Diamars 31 Mei 2022
Pagina 1
Diamars 31 Mei 2022
Email: IslaOnline@gobierno.aw Tel: 528-4952
Pagina 2
Diamars 31 Mei 2022
Gobierno ta cla y no mester di uitstel:
PROME MINISTER A INFORMA PARLAMENTO RIBA E STOPMENTO DI RECORTE DI 5% DI SALARIO Y DI E 12.6% NA 2023 “Hunto nos ta logra bienestar y progreso di nos comunidad” Gobierno di Aruba, siman pasa a anuncia cu Aruba a yega na un areglo cu Hulanda pa paga bek e recorte di salario. Hulanda a pone algun condicion riba mesa. Prome Minister Evelyn Wever-Croes a indica cu Aruba mester cumpli cu e condicionnan ey y entrante juli di 2022 por paga e 5% na empleado publico y semi-publico y otro aña por elimina ful e 12.6%. “Esaki mi a anuncia caba y nos a papia di dje cu Secretario di Estado Alexandra van Huffelen y e tratamento lo a bay Rijksministerraad di awe mirando cu diabierna ta un dia liber na Hulanda”, Prome Minister a duna di conoce. Minister Plenipotenciario na Hulanda señor Guilfred Besaril a informa Rijksministerraad cu Aruba ta acepta e condicionnan. Ya caba desde siman pasa Prome Minister a cuminsa traha riba esaki na unda a bin un poco mas detaye acerca. “No ta tur ta mes facil pa cumpli cu nan pero nos compromiso ta pa cumpli cu tur e condicionnan pa percura cu na juli tur trahado publico ta haya su 5% bek. Esaki Minister Plenipotenciario a informa nan tambe y ami a papia cu Secretario di Estado ayera extensamente riba esakinan y nos a yega na un acuerdo adicional na kico Aruba tin cu atene su mes y ki tempo”, Prome Minister a enfatisa. Dialuna 23 di mei, Prome Minister a bay Parlamento tambe pa splica e situacion mirando cu dos di e condicionnan ta den nan area. No ta tur Parlamentario a aprecia esaki. “E parlamentarionan di MAS y e parlamentarionan femenino di AVP a haya cu ta un falta di respet cu mi a bay Parlamento cu esaki. Sra. Mervin Wyatt-Ras a puntra mi kico mi a bay haci eyden y si ta wega mi ta hunga pero ami a bay pa transparencia pasobra ta hopi importante mirando cu cada ciudadano di nos pais ta representa den Parlamento y e recorte di salario a causa hopi daño na nan”, Prome Minister a duna di conoce. Parlamento a manda un carta pa Prome Minister na unda cu
nan a informa cu nan lo duna tur di nan parti pa por cumpli cu e condicionnan pa asina Gobierno por duna empleadonan publico y semi-publico na juli e 5% bek y otro aña ful e 12.6%. Prome Minister a remarca tambe cu Gobierno ta purbando si por elimina e 12.6% completo pero den e presupuesto a tene cuenta cu 5%. Minister Plenipotenciario na Hulanda a indica cu Gobierno no mester di uitstel y Aruba ta cla pa continua y cumpli cu nan. Corsou y St Maarten a pidi pa uitstel y pa pospone e decision aki pa asina nan minister tambe por papia cu Secretario di Estado van Huffelen. Sra. Van Huffelen diaranson ta na Corosu y diahuebs ta na Sint Maarten y e Premiernan no a haya chens pa papia cu ne prome cu e Conseho di Minister na Hulanda diaranson. Pa cua motibo tambe nan a pidi pa pospone. “Aruba si a indica cu ta cla pe. Ademas ta condicionnan cu nos tin cu Hulanda pa nos por yega na stop e recorte mas lihe cu ta posibel. Nos a cuminsa cu tur e trabounan caba y nos lo percura di cla na tempo pa asina por duna tur hende nan placa bek. Hunto nos ta logra bienestar y progreso di nos comunidad”, Prome Minister Evelyn Wever-Croes a duna di conoce.
Diamars 31 Mei 2022
Pagina 3
Pagina 4
Diamars 31 Mei 2022
NPSA TA LANSA CONCURSO DI DISEÑO como simbolo pa programa di conscientisacion
Den cuadro di e National Plan for Stray Animals (NPSA) den cual ta enfoca riba conscientisacion di nos comunidad como tambe den nos sistema di educacion primario y secundario a haci peticion na tur directiva di scolnan secundario pa nan permiso pa haci un concurso di diseño bou di nan alumnonan.
grandi - hopi mas grandi cu hopi hende ta realisa.
E intencion ta pa diseña un cacho cu lo bira e simbolo pa e material di educacion tocante "Responsible Pet Ownership" - un campaña asina tambe conoci como "Sea un Doño Responsabel".
Na luna di april 2022, minister Ursell Arends a lansa e NPSA, y a anuncia tambe e campaña di cooperacion cu Post Aruba N.V., Bureau City Inspector y KPA. Parti di e plan di NPSA ta pa enfoca riba educacion y conscientisacion di e problema, y enfoca riba e doño su responsabilidadnan ora di scoge pa tin un mascota, y promove prevencion di reproduccion indesea tambe. Cu esfuersonan di cada un cuidadano nos por reduci e fluho di cantidad di mascota cu ta ser bandona.
Apesar cu Aruba conoce un Ley di Cacho (Hondenverordening) cu entre otro ta obliga tur doño pa tene nan cacho den nan cura, nos tin un populacion hopi grandi di cacho riba caya causando molester pa comunidad. E problematica di cacho riba caya ta
Minister Arends kier motiva tur alumno di scol secundario pa participa, crea un simbolo pa e esfuersonan di educacion, y haya e chens di gana un premio atractivo! Acudi na bo maestro di CKV pa mas informacion.
Diamars 31 Mei 2022
Pagina 5
Pagina 6
Diamars 31 Mei 2022
EDUCAMPUS ARUBA CU UN DIA DI EXPERIENCIA DEN ARTE NA CAS DI CULTURA
Educampus Aruba tin e grato placer di invita henter comunidad pa bini y mira e resultado final di nos muchanan den area di arte plastico. Durante henter un aña, bao guia di e artista Natusha Croes, e muchanan a ser instrui pa crea diferente pintura, dibuho, instalacion cu ta expresa nan mundo imaginativo. Esaki den yuda nan desaroya nan facultadnan creativo & innovativo. Pa un dia so henter pueblo lo por bin disfruta di diferente obra di arte cu lo ta na benta tambe p’asina recauda fondo pa por sigui desaroya e Facultad di Arte den crecimiento. Diaranzon 1 di juni 2022 lo ta un dia caminda creatividad y arte lo ta bibo. Y for 11or AM pa 2or PM lo tin un tour, guia door di e muchanan mes. Di 4or pm pa 7or pm lo tin musica, un photobooth divertido pa un & tur por conmemora y saca potret cu e obranan crea. Tambe lo tin bebida & snacks, keda invita pa bini apoya & disfruta di un atardi ameno na galeria di Cas Di Cultura. Entrada ta completamente gratis.
Pagina 7
Diamars 31 Mei 2022
Minister Xiomara Maduro den su discurso di inclusion financiero di e hende muhe na Aruba:
UN GRUPO GRANDI DI HENDE MUHE TA ACTIVO DEN COMERCIO NA ARUBA, TA FIGURA DEN POSICION DI MANEHO Y TA OCUPA UN POSICION FINANCIERO
Durante e seminario di liderazgo femenino, Minister Maduro a presenta algun informacion di e participacion di e hende muhe den comercio na Aruba y tambe a duna un bista di e cantidad grandi di hende muhe cu ta figura den posicion di maneho of ta ocupa un posicion den e mundo financiero di nos Pais. E hende muhe ta activo den comercio For di cifranan compila pa Camara di Comercio por mira cu tin un grupo grandi di hende muhe cu ta activo den comercio na Aruba. Den un grafico presenta, e mandatario a splica cu den e ultimo 5 aña, tin 3225 hende muhe cu ta forma parti di e hunta di directiva den e mundo empresarial. Di e grupo aki, 36% ta doño di un compania, 31% ta director di compania, 6% ta miembro di hunta di directiva, 6% ta representa como apoderado y 5% ta den funcion di secretario. Si compara cu e hende homber den sector comercial, por bisa cu e hende muhe ta bon representa cu 42% compara cu e 58% di e presencia masculino. Casi mitar di posicion di maneho ta den man di hende muhe Informacion compila pa Departamento di Estadistica, Banco Central y Departamento di Labor, ta revela cu mas hende muhe ta tuma e reto di un funcion den maneho. Casi mitar (49.4%) di e posicion nan di maneho na Aruba ta wordo ocupa pa un hende muhe. Un grupo grandi di hende muhe ta ocupa un posicion financiero Den e mundo financiero na Aruba, na 2019 un total di 49% tabata hende muhe. Compara cu aña 2010 cu 51%, tin un bahada di
locual ta e hende muhe activo den e mundo financiero, pero asina mes e representacion di e forza femenino den e mundo financiero ta grandi.
Pagina 8
Diamars 31 Mei 2022
MONUMENTENBUREAU TA TRAHA CU 3 LISTA PA CU MONUMENTO Monumentenbureau ta trece informacion, pa por educa e pueblo di Aruba tocante e listanan di monumento Oficina di monumento tin tres lista cu nan ta traha cu ne: 1. Lista di atencion; 2. Lista di candidato monumento; 3. Lista di monumento proteha. Lista di atencion (aandachtslijst): E lista di atencion ta un lista cu edificionan of obhetonan cu ta wordo evalua pa bira un candidato pa bira un monumento. Den un articulo anterior cu e titulo, “Monumentenbureau ta informa e proceso con un edificio por bira un Monumento”, ta haya tur e rekisitonan con un edificio por bira un monumento. Hopi biaha nos ta haya jamadanan pa bin evalua un edificio si eta bin na remarce pa bira un monumento. Tambe Monumentenbureau, den ora di trabou of den nos tempo liber ta wak un edificio of obheto y nos ta tuma su datonan pa nos por haci nos evualacion pa wak si e por bin na remarce pa bira un monumento. E monumento no ta discribi ainda pa por haya proteccion y e lista aki no ta publico. E ta un lista interno di Monumentenbureau. Lista di candidato monumento (kandidaat monumentenlijst): E lista di kandidato monumento ta un lista cu edificionan of obhetonan cu a wordo evalua for di e lista di atencion. E lista aki tin actualmente 323 edificio of obheto. For di e lista aki ta saca un edificio of obheto pa bay discribi esaki. Ainda no ta cuminsa cu e proceso pa proteha esaki. E lista aki ta cambia kada pasa un tempo, loke nos ta jama cu e ta un lista variabel y no ta publico. E ta cu lista interno di Monumentenbureau. Lista di monumento proteha (beschermde monumentenlijs): E lista di monumento proteha ta un lista cu edificionan of obhetonan proteha. Den e lista aki tin actualmente 37 monumento cu ta proteha. E monumento a pasa dor di e proceso pa wordo discribi y e procedura legal pa wordo inscribi den e Regristro di Monumento. E lista aki ta publico. Bo por reconoce e edificionan of obhetonan cu ta proteha dor di un seyo cual ta un plakkaat cu ta wordo pega na muraya parti dilanti di e edificio of obheto, mayoria biaha riba e porta pricipal. E Seyo ta basa riba e arkitectura di nos pais. Specificamente pa e casnan di e estilo “Cas Decora”. E casnan aki ta decora cu diferente dibuho of simbolonan. E storia tras di e simbolonan ta varia. E simbolo specifico aki di un flor cu 6 blachi cu ta riba e Seyo tin e nificacion di “proteccion”. E color blauw ta e color internacional cu despues di segunda guera mundial ta pa indentifica edificionan monumental (Blue Shield). Ainda e color blauw ta wordo usa na hopi pais pa identifica e monumentonan.
Asina Monumentenbureau ta duna informacion tocante di nos listanan di monumento. E contenido di e descripcion monumental di un monumento scribi den e Registro di Monumento y ta obtenibel a cambio di un pago. Por tuma contacto cu nos na oficina na e number di telefoon: 583-5938 y na email: monumentenburo@setarnet.aw .
Diamars 31 Mei 2022
Pagina 19
Pagina 14
Diamars 31 Mei 2022
MINISTER ENDY CROES TA DESEA SELECCION DI LANDAMENTO TUR CLASE DI EXITO DEN PANAM AQUATICS SWIMMING CHAMPIONSHIP
Diamars 6’or y 15 di mainta Minister Endy Croes tabata presente na aeropuerto internacional Reina Beatrix pa saluda y desea nos seleccion di landamento exito. Nos seleccion ta competi den e 2022 Panam Aquatics Swimming Championship cu ta tuma luga na Trinidad & Tobago di 2 pa 5 di juni proximo. Un total di 17 pais ta competiendo y e competencia aki ta sirbi como clasificacion pa e Weganan Panamericano Santiago 2023 cu ta tuma luga otro aña na Chile. Seleccion di Aruba ta consisti di: Czyaleah Lampe, Eva Kock, Genisis lacle, Liv Farro, Chloë Farro, Jayrick Winterdal, Ian Croes, Inald Fernadez Perna, Braynsly Dirksz y Arvid Farro. Como headcoach lo fungi Ismael Santiesteban mientras e guia lo ta Charissa Kock- Croes. Aruba ta biahando cu un seleccion relativamente hoben cu pa algun ta nan prome competencia internacional. Boso por. Ban pe!
Diamars 31 Mei 2022
MINISTER ENDY CROES TA FELICITA E GANADONAN DI ‘BEST VS BEST POINT SERIES #2’ Diasabra ultimo Minister Endy Croes a bishita e competencia di ‘Best vs Best point series #2’ cu a tuma luga na Jaburibari BMX Track. E mandatario di Deporte a presencia e competencia alabes entrega premio na e ganadonan di BMX ‘Best vs Best # 2’. Minister Endy Croes a expresa cu nos muchanan y hobennan tin hopi talento. Pabien na tur e ganadonan y pabien na organisadonan. Pa 2023 ta bay tin un campeonato internacional. Keda pendiente.
Pagina 15
Pagina 20
Diamars 31 Mei 2022