Dialuna 28 September 2020
Dialuna 28 September 2020
Pagina 1
Email: IslaOnline@gobierno.aw Tel: 528-4900
Pagina 2
Dialuna 28 September 2020
Premier Evelyn Wever-Croes:
MEDIDANAN TUMA DEN SEPTEMBER
“Danki na disciplina di comunidad awe nos ta mira cu e cantidad di caso activo a baha di 1600 pa 800 den apenas dos pa tres siman” caso activ a baha di 1600 pa 800 den apenas dos pa tres siman”, Prome Minister a duna di conoce. Tambe a haci e controlnan di cuarentena y isolacion mucho mas estricto. A pidi tur hefe di departamento den gobierno pa yuda den esaki, y asigna algun di nan trahadonan, y algun auto di servicio – dienstwagens – pa e taskforce di cuarentena y isolacion wordo amplia sin mester busca personal pafo di gobierno y sin mester lease mas auto. Esnan den isolacion y cuarentena ta haya mas control y mas atencion individual y asina awe nos por mira e resultado positivo, cu e cantidad di caso activo a baha di 1600 pa 800.
Prome Minister Evelyn Wever-Croes hunto cu Minister Dangui Oduber y e ekipo di Crisis, dialuna tawata den Parlamento pa duna un opdate riba maneho di Gobierno pa loke ta trata desaroyo di Covid-19 na Aruba. Desde luna pasa pa awor por a nota un desaroyo positivo ta manifestando. Esaki ta danki na e disciplina cu mayoria den comunidad a demostra y e ta danki pa e ekipo profesional cu nos tin como frontliners, especialmente riba tereno di cuido y den mantene orden publico, y ta danki pa e tremendo ekipo di crisis team cu Aruba ta dispone di dje. Na comienso di september tawata tin 1200 caso activo, pa medio september, el a bira 1600, y fin di september nos ta na 800 caso. Gobierno hunto cu e ekipo di maneho di Corono virus a bin cu mas medida. Medidanan mas specifico y mas estricto, por ehempel; toque de queda mas trempan, uzo obligatorio di tapaboca den tur establecimento y oficina. “No ta tur medida tabata facil, especialmente no riba nivel individual pa tur negoshi, pero si necesario den interes general, y awe nos por mira e resultadonan positivo, cu e cantidad di
“Tur esaki un biaha mas no tabata posibel sin e cooperacion y disciplina di nos comunidad. Tin algun hende cu no ta realisa e seriedad di e crisis aki, pero e gran gran mayoria di nos ciudadanonan si ta realisa esaki, y pa esaki mi kier gradici tur esnan cu ta demostra disciplina. Tambe mi kier gradici, den number di Gobierno di Aruba tur esnan cu ta trahando pa yuda nos combati e virus. Esnan den sector di Cuido, DVG, DBZ, HOH, laboratorionan, dokternan di cas, especialmente specialistanan y personal di ICU. Tambe esnan cu ta trahando den e taskforcenan cu ta controla esnan den isolacion, den cuarentena, y companianan pa cu cumplimento. Tambe esnan cu ta traha den mantene orden publico, cuerpo policial, cu ta enfrenta retonan durante toque de queda, durante fin di siman riba nos beachnan, aparte di mester atende cu nan trabou diario, cu tambe ta yen di reto. No ta e pais mas poderoso of rico ta esun cu lo vence e Corona virus, pero e pais mas disciplina. Danki pa bo disciplina awe nos ta mira cu e cantidad di caso activo a baha di 1600 pa 800 den apenas dos pa tres siman”, Prome Minister a termina bisando.
Pagina 3
Dialuna 28 September 2020
Prome Minister Evelyn Wever-Croes:
UNDA NOS TA PARA AWOR?
“Nos ta bringando un enemigo cruel y invisible. Pero e arma pa bring’e ta na alcanse di nos tur”
E cantidad di casonan activo pues a baha di e piek di 1600 caso activo pa 800 den dos siman. E ‘positivity rate’ ta bahando, esaki ta e percentahe di casonan positivo compara cu e cantidad di testnan haci cada dia. Na comienso di e di dos brote, e ‘positivity rate’ tawata 40%. Comienso di e luna aki e tawata entre 30 y 35%, y awor e ta rond di 25%. Prome Minister Evelyn Wever-Croes: “Esey kiermen cu awor, di e cantidad di testnan haci riba un dia, 25% ta positivo. Pues ta un bon noticia cu e % ta bahando, pero e no ta ainda caminda cu e mester ta. Eigenlijk nos mester yega na 5%, y p’esey mi ta awe akinan pa pidi henter comunidad pa nos sigui keda cu e disciplina pa baha e casonan. Nos disciplina a duna resultado e luna aki, pero nos mester sigui cu e disciplina pa algun siman mas te ora nos logra baha e ‘positivity rate’ mas. Dicon? Pasobra e cantidad di personanan cu tawata tin Covid y a fayece ta 25, di cual 15 a fayece den e luna aki. Esaki ta preocupa mi hopi y ta duna mi hopi duele. Di akinan un biaha mas, mi ta desea famianan di esnan cu a perde un ser keri, hopi forsa cu nan perdida. Y mi kier urgi henter comunidad pa ban hunto percura pa no tin mas hende cu ta fayece. Cuida bo mes, cuida bo famia, y principalmente cuida esnan mas vunerable y esnan di edad halto. Pa asina evita cu abo haya bo den e dolor cu e 25 famianan aki a haya nan aden”. Den e update cu Prome Minister a duna den Parlamento dialuna, el a indica cu e cantidad di persona den hospital pa
dia, ta varia entre 35 y 45 den ultimo simannan. Di cual entre 9 pa 12 pa dia den Intensive Care. “Mi ta desea tur esnan cu ta luchando cu Covid, especialmente esnan den hospital, un pronto recuperacion. Y cu pronto boso por ta bek na cas cerca famia. Mi por segura henter Aruba cu nos tin suficiente capacidad den hospital y den ICU pa atende cu tur e patientnan, pero e ta pone un presion grandi riba nos capacidad di cuido. P’esey tambe mi ta pidi tur ciudadano di nos pais, pa un tempo mas, ban sigui demostra e disciplina cu nos mester demostra, pa combati e virus aki. Con? Aki ta sigui algun puntonan di con nos por sigui demostra disciplina: Esakinan ta wordo ripiti constantemente pa asina cada ciudadadano keda demostra disciplina y guia otronan pa mantene disciplina pa hunto nos combati e virus. • Limita bo movecionnan mas tanto posibel, • Respeta e samenscholingsverbod, evita aglomeracion, • Aplica e reglanan di higiena, di laba man mas frecuente cu ta posibel of uza handsanitizers, • Tene distancia di otro, y uza bo tapaboca semper paden den establecimentonan y oficinanan, • Y si bo ta sinti malo, keda paden, yama bo dokter di cas y e lo guia bo. Nos por combati e virus aki, door di aplica e reglanan aki. Riba nan mes, no ta cosnan dificil pa haci. Nos ta bringando un enemigo cruel y invisible. Pero e arma pa bring’e ta na alcanse di nos tur”, Prome Minister Evelyn Wever-Croes a enfatisa.
Pagina 6
Dialuna 28 September 2020
Minister Xiomara Maduro ta informa:
ARUBA TA PAGA PA TUR SOSTEN FINANCIERO FO'I PRESUPUESTO 2020 OF CU FIANSA DI HULANDA Presupuesto ta cubri FASE y MKB, y cu prestamo di Hulanda ta paga Subsidio di Salario
Durante e Encuentro Publico siman pasa diahuebs na Parlamento, Minister Maduro a brinda informacion riba e sosten financiero cu Gobierno ta ofrece pa por surpasa e crisis di COVID19 y su efectonan economico cu e ta trece cune. E mandatario a comenta cu ultimo tempo a bin un discusion den comunidad di unda e fondonan ta bin pa Gobierno brinda e yudansa financiero den e crisis aki y ta wordo sugeri cu ta fo'i Hulanda ta fia placa pa paga tur yudansa, pero esaki no ta asina. FASE, MKB Y SUBSIDIO DI SALARIO Minister Maduro a splica Parlamento cu FASE y sosten financiero na negoshi chikito y mediano (MKB), e 4000 florin pa kwartaal, ta wordo paga fo'i presupuesto di Aruba cu yudansa di tur hende cu a mustra solidaridad den rebaho di salario. E fondonan pa paga Subsidio di Salario, ta bin fo'i e prestamonan cu ta haci cu Hulanda. Como cu Gobierno ainda no a keda cla cu e deliberacion cu Hulanda riba e condicionnan pa por haya e prestamo pa cubri gastonan di juli, augustus y september, den e lunanan aki ta Gobierno di Aruba mes a paga e yudansa financiero den forma di Subsidio di Salario. INVERSION PA REACTIVA ECONOMIA Minister Maduro a informa cu den e splicacion riba e segundo cambio di Presupuesto 2020 riba pagina 8, por lesa di unda cada sosten financiero ta wordo paga. Tambe por mira cu e inversionnan pa reactiva economia lo wordo paga cu fiansanan haci riba mercado local. Pa e ultimo aki mester keda evalua cual lo por tuma lugar ainda e aĂąa aki. E mandatario a indica cu mas detaye lo sigui ora cu Parlamento trata e segundo cambio di Presupuesto 2020.
Pagina 7
Dialuna 28 September 2020
Minister Xiomara Maduro:
DEN CUADRO DI 75 AÑA DI NACIONNAN UNI Y 5 AÑA DI METANAN DI DESAROYO SOSTENIBEL Pais Aruba ta mantene su compromiso cu e 17 Metanan di Desaroyo Sostenibel
PROGRAMA DI GOBERNACION E mandatario ta sigui informa cu e Programa di Gobernacion 2017-2021, ‘Hunto pa Aruba’ ta sostene y implementa e Metanan di Desaroyo Sostenibel. Minister Maduro ta enfatisa cu den tur maneho di Gobierno e ser humano ta central teniendo cuenta cu e principio di SDG’s cu ningun persona lo keda trás. . SDG’S COMO BASE DI NSP Minister Xiomara Maduro ta subraya cu e Plan Strategico Nacional ‘Nos Plan-Nos Futuro’ ta basa primeramente riba implementacion di e SDG’s na Pais Aruba. Departamento pa Asuntunan Economico, Comercio y Industria (DEZHI) conhuntamente cu otro stakeholders a desaroya un Plan Strategico Nacional (NSP). E NSP ta trece e diferente manehonan riba terenonan social, economico y di medio ambiente di tur Ministerio den un forma coherente pa e implementacion di actividadnan specifico pa logra e Metanan di Desaroyo Sostenibel na Pais Aruba. DEZHI ta traha den cooperacion cu e Comision Nacional di SDG’s pa logra esaki.
Dia 25 di september 2015 den e cede di Nacionnan Uni na New York, representante di 193 pais a compromete na e 17 Metanan di Desaroyo Sostenibel. E Metanan di Desaroyo Sostenibel ta consisti di un yamada universal pa tuma accion pa pone fin na pobresa, proteha nos planeta y pa brinda un mihor calidad di bida y perspectiva na personanan rond mundo. Pa alcansa e metanan ta masha importante pa tur sector den comunidad, Gobierno, sector priva y tambe cada ciudadano di tur pais contribui na realisacion di e metanan. GOBIERNO A COMPROMETE NA SDG’S Minister Xiomara Maduro ta subraya cu Gobierno di Aruba a adopta y a compromete na e Agenda 2030 pa e Metanan di Desaroyo Sostenibel (SDG’s) di Nacionnan Uni na aña 2017. Pa asisti Gobierno den e trás uí aci y proceso di trás uí ación di e SDG’s, Gobierno di Aruba a trás uí un Comision Nacional di SDG’s. Gobierno a tene cuenta cu e SDG’s y a incorpora esakinan den diferente forma den su Maneho durante e cinco añanan.
PRESUPUESTO E mandatario ta sigui informa cu pa prome biaha Pais Aruba a incorpora den Presupuesto 2020 na cada un Ministerio, e Metanan di Desaroyo Sostenibel cu e Maneho di e Ministerio lo por cumpli cune. Asina cu na momento cu presenta e Cuentanan Anual na Controlaria General, e instancia aki ta controla cual ta Metanan di Desaroyo Sostenibel Gobierno di Aruba a cumpli cune den su Maneho. Minister Maduro ta informa cu a aloca fondo den Presupuesto 2021 pa asina e programanan basa riba e SDG’s lo por financia nan accionnan y/of proyectonan. E mandatario ta enfatisa cu apesar di tur e retonan cu COVID19 a trece cune, Gobierno di Aruba ta sigui mantene su compromiso cu e 17 Metanan di Desaroyo Sostenibel. E SDG’s lo sirbi como guia pa Gobierno por construi un futuro inclusivo, sostenibel y resiliente pa tur ciudadano na bienestar di nos Pais Aruba.
Pagina 8
Dialuna 28 September 2020
MINISTER XIOMARA MADURO TABATA DEN ENCUENTRO PUBLICO NA PARLAMENTO PA INFORMA RIBA CIFRA DI SEGUNDO KWARTAAL DI AÑA 2020
A brinda informacion di bono di gobierno, cuentanan anual, cambio presupuesto 2020 y presupuesto 2021
Diahuebs ultimo Minister Maduro tabata den un Encuentro Publico na Parlamento pa informa riba e cifranan di e segundo kwartaal di aña 2020. E mandatario a probecha e ocasion pa asina brinda informacion tambe riba e emision di bono di Gobierno, cuentanan anual, cambio di presupuesto 2020 y presupuesto 2021. RAPPORT POSITIVO DI CAFT Minister Maduro a informa Parlamento aña a habri bon y a ricibi entrada mas halto cu premira, pero den segundo kwartaal e efecto di COVID19 a wordo sinti. Entrada a keda atras y a bin mas gasto, aunke cu Gobierno a purba pa wanta pa no haci tur gasto cu tabata presupuesta. E mandatario a splica cu e cifranan a wordo controla tambe pa CAFT y nan tabata positivo den nan rapport riba e ehecucion di Presupuesto 2020. EMISION DI BONO DI GOBIERNO Minister Maduro a splica Parlamento riba e necesidad pa emiti bono di Gobierno y a mustra e lista di tur debe cu Pais Aruba tin desde 2009 cu ta inclui den Presupuesto di Pais Aruba. A probecha pa por a splica na placa chikito con emision di bono ta tuma lugar pa asina aclarea tur e malcomprondimento cu ta reina debi na speculacion innecesario. CUENTANAN ANUAL E mandatario a indica na Parlamento cu pronto por spera e Ley pa asina por stipula e saldo di cuentanan anual di Pais Aruba pa añanan 2016, 2017 y 2018. E retraso ta debi cu Parlamento kier a wak cambio haci den e 'decharge' di e ministernan pa asina pone explicitamente cu e aprobacion di e saldo no ta implica cu e minister ta keda libra di tur responsabilidad.
CAMBIO DI PRESUPUESTO Manera palabra cu Parlamento, Gobierno lo presenta un segundo cambio di Presupuesto 2020 pa asina ahusta e presupuesto mas serca na e realidad cu COVID19 ta trece pa nos Pais. E cambionan a yega Parlamento caba pa su tratamento y Minister Maduro a facilita Parlamento cu un grafico den cual por mira tur cambio importante. Entre otro, e suma di e deficit ta bira mas chikito debi na e calculacionnan nobo di scenario economico cu ta keda ahusta den e cambionan proponi. Na momento di trata e segundo cambio di Presupuesto 2020, Minister Maduro lo brinda informacion mas detaya. PRESUPUESTO 2021 Minister Maduro a splica Parlamento cu debi na e situacion di crisis, e preparacion di Presupuesto 2021 a cay atras. E mandatario a pasa den e 'timeline' di e trabounan necesario y a indica cu pa fin di november Parlamento por ricibi e concepto ley pa su tratamento y aprobacion.
Pagina 9
Dialuna 28 September 2020
E FACULTAD SISSTEM GENERANDO DIFERENTE ARTICULO DEN REVISTANAN DI KU LEUVEN NA BELGICA Mientras cu mundo ta sintiendo e efectonan di e pandemia COVID-19, y 5 aña despues cu Aruba a firma e metanan di e UN agenda 2030, e trabounan di preparacion y ehecucion di e curiculum di e facultad SISSTEM y e renovacion di Maria Convent ta sigui sin descanso. E proyecto di SISSTEM ta wordo financia door di e fondonan di Desaroyo di Union Europeo (EDF). Den e lunanan cu ta tras di lomba, varios articulo a sali den revista na Belgica. Den e articulonan no solamente informacion ta wordo duna di Aruba of di e facultad, pero tambe di e status di e trabounan di e grupo di W&T di KULeuven ta biniendo ta eherciendo. Diferente profesor a duna nan punto di bista y splica nan rol den e establecimento di e curiculum na Aruba y kico ta tur e trabounnan cu ainda tin cu tuma lugar. Un grupo grandi di profesor di e grupo di W&T di KULeuven di en total di 12 cu lo traha cu UA, a haci bishita na Aruba pa mira cu nan mes un wowonan, e retonan cu e isla ta enfrentando y pa wak den ki direccion lo trece solución. Retonan por ta den e area di energia, scarsedad di awa, maneho di sushi, agricultura y e efectonan ambiental di cambio climatico. Por mira cu tin un entusiasmo enorme den e gruponan pa traha hunto y pa haci e proyecto aki un exito rotundo. E articulonan por wordo lesa via di e linknan aki bou: 1. Van der Bruggen, B., 2019. Groep W&T geeft Aruba meer STEM. Geniaal 47 pp. 22. Link pa articulo online: https://eng.kuleuven.be/over-faculteitingenieurswetenschappen/GeniaaL/ geniaal2019/geniaaljg12nr47.pdf 2. Persoons, Y., 2020. Educating for a sustainable Aruba. CONNECTing 12 pp. 28-29. Link pa articulo online: https://iiw.kuleuven.be/connecting/ archief/0931-per-connecting-12-low-res. pdf 3. Mertens, A., Buys, N., Mijts E., 2020. Bio-ingenieurs zoeken duurzame oplossingen voor de (klimaat-)
uitdagingen van kleine eilandstaten. Bio-ingenieus 23(2) pp. 15-16. Link pa articulo online: https://www.biw.kuleuven.be/nieuws/ archief/Bio-ingenieus23-2.pdf 4. Mertens, A., Buys N., Mijts E., 2020. The Faculty of Science supports STEM education in Aruba. Science@leuven 68, pp. 18-19. Link pa articulo online: https://wet.kuleuven.be/alumni/ nieuwsbrief/1066_PER_ SCIENCEATLEUVEN_Q22020_68.pdf Tocante SISSTEM: E facultad di SISSTEM (Sustainable Island Solutions through Science, Technology, Engineering and Mathematics) na UA, ta consisti di un programa di Bachelor den STEM (cu a cuminsa na 2019), un programa di Masters y un programa di investigacion di PhD cu lo enfoca riba desaroyo sostenibel den Small Island Developing States (SIDS). E facultad tin como obhetivo educa un generacion nobo di scientificonan y ingenieronan cu lo apoya sostenibilidad, y pa diversifica economia local, lo reduci dependencia riba combustibel fossiel y lo mehora e abilidad di SIDS pa recupera di disaster (resilience). E facultad ta incorpora maneho di sostenibilidad riba nivel academico, mientras cu ta fortifica tambe e forsa laboral regional cu e habilidadnan y capacidad necesario. Ta spera cu e facultad di SISSTEM lo por bira un centro di excelencia y un centro di conocemento pa e region y pa e SIDS rond mundo. Financia door di Union Europeo, e establecimento di e facultad di SISSTEM ta wordo implementa door di United Nations Development Program (UNDP) y den coordinacion cu Universidad di Aruba y Universidad Catolico di Leuven (KU Leuven) na Belgica. Tocante KU Leuven: E Universidad Catolico di Leuven of KU Leuven ta un universidad Catolico di cual e campus principal ta situa den e ciudad di Leuven na Belgica. E instituto ta ofrece tambe opleidingen na su otro campusnan na Brussel, Antwerpen, Gent, Kortrijk, Brugge,
Geel, Diepenbeek, Sint-Katelijne-Waver y Aalst. E ta cu 21.338 miembro di personal y 58.987 studiante no solamene e universidad di idioma Hulandes mas grandi, pero tambe e universidad mas grandi di e ‘lage landen’. Segun e Times Higher Education Supplement (THES) di The Times, KU Leuven na 2019 ta e universidad di Belgica cu a score mas halto y e universidad di idioma Hulandes cu a score mas halto. Mundialmente KU Leuven ta na e di 45 luga basa ariba e scorenan y den e rango di r grupo 51-60 basa riba reputacion.
Pagina 12
Dialuna 28 September 2020
Minister Andin Bikker:
ANDREW HOO NOMBRA “LIAISON OFFICER”DEDICA NA COOPERACION CU MERCA Y REINO HULANDES RIBA TERENO DI HUSTICIA Conseho di Minister a bay di acuerdo cu proposicion di Minister di Husticia mr. Andin Bikker pa nombra ex-Altocomisario di Polis, Andrew Hoo, como representante special di Ministerio di Husticia den cuadro di acuerdonan di cooperacion cu Merca y e otro paisnan den Reino, riba tereno di husticia. Tambe a nombraAndrew Hoo como specialista ("Kwartiermaker") pa institui "Team Vitale Sectoren en Infrastructuur", un proyecto piloto di cooperacion entre sector publico y priva pa cuido y proteccion di infrastructura y sector vital pa nos isla, manera por ehempel e area di refineria y su facilidadnan, cu ta den man di Refineria di Aruba bek desde februari 2020. ACUERDONAN DI COOPERACION Tin varios acuerdo di cooperacion riba tereno di husticia cu ta rekeri atencion y dedicacion, por ehempel acuerdonan den cuadro di e Justitieel Vierpartijen Overleg (JVO), manera acuerdonan referente cooperacion di training y opleiding hudicial specialisa, un Memorandum of Understanding cu e Department of Justice di Merca y e Ministerionan di Husticia di Reino Hulandes y otro acuerdonan riba e tereno di husticia entre e paisnan, y acuerdonan referente aplicacion di innovacion specialisa pa organonan hudicial. Nos isla ruman Corsou a expresa intencion di apunta un persona cu amplio experiencia y dedica full time ("portefeuillehouder") pa cu cooperacion di instancianan hudicial a base entre otro di e acuerdonan den cuadro di JVO. Minister Andin Bikker a haya necesario pa apunta un propio representante pa Aruba, mirando cu Aruba tin su propio status sui generis den Reino Hulandes, cu nos propio leynan hudicial. Ademas Minister Andin Bikker a dicidi pa amplia e scope dor di apunta Andrew Hoo como “Liaison officer” dedica pa cooperacion cu e Department of Justice di Merca y e Ministerionan di Husticia di Reino.
Andrew Hoo a participa na JVO desde aña 2018 y na 2019 el a sigui un curso extenso na Merca den cuadro di cooperacion y a mantene bon relacion cu departamentonan hudicial y consular di Merca. Na september 2019 Sr. Hoo a acompaña minister Bikker pa Washington D.C. caminda a bishita e Department of Justice y State Department den cuadro di cooperacion riba tereno di husticia. Pues e tin e experiencia y expertisio pa duna mas contenido na e acuerdonan di cooperacion importante riba e tereno di Husiticia.
Dialuna 28 September 2020
Pagina 13
Korps Politie Aruba: Polis conhuntamente cu DVG ta activo riba caya
TA KIBRA REGLA DI COVID-19 DILANTI POLIS Pa nos por frena COVID-19 di sigui plama tin varios regla ancra pa ley dor di un MR (Ministeriele regeling) cu a bin na vigor den e crisis aki. Polis conhuntamente cu DVG ta activo controlando tur negoshi pa nan por cumpli cu tur e reglanan aki. E reglanan aki ta pa salvarguardia tur persona cu ta drenta un localidad habri of cera pa nan propio seguridad. E controlnan tabata dirigi riba supermercado, bar, restaurant, kioskonan y casino. Yen Yen bar & restaurant a haya un multa pa no sigui e reglanan di tapa boca. Esaki despues cu polis y DVG a duna nan un aviso pero na dado momento a sigui acepta persona drenta e localidad dilanti polis sin haci uso di e tapa boca. Localidadnan cu a haya un aviso pa motibo di distanciamento social, of pa tapa boca ta: Marriott hotel & casino, Tandoori, Daniel’s restaurant, Azia restaurant, y Gianny’s restaurant. Localidadnan cu NO a cumpli cu orario di ciere di 09:00pm y a haya nan prome aviso: Tur kiosk na South Beach centre, South Beach club y Hooters. Localidad nan cu a cumpli cu reglanan tabata: Ling and Sons supermarket, Barcelo hotel and casino, Hilton Hotel & casino, Craft, Saloon y Fermin’s bar & restaurant. E negoshi nan aki a cumpli tur e reglanan na momento cu polis y DVG a controla. Cuerpo Policial Aruba y DVG lo sigui haci nan control estricto riba tur negoshi pa nan por cumpli cu tur e reglanan pa combati COVID-19. No cumpli cu esaki por haya cu abo como comerciante por haya un multa innesecario. HUNTO NOS POR COMBATI COVID-19, PERO E TA CUMINSA CU NOS MES.
Pagina 16
Dialuna 28 September 2020
Departamento di Salud Publico:
UPDATE 28 SEPTEMBER 2020 Segun resumen di awe por tuma nota cu 89 persona mas a recupera, tin 28 caso nobo di Covid-19 di residente (39% “positive rate�), total di activonan a baha cu 61 persona y ta na 810 awe, total di testnan haci ta 309, testnan haci bou di residentenan na laboratorio di hospital ta 71 y total di caso di fayecimento relata na Covid-19 ta keda mescos, 25. Hospital ta informa cu tin un total di 44 persona interna di cual 13 ta den cuido intensivo y 31 ta isola riba piso general.
Pagina 17
Dialuna 28 September 2020
Crisis Team:
CARGAMENTO NOBO DI MAS PCR TEST KIT A YEGA ARUBA Manera priminti, cargamento nobo di mas PCR Test Kit a yega Aruba
Siman pasa Crisis Team a confirma locual ya Minister Dangui Oduber y tambe Dr. Horacio Hospital a participa, esta cu a manda bestel mas test na tempo y cu e weekend aki nan ta yega Aruba. Awe diadomingo Crisis Team di Gobiernodi Aruba por confirma cu e cargamento a yega Aruba diadomingo y nos comunidad por ta trankiel cu tin suficiente test pa e siguiente lunanan, tanto pa nos hendenan local y pa nos bishitantenan. Ta recomenda tur hende, si bo tin sintoma keda cas y tuma contacto liher cu bo dr. di cas. Mas trempan bo haci bo test, menos chens tin pa bo infecta bo famia of otronan.
Departamento di Salud Publico:
PA POR RICIBI BO RESULTADO DI COVID-19 TEST RAPIDO, DOWNLOAD ARUBA HEALTH APP Pa por ricibi bo resultado di Covid-19 test rapido, download Aruba Health App Prome cu bo bay haci bo Covid-19 test, nos di Departamento di Salud Publico ta conseha bo pa download Aruba Health App pa asina bo por ricibi bo resultado di test dentro di 24ora. Sigui e instruccionan den e App y asina den algun minuut bo tin esaki den bo telefoon. Ora bo yega e test center, e personal lo scan e barcode cu e App lo crea pabo ora bo registra y asina automaticamente ora bo resultado ta cla, bo lo ricibi esaki via e mail cu bo a duna riba e Aruba Health App. Ta importante cu na momento di yena e aplicacion bo yena esaki corectamente cu tur datos personal sin haci error. E ta facil y efectivo!
Pagina 18
Dialuna 28 September 2020
Dialuna 28 September 2020
Pagina 19
Pagina 20
Dialuna 28 September 2020