Dialuna 30 November 2020
Dialuna 30 November 2020
Pagina 1
Email: IslaOnline@gobierno.aw Tel: 528-4900
Pagina 2
Dialuna 30 November 2020
Premier Evelyn Wever-Croes:
PREMIER EVELYN WEVER-CROES TA GRADICI COMUNIDAD DI ARUBA PA SOSTENE NOS COMERCIANTENAN LOCAL Prome Minister Evelyn Wever-Croes ta extende un danki na comunidad di Aruba pa demostra nan solidaridad pa cu nos comerciantenan local. Caya G.F. Betico Croes tawata yena cu bida durante fin di siman ultimo demostrando asina cu pueblo ta kere y inverti den nos comerciantenan. E ambiente den caya G.F Betico Croes tawata uno hopi festivo y ameno. Ta importante si, Prome Minister ta enfatisa, pa corda cu nos pais ta enfrentando e crisis di Covid-19 ainda cu mas di 100 caso activo, y pa e motibo aki pueblo di Aruba mester sigui cuida. Gobierno ta pidi comunidad pa no lubida tur loke Aruba a pasa aden desde 13 di Maart na momento cu a constata e 2 prome casonan. Conhuntamente, Aruba a pasa den momentonan hopi dificil na unda Gobierno mester a tuma decisionnan drastico pa asina cuida salud di nos hendenan. Mirando e desaroyo pa cu e casonan activo, Gobierno ta flexibilisando e medidanan pa asina duna oportunidad na nos hendenan di por disfruta y sinti e ambiente di e temporada aki. Gobierno ta pidi si cooperacion di tur ciudadano na Aruba pa yuda pa por surpasa e di dos ola aki. Ta importante pa cada un di nos cuida y corda riba nos mes, nos famia y Aruba en general. “Mi ta gradici cada un di boso pa e sosten duna na nos comerciantenan local y ta spera cu por keda conta riba e sosten aki den futuro. Mi ta sumamente agradeci na e comunidad di Aruba pa a demostra cu nan ta kere den Aruba su comerciantenan local�, Prome Minister a expresa.
Pagina 3
Dialuna 30 November 2020
CENSO TA INFORMA LO SIGUIENTE: Minister di Husticia, den cooperacion cu Minister di Asuntonan General, ta anuncia cu den bienestar di eficiencia, spaar gasto y confiabilidad di e proceso en general, cu desde 1 di december 2020 e caarchi di Rijbewijs Arubano nobo lo wordo traha door di Censo den mesun manera cu e proceso di Cedula ta tuma lugar. Pa es motibo Censo ta informa e procedura nobo pa cu emision di e caarchi nobo di rijbewijs. E proyecto no tabata encera solamente un caarchi nobo di rijbewijs, sino ful un proceso pa yega na un Registro Central di Rijbewijs, cual tin tur su procesonan na su lugar entre otro division sistematico automatico, pa cu e diferente tareanan. Durante e aña cu a pasa a hinca hopi esfuerso y tempo den esaki, pero tambe a desaroya un sistema cu Cuerpo Policial por registra peticion y resultado di examen rijbewijs. Tambe for di e mesun sistema aki, nan por emiti nan mesun productonan na un manera mas eficiente, por ehempel un permiso pa practica pa rijbewijs A (oefenvergunning), certificado di autenticidad (echtheidsverklaring), registracion di un conversión di un rijbewijs stranhero pa uno Arubano( omzetting buitenlands rijbewijs) pa después Censo por emiti un caarchi di rijbewijs Arubano. E criteria importante di e proyecto aki ta pa por otorga un rijbewijs Arubano di un calidad halto y confiabel, no solamente e parti fisico di e caarchi pero tambe e parti di proceso. E FASE ACTUAL DI E PROYECTO Na e momentonan aki e ultimo ahustacionnan ta tumando luga pa por haci testnan. Si tur cos bay bon, e intencion ta lo siguiente: 1. Di 1 di december pa 11 di december 2020, solamente pa e grupo 60 plussers, cual nan rijbewijs a caduca por haci un cita pa renovacion di nan rijbewijs na e manera indica akibou. Pa esnan di edad avanza cu no tin abilidad digital, por yama nos na Censo entre 09:00’or cu 11:00’or of 14:00’or y 16:00’or pa nos por haci e afspraak aki pa e persona. 2. Di 14 di december pa 18 di december 2020, solamente pa e grupo cu a pasa nan examen di rijbewijs cual NO a haya oportunidad pa saca nan caarchi di rijbewijs ainda. Nan lo por haci afspraak na e manera indica akibou. 3. Di 21 di december 2020 en adelante lo atende publico en general cu nan rijbewijs a caduca, of lo caduca pronto of cu a pasa nan examen cu exito. Lo habri afspraaknan riba nos website www.censo.aw/afspraak maken/ documenten en inlichtingen/aanvraag Arubaans rijbewijs. Por fabor, corda atene bo mes na e fechanan ariba indica pa cu e gruponan, paso esaki ta e secuencia di gruponan cu lo wordo atendí prome. REKISITONAN CU MESTER TRECE: Pa por sa kico bo mester trece, acudi na e informacion riba nos website na www.censo.aw/Producten en diensten/Arubaans rijbewijs. En todo caso bo mester bin personalmente y trece: • Afl 50,00 (cash of swipe) • Bo rijbewijs cu a caduca. • Carta di Dokter solamente si ta trata di renobacion di
rijbewijs Categoria B-E, C, D . Pa categoría A, of B so, no mester di e carta di dokter. Por cumpra e documento aki na postkantoor pa Afl 8,00. Despues mester hiba esaki pa bo dokter di cas. Dokter di cas ta cobra pa yena esaki. E documento aki pa ley ta valido pa 3 siman después cu dokter firma esaki. Kico e proyecto aki ta nifica pa mi como ciudadano? Dentro di poco bo persona por traha un cita na Censo pa cu emision di bo caarchi di Rijbewijs Arubano. Bo lo haya e rijbewijs di biaha manera cu ta e caso caba. • Na Censo lo saca bo potret y lo tuma bo firma digital. • Bo lo wak e muestra digital di bo rijbewijs riba un pantaya chikito bo dilanti na e balie. • Despues cu bo aproba esaki, bo persona ta paga y lo wordo referi na otro balie na unda bo persona lo haya e rijbewijs • Na e balie cu bo ta wordo referi, e Rijbewijs lo wordo imprimi dentro di un par di minuut. • Bo persona lo waak un recibo digital como prueba di entrega di e rijbewijs riba pantaya. A peticion di e cliente e recibo aki tambe lo por wordo imprimi riba papel. • Bo persona lo haya e Rijbewijs y e por wordo usa di biaha. RIJBEWIJS DIGITAL E Reglamento Ministerial nobo pa cu emisión di e caarchi di rijbewijs Arubano nobo, no solamente ta regla e caarchi fisico, sino tambe e posibilidad adicional pa tin un rijbewijs digital. Nos lo anuncia esaki ora yega asina leu. Esaki na su debido tempo lo trece cune cu bo lo por tin bo rijbewijs digital den bo telefoon y mustra esaki ora di control di trafico. Con nos departamento lo procesa e retraso Manera indica ariba nos lo cuminsa cu e grupo vulnerabel prome. Despues nos lo atende cu e grupo cu a pasa examen pero ainda no tin ningun Rijbewijs den nan poder. Esaki pa duna Bureau Examen Rijbewijs tempo pa registra e resultadonan den e sistema nobo. Despues lo sigui cu tur cliente cu nan rijbewijs a caduca. Pa casonan extraordinario, p.e. viahe pa exterior cu urgencia, por manda un mail na info@censo.aw. Tin por lo menos un retraso di 4000 pa 5000 rijbewijs cu a caduca y no por a wordo renoba ainda. Censo lo trata di recupera di e retraso aki mas liher posibel. Ta calcula cu den dos luna di tempo nos lo por logra esaki. Ta pidi cooperacion di tur hende y den un corto tempo tur hende por tin nan Rijbewijs Arubano na ordo. Na principio por ta cu bo persona lo tin cu warda un tiki mas largo pa haya cita. Di parti di Censo nos ta pidi nos clientenan comprension pa esaki. E meta final ta pa Pais Aruba por otorga un Rijbewijs Arubano, na un manera sigur, confíabel, lihe, eficiente y servicial.
Pagina 4
Dialuna 30 November 2020
Premier Evelyn Wever-Croes:
APERTURA DI EXPOSICION HISTORIA DI PAROKIA DI NOORD Diasabra ultimo, Prome Minister Evelyn Wever-Croes a presenta na e exposicion “Historia di Parokia di Noord” na unda el a haya e oportunidad pa hiba palabra. E exposicion a keda realisa despues di un limpiesa cu a tuma luga na Misa di Noord cu ayudo di algun boluntario. Entre nan tabatin un hoben cu tin hopi aña trahando como misdienaar y tambe ta catekista den Parokia di Noord. Awe Steve Geerman ta Presidente di Fundacion Kapel di Bethania. E exposicion tin un balor historico, cultural y social hopi grandi pa e Parokia di Noord, pero e forma con henter e proyecto a desaroya tambe ta di suma importancia. Na prome luga nos ta papia aki di un consciencia cultural historico di e hoben Steve Geerman na prome luga, pero tambe di Pastor Santiago y tur otro parokiano cu a yuda Steve su soño bira realidad. Mi ta sigur cu ora Steve a cuminsa haci e zolder na Misa di Noord limpi den vakantie grandi e aña aki, e nunca a pensa cu e descubrimento ey lo bira algo asina grandi y asina bunita. No solamente pa e parokia di Noord, pero tambe pa henter e pueblo di Aruba. Fundacion Kapel di Bethania ta expone un cantidad grandi di artefactonan cu Steve a logra scapa di bay tira afo y conserva nan. Pero tambe un cantidad di artefacto- y potretnan cu parokianonan a pone disponibel pa e fundacion por comparti nan historia hunto cu nos. E coleccion ta mustra nos e rol importante cu e Zusternan di Bethania a hunga den educacion y expresion artistico di hobennan na Aruba. Entre otro na Noord tabatin un zuster cu tabata masha stima y cu tabata bishita masha hopi famia riba su bais cu te ainda a keda conserva y cu nos por mira tambe den e exposicion. Ta trata aki di Zuster William, kende tabata dirigi e koor di Misa di Noord. “Mi kier finalisa bisando masha masha danki na tur hende cu di un forma of otro a contribui pa por conta e historia di Parokia di Noord y cu den futuro e Kapel aki por bira un centro di exposicion, educacion y documentacion manera cu e fundacion ta desea. Tambe mi kier yama un danki special na Steve Geerman y Pastor Santiago, kendenan den un tempo record, hunto cu un team special a logra habri e exposicion awe y alabes a bini cu e idea pa haci esaki un exposicion permanente den forma di un museo. Parokianonan di Noord boso por ta orguyoso di Museo Kapel di Bethania den futuro. For di awor mi ta desea boso masha pabien cu un museo di historia Christian na Aruba”, Prome Minister Evelyn Wever-Croes a expresa den un discurso cortico na e apertura Exposicion Historia di Parokia di Noord.
Dialuna 30 November 2020
Continuacion APERTURA DI EXPOSICION HISTORIA DI PAROKIA DI NOORD....
Pagina 5
Pagina 6
Dialuna 30 November 2020
IDEA TA BRINDA INFORMACION TOCANTE CAMPAÑA ‘CUMPRA LOCAL’ E unidad IDEA – Iniciativa pa Desaroyo di Empresa Arubano – e unidad di Departamento di Asuntonan Economico, Comercio y Industria ta carga e campaña Cumpra Local cu Minister Xiomara Maduro a lansa diaranson ultimo den Caya G.F. Betico Croes. E Funcionario di Maneho di IDEA, sra. Louella CroesRas a hiba palabra y a splica tocante di e campaña Cumpra Local. E meta di e campaña ‘Cumpra Local’ ta pa conscientisa nos comunidad e importancia di cumpra productonan local y haci uso di nos servicionan di nos negoshinan local pa yuda reconstrui nos economia. LOGO DI CUMPRA LOCAL Sra. Croes a splica cu e diseño di e logo di e campaña Cumpra Local tin tres figura cu tin dos significacion, e prome significacion ta e hende cu ta nos fortalesa. Pa medio di e campaña aki, nos hendenan y henter comunidad lo bai beneficia di dje. E di dos significacion ta cu e figura ta simbolisa nos negoshinan, negoshi micro, chikito y mediano. E figuranan ta conecta cu otro cual ta tipifica e e compromiso cu cada cuidadano y comerciante tin cu Pais Aruba. E fluho ta simbolisa e placa cu ta keda circula den nos economia pa crea un economia sostenibel pa nos Pais. E logo ta consisti di cuater color, oraño, geel, blauw y shinishi. E color oraño ta nifica e determinacion di nos comerciantenan pa logra exito. E color geel ta nifica optimismo y positivismo, e pensamento positivo y actitud optimista di nos comerciantenan pa bay dilanti. E color blauw ta simbolisa e confiansa di nos hendenan y e stabilidad di e negoshi. E color shinishi ta nifica e compromiso di nos pueblo cu e comercio di nos Pais. CAMPAÑA CUMPRA LOCAL E campaña Cumpra Local lo concentra su publicidad riba medianan social, den corant, na radio y via television. Lo tin publicacion riba paginanan di Facebook di IDEA (IdeaAruba), Departamento di Asuntonan Economico, Minister di Finansa, Asuntonan Economico y Cultura, Small Business Event y tambe riba e paginanan di Actioncoach y Jeremy Wever (IamJeremyWever) cu ta promove negoshinan local. E campaña Cumpra Local a inicia cu publicacion di teaser durante cuater dia largo den corantnan y riba pagina di facebook di IDEA. Alabes nos yiu di tera internacionalmente conoci Jeon, a traha un jingle y videoclip cu e mensahe di ‘Cumpra Local’ cu lo bay ta na varios radio, television y tambe riba e paginanan
di facebook ariba menciona. Jeon tambe lo promove esaki riba su pagina di facebook. Durante e siguiente dianan sra. Louella Croes lo bay duna varios entrevista na radio y television pa duna mas informacion tocante di e campaña Cumpra Local. E campaña ta consisti tambe di entrevista educativo cu ehecutivonan di departamentonan di SVB, DIMP y DEZHI pa comparti informacionan importante tocante operacion di un negoshi. Hunto cu esaki lo tin entrevista cu varios entrepeneurs cu lo duna informacion tocante di e producto y/of servicio cu nan ta ofrece y tambe nan ta splica kico nan a haci y ta haciendo pa por sobrevivi e temponan dificial aki y ofrece nan oferta na comunidad. Pa e comerciantenan cu kier participa na e campaña por tuma contacto cu sra. Louella Croes na telefon, 521 2400/521 2439 of por manda un email na L.croes@deaci. aw. Importante ta pa e negoshi ta legalmente inscribi y tin su papelnan na ordo pa por participa. #DiNosPaNosMes Sra. Croes a haci un apelacion na cada cuidadano cu ora bo cumpra un producto of haci uso di un servicio local, por saca un potret y post e riba bo pagina di facebook cu #cumpralocal of #DiNosPaNosMes pa asina yuda promove e campaña Cumpra Local. Ban uni forsa pa asina hunto nos por crea y sostene empleo y nos comercio. Asina nos por crea un desaroyo di un economia sostenibel pa Pais Aruba y alabes nos por yuda stimula entrepeurship pa e futuro generacion.
Pagina 7
Dialuna 30 November 2020
SMFA A LAGA HACI E AREA ROND DI E RESERVOIR NA KIBAIMA LIMPI P’ASINA POR HACI MAS INVESTIGACION Stichting BOEi di Hulanda ta trahando riba e feasibility study y studiantenan di Hogeschool Rotterdam ta trahando riba e conceptonan pa e tankinan di awa. E idea ta pa por redestina e tankinan pa sea uzo pa agricultura, horeca, oficina etc. Si tin personan cu tin mas informacion of potretnan di antes di e tankinan por tuma contacto cu nos na info@
monumentenfondsaruba.com Tambe personan cu lo tin interes den ta parti di e proyecto di e tankinan den futuro y lo kier mas informacion por tuma contacto cu nos libremente. *Tene na cuenta cu e tankinan no ta den bon estado, si tin personanan cu bay cana den e area porfabor NO purba drenta den e reservoir.
Pagina 10
Dialuna 30 November 2020
Minister Andin Bikker:
E DI CUATRO VUELO DI REGRESO BOLUNTARIO PA VENEZUELA A TUMA LUGA AWE Awe merdia a sali e di cuatro vuelo humanitario di regreso boluntario pa hermana pais Venezuela. Un total di 139 persona mayor di edad a regresa awe riba e vuelo pa Venezuela, di cual un parti substancial tabata forma parti di e maneho di regreso boluntario. Na mes momento un grupo di 58 persona a wordo deporta base di e Ley di admision y expulsion ('LTU'). E maneho di regreso boluntario a wordo delinea pa minister di Husticia mr. Andin Bikker den cuadro di e pandemia ocasiona dor di e Corona-virus. E maneho a resulta sumamente exitoso cu un acogida positivo y hopi grandi cerca centenares di persona, cu den bista di e pandemia a opta pa regresa nan pais boluntariamente. Entretanto tabata tin vuelonan den cuadro di e maneho pa entre otro Argentina, Ecuador, Colombia, Haiti, Panama, Guyana, Santo Domingo, Peru, Venezuela y via Hulanda pa varios otro paisnan den Europa. Minister Bikker ta gradici tur instancia cu a haci esaki posibel, entre otro DIMAS, IASA, Guarda nos Costa, Directie Luchtvaart, Directie Buitenlandse Betrekkingen, Directie Volksgezondheid, y e Crisisteam di Covid19.
Dialuna 30 November 2020
Pagina 11
Pagina 12
Dialuna 30 November 2020
3 AÑA DI TRABOU DI ARMANDO LAMPE COMO MINISTER DI ENSEÑANSA, CIENCIA Y DESAROYO SOSTENIBEL Dia 13 di November 2020 a firma e Acuerdo cu Hulanda a consecuencia di COVID-19. Un di e prome condicionnan ta referi na Educacion. Den e Landspakket ta menciona cu mester mehora e calidad di directornan di scol y di maestronan, cu mester incrementa e abismo cu tin entre educacion y e mercado laboral, cu mester cambia e metodonan y materialnan anticua den nos scolnan y introdusi materialnan educativo mas moderno, cu mester logra un bon doorstroom denter di e sistema educativo, y cu mester crea espacio den e presupuesto pa reformanan. Tur e puntonan aki ta parti di e maneho di MinOWD. En berdad, Covid-19 a nifica un crisis sin precedente pa nos finanzas publico. Atrobe nos maneho a anticipa den cierto sentido e reto aki dor di nos plan di introdusi pa prome biaha un maneho financiero y di control financiero pa loke ta presupuesto di educacion. Den 2020 a bira realidad e departamento nobo, Dienst Uitvoering en Onderwijssubsidies. Nos plan no ta ensera corta riba e presupuesto sino e ta un reforma financiero, unda tur gasto cu ta innecesario of contra ley ta wordo reubica pa financia innovacion den educacion. Pesei nos ta yama bonbini e condicionnan pa educacion cu Hulanda a presenta cu e pakete di ayudo financiero, pasobra nan ta 100% di acuerdo cu loke ya nos ta ehecutando riba nos mesun forza. A corta den e uso ineficiente di presupuesto di Educacion pa haya mas espacion den e presupuesto di Educacion pa realiza innovacion, manera e Acuerdo cu Hulanda ta pidi. 2020 ta bai den historia como e aña di Covid-19. E gran perdedor di e crisis aki a resulta e industria di turismo y e gran ganador ta estudio online. Nos a proclama 2020 como Aña di Innovacion y Educacion sin sa cu Covid-19 lo accelera innovacion den educacion. Ya den nos plan strategico di 10 aña PEN 2030 e palabra clave tabata digitalisacion di enseñanza. Esaki a keda proclama na maart 2019 y un aña despues e realidad ta obliga nos di accelera nos plan. E acuerdo cu Hulanda tin razon di bisa cu nos metodonan y materialnan educativo ta anticua. A start e scol virtual na Ingles di K12, tanto na nivel primario
como secundario, den espacio di Biblioteca Nacional di Aruba. A cuminza cu e scol virtual na ingles y na na spaño pa muchanan migrante tambe na San Nicolas. Tambe nos Landsexamen ta bai ta online, es decir tur esnan cu ta desea di tin un Mavo, Havo of Vwo diploma, por opta awor via Landsexamen pa educacion na distancia. Enseñanza pa adulto ta bai ta mas tanto online pa loke ta e parte teorico. Den ciclo basico pa loke ta Havo nos lo implementa All you can learn unda nos alumnonan lo haya tur materia online.
Dialuna 30 November 2020
Continuacion 3 AÑA DI TRABOU DI ARMANDO LAMPE.... E Acuerdo cu Hulanda tin razon cu mester mehora e calidad di nos directornan y maestronan di scol. A inicia e realizacion di DigiPabo, cu ta e formacion di nos futuro maestronan, den cooperacion cu Hogeschool InHolland. Mescos ta tumando lugar cu e Katholieke Pabo di Zwolle. Nos ta stimula nos hobennan pa studia educacion superior online, tanto via universidadnan di Hulanda como di Merca. Pesei ta habri Educentre na JFK Centre den cooperacion cu Departamento di Estado di Merca. Pa nos hobennan special nos ta start tambe na augustus un programa online via Time4Learning realiza pa Fundacion Muchila Creativo. Pa nos scolnan special ta trahando pa implementa e programa Doen In cu lo yuda cu e calidad di educacion. A risibi e bon noticia cu Scol Dornasol a keda acepta pa Rino Zuid di Amsterdam como un lugar di aprendizahe pa studiantenan academico di e institucion renombra aki. E scol aki a cumpli cu tur e exigencia internacional di cuido special y ta creciendo rapidamente, ya cu e ta responde na un necesidad grandi den nos comunidad. Den e aña escolar aki a conoce otro tipo di innovacion. A inicia scol Montessori tanto primario como secundario. Ta bai inicia e prome scol publico bilingual, Hulandes y Ingles, ehecuta pa De Schakel di Fundacion Educacion Combina, unda Noord ta bai conose su Mavo-Havo-Vwo. Na Mon Plaisir di SPCOA ta habri un Havo nobo, y asina nos ta bai tin cuatro scol Havo subsidia pa gobierno, a pesar di tur e limitacionnan financiero. E Acuerdo cu Hulanda tin razon ora ta exigi reforma den bo educacion di ofishi. EPB y EPI no por keda mas mescos. No tin suficiente doorstroom ni suficiente match cu e mercado laboral manera e Acuerdo cu Hulanda ta bisa. Loke e mundo digital awor ta ofrese den skills di ofishi te sin limite. Nos studiantenan di EPB y EPI mester ta djis connected pa duna nan mas oportunidad cu loke nan tin aworaki. Pesei ta den exploracion acuerdonan cu institucionnan educativo renombra na Hulanda y na Merca pa promove un miho educacion di ofishi. Por ultimo, e crisis di Covid-19 ta ensera un mensahe cu e planeta Mundo por draai sin nos sernan humano, pero ta nos tin mester di e planeta. Cuida nos naturaleza mester bira parti esencial di nos sistema di educacion. Of e ta Educacion pa Desaroyo Sostenibel of e no ta sirbi. Pesei nos Ministerio di Educacion, Ciencia y Desaroyo Sostenibel ta fomenta den e aña escolar nobo construccion di green houses y community gardens pa siña nos muchanan planta y cosecha mayan.
Pagina 13
Pagina 18
Dialuna 30 November 2020
Departamento di Salud Publico:
DRUMI SUFICIENTE PA COMBATI COVID-19 Drumimento
ta
un
componente vital, hopi biaha neglisha, di un persona su salud y bienestar general. Drumi ta importante pasobra e ta e momento cu nos curpa ta recupera y haya energia pa un otro dia. Drumimento suficiente y di bon calidad ademas ta yuda preveni subimento di peso, problema di curason y ta contribui pa recupera mas liher despues di un malesa. Durante soño bo sistema inmunologico
ta
produci
kimiconan cu ta yuda combati infeccion,
inflamacion
y
malesa. Si e curpa no ta haya suficiente soño e ta stroba e produccion di e kimiconan protectivo aki. Specialmente
den
e
temporada aki di COVID-19 ta hopi importante pa bo percura pa haya suficiente ora di soño pa bo ta fuerte y bon prepara pa si COVID-19 bati na bo porta. Drumi por lo menos 7 ora y ‘Boost bo Defensa!’! #DrumiSuficiente #BoostBoDefensa #DVGAruba See Less
Pagina 19
Dialuna 30 November 2020
Departamento di Salud Publico:
UPDATE 30 DI NOVEMBER 2020 Segun resumen di awe 13 persona a recupera, a registra un total di 7 caso nobo di Covid-19, di cual 1 ta noresidente, cantidad di testnan ehecuta ayera ta 481 ‘positivity rate’ local riba dia di awe ta 16%). Activo tin awe ta 108 caso, cantidad di fayecido relaciona cu Covid-19 ta na 45. Hospital ta informa cu tin un total di 5 persona interna di cual 1 ta den Cuido Intensivo y 4 isola riba piso general. Ta urgi cada persona pa sigui proteha bo mes na tur instante. Bo no sa kende por tin e virus pa cual motibo bo mester sigui proteha bo mes. E yamado ta na comunidad pa den e dianan di fiesta venidero, sigui mantene distancia, sigui aplica higiena, sigui uza tapaboca, sigui test pa covid sibo tin sintoma, sigui mantene isolacion of cuarentena ora bo wordo instrui, sigui cumpli y sigui cuida. Di forma aki nos lo por disfruta di e dianan festivo sano den compania di nos famia y sernan stima.
Aruba ta conta cu bo!
Pagina 20
Dialuna 30 November 2020