Goiberri 196. zenbakia

Goierritarraren eta Otamotzen astekaria

196. zenbakia. 2016ko ekainaren 24a

Aniztasuna koloreztatuz Goierriko Zubia taldearen jiran dabiltzan lau lagunek haien bizipen eta sentipenak azaleratu dituzte 8-11 Sexu Askapenaren eta Harrotasunaren Nazioarteko Eguna da ekainaren 28a. Goierrin biharamunean egingo dute ekitaldia. WWW.FREEPIK.COM

02 GOIBERRI

PUBLIZITATEA

GOIBERRI 03

KATE MOTZEAn

MIKEL ALBISU

Jose Antonio Aldanondo Irakasle erretiratua

«Edozein mendi tontorretatik ikusten dira paisaia ederrak» Mikel Albisu Lazkao Jose Antonio Aldanondo Ttantton (Lazkao, 1950) urte askoan San Benito ikastolan irakasle izan da. Gaur egun ere haurrekin harremanetan jarraitzen du Amalur mendi elkartean mendi irteerak antolatuz.

«Haurrak kuadrilLatxoan joan eta jolasean inplikatuz gustura joaten dira mendira, bestela jai dago», dio Aldanondok. Dena den, «jaitsi egin da irteeratara doazen haurren kopurua. Aldiz helduen talde finkoago bat dago orain. Baina, gazteak falta dira eta gu oso ikusiak gara».

Mendi bat paisaiaz gozatzeko.

Igotzeko Mendi bat .

Amets bat.

Aratz.

Euskal Herrian denok egunero-

kotasunean euskaraz hitz egitea.

Edozein tontorretatik ikusten dira paisaia ederrak.

Jaso duzun oparirik bereziena.

Alabaren eta bilobaren jaiotzak.

Pelikula bat.

El bueno, el feo y el malo.

Liburu bat.

Lander Garroren Gerra txikia.

Musika talde bat.

Zeri diozu beldurra?

Egan.

Zerk sortzen dizu irribarrea?

Abesti bat.

Xalbadorren heriotzean.

Janari bat.

Gauza politak eta haurren malizia gabeko ateraldiek.

Txuleta.

Edari bat.

Sagardoa.

Oporretarako leku bat.

Ezkarai.

Diruz laguntzen duten erakundeak: Udalak: Altzaga, Arama, Ataun, Beasain, Itsasondo, Lazkao, Olaberria, Urretxu, Zerain, Segura eta Zumarraga

GOI B ERRI

Bereziki ezeri ez, baina iluntasunak errespetua sartzen du.

Goierriko txoko bat.

«Euskal Herrian denok egunerokotasunean euskaraz hitz egitea dut amets»

Argitaratzailea: Goierriko Hedabideak SL Zuzendaria: Iñaki Gurrutxaga Kudeatzailea: Ione Berasategi Koordinatzailea: Tere Madinabeitia

Diseinua eta banaketa: Bidera zerbitzuak. Berria Taldea Lege gordailua: SS-1638/2011

Lazkaomendi.

Herriko alkate bazina...

Elkarlana eta adostasuna bilatuko nuke pentsamolde ezberdineko jendeen artean.

Lazkaon biziko ez bazina?

Gustura bizi naiz Lazkaon.

Egoitzak: Beasain:

Webgunea:

Oriamendi, 32. 20200.

Posta elektronikoa:

goiberri.eus

Urretxu:

goiberri@hitza.eus

Iparragirre, 11 (Kaletxiki). 20700.

Publizitatea:

Telefonoak: Beasain: 943-16 00 56 Urretxu: 943-72 34 08

Bezero arreta / harpidetzak:

607 530 424 – publi@goiberri.eus 902-82 02 01 – harpidetza@hitza.eus

04 GOIBERRI

IRITZIA

Joseba Imaz Ganzarain Kazetariae

Nostalgia udatiarra

art iluntzean, lanetik atera berritan, gertatu zitzaidan. Paseotxo bat emanez nindoan etxera, egunean zehar izandako gora beherak nire kolkorako errepasatuz, eta halako batean jabetu nintzen dagoeneko zerbait aldatu dela kalean. Zortzi t'erdiak eta haurrak oraindik kalean jolas bizian, bikote gazteak parkeetako bankuetan solasaldi goxoan, helduak tabernetako terrazetan, eguna estiratu nahian bezala. Guztientzat eguzkiaren epeltasuna eta argia gozagarri.

Abisatu zidan iloba txikiak orain dela aste pare bat. Astebururoko opor motxak bukatzera zihoazela eta laster opor luzeak hasiko zituela. Uda bazetorrela, alegia. Eta urtarorik beroenarekin batera iritsiko zela gozamena, kostaldera iritsi eta itsasoa parez pare ikusten dugunean bezala, gure aurrean eder eta zabal.

Udak berekin dakar libertate sentsazio bat, aisialdia eta abenturarekin lotzen gaituena.

Norbaitek esango du oporrekin zerikusia duela sentimendu horrek; laneko edo eskolako opor garaiak uztaila eta abuztuaren jiran izaten ditugulako eta horrek berak pizten duelako guregan denbora-pasarako joera, edo paraje nahiz aktibitate berriak sortzeko grina.

Hala izango da ziur asko. Bai-

B

na nire iritziz bada sentsazio horretan zerbait barrukoagoa, intimoagoa.

Pentsa bestela urtaro honi lotutako zenbat momentu eder pilatzen ditugun bizitzan zehar, zenbat oroitzapen eta irudi gordetzen ditugun buruan. Bizitzako prozesu osoa laburbiltzeko kasik balio dutenak. Lehen aldiz bi gurpiletan bizikletan ibiltzea lortu zenuenekoa, Urbasan familiarekin egindako egun-pasak, udalekuetan egindako lagun berriak, lehenengo muxua, inglesa ikastera Inglaterrara joan zinenekoa, munduko txoko ezberdinetako jendea ezagutzeak sentiarazten duen zirrara, lagunekin egindako parranda hura Nafarroako herri galdu batean, hainbeste kostata baina igo zenuen mendi tontor hura, selektibitatea egin ondoren bizitako sanjoanak, unibertsitateko lagunekin egindako bidaia hura, noizbait desio izan zenuen neska edo mutil eder hura, boluntario moduan Ertamerikan bizitako esperientzia, bekadun bezala izandako pasadizoak, iraileko azterketak prestatzeko egindako sakrifizioak, hainbeste amestutako herrialde hori ezagutzeko aukera...

Seme-alabak dituztenek, gainera, imajinatzen dut haien esperientziekin lotuko duela uda garaia. Haurrak lehen aldiz hondarra ikutu eta sentitu zuenekoa, familian egindako lehen oporraldia, umeen irriba-

ÂŤBadu udak ‘lehen aldiz’ espresioarekin lotura berezi bat, iniziazioarekin eta askatasunarekin lotzen gaituen halako gauza eder batÂť

rrea gurasoekin hainbeste denbora pasatzean... eta oraindik behintzat imajinatu ezin ditudan xehetasun eta sentipen asko.

Badu udak lehen aldiz espresioarekin lotura berezi bat, iniziazioarekin eta askatasunarekin lotzen gaituen halako gauza eder bat.

Hortaz jabetzearekin batera, halako nostalgia udatiar moduko bat pizten duena gainera.

Behin batean entzun nion Bernardo Atxagari berak ez zuela nostalgia atsegin, iraganera lotzen gaituelako eta gauza berriak sortzeko hegoak mozten dizkigulako. Arrazoia izango du idazle asteasuarrak, iraganeko oroitzapenei iltzatuta bizitzeak oraina bizitzeko modua mugatzen digu eta.

Baina egia da baita ere, bere neurrian, iraganeko oroitzapenei esker bizitzako pasarteak berriz dastatzeko aukera izaten dugula. Uda garaiaz ari garela, bestalde, datozkigun aste hauekin gozatu eta gauzak lehen aldiz egiteko grina sorrarazi dezake nostalgia edo oroimin honek.

Nostalgia udatiarra tarteko, konturatzerako etxera iritsi naiz nire lan ondoreneko paseo honetan. Beste behin ere, datozen hilabete hauek aprobetxatzeko eta gauza berriak egiteko determinazioa hartuta.

Nik ere ilobak hainbeste errepikatzen dituen opor luzeak izango banitu sikiera...

GOIBERRI 05

IRITZIA

Asteko irudia

Josu Maroto

Naturan mila kolore Barraskiloak, Lesbiana, Gay, Transexual, Bisexual, Intersexual eta + kolektiboa...

Naturan bada mila aukera...

Pike moduko bat dugu legazpiarrok Zumarraga-Urretxukoekin. Bizilagunak ditugu eta ia derrigorrezkoa da hori gertatzea.

Oñatiarrei Bergarakoekin gertatzen zaie baina Legazpi eta Oñatiren artean, ordea, ez, alboan izan arren. Pike hauek anaia-arreben artean sortzen diren horietakoak bezalakoak direla iruditzen zait niri, ukabilkada bat hemen, irain bat han. Gure antzekoak direnekin egoten diren ika-mikak guztiz arruntak dira. Legazpi eta Oñati antzekoak ez direla argi dago; txantxikuak beste eskualde batekoak dira, finean. Baina Beasain, Idiazabal, Zaldibia, Zegama… horiek badira gure eskualdekoak, goierritarrak omen gara denak, eta hala ere hain desberdinak. Honek zalantzak sortzen dizkit, zeren niri ikastolan Urola Garaikoak garela irakatsi zidaten. Eta hara, identifikatuagoa sentitzen naiz Zumarraga, Urretxu edo Ezkio-Itsasokoarekin Legorretakoarekin baino, adibidez. Gure Esku Dagoren ekimenez herri kontsultak izan ditugu Goierrin eta uste dut bertan ikusi dela gure eskualdekideetatik zein urrun gauden. Gure inguruan,

Urola Garaian, emaitzak «baikorrak» diren arren, Goierriko emaitza orokorrak apaldu dituzte, eta hala ere, ni behintzat, oso harro nago lortutako parte hartzearekin. Inor ez dadila haserratu, baina ezin ditugu gure herriak Ataunekin konparatu. Legazpi (%20,96) Ataunekin (%59,41) konparatzea, Legazpi Oñatirekin (%35,68) konparatzea bezalakoa da. Ezkio-Itsaso agian bada goierritarragoa...

Nagore Belastegi

bat eta

Ezagutzen dut, bai, aipatzen duzun sentsazio hori. Gogoan dut joan den ekainaren 5eko kontsulten biharamunean horretaz hizketan aritu ginela erredakzioan. Gipuzkoako edo Euskal Herriko beste herri batzuetako lankideek harridura eta dezepzio nahasketa batekin ikusten zuten emaitzen arteko alde hori. Zehazkiago, batez ere Zumarragak beste herri batzuekin alderatuta zenbatutako parte hartze eskasa nabarmentzen zuten. Aipatu ziren Oñati eta Azpeitia, gertutasun geografikoagatik eta Goierrin emaitza altuenak izan zituzten herriek biztanle kopuruari dagokionez dezente txikiagoak direlako. Konparaketak konparaketa eta parte hartzea nabarmen baxuagoa izan zela ukatu gabe (%13,43), gai honetan azaletik muinera joan beharko litzatekeela uste dut. Noski, lortutakoa balorean jarriz, emandako urratsa benetan garrantzitsua delako. Baina baita ere aurkezten diren erronkei helduz. Izan ere, bistan da aldeak nabarmenak direla herri batzuen eta besteen artean. Soziologia oso ezberdinak identifikatzen dira, demagun,

bat

Iraia Oiarzabal

Idiazabalen, Oñatin eta Zumarraga-Urretxun. Horretara egokitzen egongo da, ene ustez, gakoetako bat. Ahuleziak eta indarguneak identifikatu eta lehenengo horiek aukera bihurtzeko lan egiten.

Horretarako atmosfera ezin hobea sortu du Gure Esku Dagok. Baikortasunetik eta parte hartzetik lan eginez. Orain arte aldentzen gintuen zartatua josi eta Herri hau elkarlanetik eraikitzeko sarea osatuz.

06 GOIBERRI

GAZTEAK

ÂŤEntrenatzean eta kilometroak egitean dago sekretuaÂť Aritz Urra (Lazkao, 2000) txirrindulariak Gipuzkoako Txapelketa irabazi berri du kadeteen 2. mailan, OĂąatin.

Xabier Meabe Lazkao Atleta, futbolaria, txirrindularia... zaila da Aritz Urraren kirol ibilbidea hitz batez definitzea.

Une honetan, txirrindularitzan dabil buru-belarri Inoxcra-Beasain taldean.

Lehenik eta behin, zorionak garaipenagatik. Nola ikusi zenuen zure burua lasterketan?

Oso gustura, egia esan. Ez nuen halakorik espero. Karreran zehar ongi moldatu nintzen, eta garaipenak asko asebete ninduen. Udanako mendatean pasa nuen estuen, hamabost bat txirrindulari lasterketa-buruan jarri ginenean.

Garaipena bereziagoa izango zen zure urtebetetze egunean lortuta, ezta?

Justu goizean, lasterketaren aurretik, komentatu genuen oparirik honena hori izan zite-

Babeslea

XABIER MEABE SARRIEGI

keela, eta hala izan zen. Urte batzuk barru hau kontatzea anekdota polita izango da, bai.

Nola doa denboraldia?

Maiatzean hasi nintzen txirrindularitzan, ordura arte futbolean ibili naizelako. Zentzu horretan, badakit nire taldekideak ni baino prestatuago daudela, azken finean askok urte osoa ematen dutelako horretan. Entrenatzean eta kilometroak egitean dago sekretua.

Denboraldiaren erdia egin duzue. Gerorako zer asmo duzu?

Nire asmoa denboraldia amaitzea da. Nahiz eta gero ziur ez jakin zer egingo dudan, udazken aldera jubenilekin parte hartzeko aukera izango dugu.

Ziurrenik negu aldera gimnasioan entrenatuko dut, eguraldia hobetzen denean errepidera itzultzeko.

Goierrin txirrindularitzak indar handia du gazteen artean.

Bai, gazte asko gabiltza. Gure taldean, esate baterako, aurreko ikasturtean 10 ginen eta aurten 15 gara. Gure artean harreman ona dugu, eta lagunak egiteko oso kirol egokia da. Era berean, erreferentetzat ditugun txirrindulariak ingurukoak izatea ere motibagarria da.

Futbolean ere bazabiltza. Eta atletismoan ere ibilitakoa zara.

Non kokatzen duzu zure burua?

Egia esan, kirol guztiak prakti-

katzea gustatzen zait, baina hainbat ezaugarri direla eta, elkarrekin konbinatzeko zailak dira. Dena den, futbolarekin amaituta txirrindularitzari ekinda, gustatzen zaizkidan kirolak konbinatzen asmatu dudala esango nuke. Datorren urtean, ziur aski, bi kirol horien artean aukeratu beharko dut.

Nola koordinatzen dituzu kirolak ikasketekin?

Aurten egia esan, ongi moldatu naiz. Baina hurrengo urtean Batxilergoko lehen mailan hasiko naizenez, ziur aski ikasketetan gehiago zentratu beharko dut.

Ea denerako denbora ateratzea lortzen dudan, izan ere, edozein kiroletan ibiltzeak denbora eta dedikazio handia eskatzen ditu. Txirrindularitzan, esate baterako, astean bost egunetan entrenatzen dugu.

GOIBERRI 07

KIROL AGENDA

Goierriko ultra-traila uztailaren 8tik 10era Uztaileko bigarren asteburuan jokatuko dira Ehunmilak ultra-traila (168 km), Goierriko Bi Handiak (88 km) eta Marimurumendi mendi maratoia (42 km). Zazpigarren edizioa dute lehen bi probek, eta maratoiak bigarrena. Hiru probak batuta, 1.105 lasterkari inguru elkartuko dira hiru egunez Beasainen eta inguruetan.

Probari buruzko informazioa: www.ehunmilak.com

Segako bi finaletan ariko da Igor Esnaola Igor Esnaola segalari legorretarrak bi final jokatuko ditu hamabost egunen buruan. Igandean, hilak 26, Gipuzkoako azkartasuneko sega txapelketan lehiatuko da Zizurkilen (18:00etan), eta uztailaren 10ean, Asteasun, Gipuzkoako ohiko sega txapelketaren finala jokatuko du. Bi modalitateetako egungo txapelduna da Esnaola.

Webgunea: www.herrikirolakgipuzkoa.eu

Kirol ekitaldiak Txirrindularitza. Gipuzkoako Itzulia. Olaberria-Olaberria (ekainak 25) eta Segura-Segura (ekainak 27). Juniorrak.

I. GURRUTXAGA

Ohiko ibilbidea izango du Ordiziako Klasikak Azken bi edizioetan Gaintzako aldapa pikoa erabakigarria izan da Ordiziako Klasikan, baina aurten ez da hala izango, Txapel-Gorriko antolatzaileek ohiko ibilbidera itzultzea erabaki baitute. Uztailaren 25ean jokatuko da 93. Ordiziako Klasika, eta ibilbideak 165,7 kilometro izango ditu. Guztira 17 taldek hartuko dute parte.

Webgunea: www.ordizia-pruebavillafranca.com

Segalaritza. Gipuzkoako azkartasuneko sega txapelketa, ekainaren 26an, Zizurkilen. Igor Esnaola lehiatuko da.

Aizkora. Gipuzkoako 2. mailako aizkora txapelketa, uztailaren 3an, Usurbilen. Xabier Zaldua lehiatuko da.

Txirrindularitza. 89. Loinaz proba-VI. Jon Lazkano oroimenezkoa, uztailaren 17an, Beasainen. 153 kilometro.

Aizkora. Gipuzkoako 1. mailako aizkora txapelketa, uztailaren 26an, Mendaron. IĂąaki Azurmendi lehiatuko da.

M. IGARTUA

08 GOIBERRI

ASTEKO GAIA

Askatasunez bizi Sexu Askapenaren eta Harrotasunaren Nazioarteko Eguna da Ekainaren 28a; lesbiana, gay, transexual, bisexual, transexual... kolektiboaren eguna. Ostadar koloreak astinduz, askatasunez bizitzeko eskubidea aldarrikatuko dute.

Loinaz Agirre Mundu zabalean, 1969an New Yorkeko (AEB) Stonewall tabernan gertatu ziren istiluak gogoratzen dira Ekainaren 28an, Sexu Askapenaren eta Harrotasunaren Nazioarteko Egunean. LGTBI+ kolektiboak (lesbiana, gay, transexual, bi-

sexual, intersexual...) mundu osoan pairatzen duen jazarpena gogoratzeko eguna da.

1969an Stonewall tabernan, sexu langileek, transexualek, trabestiek eta homosexualek poliziari aurre egin zioten, eta hainbat egun iraun zuen matxinadak.

47 urte beranduago, pasa den ekainaren 12an, AEBetako Orlandoko Pulse dantzalekuan hildako 50 pertsonak ere gogoan izango dituzte aurten.

Goierrin ekainaren 29an Goierrin ere aireratuko dituzte ostadar koloreak LGTBI+ ko-

lektiboaren sexu askatasunaren aldeko egunaren harira. Eskualdean sortu berria da LGTBI+ kolektiboari elkartasuna adierazteko Goierriko Zubia taldeak, ekainaren 29an, Ordiziako Barrena kanpoko plazan prentsaurreko koloretsua egingo du 19:00etan. Ondoren ber-

Ander Matxain: «18 urte izan arte ezin hitz egin izateak zama handiegia izan zuela pentsatzen dut gaur, baina motxila hori kendu nuen arte ez nintzen konturatzen» «Ez da erraza gazte homosexual batek bere esperientzia kontatzea. Ez da inolako traumarik daukadala ez eta gaiari inolako beldurrik diodala ere.

Baina, zer kontatu dezaket interesa pizteko merezimendua izan dezakeenik? Armairutik ateratzea ene uste apalean arras gaizki izendaturiko fenomeno horretaz hitz egin nezake. Orduan 17 edo 18 urte nituen –ez naiz ondo oroitzen baina batxilergoko bigarren mailan nenbilen–. Harridura aurpegi asko ikusi nituen denbora gutxian eta nire galdera: «Hain arraroa al da ba?».

Zorionez nire alboan egon zen jende dezente zegoen; zorteduna ni, beste zenbaiten aldean. Nire buruarekin eta nire

orientazioarekin inoiz ez nuen arazorik izan, gehiago esanik ere, ez zitzaidan gehiegi axola baina, 18 urte izan arte horretaz ezin hitz egin izateak zama handiegia izan zuela pentsatzen dut gaur, baina motxila hori kendu nuen arte ez nintzen konturatzen. Hortik aurrera

«Zenbait hitzekin min asko egin dezakegu, eta beste batzuekin laguntza handia eman»

mutilei buruz lasaitasun osoz hasi nintzen solasean, pentsamenduak ezkutuan gorde beharrik gabe.

Unibertsitatea etorri zen horren ostean, mundu berri bat nire aurrean. Jada ez zegoen institutuko beldur hura, «eta orain jendeak zer pentsatuko du hau jakiten dutenean?».

Hasieratik izango bainintzan ireki eta aske, gustatzen zitzaionari ongietorria eman eta besteak ahantziz. Benetan esperientzia aberasgarria pentsatu daitekeen alde guztietatik.

Ondoriozta dezakedana eta edonori emango niokeen gomendioa botaz itxiko dut nire erretorika: orientazio sexualak ez du bakoitzak esleitzen diona

baino garrantzia gehiagorik, ez diezaiogun bada eman halako garrantziarik. Hala ere, uler dezagun horrelakoak bizitzen dituen gaztetxoa (edo ez hain gaztetxoa) ez dela beste guztien maila berean jokatzen ari (zoritxarrez hala da) beraz, izan gaitezen gure hitzen jabe eta neurtu dezagun esaten duguna (eta esaten ez duguna) zenbait hitzekin min asko egin dezakegun neurri berean, beste batzuekin laguntza handia eman baitezakegu».

GOIBERRI 09

ASTEKO GAIA

Iban Lage: «Inguruan izan ditudan pertsonei esker, beraien etika, heziketa edo ez dakit ziur zer, beren pertsonalitateek ni askeago izatea ahalbidetu dute» «Lehenedabiziz nire burua aurkeztuko dut: Iban Lage naiz, 1991n jaiotako Ormaiztegiko gazte bat. Nahiko gaztedanik jakin izan dut mutilak nituela gogoko, neskak gogoko nituen ziur jakin gabe. Izan ere, goiz maintemindu nintzen nik jakin ere egin gabe zer gertatzen ari zen, eta urte asko pasa nituen maitemindurik. Bi sexuekiko erakarpena sentitu izan dut, baina bietako batengatik bakarrik izan dut fisikoa. Egoera horretan eta nire etika izanik, eznuen inoiz neska batekin erlazio bat izateko ideia burutu nire homosexual egoera ezkutatzeko. Ez neukan esateko gogorik mutilak gogoko nituela, baina ezta ere gezurretan eta faltsukerietan ibiltzeko jendea engainatuz. Banekien egunen batean norbaitek galdetuz gero, egia esango nuela, homosexuala nintzela.

Ditudan lagunei eta familiari esker, beraien laguntza izan dut beraiek jakin ere egin gabe. Nire inguruan izan ditudan pertsonei esker, beraien etika, heziketa edo ez dakit ziur zer, beren pertsonalitateek ni askeago eta NI gehiago izatea ahalbideratu dute. Aspektu hau jendeak jakiteko beldurrak uxatuz eta niregan adore gehiago izan dezadan, pertsona hauek beharbeharrezkoak izan ditut, funtsezkoak.

Honela, 18 urte beterik, Beasaingo jaietan, nire bi lagunek, Ivanek eta Jonek, lehenengoz egin zidaten galdera: Iban, a ti las chicas… te gustan? (jajajajajaja, gaur egun pentsatu eta

izugarrizko grazia egiten dit, galdera hura formulatu zen momentuak). Noski, nik ez nuen espero momentu horretan gertatu behar zenik lehenengoz, benetan momentu bitxia baitzen, goizeko 6ak 7ak inguruan. Berehala erantzun nuen ezetz, ez nituela gogoko.

Eta berehala hasi ziren galderak, mutilen inguruan. Espero baino erosoago sentitu nintzen galderei erantzuten, eta batez ere erretxazurik ez ikustean eta halako interesa beraiengan ikustean.

Egun hartatik aurrera berdin jokatu izan dut, batzuetan ere nik pausoa emanik ere gertukoenekin. Azkenak jakiten nire gurasoak eta familia izan ziren.

Zatirik gogorrena izan zen, benetako beldurra ematen zidana. Aurretik jakin izan banu, ez nuen hainbeste zalantza eta beldur izango. Beti besteen babesa izan dut, eta inoiz ez dut erretxazurik jaso.

sentzia pixka bat sortzen, izan ere doakoa da, eta persona askotara ailegatzen zelako.

Hala, Goierriko Zubia aurkeztu zen egunean, bertara joan nintzen kuadrillako batzuekin gure elkartasuna eta laguntza ematera. Honela taldekoei nire laguntza eskaini nien, sare sozialetan eta beste arloetan laguntzeko, eta ordu gutxi batzuk geroago whatsappeko taldean sartu ninduten (jajajaja nire proposamena laguntza besterik ez zen eta taldekide egin ninduten). Modu pasiboan sartu

Goierriko Zubia Betidanik ikusi izan dut bai leku batean edo bestean horrelako kolektiboei babesa eta sostengua ematen dien taldeen beharra. Kasu honetan, Goierrik hutsune hori zuen eta gure taldekide batzuei esker, hutsune hori betetzeko bultzada sortu zen.

Taldean dudan laguna, eta bultzada hau eman duen pertsona horietako batek, Anderrek, taldea sortu zutela eta aurkeztera zihozeela esan zidan. Nik, berriz, ahal nuenarekin lagunduko niela esan nion, batez ere sare sozialetan pre-

«Banekien egunen batean galdetuz gero, egia esango nuela, homesexuala nintzela» «Horrelako kolektiboei babesa eta sostengua emateko taldeak beharrezkoak dira»

nintzela esan dezakegu, baina asko gustatu zitzaidan ideia, horrelako talde batean parte izatearen ideia, eta babesa behar duten pertsonei laguntza eskaintzea. Taldekide naizen lehenengo egunetik eta ahal dudan oro, parte hartzen eta laguntzen dihardut.

Gaur egun honelako taldeak beharrezkoak dira, egun gutxi batzuk atzera jota ikusi ahal izan genuen Amerikako Estatu Batuetan, honelako kolektiboek mehatxuak eta bortizkeriak jasaten dituztela. Nahiz eta munduko puntu ezberdinetan honelako kolektiboen egoera hobea izan, pertsonek ez jakintasun egoeratan oso gazki pasatzen dute, arbuiatua izateagatik, beldurragatik.

Mundu honetako pertsonek sexualitatearekiko eta identitate sexualekiko beldurrak eta fobiak ezabatu artean, Goierriko Zubia bezalako elkartasun taldeen beharra izango da. Honegatik naiz eta izango naiz taldekide».

10 GOIBERRI

ASTEKO GAIA

Gemma Urteaga: «Onartzeko ez nuen arazo handiegirik izan, nire baitan normala zen zerbait gisan hartzen nuen, baina banekien gizarteak ez zuela hala hartzen» «Hamaika urte nituenean ohartu nintzen neska bat gustuko nuela. Izugarrizko booma izan zen niretzat, homosexualitatea zer zen ere juxtu-juxtu nekien, eskerrak Operacion triunfo ren jarraitzaile sutsua nintzen. Gogoan dut nire homosexualitatea deskubritzerako Jesus Vazquez (Operacion triunfo-ko aurkezle zen orduan) miresten nuela, banekien gay-a zela eta beti normaltzat hartu nuen hori.

Neska bat gustuko nuela deskubritzean bera bihurtu zen nire erreferente bakarrean, gutxienez banuen norbaiten (miretsia zen gainera) berri. Zorionez urtebete lehenago matrimonio homosexuala onartu zen Espainian eta nire buruari esan nion: «Bueno Gemma, sentitzen duzuna behintzat legala da». Atera kontuak nolako egoera zen hura niretzat!

tso triki poteo animatua egingo dute, askatasunez bizitzeko aldarrikapena eginez eta sexugenero aniztasuna eta askatasuna oihukatuz.

Izan ere, aldarrikapen horretan laguntzeko sortu da Goierriko Zubia. Eskualdean, lesbia-

«Gurasoei 18 urterekin kontatu nien, ez nuen kanpotik jakin zezaten nahi»

Gogorra izan zen, hasieran nire buruari esaten nion neska bat gustatzen zitzaidala soilik, hau da, neska hura eta mutilak nituela gustuko. Urte eta erdi geroago ikusi nuen neska gehiagok erakartzen nindutela eta ez aldiz mutilek. Orduan garbi ikusi nuen ez zitzaidala neska hura soilik gustatzen, neskak gustatzen zitzaizkidan.

Onartzeko ez nuen arazo handiegirik izan, nire baitan normala zen zerbait gisan har-

Goierriko Zubiak prentsaurreko koloretsua egingo du ekainaren 29an, Ordizian

tzen nuen, baina banekien gizarteak ez zuela hala hartzen, eta hasiera hartan betiko isilean gorde beharko nuela pentsatu nuen, inori ezer ere esan gabe. Beldur izugarria nuen jendeari esateko neskak gustatzen zitzaizkidala, ez nekien gizarteak nola erreakzionatuko zuen.

Denbora aurrera igaro ahala bakarra ez nintzela ikusi nuen eta 16 urterekin kontatu nion lehen aldiz lagun bati, bera ni baino dezente zaharragoa zen eta bere sexu bereko pertsona batekin ari zen ateratzen, ondorioz banekien ondo hartuko zuela, liberatua sentitu nintzen, karga bat kendu banu bezala.

Hortik gutxira nire lagun min bati kontatu beharra sentitu nuen eta orduan bai, urteetako zama zeraman motxila arindu zen, lasai hartu nuen arnas.

Apurka- apurka maite nituen

pertsonei kontatzen joan nintzen eta bigarren batxilergoa amaitzerako ezkutatzeari utzi nion. Gurasoei ere 18 urterekin kontatu nien eta bikain hartu zuten. Ez nuen kanpotik jakin zezaten nahi eta ezkutatzen ez nuenez, erraza zen inork zerbait komentatzea, beraz nik neuk esatea erabaki nuen, ez esan beharra sentitu nuelako kanpotik entera zitezen nahi ez nuelako baizik.

Orain garbi daukat ahal dudan guztia egingo dudala LGTBI+ kolektiboaren alde, nire egoera berean dagoen jendeak nik igaro nuen beldur hori igaro ez dezan.

na, gay, transexual, bisexual eta intersexualen arloan hutsune bat zegoelako, eta kolektibo horren mugimenduan Goierrin ere aurrerapausoak emateko.

Hiru helburu nagusi ditu taldeak: belaunaldi gazteak eta gizartea heztea, informazioa zabaltzea eta babesa ematea.

Heziketari dagokienean, haurren eta gazteen heziketaz gain, gizartea heztea dute helburu. Besteak beste, norberaren esperientzia kontatuz, egoera berdinean egon daitezkeen goierritarrei lagundu nahi diete.

Lau orrialdeotan ageri diren

Ander Matxain gaintzarraren, Iban Lage ormaiztegiarraren, eta Gemma Urteaga eta Maddi Imaz beasaindarrak testigantzak horren adibide dira. Urteagak dioen bezala, «nire egoera berean dagoen jendeak nik igaro nuen beldur hori igaro ez dezan».

Informazioa eta babesa ere eman nahi ditu Goierriko Zubiak. Iban Lagek dioen bezala, «mundu honetako pertsonek sexualitateekiko beldurrak eta fobiak ezabatu artean Goierriko Zubia bezalako elkartasun taldeen beharra dago».

GOIBERRI 11

ASTEKO GAIA

Apirilaren 30ean aurkeztu zuten Goierriko Zubia LGTBI+ taldea Ordizian. A. APALATEGI

Maddi Imaz: «Nerabezaroan ‘nesken jantziak’ janzten hasi zen, makillajea erabiltzen... eta honek izugarrizko trabak jarri zizkion bere egunerokotasunean» «Zakilarekin jaio zen emakumea, horixe izan zen nire ahizparen kasua.

Prozesua oso gogorra izan da, bakoitzak topatu duen errealitateari aurre egiteaz gain, gizartearekin borrokatu beharra duelako, eta esan beharra daukat gogorrena hori egin zaigula.

Bera txikitatik izan da beste neska txiki bat gure artean, nahiz eta hasieran fisikoki ez azalarazi eta nerabezarora iritsi zenean gizarte honetan aipaturiko nesken jantzia k janzten hasi zen, makillajea erabiltzen...

Eta honek izugarrizko trabak jarri zizkion bere egunerokotasunean aurrera jarraitzeko or-

duan, azken finean ingurukoak berarekin sartzen zirelako, ez bakarrik sartu, baizik eta jipoitu, txistua bota, eta abar honek denak bere ibilbidea zama batekin egitea bideratu dio.

Bestalde, esan beharra daukat dena ez dela amaitzen itxuraz aldatzen zarenean, transgeneroa zarenaren etiketak jarraitu egiten baitu eta bizitza guztian zehar gainean baituzu, besteek ez zaituztelako beste neska edo mutil bat bezala ikusten. Honekin ere, ibilbideko motxilaren zama handitzen joaten da.

Ahizpa bezala sufrimendua latza da, ez da oso samurra be-

raren egoera eta horrek ekarri dituen ondorioak bizitzea, ulertzea eta onartzea oso garrantzitsua bilakatzen da, baina errespetatzea da ezinbestekoa dena. Txikitasunetik naturaltasun osoz hartu izan dut nik, eta

«Ulertzea eta onartzea oso garrantzitsua da, baina errespetatzea ezinbestekoa da»

pertsona bezala handitu naitekeela esan dezaket, honek denak erakutsi egiten baitizu: aniztasuna aberatsa dela, pertsonaren izatea bezalakorik ez dagoela eta hori atera egin behar dela, baina batez ere edozer gauzaren aurretik pertsonak garela».

12 GOIBERRI

GARAI BATEAN

‘Arriantxo’ sasi-medikua Legazpiko Zabaleta baserriko Jose Frantzisko Arsuaga (Legazpi, 1821-1909), ‘Arriantxo’ ezizenez ezagunagoa, sasi-medikua famatua izan zen bere garaian.

Gaixotasunak antzemateaz gain, sendagaiak ere berak prestatzen zituen.

Loinaz Agirre Legazpi Iaz Arriarango San Pedro jaietan, Arriantxo pertsonaia berreskuratu zuten auzoko festen ikur. Arriantxo, egiazko pertsona zen, Jose Frantzisko Arsuaga, hain zuzen ere. Arriarango Ola baserritik Legazpiko Zabaleta baserrira joandako Jose Domingoren semea. Hantxe bizi dira oraindik Arsuagatarrak.

Arriantxoren birbilobak Inazio Arsuagak eta Rosa Aizpeolea emazteak Arriantxori buruz etxean entzundakoak kontatu dizkiote GOIBERRI-ri.

1821. urtean jaio zen Arriantxo eta 88 urterekin hil zen 1909an. «Zazpi urterako morroi joan zen Legazpiko Hegialde auzora eta 14 urterako, ganaduaren gaitzak antzematen omen zituen. Berezkoa izango zuen», dio Arsuagak. Legazpiko Botika Zaharrean ere ikasten aritutakoa dela dio, bertakoa baitzuen laguna. Animaliak eta pertsonak sendatzen aritzen zen, zaldi zuriaren gainean. Hori bai, «inori ez zion kobratzen.

Borondatea eskatzen zuen».

ba sendatu zuelako. Hatz botika egiten ere erakutsi zion: «Sarna esaten diote orain».

Hezur baten faltan

Rosa Aizpeolea eta Inazio Arsuaga, Arriantxoren tresnekin. L.AGIRRE Oraindik etxean gordeta dauzkate Arriantxok erabiltzen zituen hainbat medikuntza tresna. Baita XVI. mendean argitaratutako larruzko azala duen sendabelarren liburu bat ere; Salamancan aurkitua dute kopia berdina. «Harritu egiten naiz liburu horretatik nola ateratzen zuen informazioa. Ulertzea ere!», dio Arsuagak. Izan ere, gaixotasunak antzemateaz gain, sendagaiak ere berak prestatzen zituen.

Arriantxoren fama laster zabaldu zen eta etxera gaixoak joaten zitzaizkion. «Gaixoak etxera etortzen ziren eta batzuk bertan gelditzen ziren sendatzen», gogoratu dute.

Brinkola eta Zegama arteko Tunel handia egiten aritu zen ingeniaria ingelesaren alaba ere sendatu zuen. «17 urteko alaba zuen eta hilerokoaren arazoekin ibiltzen zen. Sendatu egin zuen, eta ohea eta komoda bat oparitu zizkion aitak ala-

Oñatira ere asko joaten zen Arriantxo. Behin, Oñatiko mediku batek salaketa jarri zion egiten zuen lana legez kanpokoa zelakoan. Salaketa kentzeko erronka jarri zion Oñatiko medikuak: «Eskeletoa osorik muntatuz gero, salaketa kendu egingo ziola». Arriantxok honela erantzun omen zion: «Nola nahi duzu muntatzea hankako hezur bat falta bada!». Salaketa barkatuta iritsi zen etxera.

Jarraitzailerik ez Belaunaldiz belaunaldi Zabaleta baserrian jaso duten istorioen arabera, Arriantxok ez zuen jarraitzailerik izan. «Inazioren amak egiten zuen zerbait. Lapikotxo, hatz botika eta errearentzako ukendua, eta estomagoko nerbioentzat ere egiten zuen aspaldi.... Etxean ere hartzen zituen gaixoak», azaldu du Rosa Aizpeoleak.

14 GOIBERRI

GURE LURRA

Segura, karakolen erreinua Markos Urdangarinek barraskilo haztegi bat jarri zuen martxan Seguran, langabezian geratu eta gero.

Josune Zarandona Segura Eraikuntzaren burbuilaren eztandak jende askoren bizitzan eragin zuen. Ordura arte eraikitako bizimoduak eskuetatik ihes egin zienaren sentsazio mingotsa jabetu zen askorengan. Markos Urdangarini ere errotik aldatu zitzaion bizitza.

22 urtez topografo bezala lan egin eta gero, lanik gabe gelditu zen. 53 urte zituen, emaztea eta bi seme alaba, eta etorkizuna beltz begitantzen zitzaion. Kolpea «handia» izan zela aitortu du, eta «pentsatzeko denbora asko» izan zuela. Buruak bueltak emateko lan horretan, bizilagun batek emandako ideia gorputza hartzen hasi zen bere baitan, eta barraskilo haztegi bat martxan jarri zuen orain hiru urte Seguran.

Barraskiloei buruz «ezer ez» zekien, eta Interneten bila aritu eta gero, Zaragozara joan zen ikastaro bat egitera. Bertako maiorista batek proiektu bat egin zion, eta hura oinarri hartuta Seguran, senitarteko batek utzitako lurretan, negozioa martxan jartzeko lehen pausoak eman zituen. «Urte negargarria izan zen, gaizki planteatutako proiektuan sinetsi nuen, barraskilo txarrak saldu zizkidaten, denak hil zitzaizkidan.

Asko inbertitu nuen haztegia eraikitzeko eta ezer ez nuen produzitu», esan du. Baina

etsitzetik urruti, aurrera egiteko bide berriak aztertzeari ekin zion. «Inbertsioak jada eginda zeuden», eta Salamancara joan zen egiteko modu berrien bila.

Bide berriak urratuz Beste ikastaro bat egin zuen han eta haztegia martxan jartzeko kontzeptu berriak ikasi zituen. Modu berri horrek emaitza hobeak utzi zizkion iaz, baina ez nahi adinakoak.

«Botatako barraskilo umeetatik %70 hil zitzaizkidan, %30 bakarrik ekoitzi dut», esan du.

Horrek barraskiloen aktibazio prozesuan arazo bat dagoela pentsarazi dio eta aurten proba berriak egin ditu irtenbide bila.

Goiko bi argazkietan, Segurako barraskilo haztegiaren bi ikuspegi. Hirugarren argazkian, barraskilo kimuak pentsua jaten iluntzean. Laugarren argazkian, barraskilo nerabeak egunez lo.

Bosgarren argazkian, hidratatzen. Seigarrenean,15 orduz kopulatzen.

Zazpigarrenean, zuloa egin eta arrautzak jartzen, 80 eta 120 artean aldiko. Zazpigarrenean, barraskiloak sareetan bilduta garbiketa prozesuan.

Zortzigarrenean, kontsumitzeko prest. HITZA

GOIBERRI 15

GURE LURRA

Izan ere, «barraskiloa oso animalia zaila» dela uste du Urdangarinek eta haztegien inguruan informazio «oso gutxi» dagoela. Lehendabiziko barraskilo haztegiak «orain 50 bat urte sortutakoak izango dira, eta ez dakigu gehiegi sortze prozesuez». Gainera, kanpoan ikasitakoak ezagutza bat jasotzeko balio izan dio, baina gero, «lekuan lekura egokitu beharra dago, ez baita berdina haztegia Salamancan edo Seguran izatea». Inguruak, lurrak, hezetasunak eta bataz besteko tenperaturak eragin zuzena du barraskiloen ugalketaren arrakastan.

duktuari irteera ematea errazagoa egiten zaigu».

Barraskiloa oso animalia sentibera da, «ez du ez ikusten ezta entzuten ere», jasotzen dituen sentsazioen arabera bizirauten du. Barraskiloaren %90 ura da, horregatik «hezetasuna %70ekoa denean eta tenperatura 19 eta 30 gradu artean dagoenean egoten da gustuen».

Egoera horretan dagoenean aktibatu egiten da barraskiloa, «jateko, kopulatzeko, hazteko...». Haztegiaren barruan barraskiloak beraientzat propio prestatutako etxolatxoetan bizi dira: «Hezetasuna eta tenperatura kontrolatzeko artifizialki beraientzat egoera idealena sortzen da haztegian».

Elkartuta askoz hobe Orain egokitze fasean dagoela dio Urdangarinek, lekua ezagutuz eta barraskiloak ingurunera ahalik eta hobekien egokitzeko bideak asmatuz. Aurten 500.000 barraskilo ume bota ditu Segurako bere haztegian.

Orain heltze fasean daude, «uztailera bitartean». Bidean «%60 bat» hil egingo direla aurreikusten du, eta urduri dago aurtengo kanpainak emango dituen emaitzen zain.

Baina ez dago bakarrik. Salamancatik bueltan, Araban jada martxan zegoen barraskilo haztegi batekin jarri zen harremanetan «elkarrekin zerbait egin behar genuela proposatzeko». Proposamena begi onez ikusi zuten han, eta Bizkaian martxan jarri berria zen beste haztegi batekin batera elkarlanean hasi ziren. Horrela sortu zen Gorbea barraskiloak.

«Genetikoki eta elikadura aldetik barraskilo berdinak egiten ditugu hiruok. Elkartuta pro-

Emaitza berrien zain

«Barraskiloa animalia sentibera da, jasotako sentsazioen arabera bizi da» «Iaz, botatako barraskiloen %70 hil ziren; %30a baino ez genuen produzitu» «Barraskiloari puntua hartzea oso zaila da, hori da niretzat arazorik handiena»

Markos Urdangarin Barraskilo ekoizlea

Barraskilo jaio berriak apirilean botatzen dira haztegian eta uztailera bitartean egoten dira bertan hazten. Uztailetik irailera biltze garaia izaten da. Bost eguneko garbiketa prozesua izaten da gero, «barraskiloa kanpotik eta barrutik ondo garbitu behar da kontsumitu ahal izateko, horretarako egun hauetan jan gabe eta ahalik eta aktiboenak mantendu behar dira». Ura soilik erabiliz garbitzen ditu Urdangarinek guztiak banan-banan «esku lana da guztiz, neketsua». Garbitu eta gero potetan sartzeko enpresa batera bidaltzen dituzte barraskiloak «bertan ematen zaie azken garbiketa, esterilizatu egiten dira eta ur gazitan egosi.

Kontsumitzeko saltsa egin eta berotu baino ez dira egin behar barraskiloak».

Haztegian jaiotako barraskilo umeak hurrengo urteko kan-

painarako gordeko ditu, «hala gutxiago erosi beharko ditugu». Lozorroan mantendu beharko ditu «hezetasuna %60 azpitik eta 9 garduko tenperaturan», aktibatu ez daitezen.

Segurako haztegian duen etxolan gordeko ditu negua lozorroan pasa dezaten sareetan gordeta. Horrela egongo dira uztailetik apirilera. Bitarte honetan operkulazioa izeneko prozesu bat gauzatuko du barraskiloak, «kaltzioa sortuko dute barraskiloek eta pareta bat sortuko dute oskoleko zuloan, babesteko». Apirilean, berriz, haztegira pasatuko ditu barraskiloak, «bere kabuz aktibatuko dira, gustuko lekuan aurkitzean».

Hiru urte pasata, martxan jarritako proiektuaren inguruan makina bat hausnarketa egin ditu Urdangarinek. Atera duen ondorio garbienetako bat «barraskiloari puntua hartzea oso zaila» dela da. «Hori da niretzako arazoa», esan du. Gainontzean, hazteko barraskiloek ez baitute zaintza askorik eskatzen. Horretaz gain, konturatu da barraskiloak kontsumitzen dituen jende asko dagoela: «Ez nuen uste horrenbeste izango zirenik. Orain arte ekoiztu dugun guztia saldu dugu». Babes handia izan da gainera, Bizkaiko eta Arabako beste haztegiekin elkarlanean aritzea, «hirurok elkartuta egongo ez bagina, saltzerako orduan zenbait tokitara iristea zaila egingo litzaiguke».

Amaitzeko, senitartekoek eta lagunek emandako laguntza eskertu nahi izan du, «haiek gabe hau guztia ez litzateke posible izango. Hemen esku lan handia dago».

16 GOIBERRI

JAIAK

Zumarraga jaietan Ekainak 25,larunbata, Haurren Eguna: 11:00: Futbolaren egun herrikoia, Arigixao estadioan.

11:00: Alkateak alkate txikiari agintaritza emango dio festek irauten duten bitartean eta pregoia irakurriko dute. Ekitaldi honetan bertso eskolako haurrek abestuko dute.

11:15: XII. Pintxo lehiaketako sari banaketa.

Ondoren: Irrintzi taldeko gaztetxoen dantza saioa. Haur jolasak Zelai Arizti pilotalekuan.

12:00-20:00: Irrati emanaldiak, KAR elkarteak antolatuta, Antioko zelaitik.

13:30: Secundino Esnaola musika eskolako ikasleen kontzertua, Kalebarren-Areizaga plazan.

16:30: Haurren danborradako parte hartzaileak La Salle-Legazpiko ikastetxean elkartuko dira.

19:45: Goiargi abesbatzaren kontzertua, Mertzedariatar Lekaimeen elizan.

20:00: Ganso eta Ciaren Walkman kale ikuskizuna, Kalebarren Areizaga plazan.

22:00: Mozkorra parregarri opera komikoa, Zelai Arizti aretoan.

Ekainak 26, igandea 10:30-14:30: Arte eta eskulangintza azoka Euskadi plazan.

17:30: Sum magoa Zelai Arizti aretoan.

Ekainak 27, astelehena: 16:30-19:30: Zaldiz paseoak Zelai Arizti parkean.

Ekainak 28, asteartea: 11:00-13:00/16:30-19:30: Haurrentzako parkea eta txu-txu trena Euskadi plazan.

18:30: Apar festa, Euskadi plazan.

Ekainak 30, osteguna 11:00-13:00/16:30-19:30: Haurrentzako parkea eta txu-txu trena Euskadi plazan.

18:30: Apar festa, Euskadi plazan.

19:00: Ilunabar literarioa Antioko zelaian. Testuen irakurketa eta olerkien errezitaldia.

20:00: Txupinazoa eta pregoia (txosnetan).

20:30: Kontzertua KUn: Menphis MaďŹ a, Locco Motor, Godsuck, Adiktos al Kaos eta Taupada.

Ekainak 29, asteazkena 11:00-13:00/16:30-19:30: Haurrentzako parkea eta txu-txu trena Euskadi plazan.

18:30: Apar festa, Euskadi plazan.

Uztailak 1, ostirala 08:00: Asteroko azoka, Euskadi plazan.

12:00: Musika eskolako trikitilarien kalejira.

12:30: Haurrentzako poniak eta zezentxoak, La Salle Legazpi ikastetxeko jolastokian.

12:30: IV. Ni Naiz Hip Hop festa, graďŹƒtiak, idazleak, kontzertuak eta breakerrak, Zelai Arizti pilotalekuan.

18:00: Sagardo dastaketa bertako elikagaiekin egindako pintxoekin (txosnetan).

18:30: Gazteentzako zezenak La Salle Legazpiko jolastokian.

18:30: Antioko Amari ohiko bisita AntxiĂąako Ama txistulari taldearekin batera.

18:30: Buruhandiak eta Iratzarri dultzaineroak. Kultur etxetik irtengo dira.

19:15: Danborrada eta Zumarragako musika banda Euskadi plazan.

19:30: Eslavaren salbea parrokian, bertako abesbatzak abestuta.

20:00: The Reverendos taldearen kontzertua Zaparrada kolektiboak antolatuta, Kalebarren-Areizaga plazan.

20:00: Egan taldearekin dantzaldia, Euskadi plazan.

23:00: Elkarteen arteko 50. danborrada.

23:00: Leihotikan taldea (txosnetan).

01:00: Egan taldearekin dantzaldia, Euskadi plazan.

GOIBERRI 17

JAIAK

01:00: Euskal preso eta iheslari politikoen aldeko brindisa (txosnetan).

01:30: Kaos Etiliko taldea (txosnetan).

03:00: Aiaraldea Sound System (txosnetan).

Uztailak 2, larunbata, Santa Ixabel eguna 08:00: Txistularien kalejira.

09:30: Euskadi plazan elkartu eta agintariak eta herritarrak parrokiara joango dira. Handik, parrokiako kabildoekin batera, Antioko Amaren elizara igoko dira.

09:40: Field Target txapelketa, parke botanikoan.

11:00: Meza Nagusia. Hasieran, ezpata-dantza eskainiko diote Ama Birjinari eta ondoren prozesioa egingo dute.

12:30: Ohorezko aurreskua.

13:00: Bertso eskolako bertsolarien, Tolosako dultzaineroen eta trikitilarien saioa.

14:30: Herri bazkaria, bertsolariek eta trikitilariek alaituta.

17:30: Erromeria txistulari, dultzainero eta trikitilariekin.

19:00: Bederatziurrena eta arrosarioa.

19:30: Kalejira Pixie eta Dixie taldearekin.

20:30: Agurra eta itzulera.

21:15: Kaleko ezpata-dantza, Euskadi plazan.

21:30: Erromeria txistulariekin eta trikitilariekin, Euskadi plazan.

23:00: Erromeria (txosnetan).

23:15: Su artifizialak Astondoa etxearen eskutik.

23:45: Ixabel DJ Festa 4.0, herriko DJ-ak Kalebarren Areizaga plazan.

23:45: Diamante orkestrarekin dantzaldia, Euskadi plazan.

01:00: Pachawa Sound taldea (txosnetan).

03:00: Skabidean taldea (txosnetan).

Uztailak 3, igandea 09:00: X. Zumarraga-Urretxuko Kale Pintura lehiaketa.

09:30: Field Target txapelketa, parke botanikoan.

10:00: Plater tiraketa, OĂąatiko tiro zelaian.

12:30: Poniak eta zezentxoak, La Salle-Legazpi ikastetxean.

12:30: Dantza libreko txapelketa Zelai Arizti pilotalekuan.

16:00: 21. Mus Txapelketa, Bidezarren.

16:30: Xake txapelketa, Euskadi plazan.

18:00: Jokumovil haurrentzako parkea, Zelai Arizti pilotalekuan.

18:00: Poteo musikatua (txosnetan).

18 GOIBERRI

JAIAK

Ataun Aiako festak Uztailak 1, ostirala 16:00: Ume jolasak, Hiru txilipurditan taldearen erakustaldia.

Ondoren, txokolate beroa.

19:00: Sagardo eta sardina dastaketa.

21:30: Auzo afaria.

00:00: Kontzertua: Bi Bala.

Uztailak 2, larunbata 18:30: Zumarragako Musika Bandaren kontzertua, Euskadi plazan.

19:30: Errekortadoreak, La Salle Legazpi ikastetxeko jolaslekuan.

20:30: Areto dantzak, Euskadi plazan.

21:00: Kantu afaria (txosnetan).

23:00: Katekexix taldea (txosnetan).

00:00: Larrain dantza, Euskadi plazan.

00:30: DJ Oihan Vega, Euskadi plazan.

01:00: DJ Bull (txosnetan).

Uztailak 4, astelehena 11:00: Kozinatu Gazte! sukaldaritza tailerra, Zelai Arizti parkean.

12:30: Poniak eta zezentxoak, La Salle-Legazpi ikastetxeko jolastokian.

12:00: Idi probak, Euskadi plazan.

16:30-19:30: Zaldi paseoak, Zelai Arizti parkean.

17:30: Kulki: industriaren kirol parkea, Zelai Arizti parkean.

18:00: Idi probak, Euskadi plazan.

18:00: Hondarrezko eskulturak egiteko tailerra, Zelai Arizti parkean.

18:30: Kuadrillen arteko Grand Prix erakustaldia, La Salle-Legazpi ikastetxeko jolastokian.

19:30: Kantu poteoa Joxe Mendizabalekin.

20:00: Bote luze desafioa, duela 500 urte jokatzen zen pilota modalitatea, Zelai Arizti pilotalekuan.

20:00: Kontzertuak txosnetan: Rukula, Lumi eta Salda Badago.

11:00: Meza Nagusia.

Ondoren: Hamaiketakoa. Otsoak dantza taldearen emanaldia.

14:30: Herri bazkaria bertsolari (Zeberio eta Mañukorta) eta trikitilariekin (Santi eta Katxo).

19:00: Toka txapelketa.

21:30: Gazte afaria.

00:00: Petti eta Etxeko uzta.

Ondoren: Erromeria Bide batez taldearekin.

Uztailak 3, igandea 12:00: Kantu poteoa.

18:00: 30. Dantzari Txiki txapelketa.

19:00: Pilota partidak. Zubizarreta Arrillagaren aurka (alebinak) eta Mintegi Zubizarretaren aurka (seniorrak).

Ondoren: Aiako I. Pilota Txapelketa Herrikoiaren finala.

‘Sanpedroak’ Arriaranen Ekainak 29, asteazkena 11:00: Harrera udal agintariei eta meza.

12:00: Luntxa.

13:00: Herri kirolak: Iñaki Azurmendi eta lagunak.

14:30: Bazkaria trikitilariekin.

17:00: Mus eta Puntu txapelketa.

19:00: Toka txapelketa.

20:00: Toka txapelketa.

Uztailak 2, larunbata 18:00: Pilota partidak.

19:00: Haur jolasak.

20:30: Arriantxoren erreketa.

21:00: Afaria eta txotx irekiera.

GOIBERRI 19

JAIAK

Mutiloan ‘sanpedroak’ Ekainak 29, asteazkena

Uztailak 2, larunbata

13:30: Meza Nagusia.

14:30: Paella jatea.

Eguerdian: Bazkaldu aurreko poteoa.

14:00: Gazte bazkaria.

17:00: Umeentzako jolasak eta merienda.

21:00: Herri afaria.

00:00: Txerri harrapaketa.

00:30: Guri Bost eta Skalopep taldeen kontzertua.

Ekainak 30, osteguna 18:30: XIX. Patata tortilla lehiaketa. Ondoren jendeari banatuko zaizkio lehiaketako tortillak eta ardoa. Parte hartzeko Ostatun eman behar da izena.

19:30: Toka lehiaketa.

Iluntzean: Elustondo anai arrebekin erromeria.

Uztailak 1, ostirala 20:00: Sagardo dastaketa (24 sagardotegi). Taloak eta pintxoak jateko aukera. Afaltzeko oilasko errea egongo da.

23:30: Joselu Anaiak.

Uztailak 3, igandea Goizean: Segurako txistulariak.

11:00: Bola txapelketa.

11:30: Meza Nagusia.

12:00: Motor erakusketa.

12:00: Haurrentzako puzgarriak.

12:15: Txakolin dastaketa.

12:30: Gabiriako Goruntz dantza taldearen emanaldia.

Ondoren: Bazkal aurrekoa Elortza eta Larrañaga trikitilariekin.

18:30: Herri kirolak. Aizkoran: Azurmendi, Otaegi, Larrañaga eta

Mugertza. Harria jasotzen, Xabier Aranburu ‘Guzta’.

Ondoren: Elortza eta Larrañaga trikitilariekin erromeria.