Dialuna 29 Januari 2024
Pagina 1
Dialuna 29 Januari 2024
Email: IslaOnline@gobierno.aw Tel: 528-4952
Pagina 2
Dialuna 29 Januari 2024
PROME MINISTER A HACI TRASPASO DI MANDO NA NOS PRINS Y PACHONAN CU LO DIRIGI NOS CARNAVAL 70 Diadomingo mainta, 28 di januari, a tuma luga na Bestuurskantoor e tradicional traspaso di mando simbolico na Prins y Pancho 2024 pa Aruba su Carnaval 70. Prome Minister Evelyn Wever-Croes, den su discurso dirigi na e monarcanan di Carnaval y na e publico presente, a expresa cu pa Gobierno di Aruba, e ta un placer y honor pa habri porta di e oficina di gobernacion pa ricibi nos celebridadnan di Carnaval 70. Durante e ceremonia bunita, e monarcanan di nos Carnaval 70 a trece nan decretonan dilanti expresando nan deseonan pa tin mas union, mas atencion pa nos muchanan, mas atencion pa nos hobennan y pa Aruba uni y sostene Carnaval mas. Tambe nan tawata tin peticicionnan specifico pa diferente minister di Gabinete Wever-Croes. Prome Minister a duna di conoce cu e lo comersa cu su colega ministernan di e peticionnan aki. “Mi ta gradici SMAC cu un biaha mas ta organisa un temporada di Carnaval hopi bunita. Aruba henter a prepara pa Carnaval 70 y mundo henter tin wowo riba nos, con nos ta celebra Carnaval. Ban duna mundo henter mas motibo p ata orguyoso di nos dushi Aruba”, Prome Minister a expresa. Conseho di nos Prome Minister ta keda pa nos sigui cuida nos muchanan den e paradanan venidero. Preferibel ta pa no hiba muchanan hopi chikito Carnaval. Pa e muchanan mas grandi, cuida nan di solo, cuida nan oído, sea atento pa nan tin nan earplugs, duna nan suficiente cos di bebe y sigura asina cu nan lo goza di berdad di nos dushi Carnaval. Tambe, na nos adultonan, no abusa di alcohol. Ban cuida nos mes pa cada un di nos celebra un carnaval sin niun problema y keda cu bunita recuerdo di e temporada aki. Tambe Prome Minister ta gradici tur e monarcanan di nos Carnaval cu tawata presente diadomingo mainta prome cu e apertura di gran parada di mucha na Oranjestad. Ta gradici
nan mayornan, gruponan, lidernan, nos musiconan y tur esnan cu ta engrandece nos Carnaval. “Di parti di Gobierno di Aruba, mi ta desea tur carnavalista y Aruba henter, un dushi Carnaval 70. Ban goza di nos carnaval responsable y sanamente. Mi ta spera cu na final di e temporada di Carnaval, Aruba di verdad ta demostra mundo henter ki bunita nos ta celebra Aruba su Carnaval 70”, Prome Minister a expresa. Prome Minister a entrega na nos prins y pancho infantil e spada simbolico pa nan proteha nos carnaval di mucha. Prins y pancho hubenil a ricibi spada simbolico pa nan defende nos hobennan den carnaval. Y nos prins y pancho grandi tradicionalmente a ricibi e yabi cu ta simbolisa cu nan tin tur mi sosten y confiansa pa habri y guia nos carnaval 70. Na prins y pancho clssico, Prome Minister a entrega un yabi di ‘spare’ pa por si acaso e prins y pancho grandi jump dimas y perde nan yabi. Tambe, cada monarca como miembronan di organizacion SMAC a ricibi un pin for di Prome Minister.
Dialuna 29 Januari 2024
Pagina 3
Pagina 4
Dialuna 29 Januari 2024
Prome Minister Evelyn Wever-Croes:
SEÑOR ANDY LEE A HURAMENTA DILANTI REY WILLEM ALEXANDER COMO MIEMBRO DI RAAD VAN STATE PA ARUBA
Diaranson 24 di januari, Rendolf (Andy) A. Lee a huramenta dilanti di Rey Willem Alexander na Paleis Noordeinde como miembro di Raad van State pa Aruba. E funcion aki a wordo ocupa durante e ultimo 6 añanan pa señora Milly Shwengle, cu a haci un excelente trabou den representa Aruba dignamente. Señor Lee tin un trayectoria profesional hopi amplio y sigur tawata un decision adecua di e representantenan di un comision independiente pa scoge señor Lee pa representa Aruba den e funcion aki. Basa riba e recomendacion aki, Conseho di Minister di Reino, durante e reunion di diabierna mainta 24 di November, a aproba su nombracion. Prome Minister Evelyn Wever-Croes a expresa di ta contento cu Aruba tin un representante pa Aruba den Raad van State, cu e cualidadnan y experiencia amplio cu señor Lee ta posee, pa por tuma e miho decisionnan den bienestar di pais Aruba. Señor Lee ta un politicologo cu tin mas di 30 aña di experiencia den sector publico y semi-publico na Aruba, Corsou y Washington, Director di CBS Aruba, y Gerente di Departamento di Investigacion di Banco Centraal Aruba. Tambe, e tabata miembro y presidente di Parlamento entre
2009 y 2010. Despues el a fungi como Minister Plenipotenciario na Washington pa Aruba y tawata consehero di Prome Minister entre 2018 y 2020. Despues di su huramentacion diaranson ultimo, señor Lee a cuminsa traha inmediatamente den Raad van State pa Aruba. Den nomber di Gobierno di Aruba, Prome Minister ta felicita señor Lee y ta dese'e hopi exito den e encargo nobo aki.
Pagina 5
Dialuna 29 Januari 2024
Prome Minister Evelyn Wever-Croes: Riba Dia di Betico
PROME MINISTER TA HABRI E EXPOSICION DI SEÑOR GUSTAVE NOUEL Y PADU DEL CARIBE Rancho a presenta nan proyecto di un museum di piscado
Diahuebs 25 di januari, Dia di Betico tawata tin diferente opcion riba nos isla pa pasa un dia agradabel cu famia. Varios actividad en conexion cu celebracion di fecha natal di un Arubano cu a lucha fervientemente pa nos pais, nos Libertador Gilberto François 'Betico' Croes. Dia di Betico no ta solamente un tributo na un líder visionario, pero tambe un fuente di inspiracion pa Aruba brasa e resultado di e lucha cu Betico a hiba. Prome Minister Evelyn Wever-Croes a cuminsa Dia di Betico dunando un bunita discurso durante e Ceremonia Protocolar na Plaza Libertador G.F. Betico Croes. Despues Prome Minister a sigui celebra Dia di Betico entre otro na Cede di Partido MEP. Tambe Prome Minister a asisti na e apertura di un museo nobo den Ranchostraat na unda cu e mandatario a habri e exposicion di señor Gustave Nouel. Señor Nouel tin un coleccion di cuadra hopi impresionante di Betico Croes. Na e ocacion tawata tin tambe exposicion di cuadranan di nos Tata di Cultura, Juan Chabaya Lampe, Padu del Caribe y a admira tambe e exposicion di arte riba boter di señora Angela Croes. Na e ocacion tambe Prome Minister a ricibi informacion for di Stichting Rancho di e plannan cu tin pa comberti un cas biew di piscado den un museum di piscado na unda lo expone entre otro paña di piscado. E deseo di Prome Minister ta pa esnan encarga cu Ranchostraat 12 y 14, den curason di Rancho, logra remodela e dos casnan situa riba e tereno di 800m2 cu ta conecta cu JG Emanstraat y caminda tin un cushina moderno pa cushina pisca. Asina ta conecta cultura, pasado y presente. Sigur un proyecto atractivo pa e bario y tambe un atraccion mas y un bunita luga pa bishita.
Pagina 9
Dialuna 29 Januari 2024
Minister President Evelyn Wever-Croes:
MINISTER PRESIDENT A REUNI CU REPRESENTANTE DI HULANDA PA ARUBA, CORSOU Y ST. MAARTEN, SR. EDSON HATO
Siman pasa Minister President durante un reunion, a cera conoci cu sr. Edson Hato, cu desde September 2023 a tuma e encargo over di sr. Erwin Arkenbout como representante di Hulanda na Aruba, Corsou y Sint Maarten. Prome Minister a expresa cu na e momentonan aki ta hopi importante riba tur nivel pa tene tur canalnan habri cu Hulanda. Principalmente awor aki cu Aruba ta haciendo tur esfuerso posibel pa por yega na baha e interes di e refinanciamiento di e debe di covid. Esaki a wordo delibera riba dje durante e reunion cu sr. Hato y tambe a atende otro temanan entre otro e formacion di gobierno di Hulanda y kico por wordo spera pa e islanan. Sr. Hato hunto cu sr.Vincent Storimans, kende ta hefe di oficina di Representacion di Hulanda na Aruba, a asisti na e acto protocolar di Dia di Betico y por a goza di e bunita homenahe na e gran Libertador Betico Croes.
Pagina 6
Dialuna 29 Januari 2024
E aña aki cu tres categoria: Caiso, Groovy y Power Soca
MINISTER XIOMARA MADURO TA FELICITA ARUBA SU GANADORNAN DI ARUBA CAISO & SOCA MONARCH 2024 Durante e fin di siman cu a pasa, Aruba completo por a disfruta di Aruba Caiso & Soca Monarch 2024 organisa pa Stichting Musica. Despues di e pre-finalnan cu a tuma luga aña pasa, diabierna y diasabra a toca turno na esnan cu a pasa pa final pa presenta nan cancion pa asina mira cua ta wordo escogi como e cantica cu lo marca e celebracion di lustro di 70 aña di nos carnaval. Minister Maduro di Cultura tabata presente durante ambos anochi pa disfruta di cada composicion y pa apoya nos talentonan cu a sa di briya riba e tarima na Carnival Village. E ganadornan absoluto tabata como lo siguinte: Ganador di Caiso Cantante: EK Titulo: Falta Pottasium Banda: Youth Xtreme Band (YX3M) Compositor: Eugene Kemp Areglista: Harvey "Toolz" Agunbero & Eugene Kemo Segundo finalista Caiso Cantante: Queen Sashah Titulo: Worries Banda: Tsunami Compositor: Martha Figueroa Areglista: Michael Odor Tercer finalista Caiso Cantante: Mighty Tattoo Titulo: Let It Go Banda: Zeta Band Aruba Compositor: Richard Quant Areglista: Hubert Thiel Ganador Groovy Soca Cantante: Rocco Flava Titulo: Come Together
Banda: Buleria Compositor: Claudius Philips Areglista: Claudius Philips Segundo finalista Groovy Soca Cantante: Easy B Titulo: Togetherness Banda: Tsunami Compositor: Brendon Shalol Joseph Areglista: Rod Benjamin Tercer finalista Groovy Soca Cantante: Noush Titulo: Wreckin' The Place Banda: Noush & The Band Compositor: Randolph Berry Areglista: Claudius Philips Jr. Ganador Power Soca Cantante: Galloway Titulo: Mash Up Banda: Tsunami Compositor: Carl Roosberg Areglista: Rod Benjamin & Michael Odor
Dialuna 29 Januari 2024 Segundo finalista Power Soca Cantante: M.I.K.E.Y. Titulo: Unity Banda: Youth Xtreme Band (YX3M) Compositor: Harvey "Toolz" Agunbero Areglista: Harvey "Toolz" Agunbero Tercer finalista Power Soca Cantante: Easy B Titulo: Another One Banda: Tsunami Compositor: Shirlan George & Bradley Vesprey Areglista: Hendry Tromp Rookie di aña Cantante: Big Reckless Titulo: Big Help Banda: Tsunami Compositor: Claudius Philips Jr. Areglista: Claudius Philips Jr. Banda miho uniforma: Tsunami Miho bisti: Mitch Minister Xiomara Maduro, den nomber di Gobierno di Aruba, ta felicita Aruba su monarcanan di Caiso y Soca pa Carnaval 70 y ta gradici tur esnan cu a participa, engrandeciendo nos dushi Carnaval cu nan talento y creatividad. Finalmente, e mandatario ta gradici Stichting Musica pa un biaha mas organisa Aruba Caiso y Soca Monarch 2024 y ta deseanan tur clase di exito pa e dianan nos dilanti.
Pagina 7
Pagina 8
Dialuna 29 Januari 2024
MINISTER DANGUI ODUBER A CELEBRA E DI 150 ANIVERSARIO DI HOLLAND AMERICA LINE Y NAN COMPROMISO PA SOSTENIBILIDAD PA CU ARUBA Y HENTER MUNDO
Minister Dangui Oduber tawata abordo di e iconico Holland America Line Cruise pa marca e celebracion di su impresionante 150 aña di existencia. Durante e ocasion importante aki, e Minister Oduber a tin e privilegio di conmemora e 65 aniversario di cu Holland America Line ta bishita Aruba. Holland America Line a extende invitacion na gobierno di Aruba y tambe na prensa local pa e occasion special aki. Gobierno di Aruba a keda representa pa minister Oduber como tambe Prome Minister Wever-Croes. Di Aruba Ports Authority (APA) tawata tey sr. Marc Figaroa y e Voorzitter Raad v. Commissarissen, sr. David Dubero. Como parti di e festividad, tur presente a ricibi un paseo exclusivo di e Holland America Line Cruise, unda a presencia di prome mano e dedicacion di e liña crucero pa cu nan operacionnan sostenibel. E bishita no tabata solamente un celebracion di historia, sino un testimonio di e compromiso di e compania pa responsabilidad ambiental. E punto culminante di e paseo ta e anuncio cu e barco di crucero lo pasa door di un transformacion di diesel pa Gas Natural Liquido (LNG), un paso significativo pa reduci emision
di carbon y concentra asina ariba un futuro mas amigabel pa cu medio ambiente. E iniciativa aki ta keda perfectamente alinea cu e mision di ministerio di turismo unda ta enfoca den practicanan sostenibel pa cu turismo di Aruba. Expresando sentimientonan di alegria y gratitud, Minister Dangui Oduber a comenta, "Ta berdaderamente un honor pa forma parti di e momento historico aki mientras ta celebra 150 aña di Holland America Line. E dedicacion na sostenibilidad demonstra awe no solamente ta elogiabel, sino tambe ta establece un precedente pa henter e industria di turismo. Aruba ta orguyoso di ta un socio duradero di Holland America Line y ta mira dilanti na hopi mas aña di colaboracion pa construi un futuro mas sostenibel y consciente di medio ambiente." Pa clausura, Minister Oduber a extende felicitacion sinceramente na Holland America Line pa e logro significante aki. E celebracion di historia di nan 150 aña, tambe nan aniversario di ta bishitando nos dushi isla pa 65 aña, hunto cu un vision pa un futuro sostenibel, ta marca un momento di triunfo pa tanto Holland America Line como pa e perseguimento global di turismo sostenibel.
Dialuna 29 Januari 2024
Pagina 11
Pagina 14
Dialuna 29 Januari 2024
MINISTER ENDY CROES TA FELICITA COLEGA MINISTER DANGUI ODUBER CU E BUNITA PROYECTO DI CAS ARIBA
Recientemente, den un esfera ameno na Plaza Deto Varis, Minister Dangui Oduber a haci anuncio di fase II di e Proyecto di Cas Ariba. Un proyecto bunita y importante pa bario di Santa Cruz y pa Pais Aruba. E proyecto aki ta di Ministerio di Turismo y ta fit den e maneho y vision di haci inversion continuo den mehoracion pa upgrade di e producto Aruba y pa crea atraccion turistico nobo. Minister Endy Croes tabata presente na e anuncio special aki hunto cu Prome Minister di Aruba Sra. Evelyn Wever – Croes, Presidente di Parlamento mr. Edgard Vrolijk, directora di ATA, Sra. Ronella Croes y ex - Premier di Aruba Sr. Nelson Oduber. Fase II di e proyecto ta consisti di un plaza multifuncional, unda cu e turistanan por topa cu nos hendenan local. Lo construi un speeltuin, caminda e muchanan den e bario por haci uzo di dje. Ta bay tin un area pa haci ehercicio y/of practica deporte, lo tin area unda turistanan por haya informacion di Santa Cruz y di historia y cultura di Pais Aruba. Tambe, lo tin un area pa recrea y lo construi tribuna nobo unda cu por organisa diferente evento y/of fiestanan nacional. E lo bira un area caminda localnan por haci uzo di e plaza henter aña. Esnan presente a aplaudi e fase II di e proyecto aki. Pa clausura e evento Claudius y Oreo a trece un bon ambiente musical. Pa finalisa, Minister Endy Croes ta felicita colega Minister Dangui Oduber, Gabinete Wever – Croes II, ATA y Ministerio di Turismo cu e bunita proyecto aki. Pabien na e bario di Santa Cruz.
Pagina 15
Dialuna 29 Januari 2024
MINISTER ENDY CROES A COMBERSA CU E ALUMNONAN DI KLAS 5 Y 6 DI COLEGIO SANTA TERESITA Den cuadro di e celebracion di Dia di Betico
En conexion cu Dia di Betico, Minister Endy Croes ta bishitando diferente scol rond di Aruba y dialuna ultimo a toca turno na Colegio Santa Teresita den curason di San Nicolas. Cabesante di e scol Sra. Janine Soliana – Vingal a ricibi e mandatario di Enseñansa y Deporte. Den un esfera ameno Minister Endy Croes a combersa cu e alumnonan di klas 5 y 6, unda cu a splica nan di e importancia
di e celebracion di 25 di januari, historia, lucha y logronan di nos Libertador Gilberto François ‘Betico’ Croes. E alumnonan a scucha cu hopi atencion y a haci basta pregunta. Pa finalisa, Minister Endy Croes a expresa cu e tabata un mainta hopi exitoso. Alabes ta gradici cabesante di scol, docente- y alumnonan pa un mainta ameno.
E ALUMNONAN DI ST. ANNASCHOOL A CELEBRA DIA DI BETICO EN GRANDE Diaranson ultimo, Minister di Enseñansa y Deporte a bishita scol basico St. Annaschool, en cuadro cu Dia di Betico cu ta 25 di januari proximo. St. Anna School ta conta cu total di 279 alumno. E mandatario di Enseñansa a conta e alumnonan di St. Annaschool tocante e historia di Betico y e motibo cu nos ta celebra Dia di Betico. Gilberto François "Betico" Croes a nace dia 25 di januari 1983. Dia 9 di feberuari di aña 1971, Betico a lanta su propio partido Movimiento Electoral di Pueblo (MEP), determina pa saca Aruba for di constelacion Antiyano. Aruba a haya su Status Aparte entrante 1 di januari 1986 y Betico mes no a biba pa wak su logro. Cu e Status Aparte aki, Aruba por a haya su propio gobernador, gobierno, parlamento, moneda, banco central y ortografia. Pues, Betico Croes a laga un herencia valioso pa Aruba, pa e motibo aki nos tin cu keda educa nos mucha- y futuro generacionnan di e lucha cu nos Libertador Betico Croes a hiba pa Aruba haya su Status Aparte. Despues di esaki, Minister Endy Croes a duna inicio na e competencia di poesia di e scol. En conexion cu Dia di Betico, 12 alumno di cada klas a proclama un bunita poema. Minister Endy Croes a desea e alumnonan hopi exito. Finalmente, Minister Endy Croes a gradici cabesante interino di St. Annaschool Sra. Angelic Thijsen y ful e team pa e caluroso ricibimento y a desea nan feliz Dia di Betico.
Pagina 16
Dialuna 29 Januari 2024
MINISTER ENDY CROES TA FELICITA DIAMONDS INTERNATIONAL CU APERTURA DI NAN DI TERCER TIENDA NA ARUBA Recientemente, Diamonds International a haci apertura di nan tercer filial na Aruba. E tienda nobo ta situa den Paseo Herencia Mall. En conexion cu e di 30 aniversario di Diamonds International na Aruba a dicidi di habri un tienda mas e biaha aki den e area di Palm Beach, unda cu mayoria di nos bishitantenan ta hospeda. Minister Endy Croes, Colega Minister Xiomara Maduro y Minister Ursell Arends acompaña pa su kerida esposa Tamarah Arends – Croes tabata presente na e ceremonia di apertura. Memey di prensa y invitadonan special Minister Xiomara Maduro, Minister Ursell Arends, Island Manager Sr. Rishi Chabbria y Regional Manager Sr. Moshe Hakimi a corta e cita pa asina afectua apertura oficial di e tienda. Pa conclui, Minister Endy Croes ta felicita e doño y e personanan cardinal den e operacion exitoso di Diamond International na Aruba, kendenan ta Sr. Moshe Hakimi, Regional Manager, Sr. Luis Valverde, Regional Financial Controller, Sr. Lyndon Evans, Regional Brand Manager, Sra. Nathalie van Trikt, Regional Marketing Manager y Sr. Rishi Chabbria, Island Manager. Alabes ta desea nan hopi exito cu nan tercer filial na Aruba. Pabien!
Dialuna 29 Januari 2024
Pagina 17
MINISTER ENDY CROES A BISHITA SCOL BASICO WASHINGTON NA NOORD En conexion cu e fecha natalicio di nos Libertador Betico Croes:
En conexion cu Dia di Betico, diaranson mainta, Minister Endy Croes a bishita Scol Basico Washington. Na yegada e mandatario di Enseñansa y Deporte a ricibi un caluroso bonbini door di e cabesante Sra. Sharine Curiel, staf, maestroy alumnonan di e scol. Despues di a saluda e alumnonan, Minister Endy Croes a sigui pa klas 5 y 6, unda a combersa cu e alumnonan y a duna nan mas informacion di e bida, historia y logronan di nos Libertador. Na final di e charla, Minister Endy Croes a haci e alumnonan diferente pregunta y remarcabel ta cu nan tabata conoce e historia di Betico, e Lider stima pa su pueblo. Sra. Sharine Curiel, kende ta cabesante di Scol Basico Washington, a indica cu den e ultimo dos simannan e maestronan a siña e alumnonan e historia di ken ta Betico. Tambe, Sra. Curiel a expresa cu e ta contento cu Minister Endy Croes a duna mas informacion di loke e mes a experencia durante e periodo cu Betico tabata na bida. Alabes a invita Pueblo di Aruba pa celebra Dia di Betico grandemente. Pa conclui, Minister Endy Croes ta gradici e cabesante di e scol Sra. Sharine Curiel, maestro - y specialmente e alumnonan pa un mainta hopi agradabel. Ban recorda y celebra Dia di Betico pa e herencia bunita cu el a laga atras, nos Status Aparte.
Pagina 18
Dialuna 29 Januari 2024
MINISTER ENDY CROES TA FELICITA EKIPO DI NACIONAL CU E TITULO DI CAMPEON Y DAKOTA SUB CAMPEON DI COPA BETICO CROES 2024
Diahuebs anochi, tabata reina un ambiente total den Compleho Deportivo Frans Figaroa na Noord, unda cu a tuma luga e partido final di e di 19 edicion di Copa Betico Croes. Minister Endy Croes a presencia e suspenso di e wega final entre ekipo di Nacional y Dakota cu a bataya pa conkista e titulo maximo di e torneo. Un stadion yena cu fanatico pa duna sosten y apoyo na nan ekipo faborito. Sigur e tabata un tremendo partido, unda ambos ekipo a destaca. E partido a termina cu e score di 2-0 pa ekipo di Nacional cu goalnan anota pa Jastin Congo y Devis
Oliveros. Esaki sigur tabata un momento historico pa prome biaha den 19 aña cu Nacional a titula campeon di Copa Betico Croes. Na final di e anochi Minister Endy Croes a haci entrega di e trofeo na e ekipo campeon di Copa Betico Croes 2024. Pa conclui, Minister Endy Croes ta felicita Nacional cu e titulo di campeon y Dakota cu e titulo di sub-campeon. Cu deseo, disciplina, dedicacion y determinacion boso a logra. Pabien na AVB cu a organisa un bunita torneo y na e deporte rey futbol.
Dialuna 29 Januari 2024
Pagina 19
MINISTER THIJSEN A FELICITA REPUBLICA DI INDIA 75 AÑA DI INDEPENDENCIA
Minister mr. Ady
Plenipotenciario Thijsen a felicita
embahador di Republica di India Reenat Sandhu cu e di 75 aniversario di Independencia di e pais. Esaki a tuma lugar durante di un recepcion ameno na Kasteel De Wittenburg na Wassenaar. Tambe presenta na e recepcion tabata director di Directie Buitenlandse Betrekkingen Jocelyne Croes. Minister Thijsen a felicita embahador Reenat Sandhu den nomber di Gobierno y pueblo di Aruba. Aruba y India tin un relacion hopi estrecho, mirando cu tin hopi Arubiano cu ta procedente di India, di caul hopi ta comerciante. Embahador Sandhu a haci un bishita official aña pasa na Aruba.
Pagina 20
Dialuna 29 Januari 2024