Diabierna 9 Februari 2024
Pagina 1
Diabierna 9 Februari 2024
Email: IslaOnline@gobierno.aw Tel: 528-4952
Pagina 2
Diabierna 9 Februari 2024
8 di maart, Dia di Hende Muhe
PROME MINISTER TA INVITA TUR HENDE MUHE PA RESERVA E FECHA PA CU E CELEBRACION DI DIA DI HENDE MUHE: INSPIRA INCLUSION DI HENDE MUHE
Mundialmente ta celebra Dia Internacional di Hende Muhe riba 8 di maart. Esaki ta un dia cu tur hende ta para keto y evalua e rol di hende muhe den comunidad. Esaki tambe ta un dia unda ta reconoce e hende muhenan pa e lucha pa progreso. Gobierno di Aruba ta kere den stimula e hende muhe pa mas y mas asumi e rol cu nos ta desea e hende muhe asumi. Prome Minister Evelyn Wever-Croes en conexion cu e Dia di Hende Muhe, ta extende un invitacion na henter e pueblo di Aruba, pa reserva e fecha, 8 di maart, pa asina celebra e dia importante aki hunto cu Gobierno di Aruba. Pa cu e celebracion aki, cu lo hiba e tema, Inspira Inclusion di Hende Muhe, lo invita oradornan, cu lo inspira tur ser femenino cu nan mensahe pa specialmente pone rol di hende muhe central. Tambe lo tin un session di ‘panel discussion’ riba tema di inspira inclusion di hende muhe. E aña aki, Nacionnan Uni, relaciona cu e dia aki, a bin cu e tema "Inspire Inclusion", pa trece e mensahe, cu na momento cu nos inspira otronan pa compronde y balora inclusion di hende muhe, nos ta creando un miho mundo. Y na momento cu e hendenan muhe ta inspira pa ta inlcui, nan lo crea un sentido di pertenencia, relevancia, y poder. “Tin un dicho famoso cu
ta bisa: “Hende muhe ta manera un saco di te, bo no sa con fuerte un hende muhe ta, te ora bo hinc’e den awa cayente. Y esaki ta e mensahe cu nos kier pasa pa tur hende muhe na Aruba”, Prome Minister a expresa. Tur informacion relaciona cu e celebracion aki, lo wordo anuncia den e siguiente dianan nos dilanti. Keda pendiente y reserva e fecha, 8 di maart pa hunto celebra e dia aki.
Pagina 6
Diabierna 9 Februari 2024
ARUBA TIN SU REINA DI TUMBA 2024 DEN PERSONA DI GILIANE WESTER CU SU CANCION “BARANCA” Masha pabien na e ganadonan y danki na tur tumbero cu a participa
Aruba por a disfruta di un bunita Festival di Tumba na unda un publico grandi a bin pa apoya nos tumberonan local. Minister di Cultura tabata presente pa sostene nos tumberonan y musiconan. Na final di e anochi e resultado di Festival Tumba 2024 a wordo anuncia como lo siguiente:
Rookie of the Year: Sendy Loefstop a bay cu e premio “Rookie of the Year”.
Reina di Tumba: Giliane Wester cu su cancion “Baranca’, compositor Ronwayne Kock y areglista Denny Loefstop.
Miho Banda Uniforma: Pa anochi aki ‘Bomboshi Band’ a ricibi e premio como e banda miho uniforma.
Prome Finalista: Richard Quant cu su tumba “Tras di e baricada’, compositor Richard Quant y Gibi Doran y areglista Xemio Jacobs.
Miho Composicion: E tumba cu a conta cu e miho composicion a resulta di Giliane Wester “Baranca” , cual a wordo composita pa Ronwayne Kock.
Segundo Finalista: Jerwin Hernandez cu su tuma “Dr. Tumba’, compositor Ronwayne Kock y areglista Denny Loefstop. Ganado Tumba Loco: Tyson Croes cu su tumba “Pat’i Camel”, compositor y areglista Janiro Eisden y Rygel Isabella. Best Costume: Jerwin Hernandez a sali ganado como Best Costume.
Artista Mas Popular: E artista mas popular di e anochi a resulta Giliane Wester.
Miho Areglo: E premio di Tumba cu miho areglo a bay pa Giliane Wester “Baranca” cual a wordo aregla pa Denny Loefstop. Minister di Cultura ta yama danki na tur cantante-, finalista-, musico y organisadornan pa engrandece Festival di Tumba y na publico presente a disfruta di un e tremendo festival di Tumba. Ban laga e Tumba “Baranca” resona y cu nos baila esaki den nos paradanan di Carnaval 70.
Diabierna 9 Februari 2024
Pagina 7
Pagina 8
Diabierna 9 Februari 2024
ARUBA A PERDE UN PIONERO DI E MUNDO DI TURISMO NA ARUBA Awe ta bai sosega un pionero di Aruba su Turismo, sr. Harold Malmberg. Ta para keto pa recorda cu hopi aprecio e tremendo impacto cu sr. Malmberg tawata tin ariba e crecemento di Aruba su turismo. Un visionero cu nos ta admira pa su dedicacion y compromiso pa posiciona pais Aruba como un destinacion di turismo na hente mundo. Un persona cu a contribui sin fin pa beneficio di henter comunidad di Aruba. Un alma bondadoso cu tras di cortina y hopi modesto y discreto a extende yudansa na hopi persona den necesidad. Semper sr. Malmberg tawata tin palabranan di conseho balioso na personanan cu ta enfrentando retonan y dilemanan, y semper a demostra un curazon bondadoso, un spirito generoso, y actonan di compassion. Sr. Harold Malmberg ta un di e pioneronan tras di creacion y desaroyo di De Palm Tours. Tambe a nombra sr. Malmberg pa medio di un Decreto Real pa su gran contribucion na e sector di turismo di Aruba. Tambe, mester menciona cu e tawata e visionario fundador tras di e Fondo di Pension pa e Sector Turistico di Aruba, considerando e necesidad pa e futuro di empleadonan di e Sector Turistico ta wordo protegi door di un Fondo di Pension. E tambe a kere y para como sostenedor di e privatizacion di Aruba Tourism Authority. u e legado profundo y e recuerdo di Harold por ta un inspiracion pa tur generacion. No solamente pa su exito como empresario pero tambe pa e caracter excepcional cu e semper a mustra durante su bida. E ta sirbi como un ehempel pa e generacionnan mas hoben, cu e balornan y virtudnan cu ta conduci no solamente na exito personal, pero
tambe unda dedicacion y sacrificionan di un persona ta duna bendicion na hopi. Minister Dangui Oduber ta extende condolencia mas profundo na famia y tur ser keri. Cu sr. Harold Malberg sosega na paz.
Pagina 14
Diabierna 9 Februari 2024
MINISTER ENDY CROES TA DESEA HENTER PUEBLO DI ARUBA UN FELIZ CARNAVAL 70. BAN CELEBR’E CONSCIENTEMENTE! Aruba ta den e ultimo weekend di carnaval, en conexion cu esaki Minister di Enseñansa y Deporte Endy Croes ta desea Aruba un dushi Carnaval 70. Alabes Minister Endy Croes ta gradici SMAC pa organisa nos carnaval. Tambe, Minister Endy Croes ta gradici Stichting Musica, tur grupo di carnaval, carnavalista, monarca di carnaval, boluntario y tur esnan cu a contribui pa haci e celebracion cultural di mas grandi di nos pais posibel y exitoso. Tambe, mandatario di Enseñansa y Deporte ta felicita tur musico, cantante y bandanan musical cu a briya riba escenario y ta gradicinan pa deleita Pueblo di Aruba cu nan talento y excelente cancionnan. Pueblo di Aruba por presencia un carnaval 70 grandi, luhoso y espectacular yena di creatividad, fantasia y color. Proteha nos muchanan corda uza “sunblock”, bebe hopi awa y uza earplugs pa cuida e oido. Danki pa engrandece Aruba su Carnaval 70. Ban celebr’e conscientemente!
Pagina 20
Diabierna 9 Februari 2024