Fiesta “Drive by” of “Drive thru” no ta permiti.
GYM Localidad di haci ehercicio no por ta habri.
ENTIERO No ta permiti mas cu 10 persona paden na e mesun momento.
RIBA LAMA Boto y yate no ta permiti aglomeracion; no mas di 4 persona. Catamaran y boto di charter 50% capasidad.
PERMISO PA ACTIVIDAD Permisonan pa actividadnan publico durante e periodo aki no lo wordo otorga.
Pagina 6
Diabierna 26 Maart 2021
MINISTER XIOMARA MADURO A RICIBI BISHITA DI DOS HOBEN EMPRENDEDOR DI KOFFIE ‘KOMPA NANZI’ Minister Xiomara Maduro a ricibi bishita di dos hoben emprendedor David Kock Jr. di 17 aña y Daniel Kock di 16 aña hunto cu nan tata David Kock. Durante e encuentro aki e dos hobennan aki a presenta Minister Maduro nan producto di koffie ‘Kompa Nanzi’ traha localmente. David Jr. y Daniel na edad hoben a establece un compania di koffie ‘Kompa Nanzi’ cu ta procesa y produci koffie localmente. E bonchinan di koffie ta 100% arabica, certifica organico, artesenalmente tosta y empaketa localmente. E nomber di e koffie ‘Kompa Nanzi’ ta pa simbolisa cu e koffie ta un producto crioyo. ‘Kompa Nanzi’ ta un koffie cu no tin mester di agrega suco na dje y ta bunita empaketa. Riba e paki tin e figuranan di e historia di Kompa Nanzi y tambe un historia cortico tocante Kompa Nanzi. Pronto e koffie ‘Kompa Nanzi’ lo ta obtenibel rond Aruba. E mandatario ta masha orguyoso di e dos hobennan emprendedor David Jr. y Daniel, cu ta un bon ehempel y inspiracion pa otro hobennan. Dos hoben cu apoyo di nan mayornan a tuma e curashi di bini cu un producto local y lanta nan propio negoshi. Pa Minister Xiomara Maduro tabata un placer di a reuni cu e hobennan emprendedor y ta desea e David Jr. y Daniel hopi exito cu nan compania ‘Kompa Nanzi y a gradici e hobennan pa contribui na economia di nos Pais na un edad asina hoben.
Diabierna 26 Maart 2021
MINISTER DI XIOMARA MADURO A BISHITA SCOL CAIQUETIO Otro scol cu Minister Xiomara Maduro y Minister President Evelyn Wever-Croes a bishita en conexion cu e celebracion di 45 aña di Dia di Himno y Bandera ta Scol Caiquetio. Tabata bunita pa mira full e famia di Caiquetio Scol hisa bandera y canta nos himno. E mandatarionan a presencia un bunita show y tabata un placer pa mira con les a wordo duna cu e buki 'Mucha Crioyo Mi Ta.' En conexion cu 45 aña di nos Himno y Bandera, Ministerio di Finansa, Asuntonan Economico y Cultura a percura pa tur scol primario, scol basico y scol special ricibi e buki bunita aki scirbi pa Edselyn S Figaroa pa asina tur muchanan por haya tur informacion importante di nos simbolanan nacional. Masha danki na staf y alumnonan di scol Caiquetio pa a brinda e oportunidad pa por a bishita e scol.
Pagina 7
Pagina 12
Diabierna 26 Maart 2021
Minister Andin Bikker:
A ADAPTA MANEHO DI ESTADIA REFERENTE DEPORTISTA Y ENTRENADORNAN TENIENDO CUENTA CU PETICION DI CLUBNAN DEPORTIVO Pa sigui promove deporte como pasatempo sano
Ya pa basta tempo clubnan y asociacionan deportivo cu tin deportista of entrenador cu ta depende di permiso anual, tabata pidi un reevaluacion di e maneho delinea den e “Toelatingshandboek” di 2017 y 2018 di DIMAS, pa cu deportista y entrenandornan. E maneho cual ta data di prome cu aña 2017, tabata limita e estadia di deportistanan y entrenadornan na maximo 4 aña (3 aña + maximo 1 aña di prolongacion). E clubnan y asociacionan deportivo sinembargo ta argumenta cu e inversion haci of experticio cu ta wordo obteni den e periodo di maximo 4 aña pa cu un deportista of un entrenador, ta bay completamente perdi ora e bandona Aruba y pues mester cuminsa full di nobo. Dunando oido na e preocupacion menciona y mirando cu desde e cambio di ley di admicion y expulsion fin di aña 2018 (AB 2018 no. 70) ya no tin un restriccion en general di maximo 4 permiso, Minister di Husticia, Seguridad y Integracion mr. Andin Bikker a dicidi, den consulta cu DIMAS, di adapta e maneho di tal forma cu periodo di maximo 4 aña no ta aplicabel mas: si por ehempel un club of asociacion deportivo den nan discrecion ta di opinion cu un hungador of entrenador ta sigui ta necesario pa e team, y e ta cumpli cu tur rekisito, e hungador of entrenador, a base di un aplicacion conhunto cu e club of asociacion, lo por bin na remarca pa prolongacion di mas cu 4 permiso. Cu e ahustacion di maneho menciona por tin mas continuidad pa sigui promove deporte, cual ta tene nos hobennan riba e bon caminda cu pasatempo sano y asina contribui na seguridad y bienestar general.
E maneho di Minister Bikker pa cu mantencion di orden publico y seguridad ta uno hopi amplio y ta basa entre otro riba prevencion a base di pasatempo sano den cual deporte y musica tin un rol importante. Den e cuadro menciona Minister Bikker, conhuntamente cu Minister di Husticia di Hulanda y Minister di Enseñansa di Aruba, a logra institucion di por ehempel Leerorkest Aruba.
Pagina 13
Diabierna 26 Maart 2021
Minister Andin Bikker:
BRANDWEER CU EKIPO NOBO DI OXIGENO ESENCIAL PA NAN SEGURIDAD Awe un parti importante di e sistema pa aparatonan nobo di oxigeno, cual ta esencial pa seguridad di e bomberonan ora di combati candela, a yega na Departamento di Bombero di Aruba. Mirando e duracion di uso (‘lifespan’), e ekiponan aki eigenlijk mester a wordo cambia ya durante e Gobernacion anterior, pero no a logra haya e debido atencion. No obstante e retonan financiero hereda y e situacion di COVID-19, Minister Andin Bikker cu e sosten di coleganan di Gabinete Wever-Croes a logra pa por reemplasa e aparatonan aki cu aparatonan di oxigeno completamente nobo y moderno. No tabata fasil mirando e retonan menciona, pero den cuadro di e maneho cu e ser humano ta central y cu Bendicion di nos Creador, tur meta positivo ta posibel. Minister Bikker ta gradici Sindicato SINBA pa e esfuerso continuo di trece e preocupacion y sugerecianan constructivo di nan miembronan dilanti y tambe e Management Team DBA, cu a logra encamina e proceso pa por a busca e ekiponan esencial di oxigeno pa seguridad di e bomberonan. Di e reaccionan ricibi Minister Bikker por a tuma nota cu Cuerpo di Bombero y Sindicato SINBA ta hopi contento cu e logro importante aki. Pronto, asina cu e situacion di COVID-19 normalisa, lo ta bay tin un momento pa haci entrega oficial di e ekiponan na e miembronan di Cuerpo di Bombero.
Pagina 14
Diabierna 26 Maart 2021
Minister Dangui Oduber:
GOBIERNO DI HULANDA A APROBA PA NOS POR HABRI E PROGRAMMA DI VACUNA PA TUR GRUPO
Nos a haya mas vacuna y lo aumenta nos capacidad di vacuna pa dia Aruba a prepara for di luna di december 2020 pa yegada di e vacunanan. Un team consisitiendo di ministerio di turismo, salud publico y deporte, DVG, BRA, DOW, KPA, VDA y Setar a traha riba un plan di ehecucion pa manera e vacunanan yega nos por distribui esaki. Aruba tawata hopi bon prepara y nos a cuminsa e proceso di pre registra pa vacuna dia 1 februari 2021. E promer batch di vacuna a yega Aruba 16 februari 2020 caminda nos a ricibi 11.700 vacuna y pa su mayan atardi nos a cuminsa distribui esaki mesora. Consequentemente nos a ricibi e di dos batch 9 maart 2021 caminda nos a ricibi 12.870 vacuna. Nos tin varios siman haciendo peticion na Hulanda pa nos por haya mas vacuna. Nos ta sumamente contento y agradecido die hecho cu Hulanda a bai di acuerdo pa manda mas vacuna pa nos diamars 23 maart 2021. Esaki ta debi na e e cantidad di registracion cu nos tin caba, E capacidad di duna vacuna cu nos tin, E eficiencia di nos proceso Y tambe e cantidad di hende vacuna caba na Aruba. Hulanda a manda 5850 vacuna extra vacuna pa nos y nos a ricibi 17.550 vacuna. Conforme nos strategia y cumpliendo cu e palabracionan haci cu RIVM nos a reparti Aruba den 6 grupo pa duna e vacuna. E 6 gruponan a wordo compart den: Dunadornan di cuido acute zorg as Nos grandinan y esnan cu limitacion fysico den casnan di cuido Nos grandinan riba 60 anja Resto di dunadornan di cuido Esnan entre 18-60 anja cu condicion fysico E resto di 18-60 Nos a cuminsa registra hende pa tuma vacuna dia 1 februari 2021 y awe despues di 8 siman nos ta hopi satisfecho cu e cantidad grandisimo di hende cu ja caba a registra pa haya e vacuna. Nos a yega 35.000 persona registra y esaki ta 36% caba di nos populacion cu kier haya e vacuna.
Teniendo cuenta cu e interes grandi cu tin na Aruba pa vacuna, diamars ultimo secretario di estad di VWS Paul Blokhuis a informa nos cu nos por habri e programma di vacuna pa tur grupo. Es decir tur hende entre 18-60 anja por bin na remarke pa haya e vacuna. Naturalmente nos prioridad ta keda pa duna vacuna na esnan riba 60 anja y tambe esnan entre 18-60 cu un condicion fysico pero por duna tur otro tambe cu tin deseo di haya nan vacuna. Sigur esaki ta bon noticia pasobra nos por vacuna mas hopi hende mas liber posibel. Den apenas algun siman nos ta yegando 14.000 persona cu ja caba a haya e vacuna y Aruba ta den e top 5 paisnan di mundo cu ta duna mas vacuna pa dia. E vacuna ta nos solucion pa nos por vence e pandemia. E vacuna lo reduci e cantidad di hospitalisacion, e lo reduci cantidad di personan cu por fayece y finalmente yuda nos pa e pais aki por progresa bek. Awor cu nos a ricibi mas vacuna danki na esfuerzonan haci nos lo aumenta nos capacidad di vacuna pa dia. Nos ta recomenda tur hende pa sigui registra via e Aruba Health app of na un di e 4 MFA nan.
Diabierna 26 Maart 2021
PRESENTACION DI MINISTER DANGUI ODUBER CONFERENCIA DI PRENSA 26 MAART 2021:
Pagina 15
Pagina 16
Diabierna 26 Maart 2021
Crisis Team ta informa:
CAMBIONAN DI MANEHO PA REDUCI TRANSMISION DI COVID-19
Aruba ta experenciando aumento drastico den casonan di COVID-19 un bes mas. E casonan cu recientemente ta keda registra ta reparti rond Aruba y den diferente categoria di edad. Nos hospital na e momento aki a bati alarma, informando cu e capasidad pa cuido intensivo ta birando limita. Ta di gran importancia pa frena e transmision di e virus mas pronto posibel pa evita un brote mas grandi y pa por haci esaki, medidanan extra mester wordo tuma pa cu e diferente categorianan di edad unda e risico di transmision ta mas grandi. Pa e motibo aki cu e siguiente medidanan lo drenta na vigor entrante 27 di maart 2021 te cu 11 april 2021 y prome cu e fecha aki lo evalua si e medidanan ta dunando efecto of si mester ahusta. • Toque de Queda su orario ta bira di 10:00 pm pa 5:00 am y orario di ciere ta bira 9:00 pm • Tur scol lo sera 3 dia prome cu vakantie cuminsando dialuna 29 di maart, cu exepcion pa e alumnonan cu ta den examen, CP of toetsweek e alumnonan aki ta bay scol pa haci esakinan. • Gym/ localidad di ehercicio no por ta habri • Supermercado y hardware stores mester limita clientela cu 50%. Esaki mester wordo haci door di pone menos garoshi y macuto. • Campamento no por sigui • Programa pa mucha durante vakantie di scol of cualkier actividad pa mucha di scol no ta permiti. Cresh lo por keda habri. • Evento di drive by ‘celebracion’ of cualkier drive thru cu meta ta uno social mester wordo cansela y no por wordo organisa • Establesimentonan cu bar/restaurant verguning por duna servicio na maximo 4 persona na mesa paden y pafo. No
ta importa si ta famia of amistad. Maximo di persona na mesa ta 4, mucha bou 12 aña no ta wordo conta na mesa RECORDATORIO • Actividad social/ familiar na cas sea paden of pafo ta wordo altamente desconseha. • Bishita di famia na cas pa atende cu cuido general, cuido medico of emocional ta un nesesidad permisibel. Ehempel di esakinan ta hiba remedi, cuminda of duna atencion social na un mayor of familiar cu por ta biba su so of ta depende di cuido di un otro. Minimalisa contacto directo y uza tur medida di proteccion manera tapa boca y un bon higiena di man. Tambe limita e cantidad di persona pa bishita. • Entretenimiento musical por tuma lugar unicamente cu 1 presentador of musico. Ta conseha musiconan pa mantene e musica abou pa evita cu clientenan tin pa forsa pa papia of grita na momento di comunica cu otro. • Bar y rumshop ta permanese sera • Entiero/ Funeraria por tuma lugar cu maximo 10 persona. • Prohibicion di uzo di alcohol of e intencion di uzo di alcohol riba caminda of espacio publico ta sigui vigente • Samenscholing ta keda maximo 2 persona riba caminda of espacio publico • Gebiedsverbod riba tereno publico manera parkeerplaats of canto di caminda ta sigui na vigor Cu anuncio di e cambionan aki riba mensiona, Crisis Team ta spera di por yuda comunidad den reduci e plamamento di e virus. Ta importante pa hunto cu tur e medidanan nos sigui mantene y eherce e medidanan di proteccion basico cu ta laba man frecuentemente, bistimento di tapa boca corectamente, mantene distancia fisico di 1.5 meter y evita espacionan unda tin aglomeracion di hende. Tur demas medida ya menciona anteriormente ta keda na vigor tambe.
Diabierna 26 Maart 2021
PRESENTACION DI CRISIS TEAM CONFERENCIA DI PRENSA 26 MAART 2021:
Pagina 17
Pagina 18
Diabierna 26 Maart 2021
PRESENTACION DI CRISIS TEAM CONFERENCIA DI PRENSA 26 MAART 2021:
Pagina 19
Diabierna 26 Maart 2021
Departamento di Salud Publico:
UPDATE 26 DI MAART 2021 Segun resumen di awe 28 persona a recupera, a registra un total di 69 caso nobo di Covid-19, di cual 6 ta noresidente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 1072 test. ‘Postivity rate’ entre nos residentenan ta 28%. Casonan activo pa awe ta 659, cantidad di fayecido relaciona cu Covid-19 ta 82. Hospital ta informa cu tin un total di 43 persona interna di cual 13 ta den Cuido Intensivo y 30 riba unidad general di covid.
Pagina 20
Diabierna 26 Maart 2021